غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-06-2013, 04:05 PM
صورة تناحه* الرمزية
تناحه* تناحه* غير متصل
©؛°¨غرامي فعال ¨°؛©
 
الافتراضي رواية أنت أميري وجزء مني كيف تبيني أتخلى عنك ؟/بقلمي





السَلام عليكم ورحَمة الله وبركَاته $:

شخباركم ان شَاء الله تمامَ ؟
اليَوم قررتَ انزلَ روايتيَ الثانيهَ
رحَ تكون مختلفهَ عن روايتيَ الاولىَ بشَكل كبيَر
اليَ كانت بالنسبهَ ليَ فاشَلهَ حييَل
روايتيَ : السيد امير
رحَ تتكلمَ عن قصَه واقعيهَ لبنتَ اعرفهَا اتم المعرفهَ
ممَزوجهَ ببعضَ من الخيَال والكوميَديهَ والحيَاه اليوميهَ
وباذن الله رحَ تعجبكمَ
والبَارت الاول بيكَون اليَوم او بكَرا ان شاءالله




  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 16-06-2013, 04:50 PM
صورة هَيناموريَ الرمزية
هَيناموريَ هَيناموريَ غير متصل
©؛°¨غرامي جديد¨°؛©
 
الافتراضي رد: رواية : السيد امير / بقلمي


مسساءك فلَ منثثثورَ *
اخخباركَ تنناححهَ ؟
مبيينَ منَ العننونَ انَههاَ ححماسسَ وففلهَ
نننتظركَ في َالببارتَ الاولَ
+ وششيَ الايامَ اليَ تنزلينَ فيهاَ البارتات



تعديل هَيناموريَ; بتاريخ 16-06-2013 الساعة 06:10 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-06-2013, 05:20 PM
صورة s5s5 الرمزية
s5s5 s5s5 غير متصل
©؛°¨غرامي مجتهد¨°؛©
 
الافتراضي رد: رواية : السيد امير / بقلمي


السلام عليكم ..
هلا مساءك ورد ..
موفقه حبيبي في روايتك ..
لكن حبيبي نزلي البارت و ان شاء الله تشوفين تفعال ..

..
محبتك
..
سوس الخطابي ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 16-06-2013, 09:38 PM
صورة تناحه* الرمزية
تناحه* تناحه* غير متصل
©؛°¨غرامي فعال ¨°؛©
 
الافتراضي رد: رواية : السيد امير / بقلمي


اقتباس:
المشاركة الأساسية كتبها فرفيّشآأإتوّ مشاهدة المشاركة
مسساءك فلَ منثثثورَ *
اخخباركَ تنناححهَ ؟
مبيينَ منَ العننونَ انَههاَ ححماسسَ وففلهَ
نننتظركَ في َالببارتَ الاولَ
+ وششيَ الايامَ اليَ تنزلينَ فيهاَ البارتات
مسَاء الورَد
الحَمدلله بخيرَ وانتِ يالجميلهَ ؟
شَكرا يا عمري من ذوقكَ
مافيه ايامَ محددَه اول ما انتهيَ من البارتَ بنزلهَ باذن اللهَ

اقتباس:
المشاركة الأساسية كتبها فاتنه ك امي مشاهدة المشاركة
السلام عليكم ..
هلا مساءك ورد ..
موفقه حبيبي في روايتك ..
لكن حبيبي نزلي البارت و ان شاء الله تشوفين تفعال ..

..
محبتك
..
سوس الخطابي ..
وعَليكم السَلام ورحَمة الله وبركاتهَ
مسَاء النورَ
امينَ ياربَ
رح انزلَ البارت اليومَ ان شَاءالله
نَورتيَ جميلتيَ


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 16-06-2013, 10:30 PM
صورة تناحه* الرمزية
تناحه* تناحه* غير متصل
©؛°¨غرامي فعال ¨°؛©
 
الافتراضي رد: رواية : السيد امير / بقلمي






التعريفَ :

