غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-06-2013, 11:36 AM
صورة ملاك’, الرمزية
ملاك’, ملاك’, غير متصل
©؛°¨غرامي فعال ¨°؛©
 
الافتراضي رواية يا حظي فيك يوم اختاروك لي/ بقلمي ، كاملة


اهلين فيكم يا اعضاء غرام هاذي اول رواية لي واتمنى تنال إعجابكم واتقبل النقد بكل رحابة صدر

البارت الاول

قبل ستة سنوات...بالشركة الضخمة الكبيرة التي يندهش كل من رآها ... لفخامة شكلها ولكبر حجمها دخل شخص بعمر الثلاثينات كان واضح من هيئته أنه متواضع وحالته المادية صعبه وكان ممسك بيديه طفله بملامح بريئة بيضاء وقصيرة الطول...دخل إلى الشركة وذهب إلى مكتب السكرتير...
...:لو سمحت ممكن تطلب من المدير اني اشوفه
...:اسف بس هو الحين مشغول
...:انا داري انه مشغول قول له حاتم ال... يبيك وصدقني بيترك كل شغله عشان يدخلني لاني ابيه بموضوع ضروري
... لاحظ السكرتير ملامح الشخص واصراره على الدخول فقرر محادثة المدير فتح التليفون:طال عمرك...يبيك واحد اسمه حاتم ال... بموضوع ضروري
سعد:دخله...
دخل الاب ممسك بإيدي ابنته فتح الباب بهدوء ودخل
سعد:تفضل اجلس..
حاتم:خليني ادخل بالموضوع من دون مقدمات (وبنبرة حزن)تذكر لما صدمت زوجتي من دون قصد وقلت لي اطلب الي ابيه عشان أسامحك
سعد الكبير بالعمر بالاربعينات نظر بحاتم بحزن:ايه الله يرحمها
حاتم:ابيك تاخذ بنتي وتعتبرها من بناتك
سعد بإبتسامة:انشاءالله يا حاتم ولا يهمك
حاتم نزل لمستوا بنته هديل وبإبتسامة ألم:هدوولتي يا بنتي روحي عند البابا سعد وانا بروح
هديل البالغة من العمر 12 سنة :طيب انت وين بتروح مابي اجلس معاه لحالي
حاتم بكذب:لا تخافي برجع لك
هديل ببكاء ودموع:باابااااا لا تروووووح
مسكها سسعد ومشي حاتم بسرعه
هديل بصراخ:باااااااابااااا اهى اهى لا تروووووووووووح
وبعد مرور ستة سنوات وبالقصر ابو خالد اولا نعرفكم بالعايلة
ابو خالد (سعد) انسان طييوب وحنون مراا على عياله وما يفرق بينهم العمر 49
ام خالد (بسمه) حنووونه على عيالها وطيوووبه حييل العمر 48
خالد انسان حااد الطباع ويحب المزح بس بحدود ووقت الجد يكون جد ومعضل شوي ووسيييم درجة اولى دايما البنات يطلبون رقمه هو ما يرقم بنات و لما يكون عصبي يكون انسان ثاني وكلمته تمشي وطويل القامة والعمر 25 كان يدرس براا بس حاليا يشتغل بأول سنة له بالشركة
فتون طييووووبة حيييل وذكية درجة اولى بالدراسة جميلة الشكل شعرها طويل بني غامق واقرب وحده لها هديل عمرها 18 بثالث ثانوي
هديل طيبة وجميلة الشكل وشعرها كيرلي بني مو فاتح مراا ولا غامق مراا متوسط ناعم وقصيرة وملامحها بريئة وعنييييدة و عيونها كثيفة الرموش وكحيلة وتتغطى عن خالد بالحجاب اذا جا وقت يتجمعون فيه العايلة تلبس لبس حجاب بوجود خالد ومن دونه لا وعمرها 18 بثالث ثانوي
**
أشرقت شمس الرياض بصباح جديد مليء بالحياوية والنشاط...بغرفة هديل كانت ترتب شعرها وربطته ذيل حصان ... ولبست العباية وحذاء تومس رمادي ومسكت شنطتها ونزلت تحت
هديل بصوت عالي:فتووووووون فتووون
فتون وهي تنزل الدرج:هاااا
هديل :يلا نطلع
فتون:انتظري باقي في وقت خليني افطر شوي
هديل:افطري بالمدرسة مابي اتأخر
فتون:هذا طبعك ما تحبين تفطرين بالبيت بس ليش وش عندك تبي تروحين بدري
هديل:لا ما عندي شيء بس خلينا من المبكرون على قولت عمر حسين ههههه
فتون:مالت عليك غصبن عنك بتنتظريني بروح افطر عالسريع وارجعلك
هديل وضعت الغطا بوجهها وركبت ورا السايق
فتون بسرعه ركض للسيارة:اووف انتي وينك توقعتك مشيتي عني
هديل:كنت بسويها بس خفت اخذ تهزيئة محترمة من الوالد
فتون:هههههه أيي خليك كذا شطورة تسمعي الكلام


