غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات الأعضاء > سكون الضجيج - مملكة العضو
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 26-06-2013, 03:50 AM
صورة إنتهاء~¤ الرمزية
إنتهاء~¤ إنتهاء~¤ غير متصل
©؛°¨غرامي متألق ¨°؛©
 
الافتراضي رد: كيبورد ساخر .. قهوة و زول


سفر الوالده والجهجه

الجهجه: هى حالة مأسويه يحصل فيها عدم انتظام فى كل شئ

أحيانا بتضطر الوالده والوالد لانهم يسافرو خارج الخرطوم الى ولاية تانيه فيها
اقارب لينا أو كده فااحيانا فجاه تحدث وفاة شخص قريب فيتضطرو يسافرو
و تبدأ الجهجه فى البيت من قبل اخوانى فهو متعودين انه الوالده اي شئ عندها
مرتب ومنظم , ودايرين الغداء فى مواعيدو والعشا وهكذا ونسبة لان اخواتى الكبار
مشغولات بالدراسه والامتحانات وانا مؤجزه فده كلو يقع على رأسى انا !!
وانا الحمدلله بس ما عارفه هم بكونو دايرين شنو والواحد فيهم تسألو يقول لك اي شئ
ولمن تتكرم وتتفضل تجيب ليهم تبدأ النقه "اي الثرثره والكلام الكتير"
اى واحد فيهم يتصل للوالده ويقعد يشتكى زي الشافع "الطفل" وبعدين تتصل علي
وتدينى ذله محترمه !! والمشكله انه بعد ده بجونى انا اعمل ليهم اى شئ !!

من الحاجات البتغيظنى لمن الوالد والوالده يسافرو انا بكون براى "لوحدى" فوق والباقييين كلهم تحت فبكون على حالة خوف غريبه خخخ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 26-06-2013, 04:22 AM
صورة إنتهاء~¤ الرمزية
إنتهاء~¤ إنتهاء~¤ غير متصل
©؛°¨غرامي متألق ¨°؛©
 
الافتراضي رد: كيبورد ساخر .. قهوة و زول




قهوتك هى انعكاس مزاجك

لا تتهم كوب القهوة ب البشاعة قبل ان تستوعب ما يرمى اليه .. القهوة تحتاجك أن تفهمها .. أن تصغى لها .. أن تعطها فرصة لتحكى قصتها .. فالقهوة تتشكل على حسب حالتك المزاجية .. غاضب .. سعيد .. حزين .. هيمان .. قلقل .. مشتاق .. منفسن .. مرهق .. ممتعض .. و فكرة ان تشرب ذات القهوة بذات المقادير بذات الطعم كل يوم فهو مرهق لها .. لانها تصبح كزوجة تلبس كل يوم ثوب مختلف اللون .. مختلف القصة .. مختلف القماش .. و زوجها لا يلقى بالاً .. فهو يراه ثوب (و خلاص) .. جرب أن تصبح علاقتك بكوب قهوتك أكثر (ديناميكية) .. لا تعاملها كما تعامل عصير الليمون .. ف عصير الليمون جامح , مستهتر, لا يُصغى لقصتك ولا يبالى بمزاجك .. فهى ك شريك فى علاقة لا يُصغى .. هل هنالك أسوأ من شريك لا يصغى لشريكه !

فلنضرب أمثلة .. اذا كنت متوتراً للغاية وهنالك فكرة ما تريد طردها عن رأسك بعيداً الى ما بعد كوكب المريخ فسوف تجد انك ( لا شعورياً) قد صنعت قهوة مركزة و قد غليتها حتى تدفقت على الموقد و سوف تنسى وضع السكر بالتأكيد , و عندما تأخذ بتلابيب أول رشفة سوف تجد أن الطعم صادم الى حد بعيد .. لا تتهمها بأنها سيئة ! هذا مزاجك! اشربها كما هى حتى أخر قطرة و سوف تجدها راضية هى كذلك ( بالتأكيد يمكنك الشعور بمدى رضا القهوة عن طريقة معاملتك لها ف فى النهاية هى أنثى ) .... دعنى ايضاً اخبرك ان كمية البن التى تضعها فى ابريق"الاناء البعملو فيهو القهوه "القهوة تتناسب طردياً مع حجم الفكرة ( هنالك أفكار تحتاج لطن من البن على الابريق ) ..

