غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 28-07-2013, 08:43 AM
صورة Neemo.o الرمزية
Neemo.o Neemo.o غير متصل
©؛°¨غرامي جديد¨°؛©
 
21302798094 بين أناملي ... حكاية '\ بقلمي


بين اناملي .. حكاية ..

بيت بو مشاري = منيرة و عبد الله

مشاري ( 29 سنة .. احلى واحد باخوانه و اكثرهم شخصية و كشخة .. يشتغل بدبي .. و ما يجي بيتهم الا مرتين بالشهر و البنات يتحاذفون عليه من كل جهة و امه تبي تزوّجه بس هو مو راضي .. )

رائد ( 27 سنة .. مملوح و ما يقعد في بيتهم دايماً طالع .. و يشتغل بمؤسسة ابوه .. و مخفة على كل شي يمزح و يضحك .)

مها ( 25 سنة .. متزوجة .. و دكتورة .. تحب الوناسة و الضحك و ما تحب النكد و لا النفسيات .. شعرها طويل و اسود و عيونها فساح و عسلية )

هيثم ( 22 سنة ... طويل و ضعيف .. شعره كيرلي و بني .. و بشرته بيضة و شفتينه صغار .. ثرثار و يحب التفلسف .. يشتغل محاسب باحد الشركات .. )

سجى (20 سنة .. سنة ثانية تخصص كيمياء .. انسانة منطلقة بحياتها لاوسع النطاق .. ما ترضا ع الغلط لكن تحاول تصححه و خفيفة دم و ذكية .. شعرها لتحت كتفها بشوي و بشرتها حنطية و رموشها طواال )

رنا ( 16 سنة ... باول ثانوي .. و دراستها كحيتية و عقلها مهنق ... اللي يهمها الجوال و النت و السوق .. ما عندها اصحاب كثر .. و شعرها قصير اقصر من شعر سجى و بشرتها بيضة و عيونها كبار .. )

بيت بو طلال = محمد و ليلى

طلال ( 29 سنة .. طويل و عريض و يشتغل موطف بشركة و متزوج و عندها ولد و بنت )
= زوجته ايناس 25 سنة و ربة منزل و عياله خالد سنتين ... و مروة 3 سنين

فراس ( 26 سنة ... يشتغل في بنك في الاستقبال ... و عصبي و مرات وين ما يطقها عوية و يحب يسوي و يشتغل باشياء كثيرة .. طويل و عريييض اعرض من طلال و بشرته بيضة و شعره اسود و مخفف باللحية و الشنب .. فمه صغير و انفه طويل و عيونه فساح و رمادية )

وعد ( 24 سنة ... تشتغل معلمة بالروضة .. و طويلة و رشيقة و شعرها كيرلي و طيبة و هادية و ماا تحب المشاكل )

نورة ( 22 سنة .. ماخذة شهادة ثانوي و جالسة بالبيت .. تحاول احياناً تطلع حرة قعدتها باللي حولها و عصبية و خويفة .. جسمها حلو شوي مليان و اسمرانية و شعرها كيرلي مثل اختها .. )

بيت بو صقر = منال و عبد العزيز

صقر ( 28 سنة .. يشتغل في فندق من الاداريين .. و معتمد على نفسه و دايماً ساكت محد يدري وش في قلبه غير ربه و غيره .. طوله ممتاز و يلبس نظارات للنظر .. و فيه شارب و سكسوكة .. و بشرته بيضة ..)

بندر ( 25 سنة ... يشتغل مع فراس بنفس البنك .. و اصحاب من زمان مع بعض .. و عنيد و كل شي يبي يحصل عليه اعطوه فكرة بصغره انه ملك جمال و مدلع و صار كل شي يبيه .. طويل و شعره لتحت اذنه بكم سامتي .. و بس فيخ شارب .. )

وسن ( 24 سنة .. تشتغل معلمة بنفس الروضة اللي فيها وعد .. و وسن تكره وعد لان دايماً تفكرها انها تدعي الطيبة .. و وسن مو ثابتة في قراراتها و لما تحاول تسوي الشي الصح ينقلب عليها .. و يكون غلط .. و طولها متوسط و رشيقة و بشرتها بيضة .. و عيونها عسلية فاتحة ..و شفتيها زهريين زي خدينها .. و حاجبيها طوال و عيونها فساح ..)

سارة ( 23 سنة .. اخر سنة لها بالجامعة و تخصص مختبرات .. هادية و مطيعة و طيبة .. و طويلة و بيضة و شعرها طويل .. )




..................... في احد البيوت .................
مريم ماسكة الموبايل : و سجى طيب ؟ وش هي نسبتها ؟؟
....... : سجى !! سجى الاولى ع الدفعة .. !! مبروك ليها ..
سجى انصدمت : هاااه !! هاااه !! آآآآآآآآآآآآآآآآآآآآآآآآآآآآآآآآآآآآآآه ..
مبرووووووووووك ::: مبروك سجووو ::: مبروووووووووووووك سجووي ...
و الصرخات و الحظن للي لم الاصحاب مع بعض .. اصحاب سجى ..,, من هنا بدت فرحة سجى و صارت افضل منهم .. افضل من اللي تحدوها انها تكون افضل منهم ..
في بيت سجى ..
ام سجى ( منيرة = ام مشاري ) تزغرط : كلووولوووولووولووش .. رفعتنا راسنا .. رفعتنا راسنا الراضية المرضية .. سجوووي ..
بو مشاري : يلا قولي وش طلباتك ..؟؟
سجى : ههههههه .. ابغا جوال جديد و عمرة و اروح السوق و اشتري اللي بخاطري كله .. .. و عشا بمطعم اللي احبه ( كنتاكي )
ام مشاري : تامرين امر .. انتي تتدللي بس .. اللي تبيه يوصلك اليوم قبل بكرا ..
سجى : لا عادي جيبوهم بكرا .. ههههههه
جت اخت سجى الصغيرة رنا : مبروك سجى .. ( بسدة نفس )
سجى ابتسمت من قلبها : يبارك فيك رنوو و ان شا الله عقبالك ..
رنا " يصير خير " : أي ان شا الله ..
جت اختها الكبيرة مها : مبروووك سجوووو .. و الله و رفعتي راسنا و راس العايلة كلها .. الحين بنشوف اسمك الرباعي منشور بالنت و الكل بيشوف ان عندنا وحدة ذكية مثلك يا اختي ..
سجى : بعد قلبي مهووي ماني بكثر ذكاءك يا اختي .. ربنا لا يحرمنا من رفعة الراس بس .. و يبقا راسنا دوم مرفوع ..
ام مشاري : ان شا الله ..
رائد : يعني انا ما طلبت مني شي اسويه لك ... سجووي لا تحسسيني اني بخيل يا الدبة .. !!
سجى : ههههههههه .. انت معروفة شغلتك يا خوي ... رح توديني الملاهي .. و تلعبني لين ما اشبع ..
رائد : شوفي يما بنتك البزر وش تطلب مني .. لا اقوم الحين ألعب بها ..
بو مشاري : يا ولد رح تنفذ كل شي تقوله لك اختك و لا مافي سيارة بنتلي
رائد: لالالالا كل شي و لا البنتلي اوديه كل الملاهي اللي بالشرقية ..
سجى : بالسعودية .....
رائد : لا مصختيها .. !!
سجى : بابا .........
رائد : لالالا خلاص خلاص اللي بكل السعودية .. و لا تزعل اخت سجى ..
سجى : أي حسبت بعد ..
و دخل بقوة من الباب و هو يركض و يصارخ ( هيثم ) : سجووووووووووووو ... وين سجووووووووووووووووو ...
بو مشاري : خير خير داخل علينا لا سلام لا شي وش فيك اشتبي باختك .. ؟؟
هيثم : سلامتك يبا .. وينهي سجو ؟؟
سجى : هااا ؟
هيثم مبتسم بنص عين : سويتيها .. سويتيهااا يا الملعونة... هذي اخر مرة اتحداك فيها .. تعالي خليني احظنك تعالي ..
سجى : ههههههههههههه ..
و حظنوا بعض و شالها و بدا يدور بها ..
................................................
بعد مرور سنتين فيوقتنا الحالي الان .. بعد ما خلصت العمرة و اشترت كل اللي تبيه .. في الاجازة الصيفية .. و سجى بتكون بسنة ثانية جامعة
..............................................

