غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 18-07-2013, 02:18 PM
صورة Semoti الرمزية
Semoti Semoti غير متصل
©؛°¨غرامي مشارك¨°؛©
 
الافتراضي رد: روايتي الأولى :صراع من أجل الحياة ( تشرد)


السلام عليكم

الصراحه حبيت الروايه و سجليني من متابعيك

و في انتظار البارت القادم
و موفقه في روايتك :)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 18-07-2013, 05:51 PM
صورة ميم.. الرمزية
ميم.. ميم.. غير متصل
©؛°¨غرامي مشارك¨°؛©
 
الافتراضي رد: روايتي الأولى :صراع من أجل الحياة ( تشرد)


السلام عليكم ...
الرواية حلوووووة مرة ..
موضوعها جميل .. يختلف عن باقي الروايات ...
بالتوووفيق ...
بكون من متابعينك ان شاء الله ...
ونبي بارت .

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 19-07-2013, 03:12 AM
صورة Mero0oh الرمزية
Mero0oh Mero0oh غير متصل
©؛°¨غرامي مشارك¨°؛©
 
الافتراضي رد: روايتي الأولى :صراع من أجل الحياة ( تشرد)


اقتباس:
المشاركة الأساسية كتبها semoti مشاهدة المشاركة
السلام عليكم

الصراحه حبيت الروايه و سجليني من متابعيك

و في انتظار البارت القادم
و موفقه في روايتك :)
وعليكم السلام ..
عيونج الحلوة :)
ومشكورة على تشجعيج ، وان شاء الله البارت الياي اليوم :)
الله لا يحرمني من طلتج :*


اقتباس:
المشاركة الأساسية كتبها ميم.. مشاهدة المشاركة
السلام عليكم ...
الرواية حلوووووة مرة ..
موضوعها جميل .. يختلف عن باقي الروايات ...
بالتوووفيق ...
بكون من متابعينك ان شاء الله ...
ونبي بارت .
وعليكم السلام ورحمة الله وبركاته .،
الأروع طلتج و وجودج :)
وياج يارب ..
وان شاء الله البارت الياي اليوم ..
منورتني :*


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 20-07-2013, 07:50 PM
صورة ميم.. الرمزية
ميم.. ميم.. غير متصل
©؛°¨غرامي مشارك¨°؛©
 
الافتراضي رد: روايتي الأولى :صراع من أجل الحياة ( تشرد)


ننتظر بفااارغ الصبر ..
صراحةن الرواية حلوة ههه اريد اكون معك قدام وجهك واجلس اوصفالرواية واسوي حركات بيدي وكذا ههههه...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 20-07-2013, 11:22 PM
صورة Mero0oh الرمزية
Mero0oh Mero0oh غير متصل
©؛°¨غرامي مشارك¨°؛©
 
الافتراضي رد: روايتي الأولى :صراع من أجل الحياة ( تشرد)


اقتباس:
المشاركة الأساسية كتبها ميم.. مشاهدة المشاركة
ننتظر بفااارغ الصبر ..
صراحةن الرواية حلوة ههه اريد اكون معك قدام وجهك واجلس اوصفالرواية واسوي حركات بيدي وكذا ههههه...

ههههههههه
مشكورةة على تشجعيج
والأحلى طلتج
سوري امس مانزلت البارت لانه طلعت وجي ورجعت متاخر
ثواني وأنزل البارت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 20-07-2013, 11:45 PM
صورة Mero0oh الرمزية
Mero0oh Mero0oh غير متصل
©؛°¨غرامي مشارك¨°؛©
 
الافتراضي رد: روايتي الأولى :صراع من أجل الحياة ( تشرد)


