اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 18-06-2013, 10:15 AM
صورة ملح الحياة وسكرها الرمزية
ملح الحياة وسكرها ملح الحياة وسكرها غير متصل
©؛°¨غرامي مجتهد¨°؛©
 
الافتراضي رد: ان كان لي يوم وتمنيت شوفة عيونك طالبنك / بقلمي


اقتباس:
المشاركة الأساسية كتبها najoudh مشاهدة المشاركة
تسلمي علي البارت

نورة وام تركي
ام تركي انسانة يبدو انها رائعه ونورة فيها حركات
اهل الزوج الله يعين حريم اخوانها عليها .

نسرين وتركي
انا شخصين يعجبوني ولاكن الي مايعجبني تجاهل تركي كثير لحركات
نسرين الي بجد تبين علي حب مو طبيعي والاكيد انو لو تركي التفتلها
وحبها نص الي تكنو نسرين لي هيكونو اسعد اتنين .

عساف وريناد
عساف متهم بقضية ولاكن كيف مايوكللو محامي يدافع عنه وماياخدو بي اقوالو .
ريناد الله يعينها لاجيران ولا اهل .
وفي عندي تسؤل غريب
كرة الجيران ليهم ومو معقول يكون السبب لانها هي واخوها
عايشين لوحدهم ؟
السؤال التاني
ازا هم كانو في سوريا فكيف يكون ليهم بيت في المنطقة الي هم فيها ؟

هلا وغلا فيك,,,
تسلمين على تواصلك ياقلبي,,
وكل تساؤلاتك بتلاقين لها اجابات بالبارتات الجاية بالتدريج,,,


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 18-06-2013, 10:20 AM
صورة ملح الحياة وسكرها الرمزية
ملح الحياة وسكرها ملح الحياة وسكرها غير متصل
©؛°¨غرامي مجتهد¨°؛©
 
