غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 01-08-2013, 08:06 PM
جروح- جروح- غير متصل
©؛°¨غرامي جديد¨°؛©
 
Upload1120a2f436 اول روايه لي / ودعني وانا بالحيل ابيه }




السلام عليكم ورحمة الله وبركاته
هذي اول روايه لي و هي وآآقعيه اتمنى تعجبكم




بيت ابو خالد :
ابو خالد : رجل طيب وحنوون و يحب اهله ..عمره 45
ام خالد : طيبه و حنونه قصيره بس لايق عليها القصر بناتها زيها ^_^.. عمرها 38
عشق : انسانه تحب الناس و طيبه جداااااا حساسه تحب تفضفض , جسمهاا حلوو .. بيضه بس مو مررا شعرهاا طويل لنهاية ظهرها لونو اسود (كيرلي) عيونها مكحله و رموشها كثيفه وقصيره , قصرها حلو .. عمرها 18
تولين : كتوومه و خجووله و طيبه مع الناس بس عصبيهه و عنيييده *_* مربربه بس مو مرا .. ابيض من اختها عشق شعرهاا طويل لونو بني (ناعم ) عيونهاا وسيعه و كحيله جذابه قصيره ههههه .. عمرها 15
ولاء : شخصيتها كول بس خجوله و دبدوبهه ..عمرها 12
خالد : ضريف و على نياته و يحب الناس .. هو الولد الوحيد لاهله .. عمره 9
نجلاء : عربجيه شويه بس دلوعه (مدري كيف تسير بس هيا كذا) *__* عمرها 6
الهام : الجديده في العائله عمرها شهرين ^_^
حالتهم المادية متوسطة لا هم اغنياء ولا هم فقراء

البارت الاول

توولين (توها راجعه من الدوام): اففففففف يا كرهي للمدرسه
ام خالد :وي اشبك يا بنتي
تولين :مافيني شي بس تعباانه
ام خالد : ما تبين تتغدين
تولين :لاا .. صحوني الساعه 5 عشان باقوم اذاكرر
ام خالد : طيب
عشق : امي وش فيها ذي بس قافله
ام خالد : مافيها شي بس تعبانه
عشق : اهااااااااااااا شكلو احد هزأها
ام خالد : خلاص اشش امشي نحط الغداا
عشق : اووكي

الساعه 5 راحت ام خالد تصحي تولين

ام خالد : توووووووولين يلا قومي
تولين : اممم طيببب
ام خالد: يلا عاااد
تولين : خلاص قايمه
ام خالد : طيب

قامت تولين و اخذت لها شور سريع .. لبست بيجامه لون وردي و مسكت شعرها بشباصه و نزلت عشان تذااكر
شافتها عشق
عشق : بدري كان كملتي نووم يا دوبه
تولين : انقلعي عني بروح اذاكر
عشق : افففف منك يالدافورة ترا ملحقهه عالمذاكره امشي نسولف
تولين : لا لما اخلص اجي اسولف معك
عشق : (ضربت تولين على كتفها مزح ) اوككيه

تولين خلصت من المذاكره و راحت عند عشق عشان تفتك من سماجاتها

تولين : هاااااي
عشق : اخيرا ما بغيتي ..
تولين : المهم وش كنتي بتقوولين
عشق : بقولكك سالفه بس لا تقولي لحد
تولين : (بحمااااس) قوووولي
عشق : خير خير ان شاء الله .. اعصابكك
تولين : قووولي افف منكك
عشق : تخيلي مين اضافني في الايميل
تولين : مييييييييين !
عشق : اشششششش فضحتيني .. بطلت اقول
تولين : (بعصبيه) عشششششق وجعع بسرعه اخلصي
عشق : هههههه طيب طيب .. شفتي ثامر ولد سمر اضافني
تولين : امااااااااااااااا اضافكك ؟!!
عشق : ارخي صوتكك بس لحد يسمعكك
تولين : طيب ايش يبغى منكك ؟؟؟
عشق : مدري عنه .. شكله يحبني
تولين : (وجهها مافيه اي انفعال ) لا عاد
عشق : خلاص خلاص امشي شكلهم جابو العشا
تولين : طيب

سمر بنت عمتهم .. عندها 3 اولاد
سمر : حبوبه و طيبه و تحب الطلعات و الفلات وكذاا .. مربربه و بيضاااا ما شاء الله , ملامحها جذااابه .. عمرها 32^_^
ثامر : طيب و حبوب .. اسمر و معضل و عيونه وسيعه و عسليه و مسوي سكسوكه .. عمره 19
فهد : طيب وحنووون و حبوب مرره .. اسمر و معضل وطوويل و شعره سبايكي عيونه عسليه .. عمره 17
فواز : شخصيته حلوه و ضريف و حبوب .. عمره 12

تعشو البناات و تولين ما شالت نظرها من عشق ههههههه عشان سالفة ثامر

ام خالد : تولين وش فيكي كأنك اول مرا تشوفين اختك عشق
تولين : (بفهاوه) هاه لالا ولا شي بس كنت متنحه
ام خالد : اها طيب
تولين : عشق وش رايك نطلع فووق
عشق : اوكي امشي

تولين و عشق غرفتهم وحده

عشق : يا تبن انتي بتفضحيني
تولين : (بـ وقاحـة) لا تخليني منجد افضحك .. المهم قولي وش قاااالك
عشق : طيب .. قالي انا احبك من زمان بس كنت مستحي منك و ما عرفت كيف اوصلك
تولين : (انصدمت) هاااه ايش !!
عشق : اشبك معد تسمعيين ههههههههه
تولين : طيب خلاص انا بنااااااااااام
عشق : انتي والنوم ذا في زحمممه
تولين : على الاقل انام ولا اسمع كلام كله هياااط
عشق : وش قصدك :|
تولين : ولا شي بس بنام
عشق : طيب

الفجر جات ام خالد تصحي بناتها للمدرسه

ام خالد : توووووولين عشقققققققق قوموو تأخرتو >> عاد الوالده لازم تقدم الوقت ههههع
تولين : اممممي ما ابغى ارووح اليوم اربعااء
ام خالد : قوومي بس .. هذي اللي ازعجتنا على اختبارها
عشق : امم امي بس دقيقه بنااام
ام خالد : قومو ولا انادي ابوكم
عشق : خلاص قممت
ام خالد: انا بانزل اجهز الفطور
قامو البنات و تجهزوو و نزلو يفطرون

