بنوتة ووبس ©؛°¨غرامي جديد¨°؛©

واااااااااو بدااية موففققة ننتضر بارتات ثانية
ررررروععة

قصهہ هوَى ©؛°¨غرامي فعال ¨°؛©

_


شَآكرة لكِ
لروحكِ سنَآبل من رغدٍ . . !


منار الاحمري ©؛°¨غرامي جديد¨°؛©

روعة كملي واعتبريني من متابعيك :)

قصهہ هوَى ©؛°¨غرامي فعال ¨°؛©


بنزَل آلآجزآء آلآولى لآثَآره الحمَآس

لِي عودة مَع الجزء آلثَآنِي


قصهہ هوَى ©؛°¨غرامي فعال ¨°؛©


الجزء الثاني

بجـامعه الاميره نورة

طلعت من القاعه وطفشانة من الدكتورة وهواشها اللي م يخلص (( انا بياادر بنت بدر ال**** كذا تهاوشني قدام البنات وتخيليني مهزلة انا اوريك ياسمية بنت الكلـ؟؟؟؟؟ ))

جلست بالكافتيريا ودورت ع البنات بعيونها

ابتسمت وهي تشوف جوري جاية لعندها

جوري : صباحك ورد وفل ولوز

بيادر : صباح النور .. وين الباقين

جوري : أوو بيدو شكلك معصبه شوي أكيد هوشة جديدة مع دكتورة سمية

بيادر : أفف والله لا أوريها اخليها تتمنى لو أنها م أنخلقت أجل بيادر اللي طول عمرها تدخل وتطلع بكيفها تجي ذي القروية أم نظارة تهزأني وقدام البنات تخليني نكتة

جوري : ريلاكس حياتو م تستاهل وربك

بيادر : المهم هذي هتيف وشود جوا

هتيف : هاي

جوري وبيادر : هاي

جلسوا ..

شهد : أنا أحس اني لو أرمشت نمت

جوري : كلنا فينا نوم .. شجن مَ حضرت اليوم

هتيف : إيوة قال لي عمو رجلها فيها شعر طاحت من الدرج

بيادر : هههه شجن عليها حركات

هتيف : م حكيت لكم اخر خبر ..

شهد : اتحفينا مشتهين نتطنز

هتيف : شهاليل بنت عمتو نورة ابوي جابها للبيت أمس سلمت عليها ولا عاد شفت خشتها حابسة نفسها بالغرفه

جوري : وكيفها ؟ حلوة شينه طيوبة ولا ؟

هتيف : أممم من ناحية الجمال مَ أخفيكم حلوة أما اخلاقها مو عارفة سلمت علي بسكات

بيادر : ابوها سكير أكيد اخلاقها بالتراب

شهد : مأتوقع قبل سنتين جت عندنا خالتي نورة وتشكي لامي الحال وأظن معها بنتها لكن انا م نزلت لهم

جوري : اللي مو عارفته جدي ليه زوج بنته صغيرته دلوعته بسكير وأعمامي م حكوا شي وهي لا تزورنا ولا إحنا نزورها

هتيف : إيوة أنا استغربت كمان في قصه مخفينها عنا

بيادر : هوفا انتي لازم تسألين ابوك مو معقول إحنا ساكتين كذا وتجي بنت عمتنا م ندري من وين وتكمل حياتها معنا

جوري : لساني يحكني احتمال اتهور واتصل ع بابا واسأله عن قصة أخته المجهولة

شهد : المهم خلونا منها اليوم مجتمعين وأكيد بنعرف

هتيف : يب .. يبدو وش آخر الاخبار مع سمية ؟

يبادر بقهر : اسكتي لا أفرغ فيك قهري

شهد : أكيد هاوشتك .. بصراحة معها حق دايم تتأخري ولا تحكي لك شي وهالمرة أنفجرت

بيادر : بلا حكي فاضي أنا خلصت محاضراتي وطالعه باي

البنات : باي

قامت من الطاولة وطلعت من الكافيتيريا اتصلت ع سواقهم يجي ياخذها .. وقفت عند الخزانات وطلعت اغراضها وقفت بالساحة الخارجية .. لما وصل السواق لبست عبايتها الضيقة كانت بتطلع

بس أحد اعترض طريقها

*****************

هــَــآمِــــش . . .

