غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 91
قديم(ـة) 19-09-2013, 04:39 PM
صورة فلسطين :") الرمزية
فلسطين :") فلسطين :") غير متصل
©؛°¨غرامي مبدع¨°؛©
 
الافتراضي رد: رواية ما جرحني خطاك وعذابك لي الي جرحني غيابك /بقلمي


يا شعب امتى البارت صار الحكي هاد الاسبوع وعدوا عاصابعكم الا وهو شوي بيجي الاسبوع الجاي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 92
قديم(ـة) 20-09-2013, 05:03 AM
صورة جرحني غيابگ الرمزية
جرحني غيابگ جرحني غيابگ غير متصل
©؛°¨غرامي فعال ¨°؛©
 
الافتراضي رد: رواية ما جرحني خطاك وعذابك لي الي جرحني غيابك /بقلمي


هلا والله حبااابي

ههههههه الله يسعدكم كلكم وابشرو البارت بكره

وفي بارت يوم الاثنين هذا بارت خصصيا

للمتابعين الجدد و متابعتي من البدايه اكيد ( مرجوجه بس بطريقه راقيه ) ..

اشكركم كلكم على دعمي توقعت مرح انجح بس بردودكم وتشجعكم

هذا اكبر نجاح لي حققته ..

تقبلو ودي اختكم
جرحني غيابگ

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 93
قديم(ـة) 21-09-2013, 07:57 AM
صورة جرحني غيابگ الرمزية
جرحني غيابگ جرحني غيابگ غير متصل
©؛°¨غرامي فعال ¨°؛©
 
الافتراضي رد: رواية ما جرحني خطاك وعذابك لي الي جرحني غيابك /بقلمي


البارت الثامن ( 8 )

!!.. المدخل ..!!
تمنيتك وقلت فخاطري ليته نصيبي ,,
وانا مدري وش مخبي لي القدر ،،
بس كل الي اعرفه اني حبيتكـ من هذي اللحضه،،

طلع نواف غرفته واخذ اغراضه وطلع من الغرفه ونسي الشاحن قال في خاطره ماعاد فيني ارجع غرفتي

خلاص ياخذ شاحن رغد قريب فتحت الباب وتفأجات بالبنت الملاك الي قدامي كانت جالسه على السرير

وتطقطق بجوالها يوم فتحت الباب رفعت نظرها لي بعدها تنحت قامت البنت ع طول واعطتني

ظهرها انتبهت على نفسي وسمعت صوت بنت ثانيه وشكلها في الحمام طلعت بسرعه بس

من ذي سمعت وحده تناديها اتوقع اسمها وانا ايش لي من اسمها وسمعت صوت في الدرج

اكيد هذي رغد وين اروح لقيتها مالي الا المخزن اقرب شي دخلت وقفت انتظر متى يطلعون ..

ميرا طلعت من الحمام : ها كيف كذا ( تقصد مكياجها لانها عدلتها في الحمام )

نور : اووف ميرا بغى قلبي يوقف

ميرا هي مشغوله تحوس بشنطها : ليش

نور وهي ترجع شعرها لورا وقفت : تعالي خلينا ننزل عند الحريم .

ميرا : وقفي وش صار

نور : دخل علي واحد مدري مين بغيت اموت

طلعوا من غرفة رغد ومشوا من ناحية الدرج

والمخزن كان قبل الدرج ومرينا من جنبه

نور : وقفي كيف شكلي

وقفوا عند الباب المخزن يسولفون

ميرا : حلو ههههه وبعدين عادي ليه بتنجلطين خطا مطبعي اكيد ..

نور : وش الي عادي يمه والله لو يدري محمد كان ذبحني

ميرا : عاد من زينه محمد الي ازعجتينا فيه

نور : فديته زوجي مافي مثله

ميرا : اما متى امداك تحبينه

نور : حلوه ذي

ميرا : لا ما اقصد كذا يعني تطورت الاحداث بينكم وغمزت لها

نور فهمت : الله يلعن ابليسك عليك عقل منحرف

ميرا ببراءه : وش قلت الحين والله انتي الي من تزوجتي وعقلك وتغير وتفسرين الشي على كيفك

قطع حوارهم رغد : ميرا نور يلا الحريم كلهم تحت

نور : بناات استحي ادخل الاولى ادخلو قبلي

( وطبعا كملوا كلامهم وهم نازلين من الدرج )

ميرا : الله الله بتستحين من الحريم وما استحيتي من محمد

نور : ميرا وجع خلاص امشي مشى بطن العدو

رغد : بس بس يلا ادخلو

عند نواف اووف ما بغو يمشون بس من فيهم الي شفتها معقوله هذي ميرا خلاص بكلم امي البنت جمال و

اخلاق من كلام رغد عنها وطلعت ابي اروح للباب الخارجي ابوي ينتظرني في السياره لقيت بنت عند الباب

مو غريبه علي ايه هذي الي بزواج صديق نايف يعني تقرب لميرا يلا جات لعندك يا نواف وراح لها ..

نواف : ايش اسمك يا قمر

ليان ( بنت مريم عمرها 4 سنوات ) : ايش دخلك

نواف ما عجبني ردها : عيب يا ماما المفروض ما تقولين للي اكبر منك كذا

ليان : انقلع مو انت تعلمني الادب

نواف لعنبو ابليسها لسانها وش طوله : طيب تبين حلاوه

ليان وهذا الي مزعلها وموقفها هنا : تعطيني ؟

نواف : بعطيك بس بشرط

ليان : خلاص ما ابي

نواف : اول شي وأشر على خده اعطيني بوسه واعطيك حلاوه

ليان قربت منه وباسته : يلا اعطني حلاوه

نواف : طيب ايش اسمك

ليان : اسمي ليان

نواف جاني فضول اعرف عن ميرا : طيب يا حلوه اختك اسمها ميرا صح

ليان واهم شي عندها الحلاوه : وين الحلاوه.ترى الي يكذب يروح النار

نواف : طلع الحلاوه من جيبه : هذي هي شفتي اني ما كذب بس بالاول جاوبني اختك اسمها ميرا ..

