منتديات غرام روايات غرام أرشيف الروايات المغلقة - لعدم إكتمالها روايتي الاولى :ياكثر ماتفارقنى وفي النهاية جمعنا سقف واحد
vip.AL3in ©؛°¨غرامي جديد¨°؛©

اسلام عليكم ورحمة الله وبركاته







انا عضوة جديدة وكاتبه جديدة وهذه اول رواية لي

اتمنى منكم اتفاعل وتقيم









عنوان روايتي هيه "يا كثر من تفارقنى وفي أنهاية جمعنا صقف واحد"

vip.AL3in ©؛°¨غرامي جديد¨°؛©

اعطيكم البارت الاول مع تعريف بشخصيات الاوليه

يا كثر ما تفارقنى وفي أنهاية{جمعنا صقف واحد}

في البداية أوضح لكم الشخصيات وأعرفكم على أبطالي ...~


العايلة الاولى
بوسالم و ام سالم عندهم ولد وبنتين هند الكبيرة وبعدها سالم وبعده سلمى
بوجاسم عندة حرمتين وحده يايبة جاسم بس توفة وحرمتة الثانية يايبة خالد ونورة ,جاسم اكبرهم يشتغل في الجيش
بوسعيد و ام سعيد عندهم سعيد وفاطمة
بوسليمان وام سليمان بس ربهم مارزقهم بولد فهذا لقبهم بس عندهم بنتين خلود و موزة
بوراشد و ام راشد ثلاثة اولاد راشد بكرهم واحمد وبخيت والفرق من بينهم سنه

ملاحظة { بو سالم و بو جاسم وبو راشد و ام سليمان و ام سعيد كلهم اخوان }و{بو سليمان و بوسعيد خوان}

..................................
الصبح في يوم الخميس كانت عايلة بو راشد سايرين البيت العود في العين

قبل مايوصلون
راشد:بخيت دقيت حق سالم
بخيت و هو يشوف احمد :هيه هيه دقيت حقة وقال هم في الدرب
أحمد :أماية تراني بغير غرفتي وبخليها الغرفة يالي عدلتها اشهر الماضي
الام: هب مشكلة بس لا تنسى أن بيكون على يمينك غرفة سلمى بنت عمك
احمد:لالا عادي
بخيت: انت من الله تبها
اول ما دخلو البيت راشد: أنطمو انتو الاثنين ماجنة في حد وصل قبلنا
بو راشد:هيه نعم بوسالم وصل قبلنا
بخيت وهو يجوف احمد يتلفت :هاه هاه عن اطيح عيونك

نزلو من السيارة بو راشد يكلم بوسالم وهند وسلمى ينزلن الاغراض واحمد واقف عدال سالم ومنبينهم راشد وبخيت
سالم يرمس احمد :هاه شوف المزيونه تراها توني موعنها من الرقاد
احمد: حرام عليك توعيها خربت عليها نومتها اكيد كانت تعبانه
سالم : خف علي يالقلب الحنون
بخيت مسكر اتلفون: عمي بو جاسم ياي في الدرب
راشد :ان شالله اشيخ جاسم بتكرم علينا وبيي
بخيت : لا تخاف ياي ياي
سالم : اخيرا هذا الهرم من زمان مالفانى
راشد : انزين وعماتي
احمد: بيون توني مسكر عن سعيد
...... عند البنات داخل الفلة هند وسلمى

هند :هاه شفتي القلب
سلمى: حيوانه جب ،طبي هذا الحين عماتي بين
هند: والله ما اعرف سيري تخبريهم انا بروح المطبخ
سلمى في خاطرها:تستهبل هذي الادمية واحمدوه برا وتباني اطلع وانا منفخه من الرقاد
وعند الشباب برا تدخل سيارتين البيت قوم بوجاسم
احمد : الله حي من لفانى
جاسم :الله يحيك
احمد: اي خلود العربان تسلم على الاقل ماتم تتلفت
خالد:مبمتفيج لك وين اخوك
راشد : لا تخاف هذا اولى راكب بس ما ادريبه وين دلف
احمد: ياله بستر وماتعرفون رميمات بخيت لا توالف مع سلوم يجهزون مقالبهم عسب الحريمات
خالد :سلوم ياي ؟ أحلف
احمد: والله ليش؟؟؟
سالم من بعيد هوه وبخيت : احم احم احم
خالد سكت
عقب ماتوايهو كلهم
سالم: خلود تعال ابغيك شوي
خالد : ليش
سالم: قلت تعال
خالد: اوكي اوكي يلا والله يستر منك
سالم وهو ويا خالد بعيدين عن الشباب: ليش قالو لك مجرم
خالد: سمعت
سالم: انزين سمعتك تقول عماتي بين صدق
خالد: هيه القلب بيي
سالم : سير سير لاه
عقب طلعو عند الحديقة عن الشباب بارزين في اليلسة
سالم وخالد :نجوفكم بارزين والله
بخيت: خلصتو كلامكم
سالم: مايخصك اصلن انت مغتاض تبغي تعرف
خالد: هيه صح
في الصالة كانن البنات قاعدات مع امهاتهن
هند ونورة قاعدات مع بعض يسولفن والحريم يسولفن ويتقهوين اما المسكينه سلمى قاعدة بروحها ملانه
هند: سلمى روحي طلعي دلة القهوة عند اريايل في الحديقة
سلمى :نعم نعم و ليش ان شالله انتي ماطلعين
هند: خيبه بلاج بسم لله
ام سالم: سلمى عن المرادد ابد ماعرفت اربيج قموي وودي القهوة وانتي ساكتة
سلمى: حاضر
طلعت سلمى من الباب وهيه سايرة صوم الشباب وجافها سالم
سالم: احمدووه قوم بسرعة خذ ادلة عن القلب
احمد: بلاكم طايحين علي اليوم انا طالع الشيشه حد يبغي شي
جاسم: اذا ماعليك امر احمد روح خذ ادله عن البنت
احمد: تامر امر تعلمو تعلمو هذا الاسلوب
سالم: انته تباها من الله
احمد راح عند سلمى وهو ياخذ ادله : تسلمين
سلمى وهيه ذايبه ماعرفت ترد:هاه هيه اوكي
ابتسم احمد ولف صوبهم يعطيهم القهوه وهو يقول تامرون بشي
بخيت: بتسوي فيني خير لو عبيت سيارتي
سالم: مسكين بخيت يرمس صنم ,حبيبي بخيت جوف عيونه عند القلب
سلمى وهيه واصلة صوب ادرج تخرطفت على ويها
سالم : الله يغربلك كلت اختي بعيونك
جاسم يزاعج: سلمتي
احمد لف صوب جاسم: شويخصك
وفي مثل الوقت دخلت سيارة بوسعيد
فاطمة في السيارة: حرااام سلمى
سعيد: ليش
فاطمة: طاحت
سعيد: وين احمدووه عنها
فاطمة: حرام عليكم كلكم طايحين عليهم
سعيد: محد محير في العايلة ويحبون بعض غير هذل الاثنين
فاطمة: حرااام
سعيد: عقبالج اختي الغالية
فاطمة: ترا هندووه داخل
سعيد: صدق يايه هذا الاسبوع ,فديتها سلمي عليها
فاطمة : عاااش اخويه عاااش من عيوني ابلغها مع بوسه على الخد بعد
سعيد: والله يويلج وطلعي بسرعه اجوف
فاطمة: اوكي امي متى بتيي
سعيد: عليها موعد وبيبها ابويه عقب
نزلو من السيارة سعيد راح صوب اشباب وفاطمة دخلت وزقرة البشاكير يشلن اغراضها

