غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 01-07-2013, 10:53 PM
صورة Mero0oh الرمزية
Mero0oh Mero0oh غير متصل
©؛°¨غرامي مشارك¨°؛©
 
الافتراضي روايتي الأولى : تشرد / كاملة


آأهههّ شقددْ قِصتي تعوور القْلبب .~
الدنِيا صفَعتني من كلْ جَانبب .~
الخيَر مَ ياني لَأ من صديقق أو قَرييبّ .~
كلهممَ جرحونيّ وترَكوأ ذِكرى شينةة في قَلبي .~
كلهممَ عوروا قَلبي .~
طُول عمريَ وأنا وحيدةة لا من حس فيني أو دَرى .~
لكننّ ما أقُول غيرْ الله كرييم والعَوض بالجنة .~
**************
هُنا أضع روايتي الأولى بعنوان صِراع من أجِل الحَياة ( تَشَرْد) .، الرواية خيالية .، ولكن بعض المواقف البسيطة صارت بالواقع .،، عندي قناعات تمنيت أوصلها للعالم من خلال روايتي .، هاي مو أول رواية اكتبها .، كتبت السنه الماضية رواية بعنوان صرع من أجل الحياة ( لعبة القدر ) .، كتبتها باللغة العربية الفصحى ، كملت تقريبا 5 فصول ، لكن توقفت عن كتابتها بسبب ظروف الدراسة .،، وما كملتها .، وكتبت هالرواية وكملتها كلها :) اما هالرواية ، كتبت البداية باللغة العربية الفصحى ، وعقب بالعامية .. انا نزلتها من قبل على الآسك ., ولكن لم يقرآها إلا القليل ..،
~~ اتمنى توصلني ارائكم وتوقعاتكم عن الرواية ~~
ملاحظة : روايتي تخلو من البويات وهالسوالف .~
ما أحلل النقل دون ذكر اسمي .~
تحياتي ..
Mero0oh
*ثواني وأنزل البارت الأول *


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 01-07-2013, 11:03 PM
صورة s5s5 الرمزية
s5s5 s5s5 غير متصل
©؛°¨غرامي مجتهد¨°؛©
 
الافتراضي رد: روايتي الأولى / صِراع من أجِل الحَياة ( تَشَرْد)


السلام عليكم ..
موفقه حبيبي في روايتك ..
نزلي البارت و ان شاء الله تشوفين تفعال ..
موفقه مرا ثانيه ..
..
حروف راقيه
..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 01-07-2013, 11:07 PM
صورة Mero0oh الرمزية
Mero0oh Mero0oh غير متصل
©؛°¨غرامي مشارك¨°؛©
 
الافتراضي رد: روايتي الأولى / صِراع من أجِل الحَياة ( تَشَرْد)


