منتديات غرام

منتديات غرام (/)
-   سكون الضجيج - مملكة العضو (https://forums.graaam.com/147/)
-   -   كيبورد ساخر .. قهوة و زول (https://forums.graaam.com/550507.html)

إنتهاء~¤ 25-06-2013 02:54 AM

كيبورد ساخر .. قهوة و زول
 
بسم الله الرحمن الرحيم

اقوم اليوم بافتتاح مملكة سودانيه فى الموافق 25/6.2013 بعد مملكتى "اعشق التحدث مع نفسى" كانت مملكة لا تظهر فيها جانبى السودانى بشكل كبير لكن فى هذه المملكة سقوم بنشر شخصيتى السودانيه التى تجمع العديد من الصفات اهمها السخريه :graaam (262): وستتعلمون منى العديد من الكلمات السودانيه بالرغم من مراعاتى فى كل المشاركات بجعل لهجتى سهله لا يكثر فيها الكلمات السودانيه التى تعتبر صعبه بالنسبه للكثيرون وتجنبت ابسط الكلمات ومنها كلمتنا الشهيره الحبيبه "يا زول" ..اتمنى ان ينال بيتى السودانى الاصيل الانيق اعجابكم ..تابعونى "قلم سودانى"

إنتهاء~¤ 25-06-2013 03:10 AM

رد: كيبور ساخر .. قهوه و زول
 
الزول السودانى لمن يسافر

عندك الزول السودانى لمن يسافر الى بلد عربيه تلقاهو اتعود على كلمة يا زول
مهما كانت الطريقه يسمعها بها "سخريه..فرح..تعجب..الخ" المهم ولكن تجد رد فعل
من قبل الزول السودانى فى طريقتين :
اولا: اذا كان زول رايق كده ومسافر اصلا عشان اجازه وفسحه تلقى رده بضحكه كده
هلا بيك يا الزول
ثانيا: اذا كان زول مسافر عشان شغل او مقيم او مسافر لعلاج فتجد رده يتبعه شرارات غضب
يااخ انت زول ما عندك موضوع ولا شنو؟! شوف ليك شغله غيرى

الشخصيه الاولى يجد برده مرح وضحك كلمه كلمتين مع سيد البلد
لكن التانى يجد علامات تعجب تظهر على ملامح سيد البلد

طبعا الشخصيه التانيه دي هى السبب فى انه معظم العرب بيعتقدو ان السودانين
اخلاقهم ضيقه !! ااى ما بتحملو اى كلمه واى كلمة بيعملو منها مشكله

ههههههههههه !!

تنبيه : ما كل السودانين كده والله عندنا الناس الدمهم خفيف وشربات على قول اخوانا المصريين

كانت هذه المشاركه مدخلى للمدونه السودانيه .

قلمى السودانى الساخر

إنتهاء~¤ 25-06-2013 03:33 AM

رد: كيبور ساخر .. قهوه و زول
 
التعبير عن المشاعر من قبل الزول

قبل كم يوم كان عندنا لمة كده فى بيت عمي تجتمع العائله وهكذا
فجلسنا كعادتنا نحن البنات على زاويه كده نتبادل الشمارات !!

الشمار هو مصطلح سودانى معناه الاخبار ولكن فى الغالب يطلق على الاخبار المثيره للدهشه والتعجب

فبدأنا بالحديث نحن البنات الشابات الغير متزوجات عن الحياة فى الاجازه كده
والبعض عن الحياة الجامعيه وهكذا .. وانتقل الدور على الشابات المتزوجات
فأصبحت اى وحده تحكى القصص الدرامتيكيه مع زوجها وكده فلاحظنا انهم
كلهم بقولو انه الزوج لا يكثر فى التعبير عن المشاعر
نسبة لان ما لدى ادنى معلومه عن الزواج ف التزمت الصمت ونقل عينى
من وحده للتانيه ومركزه مع القصص تركيز شديد .. فااضحكنى تعليق
من قبل بنت عمى وهى تقول ساخره : اصلا الزول السودانى ما بعرف
يعبر عن مشاعره
فقلت لها : يعبر عن مشاعره كيف يعنى دايرين زي المسلسلات التركيه
ولا شنو ما فاهمه ؟
قالت لى : لا ما الا زي المسلسلات التركيه يعنى المهم يعبر ولو ببسيط
سكت وبقيت افكر فى التعبير عن المشاعر :graaam (101):
وفى النهاية كلهم اتوصلو الى انه الزول السودانى دمه تقيل وما بعرف
يعبر عن مشاعره !!
وبعد نهاية الجلسه ومازلت بفكر فى كلامهم عن تعبير عن المشاعر
اى وحده فيهم ناداها زوجها وطلعنا كلنا عشان اى زول يركب عربيتو ويمشى البيت
ف لاحظت انو اااى واحد سواء من اولاد عمى المتزوجين او ازواج بنات عمى
بيمسك يد زوجته وينزلها السلم بتاع باب الشارع لحد العربيه لان المكان شويه عالي
فضحكت بينى وبين نفسى بسخريه لان جاء فى بالى كلامهم بتاع انه الزول السودانى
ما بعبر عن المشاعر فااكتشفت انهم بقصدو يعبر باللسان مع انه انا ارى انو التعبير
بالعمل افضل يعنى هو يمسك يدك ويمشى وهو ماسك يدك لان المكان عالى ده كل دليل على شنو ؟!
مش دليل على الاحترام والحب :graaam (134):

