lovely me ©؛°¨غرامي مشارك¨°؛©

كيفكم حبايبي اتمنى ماخليتكم تنتظروا كثير .....







الفصل السابع


مر علي في المستشفى يومين .. كان جسمي كله يالمني .. والبنات وريان يجوو دايم .. وتحديداً ريان كان دايم يجي معه شيء .. رائد رجع من سفره ...
واليوم المفروض اطلع من المستشفى ..
من لما شفته من بعيد وهو لابس نظارته الشمسيه قلبي صار يضرب طبول .. ليه انا كذا غبيه .. وش فيه عشان احبه وش سوالي .. انا حتى ماعرفه وماظن حتى يعرفني .. اف ليه هوالي لازم يوصلني ...
ركبت انا وراء ووائل قدام ... كان شكله وهو قريب يجنن .. الا خق .. عيونه الرماديه .. وشعره الاسود وانف المستقيم .. كل شيء فيه حلوو .. انا اتخيل ولا هو يناظرني .. اي يناظرني ..

غبيه .. انتبه علي وانا اقز فيه .. يافيضحتي .. انا ليه اناظره .. ليه ..
ابعدت نظري عنه بسرعه .. اخ ياقلبي اهدى .. اخاف احد يسمعك ..
كانت دقات قلبي قويه وسريعه لدرجة اني سمعتها في اذوني ..
وصلنا البيت .. كانت رندا تنتظرناا او بالاحرى تنتظر جاسر .. ليه واقفه .. عشان يقولوا انها تهتم فيني وهي ماتعرف انا في اي ارض .. حتى لما زارتني طلعت ع طول عشان جاسر .. غبيه  ̄︿ ̄ ...
حسيت بنظرات جاسر .. ليه هذا يناظرني وش يبي .. عطيته نظره بمعنئ نعم في شيء .. مارد النظره بس حرك كتوفه وكانه يقولي مو مهم .. مو مهم .. طيب ليه يناظرني من البدايه المفروض يركز ع زوجته المستقبليه ...

طلعت غرفتي وانا بقمت عصبيتي ..
مافي داعي يظهروا حبهم للملأ ... غبيه غبيه واكبر غبيه .. انا ليه قاهره نفسي .. رااح تصير زوجته .. يعني حلاله .. اساساً انا مين ..
رن جوالي .. كان محمد .. مو قادره ارد او اكلم اي احد .. ابي انام وبس .. مابي شيء ثاني ...



وفعلن نمت ....

شفت الساعه كانت حوالي 11 مره كنت جوعانه ومعدتي صارت تغني .. نزلت الدرج وانا جسمي يعورني ابي اسويلي شيء اكله ..
سويتلي جبن وخبز .. يمشي الحال ..
- ليه صاحيه ..
نقزت من ع الكرسي مرعوبه .. كان جاسر ..هذا بيطلع في كل محل اروحه ..
- لها الدرجه مرعب ..
كان يبتسم .. اخ ياهالابتسامه .. كيف احد يشوف هالابستامه الحلوه من هالوجه ومايحبه .. كيف قلبي بيقدر اتحمل اشوفه كل يوم لما يتزوج رنداا ..
- ....
مارديت .. اخاف اتكلم يفضح صوتي كل مشاعري ..
- فيك شيء ¿
- ل. لا .. ليه ...
قال بابتسامه هادئه وقعت قلبي ..
- الي يشوف نظرتك لي قبل شوي يقول انتي تعشقيني ...
- اا .. ايش ..
لا .. مستحيل يعرف ..
- يعني حقيقه ..
- هههههههههههههه .. اكيد تمزح .. احبك انت .. ههههه انت مجنون ..
كان هذا الحل الوحيد ...ماراح اسمح له يكشفني .. ابداً .. وبديت اضحك واتمقخر عليه ...
لاحظت كيف وجهه انقلب ... لا اكيد اتخيل .. ليه وجهه ينقلب من زود حبه لي ... مالازم اتخيل اشياء مو حقيقه ....
- اكيد .. مو انتي تحبي محمد ..
- محمد ..
هذا مجنون ولا ايش .. اكيد خرف ...
- محمد اخوي ..
- ابن خالتك تصحيح .. بعدين لاتحاولي تنكري تصرفك واضح ..
- قلت لك محمد اخووي .. وااضح ولا اعيد ..
- عدتي او لا .. انتي تحبيه ...
- انت وش مفكر نفسك .. وان كنت هذا مايخصك ..
قمت من ع الكرسي وكنت بطلع لو لا انه سد علي الطريق ..
-بعد .. اابي اروح غرفتي ..
كنت اتكلم ومنزله رااسي ..
- ليه تهربي لايكون كلامي ماعجبك ..
الغضب وصل حده .. هو ايش خصه وش مفكر حاله ...
- مايخصك وماراح يخصك في اي يوم .. وخلك في نفسك افضل .. دفيته بقوة وطلعت .. وش مفكر نفسه ... وليه يتكلم كذاا عن محمد ..
مو هو حبيب رندا ليه اساساً يهتم ..