البارت الأول

اصبحت الساعه الثالثهه ليلا ، ولم تنم بعد ، تملؤها الأفكار السيئةة والذكريات المؤلمةة ، كادت ان تفقد عقلها من شدة التفكير ، اصببح الجو خانقا جدا مع شدة برودته ، لم تعد تستطيع تحمل المزيد ، أخذت رداء أسود وغطت يديها اللتان كانتا ترتعشان من شدة البرد ، خرجت من باب شقتهمم الصغيرهه ، واغلقته بهدوء و جلست على عتبات الرصيف اسففل الشقهه ، ترى السما ، تتمنى أمنياتت طائلةة لا حدود لها ،تتذكر نفسها قبل اسبوعان! في نفس هذا الوقت كانت تضحك ، وتلهو والآن اصبحت بهذا الحال ، تفكر بشدهه وقلبها ينبض بألم ، فجاهه قطع تأملاتها شخص لا تعلم من هو ، مرت دقيقة وهي تتأمل بهذا الشخص تشعر بأنها رأته من قبل و لكن لم تبالي لوجوده واكملت تخيلاتها ، جلس بجانبها ! ، تضايقت من وجوده وتتركته وعادت إلى الشقه ، حيث كانت خالتها بانتظارها ، الم اقل لك ان لا تخرجين لوحدك وبهذه الساعه !! ، اذهبي ونامي الآن حالا ، لم ترد عليها وإنما ذهبت لغرفتها ، وضعت رأسها على وسادتها وكأنها تضع آنكسارتها عليها واغمضت جفونها ..
*******
استيقظت في الصباح الباكر على صوت منبهه مزعج يوقظها للاستعدلد للمدرسه كانت تقول في نفسها : اليوم هو اول يوم لي بالمدرسه ، لازم ما أكلم حد مول ، ولا اتعرف على أحد . بدت تمشط شعرها الي صبغته اسود بكامل وقصته 4 طبقات قصار والي كان طوله لين رقبتها ، وكالعادهه حطت قصتها ع جانب وبدتت تغير الحلق الي حاطته ، كانت ثاقبه اذنها 3 ثقوب ، لبست مريولها الي كان طويل مع شيله سودهه .
خالتها : مهره ، يلا طلعي برع عشان اوصلج للمدرسه وارؤح شغلي لا تتأخرين .
كالعادهه مهره ما كانت ترد ع حد ولا حتى خالتها ، طلعت من البيت وهي شايله شنطتها ، ركبت السياره والي كان نوعها لاند كروزر 2012
ركبت مهره ورا ، تضايقت خالتها لانها ما ركبت جدام لكن خلتها ع راحتها ، مهره تشوف الشارع وتفكر ، كيف تقدر تتقبل هالحياه الي تعيشها ! كانت فالاماراات قبل اسبوع واليوم هي فقطر ، وهي تطالع الشارع شافت نفسه الشخص الي شافته امس فليل ، تدقق في ملامحه ، تحس انه شافته من قبل بس وين ما تتذكر ، ماحست الا وهي بالمدرسه اليديده الي ما تعرف عنها شي ابد ،
خالتها : انتبهي على نفسج وانا كلمت معلمه عشان توديج للصف وتشوفج ، بعد ما سمعت مهره كلام خالتها صكرت باب السياره بدون ما تقول شي ، خالتها ما كانت تتضايق من تصرفات مهره ، لانه الي عاشته مهره كان صعب وايد وما كل حد يقدر يتحملهه ، دخلت المدرسه وشالت شيلتها من على راسها ، اول مره تدخل مدرسه في قطر مو متعوده على شي ابد ، راحت تدور ع صفوف اول ثنوي ، استوقفها اسمها (مهره حمد ) في لائحة اسماء الطالبات الي محطوطه في باب صف اول ثنوي أ ، دخلت الصف الي كان فاضي مافيه حد تأملته شوي ، تذكرت ربيعاتها : ميره - فطوم- يزوي - عواش ، تذكرت لما كانت تيي من وقت اول يوم عشان تحجز لها وحق ربيعاتها احسن مكان بالصف ، تنهدت وراحت ورا اخر كرسي بالصف ، حطت شنطتها ، وصارت تفكر بعالم ثاني ، فجاه سمعت صوت ضحك ، دخلت شلة بنات الصف وهمم :
روان : بشرتها سمرا قصيره ، شعرها طويل اسود ، عيونها بنيهه .
شوق : بيضا واطول من روان بشوي ، شعرها قصير بني ، لون عيونها اسود .
شيماء : طويله سمرا ، شعرها قصير لونه مابين الأشقر والبني ، عيونها بنيه واسعهه .
ساره : طويله بيضا ، شعرها طويل لونهه اسود عيونها واسعه عسليهه .
مهره ما اهتمت لأمرهم ولا حتى رفعت عيونها عشان تشوفهم ..
روان : يا كلببات فالآجازه ما تسألون ولا شي !!
شوق : وانتي ليش ما تسألين !
ساره : تمم قصف الجبهه بنجاح ههههههههههه
