منتديات غرام منتديات إدارية - يُمنع طرح اقتراحات ارشيف غرام روايتي الاولى: سيذكرني غداً أهلي كثيراً ويسأل بعضهم عني طويلا فلن يجدوا وإن راحوا وجاؤوا ولن يهدوا إلى عندي سبيلا
إغاثه. ©؛°¨غرامي فعال ¨°؛©

صحيت وأنا أحس بريقي ناشف .. ثواني وتذكرت اللي صار تحسبت على "عهد"بداخلي .. عساها ما تربح ..
بس هين ولله لأطلع ضربها لي من عيونها .. دخلت علي أحب شخص على قلبي .."غدي"
غدي بخوف:رزان حبيبتي فيك شي؟ .. يألمك شي ؟
قلت بحب:أبد سلامتك من شفتك تداوت جروحي ..
غدي بنص عين:أي
أردفت بضحكه:وبس ..عطيني كوب مويه الله يعافيك .. عطتني أياه وقعدت ..
غدي بهدوء:عارفه وراك أنتقام مزري .. وش بتسوين ..
قلت بجديه:هذي المره الثانيه الي تسويها ولو سكت عنها راح تقول هاذي ساذجه وخايفه مني .. لا عصبت بجي أحط حرتي فيها وماهي متكلمه .. وما سكت عنها المره الاولى الا رحمه وشفقه .. ولله لأوريها نجوم الليل بعز الظهر .. كود أن السجن يعقلها ..
غدي:بس أنتِ كذا راح تسرقين من عمرها 6 شهور ..
قلت بغضب:وأنا .. وهالأثار اللي بجسمي متى تزول .. جسمي معلم أشكال وألوان .. ولا تنسين المره الاولى كم قعدت بالمستشفى عشان بس يتعدل حالي وتتحسن صحتي .. شهر .. ويالله يالله رضو يطلعوني من المستشفى الا لما قلت لهم على مسؤليتي .. ما ذقتي الألم الي ذقته وعساك ما تذوقينه .. لو أنها صفت على كف كفين يمكن أقدر أسامحها .. بس سالفه أنها تجيب حديد وتضرب فيني .. لو السيف على رقبتي ما أسكت ..
غدي تنهدت بهدوء:براحتك سوي الي تبين .. بس أنا ما أنصحك بهالحل .. لأن الشده عمرها ما فلحت معك عشان تفلح مع عهد ..
قلت بلامبالاة:كيفها تستاهل أجل أنا أنضرب وأسكت لا والمصيبه مرتين .. واللي براسي بسويه .. بتجين معاي حياك الله مو جايه براحتك خلي ليلى وعهد يقضون عليك .. صدقيني لغه ومعنا وفلوس ومعنا .. نسافر أنا أروح لمدرسه ثانويه أكمل ثالث وأنتِ تروحين الجامعه ..ونشتغل بنفس الوقت ..
غدي بإستنكار:بلحالنا لا عز الله ما تقدرين ..
كملت وأنا عارفه أني قسيت عليها:ليه الي يشوفك يقول عمرك كله قاعده مع رجال وعز وسند .. أحنا نقدر نسوي كل شي وبدون أحد ..
غدي بحده:لا تحاولين تضغطين علي بكلامك القاسي عارفتك أكثر من نفسي .. صدقيني لا تظنين لندن أمان مثل السعوديه ..
قلت بحماس لأن واضح أنها بدت تقتنع وغدي وهوسها بالميك أب والعطورات والملابس (بشكل عام تحب الأسواق ):نتعلم كيف ندافع عن نفسنا ..ونطلع للأسواق ونتمشى بدون رقابه ومكالمات أربع وعشرين ساعه .. ندرس ونشتغل ونعيش حياتنا مثل باقي الناس ..