في احد الورشات كان هو مكتآب و ظايق خلقه .. توه شاري السيكل و اخترب عليه بنص الشارع ..
صديقه : فراس .. يا فرااااس ..
فراس : ها . هلا هلا ..!؟؟
صديقه : يلا قوم يبغينا المصلح ..
و قام فراس و راح لعند المصلح مع صديقه بندر ..
المصلح : وش اقولك يخوي الماكينة تعطلت نهائياً يبي له السيكل ماكينة ثانية ..
فراس : اووووف لا تقول ... كل مرة انا بشتري بهالمكاين ..
بندر : طيب شكرا يخوي .. مقدرين لك مساعدتك ..
المصلح : و لو واجبنا ..
و بندر اخذ فراس و اخذه على جنب : فراس اشفيك ترى كلها ماكينة .. ليش تظايقت بهالشكل ؟؟!!
فراس : السيكل مب لي ... مب لي ...
بندر انصدم و حط يده بشفته : اووووووهف .. لا تقووول ...
فراس : قلتها و خلصت .. الحين قولي انا وش اسوي .. و الرجال مأمني عليه ..
بندر : ما عليه نشتري له ماكينة ثانية .. مافي مشكلة ...
فراس : و اذا لاحظ ان حنا خربناه .. و صلحناه و هو ما يدري ..؟؟
بندر : و لو لاحظ وش بيصير ...؟
فراس : فشلة فشلة .. ان حنا خربناه و ما نتأمن على شي ..
بندر : ما عليه ما عليه ما رح يفكر كذا هو ... خلالالاص عاااد انت .. يلا خلنا نروح ..
فراس : بشنو نروح ما عندنا سيارة و لا شي .. ؟!!
بندر : جا احمد .. يلا مش خلنا نروح ..
و راح فراس مع بندر ..
................
) و نزل من سيارته الكامارو و اخذ شنطة السفر و بدا يطالع بنص Bossنزل من السيارة و هو لابس نظاراته و بدلته اللي بماركة (
عين و رفعة خشم على كل شي موجود بالشارع .. و لقى بنت تطالعه طالعة من البيت اللي جنب بيتهم .. و ما شالت عيونها .. و هو يطالعها و قفل السيارة بالريموت و طلع صوت منها خلى البنت من سرحانها تختلع .. و مشا عنها و دخل البيت .. دخل الصالة و ما لقى احد .. فصخ النظارات و بدا يدور اكثر بعيونه العسلية .. و قامت وحدة من على الاريكة بعد ما كانت نايمة و طالعت يمينها و قامت تصرخ ..
.... : مشاااااااااااااااااااااااااااااااااااري ..
و سجى وهي تركض رايحة له تعرقلت و رجعت قامت تركض ..
مشاري : هههههه شوي شوي يا المجنونة ..
و سجى حضنته بقوة : وناااااسة ونااااسة .. ما بغيت تجي من هالدبي ..
مشاري : اكيد البيت مظلم بدوني .. اكيد اكيد مو لازم تقولي لي ..
سجى : توب عن هالنرجسية ... يمااااا ... يبااااااا ... مهوووووووي .. رنووووو .. رؤوود هيثموووو .. كل الموجودين تعالوووا .. مشااااري رجععععع ..
و نزلوا كلن من رنا و رائد .. و ام مشاري ..
و راح مشاري اول ما شاف امه و باس يدها و راسها : يما .. وحشتيني يا يما ..
ام مشاري : الحمد لله على سلامتك يا ولدي .. ما بغينا نشوفك ..
مشاري : و الله الشغل اخذ كل وقتي يا الغالية ..
رائد : الحمد لله ع السلامة الاخ العزيز .. عسا بس توصيت باخوك بالهدايا ..؟؟
مشاري : ما تبطل المادية اللي انت فيها يا رؤود .. توصيت بك .. يا الخبل ..
رنا : الحمد لله ع السلامة .. يا محطم قلوب العذااارااا ..
مشاري استغرب : ايش ..؟؟؟
سجى سكتت رنا : اممممم .. هههههههه تمزح وياك .. ما تدري عن اختك لازم تتسيخف ..
رائد بيطلع : هههههههههههههههههههه يلا انا استأذن ..
و طلع و مشاري شك بالوضع : وش صاير ...؟؟؟ انا متأكد ان صاير شي ..!!
سجى شالت ابتسامتها الاصطناعية : إإإه .. الله ياخذك يا رنوو .. اووووف ..
و طالعها مشاري بنظرة استجواب و طالعته سجى بخوف ..
سجى بتنحاش : اووووووووف انا مالي دخل مب صديقتي ..
و راحت سجى ..
رنا : انا انقشع احسن ...
و راحت رنا .. و مشاري ألتفت لامه : يمااا .. صاااير شي ؟؟
ام مشاري : مو شي مهم ...
مشاري : ولو .. اذا عني لازم اعرفه ..
ام مشاري : و انت وش دراك انه عنك .. ؟؟!! يمكن مو عنك ..!
مشاري بنص عين : يمااااااااا ....
ام مشاري : طيب طيب .. تعال اجلس ..
.................................................. ...
دخل فراس البيت و هو مهموم ..
ام طلال : فراس .. فراس حبيبي اشفيك ..؟؟
فراس رما نفسه ع الاريكة : اااه يا يما ولدك منحوس بيظل طول عمره ..
ام طلال : اسم الله عليك من النحس ..!! ليش تقول كذا ؟؟ وش صاير وياك ..؟؟
نورة : اكيد مسوي مصيبة ..
فراس رما عليها المخدة : انكتمي ... مال خلقك ترى ..
و قامت نورة و رمت عليه المخدة و هي رايحة : مالت ع اللي يكلمك ..
و راحت و فراس مسك المخدة و هو معصب : مالـــــــــــــ...
ام طلال حطت يدها على زنده : خلييييك منهااا . وقولي اشصاير معاك ..؟؟
فراس : السيكل اللي مأمني عليه صديق اخوي طلال اختربت ماكينته اليوم .. اختربت علينا و حنا بنص الطريق .. و توهقنا و يقول لنا المصلح ان يبي له السيكل ماكينة جديدة ...
ام طلال : اممممممممم ... ما عليه في الحديد و لا فيك يا ولدي ..
فراس حط يده بجيبنه : الحين انا وش رح اقول لطلال .. ؟؟
ام طلال : لا تهكل هم .. رح تنحل ان شا الله و تصلحها و ترجعها لصاحبها و كانها توها طالعة من المعرض ..
فراس : ان شا الله ...
و طلع فراس جواله و بدا يطقطق ..
فراس : وش فيه هذا بعد .....؟؟!! ... يا ... وعد .. يا وعد ..
وعد : هلا ..؟؟
فراس : النت يشتغل عندك ...؟؟
وعد : اوه صح .. النت صار له من الصباح ما يشتغل .. ما ندري وش فيه ..
فراس : شيّكتوا على المودم ..؟؟
وعد : ايوا .. شيّكنا .. و ما فيه شي .. الظاهر المشكلة من برى ..
فراس : طيب طيب انا الحين باقوم اشوف وش السالفة ..
و قام فراس يطلع برى ..
.................................................. ............
مشاري رفع حاجب بقهر : خيييييييييير ...؟؟!!
ام مشاري : يا ولدي البنت حلوة و خلوقة و بنت ناس .. يعني هذي البنت تناسبك ..
مشاري : الحين عشان قطعت شرايينها و قالت لكم انها تحبني .. خلاص بتبلشوني بها ... !! خيير !!
ام مشاري : البنت تحبك و متولعة بك .. اسمع كلامي و روح اخطبها و رح تكسب اجر و ترتاح معاها و بتحبها ..
مشاري :: يما ...يما .. انا ما اكسب اجر في زواجي .. و ثانياً انا ما رح اخذ وحدة عشان انها حبت راحت و قطعت لي شرايينها وش ضعف الايمان اللي هي فيه .. بعدين اذا تزوجتها .. اقل هوشة تصير بيني وبينها راحت و قطعت لي شرايينها .. لا تبلشيني يما ..
ام مشاري : خذ لك وحدة تحبك و لا تاخذ وحدة انت تحبها و ما تحبك و تمرمرك ..
مشاري : ههههههههه اشقاعدة تلمحي عليه ؟؟
ام مشاري : تراني دريت باللي بينك و بين بنت بو احمد .. مشتغل لي سوالف حب و غرام يا ولد .. و معذبني في زواجك ..
مشاري ضحك من قلب : ههههههههههههه .. من وين بعد هذي .. تدري ان انا ما اعرف وش اسمها .. كيف باحبها و انا و لا عمري رحت بيتهم الا مرة وحدة و كنت بالثانوية و هي كانت اكيد بزر ..... يعني ................؟
ام مشاري : يعني السالفة زي باقي السوالف الماضية .. انهم افتروا عليك انك تحبهم و تكلمهم ..
مشاري : بالضبببببببط ..
ام مشاري : طيب انا وش اسوي ابي افرح بيك .. ابي اشوفك معرس .. ابي اشوف عيالك قبل لا اموت ...
مشاري حضنها : لالالا .. ما يصير هالكلام يا منيرة .. عسى يومي قبل يومك يا الغالية .. انتي بس اتركي عنك هالبنات و انا اذا بغيت اعرس باجي لك و باقولك اخطبي ..
ام مشاري : طيب متى ؟؟
مشاري : قريب ان شا الله قريب ...
ام مشاري فزت من حضن ولدها و هي مبتسمة : قريب ! ... منهي البنت .. و بنت مين ؟ و نعرفهم اهلها و لا ما نعرفهم ؟ و كيف تعرفت عليها ؟ و من متى تعرفها ؟
مشاري طالعها و هز راسها : إنا لله .. ههههههههههههههههههههههه ...
.................................................. .............
في غرفة سجى ماسكة الجوال و تتجول به بكل الغرفة تحاول تصيد تغطية ..
سجى : لاحول الله .. انا وش يخليني اغيّر عن موبايلي .. لازم ارجع موبايلي و لا بيصير حالي كذا كل يوم ..
و راحت سجا لعند الدريشة و طلعت ايده و شوي منها ..
سجى : واخيراااااااااااً ..
و طاحت عيونها تحت عند محولات التلفون اللي بالشارع و لقت راحد واقف و يحوس بالمحوّل .. استغربت منه لانه يحوس و يتأفأف .. و صارت تحاول تعرف هذا مين ..
سجى : هذا مب من عيال بوطلال جارنا .. ؟!!! لكن هذا أي واحد ؟؟
و فراس نغزه شي من المحوّل .. و تعور ..و نقز من الخرعة .. و سجى ضحكت عليه : هههههههههههههه
و طاح الجوال ... سجى انفجعت و فتحت عيونها ع الاخير ............................................ : جوالي !!!!
فراس ألتفت من صوت الطيحة ................
يتبع .............