البطلهَ : ريما
عمَرها 17 سنه طيبه وراعية مقالب واستهبال لكن داخلها حزن مكبوت
على اهلها الي تركوها وهي صغيره
وحيره من الطفل الي اهدها النجمه وهي بعمر 6 سنوات
الي موراضيه تتذكر اسمها ابدا
بيضاء وبشرتها مورده على خفيف
وطولها متوسط وشعرها اشقريوصل لاخر ظهرها
وجسمها متناسق عيونها عسلي غامق وشفايفها ورديه

بنت عم البطله واختها بالرضاعه : لين
عمرها 15 طيبه وتحب اختها ريما حيل
وتتمنى انها تفضفض لها الي بداخلها
شعرها اسود يوصل لنص ظهرها
وبشرتها حنطيه وعيونها سوداء واسعه وانفها طويل
وجسمها عادي لانحيفه ولاسمينه وطويله

ولدعم البطله واخوها بالرضاعه : نادر
عمره 17 سنه مايمر يوم مايتهاوش مع لين ابدا
لكن مع ذلك يحبها ويخاف عليها
وبشرته اقرب للسمار شعره اسود يوصل لاخر رقبته
انفه طويل وعيونها عسلي غامق
وجسمه رياضي وطويل

بنت عم البطله واختها بالرضاعه : لمى
عمرها 19 سنه تحب شيء اسمها اكل
لكن على كثر ماتاكل ماتسمن !
بشرتها حنطيه وعيونها سوداء وانفها طويل
وشعرها بني يوصل لكتفها
ونحيفه وطولها متوسط

بنت عم البطله : اروى
عمرها 17 سنه طيبه وقريبه من ريما ولين وتحب لما يجتمعون حيل
بشرتها حنطيه وعيونها سوداء
وانفها فيه ندبه باللون السماوي واقرب للازرق وهذا الي مميزها عن غيرها
( الندبه كانت يوم طاحت وهي صغيره ولحد الان وهي فيه )
وقصيره ونحيفه

بنت عم البطله واخت اروى : رزان
عمرها 19 سنه
شعرها بني غامق يوصل لاخر ظهرها
وبشرتها حنطيه وعيونها سوداء
وطويله وجسمها متناسق

بنت عم البطله واخت اروى : رواء
عمرها 18 سنه
شعرها بني غامق يوصل لنص ظهرها
وبشرتها حنطيه وعيونها سوداء
قصيره وجسمها متناسق


ولد عم البطله واخو اروى : عبدالرحمن
عمره 17 سنه
شعره اسود يوصل لنص رقبته
وبشرته حنطيه وعيونه سوداء
وطويل وجسمه رياضي


هذا تعريف للاشخاص الي بيكونون بالبارت الاول
وباقي الشخصيات رح يكون تعريفهم بالبارت اول مايطلعون باذن الله



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 16-06-2013, 10:32 PM
صورة تناحه* الرمزية
تناحه* تناحه* غير متصل
©؛°¨غرامي فعال ¨°؛©
 
الافتراضي رد: رواية : السيد امير / بقلمي



البارت الاول

قبل 11 سنوات

كانت جالسه على الرصيف تصيح وهي تنادي على امها وابوها
الي تركوها عند كرسي جمب محل ملك لعمها ووعدوها انهم رح يرجعون بعد دقايق
كانت تصيح بصوت عالي وتنادي على امها وابوها
لما جاء لها طفل صغير وهو يقول لها : انتِ صغيره عشان تصيحين !
ناظرته وعيونها مليانه دموع : مين انت ؟ ابي ماما وبابا وجلست تصيح
ناظرها بغرور: انا السيد امير وبعدين الكبير مايصيح عشان شيء تافه
ناظرته وهي تقول: ماما وبابا مو شيء تافه ابيهم هم وعدوني يجون بعد شوي ليه ماجاو
امير مسك يدها وحط فيها نجمه وهو يمسح دموعها : هذي هديه لك اذا ماصحتي وانا متاكد اهلك مارح يخلونك كذا بدون سبب
ناظرته ببراءه : طيب مارح اصيح وحضنت النجمه بيدينها وهي تناظرها كانت باللون الذهبي ومن الذهب وفيها نور خفيف يطلع منها
امير : طيب مين انتِ ؟
ابتسمت وهي تناظر النجمه : انا ريما وانت ؟
امير وهو يبتسم بسخريه : قبل شوي قلت لك اسمي امداك تنسينه !
ريما بنبره طفوليه : ماسمعتك
امير : تذكري انا مارح اعيد كلمتي ثاني باي
ريما : طيب قولـ . . . .
ما امداها تكمل كلامها الا هو مختفي تماما