غدي:المصيبه كيف نطلع والحارس الي عند الباب وبالليل يفتشون على الغرف يشوفون أنتِ موجوده أو لا ..
قلت بثقه:هذي خليها علي بس خلينا ننتقم من عهد هي وجهها ..وخلي ظهري يتشافى من وجعه ..
غدي قامت وواخذت شنتطتها:بنزل الكافتريا تبين شي؟
قلت بأبتسامه:كوب موكاآ..
طلعت ..
وأنا سرحت وأتذكر اليوم الي مسكوني فيه عهد ووئام (كنت طالعه لجهه الحديقه .. على أساس أني بجيب الحلق حقي الي كان هديه من غدي .. بحياتي ما فكيته من أذني بس لأن أذني وجعتني وغصبتني غدي أفكه .. عساني ما نحرم منها .. حسيت بيد قويه ماسكتني من وراي .. نفس الليله الي جلست بالمستشفى شهر عادت لي أحداثه بسرعه .. ملمس يدها الخشن ذكرني بذاك اليوم الي كرهت نفسي فيه من وجع جسمي أسبوعين ما قدرت اتحرك من فراشي .. بعدين قدرت أتحرك شوي شوي .. سحبتني للمخزن ورمتني بقوه على الارض .. ناظرتها بأستهزاء:قويه ما شاء الله ..
وئام بغضب:جايك رزقك من القوه ..
طلعت جوالها:وينك ..شتبين بغدي خليها ..لاا كيفها عندي لك الي أحلا منها ..
وناظرتني نظره تقززت منها بشكل فضضيع ..
لا وبعد ناوين تاخذون غدي أصبرو علي ولله لأطلع هالضرب هذا كله من عيونكن يالكلاب ..
تذكرت الكاميرا الي محد يعرف فيها غيري لأنه من الاساس أنا الي مركبتها .. بعد ما ضربوني كنت متوقعه أنهم راح يرجعون يضربوني ثانيه ..عشان كذا ركبتها .. وأبتسمت بخبث..
قالت وهي تمسك الحديده:ما ودك بذي ..
أبي أسكت عشان أستفزها وتضربني أقوا ما عندها .. وساعتها أنتقامي راح يكون مزري ..
ولله ولله ولله لأخليها تندم قد شعر راسها .. وصلت عهد وضربوني ضرب ما تمنيته لعدوي غيرهم .. كنت أتنفس بقوه من ألم ظهري حطو حيلهم كله بظهري .. حاولت ألقى منفذ يفكني منهم لساني أنربط ماني قادره حتى أصرخ .. من ضربوني وأنا كاتمه صرخاتي .. أضربوني وأخرتكن بالسجن محذوفات 6 أشهر .. ويا أنا يا أنتن ..
ما لقيت حل سوا أني أطيح نفسي وأمثل أنه مغشي علي ..
سمعت ضحكه عهد وهي تتكلم بدلعها الخايس الي تقلب كبدك من تسمعه:هههههههههههههههه يالله تلوعه ماتت بسرعه (دلوعه) ..
الله وأعلم من الدلوعه يالتبن .. قسم حتى التبن يكرم أنتِ ووجهك .. ما بقى قطره مكياج ما حطيتيه فيه ..أستغفر الله بس .. بعد كذا طلعوا وتركوني جلست أزحف لما وصلت الباب الي مفتوح .. طلعت منه وشافتني كوثر شهقت وراحت تركض داخل وهي تنادي المديره والي ومعاها ..بعد كذا أغشي علي ) .....
"

