غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 28-08-2013, 05:32 PM
صورة جنة عشق الرمزية
جنة عشق جنة عشق غير متصل
©؛°¨غرامي جديد¨°؛©
 
الافتراضي رواية روحك خمري الحلال


..
...

بسم الله الرحمن الرحيم
روايتي الاولى بين يديكم .. التقييم والانتقاد محل ترحيب .. الشتم والتدمير ليس من شيم المسلمين
روحك خمري الحلال ,, الكاتبة (جنة عشق)
رواية اقرب للواقع وفيها من الخيال حبات قليلة
..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 28-08-2013, 05:36 PM
صورة جنة عشق الرمزية
جنة عشق جنة عشق غير متصل
©؛°¨غرامي جديد¨°؛©
 
الافتراضي رد: رواية روحك خمري الحلال


]كان مو مصدق عيونه مو مصدق انه اليوم بيرتبط بحبه الاثيري .. نورة.. قد ايش اسمها يزرع فيه الف بستان , وقد ايش حضورها يبني مدينة فرح , عيونه تلمع مثل الالماسات اللي بين ايدينه .. طقم الشبكة من داماس ودبل التيفاني كانت تصيح مع قلبه .. أنا لها , وهي لي
.................................................. .....................................
مممكن أدخل ي عريس ؟
ياسين : هلا يمة هلا حبيبي حياك
رحمة : يقولك مب زين تتمقل بدبل الخطوبة يروح بريقها بعدين .
ياسين : هههههههههههه يمة انا مبسوووط اليوم
رحمة : يابعد عين اهلي وديرتي .. ماصدقت اشوفك عريس ي جنتي انت
ياسين : الله لا يحرمننني قلبك طيب بس قولي لي مين بوديكم الصالون ومين بيجيبكم
رحمة : ماعليك مابنكرفك حبيبي اليووووم بس
ياسين : ههههههههه زين
الله لنا . يلا عاد بتتاخر خلص ولا تروح لين تكلمني طيب ؟
ياسين : ابشري وقولي لأي وحده من الشغالات تجيب ثوبي
قاطعهم صياح عبدالله وهو ينادي ولده .. ياسين قفز من فوق سريره بسرعه وسحب الروب وعالحمام فتح الدش عشان ابوه يهجد لا سمع صوت الموية
.................................................. .................................
نسرين بنت رحمة الكبيرة يجي بعدها بالترتيب ياسين , جوهرة , ود ,,أسامة
كانو فرحانين جدا بملكة اخوهم الحبيب الحنون اللي مايرفض لهم طلب بس ماتعادل نص فرحة عرساننا ياسين ونورة
بعد مالكل خلص من الصالون وراحو للاستراحة في جدة بالطريق
.................................................. ................................
ياسين : يمة مشاري ويزيد مايردون علي .. ماكلمتي الخاله فاطمة .؟
رحمة : الا والله من العصر ادق عليها خبري انها بتجي عالملكة دايركت عشان عزة بنتها ماخذه صيفي وعندها اختبار اليوم وبيجون بالطيارة بس تو دقيت ماترد
ياسين : طيب هي لا ردت مالها عذر قولي لها تجي وتجيب الشباب حتى لو ماجو الملكة عالاقل يلحقون عشا بكرا .
رحمة : على خير ان شاء الله
.................................................. .........................
ام نورة كانت بالاستقبال سلمت عليهم ووجهتهم لغرفة اهل العريس ..
ود بعصبية : اااااااااااااااااااااااااااااااااه شعررري راح وطي اش هالقرررف اكره جو جدة اكررهه
رحمة باستسلام: قلت لك لا تسوين ويفي شعرك نااعم والرطوبة بتسيحه (كملت وهي تهز اكتافها ) اللي مايسمع كلام امه يستاهل
ود والدموع بدأت بالسيلان : يعني شلوووون ( ماقدرت تكمل عشان لا تبكي ويخرب باقي المكياج وسكتت )
.................................................. ......................