ليان ببراءه الاطفال الي اذا يبون شي يعلمون بااي شي : لا هذي خالتي

نواف : اها طيب يلا خذ واعطاها الحلاوه ليان باسته على خده وبعدت

ليان : شكرا عمو

نواف توها كان لسانها وش طوله ليان راحت تجري سمعت وحده تناديها : ليانوو حياتي تعالي

ليان : خالتو خالتو شوفي معي حلاوه

مدري ايش الي خلاني اللتفت رغم تمسكي بدين الا ان الشيطان لعب بعقلي و خلاني اللتفت لمصدر الصوت و

حسن حظي كان مدخل مظلم نوعا ما يعني الي ما يقرب ولا يركز ما يلاحظ ان في احد عند باب المدخل

نور شالت ليان وتتحلطم : مين اعطاك هذي ماما بتوسخين لبسك

ليان : خالتو بس وحده

نور : طيب بس هذي

ليان باست نور : انتي احلى خاله

نور نزلتها : يلا تعالي معي ندخل عند الحريم

وراحو ولا انتبهو لنواف الي يطالع فيهم ونسى نفسه ونسى ان النظر يزني وبيوديه في بطريق ماله نهايه

نواف وش ذا الحظ اليوم هذي اعتبرها النظره الشرعيه ولا ايش ولا شكلها تحب الاطفال

مثلي سبحان الله نتشابه يلا ان شاء الله اخطبها وتوافق و الله يقدرني اسعدها ونجيب اطفله تملي حياتنا

قطع تفكريه نرمين وفي ايدها صينيه

نرمين : نواف انت باقي هنا يلا يلا روح البيت مليان حريم نواف وايش فيك واقف اخلص علي

نواف : يلا الحين طالع

طلع نواف ركب السياره

ابو نايف : وينك وعله تعلك لاطعني هنا

نواف : نسيت شغله وجبتها وهذا انا جيت

ابو نايف : يلا يلا حرك بس ما وراكم الا الكذب

نواف : افا يا ابو نايف انا اكذب

ابو نايف : شوف شوف طريقك بس

وبحمدالله تم قصف الجبهه برا وجوا

. •°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤

في سياره محمد كان يكلم عبدالرحمن اخو نور

محمد : لا لا تدخله ممنوع

عبدالرحمن : بس امه ماتت الحين

محمد : حتى لو انتبه ممنوع وهذي مسؤوليه

عبدالرحمن : يا رجال رحمته يبي بس يودع امه

محمد : خلاص انا جايك الحين انت قلبك رهيف لو دخلته بتتحول للتحقيق

عبدالرحمن : بس انت خلص دوامك عندنا واوراقك كلها تحولت الشرقيه

محمد : طيب بحكمي موظف سابق في المستشفى عندي صلاحه اقدم اي فايده لهم

عبدالرحمن : اوكيه يلا والله ما عاد اتحمل المناظر الي اشوفها وتوي جاني واحد يهدد ويهايط

محمد : انتبهه خل الامن حولك ترى شغلنا حساس واي شي بجي فيك

عبدالرحمن : يا رجال خلهم يولون الامن يا كثره في المستشفى

محمد : ولو انتبه وانا اخوك ترى في ناس مجانين وما يعرفون النظام يلا يلا مسافه الطريق وانا عندك

عبدالرحمن : يلا انتظرك ..

°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤

خالد : ها وصلنا الحين بتنزلون عند عمتي وبترتاحون وانا بروح المستشفى مع ابوي

ام خالد للحين نفس الحاله ما تتكلم ولا دمعه نزلت

سنااء : اوكيه روح

خالد : انتبهي على امي واي شي يصير دقي علي ..

سنااء : ان شاء الله ..

نزلت وساعد امي بـالنزول ودقيت على نرمين

وفتحت لي الباب ودخلنا ومشى خالد

نرمين : هلا والله اخبارك يا عمه اخبارك سناء

ام خالد بس تهز راسها يعني الحمدالله على كل حال

سناء : هلا والله فيك نرمين ولا عليك امر امي لازم تترتاح الطريق طويل والحمل متعبها

نرمين : اوكيه تعالو من الباب الخلفي لان عندنا عشا وضيوف

سناء : خلاص ولا يهمك بساعدكم بس امي لازم ترتاح وضعها ما يساعد تتسقبل احد

نرمين : لا حياتي مشكروه يلا تعالو من هنا

ودخلتهم وطلعتهم على غرفة الضيوف و طلعت وطلعت معها سناء

سناء : نرمين عندك لبس كذا كويس بطلع معكم

نرمين : اكيد عندي تعالي معي وبظبطك

جات نوال : نرمين فيه ء ء اهلين اختي

سناء واضح عليها التعب : هلا والله

وسلمو على بعض و تكلمو شوي

نرمين : نوال تعرفين تسوين مكياج

نوال ؛ ايه الله الله اعجبك انا

نرمين : حلو هذي سناء بنت خالي ابي تبدعين فيها

سناء : لا ما يحتاج حياتي

نوال : ايش دعوه عاد مو حنا صرنا خوات

يلا يلا بس ولا اعطتها فرصه ودخلو غرفه نرمين

نرمين : في الدولاب الاخير فيه ملابس بتجي عليك واذا ما جات قولي لي اجيب لك من عند رغد

وراحت نرمين ونوال وسناء يسولفون مع بعض

نوال : انتي خلصتي ثانويه صح

سناء : لي سنتين تقريبا

نوال : مخطوبه انتي

سناء : ولي يسلمك لا تذكرني وانتي

نوال : انا تزوجت وتطلقت

سناء لفت لها : اما من ذا الغبي الي يترك ذا الجمال وذي الملاك

نوال : هههه تسلمين احرجتيني لا انا الي طلبت طلاق

سناء : اهاا بس ليش

نوال : ما في نصيب

سناء : اهم شي ما بينكم عيال

نوال وصارت تكره سيرته : لا الحمدالله اصلا قعدت معه اسبوع بس وطلبت الطلاق وافتكيت

سناء : طيب كيف معاملت اهلك معك

نوال : شوفي لانك والله من يوم شفتك ارتحت لك وبعلمك بصدق في البدايه كان كلهم

معارضين عن الطلاق ما عدا اخوي الكبير احمد هو الي وقف معي وساندني واخواني

الباقي ما تدخلو بس واظح عليهم عدم الرصا و ابوي زعل وعصب وسوا سالفه بس احمد الله يرزقه ويوفقه ببنت

الحلال اقنعه و رفعنا قضيه خلع والحمدالله

سناء : يا حياتي انا مخطوبه لزوج صديقتي تخيلي عاد

نوال : اما وافقتي

سناء : في البدايه ما كنت اعرف ويوم عرفت

كلمت ابوي ورفضت بس ابوي قال هو مو لعب

عيال ارفض ثم اوافق من ذا الكلام واللحين

الامر معلق انتظر ابوي يقوم بسلامه ونشوف حل

نوال : ليش ابوك ايش فيه والله يقومه بالسلامه ويحفضه لكم

سناء : بعد الاسهم ذي الله لا يبارك فيهم

خسر فيها وجته جلطه واثرت عليه والحين

حنا هنا عشان علاجه ..