البارت السادس

وصلوا البيت وكانت الساعهه 7 فليل .. دشت مهره ويا يوسف غرفة يوسف ..
يوسف : تعرف تلعب سوني !
حمد : مممم ، شوي
*مهره كانت تلعب دوم ويا اخوها عزام ، وهو الي علمها *
يوسف : اسمع بنلعب قيم كورة ، والي يفوز يحلق شعر الثاني
حمد : لا مابا
يوسف : غصبن عنك
حمد : بلعب وياك لكن اخاف اخسر ، مابا احلقق شعري
يوسف : يصير خير
طلع يوسف السوني (بليستيشن) وشغلها ، مهره اختارت المانيا اما يوسف اختار اسبانيا ، وبدوو لعب ...
مهره حست انه يوسف مايعرف يلعب وايد واستغلت الفرصهه ..
اول 5 دقايق سجل يوسفف قووول ، مهره انقهرت وقعدت تحاول تسجل قول وبالفعل سجلت قول وصارت النتيجه 1-1 ، يوسف كان متضايق ، فما كان قادر يلعب ، مهره شافت يوسف مو قادر يلعب عدل واستغلت الفرصه وسجلت هدف ثاني وصارت النتيجه 1 يوسف ومهره 2 .. يوسف من عادته ان يستسلم بسرعه ، صك القيمم وقال : خلاص انت الفايز .. وراح وطلع مقص وعطاه حمد وقال : يلا قص شعري
طالعت مهره شعر يوسف كان ناعممم وايد وخفيف وقالت : لا .. اباك تسوي لي شي ثاني
يوسف : شنو
حمد : ودني البحر
يوسف : خلاص اوك ، اول شي بنصلي العشا في المسيد عقب بنرؤح البحر ..
حمد : في المسييد!!!
يوسف : اي ، شنو نصلي فالبيت مثل الحريم هههههههههههه
حمد : هههه ..
يوسف راح يتوضا
اما مهره كانت تفكر ،، ولا مره بحياتها دشت مسيد حق الريايل ، ومايصير هي تروح تصلي هناك لانها بنت !! تنهدت وعقب توضت ، وطلعت هي ويوسف وراحو المسيد .. يوسف كان طول الطريج ساكت وماقال شي ، وكان منزل راسه ، وهاذي مو من عوايد يوسف ، استغربت مهره من سكوتهه وقالت : يوسف
يوسف : هلا
حمد : فيك شي
يوسف : لا . ليش!
حمد : احلف ..
يوسف مارد على مهره ..
حمد : شفيك قول!!
يوسف : ولاشيي !!!
حمد : احلف انزين
يوسف رفع راسه وقال : حمد خلاص ، ترا والله مالي خلق ..
حمد : اوك خلاص
وصلوا المسيد وكان كبيييييير وايد ، ودخلوا المصلى والي كان فيه وايد ريايل .،
بدا الإمام بالإقامه .، وقفوا يوسف وحمد في الصف الأخير ، لانه مهره طلبت من يوسف انه هناك يصلون ..
*************************
خلصوا صلاة ، طلعوا من المسيد وراحو للبيت .،( مهره ارتاحت واييد لانها صلت بالمسيد ) طول الوقت كان الاثنين ساكتين محد تكلم فيهم ، لين وصلوا البيت .،
يوسف : حمد ، بنرؤح البحر مره ثانيه ، احين مالي خلق
مهره : اممم اوك ، عيل انا برؤؤح ارقد .، مابا عشا ..
يوسف : براحتك ..