شيماء : ههههههههههههه
شوق : شوفو الي قاعده ورا (تأشر ع مهره ) شكلها يديده .
سارهه : تعاللو نشوف شنو سالفتها ،
كل الشله راحو حق مهره ، بس مهره ما كانت منتبهه لهم ابد ،
روان : انتيي يديده!!
مهره ما سمعتها ، لأنه صوتها كان واطي وهي كانت تفكر فشي ثاني ، راحت ساره وصرخت في اذن مهره ، انفجعت مهره ونقزت من مكانها .
شيماء وشوق وروان : ههههههههههههههههههههههههههههههههههههههه ، حرامم عليج خوفتي البنت ،
ابتسمت مهره ، كانت هاذي اول مره تبتسم من اسبوعيين ،
شيماء : انتي يديده بالمدرسه صح !
مهره : هيه ...
شوق : شكلج مو قطريه ، من وين انتي !
مهره : من الإمارات ..
سارهه : يا هلا والنعمم والله
ابتسمت مهره ،
شيماء : انزين ويا ويهج ليش قاعده بروحج !
سحبتها من ايدها وشالت شنطتها وأشرت ع كرسي ورا كرسيها وقالت : هذا كرسيج من اليوم ورايح وما تيلسين ورا ابد .
شوقق : ما قلتي شنو اسمج !
مهره : اسمي مهره
شوق : مو حلو , اسمي احلى
شيماء : ههههههههههههههههه مو كأنج اول تقولين يالييين يكون اسمي مهره .
سارهه : شكلها ميته من القهر ههههههههههههههه.
شوق : اقول ، كلو خراكم بس
روان : عصبت عصبت هههههههههههههه
فجاهه دخلت شلة 2 والي مكونة من :
أميره - عبير - أمل - اسماء
شيماء قالت بصوت واطي : وصلوا الحيوانات ....
ساره وشيماء و روان : هههههههههههههه ، خلاص خليهم يولون مالنا خلق ناخذ تعهد مثل السنه الماضية .
روان : يلا نطلع نرؤح ندور بالمدرسه شوي .
راحو وهم عبالهم مهره بتتيي معاهم بس شافوها قعدت ع الكرسي وفاتحه دفتر وتشخبط فيه ،
سارهه : مهره يا حيوانه تعالي ، لازم نعزم يعني !
شوق : ترا ساروه حماره ماعليج من اسلوبها يلا تعالي ،
راحت مهره معاهم ،كانو كلهم يسولفون ماعدا مهره ، الي ما كانت مهتمه بسوالفهم ،
سارهه: مهروه ليش ساكته ، سولفي قولي اي شي .
مهره : ماعنديه شي اقوله ،،،
شوق : تعالي بسألج ، كيف قدرتي تثقبين اذنج 3 انا مره ثقبت وانسدتت اذني ،!
مهره : انا ثقبت اذنيه 4 مرات عشان يصير ،
شيماء : ماشاء الله ، كيف قدرتي تتحملين !
ابتسمت مهره وماقالت شي ، ظلت تمشي ساكته ، تسمع سوالفهم بس ما تثير اهتمامها ، فجاهه قالت : يلا برؤح الصف ، وراحت بدون ما تنتظر منهم كلمهه .
شيماء : اموت واعرف ليش تتصرف جذي !
شوق : لو ركزتي في ملامحها تحسين انها مصدومةة من شيء بس شنو مادري !
سارهه : لا تخافون باجر بييب لكم قصتها بالتفصيل الممل ،
روان : اي عاد انتي تموتين بالسوالف .
شوق : هههههههههههههه
دخلت مهره الصفف وشافت بناتت وايد ، ماهتمت وقعدت ع كرسيها وطلعت دفتر من الشنطه وقعدت ترسم وتكتب ، دق الجرس وراحو كل البنات عالطابور وكانت تمشي وراهم وماتعرف شو السالفه ، لين انتهى الطابور ورجعوا ع الصف ,,
اليومم الأول مافيه دراسه كالعاده ، توزيع كتب وبس ،،
الحصه الاولى يات معلمه ووزعت الكتب وراحت ،، كانو كل البنات الي بالصف يضحكون أو يسولفون ، ماعدا مهره قاعده برؤحها تطالع الأرض ، وتكتب في دفتر .
فجأه ما حست الا الدفتر انسحب من ايدها ، رفعت راسها لتشوف بنت ضخمهه ، مهره عصبت قالت عطيني الدفتر ! ردت البنت : واذا ما عطيتج ! ،
مهره : قلتلج عطيني الدفتر !
بدت البنت تقرا الي مكتوب بالدفتر
رحلت، وانا من لي بعدك ! تعال وخليني ارتمي في احضانك ، ههههههههههه ، والله مو سهله ، اشكره كتبتيه حق حبيبج! ، مهره صرخت
والله ثم والله اذا ما عطيتيني الدفتر بتشوفين شي عمرج ما شفتيه ،!
بدت البنت تكمل تقرا الي مكتوب بالدفتر كيف انا بعدك اعيش ، ارجع ولملم جروح قلبي ، انا مننن لي بعدك ، من لي !