نوال : اهاا

وها خلصت كيف ناظرت سناء شكلها : ماشاء الله عليك مبدعه غيرتني 180 درجه

نوال : اهم شي اعجبك

سناء : اكيد ما دامه شي منك يهبل

دخلت رغد بدفاشتها المعتاده : سنوو سنو.

حياتي انتي وضمتها اخبارك يا بعدي وش علومك

نوال : لا اله الا الله وش فيك خلي البنت تاخذ نفس

رغد ناظرت في سناء : وش ذا الجمال لو

انتي مو مخطوبه كان خطبتك لنواف

سناء : خلي عنك العياره يلا امشي خلينا
ننزل

رغد : يلا تعالي

ونزلو وسلمو على الحريم وام احمد نادت نوال

نوال : ها يمه امري

ام احمد : من هذي

نوال : سناء بنت خالهم

ام احمد : اهاا امها وينها

نوال : تعبانه

ام احمد : اهاا طيب خذي ( واعطتها الجوال )

دقي على احمد ولا فهد عشان ياخذونا ابطينا عندهم

نوال : يمه باقي بدري

ام احمد : دقيتي الحين ولا باقي

نوال : يمه اذكري الله توني ماسكه الجوال متى امداني ادق

ام احمد : الا يا ام نايف متى زواج نرمين

نوال ( يا حبي لامي دايم تحسسني اني انا والجدار واحد )

دقيت لها ورحت عند البناات ( نرمين و نور وميرا و رغد و بناات الجيران )

سناء : ما شاء الله عليك واللف مبروك مؤخراً

نور : ھٍھَھٍھَھٍھَھٍھَھٍھَھٍھَھٍ الله يبارك في عمرك وعقبالك يارب وعقبال الجميع

كلهم بستثناء نرمين ونوال و سناء : اميييييين

سناء : طيب تغير وزنك سمنتي شي

نور : لا نفس ما هو و هذي نرمين عندكم
اسالوها بالله نيمو تغيرت

نرمين : لا الله نفسه ما تغير و حضك يا بنت جسمك مو قابل للسمنه

رغد : مو شرط عادي قبل وبعد نفس الحاله

وش بيتغير يعني

نرمين : الا في تغير بعد زواج مو زي يوم كنتي بنت في فرق

نور ؛ فرق بسيط مو واجد

نطت ريم ( بنت جيرانهم تدرس اول ثانوي ) ؛

بالله علمينا اسس الزواج عشان لتزوجنا يكون عندنا مصادر للمعلومات

نور : لا والله البنات انهبلو على الزواج

ريم : خفي علينا يا بنت الحين

نور اكتفت بابتسامه فقط وفي هذي اللحظه

دق محمد و نور طلعت الجوال ويوم شافت

اسمه التفتت عليهم لقتهم كلهم يناظرون فيها

نور : ايش فيكم

ريم : ردي مو الزوج المثالي يتصل

نور : وش عرفكم

نرمين : تعالي تعالي ياروحي ما عليك منهم

هناك غرفه فاضيه كلمي وخذي راحتك

نور : ههههههه طيب

وقامت ترد

نور : الو

محمد : هلا

نور صوت ازعاج مو واضح صوته : الووو وينك

محمد يرفع صوته : اسمعي نووور بعد ربع
ساعه بجي خليك جاهزه

نور : طيب ممكن تطلع من الازعاج الي انت فيه

محمد طلع من الديوانيه : اوكيه الحين سمعتي وش اقول

نور : ايه طيب ترى امي وخواتي بيجون معي لان العيال مشغولين مع ابوي .

محمد : اوكيه خلاص مافي مشكله بس تجهزو لحد يلطعني

نور : طيب باااي

محمد : في حفظ الرحمن ..

وسكرت وطلعت للبنات

ريم : اما انك خلصتي بدري

نور : ها ترى احنا متزوجين مو فتره ملكه

عشان نطول ما علينا نوال ميرا ترى محمد هو الي برجعنا

ميرا : وليه ان شاء الله

نور : احمد ارسلي وقال ما يقدر يجي وبتروحون معي

ريم : عادي اروح معكم

نور ناظرت فيها : وليش ان شاء الله
وحده من البنااات : اووووه البنت تغار طلعت

نور : اغار ! انا اغار طيرو بس

سناء غمزت لها : ها فيه سناء الصغيره جايه في طريق

نور : شوف ذي لا باقي بدري يا عمري العمر قدامنا

نرمين : وانتي وش عرفك حللتي

نور : لا

نرمين : هذي الي بتجلطني ومتاكده الاخت

نور : مو يوقولون الام تحس بولدها وبعدين من الي بتحمل انا ولا انتو ها خلاص اهجدو

ميرا : ههههههه عصبت المغربيه ها افهمو عليها الحين

رغد : جد الله يعين رجلك كيف يفهم اذا عصبتي عليه

نور : ميمي قومي اللبسي عبايتك ترى ابرك لك ..

قاموا البناات يلبسون نوال وميرا ونور ومريم

بس فاطمه من الاول ما جات معهم عشان

عيالها تعبانين والمهم طلعو و قفو نور وام احمد

يتعازمون من الي يركب قدام

نور : لا والله يمه انتي اركبي قدام وانا بركب مع البناات

ام احمد : معصي ولا ما اركب قدام انتي زوجته وانا بركب مع البنات

المهم بعد جهد وجهيد ام احمد راكب عقلها

الجني و وسوت الي براسها وركبت ورا

مع ميرا ونوال ومريم و نور ركبت قدام هي وليان ..

