اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 15-06-2013, 11:42 AM
صورة ملح الحياة وسكرها الرمزية
ملح الحياة وسكرها ملح الحياة وسكرها غير متصل
©؛°¨غرامي مجتهد¨°؛©
 
الافتراضي رد: ان كان لي يوم وتمنيت..شوفة عيونك طالبنك,,


البارت الثالث,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
منال/خلصتي الادب ولالسه؟
سارة/باقي,,,وين اخلصه هذا...
منال/ساروه علامك..ترى ماهو بطويل شدي عليه وانتي تخلصينه,,,
سارة/أي يصير خير...
منال بهمس/اكيد شاغل بالك ولد امه وابوه..
سارة انفجرت ضحك....
منال بتهديد/شفتي انه بالسالفة,,,
سارة/حرام ترى كل الي بينا مسجات ماقاعدة اكلمه صدقيني..
منال/لامو مصدقتك؟اللحين مسجات ومو قادرة تخلصين سبعة دروس بالادب؟؟؟بالله لو كنتي تكلمينه وش سويتي بنفسك؟
سارة بشاعرية وارتياح/والله انه مضيعني...بحياتي ماكنت كذا,,,,
منال/أي وبعد..
سارة بعمق وارتياح/مدري وش قاعد يصير فيني...نايف غير...فيه شي غير...ماهو مثل ها العالم...
كل اللي بينا نظرات وبس!!تصدقين ماطلب حتى يشوفني....حاسب حسابه تخلص الامتحانات ويخطبني,,,
حاسة بشعور غريب...
منال/وها الشعور طبعا مخليك ماتذاكرين ولاتجيبين خبر الدراسة ياحظي؟؟
سارة/اووووف انا وين ومشاعري وين وانتي تحطميني كذا؟؟؟
منال/دراستك اهم من الاخ اللي شاغل بالك..
سارة/لاوالله....تعرفيني مو ذاك الزود بالمدرسة...
منال/معليش انتي شدي شوي علشان تخلصين وتتفرغين له بعدين,,,
سارة بحلطمة/يصير خير,,,
كان صوت مسج واصل لسارة بذيك اللحظات...
منال/روحي..روحي اقري وش جايب لك قيس زمانه...
سارة/ههه بالله..يمكن مو هو اللي راسل لي..يمكنstc,,
منال/أي يصير خير,,,,
/////////////////////////////////////////////////////////
ام التؤام/لاوالله؟وين كنت؟
نايف اللي توه دخل وسكر باب الصالة وراه شاف امه بوجهه وابوه وعمته واخته...
نايف /السلام عليكم...
وعليكم السلام والرحمة,,,
ام التؤام/انت وين كنت,,,,
نايف جلس وقال بهدوء/طلعت شوي وين المشكلة,,,
ام التؤام/المشكلة انك ماطلعت شوي بس...طلعت من زمان وتوك راد!!ماتقولي وين كنت طول ذيك المدة؟
نايف/كنت طالع مشوار....نواف دق لي يبيني بسالفة..
ابو التؤام/شفيه اخوك...
نايف/ماكو شي يبى سالفة عادية...
ام التؤام/عسى بس ماغير موعد جيته؟
نايف/لايمه تطمني الاثنين ان شاءالله هو هنا....
ابو التؤام/الله كريم,,,
هدى رسلت له مسج رغم انه كان جنبها(اخاف بس المشوار علشان سارة )
مارد عليها اصلا ماحط عينه بعينها لاتكبر براسها السالفة بس من داخله كان يغلي ...وده يكسر راسها بس مو عارف شيسوي,,,
ام التؤام/بكرة الصباح بتجي غرفكم الجديدة,,,
نايف/أي غرف....
ام التؤام/انت واخوك...انا خليتك على راحتك طول مااخوك هناك..بس اللحين يومه رد لا حبيبي بترجعون التؤم اللي مثل بعض بكل شي,,,
نايف بضيق/يمه ترى ماعدنا صغار....
ام التؤام/وانت ليه مضايق عمرك بالله؟
نايف بضيق/ولاشي..بس باقي بعد نطلع ناخذ لنا ثياب مثل بعض علشان تكمل؟
هدى/ومن قال انها مابتصير هاذي خليها علينا احنا نفهم باللبس اكثر منكم؟
حقرها وحقر الكل وقام...يالله بتجيك البلاوي اللحين برجعة نواف...كل شي يبونه على هواهم,,,,
///////////////////////////////////////////////////////////////////////////////////
نسرين/زين شرفت؟
مارد عليها تركي ودخل الغرفة ودخلت وراه وسكرت الباب...
نسرين/وين كنت؟ولاتقولي تحت مريتك وماشفتك؟
تركي/كنت تحت..وبعدها اخذت باسل وطلعت معاه شوي...
نسرين/ياسلاااام..واللي هنا...
تركي/منهم اللي هنا..
نسرين/انا وبنتك؟
تركي/شفيكم؟
نسرين/سلامة عمرك...مافينا شي,,,,,بس انت لاهي مع ولدك وماتقول عندي بنت غيره ,,
تركي/والله عاد اللي اعرفه انك طالعة الصالون وان بنتي كانت مع الشغالة تبدل لها..
نسرين تقربت منه وتكتفت وقالت/واللي رجعت من الصالون حتى ماكلفت على عمرك وقلت اشوف وش تغير فيها؟وبنتك ماتعرف تاخذها مع اخوها وتطلع معهم,,,
كان يناظرها وباله مشغول بس بالاخير حاول يشيل الافكار من باله وتقرب منها خطوة وصار قبالها..
مسك يدها وسحبها شوي لعنده وقال بهمس/اولا اللي رايحة الصالون حلوة وبتظل حلوة بعيوني لو شسوت؟
نسرين باعتراض/اقعد قص علي بها الكلمتين وخلني اسكت وارضى..
تركي/وليه تسكتين وترضين...قولي شعندك....
كان بها اللحظة ماخذها بحضنه علشان تسكت لانه مو قاوي يسمع أي همس من أي انسان..
كثيرة الاشياء اللي شاغلة باله,,,,
بهمس ورقة قالت/احبك...
وبتملك اكثر كملت/وابيك لي وحدي ومايشغلك عني شي,,,
//////////////////////////////////////////////////////////////////
غسان/واحشني صوتك مووووت..
نورة/انا مو صوتك اللي واحشني انت بكبرك واحشني...
غسان/لاكذا لك مخالفة..
نورة/ههههه
غسان/ماتطلعين انتي من البيت ماتسوون حادث ماشي نبي نشوفكم...
نورة/اسم الله علي من الحوادث؟؟بتفاول علي انت..
غسان/لا حرام عليك انا افاول عليك.. ههههههه...انا بس اقول...ودنا نشوف عيونك ياام عيون حلوة,,,
نورة/متى مناوبتك..
غسان/توي طالع...
نورة/معناته انت الليلة منت في البيت...
غسان/لا...
نورة/طب وين بتكون اذا ممكن اعرف...
غسان بخبث/ليه...
نورة /يمكن اجي مع السايق وتوقفنا تعطينا مخالفة...
غسان/ههههه لاوالله...
نورة بهمس/ترى العد التنازلي بدا,,,
غسان بتنهيدة/تعرفي اني انتظر موت ها اللحظة,,
نورة بتغلي/متاكد...
غسان/انتي عندك شك بها الشي,,,
نورة وهي مغمضة عيونها/ابي اسمعها طول الوقت..
غسان بثقل/تضيع حلاوتها اذا انقالت علطول,,,
نورة فتحت عيونها وقالت/انت في مجال تتركني بيوم من الايام؟؟؟؟
قالتها وقامت من فراشها ووقفت قبال المرايا ..
كانت نورة جميلة جمال واضح ومبهر,,,
كل شي بتفاصيلها يوحي بالانوثة والاغراء,,,
مزيج من الجمال الهادى الصارخ,,,
خلطة غريبة تسحر كل اللي يشوفها من اول وهلة’’’
طول ممزوج بشوية امتلاء زادوها جاذبية..شعر يوصل لنص الظهر نادراماتشوف هالشعر طايح على كتوفها بالعادة دايم مرفوع وعاطيها هيبة من هيبة تركي اخوها,,,
