غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 15-08-2013, 11:04 AM
صورة Neemo.o الرمزية
Neemo.o Neemo.o غير متصل
©؛°¨غرامي جديد¨°؛©
 
Th Recordplayer رد: بين أناملي ... حكاية '\ بقلمي


نكمل .. 6
..... سجى ارتعبت : هيييييييييه .. بسم الله الرحمن الرحيم ..!!!!
رائد عصب زيادة : اشبلاك انتي شايفة جني ...؟؟ !! ارعبتيني بصرختك يا الهبلة ..
سجى حطت ايدها بقلبها : إإه .. انت اللي ارعبتني .. وش فيك ..؟؟ وش تبي ..؟؟
رائد هدا و تكلم ببرود : آآ .. شاحن جوالي وصلته انقطعت اعطيني شاحنك ..
سجى : طيب
و راحت بتجيبه و عطته اياه ..
سجى : تفضل ..
و اخذه و راح و بدون ما يقول و لا كلمة .. و استغربت سجى منه العادة رائد دايماً يضحك اليوم متكدر و ضايق خلقه ..
سجى " اشبلاهم هالاخوان كل واحد اغرب من الثاني .. الكبير يهدي بنت خالته هدية بـ 150 ألف و هو مو عادته يهدي احد كذا هدايا .. و الثاني نفسه بخشمه و ضايق خلقه من الكل .. اشبلاهم ذولي ..؟؟!! .. خلني بهالمصيبة الحين .. وش اقول لبندر .. انا اصلاً وش ابي من بندر .. انا ما ابي منه شي .. ليش اوافق عليه و لا ليش افكر بطلبه اصلاً .. اللي يجمعني به قصة حب راحت و انتهت و انا الان ما عدت افكر فيه .. بس هو اللي يبيني ...!!....... حتى فراس يبيني ..!! "
كذا سجى تصعب عليها الوضع .. هي عادتها تختار اللي يبيها مو اللي هي تبيه .. و الشي اللي يحيّر ان الاثنين يبوها و هي محتارة أي واحد فيهم تختار .. !!! و فكرت سجى بشي .. و لكن لجل تنفذ هالشي لازم تصارح امها بالاول عن طلب بندر .. و قامت تروح تقول لامها ..
............ بعد مضي فترة قصيرة .............
سجى مع مشاري .,..
سجى : مشاري ابيك تعرف اكثر بلد هو يحب يروح لها و روح وياه ..
مشاري : طيب ليش ..؟؟
سجى : انت روح معاه و سافر .. و باسوي شي انا بتأكد فيه اذا هو يصلح اخذه و لا لاء ..
مشاري ابتسم ابتسامة ابتزازية : و المقابل ..؟؟
سجى بنص عين : اووووف منك يا الابتزازي يا الانتهازي .. طيب قول اشتبي ...؟؟
مشاري : نطلع السوق انا وياك و معانا بنات خالتك ..
سجى " لا السالفة ما ينسكت عنها " : لا السالفة ما ينسكت عنها ....!!
مشاري : أي سالفة ..؟؟
سجى معصبة و مستغربة : وش الطاري معاك انت و مع بنات خالتك .. و بالاخص سارة .. وش السالفة ..؟؟
مشاري : ياخي تعرفي يوم تسوي شي بدون لا تسألي ..
سجى : هذا هو انت سألتني ليش .. لما قلت لك سافر مع فراس ..
مشاري ارتبك : لا هذا غير .. و ذا غير .. هااا ؟؟ رح تسوي اللي اقولك عليه و لا مافي سفر مع فروسي هذا حقك ..؟
سجى زهقت : اووووف منك .. طيب طيب .. المشكلة ما عندي غيرك خويه .. اوووف .. زين متى تبيني اروح معاك ؟
مشاري : اليووم انتي تكلمي بنات خالتك قدامي و انا باكلم فراس قدامك .. هااا وحدة بوحدة .. اتفقنا ..؟؟
سجى : اتفقنا ..
.................................................. ...................
مشاري : يلا انتي اول ...
سجى : لا حبيبي انت اول .. تبي تلعب علي هاا ؟؟
مشاري : و الله العظيم .. و الله و الله باتصل ..
سجى بتدق : ترى حلفت ..؟؟
مشاري سوا حركة بايده بمعنى لا تهكلي هم .. و دقت ..