طلعت من غرفه رزان وانا أبتسم مجنونه ومجنونه كثيير .. ولا حطت براسها شي تسويه لو موتها فيه .. بس أحسن ..خلها تربيهن .. ولله أني صحت عن سنين عمري كلها لما عرفت أنها بالمستشفى ..
نزلت الكافتريا وأنا أفكر .. شفت ساعتي الساعه 10:25 بالليل
:أمري ي أنسه شو بدك ..
قلت بهدوء: 2 موكاآ حار..
تذكرت هوسنا المجنون بالكوفي لو يمر يوم ما شربنا روسنا تألمنا بشكل فضضيع وموحش ..
:خمس دقايق من فضلك ..
قلت:أوك ..
لفيت وجلست أتأمل الناس الي رايحه وجايه ..
تذكرت أهلي الي تخلوا عني ورموني بدار أيتام .. يمكن أكون بنت حرام .. حسيت بغصه تخنقني ..كيفهم أصلا أنا ما أبيهم أذا هم ما يبوني مره أنا ما أبيهم مليون .. كنت دائما أفكر بأحساس البنات الي عندهم أب وأم وأخوان..كانوا البنات الي معاي بالمدرسه لا جوا يسولفون وش صار لهم من مواقف مع أخوانهم أو ذيك البنت الي هزئها أبوها ولا ذيك البنت الي أخوها بالغصب طلعهم للمول أمس .. ولا أحساس البنت الي أخوها تزوج يآآآآه كم تمنيت أحس بذاك الشعور .. غرقت عيوني دموع أبي مثلهم أنا بعد .. أحيانا يجيني شعور الحسد بس أقتله لأني ما أتمنى أبدا أني أحسد شخص على شي أحبه وأبيه أنا ..
:ي آنسه طلبك ..
لفيت عليه بأبتسامه وعيوني مليانه دموع فتحت بوكي وطاحت دمعتي على صوره قديمه فيها 6 أطفال أحبهم اكثر من نفسي (رزان-شهد- -أميره-دعاء- رانياآ-أنا)..كنا لاعبين بمكياج مديره الدار القديمه .. بعدين جت وهاوشتنا وعدلت لنا المكياج ولبستنا فساتين وصورتنا ..
يازينها من أيام مع مديرتنا (مريم) .. كانت ما عندها بنات وتحبنا كثثير .. وحنا كنا نناديها ماما .. وهي ترد علينا لبيه .. حتى وهي معصبه ..
طلعت له حسابه .. ومسكت الكرتون الي فيه الكوفي وشنتطتي على كتفي .. رن جوالي.. حطيت كرتون الموكاآ وشنطتي على طاوله فاضيه وطلعت جوالي شفت أسمها ي حبي لها تعرف متى أضيق .. كرهت أهلي الي تخلوا عني .. وش أبي فيهم وعندي الي تسواهم كلهم
قاطعني صوت شاب:لو سمحتي بتجلسين على الطاوله ولا بتمشين؟ ..
لفيت عليه وهو كان حاط يده على رقبته بأحراج .. ناظرت حولي وكانت الطاولات مليانه .. مسحت دموعي وقلت بصوت مبحوح:لا .. تفضل .. برد على جوالي وبمشي ..
الشاب:شكرا ..
أبتسمت له بهدوء .. ورجعت دقت رزان ورديت عليها:هلا
وصلني صراخها القوي .. وهي تصارخ على الممرضه الي وجعتها وهي تدخل أبره المغذي .. بعدت الجوال عن أذني بسرعه .. وقلت بحده:رزان بلا دلع خليها تدخل المغذي بيدك .. أنتِ نسيتي الضرب الي جاك ..
رزان بألم:يوجعني طيب ..
قلت بحنيه:ي قلبي أنتِ خليها تدخله هذاني جايه أستني شوي ..
كنت راح أسكره بس ضغطت سبيكر بالغلط وطلع صراخ رزان:ي كلبببببببه لا أبوك لا أبو من حطك ممرضه أنقلعي أشوف عساك المغص ..
سكرت الجوال بسرعه وشلت شنطتني وأنا أحس كل الأنظار علي .. شفت أبتسامه الشاب والي معه وفهيت فيه صحيت على نفسي وعلقت شنطتي على كتفي وأخذت كرتون الكوفي وأنا أهمس:عساك ما تربحين ي رزان كانك مفشلتني وين ما أروح ..
ومشيت بسرعه ..
..
"
بأحد الأسواق بـ"لندن"

