غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 23-06-2013, 02:18 AM
صورة Al7b asrar الرمزية
Al7b asrar Al7b asrar غير متصل
©؛°¨غرامي جديد¨°؛©
 
الافتراضي رواية إن كان قصدك أحبك فالإجابة هيه/بقلمي


السلام عليكم و رحمة الله و بركاته
امممم اولا اناا عضوه يديده و هاي اول روايه لي و حبيت ان اول نشر لهاا يكون ف منتدى غرام لتميزه .. اتمنى اتمنى اتمنى انها تنال اعجابكم و اتقبل النقد البناء بكل رحابة صدر و اممم شو بعد ماشي بحطلكم البارت الاول و اتريا ردودكم

اختكم al7ub asrar



البارت الاول .. 

فججيت عيووني على صووت دق البااب .. اووف الساعه 6 ونص تمططت بكسسل احاول ابعد النوم اللي فيني . نقززت على صوت الباب اللي انددق بقووه وااي فديت امايه ماتعرف توعي الا جيه 

اماايه : شمااا شمااا شمااا شماا يالله قووومي ترااج طفرتييني 
اناا : هااااااااه اماايه انزين قممممت قممممت 
امايه : يالله قووومي فتحححي الباااب 
قمممت اسحب عمري سحااب فجيت البااب و وايجت منه 
انا : هاا قمت يالله روحي 
اماايه : يالله وعي اختج 
طلعت ورا امايه و اناا كللي رقاااد و قفت عند حجرة مريوم و فجيت البااب بشوي شوي و دقييته باقواا ماعندي هع و بماا ان الباب خشب سوااا هااك الصووت اللي ماشي منننه 
مريوم فجت عيونها و قالت بكل برود حيواانه و ردت تنام ضححكت عليها ورديت حجرتيه 

اووه ماعرفتكككم عليناا 
اممم اول شي انا اسمي شماا عمري 18 سنه اخر سنه ثانوي اممم عندي اخت وحده و اخوان 2 
خالد : 26 سنه ماخذ نوره كانت اداوم وياه عندهم لطوف و سيف و الهنوف و عنده شركته الخاصه  جمييل فديته عيونه وسااع و ابيض عريض شوي و خشمه سيف و فيه شامه ف خده اليمين و شفايفه كبار شوي 
سلطان : واافدييت سلطاان بس هالانساان شيخ عمره 24 سنه مب معرس ومضرب عن الزواج يداوم في شركة خالد و كلمة جمييل شويه في حقه طويل و عليه جسسسم حنطااوي شووويه و عيونه ناعسه و رموشه كثيفه فيه غمازه ف خده اليمين و خشمه سلت سيف و شفايفه حاده و صغيره و شعره لاآخر رقبته  
مريوم : 16 سنه امم انسانه بااارده و هبله لآخر درجججه و اذا ضحكت تفضح الوااحد كتكووته عيونها صغار و خشمها صغير كل شي فيهاا صغير و هي الوحيده اللي خالف تعرف


فالمدرسه .. 

فالبريك كناا يالسين ف مكاننا الخااص اللي هو تحت الدري .. ام حق مكاان و كل وحده ماسكه لابهاا بماا اناا ف مدرسه خاصه 

فطووم واللي نسميها شبووم : اوييه بناات تعالوا شوفوا حلاااته و ربببي يغرررررم 
مريووم :اشووف اشووف اووه وعع ماعندددج سالفه هذاا ف كل مكاان حاط صووره 
سارووه : اقوول اييه جب انتي وياهاا من زينه هالسقم اللي تطالعنه و الله ماشي غير هالحلوو ياعلكككن فداا نصخخه يااربي انتن واللي تشوفنه ولفت اللاب عليناا عسب نشوف 
اناا شهقت : اييييه سارووه يعلللج العووق ياااربي من ويين يايبه صورة اخوويه 
سارووه رفعت حوايبهاا : هفيتهاا من لابج ياخي ذبحني اخوج من حلااته يخخخرب بيته مالت عليج ماطلعتي عليه انتي و عيوونج هالغببر 
مامدااني افج ثمي عشان اررد عليها الا الشله تعافدن عاللاب يبن يشوفن الصوووره 
حمووده : وااي شموووه محلااا اخوووج من صدقج هااا اخوووج يخررب بيته قوليله موافقه خلااص 
مريووم : طعع ويهج انتي شو يباابج فديته هالمزيووون يبااا غرشووبه شراااته 
قلت وانا ايير اللاب من ايد سارووه: اييه ايييه بلاااكن كلتتتنه اخووويه لا بركتن فيييكن .. هب هباااكن الرررب قولن ماشالله قطع رمستيه صوت بنيه تسلم من ورايه 
البنت : السلام عليكم 
لفيت و رديت : وعليكم السلام 
البنت : اممم شماا ممكن شوي تيين ابا ارمسج 
قمت و انا على ويهي علامة استفهاام و رحت وياها 
اناا : امم بغيتي شي 
البنت : بصراحه ربيعتيه مطرشتني اقولج انهاا تبا تمشي ويااج و اشرت على ربيعتهاا 
صديت الصوب اللي اشرت عليه و شفت بنيه متسانده عاليدار و ابتسمت يوم شافتني ماشالله شعرها طويل و معقصتنه على صوب و بيضاااا من كثر بياضهاا خدودهاا و رديه و عيوونهاا شوي صغاار 
لفيت على البنت اللي ويايه و قلتلها : قولي حق ربيعتج سوري ماقدر و صديت عنها و رديت ل شلتيه  

.. 