سجى : هلا وسن .. هلا حبيبتي .... بنت الخالة الليلة وش عندك انتي و سارة ..؟
وسن : ما عندنا شي ابد .. من الصالة للغرفة و من الغرفة للصالة .. يمكن ادق على احمد اطلع معاه ...
سجى : لالالالا .. لا تدقي لا على احمد و لا غيره ..
مشاري يتحلطم بهمس : يلا عاد .. مع هالهيس ..
وسن : طيب ...؟؟؟
سجى : انا زهقانة ودي اطلع معاكم انتي و سارة .. تدرين ولا وحدة من خوياتي فاضية لي و انتو كمان خوياتي و بنات خالتي .. فخلينا نطلع الليلة نروح مجمع شي ..
وسن : طيب مين يودينا ..؟؟ صار عندكم سواق ..؟
سجى طالعت بمشاري : مين بيوصلنا ... بيو........................
مشاري يسوي لها حركات بمعنى لا تقول .. ان هو ..
سجى استغربت : .. آآآ ... بيودينا رائد ..
وسن : رائد .... ( انبسطت ) ...حلو .... " اشوا مب مشاري " ... الليلة رح نجهز و ندق عليك ..
سجى : طيب ع الساعة 8 ...
وسن : طيب حبيبتي ..
سجى : يلا سيو ..
وسن : سيو ..
سجى سكرت و ألتفتت لمشاري : يلا دورك .. انت حلفت ..
مشاري بعيارة : ترى اقدر اصوم 3 ايام و اطعم المساكين و كذا .. ( حافظ الفقه الاخ ) ... يعني اقدر اسحب سيفون ..
سجى عصبت : مشاريوووووووو ....
مشاري بيدق : طيب طيب ...
و هو يدق قالت سجى : ليش ما خلتني اقول ان انت اللي بتوصلنا ..؟؟
مشاري طالعها و ارتبك و بسرعة سكر ع السؤال ..
مشاري : هلا فراس ......
و صار مشاري يكلم فراس و يقوله عن السالفة و كذا .... بعد شويات قعدت سجى مع رائد ..
رائد مستغرب : طيب ليش ..؟؟
سجى : يا رؤودي يا حبيبي انت سوي اللي قلت لك عليه و انا باسوي اللي تبيه ..
رائد : و فرضاً نفترض البلد اللي يحبها بندرو بعيدة .. اتغرب عشانه يعني ..؟!!

سجى : ادري عنك ما تحب السفر بعيد .. بس سوي هالشي عشاني .. عشان اختار اللي افضل ما بينهم ..
رائد بعد تفكير : اممم .. طيب ...
سجى باسته بخده : فدييييته اخوي الطيب .. اللي يحب اخته ..
رائد ابتسم بكبرياء : هه .. روحي روحي يلا عني .. بلا هالتغزل الفاشل .. يلا روحي ..
سجى بتروح : ههههههه ..
و كانت بتروح الا و رائد يطري في باله شي ..
رائد : سجى .....
سجى وقفت و ألتفتت له : هلا ..؟؟
رائد : تسوي لي أي شي ابغاه ..؟؟
سجى " يبيني مين اواعد له هذا بعد ..؟؟ " : أي .. أي شي ....
رائد : طيب تعالي باقولك شتسوي ...
و راحت له سجى و قعدت ...
سجى : مستحيل تسووا لي شي انت و اخوك و ما تطلبوا بالمقابل ...
رائد : اسمعي .... ابغاش تعزمي لي وحدة البيت ...
سجى " حتى انت ..!!! " : وحدة !!! ... مين ذي الوحدة ..؟
رائد انتبه ان صوتها عالي شوي : اااااش ... قصري حسك .. وحدة انتي تعرفيها بس ما ادري اذا انتي قوية علاقتك معاها و لا لاء ..؟؟؟!!
سجى : منهي طيب ..؟؟
رائد : هي رح تصير ان شا الله حماتك مستقبلاً .. هي وحدة من بنات بو طلال ..
سجى : طيب أي وحدة فيهم ...؟؟ عندهم ثنتين ...؟؟
رائد : ثنتين ..؟!!! تووني ادري احسب وحدة ..! طيب .. هي طويلة و اسمرانية و شعرها كيرلي ..
سجى باستغراب : ترى ثنتينهم بعد اسمرانيات و شعرهم كيرلي ..
رائد : لا حوووول .. طيب هي .... هي .... و الله مدري انا شفتها بس مرة و ما دققت وايد فيها .. بس كانت مليانة شوي ..