** تابع **


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 01-07-2013, 11:13 PM
صورة Mero0oh الرمزية
Mero0oh Mero0oh غير متصل
©؛°¨غرامي مشارك¨°؛©
 
الافتراضي رد: روايتي الأولى / صِراع من أجِل الحَياة ( تَشَرْد)


تابع البارت الأول

ههههههههههههه ! ما حست والا كف ياها من مهره ، سحبت مهره الدفتر وقعدت مكانها ، انصدمت البنت من حركه مهره وما كانت متوقعهه انها للهدرجه قويه! وراحت حق مهره ،
البنت : من انتي عشان تمدين يدج علي !
مهره طالعتها وماردت عليها ،
البنت : ما تسمعيين !!
مهره ما ردت عليها ،
رفعت البنت يدها عشان ترد الكف الي عطتها مهره اياه ، وماحست غير بيد توقفها ،،
سارهه : اذا ما خليتيها بحالها ، والله بتشوفين شي ما شفتيه !
راحت البنت عن ساره ومهره ...
سارهه : هاذي البنت . اسمها أميره لا تعطينها ويه ، راعيه مشاكل ، وابتعدي عنها ..
مهره : مشكورهه !
ابتسمت ساره وقالتت:
مهروه مو سهله ،، شكلج تحبين !
مهره : لا يروح تفكيرج بعيد كنت اقصد ابوي ..
سارهه : اهإا
سكتت سارهه ، تحس انها تفشلت وراحت حق شلتها .
مر الوقت بسرعهه وماحست الا وهي رجعت بيت خالتها ..
اول ما رجعت البيت , خذت شور وصلت صلاة الظهر ..
مهرهه , مهرهه
مهره : نعم !
خالتها : تعالي عشان تتغدين ,
مهره : مابا اكل شي ..
وصكت باب الغرفه وانسدحتت ,
وقعدت تذكر شوي ،،،،
يومم الجمعهه كانت عازمه ربيعاتها ،، كان البيت فاضي لانه امها و ابوها و اخوانها سيف وعزام واختها روضه طالعينن وهي استغلت الفرصه وعزمت ربيعاتها ميرهه وفطوم ويزوي وعواش وخبرت الخدامه عشان تسويلهم عشا ,,
وصلو ربيعاتها ،، واستانسو كانت يمعتهم ضحكك ومصخرهه
الساعه 10 فليل راحوو ربيعاتها وقعدت تنتظر امها وابوها واخوانها .. صارت الساعه 12 ومحد ييا ،، فتحت التلفزون وقعدت تشوف القنوات فجاهه حست انه قلبها عورها بدون ماتعرف السبب ، خذت فونها ودقت على امها ..
امها ماتترد
اتصلت ع ابوها
بعد مايرد !
اتصلت على عزام
وكان مغلق
تنهدت شوي وقالت إن شاء الله خير ..
فجاهه حد دق باب البيت ..
طلعت وقبل لا تفتح الباب قالتت منوو !!
: احسن الله عزاج
انصدمتت ! وفتحت الباب ، شافت المنظر الي للحين مو قادرهه تنساه ، شافت امها وابوها واخوانها واختها جثث! مافيها روح دخلو جثثهم داخل البيت ! مهره مو مصدقه شو الي قاعد يصير ! ركضت حق امها ، وقعدت تهزها
مهره : اميهه قوميي ، ليش راقده للحين ! انتي مارحتي صح! قققومي وتهزها ، دموعها خانتها وبدت تنزل مثل المطر ،، راحتت حق جثهه ابوها ،،
مهره : ابوييه .. ققوم ، شفيكم كلكم راقديين !! ، ابويه قوم الله يخليك ققوم ، انت قبل ما تطلع قلتلي بتشتري لي هديه ،، وينها !! اببوويه قققوم ! لا تخليني وترؤؤح ! ابويييييهه!!
راحت حق عزامم ،، عزاإاإممم ققوم ، قولي انه مققلب ، قولي انه مو صدق ، قولي انكم ما رحتو عنيي ، ققول انكم تمزحون !! شفيك ليش ما تقوول !!
فجاهه دخلو حريم الفريج وقعدوو يهدون مهره ،،
مهره : روحوا عني ! ماباكم ، شو تببون !! امي وابوي مافيهم شي ،،
شافتت بعض الحريم كانو شايلين الكفن ويريدو يشيلونن امها واختها عشان يغسلونهم عقب يكفنونهم! وقفت مهره جدامهم ،
مهره : شو تببون ! ليش شايلين الكفنن ! علت نبرة صوتها : ماتفهموون ! قلتلكم مافييهم شي وبدت دموعها تزيد .. والله مافيهم شي ، روحوا شو تببون !! لين طاحتت بالأرض ، مو قادره تتحمل كل هاي ، مو مصدقه شي ابد ، شالوو الجثث عشان يغسلونهم واتفقوا انه الدفن يكون السبت الصبح ،، اما مهره ماقدرت تتحمل كل هاي ودخلت غرفتها وتركت مساحه لدموعها
*************************
اإاإاه ، وينج امييه .. اشتقتت لج ! تعاليي وقوليلي انه الي صار مققلب ! ، نزلت دمعه من عين مهره ، لكن بسرعه مسحتها ، لانها عاهدت نفسها انها ما تبكيي ابد ! لانه محد يستاهل دموعها عقب امها وابوها واخوانها .. ونامت وهي تحاول ما تبكي !

****
انتهى البارت الأول ..
بانتظار ارائكم
^^
البارت الثاتي ان شاء الله عقب باجر يوم *الأربعاء*


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 01-07-2013, 11:14 PM
صورة Mero0oh الرمزية
Mero0oh Mero0oh غير متصل
©؛°¨غرامي مشارك¨°؛©
 
الافتراضي رد: روايتي الأولى / صِراع من أجِل الحَياة ( تَشَرْد)


اقتباس:
المشاركة الأساسية كتبها حروف راقيه .. مشاهدة المشاركة
السلام عليكم ..
موفقه حبيبي في روايتك ..
نزلي البارت و ان شاء الله تشوفين تفعال ..
موفقه مرا ثانيه ..
..
حروف راقيه
..
وعليكم السلام ورحمة الله وبركاته ..
وياج ي رب ..
خلاص نزلته ..
الله يوفقج ويحفظج ونورتي بهالطلة الحلوة ^_^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 02-07-2013, 12:45 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: روايتي الأولى / صِراع من أجِل الحَياة ( تَشَرْد)


صباح الخير ...ياهلا فيك بغرام ... موفقة بطرحك ... بداية جميلة جدا ومشوقة ... حبيت السرد الي بالعامية لانه كان اخف من الفصحى ويدخل القلب بسرعة غير كذا يعطينا مجال نعيش في تخيل الاحداث ... مهرة والصدمة الي اكبر من عمرها فقد عيلتها كاملة والى وين بتوصل بحياتها وهل بتلاقي الشخص الي بفهمها ويعوضها عن يتمها وفقد اخوانها وتغير البيئة الي كانت فيها ... ننتظر ونشوف تطورات الاحداث