فاطمة دخلت الميلس: اسلام عليكم
سلمى استانست والكل رد عليها اسلام
سلمى تلوي على فطوم: والله اشتقت لج يحمارة اخيرا فكرتي تين العين
فطوم: وانا اكثر حبيبتي
ام سالم: بنتي فاطمة وين امج
فاطمة: امايه عليها موعد عقب بيبها ابوي
ام سالم: شو موعده
فاطمة: والله ما اعرف
راحت فاطمة عند هند وتهمس لها وكانت سلامة ونوره موجودات: هندوووه اخويه سعيد يسلم عليج ويقول اخيرا يتي
سلمى: عااش ولد عمتي عاااش
نورة : الله يغربل بليسج انشعمي فضحتينا
فاطمة تذكرت سلمى يوم طاحت : اييي سلامي صار فيج شي تعورتي
سلمى: ليش انتي شفتي
فاطمة: هيه كنت في السيارة
سلمى: حرااام والله تقفطت وهذا الحقير جاسم قفطني اكثر
نورة: اييي ما ارضى على اخويه
فاطمة : جب جب وهذا اشيبه متى يفكر يعرس
نورة: يقول قريب
هند : الله يخسكن الف سالفه في وقت واحد قومن خلنى نصلي عقب روح انزهب الغدا
البنات: يلا
تلف هند للحريم الكبار: امهاتي
الحريم : هلا بنتي
هند : اذن
ام خالد(هذي حرمة ابوه جاسم هيه ام خالد ونورة): صدقتي بنتي يزاج الله الف خير

قامو البنات يصلن وشباب راحو المسيد

الساعه وحده ونص والظهر

في ميلس العرب

بو جاسم :ولدي خالد روح داخل عند الحريم وقول لهن ينجبن الغدا
خالد: تامر امر ابويه
راح خالد داخل وتم يزاقر على امه : امااايه امي امااااااااه امااااااااياااه خدووووووي
ام خالد: اصغر عيالك تزقرني خدوي
خالد: والله قلت مابتردين علي الا اذا زقترج باسمج
ام خالد: صه صه قول يالي عندك
خالد : ابويه يقول جيلا نجبو الغذا يواعه وغير هذا يبون يريحون وراهم درب المزرعه صوب بوكرية العصر .
ام خالد: ان شالله ان شالله بس دقايق قاعدات البنات يرتبن
خالد: زين عيل تامرين بشي الوالدة
ام خالد: لا والله سلامتك ولدي
خالد: زين عيل خدوي مع سلامه ( وقفا الباب ربعان)
ام خالد: انا اراويك يالهرم ان ما قبضت لك اذنك المره اليايه ما اكون خديجه
خالد: خديجة ولا خدوي وطرش لها بوسه وراح
ام خالد: الله يهديه يارب
....
عقب ماتغدو العرب والحريم يالي راح يريح ويالي قعد يطالع اتلفزيون ويالي ركب سيارته وراح يهاوم ... اما البنات مجبورات يقعدن في البيت فكلهن في الصالة يالي في الطابق الثاني سلمى و فاطمة مع بعض يجوفن فلم ونورة وهند يسولفن عن الجامعة وتدريب والحريمات راحن غرفهن يريحن ...

العصر الساعة اربع

العرب يتقهويون في الحديقة الامامية والحريم يتقهوين في الحديقة الورانية
وتدخل سيارة غريبه البيت

جاسم: منو سيارته هذي

vip.AL3in ©؛°¨غرامي جديد¨°؛©

#تبع




سعيد يلتفت : هذي سيارت عمي نايف بوخلود اليديده على ما ضن
بوجاسم: الله يهديه هذا الريال كل شهر زاف سيارة
بوسالم:الله يهديه مايحاسب عيون الناس ماترحم
راشد: خلوه يخق ويخقق بناته وحرمته
جاسم: بس صدق الوالد وعمي عيون الناس ماترحم
يتقرب صوبهم بوسليمان ويسلم: السلام عليكم
الكل رد علية السلام
خالد يجوف سالم: ايييي سلوووم كلت البنت بعيونك حرام عليك حتى مب قادرة تنزل الاغراض
سالم: لازم ارمسها لازم
وصوب ام سليمان وبناتها ,راحت ام سليمان داخل صوب الحريمات وخلت بناتها ينزل الاغراض
خلود: موزوة انا بدخل ننزلي الاغراض هذا الايطالع
موزة : اوكي حبيبتي
دخلت خلود داخل وشوي وموزة لحقتها قبل لا تدخل
بوسليمان: مويييييز
موزة: هلا ابويه
بوسليمان: من بنزل الاغراضكن
موزة: والله اغراضك معنا مب بس اغراضنى
بوسليمان: صدق انج ام لسان انزين تعالي وسلمي على خوالج مافيج مذهب لا انتي ولا اختج
موزة: ان شالله
راحت موزة تسلم على خالها بوجاسم وبو سالم
بوسليمان: مويز روحي قفلي السيارة وهاتي المفتاح دامكن مامرات على الخدامة تشل الاغراض
موزة: ان شالله
راحت موزة تودي المفتاح حق ابوها وعقب راحت داخل ومالقت حد وسارت الميلس ومالقتهم وطلعت صوب الحديقة ولقتهم
موزة : السلام عليكم
والكل رد عليها اسلام ووايهتهم
موزة: عيل وين يدوه
ام سالم: والله يابنتي يدتج في المزرعة من قبل مانيي
موزة: ومتى بتيي
ام خالد: والله قال ولدي انه خوالج بروحون المزرعه الحين وفي ردتهم بيوبنها
موزة: هيه زين
فاطمة تدخل عرض : مويييز بتين معنا فوق
موزة: يلا غايته
راحن فاطمة و سلمى و خلود ولحقتهن موزة فوق
(( فاطمة و سلمى و خلود مثل العمر 18سنه اولى جامعه وبعدهن تاسيسي الانهن مب فالحات في الدراسة اما موزة اصغر وحدة في العايلة حالين وعمرها 16 في الصف الحادي عشر أدبي اما نورة وهند مثل العمر 22 ويدرسن اخر سنة جامعة تدريب وثنتيناتهن مثل المساق وهو ادارة واقتصاد ))
البنات في غرفة فاطمة يكشخن وكلهن لابسات مثل المخور الانهن دوم يفصلن مع بعض وموزة منسدحة على الشبرية تلعب بالايباد
فاطمة: مويز متى بتخلصين ان شالله
موزة: اوكي وين بتروحن عسب هلقد كاشخات
فاطمة: بنرووح الحديقة يالي معدلنها خالي يوسف
موزة : اوكي بروح اخلص وبلحقكن
البنات نزل نزلن وموزة راحت تخلص وقبل لا تنزل تسمع صوت يطلع من الغرفة يالي قرب السلم

