غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 24-07-2013, 09:40 PM
صورة رشآ_الخياليه الرمزية
رشآ_الخياليه رشآ_الخياليه غير متصل
©؛°¨غرامي متألق ¨°؛©
 
11302798202 رواية سهام الأيام /بقلمي؛كاملة



رواية:
(((ســـهـــآم الأيـــــــــــام)))


.....بعالم كبير وواسع..أمضي به وحيده دونما سند..
وحيده واظن ان ليس لي أحد..
غير وجه أمي كل صبـاح لم ترى عيناي من الأقارب أحد!!..
كان الوطن يكاد يضيق بي كلما اتذكر مرضها الذي يأخذ من صحتها ونشاطها كل يوم ..
كل يوم أراها تذبل أمام عيّنيّ...
ولضيق ذات اليد..تركت مقاعد الدراسه بعد سنه قضيتها في التمريض!..
أصحو على أمل وأنام على أمل...
ومع مرور الوقت...يتضاءل الأمل ولا يزيـد...
كنت ومازلت متفاءله...رغم ما اتعرض له من صعوبات في وظيفتي التي تحتم علي الإحتكاك بالرجال,
في مجتمع يحب المرأه ولكنه لا يُرحب بعملها مع الرجال!!!!!
تعرضت للتحرش.وسكتت من اجل لقمة العيش ومن اجل أمي المريضه فقط...
ومازلت رغم الألم أحمل أملاً وحُبـاً..وتفـاؤلاً بأن غداً سيكون أفضل..
ومازلت أُكافح من اجل أمي ومن أجلي...

,


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 24-07-2013, 09:43 PM
صورة رشآ_الخياليه الرمزية
رشآ_الخياليه رشآ_الخياليه غير متصل
©؛°¨غرامي متألق ¨°؛©
 
الافتراضي رد: رواية:سهآم الأيـام..




#الـسهم الأول...

<<القووي فقط بهالدنيا يعيش>>

........

في حي من احياء العاصمه الشعبيه~
تسكن أم مريضه بمرض خطير ويهدد حياتها ومعها بنتها(سهام) وهي وحيدتها بهالحياة...
سهام هي إحدى صديقاتي أو قريباتك أو ربما احدى جاراتك وبتفاصيل حياتها كفتاه تتكرر مواقف ربما مررنا بها أو أحد ممن نعرفه..
سهام هي موظفة استقبال في مستشفى خاص وكثيراً ما تستقيل وتنتقل لمستشفى ثاني لنفس السبب..
هذي باختصار بيئة بطلة الروايه والبقيه تعرفونه لاحقا وبوقتها~~

##الاحداث السرديه##

استيفضت كعادتها الساعه 8 واتجهت لدورة المياه وكانت مستعجله/يا ربي تأخرررت..
رن جوالها وكان السايق وما ردت عليه..
أم سهام دخلت تستعجلها/ي سـهاااام ي بنتي تأخرتي ع الساايق..فضحنا في الحاره..
سهام تكلمها وهي بدورة المياه/يماااه انا ما تأخرت بس هالحيواان يجي ياخذني بدري قبل دوامي بنص سااعه..
ام سهام/عااد وش نسوي به مضطرين نتعامل معه
سهام طلعت وهي تلف شعرها بمشبك كبير وتوقف عند المرايه وتزين بلوزتها وبطلونها/الله يلعن الحاجه اللي اضطرتنا نتعامل مع هالاشكال..وش فيها لو اننا نسوق
أم سهام وهي تبسم رغم ملامحها اللي اذبلها المرض/اقوول ابلعي العافيه..حتى لو بتسوقين..من وين لك فلوس تجيبين سياره
سهام اخذت عبايتها وززينت نقابها/هههه صاادقه..
أم سهام/ما اوصيك يا بنتي انتبهي لنفسك
سهام باست راس أمها وهي طالعه/يلا سلام يمه
أم سهام لحقتها/والفطووور
سهام نزلت ركض من على الدرج/مافي وووقت
أم سهام كحت وطولت بالكحه/آآآه يا بنتي والله موب هذا قدرك ولا مستوى عيشة أهلك..حتى أنا بعمرك ماتبهذلت مثلك..لكن حسبي على من كان السبب..

[[يبدو أن أم سهام تخفي سِرّ عن ابنتها...إن كانت كذلك حتماً سنعرفه...تُرى..ما هو سِرّك يا أم سهام]]
ِ

/
/
في الشارع:
طلعت سهام ووقفت ع الرصيف وتلفتت مالقت السايق وعصصصبت/الله لا يوفقك من سايق..راح وخلاني..
وقفت عندها سياره ددسن نيسان 2009 وهي تعرف صاحبها من كثر ما يضايقها..
*شاب اشهب لابس ثوب اسود وطاقيته مغطيه جبهتهوشعره طويل بشكل بشع* معروف بالحاره بأسم"ابوحبتين"/توصيله ي عسل
سهام سفهته ومشت وهي تمتم/يــاصبر الأرض عليك وعلى أشكالك
ابوحبتين/وش عليه يالمززه..نعديها علشاان الزين بس
فحط بددسنه ومشى...

سهام وهي متجهه لبيت جيرانهم "طَلّعت جوالها واتصلت على منال رفيقة دربها وبنت الجيران اللي تربت معها/ألـوووه منااال ...
منال في الجوال/هلا سهامو
سهام/مناال الحقيييني هالسايق التبن رراح وخلاني..
منال/ انا ابي اعرف وش مصبرك عليه..لا وياخذ منكم اجره كل شهر...اللي يشووفه يقول يوصلك صدقه
سهام/الله لا يوفقه...مناال بليييززز تكفيين تعالي
منال/أنا ماعندي دوام الصباح انتي عارفه دوامي ليلي اليوم
سهام بتملل/أوكي شسوي
منال شافت أخوها زيد يأشر لها/سهام ..زيود يقول فاضي و يبي يوصلك..لو حابه
سهام فرررحت/طيب خليه يجي..اكيد ابي اداوم قبل لا يكتبون لي تأخير وخصم انتي عارفه الراتب كله 3500
منال/اووكي خليك جاهزه..اللحين طالع لك..
/
/
لحظات وطلع زيد وهو يتبسم من بعيد ويأشر لها تجي..
سهام راحت له وتعتبره مثل أخوها لانهم متربين سوى وبينها وبينه فرق سنتين بسس/صباح الخير زيد
زيد نزل نظاراته/ صباح النوور ..
سهام/اسفه بثقل عليك اليوم
زيد/ولا يهمك أركبي بس..
سهام ركبت معاه/

[[سهام ومنال وزيد متربين مع بعض..وفي بنت أخرى أسمها"سَحَاب" قوية شخصيه وبالعاميه(شقرديه)ولها دور باارز...وهذوول سهام تعتبرهم أخوان دنيا]]
/
/
*نرجع للأحداث السرديه*

