غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 61
قديم(ـة) 27-07-2013, 11:47 PM
صورة آكآبرٌ ؤآتعذبٌ الرمزية
آكآبرٌ ؤآتعذبٌ آكآبرٌ ؤآتعذبٌ غير متصل
©؛°¨غرامي مجتهد¨°؛©
 
الافتراضي رد: روايتي الأولى :صراع من أجل الحياة ( تشرد)


كح


اولاً •آڵسَـِْ♡̨̐ـِْڵٱمَ؏ـلـِْ♡̨̐ـِْيّيّگمَ ,, مساء الخير أختي الكاتبةة ,,


روايتك بدايتها جميلةة وحزينةة جداً ,, توالت الأحداث السيئةةٌ ,,

اولاً موت أهلها ,, ثمن خالتها ,, ثمن صديقتها تخلت عنها ,,

بس روايتك فيها شيء من الخيال ,, يعني مو معقوله مالها أحد لا اعمام ولا خوال ولاجد ولاجدة

مع ذلك راقت لي ,,

تابعي مسيرتك ,,


وأتمنى لو تخبرينا بأوقات إنزال كل بارت


لك أجمل التحايا ,,

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 62
قديم(ـة) 28-07-2013, 05:58 AM
صورة Mero0oh الرمزية
Mero0oh Mero0oh غير متصل
©؛°¨غرامي مشارك¨°؛©
 
الافتراضي رد: روايتي الأولى :صراع من أجل الحياة ( تشرد)


اقتباس:
المشاركة الأساسية كتبها اعلام الهدى مشاهدة المشاركة
روووووووووووووووعة

الأروع طلتج .،،
منورتني :(


اقتباس:
المشاركة الأساسية كتبها آكآبرٌ ؤآتعذبٌ مشاهدة المشاركة
كح


اولاً •آڵسَـِْ♡̨̐ـِْڵٱمَ؏ـلـِْ♡̨̐ـِْيّيّگمَ ,, مساء الخير أختي الكاتبةة ,,


روايتك بدايتها جميلةة وحزينةة جداً ,, توالت الأحداث السيئةةٌ ,,

اولاً موت أهلها ,, ثمن خالتها ,, ثمن صديقتها تخلت عنها ,,

بس روايتك فيها شيء من الخيال ,, يعني مو معقوله مالها أحد لا اعمام ولا خوال ولاجد ولاجدة

مع ذلك راقت لي ,,

تابعي مسيرتك ,,


وأتمنى لو تخبرينا بأوقات إنزال كل بارت


لك أجمل التحايا ,,
وعليكم السلام .،،
مشكورة على تشجعيج الحلو ^^
عندها اهل بس بالامارات ، هي عندها خاله وحده بس الي كانت عايشه بقطر وتوفت ، وهي فضلت انه تعيش وتكمل حياتها مع خالتها من بعد وفاة اهلها ،، وعندها عمه وعم الي بالامارات ، وبيظهرون بالبارتات الأخيره ،، وعقب بتعرفون ليش ما راحت وياهم ، وفضلت انه تكون باي مكان بس بيت ااعمامها لا .،،
+ انا اكره الخيال بالروايات ،، احب التوازن مابين الخيال والواقعيه ، صح روايتي فيها بعض من الخيال ولكن بحدود ، ومعظم الشخصيات شخصيات حقيقة بس مالها علاقة بالرواية .،،

اسعدني طلتج الحلوة ،، وانتقادج ^__^
منوورة .،
الله لا يحرمني من طلتج .،
+ مواعيد تنزيل بالبارتات ، كل اثنين وخميس ، الصبح تقريبا ساعه 4او5او6 او 7 ، هاي الأوقات الي انزل فيها البارتات ..،
ومره ثانيه منوورة :*


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 63
قديم(ـة) 28-07-2013, 01:36 PM
صورة AHDAB الرمزية
AHDAB AHDAB غير متصل
©؛°¨غرامي جديد¨°؛©
 