رجعو تولين و عشق و ولاء وخالد من المدرسه و تغدو و ناامو

صحيت تولين لقيت عشق ع اللاب و الابتسامه شاقه و جهها
تولين : خير ان شاء الله ست عشق
عشق : ياخي انتي ما تخلي الواحد في حااالو
تولين : لا بس اشوف وجهك شوي و يتقطع من الابتسامه
عشق : الابتسامه في وجه اخيك صدقه
تولين : ماااا شاء الله دحين اللاب صار اخوك يلا يلا امشي ننزل
عشق : ههههههههههههههههه طيب

ام خالد جالسه في الصاله
تولين : امي اليوم ربوع كلمي سمر و بيت عمي ابو محمد و بيت عمي ابو ماجد
ام خالد : اول شي قووولي مساء الخير
تولين : هههههه اسفه .. مساء الخير يا احلى ام
ام خالد : مساء الورد يا احلى بنت
عشق : لاااااااااااء ما شاء الله ايوا دلعي بنتكك
ام خالد : ههههه هلا ببنتي عشق
عشق : زعلانه خلااص
ام خالد : وي وي عشوقتي زعلانهه !!
تولين : هاا يمه وش قلتي بنطلع ولالا
عشق : ووووين ؟؟؟؟؟؟؟
تولين : (تناظر عشق بـ حقـآرة) طلعه عائليه
عشق : ايييييييييييييه يممه بنططططلع
ام خالد : خلاص انا باكلمهم و اشوف
عشق : (هي مبتسمه و مبسوطه) اوووكيهه

بيت ابو محمد
ابو محمد : عمهم الكبير .. عمره 49
ام محمد: هي اخت ام خالد .. عمرها 39
غرام : هي اكبر وحده في اخوانها .. طيبه و اخلاق و صديقه عشق الروح بالروح .. رشيقهه و عيونهاا وسيييعه و ببيضاا و شعرها طووويل لونه بني ونااعم , طولها مناسب على جسمها .. عمرها 21
تالا : طيبه و رروحها مرررحه مراا صديقه تووولين و كل شيي يقولونه لبعض .. نححيفه عيونها كحييييله و رموشهاا كثيررره و شعرها اسووود وطوييل , قصيرره زي بنات عمها ابو خالد هههع .. عمرها 16
محمد : دبدوب بس مو مرا .. عنيييد اللي في راسو يسويه .. عمره 13
عبدالله : ضريييف و يحب يلعب بالسيااكل هههههه , يحب يطقطق ع الناس .. عمره 10
سعد : اخر النقوود .. يحب نجلااء ههههه عاد حب براءة .. عمره 7

بيت ابو ماجد
ابو ماجد : اصغر واحد من عمانهم .. عمره 40
ام ماجد : عمرها 36
حنان : طيبه و اخلاقها عسسسل تحب الفله و الطلعااات.. بيضااااااا مرا ما شاء الله , نححيفه و مزه شعرها لونو بني فاااتح .. عمرها 22
ماجد : ولد عمهم الكبير .. اسمر طويل نحححيف عيونه وسيعه .. عمره 19
افنان : طيبه و عسل .. سمرا بس مو مراا .. جسمها حلوو و قصيره شعرها طويل لونه اسود .. عمرها 14
شيماء : فيلسوووفه و اللي في راسها يسير غصب .. عمرها 10
باسم : يجننن ما شاء الله عليه .. عمره 6

في الطلعه
عشق : بنااات وش رايكم نلعب بسياكل الاولاد
غرام : لالا
تالا : يلا يلا والله فله
حنان : لالالا انتو روحو انا باقعد مع غرام
تولين : قدااااااااااااام

عشق : (وهي راكبه السيكل) بنااات امشو عند العيال نقهرهم
تولين : (مبسوطه) يلاااااااااا
تالا : لا اخاف الرجال يخاصمو
تولين : امشي اصلا العيال بعيدييين عن الرجال
تالا : يلا مشينااا

العيال :.
ثامر : اووخص البنات يعرفو يسوقون السيكل
عشق : ايش رايك يعننننننننننني
ثامر : بسم الله اعصابك
فهد : اكيد بس تولين اللي تعرف
(ثامر راح عند الرجال)
عشق : (بخبث) ليش بذااات توليين .. تراها بس تطيح
تالا : ههههههه ايوا ايوا ليش بذات تولين
تولين : بنااات خلاص يلا نمشي
فهد : (عيونه على تولين )على وين ؟
عشق : رايحين امريكا بالسيكل تجي معانا
تالا : هههههههههههههههههههه الله يرجكك
فهد : ايوا بجي
تولين : بناات يلاا خلاص بلا استعباااط
عشق : اوك يلااا
البنات وهم في الطريق رايحين للحريم
تالا : تولين وش عندك انتي و فهد
تولين : هااه وش بيكون عندنا يعني
تالا : اعترررفي
تولين : ههههههه روحي اسألي فهد انا وش دخلني
تعشووو و خلصو وكل واحد مشي على بيته

(( يوم الخميس
تولين : (معصبه) عشششششق يا تبن تعااااالي بسرعه
عشق : خخخير
تولين : وييييييييييين ساعتي الورديه
عشق : انا وش دراااني
تولين : لا بالله ومين اللي كان لابسهاا امس
ام خالد : وي وي اشبكم يا بننااات
تولين : امي شوفي بنتك ماخذه ساعتي ولا ردتهاا
عشق : انا ما اخذتهاااااااااااااا
تولين : اجل اكككككيد ولاء اخذتها .. ولاااااااااااااااء تعالي بسرعه
ولاء : نعم
تولين : وين الساعه
ولاء : هذي ؟؟؟؟
تولين : يااااا حراممميه هاتيها
تولين اخذت ساعتها و راحت جلست عالبي بي .. لقت طلب اضاافه
تولين : يااااربيه مين ذا
عشق : وش فيكِ
تولين : جاني طلب اضافة في البي بي
عشق : طيب خير يا طير اول وحده يجيها طلب ولا ايش
تولين : خلاص بأقبل و اشوف مين
عشق : اوكيه

تولين : (وهي تصااارخ) لاااااااااااااء مستحيل ..فهد!!!!!!!!!!!!!
عشق : سلامات :|
تولين : تخيلي اللي اضااافني فهد
عشق : اممممماااااااااااااااااااااااااا
تولين : والله
عشق : وش فيهم ثامر و فهد ههههههههههه
تولين : مدري ههههه
عشق : بنت وش رايك نقول لامي نروح بيت عمي ابو محمد
تولين : يب يب بنروووح ..
عشق و تولين نزلو لقو امهم و ابوهم جالسين في الصاله
تولين : ابووي
ابو خالد : هلا تولين
تولين : ابوووي بنرووح بيت عمي ابو محمد
ابو خالد : طيب بس لا تتأخرو
عشق : يسسسسسسسسسسسسسس يلا امشي نتجهز
تولين : اوكككك