فالبيت و بعععد مامرر اليوم عاادي 
يالسه فحجرتيه و ارمس حمدووه عالبيبي 
رن فوني اووه مهااري دااقه شو الطااري رديت عليهاا 
انا : الوو 
مهااري وهي تشاهق و مقطعه عمرهاا صياااح قالت : شمووووه 
انا : مهاااري حححبي هدي بلااج تصيحيين 
مهاااري : شمووه انخطططبت 
انا : انزين شوو حقه تصيحين دامج انخطبتتتي 
مهاري : ماباااه شمووه مابااه ماتخييل عمري وياا حد غير ناصر 
تنهددت من عنااد مهرووه وقلتلهاا : مهاري اول شي استهدي بالله و اذكري ربججج 
مهاري : لا اله الا الله 
انا : والحين قومي يالله غسلي ويهج و تعالي اترياج 
مهاري : ماباا مابا شمووه حسوا فيني ماباااه ابوويه قالي ماعندج عذرر و بتاخذينه غصبا عنج 
انا و بقلة صبر : مهااري قلتلج قومي غسلي ويهج ورددي رمسيني يالله 
حسيت بهدوء وعرفت انها قامت تغسل ويها بعد دقيقتين بالضبط 
مهاري : الو 
انا : سمعي مهاري انا مابيلس اهديج و اقولج اصبري و سوي لان هالكلام مامنه فايده اناا عيزت وياج و عيزت من كثر ما ارمسج .. ناصر خلاص انسيه صفحه و انتهت من حيااتج و لازم تفتحين صفحه يديده .. يعني ماكفاج اللي سواه فيج انتي شو ماعندج كراامه لو هو رياال جان يا و خطبج من اهلج من عقب ماوعدج و ماسوا سواته 
مهااري : بس شماا هو كان عنده ضروف و انغصب و ماقدر يقول حق ابوه لا 
قاطعتهاا : اسمعيني مهروه الريال عمره ماينغصب و لو على قولتج هو مايقدر يقول حق ابوه لا انتي بتغضبين ابوج عشانه .. مهاري انا لو ما احبج و اعتبرج وحده من خواتي جان ماهميتيني و جان ماقلت هالرمسه تبين ترتاحين ناصر انسيه و اعتبريه زله و انتهت و بعدين تعالي انتي صليتي استخاره !؟ 
مهااري و جنها هدت شوي : لا 
انا : مهاري حبيبتي انتي تعرفين اني احبج و انج تعزين علي و ما احب لج المضره يمكن هالشي خيره لج الحين قومي سمعي كلامي و روحي عند عمي قوليله انج تبين اسبوع عشان تستخيرين و صدقيني لو ما ارتحتي انا بسوي اي شي عسب ماتخاذينه و ربي مابيكتب لج الا اللي فيه خير 
مهاري : ان شاءالله .. مشكوره شماا احس اني ارتحت يوم رمستج 
اناا : افاا عليج دبووه انتي اختي مامبينا هالرمسه يالله فديتج قومي و كلميني يوم ترتاحين 
مهاري : ان شاءالله يالله حبيبتي بخليج 

سكرت عن مهاري وانا بالي عندها صح اني قسيت عليها شوي و مادري اللي سويته صح ولا غلط بس كان لازم اصحيها من اللي هي فيه تنهدددت و انا اذكر سوالفها عن ناصر .. اووه ماخبرتكم منو مهاري 
مهاري تستوي
بنت عمي خالد عمرهاا 20 سنه جميله ماشالله شعرها لنص ضهرها جسمها حلوو بس مربربه شوي بيضه و عيونها شوي كبار و ملامحها جنها بيبي صح انها اكبر عني بسنتين بس قريبه مني و ترتاحلي وايد و كل اسرارها عندي 
عندهاا 3 اخوان و اخت وحده 
مطر : 29 سنه ماخذ ليلى عن حب و عنده سالم 13 سنه ريم 10 و موزه 3 سنين 
عمر : 24 سنه الروح بالروح وياسلطان اخويه وجميييل ماشالله يطرح الطير من السمااا عيونه لونهم عسلي و شعره لآخر رقبته اللي يشوفه هو وسلطان يقول توام بس اللي تفرق بينهم الغمازه اللي ف خد سلطان 
سيف توام هو و مهاري 20 سنه و كوبي بيست من مهاري خقق هالانسان حياته كلها تنكيت و مصخره و دممممه خفييف بس راعي بنات شوي هع 
وآخر العنقود سلامه : 18 سنه آخر سنه ثاناويه هالبنت كريهه و ونفسهاا في خشمهاا و مرابعه شله خايسه و ماعندهاا اسلوب ابداا شعرهاا لين آخر رقبتهاا و خارمه اذنهاا كلهاا و مسويه تاتوو ف رقبتهااا طبعا محد يروم يقولها شي لانها دلوعة ابوها 
 

اليووم اليمعه قمت الساعه 11 الصبح بالغصصصب و انا متكسره من سهرة البارحه ويا خواتي  سبحت و يلست اقرااا قرآن لين اذن و رحت اصلي لبست مخوره بيج و فيها شخابيط بألوان وايده و كلها فصوص بما ان اليوم يمعه ولا انا ماعرف للمخوره درب و نزلت تحت ياااي حلات ريحة البخور لقيت امايه فالصاله 