بشرتها ماكانت بيضة ولاسمرة,,كانت خليط بين اللونين,,يعني نكهة جديدة وحلوة’’’
عيونها كانت كحيلة وواسعة باللون البني الفاتح,,,
نورة كانت مدلعة من تركي وراشد خصوصا ان ابوها مات وهي صغيرة وظلت بحمايتهم لين كبرت وظلوا جنبها دلوعتهم ومايرضون بزعلها ولاضيقها,,,,
تنهد غسان وقال بهمس/ليه تقولين كذا يانورة...
نورة بتغلي/ابي اعرف وش مصيري معك,,,
غسان بصدق/انتي ساكنة بوسط القلب يانورة,,,,
نورة بتشكيك/وها القلب بيسكن احد معي ولابيظل لي بروحي!!
غسان/هذا شنو..
نورة بثقة/هذا تساؤل وتغلي بنفس الوقت,,,,
//////////////////////////////////////////////////////////////////////////
ياربي...سترك يارحمان...الشمس راحت بيتها وعساف لسه مارد؟
انا وين اروح؟لمنو اشكي حالي؟؟؟
وين اطلع ادور عليه؟؟؟؟
معقول ماسكينه المركز للحين؟
طيب ليه؟وش مسوي اخوي؟
اروح للجيران ولا مابيساعدوني؟
طيب اروح له مركز الشرطة اسئل عنه....
أي...لازم اروح...مو معقول صار له فوق السبع ساعات مارجع لو هو تحقيق خلص من زمان؟؟؟
ياربي..مدري ليش قلبي قابضني عليك ياعساف ياخوي,,,
عسى ربي مايراويني فيك يوم اسود يابعد طوايفي,,,يللي بقيت لي في هالدنيا بعد امي وابوي,,,,
لفت عليها شيلتها ووقفت وسمت بالله وطلعت’,,,,
ريناد,,,,,بنت السالم,,,
ابوها تزوج امها السورية واهله مو راضين عليه...وطردوه من البيت وحرموا من كل شي علشان يتركها بس انه حبها وماتركها ظل متمسك فيها حتى مع اصعب المواقف لدرجة انه تجرد من خير اهله كله ووظيفته بس لانه اختارها بس مع ذلك ماحركت بداخله شي,,,عاش ايام سودة ومرة وجاه عساف وحاول يرجع لااهله ويعرفهم بولده ومارضوا فيه وخيروه بينهم وبين زوجته ورجع من جديد وهو عنده امل انهم يمكن يلينوا بيوم من الايام بس الوضع ظل مثل ماهو ماتغير,,,كبر عساف وجتهم ريناد ورجع كرر المحاولة من جديد وهو عارف ان ابوه مستحيل يلين بس قال مايبي يياس وماهو خسران شي لو حاول يظلوا اهله وماله غناة عنهم,,,
ظل ابوه على عناده حتى بعد ماكبروا عياله,,,وانقطعت بعدين محاولاته وماصار يروح لااهله,,
لين ذاك اليوم اللي انقلبت فيه سيارة ابو عساف وهو راد من سوريا مع مرته وماتوا بالحادث الاليم,,,
كانواعيال السالم ماهم هنا مسافرين وماسمعوا الخبر اول مارجعوا سمعوه بعد فترة وبعد مشاورات بين العيال وابوهم انه يخلي عساف وريناد يجون عندهم يسكنون بما انهم هنا مو عند اهل امهم يالله رضى يجون بس تحت شروطه هو,,,
واللحين كلموا عساف علشان يجي هو واخته عندهم’’’’’
///////////////////////////////////////////////////////////////////////////////
خلونا نروح الاردن شوي,,,,,
وتحديدا في مدينة جرش,,,,
لينا/مرحبا نواف...
لف لها نواف بدون مايقول شي وقال بتمتمة/اهلا..
سحبت الكرسي اللي جنبه وجلست...
وقام يناظرها.....
لينا بلامبالاة من نظراته/انت صدق بترد السعودية خلاص,,,,
نواف بثقة/طبعا..
لينا/ليه...
نواف/سؤالك غريب....بالله ليه الواحد يرد لوطنه؟
لينا/وش تبي تسوي هناك.....خلك قاعد هنا احسن الجو وناسة وعلى كيف كيفك ولااحد يحكرك ولايتدخل فيك....
نواف/مافي ا حلى من وطني واني اكون جالس وسط اهلي وناسي....الرسالة اللي حملتها على كتفي خلاص انتهت ولازم ارجع اللحين...
لينا بحذر/وش مخطاطاتك يانواف...
ناظرها فترة طويلة وبعدين قال/منتي جزء من مخططاتي,,,,لاتخافين؟
قالت بهمس وهي تقرب راسها من راسه وتمسك ياقة قميصه/يعني نسيت منهي لينا وش تعني لنواف ؟ترى فيني اذكرك وش يسوي فيك قربي,,,,,نواف بهمس/عقلي وبلا جنان زايد ترى كل الشلة هنا اذا باقي شوية حيا عندك؟؟
لينا/لاماعندي...
شال يدها بقوة وبعد عنها مسافة قصيرة وقال بشماتة/ماتبين تردين السعودية يالينا....
لينا وهي تناظره بغضب/انت دخلت فكرة الرجعة في بالي ولو اني شلتها نهائيا....بس انت تستاهل طبعا اني اظل جنبك,,,,قام من المكان اللي هو فيه وتركها بروحها...
مشى شوي لين شاف محمد واشر له يجي عنده...
محمد/ها....وش بغيت..
نواف بضيق/انا متضايق من اللي ماتتسمى وابي ارد الفندق..
محمد/انا مو قايل لك طنشها...خلاص يااخي تعال لسالم وعبدالرحمان مو حلوة ترد الفندق والعزيمة على حسابك...
نواف بترجي/محمد تكفى مالي خلق شي ابدا هالزفتة نرفزتني على الاخر....
محمد/تعال بس تعال قال مالي خلق,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,
اللحين عاد خلونا نختم بارت اليوم بالشخصيات والتعريف فيها,,,
1/عائلة التؤام...
نايف ونواف’’’25 سنة...نواف تغرب ودرس باالاردن ونايف ضل هنا,,,,
بيجي وصف لكل شخصية على حدة,,,
ناهد/اختهم الكبيرة عمرها 32 متزوجة وساكنة بجدة وعندها ولد وبنوتتين,,
نهى,,اختهم الصغيرة,,,عمرها 20 سنة,,
هدى,,عمتهم عمرها 21 سنة,,,
2/عائلة العبدالله,,,
تركي,,,عمره 34 سنة,,,تزوج وماتت زوجته وهي تولد وجابت له ولد وبعدها تزوج نسرين وجابت له بنت,,,في فترة بحياته بتشوفون احداثها بالرواية,,,
اسمر عريض وهيبة,,,هادى في اغلب الاحيان وبالاحيان الثانية غيورمع شوية عصبية,,
نورة,,,,البنت المدللة بين اخوة اثنين يحبونها ويفدونها بعد وفاة ابوها,,,
بنت جميلة ومتعلمة وطموحةو....بتعرفون الباقي بالرواية,,,
راشد...الولد الثاني....متزوج وماهو مرتاح مرته صاحبة طلبات طويلة عريضة..والاهم صاحبة مشاكل ونفسية,,,عنده ولدين وبنت,,,,
3/عائلة السالم,,,
ابو عبدالرحمان وزوجته,,,
وعيالهم,,,
1/ام غسان,,,,
غسان ولدها الوحيد, وابوه توفى من كان غسان صغير وتكفل فيه جده من صغره وهو اللي رباه...وصارت كل حياة غسان باشارة من جده وتحت موافقته,,,,,ضابط شرطة...وسيم..ومملوح...له هيبة وحبوب بين الكل,,,
2/ابو وعد,,,عنده وعد وسمر,,,
وعد,,24 سنة,,,جميلة...وفوق الجمال حبتين..كل شي فيها واضح...ليها حضور وطلة تجذب كل الناس,,,,له فصل بيطلع باحداث الرواية,,,,
سمر,,, البنت اللي بعدها...عمرها 22 سنة...فرق بين شخصيتها وشخصية اختها بكل شي,,,,