في بيت أبو محمد
تولين جالسة مع تالا و يسولفون
تولين: تالا بأقووولك شي
تالا : (بحماس) ايششش؟؟؟؟
تولين : تخيلي فهد اضااافني في البي بي
تالا : اوووووووماااااااااا .. شفتي انا قلت انو بينكم شي
تولين : لا حرام انا بريئه
تالا : واااااضح ههههههههههههه
تولين : بسس عااد .. دقيقه قاعد يرسلي بنق
تالا : بسرعهه شووووفي ايش يبغى
تولين : (عقدت حواجبها) يعني بقولك مثلا
تالا : (مسويه نفسها مسكينه و تحزن) تولين انتي توأم روحي :(
تولين : هههههههههههههههههههه خفي علينا
تالا : بنت وش قااااااااااااااال
تولين : مو عارف وش يقول
تالا : ههههه مسكين
تولين : تالا وش رايك نروح الملاهي
تالا : قومي اسألي عشق و غرام انا عادي عندي
تولين اوووكي
عشق و غرام وافقو بعد محاولات من تولين و تالا .. اتصلو البنات على بنات عمتهم ام حاتم

ام حاتم : انسانه جدا طيبه .. عمرها 40
هنوف : شخصيتها كووووول .. جذااابه جسمها مرا حلوو (رشيقه) عيونها وسيعه شعرها طويل لونه اسود (كيرلي) .. عمرها 25
نوف : ناااعمه و خجووله .. مربربه بس جسمها خقققققه بيضاا و عيونها وسيعه و رموشها كثيفه شعرها قصير لونه بني .. عمرها 23
لجين : فرفوووشه و الكل يحبها .. مربربه , سمررا حلووو عليها السماار عيونها جذابه شعرها قصير لونه بني فااتح .. عمرها 22
لمار : كتووومه و دلوعه .. جسمهااا روعه سمررا زي لجين شعرها طوويل لونه اسوووود (كيرلي) .. عمرها 19
حاتم : كتوم , الولد الوحيد لاهله .. اسمر و طووويل ومززه و طبعه زي طبع ثاامر .. عمره 15
مشاعل : حبوبه و شيطووونه و لسانها طويل هههههه .. عمرها 11

في الملاهي
غرام :وش رايكم بنات نلعب دبابات
عشق : قداااااااااااااام
تولين : بنات انا اخااف .. لالا ما بجي معاكم
لجين :يلا .. اللي تخاف تقعد مع لمار لانها اكيد ما بتجي
راحو البنات و ركبو الدبابات و بقيو تولين و تالا و لمار

البنات وهم في الدبابات
هنوف : بنات وش رايكم نتسابق
عشق : يلااااااااااااا مافي اي كلام
لجين : عاد عشق ما صدقت خبر
غرام و نوف : هههههههههههههههه

فزوو لمار و تولين و تالا على صووت صراااااااااخخ

لمار : تولين تالا ما تسمعو صوت صراااخ ؟؟
تولين : الاااا لا يكون البنات
تالا : امشوو نشوف يمكن احد متعرض لهم
لمار : لااا عاد قدام الناس احد يتعرض لهم
تولين : واذا احد متعرض لهم بتقلبي جون سيناا فجأة مثلا
تالا : يمكن هههههههههه
لمار : بنات مو وقت الضحك امشو نروح عند البنات

راحوو البنات جهة الدبابات بيشوفو وش صااااير ولما وصلو لقيووو ..................


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 01-08-2013, 08:08 PM
جروح- جروح- غير متصل
©؛°¨غرامي جديد¨°؛©
 
الافتراضي رد: اول روايه لي / ودعني وانا بالحيل ابيه }


يلا ابغى حمآآآآس عشان انزل البآرت الثاني

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 02-08-2013, 08:18 AM
جروح- جروح- غير متصل
©؛°¨غرامي جديد¨°؛©
 
الافتراضي رد: اول روايه لي / ودعني وانا بالحيل ابيه }


البارت الثاني

^
^^
^
^^
^
^^
^


عشق مغمى عليهاا و البنات متجمعين حولها وهم يصارخو
تولين : (رمت الاغراض من يدها وراحت عند عشق وهي تبكي) عشققق قووومي عشقق :"""(
لمار : بنااات وش ساااار ؟
نوف : انقلب عليها الدباب
تالا : يااااااااربيه .. تولين اتصلي على ابوكِ بسرعه
تولين : (وهي تشهق) اوكي
ابو خالد : (انفجع من بكاا تولين) الووووو تولين وش فيكككي
تولين : عشق مغمى عليهااااا
ابو خالد : انتو في اي منتزه
تولين : في منتزه ال****
ابو خالد : (متوتر) طيب انا دحين جاااي
(البنات كلهم جا اخذهم سواق عمتهم ام حاتم و تولين راحت مع ابوها المستشفى)
.. طبعا صاار لعشق الحادث ذا بعد ايام المدرسة ف الصيف ..

في المستشفى
ابو خالد : وش سار يا دكتور ؟؟؟؟
الدكتور : للاسف حصل لها كسر في الفك الايمن
ابو خالد : طيب متى بتسون العمليه ؟
الدكتور : بعد 3 ايام ان شاء الله
ابو خالد : على خير ان شاء الله .. بس مافيها ضرر العملية ذي ؟
الدكتور : لا مافيها اي ضرر بس ما حتقدر تأكل لان بنسكر فمها عن الاكل بس تشرب سوائل
ابو خالد : جزاك الله خير يا دكتور
تولين : ابوي انا برجع البيت ما اقدر استحمل
ابو خالد : طيب يابنتي براحتك .. بس مين يقعد عند اختك ؟
تولين : انا بأكلم غرام بنت عمي تجي عندها
ابو خالد : طيب .. يلا امشي
(مع الحوسه نسيو يكلمو ام خالد على اللي سار في عشق)

في بيت ابو خالد دخلو تولين و ابوها و في وجههم حزن
ام خالد : وين عشق .. ليه ما جات معاكم
تولين :(وهي متردده) اممممم عششق طاحت من الدباب و انكسر فكها
ام خالد : ايشششش .. كيف حاااالها الحييين
ابو خالد : اهدي يا ام خالد ما فيها الا الخير والعمليه بسيطه و ان شاء الله غررام بنت عمها بتروح عندها
تولين : انا دحين بأكلم غرام تروح عند عشق
(تولين كلمت غرام وراحت لعشق)

في المستشفى

طلعو عشق لقسم التنويم ونامت من الالم وشوية رقم غريب يتصل على عشق وصحتها غرام عشان تسألها ترد على الرقم ولا لا ردت غرام وطلع صوت رجال