و اذا كنت مثلاً تريد ان تشرب قهوة من أجل القهوة .. و أن تحافظ على أفكارك كما هى .. ف عليك بالقهوة المصنوعة من قشر البن .. فهى خفيفة الظل .. و ثابة .. و تشبه فكرتها الى حد بعيد مثبت طلاء الأظارف الذى تستخدمه النساء ( لم أرى فى حياتى مثبتاً كهذا و لكن يوجد هذا الاسم فى مكان ما داخل رأسي ! أتمنى ان يكون هنالك شئ من هذا القبيل ) ...

و أكثر الحالات جنوناً تحدث عندما يشرب الشوق القهوة الغامقة المقلية بسرعة مع الجنزبيل ..

انا ما بحب القهوة ابدا ف الوالده "حفظها الله" تقول لى لان انتى دائما بتلجى ليها لمن يكون مزاجك متعكر ففعلا لا اجيد عملها ابدا فما بتظبط معى .. فتقول لى الوالده : جربى فى مره يكون مزاجك متعدل ومبسوطه وفكرى انك تلجأ ليها فحتعمليها بمزاج عالي وبكده حيكون طعمها جميل وفريد و حتتلذذى بها !! وفعلا جربت هذه الفكره فى مره وظبطت معى
فااكتشفت ان القهوه تتشكل حسب مزاجك انت وليس العيب منها او من البن العيب فى مزاجك التى تستطيع هى وحدها انها تريك هذا المزاج سيئ او جيد .





لو ما كان الوقت متأخر والقهوه حتقودكم للسهر كان عزمتكم لكن المره الجايه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 26-06-2013, 05:08 AM
صورة إنتهاء~¤ الرمزية
إنتهاء~¤ إنتهاء~¤ غير متصل
©؛°¨غرامي متألق ¨°؛©
 
الافتراضي رد: كيبورد ساخر .. قهوة و زول


"احترت شنو اكتب العنوان" لآنى الصراحه فى هذه المشاركه سأكتب عن كم شئ

لمن يكون عندك وقت فراغ كبير بتزيد علاقتك بنفسك فبتتكلم احيانا مع نفسك تفكر مع نفسك
اى شئ مع نفسك ..هذه هى حالتى فى هذه الايام ففعلا ما عندي اي شئ اسويه فبجلس افكر
مع نفسى كتيـــــر وبعدين اجلس مع الوالده و الوالد "حفظهم الله " ف الوالده فى الغالب بتكون
مركزه مع كلامى جدا كعادتها عشان تعطينى نصائح والوالد بكون عباره عن زول بضحك بس فينى
ف كل ما اقول شئ يضحك علي ويقول لى : تفكيرك مجنون وغريب جدا يا بتى من وين جايبه كل الجنون ده؟

اليوم نسبة لان الوالد والوالده مسافرين ففكرت مع نفسي ولكن ما لقيت زول يشاركنى الافكار

من قبل كم يوم كانت نتيجتى من الثانوى للجامعه فطبعا اى زول يجي يبارك لى تبدأ فلسفته سواء
كانت منطقيه او لا المهم انه يتفلسف
فا اى زول يقول لى تخصص غير و يقعد يدينى مجموعه من القصص واحس احيانا انها خياليه
ف بعد ما ينتهو من الفلسفه يقولو لى : طيب انتى مفكرة تدخلى شنو ؟! >> الحمدلله انكم اتذكرتونى
ف اقول لهم : والله انا نفسى فى طب لكن متردده بااستخير وربنا يكتب الفيهو الخير

فبعد جملتى هذه تبدأ الفلسفه البجد !! ف اي زول يقول لى : طب !! مجنونه انتى كيف يعنى تدرسى طب!!
دايره تقضى حياتك كلها قرايه !! اها وبعدين الزواج حتعملى شنو !! واولادك !! وووو...الخ
طبعا انا من اول كلمة بكون سرحت الى عالم تااانى لان سمعت هذا الموال عشرين مره ما مستحملاهو اكتر من كده

ففعلا تحس انها فلسفه بعدم فهم يعنى انت زول ما درست طب ايوه ممكن تكون شايف زول بتعرفو بيدرس طب
وتعبان بس ده ما بيعنى انو انا خلاص حياتى حتنتهى اذا دخلت طب !!