مهره رقدت ، اما يوسف صك ليت الغرفه وانسدح ع سريره وطلع السماعات وقعد يسمع *** وكانت كلماتها :
من سنين .. إفترقنا من سنين وابتعد كلن في دربه بس شوقه والحنين شالهم في قلب قلبه كنت أظنه ينسى حبي أو يخونه يوم صبره الله الله كيف ينسى اللي قلبه حب مرة ....
حس نفسه مخنوق ، ما قدر يكمل ، شال السماعات ، وطلع برع البيت كان المكان فاضي ، قعد جدام بيتهمم بالأرض ..،
*************************
صك علي الدكان ، وكان راجع للبيت .. وهو يمشي شاف يوسف قاعد جدام بيتهم عالأرض ومنزل راسه ، اقترب منه وقال : يوسف شفيك!!
يوسف : هاهه ! ولا شي
ودخل بيتهم ودش غرفته ..
تنهد ابوه ووقال : لا يكون رجع لحالته القديمهه ..
*************************
غيث لما طلع من عند يوسف راح البيت وارتاح شوي ، وطلع العصر ويا ربعهه ..
*************************
طالعت تلفونها شافت الساعه 9 فليل وغيث مارجع البيت ، تنهدت وراحت غرفتها فتحت البوم قديييييييم ، قعدت تطالع الصور ، استوقفتها صورة طلعتها من الألبوم وقعدت تطالعها ،كان فالصورة ( هي وغيث وابوها ) ، نزلت دمعه حاره من عيونها ، وبدت دموعها تنزل وبقوة وتقول :
وينك يابوي
صاروا ينادوني من بعدك يتميه !!
أنا من لي بعدك .،
صرت يتمييه من بعدك يابوي ..
وامي ما عادت مثل اول
ما تهتم فيني
ما كليت ، او بكيت مايهمها
شهقت شهقهه وقالت : الله يرحمك يابوي .. وبدت تمسح دموعها ، من جهه ثانيه امها كانت واقفه ورا باب غرفه مها وسمعت كل شي ، تضايقت وايد وراحت ودشت غرفتها .، مها من كثر الألم الي في قلبها نامت .، وماحست بشي
*************************
غيث طلع من عند ربعه وهو حاس بألم فضيع براسه ، ومو قادر يركز ، ووصل للبيت بعد معاناهه ، دش غرفته فتح درج طلع علبه ، فتحها ومالقى فيها حبوب ، راح حق امه وقال وهو منزل راسه : يمهه ، عطيني بيزات
امه : ماعندي .. اول امس عطيتك 200 ريال شسويت فيهم !!
غيث : خلاص مشكورة
وطلع برع البيت ، وراح للعياده الي دوم يروحها بس محد يدري ، الألم الي يحس فيه يزيد ، يحس انه مو قادر يشوف عدل ، بطل باب العيادهه وكانت فاضيه ، انتبه الدكتور لغيث الي طاح بالأرض من زود الألم واغمى عليه
*************************
اذا ناوي ترؤح ابفهم وين ارؤح
تخليني عايش بألم وجروح
واذا عني مشيت
واذا غيري لقيت منو غيرك انا بلقى يا رؤح الرؤح
يعني ترضاها علي تترك ايدينك ايدي
تنسى من عايش عشانك ان كاان ميت ولا حي
واذا نويت تعشق تحب ثاني امانه لا تنساني اني احبك موووت **