الافتراضي رد: ان كان لي يوم وتمنيت شوفة عيونك طالبنك / بقلمي


البارت السادس,,,
,,,,,,,,,,,,,,,,,,,,,,,,,,,,,,,,,,,,
غسان/تسلم يدينك يالغالية..
ام غسان/الله يسلمك حبيبي...احط لك زود
غسان/لايمه شبعت...تسلمين...
ام غسان...........
غسان/يمه...
ام غسان/حبيبي...
غسان/عسى ماشر شايف بعيونك حكي ومانطقتيه لسه..
تنهدت ام غسان بقوة وبانت الدمعة بعيونها...
غسان تقرب منها وقال/افا يمه...وش فيك..خوفتيني..
حطت يدها على كتفه وقالت/جدك..
غسان/جدي....شفيه؟
ام غسان بتمتمة/شقولك بس....طالب مني اكلمك بموضوع...
غسان/أي....وشنهو ها الموضوع اللي يبيك تكلميني فيه,,
ام غسان بثبات/قبل لااكلمك بالموضوع ابيك تعرف شي واحد..انا مو مقتنعة بالكلام اللي بقوله بس علشان جدك بنقله لك...وابيك تكون مصر على رايك مهما كانت الاسباب لان جدك يدور مصلحته هو مو مصلحتك انت...يعني اذا انت تبي لاتقول لاياغسان يايمه...
غسان/يمه شا السالفة بديت احاتي...
ام غسان/جدك قال لي اقولك انه بعده عندك وقت لو تبي تفسخ خطوبتك من نورة...لانه عيلتها مو عاجبته....تعرف جدك مايحب الهوامير اللي فوقه؟
غسان بعصبية/نورة؟مستحيل ...لاطبعا الا ها الشي مااسويه..
ام غسان بارتياح/يمه ابيك على رايك حتى لو كلمك هو من جديد.,..ما ابيه يفكر اني قانعتك تظل معها...خلك على موقفك..
غسان/يمه انتي شتقولين...نورة...انا ماصدقت على الله اخوانها يوافقون اخذها وانا اللي ماعندي شي اعطيها اياه...تقولين لي اتركها؟
يمه انتي اكثر وحدة عارفة بعلاقتي بنورة...عارفة اول ماشفتها والتقينا وابتدت علاقتنا...يمه انتي الانسانة الوحيدة اللي قلت لك عن مشاعري وحبي لنورة...
ام غسان/عشان كذا ابيك تظل معها وتظل على كلمتك....من توفى ابوك ...وجدك متحكم بكل حياتنا انا وانت...اختار لك كل شي....لاتخليه يدخل بحياتك الزوجية من اللحين لانك بعدين انت بتكره حياتك يايمه...
غسان/تطمني يالغالية...حاجتين بها الدنيا لاجدي ولاغيره ياثرون فيني علشانهم....انتي يالغالية ونورة...
ام غسان /عسى الله يخليك لي ولايحرمني منك ابدا...
/////////////////////////////////////////////////////////
راشد/كبرت مشاءالله...
تركي/امممم
كان راشد يلاعبها وهي بحضن تركي...
راشد/بس ماتشبه باسل كثير رغم انه يشبهك...
تركي بضحكة/خيرة علشان يطلع لها مستقبل لو طلعت تشبهني مابتصير حلوة..
راشد/هههههه ياسلاام يعني انت مو حلو؟
تركي/أي بس تعرف البنات لازم يصيرون غير...
راشد/أي والله....
تركي/...........
راشد/تركي...
راشد/خير....
راشد بتردد/بغيت....
راشد/شنو..
راشد/بغيت منك سلف.....
تركي/طار الراتب؟مابعد وصلنا لربع الشهر ياراشد؟
راشد/كنت محتاج ياخوي؟
تركي/وش سويت في راتبك؟في شنو احتجته؟
راشد/كانت عندي التزامات....
تركي/ممكن اعرفها..
راشد بعصية/خلاص تركي قول مابعطيك وبلا ها الاحراج؟
تركي/انا ماقلت مابعطيك وماابيهم يكونون سلف حتى...بس انت مو معقول...انا مو شايف انك مسوي شي لنفسك...يااخي حتى سيارتك اللي طلعتها من ثمان سنين من توظفت ماغيرتها؟ولاانت كل يوم رايح جاي من هنا ولامن هنا...ابي افهم انت وش قضيتك؟عليك ديون ولا شا السالفة...
راشد/لا
تركي/اجل...
راشد/بس....
تركي/لعبير صح.....وش عندها....اي صح..نسيت انها طلعت دبي قبل اسبوع مع اهلها...راشد ترى صرف مرتك زايد....زايد زايد....انتبه على نفسك...لاقالت لك بكرة ابي قول ماعندي لاتقول ان شاءالله وبدبر لك..خلها تحس لو مرة وحدة انك جاد...يوم عندها عرس وصارفة ها المبلغ اللي مدري شقده ويوم رايحة عزيمة ومجاملة لي اهل العزيمة بالشي الفلاني...يااخي انا مو ضد بس انت راتبك بسيط وعندك عيال ويبون يتمتعون اعدل بصرفك علشان لا تطيح بعدين...
راشد/انا ليش مااشتغل بمؤسسة الوالد...
تركي/انت متى ترد ياراشد من دوامك...
راشد/بطلع من دوامي وبستلم المؤسسة,,
,,,,,,,,,,,,,,,,,,,,,,,,,,,,,,,,,,,,,,,,,,,,,
عند الحريم,,,
نسرين /شكله راشد يبي بنوتة ياعبير,,
رفعت راسها وقالت/وي لابنوتة ولاغيرها خلاص..ها الثلاثة هلكوني,,,
ام تركي/لا ياعبير حرام عليك لاتقولين كذا.غيرك يتمنى العيال,,,
عبير/أي خالتي ماقلنا شي...بس بعد يبيلهم مقابل وانا تعبت..
نسرين بطماشة/أي بس الشغالة مو مقصرة عنهم قايمة فيهم قومة,,,لو انتي مكانها ماصبرتي!!!
عبير بعصبية على ولدها الصغير/انت ياولد ياعبادي..اجلس مكانك اشوف....
نورة انقذت الموقف بدخولها/تفضلوا على الغذى,,
قالتها وهي تناظر في اشكالهم وتدري ان في بينهم مواجهات صارت اكيد مثل كل اسبوع,,,
///////////////////////////////////////////////
نايف/طيب انت وش علومك بعد,,
كان يكلم وعيونه بهدى ونهى اللي جايين,,
هدى بشماتة/لايبى عادي ندري انها سارة صارت سالفتها بالجيب كلمها مثل ماتبي مابينا غريب..
قالتها وقعدت قباله وقعدت نهى بعد,,,
وصلت مع نايف السالفة حدها..حط التلفون سبيكر ورماه على الطاولة,,,
نايف/أي..
نواف/وبس...
نايف وهو يناظرهم/وخلصت من كل شي..
نواف/تقريبا...صوتك صار بعيد...
نايف/علشان حاطه سبيكر..
نواف/وليش ان شاءالله...
نايف بحدة/علشان اذا في احد شاك فيني وحاط بنيته شي يشيل الافكار السودة من باله...
قالها ورفع جواله وعدل الوضع وكان يتكلم باقتضاب...
هدى قامت ولاكان شي صاير ونهى استحت من اخوها ولزقت بكرسيها ماعرفت شتسوي...
انهى مكامته بسرعة وظل يناظر بااخته...
نايف بحدة/ليش مالحقتيها؟
نهى بارتباك/نايف..انا مالي شغل بللي قالته..ولاادري انها بتقوله اصلا!!
قام من مكانه وقال/اذا بتمشين وراها وعلى نفس خطواتها...انا اقولك ...كنتي بالنسبة لي اخت عزيزة وغالية بفقدك مع الايام وماظن ترجع علاقتنا مية بالمية ,,,
نهى/نايف...لاتقول ها الحكي....هدى عمتك وتحبك بس ان فيها ها الحركات الثقيلة بس..
قاطعها بصرامة/هاذي قليلة ادب وسخيفة ...وروحي وصلي لها ها الكلمتين..وترى لو شنو سوت ماهمتني!!
//////////////////////////////////////////////////////////////
سمر/يبى شفيك؟
كان ابو وعد قاعد بالصالة ومنكس راسه يوم يدخلون وعد وسمر,,,,
وبس شافهم رفع راسه وقال بهدوء/ولاشي يبى..
سمر/يبى...شكلك متضايق؟
تنهد وقال/عساف ولد عمكم امس كل ماادق له مايرد واليوم فجاءة تقفل جواله ولاني عارف وش سالفته؟
سمر/وانت ليه متضايق..
تنهد ابو وعد بدون مايعلق...
سمر/علشان جدي صح....بيسال عنه وانت ماتدري وش تقوله؟يبى تهقي هم مايبون يجون علشان كذا قفل جواله علشان يتجنب السالفة..