اللي اعرفه انه ما عجبتكم روايتي الاولى اللي نزلتها و ما لقيت اعجاب فيها .. لكني حبيت ارويكم هذي .. اسأل الله انها تعجبكم ..


تعديل Neemo.o; بتاريخ 28-07-2013 الساعة 09:31 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 28-07-2013, 09:37 AM
صورة Neemo.o الرمزية
Neemo.o Neemo.o غير متصل
©؛°¨غرامي جديد¨°؛©
 
الافتراضي رد: بين أناملي ... حكاية '\ بقلمي


نكمل ... 2


فراس يطالع تحت و طالع فوق بالشباك ما لقا احد ... و استغرب .. و حقر ..
سجى داخل الغرفة تتنقز : لا لالالالالالالالالا ... جوالي جوالي جوالي ... ااااااااااااااااااااااااااااااااااااااه ..
و راحت بسرعة تركض لتحت ...
سجى بركيض : مشاري .. مشاري مشاري مشاري ..
مشاري اللي كان بيركب وقف : هاه هاه وش فيك ؟؟
سجى : اهئ اهئ اهئ اهئ ... ااااااااه .. جوالي .. جوالي يخوي جوالي ..
مشاري : اشفيه جوالك ؟؟
سجى : انتحر من الشباك .. ااااهئ .. روح جيبه لا اقط نفسي وراااه ..
مشاري : لاحول الله .. ههههههه طيب طيب ..
و راح مشاري و سجى لازقة به و ماسكة كمه .. لين ما وصلوا لعند الباب وقف مشاري ..
مشاري : وين رح تطلعي معاي ..؟؟
سجى تركته : نسيت .. اهئ اهئ هئ هالجوال ما خلا فيني عقل .. روح جيبه ...
و راح مشاري و جا بعدين و معاه الجوال مكسرة شاشته .. و جت سجى تركض لعنده ..
سجى : هات هات هات ..
مشاري : خاتمة الاحزان اختي .. ههههه
و عطاها اياه و راح عنها ..
سجى تطالع فيه و كأنه ولدها اللي متسكر قدامها ..
سجى : يا ولــــــــــــــــدي .. اهئ اهئ اهههئ اههئئئ .. اااااه ااههههئ ..
< و هذي حالتنا مع الجوالات > 
بالليل .. في بيت بو صقر .. بيت اخت ام مشاري ..
سجى مع وسن ..
سجى : اقولك كان رح يوقف قلبي لما طاح ... الله ياخذه هذا ولد ابو طلال اياً كان هو .. الله ياخذه خلاني اضحك و اطيّح جوالي ..
وسن : وش دخله هو .. ههههههههههه .. انتي اللي ضحكتي ..ههههههه يا ربي منك ..
و دق الواتس اب مال جوال وسن .. و وسن طالعت بالرسالة و قرتها و هي مبتسممة ..
سجى لاحظت ابتسامتها : خير .. خير .. اللهم يجعلوا خير .. و الله لو ما اعرفك كان قلت هذا زوجك اللي راسل لك ..
وسن : هههههههههه ... ( بهمس ) تقريباً ...
سجى : هاااااااااااه ..!!!
وسن : قصري حسك بتفضحينا .. مو قاعدة اكلمه اكلم اخته ..
سجى : انزييييييين ؟؟
وسن : و من قبل كم يوم دقوا ع البيت و خطبوني ( استحت )
سجى : ههههههههههه استحيتي .. كلولولولولولولوليللييلووللليكوش .. ما اعرف ازغرط ما عليه ..
و سمعوا زغارط من تحت ..
وسن : هذي ماما قالت لامك ..
سجى : بعد قلبي ماما ما تخلي شي بخاطري زغرطت بدالي .. هههههههههه
وسن : ههههههههههههههه حمارة ..
سجى فرشت يدينه يتحضن وسن : مبرووووووووووك يا بنت الخالة ..
وسن حضنتها : ههههههههههه الله يبارك فيك و عقبالك ..
سجى لاول مرة بحياتها يوم قالت لها عقبالك ما قالت اعوذ بالله ... قالت : ان شا الله ....
و نزلوا تحت .. وكملوا فرحتهم مع الكل ..
.................................................. ...................
بالمجلس عند بندر \ احمد \ فراس
فراس : من متى هالكلام ...؟؟
احمد : من قبل كم يووم ..
فراس : و لا تقول يا الماصخ .. و لا تقول لخويّك .. ايام مغبي عليي سالفة خطبتك يا الحمار..
بندر : بسك عاد .. ما صارت كم يوم ...
فراس : شكلك انت عارف من قبلي ... ؟!!
بندر : انا اخو البنت ..
فراس : بععععععد .. و انا ما ادري .. يعني مو بس هو اللي مغبي علي حتى انت ...
بندر : ههههههههه خلاص لا تزعل المرة الجاية اذا انا خطبت باقولك اول واحد ..
فراس : جب يلا جب .. مب زعلان .. و انت يا الحمار ..
احمد : اااوووف لازم يسب .. نعم ..؟؟
فراس بابتسامة : ألف مبرووووك .. 3>
احمد : هههههه الله يبارك فيك و عقبالك ...
فراس لاول مرة : ان شا الله .. يلا عشا على حسابي .. يلا قوموا فزوا ..
بندر : هههههه وين رح تودينا ..؟؟
فراس و هو يحرك حاجبيه بابتسامة ثقة : نيو بليس .. مكان جديد .
بندر : طيب يا ابو نيو بليس .. يلا قوم ودنا هالابليس اللي تقول عنه ..
فراس : هههههههههه .. اعوذ بالله من ابليس ... ابليس اللي يلحس مخك ..
بندر يدفه : امش .. امش يلا و امسك لسانك لا اشلعه لك .. مممش
.................................................. ..........................................
مشاري وصل لعند بيت بو صقر ..
مشاري يتكلم بالجوال : انا وش تبغاني اسوي لك ؟؟ اختك اللي تتصل .. اختك اللي ازعجتني .. ربي اختك قبل لا تجي و تربيني .. ( عصب اكثر ) .. كِل تبن .. انا و لا مرة وعدتها بشي .. و لا حتى كلمتها هي اللي تجي تكلمني .. لا تقعد تسب .. و ترى لعلمك حتى انا اقدر اروح اشتكي و اروي الشرطة رسايل اختك و اتصالاتها .. و رح يكون الغلط من اختك مب مني .. يا التيس .. طس ..
و سكر مشاري بوجهه .. و هو معصب حده ..
مشاري : ليش انا دايماً ...؟ ليش ؟ كرهتوني بالزواج يا عيال الكلب ...
و دق مشاري على امه ..
ام مشاري : هلا حبيبي ..
مشاري : يما انا برى يلا اطلعوا ..
ام مشاري : طيب ادخل و سلم .. و بعدين نروح ..!!
مشاري : لا يما اعذريني .. متظايق و ما ابغاهم يشوفوني و انا متظايق ..
ام مشاري : طيب في اغراض بالمطبخ .. ما اقدر اشيلهم روح من باب المطبخ و اخذهم ..
مشاري : متأكدة ان المطبخ مافي احد ؟
ام مشاري : أي مافيه احد ..متأكدة .. كلهم موجودين هنا ..
مشاري : طيب .. يلا
و سكر مشاري و نزل من السيارة .. و دخل البيت و لما وصل لباب المطبخ و حط يده على المقبض ..
مشاري مغمض عيونه " يا رب هي مب هذيك .. يا رب هي مب هذيك "
و دخل مشاري المطبخ و لقاها قدامه و ابتسم ابتسامة نصر ..
مشاري : حبيبتي .....
ألتفتت له : مشاري ..
مشاري : اشتقت لك يا وسن ..