سجى : الظاهر انك تقصد نورة .. لان هي املا من اختها في الجسم ... هي الصغيرة ماخذة شهادة ثانوي و قاعدة بالبيت ..
رائد : طيب متأكدة ان هي نورة ...؟؟
سجى : أي لان وعد اختها الكبيرة ضعيفة مرة و اضعف مني بشوي بعد ..
رائد : طيب اعزمي لي اياها ... لنورة .. و يكون احسن لو عزمتيها الليلة ..
سجى : بس الليلة انا طالعة مع بنات خالتك المجمع ...
رائد : لاحوول اطلعي معاهم بوقت ثاني .. انا الليلة فاضي ما عندي شغل ...
سجى : طيب .. اشرايك ناخذها معانا المجمع و انت تودينا ...
رائد : طيب كذا ..
سجى : لالالا استنا .. اخوك شارط علي ان هو اللي يودينا انا و بنات خالتك .. فيعني ما رح اقدر اخذكم معاي اثنينكم ..
رائد : شوفي انا عندي لك خطة ... انتي تروحي مع بنات خالتك و يوديكم مشاري .. و انا باكون وراكم و خلي بنات خالتك يتلهوا شوي قولي لهم انك رايحة محل او شي و راجعة .. و انتي تطلعي من المجمع و تروحي معاي لبيتهم و ناخذها و نروح المجمع مرة ثانية .. اشرايك ..؟؟
سجى تستمع له و هي بتموت من الضحك : قول والله ..!!! رح تخلينا نسوي كل هذا .. ياخي ما يبي لها شي يودينا مشاري انا و بنات خالتك و نورة معانا و انت تكون ورانا و تشوفنا بالسوق كأنك شايفنا صدفة .. اوكيه ..؟ و كذا تقدر تشوفها البنت ..
رائد : وش دراك اني ابي اشوفها ..؟؟؟
سجى كاشخة بذكاءها : احم احم .. ما يبي لها شي اصلاً .. معروفة ... من لهجة كلامك ..
رائد : طيب اسمعي .... تعالي قربي ....
سجى قربت له اكثر : همم ؟؟
رائد بصوت واطي : اسمعي لا احد يدري بالسالفة مفهوم ..؟؟ بيني و بينك ...
سجى طالعته : بدون لا تقولي انا ما رح اقول لاحد و لا بافكر بالسالفة بالاصل ..
رائد : طيب شاطرة .. و انا بعد شوي بادق على بندر و باكلمه ..
سجى : طيب ... خلالالاص ما في طلبااات بعد ..؟؟ ما تبيني بعد اكوي لك شماغك ..؟؟
رائد مبتسم : اممم .. و الله يا ريت ..
سجى بتروح : اقووول وايد عليك روحة المجمع ..
رائد : يا بخلك ......!!!
و جا بو مشاري ..
بو مشاري : رااائد .. يا رااائد ..
رائد قام وقف : هلا يبا ..؟؟
بو مشاري : امش يا ولدي في بضاعة جديدة جاية ..
رائد مستحي : يبا ...
بو مشاري : اشفيك ..؟؟
رائد منزل راسه : يبا .. الليلة انا عندي شغل ضروري .. ممكن ان ما اروح وياك ..؟؟
بو مشاري : يا ولدي الحين العصر يمديك تروح و تجي ..
رائد : بس لزوم اجهز للشغغل من الحين .. اعذرني يبا اليوم ...
بو مشاري : اممم .. طيب يا ولدي روح وين ما تبي .. حافظك الله ..
رائد : ربي يخليك لي يا الغالي ..
و طلع بو مشاري من البيت .. و رائد حده مبسوط و راح لغرفته يجهز وش رح يلبس لما بيروح يشوفها ..
.............................................
عند هيثم قاعد في بيت صديقه .. سامي .. قاعدين يلعبون اكس بوكس ..
هيثم : هههههههههههههههههه ... و شوتنا عليك ..
سامي : اووووف منك .. هذي ثالث مرة .. ثاالث مرررة يا الظالم .. ارحمني عااد ..
هيثم : ههههههههههههه .. قايلك لا تتحداني ..
و انفحت الباب تبع الفلة و دخلت وحدة طول بعرض و تطق طق بكعبها الرفيع الابيض .. و دخلت و اللفة على راسها ...