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 16-06-2013, 11:37 AM
صورة ملاك’, الرمزية
ملاك’, ملاك’, غير متصل
©؛°¨غرامي فعال ¨°؛©
 
الافتراضي رد: رواية يا حظي فيك يوم اختاروك لي/بقلمي


**
خالد استيقظ من النوم على المنبه وفتح الجوال وشاف الساعه 7 ونص قام اخذ شور عالسريع ولبس الثوب وراح للتسريحة يعدل شكله بالشماغ وبعدها نزل تحت وراح لغرفة الطعام الواسعه تصميمها فرنسي فتح الكرسي واخذ قطعه من البان كيك واخذ الصوص ورش فوقها وبدأ يقطع بالشوكة وياكل بهدوء مع الشاي وبعدها ... اخذ منديل ومسح يده وفمه ومشي متوجه للسيارته تشارجر البيضا وتوجه لشغله... بالشركة وصل لمكتبه وجلس بالكرسي واتصل على السكرتير
خالد:جيب لي عرض شركة ال... الي كلمتني عنه امس
....:حاضريا طويل العمر
اغلق الهاتف ورجع لشغله
.**
بالمدرسة الاهلية الكبيرة الواااسعه بالفسحه كانوا يمشون هديل وفتون مع بعض كانوا يسولفون ويضحكون جاتهم بنت عم فتون أسماء
أسماء مدت يدها لفتون:اهلين فتون
فتون صافحتها:اهلا وسهلا
ومدت يدها هديل وصافحتها بقرف منها:فتون امم انا ابي اكلمك بموضوع ضروري اذا ممكن هديل ممكن تروحي لمكان ثاني (وناظرتها من فوق وتحت بغرور)
هديل ناظرتها بأنه ما يهمها شي وراحت لشلة بنات تسولف وياهم
فتون:نعم خير وش فيه
أسماء:انتي تعرفين اني احب خالد حااولي تقنعينه انه يكلمني لانك تعرفين اني زوجته المستقبليه
فتون بملل :بس الموضوع ما تأكد لانه ماما لسا ما سألت خالد لما تتخرجي بتسأله وانشاءالله يكون إختيار ماما لك كزوجة لخالد اختيار صحيح
أسماء:كويس دام الامور ماشية تمام بباي
وراحت وانتبهت هديل لها ورجعت لفتون:هاذي البنت افففف اكرهااا مادري على ايش شايفه نفسها نفسي اعطيها بوكس تتأدب ولا لا بوكس قليلة بحقها
فتون:عاااد شنسوي لازم نتحملها تعرفين هي بنت عمي ولازم احترمها والله انا احترمها عشان ابوي وعمي ولا هي ما تستاهل الاحترام
هديل:المهم وش كانت تبي منك
فتون ما تبي تقولها عن خالد لانه هديل تحب خالد ومحد يدري بهالموضوع غير امها وهي وزجة عمها وبنت عمها وفتون ما خبرت هديل لانه ما تبيها تزعل:ولا شيء تعرفينها تكرهك وهي مصلحجية معي جالسه تسولف معي
هديل:افف منها الحمدالله والشكر يلا خلينا نروح الفصل رن الجرس
فتون:يلا
**
نعرفكم بعايلة العم محمد
ابو راكان (محمد) يدلع بنااااته بزيادة وما همه غير الشركة والفلوس العمر 50
ام راكان (افنان)ما تهتم لعيالها ابداا وكل تفكيرها بأخر موضة وزيارات مع حريم كل اسبوع العمر 47
راكان كل حياته بنات وطلعاات واستراحات وشرب وسييم الشكل معضل مراا كل مرة بالاسبوع يروح نادي رياضي برونزي البشرة بس مع كل هذا الا انه في طيبة محفورة بقلبه العمر 24
وئام فرفووووشة ودمها خفيف حييييل وبشرتها برونزي مثل اخوها العمر 20 بثاني جامعه مخطوبه من ولد تاجر معرووف بتعرفونه مع الاحداث وقفت دراسة من طلب من خطيبها
أسماء حقووودة على هديل لانها اجمل منها وخاايفه من هديل انها تاخذ خالد بما انهم بنفس البيت ساكنين وكل تفكيرها تتزوج خالد مو لانها تحبه لانه تحب الفلوس ولوسامة خالد بنت متوسطة الجمال بشرتها برونزي فيها شبه من اختها بس اختها اجمل منها العمر 18 بثالث ثانوي
**
بالقصر دخلوا هديل وفتون وكانت ام خالد تنزل من الدرج:هلا بالبنوتات يلا روحوا غيروا ملابسكم عشان الحين الغدا بيحطونه
فتون وهديل :انشاءالله
طلعوا لفوق بسرعه ودخلت هديل لغرفتها ولبست بنطلون سكيني اسود وفوقه بلوزه طويله حمرا والكم طويل وحجاب ابيض ولبست صندل مافيه كعب ونزلت تحت وشافتها فتون ونزلت معاها
فتون:وش هالكشخة يا هديل طالعه تجنني
هديل:انا اصلا دايما كشخة هههه
فتون:هههه ايه
دخل ابو خالد وخالد
ابو خالد:السلام عليكم...
الكل:وعليكم السلام ورحمة...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-06-2013, 11:38 AM
صورة ملاك’, الرمزية
ملاك’, ملاك’, غير متصل
©؛°¨غرامي فعال ¨°؛©
 