ابو وعد/لا
سمر/ليش؟
ابو وعد/انا يوم اشوفه....الرجال عاقل وقال انه بيجيب اخته تسلم على جدها وجدتها وهو بعد بيجي يسلم وحتى اذا جدك ماحب يستقبلهم هم بيسلمون ويمشون..هو ماهو متضايق من السالفة ولو كان مايبي ماكان وافق...
سمر/شلون يعني...
ابو وعد تنهد/من زمان وانا حاس بتاءنيب الضمير يابنتي ياسمر...مدري شلون عايشين عيال اخوي...بعيدين عني وانا بحسبة ابوهم بعد ماراح لربه....
سمر/هم ماكانوا بسوريا مع خالهم...ولاخالهم معهم هنا؟
ابو وعد بتنهيدة/لا....خالهم ماهو هنا ولايدري عنهم حتى؟عيال عمك ظلوا عايشين بروحهم...
ظل الصمت لاف المكان....
سمر/يبى...
او وعد/شنو...
بها اللحظات نادت ام وعد سمر وقامت لها سمر....
لف ابو وعد لبنته وحط يده على رجلها وقال بحنية/شلونك يبى وعد عساك بخير..
ماقوت ترفع تشوف نظرات الحنان والخوف في عيون ابوها هزت راسها بالايجاب وبس!!
ابو وعد/تبين شي..قاصرك شي...قولي يبى...
ها المرة هزت راسها بنفي...
مد يده ورفع راسها له وقال بشجن زايد/بس انا قاصرني,,,,تنهد وكمل,,,قاصرني اسمع صوتك يصدح في البيت ياوعد....كثير على ابوك ياوعد كثير؟.الدكتور يقول مافيك شي...ليش بعد منتي ناطقة يابنتي؟؟؟
حست بنفسها تتقطع من كلام ابوها وهذا حالها كل ماجلس معها بروحهم...
لحظتها دموعها نزلوا بحرارة على خدودها ومسحهم هو بيدينه وهو اصلا كان يدمع..
ابو وعد/لو بس تقولين لي وش تبين ياوعد...صدقيني اجيبه لك ولو كان غالي الاثمان’’’
الا الشي الا ابيه يايبى...ماتقدر تجيبه...لانه ماينشرى بفلوس الدنيا يايبى...ابي الصدق اللي انعدم بين خلق الله...الصدق اللي خلا القلوب تتلاعب ببعض وتعيش ناس بوهم وسراب,,,,تقدر تجيبه يبى!!!
/////////////////////////////////////////////////////////////////////////
نواف/انا مصر اسمع السالفة....
نايف/أي سالفة؟
نواف/ اللي صارت اليوم؟
نايف بتهرب/ومن قال اصلا ان في سالفة صارت اليوم؟
نواف/ياسلاااام...ولازم تقولي ان في شي صاير علشان اسئلك؟
نايف/بس فعلا....ماكان صاير شي...
نواف/نايف انت حطيت التلفون سبيكر,,ممكن افهم ليش؟
نايف/عادي وين المشكلة؟
نواف/وتكلمت باقتضاب شديد وسكرت بسرعة ...
نايف/............
نواف/كان معك احد...منو ؟وليش قلب مزاجك؟هذا اللي ابي اعرفه..
نايف تنهد وماعلق..
نواف/شفت ياتوامي ان السالفة فيها شي...
نايف/وش تبيني اقولك...
نواف/اللي صار لك....اللي انا مااعرفه؟
نايف بحزن/عمتك هدى...
نواف/جعلها اللي مني بقايل وش مسوية لك قليلة الادب بعد!!!
نايف بمرارة/عرفت عن سارة...
نواف/كيف عرفت,,,؟
نايف/من ورى الابواب طبعا...
نواف/اها......
نايف/ولك تتخيل كيف انا عايش معها في البيت من عرفت..قالت لاامك طبعا..وما استبعد ان ابوك درى...
نواف/......للحين ماتغيرت..تافهة وسخيفة وثقيلة دم...
نايف/انا متضايق ..امك قالت لي كلام عور قلبي...
نواف/شنو يعني..
نايف بانفعال/شكلها تلمح اني ماراح اخذ بنت كلمتها بالتلفون؟
نواف/...........
نايف/انا مالي شغل ابيها يعني ابيها وحاط يدي على قلبي...مو عارف شسوي....
////////////////////////////////////////////////////////////////////////////////
تركي/باسل...
قام من مكانه مرة وحدة وركض بسرعة...بس وقف مكانه يوم ابوه رفع صوته يناديه...
تركي/ماتسمعني اكلمك...
باسل بخوف/سمعتك..
تركي/وليش رحت تركض يوم سمعتني...
باسل/لانك بتصارخ علي؟
تركي/وليش اصارخ عليك بالله؟
باسل/لاني العب بالرمل...
تركي/أي....
باسل بخوف/هي تقول ان الاولاد المحترمين مايلعبون بالرمل؟؟؟انا محترم بس بغيت اشوف اذا اقدر ابني شي بالرمل ولالا؟
تركي/وبنيت....
باسل/............
تركي/تبي اسوي معك ونجرب نبني بعض الاشياء مع بعض..
باسل/لا
تركي/ليه...
باسل/مابيستوي لك شي جربت ماقدرت....
قالها ومشى بسرعة وظل تركي مكانه....
نورة من وراه/تضايقت؟
لف ولقاها واقفة ومتسندة على الباب....
مارد عليها بس كان يناظرها....
نورة/تركي....
تركي باسى/علاقتنا باردة حييل يانورة...كل مااقرب الاقيه بعد عني؟..هو مايبي يتقرب اصلا...
تنهدت وقالت/هو مو حاس انك تبي تتقرب...وقتك اللي تقضيه معه قليل مرة..انا ادري فيك مشغول ومو تقصير منك...بس باسل تعود يكون معنا انا وامي...وانك انت مع الجوري وبس!!!
تركي/نورة.....
نورة/لاتقولي أي شي....انا ماعندي حل اعطيك اياه...
تركي/بس باسل ولدي...مايصير تكون علاقتنا كذا...
نورة/لانك مو المتحكم الوحيد بها العلاقة....وبالنهاية انت ماتقدر تجبر احد يحب احد بالغصب؟وانت فاهمني زين....
تركي/والله مو عارف شسوي....يوم عن يوم احسه يبني حاجز اكبر...كيف لو يكبر ...تتوقعين يكون بينا شي غير السلام ورده؟نورة انا احب ولدي....تزوجت بعد امه علشانه هو بالدرجة الاولى ماهو علشاني...شفتي النتيجة بعيونك...لاهو يحبها ولاهي تواطنه؟شنو يعني..اتزوج الثانية والثالثة والرابعة؟
نورة/..............
تركي/نورة تكلمي معه هو يسمع لك...
نورة/اتكلم معه شقوله؟
تركي/مدري...اللي هو يبيه...انا مو فاهم عليه؟
نورة/تركي....باسل كم عمره؟
تركي/...............
تركي/ست سنوات....هذا تتكلم معه باي منطق بالله؟شلون تناقشه وتفهمه...
تركي/والحل برايك شنو؟
نورة/الاكيد مو انك تجبره يسكن معك فوق وهو مو طايق...مدري والله...
//////////////////////////////////////////////////////////////////////////
سارة/أي يعني شتو...
ام محمد(ام سارة)/معناته تروحين تنقلعين غرفتك تذاكرين..
سارة/يمه...
ام محمد/سويرة ووجع انتي بثالث السنة ذي ان شاءالله مو ناوية تجيبين نسبة؟
سارة/أي وش اسوي انا بالنسبة ان شاءالله؟
ام محمد/لاوالله؟وان شاءالله تبين تقعدين لي بالبيت؟
سارة/يمه..الله ماشفناه بالعقل عرفناه...اللي يجيبون فوق ال95 جالسين بالبيت...تبين الجامعة تستقبلني انا؟
ام محمد/لاتجيبين فوق التسعين كفاية علينا تسعين بس جيبيها...
سارة/افكر في الثمانين...
ام محمد/روحي استغلي الوقت وذاكري دروسك علشان ترتاحين بعدين...
سارة/أي يصير خير ارتاح بعدين...
ام محمد/اوووف منك..
سارة/استريحي يمه خل نسولف..
ام محمد بعصبية/قومي انقلعي ذاكري..
قامت وهي تتمتم بينها وبين نفسها/اوووف انا ماابي اذاكر مو غصب...
دخلت غرفتها وقفلت الباب واخذت كتابها فتحته وحطت على رجلها...شافت اسم نايف وابتسمت..
سارة بمرح/يالله اذاكرك يانايف وش وراي...
سحبت جوالها ودقت له لقته مشغول كتبت له رسالة وارسلتها وظلت تنتظره وهي تتصفح بمجلة جنبها,,,