نسرين الكبيرة مصممة مجوهرات مبتدئة وعندها اتيليه بجدة باواخر العشرينات بيضاااا وملامحها كلها غرور العيون الكبار والشفايف الممتلئة وطول الوقت رافعه راسها حركة فيها من زمان واللي يشوفها يقول مغرووورة عكس قلبها طيب جدا عندها بنتين / ريم و ورد
كانت لابسة فستان قطيفة اسود طوويل سواريه وفتحة ظهر كبيرة واللؤلؤ مزين الصدر وحواف فتحة ظهرها رافعه شعرها كله ومنزلة قصتها على جنب بشكل مرتب واكسسوار خفيف
.................................................. ...........................
جوهرة طالبة ترجمة سمرا وشعرها اشهب بني على رمادي صبغة طبعا ملامحها هندية وخشمها حاد تحب شي اسمه ضحككك بصوت عالي وتنكس وهبال غجرية لابعد حد وتميل للستايلات الكاجوال لابسة فستان خمري بكم والثاني عاري جوبير عالصدر ومن عند الخصر لنص الفخذ والباقي شفاف وشعرها فوليوم كبيرة من ورا وستريت وغرة قصيرة
.................................................. .............................
ود واااه من ود بكككاية درجة اولى اذا ماضبط شعرها بكت واذا ماعجبها اكل هي سوته بكت ..
طالبة ادب انقليزي نحييفة وبيضا جدا شعرها ناااعم عيونها كبار وناعسة هدبها كثييير انفها حاد كانت اجمل بنت ف العايلة وجمالها مثل للعايلة كلها ..
كانت لابسة فستان باكمام طويلة وماسك عالجسم كلله فتحة الظهر لاخر ظهرها ومن قدام سادة موف غااامق وشعرها كله ويفي ابو كلب بسبب الحر طاح
.................................................. .............................
رحمة الام وحبيبة الكل على كبر سنها ماحب تهمل اناقتها ولا تحب تنسى انها بالنهاية انثى كان فستانها هدية من ياسين من بوتيكات شانيل بفرنسا كحلي وكله شغل من فوق لتحت وله ذيل ماسك على جسمها الانيق المرتب وشعرها بني فاتح وبياضها المحمر زاد الفستان جممال شعرها لامته على جنب بشكل عشوائي
.................................................. .......................
تعطرو البنات ورتبو اشكالهم ودخلو مع امهم والكل سكت يراقب جمال واناقة رحمة وبناتها وفخامة ملابسهم ومجوهراتهم الكل كان يتمنى ياخذ ياسين لبنته بس ياسين قلبه مع نورة البنت اللي شافها ببيتهم وهي مع اخواتها وانبهر فيها قبل سنة تقريبا كانت كل ماتجي مايطلع من البيت يسوي انه عنده شغل وينتظرها لن تدخل المجلس ويروح من ورى البيت ويراقبهم ولا راحت يستغفر ربي ..
الحب يولد اغبياااااء ههههههههههههههه
.................................................. .............................
بدأت الطقاقة تغني لاهل العريس اللي كانو يسلمون على الحريم بالاستقبال دلوهم على طاولتهم وجلسو البنات اما رحمة ف قعدت مع ام نورة تستقبل الضيوف ..
دق ياسين على نسرين اخته كان يبي يدخل لنورة بس محد قال له ف طلب منها تشوف الاوضاع كانت نسرين رايحة لغرفة العروس وقبل ماتفتح الباب سمعت الكلام اللي كانت ودها تموت ولا تسمعه ..
.................................................. .............................................