....: حبيبتي ليش
وراحت صوب الغرفة وكان يالي يتكلم محطي سبيكر
...: حبيبي ما اقدر اهلي كلهم عدنا في البيت اليوم وما اقدر اطلع بروحي
...: انزين رتبي امورج انا ببات في العين اليوم وباجر وسبت بروح أبوظبي
...: صدق خلودي بتبات في العين ,تامر برتب اموري عسب اجوفك باجر
خالد: اوكي قلبي عيل مع سلامة وديري بالج على حالج حبي
..: اوكي قلبي مع سلامة(سكرت الخط)
خالد: هااا نواااف شراايك
نوااف ربيع خالد وكان وياه في الخط ويسمع الحوار يالي كان صاير
نوااف: اسميك الا قناص يا خالد مب هين والله
خالد: اعجبك الشيخ
نواف: لا تقص عليك بس
خالد: انا خالد يالي ابيع وشتري بهل الاشكال يلعبون علي
نوااف: اقول الخقاق اليوم لازم نلتقي بنروح ويا حميد عسب نجوف فريسته اليديده
خالد وهو انتبه انه حد عند الباب : اوكي اوكي ارمسك عقب مع سلامة (ودفن الخط)
موزة كانت بتنزل بس خالد قبض ايدها ويرها الغرفه وسكر الباب
خالد وهو معصب : مب عيب تسمعين الخلق من ورى الباب



هنيه ينتهي البارت هذااتضر تفاعلكم وردودكم

s5s5 ©؛°¨غرامي مجتهد¨°؛©

السلام عليكم .. موفقه في روايتك ..
كبدايه شي جميل .. لكن لا تعتمدين على الحوار .. حددي لنا المكان و الزمان و موقع الحدث هذا من اسباب نجاح الروايه .. كبري الخط شوتين و حطي لون مريح للعين .. موفقه مرا تانيه و ان شاء الله تشوفين تفعال

..

s5a2

..


وردة الزيزفون
✿ إدارة الإقسام ✿

صباح الخير .. ياهلا فيك بغرام ... موفقة بطرحك ... حبوبة لاتعتمدي على الحوار استخدمي السرد والوصف لمكان الحدث وللشخصيات ...وكبري الخط

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

آلُفَآتٌنْہہ آلُقصٍيَرٍہ ©؛°¨غرامي جديد¨°؛©

بس اختي تحتاجي توصفي الحدث انتي كاكتبه ايش صار ... الخ وتكثري لانك معتمده ع الحوار وكمان اوصفي المككان خلينا نتخيله وكدا بيكون حماس وشكرا وننظر ابداعاتك وموهبتك بالبارت الجاي

vip.AL3in ©؛°¨غرامي جديد¨°؛©

تسلمون على ارد وان شالله احسن في الكتابة وعمل بنصائحكم



ان شالله في البارت يالي تجوفونه احسن عن هذا


vip.AL3in ©؛°¨غرامي جديد¨°؛©

اليوم بكمل لكم ارواية وبسرد لكم هذا البارت وان شالله يعيبكم




خالد: هااا نواااف شراايك
نوااف ربيع خالد وكان وياه في الخط ويسمع الحوار يالي كان صاير
نوااف: اسميك الا قناص يا خالد مب هين والله
خالد: اعجبك الشيخ
نواف: لا تقص عليك بس
خالد: انا خالد يالي ابيع وشتري بهل الاشكال يلعبون علي
نوااف: اقول الخقاق اليوم لازم نلتقي بنروح ويا حميد عسب نجوف فريسته اليديده
خالد وهو انتبه انه حد عند الباب : اوكي اوكي ارمسك عقب مع سلامة (ودفن الخط)
موزة كانت بتنزل بس خالد قبض ايدها ويرها الغرفه وسكر الباب
خالد وهو معصب : مب عيب تسمعين الخلق من ورى الباب
موزة ببرود: لا خليت الاخلاق لك
خالد بعصبية اكثر : حشمي يالي اكبر عنج وحترميه
موزة وهيه مب مهتمه وببرود: خليت الاحترام والحشيمة لك
خالد بتهديد: والله ثم والله ياموزة اذا قلتي حق حد يالي سمعتيه يويلج مني
موزة: انت ما تخاف وما توب من شهر خوالي هازبينك ومشرشحينك
خالد بعد اهتمام بعده : لا ما توب وما اخاف ... شي غير ..اشيخة موزة
موزة: انت ابد مب صاحي ماتخاف على اختك يصير لها شرات ماتسويه في بنات الناس حرام عليك بسببك تبرو العرب من بنتهم اي قلب فيك
خالد : ما آخاااااااااف قلت لج ولا اتوب واختيي مربااااايه مب شرات بنااات الشوااارع وذيج البنت هيه يالي جنت على نفسها ورمستني من ورا اهلها
موزة: انت مب صاحي
خالد: والله يا موزة لو حد درا او شكو بالموضوع انتي اول وحده بحطيها في بالي وطلع من الغرفه

.......


طلعت موزة ونزلت تحت وجاافت البنات في الحديقة مالت عمها يوسف ... الحديقة صغيرة اسوارها من شير طويل وايد وجدام اشير ورد من كل الانواع والألوان .. وفيها يلسه من خشب كرسين طوال لالربع اشخاص وكرسي لشخصين وفي الوسط طاوله من خشب ...
خلود اخت موزة : موزاني حبيبي وين كنتي ليش تاخرتي
موزة: كنت العب بالايباد
فاطمة : بعدج ياهل
موزة: مايخصج
خلود: بلاج انتي على اختي اليوم مب من عوايدكن
سلمى تزاعج وهيه فوق الشيرة واقفه على قصن قوي وكبير : اييييييي تعااالن لقيت عش عصافير شكلهن توهن طالعات من البيضة
فاطمة: تستهبلين كيف تبنا نطالع وانتي فوق الشيره



نزلت سلمى وركبت فاطمة وفي مثل هذا الوقت يمر سالم وبخيت من عندهم

بخيت : يالخبلة شو مركبنج فوق الشيره
فاطمة: الخبلة مرتك قولو آمين
موزة وسلمى ومتحمسات : آآآآآآآآآآآآآآآآآآآآآآآآآآآآآآآميييييييييييييييييي يييييييييييييين
بخيت : ما يخصكم في حرمتي المسكينه
سلمى: عااااش ولد عمي يحب مب هين
موزة: قوووول قووول من تعيست الحظ مابنخبر حد
بخيت: بسم لله علي بعدني ماتصوبت بس احترمها قبل لا تيي وتعيس الحظ يالي بياخذج مويز
موزة : والله يحظه ,انزين يدوه يت من المزرعة
سالم : والله ما اعرف
موزة: انا بروح اجوفهم
بخيت: اوكي براايج مع سلامة ...اوكي انرد لموضوعنى ليش انتي فوق الشيره
فاطمة : مايخصك
بخيت: محد يركب فوق الشيرة غير القرودة وانتي ليش راكبة
فاطمة: اذا انا قردة حتى انت قرد
بخيت: والله وعترفت انها قرد .انا قلت محد يركب اشيرة غير القرود
سالم : اوووووب القرده
بخيت: ههههههههههههههههههههههه عمري ماجفت حد يعترف انه قرد بروحه
سلمى : ايييي بس خلاص
خلود: بس والله عاد حرااام عليكم
سالم: حق المداف للغير تشتغلين يلا نروح
بخيت: اوكي يلا اوكي ومع سلامة واليايات منى أكثر ان شالله