رولا تنادي : ساااامي .. ياا سااامي ..
سامي ألتفت لها : هذاني هنا بالصالة و معاي هيثم ..
هيثم ألتفت وراه لقاها متوجهة لهم بابتسامتها الحلوة و بنظرات من عيونها اللي كلها سعادة ..
رولا ( اخت سامي الكبيرة .. و عمرها 27 سنة و تشتغل معلمة انجليزي .. و كانت مخطوبة و اطلقت ما كانوا متفاهين هي و اللي اخذته .. و هي طيبة مرة مرة .. و تعتبر هيثم بمثابة اخوها الصغير لان من يوم سامي بالابتدائي و معاه هيثم و هي تعتبره زيه زي سامي و متعوّدة عليه و تحط عليها بس اللفة لما تقعد معاهم و قليل ما تقعد معاهم .. )
سامي ( مثل عمر هيثم 22 سنة .. و يشتغل مع هيثم بنفس الشركة لانهم معاهدين بعض من الصغر يدرسون نفس التخصص و بنفس الجامعة و يتوظفون بنفس المكان ... و هو انسان يعشق الالعاب و التكنولوجيا ورث هذا الطبع من عند جده ابو ابوه .. لان كان جده من المحترفين في هذا المجال )
سامي و رولا ابوهم مسافرين بزنس و قليل مرة ما يجون لسامي و رولا .. و امهم لبنانية و ابوهم سعودي .. و عايشين بفلة شبابية كل ديكورها شبابي ..
........ هيثم : هلا رولا هلا .. شخبارك اليوم ..؟
Ok .. am fine …رولا :
سامي يتسيمج : فاين و لا كلينكس .. هاهاهاهااهاه ..
رولا و هيثم يطالعوه بتنرفز ...
سامي : اوكيه اوكيه بايخة ... بس صراحة احب اشوف وجيهكم بهالشكل عشان كذا اتسيمج .. هههههههه
هيثم : ياخي متى تبطل هالسماجة .. ترى و الله سخيفة و الله سخيفة .. ياخي تحب تنسف جبهتك لما تقولها ..!؟
سامي : ما في الا انت و هي اللي ما تضحكون ع السماجة بس جرب و قولها لباقي الشباب ..شوف كيف بتعم السعادة و الضحك ...
هيثم : ياخي من جد ما تضحك .. كلمة و عكسها شي ما يضحك .. ماني شايف أي خفة دم بالسالفة ..
رولا : اسكت اسكت عنه هيثم ... هذا ما ينفع وياه الكلام ... هذا و انت وياه بس كم ساعة باليوم .. كيف لو كنت عايش معاه بالبيت مثلي ...؟؟
سامي : ههههههههههههه و الله لا اجننكم ...
رولا : هيثم سمعت بملكة بنت خالتك وسن .. ألف مبروك .. و عقبال ان شا الله ما اسمع بخبر ملكتك ..
هيثم : هههههههههه يصير خير ..
رولا ضربته على كتفه بخفيف : ليش يصير خير ... اعقل ها اعقل بلا حركات الاولاد هذي .. مصيرك رح تتزوج و تكوّن اسرة .. و ان شا الله مع اللي تحبها ..
هيثم بضحك : ههه ان شا الله ... آآآ تعالي قعدي معانا بعد شوي بنشاهد فلم ..
رولا : لالالالا حدي تعبانة الله يهديها فرح خلتني اروح معاها نتغدا برا و تعبت مرة ... بروح اريّح ..
هيثم : طيب ..
رولا بتروح : مشاهدة ممتعة ...
هيثم ارتبك ما عرف وشو الرد المناسب للجملة : آآآ ....
سامي : لا تحاول تفكر بالرد .. انا من خمس سنين و انا احاول ارد و لسه مب عارف وشو الرد المناسب ..
هيثم بصوت عالي لها : آآ .. شكراً ..
بصوت واطي لسامي : هذا رد حلو ..؟؟
سامي : ههههههههه رولوه تتفلسف وايد .. اقعد بس اقعد ..
و قبل لا يقعدوا سمعوا صرخة من فوق ...
رولا : آآآآآآآآآآآآآآآآآآآآآآآه ....
هيثم فزع : وش صاير ..؟؟
سامي : مدري ..
و راحوا مثل المجانين لفوق و لقوا رولا قاعدة ع الارض و ماسكة رجلها ..