وسن مرتبكة : مشاري .. مشاري روح لا يجي احد و يشوفك هنا ..
مشاري تقدم اكثر : متأكدة تبيني اروح ...؟؟
وسن ارتبكت اكثر : آآ ...آآي ..
مشاري تقدم اكثر و صارت وسن لازقة بالجدار و مشاري قدامها ..
مشاري : ما سمعت وش قلتي ... ؟
وسن : مشاري !! اترجاك تروح اذا احد شافنا بنروح فيها ..
مشاري : ما بنروح فيها تدري ليش ؟؟
وسن : ليش .؟؟
مشاري : آ ............
وسن سمعت صوت و سكتته : مشاري ... ما ابي اعرف ليش .. و الحين لازم تسمعني ..
مشاري استغرب : ايش ؟؟؟
وسن : انا انخطبت ..
مشاري انصدم : إ ... إيش ...!!!!!!!!!!! .. و .. وسن انتي اشقاعدة تقولين .. ط ... ط .. طيب و انا ...؟؟
وسن : مش ............
مشاري قاطعها و مسكها من اكتافها و سندها بقوة ع الجدار ..
مشاري بعصبية : و انا ...!! ؟؟ هاااه ؟؟ و انااااا ؟؟؟
وسن خايفة و حاطة يدينها على شفايف مشاري تحاول تسكته : مشاري ... مشاري تكفى لا تصارخ .. تكفى .. اذا تحبني بلا فضايح ..
مشاري طالعها بعين تلمع بتفيض دمع .. و وسن مسحت على خده و بنظرات حنية .. و مشاري مسك يدها اللي على خده و باسها بحزن كبير ..
مشاري : بس انا احبك ... فيعني ما رح تصيري لاحد غيري ..
وسن : رح اصير خلاص ... خلاص يا مشاري انساني ..
مشاري : بعد 4 سنين .. علقتيني فيك و خليتيني اعشقك .. تقولي لي الحين بكل سهولة انساك ..؟؟!!! ( عصب ) .. ايش انتي ما عندك دم ...!!! ما تحسييين !!؟؟
وسن دزته : هذا انت قلتها .. 4 سنين .. و 4 سنين و انت و لا تحركت و لا حتى تكلمت مع اهلي .. خليتنا نقضي 4 سنين بسوالف الحب و الغرام و الخرابيط ..
و سمعوا صوت كعب و وسن تخبت جنب الثلاجة و لزقت بالجدار و مشاري ما كان عارف وش يسوي ..
دخلت سارة .. و وقفت لما شافت مشاري و تجمدت مكانها و تطالعها برعشة و خوف من ان يصير شي بقلبها .. و مشاري مرتبك و خايف على وسن ..
سارة : ولد خالتي ... مشاري ...!!
مشاري بلع ريقه : سارة ..!!
وسن تراقبها ...
سارة استوعبت : انا .. انا اسفة ما كنت ادري انك هنا .. بس خالتي ام مشاري قالت لي اجيب لها موية .. و ما كنت ادري انك هنا صدقني ..
مشاري : طيب طيب .. يا بنت خالتي مصدقك .. انا بس جيت اخذ الاغراض و امشي ..
سارة : انت تعرف وش هم الاغراض ؟؟
مشاري استوعب و نزل راسه بابتسامة : ااا .. لا ..
سارة توجهت للكيس و جابته لمشاري و مدته له ..
سارة : تفضل ..
مشاري اخذ الكيس : مشكورة بنت الخالة .. و عساك ع القوة ان شا الله
سارة : عفواً .. و الله يقويك ..
و سكتوا لحظة و سارة تطالع فيه و هو منزل راسه و رفع راسه و طالع فيها .. و مضوا بعض اللحظات بهالشكل .. و وسن تطالع باختها كيف تناظر بمشاري و استوعبت ان رح يحصل اللي يحصل دايماً مع مشاري ..
سارة : طيب .... مع السلامة ..
مشاري : هااه .. مع السلامة .. مع السلامة ..
و راحت سارة و كلحين لا تتلفت و تطالع وراها .. و رااااحت ..
وسن : رح تحبك ... و رح تتولع بك .. و تعشقك ... و يصير معاها زي ما يصير مع كل البنات اللي حبوك .. بس انا ما رح اعطي فرصة لهالشي ... هذي اختي يا مشاري ..
مشاري : لكن ما رح احبها ..
وسن : لكنها بتحبك ..
مشاري تنرفز و فتح عيونه ع الاخير و راااح و صقع الباب وراه .. غمضت وسن عيونها بألم ..و عاهدت نفسها انها تنساه من ذيك اللحظة ..
.................................................. .....................
بالسيارة مع مشاري
ركبت ام مشاري و هي مبسوطة ..
ام مشاري : السلام عليكم ..
مشاري : و عليكم السلام .. هااا نروح و لا في شي بعد .. ؟
ام مشاري : لا ما في شي امش ...
مشاري : وينها سجى ما اشوفها معاكم ..؟؟
مها : رح تنام مع وسن الليلة ..
و مشا مشاري و بالطريق ...
ام مشاري : ليش طوّلت كذا بالمطبخ يا ولدي ...؟؟!!
مشاري ابتسم على انه مجروح و عرف امه وش تقصد : ليش دازة سارة المطبخ و انتي تدري اني باكون بالمطبخ ...؟؟
ام مشاري و لا كأنها مسوية شي : يوووووه ... نسيت يا ولدي .. نسييييت ...
مشاري : اوكيه يا للي نسيتي ...
و طالعها مشاري بنص عين و هي ابتسمت له ابتسامة شقاقية ..
مشاري " الله يخليك لي يا الغالية "
.................................................. .................
وصل بندر بيتهم و معاه بالسيارة خويه فراس ..
بندر : بتنزل معي و لا تستناني هنا .. ؟؟
فراس : لا بظل بالسيارة ..
بندر : طيب ..
و نزل بندر و دخل بيتهم و راح بيتوجه للمطبخ سمع صوت ضحك بنات من فوق و اخته وسن فتحت الباب و طلعت و هي تضحك ..
وسن : ههههههههههه سجووه يا البالوعة .. اذا خلص الشيبس من وين اجيب لك غيره بنصايص هالليل !!؟
و سكرت الباب و رح تنزل و بندر تخبا لجل لا تشوفه وسن ..
بندر " سجججججى !!! "
و راحت وسن للمطبخ و بندر بسرعة ركب فوق و توجه للغرفة و فتح الباب بشويش ..
سجى حسبته وسن : هاا خلص و لا .......................................... سكتت لما شافته
بندر : سجى !!
سجى بتعصب : بعد شوي رح تجي وسن ..
بندر : طيب اعطيني شوية من وقتك .. بس لحظات و باروح .. ابي اقولك ...............
سجى تتراجع : وش بتقول ؟؟؟؟؟
بندر يتقدم و يحاول فيها : سجى انتي ليش تحاولي تبتعدي عني ..؟؟ انا احبك ... و اموت على ترابك .. ليش تصدين عني كذا ؟؟
سجى : بندر افهم اللي كان بينا .. مجرد لعب اطفال و مراهقين .. و الحين كل شي منتهي بيني و بينك ... لانه كان غلط . و الحين يلا اطلع برى ..
بندر : بس انا ما اعتبره لعب اطفال و لا مراهقين .................................
سجى سكتت تحاول تفهم كلامه ...
بندر : ...... انا ابيك على سنة الله و رسوله يا سجى ... ابيك زوجة لي ..
سجى انصدمت ..!!!!!!!!!!!!!!!!!!!!!!!
........: انا ما لقيت غير هالشبس بس يا سجى ....
ألتفتوا اثنينهم ...!!!!!!!!!!!!!!!!
يتبع ...