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 03-07-2013, 02:48 AM
صورة Mero0oh الرمزية
Mero0oh Mero0oh غير متصل
©؛°¨غرامي مشارك¨°؛©
 
الافتراضي رد: روايتي الأولى / صِراع من أجِل الحَياة ( تَشَرْد)


اقتباس:
المشاركة الأساسية كتبها وردة الزيزفون مشاهدة المشاركة
صباح الخير ...ياهلا فيك بغرام ... موفقة بطرحك ... بداية جميلة جدا ومشوقة ... حبيت السرد الي بالعامية لانه كان اخف من الفصحى ويدخل القلب بسرعة غير كذا يعطينا مجال نعيش في تخيل الاحداث ... مهرة والصدمة الي اكبر من عمرها فقد عيلتها كاملة والى وين بتوصل بحياتها وهل بتلاقي الشخص الي بفهمها ويعوضها عن يتمها وفقد اخوانها وتغير البيئة الي كانت فيها ... ننتظر ونشوف تطورات الاحداث

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

صباح النور ^^
ممشكورة على تشجعيج الحلو ^^
والأحداث بتبدا أكثر في البارت الثالث ^^
منورةة والله ^^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 03-07-2013, 04:08 PM
صورة Mero0oh الرمزية
Mero0oh Mero0oh غير متصل
©؛°¨غرامي مشارك¨°؛©
 
الافتراضي رد: روايتي الأولى :صراع من أجل الحياة ( تشرد)