المستشفى:
في مكتب المشرف ع القسم..
سهام في خاطرها(يارب صبررررني ..ماني قادره اتحمل هالإنسان)
رجل في الأربعينات من العمر وملتحي وباينه عليه علامات الإلتزام/يا أخت سهام..مايصير كل يوم تتأخرين بهالشكل
سهام/أسفه استاذ مصعب..لكن ظروفي ..
مصعب قاطعها/يا أختااه أي ظروف اللي تخليك تداومين بمكان يعج بالرجال ومختلط هالشكل..
سهام في خاطرها من الهم جبل وهو يسألها وش ظروفك/أستاذ مصعب البيوت اسرار
مصعب بدون تفاهم وبعقليه متحجره/البيوت هي المكان الطبيعي للنسااء...منتي ملزومه تطلعين و..
سهام بعصبيه ماعاد قدرت تتحمل تهزيئه واسطوانته المشروخه اللي يسمّعها كل يوم قاطعته/بسسس...ولا كلمه انت ماتززهق ماعندك احساس..على بالك بطلع من بيتي كل يوم 8 ساعات يوميا وبراتب 3500 وما أخذه كامل بعد..علشان طفشانه من البيت وابي اتسلى!!
مصعب تفاجأ من ردها لأنها دائما تسكت له/..
سهام كملت/أنا وحيده مع أمي المريضه على الله ثم راتبي.. ماعندنا رجال ..ماعندنا عزوه..لكن نفوسنا عزيزه ماتطيق المذله..يا أننا ناكل من تعبنا وشقانا..ي نموت بكرامتنا..مو مثلك..متعين بالواسطه..ومامعك غير شهادة المتوسطه..في وظيفه المفروض اللي يكون فيها جامعي ..ولا تكذب...ترى عرفت كل شيء من ملفاتك بالأرشيف..وانت تتكلم عن الأخلاق والقيم..!!
مصعب تلعثم/لو سمحتي لا تتعدين حدودك..
سهام/انت ماخليت فيها حدود...وادري بتطردني من العمل لكن قبلها أنا من اللحين اقولك بستقيل..يا مُدعي القيم والأخلاق..
طلعت وسكرت الباب بقوه..
مصعب كان متفشل ويحمد ربه انه محد سمعها...
/
/
/
/
آآه يا دنيـا الشقى...وش باقي ما حصل...
/
/

وقت العصر"
منال طالعه من بيتها ومتجهه لبيت سهام...وهي خايفه..
رنت الجرس بقوه/
شويات وفتحت أم سهام الباب/هلا منال
منال وباين على ملامحها القلق/خالتي العنود..وين سهام؟..شصاير عليها
أم سهام ببتسامه/ماعليك..لا تخافين..تعبها اللي انتي عارفته..تدرين هي عصبيه واذا عصبت تتعب من القولون
منال/ادرري..ابي اشوفها
ام سهام/تفضلي

بغرفتها:
منال بعدما عرفت السالفه/الله يصلحك وبعدين معك متى بتثبتين بوظيفه
سهام بفقدان أمل/متى ما لقيت مكان محترم اشتغل فيه
منال/أقووول اسكتي..اللي يسمعك يقول الشغل عندنا مقطع بعضه...ومن زين شهادتك بعد
سهام التفتت عليها/منال ان ما سكتتي صكيت راسك بهالكاسه
منال بعناد/ماني سااكته..ي بنت انتي عارفه مجتمعنا كيف صاير ..ووضعك انتي وأمك صعب لازم تتنازلين شوي علشان رزقك..انا اتكلم علشان مصلحتك..
سهام بلعة ريقها وصدت/تدرين مديريي هاللي تهاوشت معه وش شهادته؟...متووسطه..يعني انا اعلى منه شهاده بالله مو ظلم مووظللم
منال/هذا انتي قلتيها...عالم الواسطات مالنا فيه نصيب...حنا ناس عايشين في الظل..نكافح
سهام كتمت غيضها...وسكتت
منال/أسمعيني زيين ترى بقدم لك في المستشفى اللي اشتغل فيه محتاجين موظفة استقبال ..لان زميلتي خطبها وتركت الوظيفه قبل لا يدري انها تشتغل بالاستقبال ويكنسلها..
سهام خافت/استقبااال!!!
منال/إيه استقبال..وتباشرين وظيفتك من الأحد
سهام بنص عين/وانتي خلاص قررتي من عندك هااه
منال/ايييه كلمت مديري بو عيسى عنك قبل لا اجي ووافق..بس تكككفييين لا تفشليني..
سهام وكأنها رضت لأنها ببساطه مضطره/ما اضمن لك اني بسكت على احد يدوس لي على طرف..
منال/ ومن قالك اسكتي..لا تختفين من ناحية مديرنا..طيووب ورجال كبير ومحترررم..ادعي يطوول بمنصبه..لي 5شهور متوظقه عندهم و عمرره ما حط عينه بعيني حتى وانا اكلمه بموضوع.
سهام ارتاحت نوعاً ما/الله يكتب اللي فيه الخير..
منال/أمين..
/
/
بزاويه أخرى من نفس المدينه...
في صالة البيت..
سيدة مجتمع خمسينيه انيقه تُدعى نوره جالسه تتقهوى وكأنها تنتظر أحد/...
نزل من أعلى السلم "راكان" شاب عمره ببداية الثلاثينيات..مثقف ورجل اعمال كما العائله/مساء الخير يا أحلى بنوته بالدنيا
نوره نزلت فنجانها وهي تضحك/هههههه
راكان جلس قبالها وهو يناظرها باهتمام/شفيك عمتي ماقلت نكته
نوره ناظرته بنص عين/أنا بنوته يا بكااش
راكان/وأحلللى بنووته بعد..آآآمرريني عمتي طلبتي تكلميني بموضوع مهم
نوره بشوي جديه/أي فديتك...بصراحه..عمك بو راشد الله يسلمه لمّح لي أنك ترى مصختها..متى بتخلص موضوعك مع "ريم"
راكان قاطعها وهو يناظر ساعته/عن اذنك عمتي تأخرت على رجال مـ...
نوره قاطعته/راكان حرام علييييك
راكان وهو مستعجل/أوكي بعدين نتكلم بهالموضوع...سلااام
طلع مستعجل ...
نوره جاها إحبــاط/الله يهديك يا هالولد..
/
/
/

