السلام عليكم ورحمة الله وبركاته


نظرة الشفقة تحطيم داخلي لربما هو افضل منك


الموضوع بإختصار يتكلم عن المكفوفين او معاق او اي شخص يعاني من مرض ما



مثال :


لو طلعت سوق شفت واحد معاق وش راح تسوي تجلس تطالع فيه مو بس انت لا كل من يمر يطالع تطالع في شنو ضف وجهك وامشي تحسبوها نظرة عادية ترى هالنظرة تحسسهم انهم ناقصين تحرق قلوبهم كثير وكثير معاقين ومكفوفين ومرضى بأمراض خطيرة احسن من شخص سليم بملايين المرات
حفاظ لكتاب الله شاكرين للنعمة بعكس الشخص السليم يتمنى الاكثر والاكثر وما يشوف انه في ناس تعاني وتشكر لا يشوف انه ما عنده ويتمنى المهم خرجت شوي عن نطاق الموضوع والموضوع يتكلم فقط عن نظرة الشفقة الي تحسس الشخص بأنه ناقص ترى الكمال لله عزوجل يعني امشي ولا تطالع لا تلحقه بنظراتك وين ما يروح


طبعاً انا ما اتكلم عن الكلم اكيد اشخاص بصحة وبعد اخلاق ولهم مهارات وابداعات لكن لا تنتقص غيرك يمكن يكون افضل منك


ودي لكم

تحسبوها نظرة عادية ترى هالنظرة تحسسهم انهم ناقصين تحرق قلوبهم كثير


لحد يجي الحين ويقولي وش يدريك انا لما كان عمري سنتين جاني مرض كان بذيك الايام خطير لكن الحين علاجه بسيط عالعموم من اعراض هالمرض انتفاخ الجسم لدرجة انك ما تعرف الشخص الي قدامك المرض هذا استمر معاي لين صار عمري 13 سنة وبعدين بفضل الله تعافيت اهلي واهم اهلي يوم كنت اجلس معاهم اكنت احس بشي غريب كانت عيونهم كلها شفقة والله كنت كارهة نفسي يوم يرجع جسمي طبيعي ويوم انتفخ وبالمدرسة طبعاً ابتدائي يعني كلهم اطفال انواع التريقه طبعاً ما ألومهم اطفال لكن ألوم الكبار الي كانوا يحسسوني بالنقص مهما حاولت اتغلب عن هالشعور

المهم اترك الموضوع لكم

هالنظره تحديدا بتنزل بيه لسابع ارض ويسوي اي شي وكل شي عشان مايشوفها

نظره تقسم الظهر وتكسره تكسير بتحسسه بالضعف والعجز والدونيه وانه مهما سوى وحاول

بيظل هو هو ومو شايفين منه الا النقص اللي فيه واعاقته

وهالشي هو اللي يمنع الكثير منهم من الاختلاط بالاخرين والتواجد بالاماكن العامه

اللي فيهم يكفيهم ومب ناقصين كل شوي يذكرونهم بمشكلتهم ويحكمون عليهم بيها

هم محتاجين تشجيع واهم عامل فيه هو معاملتهم بطريقه عاديه وطبيعيه

وبعدين اشحقه هالاحساس بالشفقه ! الله خلقهم جذيه وله حكمته وعادة مايكونون متفوقين

ومتميزين واحسن عن ناس وايد

المسكين الصج هو اللي ضيع دينه اهو الي يستحق نظرة الشفقه مو هم

يعطيج العافيه اختي وشكرا على الطرح الطيب

-





وعليكم السلام ورحمة الله وبركاته



نظرات الشفقه أو الاحتقار . .

نظرتان مختلفتان لطريق واحد وهو اثارة ازعاج الطرف الآخر . .

لذا أُمرنا بغض البصر . .

فلا نطلقه دائما و كأنه أشعة ليزر . .

و ما اجمل ان ينشغل الانسان بالنظر إلى خطوات قدميه أفضل من أن يجعل من نفسه ( عداد كهرباء ) . .

