غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 71
قديم(ـة) 07-09-2013, 06:20 AM
صورة مرجوجة بس بطريقة راقية الرمزية
مرجوجة بس بطريقة راقية مرجوجة بس بطريقة راقية غير متصل
©؛°¨غرامي مشارك¨°؛©
 
الافتراضي رد: رواية ما جرحني خطاك وعذابك لي الي جرحني غيابك /بقلمي


ياااااي مشاء الله عليك اقوى شي البااارت
الموووهم ابداً ما توقعت يكون الاب جا في بالي احمد وجا عبد العزيز وجا عبد الرحمن لكن ما خطر على بالي ابد انه يكون الاب هو اللي مع ريمآس
ونور ومحمد اتوقع ريماسوه هي اللي تبي تخرب بينهم
وميرا ونوال يدننننون يذكروني فيني انا واختي خخخخخ مهابيل اقوى شي
امممم ونايف احسه يكذب موب رايح سوريا ما ادري ليه بس كذا عندي احساس انه يكذب
واعجبني مقلب البنات لريماس الهم حلو اللقب خخخخ المهم اعجبني المقلب والله فكرة شكلي باسويه في اخوي اليوم نياهاهاها
يالله نشوفك في البارت الجاي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 72
قديم(ـة) 07-09-2013, 09:36 AM
صورة ذكريات الرحيل الرمزية
ذكريات الرحيل ذكريات الرحيل غير متصل
©؛°¨غرامي فضي¨°؛©
 
الافتراضي رد: رواية ما جرحني خطاك وعذابك لي الي جرحني غيابك /بقلمي


واااااو روعه الباارت

والله يقهر ابو احمد نرفزني
ههه بس يوم طااحت ريمااس فطست ضحك ههههههههه

ناايف مااتوقع راح سوريا احس وراه بلوه ..

باانتظاااار الباارت الجااي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 73
قديم(ـة) 12-09-2013, 05:27 AM
صورة جرحني غيابگ الرمزية
جرحني غيابگ جرحني غيابگ غير متصل
©؛°¨غرامي فعال ¨°؛©
 
الافتراضي رد: رواية ما جرحني خطاك وعذابك لي الي جرحني غيابك /بقلمي


حبابي اعتذر من تنزيل البارت امس

بس بجد ما مداني اكتبه بشكل المطلوب

وحتى لو نزلته ما رح ينال اعجابكم

فا اعتذر جدا حاليا ما اقدر انزل بارتين في اسبوع

بس خلونا زي قبل لين وقت محدد بعدين في ايام راح انزل

برتات استثنائيه يعني الايام الجايه احتمال انزل اكثر من بارت في

الاسبوع بس حاليا جدا مشغوله ..

انتظروني يوم السبت

اختكم
جرحني غيابگ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 74
قديم(ـة) 12-09-2013, 05:41 AM
صورة مرجوجة بس بطريقة راقية الرمزية
مرجوجة بس بطريقة راقية مرجوجة بس بطريقة راقية غير متصل
©؛°¨غرامي مشارك¨°؛©
 
الافتراضي رد: رواية ما جرحني خطاك وعذابك لي الي جرحني غيابك /بقلمي


اوكي ما فيه مشكلة متى ما فضيتي نزليه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 75
قديم(ـة) 14-09-2013, 10:58 AM
صورة مرجوجة بس بطريقة راقية الرمزية
مرجوجة بس بطريقة راقية مرجوجة بس بطريقة راقية غير متصل
©؛°¨غرامي مشارك¨°؛©
 
الافتراضي رد: رواية ما جرحني خطاك وعذابك لي الي جرحني غيابك /بقلمي


الباااااااااااارت والله خلاص معد باتابع روايتك واسمحيلي على هذا الكلام

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 76
قديم(ـة) 14-09-2013, 11:39 AM
صورة جرحني غيابگ الرمزية
جرحني غيابگ جرحني غيابگ غير متصل
©؛°¨غرامي فعال ¨°؛©
 
الافتراضي رد: رواية ما جرحني خطاك وعذابك لي الي جرحني غيابك /بقلمي


البارت اليووم ان شاء الله وانا قلت لكم بنزله يوم السبت الي هو اليوم

وان شاء الله بينزل في العصر او بعد المغرب

متابعيني كلكم على راسي سواء الحين او بعدين

اختكم
جرحني غيابگ

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 77
قديم(ـة) 14-09-2013, 07:10 PM
صورة جرحني غيابگ الرمزية
جرحني غيابگ جرحني غيابگ غير متصل
©؛°¨غرامي فعال ¨°؛©
 
الافتراضي رد: رواية ما جرحني خطاك وعذابك لي الي جرحني غيابك /بقلمي


البارت السابع ( 7 )

!! ... المدخل ...!!
احيانا بوسط حزننا ياتي خبر
يرد الفرحه في منزلنا من جديد
بكاء طفل وضحكته نعم هي دعوه
لنا للفرح من جديد # بقلمي


الدكتور : المدام تقرب لكم

خالد : ايه انا ولدها .

الدكتور : مبروك المداام حامل ..

سنااء والله فرحت : الحمدالله المهم انها بخير

الدكتور : والحمل شوي صعب عليها لانها مريضة سكري.

خالد : الحمدالله على كل حال ..

سناء : خالد خلنا نشوف ابوي ونتطمن عليه يمكن فاق ..

خالد : ابوي جاته جلطه وخلال 48 ساعه يحددون مدى تاثيرها عليه .

سناء : ياربي من وين طلعت لنا ذي المصايب..

خالد : لا حول ولا قوه الا بالله .

. •°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤ °

محمد قام : يلا انا اساذن الحين

قامت ام احمد : بدري ياولدي

محمد : وين يا خاله شوفي الساعه كم وبكره وراي دوام ..

