منتديات غرام روايات غرام أرشيف الروايات المغلقة - لعدم إكتمالها حكايات بنات في مدينة باريس / بقلم: ورد التولين
ورد التولين ©؛°¨غرامي جديد¨°؛©


بسم الله الرحمن الرحيـــــــم

السلام عليكم ورحمه الله وبركاته

روايه : حكايات بنات في مدينة باريس

البــــــــآرت الأول

وريف وهي تحط أخر طبق على طاولة الأكل قالت بصوت عالي : يلااا يابنات الأكل جاهز

نزلت لجين ووراها البنات قالت تولين بمدح: الله الله شهالريحه الحلووه
وريف بثقة : طبعاً ريحه حلوه وطعم أحلى مدام انه طبخي
تولين وهي توخر الكرسي على ورا وتقعد عليه : يلا عاد كذبنا عليها وصدقت
لجين : مشكله الثقه الزايده ( وقالت قبل ماتاكل ) بسم الله
وريف : أفا السالفه كذا يعني شوفوا مين يطبخلكم ثاني مره
الجوري : انا وريوم وتريف ولموس مالنا دعوه اذا بتحرمينا من الأكل احرميهم هم
ترف مفرصعه عينها وتطالع الجوري : تريف بعينك
كل وحده سمت وأكلت وسكتوا أحتراماً للنعمه
بعد الأكل عالساعه 6:30 بعد أذان العصر
في الصالة ..
ريم كانت قاعدة عاللاب توب ولميس تتصفح مجله الجوري ولجين يتفرجون بالتلفزيون مسلسل صبايا
تولين وترف يلعبون أونو طبعاً كل وحدة مشغولة في شيء
وريف نزلت من الدرج لابسة حجابها الأسود وجاكيت بيج وبلوزه سودا على بنطلون بيج
ريم أنتبهت عليها والتفتت لها : شكلك بتطلعي ! على وين ؟؟
وريف : لا بس بروح للسوبر ماركت فيه اشياء ناقصه بالبيت مين ودها تجي معي ؟؟
ريم ولميس : انا
وريف : أوك يالله بسرعه ( والتفتت على الأربعه المنبطحين ) وأنتوا ياويلكم تفتحون لأحد انا مفتاحي عندي
بلا مبالاه : طيب
وريف : هيه مو تقولون طيب وتجيبوا العيد!!
الجوري بإستهبال : من عيوني ماما وريف بدك إشي تآني ؟؟
لجين : حاضر يابعد طوايفي إنتي لو تبين عيوني فدوه لج
تولين : لأ لأ نحنا مش عيال صُغيرين عشان تئوليلنا كده نحنا كبار وبنفهم كل حاقه
( أما ترف فقاعده تحمد وتشكر الله على نعمة العقل )
وريف : ياربيييه على البقرات اللي عندي أستغفرالله بس
لميس وريم بعد ما اتحجبوا : يلآ
-
بعد مآ وصلوآ السوبر مآركت ..
لميس بحماس : الحين نبدأ بالجالكسيات ولا بالشبسات؟؟ ولا ولا ولا الخ
ريم : شوفي انتي عليك قسم الجالكسيات والشبسات وانا علــ..
وريف بعصبيه : هي هي هي انتي وهيا !! أنا جبتكم هنا مو عشان الجالكسيات ومدري وش؟ فيه أغراض اهم من خرابيطكم
لميس : ياربي روف حبيبتي تكفين نبغى نشتري هالخرابيط ع قولتك من زمان ما أكلناها كل شي قلب صحي × صحي
ريم بطريقة طفولية : إيييه إيه خن نشوف الشوكلاته الناعمه ع قولت الدعايات ولا دوريتوس اللي يخليك تطيرين
لميس : مو لهالدرجه عاد ¬̯¬
وريف بطفش : طيب لكم وعد مني بس نخلص من الأغراض المهمه واشتريلكم اللي تبون