قامت مها على تلفونها الي كان يرن ، شافت رقم غريب ، ردت وقالت :
مها : الوو .. منن!!
...: مها
مها عرفت صاحب الصوتت وخافتت وماقالت شي ..
...: عندي كلمتين ابي اقولج اياهم ، تعالي ورا بيتكم احين ، واذا ما ييتي والله لأفضحج فضيحه لا صارت ولا استوت ،
مها : حرامم عليكك ، انا ماسويت لك شي ، لييي..، صك التلفون في وييها وما خلاها تكمل كلامها
*************************
فتح عيونه وشاف الطبيب جدامه ، ، كان بيوقف بس انتبه ع المغذي الي كان فيدهه .، حط ايده ع المغذي الي كان ناوي يشيله بس يد الطبيب وقفتهه
الطبيب ( أحمد ) : غيثث !!
غيث : نعم
الطبيب : انت لازم تهتم في نفسك !! نسيت انك مريض
تنهد غيث وقال : لا ما نسيت ..
الطبيب : لين متى بتم ع هالوضع !! ليش ما تكلم ابوك عن مرضك ممكن انه تخسر روحك بسبب هالمرض اذا ما عالجته ..
غيث : ابوي توفى .. الله يرحمه
تنهد الطبيب وقال : الله يرحمه ، سكت شوي وكمل كلامه : انت لازم تقول حق امك عن مرضك ، انا ماقدر اعالجك ، مرضك يزيد يوم عن يوم ، لازم تهتم في نفسك
غيث : إن شاء الله .. انا بروح احين ، عقب بعطيك بيزاتك
الطبيب ( أحمد ) : اصبر شوي ، وطلع له علبه حبوب ومد ايده عشان يعطي غيث ،
غيث : لا مابخذهم .،
الطبيب ( احمد ) : ماعليه خذهم احين ،وعقب عطني بيزاتي ..
غيث : لا .. وقام بيوقف
بس الطببيب وقفه مره ثانيه : اذا ما خذيتهم احين ، انا بخبر اهلك عن مرضك ..
تنهد غيث وخذا العلبه الي فيها حبوب، شال الطبيب المغدي من يده ، وقف غيث وقال : برجع البيزات لك مره ثانيهه
الطبيب : دير بالك على حالك
غيث : إن شاء الله
وطلع .، وراح البيت عشان يرتاح ..
*************************
لبست عباه ساده وشيله وشالت شيله 2 عشان تتغطى فيها ، مع انها ما تتغطى بس عشان محد يعرفها ، امها كانت في غرفتها ، وغيث ماوصل للبيت ، تغطت وطلعت برع البيت ، بسرعه تحاول تبتعد عن البيت عشان محد يدري انها طلعت من البييت ، راحت ورا البيت ومالقت حد ، و قعدت تنتظر ،
*************************
غيث وهو يمشي ، كان يفكر في مهره ، وكل ما يتذكر لما شافها مع يوسف ، يموت قهر ، بس مايقدر يسوي شي ، طلع تلفونه وشاف الساعه 11 وقال : اوهه تأخرت والله ..
كان في تنبيه في تلفونه فتحه وشاف انهه عيد ميلاد مهره باكر .، تاريخ 25-6 ، استانس وقعد يخطط شيسوي .، دش بيتهم وانسدح ع الغنفه وقعد يطالع تلفزون ، وكان عباله انه مها راقدهه ..