////////////////////////////////////////////////////////////////////////////////
بنتظاركم بكرة ان شاءالله,,,

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 16-06-2013, 01:06 AM
صورة نـهر من شـوق الرمزية
نـهر من شـوق نـهر من شـوق غير متصل
©؛°¨غرامي مجتهد¨°؛©
 
الافتراضي رد: ان كان لي يوم وتمنيت..شوفة عيونك طالبنك,,


ملوحة الحلوة ترا منواللحين ما نبغيى نهاية حزينة وفراق
كل شي رومنسي وحلوok
موفقة ياقلبي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 16-06-2013, 01:19 AM
صورة جرحني(جورية) حبي الاول الرمزية
جرحني(جورية) حبي الاول جرحني(جورية) حبي الاول غير متصل
يً ربَ ..رضـآآك.. والجًنَه .. ♥
 
الافتراضي رد: ان كان لي يوم وتمنيت..شوفة عيونك طالبنك,,


ملووووووووحتنا اشتقنالك وربي
فرحت لماشفت دعووتك لي
انا بخير يالغلا وابشرك جبت بنوته
اسمها وتين عمرها خمس شهور ونص
طمنينا عنك عساك بخيررر

لسى الاحداث بالبدايه
واكثر الشخصيات اللي حبيتهم
التؤام وسارررره
بانتظارك بكره ان شاء الله
يعطيك العافيه
اكيد باكون متابعه لك
واذا مارديت اعذريني
تعرفين اجازه واكيد بيجون ضيوف وكذا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 16-06-2013, 09:32 AM
صورة ملح الحياة وسكرها الرمزية
ملح الحياة وسكرها ملح الحياة وسكرها غير متصل
©؛°¨غرامي مجتهد¨°؛©
 
الافتراضي رد: ان كان لي يوم وتمنيت..شوفة عيونك طالبنك,,


اقتباس:
المشاركة الأساسية كتبها نـهر من شـوق مشاهدة المشاركة
ملوحة الحلوة ترا منواللحين ما نبغيى نهاية حزينة وفراق
كل شي رومنسي وحلوok
موفقة ياقلبي


ههههههه
هلا وغلا...
تونا بسم الله في البداية نطيتي تسئليني عن النهاية وش فيها هههههه
منورة حبيبتي تسلمين على تواصلك,,,


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 16-06-2013, 09:37 AM
صورة ملح الحياة وسكرها الرمزية
ملح الحياة وسكرها ملح الحياة وسكرها غير متصل
©؛°¨غرامي مجتهد¨°؛©
 
الافتراضي رد: ان كان لي يوم وتمنيت..شوفة عيونك طالبنك,,


اقتباس:
المشاركة الأساسية كتبها جرحني(جورية) حبي الاول مشاهدة المشاركة
ملووووووووحتنا اشتقنالك وربي
فرحت لماشفت دعووتك لي
انا بخير يالغلا وابشرك جبت بنوته
اسمها وتين عمرها خمس شهور ونص
طمنينا عنك عساك بخيررر

لسى الاحداث بالبدايه
واكثر الشخصيات اللي حبيتهم
التؤام وسارررره
بانتظارك بكره ان شاء الله
يعطيك العافيه
اكيد باكون متابعه لك
واذا مارديت اعذريني
تعرفين اجازه واكيد بيجون ضيوف وكذا

هلا وغلا فيك حبيبتي...
منورةجورية يالغلا والف مبروك ماجاك تتربى بعزك ان شاءالله..
وتسلمين ياقلبي ماقصرتي...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 16-06-2013, 09:43 AM
صورة دلووعةة امهاا الرمزية
دلووعةة امهاا دلووعةة امهاا غير متصل
©؛°¨غرامي فعال ¨°؛©
 
