قصهہ هوَى ©؛°¨غرامي فعال ¨°؛©

الجزء السادس

سيف : أنا ابي اكمل نص ديني

ام فهد ناظرته دقايق بعدها اتسع ثغرها

بابتسامة جميلة : صدق ؟

سيف ابتسم : ايوة صدق

ام فهد بفرح : كللللوش ياعساني ماابكيك اخيرا بتفرحني واشوف عيالك .. ابد لا تشيل هم العروس علي

سيف : لا يالغالية هي موجودة

ام فهد : ومين صاحبة السمو ؟

سيف : شهاليل

حس بشعور غريب وهو ينطق اسمها ابتسم

ينتظر رد زوجة ابوه

ام فهد ابتسمت بعدها كشرت وقلبت ملامحها : شهاليل !!!!!!!

سيف استغرب : ايوة ..

ام فهد بعصبية : شهاليل !! ياللي ماتخاف ربك خلصوا البنات مالقيت الا شهاليل ياقليل الادب

سيف : إيش فيك قلبتي ايوة شهاليل انا ابيها من زمان

ام فهد : لا ومفكر ومقرر من حالك ماتجي تسأل .. انت متى بتحط عقلك براسك

ليه شهاليل ها !!

سيف بقهر : يمه عشانها عمياء ماتبغيها

خلاص انتي لا تتدخلي انا بتزوجها

وبهتم فيها و...

قاطعته : هي شكت لك حالها قالت لك تزوجني

سيف: لا بس انا ابيها

ام فهد : اطلللع من هنا لا حطيت عقلك براسك

تعال ازوجك غيرها قال شهاليل قال استغفر الله بس

سيف : يممه ليه ماتبغيها ننفسي افهم

ام فهد بغضب : قلت لك اطلع ولا تناقششني بسرعه

طلع وهو مقهووور ماتبيها له عشانها عمياء

ويتيمه طيب العمى ماهو بعيب نزل الدرج

بسرعه وهو معصب شاف ابوه بالصااله

بيقوله عن زواجه وهو يقنع زوجته

سيف : السلام عليكم

ابو سيف حط الاوراق : هلا وعليكم السلام

سيف: يبه بحكي معك موضوع ضروري

ابو سيف : وش عندك ؟

سيف : يبه اسمعني للاخر .. انا ابي اتزوج

بس امي رافضه البنت اللي ابيها

ابو سيف ابتسم : مبروووك وليه رافضه خلاص

انا اخطبها لك دامك تبغاها من بنته هي ؟

سيف ارتاح : صدق ! شهاليل يبه من زمان

وانا ابيها وحاطها ببالي اقنع امي تكفى

ابو سيف نزل راسه .. بعدها رفعه وفسخ النظاره : جنيت انت !

سيف ببلاهة : ها !

ابو سيف : مخك راح .. شهاليل ! تزوج غيرها

وانا اخطب لك

سيف عقد حواجبه (( اعوووذ بالله من الشيطان الرجيم اعووذ بالله من الشيطان الرجيم )) : يبه ليه ماتبونها لييييه ابي افهم .. عشانها عميااء !! ولا عشانها يتيمة ولا عشان ابوها سكير

ولا عشان ايش فهمووني

ابو سيف بتكهم : انت شكلك لسه صحيت من نومك ومو عارف ايش تحكي روح للشركه

لا اقلب عليك البيت اللحين هذا اللي ناقص

انت تاخذ شهاليل ناقصين عقل ولا مانخاف ربنا حنا

سيف عصب : وشفيني انا ؟؟ مو مالي عيونكم

ملتزم واشتغل وين تلقى احسن مني

لكن انا باخذها غصب عن الكل هذي حياتي وانا

اتزوج اللي ابي

قام بيطلع من البيت وتجاهل صراخ ابوه

وراح للشركة وهو يسوق بسرعه جنونية

ليه مايبغونه يتزوجها يموت ويعرف ليه

انا ولدهم يشككوني بنفسي كذا

ضرب الطارة بقووة وقف عند الشركة

نزل وهو يضرب اخماس باسداس .. ومية سؤال بباله ...دخل للشركة

الموظفين يصبحون عليه وهو مطنشهم

رجلينه تحركت لمكتب عمه هو اللي بيخطب له

شهاليل ..

حاول يهدي انفاسه تعوذ من الشيطان وطق الباب .. دخل لما سمع صوت عمه : تفضل

هلا سيف صباح الخير

سيف : صباح النور

ابو هاني : تفضل حياك

سيف جلس بضيق : عمي أبيك بموضوع وتكفى افهمني

ابو هاني ترك القلم : كلي اسمعك .. محتاج شي !

سيف : لآ مو كذا بس انا .... انا ابي

ابو هاني : وش بك وش تبي ؟

سيف : أبي شهاليل ..