غرام : الووو .. مين معايه
الغريب : هلا .. هذا جوال عشق ؟؟
غرام : ايوة جوالها مين انت
الغريب : أنا ثامر ولد سمر
غرام : اها اهلين ثامر
ثامر : انتي مين
غرام : أنا غرام جلست مع عشق
ثامر : اخبارها عشق وربي بغيت اموت من الفجعة لما سمعت الخبر
غرام : طيبة وبعد ثلاث ايام بيسوولها العملية
ثامر : طيب هي صاحية ولا نايمة بكلمها
غرام : لا نايمة
ثامر : اوك خلاص كنت بتطمن بس .. يلا باي

في بيت ابو خالد الساعه 1 بالليل
(تولين جالسة في الغرفه لوحدها .. نزلت الصاله بتشوف اذا احد صاحي ولا لا )
لقيت ام خالد ترضع الهام
ام خالد : وش مصحيكِ في ذا الوقت
تولين : ما جاني النوم
ام خالد : روحي غرفتك و اقرأي المعوذات و نامي
تولين : اوكي بحاوول
(راحت الغرفه و تنهدت بطفش .. فتحت البي بي بتسولف مع احد بس الكل نايم)

.. بعد ثلاث ايام
سوت عشق العملية والكل جاا وزارها وفي اليوم الثاني جاها ثامر اللي ما توقعت انه بيجيها

ثامر : كيفك عشوقة
عشق : بخير الحمدلله .. انت اخبارك
ثامر : (بصوت حزين ) انا بخير بس خفت عليك مررة لما قالولي
عشق :تسلم لانك جيت وزرتني
ثامر : ولو انتي غالية علي كيف ما اجي ازورك

خرج ثامر من عند عشق وغرام تطالع بتعجب
غرام : الولد طلع يحبك وانا مدري
عشق : نسيت اقولك جاا وكلمني في الايميل انه يحبني
غرام : طيب ي زفت المفروض تجين وتقوليلي اول وحدة
عشق : غراام حبيبتي معليش والله نسيت ساامحيني ثاني مرة اول وحدة اقولها انتي
غرام : طيب خلاص سامحتك بس لانك مريضة هههههه
عشق : فديتهاا ي نااس
(طلعت عشق من المستشفى ورجعت للبيت)

في بيت ابو خالد
نجلااااء : مامااا تولين عشششق جاات
تولين : (نطت من مكااانها ورمت البي بي ع السرير وهي مبسوطه راحت ضمت عشق بكل قوتها) عششششق اخخيررررا
ام خالد : بشووويش على اختكك لا تتعور
عشق : والله وحشتووني
ام خالد : وانتي اكثر يا بنتي
تولين : عشق هاتي الاغراض اشيلها عنك
ولاء : ما شاء الله دوبها نزلت المحبهه صح يا تولين
تولين : انتي مالك دخل افف ملقوفه
(طلعو تولين وعشق غرفتهم .. و ولاء اخذت نجلاء و راحو يلعبو و خالد عااد 24 ساعه عالسوني)

ابو خالد (يكلم ام خالد) : وش رايك نسوي عشاء بسلامة عشق
ام خالد : طيب بس ويين ؟
ابو خالد : بأجر استراحه
ام خالد : متتى ؟
ابو خالد : بعد يومين
ام خالد : خلاص طيب

بعد يومين (في الظهر الساعه1)
تولين : عشق قومي يلا وش ذا النووم
عشق : طيب
تولين : يلااا ترا بتبدأ العزيمه بعد المغرب
عشق : امااااااا
تولين : والله .. يلا قومي عشان نروووح السوق نشوف شي عشان نلبسه
عشق : اووكي .. امي بتجي معانا
تولين : مدري بروح اسألها
(راحت غرفة امها ودقت الباب ودخلت)
تولين : امي ما بتجين السوق
ام خالد : اي سوق
تولين : سوق ال****
ام خالد: طيب خلاص امشو نروح

(اشترو البنات هم وامهم الملابس ورجعو البيت )

بعد العصر : تجهزو البنات وكل وحدة كشخت عشق لبست فستان قصير لتحت الركبة لونه احمر وعليه حزام اسود عريض وحطت روج احمر ومسكرا وبلاشر ولبست كعب اسود وخلت شعرها كيرلي وطلع شكلها يجنن ماشاء الله
وتولين لبست فستان وردي لتحت الركبة ولبست صندل وردي نفس لون الفستان وحطت قلوس وردي ومسكرا وكحل وبلاشر وفكت شعرها وهو مستشور وطلع شكلها خقققققه
(راحو البنات العزيمة واستانسو واستهبلو على كيفهم وفلووووهاا)

جا وقت العشاء طبعا العيال هم اللي يجيبوه
ام خالد: عشق قوومي شوفي اختك نجلاء وينها ابغاها
عشق :طيب يا أمي ذحين قاايمة

راحت عشق تدور نجلاء في الحوش اللي بره وشوية الا ثااامر قدامها يطالع فيها متنح وهو يعطي امه الصحن عشاان يحطو العشااء

(بعد العشاا) راحو الناس كلهم وبقيو ام حاتم وبناتها وسمر وعيالها وام محمد وبناتها وام ماجد يعني بس عيال وبنات عم عشق وتولين
وفلة وطقطقة واستهبال للصباح

لجين : بناااااات وش رايكم نقوم نرقص
غرام : يلا شغلو الدي جي
حنان : أخاف الرجال يخاصمو اذا شغلنااه
تولين : لالا ماعليكم حتى لو قالو شي نقولهم نبغى نرقص ههه ونفلها
تالا : اجل يلااا قووووموووو
(قامو البنات رقصو وام محمد ترقص معاهم ماشاء الله متحمسييين ف الرقص هههههه )

ورجعو كل واحد على بيتهم

اليوم اللي بعده في بيت ابو خالد
(قاموو البنات كل وحدة اخذت لها شور وام خالد تجهز الغدا تغدو وخلصو الغدا وبعد ما خلصو
تولين جالسة ع البيبي تسولف مع فهد هههه وعشق قامت تبغى تشوف لها شغلة ما لقت ولا شي غير انها تجلس على اللاب توب ولقيت ثامر متصل طبعا هي مسوية ثقيلة وما كلمته بس هو كلمها)