الساعه 10 ونص بالليل..
راجعه من العمل وهي مجهده وصلت الباب ووقفت علشان تطلع المفتاح من شنطتها...
فاجأها صوت خشن وأرعبها/أخيــراً رجعتي بيتك..يادااافع البلاااا
سهام حطت يدها على صدرها وهي تسمي على نفسها/بسسسم الله الرحمن الرررحيم..أنت منييين طلعت لي..ماتخلي طبايعك يا هالشااايب
رجل في العقد الخامس من العمر"صاحب وايت نقل ماء" أسمه"مفلح"/ليش شايفه جني الله يكفينا البلا...انتي اللي منين جااايه تووواالي هالليوول..؟!!!
سهام متعوده على لقافة اهل الحاره/وااااانت وش دخللللك فيني..وش هالديره اللي كلها فضوليه.وكلن يتتبع الثاني...شتبي يا مفلح؟
مفلح بلهجه جنوبيه/خذوا عقلش..فيه بنتن ترجع لبيتها في تيه الوقت المتأخر هاااه!!!
سهام فتحت باب بيتهم/ياليل مطووولك..أقوول انقلع ماني فاضيتلك..اذا بتكلمني جنوبي طس وراك
مفلح/لحظه يا سهام لحظه...تبين تنسيني اللي جاي علشانه هااه
سهام ارتفع ضغطها منه/نعنبو بليسك انت اللي تهذر أنا ماقلت شيء...يلاا تكلم وش عندك
مفلح/وين قيمة الماء ؟
سهام/يا ررربي موعد السداد مو يوم الخميس
مفلح/إلا يوم الخميس..
سهام/أجل انقلع وكل تبن وانتظر لين يوم الخميس...بتجيك فلوسك لا تقعد تطامر كل شوي عند باب بيتي..
مفلح/أفااا ياذ العلم..عيييب عليك
سهام تركته ودخلت البيت وسكرت الباب....
دخلت داخل وهي تتسحب ماتبي تصحي أمها...وتفاجأت بأمها طايحه على الأرض ولا تتحرك وصرخت/يماااه شفييك ؟..قووومي يماااه
أم سهام بدون حركه/............
سهام صرخت/يماااااه
/
/
يتبع




((قراءه ممتعه))




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 24-07-2013, 09:43 PM
صورة هَـمـس *. الرمزية
هَـمـس *. هَـمـس *. غير متصل
©؛°¨غرامي جديد¨°؛©
 
الافتراضي رد: رواية:سهآم الأيـام..


بسم الله الرحمن الرحم
بدآية رآئعة ..
وموفقة إن شاء الله :) !
هَـمـس*

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 25-07-2013, 05:21 AM
صورة رشآ_الخياليه الرمزية
رشآ_الخياليه رشآ_الخياليه غير متصل
©؛°¨غرامي متألق ¨°؛©
 
الافتراضي رد: رواية:سهآم الأيـام..


اقتباس:
المشاركة الأساسية كتبها هَـمـس *. مشاهدة المشاركة
بسم الله الرحمن الرحم
بدآية رآئعة ..
وموفقة إن شاء الله :) !
هَـمـس*
اشكرك عزيزتي...

لقلبك اكاليل الورد

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 25-07-2013, 05:22 AM
صورة رشآ_الخياليه الرمزية
رشآ_الخياليه رشآ_الخياليه غير متصل
©؛°¨غرامي متألق ¨°؛©
 
الافتراضي رد: رواية:سهآم الأيـام..




##السهم الـثــاني""


<< الأحلام حدائق البسطاء...
.....

طلعت سهام جوالها من شنطتها ويدينها ترجف وتمسح دموعها وتدور رقم زيد ومنال وما يردون عليها/وييينكم..شبلاكم ماتردوون...
قامت واتجهت للمطبخ واخذت كأس وعبته مويه ورجعت ركض لأمها..وصارت ترش عليها/يماااه ردي علي ..مالي غيرك يا تاج راسي..يمااه..
سهام لاحظت يد أمها محروقه بشيء حار وجانبها كوب قهوه مدلوق..!!
قامت سهام وهي تتذكر وتدور أحد تتصل عليه/سحااب مافي غيرها..
ردت سحاب بكسل وصوتها فيه النوم/هلا
سهام فرررحت/سحاااب تكككفييين الحقيني أنا رجعت من العمل الليلي..ولقيت أمي مرميه في الصاله...مو راضيه تصحي.
سحاب استقعدت بإهتمام/لا تقلقين وانا اختتس..كلها ثوااني واكون عندك...يلا طلعي الوالده عند الباب..خليني اصحي عزوز..
/
/
[[في بيت قديم...
تسكنه سحاب واخوانها الصغار عزوز و مجود..لوحدهم بعدما توفي اخوها الكبير (صقر)...وأمها وأبوها في حادث سير...
صقر اللي كان أحن عليها من النسمه.ومعتبرها اخووه مو أخته.عاملها مثلما يعامل الشباب..وعلّمها السواقه وشغلات كثيره..
وكأنه يعرف انه ماراح يطول و راح تصفي لحالها تربي اخوانها الصغار!!]]

*الأحداث السرديه*
طلعت سحاب من غرفتها رككض وهي تلف راسها بالشماغ وتدخل غرفة اخوانها/عزوووز عزوووز قم
عزوز عمره 10 سنوات/شتبيييين سحاب بنوووم
سحاب/حبيبي يلا قوووم سهام تبيني اوديها المستشفى..قم يلااا
عزوز تكااسل/طييب طييب
سحاب شالته بسرعه وطلعت به مستعجله/الله يصلحك..
/
/
في الطريق للمستشفى:
سياره جيب1998تويوتا..
سهام وهي تبكي/عجلي شوووي يا سحااب
سحاب تسوق السياره/ابششرري هذا أنا مسرعه..الله يستر علينا من المرور السرّي وسااهر..
عزوز في كرسي المعاون قدام و نااايم...
سهام تضم أمها وهي تنهد/..

دخلوها المستشفى..
سهام وهي تنادي/احد يساعدني يا ناااس...حاله طارئه..
الممرضه/اوكي خلي الوالده وروحي ادفعي بسرعه علشان نباشر الحاله..
سهام بغت تنهبل/ألحقوا أمي بالأول..أمي بتمووت .وانتي جاالسه تكلميني عن الفلوس...ياخي حسوااا يا بشرر.
الممرضه/اسفه هذا نظام...
أقبلت سحاب بعدما ركنت السياره وجابت عزوز معها/خيييير خييير ما تستقبلون المريضه..!!
الممرضه ببرود/لو ما راح تدفعوا راح تخسروا مريضتكم...ليش مارحتوا مستشفى حكومي
سحاب/نعنبو بليسسسك هذا اقررب مستشفى لنا...والحاله طــارئه..ووزارة الصحه أمرت باستقبالكم للحالات الطاارئه بسررعه..ابي اعرف هذا مستشفى وإلا تجاره و ابتزاز لصحة البشر!!
عزوز رحم سهام ودموعها..ونزلت دموعه بسكات...
سهام اعصابها تلفت و بدأ يثور عندها القولون, وبدأت تتعب هي/طيب انتم باشروا حالتها وانا بروح اجيب الفلوس..والله اوعدكم...اخذي بطاقة هويتي رهن..
سحاب شافت سهام بدأت تجيها حالتها وذبلت في ثواني, جـاءت ببالها فكره خورافيه/عزوز تعاال !!
سهام جلست على الأرض وهي منهاااره وتحس أنها النهايه..