يتبع ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 20-07-2013, 11:58 PM
صورة Mero0oh الرمزية
Mero0oh Mero0oh غير متصل
©؛°¨غرامي مشارك¨°؛©
 
الافتراضي رد: روايتي الأولى :صراع من أجل الحياة ( تشرد)


تابع البارت السادس
صار لها ربع ساعه وهي تنتظر ، محد يا ، قررت ترجع بيتهم ، لفت عشان ترجع بس في يد وقفتها
... : انتي مهآ!!
رفعت مها راسها وشافت الانسان الي تكرههههه كره العمى ، بشرته لونها ابيض وملامحه طفووليهه ،عيونه لونها ازرق سماوي وشعره ناعم لونهه بني ، طوله متوسط مو قصير ولا طويل ، وقالت : اي ، شتبي مني !!! خلني بحالي ، انا ماسويت لك شي حرام عليك والله .. انا ماسويت لك شي والله ، حرام علييك !! ماتحس انتت !!
طلع تلفونه وقال : تطالعين هالصورةة !! لو راويتها اخوج غيث .، تتوقعين شنو بيسوي فيج!!
مها شافت الصورة وانصدمتتت !! صورتها كانت طالعه من مدرستهم وما كانت لابسه شيله ، لأنها طاحت وكانت تريد تعدلها .، والصورة تبين كانها متعمدهه تطلع شعرها وتصور هالصورةة ..
مها سكتت وما قالت شي .، كمل كلامه وقال : انا مابأذيج لو سويتي الي ابيه ..
مها تحس انها بتصيح قدامه مسكت عمرها وقالت : شنو تريدني اسوي لكك !!
...: انا ما ابي منج شي انتي ، غيث غلط فحقي فشي كبير ، ماله داعي تعرفينهه .. المهم ، الي ابيه منج ، اذا غيث يبي يطلع تقولين لي وين يرووح ! واذا ما قلتي لي ، تدرين شنو بيصير لج !
مها بطبعا حساسه وتصيح بسرعهه ،ماقدرت تتحمل وقعدت تبكي ، وقالت : حرامم عليك والله ، غيث شنو سوا لكك !
الزمن دوار يا عبدالله ، بيدور عليك ، خلنا بحالناإ ، ماتحس انتت !!
عبدالله حس انه مها يالسه تبكي ، اتصل حق غيث وحطه سبيكر
غيث : ألوو ، عببود انت حيي !! شلونك !
عبدالله : من زماآن عنننك و تعال انا تحت ، ييت عشان اسلم عليك ..
مها كانت منصدمممه ودموعها تزيد وقعدت ترتجفف ..
غيث : والله !! ، خلاص ثواني وانزل لك ..
صك عبدالله التلفون .، وقال : انا بخلي غيث ايي ، وبشغله وتقدرين تدشين بيتكم ، بدون ما يشوفج .،
مها كانت تبكي ، وقلبها يعوورها وكل شوي تشهق .،
عبدالله كان يريد ينتقم من غيث وبس .، وكان يسمع صوت بكاء مها ، ويحس بالذنب ، لكن في شي بداخله يخلي رغبته بالانتقام من غيث تزيد يوم عن يوم *********
نزل غيث ولقى عبدالله وراح سلم عليه .، اما مها استغلت الفرصه ودشت بيتهم ..
غيث : هلا والله ، بولد العم ، شلونك !
عبدالله : والله الحمدلله .. انت شلونك شمسوي !
غيث : الحمدلله على كل حال ، شخبار خوانك و خواتك!
عبدالله : الحمدلله , ناقصهم شوفتك ، عاد تعال بيتنا ، لا تقطع ، من زمان ماييت!
غيث : ان شاء الله
عبدالله : يلا عيل انا برؤح ..
غيث : سلم على عمي .، ان شاء الله نزوركم جريب
عبدالله : الله يسلمك .. حياكم ..
يلا فمان الله
...... راح عبدالله ودش غيث بيتهم وكان مستغرب من تصرفات عبدالله .. اول لما يشوفه حتى سلام ما يسلم عليه وقال : سبحان مغير الأحوال .. وراح يرقد
*************************
قامت مهره على صوت المنبهه من تلفون يوسف الي صوته كان يعلى كل شوي ، شافت الليت منطفي ، قامت شغلته وشافت الساعه 4 ونص ، سمعت اذان الفيير .، دشت الحمام (وانتو بكرامه) عشان تتوضا ، خلصت توضت وراحت تقوم يوسف ..
مهره : يوسفف .. ققومم ! يلا قوووم ،، يوسف ما كان حاس .، قعدت مهره تهزه ، وتقولل : يييلا ققووم