ابو هاني عقد حواجبه باستغراب : تبيها شفها البيت رح سلم عليها .. أحد مانعك !

سيف طير عيونه عاادي يروح ويجلس معها ويسلم عليها !! وحرام يتزوجها وش يفكرون فيه ؟ : مو كذا انا ابغاها لي

ابو هاني : مافهمتك

سف : ابتزوجها ..

ابو هاني بصدمة : تتزوجها !!

سيف : ايه عمي لا ترفض تكفى

او هاني مسك اعصابه : سيف الله يهديك وش هالحكي مايصير انت وشهاليل تتزوجون

سيف بقهر : ليييييييييه ! فهموني فيها بلا !! انا فيني شي قولي وانا اتركها لغيري ..

ابو هاني : مو كذا انت مافيك الا الخير وهي ماراح تلقى زييها لكن .. لا اله الا الله انت شكلك ماتدري

سيف : ادري عن وشو ؟

ابو هاني : المهم شيل هالفكرة من بالك

شهاليل مستحيل تكون لك بيوم من الايام .. انساها ودور غيرها ..

سيف : الحكي ضايع لكن هي لي وانا لهاا وبتشوفون

طلع من المكتب ثم الشركة بكبرها معصصب

ليه مايخلوونه يتزوجهااا لييه بينجن من التفكير

فيه شي مخبينه عنه ومايبون يحكون

ماحس بنفسه الا هو رايح للقصيم .. كمل طريقه وبباله شهاليل وعمه وابوه وزجة ابوه ضده .. لازم يتزوجها لااازم

*****************

هــَــآمِــــش . . .

*****************

رجعت من بيت جدتها ومع الحكي

والسوالف نست الجامعه وبلاويها .. دخلت لبيتهم وشافت سامي طالع وبيده اوراق

مرت من عنده بهدوء : السلام عليكم

سامي استغرب بس عرفها : وعليكم السلام كيفك شجن ؟

شجن : كويسة .. جوري اخبارها ؟

سامي عقد حواجبه : اعتقد شفتيها اليوم بالجامعه ولا ... المهم ماشفتها

شجن : اوكي .. باي

سامي : لحظة .. خلاص خلاص باي

شجن دخلت للبيت وش كان يبي شكله

فاضي ويبي يقرق بس ..

سلمت ع اهلها اللي مبين مررة انهم معصبين

شجن تجلس: ياساتر ايش فيكم ؟

ام فهد بغيض: اخوك انجن يبي يتزوج

شجن عوجت فمها : عادي إيش فيها

ام فهد : بتجلطوني انتوا بيتزوج شهاليل !!

شجن : ماما شهاليل طيوبة وجميلة وتصلح لسيف واذا عمياء عادي مايضر

ام فهد سكتت لو تكلمت بتنفجر بوجه شجن ..

ماحد منهم فاهم تأففت وقامت لغرفتها

ولحقها ابو سيف اما شجن رفعت اكتافها باستغراب زوجة ابوها مرا سطحية .. اخذت اغراضها وصعدت لغرفتها

*****************

هــَــآمِــــش . . .

*****************

صباح جديد مفرح للبعض وكئيب للبعض الاخر

سويسرا – النمسا

بالمــطـآر

أمل : ياااه اشتقت للسعودية شهرين بعيده عنها

هاني : وش نسوي ؟ كله عشان الشغل

امل : يالله هانت ..

هاني : اهلنا ينتظروا بالمطار باقي نص ساعه

ع الطيارة

أمل : والله بيدو واحشتني الدوبا ماكلمتني من اسبوعين ؟؟

هاني : بس هالمرة غير عن كل سفر ..لان فيه شخص زايد أنضم للعائلة

أمل ابتسمت : ايووة شهاليل افنان تقول انها عسسل !

هاني : افنان كل الناس عندها عسل

أمل : لا جد حتى كلمتها اليوم الصبح حبيتها مرة

هاني : الله يعين .. قسم فيني نوم

سمعوا صوت الاعلان قاموا متوجهين للطيارة

ووكلهم شووق للارض الخير " السعودية "

والرحلة طويلة هاني نام مجرد ماركب الطيارة

لانه من الصبح وهو يشتغل ..

أأما أمل طلعت لها مجلة تسليها

*****************

هــَــآمِــــش . . .

*****************



قصهہ هوَى ©؛°¨غرامي فعال ¨°؛©

هتيف تلبس عبايتها بحماس : شهلوله هاني بجي اليوووم يااربي مشتاقه له

شهاليل ابتسمت : ودي أجي معكم ..