الافتراضي رد: روايتي الأولى :صراع من أجل الحياة ( تشرد)


متابعة بالتوفيق


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 64
قديم(ـة) 29-07-2013, 05:17 AM
صورة Mero0oh الرمزية
Mero0oh Mero0oh غير متصل
©؛°¨غرامي مشارك¨°؛©
 
الافتراضي رد: روايتي الأولى :صراع من أجل الحياة ( تشرد)


اقتباس:
المشاركة الأساسية كتبها حُـ‘ـُطُـ‘ـُآمُـ‘ـُ آنُـ‘ مشاهدة المشاركة
متابعة بالتوفيق
اشكرج على المتابعه ^^
منورة .،
+ ثواني وانزل البارت التاسع



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 65
قديم(ـة) 29-07-2013, 05:34 AM
صورة Mero0oh الرمزية
Mero0oh Mero0oh غير متصل
©؛°¨غرامي مشارك¨°؛©
 
الافتراضي رد: روايتي الأولى :صراع من أجل الحياة ( تشرد)


&&البارت التاسع &&

(لا تلهيكم الرواية عن ذكر الله )

تهز مهره وتقول : قققوووومم
مهره فتحت عيونها ، وشافتت بنت جدامها..
اسمها عذبه ،.عمرها 19 لون عيونها عسلي ولون شعرها بني وهو قصير ، كانت لابسه عباه وشيلهه
عذبه دعمت مهره بالسياره بس من جدام ، وكانت خفيفة ، مهره ماصار لها شي ، وقفت وقالت : انا بخير .. شالت شنطتها الي طاحت ، ووقفت بتروح بس عذبه ما خلتها مسكتها من ايدها وقالت : انا اسفه ، ماكان قصدي ..
ابتسمت مهره وقالت : لا عادي ^^
عذبه : اركب ، بوصلك بطريجي .
مهره : لا ، بروح بروحي
بس عذبه ماخلتها وركبتها جدام بسيارتها وكان نوعها بورش ، مهره طول الطريج منزله راسها وعذبه كانت خايفه لا يكون صار لها شي ،
عذبه : وين بيتكم ،انا بوصلك
مهره : نزليني اي مكان ..
عذبه : ليش!
مهره : بس .
عذبه : لا ، بوصلك بيتكم .
مهره : ماعندي بيتت ، قالتها ورفعت عيونها تطالع عذبهه تنتظر ردة فعلها.
عذبه تنهدت بحزن وقالت : اوك ، وين اهلك !
مهره : الله يرحمهم .. قلتلج نزليني اي مكان ..
عذبه : عندك مكان تروح له ؟
مهره هزت راسها بلا ..
مهره عندها كبرياء، وتكره تخلي احد يشفق عليها ، قالت : الله يخليج ، نزليني خلاص .
عذبه : لا ..
وصلت عذبهه لبيتهم ، لانه مو بعيد وايد
فجاه انفتح باب بيت كانه قصر ، دشت عذبهه ، ووقفت سيارتها في الباركنن ، نزلت وصكت السياره ونزلت مهره ..
مهره : انتي ما كان قصدج ، وانا ما شفت السياره وعقيت عمري .
عذبه : اوك خلاص ، تعال وياي ..
كان الحوش كبيير ، وفيه بالوسط نافورةة .، تبعت مهره عذبه ، انففتح الباب ، شافت صالهه كبيييره ، فيها تلفزيون معلق على اليدار ، صبغ الصاله ابيض و جهه وحده اسود ، الأثاث كان اسود ، وكان راقي بشكل كبير ،
عذبه وهي تمشي ومهره تتبعها : ماقلت شسمك
مهره : حمد ..
عذبه : اهآا ، عاشت الاسامي
ابتسمت مهره وماقالت شي