راح سالم وبخيت صوب المطبخ

خلود: حيوااان اخووج
سلمى: ليش !!!!
فاطمة: حرام عليج يحبج
خلود:حبته العافية


انرووووح عند شخصيات ماذكرتهم وايد

سعيد و راشد و جاسم رايحين صوب المطبخ ويسولفون ويضحكون وثلاثتهم كانو لابسين كنادير بيض ومتغترين بسفرة حمرا

سعيد: جاسم بارك لنا
جاسم: على شو
سعيد: قبلونا في الجيش
جاسم: اعرف قبلكم
راشد: الله يغربلك ياليني شدراك
سعيد: جذااابك تصدق هذا
جاسم : مب يوم الاحد الضحى اتصل عليك الملازم سعود
سعيد: الله يغربلك صدق يني
راشد : صدق كيف عرفت
جاسم: من سنيتن مخلصين دراسه ولا رحتو تشتغلون في شركة العايلة ولا رحتو تدورون لكم وضيفة ثانية ومقدمين اروراكم للجيش دون ما تابعونهن ,رحت وشليت اوراكم ورتبت اموركم وعاد يلا بقبضونكم اربعين يوم في سويحان

راشد: والخيييييبه اربعين يوم
سعيد وهو رافع ادينه: الحمدلله بفتك من صدعتها
جاسم: جذاب ما تروم تصبر بلها
راشد: هيه ماتروم
سعيد: والله برتاح من صدعتها
جاسم: حبيبي هذا فاطمة ( وهو يقول كانو مارين صوب حديقة عمهم يوسف)

فاطمة: اسمع حد يطري اسمي
سعيد: ماقلت لكم ينيه
فاطمة: الينيه مرتك انزين قولولي ليش كنتو تطرون اسمي
راشد: انا واخوج بنشتغل
فاطمة: زين الحمدلله بتكونون نفسكم
جاسم: اسالفه مب شغل بس بنقبضون اربعين يوم
فاطمة بحماس : صدق والله (رفعت ادينها) الحمدلله بفتك منك بكوون بروحي في البيت (ضحكة ضحكتها الشريرة) ههـهههههههههــههــهههـا وبكون البيت حقي بروحي
سعيد: الله يستر من الحين وستولت على البيت
راشد: ماشالله شعور متبادل
سعيد: ماقلت لك
جاسم : الله كريم


نروح عند موزة يالي كانت رايحة تجوف عمومتها اذا رجعو من المزرعه او لا عسب تجوف يدتها ... وهيه عند الباركنات وكانت مصفوف سيارت ولد خالها جاسم وابوه ... ويناديها شخص من بين اسيارتين ...

خالد: مويييز
موزة لفت ونتبهت له: نعم امر اشيخ خالد شيء بالخاطر
خالد: لا بس كنت اجرب اسمج
موزة: سخيف
خالد: موييز لو قلتي حق حد ياويلج
موزة: تطمن اصلن ماعندي مونه ايب طاريك
خالد: تتمنين
موزة: سير عني لاه
خالد: موزة ارمس جد لو رمستي يويلج مني

موزة راحت عنه وهيه تتقرب من اليلسة يالي جدام ميلس الريايل ولمحت شخص مالوف من بين خوالها وهم يالسين يتقهويون وعقب ما عرفت منوه من بعيد تزاعج

موزة: يدووووووووووووووووووووووووووه يدووووه
اليدة تلتفت: بنتي موزووة تعالي فديتج " اليدة عايشة كبيرة في العمر عصاها دوم معاها تحب موزة وايد الانها ماخذة من ملامحها .. ودوم اليدة تقول (انا يوم كنت صغيرة اشبه موزة ) وتفضل الاولاد اكثر من البنات وتفضل عيال بناتها اكثر الانهن بعاد عنها "

موزة تروح في حضن يدتها : اشتقت لج وااايد
اليدة: تشتاق لج العافية وينج ماتين العين
موزة: الدراسة بعدني قوم مدارس يدوه
وهيه بعدها في حضن يدتها بوسالم:جنا مقصرين بالحنان يالي يعطونج اياه ابوج وامج
اليدة: ماعليج منه يغار
موزة: وحليله يغار من بنت اخته اصغيرة
بوسالم: ماعندي مونه اغار منج لو ابغي اغار بغار من اخويه يوسف
" يوسف اصغر اولاد اليدة عايشة يدرس برع ومب متزوج ولا يفكر يتزوج .. ملامحه تبن عليه بعده صغير ... هوه وعيال اخوانه جنهم ربع "

اليدة: فديت ذا طاري اشتقت لهذا الصبي واايد وينه عن البلاد ما يهضل صوبنا
بوسالم:اماية انا مرمسنه قريب وقال انه عليه امتحانات وبرجع قريب بقعد عندج للابد
اليدة: كمل له في بلاد الغرب سنه من اخر مره يا عدنا
بوسالم:عشر سنين دراسه دبلوم وبكلريوس والحين بخلص الماجستير من غير شهايد اللغة

.................

عقب المغرب يا بو سعيد وياب حرمته معاه

وشباب وشواب رجعو يتيمعون في الميلس ضحك وسوالف ومصخرة على هذا وذاك وسوالف عن قبل وكيد بين سوالفهم بيبون طاري الحلال

والحريم في الميلس واكيد في سوالفهن حرمة فلان ربت وفلاه تطلقت وفلانه عرسة ومايخلن حد مايسولفن عنه ... والبنات في الصالة سوالفهن كلها عن الفلام والاغاني والمسلسلات والمغنين وبدخلن في الموضه والجمال .... واكيد بطفرن بنورة وهند وسلمى


في ثلاثة مختفين عن الانضار وكانو صوب الباركنات ... مكان الباركن مضلم وااايد وفاضي من السيارات

الاول: ايي انت جباان شو
الثاني: ماعليك منه دووم هذا جي
اثالث: انا ما اطاوعكم في هذي الامور
الثاني: بس عادي تطاوعنى وقت الهياته
اثالث: بس انتو بتيبون المشاكل كلها
الاول : خله هذا جبان
اثالث: انا مب مجرب بس بجوفكم
الاول: انا بعطيك وانت اضربني عقب
الثاني:تراه مايبالها الا على ضربه العضلة وخلاص

وفي مثل الوقت تمر خلود من صوب الكراجات وهيه طبعن خيفانه ومن سمعتهم وقفت نكرة الاصوات "عرفتهم" وتمت تتقرب لين ماتاكدة وهيه بخوف وحزن وحاز بخاطرها يالي يصير في بيتها
تسير صوبهم

خلود: انت ما توب مااتوب ارحم عمرك ولا انتو بعد طاوعتوه وخذتو
ثلاثتهم منصدمين كيف خلود كشفتنا .... وهم يطالعون بعض ...

....