هتيف قومتها : احد قالك اجلسي تعالي وشوفي اموله والله تحبيها وحشتني هالخبلة

شهاليل : ايوة عارفة كلمتها اليوم هددتني قالت ان مانتظرتيني بالمطار بجلدك

هتيف : هههههه لازم تروحين مالك حل

شهاليل لبست العباية وتحس بشوية تعب لكن مابينت

ماتبي تخر على هتيف حماسها

هتيف : ايووة سمعتي اخر خبر

شهاليل ضحكت : ماشاء الله عليك .. العربية متنقله

اخبار على مدار اربع وعشرين ساعه

هتيف : ههههههههههههههههه وش اسوي لقافتي تذبحني .. المهم والله كبرتي ياشوشه وصرتي تنخطبين

شهاليل تنحت : انخطب ؟؟؟

هتيف : ايه سيف خطبك أمس حكت لي شجن

شهاليل انصدمت : ك كيف خطبني وهو ..!! اهله ايش قالوا خالي ايش حكى ؟

هتيف : اشبك ؟ مادري بس شجن قالت انه يبيك وميت عشانك

شهاليل ((لييه ياسيف .. انا مولك موو لك ))

قلبت ملامحها لضيق هي خلته يتمادى بمشاعره لها

وماوقفته عند حده وآخر شي اصلا متصورته ان سيف يخطبها

يخطبها !!! ياكبرها هالكلمة

هتيف: وشفيك تضايقتي

شهاليل : انا مابي اتزوج ..خصوصا سيف ويله امشي ننزل تأخرنا

هتيف استغرت من ردها ! بس ماهتمت اكيد فيه شي

بينها وبين سيف طنشت ونزلوا

راحوا للمطار مع السواق لان حسام سابقهم ومعه افنان وامه وابوه

طول الطريق شهاليل تفكر .. امها حكت لها عن سيف قبل تموت وايش علاقته فيها ..

نفضت افكارها مجرد وصلوا للمطار

نزلت وهي متحمسة لامل من سوالف هتيف عنها

ههتيف وشهاليل : السلام عليكم

الكل : وعليكم السلام

ابو هاني : تأخرتوا كثيير ؟

هتيف: معليش بابا كنا نلبس

حسام : الله واكبر تراك بعبايتك شوفي افنان جاية ببجامتها ..

افنان : انتوا خشرتوني اساسا نسيت انو هاني بيجي اليوم ..

هتيف: لانك خبلة بتستقبلينه هو وامل ببيجامتك

افنان : ياكل تبن يحمد ربه انتبزت من نومي عشانه

شهاليل بهمس : نوومك ؟؟ خافي ربك ترانا العصر وانتي امس كله سهرانه مع طلال وانا هتيف صاحيات بدري ..

افنان نفس همسها : كلي تبن انتي الثانية .. مانمت الا الساعة عشر تبيني اصحى ببدري ..؟؟

شهاليل : خلاص لا عاد تسهرين مرة ثانية كم يوم وتتزوجوا عاجزة تصبري

افنان : يوووه شهلولة طالع لك لسان

شهاليل : لا بس اعلمك

هتيف: بإيش تتساسروا ؟

افنان : ولا شي اللحين تتطنزي

شهاليل بعفوية : هههه افنان امس كانت سهرانه مع طلول عشان كذا ماصحيت بدري

هتيف ابتسمت بنذاله : اهااااااااااا عشان كذا الاخت كأنها سرلنكية نست كل شي –كملت بحالمية – اقصد تركت العالم وراحت لطلول

حسام نزل راسه وابتسم اول مرة تتكلم بصوت عالي ولا وبعفوية بعد

افنان عصبت : حساام شفهم يدلعون طلال

شهاليل تحمست : ههههههه تركتي كل السب ودققتي بالدلع ماقدر ع اللي تغار حسام ماعليك منها ..

حسام تنهد : عيديها !!

شهاليل ناظرته بعدم استعياب بعدها حست ع نفسها

انها طقت الميانة ! شهقت وحطت ايدها ع فمها وقفت ورا افنان وهتيف .. ((خبللة خبلة وشفيك تكلمينه كانه اخووك اف ياربي فششيلة ))

حسام التفت للناس عشان مايحرجها اكثر

ابتسم وهو يتذكر كيف تنطق اسمه ويازين اسمه

من لسانها قطع تفكيره صوت امه تأشر

وجه نظره للامام وشاف اخوه هاني وجنبه زوجته تقدم له وضمه وسلم عليه : ياااهلا والله الحمد لله ع السلامة وحشتنا مابغيت

هاني مبتسم : حيا الله ابو حسم .. الله يسلمك والله انتم وحشتوني بعد

سلم على أهله واخواته وامل نفس الحكاية

أمل : ادري نورت السعودية مايحتاج تحكوا شي

هتيف : مالت عليك وع اللي يعطيك وجه اصلا

أمل : قسم بالله مو قادرة اصبر يمكن اروح اركض لبيت امي واسلم عليها وبيادر التبنه كمان واحشتني بقوووة قاطعة فيني من اسبوعين وينها ليه ماتتصل ؟؟