ام احمد : يلا الله يحفظكم ويحميكم

وقفت نور : الله معك

ام احمد : ليش ما بتروحين معه

تدخل محمد : لا مشتاقه لكم وتبي تقعد عندكم كم يوم ..

ام احمد : لا يمه ما يصير لازم تروحين مع رجلك ما صار لكم متزوجين عيب يمه وش بقولون عنا الجيران يلا

يا يمه البسي عبايتك ورحي مع رجلك واذا جاء بكره حياكم ..

نور : بس يمه انا ...

قاطعتها ام احمد : يلا يمه الله يحفظكم

نور بدت تتحلطم و الي في امه خير يفهم عليها ..

احمد : يلا افهمو عليها الحين والله احسها تسب الملعونه ..

محمد ابتسم: يلا انتظرك في السياره .

نور : اوكيه

وراحت تجيب عبايتها وشنطتها و يوم وصلت عند الباب جات نوال مسرعه

نوال وفي يدها عطر : تعالي تعالي قبل لا تروحين وقامت تعطرها

نور وهي تبعدها : بس بس يا خبله انا بطلع الشارع

ام احمد : خلاص خلوها تروح رجلها ينتظرها

ميرا : اسمعي لا وصيك عاد اذا

ما كملت لان شنطة نور جات في راسها

نور : عقلك هذا يبي له تنظيف بزر وعقلها اكبر منها

ميرا وهي تحك راسها : وجع الي يسمعك يقول انتي صاكه 30 .

نور : يلا يلا باااي زوجي ينتظرني

ميرا : مالت عليك وعلى زوجك معك .

ام احمد : ميرا وجع لسانك هذا شكلي بقصه

نوال : ايه يمه تكفين فكينا من طوله لسانها

ام احمد : وانتي بعد معها كل وحده لسانها وش طوله ما غير مرادده

بالكلام ها والله لو ما تعقلون ما تشوفون الا خيزران على ظهوركم ..

نوال وميرا قاموا يتحلطمون،،

في سياره محمد جالس ينتظر نور ..

دخلت نور السياره : السلام

محمد : وعليكم السلام

نور : تاخرت ؟

محمد هو يفك بكت الدخان : لا

نور : اهاا زين

محمد ؛ اعطيني الولاعه من الدرج

نور وهي تفتح الدرج : وينها ؟

وهي تحوس بالدرج شافت مسدس التفت عليه وش ذا

محمد ناظرها باستهزاء : ولاعه يمكن وش بتكون بالله عليك

نور : محمد انا اتكلم جد وش تبي بالمسدس

محمد : بلعب فيه نووور وش هالاسئله معك واحد مسافر ومعه مسدس بالله وش يبي فيه وخري

وبعد يدها عن الدرج وقفله

خلاص ما عاد ابي ولاعه استغفر الله العظيم ..

نور : خلاص خلاص كلتني ترى ما قلت شي كله سؤال وياليت تخفف من ذا الزفت .

محمد : اقول والله لو ما تسكتين لا تشوفين البكت يمشي الف الحين .

وما كان الفندق بعيد قريب بعد كم شارع وصلنا الفندق وقف السياره ونزل ولف ياخذ البكت الدخان الي

مستحيل يتركه وجواله و المحفضه واغراضه الباقيه

نور : وصلنا انزل .

محمد رفعت ضغطي بأسئلتها اعطيتها نظره : تستهبلين انتي

نور وش في ذا كل ما قلت كلمه شب علي بس نظرته تخوف مالت عليه واخذت شنطتتي ونزلت ودخلنا الفندق و

راح ياخذ المفاتيح من الريسبشن و شفت واحد كانه سكران وربي خفت قربت من محمد وهو يكلم الموظف الي

في الريسبشن ومسكت يده التفت علي وقال : ايش فيك انتظريني هناك باخذ المفاتيح وبجيك اللحين

نور : في واحد هناك شكله يخوف

محمد وبدا يعصب من حركاتها : يا بنت وانتي وش عليك من شكله يلا روحي انتظريني هناك

الموظف يمد له بالمفاتيح : تفضل

اخذها محمد ومشينا وانا ما زلت ما سكه يده وحاطه الغطا على عيوني ومشينا من جنب ذا الي كانه سكران .

الرجال يكلم نور هو يضحك: انا حلو صح صح

التفت محمد له : روح روح ولا تشوف دمك لون هالفندق

الرجال : لا لا انا حلو ويقرب من محمد

محمد حسيت في عقله شي مجنون ولا سكران قرب من نور وهي وراي فوق هذا خلاص شبيت حزتها اعطيته

كف ورجع ع طول وجلس على الارض يبكي استغربت منه عرفت ان عقله فيه شي جاء رجال شايب و ساعده

وقومه وجاني وتاسف وقال ان ولده مريض و مجنون جزئيا و انه احرجه مع الناس المهم قمنا بالواجب بعدين

طلعنا غرفتنا فتحت الباب بــ smart card ودخلنا رميت مفاتيحي على الطاوله وجلست وانا حدي مرهق ..

نور فسخت عبايتي وكنت لابسه بنطلون اسود جنز وبلوزه رصاصيه كت عليها كتبات بالانجليزي : اووف تعبت

ورميت نفسي على الكنبه بكل حملي

محمد ابتسم : شوي شوي بغت تنكسر الكنبه من وزنك

نور ايش فيه هذا شوي يبتسم وشوي يعصب متناقض بقوه : اما لا والله ما اني سمينه

محمد : الا بس انتي ما تعترفين انك دبه

نور : لا والله وين دبه حرام عليك

محمد عدل جلسته ولف جهتها : شوفي كنت بقولك من قبل بس ما صار فرصه انتي صراحه سمينه و انا ما

احب زوجتي تكون كذا اذا قبل الحمل و الولاده كذا اجل بعدين وين بتوصلين ..