كانك جثه هههههههههه ، يلاإ ققوم ..
ومافيييييه اي استجابه من يوسف ، وانتبهت انه ما يتحرك ابد ، خاففت لا تفقده ، وقعدت تهزه اكثثر ،وتقول : يوووسفف قوم عشان تصلي الفيير ، ومافيه اي رد، ييووسف الله يخليك ققومم !! .، مهره تشوف يوسف ما يتحرك ابببد !! ، عيونها دمعت وهي تقول يووسفف ققوم ، فجاه صرخ يوسف وقال : شنو عبالك انا متت !! ههههههههههههه ، شاف عيون مهره الي دمعت وقال : ما توقعتك للهدرجه تحبني ههههههههههههه ..
حمد : خخووفتني ..
يوسف : هههههههههههههههه خلاص خلاص ، انا قايم قبل لا تقوم انت اصلا ...
حمد : اوك روح توضأ
توضا يوسف وطلع هو وحمد *مهره* وراحو المسيد ، كان المسيد مافيه وايد ناس ، صلوا وطلعوا وهم يمشون ..
حمد: يووسف
يوسف : خييييييير !!! ههههههه
حمد : ههههههه ، شراييك احين نرووح الببحر ! اذا لك خلق
يوسف : ممممممم ، اوكك بنروح ، بس ترا فيه وحش هناك ياكل
حمد : ههههههههههه ، شو تحسبني ياهلل
يوسف : ههههههههه
وقعدوا يسولفون لين وصلوا البحر وكانت الشمس للحين ما طلعت ،
حمد : من زمان ما ييت الببحر ، وقعدت ع الرمل ، جريب من ماي الببحر ، بس ما يوصل لها الماي وقعد عدالها يوسف ، كل واحد سرح بخيالاتهه ..
يوسف تذكر ، طعنهه قديمه ، من اقرب الناس لهه ، صار له سنتين كاتم هالشي في قلبه ! ، تعب من الكتمان ، ماعنده حد يشكي لهه ، فيه شي يصرخ بداخلهه ، قلبه يعورهه ، من بعد الي صار قبل سنتين ، الكل تخلى عنهه ، يتذكر لما انقلبت شخصيته ، بسبب شخص لعب في مشاعرهه ، من كثر ما كان مصدوم ، كانت فجأه تتغير شخصيته وتزيد عنده رغبه بالانتقام ، كل هالشي صار له بسبب شخص عديم احساس لعب في مشاعرهه ، وعقب رماها ، وتدمر يوسف عقبهه ، اما مهرهه كانت تفكر في مها ، وسارهه ، ويزوي وفطووم وميرهه
الحياه قست عليها وعطتها الم اكبر منها ، ما تستحقه ، تحس على كبر هالعالم هي وحيده ، مالها حد اببد ، مالها شخص اذا طاحت يواسيها ويخليها ترجع مثل قبل ، ماعندها شخص يهتمم فيها ، لا اخوان ولا خوات ولا ام ولا أب .، تذكرت كلام خالتها قبل لا تتوفى ، بس ماهتمت ، لانها كانت تحس انه مستحيل تحصل امها الحقيقة ، قالت في خاطرها : انا شسويت عشان يصير كل ها !!! فجاه قام يوسف وقال : يلا بنروح ، بتطلع الشمس ،
حمد : اوك ..
وراحو البيت ، يوسفف رقد اما مهره ماقدرت وقعدت تتقلب ، فجاه رن تلفون يوسف ، انتبه يوسف و رد بصوت كله رقاد :
يوسف : الووو
غيث : شنو شكلك راقد !
يوسف : اي .. بعد حد يدق الحين
غيث : هههههههههه ، اوك .. حمد قاعد !
يوسف : اي ، مبطل عيونه قاعد يتسمع
غيث : هههههههههههههههه صج انك حيوان ، خلاص كمل رقادك ، عطني حمد بكلمهه
يوسف : حمممد ، غيث يبي يكلمك ، تعال خذ التلفون ..
مهره : غيث !! وقامت وخذت التلفون ..
يوسف : يلا برع ، اتكلم برع ، ابييي اناإاإاإممممممممم
حمد : ههههههههه اوك ..
طلعت مهره برع البيت ،' وراحت ورا البيت وقعدت بالأرض
مهره : الوو
غيث وبدا يغني لها : هابي بيرثدي تو يوو .. هابي بيرثدي توو مهره ، هابي بيرثدي توو يوو ،
مهره انصدممت وصار وييها طماطه وقالت : شو اليوم عيد ميلادي !!
غيث : اي نسيتي .. اليومم 25-6
عالعموم ، كل عام وانتي بخير ، وعقبال العمر كله يارب
مهره استانستتت وايييد : وانت بخير ..،