ام احمد : السلام عليكم

محمد : هلا وعليكم السلام اخبارك يا خاله

ام احمد : بخير دامكم بخير

محمد : يا جعله دووم مو يوم

ام احمد : وياك يارب

ليان ناظرت في امها : عموو وقف عند البقاله

طبعا مريم هنا دورها ما تقدر تسكتها ولا تتكلم بس تتوعد فيها بنظراتها

محمد ناظر فيها وابتسم : طيب كم عندنا ليان

ميرا تكلم نوال بصوت واطي : يا عيني طلع

الاخ حنون ها قابلني اذا مو نهايه هالشهر

ونور حامل واضح عليه يحب الاطفال

نوال : اسكتي الله لا يفضحنا لو سمعتك نور نتفتك

وقف محمد عند البقاله : تبون شي

نور التفتت لخواتها : تبون شي

ام احمد : لا سلامتك يا وليدي

محمد عارف حتى لو يبون ما بيتكلمون عشان كذا جايب جايب

محمد يكلم نور : وانتي نفسك في شي

نور : بايسن ولا عليك امر

محمد : مشروبات الطاقه تاثر عليك

ميرا : شفتي والله شكلها حامل ولا بعد تتوحم

من يوم سالها خصصيا ولا حتى بايسن يعرف انه يضر الجنين


نوال : يابنت ما تعرفين تسكتين اسكتي لا حد يسمع تحليلك المخيس

نور الحين البايسن ياثر وادخان وش وضعه بس سكتت عشان اهلي : اوكيه جيب لي اي عصير

محمد : طيب

ونزل و نزل ليان معه ومسك يدها ودخلو البقاله

ام احمد : ان شاء الله اشوف عيالكم قريب

ميرا وما صدقت خبر : شكلهم بيجون وقريب جدا بعد
وضربت راس نور
نور : وجع ميرا بغى يجيني شلل في اعصاب المخ
نوال : بس هذا اللي قدرتي عليه لو انا منك اقول اكفخها
ميرا : كلي تبن
نوال : تبن في عينك
ام احمد : ميرا ونوال اقعدوا يمه

وشوي جاي محمد وفي ايده حلويات وشبسات وعصيرات وايسكريمات و غير الكيس الي مع ليان

اعطى نور الكيس و حاسب حسابها وحساب خواتها وصلهم البيت

ام احمد : مشكور ياولدي

محمد : ما سوينا شي يا خاله

ام احمد : انزل يا ولدي تقهوى معنا

محمد: لا والله اعذرني يا خاله ما اقدر والله ورانا طريق ولازم ننام بدري

ام احمد : يلا الله يسهل عليكم و نشوف
عيالكم قريب ان شاء الله

محمد : ان شاء الله

نور اخذت عصيرها بس و اعطتهم الكيس

ودخلو وحرك محمد على الفندق ..

نور : اووف تعبت اليوم

محمد : والله الي يسمعك يقول مترتي البيت

بالشغل ما كانك معزومه عندهم

نور : لا بس قمنا ساعدناهم و بعدين اصلا انا ظهري وبطني يعورني خلقه ..

محمد يبي يستفزها : وليش يعورك وبطنك ظهرك

نور : محمد بلا سخافه

محمد : اووه سوري نسيت

نور : سخيف

محمد : يلا وصلنا انزلي انزلي لشوتك الحين

نور : كوره انا تشوتني

محمد : ما انتي بعيده عنها

نور : محمد

محمد بكل براءه : ها وش قلت الحين انزلي
بس الله يهديك

ودخلنا الفندق ما صدقت اوصل انسدحت علطول ..

محمد : على الاقل بدلي ملابسك الي مطلعتك كانك حامل في شهور الاخيره ولا بعد بتؤام

نور : لهدرجه عاد انا سمينه

محمد : انتي سمينه وهاللبس سمنك زياده

نور : طف اليت الله لا يهينك اهجد وخل عنك الكلام الفاضي

محمد عصب من برودها وتكلمه دايم زي احد اخوانها : مدري انا ايش بنسبه لك

نور : جدي اخلص علي فيني نوم

محمد : قومي مافي نوم بنسافر الحين

نور قامت : من جدك خلنا ننام وبكره يحلها ربك

محمد والعناد راكبه : قومي مافيه الحين بنمشي


نور تبي تمشيها عليه حمود والي يعافيك خلنا ننام وبكره يحلها ربك

محمد : لك 4 دقايق تلمين اغراضك فيها

وطلع وقامت تلم اغراضها : انت اصلا ما

تحس عديم احساس حيوان ما عليك شرهها

حماااارر و كلب و يهودي بعد اوووف والله لو

سمعني الحين كاني من اعداد الموتى

وبعد 20 دقيقه خلصت وغيرت ملابسي لبست

بجامه ولبست فوقها عبايتي و طيب يا محمد الوعد قدام ..

وجاء واخذ الاغراض ونزلنا وركبنا السياره

وانا اخلاقي قافله من حركته السامجه

وحركنا على طريق الشرقيه وانا دعستها

نووومه نزلت المرتبه وخليته يخيس

محمد ( قهرني برودها وتعاملها معي عشان ثاني مره تعدل اسلوبها معي )

وصلنا الشرقيه على 3 الفجر

محمد : نور نور قومي يلا وصلنا

نور قامت : طيب خلاص عرفنا ترى مانمت

محمد : واضح والله استغفر الله يلا انزلي ولا

تدخلين انتظري اشيل الاغراض وندخل سوا

نور نزلت : يلا عجل لو طولت بدخل

ما علق محمد اخذ الاغراض ودخلو بخفيف

عشان ما يزعجونهم وطلعو شقتهم ع طول يرتاحون ..

نور دخلنا وحطينا اغراضنا ومحمد راح يبدل ملابسه وانا جلست ارتب الملابس بالدولاب خلص محمد وجاء

الغرفه انا اول ماشفته دخل خذيت مخدتي وبطانيتي وجيت ابي اروح الصاله

محمد : على وين ان شاء الله

نور : مايخصك

محمد : مافي نوم برا الغرفه فاهمه

نور : مو على كيفك وبنام في المكان اللي يعجبني

قام محمد ومسكني من يدي ووو جرحني غيابكـ


لقاءنا يوم الاثنين ان شاء الله ..