نورة تصيح : خلاااااص كافي ماابي ماتفهمون ماااابي اتصور معه
لطيفة اخت نورة الكبيرة بعصبية : بلاش تخلف ودلع لا اسطرك الحين ي متخلفففة ي غبية دخلي زوجك يتصور معك لا يفهمونا اهله غلط
نورة تكمل صياح : انتو غصبتوني عليه قلتو فلوس وفلوس وحياة رغيدة وفوقها جراح وراتبه حلو ووافقت عشان اطلع من القرف اللي انا فيه بس والله مااقدر اتصور معه تكفووون افهموني انا احب طاررق مااحب هالادمي
لطيفة : طيب ي تبن فهمنا ماتحبينه خليه يتصور معك ماقلنا شي صور ي سخيفة صووور بس
نورة : هالفلبينية اللي وراك بتخليني المسه ويلمسني واقرب منه وبتخليني اسوي حركات غبية معه
نسرين داااارت فيها الدنيا ورجولها نممملت عطش مفاجئ وظهرها صلب
معقوووووووووووولة باقي ناس زس كذا ؟؟
لقت اتصال من ياسين كانت تبي تصيح ف اخوها وتقول له يفتح عيونه ويبطل العمينة اللي هو فيها .
ياسين : الوووووووووو
نسرين : ............ ياسين
ياسين : وش فيك ذا كله تضبطيني ... عموما خلاص ي قلبي تو اخوها سالم قال لي ادخل ..
نسرين بدمووع : طـ...يب
ياسين قفل من اختته حس فيها شي بس كان مبسووط عالاخير ومااعطى اهمية
.................................................. ...........................................
نسرين تجري على غرفتهم سحبت عبايتها ولبستها بسرعه وحطت الشيلة على اكتافها ورجعت لغرفة العروس وفتحت الباب باقوى ماعندها وكان ودها تسب وتسب وتسسب بس سكتت لما انفتح الباب الثاني اللي هو من الغرفة عالشارع لمحت وجهه .. ابتسامته . كان فرحاااان وطالع بنورة بعيون مشتااقة وهي صدت بسرعه ..
نسريين رمت طرحتها على وجهها ووقفت يم لطيفة كانت نورة واخوها وياسين يتصورون ونسرين تطالع نورة ولطيفة اللي كانو يطالعون ف ياسين وكانه مشروع انقاذ من الوضع المتدهور اللي كانو عايشين فيه .. طبعا هذي كلها احاسيس نسرين الخاصة ولا كانت نظرتهم طبيعية
.................................................. ..............................................
خلص سالم وطلع رمت نسرين عبايتها بسرعه وظلت تراقب اخوها .. الفلبينية خلصت الصور العائلية وشوي طلبت من الكل يطلع عشان العروسين ياخذون راحتهم بالصور البرايفت
لطيفة بتوتر وبهت لونها : وش تقصدين بالمسلسل
نسرين بقرف : سمعت كل شي بينك وبين هالعقربة اختك وبسكت مب عشانكم عشان اخوي .. وصدقيني واللله مراح يطول هالموضوع بلقى طريقة واقشكم فيها ي الزبايل .
لطيفة اللي مالقت ولا كلمة شممقت بنسرين ومشت ..
.................................................. ....................................
انتهت المصورة .. بدات الزفة وياسين طلع برغبة من نورة عشان اختها تبي تساعدها بالفستان ومافيه احد بيساعدها الا هي ياسين ماحب يضايقها ووافق لها طبعا كله كذب من نورة بس عشان لا ينزف معها ويبان الضيق عليها ..
بدت موسيقى لبيتهوفن ورعشة سرت ف جسم نورة .. رجعت لورى وقامت تصيح ام ياسين وام نورة ضموها تحت نظر نسرين اللي كان ودها تصيح ف امها عشان تشيل يدها عن هالقذارة ماقدرت تتحمل الموقف وراحت لغرفتها تصييح
.................................................. ............................
مشت الزفة على خير وتمت زفة العربية اللي كانت 5 عربيات .. وحدة كلها حلاو سويسري فخم والثانية كان فيها هدايا لام العروس والثالثة كان فيها طقمين ذهب وواحد الماس الرابعة كان فيها مجموعة من العود والعطور الكمبودي المعتق والزيوت العطرية الهندية وبخور اماراتي ومرشات عطور فرنسية وسويسريه والخامسة كان فيها علبتين هدايا للعروس عبارة عن اجهزة وطقم الشبكة والدبل وباقة ورد كبيرررة دخلو الحريم للعشا ودخل ياسين عشان يلبسون الدبل خلصت السهرة على خير والبنات راحو لغرفتهم عشان يلمون اغراضهم ..