هتيف بلعت ريقها وتذكرت كل اللي صار امس وقبل اسبوعين .. لو تعرف ماراح تسكت اكيد : انا بروح للبقاله شهاليل تعالي معي

سحبت شهاليل ودخلت للبقالة

شهاليل : ااه فكي ايدي عورتيني

هتيف فكتها وقالت بتوتر : آسفه

شهاليل بشك : بنت ناظريني ... وشفيك ؟

هتيف صارت تدور رايحة جاية نست اللي صار امس !!

واح عن بالها لهالدرجة هي بهالبرود

نست شهد ونست بيادر ونست جوري ونست شجن

وصارت تضحك ولا همها ..!!! نست كل وحدة تنفجع بهمها شهد اهملتها وهي الي مفروض تقى جنبها !!

لييييييييه نست ليه ؟ حست ذاكرتها تفرمتت بس شافت ذاك الطيف اللي قلب حالها

صحت ع ضربه خفيفة من شهاليل ناظرتها بفزع : وشو !

شهاليل : اشبك ؟ ليه جايبتني هنا

هتيف بضيق: احكي لك بعدين تعالي نرجع

مسكت ايد شهاليل وافكار تجيبها وافكرا توديها

رجعوا عند اهلهم البنات كانوا يسولفوا

الا هي ..

*****************

هــَــآمِــــش . . .

*****************

طلع من الحمام والمنشفه على راسه !

صحيح ماشافها الا مرة لكنه غصب بدا يراقبها

مو صدف لاااا .. هو يراقبها مايشك بس انه يغاار

مو زوجهاا ولا اخوهاا ولا حبيبهاااااا ..مايعني لها أي شي لكنه غصصب يغار .. ووده لو يدفن نواف بعد

لانها بنت عمته ومن عرضه أكيد بيغار عليها

هو اصلا ماشافها الا مرة وحدة ولخبطته ثقتها ودلعها

لكن امس غييييييير مهزوزة وكسير ة وتطلب الامان فقط .. هو قال حكي مو من قلبه وطلع غصب كذا

لانه مايدري وش يحكي بوجودها وكملوا عليها بنات الكلـ؟؟؟؟؟؟؟؟؟؟؟؟

حتى لو كانت بنت حرام مالها علاقة بالموضوع

هي غلطة اثنين ركضوا خلف اسراب شهواتهم

مالها دخل شي مقدر ...

((ليه ياريان تحكي كذاااا لييييه !! شايفها جدار ماتحس

واذا كانت تكلم شباب كل واحد ذنبه على جنبه لا تتدخل فيها واذا كانت تكشف ! اختك بعد تكشف

وماتحكي لها شي .. بس شهد !! ماادري مو قاادر غصب عني اذا شفتها تكلم انقهر وابيها تنقهر معاي ليه انقهر عشانها !!! ماتحبها ولا تحبك ليه تنقهر ؟ ماني عارف والله ماني عارف )) بيعتذر لها بس كييف!

ماراح تسمعه .. طيب يطنشش !!

ماااايقدر ضميره يأنبه !!

*ويوم ريان مع ضميره طوويل

يـتبـع

همسَة :

سبحَآنك ربِي إني كنتُ من الظالمِين


"أنثى رآقية" ©؛°¨غرامي جديد¨°؛©

روايه رااائئئئئئئئئعه بجد
وتستحق القراءه
بارت روووووعه هتيف توقعت تكرررره شهاليل لكن طلعت عكس التوقعاات
وسيف اووقع اخو شهاليل بالرضاعه
ع فكره غريب اسم شهاليل شومعناه ?؟!
وريآآآن بيحب شهد'.'
هذي توقعاااااتي ولك الشكر ع الروايه الرووعه وننتظر بارتاتك بحمااااس

قصهہ هوَى ©؛°¨غرامي فعال ¨°؛©



أهلآ يَ فَتنَة السمَآء . .

لربمَآ إطلآلتكِ هيّ أروعَ مَ يكون . .


شَآكرة لتوقعآتكِ ولكَن كل شيء سَيأتِي بوقتهِ


وسنَعرف مَ تخفيَه الايآم . .


أنرتنِي لآ حرمِت إطلآلتكِ



شيخـــــهہ ©؛°¨غرامي ذهبي¨°؛©

آلسَلآم عليكُم ..