///////////////////////////////////////////////////////////////////////////////
اشوفكم بكرة على خير ان شاءالله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 19-06-2013, 05:10 AM
صورة بنوته كيوت"A" الرمزية
بنوته كيوت"A" بنوته كيوت"A" غير متصل
©؛°¨غرامي فعال ¨°؛©
 
الافتراضي رد: ان كان لي يوم وتمنيت شوفة عيونك طالبنك / بقلمي


هلا وغلا الروايه روعه. متميزه مثل عادتك ننتظرك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 19-06-2013, 09:45 AM
صورة ملح الحياة وسكرها الرمزية
ملح الحياة وسكرها ملح الحياة وسكرها غير متصل
©؛°¨غرامي مجتهد¨°؛©
 
الافتراضي رد: ان كان لي يوم وتمنيت شوفة عيونك طالبنك / بقلمي


اقتباس:
المشاركة الأساسية كتبها بنوته كيوت"a" مشاهدة المشاركة
هلا وغلا الروايه روعه. متميزه مثل عادتك ننتظرك

هلا حبيبتي,,,
تسلمين على مرورك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 19-06-2013, 09:47 AM
صورة ملح الحياة وسكرها الرمزية
ملح الحياة وسكرها ملح الحياة وسكرها غير متصل
©؛°¨غرامي مجتهد¨°؛©
 
الافتراضي رد: ان كان لي يوم وتمنيت شوفة عيونك طالبنك / بقلمي


البارت السابع,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,

هدى/شنو؟
نهى/ولاشي..
هدى/مو ملاحظة انك مديتي البوز شبرين من قعدتي مع اخوك...بالله شقال لك قلبك؟
نهى/لاعادي..
هدى/قولي شقال لك ولعب عليك وخلاك تصدقين؟
نهى بنرفزة/ماقال شي...بس انتي شفتي بنفسك انه ماكان يكلم بنت مثل ماتقولين وكان يكلم نواف؟
هدى/ويعني..واذا كان يكلم نواف....
نهى/يعني اني استحيت من اخوي ياهدى؟شلون بحط عيوني بعيونه؟شقوله؟
هدى/تحطينها وراسك مرفوع انتي اللي ماسكة عليه شي موهو اللي ماسك عليك؟
نهى/أي بس احنا زودناها وقعدتنا معه كلها شك؟وبالاخر طلع نواف هو اللي يكلمها بالله شتبينه يقول عني وعنك اللحين؟
هدى/مايقدر يقول شي...اصلا هو المفروض يستحي على نفسه هو راعي العلاقات والتلفونات وبيجي بعد يتفلسف علينا؟
نهى/....................
هدى/شفيك؟
نهى/ولاشي؟
هدى/شكله كلامي ماهو بعاجبك؟
نهى/انا ماقلت شي...
هدى/سمعي...بنروح المدرسة وبنشوف ها السارة وبنحطها في بالنا..ويا احنا...يانايف؟
////////////////////////////////////////////////////////////////////////////
هي بس من بين كل ها البشر كانت جالسة بمكانها من طلع ابوها من عندها....
كان كل تفكيرها في ابوها وكسرته قدامها وهو يتمنى يسمع صوتها من جديد,,,,
كانت تدمع كل دمعة احر من الثانية,,,,
ماهي قادرة...تعبانة حييييل ...الوضع كله تعب في تعب...
هو بس اذاها وجرحها بغيابه المفاجىء,,
وين ذاك الحب...وين ذيك العشرة؟
وين اللي ماينام الا على صوتها وماتصحى الا على صوته؟
وين راح كل هذا؟
ليش بدون أي مقدمات راح وماكلف على نفسه يقول لها أي شي؟
أي كلمة؟؟؟؟؟؟
اه يالقهر اه....حبته...بكل مافيها...وقفت معه بكل ظروفه...بكل الافراح والاحزان؟بس هي الدنيا كذا ماتنصف احد...
كانت تدري انها بيوم من الايام يمكن ماتفرح وتعيش معه سعيدة بس مو بها الطريقة...كانت تنتظر كلمة اعتذار وحدة علشان تعطي نفسها اسباب غيابه....
كان عندها امل انه يتصل...يرجع لها....اي شي...بس انه غاب...ومامنه أي شي....
وهي...ظلت بها الحالة الكئيبة والجو النفسي الضايق...ماهي قادرة تعيش مع احد ولاتصير سعيدة من جديد بعد ما اخذ منها كل ابتساماتها ومظاهر الفرح؟؟؟
//////////////////////////////////////////////////////////////////
ابو عبدالرحمان/امك ماكلمتك...
غسان/بخصوص شنو ياجدي؟
ابو عبدالرحمان/بخصوص بنت ال..
غسان بهدوء/هذا قراري ياجدي...
ابو عبدالرحمان/شنو يعني؟
غسان بهدوء اكبر/يبى....انا اللي اخترت ها البنت ومقتنع فيها...اهلها ماعليهم كلام ...انت وين اعتراضك؟
ابو عبدالرحمان بضيق/أي بس هي ماتناسبك ولاتناسبنا...وضعهم غير عن وضعنا...هاذي عايشة دنيا غير عن دنيتنا...وبكرة لااخذتها انت بتوجع راسك بالطلبات وب..
قاطعه غسان بهدوء/جدي...هي عارفة وش وضعي وشنو امكانياتي واهلها بعد عارفين...واذا هي ماتبي تكمل معي محد يجبرها...اخوانها ماراح يجبرونها....
تنهد الجد بضيق وقال/انا اقول تفكر عدل احسن....الزواج مسؤلية ماهو لعب الزواج شي تتحمله طول العمر واذا انت تحس انك بتقدر يوم وبعدين مابتقدر اوقف من اللحين مدامك على البر ياولدي ياغسان....وبنات خالك مو ناقصهم شي علشان تبدي عليهم بنت العز والفلوس؟
تنهد غسان وترك الخبز اللي بيده على الطاولة واستجمع انفاسه وقال بهدوء/جدي...ها السالفة انتهينا منها....انا بنات خالي مااشوفهم غير خوات وماافكر فيهم تفكير ثاني...واللي على قولتك بنت فلوس وعز راضية فيني وانا مقتنع وحياتنا بتكون على قدنا...والسالفة هاذي خلصنا منها يايبى الله يهداك ماله داعي تتعب نفسك وتتكلم فيه ..
الجد بصرامة/انا ابيها لك مولي انا؟؟؟
سكت غسان وهو في باله غصة....
من ارتبط في نورة وجده مقوم الدنيا عليه...جده موطايقها ويبيه ياخذ وحدة من بنات خاله اللي ما اعتبرهم الا خوات له وبس,,,
كره جده لنورة مولشخصها بس لانها بنت فلوس وخير ونعمة وهو يكره الطبقات اللي فوق مستواه,,,
وكل يوم والثاني وقال له فكر عدل في ارتباطك فيها وحسسه انه ممكن مايتعايش مع نورة بسلام بسبب فروقاتهم المادية ,,,,
/////////////////////////////////////////////////////////////////
نايف/واحشني..
سارة/لاتضيع السالفة وقولي شاغل الخط مع منو؟
نايف/طيب ماسلمت خل اول اسلم عليك..
سارة/أي ضيع السالفة...
نايف/هههه حرام عليك انا اضيع السالفة...
سارة/لا انا اللي ابي اضيعها..
نايف/السلام عليكم......
سارة/أي ماشي...بنمشي معك..وعليك السلامة والرحمة....
نايف/كيف الحال...
سارة/ماشي الحال...
نايف/كيف الصحة...
سارة/لاوالله.....
نايف/هههه أي ابي اعرف شلون صحتك.,..
سارة/مو زينة...
نايف/ليه؟
سارة/ضغطي مرتفع....
نايف/هههههه ليه...عسى ماشر..
سارة/مع منو كنت شاغل الخط قبل شوي؟
نايف/اممممم فيني افكر...
سارة مسوية معصبة/هذا وقتي ومالك حق تكلم غيري...
نايف بمسكنة/اسف حبيبي عن جد اسف...
سارة/مابكلمك...
نايف/شسوي انا معجباتي كثيرين ومقدر اخلي احد يحدد له وقت...
سارة/وسارة؟وين راحت اول حب؟
نايف بهيام/بالقلب ياقلبي بالقلب....
سارة بهمس/احبك....علقتني فيك ..
نايف بشاعرية/موكثري والله,,,
سارة بدلع/ومعجباتك اللي حكيت عنهم قبل ثواني وين راحوا؟
نايف/يولون...يولي العالم كله..القلب ماعاد فيه غير طاري سارة وبس؟
سارة بجدية/نايف....
نايف/حبي انتي...عشقي...حياتي....هواي اللي اتنفسه....
سارة /نايف وش بيصير بعدين....
نايف/امممم اللي بيصير بعدين....انك بتذاكرين علشان تقدمين امتحاناتك وكلها ثلاثة شهور وانا جاي ادق بابكم اخطبك وتكونين لي....ملكي...محد يمنعني عنك....
سارة بارتياح/مااصدق اني بكون لك يانايف مااصدق.....احس ان الدنيا بتكون مرررة حلوة....نايف انت كيف تتخيل حياتنا مع بعض؟
نايف/انا بكون سي السيد طبعا....
سارة/ياسلااااام يعني انا الجارية اللي تحت رجلك؟
نايف/ههه من يقول عاد؟
سارة/بدل ماتقولي بكون ان الامير وانتي الملكة....
نايف/لاعاد انا مااقبل انصاف الحلول..احبك وادلعك وبالمقابل تحبيني وتدلعيني...مافي احلى من المساواة...
سارة/لاعيوني مو على هواك ياتحبني انت اكثر ولابهون ماابي...
نايف وهو ميت ضحك/ههههههه وش اللي هونتي ماتبيني....
///////////////////////////////////////////////////////////
نسرين/حبيبي شفيك....
كان جالس ببجامته الكحلية بغرفة النوم على الكرسي المقابل سريرهم وهي جالسة بنص الفراش بثوب نومها الاحمر المولع,,,,....
رفع راسه يشوفها وهي قامت تغمز يمين وشمال..
قال وهو يصد عيونه عنها/افكر بباسل...
نسرين بنرفزة باينة/ليه وش فيه؟
تركي بجدية/انتي شايفة انه مافيه شي؟
نسرين/انا مااشوف فيه شي انت بس تحب تكبرها؟
تركي بحدة/ولدي وماهو معي.....
نسرين بدفاع قوي/تركي...انا جهزت له غرفة وجبته هنا بس هو مايبي تبيني اترجاه يقعد يعني؟بروحك شفت شلون كان موطايق القعدة هنا؟
تركي/نسرين افهميني....ولدي كل ماله ويبعد عني..ماابي يجي يوم واخسره...لازم من اللحين اقربه ولابيفوت الاوان بعدين...
نسرين بتافف/وش تبي تسوي يعني؟
تركي/مدري....هذا اللي انا قاعد افكر فيه...
قامت من فراشها وهي تتمايل ووصلت عنده وانحنت عليه وصار وجهه قبال وجهها وقالت بدلع هامس/وليه ماتترك تفكيرك فيه لبكرة...هذا وقتي ومااستغني عنه لغيري حتى لو كانت بنتي!!!
كان بيرفع راسه يقول أي شي بس عارف ان المواجهة مع نسرين بتكون عقيمة ومابتتنازل له يتكلم بموضوع ثاني ولايفكر بشي غيرها....مسك يدها وجلسها بحضنه وصار يمسح على شعرها وهو شارد...
نسرين/حبيبي....انت بحضني...لاتسكت وتفكر بغيري..خل كل شي لي انا ...انا وبس ياعمري؟؟؟