.................................................. ..............................
رحمة مفجوعة : طيب فهد قال لك شي هاوشك ؟
نسرين تشهق : لا يمممة بس تعبانة ودي ارجع البيت ..
رحمة ضمت بنتها وقامت تسمي عليها وتقرا وبنات نسرين يبكون مع امهم
رحمة لبناتها : السواق ماجا ؟
ود : الا بس بابا يقول لا تنزلون الا اذا قلت لكم .. هاه شوفيه يتصل
.................................................. .............................................
رجعو البيت ونسرين وصت جوهرة على بناتها ودخلت غرفة ود وعلى حمامها عبت البانيو موية بااردة ومكعبات ثلج كبت نص الشاور جل باللليمون وقامت تحط زيوت عطرية وطقم زيوت مهدئة جا لود هدية من صديقتها من الهند
رمت بنفسها بالبانيو وغمضت عيونها والدمووع تجري
.................................................. ............................
ود وجوهرة جلسو بالمطبخ وبينهم صحن فطائر ومعجنات وكوبين شاهي وطاحو حش ف الملكة وخلق الله وضحكهم مالي البيت



تعديل جنة عشق; بتاريخ 28-08-2013 الساعة 06:02 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 28-08-2013, 06:03 PM
صورة جنة عشق الرمزية
جنة عشق جنة عشق غير متصل
©؛°¨غرامي جديد¨°؛©
 
الافتراضي رد: رواية روحك خمري الحلال


رحمة بعد ماحممت اسامة عمره 4 سنين قرت عليه عشان ينام وهي قلبها مقبوض على بنتها نسرين
الابو دخل للنوم وياسين بعد ماحاول الف مرة يدق على خطيبته ماردت عليه قال اكيد تعبانهه من الملكة تحمم وصلى الفجر ونام
.................................................. ..................
ود وجوهرة مفجوعات ومبققات عيونهن : وشفييييييييييك نعمة ربي حرام
نسرين اللي كانت تكب صحن المعجنات بهستيرية بالقمامة ولا تكلمت بحرف .. قرفانة من ملكة اخوها ومن ضيافتهم وماتبي أي شي منهم يدخل بيتههم طلعت لغرفتها وقفلت على نفسها الباب ضمت بناتها وصاحت لين نامت .
صباح اليوم الثاني بمنطقة بعيييدة .تحديدا بالرياض . كان بيت بنت خالة ام ياسين متوشح بالسواد .. النوافير تقفلت وبوابات الفيلا كلها مفتوحه تستقبل المعزين في وفاة الاب عبدالعزيز زوج فاطمة بنت خالة رحمة
قسم النساء كان يضج بالانين والنحيب .. الكل انفجع بموتته كانت نتيجة صعق كهربائي بالليل و بوسط المطر ولده الكبير مشاري واخوه يزيد كانو باستقبال المعزين وعيونهم حمررا من البكى
.................................................. ..................................
رحمة تبكي : ..............
عبدالله : لا حول ولا قوة الا بالله ان لله وان اليه راجعون
دخل ياسين مفجوع : مين مات
عبد الله : عبد العزيز بن سعد
رحمة : تكفون ودوني لفاطمة مالها بعد الله ثم بناتها غيري
ياسين فتح البي بي بسرعه وشاف حالة مشاري ويزيد وصقر ولد عمهم وحس انه نشف تماما .. مو مصدق انه كان فرحان امس وفيه مصيبه صايرة
حجزو لاول رحلة عالرياض وراحو ..
.................................................. .....................