ثامر : سلام عشوقة
عشق : اهلين
ثامر : كيفك ذحين ؟
عشق : تمام انت كيفك
ثامر : دوم .. انا بخير دامك بخير
عشق : (بخجل ) يسلموو
ثامر : الله يسلمك .. عشوقة بقولك شي بس مستحي
عشق : تفضل .. لا عادي قول لا تستحي مني
ثامر : عشوقة شكلك كاان مررة حلو ذاك اليوم في العزيمة فهيت لما شفتك
عشق : ( بخججل ) تسلم
ثامر : عشق انا منجد حبيتك ودخلتي قلبي مرة
عشق :( بفيس مستحي ) وش اللي حببك فيني ؟؟
ثامر : مدري بس والله اني احبك من زمان
عشق : امممم اكيد فيه سبب
ثامر : لا كذاا بدون سبب
عشق : اوك خلاص
ثامر : يلا عشوق انا بطلع من الايميل بدخل على الساعة 1 الليل
عشق : طيب
ثامر : بااي
(قامت عشق من عند اللاب توب والابتسامة شااقة وجهها وراحت عند تولين)

توولين : خخيير ياا ست عشق وش الطاري ؟؟
عشق : نعم وش فيه ؟؟
تولين : ولا شي بس اشوف الابتسامة شاقة وجهك وش السالفة
عشق : لا مافي شي بس ثامر كلمني تولين : اهاااااااااااااااا .. عشاان كذا طيب وش قلتو
عشق : وانتي وش دخلك لقاااافة وجع
تولين : قوليلي امانة :(
عشق : قالي انه شافني ذاك اليوم في العزيمة وانهبل عندي
تولين : أماااا شافك
عشق : ايواا شافني
تولين : (بحماااس ) وش قاالك كمان ؟؟
عشق : وبس سواليف عادية مافي شي جديد
تولين : عشق بسالك وجااوبي بصرااحة
عشق : وش عندك اسالي
تولين : انتي تحبي ثااامر ؟
عشق : (بغرور ) مين قاالك
تولين : محد قالي بس بااين كذا
عشق : تبين الصراحة
تولين : ايوووواا وش الصراحةةة
عشق : كأني بديت احبـه لانه يحبني وهو وسيم ماشاء الله وادب واخلاق ويكفي انه اهتم فيني وجاا زارني في المستشفى
تولين : أمااا جاا زارك ؟؟؟
عشق : اي والله جاا .. وانتي تحبي اخوووه صحح ( ناظرتها بحقارة )
تولين : لا مين قاال بس هوو يحبني
عشق : بحااااول اصدق مع الاياام بيبان كل شي
تولين : اسمعي وش رايك نكلم اهلي نطلع احنا والبنات منتزه الـ *****
عشق : اوككي بس ان شاء الله يوافقوو
(قامو تولين وعشق عند امهم وابوهم)
تولين وعشق بصوت واحد امي ابووي نبغى نروح مع البنات منتزه الـ *****
ام خالد : قولو لابوكم انا مالي دخل
تولين وعشق : أبوي وش رايك نرووح مع البنات منتزه الـ ***** وناخذ معانا امي
ابو خالد : طيب روحوو مداام رايحين مع امكم
تولين : اوك اجل انا بروح اكلم الصبايا ونطلع
عشق : وانا بقوم اتجهز
(وعااد عشق ماعندهاا وقت حتى وهي تعبانة ودوبها مسوية العملية تبغى تطلع هههههههه )
راحت تولين واتصلت على سمر وعلى بنات ام حاتم وكلهم وافقو وجو المنتزه
وطبعاا عيال سمر جااهزين يجون قبلها ههههه
(وصلوو المنتزه كلهم وتجمعوو وجلسو على طاولة وحدة والعيال ثامر وحاتم وفهد وفواز راحو سواا)

لجين : بنات قوموو نتمشى ونركب المقص
عشق : أنا مقدر اركب العاب
تالا : ايوة عشق ماتقدر
لمار : خلاص انا وعشق نجلس سوا انا ما ابغى العب اخااف
راحو هنوف وتالا وغرام وتولين ولجين وسمر وعيالها ركبو المقص وعشق ولمار ونوف ما ركبو معاهم
بعد ماخلصوو من المقص رجعو الجلسة وفللة وونااسة واكل وسواليف وقاموو يمشون وطبعا ثاامر عينه على عشق وفهد عينه على تولين هههههه وتعشو هناك وخلصوو وكل واحد رااح بيته

رجعو ع الساعة 1 ونص دخلت عشق دورة المياة اخذت لها شور على السريع ولبست بجامتها الوردية ورفعت شعرها بف وروقت شوية وراحت تجلس مع تولين في غرفتهم واهلهم دخلو ينامو

عشق : تووولين شفتي فهد وثامر كيف يطالعو فينا
تولين : ايووة كانهم اول مررا يشوفو بناات ولا يشوفونا ههههه
عشق : هبلان لوو امهم انتبهت لهم بتوريهم
تولين : واحنا مالنا دخل ماطالعنا فيهم
عشق : ايووا عااد انا مسووية ام الثقل
تولين : وانا اخس منكك ههههه
عشق : احسن ترى ما يجون الا كذا
تولين : يب يب
عشق : تولين انا جاني نوووم بنام
تولين : اوك وانا بجلس ع البي بي شوية
عشق : طيب اجل تصبحي على خير
تولين : وانتي من اهله
(نامت عشق وتولين تكلم فهد على البي بي)
فهد :توولين
تولين : هلا
فهد : اخبارك
تولين : تمام .. وانت ؟
فهد : أنا تماام
تولين : دووم
فهد : تولين انتي خوافة ههههه
تولين : ليه يعني :/
فهد : صيااحك وصل لاخر المجمع لما ركبتي المقص
تولين : ههههههه وربي منججد اخااف منه
فهد : شفتي انك خوافة .. وليه تركبي وانتي تخافي
تولين : لا ماني خوافة .. وكنت بجرب واركبه
فهد : ههههههههه طيب طيب
تولين : الا تعاال وش فيك تطالع فيني كذا
فهد : حرام اطالع يعني :/
تولين : ايه حرام لا عااد تطالع
فهد : الا بطالع موو بكيفك
تولين : لوو امك شافتك تطالع فيني بتوريك
فهد : لالا ماتقوول شي
تولين : هههه صدقتتتككك
فهد : تولين انا بنااام
تولين : اوك وانا بناام كماان لان عشق نامت
فهد : باي

(صحيت ام خالد و راحت تصحي البنات عشان يقومو يتغدو)
ام خالد : بنااات يلا قومو الغدا جاهز
عشق : طيب قاايمة
توليين : امي بقوولي غداا امس مانمت بدري
ام خالد : طيب
(تغدوو وصحيت تولين)

عشق : بدري ياا ست تولين
تولين : مانمت بدري
عشق : وليه ان شاء الله
تولين : وش دخلك انتي .. بكيفي انام وقت ما ابغى و اصلا الدنيا اجازة
عشق : لا منجد ليه مانمتي بدري
تولين : كنت اكلم فهد في البي بي
عشق : اهااااااااا عشاااان كذاا
(نزلو تحت ولقوو امهم وابوهم جالسين جلسو معاهم)