بصصراخ:هاآآآآآآآآآآآآآآآآآآآآآآآآآآآآآآآآآآآآآآآآآ آآآريت ..
يالك من ناكر معروف .. لقد جعلتك تعمل لدي وأنا أثق بك وبتعاملك مع الناس .. ولكنك خُنت الثقه .. أحممق .. أخرج من محلي أنت مطرود من عملك ..
قلت وأنا أحاول أبرر موقفي الضعيف:هذه المــ ..
أدوارد بعصبيه:
You do not have the right to clarify it l’ve heard everything ears out
(لا تملك الحق لتوضيح الأمر .. لقد سمعت كل شيئ بأذني .. أخررج)
قلت بأستسلام:
Well’ll go but chill a bit of anger
(حسناً سأخرج .. لكن هدئ من غضبك قليلاً ..)
أخذت الكيس الي فيه ملابسي المدرسيه ودخلت غرفه التبديل لبست بنطلوني الي باللون الكحلي والقميص الأبيض وربطه العنق العنابيه وعلقت جاكيتي على يدي بشكل أنيق ..
وتعطرت من العطر الي بشنطتي رتبت شعري الأشقر الي أحبه كثير .. مع أني ورثته عن شخص أكرهه كثير .. طلعت وأنصدمت بالشخص اللي جالس بمكاني وعلى مكتب المحاسبه الي كنت من أول أجلس عليها ..أبتسمت بحسره .. علقت شنطتي على كتف واحد ..رفع راسه لي وأبتسم .. أمداك ي أدوارد تلقى لي بديل .. بادلته الأبتسامه.. طلعت من المحل بهدوء على عكس لما دخلته .. كان صراخ وهواش على المحاسب الي كان قبلي ..مشيت على الرصيف وأنا أحس كل مافيني محطم ..وصلت لمحطه وقوف الحافلات جلست على الكرسي رن جوالي .. وأبتسمت بضيق رديت على المتصل:هلا ..
:هلا فيك أخبارك ؟
قلت:ماشي حالي بشرني عنك ؟..
:بخير .. مر أحد المطاعم وجب لنا شي ناكله أنا بالشغل مثلك عارف المحل الي أشتغل فيه يسكر متأخر .. وأنت محلك يسكر بدري ..
قلت بحسره:مطرود ..
:أيش مطرود؟؟ .. شقصدك!! ..
قلت بقهر:مطرود من شغلي وانا أخوك .. اليوم أنطردت وهالدقيقه ..طرد أخوك ي إيفن ..
إيفن:لا حول ولا قوه الا بالله .. شفيك خلاص .. أهدى ماصار شي ..
قلت وانا من القهر ودي أصيح:أنت أكثر واحد عارف معاناتي لما لقيت مثل هالمحل حتى أني ما أستلمت راتبي الأول ..
إيفن:خلااص يخي هونها وتهون ..
ضحكت عليه:شعندك قلبت رسمي ..وتتكلم معاي كذا .. كني رئيسك .. ماني أخوك.
إيفن:كل تبن هذا جزاي الي أهارجك زي العالم والخلق .. أبد أبد ناكر معروف ..
قلت بقهر:ي ليل البعارين شعندكم اليوم أنتم علي كل من هب ودب قالي ناكر معروف .. تراكم هقيتو أم أمي يخي ..
إيفن مات ضحك:ههههههههههههههههههههههههههههههههههههههههه شفيك أنت هههههههههههه .. أعوذ بالله طراطيع هههههههههههههههههههههههههههههههههههههههههههههههههه ه