آهنيّك عَ إلآبدآع آلله يقويّك .. بدآيةة جميلةة ، وانَآ متأكدةة من خِلآل هذي " آلبدآيةة " آنكِ كَآتبةة ممُيزة


_____ نِبدآء على بِركةة آلله بـ / آلآشخَآص

سيّف × شهَآليل : كَآسر خآطري سيّف ، ومتحمسَةة آعععرف آيش آللي يمنعةة أنُو يتزوجهَآ
هوآ يحَبهآ مرة لآ تحرمينوة منهآ رجآءً ( لآ تصدمينَآ تكفينّن وخليهم يتزوجون :"( )

وشهَآليل آتمنَى يرجع بصَرهَآ عَ شآن تعتمَد عَ نفسهآ :)


ريَآن × شَهد : ريَآن يمكَن آنو يحَبهَآ بس مشَ رآضي يعترف لـ نفسو .. شهَد كسرت خآطري هيَ مآلهآ ذنب بـ غلطةة آبوهَآ وآمهَآ :"(


يَآسر : حبيتووو

حُسَآم : يَ زينوة ، آحس آنو بعَدين يحبهآ .. بسَ الله يعينَهآ شهَآليل كلن يحبهآ

طلآل × آفنَآن : يَ زينُهم ، بس آلله آلله بآلجراءة شويآ بس مو تتحَمسين *دُعَآبةة يَ رِفَآق*

بنَدر : تبنّ هَآ إلآدمي ، الله يكفينَآ شرووة ..


وبخصوص روآيتك - فهي جَداً جَميلةة مِن نَآحيةة آلغمُوض ..

* بَس زيّدي عليِهآ جُرعةة بَسيطةة من ؛ آلجُرآءة وآلأكشَن ، وحتكُون / تــوب


وشسمَآ طوليّ بَآرتآتكِ فديِتس





موفقةة يَ رب ..


فاطمة محمد عمر ©؛°¨غرامي فعال ¨°؛©

امممم ايش الحلاوة والابداع دا ي عسلة صراحة مااتوقعت حكمت عليها من اسمها بس طلعت حلوة وحتي الاحداث ماشاء الله متسلسة وتنسيق الخط وكل حاجة ...
شفتي يويلك لو تقفليها بذبحك ترا...
لانك جد مبدعه وانا ااكد لك ان روايتك راح تكون جميلة
واممم النسبة للشخصيات ي ربي يسعدهم
اممم شهاليل >>الاسم صعب المهم ي حياتي عليها متعذبة وسيف ماايقدر يتزوجها لانه اخوها او انه راضع او شي يمنعه يتزوجها واتوقع حسام في النهاية بيتزوجها هههه وقولى فاطمة ماقالت
اممم الثنائي امل و هاني ربي يسعدهم ويديم المحبة بينهم >>>> <<<< اممم وكمان طلوول وافنانتوة هههه
وامين بيادر يحياتي ماتساهل اللى حصل لها والله يكون في عونها اكييد نفسيتها بالتراب
وشهوود ريان دا الغبي نفسي اذبحة ايش الغباء دا وجع مرة قهرني
والله يعين شهاليل من نية عمتها الخبيثة هناء وبنتها والله يبعدهم عنها باي طريقة

امممم بالنسبة لمواعيد البارتات كيف ؟؟؟اذا مهي محددة ي ريت ي عسلة لما تنزلى ترسلي لي اذا نزل بارت
واسفة اني مارديت من اول لاني كنت مشغولة شوي :$

ربي يسعدك ي عسلة ....

دمت ب ود ي عسلة .....


قصهہ هوَى ©؛°¨غرامي فعال ¨°؛©

المشاركة الأساسية كتبها شيخـــــهہ! اقتباس :
آلسَلآم عليكُم ..

آهنيّك عَ إلآبدآع آلله يقويّك .. بدآيةة جميلةة ، وانَآ متأكدةة من خِلآل هذي " آلبدآيةة " آنكِ كَآتبةة ممُيزة


_____ نِبدآء على بِركةة آلله بـ / آلآشخَآص

سيّف × شهَآليل : كَآسر خآطري سيّف ، ومتحمسَةة آعععرف آيش آللي يمنعةة أنُو يتزوجهَآ
هوآ يحَبهآ مرة لآ تحرمينوة منهآ رجآءً ( لآ تصدمينَآ تكفينّن وخليهم يتزوجون :"( )

وشهَآليل آتمنَى يرجع بصَرهَآ عَ شآن تعتمَد عَ نفسهآ :)


ريَآن × شَهد : ريَآن يمكَن آنو يحَبهَآ بس مشَ رآضي يعترف لـ نفسو .. شهَد كسرت خآطري هيَ مآلهآ ذنب بـ غلطةة آبوهَآ وآمهَآ :"(


يَآسر : حبيتووو

حُسَآم : يَ زينوة ، آحس آنو بعَدين يحبهآ .. بسَ الله يعينَهآ شهَآليل كلن يحبهآ

طلآل × آفنَآن : يَ زينُهم ، بس آلله آلله بآلجراءة شويآ بس مو تتحَمسين *دُعَآبةة يَ رِفَآق*

بنَدر : تبنّ هَآ إلآدمي ، الله يكفينَآ شرووة ..