عذبه : اقعد هني ، ثواني وبرجع ..
قعدت مهره ع الكرسي ،
*************************
دشت عذبه غرفه امها ، الي كانت توها مخلصهه مصليه ..
عذبه : يمه
امها : هلا امي
عذبه : يمه .. انا دعمت واحد بالغلط ، والله ماشفتته ..
امها شهقت وقالت : شلونه الحين ، صار له شي !!
عذبه : ماصار له شي ، لانه كانت خفيفةة
امها : الحمدلله ..
عذبه : هو عمره يمكن 16 او 15 ركبته السياره وقلتله وين تبيني اوصلك ، قال ماعندي مكان اروح لهه ، قلتله عقب وين اهلك ، قال الله يرحمهم وعقب يبته هني البيت ، هو قاعد بالصاله الحين ..
امها : اي ، زين سويتي
عذبه : خليه بينفعنا ، بدال ما نطرش الخدم يروحون يبعييون ، نطرشه هو .، وشكله ولد حلال ..
امها : اي زين ، قولي حق الخدم اييبون له عشا .. راحت عذبه ..
ام عذبه : اسمها شيخه ، طيبه وقلبها كبير ، تحب كل حد وحنونه ، عندها مراد وعذبه وهم توأمم .، ما يتشابهون واييد ، هي لون عيونها عسلي ، وشعرها لونه بني ..
زوجها مسافر برع ، عنده اشغال ولما يخلصهم بيرجع قطر
*************************
رجعت عذبه حق مهره بعد ما قالت حق الخدم ييبون العشا ،. كانت مهره قاعده ع الغنفهه ، شالت الكاب من راسها وتحس راسها يعورها وايد ، يات عذبه وقعدت عدالها ، وقالت : اي ، ماقلت صف جم !!
مهره : اول ثنوي ، رايح حق ثاني ثنوي ..
عذبه : اي زينن ، انا اسمي عذبه ، عمري 19 ..
رفعت مهره راسها ، ابتسمت وقالت : اوك ، يصير اروح احينن ..
عذبهه : شفيك ، تبي تروح ، يعني اذا طلعت من هالبيت وين بتروح ! اذا عندك مكان انا بوصلك ..
مهره ما قالت شي .. فجاه شافت خدامه فلبينيه يايهه صوب عذبه ، وقالت : the dinner is ready
( العشا جاهز )
عذبه : اوك
وراحت الخدامهه .،
عذبه : يلا قوم نتعشى ..
مهره : تسلم ايدج ، بس توني ماكل ..
عذبه : طالع جسممك كيف ضعيف ،. مارح يضر لو كليت ، يلا امش
وسحبت مهره وراحوو على غرفه الطعامم .، كان الباب مفتوح ، دشوا ، كانت الغرفهه مرتببه وايد ، مصبوغه بلون ازرق فاتح فيها طاولة وكراسيي فخمهه، وعلى الطاولة العشا .، وكان فيه تلفزيونن ، وبعد الطاولة والكراسي فيهه قعده، عشان الي يحب ياكل على الأرض ، قعدت عذبه على الكرسي وقعدت مهره عدالها ..
كان العشا معكرونه بالبشميل محطوطه على الطاولة وفيه عدالها شوكات ، وملاعق ، حطت عذبه معكرونه بالبشميل في صحن وحطته جدام مهره ، وحطت حق عمرها ..
عذبه بدت تاكل ، اما مهره تاكل حبه حبه ..
عذبه : امممم ، عادي تشتغل ويانا !
مهره : شو اشتغل !
عذبه : ابوي عنده محل عطور كبير ، وهالفتره مسافر ، يعني بنعطيك مجموعه من العطور ، وتبيعهمم في الرصيف ، او محطات البنزينن ،اذا خلصوا ، نعطيك مجموعه ثانيهه . راتبك اليومي 1000 ريال اذا بعتهم كلهم ، و500 اذا بقوا اكثر من 3 عطور ، مهره قعدت تفكر وقالت بخاطرها : على الأقلل ، فيه مكان اقعد فيهه ، وقالت : اوك موافق