*****************

سيف : هههههه بالله جد يعني كيف ؟

سامي بعناد : انا اللي عندي حكيته ماأبي اشبك معها ياخي مو غصب عاد

حسام : أقول يالخكري لا تفضحنا عاد

سيف : شوف حسام ولد عمك هذا يبيله إقناع والبنت بحالها يبيلها إقناع وش رايك ؟

حسام :بعدين تراها بوية ومو جد بتشبك معها بس بتسوي لها معروف

سامي : إنسوا وليه م تشبكوا معها أنت ولا هو ؟

حسام : انا حالياً ماخذ فترة نقاهة لذلك مَ بخاطري أشبك مع أحد يله سام ..

سيف : وانا بخطط لمستبقلي مَابقى غيرك ..

سامي برفض : مستحيييل ... الا اقول الصيفية وين قررتوا

سيف بتريقه : والله ماادري عن المدام

حسام: هههههه حلوة هذي .. أعتقد هالسنة بنسافر نيويورك

سامي : شي جميل والله .. كلنا ؟

سيف : حنا أكيد لاننا لاصقين مع عمي ابو هاني انتم م ادري

سامي : لا خير بقنع الاهل باقي ثلاث اسابيع ع الاختبارات

حسام لف بالكرسي الدوار : اقول بتجون اليوم ؟

سامي : اكيد الوالد ملزم علينا انا وطلال

حسام : وانت سيف

سيف بعد سكوت دام دقيقتين : وش سالفة شهاليل

حسام : هذي ياطويل العمر قصتها بالظبط ماعرف اللي اعرفه ان ابوها توفى من اربع سنين وعمتي نورة قبل شهرين والبنت عمياء

ومالها أحد غيرنا وبس

سيف : طيب عمتي نورة ذي وش أصلها

سامي : سبحان الله اختفت فجأة وطلعت فجأة

حسام : لا تلقون للموضوع بال كل شي بوقته حلو

سيف بهدوء غريب : أوكي عازمكم ع الغداء

قام وطلع

حسام : وش فيه ذا ؟

سامي : ماادري

*****************

هــَــآمِــــش . . .

*****************

طلع من المكتب وغارق بتفكيره . . .

" شهاليل " هالاسم يعرفه أكثر من أي أحد

هالاسم حلم فيه كثير وماحصله

أنصدم لما عرف أنها تزوجت بندر راح لها لبيتها وكان ناوي ياخذها ويهربوا سوا .. بس هي رفضت رفضت ترحل معه

تبي تبقى مع بندر اللي مايعرف الرحمه ولا يدلها

رجعت وماني منتظر أكثر لازم أرجعها لي

حس بإيد على كتفه وتسحبه سيف بحدة : خييير

حسام : يالاخو وين طرت ؟

سيف : ها ! لا ابد يله عازمكم بتشيليز

سامي : أي والله كثر خيرك

سيف : أمش ولا هونت

حسام : اقول مالو داعي تركبون سياراتكم لاننا راجعين بعد ربع ساعة

ركبوا مع حسام وراحوا ع المطعم

*****************

هــَــآمِــــش . . .

*****************

الظلام طاغي بالغرفه ..

والتكييف مظبوط ع آخر درجَة " برودة "

بالسرير الكبير جالسة بوسطه

ضامه رجليها وتبكي وش لها غير أنها تبكي هوايتها الدموع

شعرها منساب على اكتافها بحريه وجف بمفعول البرودة

رابع كابوس تحلم فيه وتصحى

مو قادرة تنام أرق مو طبيعي . . . رفعت راسها لان الباب انفتح

كانت أفنان تحسها طيوبة حيل بعكس الصغيره اللي ماتعرف اسمها

مبين انها مغرورة ومو طايقتها

جلست أفنان ع السرير وحطت ايدها ع ظهر شهاليل ومسحت عليه بحنان : ليه الحلوة تبكي ؟ مو قلنا خلاص مانبغى بكي مرة ثانية

شوفي حبيبتي اللي راح راح مستحيل يرجع قوّي ايمانك بالله

كذا انتي تعذبين أهلك بقبرهم .. اسمعي حياتي الدنيا كلها كذا

كلنا فقدنا قريب وعزيز علينا لكن قدرنا نتخطى هالشيء وانـ...