نور ( من يوم لف جهتي واضح عليه الجديه على ثقتي بنفسي والكل يشهد لي الا اني تاثرت من كلامه ولانه اول

واحد يقولي لازم انحف معقوله كلهم كانو يجاملوني

نور : برايك كذا

محمد : اكيد كم وزنك الحين

نور وهي مكشره : 49

محمد ابتسم : من جدك

نور : والله يعني على كذا لازم يكون وزني 45 ولا44

محمد : لا

نور باستغراب : اجل

محمد ابتسم اكثر : قومي و قفي

نور ( وقفت وناظرني من فوق لين تحت استغربت : ها بشر

محمد : هههههههه امزح معك ياالخبله حلو جسمك كذا لا يبي له نحف ولا سمنه كذا الجسم المثالي ..

نور جلست مكاني و عصبت من حركته ونضراته قليل الادب

نور : سامج

محمد : هههههههههه يلا بعديها لك هالمره

نور : مدري من المفروض يعصب انا والا انت

محمد : والله كنت امزح معك ما توقعتك حساسه لهالدرجه

نور : اوكيه خلاص

محمد : زعلتي

نور : وش رايك انت

محمد غمز لها : اوكيه ما يهون علي الحلو ينام زعلان

نور اتوقع بيجيب لي هديه او يمكن نسافر : الي هي

محمد : بطريقتي مدري بتعجبك ولا لا

نور حسيت من نضراته فيها قلة ادب : انا بروح انام لا تراضيني ولا اراضيك اوكيه وقمت .

محمد : هههههه وهذي الشي الوحيد الي يعجبني فيك تفهمينها ع طاير .

نور : الشي الوحيد بس

مع احترامي لك ما عندك ذووق وطولت في الكلمه الاخيره عشان اقهره

وقف وصار قبالي : اجل انتي مو مقتنعه من شكلك

نور ؛ كيف يعني

محمد ابستم : تو تسبين في ذوقي وانتي من اختياري وذوقي المعنى ما انتي مقتنعه بنفسك ..

نور : انت متناقض و الاسباب الي تدفع لهذا الشي احد امرين اما انك ما تعرف معنى الكلام الي تقوله وهذي

تهون ممكن مع الوقت تتعلم المعاني وتحفضها مع ولدك مستقبلا ولا عندك نقص في فهم المعاني مما يؤدي الا

نقص في العقل وذالك يودي الا نقص في رجولة الشخص وهذي المصيبه لان النقص في الرجوله تؤدي الا

كوارث في البشريه .

محمد بدا يعصب : اقول ترى زودتيها والله كف الحين يطيرك بيت اهلك

نور وهي تمسك اطراف شعرها وتلفها على يدها : شفت كيف عصبت الحين يعني انت متناقض بس برايك اي

امرين انت منهم يعني بتتعلم مع ولدك ولا بتسبب الكوارث للبشريه

محمد : حتى لو فكرت لاحظي مع ايش قلت فكرت وشددت عليها

اجيب عيال مستحيل تكونين امهم لان ما ابي عيالي تنتقل لهم امراضك وراثيا وعقليا بعدين اخاف على نسل

عايلتي الكريمه تخربينه بأشكالك

نور : باشكالي وقايلتها بستهزاء اذا تقصد اخلاقي بذي الكلمه ما برد عليك لان الرد على الجاهل راح يكون

النقص فيني ومابرد لان في الصمت جواب ارقى وافضل من كلمات الجاهل وهذا الي تربيت عليه

اما اذا تقصد شكلي الخارجي و فهذي خلقت ربي اذا عندك اعتراض على خلقت ربي هذا شي ثاني بينك

وبين ربك والله يحاسبك

محمد و خلاص شياطينه فوق راسه : خلصتي

نور : انت الي بديت وانا فقط اقوم بالرد على السؤال المطروح من حضرتك ..

محمد باستهزاء لها : تدرين كنت احاول اصحح الصوره لك

بس قالها خالك تربيه مضروبه من الاساس ويلزم لك اعاده تاهيل

نور : انا تربيتي مو مضروبه بس انتو الي رجولتكم معدومه .

محمد : نوووور ترى تعديتي حدووودك تادبي ولا والله لا تشوفين شي عمرك ما شفتيه وهذا انا حذرتك ولو

اسمع كلمه وحده منك ولا خطا وحتى لو كان مو مقصود ورب البيت ما اتغاضى عن شي و كل شي بحقه

ساعتها بتقدرين النعمه الي كنتي فيها و انا رجال غصب عنك ورجولتي تثبت وجودي وانا بثبتها لك بكل بساطه

نور : انا ما طلبت منك تثبتها عزز هالشي بنفسك عشان بجد تكون قول وفعل مو تصدق كلام ارذل الخلق مثل

الطفل لاقالو له كلمه صدقها واقنع نفسه بها ولاتكون امعه مع الناس في كل شي خل رجولتك بشخصيتك ..

محمد كنت بتغاضى على كلامها لانها بزر وماتحسب لكلامها حساب بس زودتها كل رجل احد يتكلم على رجولته

اكيد بيعصب شي طبعي بس يكون الكلام من زوجته هذي المصيبه فا اعطيتها كف اقوى ما عندي عشان تعرف

من تكلم وتحسب لي الف حساب وعشان ما تتعدى حدودها مره ثانيه

محمد : هذا بس انذار لك على المهزله الي قلتيها .