فقبيل لمن فكرت فى انه كيف اي زول بيتفلسف فينى فى موضوع التخصص ضحكت مع نفسى ضحكه ساخره

ففى حاجتين :
اولا : يا جماعه هذا مستقبلى انا رغبتى انا يعنى ما الا تتفلسفو وتتدخلو .... ااى هذا لا يمنع من انكم تشاركونى الافكار بس بصوره لينه جميله مقبوله مش اللجؤ الى سياسه التبخيس و التقليل " لا والله الطب ده ما كويس ابدا للبنات "

ثانيا : الفلسفه بعدم وجود خلفيه كبيره عن الموضوع فبتلقى انهم بس دايرين يتفلسفو من اجل الفلسفه بغض النظر عن انهم فعلا عارفين شئ عن الطب او لا !! فقط فلسفه !! ف لمن تسأله السبب عن انه بيمنعنى من دخلو الطب يقول لك الطب اصلا معروف انه مشكله للبنات !! طيب معروف دي على اى اساس واى نطاق يعني على اساس فهمو ولا على اساس المجتمع ولا اصلا فعلا الطب مشكله للبنات .. تحس فلسفه لا تؤدى ولا تجيب ما منها اى فايده غير بتشتت الافكار .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 26-06-2013, 05:26 AM
صورة إنتهاء~¤ الرمزية
إنتهاء~¤ إنتهاء~¤ غير متصل
©؛°¨غرامي متألق ¨°؛©
 
الافتراضي رد: كيبورد ساخر .. قهوة و زول


اللهم امنن علينا بالتوكل عليك، وبالتفويض إليك، والرضا بقضائك، والتسليم لأمرك، حتى لا نُحب تعجيل ما أخرت ولا تأخير ما عجلت يا أرحم الراحمين... تصبحون على خير واحلام سعيده للكل


اضغط على الصورة لرؤيتها بحجمها الطبيعي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 26-06-2013, 03:51 PM
صورة إنتهاء~¤ الرمزية
إنتهاء~¤ إنتهاء~¤ غير متصل
©؛°¨غرامي متألق ¨°؛©
 
الافتراضي رد: كيبورد ساخر .. قهوة و زول


عدم الاكتراث

يقول جبران خليل جبران:

الرغبة نصف الحياة ، أما عدم الإكتراث فنصف الموت

عد الاكتراث و ما ادراك ! بيغيظنى "يقهرنى" الناس البكونو لا مبالاين بااى شئ
فالواحد فيهو تسألو بتحب تتلذ بأكلة شنو ؟ يرد عليك : اي شئ والسلام !

وأحيانا يظهر فى افعالهم تحس انه زول ما بعمل بجديه واي شئ بعملو بعدم اكتراث

الناس الزي ديل بحس معهم بملل غرييب .. ومعظمهم يجى ويقول لك : والله انا عندي ملل شديد وبحس الناس بملو منى
طيب يا باشا انت اصلا مهتم بشئ فى الدنيا دي عايش حياتك كلها ما مبالى بشئ ما حتحس بملل !!
ولا داير الناس يحسو معك بملل

مثل هذه الشخصيه قابلت كتيير بس كان معى زميله فى أيام الاساس "الابتدائى" ما كان عندها اهتمام بااى
شئ ونحن كنا عباره عن فصل جوطه و هجيج "ضجيج" فكنا رأس المشاكل فى كل المدرسه نحن التمرد والمغامرات
فكنا نقول لها : تعالى معنا ..تقول انها ما دايره !! ااي هى حره وفى ناس بطبعهم ما بحبو الهجيج بحبو الهدوء
لكن هى المشكله شخصيتها ما كده فااى شئ تقول يااخ ملل ما دايره !! يااخ ااى شئ والسلام
فكانت بتستفزنى بصوره غريبه عجيبه فكنت بحس بها ما حتستمتع فى حياتها دي ولا حتعمل اي شئ