وصارت وريف تقول جيبوا هذا وحطوا هذا وتلاقيه قدامها على طول
لميس : يلآ خلصنا خن نروحح نشتري خرابيطنا
وماشافت ألا غبارهم
في البيت
تولين تتقلب : ياخي زهق لو اني رايحه معاهم السوبر ماركت كان احسن
الجوري قامت بحماس : بنات وش رايكم نسوي مغامره خطيره ؟؟
ترف بتريقه : نتسلق الجبال ولا نبحر في البحر ع إننا قراصنة ولا شرايكم نفجر قنبله نوويه على إمريكا؟؟ أبوك يالمغامره
لجين : ههههههههههههههههههههههههههه جور عز الله انهبلتي
الجوري بإحباط: لا والله أتكلم جد يعني نسوي شي يغير روتيننا الممل
تولين : مثل ؟؟
الجوري: نروح ديزني لاند ؟؟
لجين : هاه ؟؟ لا جد انهبلتي تعرفين وريف لا يمكن ترضالنا إختلاط وصيـاعه هناك
ترف بدت تتحمس: عادي بدون مايدرون روف وسمسم وريوم نروح سآعه ونرجع يلآ تكفوون جوجو تولآ ( قالت اخر كلمتين بوجه حزين )
تولين خايفه : بنات أحس أن فيه شي بيصير هنآك قلبي مو مطمن خلينا نجلس بالبيت أحسن
لجين : نبقى مع بعض؟
الجوري وترف : إيه
لجين : نحاول مانقرب من الشباب؟
الجوري وترف : إيه
لجين : سآعه وحده ؟
الجوري وترف : إيه
لجين طالعت تولين بمعنى ماراح تجين معنا؟
تولين : لأ وش يوديني معآكم خليني أرقد أحسن لي
من هنا طلعوا البنات لديزني لاند ومن هنا رقـت تولين لغرفتهآ ونإمت
في السوبر ماركت
بعد ما حاسبوا وكل شي
طلعوا من السوبر ماركت متوجهين عالبيت
فتحت وريف الباب بالمفتاح ولقت البيت ظلآم وهدوء
ريم : غريبه نايمين في هالوقت؟
لميس : هه ومن الطفش مآ قتل
ومن حسن الحظ غرفه وريف مشتركه بينها وبين ريم وغرفه لميس مشتركه بينها وبين تولين
و ولا وحده فكرت تشوف البقيه نايمين ولا لا
في ديزني لاند
الجوري : وااااااااااااااااو حماااس أقوى شـــــيء
لجين : بنات الوضع مايطمن خلينا نرجع البيت بس
ترف : لا لا وش نرجع البيت بعد ماجينا ؟ خلينا نلعب ع الاقل كم لعبه ونرجع
لجين تنهدت : طيب يلا .. شوفوا كشك التذاكر هنااك
بعد ماقطعوا تذاكر ..
الجوري : وش تبون تلعبون؟؟
ترف أشرت على بيت كبير شوي : هــذي اللعبه
رااحـــوا للعبة البيت المسكـــــــون ..
بعد مــــآ خرجــــوآ
لجين وهي تلهث من الخوف : ياربيه وش ذي اللعبه اللي كلها دم وجمـآجم وأصوات ومدري وش ؟؟
الجوري: وااااااي حممااس .. لو أدري أن ديزني لاند بتكون كذا كان جيتها من أوول
ترف: يلا بس أخلصوا علينا وش تبون تلعبون ثــآني .. الحين الساعه 7 ونص والملاهـــي تقفل الساعه 8
لجين صرخت بخوف: ياربييييييه وين شنطتي ؟؟
ترف بتريقه : نسيتيهـآ جـــــوآ هاهاهاي ..
لجين أعطت الجوري نظره حزينه وبـــريــــئــــــه
الجوري طلع الخوف : لأ لأ لأ لو أمـــــــوت ما أدخلها ثــــــآني