بعد 11 سنوات

كانت نايمه وتحلم في احلامها الورديه ومادرت ولا بامطار تمطر فوق سريرها
ريما قامت وهي متروعه وتتلفت وشافت لين جمب سريرها : ليننننننوه وجع
لين بضحك : ههههههه على بالك مارح اردها لك يوم سويتيها فيني ذاك اليوم
ريما بعصبيه : عد مو الحين قطعتي علي حلمي
لين بضحك : هههههه ياعمري يا انتِ اجل قطعت عليك حلمك هاه انتِ قطعتي علي اجمل احلامي !
ريما وهي تتغطاء بالمفرش : ياربيه منك نشبه اعوذبالله
لين : قومي قومي بسك نوم وروحي توضي وصلي الظهر
ريما وهي تقوم بانزعاج لانها تدري مارح تخليها الا لما تقوم : زين زين
قامت وتوضت وصلت وقراءت جزء من القران وسكرت المصحف وهي تستغفر
التفت لباب الغرفه الي انفتح بقوه ودخلت منه لين : ريمما وقربت وهي تضمها وبقوه
ريما وهي مختنقه منها : شوي شوي وش جاك انتِ ؟
بعدت عنها لين وهي تقول بفرحه : رح نروح لعمي فهد
ريما بفرحه : جد !
لين : وربي يالله تجهزي عشان نروح
ريما بفرحه : طيب طيب
وقامت وراحت تروشت
ولبست بنطلون اسود مع بلوزه بيضاء وفيها شخابيط وكلمات انجليزيه وفضفاضه وماسكه من تحت
مع فلات اسود وشعرها تركته مفكوك ولبست ربطة شعر بيضاء وفيها فيونكه سوداء
وخذت عبايتها ونزلت لتحت وجلست تكلم وحده من صديقاتها على البيبي على بال ماتجي لين
بعد كم دقيقه نزلت لين بسرعه وهي تقول : رييما وين نادروه
ريما : مدري
لين وهي تجلس على الكرسي الابيض وكانت لابسه فستان باللون الوردي الفاتح يوصل لتحت الركبه مع كيلون ابيض وفلات وردي فاتح
وشعرها سوت فيه جديله فرنسيه مع طوق باللون الوردي
لين : طيب امي وابوي و لمى ؟
ريما : لمى شفتها في المطبخ تو اما امك فالاغلب انها في غرفتها وعمي في مكتبه
لين : اعوذبالله ذي ماغير فالمطبخ
على نهاية كلامها دخل نادر
لين التفتت لنادر وهي تقول : مابغيت تجي
نادر باستهزاء : اشتغل عندك انا عشان اجي متى مابغيتي
وراح لفوق عشان يبدل ويمشون
ريما وهي تهز راسها باسى : انتم مايمر يوم الا متهاوشين
لين وهي منقهره من نادر : اعوذبالله وش هالاخو !! ماعنده لا احترام وولاشيء لاخواته
ريما وهي تضحك عليها : على اساس انك محترمته يعني
لمى وهي تاكل : وين ماما ؟
لين : اعوذبالله بسك اكل انتِ بعد كم يوم مارح تقدرين تدخلين من الباب
لمى : لا استطيع فالاكل حياتي مائي نفسي ااااه لا استطيع التخلي عنه
لين وهي تتحمد ربها على نعمة العقل : الحمدلله والشكر روحي بس انتِ واكلك وبدلي ملابسك وانزلي عشان نروح لعمي !
لمى : اصلا بروح بدون ماتقولين لي
وراحت لفوق تبدل ملابسها