[[انتهى كل شيء..بعد أمها مافي حياة...مالها أحد تعيش علشانه أو ع الأقل معه!!..
أمها كانت كل حياتها..كل ناسها..كل أهلها...كل ذاكرتها..
أمها "الإنسانه الغامضه" اللي أرعبت نساء الحاره أول ما سكنت..لأنها كانت عزبااء جميله ووحيده ومعها بنت..عاداها الكل..ومع مرور السنوات حبوها..
لأنهم عرفوا انها مالها أي مقاصد من اللي كانوا مفكرين..ولأنها ربت بنتها بعرق جبينها وما أستنت أحد يتكرّم ويعطيها]]

*نرجع للأحداث السرديه*
أقبلت طبيبة امتياز شابه أسمها(ساره) كانت مـارّه وشافت سهام طايحه على الأرض وما تحرك ساكن!!
اتجهت لها وقاست نبضها وخافت وألتفتت علة المنظفه اللي بالممر ونادتها/تعااالي ساعديني علشان نشيلها جوى..
العامله جاءت وشالتها معها وراحوا...

....
..
الصبــاح
..الساعه 9ونص..فتحت عيونها وتلاقي البياض يلفها من كل مكان وأجهرها بعيونها..حاسه بخموول وكسل..
لاحظت سلك انبوب ممتد من يدها إلى كيس معلق على عامود جنب سريرها...
هنا تذكرت أمها وفزت بسرعه وحست بدوخه..
وجلست لثواني حتى قدرت توقف..ونزعت المغذي من يدها (أمي حبيبتي مادري وش صار لها)
بهاللحظات دخلت سحاب ومعها الطبيبه ساره/السلام عليكم..
سهام وهي بقمة رعبها/أنا وش دخلني هنا بهالمكاان..وين أمي ي سحاب..
سحاب ببتسامه/تطمني الوالده بخييير. وماعليها..سنعتها لك وأنا أخت صقر..
سهام ابتسمت بدموع/كفوو حبيبتي..شسويتي؟
الدكتوره ساره/قولي وش ماسوت...ههههه
سهام استغربت دخول ساره..
سحاب/هههههه هذي الدكتوره ساره هي اللي أسعفتك..جاتك حالة القولون وانخفض ضغطك شوي..
ساره ببتسامه/شكلك كنتي مررهقه ومانمتي كويس..علشان كذا ماتحملتي الضغط اللي البارح..
سهام/لا مانمت اصلن كنت جايه من شفت ليلي ..ومواصله..وين أمي طييب؟!!
سحاب/أمك بعد سااعه بيخلونا ناخذها..وبنمشي..أنا خليتها تنام بالغرفه وتاخذ راحتها شوي..
سهام فررحت واسترخت في جلستها/الحمدلله..الحمدلله..
ساره ألتفتت على سحاب/تعاالي أنتي يا الداهيه شلوون طرأت عليك فكرة الصحافه والجريده البارح..جننتي ادارة المستشفى هههه
سحاب/ههههه حبيبتي أنا كيدي يشتغل في الزنقاات..مو مثل البنات تستخدمه في هبالها..
سهام/طيب وخافوا من الصحافه علشان كذا عالجوا أمي!!
سحاب/إيه.
ساره/وبالمجااان بعد
سحاب/ههه وساره شاركتني بالخطه وعززتني وقالت لهم ان فعلا اخوي بالجريده
سهام/لا أنا لازم ادفع حسابهم..مابيلهم شيء..
سحاب/ههههه بتدفعين 4000 ريال..!!
سهام وكأن مكبوب عليها ماء بـارد/هاااه!!!
ساره/هههههه عن اذنكم بنات اشوف شغلي
سحاب/اذنك معك..فرصه سعيده
طلعت ساره...وعم الهدووء لحظاات..
,سهام مصدومه بهالسعر/أسفه يا سحاب أشغلتك عن اخوانك..
سحاب/هههه اقوول ماعليك..اخواني وديتهم مدارسهم ورجعت لك هنا..نبي نمشي عااد..
سهام ابتسمت بإمتنان/أحبك يا قمر..
سحاب عفست وجهها/ماراح اقول وأنا بعد...
سهام/هههههه
:
:
.