انا : السلام عليكم هلا و غلا بالطش و الرش 
ضحكت امايه : وعليكم السلام ها بنتي صليتي 
انا : الحمدلله اميه و يلست حذالها اتفااول 
اناا : اميه تعالي مب جنه اليوم العشا ف بيت عمي محمد 
امايه: هيه ليش انشاءالله هب ناويه تسيرين 
انا حكيت راسي و قلت : بصراحه امايه مافيني ماواطن بناتهم بعيشة الله 
امايه : اصصص يالله قطيعها هالرمسه و بتسيرين غصبا عنج جيه شو تبينهم يقولون عنكككن هااه
اناا : حشى حشى  انزين  امايه ماقلناا شي بنسير بنسير 
امايه : هيه جيه اباج توج حرمه 
و عللى نهاية رمسة امي دشوا ابويه و خالد و سلطان و قالوا: السلام عليكم 
انا و امي : و عليكم السلام و رحمة الله 
قمت و وايهت ابويه و اخواني 
ابويه : ها بنتي شحالج 
انا : بخير ربي يعافيك انته شخبارك شيبتيه 
ابويه سحبني من اذنيه و قال : منوو شيبه هااا 
قلت  بضحكه و انا اتويع : آآآخخخ ابويه مب انته مب انته الشيبه ها سلطاان 
مسكني سلطان من رقبتيه و زنطني بقووه و انا بختنق و هو يقووول منوو الشيبه هااا و اناا ويهي غدى طماطه و يادوب اتنفس 
اميه : سلططااااان ياعلللك العووق هددد اختتتتك بتخنقهاااا 
هني انااا دمعت و هدني سلطان بسرعه اول ماهدني طحت على الارض و سويت عمري اغمى عليه و قلت ف خاطري انا اراويك يا سلطوون 
ترابعو كلهم عليه و سلطاان يكفخني بشويش و هو ميت من الرووعه 
سلطاان : شمااا شمووه قووومي دخيلج والله مب قصدي 
و انا على نفس الحاله 
اميه وهي تضرب سلطان على كتفه : خوووز عنهاااا جتلت بنتتتتي و تمسك ويهي 
اناا هني ماقدرت اتحمممل نققعععععت ظححك مرررره وحددده اماايه زاغت و حطت ايدهاا على قلبهاا اما  سلطان سحبني من ريولي و تم اييرني عللى كبر الصاله و اناا ميته ضحك و اصارخ ف نفس للوقت 

عقب الغدا انسدحت فالصاله و كنت رافعه ريولي على طاولة التلفزيون و مريوم يالسه عالكنبه 
مريووم : اففففف يوعاانه شو ها ماخليتولي غداا
اناا : دوااج محد قالج منطبنه لين العصر امايه قالت ادب فيج عطوا الغدا حق الهنود 
مريووم: افف منكم اففف ياهالبيت جني سامانديقه زباله زباله مب بنتكم 
اناا : اييه اييه بس انطمي خليني اسمع و هاذوه المطبخ مفتوح جان تبين تنبطنين 
نشت مريوم و هي تنافخ و رفستني على راسي ف دربهاا و طيرت كشتيه 
اناا : مريووم الحيواانه الجللللبه اناا براويييج قمت و اناا رافعه كندورنيه لين ركبيه و مادريت بالعيون اللي كانت تراقبني 

فالطرف الثاني 

دخلت البيت عقب مايأست من كثر الدق و بما اني متعود على البيت وقفت و انا اسمع صريخ و تنححححححت فاللي اشوفه جداامي .. تشهدت في خاااطري على الملاك اللي واقفه ابتسمت بقووه يوم شفتهاا رافعه كندورتهاا و ريولهااا خاري .. ماشالله تبااارك الرحمممن بيضاااا و شعرهااا فيه شقاار على ذهبي و طايح لين ركبهاا رديت على ورا و انا انفض راسي من خيالهاا ركبت سيارتيه ورحت اسوقهاا بلاا وجهه و كل اللي افككر فيه .. يااربي محلاهااا 

فنفس اليوم و عقب صلاة المغرب كل العايله كانت مجتمعه فييت عمي محمد 
فميلس الحريم اللي كان ممزور لين آخره 
الحين بعرفكم عالعايله كلهاااا 
ابويه سيف ربي يحفظه اكبر واحد من اخوانه ابويه متزوج حرمتين امي كانت امريكيه اممم هيه امريكيه و كانت عندي اخت صغيره منهاا بس توفن هن الثنتين في حادث قبل 4 سنين و اخواني الباقين من الحرمه الثانيه اللي اسميها امي لانها فعلا استوتلي ب مثابة الام 
عقب ابويه ايي عمي محمد : حرمته اسمها شيخه و نزقرها خالوه شيخه من باب الاحترام عنده 3 بنات عليا 23 و هند و هنادي توم 18 سنه بصراحه بناته ماواطنهن بعيشة الله و هند وهنادي يستون ربيعات سلامي و نفس حركاتهاا 
و عقب ايي عمي خالد و اللي خبرتكم عنه 
و عقب تيي عمووه منى  ماخذه ولد خالها وعندها حميد 26 سنه ربيع خالد الروح بالروح و عقبه حنان و هاي تواميه الروحي 18 سنه و كل شي نسويه ويا بعض  
و كككككلناا كنا يالسين فالميلس الشباب يلعبون كيرم و الشياب يسولفون و الحريم في صوب و نحن يالسين نشجع اللي يلعبون 

عند هند و هنادي و سلامي 
هند: وعع طاعي طاعي شو مسويه صدق لو كلالاس 
سلامي: لاواللي يقهههر اكثر ان كل الشباب متخبلين عليهاا و هي و شكلهاا 
طبعا هنادي تابعه لهن قالت : اصلن انتن احلى منها على شو شايفه عمرههاا 