ود بدموووع: ريم حبيبي خلاص ي روحي ورربي مايهون علي اشوفك كذا خلااااص
ريم : رااااااااااااااااااااااااح ي ود راح الغالي
ود تبكي وريم تبكي دخلت عليهم عزة .
عزة بصوتها المبحوح : ريم جهزي ملابس لميساء عشان تودينها لها
ريم منهارة : لا تجيبين طاريها لي هي السبببب هي الحقيررررة اللي قتلت ابوي
عزة وود كانو يحاولون يهدون ف ريم للي كانت منهارة عالاخير ..
.................................................. ..................
ياسين وصوته متهدج : مشاري
مشاري : ..........
ياسين : مشاري الله يسعدك عالاقل قوي نفسك عشان امك مسكينة نشفت من الصياح تكفى
مشاري : خلص العزا ي ياسين ومو مصدق ان ابوي رااااح بهالطريقة
ياسين : مايصير ي مشاري لا تعترض على حكمة ربك .. قول الحمدلله وارض باللي قسمه ربي لكم ... يالله روح عند الخالة فاطمةوهديها متاكد ان امي زادت الطين بلة هالحين ..
مشاري وهو قايم : ماعليك امر كلم يزيد يروح المستشفى ويدفع تكاليف العلاج ..
ياسين باستغراب : مين ؟
مشاري بقرف : اختي
ياسين ماكان فاهم شي بس هز راسه بتفهم ..وراح يدور ليزيد ..
.................................................. .................................
بعد اسبوع ..

بالملحق كان يطل عالاسطبل الجو بارد وريحة القهوة فايرة بكل مكان
ود: اش صار بالضبط انا ماني فاهمة شي
جوهرة : اللي فهمته من البنات ان ميساء طلعت تغطي حصان توه مولود عن المطر .. وخالي عبدالعزيز الله يرحمه لحقها خايف عليها من الصواعق .. داس بالظلمة على سلك مكشوف والله يرحمه
ود: طيب وش ذنبها بالاخير كله قضا وقدر يالله ورربي انا قرفت من هالسالفة اللي على كل لسان رواية شكل غير كلمتي نسرين قريب ؟ ماكلمتها من الملكة
جوهرة تهز اكتافها وتشرب من الحليب الحار : حتى انا حوسة العزا اشغلتني
دخلت فاتن البنت الكبيرة لعبد العزيز كانت لابسة بلوفر ابوها ووجها رايح فيها من البكى
.................................................. ............................
ود : كيفك فاتن اليوم
فاتن تفتح باب الثلاجة وتخرج التوست : ....................
ود احترمت صمت فاتن واشرت لجوهرة وخرجو للصالة الداخلية
كانت ريم تبكي وتهز من القهر
ريم : هذي المفروض عالسجن تروووح عالسجن موعالبيت
رحمة : ي ريم ي حبيبتي انا ساكتة كل هالوقت مراعاة لكم بس الحين عاد خلاص افهميها اختك مالها ذنب .. طلعت تغطي الحصان وابوك هو اللي لحقها .. واذا بتحقدون على احد ف عندكم المزارع اللي ما شال آلة العشب ولا صلح الواير حقها
ريم بعصبية : ليتها هي اللي داست عليه وماتت .. طول عمره ابوي يحبها اكثر مننا كلنا وشوفي النتيجة ي خالة ..
رحمة مسكت راسها وتنهدت ..
ود : ريم تعالي معي حبيبتي اذا ماتبين تشوفينها تعالي لللغرفة
.................................................. ......................................
بالمستشفى كان جسم ميساء يرجف من كثر المهدئات والعطش ذبحها تبكي ابوها اللي ماودعته تبكي الغالي اللي شافته ينفض قدامه تذكر الموقف كل ماغمضت عيونها ..
كان المطر شديد .. على صلاة المغرب ميساء نزلت الحوش تغطي جواد صغير انولد اليوم اللي قبل كانت خايفة عليه من قوة المطر خصوصا ان الفرس اللي ولدته ودوها للبيطري استغلت وقت الصلاة قالت اكيد الحارس والمزارع راحو يصلون نزلت بسرعة البرق لمحها ابوها اللي كان رايح للصلاة ناداها وماسمعته ..