ثم إن النظرات قد تُفهم بألف ألف معنى . .

لذا الأفضل أن نوفرها لأنفسنا . .

و من الخطأ كذلك ان نتأثر بنظرات أو كلام الناس . .

لأنهم متعبِـــــون حد الانهاك . .

لذا لا تنشغل بغيرك ولا تهتم لغيرك . .

هكذا تتزن المعادله . .



و أشكرك ياأختي على مواضيعك الطيبة هذه .






-

الموضوع حلو
انا عن نفسي بالعكس ماشوفه معاقين او ناقصهم شي
بالعكس منهم المبدعين
انا عندي رفيقه عندها اعاقه جسديه
بس ها الشي ماخلاني انظر لها بنظرة الشفقه ابد
بالعكس اهي اعز صديقه اللي
والاعاقه ما خلتها تكسرها
بالعكسه اتمنئ اكون بنصف قوتها
لانها فعلا قويه

السلام عليكم ورحمة الله وبركاته

يسعدلي صباحكم كيفكم ان شاء الله بخير؟

بدايه لي بالموضوع شاكر لك ماقدمته اناملك اخت معذبني

فانت فتحت جروح قد يعتبرها المعاقون وهيالنظره تجاههم

فكل مااستطيع فعله غض بصري وعدم الرؤيه ومتابعة المسير والنظر للاسفل

حتى لااحسس المعاق او المكفوف بانه كذلك او حتى المضي ولاانتبه له

وان كان الشخص يجيد فن التعامل معهم فالمبادره بالكلمه الطيبه خير لهم

وعدم التحسس بانهم كذلك بل المعامله وكانهم مثلناتماما بشر لاينقصهم شئ

اسف على الاطاله ...اخوكم.عبدالله
موفقين

وعليكم السلام ورحمة الله وبركاته


نظرة حب وعطف واحترام


اساسه ما في فرق بين المعاق والمتعافي


كلنا بشر

واكبر مثال

"قاهر المستحيل".. كتاب "بوقس" عن تحدي الإعاقة وتحقيق الآمال

واخيرا لقيت ذا الموضوع من زمان ودي احكي فيه...
صح عليك كل الكلام اللي قلتيه طبعا انو الانسان يطالع شخص معاق هو شي طبيعي ولاارادي في البشر لاكن بعض البشر نظرة الشفقة والاشمئزاز منهم تقتل الشخص المعاق الف مرة في الدقيقة اوكي نقدر انك متعاطف معه بس نظرة الشفقة تزيده الم على المه لان كل انسان يصير واعي بان الشفقة راح تكون شي سيئ لو بانت لشخص معاق او اي كان لازم يعرفون انو للتعامل مع المعاقين حدود لان ممكن بدون ماتحس تجرحهم وتسبب لهم الم كبير في مجتمع كمجتمعنا المعاق حالة شاذة يشمئز منها الكل(يعني مو كلهم بس في ناس ماشاء الله عليها)وهذا الشي يقهرني بمجتمعي نحن امة محمد وامة الاسلام كيف نعامل الاشخاص المعاقين كذا؟الرسول وصانا نعامل الناس سواسية؟ليه كذا؟يميل الاشخاص المعاقين للانطوائية بسبب نظرة الشفقة ونظرة المجتمع القاسية وبعدين في مجتمع هنا احلامهم محدودة لان الدولة ماوفرت لهم كل اللي يبونه حتى يوصلون لهدفهم او حاجة في نفسهم
ادعوا كل شخص يبتعد عن نظرة الشفقة خصوصا لشخص معاق ترى والله النظرة توجع بالحيل(اللي ماترضاه لنفسك لاترضاه لغيرك)
تحياتي::
سيدة الهدوء$$

وايش يعني كل واحد منا مبالاة يعني من ضامن روحي يمكن الي تشوف ووصف وتضحك علية بتصير مثلى ثاني شي شفقة ؟ من أحسن انت ولا ربك مافي انسان يحتاج انسان والرب موجود لأن الأمراض بتجي منة وهو الي ببينجينا من أي مرض ♥