نور توقعت يقول اي شي بس ما توقعت يمد يده علي وهذي ثاني مره يسويها بس للحين وخلاص هو صدق

اتوقع رقبتي انكسرت من الكف بس كل شي يهون عند كرامتي : نعم مهزله كلام الحق مهزله

محمد : استغفر الله نور خلي الليله تعدي على خير

نور ادري العناد ما يفيد وادري زودتها بالكلام معه لو غيره كان سوى اكثر

نور: لا لا طلع الي في قلبك شكل خالي لاعبها صح معك

محمد : تبين اطلع الي في قلبي كله

نور ارتبكت من كلامه : اكيد لكل مشكله حل ويمكن نقدر نحلها مو اي احد يدخل بحياتنا

محمد يقرب زياده منها وهي ترجع كل ما تقدم رجعت : انتي مشكلتي

( ومسك ايده بيدينها ) احنا كم لنا متزوجين ها كم

نور بديت اخاف منه ومن تصرفاته الغريبه وهدووءه المفاجئ

نور : شهر تقريبا ( قلتها واضح علي الارتباك من قربه مني )

محمد هو باقي ماسك يدينها : شهر واسبوع وباقي وماصار بينا اي شي

حنا مو اخوان حنا زوجين تفهمين شنو يعني ولا اعيد صياغتها بأسلوب ثاني ..

نور والله انقلب السحر على الساحر : محمد ء ء ء لازم يعني لازم بالاول نكون مهيئين لهالشي و يعني ( غمضت

عيوني ) وصديت عنه و مو مستعده لاي تغير بحياتي

محمد بعدت عنها : لصبر حدود يوم من الايام بينفذ صبري ووقتها ترحمي على عمرك ..

بعدها طلع وتركني في الفندق لحالي جلست على السرير وانا افكر في كلامه معقوله يسويها اوووف انا ايش

لي بالزواج والله لو قعدت في بيت اهلي وكملت دراستي افضل ما كنت اتوقع الزواج كذا تذكرت كلام امي قالت

لي يوم زواجي لا تزعلين زوجك منك لاي طلب يطلبك ولا تنرفزينه لان كل شي بيطيح في راسك والحين فهمت

معنى كلامها صح كنت اتوقع الزواج لعب وسفر و وناسه بعد سنه ولا سنتين يجي نكد الحمل و الولاده بس ما

توقعت بها السرعه اخذت جوالي ودقيت على نرمين هي صديقتي الوحيده الي بتفهمني رغم فارق العمر الا اننا

درسنا سوا في الثانويه هي انتساب وانا انتظام بعد كم رنه ردت كنت بقفل بس اخيرا ردت ..

يتبع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 78
قديم(ـة) 14-09-2013, 07:15 PM
صورة جرحني غيابگ الرمزية
جرحني غيابگ جرحني غيابگ غير متصل
©؛°¨غرامي فعال ¨°؛©
 
الافتراضي رد: رواية ما جرحني خطاك وعذابك لي الي جرحني غيابك /بقلمي




نرمين : الو

نور : هلا والله عاش من سمع صوتك

نرمين : نور اهلين يا قلبي عاشت ايامك يابعدي ..

نور : اخبارك

نرمين : الحمدالله تماام وانتي اخبارك وكيف الزواج معك .

نور : يعني تبين الصراحه ندمت اني تزوجت لو كملت دراستي كان ابرك لي

نرمين : اآه يا نور فما بالك انا اهلي للحين مصرين على زواجي من خالد

نور : ليش ما قلتي لهم عنه

نرمين : ما قدرت بيقولون كيف عرفتي بطيح في مشكله اكبر فسكت و رضيت بقدري

نور : يا عمري والله لو بيدي أساعدك بس شلون

نرمين : ماباليد حيله كلمني اليوم وابوه جاته جلطه وامه منومه في المستشفى طلعت حامل

نور بفهاوه : اما كيف حملت

نرمين : نور انتي متزوجه عارفه كيف

نور : لا ما اقصد كذا اقصد يعني هي كبيره ونادر يحصل الحمل لكبار السن ..

نرمين : من قال انها كبيره تزوجت وهي صغيره وجابت خالد وهي توها 14 سنه يمكن تقريبا توها صكت الاربعين

نور : اها يلا الله يقدم الي فيه الخير

نرمين : ولا بعد نايف سافر سوريا

نور : مو من جده هذا وش يوديه هناك وكلها حرب

نرمين : يقول يبي يجاهد والله اعرفه نايف صايع ضايع فجاه كذا يتصل علينا

يقول انا على الحدود بروح سوريا بجاهد

نور : تدرين من شاف مصيبه غيره تهون مصيبته

نرمين : ليش ايش فيك بعد سالت خواتك عنك يوم قابلناهم في زواج اخوك قالو انك تمام ومبسوطه وش الي غير

عليك عيون الناس الله يكفينا شرهم ما يخلون احد براحته حسبي الله ونعم الوكيل ..

نور : ما اقول لخواتي عن حياتي الخاصه

نرمين : طيب انا صديقتك قوللي وان شاء الله نلقى لك حل

نور : والله ان السالفه بخاطري وبقولها لك

نرمين : دقيقه بعلمك شغله

نور : وش قوللي

دخل محمد وانا كنت جالسه على السرير واكلم نرمين جاء الاخ وانسدح حتى ملابسه ما غيرها

كملت مكالمتي ولا كانه موجود

نرمين : تذكرين ريم الي كانت معنا

نور : اي وحده

نرمين : الي كانت صابغه شعرها وردي

نور : هههههه قصدك باربي

نرمين : المهم طلعت حامل

نور : اما متى تزوجت

نرمين : قبل زواجك بشهرين

نور : هههه ما يناسبها الحمل باقي صغيره

نرمين : وانتي مافي شي بطريق

نور : انا لا وين بدري عن الحمل

محمد فيني نوم وذي باقي تسولف ولا تقول بدري انها تحمل مو داريها انه قرب الموعد : ممكن تسكرين هالزفت

لاني ابي انام

نور : اوكيه حياتي اكلمك وقت ثاني

نرمين : هو عندك

نور : ايه

نرمين : طيب يلا باااي

نورر : باااي

وقفلت وقمت ابي اروح اغير ملابسي قاطعني صوته : على وين

نور : بروح اغير ملابسي

محمد : طفي الليت معك وما ابي اسمع ازعاج و بكره بنرجع الشرقيه ..