نفس النـــظره لــتــــــرف
ترف بلا مبالاه : شنطتك مو شنطتي
لجين ملّت وراحت للفرنسي اللي يشغل اللعبه
التــــــرجـــــــمـــــــــه
لجين : إذا سمحت .. ؟
الفرنسي : ماذا تريدين يا إنسه؟؟
لجين : عندمـــــآ كنت فـــي دآخل هذه اللعبه .. نسيت حقيبتي دآخلهآ
ترف والجوري يتريقون على تعبــير لجين الأبو كلبي
الفرنسي : حسناً .. إنتظريني هنآ
لجين وهي تقول للجوري وترف : لو تنطبق السما ع الارض ما راح اروح معكم أماكن زي كذا .. يارب ترجعلي شنطتي سالمة غانمة
الجوري : والله لو أنك ضيعتيني ما تخافي علي قد كذا .. لنا الله بس
ترف تطلع وتنزل حواجبها : شنطتها ياحبيبي شنطتها
رجع الفرنسي ومعه شنطة : هل هذه هي حقيبتك؟
لجين : ااه .. نعم شكراً لك
الفرنسي أبتسم : لأ شكر على واجــــب
لجين لفت للبنات : يلآ وش تبون تلعبون .. أخر لعبة مابقــى وقت
ترف والجوري : قطــــــآر المـــــــــوت
لجين تنهدت : يلآ طـيب
رآحـــوآ لقطار المــوت .. الجوري ركبت مع ترف ولجين جت تركب مع بنت بس فيــه بنت ثانيه سبقتها
ف ركبت في مقعد فــآضي .. وركب معها ولد باين انه خليجي
هنا قلبها صار يدق بقوه .. تحس بالخوف لأنه ولد وتحس براحه لأن باين أنه عربي وبالتحديد خليجي
بدأت اللعبه بسرعه بطيئه وكل ما زادت السرعه زاد صراخ النــآس
ترف كانت مغمضه عيونها عشان لا تحس بشيء .. أما الجوري فكانت تصارخ باقوى ماعندها
ترف : جججور لا تصـــآرخين .. أبي اذني والله أبيها
أما لجين اللي كانت خايفه من اللعبه وودها تصرخ بس مستحيه من الولد
ههههههههههههههههههههههههههههههههههه
الولد التفت عليها : أنتي سعوديه؟
لجين .. وقتك أنت؟؟ : أيه
الولد : أنا بعد سعودي .. لكن أصلي كويتي
لجين تبي تسكر السالفه : صــدفــه سعيــده
طــآلع شنطتها البنيه .. كأنه قد شافها من قبل بس فين .. ؟؟
شوي شوي أتذكــــــــر .. جاء بيتكلم بس اللعبه انتهت ولجين ماصدقت خرجت على طـــول
خرجــــوآ من اللعبه متجهين للبيت .. بس سمعوا صوت ولد وراهم يقول : لحظه أختي ممكن أكلمج شوي؟
لجين عرفت الصوت بس قالت بهمس : حاولوا تضيعوه وكأنكم مو سآمعينه
أستغربوا البنات بس ماعلقوا
وقدروا يضيعوا الولد ... اللي فقد الأمل ورجع بيته
دخلوآ البيت بهدوء ..
الجوري براحه: نايمين
لجين فتشت في شنطتها يمكن يكون فيه شي ضايع وشوي سمعوا صرختها
الجوري التفتت عليها بخوف : يافضيحه أووص شكلك بتفضحينآ اليوم
لجين : بنات معآكم جوالي؟
ترف : ليش مو بالشنطه؟
لجين شوي وتبكي: لأ
ترف: خلاص هم إذا لقيوه بيتصلوا عالارقام اللي فيه
لجين: والباسوورد
الجوري: يودون الشريحه للأتصالات أنتي رقمك فرنسي يعني بيرجعوه
لجين ارتاحت شوي وتنهدت: طيب أنا طالعه أنام