  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 28-07-2013, 10:24 AM
صورة M.T.S الرمزية
M.T.S M.T.S غير متصل
©؛°¨غرامي متألق ¨°؛©
 
11302798240 رد: بين أناملي ... حكاية '\ بقلمي


السلام عليكم .. صباح الزهر ♥

موفقه فطرحج يالغلا .. ان شاء الله نشوف النهايه و ماتوقفين ..
اسلوبج بالكتابه مره رهيب .. عيبني وصفج و سردج بالعاميه .. صدق دخلت جو
ويا الشخصيات و الاحداث .. فعلا قدرتي تخليني اتخيلهم ..
اهنيج على قلمج الراقي .. و اتمنى انج تكملين ع هذا الدرب ..

اما القصه .. فهي حلوه بطابع مشوق .. و ملفت و حماسي
دخلت جو مع الاحداث و شدتني اتابع ..
ما بحكم على قصتج بالبدآيه لان مالي حق بهذا .. بس نترياج بجزئ ثاني..
اتمنى ما تطيحين ف الغلط .. اللي ارتكبوه معظم الكتاب بحكم روايه خياليه
و باذن الله من متابعينج ... واصلي هذا الابداع ..
M.t.s|♥~

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 28-07-2013, 10:34 AM
صورة Neemo.o الرمزية
Neemo.o Neemo.o غير متصل
©؛°¨غرامي جديد¨°؛©
 
11302798202 رد: بين أناملي ... حكاية '\ بقلمي


اقتباس:
المشاركة الأساسية كتبها MaGro0oha T SasUkE مشاهدة المشاركة
السلام عليكم .. صباح الزهر ♥

موفقه فطرحج يالغلا .. ان شاء الله نشوف النهايه و ماتوقفين ..
اسلوبج بالكتابه مره رهيب .. عيبني وصفج و سردج بالعاميه .. صدق دخلت جو
ويا الشخصيات و الاحداث .. فعلا قدرتي تخليني اتخيلهم ..
اهنيج على قلمج الراقي .. و اتمنى انج تكملين ع هذا الدرب ..

اما القصه .. فهي حلوه بطابع مشوق .. و ملفت و حماسي
دخلت جو مع الاحداث و شدتني اتابع ..
ما بحكم على قصتج بالبدآيه لان مالي حق بهذا .. بس نترياج بجزئ ثاني..
اتمنى ما تطيحين ف الغلط .. اللي ارتكبوه معظم الكتاب بحكم روايه خياليه
و باذن الله من متابعينج ... واصلي هذا الابداع ..
M.t.s|♥~

مشكوووووور .. مليووون مشكوور على مرورك و ردك .. الخطأ اللي انت تتكلم عنه انا ما احب اوقع فيه .. الخيال خليناه للافلام .. الرواية لازم تكون مقتبسة من واقع حياتنا لجل الناس تتعلم من هالشي .. و مشكووور مرة ثانية على مرورك .. عطيتني دافع قوي لجل انزل البارت اللي بعده ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 28-07-2013, 12:06 PM
صورة Neemo.o الرمزية
Neemo.o Neemo.o غير متصل
©؛°¨غرامي جديد¨°؛©
 