نور ادري انه باقي في قلبه كلامي له اليوم فما احبيت ازيد الطين بله : اوكيه الي يريحك

وطلعت وغيرت ملابسي لبست بجامه سبورت اصفر وازرق و عليها صوره سبنج بوب

ورجعت الغرفه عارفه باقي ما نام اخذت جوالي قعدت اطق اطق فيه مافيني نوم

والجني بينام جتني رساله في الواتس اب ضحكت والله نسيت اصلا انه موجود

محمد : انتي ما بتنامين لعنبوا ابليسك طاقتك ما تخلص

نور ينكت هو وجهه : لا ما فيني نوم

محمد اووف هذي الي بتطير عقلي : انتي انسدحي وبيجيك النوم اما انك قاعده كذا اكيد ما بيجي

نور طفشت من كلامه طفيت الجوال واستلقيت على السرير وانا من نوع اذا ما فيني نوم اتحرك كثير .

محمد استغفر الله العلي العظيم هذي لامرحيتنا لا في الليل ولا نهار : قومي انقعلي برا

نور وانا معطيته ظهري : لا ما فيني حيل اقوم

محمد : طيب نامي ولا اثبتي والله لو مكينه كان احترقت من كثر الحركه ..

بعد جهد وجهيد انتهت ليله من ليالي ابطالي بسلام ..

¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤ °• . •° ¤ °• . •°

يوم جديد بعد مرور اسبوع على الاحداث الساعه 9:30 صباحا

في المستشفى الخرج

الدكتور : لازم ننقله الرياض نسوي لها فحوصات و علاج طبيعي عشان الجلطه اثرت عليه كثير والسكر ارتفع

بشكل مو طبيعي فا الوالد مرح يقدر يمشي تاني بس خلو املكم بالله كبير ..

خالد : طيب كيف يسافر الرياض هو بالحاله ذي

الدكتور : راح نوديه بسياره الاسعاف الى المستشفى ( ......... )التخصصي وهم هناك راح يعملون اللازم

خالد : اوكيه طيب انا برافق معه متى بتودونه

الدكتور : امم بعد ساعتين تقريبا ..

خالد : اوكيه برتب اموري وبرجع هنا وبدفع الحساب ونمشي سوا

الدكتور : ما فيش مشكله ..

°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •°

في بيت ابو نايف

ام نايف تكلم بتلفون : خلاص خلاص خلو بنتكم عندكم ولدي اصلا لقيت له بنت الحلال الي تناسبه وبتشوفون

وخلي امل تنفعها دراستها ..

قفلت هو وانا معصبه من ام امل ( زوجه اخو ابو نايف )

دخل نواف وشاف امه معصبه واصله حدها ..

نواف : افا افا وش مزعل حبيبة ولدها

ام نايف ماتبي تشوف ولدها زعلان مكسور : مافيني شي بس ترى ء ء والله مدري وش اقول

نواف : قولي يا الغاليه وش الي مكدر خاطرك

ام نايف : امل رفضتك وتقول تبي تكلم دراستها ..

نواف حزت في خاطره هالحركه اجبروه يخطبها يوم بدا يتقبلها ورسم مستقبله عليها

ترفض ابتسم عشان امه ما تزعل ولا تاخذ بخاطرها : عادي يا الغاليه مافي نصيب ،

ام نايف هذا اللي بيجنني : يا ولد ايش فيك هذي امل الي متمسك فيها و رفضت بنات عمك كلهم عشانها .

نواف باس راس امه : لا يا الغاليه انا ما رفضت بنات عمي عشانها بس انا اخترتها بس عشان رغد

الا امل ما تعني لي اي شي

ام نايف : يا يمه رغد ما عليها أخلاف الحين ولا بعدين باتتزوج ان كان هذا ولا غيره

نواف : لا يمه رغد مالها ذنب بها الشي حرام مستحيل ارضى عليها بالاهانه ..

ام نايف : الحمدالله على كل خير

نواف : خلاص يالغاليه الي علينا وسويناه وانا الحين ماني مجبور انتظرها

وابيك تدورين لي على بنت ناس واخلاق ودين هذا اهم شي

على ذي الكلمه دخلت رغد

رغد : انا عندي ما يحتاج تدورون

ام نايف : الله يغربل إبليسك بالاول سلمي و قولي صباح الخير ..

رغد : صباح الخير يا احلى ام بالدنيا

وجلست وبيدها كوب بيبسي : نواف ميرا لا تروح مين يدك وربي بنت ولا كل البنات انا نصحتك وكيفك

ام نايف : لا يمه ميرا باقي صغيره يمكن اهلها ما يوافقون يزوجونها الحين

نواف يتأمل بصمت و عنده فضول يعرف ليه مصره رغد على ميرا

رغد : لا ما اتوقع

نواف : هم عندهم ولد في المستشفى ...... التخصصي ..

رغد : مدري والله ما قد سالتها عن اخوانها

ام نايف : هايمه اخطب لك بنت ام فيصل جارتنا

رغد اما امي من جدها : لا لا يمه وش ام فيصل وع بناتها مو حلوات

ام نايف : الا يمه دلال كويسه اخلاق اهم شي حافضه القران .

جات نرمين : صبااح الخير يمه اليوم بتجي عمتي ام خالد ..

نواف : كلمك خالد اليوم ..