!!..المخرج ..!!
إهتمآمِي قَل : مِن سِبة بُرودك
يَ آللي مآ تِعطيني إحسآس بِ وُجودك !
بَس بَ آقوُلك شَيء وّ هَذآ آنآ عِشته
.... | إنت أسَرع شَخص يِتغِير عَرفتهه =) ..!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 94
قديم(ـة) 21-09-2013, 08:20 AM
صورة ذكريات الرحيل الرمزية
ذكريات الرحيل ذكريات الرحيل غير متصل
©؛°¨غرامي فضي¨°؛©
 
الافتراضي رد: رواية ما جرحني خطاك وعذابك لي الي جرحني غيابك /بقلمي


واااااو روووووووووعه

هههههه يحزن نوااف يتورط بمياار الحين الله يعينه بس

البااارت قليييل مرره ..تكفيييين خليه طوويل الاثنييين

وباانتظاارك قلبي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 95
قديم(ـة) 21-09-2013, 10:44 AM
صورة فلسطين :") الرمزية
فلسطين :") فلسطين :") غير متصل
©؛°¨غرامي مبدع¨°؛©
 
الافتراضي رد: رواية ما جرحني خطاك وعذابك لي الي جرحني غيابك /بقلمي


البارت رووووووعه حبيبتي يسلموا
وهاذا محمد رح يجيبلي الجلطه ونواف ههههه على بالوا نور هي ميرا هههه يشفق
المهم عمري البارت قصير حاولي تعملي طويل كتير يوم الاثنين وننتظرك
تقبلي مروري


تحياتي:مينا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 96
قديم(ـة) 21-09-2013, 12:35 PM
صورة لحظة امل24 الرمزية
لحظة امل24 لحظة امل24 غير متصل
©؛°¨غرامي متألق ¨°؛©
 
الافتراضي رد: رواية ما جرحني خطاك وعذابك لي الي جرحني غيابك /بقلمي


بارت روعه ننتظر البارت القادم موفقه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 97
قديم(ـة) 23-09-2013, 12:54 PM
صورة جرحني غيابگ الرمزية
جرحني غيابگ جرحني غيابگ غير متصل
©؛°¨غرامي فعال ¨°؛©
 
الافتراضي رد: رواية ما جرحني خطاك وعذابك لي الي جرحني غيابك /بقلمي


البارت التاسع ( 9 )

!!..المدخل ..!!
كَالعَادَة أَنَا اْلمِخْطِي وَانا الغَلْطانِ,
أَنَا الّلي كَلمِتي تِجْرحْ ..
وجَرحِـك تُوصفَـه (عَادِيْ)
ولِيتكْ تِذكِر بْلَحظَة ’’
(أَنَا مِثْلِك تَرَى إِنْسَان )


محمد : على وين ان شاء الله

نور : مايخصك

محمد : مافي نوم برا الغرفه فاهمه

نور : مو على كيفك وبنام في المكان اللي يعجبني

قام محمد ومسكني من يدي بعدت يده : محمد بليز نفسيتي زفت

محمد : نور مو حاله ذي
( يوم شفتها بكت رحمتها ادري انها تعبانه) بس لازم نتعود على بعض خلاص ننسى كل شي صار ونبدا من

جديد ابي ابدا معها من جديد بس هي تعاملني كاني اخوها وهذا الشي خطا بس رحمتها يوم بكت فاجلت

الكلام لين تهدا نفسيتها ) ..

( نور حاولت امسك نفسي اكثر واكثر بس بجد تعبانه وحالتي من اسوى لاسوى واي كلمه منه احس تجرحني

وانا مرتاحه له كـ أخ فقط فما لقيت حل سوى دموعي لعلها الشافع لي حتى يرحم حالي )

محمد : خلاص اهدئ مافي شي يستاهل تبكين عليه ارتاحي فاي مكان تبينه و متى ما

شفتي انك احسن و هديتي تعالي عندي ابي اكلمك في موضوع

نور تمسح دموعها : اجل كل شي لـ صباح ابي ارتاح الحين

محمد : خلاص انتي نامي على سرير وانا بدبر وضعي

نور يجذبني له اكثر طيبه قلبه مهما تملعن

معي الا ان طيبته تبان ابتسمت له : لا انت نام على سرير انت طول الطريق مانمت( والله الاخ

ما صدق خبر و راح ينام شغلت المكيف وقفلت

الستاير وطفيت الليت وطلعت هو محتاج الراحه اكثر مني ..

نزلت تحت لقيت هيا باقي صاحيه سلمت عليها وجلسنا

هيا معها ليز حار الكبير وليز بالجبنه الفرسيه

الكبير و جالكسي وفليك وبيبسي وفصفص

ومكسرات وفشار و ايسكريم العلبه الكبيره

بالفانيليا و مطفيه انوار الصاله وجالسه تتابع فيلم رعب

نور : وش ذا كله انتي دايما كذا بتسمنين يا خبله

هيا : تبين خذي ما تبين على تبن و اووص خليني اتابع

نور : اووف طفش

هيا : متى وصلتو

نور : من شوي
هيا : ما شفتكم انا كنت هنا من الساعه 12

نور : دخلنا من الباب الخلفي

هيا : اهاا تدرين لو قامت امي وشافت الاغراض بكره الظهر بيصلون علي جنازه

نور : هههههه ليش

هيا : اولا تكره السهر ثانيا الاغراض ذي ما تحبها تدخل البيت وانا دخلتها تهريب

نور : ههههه ليش ومن الي جابها لك

هيا : احمد ولد خالتي

نور اووف تذكرت عمتي ام محمد بتزعج ام

امي الحين حتى باب غرفتنا اذا بتجي

تقولنا شي تفتحه كذا لا تدق بالاول ولا شي

شكلي بتعب وياها : طيب عمتي الحين وين نايمه

هيا : امم من يوم سافرتو نزلت تنام تحت عشان الدرج يتعبها

نور شوف عجوز النار ذي والله كنت حاسه من

اول هدفها انها تزعجنا بس طيب حسابك عندي ؛

نور / اعطيني الليز من عندك

هيا اعطتها : لا يكون بس تتوحمين

نور : لا

قعدو لين 4 الفجر وانتهى فلمهم

نور : سامج

هيا : بقوه قهرني الكلب قتل نص الفيلم عشان حبيبته في النهايه راحت وتركته

نور : اصلا سارا ( اسم البطله ) ترفع الظغط

ها لو وافقت على جكي من البدايه ابرك لها

من ذاك الجني مسوي اني احب ونص الناس

راحو ضحايا حبه السخيف ..