أنتهــــــــــى الــــــبـــــــــارت

رأيكم + أنتقاداتكم + توقعـــــآتكم
رجاءاً ما أبغى ردود زي كذا : وين البارت .. ننتظر ..الخ
والبارتات مالها موعد محدد
انا اللي كتبت القصة بس ياليت تنتشر بأسم " ورد التولين "
وللمعلوميه الشخصيات حقيقه بس الأسماء متغيره
وروايتي خيـــــآل × خيــــــآل ..
تحيـــــــآتي
معشوقه ياسر _ ورد التوليـــن ..



s5s5 ©؛°¨غرامي مجتهد¨°؛©

السلان عليكم ..
بدايه جميله ..
لكن ناقصه الوصف ..
يعنل لو مثلا تكثف وصف للمكان و الزمان و شكل الابطال راح تكون الروايه حلوه ..
موفقه ..
..
حروف راقيه
..


&دنيا ماترحم& ©؛°¨غرامي فضي¨°؛©

ماشاء لله بداية حلوه

روايه روعه

واصلي ابداعك

اسيو سوسو ©؛°¨غرامي مشارك¨°؛©

البداية كثيرررررر حلوووو بس ناقصه الوصف يعني كيف اشكلهم أعمارهم المهم الرووووايه شكلها خطيررر وفله وحماااس وأكشن خبريني لم تنزلي البارت سلام

مـلاكـ صـ ع ـب الامتلاكـ ©؛°¨غرامي مشارك¨°؛©

بداية مبشره وشكلها روايه هتكون حلوة
وبالتوفيق يا قمر ^_^

ورد التولين ©؛°¨غرامي جديد¨°؛©

الشخصيات:

وريــــــــــــــــف
عمرها 20 سنه .. شكلها: بيضا مركبه تقويم في أسنانها شعرها طويل لنص ظهرها عيونها واسعه رموشها كثيفه وخشمها لا كبير ولا صغير وشفايفها صغار طويله نوعا ما ونحيفه مواصفاتها: أكبر وحده بالبنات عشان كذا هي اللي تكرف وتطبخ بالبيت وهي اللي مهتمه فيهم , وريف حالمه ورومانسيه بس محد يعطيها وجه أبداً بس مع ذلك هي هبله ومرجووجه

تـــــــولــــــيـــــن
عمرها 19 سنه .. شكلها: سمرا وطويله وشعرها لأخر رقبتها عيونها برضوا وساع ورموشها كثيفه وطويله خشمها عادي وفمها ممتلي بس صغير نحيفه ..مواصفاتها: سامجه بشكل كبير بس وقت المزح مزح ووقت الجد جد وفوضويه مرا حتى وهيا نايمه وماتهتم لشيء يعني بلييده لابعد حد

لـــــجــــيــــن
عمرها 19 سنه .. شكلها: قمحيه وطويله وجسمها عادي خشمها طويل شوي وعيونها واسعه ورموشها طويله وفمها طويل وصغير نوعاً ما جمالها بدوي بحت .. مواصفاتها: فلاويه وتحب المغامرات بس وقت النكبه ما تعرف تطلع نفسها خوااافه لابعد درجه وقاطه في كل شيء وهبله عالاخر

الــــجـــــوري
عمرها 19 سنه .. شكلها: جبهتها عريضه وقصيره شوي ولاهي نحيفه ولا دبه شعرها لنص رقبتها وعيونها واسعه ورموشها خفيفه وخشمها وسط وشفايفها طويله بس مو اطول من شفايف لجين .. مواصفاتها: تحب تسلك وتتفشل بسرعه ولا يمكن الاعتماد عليها في شيء ودايماً جايبه العيد

لـــمـــيـــس
عمرها 19 سنه .. شكلها: طويله وقمحيه ع بياض ونحيفه شوي وحواجبها طويله وعيونها وساع وخشمها طويل شوي وشفايفها وسط لا كبيره ولا صغيره شعرها لاخر ظهرها اسود ع بني .. مواصفاتها: بسرعه تتنرفز وتهاوش ع كل شيء والسابق لابق مرجوجه وفيها من هالهبال وتحب تجرب كل شي ومع الخيل ياشقرا

ريـــــــــــم
عمرها 19 سنه .. شكلها: طويله وعُص وحواجبها كأنها مرسومه وعيونها واسعه شوي ورموشها كثيفه وطويله وبشرتها قمحيه شفايفها كبيره شوي وخشمهل على فوق وطويل وشعرها لنص ظهرها مواصفاتها: مفهيه وماتدري وين الله حاطها وهبله وماتتحارش ابدا اللي تحبه هو الحلو واللي تقوله هو الصح