تولين : ابوي
ابو خالد : هلا
تولين : بطلبك طلب
ابو خالد: وش طلبك
تولين : ابغى اروح عند صحبتي دوبها كلمتني في البي بي وقالتلي تعالي البنات جايين
ابو خالد : طيب كلمي امك واذا وافقت روحي بس خذي عشوقة
تولين : تسلللمم ي احلى اب .. طيب ذحين اكلم امي
(ووافقت ام خالد بعد كم محاولة من عشق وتولين)

(راحو عند نجود وانبسطوووو مررا ونجود ما شالت عينها عن عشق ولما وصلو البيت نجود مرسلة لتولين)
نجود : ألوو تولين
تولين : هلا
نجود : كيفك ؟
تولين : تماام
نجود : كيف فليتوهاا عندي
تولين : اي والله مرررررة فليناها
نجود : الا بسألك اختك عشق كم عمرها
تولين : عمرها 18 بس ليه تسالي يعني ؟
نجود : ماشاء الله .. امممم أمي مررة عجبتها اختك وقاالت تبي تخطبها لاخوي عزوز
تولين : أمااا منجدك انتي ؟؟
نجود : اي والله منجد
تولين : طيب اكلم عشق وامي وارد لك
نجود : اوكي ردي علي ضروري

(ام خالد وعشق جالسين سواا)
تولين : أمي عشق نجود قالتلي ساالفة مرة مهمة
ام خالد : وش قالتلك
تولين : بصراحة قالتلي ان امها شافت عشق واعجبت فيها وتبغى تخطبها لولدها عبد العزيز
عشق : ( بفيس مصدوم ) نععععم وش تقولي انتي منجدك
تولين : ايوة منجد اجل اكذب عليك
ام خالد : توولين انا مدري مقدر اعطيها رد اكلم ابوك واشوف وش يقول
توولين : اووكي
عشق : وش تكلموو ابوي ومدري ايش طيب لو انا رافضة غصب يعني
ام خالد : نكلم ابوك ونشوف ولو وافق انتي توافقي
عشق : طيب نشووف
( عشق طبعا مترددة تخاف توافق وتخسر ثامر وتخاف ماتوافق وتخسر عبد العزيز لانها هي باقي ماحبت ثامر خافت اذا حبته مايكون من نصيبها)
ام خالد راحت عند ابو خالد

ام خالد : ابو خالد
ابو خالد : هلا
ام خالد : امس عشق انخطبت ..صحبة تولين خطبتها لاخوها
ابو خالد : اممم انا ما عندي مشكلة اذا الولد زين واخلاق
ام خالد : طيب يعني نرد عليهم ولا ننتظر
ابو خالد : لا انتظري كذا اسبوعين
ام خالد : طيب
( عشق ماقالت لثامر و تولين ما قالت لفهد يعني محد عاارف غير اهل ابو خالد ) وبعد ذا اليوم بثلاث ايام

اتصلت ام خالد على سمر
ام خالد : سلام سمر
سمر : هلا وعليكم السلام
ام خالد : كيفك وكيف عيالك
سمر : الحمد لله كلنا طيبين
ام خالد : اسمعي سمر اذا فاضية اليوم بنجيك
سمر : ايوة فااضية ما عندي شغلة حياكمم
ام خالد : طيب اجل ان شاء الله بعد المغرب نجيك

تجهزو البنات وام خالد عشق كانت لابسة تنورة قصيرة لتحت الركبة لونها اسود وبلوزة وردية وحاطة قلوس وكحل وبلاشر ومسوية بف بشعرهاا برضو انيقة كالعادة وتولين كانت لابسة برمودة و بلوزة تفاحي وحاطة قلوس وكحل وبلاشر وفالته شعرها امم انيقة زي اختها ..

راحو عند سمر وكان عندها ام محمد وبناتها و بنات عم سمر فلووها للاخير وجابو التورتة واستانسو وحطو العشااء وزل لساان ام خالد وقالتلهم انه عشق انخطبت سمر قاالت لعشق انتي بااقي صغيرة خليك عند ابوك ترى الزوااج يطفش ابتسمت عشق وقاموو من العشاا سمرو عند سمر للفجر

رجعوو البيت كل وااحد فيهم دااايخ من النووم لبسو البجاايم ونامو الا عشق قعدت تفكر ياربي ثامر اكيد اذا عرف بينقهر وليه امي قالت قداام الحريم وش اسوي ي ربي اوافق على عبد العزيز ولا استنى ثامر وطوول الوقت وهي في حيرة خايفة تخسر ثامر ومن جهة ثانية خايفة انه ربي مايكتب بينهم نصيب نامت عشق بعد ما قعدت مواصلة للساعة 7 الصباح

جات ام خالد وصحت تولين وولاء و نجلاء وعشق ما صحيت
تغدو وخلصو وصحيت عشق
عشق : مسااء الخير
تولين : مسااء النور .. اخيرا صحيتي
عشق : مانمت بدري امس قعدت افكر اوافق على عبد العزيز ولا لا استنى ثامر
تولين : امممم والله مدري عنك براحتك
عشق : وربي محتااارة يا تولين

في بيت سمر
سمر : الووو السلام عليكم
ام ماجد : وعليكم السلام ورحمة الله وبركاته
سمر : كيفك ام ماجد ؟
ام ماجد : تمام ربي يسلمك .. انتي اخبارك ؟
سمر : انا طيبة الحمدلله واخبار حنان وافنان ؟؟
ام ماجد : والله كلنا كويسين
سمر : تخيلي ماشاء الله عشق انخطبت
ام ماجد : ماشاء الله تبارك الله .. ومين خطبها ؟
سمر : صحبة تولين راحو بيتها وامها شافت عشق وخطبتها لولدها
ام ماجد : اها ماشاء الله ربي يوفقها
سمر : امين بس البنت صغيرة لسا
ام ماجد : فيه اصغر منها تزوجو عادي شوفينا احنا تزوجنا واحنا صغار
سمر : ايوة بس ذا الزمن غير
ام ماجد : لا عادي ي شيخة
سمر : يلا الله يكتب لها الخير
ام ماجد : امين يارب

خلصت المكالمة سمر وفهد كان جاالس عندها وسممع كل السااالفة ....................