الافتراضي رد: ان كان لي يوم وتمنيت..شوفة عيونك طالبنك,,


بدايةة رائعةة


استمري...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 16-06-2013, 09:49 AM
صورة ملح الحياة وسكرها الرمزية
ملح الحياة وسكرها ملح الحياة وسكرها غير متصل
©؛°¨غرامي مجتهد¨°؛©
 
الافتراضي رد: ان كان لي يوم وتمنيت..شوفة عيونك طالبنك,,


البارت الرابع,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,
ريناد بلعثمة/انا بغيت اسئل عن...
العسكري/خير ان شاءالله..
ريناد/انا اخوي مدري عنه....
العسكري الثاني/شفيها؟
لف الاول وقال بهمس/والله مافهمت منها شي...
العسكري/دخلها لاتبلش روحك معها,,,,
العسكري/دخلي داخل وقولي لهم سالفتك هم بيخدمونك,,,,
حست بدموعها بعيونها تجمعوا,,,وهي تناظر مركز الشرطة قدامها,,,بترضاها ياعساف ادخل هنا؟؟؟ادري مابترضاها..بس شسوي ياخوي...غيابك عني ها الساعات اللي فاتت جننوني...مدري شفيك ولا شنو جرى عليك,,,,
دخلت بخطوات حايرة...هيبة المكان وقفتها بالنص لاهي قادرة تدخل تكمل ولا هي عارفة تنسحب,,,اصلا هي مو دارية وين تروح؟
شافها عسكري واقفة بالنص ودخلها على الضابط..
الضابط/خير اختي وش عندك؟
ريناد بلعثمة/انا جاية علشان اخوي...
الضابط/شفيه اخوك..
ريناد بتقطع/اليوم كنا طالعين انا وهو ووقفوه بالتفتيش واخذوه ولارد للحين وجواله تقفل,,,
ياولد الناس انا ماعندي غيره...هو كل شي...الله يرحم امك وابوك ساعدني...
الضابط/والله مو فاهم عليك شي...شسمه اخوك؟
ريناد/عساف..عساف العبد الرحمان,,,
الضابط رفع سماعة التلفون وسئل عن الاسم وظل يسمع الكلام اللي يجيه وبعدين سكر السماعة وقال بصرامة/انتي وين اهلك؟كيف تدخلين مراكز شرطة بس,,
ريناد بتبرير/قلت لك انا ماعندي في الدنيا الا اخوي عساف وماعندنا احد...
الضابط/تيسري لدربك يابنت الناس...احد باسم عساف ماعندنا!!!
ريناد بصدمة/شنو يعني ها الكلام؟
الضابط بلامبالاة/اللي سمعتيه....
ريناد بدون تصديق/انا...هم اخذوه من نقطة التفتيش وللحين مارد؟
الضابط بحدة/لو سمحتي اختي..احنا هنا عندنا شغل ومو قاعدين بس نلعب!!لو ماعندك شي تقولينه تفضلي واتركينا نخلص اشغالنا,,,
///////////////////////////////////////////////////////////////////////////////////////////
باسل/عمتي نورة..
نورة/حبيبي...
باسل/انتي بتتزوجين وبتطلعين من هنا؟
نورة بتنهيدة ارتياح/أي....
باسل/طب ليه ماتجلسين هنا انتي واللي بتتزوجينه؟
نورة بحالمية/اسمه غسان...قول عمي غسان....
باسل بقهر/انا ماابيك تتزوجين وتروحين...
نورة بحنان/حبيبي انا بزوركم علطول ..
باسل/ما ابي تزورينا ابي تجلسين معي علطول؟
ضمته نورة لصدرها وقالت/انت ليه زعلان...بابا تركي هنا وماما ام تركي هنا...
باسل/وهنا بعد الخالة نسرين اللي ما احبها؟؟
نورة بتاانيب/ليه تقول كذا ياعمري عيب...
باسل بغضب/هي ماتحبني..حتى اذا اصعد فوق اشوف الجوري وابوي ماتخليني وتقول لي انزل تحت...
سكتت نورة....
نسرين وباسل علاقة فاشلة جدا ومو راضية تنحل وتعقدت اكثر بعد ولادة الجوري...
باسل ولد تركي من زوجته الاولى اللي توفت وتزوج نسرين بعد سنتين ومن البداية نسرين ماحبته ولاتقبلته...وجابت الجوري ومافكرت تقربهم من بعض بالعكس قاعدة تقرب بنتها من تركي وتبعد باسل عنه,,,,
باسل هز كتفها/شنو قلتي اللحين؟
نورة بانتباه/على شنو؟
باسل/على انك تجلسين هنا معي ومع ماما ام تركي وماتروحين بيت ثاني....
تنهدت وضمته لصدرها وسكتت,,,,
//////////////////////////////////////////////////////////////////////////////////////
كم من الوقت مر ياوعد....
يوم..ولايومين؟
اسبوع ولاشهرين؟
والله ماعدت اذكر ,,,,
كل اللي بذاكرتي بقايا ذكريات حلوة ماابيها تنمحي من بالي ابدا,,,,
حياة كلها حماس وحيوية متفجرة بداخلها,,,,
كانت تعيش حياتها طبيعي مافيها أي شي,,,,
لين توظفت بالمستشفى وهناك شافته..كان مدير القسم اللي هي تشتغل فيه,,,
انسان ملفت بكل مافيه,,,شخصيته كانت تخلي الكل يوقف له باحترام ويشوف هيبته,,
بدايتهم كانت عادية سلام ورده,,,,
وشيئا فشي تطور الامر بينهم..نظراتهم زادت...همساتهم كثرت,,,,ارواحهم اندمجت في بعض,,,,
عاشت معه كل ظروفه..وتحملت تعبه وحزنه وضيقه..وهو كان يعيش حياتها بكل مافيها,,,
كانوا روح بجسدين مختلفين,,ينامون على صوت بعض ويصحون يقابلون بعض,,,
دامت علاقتهم اكثر من ثلاث سنين,,,
وكان واضح معها بكل شي..حتى موضوع الارتباط تكلموا فيه وخططوا له,,,
لين جاء ذاك اليوم المشؤم اللي ابتعد فيه عنها..ليه ماتدري؟
غاب عنها فترة طويلة,,,,حتى بالدوام ماصارت تشوفه ...
ليش غاب ماتدري؟؟؟
حتى يوم سئلته بصراحة لف ودار وماعطاها الحقيقة,,,حست بجرح كبير,,,
حست بخنقة في روحها,,,
شكثر عطت ها الانسان من وقتها وحبها وحنانها,,,
شكثر خلته اهم اولوياتها؟؟؟
ويوم نوى الفرقى وفارق وابتعد ماعطاها سبب واحد للشي اللي سواه؟؟؟
انسيه ياوعد انسيه,,,كفاية خلاص,,,عشتي بين ناسك مصدومة فترة طويلة,,حتى الكلام ماقمتي تنطقين بحرف واحد من بعد فراقه؟؟؟
دوامك وطلعتي منه,,,كله علشان لاتشوفينه ولاتسمعين باسمه وسيرته,,,,
غريب حال ها البشر,,,يعطونك كل الحب اللي بقلبهم وبلحظة من اللحظات ينسون ويتجاهلون وكانهم ماعرفوك بيوم من الايام ولا حتى سكنت قلوبهم؟ اه ياوعد اه,,,,ليش انصدمت ياربي بها الانسان دون غيره,,,,معقول هو يتركني ومايسال ولاحتى يقول لي ليش؟؟؟
شسويت ؟؟ما اذكر اني زعلته ولاجرحته باي شي,,, ودي بس اعرف ليش هو راح,,,