، فجاهه دخل مراد ، توأم عذبهه
وانصدمم لما شاف ولد مع اختهه وقعد يطالع مستغرب ، انتبهت له عذبه قالت : لحظه حمد ، بروح وبرجع .. مهره ما كانت منتبهه حق مراد ، طلعت عذبه وراحت حق مراد وقالتله كل شي ،
مراد : اهآا..اوك انتي روحي خلاص انا بروح معهه ..
عذبه : انا بطلع الحين ، يلا باي ..
مراد : باي
*************************
مسك غيث تلفونه واتصل حقق عبدالله وقال : هلا عبدالله ، شلونك !!
عبدالله : الحمدلله ..
غيث : بعد شوي بيي بيتكم ، ابي اسللم على عمي .
عبدالله : حياك .. انتظرك
غيث : مع السلامه
وصك التلفوونن ، راح لبس بانطلون اسود مع قميص لونه ازرق غامج ، مرسوم عليه فيس كبيير .، ولبس كاب لونه اسود ، عشان مايبين راسه الي كان ملفوف بشاش .. طلع برع البيت وقعد يمشي ، هو خذ رقم مهره من تلفون مها ، وهي ما كانت تدري .. اتصل حق مهرهه .، وقعد التلفون يرنن
*************************
مهره قاعده تنتظر عذبه ، فجاه شافت مراد ياي صوبها ، هي ماعرفته ، لانه لما صارت الضرابه هو كان متلثم .،
مراد : انا مراد ..ومد ايده عشان يسلمم على مهره ، سلمت مهره عليهه وقالت : انا حمد ^^ ، اتوقع قالتلك عذبه عني صح ..
مراد ابتسم وقال : اي ، تعال معاي ، لحقته مهرهه ، وهم يمشون ، مراد يحس انهه شافف ويه حمد بس وين ما يتذكر ، فجأهه قال : انت تعرف واحد اسمه غيثث !!
مهره : هاه ..اعرفهه ، ليش!
مراد قال : شلونه ..
مهره : بخير ، شدراك اني انا اعرفهه!!
مراد مارد عليها وظل ساكتت ، فجاه وقف واشر على غرفه وقال : هاي غرفتكك ، انا بروح وبرجع ..
مهره قعدت تتامل الغرفه شوي ، كانت ما مصبوغه ، بس تركيب ورق جدران وفيها سرير عدالهه طاولة صغيره وفيها ادراج ، وحمامم .، وفيها تلفزيونن معلق ع اليدار ،حطت الشطنه على الطاولة و انسدحت ع السرير وحطت يدينها تحت راسها وقالت : اإاإاهه ، فجاه رن تلفونها ، طلعتهه من الشنطهه
مهره : الوو
غيث : السلام عليكم ..
مهره عرففتهه من صوته : وعليكم السلام ..
غيث : شخبارج
مهره : الحمدلله على كل حال ، انت شحالك
غيث : انا بخير ، وينج انتي !!
مهره : لا تحاتي انا بخير
فجاه دخل مراد وقال : يلا امش وياي .. مهره صكت التلفون وقالت : وين !!
مراد : بروح عند رفيجي ، تعال وياي ..
مهره : لازم اروح ؟
مراد : عيل شنو بتقعد تسوي هني !!
مهره ما كانت تبا تروح وياه ، بس مايصير هم مخلينها فبيتهم وترفض
طلعت هي ومراد بسيارة مراد وكان نوعها موستنج لونها احمر .،
ركب مراد وركبت مهره جدامم .،