////////////////////////////////////////////////////////////////////
نورة بهمس/وينك انت؟
غسان بنفس الهمس/موجود
نورة/وش فيك تهمس معك احد؟
غسان/لا ...اقلدك شفتك تهمسين قمت انا اهمس بعد؟
نورة/هههه حلوة ذي...
غسان/قولي امين..
نورة/امين..بس على شنو...؟
غسان/على ان ربي مايحرمني من هالضحكة ابد؟
نورة/يوووو....كني انحرجت ياغسان...
غسان/اللحين واحد يقول لمرته وحبيبته وشريكة حياته وام عياله يارب ماانحرم من ضحكتك تقول انحرجت؟؟هادي اللي يبيلها ذبح رسمي!!
نورة بتنهيدة/فدوة لك انا تبي تذبحني اذبحني..والله ما اقولك لا..
غسان بهمس/نورة انا اعشقك..
نورة بدلع/اللحين بعد تقلدني...
غسان تنهد وقال/هي طلعت بها الطريقة..
نورة/أي بس انا ماابيها كذا ..ابي الكل يسمعها معي ويعرف بغلاتي وقدري عندك وبمدى حبك لي,,,
غسان/نورة...انا بين فترة والثانية ارجع اسئلك نفس السؤال...انتي مقتنعة فيني...؟
نورة/وكل ماسئلت ها السؤال بعطيك نفس الاجابة...احبك.. واعشقك.. واشو ف ان الحياة كلها معك وعيني ماتشوف غيرك....ولو تظل تسئلني هالسؤال طول العمر صدقني ماببدل الاجابة...غسان..
غسان/ياعمره...
نورة /انا حبيتك...حبيت رجولتك...غيرتك...حبيت فيك القلب اللي داخلك..ماكنت ابي واحد يعيشني اميرة بفلوسه وقلبي مايحبه...ماعنده اللي عندك..رجولته مو مثل رجولتك...فاهمني صح؟
غسان/انا بس ماابيك..
قاطعته بسرعة/تطمن....لااخر لحظة بقولك مقتنعة فيك مية بالمية...
غسان/انا متطمن ياعيوني بس ابي اتطمن انك بعد مقتنعة,,,
نورة/أي ماعلينا....جوعانة...
غسان/يخسي الجوع والله..
نورة/وي فديتك...وش بتجيب لي اكل...
غسان/اجيب لك وشو؟
نورة/اكل؟؟توك تقول يخسي الجوع,,,
غسان/أي يخسي الجوع بس موجايب لك شي تاكلينه...
نورة/اجل وش له يخسي الجوع بعد...!!
غسان/يخسي الجوع بعد ..بس يمدحون لوزين..
نورة/اها لوزين...لوزين في وجهك...هههههه
غسان/ههههه....
/////////////////////////////////////////////////////////////////
قام يفتح باب غرفته بعد ماسمع احد يدق عليه..
نواف/طيب طيب....
فتح الباب ووقف يناظر بذهول في الشخص اللي جاي...
لينا/ماراح تقولي تفضلي؟
نواف بتنهيدة ضيق/وش تبين؟
ابيك ,,,قالتها بلاتردد ولاخجل.
.فتح نواف عيونه على وسعها..رغم انه متوقعها منها بس مايدري ليش تفاجا يوم سمعها منها بها اللحظة...
تكتف وتسند على الباب وقال/خير....ماسمعت؟
لينا باستهزاء/ماسمعت ولامافهمت!!
نواف وهو يناظر بالسقف/لينا...مو انتهينا؟
لينا بحدة/لا...
ناظرها بسرعة وقال/شنو يعني لا؟
لينا تقربت منه وقالت وهي تمسك ياقة قميصه/انا كنت مفكرة ان احنا انتهينا بس البارحة اكتشفت ان احنا ابتدينا تونا؟
شال يدها بقوة وباعدها وقال/لاوالله!!!!اقول لينا من غير مطرود...
لينا وهي تضحك بقوة/وش اللي جرى....خايف...
نواف/شوفي لينا انا ما ابي اخذ واعطي معك ..وانتي عارفة ليه...انا برد ديرتي...برد السعودية ..ولعلمك انا نسيتك وما اتمنى اتذكرك لحظة وحدة من لحظات حياتي..
لينا صفقت بيدينها وقالت/ممتاز...بس ماسئلت نفسك اذا انا موافقة على ها الفكرة ولالا؟
نواف بهدوء/مو مهم...ابدا رايك مو مهم...
لينا/وتعتقد ان رايك انت بس المهم !!نواف انت تعرفني...
نواف/ولاني اعرفك اسئلك...بتردين السعودية انتي بعد؟
ناظرته بقوة وماعلقت....
بعد صمت عميق قال/سئلتك بتردين السعودية؟
/////////////////////////////////////////////////////////////////////
سمر/تبين تاكلين شي؟
قالتها وهي تحط صحن على الطاولة فيه سندويشات منوعة...
كانت وعد قبال النافذة وما التفتت حتى....
سمر/وعد.....البنات اللي كانوا يشتغلون معك مايتراسلون معك؟مااشوفك توريني رسايل لهم ولا أي شي...
لفت وعد وهي تناظر بالارض وبالعادة تسوي كذا اذا ماتبي تجاوب,,,
سمر بعد تنهيدة/خلاص انسي.....مو مشكلة....
ظل الصمت سايدهم لفترة طويلة وبعد تنهيدة طلعت من سمر قالت/في شي مهم بالحياة؟
كانت نظرات وعد تقول كل شي....
دمعت.....دمعة ودمعتين وثلاث...
هي مالها شغل بالحالة اللي جتها....
اصلا هي حاسة نفسها مخنوقة وودها تتكلم وتقول كل شي بس مو قاوية...
اصلا هو ماعاد يهمها بشي بس تبي تعيش بسلام مع اهلها مع الناس اللي يحبونها وممكن يضحون بحياتهم علشانها..
تبي صوتها بس يرد,,,!!!