يتبع ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 21-07-2013, 12:09 AM
صورة Mero0oh الرمزية
Mero0oh Mero0oh غير متصل
©؛°¨غرامي مشارك¨°؛©
 
الافتراضي رد: روايتي الأولى :صراع من أجل الحياة ( تشرد)


تابع البارت السادس

غيث : اي شلوونج
مهره : الحمدلله على كل حال , ونت !
غيث : الحمدلله بخير ..
مهره : الله لا يغير
غيث : وياج يارب
مهره : شخبار مها !!
غيث : الحمدلله زينهه
مهره : هيهه , ليش قاعد احين !!
غيث : ولا شي .. قلت اهنيج ،
مهره : اها
مهره : زين
غيث : اليوم العصر .، ببييج ، بنطلع انا وانتي ويوسف .، بنرووح سينما ..
مهره: لا
غيث : ليش !!!
مهره : ماقدر الا ساعهه 9 فليل
تنهد غيث وقال : ليش
مهره : عندي شغل !!
غيث : اي شغل !
مهره : اليوم ببدا شغل في دكان ابو يوسف .، من 9 الصبح لين 9 فليل
غيثث عصب وايد : ليش تشتغلينن
مهره انتبهت انه غيث عصب وقالت : ابو يوسف قالي ، وانا وافقت .. بعد شو اسوي ..
غيث تنهد وقال : اوك خلاص بييكم 9 ونص ، خلكم جاهزين
مهره : ان شاء الله
غيث : مهره
مهره : هلا
غيث : مهره .. احبج
مهره استحتت وايد ، وحست باحساس عمرها ما حست فيهه وماقدرت تقول شي ..
غيث ، حس انها استحت .، وقال : يلا روحي نامي
مهره : وانت
غيث : انا بروح بعد .. ديري بالج على حالج
مهره : ان شاء الله
غيث : يلا فمان الله
مهره : فمان الكريم
صكت مهره التلفون ،وهي مستانسة ، من زمان ما حست انه فيه حد يهتم فيها ، دشت البيت ، شوي شوي عشان محد يسمع وحطت تلفون يوسف عدال يوسف وانسدحت وقعدت تفكر في غيث .، وتقول : معقولهه يحبني !! ، ليش يحبني انا !! ، ليش يحب وحده عايشه على اساس انها ولد ، ماعندها لا اهل ولا شي وممكن تطلع بنت حرام ؟ .، وقعدت تفكر .، وهي تحاول تنام ، لين ما رقدتت
*************************
قامت مهره على صوت المنبه الي حطته فتلفون يوسف ، وكانت تعبانه ، تريد ترقد ، دشت الحمام وغسلت ويها وخذت شور ع السريع ، لبست الثياب الي اول مره لبستهم ، بانطلون وقميص اسود ، لأنها غسلتهم وماتحب تلبس ثياب يوسف .، خذت مشط يوسف وقعدت تمشط شعرها ، وتطالعه ومنقهره عليه ..، خلصت وطلعت من البيت وراحت للدكان الي حفظت طريجه ، دشته وسلمت على أبو يوسف ، وقعد يعلمها شتسوي .، كانت مهره مستانسه ، عقب قال ابو يوسف : انا احين بروح وبرجع يمكن عقب ساعتين .، دير بالك ع المحل .،
مهره : ان شاء الله ..

انتهى البارت ..
بانتظار ارائكم + توقعاتكم
شو الي بين عبدالله وغيث وليش عبدالله يريد ينتقم من غيث ؟؟
عبدالله شو بيسوي عشان ينتقم من غيث؟
غيث شو مرضه ؟!! وبيستمر على هالوضع ومابيقول حق امه؟
مها بتسوي الي يباه عبدالله او لا ؟؟
يوسف ليش كان متضايق؟

البارت الياي ان شاء الله يوم الاثنين ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 21-07-2013, 02:53 AM
صورة ميم.. الرمزية
ميم.. ميم.. غير متصل
©؛°¨غرامي مشارك¨°؛©
 
الافتراضي رد: روايتي الأولى :صراع من أجل الحياة ( تشرد)


رواية حللللللوووووة وبارت احلى من كاتبة ارووع...
بالتووفيق ..
ننتظرك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 21-07-2013, 03:38 AM
صورة شمــــوخ إمــــــرأة الرمزية
شمــــوخ إمــــــرأة شمــــوخ إمــــــرأة غير متصل
أنا الله خلق فيني {معزة نفس} ما تنعاب.. وغير «الله»..محدن على كيفه يمشيني
 
الافتراضي رد: روايتي الأولى :صراع من أجل الحياة ( تشرد)


روووووووووووعة

الرد باقتباس
إضافة رد

روايتي الأولى : تشرد / كاملة

الوسوم
رواية حزينة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6835 28-05-2019 01:18 PM
روايتي الأولى : رشوا على قبري من دموع عينه / كاملة على شاطئ النسيان روايات كامله - يتم نقل الرواية هنا بعد اكتمالها 896 24-02-2016 01:07 PM
روايتي الأولى: لتر واحد من الدموع / كاملة هند عبدالله روايات كامله - يتم نقل الرواية هنا بعد اكتمالها 147 23-10-2012 09:08 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM

الساعة الآن +3: 08:30 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1