الافتراضي رد: رواية يا حظي فيك يوم اختاروك لي/بقلمي


وبدأو ياكلوا وابو خالد يسولف مع ام خالد عن الشغل وخالد مفهي كانت عينه على هديل بس ما كان يفكر فيها كان تفكيره بشغله وهديل توقعته يناظرها استحت فحطت عينها بالصحن وتاكل بهدوء
ابوخالد:هديل كيفك وكيف المدرسة معاك
هديل رفعت عينها من الصحن:الحمدالله بخير يبا
ابوخالد:انتي الحين بأخر سنة لك بالمدرسة صح
هديل بإبتسامه:ايه
ابوخالد:ايه كنت بكلمك بموضوع مهم بس خلاص خليها لم تتخرجي ويصير خير
هديل:انشاءالله
فتون تسوي نفسها زعلانه:وانا ماني بنتك تسأل عني؟
ابوخالد ضحك من صوتها الطفولي:ههههه توني كنت بسألك بس انتي قاطعتيني كيف الدراسة معك
فتون بإبتسامه:تمام بخير
خالد قام :يلا استأذن تسلم يدك يالغالية جد الاكل حلوو
ام خالد:بالعافية عليك يا ولدي
**
خالد طلع لغرفته غير ملابسه ولبس تيشرت ابيض لاكوست وبنطلون جينزازرق وناظر نفسه بالمرايه وبعدها لبس نظاراته الشمسية وتوجه نازل من الدرج شاف بالغلط هديل من دون حجاب ولاول مرا يشوف شعرها الكيرلي كانت بالمطبخ تقطع الفواكه وكان باب المطبخ مفتوح كانت تضحك مع فتوون وتقطع تأمل وجهها البريئ وابتسم من غير شعور لملامحها وابتسامتها وتوجه مسرع لسيارته وراح لبيت عمه محمد اتصل على راكان
خالد:يلا انا برااا انتظرك
راكان طلع من بيته وركب جنب خالد
خالد:بدري
راكان:ترا ما طولت كلها دقيقة وحده
خالد:لا ساعه هههه
راكان:ايه بشرني عن اخر اخبارك
خالد:الحمدالله بخير وانت
راكان:ماشي الحال...ايه فهد عازمنا اليوم بالليل على استراحة فيها بنات بتجي
خالد:راكان كم مرا ااقولك خلي هالاشياء لنفسك وانا لا تكلمني فيها
راكان:مع اني اعرف جوابك بس قلت اجرب يمكن تغير رايك
خالد:لا لا تحاااول ... ايه ها وصلنا للمقهى يلا انزل
نزلوا وجلسوا بالطاولة كالعادة الي دايما يجلسون فيها مع الربع ويلعبون ورق
**
مر الاسبوع وباقي اسبوعين على الاختبارات النهائية وبنهاية الاسبوع الاول يوم الخميس ملكة وئام وخطيبها احمد
كانت الملكة عائلية لعائلة احمد ووئام القرايب القريبين فقط ببيت ابو محمد كانت وئام جالسه بغرفتها تمكيجها الكوفيرا والبنات حولها