نرمين بدون نفس : ايه ويقول بيجيب ابوه هنا نقلوه من مستشفى الخرج للمستشفى التخصصي

وقال اشياءكثير والله مدري ما فهمت عليه

رغد : ما علينا نرمين اخوك يبي يخطب تذكرين لنا وحده حلوه

نرمين بتفكير : ريهام بنت عايده جارتنا

نواف : ام الديك ههههههه

رغد : اما عاد مالقيتي الي هي

نرمين : وش فيها ترى كبرت البنت وصارت حلوه

رغد : كذابه هي معي في نفس المدرسه قصيره وكشتها نفس ماهي

نواف : اصلا لو ايش ما اخذتها

ام نايف : ولد وش هالكلام قوم قوم تجهز لصلاه الظهر وانا اشوف بعدين بنت سنعه

نواف : عادي يمه انا بتزوج ولا انتو

ام نايف : لا والله الولد انهبل في احد يقول لامه كذا

ولا و يسبون في بنات خلق الله يلا مالكم علاقه في كلام الكبار بكلم ابوك وبنشوف في الموضوع .

رغد : ههههههههههه عصبت بدريه والله

نرمين : بالله يمه هفيها بالفنجال في جبهتها

رغد : بسم الله علي ليش كل هذي غيره

نواف : اقول انا بطلع

ام نايف : جهز نفسك في العصر بتودينا السوق انا وخواتك

نواف : يمه عندي موعد في العصر

ام نايف : انا ما استشيرك انا اعطيك خبر بس

نواف يتحلطم : يمه وش هالسوق الي ما تشبعون فيه

ام نايف : ولا بعد المغرب بتودينا بيت ابو احمد

نواف : لا والله كملت

ام نايف : والله عيال هالجيل ماغير يراددون تراني امك بدعوه الحين توديك في ستين داهيه

نواف بقل حيله : يمه ترى انا ولدك كيف يطاوعك قلبك يدعي علي

ام نايف تنهي النقاش : الساعه 4 وانت هنا

نواف : طيب

°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •°

في الفندق

محمد اووف اخيرا خلصت شغلي واليوم تبدا اجازتي شهر كامل اخذت بنسافر ونتمشى نغير جو واعوض نور

عن شهر العسل دخلت غرفة النوم لقيت الانوار مقفله و مكيف منخفض البروده ونور مو مبين منها الا شعرها من

تحت البطانيه استغربت جيت عندها وفتحت البطانيه ومسكت كتفها عشان اصحيها : نور نور قومي خلاص

بسك نوم .

نور اووف الاخلاق قافله ونفسيه زفت و غصب خف وجع بطني ونمت والاخ مصحيني وخرت يده

نور: نعم ايش تبي

محمد ايش فيها ذي رحت الدوام النفوس متصافيه : سلامتك ما ابي شي بس مستغرب نايمه للحين

نور وعيونها باقي مغمضه والنوم فيها : ليش كم الساعه

محمد يشوف ساعته : عشره الا عشر

نور تغطيت بالبطانيه من فوق راسي : باقي بدري

محمد سحب البطانيه : بسك نوم من يوم داومت للحين وانتي نايمه ما شبعتي

نور تسحب البطانيه : انقلع عني ما اني فاضيه لك شوف النفسيه صفر ها روح من الافضل

قبل لا اغلط عليك
محمد اووه من يوم الاخلاق كذا فيها شي : طيب ايش فيك تعبانه اجيب لك شي

نور ايش بلاه هذا ما يفهم : اذلف مادام النفس طيبه عليك

محمد ذكرتني بهيا اذا شفت اخلاقها كذا عرفت انها معيده الاخت

وشكل هذي مثلها يلا انا طفشان خلني اطق طق عليها : وش متعبك طيب .

نور بنضره استعطاف عشان يروح عنها : تكفى روح ابي ارتاح والله تو ارتحت

محمد : طيب ايش فيك ( يسوي نفسه تو تذكر ) اهاا كان البحر الاحمر على حددونا

نور فهمت ايش يقصد قليل الادب على جراتي و لساني الا اني استحيت منه : احم احم وخر بنام

محمد رحمتها فقمت عنها : طيب ما دام انك تعبانه بعتذر من اهلك اليوم كانو عازمينا بس راحت عليك

نور وقت التعب مافي شي يهمني : سو الي تبي ..

محمد : كيفك الي سمعته صديقاتك بيجون

نور : محمد والي يرحم والديك فكني من شرك

محمد بجديه : خلاص بس تجهزي بعد العصر بوديك عند اهلك وديعهم لاننا بنمشي بكره على الشرقيه وبقعد

فيها كم يوم وبعدها نشوف لنا وين بروح شهر العسل المتاخر

نور تبي ترتاح وبس : خلاص طيب

°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •°

في بيت ابو احمد

ام احمد : يا ميرا قومي حسبي الله على إبليسك وش ذا النوم كله من ذا الزفت ( تقصد الايباد ) تسهرين عليها

ولا شغله ولا مشغله يلا قومي .

قامت ميرا وشياطين الانس والجن فوق راسها : يا ذكر الله حتى الواحد مايقدر ينام زي الخلق يا ربي متى

اتزوج وافتك

ام احمد : لا تستعجلين على رزقك بيجيك ويطير عيونك

يا نوال نوال قومي يلا وش ذا النوم معكم مدري طالعين على من لو اسحبكم ما حسيتو ( طفت المكيف وطلعت )

رجعت انسدحت ميرا وكان شي لم يكن

ما قامو الا بماي على وجههم

ام احمد : والله ما ينفع معكم الا كذا

نوال قامت مفزوعه : يمه انتي من جدك وش هالحركات

ام احمد راحت يوم وصلت عند الباب : يلا قومي حتى الفجر ما صليتوها

لا صلاه ولا عباده من يوم بدت الاجازه وانتو بس سهر ميرا نوال عناد ما قامو رجعو نامو صدق النوووم سلطان

جاء عبدالرحمن وعبدالعزيز : يلا يلا قومي انتي وياها

عزوز في يده علبه نيدو وعبدالرحمن معه مسدس المويه اللعبه حق ليان بنت مريم نسيته عندهم

وهم مقصرو فيها استعمالهم الدايم للنايم

عبدالعزيز هو يطبل على علبه النيدو : يلا يلا قومي خلاص انتهى وقت النوم ابو عبيد يلا دورك