قاطعتها شهاليل : امي هذي مافقدتي امك ولا جربتي شعوري

هي الوحيدة اللي كنت عايشة عشانها راحت راحت ومن بقى لي

أفنان بهدوء : عارفه احساسك حبيبتي صعب الواحد يفقد

أمه بس أنتي أحسني ظنك بالله كملي حياتك لو شافت أمك حالك كذا

إيش بتحكي لك ؟ ممكن تعاتبك لآنه مايرضيها قطعة منها تتعذب

أنتبهي لنفسك صحتك تتدهور ولا تقولين انا عمياء ناقصه مستحيل

أكمل حياتي .. لا كثير عميان عايشين حياتهم كويس وأحسن مننا كمان لا تخلي الحزن يسيطر عليك ياقلبي يله تعالي معاي

شهاليل تمسح دموعها كلام أفنان بعث فيها أمل كان مفقود : وين

أفنان : لا تخافي اليوم ابوي عامل حفلة بشرفك هههه قدرتي ع الشايب .. بكشخك لانو العصر الناس جايين

شهاليل : مين الناس ؟

أفنان : أهلك خوالك ..

شهاليل : أخاف مايتقبلوني انتي عارفه .. طلعت كذا فجأة بحياتهم

ويمكن ...

أفنان : شهاليل وشبك كذا متشائمة أهلك غصب عليهم يتقبلونك ومثل مأنا حبيتك أكيد هما بيحبوك يله أمشي قدامي آخليهم يشهقوا من جمالك

شهاليل : ههههه جمالي

أفنان : خلاص أنتي شينه بس أمشي معي

شهاليل : ههههههه لا عاد مو كذا

أفنان : بتجين ولا سحبتك من شوشتك

شهاليل قامت معها وراحوا لغرفه أفنان اللي مدت لشهاليل منشفه : يله بدلك الحمام خوذي لك شور ع السريع م معنا وقت

نفذت شهاليل اللي قالته أفنان بصعوبة قدرت تتروش زين

طلعت وهي تحس بشوية أنتعاش

أفنان مسكت ألمجفف وبدت تجفف شعرها

*****************

هــَــآمِــــش . . .

*****************

بيادر بتأفف : خير

جميلة بخشونة " تومبوي طبعا " : الخير بوجهك ياحلو

بيادر : جميله أبعدي عني مو ناقصتك ترا

جميلة : ووعدك لي أمس ..

بيادر : م بينا شي وأنقلعي من وجهي أف

جميله حبستها بالجدار : لا عاد مااتفقنا كذا

بيادر تدفها : بعدي بس مالي خلقك والله

جميلة قربت من بيادر م بينهم الا مسافات قصيرة وأنفاسها بوجه بيادر الطفولي .. نزلت بيادر راسها وحست بضيق من قرب جميله

الكبير لها ..

جميلة يقالها رومنسية رفعت وجه بيادر والتقت نظراتهم

بيادر عقدت حواجبها بغيض هي طبعها كذا متكبره

وم تحب أحد يقرب لها تشمئز .. دفتها بقوة

جميله : هيه هيه ياحلوة وش جايك اليوم

بيادر حطت الشيلة ع راسها بإهمال : لا تقربين من اسيادك مرة ثانية كذا ..

وطلعت وخلتها .. جميلة ناظرتها بقهر وناوية عليها نية خبيثة

راحت وجلست مع قروبها " بويات مثلها "

حنان : أفا ابو جمال وشبك معصب ؟

جميله : بيادر

ريناد ضربت كتفها بخشونة : عادي ابو الشباب أكيد عليها الدورة

حصه : يعني اذا اليدي حقتك عصبت تعصب أنت بعد

جميلة : مو كذا شباب بكرا بنمسكها و........