عبد العزيز : ميساااء مايصير ونا ابوك تطلعين بالصواعق ي ميسااااء
ميساء اللي اخيرا انتبهت لصوت ابوها لفت عليه : بابا بس ابغى ....
كانت تشوف ابوها ينتفض بطريقة غريبة صوته اسنانه وهي تصك ببعض بينه وبينها متر وشوي بس ماقدرت تمشي من الصدمة .. ارتمى جسد ابوها عالارض وصوت عاااالي طلع .. ريحة حرق كهربائي السلك كان يطلع دخان وابوها يطلع من ظهره دخنة خفيفة مشت لعنده بشويش وتردد
ميساء برعب ورجففة كبيرة : بــ..ــابا
كانت مو قادرة تلمسه من الخوف .. غرقها المطر .. حاولت تصيح بس صوتها اختفى تماما كانت تقوم وتقعد مهسترة وتدووور تمسك راسها وتلطم خدينها ..
بصعووبة طلع صوتها اخيرا وصرخت بعالي الصوووووووت : لاااااااااااااااااااااء
.................................................. .................................................. ..
غمممضت بقوووة وغطت راسها تنتفض ليه ياربي خليتني اشوف موتة اعز خلقك على قلبي ليه ياارررب .. احتاجت امها وابوها .. مافيه احد مسكت حلقها كان يوجعها من كثر مابكت وصاحت .. ضمت نفسها بقووة ماتبي زيادة ابر وحبوب تعبت خلاص

عالمغرب بالسيارة يزيد وياسين اخذو ميساء وراجعين للبيت .. كانت ترتجف مثل الطير الجريح مالقت طول هالايام من يطبطب عليها ولا يعزيها مالقت غير حضن السرير الابيض البارد كانت تشهق شهقات مكتومة تبكي ابوها تبكي اهلها وقساوتهم معها هي مالها ذنب ان ابوها يحبها لهالدرجة .. كانت تعاني من عين بسبب جمالها كوابيس تطاردها الم ف كل مكان من جسمها وكان ابوها دايم يحضنها ويقرا عليها لين تنام ..
.................................................. ..........
ياسين : وقف هنا شوي
يزيد وقف عند صيدليه وطلع ياسين ,, يزيد لف على ميساء
يزيد بتردد : انتــ..ــي بخخخـــ...يـر ؟
ميساء : ..............
يزيد بصعوبة مسك يد اخته كانت مثل الثلج وترتجف بقووة
ميساء : تعبانة ي يزيد ليه محد جاني المستشفى ابوي وينه ليه راح وخلاني .. بترموني صح . بترمووووني ؟ بتودوني مستشفى الصحة النفسية ي يزيد ؟
يزيد بحزن عممميق : خلاص نتفاهم بالبيت
....................................
ياسين دخل وبيده حبوب ناولها لميساء وبصوت هادئ وجاد : ذي وصفتك داومي عليها حسب الجدول عشان لا يصير ادمان او حالات انهيار .. ويابنت خالي انتي مالك ذنب ف شي ومحد له يد بقضاء وقدر ربي .. الله يريح الجميع
........................................
ميساء حطت راسها عالقزاز ودموعها تجري كانت ماسكة فمها بقووة وتبكي بكتمة .. تحس انها فعلا قتلت ابوها هي عارفة انه راح يلحقها ولا اهتمت .. فجأة قامت تلوم نفسها وتبكي ..
دخلو الفيلا وزي ماهو متوقع محد كان في استقبالها امها ماكانت بوعيها .. تقوم تهذي باسم زوجها وترجع تنام .. اخوانها نص حيادي ونص يلومها وكاره وجودها
ياسين : يزيد انا بروح للغرفة انام شوي انت روح مع اختك لاتكونون كلكم عليها .. كلكم لقيتو من يوقف معكم ويهون عليكم الا هي ..