وبخصوص روآيتك - فهي جَداً جَميلةة مِن نَآحيةة آلغمُوض ..

* بَس زيّدي عليِهآ جُرعةة بَسيطةة من ؛ آلجُرآءة وآلأكشَن ، وحتكُون / تــوب


وشسمَآ طوليّ بَآرتآتكِ فديِتس





موفقةة يَ رب ..



_

آلجمَآل " شيخَه "
أنرتنِي وخَآلقِي ، وآستمتعَت بردكِ
وتوقعَآتكِ . . وآلقَآدم أجمِل بإذن آلله
كونِي دآئمَآ هنآ ، لآ حرمتكِ أخيّه


قصهہ هوَى ©؛°¨غرامي فعال ¨°؛©

المشاركة الأساسية كتبها فاطمة محمد عمر اقتباس :
امممم ايش الحلاوة والابداع دا ي عسلة صراحة مااتوقعت حكمت عليها من اسمها بس طلعت حلوة وحتي الاحداث ماشاء الله متسلسة وتنسيق الخط وكل حاجة ...
شفتي يويلك لو تقفليها بذبحك ترا...
لانك جد مبدعه وانا ااكد لك ان روايتك راح تكون جميلة
واممم النسبة للشخصيات ي ربي يسعدهم
اممم شهاليل >>الاسم صعب المهم ي حياتي عليها متعذبة وسيف ماايقدر يتزوجها لانه اخوها او انه راضع او شي يمنعه يتزوجها واتوقع حسام في النهاية بيتزوجها هههه وقولى فاطمة ماقالت
اممم الثنائي امل و هاني ربي يسعدهم ويديم المحبة بينهم >>>> <<<< اممم وكمان طلوول وافنانتوة هههه
وامين بيادر يحياتي ماتساهل اللى حصل لها والله يكون في عونها اكييد نفسيتها بالتراب
وشهوود ريان دا الغبي نفسي اذبحة ايش الغباء دا وجع مرة قهرني
والله يعين شهاليل من نية عمتها الخبيثة هناء وبنتها والله يبعدهم عنها باي طريقة

امممم بالنسبة لمواعيد البارتات كيف ؟؟؟اذا مهي محددة ي ريت ي عسلة لما تنزلى ترسلي لي اذا نزل بارت
واسفة اني مارديت من اول لاني كنت مشغولة شوي :$

ربي يسعدك ي عسلة ....

دمت ب ود ي عسلة .....
_

أهلآ " فَآطِمَه "
طلّة ملكيّه بصَرآحه . .
نورتِي يَ بت !
توقعَآتكِ قَميلة مثلكِ آنتِ . .
آلموآعيد : السبت وآلثلاثاءَ
لآ حرمَتكِ هنَآ . .
أسعدكِ الرب


قصهہ هوَى ©؛°¨غرامي فعال ¨°؛©

_

صبَآح آلخير . .
سأنزل تكلمَة البَآرت
قراءة ممتعَة . . *!


قصهہ هوَى ©؛°¨غرامي فعال ¨°؛©

تـآبع الجـزء السـآإدس

لبست عبايتها وطلعت للحديقة تنتظر سواقها

وببالها الف فكرة وفكرة ((كيف بتكون ردة فعلها اذا شافتني ))

حطت الشيلة ع راسها بإهمال ولبست نظارتها الكبيرة

الحمراء وطلعت لما سمعت صوت السيارة ..

ركبت وتكلمت بصرامة : بيت شهد بسرعة

هز السايق راسه ومشى ..

وهي طول الطريق تتوقع ردة فعل

شهد اذا شافتها ممكن تطردها من البيت او تهزأها

او او او ...

احتمالات لا نهائية ممكن تعملها شهد ..

هي بس تبي تتأكدمن صدقها مو أي شي ثاني وان

حصل تعتذر لانها مو منهالنوع ابداً

تخيلت للحظة ان اللي صار لبنات عائلة ال*****

يصير لبنات عائلتهم .. وندمت انها قالت هالحكي

هم صح يكشفون بس حتى هي تكشف مانقصوا

عنها بشيء .. واذا هما يكلموا شبا ب

هي اجرء وحدة مع عيال خوالها واعمامها ماختلف شي ..