البارت الثاني


مر اسبوع ، وما صار شي يديد غير انه سارهه عرفت عن مهره كل شي وصارت دايما توقف مع مهره وما تخليها بروحها ** وعرفت مهره الشخص الي كانت تحاول تذكر من هو !! وإلي هوو غيث ، تذكرت انه هو ساكن عدال شقة خالتها من زمان ولأنها احيانا كانت تيي قطر مع أمها ،، كانت تشوفه دايم *****
غيث : عمره 18 سنه صف ثالث ثنوي ، طوويل ، لون بشرته ابيض مائل للحنطي ،، يعني مو اسمر ولا ابيض ، عيونه واسعهه ناعسهه لونها بني فاتح ،، شعره ناعم كثيف بس مو مطولنهه لونه اسوود .
ومالهه غير اختهه مها .
مها : قد مهره ,, بس مو بصفها تشبهه اخوها غيث ،، عيونها واسعه بنيه شعرها طويل اسود وهي قصيرهه ..
مها وغيث علاقتهم قويهه وايد ، ومالهم غير بعض ،'
*************************
صار لها اسبوعين في قطر وبدت تتعود ع الوضع شوي ،، يومم الأحد قامت مهره تصلي الفير ، صلت وخلصت ، راحت سطح العماره التي تسكن فيها خالتها ،، ترتاح لما ترؤح هناك ، لانه تكون بروحها ومحد يكون موجود خصوصا فتره الفير ، شافت الجو مغبر ورييح قووووويه ، قعدتت تطالع الجوو وارتاحت حييل .
نزلتت و قعدت تتجهز حق المدرسه ، كانت مستانسه عشان الجو ، اول مره تستانس من يوم توفوا ابوها وامها ،وعقب راحت تتريق ! استانست خالتها ، لانه بالعاده مهره ما تتغدى ولا تتريق بس تتعشى ،*
****** في مكان ثاني *******
: غيث , انزل تريق
غيث وهو يسحب اللحاف : اليوم مارح اداوم ,, ابي انام ، ولما اقوم بتريق .. يلا صكي الباب وراج *
مها : اوك , عيل حتى انا ما بداوم
غيث : غصبن عنج تداومين ,, يهال آخر زمن بعد ما تبي تداوم ههههههههههههههه !
انقهرت مها وصكت الباب بققوة ، ونزلت تتريق **
دشت مهره الصف ، لفت نظرها ع البنات وما لقت ساره ، حطت شنطتها وقعدت تتمشى في ساحة المدرسهه برؤحها
وهي تمشي كانو فيه بنتين من صفهمم يمشون جدامها ، لما كانت تمشي كانت منزله راسها فجاهه سمعت هالبنتين يقولون ،
اسماء : تعرفيين مهرهه الاماراتيهه الي يات هالسنه بس ،
عبير : اي , شفيها ؟
اسماء : ما لاحظتي انها دوم تقعد بروحها ، وما تكلم غير سارهه !
عبير : اي ..
اسماء : هي تعيش ويا خالتها ,, امها وابوها واخوانها توفوا بحادثث ! عشان جذي يات قطر لانه مالها غير خالتها ،،
عبير قالت بنبرة ضيق : اهآا ، مسكينة الله يعينها ، ويرحم اهلها .
اسماء : تصدقينن انه سارهه تتقرب منها لأنه مهره كاسره خاطرها ،
عبير : وانتي شدراج !
اسماء: بس ، أنا حسيت جذي ،'
كانت مهره وراهم وسمعت كل شي ، تنهدت ورجعت الصف ، وتضايقتت !! ، مهره عندها كبرياء كبير وتكره حد يقول انها كاسره خاطره ومن ناحية اخرى عرفت ليش ساره تتقرب منها ، وتضايقت وقررت ماتكلم سارهه إلا لما تسألها ،' يات الحصه الأولى كان عليهم رياضيات * وبدت الابله تشرح ، مهره تسمع شو تقول ، وفاهمه عليها بس كانت ترسم فالدفتر ** فجاه الابله سألت سؤال محد عرف يجاوبه في الصف ، الابله كانت منقهره انه مهره ترسمم فحصتها ، صرخت وقالت مهره وقفي ! وقفت مهره وما قالت شي ، قالت يالسه ترسمينن وما منتبهه ، خلي الرسم يفيدج !! مهره ماردت عليها ، المعلمه انقهرت قالت يلا جاوبي السؤال واذا ما جاوبتيهه بتشوفين ! قالت مهره الآجابه 6 ، وبالفعل كانت اجابه مهره صح ، استغربت المعلمهه ،وما قالت شي ، الشي الي ما يعرفه حد من صف مهره ، انه مهره ذكية وبشكل كبير وكانت تطلع الاول ع المدرسه دوم ، بس لما يات قطر ما كانت مهتمهه ،، لما خلصت الحصه كل بنات الصف طلعوا برع الصف لانه المطر بدا ينزل ، وكل حد كان مستمع ، اما عن مهره وقفت في وسط المطر ، دعت ربها .
" يارب ارحم أبي وامي وإخوتي ، انك انت الرحيم " ،، زاد المطر والبرق والرعد وريييح قويةة ، قالت مديره المدرسه انه كل الطالبات بيرجعون للبيت ، عشان الجو ، مهره ماعرفت شتسوي لانه رقم خالتها مو حافظتهه ولا تعرف شي ابد ، قعدت تنتظر خالتها في وسط المطرر على امل انها تيي ،' كانت شايله شنطتها و واقفه تنتظر خالتها ،' كل البنات راحو ، بقت هي ، تذكرت انها نستت مقلمتها فالصف ، راحت بسرعه الصف وقعدت تدور مقلمتها ما حصلتها ، فجاههه ، انقفل باب الصففف !! مهره استغربت وراحت بسرعهه تطالع من الدريشه ، شافت حارس المدرسه قفل الباب ومانتببه لوجودها ،' قعدت تدقق ع الدريشه عشان ينتبه ، بس صوتت الريح والرعد كان اقوى ، حارس المدرسه بعد ما قفل كل شي ، رجع لبيته عشان الجووو ،، بقت مهره برؤحها بالمدرسهه !! والجو يخوف ، ريح ومطر وبرقق قويي ورعد ! مهره لانها ضعيفه قدرت تطلع من الدريشه ، وكانت تفكر شتسويي ! قعدت عدال الصف عشان ما تصير ثيابها كلها ماي ، والمطر كان يزيد وغزير ، قررت انها تنقز من سور المدرسهه وترؤح شقة خالتها مشي ، لانها مو بعيد وايد ، بس مهره ما كانت حافظه الطريج عدل ، كان فيه كراسي عدال سور المدرسه ركبت عليهه وقدرت انها تركب سور المدرسهه ورمت شنطتها اول عقب نقزتت ، بدت تمشي ، والمطر كان غزير ، كلها تلعوزت ماي ،، فجاه ذاكرتها خانتها وماعرفت وين ترؤح !! لقت نفسها ضايعهه ماتدري وين ترؤح !!
*******+++++********
مها وصلتت ولقت غيث يالس يطالع المطر من الدريشهه ومستمع بالمنظر ، راحت رمت شنطتها على الغنفه ، انتبهه لوجودها ،'
غيث : اوهه ، مرجعينكم من وقتت !
مها : اي ، ماتشوف الجو يخرع
غيث : انزين ، شفتي مهره !
مها : لا
غيث : مهوووووي
مها : هاه ، شتبي
غيث : ممكن طلب قولي تم
مها : قبل قول ، شنو تبي ؟
غيث : رؤحي شوفي ، مهره رجعت بيتهم ولا ،!
مها : مابي
غيث : يلا رؤحي ، ترا بيتهم جريب ، عشان خاطري ، انتي تدرين مالها حد ويمكنن ضيعت ويمكن هي للحين بالمدرسهه ،'
مها : ممممممم ، اوكك بس لا تخلي امي تعرف ، تدري من يوم توفى ابوي الله يرحمه ، صايره عصبيه ومو مثل قبل .
غيث : اوكك ، يلا روحي ، انا بكلمها وانتي طلعي بسرعهه ..
*************************
مهره ماتدريي وين هي.، ضيعت الطريج وكانت تمشي بس ما تدري وين بتوصل والمطر يزيد ، كلها تلعوزت ماي ، الكل في بيوتهم هاللحظهه إلا مهره ، مهره دمعت عينها وهي تتذكر امها وابوها وتقول في خاطرها لو كانوو احين حيين ما صارت بهالحال الحين .،
************************
رجعت مها بيتهم ، بعد ما عرفت من الخدامه انه مهره للحين ما رجعت ، دشت البيت شوي شوي عشان محد يلاحظ وجودها ، فتحت الباب وكانت امها تنتظرها.،
امها : من وين يايهه !
نزلت مها راسها وماقالت شي
امها علت صوتها : ماتفهميين !! وين كنتي رايحه ،!
مها : مع بنت الجيران
امها :لا تكذببي..!
وقبل لا تكمل كلامها تدخل غيث وقال
: يمهه ، حدج عاد ، من يوم توفى ابوي وانتي جذي تعاملينا ، ترا كفايهه ، خلاص ، حتى احنا نشتاق حق ابوي واكثر منج ، الله يخليج لا تزيدينها علينا .،
سحب غيث يد مها وراحووا
مها ما قدرت تتحمل وقعدت تبكي !
لمها غيث ،
غيث : آسفف ، بسببيي صار كل هاي .،
مها ما قالت شي ، وقعد غيث يهديها ... لين هدت ، طالع غيث ع المطر وشاف انه المطر ما توقف وقاعد يزيد ، تذكر مهرهه ،
غيث : مهره رجعت ولا
مها : سألت الخدامه ، وقالت انها للحين مارجعت ولا خالتها رجعت .،
طلع غيث من بيتهم ، وراح يدور ع مهرهه ، كان حاس انه فيه شي صار .،