☆ミ ☆彡☆ミ ☆彡☆ミ ☆彡☆ミ ☆彡☆ミ ☆彡☆ミ 





( مذكرات رحاب )


طلعت من الحمام بالروب .. مين يكلمني بها الوقت ... جيت الا والجوال سكت .. لما طلعت سكت ...
بس كان في رساله :
الساعه 5 .. مطعم ال .....
في شيء لازم نتكلم فيه ضروري ... لصالحك وصالحي ..

كان خالد ... اخر مره شفته قرفه كان واضح .. وش يبي ... الحين الساعه 2 ... باقي لسه ...
كان ايمن يبكي فا رحت اشوفه ...

ايمن كان ملاكي الصغير بانفه الجميل وشفايفه الحلوه .. لما يكبر بيكون له مستقبل وبيجون البنات حوله زي النمل .....
متى تكبر وتصير رجال .. رجال اقدر استند عليه رجال يحيمني ..
حضنته بقوه تبي تحس فيه بدفئه .. تبي الوحده تروح عن قلبها الحزين ...

☆ミ ☆彡☆ミ ☆彡☆ミ ☆彡☆ミ ☆彡☆ミ ☆彡☆ミ 


اظن ان فمي كان مفتوح ع اخر شيء .. اكيد يمزح .. اكيد ...
معقوله خالد يبي يتزوج مني .. انا احلم .. تحلمت بهاللحظات كثير بس ماتوقعتهاا ... ماتوقعت ان .. خالد،يبي يتزوجني ... وش لازم اسوي ..
وش لازم اسوي ..
- عندك لين بكره .. انا مستعجل .. واذا رفضتي في كثير بنات بيوافقوا ..

ايش وش يقصد .. يعني مايبي يتزوجني .... في شيء قبض ع قلبها الم وحزن وعذاب ... انا غبيه .. ياليت الارض تنشق وتبلعني .... انا الغبيه لاني فكرت انه ممكن يحبني ..
ابتسمت باستهزاء ..
- ايش تقصد ....

وبدا يشرح لها مخططه ...
شحب وجه رحاب لما سمعت كلامه ... قالت بكل عصبيه ...
- رووح دور لك ع بنت تهتم بشروطك ..
وطلعت من المطعم ... وقفت تاكسي بس يد سحبتني وماشفت حالي الا بسيارته وقفل الباب ...
- هيه انت .. افتح الباب ...
- اوصلك ..
- مو مضطر ...
بس ولا اهتم .. وش يبي هذا .. انتبهت ان السياره بدت تتحرك ...ليه مايخليني في حالي .. يكفيني الي فيني ..

- انتي لازم تفكري .. انا احتاج زوجه في هالاياام ..
- في هالايام ... ( بسخريه )
- اي . .. بتحصلي ع الي تبيه وزواجنا رااح يكون مدة ست شهور وبعدها نطلق ..
- مخطط كمان ..
اكيد يمزح ..
- اي .. انتي انسب وحده .. بقية البنات يبوا حب وعشق .. وانتي مو زيهم .. صح ..
جتني رغبه اضحك .. وضحكت بالفعل .. موو جااد... اذاً انا من بقية البنات ..
قلبها كان ينعصر واالهواء صار ثقيل ....
- وقف هناا .. ( من بين اسنانها )
- اسمعي بنستفيد احنا الاثنين ..
طلعت من السياره واخذت تاكسي ...

في شقتي ...


