بنوته غجريه ©؛°¨غرامي مشارك¨°؛©

السلام عليكم
هذي اول مشاركه لي بالقسم هذا وانا ماكتبت موضوعي الا لاني محتاجه احد يساعدني

مشكلتي هي اني صارلي سنه ونص وانا متملكه . وبعد ملكتي بشهور طلب مني زوجي انه يضيفني بالبي بي انا كنت رافضه في البدايه ومع الوقت وافقت
ولما ضافني كلمني وكان حوارنا جدا بسيط ..

ومع الوقت صار مايسولف معي ولا يكلمني ابدا اصلا هو من ضافني ماكلمني الا اربع مرات تقريبا
وانا تعبت من بروده مايدخل على يسال عني وعن احوالي ولا يشتاق لك ... انا اللي ادخل عليه بس

وكل يوم اقول بخاطري اكيد اليوم بيسال اكيد بيدخل اليوم واانا انقطعت عن البي بي فتره طويله ولما رجعت فعلت مادخل على ولا شي ولا كاني موجوده "" وفوق هذا كله يعرف رقمي ولا عمره فكر انه يتصل على او انه مجرد يسمع صوتي زي أي شخصين مخطوبين
وامس دخلت عليه واسولف معه وقلت له انو بخاطري كلام كثير قال شنو قلت ليه ما تسال عني قال شنو ماتعودتي على مهمل لما قال هالكلام انا تضايقت وسكرت الموضوع ولا قلت لها شي وقعدت افكر انو بالمرحله هذي من حياتنا هو مهمل كيف لا صرنا ببيت واحد


انا من فتره صرت احس اني خلاص معاد ابيه معاد اطيقه واحس بضيقه لما افكر فيه ومدري وش اسوي ومرات افكر اني اكلم امي واقولها معاد ابيه
انا ضايعه وابيكم تساعدوني وترشدوني

طوولت السالفه بس جد تعبانه نفسيا وذبحني التفكير

طلال مداح1 ©؛°¨غرامي ذهبي¨°؛©

استخيري.

ويمكن خطيبك له هدف من وراء هذا.
منه انه ما يتطور الوضع او ماشابه ذلك.

انتي اعرف منا بخطيبك. اسألي عنه وعن أخلاقه.
منها اذا فيه شيء تتداركينه قبل ان يقع الفأس بالرأس.

اسأل الله لك التوفيق

احترت بدنيتي ≾`أنثـے » بڕائحـہـ الـﯠژد`≿

-



مشكلتي هي اني صارلي سنه ونص وانا متملكه
إذا عُرف السبب بطُل العجب . .

فطول فترة عقد القران أو حتى الخطوبه هذه نهايتها . .

ملل و فتور و اتساع الفجوه > . .

لذلك الإسراع في الإرتباط إن كان لايزال هناك ود هو الحل . .

أو الحل الآخر لديكم ( الانفصال ) / لكني لاأحبذه . .

لأن مابينكم هو جفاف من طول السنين . .

ولاتحكمي على زوجك من خلال وسائل التواصل الفاشله . .

مثال / لو كان حكمنا على بعضٍ صحيح من خلال الشبكه . .

لما انصدمنا بتعدد الأقنعه . .

و بعض الأحيان قد نظن بان فلان حزين أو متضايق وهو على عكس ذلك . .

لذلك / إجعلي حكمك عليه من خلال مقابلته شخصيا . .

فلو بنيتي تصورات عنه من خلال كلمات عبر البلاك بيري . .

فهذا أول مطب وقعتِ فيه . .

لأن الزواج أمر جديّ أساسه مشاعر و سلوكيات ( واقعيه ) متبادله . .

فالخطأ مشترك بينكم لأنه مادام زوجك فالأصح ان يقابلك في بيت أهلك و هكذا . .

لا ان تتقابلوا عبر البلاك . .





-

أميرة الحكاية لاٌتستفز أنوثتي كي لاٌأبعثر رجولتك

فعلا طول الفتره موزين

امم حاولي تناقشي اخوانك وشوفي رايهم واستخيري واستشيري

بنوته غجريه ©؛°¨غرامي مشارك¨°؛©

حتى المقابله او انه يقعد معي ونسولف ماعمره فكر بهذا الشي "

ولا عمره ناقشني وكلمني عن حياتنا كيف بتكون حتى اني ماني عارفه وضعي وين بعيش مع اهله او بيطلع ولا مرا فكر انه يتكلم معي بالمواضيع هذي

ماني عارفه وش اسوي ......

دلعي وبس ©؛°¨غرامي متألق ¨°؛©

حبيتي يمكن هو خجول بزياده ولايعرف يتكلم مع البنات خليه براحته ولاتشغلي بالك

بس تتزوجون بكرى يتغير وبتحسين الفرق اما بالنسبه لموضوع السكن لابد تعرفين خلي احد من اهلك

يفهم منه ونت وش ودك قولي هالشي مهم وربي يوفقك معاه يارب ويسعدك

بنوته غجريه ©؛°¨غرامي مشارك¨°؛©

المشاركة الأساسية كتبها دلعي وبس اقتباس :
حبيتي يمكن هو خجول بزياده ولايعرف يتكلم مع البنات خليه براحته ولاتشغلي بالك

بس تتزوجون بكرى يتغير وبتحسين الفرق اما بالنسبه لموضوع السكن لابد تعرفين خلي احد من اهلك

يفهم منه ونت وش ودك قولي هالشي مهم وربي يوفقك معاه يارب ويسعدك
يعطيكم العافيه على الردود

من ناحيه خجول لا للاسف مو خجول :(
الله يعين

احترت بدنيتي ≾`أنثـے » بڕائحـہـ الـﯠژد`≿

المشاركة الأساسية كتبها بنوته غجريه اقتباس :
حتى المقابله او انه يقعد معي ونسولف ماعمره فكر بهذا الشي "

ولا عمره ناقشني وكلمني عن حياتنا كيف بتكون حتى اني ماني عارفه وضعي وين بعيش مع اهله او بيطلع ولا مرا فكر انه يتكلم معي بالمواضيع هذي

ماني عارفه وش اسوي ......






الصمت ليس حل . .

فالمواجهه دون غضب أو توتر / هي ماتحتاجين . .

أطلبي منه جلسة على إنفراد بما انه زوجك و يحل لكِ . .

و كلميه بخصوص ماتشعرين به . .

لربما بعد ماتسمعين تشعرين بالذنب تجاه شكوكك . .

ولربما كذلك تتأكدين أن القضيه لا حل لها . .

ولاتنسي الإستخاره . .


و قرري بهدوء وليس بناءا على موقف أو موقفين . .

فالتفكير اللحظيّ دائما نتائجه خاطئه . .

كوني في عقلك وصفا لـ شخصيته العامه دون تحيز لموقف معين أخذتيه ضده . .

ثم بعدها إسألي نفسك . .

هل هو حقا لايصلح كـ زوج .؟ .؟!






-

بنوته غجريه ©؛°¨غرامي مشارك¨°؛©

احترت بدنيتي " يعطيك العافيه وماقصرتي
والحل الوحيد اني بواجهه وبقوله كل اللي بخاطري

جنون الدنيا فيني ©؛°¨غرامي مشارك¨°؛©

ياقلبي المواجهه أفضل حل لك وله بعد
أسأليه هو ليش كذا يعاملك

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1