ارجع الله يخليك ارجع ..على الاقل قولي بس ليش انت رحت؟
كفاية صار لك مدةغايب عني يالغالي..كفاية يااعز الناس ترى والله مااقدر؟
دخيلك لاتخيب فيك هقواتي وامالي..واذا انها ع الصبر والله وغلاتك عندي راح اصبر,,
ابتحمل عنى فرقاك,,وحالي يرثي لحالي,,مع اني والله لين اليوم مدري ليش بس تهجر؟
ابعرف شا السبب ارجوك وش اللي بس يجرالي,,انا شسويت ياربي عشان تثور وتتفجر؟
انا والله ما استاهل ابد كل اللي يجرالي!اقل مافيها بس قلي سبب خلاك تتغير,,,!
ابعرف بس شالموضوع علامك صرت ماتبالي!!..بذمة كل اهلك فيوم شفتني بشي انا مقصر؟
عطيتك قلبي وروحي وهبتك حالي ومالي!! حملت احساس ها الدنيا عطيته لك وانا افخر!
عشقتك عشق لاقبله ولابعده انعشق تالي!هويتك مووت وتخيل الين المووت وتصور!!
واذا جاني مسج منك مخزن رقمك الغالي..!ولاامسح رسالتك اتم اقراها وافكر!!
واحلل كل كلمة بالمسج الله ياغربالي,,واقول بخاطري معقولة حاسس فيني ويشعر!!
وارد اقول لايمكن تذكرني وهو سالي,,لاني توي مطرش مسج طرش مسج يشكر!!
وارد اقول لا,,ادري يبيني وحاسس بحالي..وارد اقول لا مااظن على باله انا اخطر!!
الين اني انا تاكدت..قلبه بالفعل خالي,,ولاغيري انا بقلبه يحبني موت ويقدر,,
لاني مرة من المرات طرت فكرة على بالي,,نويت ازعل بدون اسباب واشوفه لو بيتاْثر!
ابعرف قدري بقلبه..يهمه وضعي الحالي..او انه راح يطنشني ولايسال ويستفسر,,
وفعلا دق ماجاوبت حرق لي والله جوالي,,ثلاثة الاف مرة دق وانا مطنش ولامعبر!!
كتب لي بالمسج اطلع انا عند بابك لحالي!!قسم بالله ماتطلع لاخربها انا واحقر!!
ومشكلتي اعرفه زين يسويها ولايبالي,,نزلت وخاطره مكسور..يقول شفيك متغير!!
وقلت له بس ابتاكد اذا قدرك معي عالي..ضحك لي وقال لي تاكدت ودمعه بلل المحجر,,
وطارت فيني الدنيا لمكاني صاحبي جاني,,تعذر لي وانا الغلطان وانا اللي لازم اتعذر!
بعدها عشت احلى ايام في قربه هنيالي..وصلنا لمرحلة مانفترق عن بعضنا واكثر,,
بعدها فجاءة خلاني ولايساْل عن احوالي..وانا في خاطري اقول محال ف يوم يتغير,,
ادق له مايجاوبني..بديت اشك في حالي..اخاف انه حصل له شي اخافه بس متكدر!!
لعب في قلبي الوساوس خياله ماتهياءلي,,حوالي الف مسج طرشت حبيبي ياعسى ماشر,,
ولاجاوب وانا قاعد على اعصابي وغربالي,,حبيبي صار له اسبوع فيني حتى مافكر!!
الين اني عرفت شلون اخلي خلي الغالي يكلمني,,وجت فكرة بعد مامت وانا افكر,,
وفعلا اتصل فيني وبدت احزاني واهوالي,,وكانت صدمتي كبيرة علي الغالي يتغير!!
سئلته قلت له وش فيك مامن شر يالغالي..وش اللي صار بالدنيا علامك ليش متبعثر!!
او انك يعني ماتدري بدونك صرت انا لحالي,,ولالي خلق أي انسان كثر مافيك انا افكر؟
وجاوبني وقال ارجوك ابي ها الدنيا تصفى لي..انا مليت من وضعي واشوف الكل متغير,,,
انا ضاقت بي الدنيا وابي ابقى انا لحالي,,خلاص اتركني لاتسال وانا برجع بعد اشهر,,
وقلت له مو علي تكذب اعرفك تضعف قبالي,,تكلم قول شالموضوع بداْ قلبي يدق اكثر,,
سكت لحظة وقال ارجوك ابعد عني يالغالي,,وخلني اذكرك بالخير وانته مثلي اتذكر!
ولاتطرش مسج واحد ولاتدق لي ابد تالي. واذا لي خاطر عندك لاتتكلم ابد سكر!
وقلت له والله مااسكر الين تقول وتصفى لي,,وقال لي والله مااتكلم ولو تبكي دمع احمر!!
ولكن شوف من حولك وانت تعرف بس وش جاني خلاص افهمها ع الطاير لاتحرجني بعد اكثر!!
وسكر والدمع فيني على الخدين همالي,,قسم بالله ماادري علامه قلبه تحجر!!
فؤادي انهاروانا حملي يهد جبال وجبالي,,في لحظة صارت الدنيا في عيني ها الكبر واصغر؟
حسافة ماهقيته يوم يصد عني ويتغير..بعدها صار لي ماصار وربي يعلم بحالي,,
فؤادي باقي بس شوي واحسه من الجسم يظهر,,بديت اعرق مدري ليش وخابت كل امالي
انا توقعت كل الناس ولاتوقعت هو ينكر!!
وقلت بخاطري خله مصيره يرجع الغالي.. اكيد انه سمع أي شي وجوه صار متكدر
ولكن طول غيابه وزادت فيني اعلالي,,مرض قلبي تعب فكري واحسه جسمي متخدر
وقلت خلني اطرش له مسج واشكيله احوالي ..وطرشت المسج وشوي دق لي ودون ماافكر
هلا والله بااغلى الناس هلا والله بالغالي!!
الو..ماقلت لك لاتذكرني او اذكر..ابي بس اذكرك بالخير يااخي خلني في حالي!!
وقلت وخاطري مكسور انا اسف وماكرر..
قسم بالله اللين اليوم وحالي يرثي لحالي..قسم بالله الين اليوم ولاادري ليش هو تغير
قسم بالله ماغضت عيوني ولاهدا بالي.. قسم بالله مامر يوم الا وفيه انا افكر
قسم بالله قلت بنساه بس طيفه يتهيالي.. قسم بالله لو حاولت انا انساه اتذكر!!
الين اليوم انا عندي امل يرجع ويصفا لي..اقول الشوق بيرده على فراقي مايقدر
الين اليوم وضحكاته وبسماته على بالي..الين اليوم ماارقد كثر مافيه انا افكر!
ابعرف شا السبب ارجوك وش اللي بس يجرالي..انا شسويت ياربي علشان تثور وتتفجر,,
انا والله ما استاهل ابد كل اللي يجرالي..اقل مافيها بس قلي سبب خلاك تتغير!
ابعرف بس شا الموضوع علامك صرت ماتبالي..بذمة كل اهلك فيوم شفتني بشي انا مقصر
انا راح انتظر ردك ولو حتى بمسج خالي..واذا ماجاني منك الرد وغلاتك عندي راح اصبر
سنة سنتين اللي يهم اشوفك ثاني قبالي,,
ثلاث سنين او اربع ابصبر يعني راح اصبر,,ولكن حكم احساسك وجاوب يااغلى كل غالي بذمة والديك يهون تنساني ولاتذكر.. يهون انك تخليني ولاتسال ولاتبالي!!
يهون انك تنام الليل وتتركني انا اسهر؟!!
كفاية صار لك مدة غايب عني يالغالي كفاية ياعز الناس ترى والله ما اقدر
دخيلك لاتخيب فيك هقواتي وامالي واذا انها ع الصبر والله وغلاتك عندي راح اصبر,,