رجعت الشقه ماخذت ايمن .. كنت محتاجه افكر .. وش لازم اسووي ..
احتاج هالزواج عشان ماحد يتكلم علي .. هذا عشان ايمن .. مابي احد يتكلم لما يكبر وياثر عليه ... ماراح اسمح لشيء ياذيه ...
وغير كذا ابي اخلص نفسي من حبه .. يمكن بالزواج اكرهه او ع الاقل اوقف هالحب الاعمئ والي مايشوف عيوبه ...
ست شهور .. ياترئ بقدر اعيش مع ست شهور .. حاجتين وحده منها بتصير يااني بوقف حبه او حبه راح يدمرني واتمنى الاولى هي الي تصير ...
اه .. راسي يعورني .. ابي انام .. ابي اناام ..


☆ミ ☆彡☆ミ ☆彡☆ミ ☆彡☆ミ ☆彡☆ミ ☆彡☆ミ 



( مذكرات الجازيه )

ماصدق الي صار اليوم .... انا انتهيت ...

………………………………………………………………… نرجع لوراء ....

كانت تحس ننفسها في حضنه ... خافت ارتعبت واخفت شهقة لما سمعت الكلام ....
قلبها يدق بقوة بقوة ياترى من الخوف ولا من شيء ثاني ...
" احبك جازي وماقدر اعيش بدونك " وش يخربط ذاا ... حاولت تبعد عنه بس هو راافض .. كانت راح تصرخ لولا .....
- عماد ...
سمعت صوت يدوي زي الرعد وقدرت تبعد عن حضنه ...
- عماد ...
- يبه ...
كانت يتكلم ببرود ...
- ياقليل الحياا كيف تسوي كذاا ...
- يبه ... انا احب جازي وابي اتزوجها ... يبه انا قلت لك من قبل انا مابي سمر ... ( صوته زي الثلج )
- الله ياخذك ..
سمعت صوت دوا زي الرعد ماكان صوت ابو عماد كان صوت كف .. ابوعماد عطى عماد كف ...
هذا كله وانا اناظر وموفاهمه شيء ..
- انتي ياقليلية الحيا الرجال بيتزوج وانتي تلاحقيه ...
الصدمه كانت واضحه ع وجه جازي .. حست كان احد اعطاها كف .. وش يخبص هالرجال ..
قرب منها ...
الغضب الي بعيون ابو عماد وطريقته في المشي ذكرتها باشياء صور وكلام .... حست بالم في معدتها ..
شوي ظهر عماد في وجه ابوه ..
- يبه جازي مالها ذنب .. انا لاحقتها من مكان لمكان ..
- ابعد انا بوري هالبنت كيف تلاحق رجال مرتبطين ...

انقبض قلب الجازي .... الاحداث كانت تمر ببطئ يد ابو عماد ارتفعت تبي تضربهاا ...
انا ايش سويت .. انا ماسويت شيء ... تذكرت صوت طفله ..
" ماما انا ايش سويت .. ماما لاتضربيني " ...
صحيت جازي من غيبوبتها الموقته لما مسك عماد يد ابوه ..
- اضربني اذا تبي بس جازي لاتقرب منها ...
ظهر في عيون عماد شيء مرعب حتى ابوه ترااجع ..
- هين .. انا اوريك شغلك وهالبنت انا راح ادمر مستقبالهاا وبتنتهي ..

وش يصير .. وش يصير .. ياناس احد يقولي وش يصير ....
كنت زي الاطرش في الزفه موفاهمه ولامستوعبه الي صار .. ليه ... ليه كل هذا يصير .. حست جازي بالم في معدتها .. الم له مده طويله ماجاها .. حست حالها بتستفرغ ...
حست باحد يجلسها ع الكرسي ويعطيهاا مويه ...
شربتهاا كلها .. لاحظت الحين ان جسمها يرجف من الرعب ..
ماكان جسم جازي يرجف من الموقف لا كان من ذكريات رجعت لهاا بعد غياب طويل ...
- انتي بخير ..
ناظرته الجازيه بنظرة فارغه ...
- وش صار ...
معجزه ان صوتها طلع ...
- اسف ... ماكان لازم احطك بهالموقف ...
- وش صار ...
اخذ الرجال الي واقف قدامها نفس طويل ..
- اسمعي جازي ... انا مممممم ... كان المفروض اتزوج سمر زي مانتي عارفه بس انا وسمر مانبي بعض وحاولنا بشتى الطرق ان نوقف هالزواج والبارح لما شفتك .. خطرلي ان نظهرك كاحبيبه لي عشان عمي وابوي يوقفوا هذه الزيجه .. انا اسف ورطتك معي ..