الافتراضي رد: بين أناملي ... حكاية '\ بقلمي


نكمل .. 3


دخلت وسن الغرفة : سجوووووووه ....!!!!!! اشفيييييك ...
سجى مرمية ع الارض و ماسكة بطنها : ااااااه مدري يا وسن .. فجاة بطني بدا يعورني بحيل .. و اللي يعافيك بنت خالتي روحي جيبي لي شي فيفادول .. يقدر يخفف هالالم ..
وسن : طيب طيب .. هذاني رايحة ..
و راحت وسن و سجى قامت تتلفت تتأكد ان وسن ابتعدت .. و بعدين نادت عليه ..
سجى : يلا اطلع ..
بندر : انا اسف اني احرجتك ...
سجى تدزه : طيب روح الحين مو وقت الكلام .. رووووووح ..
و راح بندر بسرعة و يتسحب مثل الحرامي ..
...... ركب السيارة .......
فراس يطالع بيدين بندر ما لقا شي : وين المفك ..؟؟
بندر مفهي : هاااه ..!!!
فراس يأشر بالكوكا كولا : المفك .. المفك .. اللي يفتحوا به هذا الشي .. وينه ..؟؟؟
بندر : هاااه ... اوووووووه .. يا الله انسيته .. باروح اجيبه ..
فراس : الله يخلف عليك انت مع مخك المهنق ..
و نزل بندر رايح يجيب المفك ..
..................................................
سجى تحاول تنام لكنها مب عارفة من بعد ما سمعت طلب بندر لها ..
ابيك زوجة لي ...
ابيك زوجة لي ..
ابيك زوجة لي ..
و هالشي يتردد بمخها و هي تتقلب يمين و يسار ومب عارفة تنام ..
وسن : بسم الله .. سجى اشفيك ...؟؟ بطنك يعورك لسه ..؟؟
سجى " هذي لسه مصدقة ! " : هااه ..!! لا بس مب عارفة انام طاير النوم من عيوني ..
وسن : غني اغنية بارني مرتين ثلاث و بتنامي .. ههه
سجى صفقتها بالمخدة : تتمسخرين علي انتي بخشمك . . ترى هذي الاغنية اللي تتمسخري عليها كانت صدق تخليني انام ..
I love you .. you love me .. وسن زي الهبلة :
سجى : ههههههههه حمارة يا ثقلها بلسانك .. انتي انخطبتي و اختربت الماكينة اللي براسك ..
وسن تذكرت خطبتها و اول من تذكرت هو مشاري ..
وسن ببرود : سجو خلاص نامي و خليني انام ..
و ألتفتت وسن للجهة الثانية تخبي دموعها اللي حابستها عن مشاري و عن الكل ..
سجى انسدحت و تتغطى باللحاف بعنف : مالت ع اللي يبي يسولف وياك .. اخمدي ..
.................................................. .........
عند مشاري كان قاعد ع السرير و يفكر باللي صار بينه و بين وسن .. و هو معصب و متوتر .. و يفكر ..
مشاري " يعني منهو هذا اللي تبيعني عشانه .. منهو ذا ؟؟؟ اكيد مو احلى مني اكيييييد .. بس 4 سنين .. كيف هانت عليها 4 سنين .. لهالدرجة علاقتنا كانت رخيصة عندها .. انا و الله ما كنت ألعب و كنت باخطبها .. كنت باقول لها اني باخطبها بس هي سبقتني بخطبتها .. اوووووووووف .. الله يلعن البنات و ساعتهم .. باللعنة عليهم كلهم ما ابغا اتزوج و اللي تنتحر تنتحر .. عساها تفطس بدمها .. "
و قام بيدخل الحمام بيفرش اسنانه قبل النوم و طالع بوجهه بالمرايا ..
مشاري معصب : اكككيييد مو احلللى مني .. اووف ..
و فرش اسنانه بعنف و عصبية < الله يعين اسنانه عليه >
.................................................. ........
الصباح
.................................................. .........
سجى تتكلم مع رائد بالجوال : أي .. يلا تعال .. مو تطوّل ..يلا
و سكرت سجى ..
سارة لوسن : وسن .. ما شفتي اخوك بندر .. انا من البارح ما شفته ...!!؟؟
سجى قطت اذونها عندهم ..
وسن : و الله مدري بس الظاهر انه بالمجلس اكيد .. دايماً ينسا نفسه هناك .. وينام ..
سارة : انا باقوم اشوفه ..
و قامت سارة للمجلس تروح تشوفه ..
وسن : مين اللي رح يجي ياخذك ..؟؟
سجى : رؤود يقولي استنى اذا قدر بيدق علي لجل يجيني ..
دق رائد ... سجى ردت وقامت : هذاني طالعة ...
رائد : استني استني .. وين طالعة .. انا مب برى ..
سجى : اجل وينك ..؟؟
رائد : طلع عندي شغل ضروري بالجبيل و ما اقدر اجيك ..
سجى : و الحين .....؟؟
رائد : خلي واحد من عيال خالتك يجيبك او شوفي اخوك مشاري لان ابوي مسافر الرياض ..
سجى : متى سافر ...؟؟
رائد : البارحة .. يل ايلا دبري نفسك ..
و سكر الخط بوجهها و سجى منصدمة اول مرة ابوها يسافر بدون لا يكلمها ..
وسن : اشفيك متجمدة بهالشكل ..؟؟!!
سجى : البابا ساافر .. سافر بدون لا يقولي ... ليش ؟؟ ليش ؟؟ اكيد في إنة بالسالفة .. بادق عليه ..
وسن : لا حول وياك يمكن ما قدر ما مداه لا تظايقيه بسفره ..
و دقت سجى و ابوها ما يرد .. سجى : هيييييه ما يرد !!!!
وسن : يمكن بالحمام او أي شي .. اوووف لا تقعدي توسوسي و تخليني اوسوس معاك .. الحين باروح اقول لبندر يقوم يوديك ..
سارة : لا تقومي و لا تتعبي نفسك مب موجود ..
ام صقر نزلت : وينه هالهيس الاربد .. ما يربز محله ..