حنان تغمز : عجيب وحنا معك

عفاف : أقول شباب أناا رايح النقل وصل

البنات : باي

حصة : وكيف بتسوي كذا

جميلة : سهلة .. انا اقولكم .....................!!


*****************

هــَــآمِــــش . . .

*****************

يتبـــع


قصهہ هوَى ©؛°¨غرامي فعال ¨°؛©


المغرب الساعه 6:46 دقيقَه

بيت أبو هاني

جوري تضم أفنان : ياحلوتي اشتقت لك

أفنان : ياهلا ياهلا .. وانا أكثر فديتك

جوري تغمز : اشتقتي لي ولا لاخوي

أفنان بخجل : وجع ..

جوري : أبد عادي اذا اشتقتي له ناظريني مقدرة حالتك المعنوية

هتيف : هههههههههه الله واكبر ..

شهد : ياحليكم لنا اسبوعين ماشفناكم

بيادر : م كأنها شايفتنا بالجامعه اليوم

شهد : أكلم أفنان وش عندكم أنتم ؟ اف عذال

شجن : ياربيي تخيلوا عطوني حرمان فالادب الانجليزي

جوري : ياحياتي شجونه ماتشوفي شر يارب

شجن : الشر مايجيك جورية

بيادر : وينها ؟

أفنان : مين ؟

بيادر :شهاليل

شهد : متحمسه لها بالمرة ..

أفنان ابتسمت : تاخذ العقل .. طيوبة وتنحب بسرعه

جوري : جيبيها نسلم عليها

أفنان قامت : اووكي ..

طلعت من غرفة الضيوف وعند الدرج رن جوالها

ردت بأبتسامة : الو

طلال : ها متى الوعد ترى بالحيل اشتقنا

أفنان : مو اللحين

طلال يشهق : متى اجل

أفنان : طليل قلتلك مو اللحين توكم جايين

طلال برطم بزعل : م يهون علي أجلس اتقهوى وانا ماشفتك

أفنان بخجل : طيييب شوي وأتصل عليك

طلال : عارفة وش ودي فيه ؟

أفنان : إيش ؟

طلال : ودي أجيلك وأشيــ... ولا آقولك خليها مفاجئة لا شفتك عملتها

أفنان : وش بتعمل ؟

طلال : مفاجئة ياحياتي يله باي

أفنان : باي ..

سكرت منه وهي تضحك زواجهم بعد الاختبارات وهي تنتظر ذاك اليوم على أحر من الجمر ذاك اليوم اللي بتصير فيه ملك لطلال

وهو ملكها ويختم على قلوبهم الترابط الابدي ..

صعدت غرفتها شافت شهاليل جالسة عند التسريحة

بقمة اناقتها لابسة فستان ناعم لونه اسود متداخل عليه اللون الاخضر والازرق والاحمر قصير لنص الساق .. مع كعب عالي لونه أبيض .. وظل خفيف مع بلاشر وقلوس وكحل

وشعرها ماسكته بطريقه غريبة ..

أفنان : يله شهلولة تعالي

شهاليل : والله خايفه افنان

أفنان : لا تخافي انا معك

أبتسمت افنان عشان تطمنها مع انها عارفة أنها ماتدري اذا ابتمست او كشرت ..

شهاليل مسكت أفنان ونزلوا الدرج مشوا شوية لان مساحة كبيرة بين الاماكن

وصلتها لغرفة الضيوف اللي مجتمعين فيها الحريم

أفنان تدخل : السلام عليكم

رفعوا روسهم لما شافوا أفنان وتفاجئوا بالبنت اللي معها

أم عمر شهقت بقوة وطاح منها الفنجال وأنكسر

أفنان أبتسمت بإرتباك حاولت تثبت شهاليل اللي بدت ترتجف

وكأن الوضع خرج عن السيطرة !!