لحظه .. لحظه .. بدا عقل سمر الذكي يسترجع الامور .. كيف كيف سمحوا لانفسهم يشركوني بهالامر ... حياتي انتهت .. مستقبلي .. ابو عماد رجل له نفوذ واذا يبي بيودني وراء الشمس ...
- انتوا استغليتوني ودمرتوا مستقبلي ... انتوا كيف تسووا كذاا .. انا ..
- جازي .. اسمعي ..
- اسكت مابي اسمع صوتك .. مابي اسمع ولا شيء ..
طلعت جازي تركض .. ليه كذاا .. ليه بعد مابديت حياه جديده بعد ماصرت اقدر اناظر الناس بدون خوف ... كل هذا ينتهي ..
ليه ياربي والله حرام ..
ركبت جازي اول سيارة تاكسي شافتها ..


……………………………………………… نرجع لجازي في الوقت الحاضر ..

ليه كذاا يصير معي ... في كل مره اوقف ع رجولي انتهي .. يبدو ان الي ماله حظ لايتعب ولايشقى ... قفلت عيونها بقوه وهي تسترجع ذكريات ..
فتحت عيونها بسرعه وبدت تفكر في شيء حلوو ..
# هذه عاده اكتسبتها جازي لما تتذكر جزء من ماضيهاا ..#
مررت يدها ع رجلها وبالاخص المكان الي في ندبه ...

يبدو ان امثالي مالهم حظ في الدنياا ..






نهاية الفصل السابع ...

جروح متناثره ©؛°¨غرامي فعال ¨°؛©

الباااااارت روووووووعععععععه
تسلمممممممممممممم يددددككك
اتوقع ان جااسم ما يحب رند 0_o
بس يلعب عليهااا
اممم جااازي ما تستاهل الي صار لهاا حزنتني
اتوقع بعددد ان رحااب راح تتزوج خاالد
وبعدين يمكن يحبهاااا وتحبه اكثر وما يطلقووو بعد ست شهوور

lovely me ©؛°¨غرامي مشارك¨°؛©

في البارتات الجايه بتصير امور كثيره وبنشوف *^▁^*

Rmx ©؛°¨غرامي جديد¨°؛©

روايتك حلوه غناتي بس لو سمحتي يعني أكتبي أسم اللي يتكلم يعني مثلا عماد : .. واللي قالو لأن في أماكن كثيره ماعرفت مين اللي قال الكلام وأتخربطت وأسفه على الازعاج أنتظر بارتك حبيبتي

عايشه بمزاجي ©؛°¨غرامي جديد¨°؛©

السلاام عليكم
رواايتك بتجنن بمعنى الكمله
انشالله بكون من متابعينك
بس متى ايام نزول البارت ؟؟
مودتي

حكايتي انت هّمًسِ ♥ تٌوٌامً روٌحًي ♥ الَوٌروٌدٍ





مسا الخير لوفلي .....
بداية رائعة وموفقه .....
انا بكون من متابعينك ... ارجو ان تستمري للنهاية
يعطيك العافية ...
ننتظر البارت الجاي بفارغ الصبر ....






..✿..❀..sumiah..✿..❀..








|| لُگ آلُحٍمدِ رٍبْيَ حٍتٌے يَبْلُغ آلُحٍمدِ منْتٌہآه ツ

lovely me ©؛°¨غرامي مشارك¨°؛©

البارت بنزله اليوم بالليل والبارتات تكون بينها فترة يوم او يومين ..
تسلموا حبايبي

lovely me ©؛°¨غرامي مشارك¨°؛©

المشاركة الأساسية كتبها rmx اقتباس :
روايتك حلوه غناتي بس لو سمحتي يعني أكتبي أسم اللي يتكلم يعني مثلا عماد : .. واللي قالو لأن في أماكن كثيره ماعرفت مين اللي قال الكلام وأتخربطت وأسفه على الازعاج أنتظر بارتك حبيبتي

ان شااء اللهر.. تامري امرر

lovely me ©؛°¨غرامي مشارك¨°؛©

انا ماراح اقدر انزل البارت اليوم .. اعذروني ︶︿︶

شتات الكون ©؛°¨غرامي مجتهد¨°؛©

روووووووووووووووووووووووووووعه استمري ننتظر يا قلبي على احر من الجمر

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1