[[رجعت أم سهام للبيت وكانت أفضل من تلك الليله...
تعدلت الأوضاع شوي بعدما قدرت سهام تلقى وظيفه بعدما أشارت عليها منال انها تتوظف في الاستقبال معها في مستشفى ثاني..
بدأت تداوم من فتره والامور ماشيه....]]
/
/
/
/
/
في نفس البيت الراقي في زاويه اخرى من المدينه ..
بنت هاديه أسمها (ريـم) وبملامحها مسحة كآبه ..و جالسه على طرف طاوله وبيدها كوب قهوه صار بارد..وكأنها تنتظر أحد!!
ريـم هي نفسها خطيبة راكان اللي سبق وذكرناه.وطبعاً ""حجر وليست حتى خطبه تقليديه"".
(من خطبها بــارد ما يعطيها وجه!!..مللللت من تجاهله..وهي بنت مثلها مثل البنات حالمه..)
شافتها أمها واتجهت لها/ششفييييك مبرطمه كذااا !!
ريم/لا ولا شيء..بس من تخرجت وانا انتظر هالوظيفه اللي مدري متى بتجي..
أم راشد/وانتي وش لك بوجع الراس والوظايف..منتي محتاجتها...
ريم/ابي اثبت وجودي..واسووي شيء؟؟
ام راشد/إذا محبكه معك الوظيفه...قوولي لأبوك خليه يتكلم مع معارفه ويوظفك..وشوووله تقلقين نفسك
ريم تكره مجتمعها الأرستقراطي ونظام الواسطه/لااا..لا يمه اذا بتوظف بتوظف بشهادتي..ولا تنسين أنا الأولى ع دفعتي
ام راشد وهي قايمه نفضت يدها/أجل اقعدي طووول عمرك تنتظرين اتصالهم..
ريم ما ردت عليها...وهي تناظر تويتر في جوالها...
[[ريم عمرها 27 سنه..نظام الحجريه..خلاها محجوزه..لراكان بما انه ولد عمها..بعكس اختها اللي اصغر منها...لأن لا يوجد من هو بسنها...لديها من تعششقه وهو "تركي" صديق أخوها راشد..وربما بادلها نفس الشعور..في الخفاء,,وسنعرف ذلك لاحقاً..لكن..ماذا نقول عن مجتمع لا يعرف عن الزواج سوى الإرتباط الأسمي فقط!!]]
/
/
/
×سهره بناتيه في بيت سحاب×
سهره بسيطه..والأهم فيها أن كل بنات الحاره يجتمعون ويلتقون..!!
سحاب ومنال وسهام و هياء وسلاف و ديم..
رغم اختلاف أصولهم و عوايلهم إلا انهم يجمعهم شيء واحد..(البساطه+الحاله الماديه المتوسطه والمتدنيه أغلب الأحيان)..
أقبلت سحاب ومعها سهام وكل وحده شايله بيدها صحن..
سحاب نزلت الصحن/راح تذوقوون الليله أحلللى ورق عنب
منال صفرت/وااااااااووو
سحاب/ههههه حسيت نفسي جايبه قول
سهام/خلوكم منها وذوقوا هالقطايف بسسس
الكل/ههههه
سلاف/وه يا زززينكم ويازين جمعتكم..قسم اششتقت لكم يا بنات
هياء/اي والله اشتقنالك يا بنت
سهام وهي تاكل قطعة قطايف/تكلمي عن نفسسك..انا ما اشتقت لها...
سحاب وهي مبققه عيونها باستهبال/ولا أنا..
سلاف تدري انهم يستهبلون عليهم/مـــــــــــاااالت عليكككم
الكل/هههههههههه
رن جوال "ديم" ارتبكت وقامت وطلعت...
سهام استغربت تصرفها لأن "ديم" عمرها ما طلعت علشان ترد على جوال,وقامت/بنات عن اذنكم بروح دورة المياه..
،
ديم طلعت وردت عليه/مرحبا حبيبي...
سهام كانت وراها وتفاجأت منها..وانصدمممممت واتجهت لها بدون ما تحس/ديـــمم
ديم خافت وسكرت الجوال وبان فيها الارتباك/هـ..هـلا سـ..سهام.
سهام من صدمتها فيها ماقدرت تعاتبها/من اللي يكلمك
ديم/هااه..هذا ..هذا ابووي.
سهام/ابووك!!!
ديم/لال اقصد دلال بنت عمي تسألني عن احوال ابوي بعد التعب
سهام وهي تخفي صدمتها من صديقتها/اها..طيب ادخلي خلينا ننبسط لا تطولين
ديم وجوالها يرن بدون توقف/اوكي اوكي...
سهام ماودها تدخل وتترك ديم" بس ماتبي تحرج صديقتها وتجرحها/لا تطولين حبيبتي...
دخلت سهام وتركتها...
ديم كانت يدينها ترجف ومقهوره من اللي تسويه...
/
/
/
/
/
تمر بنا سهام الأيام
و تجري بنا امواج بحر الحياه بين مد وجزر..فـ تاره تهدأ الأمواج ويبدو البحر مسالماً..
وتارةً يهيج ويبدو وكأنه لا يسكن ابداً...
و هذه الليله كانت ذات نسمه بارده..
قلبي فيها عاشق من دون حبيب!!..
أريد أن اطير..اريد ان أبحر ..
أريد أن...هـاه...لا لا أريد شيء..
بل أُريد...
أريد مساحه لقلبي...
أريد حضناً لأشواقي..
أريد حُبا يزلزل كيـاني...

**الليل~
دوام آخر يوم بالاسبوع *يوم الخميس* المستشفى
سهام وهي تطالع جوالها وتنتظر السايق يتصل ويقول وصل..وتنتظر صاحبتها اللي بتستلم الشفت بعدها..
دخل شاب جنتل ومعه بنت صغيره تعبانه واتجه للريسبشن....
سهام واقفه وتنتظر ربع ساعه علشان يخلص شفتها وتطلع/
الشاب اقبل للريسبشن وكان قمه في الذوق والذرابه/السلام عليكم
سهام رفعت راسها وطاحت عينها بعينه وسرحت ولا حتى أرمشت!!/...
الشاب سرح بعيونها المكحله خلقه والنقاب اللي جننه بفتحته الواسعه/..
سهام صحت على نفسها ونزلت عيونها وحاولت تضيق فتحت نقابها بسرعه وبلعت ريقها/آسفه ..سم .كيف اقدر اخدمك
الشاب انجن عليها بس هو بطبعه ثقييل وجنتل/بنت اختي معي وتعبانه حرارتها مرتفعه ممكن تنادين دكتور يشوفها لو سمحتي
سهام/اوكي يا اخ .. ماقلت لي ايش اسمك
الشاب وعينه على رجفة يدينها وهي تضغط على ازرار لوحة المفاتيح/راكان
سهام خخققت/ايش اسم الطفله يا استاذ راكان
راكان/اسمها جنى عبدالرحمن
سهام رفعت السماعه/اوكي..الو الدكتور احمد عبدالله لو سمحت اتجه للطوارئ رقم 3
راكان يبيها ترفع راسها له مره ثانيه ويشوف عيونها/مشكوره
سهام عجبها ذوقه بس حاولت ماترفع له نظرها/واجبنا العفو
راح راكان للطوارئ وهي تناظر فيه وتنهد(سوو سووو جنتل)
رن جوالها والا السايق وصل و اخذت اغراضها وطلعت بعدما سلمت الشيفت للي بعدها....
/
/
/
طلع راكان من الطوارئ بعدما تأكد له سلامة بنت اخته وراحت عيونه تدور اللي كانت ع الكاونتر أول ما دخل هنا ومالقاها..لقى وحده مكانها سمراء..!!
ضحك على نفسه شوي واخذ البنت ورجعوا للبيت...كان مبسووط وهو مايدري ليه!!
/
/

بطريق عودتها للبيت كانت سرحااانه..تتخيل وجه هذاك اللي سلب(قلبها) من نظره وحده بسس,,تنهدت،، وحاولت تزيح صورته من بالها بس ماقدرت..!!
وهي تحاكي نفسها(اففف شفيييه مو راضيه صورته تفارق خيالي...كل الوقت اللي شفته فيه دقايق قليله!!...يارب نسيني اياه وقسي قلبي على الحب..لا تعذبني ياقلبي...ولا عشقت تكككفى أعششق على قدددك..ولا تناظر فووق..لا تنااظر فوووق)..
وصلت سيارتها ونزلت...