هيا : ههههههه اما تومي جني

نور : اووص وطي صوتك لا تسمعك عمتي وتطلع علينا

ما كملت ولا يسمعون باب ام محمد ينفتح

قامت نور وهيا وطيران هيا طاحت وهي تطلع

الدرج وقامت ع طول وكملت طريقها ونور و

صلت الغرفه و جري على سرير

نور ( اووف مدري من وين جاتني ذي السرعه سمعت صوت ام محمد تصايح و صوتها واصل لاخر البيت

وصوتها قرب من شقتنا جتني فكره تادبها ناظرت في محمد شكله في سابع نومه قربت منه بخفيف عشان ما

يقوم وحطيت يده ورا ظهري بخفيف وما تحرك و قربت اكثر وحطيت ايدي ورا ظهره وغمضت عيوني

ودخلت ام محمد )

ام محمد : نور نور وجع جيتي و و ء ء الله يغربل بليسكم وطلعت

محمد ( كنت نايم ويوم دخلت نور صحيت حسيت بحركه نور بس مافيني حيل اتحرك

بس دخلت امي الي هزت كل عصب في جسمي فتحت عيوني ناظرت فيها ما سمعت

من كلامها الا ابليس وما ابليس وطلعت رجعت اناظر في نور لقيتها تضحك بعدت يدي عنها وبعدت يدها عني

وقمت اخذت لي ملابس ودخلت الحمام بيتحمم قبل لاياذن الفجر ..

نور ( ههههههههههه وربي شكل عمتي تحفه احسن تستاهل عشان مره ثانيه ما تعيدها

ولا عاد شكل محمد شي ثاني مسكين تفاجاء الاولى من دخلة امه والثانيه من وضعنا مسكين

كان نايم لحاله قام على صياح زين بس ما جاته جلطه وقمت اغير ملابسي شوي بيأذن

اصلا ما عاد بنام ) ..

•°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤

نوال : ميرا ميـــرا مـــيـــرا

ميرا كانت جالسه على اللاب توب : وصمه ان

شاء الله تصم راسك خير خير ايش تبين ازعجتينا .

نوال : هذا جزاتي اني بعلمك خبر بس يلا طيري الحين اعلمك

ميرا : نوله ترى امزح معك اصلا انتي احسن اخت

نوال : ابوي بيسافر بعد الصلاه

ميرا : اسالك بالله

نوال : والله بعدين اعرفك انا عشان اكذب عليك

ميرا : وناسه فهيد وينه

نوال : مدري كلهم نايمين

ميرا : والله لا نفلها عاد نفسي اصايح من زمان

نوال : وجع ليه ان شاء الله في شارع حنا

ميرا : يا اختي مستانسه

نوال : ابي اعرف ليش تستانسين اذا ابوي سافر

ميرا ؛ يا اختي ناخذ حريتنا في البيت ابوك ما

غير ( وتكبر صوتها ) اهجدي يا بنت يا بنت

صوتك في الشارع يا بنت قومي سوي ووووو

اوووف خلاص ابي حريتي ابي اتكلم ابي اشياء كثيره

نوال مستغربه من ميرا وكلامها عن ابوها بذا

الاسلوب رغم ان ميرا اكثر وحده فيهم تهتم فا

ابوها: ايش فيك وليش ما تاخذين حريتك وابوي هنا

ميرا : نوال في امور ما تعرفينها اسكتي انتي

نوال : الله يالدنيا الحين من اكبر انا ولا انتي

( وسكتت شوي )اووووف طفش ما عاد اذن

ميرا : تعالي شوفي مع ذا المسلسل جناااان كلمه روعه قليله في حقه

نوال : مو هذا نفسه الا كل خميس ينزلون حلقه

ميرا : ايه تعالي وربي ما تندمين

نوال : طيب وخري السماعات ابي اسمع معك

ميرا : اصلا ما بتتفهمين لانه مو مدبلج يلا يلا روحي قفلي الباب

نوال : انا اكبر منك قومي انتي

ميرا : يلا لين تقفلين اعيد الحلقه

نوال قامت : طيب يلا

وقعدو يتابعون المسلسل لين اذن الفجر ..

•°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤
بعد صلاه الفجر

خلصت صلاتها ام نايف وتدعي لولدها الي له

شهر ما تعرف عنه شي

دخل نواف عليها وباس راسها : كيفك يا

الغاليه اليوم

ام نايف : الحمدالله على كل حال

نواف : يمه انا قررت اتزوج

ام نايف : يا يمه بنت عمك ما تبي الزواج الحين

نواف : بس انا ما ابي بنت عمي

ام نايف : اجل من تبي

نواف : ميرا الي تمدحها رغد

ام نايف : شوف يمه البنت جمال وأخلاق

وامها ما شاء الله عليها بس يبي لي وقت اشاور

ابوك ونشوف اهل البنت ثم نشوف راي البنت

نواف : تنحل يمه وابوي كلمته و وافق باقي

بس كلمي اهل البنت ويصير خير ..

ام نايف : الله يقدم الي فيه الخير

نواف : امين يمه

ام نواف : ولا عليك امر يمه لا تنام الحين نبيك

تجيب خبز اذا فتحت البقاله

نواف : ابشري على الساعه 7 بطلع اوكيه

ام نايف : ولا تطلع فوق فرشت لك في المجلس

وروح هناك عمتك وبنتها هنا

نواف : طيب ابي اللاب توب حقي بغرفتي

ام نايف : انت روح المجلس وانا برسله مع رغد

نواف : اوكيه

وطلع و قامت ام نايف تجهز الفطور عشان

حماتها حامل و تبي تجهز لها اكله شعبيه

زي ما يسون زمان

•°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤

نور (جاء محمد من الصلاه وانا كنت اشيك على رسايل الواتس آب )

محمد : سلام

نور : وعليكم السلام

محمد : امي وينها

نور : مدري ما قالبتها

محمد : طيب غيري ملابسك يلا بنزل لهم

نور : بدري تو الساعه 5

محمد : كيفك انا بنزل ايه صح ترى اليوم بتجي خالتي وبناتها اليوم الظهر

نور : اهاا متحمسه اتعرف عليها هي عندها بنات

محمد : ايه 4 بناات

نور : اهاا

محمد : انا بروح اسلم على امي وبعدين بطلع

اجيب فطور ..