بعد ما خلصو ولبسو ركبو للسياره متوجهين لبيت العم فهد

لين : هيه تهقين تغير شكل اروى ؟
ريما : لا ما اتوقع يمكن قصت شعرها او طولت مثلا
لين : يمكن اقول خلينا ننزل الكل نزل غيرنا
ريما وهي تتلفت : من جد يالله بسرعه
نزلو وراحو داخل وسلمو على مرت عمهم
وبنات عمهم رزان و رواء والاهم اروى
بعد ماسلمو راحو لفوق على طول
ريما وهي تضم اروى : ياختي من زمان عنك
اروى بضحك : شوي شوي علي
لين : وانا وانا بعد بضمك وش زودي وراحت وضمتها
اروى : خلاص كانكم ماشفتوني من سنه
ريما : وش نسوي عد اشتقنا لك
لين وهي تبعد عن اروى : من جد ياختي نقعد شهور ولانشوفك
اروى : عد الشكوى لله
ريما : اقول تدرون مشتاقه اسوي شيء اكشن وكذا
اروى بحماس : وانا نفسك بس وش نسوي ؟
ريما : اممم شرايكم نطلع برا ونمثل دور الشحاذه وكذا ؟
وبعدها نلبس باروكه ونلبس زي ملابس الرعب وكذا على اساس نهبل برزان ورواء ولمى ؟

لين : واذا نشبنا برا ولا احد فتح لنا وش رح نسوي ؟
اروى : رح ناخذ البيبي والايفون احتياطا وما اظن انهم مارح يفتحون
لين باقتناع : زين
اروى : ok
ريما : طيب عندك باروكه ولالا ؟
اروى بتفكير : اذكر كان عندنا باروكه لونها بني بس طويله و2 غيرها ولونهم اسود لرزان ورواء كانت لحفله تنكريه من زمان
ريما : طيب تعرفين وينهم فيه ؟
اروى : يب في المخزن تحت
لين : اجل يالله ننزل وناخذهم
اروى : انا بجيبهم انتم اقعدو هنا
لين وريما : ok
جلسو يسولفون على بال ماتجي ويوم جت
بدو بالشغل لبسوا الباروكه لين واروى خذوا السوداء وريما البنيه
وخذو شباشب حقت الحمام وحطوها بكيس وخذت كل وحده مخدتين وحده يحطونه وراء والثانيه قدام
ونقاب وعبايه ونزلوا تحت من باب المطبخ وخذوا اكياس اشكال والوان وخذوا كيسه شفافه وحطوا فيها صامولي > من زود الكيد وحبكة الدور
طلعوا للحوش ونزلوا الشباشب ولبسوها وطلعوا لبرا ورنو على الجرس والي اتفقوا انه ريما الي بتتكلم وفتح لهم عبدالرحمن اخو اروى
ريما وهي تغير صوتها : ممكن اكل اوكل فيه ولدي المسكين وحركت يدها على اساس تهز ولدها
هو هنا انصدم ومايدري وش يقول لانها اول مره يكون فيه شحاذه في هالحي
عبدالرحمن وهو مصدوم : ان شاءالله ودخل لداخل
هنا هي راحت وراه وتربعت في الصاله ! وهو بالمطبخ
جاء وانصدم يوم لقاها داخله !! وضاق صدره وكانه يقول : وش ذا النشبه ؟!!!
جاب خبز وجبن ومدها لها
بس هي مامدت يدها ولا اخذتهم
عبدالرحمن : ياخاله خذي الاغراض وروحي ترزقي الله !
ريما وهي متربعه وتهز راسها يمين يسار > يعني رافضه وما اعجبها الوضع
هو ابتلش راح مد لها 50 ريال اخذتها بس لا قامت ولاطلعت
هنا هو تورط وماعرف شلون يطلعها من البيت
فصار يدق على جوال امه مغلق واخواته نفس الشيء مغلق > خذوا جوالات الكل بدون مايدرون وحطوهم بغرفة اروى > ان كيدهم عظيم
ابتلش وبقوة في الموقف ماهو قادر يروح وينادي امه ويتركها في الصاله فسوى نفسه يكلم مكافحة التسول
ويقول : فيه حرمه عندنا . . . . .
وهي جالسه وماغير تهز يدها على اساس تهز ولدها الي هو المخده !!
هو مل من جد وعصب فراح دق على الاستعلامات وطلب رقم مكافحة التسول بالسبيكر
واول مابدا يدق على الرقم من جد قامت وتزحزحت من مكانها وكانها خلاص بتطلع
هو تنفس الصعداء وماصدق !! وجاء بيمسك الباب بيده يسكره اول ماتطلع من الحوش ومايسمع الا صوت لين واروى وهم يضحكون
عبدالرحمن وهو مابعد استوعب السالفه : اروى وراك برا ومن معك
اروى بضحك : ههههههه للحين ما استوعبت شيء هذي ريما بنت عمي ههههههههه
عبد الرحمن : اييش انتم ماتتبون من مقالب ذي
لين واروى وريما وهم يدخلون داخل : هههههههه رح نموت اذا تبنا