تـــــــــــرف
عمرها 19 سنه .. شكلها: برونزيه وعيونها ناعسه وشوي مكحله ولا طويله ولا قصيره شعرها طويل لاخر ظهرها ونحيفه شوي حواجبها كثيفه ورموشها طويله وخشمها عادي وشفايفها صغار مواصفاتها: باارده وماتهتم لشيء واهم شيء وناستها وراعييه مقالب وتحب تتهاوش مع خلق الله وعادي عندها التضحيه

هذي الشخصيات اللي ظهرت في البارت الاول
وشكراً ع ردودكم اللي شجعتني كثييررر ..


ورد التولين ©؛°¨غرامي جديد¨°؛©

وين الردود .. مو معقوله بس 4 :"(


lulual3z ©؛°¨غرامي فعال ¨°؛©

صراااحه الحمد لله انك ارسلتي لي رساله كل ماجيت ابي اقرى رواية تطلع لي يا خليجية او سخيفة وبايخه فاسحب عليهن روااايتك قمة بالابداع يامبدعه انا عللى طوول بحجز اصيير اول متابعينك [[[[ لييش طياارة على غفلة
خخخخخ الزبدة انتضر البارتات الجاية وممكن تقولي كل متى تحطين بارت

ورد التولين ©؛°¨غرامي جديد¨°؛©

المشاركة الأساسية كتبها حروف راقيه .. اقتباس :
السلان عليكم ..
بدايه جميله ..
لكن ناقصه الوصف ..
يعنل لو مثلا تكثف وصف للمكان و الزمان و شكل الابطال راح تكون الروايه حلوه ..
موفقه ..
..
حروف راقيه
..
وعليكم السلام
ان شاء الله ياقلبي من عيوني .. وشكراً لأنك نبهتيني على ذا الشي
منووره ..

المشاركة الأساسية كتبها &دنيا ماترحم& اقتباس :
ماشاء لله بداية حلوه

روايه روعه

واصلي ابداعك
مرورك الاحلى .. مشكووره على الاطراء الجميل
ان شاء الله .. كوني بالقرب

المشاركة الأساسية كتبها اسيو سوسو اقتباس :
البداية كثيرررررر حلوووو بس ناقصه الوصف يعني كيف اشكلهم أعمارهم المهم الرووووايه شكلها خطيررر وفله وحماااس وأكشن خبريني لم تنزلي البارت سلام
نزلت الشخصيات اللي ظهرت في البارت ووصفهم
مشكوووره على الكلام الجميل
وان شاء الله لا نزلت البارت الثاني خبرتك

المشاركة الأساسية كتبها مـلاكـ صـ ع ـب الامتلاكـ اقتباس :
بداية مبشره وشكلها روايه هتكون حلوة
وبالتوفيق يا قمر ^_^
اميين .. وان شاء الله تعجبكم
منووره

المشاركة الأساسية كتبها غروري له روايه اقتباس :
صراااحه الحمد لله انك ارسلتي لي رساله كل ماجيت ابي اقرى رواية تطلع لي يا خليجية او سخيفة وبايخه فاسحب عليهن روااايتك قمة بالابداع يامبدعه انا عللى طوول بحجز اصيير اول متابعينك [[[[ لييش طياارة على غفلة
خخخخخ الزبدة انتضر البارتات الجاية وممكن تقولي كل متى تحطين بارت
هههههههههههههههههههههههههه
تسلمين ياقلبي , والابداع منك وفيك
ان شاء الله احطه باقرب وقت
ويومين اخلص فيهم البارت واحطه
بس يمكن تصير لي ظروف عشان كذا ماكتبت موعد محدد

منووورييين كل ابوووكم
اسعدتوني بردودكم


اسيو سوسو ©؛°¨غرامي مشارك¨°؛©

الشخصياااات كثيرررررر حلووووو من جد مبدع خبريني لم تنزلي البارت وكملي ابدعك

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1