هديل:مبرووك وئااامووو
وئام:الله يبارك فيك حبيبتي
فتون:مبروك وئام الله يتمم لك على خير
وئام:الله يبارك فيك حبيبتي تسلمووون بنااات
اسماء اخذت من راكان الكتاب عشان وئام توقع ودخلت لغرفة وئام واعطتها القلم
وئام:بسم الله (ووقعت واعطت الكتاب لاسماء والبنات صفقوا البنات وجوو ام احمد وام وئام سلمت عليهم )
ام راكان:يلا وئام روحي احمد ينتظرك بالمجلس الثاني الاول فيه الضيوف
وئام قامت مرتجفه وخايفه ونزلت تحت ووصلت للمجلس وما كان فيه احد دخلت وجلست وجاء احمد دخل ومجرد ما دخل نزلت عيونها بالارض احمد ابتسم لشكلها وراح جلس جنبها
احمد بإبتسامة:مبرووك حبيبتي
وئام وهي على نفس وضعيتها:الله يبارك فيك
احمد رفع راسها بيده:فديييت الي يستحون
وئام وجهها حمر من كلمته وما قالت شي وصارت عينها بعينه
احمد قرب وباس خدها ووئام وجههها صاار الواان
احمد:يالبى هالخدود الحمرا وبجدية:وئام خليك معاي على طبيعتك لا تستحين وبمزح:اذا انتي كذا اجل وش بتسوين بالزواج هههههه
احمد:اخباارك ؟
وئام:الحمدالله تمام وانت ؟
احمد:بخير بشوفتك يا حياتي
وئام استحت ومرت ثواني ساكتين
وئام قامت بتطلع مسكها من زندها ورجعها لمكانها:مافي طلعة حتى تعطيني بوسة
وئام:احممد الله يخليك ابي اطلع
احمد أشر على خده:لاا اعطيني بوسة
اعطته بوسه بخده عالسريع وركضت لغرفتها وعدلت نفسها
احمد:فدييتك يا وئام جد امي احسنت الاختيار
قام وراح للمجلس الرجال والكل يبارك له
عند وئام كانت غرفتها فاضية عدلت نفسها عند المرايه وبعدها راحت للمجلس الي فيه الحريم
سلمت عليهم وباركوا لها وجلست جنب هديل وفتون
هديل بخبث:وش صار بينكم
وئام فهمت قصدها واحمر وجهها:ولا شيء بس سألنني عن احوالي وبعدها قمت وجيت هنا
فتون بعدم تصديق:بس!!!
وئام:ايه بس هذا الي صار
هديل ابتسمت بمكر:ما صارت حركات نص كم بينكم اعترفي
وئام:خلاص اسكتوا وجعتو راسي وش هالقافه الي فيكم طيب بقولكم بعدين الحين مو رايقه لكم
فتون:كفووو يا هديل خليتيها تعترف ههههه
هديل:ههههه
أسماء بلقافه حشرت نفسها بين هديل واختها:وش صار وش تتكلمون فيه
وئام:ولا شيء
**