عالعشا كانوا مسويين عيش و لحم و اناا طبعا مستحييل اكل لحم و قفت عند العيشه و يلست اطالعهاا .. 
سيف بطناازه : اوييه لاا ما اكل لحم مستحيييل 
طالعته بنص عيين و قلت : جب انتته مايخصك  
سيف : اقووول حبي الدعننه و يلسي كلي يالله ماعندناا بناات ماياكلن لححم 
انااا قلت بدللع عفووي : عموووووه شوووفي سواااف شو يقوووول 
عمووه شيخه : سييف يووز عن بنت عمك يالله يووز شو تبابهاا مسكينه تعالي ابوويه تعالي عندي 
طلعت لساني بغياض حق سواف و رحت صوب عموه 
سيف .. 
آآآههه ياقلبي ليتج تحسين فيني يابنت العم .. فديت دلعهاا اناا و الله انج خشعتيني فديت عيوونج الزررق اناا و الله ماتكونين حق غيري و انا سيف بن خالد 

الحب اسراار : هع اممم خلونا نتكلم عن شماا بما ان هي اللي تروي القصه ف اكيد مابتمدح عمرهاا .. شماا ماشالله احلى بناات العايله عليهااا بيااض و خدودهاا و رديه عيونهاا زرق بما ان امها امريكيه و شعرها لين ركبهاا و لونه اشقر على ذهبي عيونهاا وساع و مجحله طبيعي و رموشها كثيفه و فيها غمازتين بصرااحه جمييله واللي يحليهاا اكثر اسنانهاا المرصوصه و اللي مزينتنهن بكرستاله تزيد جمالهاا 

نرجع لشماا 
اناا : رحت عند عموه شيخه و قلتلهاا بدللع امممم عمووه انا يوعاانه مابغي عيش و لحم ابغي من المطعم بليز بليز عموه قولي حق سواف ايبلي 
يت حنوون تربع هيه هيه خالوه دخيلج خليه اييبلناا 
عموه شيخه : سووااف قوم ابويه هات حق خواتك عيشه حليلهن يواعا بطونهن تغرر 
سيف : طع المنااكر الحين مالقيتن غيري اطرشنه 
قمت و ربعت صوب سواف و مسكت ايده بحركه عفويه و قلتله : بلييز بلييز سواافي يالله روح هاتلناااا 
سيف : تجمدت فمكاااني و حسيت قلبي بيطلع من صدري يوم لمستني .. حسيت بشعور حلوو مابغيه يخلص شكلهاا و هي تترجاا و تناقز شرات البيبي حركة شفايفهاا الكرستاله اللي تلمع .. احس اني اشوف كل شي بالحركه البطيئه وااي فديتهاا .. صحيت من سرحاني بعد ماشدتني بقووه وقلت
سيف : اووف اووف انزين مصعتيها ايدي يالله شو تبوون 

انتهى هاليوم بسوالف و ضحك و حسد من بعض الناس و في وايد قلوب مجروحه و في وايد قلوب مرتاحه 




نهاية البارت الاول اترياااا الحماااس عشان اكمل الروايه


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 23-06-2013, 04:08 AM
صورة s5s5 الرمزية
s5s5 s5s5 غير متصل
©؛°¨غرامي مجتهد¨°؛©
 
الافتراضي رد: رواية ان كان قصدك احبك .. فالاجابه هيه


السلام عليكم ..
موفقه في روايتك ..
الواضح ان روايتك غريبه و جديده علينا ..
لكن ناقصه اهم شي الي هو الوصف حولي تكثفين من الوصف ..
يعني لمن توصفين المشهد اكتب الزمان المكان شكل المكان شكل الابطال هذا سبب كبير لاندماج القارىء في الروايه و متبعاته ..
كبري الخط شويتين و حطي لون مناسب بيكون افضل ي قلبي ..
موفقه مرا ثانيه

..
سوس الخطابي
..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 23-06-2013, 04:12 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: رواية ان كان قصدك احبك .. فالاجابه هيه


صباح الخير .. ياهلا فيك بغرام .... موفقة بطرحك ... بداية جميلة واسلوب خفيف ورائع اتمنى تواصل كتابتها حتى تختميها على خير بس ياليت لو تكبري الخط شوي

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 23-06-2013, 08:05 PM
صورة Al7b asrar الرمزية
Al7b asrar Al7b asrar غير متصل
©؛°¨غرامي جديد¨°؛©
 
الافتراضي رد: رواية إن كان قصدك أحبك فالإجابة هيه/بقلمي


ثاانكس على التعليقاات و ان شاءالله راح اعمل بنصايحكم


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 23-06-2013, 08:36 PM
صورة فااارس المساء الرمزية
فااارس المساء فااارس المساء غير متصل
©؛°¨غرامي مشارك¨°؛©
 
الافتراضي رد: رواية إن كان قصدك أحبك فالإجابة هيه/بقلمي


بالتوفيق ياتفاحه الجنه..متابع بشغف ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 24-06-2013, 04:12 AM
صورة Al7b asrar الرمزية
Al7b asrar Al7b asrar غير متصل
©؛°¨غرامي جديد¨°؛©
 
الافتراضي رد: رواية إن كان قصدك أحبك فالإجابة هيه/بقلمي


البارت الثاني

عقب اسبوع من هالاحداث 

اليوم الخميس ملجة مهااري اممم هيه ملجتهاا من عقب هاك اليوم مهاري صلت استخاره كذا مرره و ارتااحت حييييل و توكلت على ربهاا ووافقت 

فالصاالون الساعه 2 الظهر كنا اناا و مهاري و حنون و نواري حرمة اخويه خالد و مريوم .. بدن نواري و مريوم و اتفقنا عقبهن انا و حنون و تكون مهاري آخر وحده عسب مايخترب مكياجها 