//////////////////////////////////////////////////////////////////////////////
اشوفكم يوم السبت باذن الله,,,

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 21-06-2013, 11:50 PM
قلب مربع قلب مربع غير متصل
©؛°¨غرامي مشارك¨°؛©
 
الافتراضي رد: ان كان لي يوم وتمنيت شوفة عيونك طالبنك / بقلمي


رووووووعه
نايف ماتوقع يتزوج ساره
نواف وش تبي منك لينا
غسان ونوره الله يتمم عليكم
هدى البثره ودي اذبحها
نسرين وعبيير ماحبيتهم

ننتظر البارت الجاي
لاهنتِ،

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 22-06-2013, 05:34 PM
صورة ملح الحياة وسكرها الرمزية
ملح الحياة وسكرها ملح الحياة وسكرها غير متصل
©؛°¨غرامي مجتهد¨°؛©
 
الافتراضي رد: ان كان لي يوم وتمنيت شوفة عيونك طالبنك / بقلمي


اقتباس:
المشاركة الأساسية كتبها قلب مربع مشاهدة المشاركة
رووووووعه
نايف ماتوقع يتزوج ساره
نواف وش تبي منك لينا
غسان ونوره الله يتمم عليكم
هدى البثره ودي اذبحها
نسرين وعبيير ماحبيتهم

ننتظر البارت الجاي
لاهنتِ،

هلا وغلا فيك,,
نورتي والله,,,


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 22-06-2013, 05:36 PM
صورة ملح الحياة وسكرها الرمزية
ملح الحياة وسكرها ملح الحياة وسكرها غير متصل
©؛°¨غرامي مجتهد¨°؛©
 
الافتراضي رد: ان كان لي يوم وتمنيت شوفة عيونك طالبنك / بقلمي


البارت الثامن,,,,
//////////////////////////////////////////////////






عبير/اقول راشد..
راشد وهو يلبس شماغه/هلا..
ابي فلوش...قالتها وهي تناظره...
ووقف مكانه ماتحرك....
عبير /سمعتني...
راشد بتنهيدة/ليه؟
عبير/ليه الفلوس وش يسوون فيها ياراشد ياكلونها؟
راشد/لازمك شي ضروري...
عبير/كنها لهجة جديدة...شنو يعني ضروري؟
راشد/عبير انتي توك رادة من دبي وعارفة كم صارفة هناك؟
عبير/وخير يعني....وين المشكلة؟
وبعدين انا في شنو صرفت الفلوس نصها راحت للسكن والاكل والنص الثاني حق الملابس والشنط والج
قاطعها/انا سئلت في شنو تبين الفلوش؟اذا ماهو شي ضروري ترى ماعندي..
عبير/يعني ماتبي تعطيني؟
راشد/عبير مو كذا السالفة بس انا..
عبير/بطلع الليلة الضهران مول مع بنات خالي وماابي اكون جاية اتمشى ابي اتسوق حالي حالهم..
راشد/بس انتي رادة من دبي وجايبة معك نص السوق اللي هناك يعني مو لازمك شي من المول,,,,
عبير بشدة/يعني ماتبي تعطيني....
زين شكرا......
راشد تنهد ولف لها لقاها قعدت ولفت وجهها عنه للجهة الثانية....
تقرب منها وجلس جنبها وقامت عنه...
مسك يدها وقال/كم تبين..
بشدة اكبر قالت/مو لازم...مابروح معهم....
راشد/عبير.....