ضحكت لضحكه:ههههههههههههه طيب خلالالاص كل تبن ..
إيفن بضحكه:ولله ي أخي العزيز ما أشتهي أكلك ..
هاريت:كل ز***..
سكرته بوجهه ي ربيييييييييييييييييييييه مستفز بشكل مو طبيعي ..
حسيت أحد جلس جنبي بس ما أهتميت ولا لفيت .. مسكت جوالي ودقيت على "دعاء" .. وماردت .. شكلها مشغوله .. كلن لاهي بشغله الا أنا .. قمت من كراسي الأنتظار .. ومشيت على الرصيف .. فتحت بوكي .. فيه بطاقات البنوك الي مسجل فيهم .. بس مالي بولا فلس من هالفلوس الي يجيبها أبوي أبي أكل شي من راتبي يوم بس .. كل شي بفلوس أبوي .. أبي أعتمد على نفسي وأشتغل زي العالم والناس ..دخلت المطعم وطلبت لي ولدعاء وأيفن .. دخلت الشقه بعد ما شريت الاكل من المطعم ..فتحت النور وحطيت الأكل على الطاوله .. وجلست أناظر التلفزيون ..تذكرت موقف ومت ضحك .. كنا نمشي بالشارع وأيفن يتطنز بشايب طاح على وجهه وجزمته طارت بوسط الشارع والسيارات تمر وتوطوها وتقطعت جزمه الشايب وإيفن مايت ضحك ويتطنز على شكل العجوز .. فكان يمشي ويقلد ملامح الشايب .. وفيه بلاطه بازره وطاح إيفن على ظهره وحنا تسدحنا ضحك على شكله .. والناس حولنا ضحكوا على شكله بس .. إيفن سوآ نفسه مغمى عليه عشان ما يتفشل لا قاآم .. رن الجرس وأنا صحيت من نوبه الضحك الي جاتني .. قمت فتحت الباب وماكان علي الا القميص الأبيض والبنطلون الكحلي .. فتحت البآب وأنا أبتسم وعلى باآلي أنه إيفن أو دعاء بس خابت ظنوني وعقدت حواجبي من الطارق ..
:أوه أنا آسفه .. لقد أخطأت برقم الشقه ..
فهيت وأنا أناظرها تحنحت:لا عليك .. وأبتسمت وراحت .. رفعت أكتافي وحطيت العشاء على الطاوله بشكل أنيق ..
بدلت ملابسي بـ برمودا سوداء وبدي أسود .. ونمت بعممق ..
...............
دخلنا الشقه الهاديه .. مرينا المطبخ لقينا العشاء جاهز بس باقي نحط العصير بالأكواب .. أبتسمت بخفه:نام ..
إيفن:أمشي نشوف ..
دخلنا غرفته وكالعاده نص جسمه طايح والباقي فوق السرير .. بحيث تكون رجله اليسرى بالسرير ورجله اليمنى بالأرض ..
أبتسمنا على شكله .. أشر لي إيفن بمعنى"أمشي نطلع" ..
جلسنا على الطاوله
قلت برفعه حاجب:إيفن فيك شي ..
رد علي بإرتباك أستغربته منه بالعاده يتكلم معاي براحه بأي شي يضايقه:لا ولا شي ..
أبتسمت بخبث .. مصيرك بتتكلم ..
إيفن بخوف:يخي لا تناظريني ذي النظره تربكني ... ماني متكلم .. وهالأبتسامه شيلها من ذا الخشه ..
أنفجرت ضحك على شكله:شفيك ترا عادي تكلم .. ولله ماني متهاوشه معاك ..
إيفن يلهي نفسه بالأكل ويحاول م يحط عينه بعيني:حتى لو كان الموضوع يخص أبونا الحقيقي ..
أنتهى ..
أتمنى أني ألقى أهتمام منكم وراح أكون دقيقه جدا بتنزيل البارتات .. البارت راح يكون كل أربعاء بأذن الله .. م أقدر أحدد لكم الساعه كم لأن أنا ماني عارفه وش ظروفي .. شي أخير أتمنى من الي حبوا روايتي وحابين ينقلونها لا ينقلونها بدون أسمي "شهد" ..