وقت العشا الكل يتعشا الريايل والحريم

عند الحريم

البنات قاعدات على الطاولة معاد الحريم الكبار ماتعيبهن القعدة على الكرسي وطواله ويتعشن .. الارض ابرك "احسن لهن"

فاطمة: مويييز
موزة: هلا
فاطمة: وين اختج
ام خلود: هيه والله وينها بنتي خلود
موزة: والله ما اعرف
ام سالم: انا مطرشتنها من ساعة صوب الشباب عشان العشا
موزة: انا بسير اجوفها
سلمى: والله ماتنشين انا شبعت بسير اجوفها بروحي

سارت سلمى تدور خلود من برا صوب حديقة عمها وصوب المطبخ وصوب اليلسة يالي جدام المطبخ بس مالقتها وراحت غرفتها تدق الباب ودق وكانت بتفتح الباب بس كان مقفول وترد الدق الباب

سلمى: خلووووود انتي داخل ... خلوووووووووووووود

يطلع احمد من غرفته .. غرفة احمد من بين غرف البنات .. مثل ماذكرنا غير غرفته بحكم انه عدلها
احمد وهو مرتبك الانه غلا قلبة جدامه: هيه هيه داخل من شوي

سلمى بخوف على خلود : زين ماترد علي
احمد حس انها خيفانه: انزين يمكن تعبانه
سلمى :انزين تعبانه ليش ماترد علي
احمد :ما اعرف انا بنزل تامرين بشي
سلمى: لا سلامتك

نزل احمد وسلمى ردت تدق الباب ودق لين خلود ما ردت عليها

خلود بنيرة مخليه نفها انها معصبه : وصدعه ان شالله الواحد مايصلي عندج
سلمى: فتحي الباب
خلود: برقد
سلمى: فتحي فتحي الباب مب علي
خلود: سلمى والله برقد وخلو موزوة ترقد عدكن
سلمى: متاكدة
خلود: هيه

نزلت سلمى تحت سارت صوب الحريم وهيه في خاطرها "انا اعرفها خلود ماتسوي جي الا لو صار لها شي" وخبرتهم انه خلود كانت تصلي وبترقد

اما صوب الشباب عقب العشا ردو يقعدون برع في الحديقة بس مب كلهم كان احمد وسعيد وراشد سايرين العين مول اما جاسم مع عمومته يرمسون عن اشركه والحلال و سالم وبخيت وخالد كانو يطالعون اتلفزيون

في المول
احمد: انا بروح عنكم صوب ربعي في الكوفي
راشد: يالي يخاويك غلطان
سعيد: احمد ربي يحفظك ويوم بنرد بنقول لك
احمد: ارتقي تعلم من اشيوخ مب اسلوبك
راشد: يعني نحن دريول عندك نوصلك ونردك
احمد: نسيت انك مب مخلني ايي بسيارتي العين
راشد: والله سيارة بخيت ابركنه من اسبوعين في باركن عن يدوه ليش ما خذتها
احمد: وعبيله بترول مستحييييل
سعيد: خيييييييييييييييييييييييييييييبتك يالبخييييييل هذا اخوك
احمد: مب علي هو ابخل عني بعد
راشد: يلا يلا ياشيخ راونى عرض كتوفك
احمد: في داعت الرحمن

راح احمد عنهم صوب الكوفي وسعيد وراشد راحو محل العطور هذا عشقهم .. وعبقبها بروحون صوب البدلات ... وعقب الكوفي

ومر باقي اليوم على خير
..............

صبح يوم الجمعة اليدة ناشه اول وحده وهيه في اصاله ارئيسيه وكل عاده صريخها يوعي كل رقود في البيت

اليدة: بونيتا ياااااا بونيتا ويييينج
بونيتا خدامة اليدة: نعم نعم ماما
اليدة: نعامة تخرم راسج ان شالله ,وين ريوقي
بونيتا: انا في خلص الحين
اليدة: الله يبحصج ان شالله وليش ما تيبينه
جاسم وهو نازل من فوق :يدووة لا تزاعجين كل يالي تبينه بوصلج لين ريولج
اليدة: هذي ياولدي رافعة لي ضغطي مدري بلها متكيسله
وصل صوب يدة وصبح عليها وباسها على راسها: اكيد زايدة لها معاشها اعرف حركاتج انتي
اليدة: ياولدي محد قاطني في البيت غيرها لازم ازيد معاشها
جاسم: يدوة تبطرينها بتكبر راسها عليج عقب
اليدة: تخسي بنت الفلبينيه تتكيبر علي
جاسم: ماعاش من يتكبر عليج فديتج
اليدة: انزين ياولدي ماقلت لي شو موعنك من الحين
جاسم: عندي شغله ابغي اخلصها قبل لا انرد ابوظبي
اليدة: هيه فديتك برايك عيل سير خلص شغلك بس قبل مر على المطبخ وخذ لك شي تاكله
جاسم : ان شالله

وهو رايح صوب المطبخ تدخل بونيتا الريوق لليدة وسار وخذ له شي ياكله وكمل دربة صوب المطبخ وهو طالع يصادف وحدة من البنات يالي قاعدة في اليلسة خشبية مسكره من فوق وفي وسطها طاوله ... وهو رايحة صوب اليلسة سوا صوت عسب تعدل شيلتها وتنتبه انه في واحد ياي صوبها

وهو قريب من اليلسة تعدل خلود شيلتها

جاسم: اسلام عليكم
خلود: وعليكم السلام
جاسم: غريييبه وحده من البنات ناشه وقت
خلود: والله راقدة وقت فشبعت الرقاد
جاسم: هيه صح ماكنتي وياهن البارحة كانن يتابعن فلم
خلود: اصلن راقدة من عقب صلاة العشاء انا
جاسم: خيييبه يديايه (وهم يسولفون شوي ويضحكون كان حد يراقبهم من فوق ومقهور)
جاسم: الحين بسترخص منج الشيخة
خلود: ربي يحفظك
....


اما عند ثلاثة بغرفة وحده
الاول: ايييي خيفان تقول حق حد
اثالث: الحمدلله اني ما خذت معاكم ابد
الثاني: انا سبب تعالجت ورديت
الاول: هذا كله من خليفة ليش رحت صوبه وانت تعرف انه بعده يتعاطا
الثاني: والله عطاني ثلاث والبارحة عقيناهن
اثالث: اشيخ تراني شفتك وانت عاق بس ثنتين
الاول: خذتها
الثاني: والله والله هو يالي عطاني اياها
الاول: من شهر راد من دبي علاج بترد تتعالج والله ليشكووون
الثاني: بعالج نفسي
اثالث: يعمي شو تتعالج بنفسك هو لعب يهال ... شو بتسوي الحين
راح الثاني صوب الباب : برخصتكم (وطلع)
الاول انسدح: الغبي بفضح عمره


.....................
الساعة تسع الصبح


احمد نازل يدندن من فوق عقبل قال : احبها والله احبهاااا
اليدة تزاعج: يالمهروم من تحبها هلقد

احمد ياي برد بس لقا حريم عمومته وعماته ونورة وهند عندها وستحا يرد عليها ولا هو مضيع الميانه مع يدته