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 16-06-2013, 11:39 AM
صورة ملاك’, الرمزية
ملاك’, ملاك’, غير متصل
©؛°¨غرامي فعال ¨°؛©
 
الافتراضي رد: رواية يا حظي فيك يوم اختاروك لي/بقلمي


عدا اليوم على خير وبدأ الكل يذاكر للإمتحانات باليوم الي بعده بعد مرور ثلاثة اسابيع من المذاكرة والاختبارات انتهت يوم الاربعاء ودعوا بعض بوداع حار ورجعوا هديل وفتون من المدرسة ودخلوا القصر وكل وحده لغرفتها اخذت هديل شور عالسريع ولبست سكيني كحلي وبلوزة طويلة ميكي ماوس بيضا الكم مو مرااا طويل وسط ولبست حجاب اسود ولبست الصندل الي نفسه تلبسه كل يوم ونزلت بالدرج وراحت غرفة الطعام وشافت فتون موجودة وجلست جنبها
ام خالد:هاا وش سويتوا انشاءالله ما جبتوا العيد
فتون:لا الحمدالله كل الامور تماام
هديل:ايه الحمدالله
ام خالد:ايش فيكم ساكتين وكأنه مات احد
فتون:تعرفين يما اليوم اخر يوم بالمدرسة وودعنا البنات وبنشتاق لهم
هديل:ايه بيوحشووووني البنات مراا
دخلوا خالد وابوه وجلسوا طبعا بعد ما سلموا وبعد سواليف عن الشغل واسئلة ابو خالد للبنات كالعادة عن احوالهم
ابوخالد قام:هديل بعد ما تخلصي غدا تعالي لمكتبي ابيك بموضوع مهم
هديل قامت:انشاءالله
وراحت غسلت ايدها وتوجهت للمكتب ...
انتهى البارت
التوقعات
وش الموضوع الي يبيه ابو خالد من هديل؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 16-06-2013, 01:13 PM
صورة ملاك’, الرمزية
ملاك’, ملاك’, غير متصل
©؛°¨غرامي فعال ¨°؛©
 
الافتراضي رد: رواية يا حظي فيك يوم اختاروك لي/بقلمي


ممكن تعطوني رأيكم بروايتي واذا عندكم نقد وخايفين تطرحونها عشان فيها جرح للمشاعر بالعكس انا متقبلتها لانها مساعده لي عشان تكون الرواية افضل وأحسن

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 16-06-2013, 01:32 PM
صورة بنت الشيوخ. الرمزية
بنت الشيوخ. بنت الشيوخ. غير متصل
©؛°¨غرامي مشارك¨°؛©
 
الافتراضي رد: رواية يا حظي فيك يوم اختاروك لي/بقلمي


وااااااااو مرااااااااااا الرواية حلووووه ابداااااااااع حماااااس
اتوقع الموضوع يخص اهلها الي ماتوا لانه اظن انه ابوها ما مات
ولك هالوردة مني متى مواعيد نزول البارتات


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 16-06-2013, 02:43 PM
صورة لحن الشووق الرمزية
لحن الشووق لحن الشووق غير متصل
©؛°¨غرامي مجتهد¨°؛©
 