تابع ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 03-07-2013, 04:13 PM
صورة Mero0oh الرمزية
Mero0oh Mero0oh غير متصل
©؛°¨غرامي مشارك¨°؛©
 
الافتراضي رد: روايتي الأولى :صراع من أجل الحياة ( تشرد)


تابع البارت الثاني
راح على طريج مدرسة مهره ، وكان شايل مظله ، لانه المطر قاعد يزيد .، دور كل مكان ما لققى مهره ، لين وصل المدرسه ، شاف باب المدرسه مقفولل ، راح يدور ع كل طريج جريب من المدرسهه ، مالقى شي !! لين فقد الأمل وقال يمكنن خالتها خذتها ، وهو راجع طرى على باله مكان ، حس انهه يمكن تكون موجوده هناك ، راح وبسرعهه ،'
*************************
مهره عندها ضيق بالتنفس ، ولانه المطر يزيد اختنقت وماقدرت تكمل مشي ، قعدت ع الارض والمطر يزيد وهي ترتجفف ، ماقدرت تتنفس للحظه ، رفعت راسها ، شافت غيث ياي صوبها ، *************
حط غيث المظله على مهره ،
غيث : مهره ، مهره ، انتي بخير !
مهره كانت ترتجف من البرد ، ومو قادره تتنفس !
غيث وكان خايفف : مهره ، ردي علي ، انتيي بخير !!
شافها قاعده ترتجف ، شال الجاكيت الي كان لابسه واليي مصنوع من جلد لونه اسود ، ولفه على مهره ، مهره حست بالدفئ شوي ، المطر بدا يوقف شوي شوي ، وقدرت مهره تتنفس ، مسك ايدها وسحبها عشان مهره توقف ، وقالها اتبعيني بس .،
مهره سمعت كلامه وقعدت تتبعه كان يمشي هو جدام وهي ورا ، وكل شوي تعطس ،.لانها زكمت وكل ما تعطس غيث يضحك لانها عطستها صغيرهه تضحك ، لين وصلوو الفريج ، جرب غيث صوب مهره ، وشال جاكيتهه ، وقال : ديري بالج مره ثانيه وراح ،'
*************************
اما مهرهه .، دشت شقتهم وبدلت .، وراحت ترتاح لأنها زكمت وبقوةة
*************************


انتهى البارت الثاني ^^
البارت الثالث يوم الجمعه ان شاء الله ^^
بانتظار ارائكم وتوقعاتكم
+ في البارت الثالث بتبدا الأحداث أكثر ، البارت الأول والثاني مجرد بداية للرواية^^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 05-07-2013, 04:01 PM
صورة Mero0oh الرمزية
Mero0oh Mero0oh غير متصل
©؛°¨غرامي مشارك¨°؛©
 
الافتراضي رد: روايتي الأولى :صراع من أجل الحياة ( تشرد)