أخفت توترها ونزلت بثقة ناظرت البيت الكبير

المطلي بأضواء فخمة وهادية

رنت الجرس وفتحت لها الخدامه

سارين : يس من إند الباب

تكلمت بهدوء : انا افتحي

سارين فتحت الباب : أهلين مدام مألي تفزل تفزل

دخلت معالي بطولها الملفت ودارت بعيونها

ع البيت تدور احد

سارين : يبغى مس شهد

معالي : ايوة بسرعة ناديها

سارين دلتها ع غرفة معينه جلست فيها وهي راحت

تنادي شهد ..

طقت باب غرفتها

شهد : ماما انا حكيت لك ام فهد مالي خلقها ومابي اروح اتركيني خلاص

سارين : مس شهد مدام مألي تهت يبغى أنتِ

شهد فتحت الباب : خيييييير

سارين : مدام مألي تهـ...

قاطعتها بكره : اقلعيها بره

سارين تكتفت : انا مسقول انتِ يقلع برا

راحت وخلتها شهد تأففت وش تبي ذي جاية أكيد حابة

تكمل شماته .. انااوريها

نزلت ببيجامتها الخضراء اللي عليها صورة ضفدع

وشعرها القصير رابطته بربطة صغيره ..

دخلت غرفه الضيوف الرئيسية وشافت معالي

كشرت وودها لو تذبحها هنا

معالي قامت بابتسامة : هلا شهد

شهد : وش عندك ؟

معالي بتوتر : لا بس جيت اتأسف لك وتعرفي انا ماحكيت كلام كثير مثل سعاد ووفاء

شهد رفعت حاجبها : احلفي بس ! روحي لها صديقتك مخربه السمعات خليها تنفعك ويله تدلي الباب ولا ادليك ..؟

معالي تنفست بعمق : شهد افهمي والله تندمت وهاوشت سعاد انها قالت هالحكي عنك

وماصدقته اساسا مو معقولة تكووني ....

شهد بغصه : لا صدق ويله اطلعي

معالي انصدمت .. تداركت الموقف ومدت باقة ورد : يله شوود انا من جد اسفه والجامعه بدونكم فاضيه

ارجعوا م عليكم من احد هم غيرانات من فقط لا غير

عشان كذا يبغوا يبعدوكم من الجامعه وحصل

هالشي انتوا مادافعتوا عن شرفكم خصوصاً انتي

لما سمعتي حكيهم الاخير عنك طنشتي وطلعتي

وبيادر لما اعتدوا عليها ماداومت واثبتت

للكل انها غلطانة .. ارجعوا واكسروا عيونهم خليكم

عكس الحكي اللي حكيوه ..

شهد اخذت الورد وابتسمت : مشكورة كلفتي ع نفسك

معالي : وش دعوة الورد للورد

شهد : تفضلي ههه معليش نزلت لك بحوستي

معالي بلطف : لا عادي حبيبتي

شهد جلست وتناظر الارضيه منحرجة من معالي

معالي : شهد ممكن طلب بسييط

شهد : تفضلي

معالي : زاد فضلك .. بس ابي اسمع مكالمتم مع سعاد اذا ممكن يعني !َ

شهد : ههههههههههه ابشري ماطلبتي

معالي ابتسمت بتوتر راحت شهد تجيب جوالها

ومعالي تناظر المكان اللي كانت جالسة فيه شهد ومبتسمة " ياطيبتها ع طول رضت .. هذي عكس شود اللي بالجامعه الله يسعدها "

رجعت شهد واعطت معالي الجوال واللي بانت الصدمة عليها وهي تسمع المكالمة المسجلة

*****************

هــَــآمِــــش . . .

*****************

كسر الجوال من كثر مايتصل عليه

زفر بعصبيه : وشفيه هذا مايرد افف

اتصل ثانية وثالثة ومارد ..ضرب السيارة برجله

بقوة رفع راسه للسماء وتنفس بعمق

رد بسرعة لما دق جواله

سامي : حسام وينك ماترد

حسام :انا بستار بوكس عندي مقابله ايش تبغى

سامي بحدة : ليه ماردييت

حسام : كان جوالي مقفل اشبك معصب

سامي : قابلني عند تقاطع**عند اشاره 435

حسام عقد حواجبه : ليه ؟

سامي : حسام لا تسأل تعال بسرعة شي خطير ومايتحمل التأجيل ابداً

حسام : سامي ترا والله ان كان هالشي من خرابيطك ياويلك

سامي عصب : بتجي ولا شلون

حسام خاف من عصبية سامي اللي ماتجي الا بأوقات قليلة : جاي

سكر منه .. وحاول يظبط انفاسه المتسارعه

هو يوم عرف صار فيه كذا أجل كيف حسام لو عرف

ايش بيعمل ؟

ركب سيارته واخذ باكيت دخان طلع له سيجارة

ورمى الباقي هو مايدخن الا قليل

اساسا ترك التدخين زمان بس لما تفلت اعصابه

يشرب وحدة .. وجه نظره لسيارة حسام اللي توقف ونزل بسرعه

حسام بقلق : هاه جيت إيش صاير ؟

سامي : سيف

حسام : اشبه ؟

سامي : صدم بحادث على طريق القصيم اتصلوا

علي العصر ومن وقتها وانا اتصل عليك وماترد

بسرعة نروح للقصيم ..