تعديل جروح-; بتاريخ 02-08-2013 الساعة 08:25 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 02-08-2013, 08:28 AM
صورة اوتار..* الرمزية
اوتار..* اوتار..* غير متصل
©؛°¨غرامي مشارك¨°؛©
 
الافتراضي رد: اول روايه لي / ودعني وانا بالحيل ابيه }


السلام عليكم

بدايه جميله

موفقه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 02-08-2013, 08:37 AM
جروح- جروح- غير متصل
©؛°¨غرامي جديد¨°؛©
 
الافتراضي رد: اول روايه لي / ودعني وانا بالحيل ابيه }


يسلموو اوتـآآر .. القادم اجمل بأذن الله

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 02-08-2013, 09:47 PM
جروح- جروح- غير متصل
©؛°¨غرامي جديد¨°؛©
 
الافتراضي رد: اول روايه لي / ودعني وانا بالحيل ابيه }


البارت الثالث

^
^^
^
^^
^

(ثامر ماكان موجود بالبيت رجع على الساعة 12 الليل )
ثامر : سلام فهد
فهد : اهلين
ثامر : هااه وين رحت اليوم
فهد : ولا مكان انت سحبت علي وطلعت بدون ما أدري
ثامر : والله عاد وش اسويلك ساعتين اقولك يلا وانت انتظر بتجهز
فهد : انقلع مع نفسك
ثامر : انت اللي مع نفسك ثاني مررة خلص اشغالك بدري
فهد : ان شاء الله .. أي اوامر ثانية ؟؟
ثامر : لا
فهد : ثامر بقولك سالفه مرا مهمه
ثامر : وش!؟
فهد : عشق انخطبت
ثامر : ( بتفاجئ ) نعم وش تقوول
فهد : وش فيك مو مصدق اقوولك عشق انخطبت
ثامر : (بصوت حزين ) اها طيب الله يوفقها
فهد : امين
( ثامر ماجاه النوم وقام فتح اللاب توب يمكن يلاقي عشق بس للاسف عشق ماكانت فاتحة الايميل )

اليوم الثاني ف بيت ابو خالد
ام خالد : عشق توولين قومو يلا جهزت الغدا قومو حطووه معاي
تولين وعشق : اوكي يمه ذحين قايميين
(قامو البنات وتغدو وخلصو اشغالهم)
رن تلفون البيت
تولين : (وهي تصارخ انا بأرد) الو مين معي
نجود : افاااااا .. معد تعرفين صوتي
تولين : لالا هههههه كيف انسى صوت اغلى صديقه
نجود : هههه كيفك
تولين : تمام انتي كيفك
نجود : تمااام .. امممممم ما كلمتي عشق على سالفة عزوز اخوي ؟
تولين : (بتردد) أأأء الا بس هي للحين ما قالت الجواب الاكيد
نجود : اهااا .. يلا بس بغيت اشوف اوضاعك مع السلامه
تولين : بآي

(عشق جات عند تولين)
عشق : (معقده حواجبها) مع مين كنتي تسولفين ؟
تولين : نجود ..
عشق : وش قالت
تولين : سألتني عنك وقالت وافقت ولا لا ؟؟
عشق : وش رديتي عليها
تولين : قلتلها لسا ماجاوبت الجواب الاكيد
عشق : اهاا .. تولين تتوقعي ثامر وصله الخبر ولا لا ؟؟
تولين : والله مدري .. بس روحي أدخلي الايميل وكلميه وتاكدي عرف ولا لا
عشق : بروح اشوف وان شاء الله يكون مو داري
تولين : اوك
( قامت تولين وراحت تسولف مع امها وعشق جلست ف غرفتها عشان تكلم ثامر على اللاب توب .. دخلت الايميل ولقته متصل )

ثامر : هاي عشق
عشق : اهلين
ثامر : كيفك ؟؟
عشق : أنا بخير وانت ؟
ثامر : بخير دامك بخير .. بس وينكك من زماان مالك حس ولا خبر
عشق : والله انشغلت شوي وما كنت افضى ادخل الايميل
ثامر : اهـاا اوك .. عشق ابي اسألك سؤال اذا ممكن
عشق : ( بارتباك ) تفضل اسأل
ثامر : انتي انخطبتي ؟؟
عشق : ايوة بس مين قالك
ثامر : فهد سمع امي تكلم ام ماجد
عشق : اها ..
ثامر : ( بفيس حزيين ) عشق لا تتزوجي :( انا احبك وابيك لي صح ان امي رافضة اخذ من بنات العيلة بس مافي شي بعيد عن ربي
عشق : ثامر دام امك رافضة خلاص معناه انه ماحنقدر نكون لبعض
ثامر : طيب لا تتزوجي ذحين وانا اوعدك مستحيل يمر يوم وما ادعي فيه اننا نكون لبعض
عشق : اممم اوك خلاص بس عشاانك انا برفض اللي خطبني
ثامر : الله لايحرمني من عشوقتي
عشق : ( بخجل ) امين ولا منك
ثامر : عشوقة وش رايك نسولف واتس
عشق : مدري
ثامر : ولا اقولك خلاص بشتري بي بي عشاانك بس
عشق : اوككي
^^نامت عشق و نام ثااامر وهو مرتاااح عشاان عشق رفضت اللي خطبها ^^

( طبعا هنا بداية حب عشق لثامر واستمرارهم في علاقتهم )

(في بيت ابو خالد صحيوو البنات وكل وحدة قامت تشطفت وتغدو وتجمعو البنات وامهم ف الصالة)
تولين : امي اليوم ما بنخرج مكاان
ام خالد : والله مدري
تولين : امممممممممم .. دبرو خرجة طفشش
ام خالد : مدري شوي اشوف خالتك ام محمد
تولين : اوككي
عشق : تولين امشي الغرفة بقولك شي
ام خالد : على وين ؟؟ ليه ماتقوليلها هنا
عشق : أمي شي خااص بيني وبينها هههه
ام خالد : ماشاء الله طلع عندكم اشياء خاصة وانا مدري
عشق : ايوة اجل مو اخوات احنا
ام خالد : الا اخوات لكن طوول وقتكم مصايحة مع بعض
تولين : صح نتصايح ونتخاصم بس عادي شي طبيعي ف الاخير نبقى اخوات
ام خالد : طيب خلاص روحي شوفي وش تبغى اختك
تولين : طيب
راحو تولين وعشق غرفتهم
تولين : نعم وش تبين جايبتني هناا
عشق : (بخجل ) كلمت ثامر امس
تولين : بحمااااس .. ايوووة وش قالك وقلتيله ؟؟
عشق : تخيلي قالي لا تتزوجي انا احبك وابيك
تولين : امااااااااااااااا .. طلع عااشق طلع مهتم هههههه
عشق : وربي قالي كذاا ..تصدقي تولين
تولين : اييش
عشق :انا صررت احبه
تولين : ( بحماااس ) الله يهنييككممم
عشق : امين وعقبالك انتي وفهد هههه
تولين : لا وييين انا وفهد اصدقااء بس
عشق : والنظرات اللي يطالع لك فيها وش هي
تولين : هو اللي يحبني ويطالع فيني مو انا ههه
عشق : ( غمزتلها ) أووووككككي
ناموو عشق وتولين على الساعة 2 الليل