احيانا عدم الاكتراث بحسسنى انو سيدو كسول ..مع انه ممكن ما يكون كده بس ما بتحس انه بعطى الاشياء قيمتها عشان كده دائما بضيع على نفسه اي فرصه ممكن تجيهو
عندنا الشخص الغير مبالى يطلق عليهو انه زول نفسه مارقه من اى شئ اى ما بتحس انه دايره يحس بمتعه من اى شئ ولا بعملو اى شئ
فبعيشو وبموتو وبسبب عدم الاكتراث بكونو ما عملو اي شئ فى دنيتهم ولا استفادو منها اي شئ غير الملل

عيش حياتك وأعرف قيمتها واعمل فى دنياك اشياء كثيره ايوه فعلا الدنيا ما دائمه لزول بس برضو ربنا امرنا باانو نجتهد ونعمل فيها .. و الاساس طبعا انك تهتم بدينك وتصلحو عشان تستفيد فى الاخره برضو .. كده حتكون باذن الله سعيد دنيا و آخره .

خليكم ناس لذيذين وظريفين ومبتسمين دائما مهتمين بكل ما هو حولكم واتركو الملل و الحزن والضجر فما حتستفيد منه شئ غير تجيب لى نفسك الهم والمرض .



عذرا: بسبب انفعالى نسيت اقول لكم مساءكم فرح وسعاده دوما



تعديل إنتهاء~¤; بتاريخ 26-06-2013 الساعة 03:58 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 26-06-2013, 11:35 PM
صورة إنتهاء~¤ الرمزية
إنتهاء~¤ إنتهاء~¤ غير متصل
©؛°¨غرامي متألق ¨°؛©
 
الافتراضي رد: كيبورد ساخر .. قهوة و زول


اقتباس:
اذا خفتي انزلي اقعدي معاهم المسأله جداً بسيطه ههههههههههههههههههههههههه .. ربي يسعدكم
هههههههههه ايوه فعلا عقلى بيتوقف عن العمل فى الاجازه لكن ما للدرجه دي !! فكرت فيها بس الغايظني اصلا انه مافى زول فيهم رضى يستقبلنى كلهم طردونى
اميين يارب ويسعدك ان شاء الله :)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 28-06-2013, 01:40 AM
صورة إنتهاء~¤ الرمزية
إنتهاء~¤ إنتهاء~¤ غير متصل
©؛°¨غرامي متألق ¨°؛©
 
الافتراضي رد: كيبورد ساخر .. قهوة و زول


اقتباس:
مساء الخير مبرووك افتتح المدوونه ومنك الرد ومنها التقييم خخخخخخخخ..وانعم فيك وبأهلنا ف السودان ..ومنووره ي زوله انتم تقولوا الزول لشاب مو هيك والبنت زوله؟!
مساء النور عليكى :) ...الله يبارك فى حياتك ..هههههههه ااى "ضرب عصفورين بحجر" ده شعارنا
انعم الله عليكى >>مش ده الرد للنعم فيك ولا بتخيل ؟!
ههههههه ااي الولد زول والبنت زوله ..بس مافى جمع "زولات او ازوال" :D


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 28-06-2013, 03:34 AM
صورة إنتهاء~¤ الرمزية
إنتهاء~¤ إنتهاء~¤ غير متصل
©؛°¨غرامي متألق ¨°؛©
 
الافتراضي رد: كيبورد ساخر .. قهوة و زول


لا تتدخل فيما لا يعنيك

من عاداتى انى احب اهظر "امزح" مع امى شويه كده ففى الغالب بستخدم ابي كوسيله للهظار ده
فبقعد اشاغل فيها واقول لى أبي : يا أبي اذا داير تتزوج انا بساعدك
فطوالى أمي بتحمر لى "تعاين لي شديد" فاانا اضحك مع أبي ضحكات خبيثه
واخوانى فى الغالب طبعا بكونو محايدين اي بس بيقولو لى ليه بتقولو كده !
فااضحك واغمز لابي وهو يقوم يقول لى : انتى راضيه انى اعرس؟!
اقول له : اذا فيهو راحتك طووووالى
فطبعا امي تتميز بالرزانه فبتكون بس بتعاين لي نظرات ناريه قاتله >> بحب النظرات دي ممتعه
فيقول ابي : لا والف لا انا ما داير غير أمك
ويضحك وانا اضحك معه ويصبح ابي مواصل فى المشوار وعلى قول اخوتى يقلب ضدي
واشيل وش القباحه "اي اللوم يقع علي"