أم هاني : هذي شهاليل تعالي سلمي يابنتي

تقدمت شهاليل مع أفنان ببطء ماتشوفهم لكنها عرفت ردة فعلهم من غير لا تتكلم

أم عمر أول م اشافت شهاليل تقرب منها قلصت المسافات اللي بينهم

وعيونها تبرق بشوق كبير كيف لا وهي ريحة الغالية " نورة "

ضمتها بقوة وودها ماتفكها

أم عمر : الحمد لله على سلامتك يابنتي

شهاليل برجفة : الله يسلمك

سلمت عليهم كلهم وجلست بالوسط عند أم هاني وأم عمر

ابتسمت بتوتر لسه قلبها ينبض بقوة ماهي مصدقة

أنهم متقبلينها بعد كل هالمدة

*أم عمر تصير خالة شهاليل وأم شهد

أم طارق : وشلونك يابنتي

شهاليل بصوت منخفض لكن مسموع : الحمد لله على كل حال

أم طلال : عسى مرتاحة اذا م أرتحتي ببيت أبو هاني بيتنا ينوّر بك

شهاليل بغصَه : لا الحمد لله مرتاحة

حست انها قليل عليهم يعاملوها برقّه وحنية وكل وحدة تعزمها ع بيتها ليه أمي م حكت لي عنهم لييييه

أصلا وش سبب زواج أمي من أبوي كثير اشياء مو عارفتها

قامت تبي تطلع للحديقة تشم شوية هوا

أم عمر بسرعه : وين ؟

شهاليل ابتسمت : أبي أطلع الحديقة شوي

أفنان : تعالي أوصلك

تمسكت أفنان وم حبت تحرجها هي أصلا خلقة مو عارفة الاماكن بالبيت

طلعوا للحديقة

أفنان : أستني بنادي البنات متحمسين يشوفونك

هزت راسها بالموافقة وجلست ع الكرسي

وأخذها تفكيرها كالعادة لسكان القبور

أبوها اللي ماذاقت حنانه وأمها أجمل رقعَه في الكون

وعيونها ..!

كلهم تتمناهم لكنهم راحوا وآلحي ابقى من الميت

*****************

هــَــآمِــــش . . .

*****************

بقسم الرجال

حسام بهمس : اقول سيف وين السي دي اللي عطيتك البارحه

سيف : يووه وربك نسيته بالسيارة

حسام : فز جعلك الموب قايل روح جيبه هذا مهم جدا لو أنسرق ماراح تنفعني انت

سيف بفضول : ليه هو وشفيه ؟

حسام : فيه شي خطيرر

سيف : مثل وشو يعني ؟

حسام : وانت خبل مافكرت تفتحه أو شي؟

سيف : لا أنشغلت

حسام : جيبه ونصعد غرفتي وأوريك وشفيه بسرعه

سيف قام : يالله هذانا قمنا بس والله اذا صار شي تافه من خرابيطك بكسره

حسام يسلك : طيب طيب روح

طلع سيف من المجلس وهو يتوقع إيش فيه الشريط ؟؟؟؟؟؟

طلع للحديقة ومازال يحسب توقعاته

فيلم ؟

صور مششفرة ...؟

مستندات الشركة ..؟

إيش ممكن يكون موجود بالشريط

وقف وناظر المكان بصدمة يسمع صوت أريحي يغني ..!

تلفت يمين وشمال م كان فيه أحد ((شكلي أتوهم هالشريط أثر على مخي حسبي الله )) مشى عدة خطوات

ووقف مصدوم بقوة معقولة !!!

.

.

.

.

.

.

.

.

.

نهاية الفصل الثانِي

آرآئكم تسعدنِي أحبَه

همسَه :

أرأيتيِ تلكَ السويعَات

تطَاردنِي إليكِ جميلتِي .. كيفَ أبدو بلآ عينيكِ آلسآحرتِين

وجمالكِ اللذي يسكرنِي كيفَ أنَآ بلآ أنتِي كفيفتِي

أبصريني رغَم سَادات آلظلآم

وسأعميكِ عن غيري .. حسنأوتِي أأنتِ هنَأ ؟

- هَآمِش



maha.ALzahrani ©؛°¨غرامي متألق ¨°؛©

اختي العزيزه
اهلا بك
ويشرفني التحليق معك في سماء روايتك
بدايه اكثر من رائعه
لي عودة مره اخرى للتعليق على البارتات
معك للنهايه عزيزتي
دمتي بود

سآهيه واشتآق ©؛°¨غرامي مشارك¨°؛©

.. ,’ هآآإمش ’, ..