(قصيدة الشاعر الامارتي طارق المحياس)
//////////////////////////////////////////////////////////////////////////////////
نسرين/حبيبي,,,
رفع تركي راسه بدون مايقول شي ولقاها واقفة بكامل دلعها وانوثتها وعيونها تناديه...
كان بذيك اللحظة ماسك البوم صور خاص فيه يجمع بين صور باسل والجوري من بعد ولادة الجوري..هاالصور اللي نسرين ماتحبهم لانها ماتحب باسل ولاطاريه..
سكر الالبوم وقال بجدية/هلا..
تمايلت بمشيتها لين وصلت له وركعت تحت رجله وقالت وهي تباعد شعرها بدلع/وش تسوي هنا بروحك؟
تركي وهو يناظر السقف قصده يبعد عيونه عنها/ابد...ماحسيت فيني النوم قلت اجلس شوي..
نسرين/اذا بتجلس اكيد ماحتحس ان النوم بيجيك جرب تدخل وتتمدد علشان تعرف اذا مالك نية نوم...
نسرين..نسرين...ها الانسانة قاعدة تدور في باله بها اللحظة,,,ياترى بقدر القى اجابة لسؤالي عنك يانسرين بلحظة من اللحظات!!!سؤالي اللي يدور في بالي من تزوجتك...ياترى انتي غلطة بحياتي ولازواجي منك الشي الصحيح؟ماني قادر افهم ها الشي للحين؟
كل اللي اعرفه انك تبين تتملكيني لك ولوحدك بس!!حبك اناني لاابعد حدود...انا اعرف انك تحبيبني,,,بس حبك بجنون..مستعدة تبعديني عن امي واخواني وولدي بعد بس علشان اكو نلك ولوحدك يانسرين....
ناظر بيدها الناعمة اللي كانت تمررها بشعره وهي قريبة منه بالحيل وتهمس له/تركي قوم ندخل غرفتنا قبل لاتصحى جوري ..
ببتسامة مافهم هو نفسه معناها قال/خل تصحى الجوري وش بيصير يعني!!
مايدري هو نفسه وش اللي قصده بها الكلمة...انه يثيرها ولا انه يتشمت فيها ولاشنو بالضبط؟
بغيرة فاضحة قالت/وانا ماابي الجوري ابي ابوها؟
تركي بهدوء وكانه ابتعد لعالم ثاني/نسرين...
مسكت يده وتبدلت النعومة لشراسة وهي تحاول تجره يقوم معها/ماابي اسمع شي هنا تبي تعال نتكلم بغرفتنا!!!
////////////////////////////////////////////////////////////////////////////////
ابو عبدالرحمان/ام غسان انتي وش مقعدك للحين مانمتي؟
ام غسان/ولاشي يايبى...
ابو عبدالرحمان جلس قبالها وقال/قاصرك شي يابنتي..
ام غسان/سلامتك يايبى الله لايحرمني منك انت مو مقصر..
ابو عبدالرحمان/اجل وش فيك صافنة ها الصفنة كلها وجالسة لها الساعة...
ام غسان بحنية/بس..كنت انتظر غسان....
ابو عبدالرحمان باستنكار/غسان!!غسان عنده مناوبة الليلة ومابيرد الا الصباح...
ام غسان بهدوء/عارفة يايبى...انا بكل الاحوال مو جايني نوم قلت اجلس انتظره...واذا نعست قبل لايجي قمت نمت...
بصراحة قال/تبين من ولدك شي ياام غسان؟
سكتت وكاْن مالها حق تنتظر ولدها وقالت بتمتمة/لا...بس ابي اسولف معه؟
ابو عبدالرحمان بتهكم/أي..وشنو السوالف اللي تبين تقولينها له؟
كانت متنرفزة من داخل بس فضلت انها سكت ويوم عاود السؤال مرة ثانية قالت بهدوء/مافي شي..سوالف عادية بين ام وولدها..عنه..اخباره...دوامه...
ابو عبدالرحمان بمتابعة/وزواجه!!
رفعت راسها وسكتت...
ابو عبدالرحمان بدل كلمته لسؤال/ماتبين تسولفين معه عن زواجه بعد!!ماباقي شي على ها العرس؟
ام غسان/......
ابو عبدالرحمان/تدرين اني ماابيها له وكنت ابيه ياخذ وحدة من بنات خاله بس لو ما انه اصر وحسيته جاد وحلفانك علي ولان خاطرك عندي غالي كان الموضوع غير...انا عيال ها الهوامير مايهزوني ولا احبهم بس ولدك الله يهديه خلانا نناسبهم بس تدرين بعده في وقت..
بخوف قالت/شتقصد يايبى؟
ابو عبدالرحمان وهو قايم/انتي بتنطرين ولدك وبتسولفين معه...بالمرة قولي له اذا فيه يتراجع عن العرس ترى عنده وقت الفاس لسه ماطاح بالراس وفينا نفك الخطبة؟؟؟
قالها وطلع وترك قلبها هاوي بين رجولها من الخوف..الصورة اللي قدامها كانت صورة غسان وهو يترجاها تخطب له نورة,,,معقول غسان يترك نورة وهي اللي تطلب منه ها الشي وهي الوحيدة اللي عارفة وش تعني نور ة بقلب غسان وش كثر هو يحبها؟؟؟
//////////////////////////////////////////////////////////////////////////////
محمد/شفيك؟
نواف بضيق/ولاشي...
محمد/لينا....بس وش سوت؟
نواف غمض عيونه وقال/اكره ها الانسانة؟
محمد جلس جنبه وقال/خلاص نواف انت بعد كم يوم بتنزل السعودية وبتنسى طاري ها الانسانة...
نواف بغضب/خلتني اعيش ضعيف وذليل بين يدينها فترة طويلة ها الحقيرة؟
محمد/نواف...انت بعد كنت غلطان لاتنسى ها الشي...
كان نواف بيقول شي بس فجاْة تراجع وسكت.....
محمد/خلاص...هانت انت بترجع السعودية وبتنسى كل شي هنا....
نواف غمض عيونه وقال/تسويها لينا وترد هي بعد السعودية؟
محمد باندهاش/وش الطاري..
نواف/تقول اني دخلت فكرة الرجعة في بالها.....
محمد/تبي تستفزك....وبس!!
نواف/...................
محمد/لينا هنا من زمان من قبل لانجي احنا ندرس؟من كانت بثاني ثانوي جت مع امها ومارجعت لاابوها وابوها مايبيها اصلا وكل الشلة تدري هي ماعندها مشكلة مدام انه يمولها كل شهر بمبلغ وقدره وهي بعيدة عنه....تدري كم سنة هي هنا.....ثمان سنوات....وش يرجعها السعودية بس!!
نواف/ماادري...
محمد/القضية بينك وبينها انتهت...لاتقعد تذكر نفسك بشبح الماضي....
نواف لف لمحمد/محمد..
محمد/هلا ياخوي...
نواف/انت مابتنزل السعودية يامحمد؟
محمد بهدوء/مو بعد...
نواف/ليش؟
محمد/...........
نواف/انا ابيك جنبي دوم ياصاحبي....
محمد/عمر المسافات ماتفرق بين القلوب يانواف...بنظل مع بعض وبنتصل في بعض وبنتواصل بشكل يومي...مايعني اني بالاردن وانت بالسعودية ان احنا مابنشوف بعض من جديد...
نواف/بس انك تكون جنبي يامحمد شي يسعدني ياخوك..ماودي نفترق عن بعضنا ابد...انت اخو وعزيز عندي وماافرط بانسان مثلك بها السهولة ياما وقف معي وساعدني..