يتبع ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 66
قديم(ـة) 29-07-2013, 05:47 AM
صورة Mero0oh الرمزية
Mero0oh Mero0oh غير متصل
©؛°¨غرامي مشارك¨°؛©
 
الافتراضي رد: روايتي الأولى :صراع من أجل الحياة ( تشرد)


&&تابع البارت التاسع&&


**بالطريج**
مهره وصلها مسج ، فتحته شافت : ليش صكيتي !! من كان وياج ..
مهره ردت عليه وكتبت : ما كان قصدي ^^ ، غيث خلاص خلني بحالي ، اذا صار لي شي او احتجت بقولك وخلاص ..
شاف المسج الي كتبته وطرش لها : خلاص براحتج
شافت المسج ، وقالت بخاطرها : مابا اعذب حد وياي ، احسن جي .. فجاه مراد شغل اغنيهه انجليزيه ، وطول ع الصوت ، وكان يسرع واييد ، وصل 180 ، مهره قصرت على الاغنيه لين الصفر وقالت : مايصير جي مطول ع الاغنيه ..
مراد : ههههههههههههه ، شكلك مطوع " وطول ع الاغنيه مره ثانيه واقوى من قبل
مهره : اوك انا مطوع عادي ، بس صك هالأغنيه ، حتى الي فالشارع يسمعونها ..
مراد : مالك دخل ..
مهره سكتت ، قهرتها هالكلمه وماقالت شي .. وطول الطريج هي متنرفزهه ، كرهت نفسها ، تحس نفسها تذل نفسها حقههم ..
مراد شافها معصببه ، راح صك الاغنيه وطلع السي دي وعقه برع بالشارع وداس عليه بالسياره ،
مهره : زين سويت ، احينن خفف السرعهه ..
مراد : لا مابي ..
فجاهه طلعت سياره جدامهم ، ومراد كان يسرع وايد ، وماقدر يتحكم بالسياره ، خلاص حس مافيه املل يطلع من الشارع ، شال ريله من البترول وضغط على البريك بقوةة ، مهره بسرعه لفت السكانن على الصوب الثاني ، طلعت السياره برع الشارع ، واصدمت بشجره بققوة ..
مهره ومراد طلعوا برع السياره ، السياره ماصار لها شي ، لانها سبورتيهه .، اما مراد كان خايف ،
شاف الموت جدامه ،
مهره : خلاص انا بسوق ، بس قولي وينن
مراد : لا ،،
مهره : طالع ويهك كيف ، قلتلك انا بسوق
مراد : خلاص اوك
&&مهره كان اخوها يعلم كيف تسوق ، لانه هي كانت تطلب منه هالشي، كانت تعرف تسوق بس مستحيل تطلع برع البيت بالسياره &&
تبادلوا ، مراد ركب جدام اما مهره كانت تسوق ، طلعت ع الشارع بعد ما شافت مافيه سياراتت ، وكانت تسوق 80 بس خايفه ، ولا مره ساقت في قطر ،
مراد كان خايف لكن لما شاف مهره : ههههههههههههههه ، ما توقعتك للهدرجه خوافف ..
مهره كانت خايفه : لا تكلمني وانا اسوقق ، اسكت ..
مراد : هههههههههههه ، اوك
كانت تسوق ومراد يعطيها التعليماتت ، لين وصلوا ، وقفت مهره السيارهه عند باب بيت كبير ، نزلت هي ومراد وقفوا جدام البيتت .. مراد دق على ***
مراد : عبدالله انا تحت تعال ..
مهره قالت بخاطرها : لا يكون يقصد عبدالله ولد عم غيث !! طالعت ويه مراد ، شافت عيونه عسليهه ، تذكرتت انه هو الي كان بيضربها بس ودرها ، شهققت !! وقالت بخاطرها : اكييد هو وعبدالله مخططين حق شي ..
نزل عبدالله وسلم على مراد وحمد .. كانهه يعرف حمد من قبل وانه بيي ، دشوا المجلس .. يلست مهره وقعد عدالها مراد وعبدالله كان مجابلهم ..
مهره كانت خايفه ، حاسه بيصير شي ..
عبدالله : حمد ..
رفعت راسها وقالت : هاه
عبدالله : انا اسف ..
مهره : ليش ..
عبدالله : مو انت كنت ويا غيث ، اول امس !!
مهره : هي ، كنت معهه
عبدالله : انا الي ضربتك ..
مهره ( هي كانت تدري من قبل ، بس سوت نفسها ماتدري ) : اها
عبدالله: انا اسف ..
مهره : لا عادي ^^
فجاهه دش غيث المجلس ، مهره انصدمت يوم شافته ، بسرعه نزلت راسها ، اما هو شاففها ، بس ماهتم ، خلاها على راحتها مثل ما طلبت ..
غيث : عبدالله ، تعال ابيك بكلمهه
عبدالله : ان شاء الله
طلع عبدالله وغيث برع وراحو بالحوش ..
غيث مسك عبدالله من رقبته بأقوى ماعندهه وقال :
غيث : والله ثم والله ،.اذا ما مسحت صور اختي من تلفونك ، وخالق هالكون اني بشتكي عليك ، وعندي دليلل ، فاإهمم !!!!
عبدالله وهم نفسهه مقطوع : خلن..ي بمم.وتت