سارة : ما ندري عنه يما .. تعرفي وليدك ما يقعد بالبيت ابد ..
سجى " كل هذا و يبيني اتزوجه بعد .. " : يا عيني ..
وسن : وش قلتي ..؟؟
سجى : هااااه هااه .. لا و لا شي ..
و دق الجرس و راحت الخدامة تجاوب .. و بعدين جات و قالت ..
الخدامة : ماما .. هذا فراس صديق بابا بندر ...
ام صقر : أي وش يبي ..؟؟
الخدامة : يبي بابا بندر ..
ام صقر : حتى مو مع صديقه .. هذا وين راح هالولد ..!! طيب خلاص روحي ..
و راحت الخدامة .. و سجى ألتفتت وراها و طالعت بالشباك و لقت هذا نفسه اللي صادفته يوم يطيح جوالها بسببه ..
سجى : يوووووه هذا هو ..
وسن : منهو ...؟؟
سجى : هذا ولد جيراننا .. ولد بو طلال .. اللي طاح جوالي بسبته ..
وسن : ههههههههه لساتك تقولين بسبته .. ياخي الرجال ماله دخل انتي اللي ضحكتي ..
ام صقر : دامه يا بنتي ولد جيرانكم قومي و روحي معاه و خليه يوصلك .. مافي احد هنا يوصلك يا بنت اختي ..
سجى انصدمت : بس ... بس يا خالتي انا استحي اركب مع رجال لا اعرفه و لا يعرفني .. انا حتى اسمه توني اعرفه منكم الحين ..
ام صقر : بس ما عليه .. احنا الرجال نعرفه من سنين ..رجال محترم ما رح يغلط بشي معاك قومي روحي معاه ..
سجى : بس ....!!
و رجعت طالعت فيه و تأملته < كسر خاطرها >
و سمعت سجى صوت ام صقر برى ..
ام صقر : فرااااس .. وليدي فرااااس تعال ..
سجى انصدمت : هييييييييه .. يا فضيحتي .. وسنو روحي لامك فضحتني هونت مب رايحة معاه ..
وسن قومتها : قومي بس قومي يلا .. بسك حيا ..
و قومتها وسن و وقفتها لعند الباب و وقفت سجى منزلة راسها مستحية ..
ام صقر : وليدي بنت اختي مافي احد يوصلها بيتهم .. و انت بيتكم قبال بيتهم وصلها معاك ..
فراس منزل راسه : بنت بو مشاري ... و النعم .. تتفضل حياها .. السيارة تحت امرها ..
سجى " باموت على سيارتك انا "
ام صقر : يلا سجى روحي معاه ..
و تقدمت سجى بشويّ شوي .. و فراس لاحظ مشيّتها اللي كنها عروس يزفوها .. و ضحك من داخلها ..
ام صقر : امشي زين يا بنت .. تمشين على بيض مكسر ..!!
سجى بصوت خفيف : طيب يا خالتي ..
و راحت سجى لعند السيارة و معاها فراس ركب فراس و هي ركبت ورى .. و لاحظت سجى ان فراس ما حرك السيارة ..
و طالعها من المرايا : انا اسف بس ما احب اللي يكون معاي بالسيارة يقعد ورى و يخلي المقعد اللي قدام فاضي .. انا ما افرض عليك هالشي .. لكن لو تسمحين تلبين رغبتي ..
و نزلت سجى من السيارة و ركبت قدام و من عصبيتها انه خلاها تقعد قدام سكرت الباب بقوة ..
سجى بصوت خفيف : اسفة ...
فراس بيحرك و هو مبتسم : حصل خير .. " الله يكون بعوني "
و بالطريق سجى طول الوقت تحاول تدق على ابوها .. لكن ما يرد ...و دقت عليه مرة ثانية و رد ..
سجى من الفرحة طلع صوتها الحقيقي : باااابااا ..
فراس ارتعب .. و انتبهت سجى لنفسها و وطت صوتها ..
سجى : بابا ... بابا وينك .. و ليش ما ترد علي .. و كيف تروح تسافر بدون ما تدق علي .. بابا تبيني ازعل منك ..
فراس " وش هالبنت الدلعة .. وش كل هالاسئلة ؟؟؟ و الله لو زوجتي ما سألتني كل هذولي "
سجى فجأة صرخت : اااااااااااااااايش ...؟؟؟؟؟؟؟؟
فراس فزع بقوة لدرجة انه صدم بشي ..
سجى انتبهت للصدمة : بابا .. اكلمك بعدين يلا باي ... باي باي ..
و سكرت و سألت فراس : وش صار ...؟ ليش وقفنا ..؟؟
فراس : لا نخافي ما رح اسوي فيك شي .. سويت حادث .. الظاهر اني صدمت بشي حاوية و لا شي ..!!
سجى منحرجة : انا اسفة لاني صرخت ... ارعبتك و خليتك تصدم .. انا اسفة مرة ..
فراس بيمشي : حصل خير ...
سجى استغربت انه ما نزل : ما رح تنزل تشيّك ع السيارة ..؟؟
فراس : مب لازم صارت لي وايد من قبل ...
سجى : امممم ..
فراس : اهم شي انه حصل خير ..
سجى : أي حصل خير ...
و وصلوا للبيت و كانت بتنزل سجى الا يقول فراس : آآ .. ممكن .. اعرف اسمك ..؟؟
سجى مبتسمة : لا مب ممكن ..
فراس مبتسم يسلك لنفسه : شكراً
سجى : انت اللي شكراً ع التوصيل ..
فراس : ما سوينا شي .. عفواً ................. آآ
و نزلت قبل لا يقول اللي يبيه و بدا يطالعها و هي داخلة بيتهم و كيف تمشي و كيف دخلت ..
و بعدين نزل فراس من السيارة و شيّك عليها من قدام و لقا انها سليمة .. مافيها شي ..
فراس استغرب : اول مرة اصدم و ما يصير شي بالسيارة .. شكلها هالبيت كان وجهها خير علي و على سيارتي ..
و فجأة طلال طلع من البيت و حامل ام طلال ..
فراس راح لهم منصدم : وش صاير..؟؟ اشبلاها امي .. ؟؟
وعد : طاحت علينا فجأة شغل سيارتك لجل اروح معاك ..
فراس : يلا يلا اركبي ....
سجى تطل من الشباك : اشبلاهم ..؟؟ وش صااااير عندهم ؟؟؟ ماااااماااااا ...
يتتتتتتتبع .............................