يزيد هز راسه باستسلام : ان شاء الله
ياسين : مهما كان دوس على هالشعور شوي يلا رح الحقها ..
.............................................
ميساء اللي دخلت الفيلا بحذر ,, كانت تمشي بشويش وكانها خايفة تدوس على قزاز منتثر .. تبكي وترجف ,, طاحت عالارض وصاحححت باقوى ماعندها صاحت صيحة زلزلت كل المكان قامت تلطم بنفسها وتبكي وتصيح .. عزة وفاتن جرو عليها حاولو يمسكون ايدينها بس عبث كانت اقوى منهم ريم تراقب من بعيد ودها تضم اختها بس مو قادرة تنسى الفكرة اللي كونتها عن اختها الصغير شفايفها كانت ترتجف باسم اختها .. ميساء
فاطمة سمعت صياح بنتها ونزلت ورحمة معها ود وجوهرة راحو يجرون للصالة ووقفو بعيد عشان يزيد ..
ميساء تصيح : بااااااااااااااااااااااااابااااااا لا ترووووح كانت تطالع بمكان محدد وكانه فعلا ابوها قدامها
فاطمة طاحت عالارض تبكي ورحمة تبكي معها الكل كان منهار .. رجعة ميساء فتحت كل الجروح اللي ماالتئمت زين والبيت كان حالته مأساوية حتى الخدم صاحو لين قالو بس
.................................................. ......

دخل شهر رمضان .. كان بمثابة البلسم على جروح كل عايلة فاطمة رحمة ماتركت فاطمة وبناتها رغم انها تحسنت كثير انقضى نص الشهر وقرروا هل ياسين يرجعون عشان العيد ومراسم الزواج
.................................................. ........
ياسين : طيب اوك حبيبي تامريني ب شي من الرياض
نورة بدلع : اممممممم ايه ابي تجيب لي قميص رجالي على ذوقك .. ابي من أي ماركة يمدحون ماركات الرياض احسن من جدة
ياسين مستغرب : لمين ؟
نورة بكذب بااارع: بصراحة حبيبي لسالم اخوي .. توظف توه ومو عارفة اش اجيب له قلت جيب له على ذوقك انت مني ومنك
ياسين : ابشررررري كم نورة عندي
نورة بملل : وححححدة يلا حبيبي امي تناديني
ياسين : اوك وسلميلي عليها
نورة لقت طارق انتظار : طيب سلام
قفلت بوجه ياسين اللي فعلا انصدم منها .. بس قال يمكن تستحي منه
دق على نسرين وماردت عليه ودق على امه ..
ياسين : يمه الرحلة بكرا المغرب مو تنسون
رحمة : طيب حبيبي كلم ابوك يستقبلنا بالمطار مافيه احد يجيبنا
ياسين : طيب بس قولي لود ترسل لي اقرب لابتوب الله يسعدك .
رحمة : لابتوب ؟ ليه مااكدت الحجز ؟
ياسين : الا يمة بس بغيت اطلب اشياء من برا
رحمة : اهاا طيب هالحين نرسل لك
ياسين كان متحممس وهو يختار هدايا سالم اقمصة من مختلف الماركات وشوزات وعطور وايباد فور وشغلات كثير .. كانت يد عاللاب توب ويد ماسكة الجوال ينتظر سالم يفتح الخط عشان يبارك له ..
.................................................. .....................
لطيفة : انتتتتتتتتتتتتتتتتي وحدة منتهية متخلللللللللللللللفة ياربي وش بتسوين فينا انتتتي كيف تكذبين هالكذبة ..