نور : يلا بنزل انت روح وانا بلحقك

محمد : اوكيه

ونزل محمد وانا غيرت ملابسي لابست تنوره

سودا وبلوزه بيضا كت و نزلت لقيت عمتي

ومحمد بس سلمت على راسها وجلست جنب
محمد

نور : اخبارك يا عمه

ام محمد : الحمدالله على سلامتكم
نور : الله يسلمك

ام محمد : ها يا بنتي تو كنت اكلم محمد مافي شي في طريق

محمد : لا يمه بس قريب ان شاء الله

نور اووف قسم طفشت من ذي السيره كل ما

قابلت احد سالني نفس السوال : الا اقول يا

عمه كيف جارتكم الي حكيتي لي عنها
ام محمد : اي وحده

نور : الي زوجها دخل عليها واحد وهربت عندك

ام محمد : اها الله يحفضها تطلقت والحين عايشه مع امها

نور : وعيالها وينهم

ام محمد : معاها بس طليقها رافع دعوه يبي البنت

نور : حسبي الله عليه وليه البنت بالذات

ام محمد : لان عمرها 7 سنوات وعيالها باقي صغار والحضانه جات للام

نور : اصلا دايم الرجال كذا اخبث ما خلق ربي

محمد : مو كلهم كذا اذا كان هذا عديم شرف غيره فيه الخير

نور : ايه تدافع لانهم مثلك

محمد عصب : كيف يعني مثلي

نور تبي تهديه : لا تعصب اقصد يعني كلكم رجال

محمد : هذي الفئه اشباه رجال ولاهم مثلي ولا يوصلون مواصيلي

ام محمد : ايه ولدي سيد الشباب الله يحفضك

و يطول في عمري واشوف عيالك وعيال عيالك

نور ما يمدح العروس الا امها وسالفه منا ومنا

و هدي الوضع لين الساعه 7 ونص قام محمد يجيب فطور ..

°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤

ام احمد تكلم تلفون : ان شاء الله والله ابوها

مسافر اليوم واذا رجع كلمته ونشوف البنت

ونرد لكم خبر ..... على خير ان شاء الله ...

مع سلامه .. في حفظ الرحمن .

نوال : من ذي يمه

ام احمد : وانتي وش يخصك قومي يلا

نوال : طيب يمه الحين اخت زوج ام نايف هي

صدق حامل ولا ايش

ميرا : لا يمكن كذبي ايه حامل

نوال : كيف حملت وهي كبيره

ميرا : يمكن وايرلس نوال بالله قومي

طفشتيني باسالتك الغبيه

نوال : ما سالتك اتوقع سالت امي

ام احمد : اووص انتي وياها وحده منكم تجي تسمع لي السوره الرحمن

ميرا : يمه ليه ما تحملين انتي تجيبين لنا نونو نتسلى عليه

نوال / ايه والله جد تكفين يمه

ام احمد : تتسلين بحك ظهرك قولي امين انتي وياها قوموا قام الله على ابليسكم

نوال/ انا بروح اكلم نور

وقامت نوال بقيت ميرا

ميرا : اسفه وحقك علي هات القران اسمعلك


ام احمد واعطتها القران : امسكي يلا وبدات تسمع

اضغط على الصورة لرؤيتها بحجمها الطبيعي

ميرا : خطا يمه انتي مو حافظه امسكي يلا

احفظي ( ترى ام احمد سمعت صح بس ميرا

تبي تروح ) واعطتها ومسكت جوالها

ام احمد مسكينه صدقت ومسكت قرآنها

تحفظ من جديد ..

شوي وجات نوال وجلست

ام احمد/ ها كلمتي نور

نوال / لاوالله ماكلمتها جوالي مافيه شحن

ام أحمد / ها خذي القرآن سمعي لي

نوال/ ميرا سمعي لامي

ميرا / سمعت لها اللحين دورك

نوال / يووه اكيد جوالي شحن بروح اكلمها اللحين

وقامت

ميرا / تعالي لاتهربين

نوال طنشتها وراحت

ام أحمد تناظر فيهم

ام احمد / الله يخلف علي كل من ورى هالاجهزه ماتفكونها من ايدينكم
حسبي الله على اللي صنعها

وبدأ موال الادعيه على صانعين هالاجهزه

¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤

رغد : أيٌـ.YESـہٌَ والله يا اخوي ما بتلقى مثلها

نواف : ترى ما شجعني على الموضوع غيرك

< بسوي نفسي ما سمعت فقشت نواف تو >

نرمين ساكته طول اليوم

نواف : نيموو ما في مبروك ولا شي

نرمين ابتسمت ابتسامه صفراء : الف مبروك

نواف : فيك شي

رغد : ما فيها الا العافيه بس تفكر في الزواج

نواف : اي زواج

رغد : زواجها

نواف : سنه فيها حياه وفيها مووت

رغد : من قال بعد سنه تقدم الزواج الله يصلحك ..

نواف : متى وليش ما عندي خبر

رغد : مدري اليوم علمتنا سناء

نواف : ومتى حددو

رغد : بعد شهر

نواف : وليه العجله

رغد : ولا ما سمعت الطامه الكبرى

نواف : وش

رغد : يبي الزواج عائلي عشان ابوه

نواف : الله يقدم الي فيه الخير

رغد : نواف لك فتره ما غنيت والله نفسي اسمع صوتك

نواف : انتي فاضيه امي وينها الحين

نرمين : مع عمتي يتغدون

نواف : ايه بالعافيه ...

¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤
نور ( لبست تيور هادي اسود رفعت شعري

ذيل حصان ونزلت كم خصله وتعطرت ونزلت

طفشت من الغرفه وبنتظر خاله محمد تحت )