مريووم و هي معصبه عالفلبينيه اللي تسوي شعرهاا و شوي و بتنقع : انتتتتتي ايييه قطعععتي شعريه تراااج شوي شوي فقدج و فقدت حيااتج ان شاءالله 
الفلبينيه : شوو مداام ما يفهم انااا 
مريوم : انططمي انططمي مااايسحب هذاا شعر مال اناا قوي 
الفلبينيه : آآآآ اوقي ماام مافي يجي زئلان 
انتفخت مريوم و سكتت و انا و حنون كنا نسوي مانكير و نضحك علىى سوالف مريوم 
طلعت نوروه من الغرفه و هي تقول : ها بنات شرايكم 
لفينا عليها انا و حنون و فجينا عيونا كانت لابسه فستان ازرق غامج ماسك على الصدر و فيه كرستال نثر و عقب واسع لين تحت و رافعه شعرها كله على فوق و مسويتنه فيرات و حاطه كرستاله علىى شكل فراشه ف شعرها بصراحه طالعه روعه .. لفيت على حنون بسرعه و غمزت لهااا و قلت و انا اشهق : نوووره شوو هااا و ععع شو مسويلج 
حنوون : صدقهااا شو جييه جنج ساحره مب حلوو ابداا علييج 
نواري و هي شوي و تصيح : اييه صدددق والله مب حلوو 
حنوون رحمتهاا : ههههههه لا لا نقص عليج ماشالله طالعه غرام 
كفخت حنوون كفخه لدرجة ان ايدهاا تحركت و صبغت المانكير على صبوعها و انا اقول : يالخايسه فركشتي الخطه 
حنوون و هي عيونهاا بتطلع من ويهاا : يالجلبه يال ..... و صرخت خربتتتتتي مناكيرررري 
انفججججرت ضحححك و من كثر ماضحكت اختررب مناكيري اناا بعد 
عصبت الفلبينيه و قالت : يااااربي شو هاداا كلوو كرااب كراااب و تمت تتحرطم بالفلبيني 
قلت و انا اقلدهاا : سوري سوري هابيبتي مافي زئلان انتي ماقنداا ( حلوه بالفلبيني ) هدا بنت مجنووناا و اشرت على حنون 
ظحكت الفلبينيه و كملت شغلها 

خلصت مريوم و ماشالله كانت طالعه جميله كانت لابسه فستان فوشي ماسك على جسمها لين آخر ظهرها و عقب منفوش لين تحت شرات فستان الاميرات و كمه دانتيل كامل و مسويه بف بما ان شعرها تقريبا لين كتفهاا و  حاطه عليه كريستالات صغار 

مريوم و هي تشوف عمرهاا فالمرايه: اففف شو هاا السقققم موول مب عايبني طع طع شو مسويه ف عيوني بروحهن مب من كبررهن 
مهاري : لاامريوم حراام وايد حلوو والله ماشالله جنج اميره 
مريووم : امحق امييره طااعي طاعي انا قلتلها ما احب هالرسمه لو سرت و يا قوم سلامي ابررررك .. طبعا سلامي و هند و هنادي كانن رايحات صالون بروحهن لان باختصار مايحبن يختلطن ويانااا 
انااا و حسيت شياطين الدنيا كلهاا بين عيوني يوم سمعتهاا رحت و جابلتهاا و قلت : و ليش ان شاءالله شو دراج انهن يبنج تسيرين وياهن 
مريوم و هي حاطه ايدينها على خصرهاا : سلامي كلمتني و قالت تعالي وياناا لان يعرفن و حده لبنانيه شغلها يجنن ابرك من هالزباله اللي هني 
خزييت بلييس 100 مره و قلت و انا احاول امسك اعصابي : سمعيني بقولج اقسسسم بررب العزه يا مريووم ان شفتج دزيتيلهن ويه ولا سرتي وياهن مكان و لا قالن لج سوي و سويتي لا والله العظيم مايستوي لج خير سمعتيني 
مريوم و جنها تروعت بس تبين العكس : ليييش ان شاءالله على كيفج هوو انا اكلم اللي اباه و اروح ويا اللي اباه 
عصصصصبت و فااار دممممي الا مريوم يا سلاامه الا مريوووم : اناااا قلتلج و صدقييني بتندمين يت حنون و سحبتني و قالت ماعليه شمووه مريوم يااهل لا تاخذين على كلامها مردهاا بتعقل 
اناا قاطعتهاا : مب عشاان جيييه هي ياااهل حنوون مااتعررف بيقصصصن عليهااا ماباا اللي استواا ويايه يتكرر و يا مريوم الا مريوم يا حنان 
حنان لوت عليه و قالت : ماعليه حبي ماعليه خلاص خلي هالموضوع يعدي الحين 
تنهدت بقووه و رحنا عشان نبدا انا و حنون سشورناا شعورنا و عقب رحنا نسوي ميك اب و بدت مهروه تسشور شعرها سوينا الميكب و نحن كل وحده تغلس على الثانيه و اللبنانيات يحتشرن 

مارلين اللبنانيه اللي تمكيج حنون : لك حبيبتي خلاص من شان الله خليني اعرف اشتغل حنون قفطت وقالت : الله يلعنج يا شموه 
ظحككت بقوه و فجيت حلجي آخر شي 
صابرين اللي تمكيجني : ايييهي علينااا خليني بس حططلك هالرووج و رح نخلص مابدي شي بططلي ضححك لمينا حلوجنا انا و حنوون و سكتناا خلصنا و سوينا شعورناا 