سامي راح قعد جنبها و هو خايف مرة : رولا ... رولا اشفيك ؟ اشبلاها رجولك ..؟؟
رولا متألمة :آآه انكسر االكعب و طحت على ظهري و انعوت رجلي ... و صقع راسي بخشبة الكرسي .. ااااه
سامي : طيب قومي قومي اوديك المستشفى ... هيثم تعال ساعدني ..
و توجه هيثم لهم و مسك رولا مع سامي و هم يمشوها داخت و اغشي عليها ..
هيثم : بسم الله .. رولا .. رولا .. يا رولا .. الظاهر ان اغشي عليها خلينا نسرع اكثر الظاهر الضربة براسها سوت لها شي ..
سامي : يلا يلا بسرعة ..
و راحوا و هو حملينها من الجهتين و يمشون بها ..
.................................................. .................................
بالليل عند سجى اللي مي عارفة وش تسوي لاخوانها .. كل واحد مخطط له على وحدة ..
الساعة 8 تجهزت لروحتها هي و مشاري و بنات خالتها و معاهم نورة ..
و هي كانت قاعدة بالصالة و تنتظر حضرة جنابه مشاري ينزل ..
سجى زهقت : اوووف .. مشااااري .. يا مشاااري خلصنااا يلا .. تتجهز زيك زي العروس ... !! يلا اخلص
مشاري نازل : طيب طيب يا الحنانة هذاني نزلت ..
و شافته و كأنه اول مرة تشوفه انصدمت من الشكل الصاروخ اللي مسويه بحاله .. كان ممشط شعره بشكل عشوائي لورى و شايل اللحية مب مخلي الا الشارب و السكسوكة .. و مخففهم كمان .. و لابس بنطرون بني و مع جزمة باللون الترابي و لابس قميص اسود طويلة اكمامه و مسكر جميع زرارته و زرارت الكم ..
مشاري : خلصتي من التمقل ..؟؟
سجى تتحلطم بهمس : و الله لو زوجي ما كشخ لي هالكشخة ..
مشاري قرب لها : وش قاعدة تتحلطمي يا ام اللسان طويل ...؟؟
سجى : و لا شي ولا شي .. يلا مش تأخرنا على بنات خالتك ... و اسمع ترى نورة بنت جيراننا رح تروح معانا ..
مشاري : بتروح معانا !! ليش ...؟؟ من الحين متخاوية مع حماتك المستقبلية ..
سجى : يوووز عني مشاريو .. لان تكون صديقة سارة و سارة اقترحتها علي .. *تسليك*
مشاري مبتسم : دام صاحبة سارة .. السيارة و راعي السيارة بأمرها هي و صاحبتها ..
سجى تدفه : امش امش يلا ..
و هي طالعة دقت على نورة ..
سجى : يلا حبيبتي اطلعي رح نروح ..
نورة : طيب طالعة ..
و طلعت نورة من البيت و ركبت السيارة معاهم .. و كان رائد يطل من الشباك و شافها و هي راكبة .. و سكر الستارة و سوا حركة بايده بمعنى "و اخيراً " ...
رائد مبسوط : ييييييييس ...
.... و راح مشاري لعند بيت خالته و طلعوا بنات خالته ..
سارة شافت ان هذا مشاري مب رائد مثل ما قالت سجى : وسسسن ..
وسن تسكر الباب : هلا .. ؟؟
سارة مبسوطة و بنفس الوقت منصدمة : بيودينا مشاري مب رائد ..
وسن انصدمت بقوة .. كانت تبغي الفكية منه و ألتفتت وراها و شافته مبتسم و شالق الحلق ..
وسن معصبة " ربي ياخذك .. رح تسوّد لي عيشتي .. يا ريتني ما حبيتك ...اوووف .."
سارة تهز وسن السرحانة : وسن ... وسن ...؟؟
وسن جت في بالها فكرة : لحظة بس ... ( طلعت الجوال من الشنطة ) .. روحي و انا لاحقتك ..
و راحت سارة .. وسن " اوريك انا يا مشاري .. "
و راحت سارة و ركبت السيارة (اودي ) ..
سارة : السلام ..
مشاري نزل المرايا لجهتها و هو مبتسم : و عليكم السلام ..
سارة شافت عيونه و استحت و لفت للجهة الثانية .. و جت وسن و ركبت .. بدون لا تسلم .. و هي تتكلم بالجوال ..