امه: ياله بستر ياولدي من هلقد تحب
احمد: يامي الله يهديج من بياخذ عقلي غيرج
اليدة: هيه قص على امك بهذي ارميسات اما انا لا
احمد باس راس يدته عسب اتقردين وماتفضحه وامه :برخصتكن يالغاليات (وهو فاحت الباب يته الجرئة ولف) تراه محد ماخذ عقلي الا بنتج ياعمتي ام سالم ... ومابرتاح الا يوم تصير حلالي
اليدة: يالمهروم انت
احمد: الحين برخصتكم
ام جاسم : يحض بنتج يا ام سالم الله يبارك فيهم ويقدم يالي فيه خير لهم
ام سالم: ان شالله .... الله يسمع منج
اليدة تقاطعهن :بنتي عوشة(ام سعيد)
ام سعيد: هلا امايه
اليدة: شو كان عليج موعدة البارحة
ام سعيد:موعد

( وفي مثل الوقت كانت فاطمة وموزة وسلمى نازلات بس فاطمة انتبهت لكلامهم ووقفتهن وسكرت على حلوجهن عسب ما ينطقن وقف صوب نص اسلم ونخشن عند ازاوية ماينبان ... هذا كله من فضول فاطمة " الحين بعرف شو امي وابويه مخبين عنا كله مواعيد وبيت برع البيت اوكي بصيكم")

ام سعيد: موعد عسب العلاج
اليدة: يابنتي بعدج تعالجين
ام جاسم: عمتي خليها دامه عندها امل تيب عيال
اليدة: ماحسبالي تفكرين تيبين عيال من عقب سيف

( سيف متوفي من خمس سنين وكان عمره تسع وهو وايد مالي عليهم البيت وكان من عقب علاج لام سعيد الله رزقها بسيف بس الله اخذ امانته )(من عقب طاري سيف يتها فاطمة صيحه وتيمعن ادموع في عيونها .. الانها كانت واااايد تحبة)

ام سعيد: امايه انا يمكن اكون حامل بس ماكنت ابغي اخبركم لين مايتاكدون من الفحوصات
اليدة من وناستها دمعت عيونها: يالله يارب يابنتي الله يسمع منج
فاطمة وموزة ولمى نزل وسلمن عليهم
فاطمة : انا كني سمعت شي وان شالله ماتكون اذني جذابه
اليدة: لالا يبنتي ما سمعت اذنج الا يالي يونسج






وان شالله انزل لكم باجر بارت من ارواية انتضر ردودكم وتعليقكم ونصايحكم


vip.AL3in ©؛°¨غرامي جديد¨°؛©

>< ليش محد يتابع روايتي

vip.AL3in ©؛°¨غرامي جديد¨°؛©

اليوم بكمل لكم البارت ارواية ولو انه مالقيت متابعين لها




فاطمة وموزة وسلمى نزلن وسلمن عليهم
فاطمة : انا كني سمعت شي وان شالله ماتكون اذني جذابه
اليدة: لالا يبنتي ما سمعت اذنج الا يالي يونسج

فاطمة من وناستها عفدت قاعدة جدام اموها وباست راسة: اماايه حبيبتي ما تعبين عمرج اوكي و لاتتحركين وايد وكل يالي تبغينه بيي لين ريولج ولو تبين شي تناديني ووووو ولا نشين وايد حتى الباب يوم بتفتحينه تناديني لا تعبين عمرج اوكي يالغاليه توعدني
الام تلوي على بنتها : ان شالله يا بنتي ( وينزل سعيد وراشد من فوق وهم يسولفون مب منتبهين شو صاير في اصاله)
سعيد: ادلال والاحضان كلها لفطووم وولدج يالي بنحبس بعد كم اسبوع ماينعطا ويه
الام: بسم لله عليك ياولدي ليش تفاول على عمرك بالحبوس
راشد: العرب تسلم ما تتحرطم ( وسلمو ونرد عليهم السلام)

راشد قعد حذال يدته ويجوف نورة وسعيد عدال يدته من اصوب الثاني ويطالع هند كل واحد يغازل حبيبته بالعيون دون حيا وهن مستحيات وسلمى خاطرها تضحك

ام خلود: عيل وينها بنتي خلود عنكن
سلمى :ناشه وقت بنروح نجوفها يلا موزوة (قامت سلمى وموزة رايحات صوب المطبخ)
راشد عدل قعدته: عمتي على طاري الحبوس تراه نحن قبلونا في الجيش وبننحبس اربعين يوم
ام سعيد: اشوا يا وليدي ريحتني
ام راشد: الحمدلله اخيرا بتصيرون ريايل
راشد يطالع امه بنص عين : ليش اماية تجوفينا حريم مثلا ؟؟؟!

اليدة تضرب راسه بالعصى وهو يحط ايدة على راسه ويحك شعره الانه مب لابس غتره وشعر راشد لا هو ناعم ولا هو خشن يعني حلو وغليض واايد وطوله لاذنه ومغمض عيونه

اليدة : يالمهروم امك تقصد بتعتمدون على عماركم بتجبرون بخاطر ذيل" تاشر بعصاها صوب هند ونورة" يالي موقفين نصيبهن عشانكم
(هنينه راشد وسعيد وفاطمة كشخو وهند ونورة احمر ويهن من المستحى ونزلن روسهن)
ام خلود: امايه الله يهديج جوفي شو سويتي
اليدة: برايهن خليهن من حقهن زينت البنات مب هذي الينيه ويالي وياهآآ
فاطمة تعوي بوزها وتطالع يدتها بنضرات: شكرا يدوه
سعيد يلف صوب اخته يبغي يغير الموضوع : انتي ليش مزروعه جدام امي جي شو وراج ؟؟
فاطمة تنهدة ولفت صوبه وبحركت دلع: بس ما ابغيها تتعب ابغي اريحها
سعيد الف علامت استفهام فوق راسها: انتي بتريحينها ماضني ينيدة الليل ونهار
فاطمة تعدل قعدتها وتبتسم: اصلن انت ما تعرف
(هنيه من كثر وناستها سارت جدامه)
سعيد مستغرب : شو اعرف ؟؟؟!
فاطمة بحماس : اماية يمكن حامل
سعيد وعيونه بتطلع: امايه صدق !!!!!!!!!!!!!!
ام خلود: يالله يا ولدي مستحيل تصدق اختك

سعيد من كثر وناسته لوا على اخته وبحماس : والله يفطوووم والله على هذي البشارة اعطيج يالي تبينه اليوم واطلعج انتي والمفلع وين ماتبون (وراح صوب امه قاعد) امايه الغاليه لا تعبين عمرج وكل يالي تبينه بيج لين ريولج واياني وياج تشلين شي ثقيل وتعبين عمرج حتى المطبخ ماتدخلينه
فاطمة قاطعته وتسير صوبهم قاعدة بعد: حتى كوب الماي انا بيبه لج
سعيد: امره اي شي في خاطرج بيبه لج
وتمو هم الاثنين قاعدين عدال امهم ويسولفون ويضحكون ويعطونها شروط واوامر ونواهي ونصائح
هند تهمس لنورة: عمري ماجفته يضحك جي الله يديم والوانسه له
نورة: وتكونين من نصيبه
هند استحت
ومن صوب ثاني ...اليدة: الله يخليهم لبعض
ام سالم: ربي يحفضهم لبعض
ام جاسم: ياحلاتهم الله يونسهم فيه
ام خلود: تراا امايه انا بعد حامل ولا نسيتو
اليدة: انتي بروحج موقفه عقب ماطرحتي
ام خلود: امايه والله يبالي ياهل عقب البزيه موزوة
راشد يدخل: الحمدلله في حد بخوز بزا المهرومه موزة
ام راشد: شو يخصك يالمهروم انت قوم يلا

.....................