ياقوم البنات ما الا يعبر لك عن مشاعره بالكلام
ده كمان يا زول ما يوهمك ويخليك ما تعبر عن مشاعرك بالكلام !! عبر ولو بكلمة
بس انا كلامى هنا للزولات البنات اذا كان ما بقدر يعبر بالكلام لكن بعبر بالافعال
يازوله قولى خيــــــــر وبركة معناهو الزول ده محترمك ومقدرك .

إنتهاء~¤ 25-06-2013 04:05 AM

رد: كيبور ساخر .. قهوه و زول
 
تكريم بطل حائل

وصلتنى دعوه اليوم عبر الموقع "فيس بوك" بعنوان تكريم بطل حائل !!
فااستغربت من العنوان جدا فقلت خير يا زوله امشى شوفى الحاجه الانتى
داخله عشانها الفيس واذا لقيتى وقت ادخلى وافهمى قصة بطل حائل
مشيت لفيت فى شوارع الفيس بوك شويه كده وجيت للدعوه البعنوان غريب
ف معلومتى انه حائل هى منطقه فى السعوديه ولا اعرف معلومه غير هذه
فدخلت ووجدت الدعوه عباره عن انه قصه واحد سودانى انقذ هندى كان حتصدمو
عربيه .. ولقيت الناس كاتبين انه ماشاء الله !! وهكذا فاابتسمت ابتسامه عريضه
متأكده انه اى زول قرا الكلام ده ابتسمها ف الجعلنى ابتسم فى الموضوع هو الشهامه
التى ندرت وقلت فى هذا الزمان العجيب ف غير انه ربنا ان شاء الله سيكتب له بهذا الموقف
اجر ان شاء الله فقال تعالى :
وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا ۚ ... صدق الله العظيم

فغير ذلك اعجبنى انه كيف قدر يعكس صوره
كويسه عن رقى اخلاقه .. فهو ما بس وقف وعاين للمنظر ساى بل فكر كيف
ينقذ هذه الروح بغض النظر عن انه هذا زول بعرفو او لا او انه مسلم او كافر
لكن هيهات

هو أنسان لايهم جنسه او لونه او ديانته ,, أنسان له حق العيش والحياة الكريمة كحق من حقوق احقها الرب الرحمن ..

دائما اقول ان الاسلام دين الاخلاق ولو كان كل المسلمين بتعاملو باالاخلاق الحسنه كان هسه
الاسلام انتشر بصوره اكبر .

إنتهاء~¤ 25-06-2013 04:14 AM

رد: كيبور ساخر .. قهوه و زول
 
إلهي .. ما أمرتنا بالاستغفار إلا وأنت تريد لنا المغفرة .. أستغفرك ربي وأتوب إليك

تصبحون على محبة من الله

https://up.graaam.com/uploads/imag-2016/...3b8472abce.jpg






اتمنى انو مشاركاتى فى يوم الاول فى بيتى السودانى قد نالت اعجابكم

فى امان الله :)

إنتهاء~¤ 25-06-2013 04:28 AM

رد: كيبور ساخر .. قهوه و زول
 
اقتباس:

هههه بدايه موفقه يازووول
هههههههه ..اميـــــن يا زوله :)

إنتهاء~¤ 25-06-2013 05:07 PM

رد: كيبورد ساخر .. قهوة و زول
 
https://up.graaam.com/uploads/imag-2016/...48228c436f.jpg

هذه الحاله بتجيني انا واخواتى فعلا مع انها بتكون اشترت حاجات لها او للبيت
بس من باب الشمار << عرفتو كلمة شمار معناها شنو مش ؟