///////////////////////////////////////////////////
بدموع احر من الجمر كان عساف يبكي.....
كان بحالة مزرية....
كان اشبه بطفل ضايع وينتظر امه تجي تسال عنه وينه فيه؟
كل اللي شاغل باله اخته...وش ممكن يكون فيها وفي اللي جاري عليها اللحين....
طيب وهو ليش هنا؟ليش محملينه جريمة ماهو صاحبها ولا له شغل فيها...ولايدري من الاساس شنهي؟؟؟
لمتى بيظل هنا وهل بيطلع ولامابيطلع؟
كان راسه مزحوم بكل ها الاسئلة اللي مو لاقي ولاجواب واحد يشفي غليله...
وانفجر يبكي بشدة وقوة اكبر وهو يضرب بيدينه الجدار/طلعوني واللي يرحم اهاليكم,,,,
مالي شغل وقسم بالله مالي شغل...اصلا انا مدري ليشم حد يبي يسمعني...
طيب في شنو انا متهم قولوا لي....
اختي...ابي اتطمن عليها ياناس...خافوا الله تراها وحيدة مامعاها احد.....
////////////////////////////////////////////////////////////////////////////////////
وهذا الحليب والكورن فليكس تبي شي ثاني باسل جبيبي,,,قالت ام تركي ها الكلمة وقعدت قباله....
باسل/قعدي اكلي معي...
ام تركي/لايمه واللي يعافيك ماابي....
بترجي قال/يمه جربيه والله حلو,,,,
ام تركي بضحكة/عمتك نورة نفس الاكل مااختلفت عنها بشي سبحان الله...
قام باسل يضحك....
وتنهدت....
باسل/ماما....
ام تركي/نعم حبيبي..
باسل بزعل/زعلانة لي شانها بتتزوج...
بغصة قالت/بيفضى البيت علي وبفقدها....
باسل بسرعة/لاتخلينها تتزوج مو لازم,,,
ناظرت فيه لفترة وقالت/كل بنت لازم تتزوج ياباسل هاذي سنة الحياة,,,,
وهي اختارت ها الحياة بنفسها....رغم ان الالاف طلبو ودها ومن كل المراكز والطبقات بس....هذا نصيبها وان شاءالله يسعدها ومايزعلها بيوم من الايام....
باسل بعد تفكير/انا مافهمت شي...
ام تركي/اذا كبرت يمه بتفهم..
باسل/زين انا بقول لك شي....
ام تركي/قول...
باسل/ليه مو عمي غسان يجي يسكن مع عمتي نورة هنا بالبيت بدل ماتروح هي تسكن معه في بيتهم.....
/////////////////////////////////////////////////////////////////////
في محل زارا...
ام التؤام/نايف وش رايك بهذا
ناظرها وقال/لمنو؟
ام التؤام/سئلتك عن رايك....
تنهد وقال/لنواف...ولي!!
ناظرته بدون ماتقول شي....
بشوية نرفزة قال/محنا بزارين تشتري لنا ملابس يمه...خلاص احنا كبرنا وكل واحد بيفتح له بيت وبيصيرون عنده عيال....
يمه محنا التؤام اللي عمرهم خمس وست سنين علشان نلبس مثل بعض و
قاطعته بحدة/ماعجبك قول ماعجبني....بلا ها المعلقة الطويلة ياماما زين....
تنهد وسكت....
والله انها ترجع ايام الهم من جديد يانايف..الله يعينك ويعين نواف....
صار يقلب بين الثياب اللي قباله وهو شارد...
ام التؤام/نايف....
نايف بدون مايلتفت لها.../نعم
ام التؤام وهي تضحك/تبي احرق لك دمك شوي....
نايف لف لها وسكت...
كملت امه وهي تضحك/بدور لكم تؤام بزوجكم اياهم....
انفجر يضحك وضحكت معه...هالسالفة بس اللي تخليهم يضحكون كل ماتطريها امهم....
ام التؤام بتهديد/ها اسويها...
نايف وهو يضحك/انتي اللي بتتعبين ان سويتيها..ترى مافي كل وحدة تفتن على الثانية وحماس واكشن بيصير عندك خوات وبيغطون على بعض وبتطيحين انتي بين ايدينهم,,,,,
//////////////////////////////////////////////////////////////////////////////////
نورة بهمس/امووت واعرف بشنو سرحان....
مارد عليها لان فكره كان سارح لبعيد..
نورة/ياليل مااطولك...
وينك بس يانسرين تعالي شوفي سرحان تركي واذبحيه...
يابوي يابوي....الرجال غرقان....
ههههه الو..تركي....
ياباشا...ولك عم تسمعني....
لا الرجال قاضي طاير عقله..الله ياخذك يانسرين انتي ولياليك...اخوي عقله مو معه...
انتبه من شروده يوم يدق جوالها والتقت عيونه بعيونها وشافها ميتة ضحك..
تركي/خير..
نورة وهي ميتة ضحك ماردت عليه..
تركي بجدية/انهبلتي يالنوري...جالسة تضحكين بروحك....
نورة /اقول اخر من يتكلم انت لااعلم مرتك اللحين اخليها تشب البيت فوق راسك؟
تركي/ليه؟
نورة بتهديد/اسئل نفسك.....
تركي سكت شوي وهو يناظرها..
نورة بهمس/بتعترف ولااروح اشكيك اللحين...
تركي/وش عنه تحكين يابنت؟
نورة بغمز/اللي كان ماخذ عقلك ياتركي ومو معطيك مجال لااحد..
تنهد وقال/باسل يانورة باسل....ولدي اللي قاعد يبعد ومايبيني....
سكتت نورة واختفت كل معالم الابتهاج من وجهها وتنهدت...
تركي بزفرة/شفتي وين همي...
نورة/ماعندي أي تعليق....
تركي/بكرة لاتزوجتي بيضيع يانورة..
نورة/تركي انا بتزوج ماباهاجر؟انا باسل حبيبي ومااسمح لمين ماكان انه يبعدني عنه ولايبعده عني حتى لو كنت انت ياتركي..
تركي/انتي بكرة بتكون لك حياة ثانية مع غسان و..
نورة/تاكد اني مثل مااحب باسل ترى غسان يحبه بعد..وها الشي ماقلته لك علشان تهدا ياتركي لا...
لاني عارفة غسان وعارفته زين بعد....والايام بتثبت لك...
تركي/تصدقين عجزت الاقي أي حل يانورة معه...لايبي يتفاهم معي لابالطيب ولابالشدة والعنف..اصلا مايبي يقابلني مدري ليه؟
انا مقصر معه يانورة...
انتي مو تشوفيني دايم الاحقه علشان اسحب منه السوالف بالغصب؟
حتى الاخصائين اللي بالمستشفى عرضت حالته عليهم يانورة...
نورة قلبي قابضني عليه مدري ليه احس ان الولد مابيكون صوبي ابدا....
نورة/......................................
///////////////////////////////////////////////////////////////////////
سارة/احبك...
نايف/أي وبعدين...
سارة/بعدك جنب امك.,...
نايف/أي انا قايل لك مابقدر امر الديوانية الليلة طالع مع الاهل....
سارة/اجل اموت فيك...
نايف/أي...يمه هذا احمد يسلم عليك..
ام التؤام/الله يسلمه...ولو اني زعلانة منه مايمر ولايسلم...
نايف وهو يكلم/سمعت طبعا مايحتاج اقولك....
سارة/هههههه....اي بلى سمعت ..بس شكلك انت ماسمعت...اعشقك...
نايف بهمس وهو يبتعد شوي عن امه/ياليل مااطولك....وبعدين معك...
سارة/ماتبي اقولك كلام حب يعني..خلاص انت الخسران...
نايف/الليل.....باخذ كل الكلام الليل..
سارة بعناد/لا اللحين...
نايف بهمس/انا مع الوالدة...
سارة بعناد/دارية انك مع الوالدة...ابي اقول لك قدامها ابي اشوف وش يطلع معك...
نايف/يابنت الناس لاتوديني بداهية...
سارة/خلاص اجل تالي الليل مافي ولاكلمة بتطلع مني ولاتدق ترى بنام..
نايف/اصحيك مو مشكلة...ماهو بكيفك...
//////////////////////////////////////////////////////////////////////////
تركي/انا ابي افهم اللحين ليه كل ها الصراخ؟
نسرين بعصبية/اسئل نفسك...
تركي بشدة/عندك شي قوليه ماعندك بلا هالصوت العالي...
نسرين كانت تناظره بغضب بدون ولاكلمة,,,,
تركي/يعني ماعندك شي...بس تبين تقوميني من اختي..
نسرين/لاوالله هذا اللي طلع معك..
تركي/بالله وش تشرحين السالفة...انا جايس مع نورة اسولف وتدخلين بشرك ابيك بسالفة ضروروية وهذا انا قبالك وماعندك غير الصراخ؟
رمت عليه قميصه وماتكلمت..
تركي وهو يناظره/شنو هذا...
نسرين بحدة/قميصك....
تركي/وشنو يعني انه قميصي؟
نسرين بغضب/فيه عطر نسائي عليه..؟
تركي/نعم؟؟؟
نسرين بصراخ/اقولك عطر نسائي...
تركي رمى عليها القميص وقال/تدرين ان عقلك ناقص يانسرين.....
نسرين بصدمة/هذا تبريرك للموقف؟
تركي بصراخ/انا ماغلطت علشان ابرر....انتي مسوية سالفة من العدم؟
وش يعني ان القميص فيه ريحة عطر نسائي؟
نسرين/اسئل نفسك لاتسالني؟؟؟
تركي بشدة/رجعت تتهم من جديد...
نسرين وهي دموعها بدت تنزل بشدة/تخوني ياتركي.....ليه؟
تركي بنرفزة عالية/استغفر الله......تكذب الكذبة وتصدقها ها الحرمة....
نسرين خلاص جلست على حافة السرير وانفجرت بالبكي....
تركي كان واقف على راسها وقال بغلظة/ليه مابين كل فترة وفترة ترجعين لنفس الحكاية يانسرين؟
قد قلت لك انك مو مالية عيني!!
قد قلت لك اني مليت منك ولااني شايفة وحدة ثانية؟
نسرين لاتجننيني...انتي تبيني اعترف لك بجريمة انا ماسويتها...
يابنت الناس حرام عليك...بتجننيني وبتجننين نفسك....
مافي احد بحياتي!!
ليه كل يوم والثاني واقولك ان مافي احد بحياتي...
نسرين هاذي اخر مرة اقولك فيها اني اشتغل بمستشفى ومعي الف بنت وبنت يشتغلون معي ويمرون من قدامي في اليوم...
يعني اذا كانت ريحة عطر بالقميص مسوية لك سالفة خيانة فا انا ماعندي صراحة شي اقوله.....
////////////////////////////////////////////////////////
دق جرس الباب وقامت طيران تفتحه ودموعها سبقوها
الحمد الله ياربي هذا عساف رجع...
اشكرك ياربي انك ماخيبت املي ورديت اخوي
يارب يكون سالم ومعافى ومافيه شي...
يوم فتحت الباب اختفت ابتسامتها كليا وقالت بصدمة/ابو فيصل؟
ابو فيصل بلهفة/هلا وغلا بكل الحلا...هلا بال
قاطعته بشدة وهي تشد على حجابها/شبغيت يابو فيصل؟
ابو فيصل/جاي نتفاهم ياريناد..
ريناد بغصة/نتفاهم على شنو ياولد الناس؟
تقدم بيدخل وهي فتحت الباب كله وتقدمت بقوة لبرى وقالت بصوت عالي/وش عندي..
بهمس قال/خلني ادخل وبتفاهم معك....
ريناد/................
ابو فيصل/انتي مو قلتي بتوافقين على الزواج اذا شفت لك سالفة غسان اخوك؟
ريناد بلهفة وكانها ماسمعت كل كلامه/انت شفت غسان يابو فيصل؟وينه؟وش فيه؟
بو فيصل/خلينا نتفاهم...
ريناد بحدة/مو قبل ماتقولي وش فيه اخوي؟ووينه فيه؟