نروح عند خلود والبنات
موزة فوق اطاوله يالي كانت خلود يالسه عندها وقابضة كوب كوفي : والله لعقه روحي سوي لي
سلمى تزاعج وهيه واقفه تحت: اشتغل عندج تدلينه المطبخ
موزة: بعقه
خلود راسها عورها منهن طول الوقت يضاربن وتزاعج عليهن : بس خلاص استطلبن انتي وياها عاد مب ياهل
موزة: انزين انتي روحي سوي لي شراه
خلود بطرف عينها تطالع موزة: خلي ميري تسوي لج واحد بروحج وعن هذا الاستهبال
موزة: قولي لها انتي
سلمى فوق الكرسي واقفه : ميرييييييييييييييييييييييي ميرييييييييييييييييييييييييييييييي

راشد يطلع برع ويجوف موزة فوق الطاوله وسلمى فوق الكرس قابضة ايد موزة وخلود واقفه وحطية ايدها على خصرها ومعصبه

راشد يزاعج عليهن: اييييييييييييييييييييي شو تسون انتن فوق جي
موزة تزاعج عشان يسمعها : مااايخصك
راشد: سلمى شو صاير
سلمى تزاعج بنبرة جنها تتبزا: والله ماخذة الكوفي مالي والله معدلتنه انا من الخاطر اخر شي تشربه هيه وبعد تمطه عني
ايي احمد وهو رايح صوب اخوه بس ماكان يجوف البنات :راشد
راشد مب مهتم شو يبغي اخوه : احمدوووه تعال تعال جوفهن
احمد مب عارف شو اسالفه :من (وهو يطلع ) هييييييييييييييييييييييييييء سلمى شو تسوين فوق الكرسي
سلمى اول بدايه استحت بس ماهان عليها الكوفي مالها: ابغي الكوفي مالي
احمد: برايه تضاربين ياهل عليه
راشد وهو يبتسم على سلمى : اونه معدلتنه من الخاطر
احمد: سلمى طبيه اختاري اي كوفي من اي مكان وبيبه لج اصلن خلاص شو تبنه دامه ساكته وخلاص برد اصلن
سلمى مابغت ترد كلام احمد ومخليه نفسها مقتنعه: والله صح ,خلاااااص خذيه حقج ما اباه

ونزلت سلمى من الكرسي وراح صوب المطبخ ولحقتها خلود وهو تتذمر
خلود: لو يت احمد من ربع ساعه ماكان احسن
ويلست موزة فوق الطاوله وتشرب الكوفي : اصلن لذييييذ
سلمى : ادري الاني مسويتنه انا
احمد: لاتردين عليها
خلود: الحين يلا نبغي من ستار بكس
احمد يطالع خلود بنص عين : انتي شو يخصج عازم سلمى مب انتي
خلود : عازم سلمى (فاطمة من وراه تكمل)
فاطمة: احم احم يعني عازم فطوووم وخلوداان
احمد: نعاااااام
سلمى بدلع: احمدووووووه لو سمحت
هنيه احمد قال في خاطره "يفدااج احمد وروحه" : لبيه الغاليه امري قولي يالي تبينه
راشد بطلعن عيونه من قلت ادب اخوه : اييي المهروم عيب عليك
احمد: دامها بتصير حلالي عادي
فاطمة: رشود انت مايخصك
خلود: هيه مايخصك
راشد: هيه دافعن عنه عسب ايب لكن
احمد يبغي يقهر اخوه : اصلن انا يايب لهن بدووون حنه
راشد: يالحيواااان نتفاهم عقب
احمد: بوديكن العصر ستار بوكس اوكي
سلمى بحماس: مششكوور
فاطمة وخلود: ثااااااااااااااااااااااااااااااااااااااااااااااااا اانكس نردها في عرسك انت وسلامي
احمد ابتسم وغمز لسلمى وراح
فاطمة تتامل: يحظج ليته عندي حد يحبني كثر احمدوووه مايحبج
خلود وهيه تتامل معاهن: هيه والله
سلمى تستوعب انه خلود شرات فطوم: حراام عليج سلووم يحبج
فاطمة: هيه والله
خلود من يابو طاري سالم عصبت وراحت داخل
..................

عند صلاة الظهر الكل كان واعي ومتسبح ومتطيب
الريايل راحو المسيد والحريم في البيت يزهب الغدا ويخلصن
.......
عند غرفة هند بحكم انها اكبر وحده وكل متطلباتهن فيها كلهن في غرفتها ..هند بروحها في غرفة محد يشاركها فيها غير نورة احيانن مئثثه الغرفه بروحها .. والاثاث هادي طقم واحد ولونه بيج والغرفة تقريبا كلها بيضى مع تدخل الاون اذهبي.. واهم شي اتسرحيه الكبيرة وكل الاغراض يالي يبنها البنات من مكياج وغيره موجود

موزة على شبرية قاعدة ولاوية على المخده: ايييييي عدلن شعري من متى اتريى وحده منكن تخلص
نورة وهيه مصدعه منها: سلمى بلييز دخيييلج عدلي شعرها عورتلي راسي
سلمى بلا مبالاه: اصلن انا زعلانه منها
موزة تعق المخده عليها:اييييييييييييييييييييييي انتي .... حمدي ربج خليت احمدووه يعزمج على ستار بوكس بدال ما تبوسين راسي
هند ونورة منصدمات ويتركن كل يالي بايدهن ويلفن صوب سلمى: هييييييييييييييييييييييييييء عزمج احمدوووه
هند: يالمهرومه انتي شو مسويه بريال
نورة :هيه والله صدمني يالي قاله اليوم لامج .. والله مب هين احمدوووه
خلود مندمجه: قولي قولي شو صار
هند باسلوب يضحك: حبيب القلب اليوم كان نازل يغني ويوم سالته يدووه من ماخذ عقله اول بدايه تم يستهبل عقب يوم راح صوب الباب قال حق امايه ..تراه محد ماخذ عقلي الا بنتج ياعمتي ام سالم ... ومابرتاح الا يوم تصير حلالي

فاطمة تصفق وتصفر: الله الله عليك يا ولد خالي مب هين
خلود: يحظج والله
موزة عصبة: فكوني يلا عدلو شعري
نورة تلف صوبها وتفر لها مشط: انتي جب ... عورتي لي راسي
فاطمة: لالا ويييت بخبركم شو صار لما طلعتن برع سلمى وموزة
موزة يوم يفوتها شيء وكانت هيه من بين الحدث تندم: شوووووو صار
فاطمة: يدوووه قفطتهم قااالت لسعووود ورشووود
هند تلتفت : يالهرمه لا تقولين
نورة: اصلن عادي بس قالت لهم اخيرا بتجبرون بخاطر ذيل يالي موقفين بنصيهن الانهم خلاص بشتغلون
تنش سلمى وتلوي على هند اختها : مبرووووووووووووووك حبيبتي ان شالله تعرسين قبل لا اعرس
....................