طبعا انا و حنون كنا لابسين نفس الفستاان كان لونه اسوود و قصته كوكتيل ماسك عالجسم كاامل و عند الركب من جداام قصير و من وراا له ذيل طويل و عليه شغل ذهبي من عند الصدر و لبسنا قفازات دانتيل شفافه لين الكوع اممممم سويناا بف و رولنااا شعرناا و خليناه مفتووح و كان الميك اب سمووكي و روج احمممر غااامج وقفنا نشوف عمارنا فالمرايه 
بصراحه طلعنااا طررر اللي مايعرفنا بيقول تووم 
الفرق بيني و بين حنون كان لون الشعر لان شعرها لونه اسوود و طبعا لون العيون بس بعد حنون كانت لابسه عدسات زرق  بعدنا بنص ساعه خلصت مهرووه بصراااحه كانت طالعه امييره صدددق كانت لابسه فستان احمر علاقي ماسك لين آخر الظهر و كله كرستال و عقب منفوش و عليه امواج شيفون و كرستالات نثر و شفاف عن البطن و ذيله طويل و شعرها مرفوع و حاطه تاج كريستالي صغير و مسكتها كانت ورد ابيض و فالنص ورده حمرا 

الساعه 7 

مهرووه وقفت اشوف عمري فالمرايه .. تشهدت ف خاطري و قلت انا حلوه .. ابتسمت على هالفكره فكرت ف خطيبي اللي بعد كم ساعه بيكون ريلي و بكون حلاله تنهدت مب مصدقه معقوله قدرت انسى ناصر هيه و ليش ما انساه.. بس انا حبيته و حبيته من كل قلبي و هو وعدني انه مايخليني .. معقوله بقدر احب راشد .. اففف نفضت راسي من هالافكار و قلت خلاص الحين انا على ذمة راشد و الله يجدملي اللي فيه الخير صحصحت على صوت صريخ شموه و هي تهزب بشر الدريول 

اناا : بشششر يااعللك يااربي السم يسسسمك ساعه لين تووصل .. ججب اقولك ولا كلمه يالله خلللص والله لا اخبر عليك سلطاان .. بسررعه اقوولك فقدتك بنقالي خايس و سكرت في ويهه 
حنون تنفخ علي : هووووف هووووف هدي هدي بيخترب شكلج 
انا : زولي عن ويهي انتي الثاانيه 
نوووره : هههههههههههههاااي كسروهاا يبهتج 
حنون طالعت نوروه بنظره و قااالت : هااااا ترااا كل سواالفج عند خلووود اللحين 
نوروه : طع الحيوانه جب زوولي 
اناا : اييه يالله يالدادا انتي وياها الدريول يا 
طلعنا من الصالون و اممم طبعا ولا وحده متغشيه لان ماتعودنا عالغشوه ركبت مهروه و عقب نوروه و مريوم و حنوون طالعتهن و فجيت حلجي : و اناا ان شاءالله وين اركككب 
مهروه : ماشي حل الا تركبين ورا 
اناا : لاا واللللللللله 
مريوووم : اوووه يالله فكنااا تاخرنااا ركبي جدااام 
طالعتهن و رقععععت الباب رقعه و ركبت جدام 
لف عليه بشر يبا يتحرطم قلتله و انا معصبه : جججججب و لا نصخ سوووق و انته منطم يعل ربي يطمك تسد ؤيحة صنانك شااله البقععه علك الوووهف  
وصلناا البيت .. طبعا الملجه كانت ف بيت عمي خالد و البيييت كان ممزور آخر و بما ان بيت عمي خالد و عمي محمد ف نفس الحوش خلو الرياييل ف بيت عمي محمد و الحريم ف بيت عمي خالد و يادوب قدرنا نوقف عند الباب الوراني من الزحمه نزلن البنات و توها مهروه بتنزل : شموه تعالي ويايه متروعه 
توني برمس و رن فوني 
اناا : الوو .. هلاا عمووه .. هيه فديتج نحن عند الباب الوراني .. متى الحين .. اوك فالج طيب .. مع السلامه 
انا : نوروه فديتج وصلي مهروه انتي و حنون عموه قالتلي اترياا سليم يايب شبكة مهروه من المحل باخذها وبييكن فوق 
راحن البنات و انا تميت اترياا كنت لابسه عباه مفتوحه و شيلتيه على جتوفي و العب بالبيبي .. تجمدددت في مكااني و اناا اسمع صوت ريال غريب يقوول : سننه لين ماتطلعيين انتتتي و هو ماسك ايدي و يسحبني و اناا منطمه احس ان لساني انربط و الف فكره و فكره ادور ف بالي منوو هذا ؟ و ليش يسحبني ؟ شو السالفه ؟ وقفت بعد ماوقف و جابلني و قال : فديت هالويه اناا لاا خلا ولا عددم يااربي .. اسميج غطيتي عالعروس حنووني 
تيبست و انا اسممع اسم حناان .. شو السالفه شو دراه بحناان انتفضت بقوه و انا احس ب اصابعه على ويهي مسك ويهي بخفه و رفعه صوبه حطيت عيوني ف عيونه و حسيت عيونه بيطلعن من مكانهم .. بلم مره وحده و احسه منصدم لاني مب حنان 
عقب نص دقيقه صمت قال : حنان 
رديت خطوه على ورا و قلت بقوه : اناا مب حنان و لو سمحت مره ثانيه دقق عدل مب تيي و تسحب مني والدرب
لفيت عنه و مشيت صوب البيت و اول ماوصلت قعدت على الارض و احس قلبي بيطلع من مكانه خذت نفس عميق و شفت الطقم جدامي خذته و طلعت فوق عند البنات 