الافتراضي رد: رواية يا حظي فيك يوم اختاروك لي/بقلمي


وااااووووووو ناااايييسسس بجدد حلووه الرزاايهه

استمري ع كذا
اتوقع يقول لها ابي:: تكوني زوجة لخالد هههههههههههه اتمنى بكون تخميني صحيح

تحياااتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 16-06-2013, 02:49 PM
صورة ملاك’, الرمزية
ملاك’, ملاك’, غير متصل
©؛°¨غرامي فعال ¨°؛©
 
الافتراضي رد: رواية يا حظي فيك يوم اختاروك لي/بقلمي


اقتباس:
المشاركة الأساسية كتبها خدوج الحلوة مشاهدة المشاركة
وااااااااو مرااااااااااا الرواية حلووووه ابداااااااااع حماااااس
اتوقع الموضوع يخص اهلها الي ماتوا لانه اظن انه ابوها ما مات
ولك هالوردة مني متى مواعيد نزول البارتات
يسلموووو عالوردة تسلمين حبيبتي والبارت كل يوم بارت والحين بنزل البارت الثاني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 16-06-2013, 02:50 PM
صورة ملاك’, الرمزية
ملاك’, ملاك’, غير متصل
©؛°¨غرامي فعال ¨°؛©
 
الافتراضي رد: رواية يا حظي فيك يوم اختاروك لي/بقلمي


اقتباس:
المشاركة الأساسية كتبها لحن الشووق مشاهدة المشاركة
وااااووووووو ناااايييسسس بجدد حلووه الرزاايهه

استمري ع كذا
اتوقع يقول لها ابي:: تكوني زوجة لخالد هههههههههههه اتمنى بكون تخميني صحيح

تحياااتي
اسعدني مرورك جداااا وانشاءالله الحين بنزل بارت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 16-06-2013, 02:57 PM
صورة ملاك’, الرمزية
ملاك’, ملاك’, غير متصل
©؛°¨غرامي فعال ¨°؛©
 