شال ايده غيث وهو معصبب ، وطلع برع بيتهم وصك الباب بأقوى عندهه ..
مراد ومهره طالعوا كل الي صار من الدريشهه ، وقف مراد وقال حق مهره : يلا بنروح ، انا ييتت هني ، لانه عبدالله قالي انه يبي يعتذر منك ..
طلعوا برع وين ما كان واقف عبدالله
مراد : عبود.. يلا انا بروح
وطلع هو ومهرهه ، بدون ما ينتظرون رد من عبدالله ..
ركبوا السياره ، وكان مراد يسوق بس كان يسوق 100،
فجاه مهره قالت : مراد .. ليش عبدالله ضرب غيث !!
تنهد مراد وقال : شي صار من سنين ،.بين ابو عبدالله وابو غيث ، بس شنو صار انا مادري ..
مهره : اها
مراد : ماعليك من عبدالله ، ترى قلبه طيب وحبوب ، وندم وايد ، على الي سواهه ، ما شفت حالتهه لما غيث بدا ينزف ..
مهره : اهآا ..
مراد : ممكن سؤال !!
مهره : تفضل
مراد : وين اهلك !!
مهره نزلت راسها ، عيونها دمعت ، بس مسكت نفسها وقالت : الله يرحمهم ..
مراد : آمين ..
مراد انتبه حق مهره الي عيونها دمعت وسكت عنها ..
فجاه رن تلفونه رد وقال :
مراد : هلا بالحب ، شلونج
البنت : بخير وانتت !!
مراد : بخير من يوم سمعت صوتج ..
البنت : الله لا يغير
مراد : انا مشغول الحين ، اكلمج بعدين .. باي ..
وصك التلفونن ..
مهره رفعت راسها وقالتله : تحبها ولا تلعب عليها ..
مراد سكت ما قال شي ..
مهره علت صوتها شوي : مب حرام تلعب على بنات الناس !! ترضاها على اختك !!
مراد : كيفي ، انت مالك دخل ..
مهره : جاوبني ، ترضاها على اختك !!
مراد : لا طبعا
مهره : عيل خلاص ، ودرها ..
مراد: قلتلك مالك خص !! ياي بيتنا ويتشرط بعد !!
مهره سكتت عنه ، انتظرت لين وصلوا البيت ، نزلت من السياره وراحت تركض صوب الغرفه ، شالت شنطتها ، وطلعت بسرعه ، توها بتطلع من الباب .. مراد وقفها وقال : اسف والله ماقصدي ..
مهره : ودرني ، خلاص انا بروح ، مالي قعده هني ..
مراد : لا ما بتروح ..
مهره : ماتففهم !! بروح ودرني ..
بطلت الباب الي برع ، توها بتطلع بس مسك مراد يدها وقال : شفيك ، والله ماقصدي ..
مهره : صح انه اهلي راحو ، والله يرحمهم ، بس هذا ما يعني انهه ماعندي كرامهه ، مايعني اني ماحس ، نزلت دموعها بس بسرعه مسحتهم ببرائةة ..
وشالت ايدها ، وطلعت ، لكن مراد وقف جدامها ، هو طويل ، وهي طولها متوسط ،
مراد : مابخليك تروح من هني ..
مهره : مالك دخل فيني، منو انت عشان ما تخليني !!
مراد كان منصدم من تصرفات حمد *مهره* اول مره يشوف ولد جي ،
مراد : اسفف والله اسف ، مادري شلون طلعت الكلمه مني ، والله ماقصدت ..
مهره : اوك ، انا مسامحتك ، بس خلني ، مابا اقعد هني ، مب غصبب !!
سحبها مراد من يدها وقعد يمشي ، وهي تحاول تبطل ايده ، عشان تروح ، ومراد ما خلاها ، مسكت ايده الثانيه وعضته بس مو بقوة ..
مراد : اآاخخ
مهره ركضت بسرعه وصلت لين الباب ،
توها بتطلع شافت مراد جدامها ،
مهره : انت ماتفهم ! قلتلك خلني ، مابقعد هني
مراد سحبها من ايدها ،. بسرعه وراح للغرفتها ، حطها بالغرفه وشال المفتاح وبسرعه صك الغرفهه عليها ، قعد ورا الباب ، مهره عبالها انه راح ، تمت تدق ع الباب وتقول : مابا اقعد هنيي ، ماباآ ، مابا ، وبدت دموعها تنزل غصبن عنها ، هي مسكت نفسها عشان ما تبكي جدام مراد ، قعدت واسندت ظهرها للباب ، ضمت ريولها بيدها ، وقعدت تبكي ، بس مو صوت عالي ، خفيف .،
مراد كان يسمعها ، وكل ما تشهق ، قلبه يعوره ، ماتوقع انهه كلمته بتأثر بهالطريقه ،،
مهره وهي تبكي : امييه ، وينج ، شوفيهم ، ككلهم مايحبوني ، عبالهم ماعندي كرامه ، لانج رحتي عني ، محد يحس فيني ، محد يحبني ، كلهم تخلوا عني .، تعالي ضميني ، اشتقت لج والله وايد ، ليش كل الناس عندهم اهل ، ليش كلكم رحتوا عني ، تعالي شوفي حالي من بعدج ، والله ما بأذيج ولا بطلب منج شي بس رجعيلي ، مسحت دموعها ، ونامتت وماحست بشي ..