قامت ميرا و تدور شي تهفهم به

نوال قامت عليهم بالشبشي وعبدالرحمن طالع فوق السرير ويرشها بالمويه وعزوز مايزال يطبل عند اذن ميرا

ومالقيت شي تهفه الا سلك الشاحن بس من حضه جات في صدره

ميرا : الله ياخذكم جن عفاريت انقلعو

نوال راحت الحمام الله يكرمكم تتسبح

وميرا مازالت تسب وتلعن فيهم وعبدالرحمن خرج بعد ما قامت نوال وعزوز اصلا من زمان راح بعد سلك شاحن ..
بعد اذان الظهر كلهم جالسين في الصاله ونوال وميرا حاقدين للحين على عزوز وعبود

احمد : يبه ابشرك جاتني بعثه لكندا

ابو احمد : من زين نسبتك في الثانويه عشان يعطونك بعثه تاكدت شكلهم ملخبطين في الاسماء

ميرا ماش علاقتها با ابوها بعد ذيك السالفه

احمد لازم التحطيم : الا اسمي تاكدت من كل شي والاسبوع الجاي بسافر

ام احمد : الله يسعدك ويوفقك

نوال : وناسه حضك بتطلع برا وش رايك اروح معك يعني اسليك واطبخ لك و بنفس الوقت اتسلى

احمد : لا والله ابي افتك منك تلحقيني هناك اقضبي ارضك ابرك لك ..

نوال : مالت عليك اصلا ما ابغئ اروح

ميرا : هههههههههه طير ام الجبهه بالله عز تشوف جبهت نوال عندك

نوال : يوووه يالسمااجه اقول تلايطي بس

°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •°

جاء محمد من الصلاه ونور باقي نايمه و جاب معه غدا كالعاده على كرهي لاكل المطاعم بس مجبور الاخت

عروس باقي وبعدين حنا في فندق ما عندهم مطبخ بس مطبخ تحظيري

قومتها هالمره رحمتها وانا الي حظرت الغدا

نور الحمدالله الحين احسن من الصباح وما شاء الله من متى محمد يحظر شي كله معتمد علي فيه

نور : مساء الخير

محمد : اهلين يلا يلا تعالي خالينا نتغدا

نور الحين وش اقوله ابي انزل السوق كيف اقوله : حــيــاتــي

محمد ناظر فيها هي ما تقول هالكلمه الا تبي شي : اعطيني من الاخر ايش تبين

نور : ههههه فديت الي يفهمني ابي انزل اسووق ..

محمد : يصير خير تغدي الحين

نور الي يعجبني فيه طيبه قلبه على كلامي معه وتصرفاتي الا انه متحملني ومعاملني احس معامله الا اذا ركبه

الجني يطلع عيوني ..

°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •°

بيت ام نايف : نواف اليوم صرف نفسك عندنا ضيوف

نواف : ها ما قلتي لي اليوم بتروحين عند ام احمد

ام نايف : تغيرت الخطه وهم بيجون عندنا وبعدين انت ايش دخلك في مواضيع الحريم

نواف : خلاص خلاص بطلع العصر وما برجع الا بعد العشا كذا كويس

ام نايف : لا عندنا عشا اليوم وانت الي بتجيب العشا وبتذلف بعدين

نواف : رحمتك ياربي طيب في شي ثاني

ام نايف طنشته وتكلم رغد : رغد ميرا واهلها اكدي عليهم يجون

رغد : ايه قالت لي بعد العصر مباشره

نواف : اووف من ذولا الحريم ومن مسيارهم الي ما يخلص

ام نايف : نواف قم انقلع

رغد : ھَھٍھَھٍھَھٍھَھٍھَھٍھَھٍھَھٍھَھٍھَھٍھَھٍھَھٍٱإيـ

نرمين نرمين

جات نرمين من المطبخ : نعم وش تبين

رغد : جيبي جبهه نواف من المطبخ بدريه طيرتها

نواف : شوف قليله الادب ترى هذي امك مو وحده من صديقاتك تنادينها باسمها

رغد : يا اخي امزح مع امي انت شكو

نواف : طسي عن وجهي انتي ومزحك السامج

°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •° ¤ °• . •° ¤ °• . •° ¤ °• °• . •°‏ ¤ °• . •°

نور كنت بروح عند اهلي ومن هناك اروح معهم بس لان ما عندي لبس ونزلت السوق بعد العصر ومحمد ما خلى

احد في الشارع وفي سووق الا و سبه لعن والدي والدينه واخيرا خلصت ورجعنا الفندق

محمد : انا بدخل اتسبح وبروح اصلي المغرب وما اجي الا القاك خالصه ولا خلي احد اخوانك يوديك ..

نور : طيب طيب

وهو راح الحمام الله يكرم القارئ وانا اسشورت شعري بسراميك طلع شعري طويل وصل لاخر ضهري اول مره

يضبط شعري كذا و حطيت مكياج هادئ وروج احمر و لبست بنطلون اسود واسع وبلوزه حمرا وخلصت باقي

بس احط سيروم على شعري وخلاص ما انتبهت لخروج محمد من الحمام ( كان لابس سبورت بنطلون ابيض

فيه خطين اسود وتيشيرت ابيض واسود ) انا جالسه احط السيروم شفت ضل عند الدولاب التفت شفت محمد

يناظر فيني نضارته قليله الادب نور : ء ء انا خلصت روح صل ونمشي

محمد طلعت من الحمام اول مره اشوفها كاشخه بهذا الشكل طالعه ملاك ولا لابسه احمر واسوود ومبين بياضها

وشعرها طويل اول مره انتبه له رغم لبسها الواسع الي مطلعها دبدوبه الا اعطى لها شكل خطيير