تعديل Neemo.o; بتاريخ 28-07-2013 الساعة 12:13 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 29-07-2013, 06:09 AM
صورة صمتي ذابحهم وكلامي جارحهم الرمزية
صمتي ذابحهم وكلامي جارحهم صمتي ذابحهم وكلامي جارحهم غير متصل
©؛°¨غرامي فعال ¨°؛©
 
الافتراضي رد: بين أناملي ... حكاية '\ بقلمي


مؤؤفقه غلاااي
تابعي ي الغلا وانا معك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 29-07-2013, 06:27 AM
صورة Neemo.o الرمزية
Neemo.o Neemo.o غير متصل
©؛°¨غرامي جديد¨°؛©
 
الافتراضي رد: بين أناملي ... حكاية '\ بقلمي


اقتباس:
المشاركة الأساسية كتبها صمتي ذابحهم وكلامي جارحهم مشاهدة المشاركة
مؤؤفقه غلاااي
تابعي ي الغلا وانا معك
شكراً .. رح اتابع بإذن الله ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 30-07-2013, 01:40 AM
صورة فاطمة محمد عمر الرمزية
فاطمة محمد عمر فاطمة محمد عمر غير متصل
©؛°¨غرامي فعال ¨°؛©
 
الافتراضي رد: بين أناملي ... حكاية '\ بقلمي


السلام عليكم
امم باين ان الروايه حلوة ياعسل استمري
بس بلاش اللعن وكدا بالرواية والله ماكنت برد بس قلت اشجعك لان ماشاء الله اسلوبك حلو وكدا ربي يعطيكي الف عافية
اممم دحين عندي شئ :× المفروض سجي ماتركب مع واحد غريب وفوق كل ذا راكبه قدام وتتكلم معاه زي اخوها :\ سلامات!!!

كمان العلاقه الى بين مشري و وسن :( يعني نحنا مسلمين وعارفين ان هادا الشئ لا ممنوع وخصوص هنا في بلادنا !!!

المهم بس كان عندي زي النقطتين وان شاء الله مايصير شي لام فراس

دمتِ بــ ود وكل سنة وانتي طيبة


استغفر الله ... ااستغفر الله ...


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 30-07-2013, 01:41 AM
صورة فاطمة محمد عمر الرمزية
فاطمة محمد عمر فاطمة محمد عمر غير متصل
©؛°¨غرامي فعال ¨°؛©
 
الافتراضي رد: بين أناملي ... حكاية '\ بقلمي


السلام عليكم
امم باين ان الروايه حلوة ياعسل استمري
بس بلاش اللعن وكدا بالرواية والله ماكنت برد بس قلت اشجعك لان ماشاء الله اسلوبك حلو وكدا ربي يعطيكي الف عافية
اممم دحين عندي شئ :× المفروض سجي ماتركب مع واحد غريب وفوق كل ذا راكبه قدام وتتكلم معاه زي اخوها :\ سلامات!!!

كمان العلاقه الى بين مشري و وسن :( يعني نحنا مسلمين وعارفين ان هادا الشئ لا ممنوع وخصوص هنا في بلادنا !!!

المهم بس كان عندي زي النقطتين وان شاء الله مايصير شي لام فراس

دمتِ بــ ود وكل سنة وانتي طيبة


استغفر الله ... ااستغفر الله ...


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 30-07-2013, 02:54 AM
صورة Neemo.o الرمزية
Neemo.o Neemo.o غير متصل
©؛°¨غرامي جديد¨°؛©
 
الافتراضي رد: بين أناملي ... حكاية '\ بقلمي


اقتباس:
المشاركة الأساسية كتبها فاطمة محمد عمر مشاهدة المشاركة
السلام عليكم
امم باين ان الروايه حلوة ياعسل استمري
بس بلاش اللعن وكدا بالرواية والله ماكنت برد بس قلت اشجعك لان ماشاء الله اسلوبك حلو وكدا ربي يعطيكي الف عافية
اممم دحين عندي شئ :× المفروض سجي ماتركب مع واحد غريب وفوق كل ذا راكبه قدام وتتكلم معاه زي اخوها :\ سلامات!!!

كمان العلاقه الى بين مشري و وسن :( يعني نحنا مسلمين وعارفين ان هادا الشئ لا ممنوع وخصوص هنا في بلادنا !!!

المهم بس كان عندي زي النقطتين وان شاء الله مايصير شي لام فراس

دمتِ بــ ود وكل سنة وانتي طيبة


استغفر الله ... ااستغفر الله ...


انا اوافقك بكل كلمة قلتيها .. لكن لا تستعجلي بالكلام لاننا تونا باول القصة .. في البارت اللي بعده رح تعرفي اكثر ... و اللي احكيه شي يصير بمجتمعنا حالياً .. لكن انا اهم شي في حكايتي ان اللي يغلط بيتحاسب على غلطه ..

بين أناملي ... حكاية '\ بقلمي

الوسوم
مشاري , احلى , تؤخر , رائد , فراش
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
حكاية عشق/ بقلمي حروف رومانسية شعر - قصائد - قصايد - همس القوافي 5 26-12-2012 05:31 PM
لا تحسب إني لا أبتسمت بوجهك أغليك بعض الوجيه أهينها بإبتسامة / بقلمي × || NahoOosh 1994 || × أرشيف الروايات المغلقة - لعدم إكتمالها 2367 26-09-2012 06:11 PM
حكاية مثيرة \ بقلمي Aملاك الروحA خواطر - نثر - عذب الكلام 18 04-07-2011 05:58 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM

الساعة الآن +3: 03:35 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1