البارت الثالث



الأياإامم تمر بسرعهه وكل يوم يصير حال مهره احسن من قبل ، علاقتها مع خالتها صارت احسن وبوايد ، ومهره صارت ما تستغنى عن خالتها ، اما عن سارهه كانت تكلم مهره دوم ، ومهره صارت تكلمها اما مها صارت جريبه وايد من مهره وسارهه .، وصاروو وايد مع بعض ، ام غيث صارت احسنن من قبل .، ومهره بدت تشد حيلها بالدراسهه اكثر ..
ملاحظه : مهره يات قطر في الفصل 2 ، يعني الفصل 1 كانت بالامارات ....
في آخر يوومم اختباراتت ** كان اختبار رياضيات ، دقق الجرس ، مهره سلمت الورقه وطلعت ، اما سارهه كانت متورطه مو عارفه تحل ، وكانت تقعد عدال الدريشه ، لما طلعت مهره راحت صوب الدريشه ، عشان تغشش سارهه ، لما شافت ساره مهره يايه ضحكت لمهره والابله الي تراقب سمعتها بس ماشافت مهره و قعدت تطالع سارهه وما شالت عيونها عنها ،' مهره كان عندها نسخه من الاختبار ، راحت حلتها ، وكانت تريد تعطي ساره بس الابله كانت تطالع سارهه ، مهره كتبت على ورقه / لا تطلعيين ، برؤوح وبيي لا تسلمين ورقتج / ،' وراحت مهره تدور ع مهوي ، شافتها طالعه من الاختبار سحبتها وقالتلها تعالي ، ساروهه متورطه مب عارفه تحل .، وقعدوا يخططون كيف يشيلون عيون الابله عن سارهه
************************
في قاعهه الاختبار .، سارهه قاعده تنتظر مهره ، فجاهه دقت مهوي الباب ، قالتت : ابلهه ، في حد يريدج برع ، قالت الابله من ؟ ، قالت سارهه : مادري ،' ولما كانت مهوي تكلمم الابله ، مهره عطت نسخة الاختبار الي حلتها حق سارهه ، وعقب ساره سلمت ورقتها وراحت مع مهوي ومهره
***********************
سارهه : لو ما مغششيني ، كنتت برسبب ، الاختبار صعب ماعرفت احلهه .
مهره : هييه ، بتخلص المدرسه ،عاد مابقدر اجوفج، بس مهوي بيتهم جريب منا ..
سارهه : اي والله بتوحشوني ،' انا بسافر شهر للكويتت ، تدرون اهلنا هناكك ..
مهوي : لاإ حراإاإام ، لا تروحين .،
سارهه : والله مو بيدي .، إن شاء الله لما ارجع ، اشوفككم ..
مهره : إن شاء اللهه .،
سارهه : اعتقد ابوي ييا ، يلا برؤؤح ، حضننت ساره مهره ومهوي ، عيونها دمعت لانهها ما بتشوففهم شهر وبترؤح عنهمم .،
مهره : نتلاقى إن شاء الله
راحت سارهه ، بقوو مهوي ومهره ينتظرونن .، وكانوو يسولفون ويخططون شو يسوون بالاجازهه .،
يات امم مهوي ، سحبت مهوي مهره وياها قالت يلاإ بنووصلج على طريجنا ،
مهره : اييه ، مابا فشيله ، خالتي بتيي وتاخذني
مهوي : لاإ ، يمكن تتأخر .، يلا تعاليي
سحبت مهوي مهره ورركبوا السيارهه ،
مهره : السلام عليكمم ....
ام مها : وعليكم السلام .، شخبارج مهره ؟
مهره : بخير ، ربي يعافيج ...
ومشووا ، طول الطريج هم يسولفون وماسكتوو اببد .، لين وصلوا ..
مهره : مشكورةة ، ماقصرتي ..
ابتسمت ام مها .، مهره حضنت مها ، وراحت شقة خالتها ****كانت مستانسه ، ما كانت تدري شو ينتظرها *****
فتحت باب الشقةة ، انتبهتت لها الخدامه وراحت تركض صوب مهره قالت : مدآممم تعببانن ...
راحت مهره صوب غرفه خالتها ، شافت منظر ، ولييتها ما شافتهه انصدمت ووقفت عدال باب غرفة خالتها ، شافت خالتها عدالها طبيبة تسوي لها تنفس اصطناعي .، رجع ينبض قلب خالتها ، قالت خالتها بصوت متقطع : وص..وا مهر..ه تد..ور ع..لى ام..ها ،' ام..ها تس..كن ف..ي الدو..حهه فيي. وانقطع صوتها ، وتوفت وهي تتوصي مهره تدور ع امها .، ركضت مهره صوب خالتها تحركها تققولها قوومي لا تسوين مثل ابوي واميي واخواني ، انا من لي بعدج ، ويييين ارؤح ، ودموعها تزيد ، الله يخليج ققومي ، يلا ققومي ، شالفايدهه !! تحرك جسد مافيه رؤح .. تضرب على قلب خالتها ،
قوميي ، الله يخليييييج ققومي ، قومممي ..


يتبع ..


الرد باقتباس
إضافة رد

روايتي الأولى : تشرد / كاملة

الوسوم
رواية حزينة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6833 11-01-2019 08:49 PM
روايتي الأولى : رشوا على قبري من دموع عينه / كاملة على شاطئ النسيان روايات كامله - يتم نقل الرواية هنا بعد اكتمالها 896 24-02-2016 01:07 PM
روايتي الأولى: لتر واحد من الدموع / كاملة هند عبدالله روايات كامله - يتم نقل الرواية هنا بعد اكتمالها 147 23-10-2012 09:08 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM

الساعة الآن +3: 05:08 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1