اليوم الثاني
جاات ام خالد وصحت بناتها عشاان يساعدوها قامو البنات وحطو الغدا وخلصو تجمعو ف الصالة
تولين : عشق اسمعي ترى نجود رجعت كلمتني على البي بي عشان سالفة الخطوبة وش ارد عليها
عشق : قوليلها عشق باقي صغيرة وبتكمل دراستها
ام خالد : ماشاء الله وش عندكم انتوو
تولين : ولا شي بس نجود قالتلي اسالي عشق على سالفة الخطوبة
عشق : ايوة يمه ترى قلتلها اني ماابغى اتزوج ذحين
ام خالد : قلتي لابوك ذا الرد
عشق : ذحين اقوله .. ابووي
ابو خالد : هلا عشوقة
عشق : ( بخجل ) ابوي ترى رفضت اخو نجود صحبة تولين
ابو خالد : ليه رفضتيه
عشق : ( بدلع ) انا صغيرة لساا اخلص دراستي ويصير خير
ابو خالد : طيب يا بنتي براحتك
( أبو خالد ما يرفض لبناته اي طلب ولما قالتله عشق وافق على طووول )
تولين : أمي ابغى اكلم البنات اخليهم يجون عندنا
ام خالد : طيب .. كلميهم وانا بطلع مع ابوك نروح نشتري اغراض للبيت
( تولين راحت تكلم بنات ام حاتم وبنات ام محمد )

تولين : سلام لجين
لجين : هلا تولين
تولين :كيفك ؟؟
لجين : تمام .. وانتي كيفك ؟
تولين : دوم .. انا تمام
لجين : يسلمو .. دوم
تولين : اسمعي وش رايك تجون عندنا انتي واخواتك
لجين : اوكككي اكلم امي واردلك
تولين : طيب
( جو البنات عند تولين وعشق وفلووووها واستانسوو وراحو ام خالد وابو خالد الرياض وخلو البنات مع بنات عمتهم وبنات عمهم ) في الصباح الساعة 8
عشق : بناات يلا نروح نشتري فطور
لجين : ( بحماااس ) يلا مشيناا
غرام : لا يختي اخااف ابوي يمر من هنا ( بيت غرام قريب مرة من بيت عشق )
تولين : لالا ان شاء الله ما يمر
تالا : لالا ابوي شكله ناايم الوقت ذا
غرام : اجل اووككي مشينا
( راحو هنوف وغرام و عشق وتولين وتالا يشترون الفطور .. و لمار و نوف جلسو في البيت عشان يقعدون عند الصغار )

وهم في الطريق .. عشق مسووية نفسها ام الشجاااعة انا ما اخااف واصلا لو وااحد جاا وهرجنا أوريه شغله .. البنات يسلكو لها ههههههه .. شوي وهي ف السكة الا سيارة وراها كانت بتصدمها بس لحقو عليها البناات هههههههه عااد عشق ام المصااايب
رجعو البنات البيت .. واخذوو الفطور وطلعو السطح وفطرو واستانسو .. وبعد الفطور
هنوف .. ترقص غربي وعاايشة الجو
ولمار .. ترقص كووري عايشة الجو
وعااد نوف وتولين وتالا وغرام ولجين وعشق ما عندهم غير الضحك والطقطقة هههههه
السااعة 10 الصباح
(فتحوو اللاب توب بيتفرجو فلم رعب ) وعااد هنوف هي ام الافلام فتحت اللاب حقها على فلم رعب وتولين و تالا قامو عشاان يسوون فشار ويتكون على الفلم .. تفرجو الفلم وخلصوو

بقيو البنات لليوم الثاني ونامو بعضهم وبعضهم مواصلين نامو تالا و نوف ولمار
الساعة .. 5 العصر
لجين : بنات فيه شي ناكله
عشق : والله مدري بس مافيني حيل اسوي شي
لجين : اجل وش رايك ناخذ تكسي ونشتري غدا
غرام : ( توها صاحية ) منجدكككمم بتروحو بتكسي
عشق : ايوة عادي والله مافيني حيل اسوي غدا
تولين : البزارين جيعانين .. لازم ياكلون
لجين : أجل خلاص بنروح انا وعشق نجيب الغدا
هنوف : طيب خلاص روحو بس ارجعو بسرعة
لجين : اوكككي
( ركبو عشق و لجين التاكسي ... وبعد 3 دقايق اتصلت هنوف على لجين و صوتها كله حزن)
هنوف : لجين ارجعوووو بسرعه دحين
لجين : (مصدومه) ليهه ؟؟ .. وش سااااير
هنوف : انتو دحين ارجعووو و بعدين تعرفو
لجين : اووك

عشق : بنت وش فيه ؟
لجين : مدري تقول ارجعو دحين البيت
عشق : و الغدا
لجين : مو لازم خلينا نرجع و نشوف وش اللي ساير
عشق : طيب
(كلمو صاحب التكسي انه يرجعهم البيت )
دخلو البيت وهم مو عارفين وش السااالفه .. سمعو صووت بكا البنات .......................


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 03-08-2013, 10:14 PM
جروح- جروح- غير متصل
©؛°¨غرامي جديد¨°؛©
 
الافتراضي رد: اول روايه لي / ودعني وانا بالحيل ابيه }


هاااااي بنااات ...

أنا ما شفت اي تفاااعل مع روايتي ابي تفااعل وابي رأيكم فيها ..
وما بنززل البارت الرابــع الا بعد العيــد ان شآء الله .. ولكم جزيل الشكر والتقدير



اول روايه لي / ودعني وانا بالحيل ابيه }

الوسوم
ابيه , بالحيل , روايه , وانا , ويعود
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رحمه الرسول صل الله عليه وسلم بالخدم ضحكتي تحدي حياة - صفات - أخلاق - أقوال - رسول الأمة 11 12-05-2011 05:25 PM
رحمته صلى الله عليه وسلم بالخدم ! التائب الى الله ! حياة - صفات - أخلاق - أقوال - رسول الأمة 40 05-07-2010 05:26 PM
روايه ليتني عرفتك باول العمر بدري >>رومنسيه جريئه .. نسيت كلام الناس ارشيف غرام 12 30-04-2010 03:54 AM
روايه تخفي صاحبها بدر الليالي خواطر - نثر - عذب الكلام 3 22-02-2010 04:24 AM
كلمات حساسه للاعتذار يتيمـ الشوق قسم المواضيع المخالفه للفترات الزمنية 2 09-12-2009 11:01 AM

الساعة الآن +3: 07:36 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1