/
/
يوم الجمعه~
يوم عطلتي وراحتي..نمت قد مافيني تعب وشقى..وصحيت بعدما شبعت نوم..تمثل قدامي في منام أو أنه مجرد خيال انا توهمته حلم..
استقعدت وابتسمت مادري ليه...ولكن احساس حلو خلاني ابتسم..
اعتقد أنه شعور أني بإجازه يدخل بقلبي سعاده..ضحكت على نفسي شوي ونزلت من سريري..
اتجهت للحمام ووقفت قدام المرايه وهي تبسم وتمد بوزها..ونفضت شعرها الطويل..وقالت بخاطرها وهي تبسّم "لو أمي ماتتحكم في شعري والا كان لين كتووفي ههه الله يخليلي الوالده بس"
لفيت شعري بشباصه لقيتها على رف المغسله..وغسلت وجهي..
,

سهام واقفه بالمطبخ وتسوي الغداء وتغني كعادتها ومستطربه..
خلصت الغداء وطلعت لأمها بالصاله/مااااماااا..أمي..يمااااه
ام سهام طلعت من غرفتها وهي تتبسم رغم ان المرض اهلكها/فديت قلب بنتي
سهام راحت تساعد أمها بالمشي/تركدي يمه بشوويش
ام سهام/هههه ماعلي الا العافيه
سهام/الله لا يحرمني منك يالغاليه
ام سهام/ولا منك يابنيتي...بشري عسى رحتي للطبيب و كشفتي على قولونك
سهام ببتسامة تفاؤل/يابنت الحلال انا بخيرر لا يهمك..ذووقي بس يمه هالمكرونه يحبها قلبك
ام سهام ببتسامه/اكيد حلوه مايحتاج
سهام/من يمدح العروس هههههه
ام سهام/على طاري العروس،أم زيد ولد الجيران كلمتني عنك كذا مرّه ..أنتي موافقه والا لا!!

[[سرّحت شوي وهي تكبت حزنها..الله يسامحك يا زيد..كذا بتهدم الميانه اللي بينا..وبنيت حاجز بيني وبينك!!..كنت اظنك اخو..ليش تسوي كذا ليششش]]
أم سهام كحت كحه قويه/هااه يا بنتي وش قلتي؟!! وين سرّحتي ؟
سهام فكرت بعقل تبي تفرح أمها رغم انها ماتبي زيد كـ زوج/زيد ونعم فيه وماينعاب. وماينرد يمه
ام سهام فررحت/يعني ابشره انك موافقه
سهام وهي تتصد عنها/ايه يمه انا موافقه
رن جوال سهام/ههه هذي منال اخت زيد تتصل
ام سهام/ردي عليها
سهام/يماااه خلينا نتعشى براحتنا وبعدها برد عليها
ام سهام/يماااه منك لازم تحرقين اعصاب الولد
سهام تتبسم وهي تتخيل شكل زيد وهو فرحان وكملت عشاها وهي تفكر بكل لحظه بريئه جمعتها بـ زيد وتكلم نفسها (آآه يالقهر..شلوون كنت اضحك معك وامزح واسولف واركب معك بسياره لحالنا..وانت ماتفكر فيني كأخت..آآآه وش قد كنت غبيه..أي رجال مو محرم مايصلح ينقعد معه..بس الدنيا حدتني..آآه بس))
/
/
/
باليوم الثاني
مداومه من الصباح وبالريسبشن كالعاده باللبس الرسمي وحجاب ولثمه بعد~
منال معها بالريسبشن/سهام
سهام وهي ترتب ملفات المرضى/نعم
منال/شرايك نطلع الليله نتعشى برا ونـ...
سهام قاطعتها/لا
منال/وليش طيب خليني اكمل كلامي
سهام بجديه/منوول انتي عارفه ظروف مرض أمي وصايره حالتها تسوء بصراحه مااقدر اخليها لحالها بالبيت واطلع انا اتمشى
منال/يوووه منك
جاء واحد يسأل/لو سمحتوا
منال لفت عليه برسميه/نعم اي خدمه
الشخص/ اختي ولدت عندكم البارحه ممكن تعطوني رقم غرفتها
منال رن جوالها/لحظه اخوي..يا سهام
الشاب اعجبه الأسم والتفت يدور صاحبة الاسم !!
سهام/نعم منال في شيء
منال/ أستلمي ..جوالي يدق هذا علي خطيبي
سهام بجديه/سم اخوي
الشاب شاف بطاقة التعريف حقتها بارزه وواضحه[سهام محمد العباد] وهو يحاول يركز!!!!
سهام/يا اخ
الشاب انتبه لها/معك تركي العمر
سهام ما ارتاحت له ولا لنظراته/ما سألت وش اسمك..كيف اقدر اخدمك؟؟
تركي لاحظ حدت نظراتها وقوتها/اختي اسمها ساره سعود العمر ولدت عندكم البارح ياليت تعطيني رقم غرفتها
سهام دورتها بالكمبيوتر والتفتت عليه/غرفه رقم35تلاقيها بالطابق الثاني..اي خدمه
تركي يدقق فيها وبيختبرها/كم الرقم ياحلوه
سهام عطته نظرات ناريه ورفعت سماعة التلفون/شكلك تبي السكيورتي يرميك لبراا
تركي ابتسم بخبث ومشى وتركها..
سهام جلست تسترخي/الله يعيني على هالعمل،،كل يوم كلام يسم البدن وقلة ادب هالرجال..
/
/
/
وتمر الأيام...