هذا السناريو بقى محفوظ فى بيتنا وفعلا دائما اطلع انا الخسرانه ولكن بحب اشوف امي ونظراتها الناريه







دائما الغاليه تقول لو فى اتنين اصحاب او حبايب ما تتدخل بينهم غير بالخير لان حتطلع انت الخسران


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 28-06-2013, 03:40 AM
صورة إنتهاء~¤ الرمزية
إنتهاء~¤ إنتهاء~¤ غير متصل
©؛°¨غرامي متألق ¨°؛©
 
الافتراضي رد: كيبورد ساخر .. قهوة و زول


اللهم إنـّا ندعوك وقد اصطفيتنا بالإسلام، ومننت علينا بنعمة الإيمان، فلا تحرمنا لذة القرب منك، ولا لذة الشوق إلى لقائك، واجعلنا ممن قد رضيت عنهم بفضلك وجودك يا كريم :)

تصبحون على خير و احلام سعيده للجميع وواقع اسعد ان شاء الله
فى آمان الكريم :)

اضغط على الصورة لرؤيتها بحجمها الطبيعي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 01-07-2013, 01:57 AM
صورة إنتهاء~¤ الرمزية
إنتهاء~¤ إنتهاء~¤ غير متصل
©؛°¨غرامي متألق ¨°؛©
 
الافتراضي رد: كيبورد ساخر .. قهوة و زول


البرالمه

البرلوم :هى اصلا من المصدر "برليم" وتعنى السنه الاولى الجامعيه ,وعندنا برضو يتبرلم معناها يطبقوا فيهو عملية برلمة واللى هى بالعربى كدا عملية تعسفية تطبق من قِبَل السناير "طلاب الجامعه من السنه الثانيه ومافوق" وهى يقومو فيها بغش البرلوم ويخلوهو يطش فى الجامعه او يمشى اماكن غلط وهكذا !!

اليوم مشيت اول يوم لى فى الحياة الجامعيه الواسعه لكن اليوم ليس يوم دراسي لسه بداية العام شهر 11 لكن مشيت اليوم انا وصحباتى عشان نتفرج فى الجامعه ونزور كلياتنا وهكذا ..فنسبة لعدم الخبره تضطر انك تسأل طالب آخر اكبر منك وتكون خايف انك تتبرلم "تتغش" فكانت صديقتى تريد قسم الهندسه المدنيه فسألنا طالب اكبر مننا مارى من جنبا فوصف لينا وبضحكة خبيثه عرفت انه ببرلم فينا لكن لقيت صديقاتى مشو فمشيت وفعلا طلع مكان بعيييد كل البعد من قسم المدنيه ومكان مظلم مخيف فجرينا وعرفنا انه غشانا ..فقررنا انه ما نسأل احد ونقوم بعميله الاستكشافات برانا "لوحدنا" ولكن كان منظرنا ظاهر اننا طلبة اولى وكان المار والجاي يضحك فى شكل ونحن بنتلفت وظاهر اننا اول مره ندخل جامعه كطلبة فيها .
الحياة الجامعيه جميله ولكن نسبة لان الجامعات عندنا مختلطه فترى العجب والحيره ..الله يعين ويستر ..والجامعه تتميز بانه فيها كل الاقسام وكبيره جدا ولكن نسبة لاننا مستكشفين جدد تمكنا من انو نلفها كلها شبر شبر زنقه زنقه ولم نحس بالتعب والفتور الا بعد وصلنا البيت .

صباحكم استكشافات


الرد باقتباس
إضافة رد

كيبورد ساخر .. قهوة و زول

الوسوم
ساخر , قهوه , كيبور
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
شذرات كيبورد \ مساحه لأقلآمكم عآزف غلآ المقهى الأدبي نبض الحروف 33 02-05-2013 01:55 AM
عزف كيبورد انجرحت بسكات مواضيع عامة - غرام 2 25-05-2012 02:55 AM
برنامج كيبورد يغنيك عن كيبورد الجهاز Comfort Keys Pro 4.3.3.0 الحصريات ارشيف غرام 1 14-02-2011 11:05 PM

الساعة الآن +3: 12:28 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1