عند الطرف الثاني 

آآآإه مب مستوعب اللي توه صاار معقووله في وحده بهالجمااال و اناا اللي كنت قاص على عمري بحنان .. اي حنان اي خرابيط و الله يا ان حنان ماتي ربع ظفر هالملاااك .. فدييت ريحة عطرهاا علقت ف رااسي .. ولا عيونهاا .. و ريوولهاا مبيضهن ..قسسم بالله صاارووخ و بييب راسها يعني بيييبه و الايام بيننا يالمغروره 

عند الحريم و بعد مادخلت مهرووه و زفيناهاا قعدت على الكرسي و طبعاا فليناهااا رقصص كنا انا و حنوون و بنات من معارفناا نرقص على اغنيه عراقيه شوي و انقطعت الاغنيه و قفت سلامه فالنص و حطت ايدينها على خصرها و قالت بكل تصنع الدنيا : اممممم اناا في خاطري معلايه حد عنده مانع و اشتغلت المعلايه و بدت ترقص.. سلامي كانت لابسه فستان استريتج لونه اخضر فسفوري و صابغه خصل من شعرها باللون الاحمر و حاطه ميك اب ذهبي و روج بينك فااقع و عقبها طلعن هند و هنادي و كانن لابسات فساتين حرير نفس الديزاين و فيهن شق لين نص وروجهن بس هنادي كان لون فستانها ذهبي و هند تركواز و بدن يرقصن ويا سلامه .. طالعت حنون بنظره و حنون ابتسمت و بدينا نرقص هاك الرقص اللي حتى العيايز استانسن عليه  

عالساعه 10 وبعد ماحطوا العشا و تعشوا المعازيم يا وقت زفة راشد ييت عند مهاري و قلتلها ف اذنهاا : ترا سلطوون دق و يقول الريال متخبل يباا يدش .. كفختني مهروه و قالت و هي متروعه : مابا ماباه خلااص لا يدش شو حقه بععد 
زقرت على خالوه ميثا و قلت : خالووه تعالي اسمعي بنتج  اوونه ماتباا راشد يدخل 
يت خالوه ميثا و هي تقول : وابوي انا وابوي عيل منو تبينه يلبسج شبكتج يدتي 
كفختني مهروه و قالت: ماقلت شي امايه 

لبسنا عبينا و شيلنااا يوم قالو ان راشد بيدخل دخل و بلمنااا كلناا يوم شفناه .. ماشالله تبارك الرحماان عليه جماال بدوووي حنطي و خشمه سيف و عيونه و سااع و مجحلنهن و لحيته شوي غليظه و شفايفه كبار شوي و لونهن مايل للبني شوي و جسمه يبين انه رياضي لفيت على مهروه ابا اشوف ردة فعلهاا لقيتهاا منزله راسهاا و تتنافض قربت منها بسرعه و قلت ف اذنهاا : قسسم بالله ريلج طررر 
رفعت راسها و ردت نزلته بسرعه و قالت بصوت واطي : حيوااااااانه 
وصل راشد عندهاا و حبها على راسهاا و قرب راسه من اذنهاا و همس لهاا بشي ماقدرت اركز معاهم و انا اسمع الكلام اللي ينقال و رايه 
علياا : قسسم بالله لادبهاا هااي الحيواانه مهرووه تاخذ مني اناا راشد 
ربيعتهاا منى : ماعلييج والله لا اخليها تندم عاليوم اللي فكرت توافق فيه 
استهديت بالله و قلت بتفاهم معاهن بعدين اهم شي ما تخترب فرحت مهاري رجعت ركزت نظري عليهم و جفتهاا بتذوب من الحيا يوم لبسها دبلتهاا و باس ايدهاا 
حنون تنغزني بكوعهاا : ربناا يرزئنااا يااااارب 
كفختها وقلت : اييه يالمستلغثه جب دواج بعدين 
بعد مالبسها راشد الشبكه و تصوروا كم صوره طلع فالميلس على اساس نتصور وياها و عقب تروح تيلس عنده 
تصورنا كم صوره و نحن نستهبل عقب و صلت خالوه ميثا مهروه لين الميلس 

عند مهروه 
دخلت الميلس و انا اتنافض و احس قلبي بيطلع من صدري .. سلمت بصوت خفيف اظني حتى ماسمعه انتبهت عليه يوم قام و رد السلام 
راشد : وعليكم السلاام والرحمه حي الله هالشوووف 
مهروه قعدت على اول كنبه شفتها ف ويهي احس اني مب قادره اوقف من الربكه .. مادري ليش يا ف بالي خيال ناصر بس نفضته بسرعه و استغفرت ربي شهقت يوم حسيت براشد يلس حذاالي بالضبط و حسيت دمي كله تيمع ف ويهي وحسيت الدنيا استوت ضوو 
راشد مسك ايدي و قال : و رب البيت انج ملاااك و كلمة ملاك شويه والله اني بلمت يوم شفتج 
مهروه : واااي واااي وااي بيذبحني هااا احس اني مب قادره اتنفس من قربه وريحة عطرره احسها دشت مخي 
راشد : حط ايده على ويهي و رفعه بهدوء صوبه و قال مهاري 
مهروه : طالعت ف عيونه و نطقت بككككل صعوبه و قلت : هلا 
راشد و هو خلااص متخشع : ياالله يعلني فداا الهلااا و ابووو الهلا و اللي قال الهلاا 
مهروه ظحكت بحياا و نزلت رااسي 
راشد : لا لا ابويه انتي شكلج ناويه عليه نيه 
اندق البااب و حمدت ربي 1000 مره 
دخل سواف و قال : هاا الشيخ شكلها عيبتك اليلسه 
راشد : هيه والله لو تكمل يمييلك و تطلع تسووي خيير 
سواف : اقوول يالله قوم قوم بسسك خلاص استوت حرمتك بتشبع منهاا 
رااشد : بطلع بس بشرررط اذا مهاري قالتلي اطلع  
مهاري : فجيت عيوني على وسعععهن الحمدلله اني منزله راسي و لا جان تروع الريال و هوون 
راشد : ها مهاري تبيني اطلع 
مهروه سكت حوالي دقيقه و بعدها قلت : هيه 
سوااف : وااااككككككااااااك يالله يالله من غير مطرود 
راشد بصوت واطي : فديت عيونج يالغاليه و علا صوته يالله فمان الله اتريي اتصالي 
طلع راشد و سواف و احس اني خذت اعمق نفس ف حيااتي تذكرت راشد و قلت ف خاطري : فديته 

