منتديات غرام روايات غرام قصص - قصيرة راحت و أخذت ضحكتي معها ، ليت الزمان يعود و أجبر بخاطرها / بقلمي
تشتاقك ~ الروح ©؛°¨غرامي جديد¨°؛©

نزلت و التلفون في يدها تلعب بشعرها و تضحك .. نزلت و وقفها اخوها الصغير اللي يناديها .. ردت عليه : نعم ؟
قال و هو رافع راسه ببراءة لانها اطول منه : شهد انا جوعان اقول حق ماما لكنها نايمة ما ترد علي
عقدت حواجبها و قالت : اوكي انت روح المطبخ انا بسوي لك اكل الحين
راح للمطبخ و سوت له بطاطس و أكلها
طالعت ساعة يدها : غريبة امي للحين ما قعدت العادة تقعد قبل ديك الجيران ، و بتفكير : خل اركب اشوف شسالفتها ..
ركبت و دخلت غرفة امها شافتها منسدحة على السرير و معطيتها جنبها .. هزتها شهد : ماما قومي تاخرتي نسيتي ان بنروح السوق افف كل هذا نوم
استغربت لما شافت امها ما تتحرك قلبها نغزها وو لفت امها جهتها و نادتها بس بعد ما ردت .. شهد انخنق صوتها لما شافت امها ما ترد و لا تتحرك و لا حتى تتنفس ، ضربت خد امها بخفه و هي كلها امل انها تصحى و ترد عليها .. ظلت على هالحال لين أيقنت ان امها جثة هامدة جثة بلا روح ، وقفت مصدومة و ما نزلت منها ولا دمعة من هول الصدمة .. تذكرت كل المواقف اللي مع امها شلون كانت امها تحبها و طيبة بزيادة و حنونة و هذا اللي مخلي شهد دائما تطول لسانها و تصرخ و هي في المقابل تبتسم بوجه الأم الغفور ! في هذي اللحظة اهتزت الدنيا عند شهد في هذي اللحظة ارتجفت اعضائها و ظلمت الدنيا في عيونها صرخت صرخة لو الجدران لها اذان كان سمعت .. جو الجيران يشوفون شصاير و انصدمو لما شافو ام زياد الطيبة الرحيمة الكريمة على سريرها و بتها منهارة جنبها و فهموا انها ماتت ، زياد كان يراقب المنظر بذهول و حاضن الدب تبعه و مو فاهم ليش اخته تبكي و الكل متجمع .. شهد ما كانت حاسه بنفسها طردت الكل برى و قفلت الباب و نامت في حضن امها و كنها تكذب اللي صار و تظن ان امها الحين بتمسح على شعرها بس خاب رجاها لما شافت ايد امها ما تحركت .. دفنت راسها في صدر امها اللي ياما احتضنها في اوقات فرحها و حزنها ضحكها و بكاها .. عمرها ما تخيلت نفسها من دون امها ! هي من دون امها تضيع تنهار تتحطم .. عقب شوي جو الاسعاف و اخذوا جثة الام بعد معاناة مع شهد اللي ما رضت تتركها ..
مرت الايام و السنين و شهد تعاني باخوها زياد لوحدها لانه ابوها ما يدري عنهم و لا يعرفون شكله سافر و تزوج الخدامة و ترك اثنين في رقبها و هي ربتهم عن الف رجال لكنها ما دامت ! و الحين شهد صارت الام و الاب حق زياد لكن طيف امها ما فارق خيالها والحزن ما فارقها و هي تحس بالندم و الحسرة على كل مرة علت صوتها على امها ..

لا يحق لأي أحد أن يتكلم عن الفقد و الحزن ما لم يفقد أمه .. فلا شيء أثمن منها ..

نَقاء أنامِل ©؛°¨غرامي جديد¨°؛©

,,




قصةة رائعه , وَ مؤلمه جداً ..
سسسلمت انأملك عزيزتي

تقبلي مروري ..


وفيت حتى انتهيت 3> ©؛°¨غرامي مشارك¨°؛©

قصه مره حلوه و مؤثره
و الله عييوني دمعت :*(

تقبلي مروري

همْس ! ©؛°¨غرامي مشارك¨°؛©

قصصة رائعة ..
ومبكية ..

شكراً ع الطرح

ليل الغرباء ©؛°¨غرامي مبدع¨°؛©


قصة مؤلمة و محاولة جميلة منك


بعد موت عزيز علينا توجعنا لحظات ذكرى كنا بأسوأ حالاتنا معهم


اللهم إجعلنا من البارين بوالدين
و ارحمهما بواسع رحمتك



يعطيك العافية
بإنتظار جديدك




Tgwa ©؛°¨غرامي جديد¨°؛©

قصة مؤلمة للغاية
صدقت لا الم اشد من فقد الام
الحمد لله على وجودك يا امي ..


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1