/
الليل~
ام سهام تكح بشدده/سهااام يا سهاااام
سهام جاءت ركض من غرفتها/سمي يمه
ام سهام/تعبانه وانا أمك تعبانه حييل خليك بجنبي
سهام بكت/يمااه بسم الله عليك..تحملي لين اتصل في زيد والا سحاب
ام سهام/لا وانا أمك لا..مايحتاج،تعبت من هالمستشفيات،خليك بس جنبي
سهام بكت وهي تشد على يد أمها وتبوسها/
ام سهام وهي تمسح على شعر بنتها/انتبهي على نفسك يمه..هالدنيا مايندرى عنها،خليك مثل ما ربيتك طيبه وقوية فالحق،وشجاعه وتحافظين على نفسك
سهام وهي تذرف دموعها/يماه انا بدونك ولا شيء،من لي غيرك يالغاليه
ام سهام ونهي تلتقط أنفاسها بصعوبه/يابنتي انا تعبانه من سنين والمرض هد حيلي معاد بالعمر كثر ماراح،بس اوعديني تنتبهين على نفسك وتدعين لي كل يوم
سهام بكت اكثر.
ام سهام/يابنتي في موضوع (سرّ) ماقد كلمتك عنه أبد
سهام سبح وجهها دموع اكثر/يمه انتي ارتااحي بس وخلي الكلام عنك انتي تعبانه
ام سهام تتنفس بصعوبه/يابنتي هالموضوع مهم لك..هالموضوع عن ابوك واهلك
سهام استغربت/ابوي الله يرحمه!!
ام سهام/ايه يابنتي،ابوك محمد بن راشد بن فهد العباد انتي من عايلة معروفه بالبلد ولك اعمام وخوال بعد..لك عايله كبيره
سهام انصدمت/طيب وينهم عننا وليه ماقلتيلي طول هالسنوات
ام سهام وهي تبكي/كنت خايفه عليك لا يقتلونك او يحرموني منك اخذتك وهربت فيك بعدما توفي ابوك الله يرحمه كان عمك فهد يبي يتزوجني ورفضت وقلب العايله علي،وهددوني يا انهم ياخذونك او اتزوج فهد اللي كان قليل ادب معي من حياة ابوك بس كنت ساكته علشان ابوك بس وهربت وتركتهم..مابي فهد لانه يا كثر ما عادا ابوك.
سهام تسمع هالقصص ومتفاجأه ومصدومه!!
ام سهام تسحب انفاسها/يابنتي اذا جار الزمان عليك روحي لعمتك نوره هي صديقتي وهي اطيب وحده باعمامك..وسلميلي عليها كانت اطيب من الطيبه نفسها..
سهام/يماااه لا تقولين كذاااا انتي بتطيبين...وانا ما اعرف هالناس ولا راح اتعرف عليهم ولا شيء،مستحيل اعيش مع ناس ماعرفهم وفوق كذا عذبوك
ام سهام وهي تنفس بصعوبه اكثر من قبل/بس هذولا اهلك يابنتي
سهام ضمت امها وزاد بكاها/انتي اهلي وانتي ناسي مابي احد من هالدنيا غيرك..بس قومي اوديك المستشفى
الانفاس انقطعت.......
سهام ماصدقت هزت أمها/يماااه..يمااااه ردي علي يماااه
لا يوجد رد-..
سهام صرخت وبأعلى صوت/يماااااااااااااه...
/
/
/
/
/
^^في مكان ثاني^^
ساره/يا تركي خل ديمه عنك ترى تعبت البزر منك
تركي/بككييفي بنت اختي عندك ماانع
ساره/هههه
ام تركي/تركي متى بترجع امريكا ترى ازعجتنا
تركي/افااا زهقت مني الوالده ههههه
ساره/ههههههههه
ام تركي/شسويبك مززعج ساره وبنتها هههه
تركي مسوي زعلان/اجازة الكرسمس قربت تخلص وبروح..زعلتووني
ساره/توته نمززح هههه
تركي وهو حاط البنت بحضنه/شدعووه ادري صح يا ديمه...ردي والله لو ماخذين رايي تسمونها سهام
ساره استغربت/سهام!! وش طراه عليك
ام تركي ألتفتت عليه لانها تتذكر قصة سهام وامها اللي هي بنت خالتها/وانت وش طرى عليك هالاسم!!
تركي/وحده من موظفات الاستقبال في المستشفى اللي ولدت فيه ساره شفت اسمها معلق على بطاقة تعريفها والصراحه البنت قووية شخصيه..وعيونها حلوه
ام تركي بلعة ريقها من لهفتها/وماشفت غير اسمها الاول شيء
تركي وهو شاك بقرابتها لحبيبته ريم العباد/اسمها مستحيل انساه،سهام العباد
ام تركي محتاره/ ما اعتقد انها ظلت عايشه للحين...
ساره/شخلاك متأكده
ام تركي/لو كانت عايشه ليش ما شفناها طول هالسنوات
ساره:/اللي اعرفه ان الحرمه منحاشه من معاملتكم لها سواء اهلها والا اهل زوجها...طيرتوا عقلها بتاخذون بنتها وبتزوجونها هي غصب!!
ام تركي/بهذي صدقتي ..العنود كانت بموقف لا تحسد عليه..
تركي تذكر "ريم" وفتح تويتر على اكاونت ريم اللي ما تتابع غيره..ونسى نفسه...
/
/
/

في مكتبه..
راكان في مشاده كلاميه مع مهندس المشروع/شلووووون يصير هالتسييب يا مهندس كم لك سنه تشتغل معنا..وما بعد صار هالشيء
المهندس خايف وبلع ريقه/أصللل أصللل
راكان عصب وقاطعه/وش أصله ووش فصله...الموضوع فيه إنا...في مصيبه وراك..
دخل خالد بهاللحظات وهو عاقد حواجبه/راكان..
راكان قام وراح له/هااه تأكدت لي من الموضوع
خالد/أيه..وكل العمال شهدوا ضده أن سليمان الفواز يتردد عليه..ومع سؤالي للي تعقبوه ويتبعونه ,,قالوا انه تووه جاي من عند سليمان الفواز..
راكان انقهر وراح يمسكه من ياقته/ياخاااين...تتعاون مع منافسينا يا كللللب..وانا اقووول وش هالبلاوي اثررك وراها..
خالد/اتركك منه لا توسخ يدك فيه...بلغنا الشرطه..وراح يتم القبض عليه بتهمة أخذ رشاوي
المهندس/ليه بس يافندم...أنا مسـتـ..
راكان قاطعه/اصصص يا احممد تعاال اخذه وحطه برا لين يجون الشرطه وانتبه لا ينحاش ذالسلقه..
خالد/وش ناوي عليه..
راكان بدون شعور طلع وهو معصب..ولحقه خالد.....
/
/

*الحــــــــــــاره*
سحاب جالسه جنب سهام وتتقبل العزاء في وفاة أمها...
كانت سهام سااكته طوول الوقت...وسحاب كانت ترد عنها..على اللي يجون ويعزونها من اهل الحاره...
منال وأمها كانوا واقفين معها وماخلوها...
زيد هو الثاني تألم أكثر لألمها...
/
/
/
/
دخلوا وهم معصبين ولا وقفهم احد لا سكيورتي ولا سكرتير...
واتجهوا لمكتب سليمان الفواز..وفتحوه بقوه...
سليمان شافهم وابتسم بسخريه/حي الله آل عباد..
راكان نط عليه ومسكه من ياقته وضربه (لكمه قوويه)./أنا تلعب معي العابك الوسخه يا قذر..!!..شلوون تتجرأ وترشي موظفيني هااه..!!
سليمان عصب/ابعد عني
خالد/اقووول اهججدد بس
راكان/ماقدرت تغلبني ..ورحت تبي تتفوق علي بالطرق الملتويه أسهل هاااه..
سليمان/هههه..قهرتك وهذا اللي ابي أوصله ههه
راكان ضرربه لين جو السكيورتيه وفرقوهم/أنا أوريك يا سلقه...يا قليل المرجله..
خالد/خلنا نطلع يا راكان لا توصخ يدك فيه تراه مايسووى..
راكان طلع بعدما تف بوجهه,,,
سليمان مووولع قهرر منه/وررربي لأقهرك واحررق قلبك .يا راكان..بس هييييين
/
/
/

يتبع
/


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 25-07-2013, 07:00 AM
صورة JUMANH_ الرمزية
JUMANH_ JUMANH_ غير متصل
©؛°¨غرامي فعال ¨°؛©
 
الافتراضي رد: رواية:سهآم الأيـام..


jتكفين نزلي البارت والله حدي متحمسه تكفين بسرعه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 25-07-2013, 01:03 PM
صورة boya AZ الرمزية
boya AZ boya AZ غير متصل
©؛°¨غرامي فعال ¨°؛©
 
الافتراضي رد: رواية:سهآم الأيـام..