راحوا لفوق وتحديدا غرفه اروى وشالوا العبايه
وقالت ريما : يالله ننفذ المقلب الثاني
اروى : طيب وش رح يكون ؟
ريما بخبث : هالباروكه ماطلبناها على الفاضي ، الحين رح نروح ونحط مكياج اسود في اسود على اساس يكون مرعب
ونهبل باخواتكم
لين بحماس : ياعليك افكار مدري من وين تجيبينها
ريما بغرور : اعجبك
اروى : طيب يالله نتجهز
وراحو يحطون مكياج بحيث يصير شكلهم مرعب ومن هالكلام
ريما حطت لها كحل وخلته يسيل واضافت زي الجرح المخيوط في خدها وزي الدم الي يطلع من عينها
لين اضافت جرح كبير في جبهتها وهالات سوداء تحت عيونها
اروى اضافت لاصق جروح على انفها وجرح في خدها واضافت مرطب شفايف احمر شوي وسايل ويخلي شفايفها نفس المجرحه وهالات سوداء تحت عيونها

ريما : يالله باقي الملابس انا ملابسي مناسبه بما انه فيها اسود
لين : وانا ؟
اروى : وش فيك انتِ ؟
لين : ماعندي ملابس سوداء وكذا
اروى : من جد وش نسوي ؟ ملابسي مو نفس مقاسك
ريما : عادي البسي عبايتك
لين : زين
ريما : انا ولين بننزل نجيب اللمبات وانتِ الحقينا اول ماتخلصين
اروى : زين

نزلوا ريما ولين وخذوا اللمبات وراحو فوق وكان وقتها خلصت اروى الي لبست بلوزه توصل لفوق الركبه سوداء مع شخابيط باللون الابيض
وبنطلون ابيض
ريما : امسكي ذا لك وعطتها اللمبه
اروى : طيب الحين هم وينهم ؟
ريما بمكر : في غرفة رزان
اروى بحماس وخبث : يالله مشينا لهم بس اول لازم نسكر لمبات الغرفه
ريما بخبث : خليها علي
زحفو بشويش لغرفة رزان ودقو الباب
رزان : مين ؟
مارد عليها احد فطنشت وكملت تسولف لكن ماكملت الدقيقه الا الباب يدق ثاني وبصوت مزعج
رزان : مين ؟
لارد
رزان : مين وجع ؟
دقو الباب ثاني
قامت رزان بتفتح الباب لكن مالقت احد ورجعت سكرته لكن ماتسكر زين
لان ريما حطت رجلها في ذاك الوقت
ولا انتبهت لها رزان الي جلست وتكمل سواليف مع لمى ورواء
بعد 5 دقائق الي كل شوي يحاولون يفتحون الباب بشويش لما وصلو للحد المطلوب
دخلت ريما وسكرت اللمبات على طول وهنا دخلوا لين واروى
وسكرو الباب والتفتو رزان ورواء ولمى متفاجئين
رزان : وش السالـ . . . . . . ماكملت الا بريما قريبه منها مره
والي يوم شافتها رزان جلست تصارخ لانها ماعرفتها بحكم التنكر الي سوه
التفتت لها رواء وهي تقول : رزوزنه و . . . . . اااااااااااااه
جلست تصايح من لين الي كانت في وجهها
لمى بخوف : بنات و . . . . . .
تصنمت من الصوت الي فاذنها يقول : جات لكِ انتقم لقتلك زوجتي
كان صوت اروى مضبوط من كثر ماتمثل هي ولين وريما يوم يلتقون > ان كيدهم عظيم
التفت لمى للصوت وشافت اروى وجلست تصارخ : ااااااااه ماما وجلست تصيح
هنا اشرت ريما يعني خلاص نطلع وسكروا اللمبات الي معهم > كانوا حاطينها تحت ذقنهم
وطلعوا بسرعه وقبل لايسكرون الباب شغلوا اللمبات الي بالغرفه وسكروا الباب وهم يضحكون
وراحو لغرفة اروى ورجعوا نفس ما كانوا وجلسو يسلفون
لما قالت ام نادر انهم راح يروحون بما ان الوقت متاخر وبيدخل على الساعه 1 ونص
ريما : لاتقطعين عد وربي بنشتاق لك
اروى وهي تضمها : اكيد مارح اقطعكم انتم صديقاتي وبنات عمي وجزء مني كيف اقطعكم
ابتسمت ريما وهي تودعها
وضمت لين اروى وهم يودعون بعض : بشتاق لك ارواتي
اروى : وانا بعد ياعمري
بعدت لين وهي تقول : لاتقطعين نفس ماقالت ريما
اروى : اكيد مارح اقطعكم انتم جزء مني
وطلعوا لين وريما وهم يتمنون يقعدون اكثر