،/////////////////////////////////////////////////////////////
اشوفكم بكرة على خير ان شاءالله,,,

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 23-06-2013, 12:27 AM
صورة نـهر من شـوق الرمزية
نـهر من شـوق نـهر من شـوق غير متصل
©؛°¨غرامي مجتهد¨°؛©
 
الافتراضي رد: ان كان لي يوم وتمنيت شوفة عيونك طالبنك / بقلمي


سلام ملوحة
شكله تركي هو اللي امخبص حياة وعد والله اعلم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 23-06-2013, 02:21 AM
قلب مربع قلب مربع غير متصل
©؛°¨غرامي مشارك¨°؛©
 
الافتراضي رد: ان كان لي يوم وتمنيت شوفة عيونك طالبنك / بقلمي


قصصير :(
ننتظر البارت الجاي

الرد باقتباس
إضافة رد
الإشارات المرجعية

ان كان لي يوم وتمنيت شوفة عيونك طالبنك / بقلمي

الوسوم
عيونك , وتمنيت..شوفة , طالبنك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
إنجبرت فيك و ما توقعت أحبك و أموت فيك / بقلمي ، كاملة مفتون قلبي روايات كامله - يتم نقل الرواية هنا بعد اكتمالها 6271 22-04-2016 11:16 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
أبفهم حكاية عيونك / بقلمي ماقتلتة هو مات فيني أرشيف الروايات المغلقة - لعدم إكتمالها 44 07-10-2010 12:21 PM
بين أيديا واحس انك بعيد أسـيـر النـايـف أرشيف الروايات المغلقة - لعدم إكتمالها 240 15-09-2010 12:50 PM
عنايتك بعيونك أفضل تمارين لتحسين جمال عيونك aaaابن الغرامaaa عالم حواء - العناية بالبشرة - اسرار البنات 15 07-06-2007 10:51 PM

الساعة الآن +3: 11:22 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1