تتعدلت وكملت طريقي يوم شفتها انتبهت

المهم تجهزت ورحت اصلي ورجعت لقيتها جاهزه ومشينا اتصلت على صديقتها وصفت البيت بتوصيف ابو كلب

غصب عرفناه البيت نزلتها وطلعت مع اصدقاء ورحنا الاستراحه

نور ( نزلت ولقيت الباب مفتوح قالت لي نرمين بتفتحه وادخل على طول دخلت فسخت عبايتي في مدخل

النسوان تعطرت عدلت شكلي على المرايه جاتني رغد

رغد : هلا هلا والله انتي نور صح

نور : هههه ايه

سلمنا على البعض و اخذت عبياتي ومشينا

نور : جو الحريم ولا باقي

رغد : اووه مليانه الصاله

نور : اووف اهلي جوو

رغد : ايه وميرا فوق في غرفتي ونوال تساعد نرمين في المطبخ

نور : اوكيه الله يسعدك ابي اطلع عند ميرا عشان نسلم سوا عند الحريم

رغد : ولا يهمك تعالي بس اسمعي لا تنزلون لين اجيكم

ودخلت عند ميرا و وتضبطنا وكل شي وقعدنا ننتظر رغد ..
في المطبخ

نرمين : نوال حياتي ودي هذا عند الحريم

نوال : ابشري هات

واخذتها وراحت

جات رغد : نرمين نواف دق علي يقول جاب الحلويات معه وبيدخل

نرمين : بسرعه خليها يدخل قبل لا تجي نوال

رغد : طيب طيب

ودخل نواف : ها خذوو ودخل الاغراض اسمعو بروح غرفتي باخذ منها غرض وبطلع سكرو الباب بعدي لان

ابوي بيروح معي

نرمين ؛ يلا بسرعه بس قبل لا تجي البنت

طلع نواف غرفته واخذ اغراضه وطلع من الغرفه ونسي الشاحن ومافيه يرجع ياخذ شاحن رغد قريب فتحت

الباب وتافجت بالبنت الملاك الي قدامي كانت جالسه على السرير وطقطق بجوالها يوم فتحت الباب رفعت نظرها

لي بعدها تنحت قامت البنت ع طول واعطتني ظهرها انتبهت على نفسي وسمعت صوت بنت ثانيه وشكلها في

الحمام طلعت بسرعه بس من ذي سمعت وحده تناديها اتوقع اسمها ووو جرحني غيابگ ..

!!..المخرج ..!!
تمنيتك وقلت فخاطري ليته نصيبي ,,
وانا مدري وش مخبي لي القدر ،،
بس كل الي اعرفه اني حبيتكـ من هذي اللحضه،،


اضغط على الصورة لرؤيتها بحجمها الطبيعي

اختكم
جرحني غيابگ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 79
قديم(ـة) 14-09-2013, 10:59 PM
صورة مرجوجة بس بطريقة راقية الرمزية
مرجوجة بس بطريقة راقية مرجوجة بس بطريقة راقية غير متصل
©؛°¨غرامي مشارك¨°؛©
 
الافتراضي رد: رواية ما جرحني خطاك وعذابك لي الي جرحني غيابك /بقلمي


اسفه على الكلام اللي قلته بس والله انقققهرت مررره المووووهم
توقعاتي فديتني امواااه يا انا لبى البي
اممم نور ومحمد مدري بس كل اللي اعرفه اني مستحيه<<ههههههههاااي خبله و ربي
و نواف اكيييد شاف ميرا يا قلبي عليها تذكرني فيني فديتني
وووبث
مع الثلااامه بس متى البارت القاي؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 80
قديم(ـة) 15-09-2013, 12:02 AM
صورة جرحني غيابگ الرمزية
جرحني غيابگ جرحني غيابگ غير متصل
©؛°¨غرامي فعال ¨°؛©
 
الافتراضي رد: رواية ما جرحني خطاك وعذابك لي الي جرحني غيابك /بقلمي


اقتباس:
المشاركة الأساسية كتبها مرجوجة بس بطريقة راقية مشاهدة المشاركة
اسفه على الكلام اللي قلته بس والله انقققهرت مررره المووووهم
توقعاتي فديتني امواااه يا انا لبى البي
اممم نور ومحمد مدري بس كل اللي اعرفه اني مستحيه<<ههههههههاااي خبله و ربي
و نواف اكيييد شاف ميرا يا قلبي عليها تذكرني فيني فديتني
وووبث
مع الثلااامه بس متى البارت القاي؟
هههههههههههههه فديتك والله

ومشكوره على التوقعات ويمكن صح ويمكن للقدر خيار اخر

البارت مدري والله اذا خلصتها قبل يوم السبت نزلتها

اما اذا صار لي مثل ذا الاسبوع الي طاف فيبكون يوم السبت

ان شاء الله المهم اعذروني لتاخرت والله مو بيدي

ولو بيدي كل يوم بارت بس غلطتي بديت انزل وانا باقي اكتب

المهم ما ابي اطول عليكم ابي اقول لكم اي وحده عندها

قصه واقعيه واو موقف طريف ترسله لي على خاص

واذا كان مناسب لروايه نزلتها مع ذكر اسمها طبعا

الحقوق دايما محفوضه عندي

اختكم
جرحني غيابگ

الرد باقتباس
إضافة رد

رواية ما جرحني خطاك وعذابك لي الي جرحني غيابك /بقلمي

الوسوم
جرحني غيابگ
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 1999 25-08-2011 01:29 AM
همسات من بقايا انثى خـفـايـا الـحـزن المقهى الأدبي نبض الحروف 57 13-06-2011 08:02 AM
في الليلِ أسرارٌ، وليْ بينها سـرٌّ ، فمنْ يدري ومنْ يرحَمُ خـفـايـا الـحـزن سكون الضجيج - مملكة العضو 12 25-03-2011 12:08 PM

الساعة الآن +3: 10:14 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1