اول ماوصلوا للبيت كل واحد راح لغرفته

غرفة ريما :

بدلت ملابسها ولبست بجامه فضفاضه باللون الوردي وناعمه
وقبل تروح لسريرها فتحت درج التسريحه وخذت صندوق خشبي مطلي باللون الوردي ومزين بقماش الدانتيل السكري
جلست على سريرها واخذت مفتاح الصندوق وفتحته طلعت النجمه الي كانت محتفظه فيها بمكان مايجيه احد ولايجيها شيء فيه
جلست تتاملها وهي تقول : مين صاحب هالنجمه ؟ وليه عطاني اياه ؟
تنهدت بحزن وضمت النجمه لصدرها وراحت في سابع نومه

انتهى البارت



بانتَظار توقعاتكمَ اقترحاتكمَ وانتقادتكمَ $:




تعديل تناحه*; بتاريخ 16-06-2013 الساعة 11:55 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 16-06-2013, 10:45 PM
صورة همـــــــــ الغلا ــــــس الرمزية
همـــــــــ الغلا ــــــس همـــــــــ الغلا ــــــس غير متصل
©؛°¨غرامي متألق ¨°؛©
 
الافتراضي رد: رواية : السيد امير / بقلمي


بدااية حلووة
موفقة حبيبتي
ريما ان شاء الله تتذكر مين الي اداها النجمة
ودي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 16-06-2013, 10:46 PM
صورة هَيناموريَ الرمزية
هَيناموريَ هَيناموريَ غير متصل
©؛°¨غرامي جديد¨°؛©
 
الافتراضي رد: رواية : السيد امير / بقلمي


بارتَ جججميلَ
واععجبنيَ حححيلََ
تححمستَ للبارتَ الثانيَ
ننتظركَ بفارغَ الصبر يَ الغغلا


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 16-06-2013, 11:33 PM
صورة حساسه ودمعتها الماسه الرمزية
حساسه ودمعتها الماسه حساسه ودمعتها الماسه غير متصل
©؛°¨غرامي مشارك¨°؛©
 
الافتراضي رد: رواية : السيد امير / بقلمي


لو سمحتي ابي اسم روايتك الاولىى

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 17-06-2013, 01:08 AM
صورة آآآدمنتك ~ الرمزية
آآآدمنتك ~ آآآدمنتك ~ غير متصل
أدمنت (حبآ) ليس (لي) فيه نصيب‎.
 
الافتراضي رد: رواية : السيد امير / بقلمي


بالتوفيق حبيبتي


بدايه موفقه


رواية أنت أميري وجزء مني كيف تبيني أتخلى عنك ؟/بقلمي

الوسوم
الامير , امير , الشيخ , روايه جميله , روايه رائعه , روايه هبال , روايه كوميديه , واقع , واقعيه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2350 29-05-2019 09:51 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 1999 25-08-2011 01:29 AM
ابي فزعتكم رائد الغريب سجل الأعضاء - للتواصل بين الأعضاء 7 22-05-2011 09:38 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2048 11-03-2011 01:54 PM

الساعة الآن +3: 08:21 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1