محمد ببتسامة/انت بعد يانواف يشهد الله انك ماقصرت...ازمات كانت تمر علي مايفكها غيرك...بعز احتياجك كنت تعطيني وماتبخل ..وين الاقي مثلك بس....بس انت عارف ظروفي هناك شنو....
سكت نواف وهو يناظر بمحمد اللي ابتسم بسرعة وقال/أي بس عاد مو تشوف نايف وتنساني ترى اجي اذبحكم اثنينكم ياالتؤم وارد؟
////////////////////////////////////////////////////////////////////////////////
ريناد/لو سمحت...
لف لها جارهم ابو سعد وقال بتاْفف/خير..
ريناد ببكي/اخوي ماادري وينه؟
ابو سعد/وانا شكو؟
ريناد انفجرت بالبكي/والله ياجارنا يعز علي اجيك بها الليل..بس شسوي ماعندي احد اروح له؟
ابو سعد/وش مغبر اخوك فيه بعد!!
ريناد/ماسوى شي...
ابو سعد/ومن متى ماتدري عنه؟
ريناد/كنا مع بعض الصباح بس مسكوه دورية ومنها مارجع رحت سئلت عنه وقالوا ماهو عندهم...شسوي ياربي شسوي...
ابو سعد/بعد صايدته الدورية؟لااجل خلني بعيد لاتورطيني معكم يابنت الناس انتوا ماوراكم الا المشاكل....
قالها وسكر بابه في وجهها وهي تردد بدموع وبصوت مخنوق.../ياجار...ياجار...انا ماعندي احد..وين اروح...
ريناد....وش فيك..
لفت بسرعة ولقت ابو فيصل واقف وراها...
وقفت بشموخها وهي تمسح دموعها...
ابو فيصل/ريناد تبكي!!لالا انا ماارضاها...قولي وش سوى لك ابو سعد وانا اعلمك فيه....
ريناد/ولاشي...شكرا يابو فيصل....
ابو فيصل بهمس/ماغيرتي رايك وبتخلينا نتزوج؟؟والله لااعيشك ملكة ياريناد؟
انفجرت بالبكي/اخوي ماادري وينه يابو فيصل....
ابو فيصل/عساف...وين راح...
ريناد/ماادري....اخذوه الدورية معهم ويوم رحت اسئل قالوا مايدرون وينه فيه؟انا بتجنن على اخوي ...ياعالم بس احد يعرف لي خبر عنه..
ابو فيصل/واذا جبت لك خبر عنه تتزوجيني؟
رفعت راسها وبانت الصدمة بعيونها...الذيب البشري كان ياكلها بعيونه وهي تدق باب باب للجيران طالبة نخوتهم ومحد يفتح لها...الا هو وقف لها بنص الطريق بيساعدها بس بالمقابل لمصلحته...
أي ياريناد أي...تزوجي ابو فيصل بس اهم شي عساف...
توها بتقول أي الا فيصل ينادي ابوه/يبى..امي تبيك...
لفت لفيصل اللي واقف عند بوابتهم وهو يناظر ريناد باشمئزاز وابو فيصل اللي ارتبك من طاري ام فيصل...
طلعت ام فيصل وهي تنادي بتهديد....
ابو فيصل بهمس/بمرك بعدين بتفاهم معك....
قالها وراح يركض لزوجته وولده وسكروا الباب في وجهها...
وتسكرت الدنيا كلها بوجهها وانفجرت تبكي.......ماتدري وين تروح...اصلا هي ماعندها احد....كل الجيران مايحبونها لاهي ولااخوها وكانهم شي معدي بالمجتمع ليش انهم بروحهم...
يارب لاتتركني حايرة بروحي ودلني.. رجع لي اخوي سالم يارب العالمين وارحمني وارحمه برحمتك الواسعة,,,,
///////////////////////////////////////////////////////////////////////////////
سارة بهمس/الو...
نايف بنفس الهمس/هلا وغلا..
سارة /شلونك..
نايف بهمس اكبر/انا بخير..
سارة/ترى مااسمعك...
نايف بهمس/منو لاحقك..
سارة بضحكة/ماحد..
نايف بهمس/طب وليه منزلة صوتك كذا مدام ماكو احد لاحقك..
سارة بهمس/اتمرن..
نايف/على وشو...
سارة بهمس/على اني اكون في المستقبل انثى رقيقة ماتتكلم الا بالهمس...
نايف بقوة/اجي اكسر راسك انا؟؟؟اللحين ذابح روحي واتكلم مثلك وانا على بالي متخبية تحت البطانية لااحد يسمعك واخر شي تقولين اتمرن على الهمس للمستقبل؟؟؟
سارة انفجرت ضحك..
نايف/وبعد فيها حييل تضحك,,,
سارة/ياربي بطني يعورني مقدر والله مقدر ياعمري لاتخليني اضحك كذا..
نايف بحب/يارب تسلم لي ها الضحكة الحلوة ولاتحرمني منها..
سارة/احم احم..ترى استحي...
نايف/لامااظن منتي من النوع اللي يستحي...
سارة/اوووف...زعلت منك..
نايف/بالناقص..
سارة/شوف ولد ال...
نايف بتهديد/ولد شنو؟
سارة/ولد الحلال اللي بايعني اليوم...
نايف/انا ابيعك...حرام عليك...انا اشتريك وابيع الدنيا كلها لعيونك..
سارة/اشوفك متحفز وماتبي تعطيني ريق حلو قلت اكيد قالب علي...
نايف/يعني غصب امدحك يالدبدوبة؟
سارة/حرام عليك انا دبدوبة؟
نايف/أي..
سارة/انا!!!
نايف/لا اجل انا؟
سارة/انا انا ماغيري؟
نايف وهو يضحك/لاحوول..اجل انا...منهي اللي كل يوم والثاني طاقة لي درب على كودو طلعتها من المدرسة وشفناها هناك؟يالله اعترفي...
سارة /ياسلاام.!!!!.اولا..انا رشيقة ماني دبة وغصبا عنك بعد ماني دبدوبة..ثانيا انا مااروح كل يوم...اروح باايام الاختبارات بس وبعض الايام اذا تاخر السايق علينا...ثالثا وهو الاهم اذا رحت والله اخد لي بس بطاطس وعصير..وباقي الوجبة تاخذها منول..
نايف/ماشاءالله الحياة مشاركة بعد مع منال هانم..نص الوجبة لك والنص الثاني لها..
سارة/اجل شلون..
نايف/مدام متشاركين بكل شي عطيني رقمها يالله..
سارة/قول والله..
نايف/ههههههه بعد تقولين الحياة بينكم مشاركة لازم اخذ رقمها واكلمها بما اني اكلمك..
سارة بتهديد/شوف نايف اذا تطري سالفة انك بتكلم غيري مرة ثانية عطني خبر من اللحين..
نايف برواق/ليه ياروحي..
سارة/علشان اتركك من اللحين..
نايف/تقدرين..
سارة/لا...بس بيكون الوضع علي اهون من بعدين...بعدين بيصير الوضع مرة صعب اذا تعلقت فيك اكثر من كذا...
نايف/من صدقك انتي...انا اكلم غيرك...انا مدري شلون كلمتك هالساعة اجي اكلم غيرك...يبى محد غيرك سكن بها القلب....ومابيسكنه اصلا...انتي وبس...يااروع ابتسامة بها الكون
...
////////////////////////////////////////////////////////////////////////////////
بنتظاركم بكرة ان شاءالله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 16-06-2013, 11:26 AM
صورة جرحني(جورية) حبي الاول الرمزية
جرحني(جورية) حبي الاول جرحني(جورية) حبي الاول غير متصل
يً ربَ ..رضـآآك.. والجًنَه .. ♥
 