وسن : أي حبيبي ... لا ما يحتاج حياتي ..... هههههههههه ( تطالع بمشاري ) .. بسك عاد .. عيب .. ههه .. احمد حبيبي عيب ... انا رايحة السوق .... مع مين ؟ ( طالعت مرة ثانية فيه و قالت بسدة نفس ) .. مع واحد من عيال خالتي ...
مشاري انقهر " الحين انا صرت واحد يا وسنو .."
و من قهره داس بنزين و وقف فجأة خلا وسن تتقدم بقوة لقدام ..
سجى : بسم الله ... مشاري اشفيها سيارتك ..؟؟
مشاري يطالع باللي ورى و يقول بمسخرة : لا و لا شي بس زاد الثقل مو قادرة تتحرك ...
سجى طقته بايده : انكتم يلا هههههههههه ... من خفة وزنك انت ... يا بيج مايكل ..
مشاري : انا بيج مايكل يا ناني مكفي .. المربية الساحرة ..
سجى تسكته : عيب عيب ... فشلتنا قدام العربان .. شوف وش طولنا و قاعدين نتهاوش مثل الاطفال .. يلا مش ..
مشاري يدوس بنزين : يلا مشينا يا صبايا ..
سجى منخشة من الضحك : هههههههههه يا ثقل دمك .. هههههه
.................................................. ............................
و بالمستشفى عند هيثم و سامي كانوا قاعدين برى غرفة الدكتور و ينتظرون بعد ما كشفوا عليها بالاشعة و كذا ..
و طلعت الممرضة : تفضلوا ..
و دخلوا كلاً من هيثم و سامي ..
سامي قعد : ها طمنا دكتور ؟؟ وش صار ع الاشعة ؟؟ وش فيها اختي ..؟؟ تكفى دكتور هذي اختي الوحيدة .. قولي اشفيها ...؟؟
الدكتور : هدي هدي .. الحمد لله الاخت رولا بخير و سلامة .. انت تطمن .. و استهدي بالله .. الحين تقدر تاخذ اختك و تروح البيت و تدير بالك عليها .. ......
سامي : طيب الاشعة يا دكتور ..؟؟ وش النتايج ..؟؟
الدكتور : الاشعة سليمة و تمام التمام ....
هيثم : طيب هي ليش داخت يا دكتور ..؟؟
الدكتور : شي طبيعي ممكن ان الالم يسبب لها دوران و داخت .. هااا ..؟؟ الحين تطمنتوا ..؟؟
سامي : طيب هي وينهي ..؟؟
الدكتور قام : تفضل معي انت و الاخ ..
و قاموا كلاً من هيثم و سامي و راحوا معاه و الدكتور فتح الستارة عن رولا ..
الدكتور : و هذا هم اخوك و زوجك جو يطمنوا عليك ....
هيثم انصدم الظاهر ان الدكتور فاهم غلط ..
رولا استغربت : زوجي ....؟؟
الدكتور أشر على هيثم : الاخ مو زوجك ..؟؟؟
هيثم حس ان كل تفكيره تجمد و فكرة توديه و فكرة تجيبه من بعد هالملاحظة اللي لاحظوها عليه ..
رولا طالعت بهيثم شوي و بعدين ضحكت و ضحك وياها هيثم ..
رولا : ههههههههه .. لا غلطان يا دكتور ... هذا صديق سامي .. هيثم .. اصغر مني بخمس اسنين اعتبره مثل اخوي اصلاً كيف يكون زوجي ...
سامي حظن هيثم من على جنب و هو مبسوط : أي و الله ... هذا اخونا .. و اعز من الاخو بعد .. اخوي انا و اخو رولا ..
الدكتور : ما شا الله ما شا الله .. يلا انا اترككم لحالكم ..
و طلع الدكتور و قعد سامي جنب رولا بالسرير ..
سامي مسك يد رولا : خوفتينا عليك ..
و هيثم طالع بيد سامي بايد رولا حس باحساس غريب ان لو كان بمحل سامي .. و يحاول يفكر بشي ثاني غير هالشي ...
رولا بمسخرة : لا تقولي انك بكيت عشاني ...؟؟ هيثم ....
هيثم ألتفت لها بسرعة : هممم ..؟؟
رولا : هذا الفصعون بكا و انا عند الدكتور ... قول الحقيقة لا تخبي فضايح صاحبك ..؟؟
سامي : هههههههههه مالت عليك احمدي ربك اني وديتك المستشفى و تبيني ابكي عليك كمان ..