رجعو الريايل من المسيد ودخلو الميلس ولقو كل شيء جاهز ...الغدا موزع في ثلاث صياني كبار وروب وشطه وسلطه والماي والمشروبات الغازية والعصاير ولبن .... ومحطاي على طوله عند القعدة يالي قرب اتلفزيون قهوه وفوالا وشاهي اخضر

وتغدو كلهم الحريم والريايل
وعقب الغذا كل حد راح دربه يالي يريح ويالي المول ويالي يتابع التلفزيون
عند البنات موزة تابع فلم اجنبي اكشن و فاطمة وسلمى وخلود في غرفة فاطمة يسولفن عن يالي صار لهن هذا الاسبوع ... طبعن سوالفهن تتوالد ماتخلص ... ونورة وهند في غرفة وحده وراقدات ....اما الحريم في الميلس يسولفن وانتو طبعن تعرفون سوالف الحريم
............................

الشواب راحو يريحون في غرفهم و جاسم وسعيد وراشد في الميلس واحمد راح يتحوط شوي وسالم وبخيت وخالد في المول

العصر رجع احمد البيت وراح استاذن من امه وعمته وخالته انه بشل البنات معاه المول
احمد يتصل على الفون الثابت يالي في الطابق الثاني وراحت سلمى ترد عليه

احمد: الوو
سلمى: الووووو
احمد: من
سلمى عرفت انه احمد وبتسمت: انا سلمى امر احمد
احمد ابتسم وفيخاطره "فديت هذا صوت: ماتبن تروحن المول
سلمى: نبغي بس اخاف امهاتنا مايطيعن
احمد: انا خلاص رتبت الامور عشر دقايق والاقيكن في السيارة
سلمى: اوكييييييي انا بس دقيقتين وبتلقاني في السيارة مزروعه
احمد ضحك: يلا عيل بسرعه
سكرو عن بعض وراحت سلمى تخبر البنات وبعد ازعاج وافقن يخلن موزة تروح معاهن
في السيارة موزة بحكم انها اصغر وحده قاعده جدام وسلمى ورى احمد وفاطمة في الوسط و خلود ورى اختها ,وعقب ماصولو العين مول قبل لا ينزلن من السيارة
احمد يطالعهن ,سلمى كانت تعدل شيلتها عسب تتغشا ,وكذلك خلود: فاطمة وموزة ليش ما تتغشن ان شالله
موزة: انا صغيرة
فاطمة: انا مب متعوده اتغشى
احمد: يكون في علمكن يالي تركب معاي ماتنزل من السيارة الا متغشية
فاطمة :بس انا ما اتغشى
احمد: يوم تركبين معاي وطلعين معاي لازم تتغشين
فاطمة: لا
احمد : عيل يلا انرد البيت
موزة تصارخ: فطوووووووم حرااام
فاطمة: اوكي اوكي خلاص بتغشى
احمد: يله بسرعة
وتغشن كلهن ونزلن معاه وهو داخل رايح صوب ستار بوكس
كانو سالم وبخيت وخالد رايحين صوب الستار بوكس عسب خالد ويالي مواعدنها
والبنات على الطاوله واحمد راح يطلب
سالم ينتبه لسلمى اخته : ايييييييييييييي خلووود بخيتوووه نطلع نطلع
خالد: بعدني ماقعدت معاها
سالم: البنااات هنيه
خالد: منو يايبنهن
بخيت: هيه والله هكن
خالد: ماجنة اخوك احمد هذا
سالم: مب ناقصين مشاكل خلنا نطلع
بخيت: الحمدلله انا مب مدنس من سوالفكم
خالد: ماجنك كنت بطاوعه البارحة
سالم عصب: ممكن تسكرون عن الموضوع
خالد: هذيه يايه خلنا نطلع
سالم: رووح اتصل فيها وتلاقو في مطعم او كوفي ثاني
خالد: بلاقيها في اسيارة
بخيت منصدم: لا تستهبل
سالم يطالع بخيت: حليلك يا بخيت نص بنات بوظبي مطلعنهن بسيارته ولا ازيدك يطلعهن من المدارس والجامعات
بخيت: الله يغربلك ماتخاف
خالد: مع سلامه وانته دواااك معاي عقب
راح خالد يتصل في البنت عسب يواعدها في مكان ثاني
بخيت وسالم راحو يتابعون فلم
والبنات راحن مع احمد صوب اسيارة كانت موزة تستهبل وتدخل بين السيارات ولمحت سيارة بخيت وتجوف من داخل جافت بنت تطالع من يسوق :في خاطرها "هييييييييييييء حيوان ياخالد تواعدهن في اسيارة بعد "
خالد انتبه انه في وحده تطالع برع وتفاجئ يوم جاف موزة في خاطرة:(خيييبه هذي الحين مرتين صايتني والله لازم اتفاهم معاها)
فاطمة: اييييييييييييييييييييييييي موووزووة بسرعه تعالي
موزة تستوعب و بسرعه تسير وتركب السيارة
احمد: الحين وين تبن تروحن
سلمى: خاطري ارووح المبزره
موزة: لالا
فاطمة: خلاص سلمى تختار الانها هيه يالي معزومه
احمد: هيه صح
راحن المبزره وتمن يتحوطن كانت موزة عقلها مب في راسها بس سوت طاااف وخلود وفاطمة مع بعض وسلمى قاعدة على الكرسي بروحها و احمد يا من وراها
احمد: ليش ماتروحين معاهم
سلمى استحت عمرها مارمسته وهيه بروحها: أأأأ البور مالي خلص
احمد يقعد عدالها بس من بينهم مسافه: مب من شي من الزعيج يالي تزاعجينه
سلمى تدلع لسانها: والله احاول اخفف صوتي بس ماشي فايدة
احمد: لالا لاتخففينه ,الاني احبج مثل ماانتي اباج مثل ما انتي
سلمى ابتسمت وحمرة ونزلت راسها
خلود تنتبه : ايييييييييييييييييي بنات جوفنهم والله جميلين
فاطمة: يحظهاااااا
موزة: ربي يهنيهم
اما عندهم احمد مسك ايد سلمى وفتحها
احمد: هذا لج ..... ولا ..لالالالا
نش احمد وراح يوقف وراها ومد ادينه حولين عتقها
سلمى تنصم :شو هاااا
احمد: قبل لا ايي اخذكم اشتريت هذي اسلسله لي ولج انا حطيتها في سيارة وانتي لبسيها
سلمى :مشكووور
احمد قرب راسه من صوب اذنها :اتمنى ماتبطلينها لين الملجة ..ابغي ابلطها انا
سلمى: هااااااااااه .......... "بلعت ريقها" ان شالله
احمد وهو بعده مقرب من اذنها: ابغي اقول شي بعد
سلمى وهيه خلااااص ذااايبه من الحيا : قوول
احمد: بس ما ابغي ح يسمعها من لساني الا انتي حتى الطير ما ابغيه يسمعها
سلمى وفيها فضول مع حيا: انزين قوووول


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1