الافتراضي رد: رواية يا حظي فيك يوم اختاروك لي/بقلمي


البارت الثاني

وراحت غسلت ايدها وتوجهت للمكتب دقت الباب
ابوخالد:ادخلي
دخلت هديل وجلست بالكرسي الامام مكتبه
ابوخالد:هديل انتي طبعا تعرفين اني مو ابوك الحقيقي وانك مثل بنتي صح
هديل بحزن:صح واهلي مثل ما قلت انهم ماتوا
ابوخالد نزل راسه:ايه
ورفع راسه :هديل انتي كبرتي ماشاءالله وصرتي عروسة وصرتي بعمر الزواج والصراحة ابيك لولدي خالد اولا لانه اولى من الغريب وثانيا عشان كلام الناس لاني ما ارضى الناس تتكلم عنك بسوء بما انك ساكنة معنا وخالد مو محرم لك ابيك تكونين زوجة ولدي لا تقرري بسرعه ابيك تفكرين زيين
هدييل انصدمت وبنفس الوقت استحت مو مستوعبه الي يصير:يبا خالد هو الي جا بنفسه خطبني ولا انت الي قلت كذا
ابو خالد يدري لو قال انه هالقرار هو الي اخذه بترفض هديل عشان كذا قال:لا خالد بنفسه طلبك
هديل مو مصدقه وبعدها قالت:انشاءالله يبا انا موافقه دامك موافق
ابو خالد حضن هديل :ياا بنتي مو مصدق بشوفك عرووسة
هديل دمعت عينها بفرحه تمنت لو اهلها الحقيقين يشاركوها هالفرحه
راحت هديل لغرفتها ونزعت الصندل وجلست بالسرير سرحاانه بخالد
**
نزل خالد من على الدرج وشاف ابوه طالع من المكتب
ابوخالد:خاالد تعال ابيك بموضوع
خالد رفع حواجبه بإستغراب وراح لمكتب ابوه:هاا يبا وش بغيت
ابوخالد:ابيك تتزوج هديل
خالد وعلامات الدهشه بوجهو:يباا انت تمزح منجدك!!!!
ابوخالد بحزم :لا ما امزح انت برأيك هالمواضيع ينمزح فيها المهم بعد اسبوع ابيك تملك على هديل
خالد متفاجئ:هااا بس انا مو موافق
ابوخالد:ومين قال اني انتظر موافقتك بتتزوجها رضيت ولا ما رضيت
خالد قام وبعصبيه:واذا ما وافقت وش بتسوي
ابوخالد بحدة:لا انت ولدي ولا انا ابوك
خالد اهم شيء بحياته رضى ابوه فوافق عشان ما يتبرا منه:طيب موافق
**
طلع خالد من البيت معصب وشغل سيارته ومشي وشاف الشاشة منورة بإسم نورة
خالد ما رد ولما شاف اصراراها بالاتصال رد
خالد:نعم
نورة:خاااالد انا اشتقت لك حيييييييييييييل ليه ما عدت تكلمني لييييش
خالد بحدة:بكيفي هو غصب اني اكلمك وخلاص لا عاااد تكلميني بااي
سكرا الجوال بعصبية ورما جنبه وتوجه لبيت راكان اتصل عليه
راكان:هلا خويلد
خالد:تعال براا انتظرك
قفل الجوال وحطه بجيبه وجا راكان ودخل جنبه بالسيارة
راكان:وشفيك معصب
خالد بسخريه على نفسه:ابوي يبي يزوجني البنت الي اعتبرتها اخت لي في البيت
راكان:اهاا تقصد هديل
خالد:ايه وانا مو موافق وبيزوجني غصب عني
راكان:افااا وليش معصب في بنت ثانية ببالك
خالد:لا بس مو وقت زواج ومسؤلية توني خليني اعيش حياتي
راكان:اهااا الله يعينك اجل
**
بغرفة ام خالد وابو خالد
ام خالد:انت منجددك بس احنا قلنا بنخطبه لبنت عمه أسماء وشفيك غيرت رأيك
ابوخالد:بس انا اشوف من مصلحته يتزوج هديل عشان مابي اعطيها لواحد غريب لانها امانه عندي
ام خالد بعصبية:بس لا تنسى انه ام محمد اختي لو درت بتزعل مني لانه خالد كان لأسماء فجأة مادري وش غيرك وقلت خالد لهديل بس انا ما اشوف انه بينهم توافق
ابوخالد:انتي لو تفاهمت معك من اليوم لبكرة ما تفهمين الكلمة الي اقولها
طلع من الغرفة ومن البيت بكبره
**
ببيت ابومحمد العايله مجتمعه بالصالة جاء اتصال لام محمد
ام محمد:يا هلا والله بأختي ام خالد شخبارك وشخبار خالد وفتون وهديل
ام خالد:الحمدالله تمام كلهم بخير
ام محمد:دووم انشاءالله
ام خالد:افنان اختي انا اسفه تذكرين لما قلتي خلي خالد ياخذ بنتك وانا وافقت بس ابو خالد قال يبيها لخالد وتعرفين هو اذا قال شيء لازم يصير اسسفه مراا واعتذري لبنتك اسماء
ام محمد:هااا وش تخربطين انتي يعني خلاص خالد ما بيتزوج اسماء
ام خالد بتردد:ايه
ام محمد:استغفر الله ابداا ما توقعتك كذا تقولين كلام ولا يصير (وبسخرية)يا اختي العزيزة
ام خالد اغلقت الجوال معصبه
**
يتبع...


الرد باقتباس
إضافة رد

رواية يا حظي فيك يوم اختاروك لي/ بقلمي ، كاملة

الوسوم
لي/بقلمي , اختاروك , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6846 09-02-2020 10:31 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 2005 23-06-2011 08:16 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 05:13 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1