الافتراضي رد: ان كان لي يوم وتمنيت..شوفة عيونك طالبنك,,


صباااح الورررد
كاسره خاطرررري هالريناد
ان شاء الله يطلع عساااف ويفكها من شر ابو فيصل
انا ماقاهرني غير جيرانهم المفروض يساعدونها
مسكينه تكسر الخاطر
عساف احس فيه احد يكرهه ومدبر له مؤامره
عشان يفتك منه
اما ساره ونايف يالبى بس
نسرين ماحبيتها انانيه وتبغى تمتلك تركي لها لحالها
وتبعده عن امه وخواته وولده
نواااف اعتقد لينا ماراح تتركه بحاله وراح ترجع للسعوديه عشاااااانه
غسان ونوره الله يكفيهم شر ابو عبدالرحمن
ويتمم زواجهم على خيررررررر
ابدعتي ملوووحتي
ربي يسلمك
بانتظارك بكره ان شاء الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 16-06-2013, 02:13 PM
warda_60 warda_60 غير متصل
©؛°¨غرامي جديد¨°؛©
 
الافتراضي رد: ان كان لي يوم وتمنيت..شوفة عيونك طالبنك,,


يا مرحباً ملاين انا من متابعين رواياتك اسلوبك جميل وسهل وموفقه في روايتك الجديده دمتي في حفظ الرحمان

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 16-06-2013, 02:23 PM
صورة نـهر من شـوق الرمزية
نـهر من شـوق نـهر من شـوق غير متصل
©؛°¨غرامي مجتهد¨°؛©
 
الافتراضي رد: ان كان لي يوم وتمنيت..شوفة عيونك طالبنك,,


يلا عاد ، أحد يجي وينقذ ريناد والله تعور القلب . يارب ايشوفها احد من اهلها ويتولع بها بسرعة. وهالتركي نبغي اشوي نفك غموضه شكله كل محتار . والعسولين نايف وسارة ارجوش ملوحة لا تفرقينهم وخلي عمته هدى تولي
والباقي بكرة انشاء الله

الرد باقتباس
إضافة رد
الإشارات المرجعية

ان كان لي يوم وتمنيت شوفة عيونك طالبنك / بقلمي

الوسوم
عيونك , وتمنيت..شوفة , طالبنك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
إنجبرت فيك و ما توقعت أحبك و أموت فيك / بقلمي ، كاملة مفتون قلبي روايات كامله - يتم نقل الرواية هنا بعد اكتمالها 6271 22-04-2016 11:16 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
أبفهم حكاية عيونك / بقلمي ماقتلتة هو مات فيني أرشيف الروايات المغلقة - لعدم إكتمالها 44 07-10-2010 12:21 PM
بين أيديا واحس انك بعيد أسـيـر النـايـف أرشيف الروايات المغلقة - لعدم إكتمالها 240 15-09-2010 12:50 PM
عنايتك بعيونك أفضل تمارين لتحسين جمال عيونك aaaابن الغرامaaa عالم حواء - العناية بالبشرة - اسرار البنات 15 07-06-2007 10:51 PM

الساعة الآن +3: 11:21 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1