يتبع ..



تعديل Mero0oh; بتاريخ 29-07-2013 الساعة 05:54 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 67
قديم(ـة) 29-07-2013, 06:02 AM
صورة Mero0oh الرمزية
Mero0oh Mero0oh غير متصل
©؛°¨غرامي مشارك¨°؛©
 
الافتراضي رد: روايتي الأولى :صراع من أجل الحياة ( تشرد)


&&تابع البارت التاسع &&


<< مهره تقصد امها الي ربتها
اما مراد ، وايد تضايقق ، ماتوقع انه حمد *مهره *حساس للهدرجه ، يسمع انفاس مهره وهي راقده ، لانها رقدت عدال الباب ..، فتح الباب ، وشاف مهره الي نامت وهي ضامه ريولها بيدها ، شالها وهو يطالع بملامحها ، حطها ع السرير و، شغل المكيف وطلع ..
دش غرفتهه ، شغل المكيف ، انسدح ع سريره وهو متضايقق وايد ، وندمان على الكلمه الي قالها ، ويحمد ربه على انه امهه بخير وعافيه ، حس بالنعمة الي عايش فيها ، وقعد يفكر لين رقد
*************************
ماسك تلفونهه ويقول بخاطرهه : اتصل فيها او لا !!
اممم ، حط رقمها ، واتصل ، عقب ثواني ، صكهه ، وقال : لا مابتصل فيها ، هي قالت ماتبيني ..، افف ، ياخي ابي اكلمها بس مابي اذل نفسي !! ، اممممم خلاص ، مابدق ابد ، الا اذا هي دقتت ، بس شنو كانت تسوي في بيت عبدالله !! ، معقوله لها صلةة بالموضوع!! لا لا ماتوقع ..
ونامم وهو يكلم نفسه !!
*************************