رولا ضربته على كتفه بخفيف : ههههههههههههه يا العيار .. هههههه
و كلهم يضحكوا بالغرفة .. و دق جوال هيثم و طلع بسرعة من الغرفة ..
و هذي رنا اخته ..
هيثم : اووووف .. ( رد عليها ) .. نعم ..؟؟
رنا : وينك انت ..؟؟
هيثم : انا بجهنم في شي ...؟؟
رنا : اعوذ بالله .. جهنم مرة وحدة ... اشفيك شاب نار علي ... ترى ما سويت شي ..
هيثم : رنو اخلصي اشتبين ..؟؟
رنا : اول شي قولي وينك فيه ..؟؟
هيثم حاول يهدا : اوووف ... انا بالمستشفى ...؟؟
رنا انصدمت : بل .. وش تسوي هناك ..؟؟
هيثم : مو شغلك ..؟ يلا قولي وش تبي ..؟؟
رنا بزهق و حزن : اختك سجو طلعت مع مشاري و بنات خالته و خلتني لحالي و برضوا رائد طلع و مها طالعة مع زوجها .. و امي راحت لصديقتها .. و انا الوحيدة اللي ما طلعت و لا رحت ........ < كآبة > ..
هيثم ببرود : طيب وش اسوي لك .. ؟؟!
رنا عصبت : الحين بعد كل هالحزن و الدراما و القصة الطويلة العريضة اللي قلتها و وش تسوي لي ..؟؟ ياخي انت ما عندك دم ..؟؟ ما تحس ..؟؟ انا زهقانة ابي اطلللللللع ..
هيثم : لاحووول الله .. طيب طيب .. بعد شوي جاي اخذك و باخذك معاي لمكان ..
رنا : وش هو ذا المكان ..؟؟
هيثم : لا تسألي وايد و لا ما اطلعك ...
رنا : طيب طيب .. انتظرك ..
و سكر هيثم الخط .. و راح بيرجع للغرفة جت في وجهه رولا .. تجمد مكانه ...
,,,,,,,,,,,,,,
عند سجى اول ما وصلوا المجمع رسلت رسالة لرائد .. " ترى وصلنا المجمع "
وصلت الرسالة لرائد و داس بنزين رايح المجمع ...
,,,,,,,,,,,,,
وش رح يصير بهالمجمع اللي مستفيد منه بس مشاري و رائد .. و وش رح يستفيدون ..
مشاري وش بيصير معاه و مع وسن وسارة ..؟؟
و رائد اشبيصير معاه و مع نورة ... ؟ و كيف بيصادفها ..؟
و هيثم وش مشكلة مشاعره المتلخبطة هذي ..؟؟
و كيف رح تقدر سجى انها تتأكد من فيهم من فراس و بندر اللي يستحق انها توافق عليه .. و تأمن على نفسها عنده ..؟؟

يتبببببع ....


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 08-09-2013, 07:13 AM
صورة غلا& الرمزية
غلا& غلا& غير متصل
©؛°¨غرامي فعال ¨°؛©
 
الافتراضي رد: بين أناملي ... حكاية '\ بقلمي


رووووعه
رووووووووووعه
رووووووووووووووووعه
تسلم ايدك
بانتظارك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 21-09-2013, 04:15 PM
صورة Neemo.o الرمزية
Neemo.o Neemo.o غير متصل
©؛°¨غرامي جديد¨°؛©
 
الافتراضي رد: بين أناملي ... حكاية '\ بقلمي


شكراً لتشجيعك .. في القريب العاجل رح انزل بارت جديد ..

بين أناملي ... حكاية '\ بقلمي

الوسوم
مشاري , احلى , تؤخر , رائد , فراش
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
حكاية عشق/ بقلمي حروف رومانسية شعر - قصائد - قصايد - همس القوافي 5 26-12-2012 05:31 PM
لا تحسب إني لا أبتسمت بوجهك أغليك بعض الوجيه أهينها بإبتسامة / بقلمي × || NahoOosh 1994 || × أرشيف الروايات المغلقة - لعدم إكتمالها 2367 26-09-2012 06:11 PM
حكاية مثيرة \ بقلمي Aملاك الروحA خواطر - نثر - عذب الكلام 18 04-07-2011 05:58 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM

الساعة الآن +3: 02:31 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1