.................................................. ..........


إغاثه. ©؛°¨غرامي فعال ¨°؛©

المشاركة الأساسية كتبها بنـت الكعـبي اقتباس :
رووعة
آستممري
بنتظـآآر آلبـآآرت آلجـآآي 3>
الروعه حضورك ي قلبي .. قريب البارت الجاي أن شاء الله ..


s5s5 ©؛°¨غرامي مجتهد¨°؛©

ااوووييلااهه ..
الروايه خرافيه ,,
غموضك جذب بشكل كبير جدا ..
بليز نزلي البارت الثاني ..
ودي .. سوس الخطابي ..


M.T.S ©؛°¨غرامي متألق ¨°؛©

الســلام عليــكم .. صبآإح الخــير
بــدآإيــهـ البآإرت وآإيــد حلــو .. الاسلوب جذآإب
القــصهـ عـ بدآيتها شكلها ممتعه و مشوقهـ..
فــي غمــوض عجــيب و تسلسل جميــل ...
بـــس عنــدي انتقاد واحد :
العنوان .... العنوان وايد طويل .. وايد وايد طويل
يعني تقدرين تلخصينه فــي كذا كلمه احلى من سطر كامل
اما الروايه ما عليها كلام تابعي تقدمج
و حافظب على اسلوبج فــ السرد
ودي : M.t.s

فنووش # ©؛°¨غرامي مجتهد¨°؛©

السـ,ـلاعليكمورحمه الله وبركاتةة


البدايه حلوه بس مااقدراحكم على الروايه من اول بارت ... نبي التكملة

انتقاداتي: لو خليتي بسمله و حقوقك على روايتك قبل ماتبداي البارت بيكون افضل
العنوان جميل لاكنه طويل ...

ودي


إغاثه. ©؛°¨غرامي فعال ¨°؛©

المشاركة الأساسية كتبها فاتنه ك امي اقتباس :
ااوووييلااهه ..
الروايه خرافيه ,,
غموضك جذب بشكل كبير جدا ..
بليز نزلي البارت الثاني ..
ودي .. سوس الخطابي ..
شكرا ي عيني .. والبارت الثاني حوالي الساعه 2 ونص بيكون جاهز أعدل عليه وأنزله ..

إغاثه. ©؛°¨غرامي فعال ¨°؛©

المشاركة الأساسية كتبها magro0oha t sasuke اقتباس :
الســلام عليــكم .. صبآإح الخــير
بــدآإيــهـ البآإرت وآإيــد حلــو .. الاسلوب جذآإب
القــصهـ عـ بدآيتها شكلها ممتعه و مشوقهـ..
فــي غمــوض عجــيب و تسلسل جميــل ...
بـــس عنــدي انتقاد واحد :
العنوان .... العنوان وايد طويل .. وايد وايد طويل
يعني تقدرين تلخصينه فــي كذا كلمه احلى من سطر كامل
اما الروايه ما عليها كلام تابعي تقدمج
و حافظب على اسلوبج فــ السرد
ودي : M.t.s
صباح النور ..
عيوك الجذابه ..شكرا وأن شاء الله تظل على طول مشوقه ..
الغموض صفه من صفات الروايه والصدمات راح تجيكم ورآ بعضها .. وأن شاء الله تعجبكم ..
الموضوع م أحسه طويل لذي الدرجه .. وعاد حطيته وهو عاجبني .. ومناسب تقريبا للروايه ..
وأما من ناحيه الأسلوب .. أو السرد .. أن شاء الله راح يضل مثل م تبين ..



إغاثه. ©؛°¨غرامي فعال ¨°؛©

المشاركة الأساسية كتبها آلقمر حيرآآن ومني غيرآآن اقتباس :
السـ,ـلاعليكمورحمه الله وبركاتةة


البدايه حلوه بس مااقدراحكم على الروايه من اول بارت ... نبي التكملة

انتقاداتي: لو خليتي بسمله و حقوقك على روايتك قبل ماتبداي البارت بيكون افضل
العنوان جميل لاكنه طويل ...

ودي
وعليكم السلام ..
طبيعي م راح تقدرين تحكمين على الروايه من أول بارت .. وأتذكر أني قلت هالكلام لكاتبه م أدري أذا كانت أنتي أو غيرك ..
أنتقادك عسل على قلبي .. وأفدتيني كثير .. وأن شاء الله راح أعدل ع البارت الأول وأحط عليه مثل م تبين ..
أما بالنسبه للعنوان ..
م أتوقع أنه طويل مره بأمكانك تحفظي البدايه بس ..


أدوات الموضوع
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1