إنتهاء~¤ 25-06-2013 05:55 PM

رد: كيبورد ساخر .. قهوة و زول
 
"هذه المشاركة كانت فى مدونتى السابقه حبيتها
انقلها للمملكتى الساخره "
العنوان: الزواج ما كل شئ


مستغربه جدا من لهث بنات هذه الأيام والجري والمقابضه والمساسقه للحصول على عريس نافض الكيس أو مانافضو أو بدون كيس ذاتو .. العرس الذي أصبح هاااجس هذا الجيل من البنات والأولاد على حد سواء .. آآآي هاجس الأولاد برررضو بس ديل الفئه المستضعفه في الموضوع ده وإن أظهروا عكس ذلك فالإيد قصيره والعين بصيره وعزة نفسي حامياني.. أما أغلبية البنات إنحصر تفكيرها في كيفية الحصول على عريس مهما كلف الثمن من وتخطيط وفكي "شيخ" وأعمال ومقصات ولصقات وأحيانا خراب بيوت تحت شعار راجل المرأه حلو حلا .. عزيزتي روقي وأحلي :-) وأعلمي إنو العرس ما راجل و صاله وحفله وحنه والذي منو .. ولا عربيه ودهب وراحات تكاااوي"تغيظي" بيها فلانه وتمغسي بيها علانه ..ولا كمان الكلام الصااااح حق المثقفاتيه ديك بتاع مسئوليه وتربيه وشراكه وتكوين أسره وبس.. وحأوريك من هو الذي يصلح أن يكون راجلك؟
هو الحتصطبحي كل يوم بخلقتو السنيحه من غير ماتقولي أنا الرماني الرميه دي شنو
هو الحتقعدي تلقطي وراو الشرابات المجدعه و تغسلي هدومو بكل صدر رحب
هو الحتتشاكلي "تتهاوشى"معاو الليله ويمرض بكره وتساهري جمبو الليل كلو كمدات وإنتي حاسه إنك السبب وندمانه وسافه التراب وتقعدي تتذلي وتعتذري للصباح
هو الحتشوفيو بنفس وجاهة"جمال" شهر العسل بعد عشره سنين من التغيرات الحتحصل فيهو
هو الحيحبك ويقدرك ويحترمك من وراااك(لأنو قدامك دي طبعا ما بأيدو :graaam (308): )
هو العمرو ماحيقول لأصحابو أوعى تدقسوا "تخطأو"العرس ده هم ساااي
هو الماحيتأفف "يتذمر"أبدا من ماشي وين وجاي من وين
هو الحيقدر تعبك وشغلك ومسئولياتك التانيه
هو الحيتناقش معاك بالذوق ويهمو رايك ما حيمشي كلامو وبس
هو الماحيسجلك في تلفونو الحكومه والذي منو
هو الحتجيو إغراءات كتيره من جنس بنات الأيام دي وحيقول لأ .. أنا عندي مرتي وبحبها ومابخونها .. :graaam (56):
وبإختصار هو الحتحمدي ربك كل يوم عليو♥
كسره "معلومه": كم من نساء متزوجات مازالت قلوبهن عذارى

إنتهاء~¤ 25-06-2013 06:21 PM

رد: كيبورد ساخر .. قهوة و زول
 
اقتباس:

يا زوله شكله بتعنسى لا تستعجلى
هلا بيك يا زول
هههههههههههه يعنى استعجل زيهم عشان ما اعنس ؟ حيرتنى الصح انا ولا هم ؟

بالمناسبة وينك يا زول ؟ اتزوجت ولا شنو ؟

إنتهاء~¤ 26-06-2013 03:32 AM

رد: كيبورد ساخر .. قهوة و زول
 
اقتباس:

شمار يعني لقافه صح .. ما اذكر اني شفت سودانيين عندنا بالكويت بس دايماً أشوفكم لما اروح السعوديه ^,^ .. مبروك المدونه الجديده من البدايه واضح انها ممتعه و جميله بالتوفيق :)
ايوووه صح عليك معناها لقافه ..ايوه االسودانين بقو ما كتار فى الكويت بس فى السعوديه كتاار
الله يبارك فيك يا راقيه .. تسلمى كتير واهم حاجه انها عجبتك وان شاء الله دايما :graaam (267): شرفنى تواجدك :)

اقتباس:

ومنك نتعلم السودآني
هههههههه خلاص تمام يا زوله بما انكم بتتعلمو منى بعد شهر كده ويكثرو المتعلمين حأعمل عند البوابه ااي زول يدفع
قروشو قبل ما يدخل :graaam (129):


الساعة الآن +3: 10:23 AM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1