عقب هالليله اتفقناا اناا و حنون نباات عند مهااري و طبعا و يوه العله هند و هنادي بيباتن عند سلامه 
ف الصاله الساعه 2 الفير مهاري منسدحه على الارض و انا يالسه عالكنبه و حنون منسدحه و حاطه راسها ف حضني و نشوف فلم دخل عموور و قال : السلام عليكم و رحمة الله و بركاته 
ردينا انا و حنون جنا فالمدرسه : واااعليكووومي السلاااام و رحححححمة اللهي و بركاااتوووو 
عمور : احسنتن يا بناات تفضلن بالجلووس 
اناا و حنون : شكراااا يااا معلمتي 
عمور : شماا لمذا انتي و حناان مثل الكلب و ذيله 
انا : لانهوو انته و سلطوون مثل الكلب و ذيله 
عمور : احسني يا طالبه لقد فزتي بكف و سطرني كف خفيف عالسرييع و قاام 
اناا : حيواان عموور براويك 
مهرووه : بنات انا يوعانه بروح اسوي سندويجات حد يباا ؟ 
اناا و حنوون : هييه دخيييلج 
مهرووه : عنبوو جان حارقنكن اليوع و ساكتات 
حنون : نترياج هع 
قامت مهاري و يلسنا انا و حنون 
على طول زخيت حنوون من اذنها و سحبتها 
حنون : و العثررره آآآي آآآي شو فييج 
اناا : انتي حيواانه ؟ 
حنوون : لا انساانه 
سحبت اذنها و هي تتويع 
اناا : حنوون رمسسي بسرعه 
حنان و هي تتصنع البرائه : آآآآي شمووه شو فيج 
يرييت اذنها زياده و قلت : حنووووووون 
حنان : انزيين انززين افف فجيني  مصعتي اذنيه 
فجيت اذنها و كتفت ايديني اترياها ترمس 
حنان و هي تلعب باضافرهاا : اممم تعرفت على واحد 
ااناا : انزيييين 
حنان : شو انزين بعد بس 
انا : حنوووون 
حناان ضحكت و توردن خدودهاا : اووه شمووه شو اقولج يعني 
اناا : كللللل شي من طأطأ ل السلام عليكوو 
حنون : امممم اسمه علي عمره 22 كان كل يوم ايي جدام المدرسه عشان يشوفني و اخر شي تم يلحقني لين عطاني رقمه و دقيت عليه .. بس انتي تعالي كيف عرفتي 
دقيتها على راسها و قلت : هبله انتي نسيتي انج تومي 
حنون : شمووه تعرفين هالانساان شكثر رااايق و هااادي و جيه يدش القققلب 
اناا : اووه خفي علينااا 
حنوون : ججب سخيفه شمووه و الله اكلمج جد 
انا : انزين و شو بعد
حنوون : و جيه يوم اكلمه احس اني استاانس و ارتاااح و جيه احس كل شي حلوو 
انا حطيت ايدي على يبهت حنون و قلت : بصي حضرتك انا أأدر أأولك ديلوئتي ان انتي بئيتي مصابه بمرض الحب 
حنوون : حيواانه 
دشت مهرووه و قلت اناا : هلااا و غلااا بالمحموووول 
مهرووه : و الحاامل يالحيوانه 
حنوون : و الحامل و الحامل هاتي انتي بس 
كلناا و كملنا الفلم و صلينا الفير و انخمدنااا 

نهاية البارت الثااني .. اتمنى انه عيبكم و اتمنى اني قدرت استعمل نصايحكم 
انتظظظر تعليقاتكم بفااارغ الصبر 

اختكم .. Al7b asrar 


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 25-06-2013, 03:29 PM
صورة قال الوداااع الرمزية
قال الوداااع قال الوداااع غير متصل
©؛°¨غرامي مشارك¨°؛©
 
الافتراضي رد: رواية إن كان قصدك أحبك فالإجابة هيه/بقلمي


الرواية حلوة وايد واستمري ونزلي بارت طويل اليوم

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 25-06-2013, 03:30 PM
صورة قال الوداااع الرمزية
قال الوداااع قال الوداااع غير متصل
©؛°¨غرامي مشارك¨°؛©
 
الافتراضي رد: رواية إن كان قصدك أحبك فالإجابة هيه/بقلمي


الرواية حلوة وانشالله يكون في بارت طويل اليوم

رواية إن كان قصدك أحبك فالإجابة هيه/بقلمي

الوسوم
احبك , رواية , فالاجابه , قصدك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2350 29-05-2019 09:51 AM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2000 07-02-2011 10:36 PM

الساعة الآن +3: 11:23 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1