وربي روآيه إبدآآآآآآآآآآآع
شي جمييييل جدآ
أسلوبك روووعه .. تنسيق جميل
جو عآئلي خطير .. أحب آلروآيآت آللي فيهآ
عيآل عمومه وقرآيب .. وشلة بنآت فله ..

شهآليل .. إحترت في أمرهآ ..
هل هي لبندر .. أو حسآم .. أو آلدكتور ياسر .. او سيف ..
أفنان شخصيه حبوبه حبيتهآ حييييييييييل ..
وبدآية قصتهم هي وطلال رآقت لذآئقتي ..

أبو هآني حبيته .. ودخل مزآجي ..
أم عمر أحس بيكون لهآ دور حلو في حيآة شهآليل ..

أتوقع شهاليل بتتعالج على يد حبيبهآ ..
وأتوقع أنه أحد من اللي ذكرتهم فوق .. وششكله [ حسسآم )

مجرد توقعآت ..
رآقت لي جدآ .. مع خوآطرك الأكثر من رآئعه ..

أبدعي وأبدعي للأمآم
فآلتوفيق حليفكك ..

أكليل البيلسآن لكك ..



قصهہ هوَى ©؛°¨غرامي فعال ¨°؛©

المشاركة الأساسية كتبها maha.alzahrani اقتباس :
اختي العزيزه
اهلا بك
ويشرفني التحليق معك في سماء روايتك
بدايه اكثر من رائعه
لي عودة مره اخرى للتعليق على البارتات
معك للنهايه عزيزتي
دمتي بود


جمَآلكِ يَ أخيّه . . شَآكرة لكِ حقاً
وآلرآئَع طلتكِ آلفَآتنَة . .
أنرتنِي جميلتِي .. آدآمكِ آلله



قصهہ هوَى ©؛°¨غرامي فعال ¨°؛©

المشاركة الأساسية كتبها سآهيه واشتآق اقتباس :
.. ,’ هآآإمش ’, ..

وربي روآيه إبدآآآآآآآآآآآع
شي جمييييل جدآ
أسلوبك روووعه .. تنسيق جميل
جو عآئلي خطير .. أحب آلروآيآت آللي فيهآ
عيآل عمومه وقرآيب .. وشلة بنآت فله ..

شهآليل .. إحترت في أمرهآ ..
هل هي لبندر .. أو حسآم .. أو آلدكتور ياسر .. او سيف ..
أفنان شخصيه حبوبه حبيتهآ حييييييييييل ..
وبدآية قصتهم هي وطلال رآقت لذآئقتي ..

أبو هآني حبيته .. ودخل مزآجي ..
أم عمر أحس بيكون لهآ دور حلو في حيآة شهآليل ..

أتوقع شهاليل بتتعالج على يد حبيبهآ ..
وأتوقع أنه أحد من اللي ذكرتهم فوق .. وششكله [ حسسآم )

مجرد توقعآت ..
رآقت لي جدآ .. مع خوآطرك الأكثر من رآئعه ..

أبدعي وأبدعي للأمآم
فآلتوفيق حليفكك ..

أكليل البيلسآن لكك ..

فَتنتِي " سَآهيَة "
لحضوركِ جمَآل كَ نجِم مُشع يتركُ أثرهُ
فِ ظلمَة آلسمَآء ..
حديثكِ جداً محفّز لِي بأن أكمِل ممتنَة لكِ
توقعآتكِ جيدّة .. شهَآلِيل سَيكون قلبَهآ ملكاً للذِي يستحقَه
وربمَآ هو أحَد آلفرسَآن آلآربعَه وربمَآ لآ .!
وآلقَآدم أجمَل .. أنرتنِي أخيّة
لآ حرمتكِ ()* ّ!


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1