هيا : هلا بالطش والرش والبيض المفقش

نور : هلا فيك ها خالتك جات

هيا : دقايق و بتلقينها محظره هنا

نور : وعمتي وينها

هيا : مدري والله يمكن في غرفتها

نور : و محمد

هيا : هو زوجك ولا زوجي انتي ادرى وينه

نور : هيووو بلا سخافه محمد ما قالك وين

بيروح لاني ما قابلته من بعد ما طلع للصلاه الظهر

هيا : الا قال بيروح يجيب غدا من برا

نور جلست جنبها : طيب بنات خالتك كبار

هيا : امم اكبر وحده في عمر محمد واصغر

وحده في ثاني متوسط

نور : اها

دق جوال نور وكانت المتصله نوال

نور خذت جوالها وطلعت غرفتها علشان تكلم اختها ع راحتها

........
وصل محمد وخالته باقي ما جات

ودت هيا الاكل المطبخ

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،
نور تكلم نوال

نور / هلا وغلا حيا الله هالصوت

نوال / هلابك زود حبيبتي الحمدلله ع السلامه

نور / الله يسلمك ياروحي

نوال/ شلونك طمنيني عنك

نور / تمام ياروحي انتو اخباركم وامي وابوي

اخبارهم مشتاقتلكم حييييل

نوال / كلنا تمااام وحنا مشتاقين لك اكثر

دخلت ام احمد عند نوال

ام احمد / نوال يمه هذي نور اللي معك

نوال : ايه يمه

ام احمد : سلمي عليها

نوال : ابشري يمه

نور : قوليلها وصل سلامها

نوال : خلاص يمه مايحتاج سمعتك

ام احمد / هههههه طيب خلصي بسرعه وتعالي ساعديني

نوال / طيب يمه اصلا خلاص خلصت

نور حبيبتي اكلمك وقت ثاني بروح اساعد امي

نور / خلاص حبيبتي روحي ساعديها

اسمعي ماقلت لك

نوال / خير ان شاء الله

نور / خير ياحبيبتي خير بتجي اليوم خالت محمد بتتغدى عندنا

نوال / افلقيني انها تبي تشوفك

نور / ادري اعرف هالحركاات

نوال / اهم شي اكشخي وابرزي شخصيتك

نور / اكيد حبيبتي لاتوصين حريص

نوال / اوك حبيبتي الله يعينك روحي ياقلبي والقلب داعيلك

نور / هههههههههههههه الله يقطع ابليسك اللي يسمعك يقول داخلين حرب

نوال / والله عمتك يبيلها تدخلين عليها برشاش

نور / ههههههههههههههههههههههههههههههههههه ( ضحكت من قلبها )

نوال / ان شاء الله دوم هالضحكه

نور / ان شاء الله علينا جميعاً يارب
الله يستر مايصير شي انا ادري اذا ضحكت من قلبي تحل علي مصيبه

نوال / والله وانا اختك ماني بعيده عنك

نور / الله يعيننا

نوال / لاتخافين مو صاير شي ان شاء الله الا اذا بكره صورك بالجرايد مادري

نور / ليش ان شاء الله

نوال / امراه تقتل عمتها وخالت زوجها

نور / ههههههههههههه لاتنسين وتقتل اختها بعد

نوال / يلا مع السلامه دام فيها قتل

نور / احسن لك اقتلك افكك من هالدنيا

نوال / لاوالله ياحبيبتي باقي ابي اعيش وابي اتزوج وأشوف ذريتي

نور / والله من زين الذريه

نوال / احترمي نفسك عاد كل شي ولا ذريتي

نور / هههههههههه ان شاء الله يااارب نشوف ذريتك

نوال / ايه كذا صرنا حبايب
اوك حبيبتي يلا استأذن امي بتاكلني اللحين

نور / اوك حبيبتي سلمي ع الجميع

نوال / يوصل حبيبتي مع السلامه

نور / مع السلامه

نور قفلت من نوال ونزلت عند عمتي

لقيت محمد جاء

رحت وجلست ع الكنبه اللي جنبه

نور / متى جيت

محمد / يمكن لي ربع ساعه

نور : محمد ايش رايك في لبسي

محمد مسترخي على الكنبه ومغطي عيونه بكفه
محمد : حلو

نور : اصلا انت شفته الحين

محمد : نور ماني رايق لك مصدع ومالي خلق شي

نور : اجيب لك بنادول

محمد : ولا عليك امر

نور ( قمت اجيب الباندول من شنطتي وانا

احوس فيها سمعت الجرس عرفت انهم وصلو

اخذت البندول وقمت على المرايه اعدل شكلي

ما اعجبتني ذيل الحصان فكيته وتركته كذا

ونزلت تحت وانصدمت بالي شفته في صاله ووو جرحني غيابگ ..

!!.. المخرج ..!!
احيانا ننصدم بمواقف تصادفنا
في الحياه ولكن نكتشف فيما
بعد با اننا أسئنا الظن فقط
فقبل ان تحكم اسمع كي
لا تلقي بـ سهم كلامك القاتل
# بقلمي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 98
قديم(ـة) 23-09-2013, 01:35 PM
صورة لحظة امل24 الرمزية
لحظة امل24 لحظة امل24 غير متصل
©؛°¨غرامي متألق ¨°؛©
 
الافتراضي رد: رواية ما جرحني خطاك وعذابك لي الي جرحني غيابك /بقلمي


بارت روووووووعه تحمست متى البارت الجاي متحمسه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 99
قديم(ـة) 23-09-2013, 01:47 PM
صورة انِزَوَآءْ ! الرمزية
انِزَوَآءْ ! انِزَوَآءْ ! غير متصل
©؛°¨غرامي مجتهد¨°؛©
 
الافتراضي رد: رواية ما جرحني خطاك وعذابك لي الي جرحني غيابك /بقلمي


بــآرت حــمــآسي يــآقمر
بآنتظــآر البــآرت الثــآني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 100
قديم(ـة) 23-09-2013, 01:55 PM
صورة جرحني غيابگ الرمزية
جرحني غيابگ جرحني غيابگ غير متصل
©؛°¨غرامي فعال ¨°؛©
 
الافتراضي رد: رواية ما جرحني خطاك وعذابك لي الي جرحني غيابك /بقلمي


اقتباس:
المشاركة الأساسية كتبها لحظة امل24 مشاهدة المشاركة
بارت روووووووعه تحمست متى البارت الجاي متحمسه
والله انتوو الي روووعه احلى تابعات
متابعاتي فديتكم كلكم
البارت العاشر ( 10 ) يوم السبت ان شاء الله

الرد باقتباس
إضافة رد

رواية ما جرحني خطاك وعذابك لي الي جرحني غيابك /بقلمي

الوسوم
جرحني غيابگ
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 1999 25-08-2011 01:29 AM
همسات من بقايا انثى خـفـايـا الـحـزن المقهى الأدبي نبض الحروف 57 13-06-2011 08:02 AM
في الليلِ أسرارٌ، وليْ بينها سـرٌّ ، فمنْ يدري ومنْ يرحَمُ خـفـايـا الـحـزن سكون الضجيج - مملكة العضو 12 25-03-2011 12:08 PM

الساعة الآن +3: 10:19 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1