حسام الصدمة الجمته ووقفته مكانه

سامي سح حسام وركبه بسيارته لانه يدري بهالحالة

مو قادر يسوق

مشوا طالعين للرياض متوجهين للقصيم <فديتها

حسام بدا يتنفس بسرعة التفت على سامي : هذا مقلب صح

سامي رفع حاجبه : لا مو مقلب أجل وين سيف بالله من امس امه تسأل

حسام غطى وجهه بيدينه سيف صدم بحادث يعني انه مو بخير وملامح سامي بعد تقول انه مو بخير أكيد زعلان عشانهم ماخطبوا له شهاليل .. وصله الخبر : اكيد كان يسوق وهو معصب ماخطبوا له شهاليل وترك الرياض زعلان .. ادري يحبها والله ادري

يغار مني يحسبني ابيها وهي تبيني بس والله مااحبها

وهي ولا شي عندي حكيت له هالشي سكت

بس انه ماصدق مرة قالي خله تجي بيتنا تسكن عندنا كذبت عليه قلت هي ماتبي .. واصلا ابوي هو اللي حالف تعيش عندنا عصب ووقال اكيد عشانك تبي تجلس معك

حاولت افهمه ماسمع لي ماصرنا نجلس مع بعض كثير

انا انشغلت عنه وشوف هاللحين

سامي قاطعه : اهدا حسام هو ماحصله شي الحمدلله

بس كسر برجله وشوية جروح

حسام سكت ووناظر بالطريق

*****************

هــَــآمِــــش . . .

*****************

كانوا جالسين ثنتينهم بالحديقة

حطت ايدها ع كتف هتيف وربتت عليه : خلاص اعزميهم هنا وحاولوا تنسوا اللي صار وكأنو ماصار شي

هتيف: ايوة عارفة بس اخاف مايجوا

شهاليل : جربي ولا انتي روحي لهم

هتيف ابتسمت : مشكورة شهاليل احس اني ارتحت

شهاليل : افا مابينا شكر

هتيف ضمت رجليها : شوشه بسألك انتي بينك وبين سيف شي

شهاليل تنهدت : لا .. ليه تسألي

هتيف : شوشه لا تكذبي أكيد بينكم شي ..

شهاليل : تبغي الصدق مابينا شي بس انا اعرفه من اربع سنين

هتيف شهقت : اربع سنين

شهاليل : إيوة .. هو ماكان عارف اني بنت عمته

كان يجي عندنا كل شهرين يعطينا اغراض للبيت

لان ابوه موصيه ومرة شافني بالصدفة ..

كنت وقتها اشوف الدنيا وهو ماكن يعني لي أي شي

مجرد شخص له فضل علي بعد ربي . .

تزوجت وانقطعت عنه وعن امي خمس شهور

اتصل علي يبيني اهرب معه رفضت مابي ادخله بمشاكل

مع بندر . . اكتشفت انه يحبني بعد سنتين هربت من بندر ورحت لامي وطلعنا من بيتنا سكنا

ف صندقة . . ومامعنا الا أكل قليل وفلوس يالله تكفينا شهر ... صبرنا وراحت امي لخالتي ام عمر

وشكت لها الحال .. وصارت تساعدنا

صح الصندقة صغيره لكنها أمان من بندر وغيره

وصار اللي صار توفت أمي وانا هنا ...

هتيف : كنتي متزوجة !!!!!

شهاليل ابتسمت بألم : ايوة وعشت أجمل ايام حياتي

هتيف : اسفة شهاليل فتحت موضوع مالازم ينفتح

شهاليل : لا عادي

هتيف : طيب عمي وأبوي ليش رفضوا لسيف يتزوجك

هو طيب وبيعيشك أحلى عيشه

شهاليل عقدت حواجبها : لانو حرام أتزوج أخوي

هتيف شهقت بصدمة .. ووقف لسانها عن الحكي

وهي تشوف شهاليل تبتسم بألم ..

كيف اخوها !!!!! يعني شهاليل أخت شجن وسيف ولا كيف ؟

شهاليل سمعت شهقة هتيف : لاتنصدمي

أخوي من الرضاع بس شعور غريب اخوك يعشقك ويخطبك صح ؟

هتيف : وليه ماندري ماحد حكى لنا ؟

شهاليل رفعت اكتافها بقلة حيلة



أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1