روايتج تخبل وعقبال مانشوف جديدج وانااا عندي نقد صغيرون احطي نقطتين رائسيه بعد الا سم اتمنئ ماتزعلين واستمري غلاي~

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 25-07-2013, 08:38 PM
صورة انِزَوَآءْ ! الرمزية
انِزَوَآءْ ! انِزَوَآءْ ! غير متصل
©؛°¨غرامي مجتهد¨°؛©
 
الافتراضي رد: رواية:سهآم الأيـام..


روايه تَجْنِنَّ وَصَاحِبَتُهَا تَجْنِنَّ اُكْثُرْ
التَّوَقُّعَاتُ:
سِهَامُ يالبى قَلْبُهَا كُلُّهُمْ تُرِكُوهَا وامَهَا مَاتَتْ ياقلبي عَلَيهَا وَاَللَّهُ تَحِزْنَ اُحْسُ بياخذوها اهل تَرْكُي لانُهَا عَلَى قَوْلَتِكَ قَرِيبَتِهُمْ
زَيْدٌ: وَاللهُ يُحَزْنَ مااعتقد هُوَ اللَّيُّ بِيَكُونِ زَوْجُهَا تُصَدَّقِينَ تَعَاطَفْتِ معاه وَحَبِّيَّتَهُ بَسّْ انا احساسي يَقُولُ لِي اِنْهَ مُو هُوَ اللَّيُّ بِيَكُونِ زَوْجِهَا
مَنَالُ وَسَحَابُ: يالبى الصَّدِيقَاتِ اللِّيِ كَذَا نادريين فِدْيَتَهُمْ بَسّْ
راكان اُحْسُ اِنْهَ بيطلع شِي وَبِيَكُونِ مِنْ اقرباء سِهَامَ وَهُوَ اللَّيُّ بيتزوجها احساسي كَذَا ! اِنْهَ هُوَ اللَّيُّ بياخذها ومااعتقد بِيَكُونِ فِي نَصِيبُ بَيْنَه وَبَيْنَ رِيمِ
رِيمٌ: الصراحه راكان اُحْسُهُ مايَكُنَّ لَهَا مَشَاعِرُ الْحُبِّ وَلَا هِي بَعْدَ يَعْنِي وَلَا اُحْدُ يُحِبَّ الثَّانِي وَرِيمُ تُحَبُّ تَرْكَي يَعْنِي ماحيكونوا لِبَعْضُ
وَبَسْ هَذِي تَوَقُّعَاتِي ان شَاءَ اللهُ تَكُونَ خَفِيفَهُ وَدَقيقَهُ فِي نَفْسُ الْوَقْتَ
والصراحه رِوايَتُكَ جَمِيلُهُ جِدَا رَاقَتْ لِي واعتبريني مِنْ مُتَابِعِينَ الروايه الْقَمَرَ هَذِي
ياحبي لَكَ بَسّْ



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 26-07-2013, 04:50 AM
صورة رشآ_الخياليه الرمزية
رشآ_الخياليه رشآ_الخياليه غير متصل
©؛°¨غرامي متألق ¨°؛©
 
الافتراضي رد: رواية:سهآم الأيـام..


اقتباس:
المشاركة الأساسية كتبها boya az مشاهدة المشاركة
روايتج تخبل وعقبال مانشوف جديدج وانااا عندي نقد صغيرون احطي نقطتين رائسيه بعد الا سم اتمنئ ماتزعلين واستمري غلاي~
اشكرك عزيزتي..
بالنسبه لي أضع / بدلاً عن النقطتين الرأسيتين بعد الأسماء....

لروحك اكاليل الورد

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 26-07-2013, 04:51 AM
صورة رشآ_الخياليه الرمزية
رشآ_الخياليه رشآ_الخياليه غير متصل
©؛°¨غرامي متألق ¨°؛©
 
الافتراضي رد: رواية:سهآم الأيـام..


اقتباس:
المشاركة الأساسية كتبها خَوّآطرَ عَشُآقٌ مشاهدة المشاركة
روايه تَجْنِنَّ وَصَاحِبَتُهَا تَجْنِنَّ اُكْثُرْ
التَّوَقُّعَاتُ:
سِهَامُ يالبى قَلْبُهَا كُلُّهُمْ تُرِكُوهَا وامَهَا مَاتَتْ ياقلبي عَلَيهَا وَاَللَّهُ تَحِزْنَ اُحْسُ بياخذوها اهل تَرْكُي لانُهَا عَلَى قَوْلَتِكَ قَرِيبَتِهُمْ
زَيْدٌ: وَاللهُ يُحَزْنَ مااعتقد هُوَ اللَّيُّ بِيَكُونِ زَوْجُهَا تُصَدَّقِينَ تَعَاطَفْتِ معاه وَحَبِّيَّتَهُ بَسّْ انا احساسي يَقُولُ لِي اِنْهَ مُو هُوَ اللَّيُّ بِيَكُونِ زَوْجِهَا
مَنَالُ وَسَحَابُ: يالبى الصَّدِيقَاتِ اللِّيِ كَذَا نادريين فِدْيَتَهُمْ بَسّْ
راكان اُحْسُ اِنْهَ بيطلع شِي وَبِيَكُونِ مِنْ اقرباء سِهَامَ وَهُوَ اللَّيُّ بيتزوجها احساسي كَذَا ! اِنْهَ هُوَ اللَّيُّ بياخذها ومااعتقد بِيَكُونِ فِي نَصِيبُ بَيْنَه وَبَيْنَ رِيمِ
رِيمٌ: الصراحه راكان اُحْسُهُ مايَكُنَّ لَهَا مَشَاعِرُ الْحُبِّ وَلَا هِي بَعْدَ يَعْنِي وَلَا اُحْدُ يُحِبَّ الثَّانِي وَرِيمُ تُحَبُّ تَرْكَي يَعْنِي ماحيكونوا لِبَعْضُ
وَبَسْ هَذِي تَوَقُّعَاتِي ان شَاءَ اللهُ تَكُونَ خَفِيفَهُ وَدَقيقَهُ فِي نَفْسُ الْوَقْتَ
والصراحه رِوايَتُكَ جَمِيلُهُ جِدَا رَاقَتْ لِي واعتبريني مِنْ مُتَابِعِينَ الروايه الْقَمَرَ هَذِي
ياحبي لَكَ بَسّْ

الف شكر إلك على هالتفاعل...

لقلبك وروحك أكاليل الورد

الرد باقتباس
إضافة رد

رواية سهام الأيام /بقلمي؛كاملة

الوسوم
روايات مثيرة ومشوقة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 33377 اليوم 11:34 AM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 1999 25-08-2011 01:29 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2048 11-03-2011 01:54 PM

الساعة الآن +3: 06:02 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1