انتهى البارت التاسع .،
بانتظار ارائكم + توقعاتكم .،،
مهره بتقعد عند فبيت شيخة؟؟!!
مراد كيف رح تكون علاقته مع مهره **حمد** بعد الي صار ؟!
مهره لما بتقوم بتروح عن البيت ولا ؟؟
غيث بيودر مهره ؟!

+ البارت الياي يوم الخميس بنفس هالتوقيت .،، وبيكون طويل وايد وفيه شخصية يديدة^_^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 68
قديم(ـة) 29-07-2013, 06:15 AM
صورة آكآبرٌ ؤآتعذبٌ الرمزية
آكآبرٌ ؤآتعذبٌ آكآبرٌ ؤآتعذبٌ غير متصل
©؛°¨غرامي مجتهد¨°؛©
 
الافتراضي رد: روايتي الأولى :صراع من أجل الحياة ( تشرد)


كح


•آڵسَـِْ♡̨̐ـِْڵٱمَ؏ـلـِْ♡̨̐ـِْيّيّگمَ

صباح الخير اختي الكاتبةة ,, =)

بارت قممّةة في الروعةة , بوركتي على هذه الجهود ,, وبإنتظارك يوم الخميس بإذن المولى عزّ وجل


بسس البارت كان قصير :/

يعني بخمس دقايق قريتهه ؛")

ما ادري ان كان عندك النسخة الكاملة للرواية ,, ابغي اقراها مره وحده =)

وكذلك عندي سؤال الرواية كم فيها من بارت =)

وكذلك احب أنبهك بارك الله فيگ ,, إدخلي بروفايلي وتأكدي من الجنس :/

معذرةً أطلت الكلام قليلًا ,,

دمتي سالمه ,,

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 69
قديم(ـة) 29-07-2013, 07:44 AM
صورة شمــــوخ إمــــــرأة الرمزية
شمــــوخ إمــــــرأة شمــــوخ إمــــــرأة غير متصل
أنا الله خلق فيني {معزة نفس} ما تنعاب.. وغير «الله»..محدن على كيفه يمشيني
 
الافتراضي رد: روايتي الأولى :صراع من أجل الحياة ( تشرد)


صبــــــــاح الخيــــــر
كيفــــــك؟
بخصــــوص البـــارت كان يجنــــن
وبــانتظـــــارك يوم الخميـــــس
ان شـــــاء الله
ودي ...........

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 70
قديم(ـة) 30-07-2013, 02:28 AM
صورة 3hooda الرمزية
3hooda 3hooda غير متصل
©؛°¨غرامي مشارك¨°؛©
 
الافتراضي رد: روايتي الأولى :صراع من أجل الحياة ( تشرد)


ماشاءالله مبدعة و أتمنى لج التقدم



مشكرووووورة ع البارت

الرد باقتباس
إضافة رد

روايتي الأولى : تشرد / كاملة

الوسوم
رواية حزينة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6838 08-08-2019 05:51 AM
روايتي الأولى : رشوا على قبري من دموع عينه / كاملة على شاطئ النسيان روايات كامله - يتم نقل الرواية هنا بعد اكتمالها 896 24-02-2016 01:07 PM
روايتي الأولى: لتر واحد من الدموع / كاملة هند عبدالله روايات كامله - يتم نقل الرواية هنا بعد اكتمالها 147 23-10-2012 09:08 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM

الساعة الآن +3: 02:40 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1