نورة بخوووف وهي تمد جوال اخوها للطيفة : تكففففففففففففففين صرفيه ي ويلي لو رد سالم عليه واكتشف اني كذابة وربي بروووح فيها
لطيفة : وربي متهورة وسافلة
: هلا ياسين
ياسين باستغراب ورجع يطالع الرقم : الو ؟
لطيفة : ايه هلا سالم ناسي جواله فيذا ورديت اسفة بس شفت الاتصال مطول قلت يمكن شي ضروري امر بغيت شي ؟
ياسين : اااه لا معليش شكلي ازعجتكم .. بس بغيت ابارك له بالوظيفة قالت لي نورة ولله تو ادري باركي له عني وان شاء الله اقابله اذا رجعنا لجدة بكرا
لطيفة : مااتقصر ان شاء الله يوصل ودرب السلامة انت والاهل
قفلت لطيفة من ياسين اللي رجع يحوس في اللاب .. حب نورة اعمى قلبه تماما .. مو شايف عيوبها الكثيرة .. ويحط لها الف عذر .. تصوروا انه اوقات تقفل بوجهه الاتصال .. وهو يعذرها عادي .. مستحيل يزعل من حب قلبه .
نورة طبعا كانت طالبة هالهدية لحبها طارق اللي عيد ميلاده بعد اسبوعين بالضبط ..كانت مطمنة انه مستحيل ياسين وطارق يتقابلون .. طارق اخو صديقتها وياسين ولد جيرانها .. ف متطمنة تماما انه مراح يشوفون بعض






تعديل جنة عشق; بتاريخ 28-08-2013 الساعة 06:09 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 28-08-2013, 07:09 PM
صورة جنة عشق الرمزية
جنة عشق جنة عشق غير متصل
©؛°¨غرامي جديد¨°؛©
 
الافتراضي رد: رواية روحك خمري الحلال


ف بيت نسرين .. طلعت لزوجها بالصالة .. كان يشوف التلفيزيون جلست بعيد عنه .. هالايام اخلاقها شينة ومتهاوشة مع الجميع حتى نفسها متهاوشة معها فهد كان طول الوقت يطالع فيها .. حزين وزعلان وده يضمها ووده يكفخها ووده يسوي اشياء واجد
نسرين مسرحة بالتي في وتاكل اظافرها : لا تطالع كذا
فهد : مابتقولين لي وش هالطنقرة وش القصة حتى كنا نبي نصوم اول اسبوعين بتركيا وكنسلنا عشان هالمود اللي ماتبين تقولين لي وش سالفته
نسرين قامت وراحت لعند رجول زوجها حطت راسها على ركبه : تعبتتتتتت ي فهد تعبت
فهد بحنان : اش فيه طيب علميني وبطلي عبط يالله يمكن تلقين الحل عندي
نسرين : .................
فهد حضن زوجته : اذا ماودك تقولين اكتبيه طيب .. اكتبي لي بالواتس ولا ايميل ولا مسج أي شي .. المهم ماتسكتين كذا بتنفجرين وبننفجر معك
نسرين هزت راسها وتمت تبكي بحضن زوجها ..
فهد ونسرين عيال عم تزوجو عن قصة حب طوويلة فهد بارد ويحب الفلة والونس ونسرين كانت هي الصارمة والعصبية بس كانو مثل السمن عالعسل ومستحيل يتهاوشون قدام بناتههم
.................................................. ................
دخلت ود لغرفتها .. فصخت العباية ورمتها عالارض طلعت لها بيجاما عنابي حرير .. من يوم هي بالطيارة وهي توعد وتحلف انها بتنام النومة اللي تحلم فيها
عبت البانيو موية وزيوت جسم مع موية البابونج وتمددت حطت على عيونها كمادات اكليل الجبل ولمت شعرها على خفيف ارسلت للكل عالواتس تهديد ووعيد اللي بيزعجها بتنسيه اسمه
دق الجوال ..
ود بعصبية : خخخخخخخخخخخخير
يارا : اعوذ بالله منك محد يقدر يكلمك وججججع
ود تضحك من خشمها عشان القناع : كيفك ي تبن وحشتييييني وينك ماجيتي الملكة
يارا : بلا ف شكلك قال وحشتك دوبك كنت حتاكليني . ابد خالتي مارضت لي تقول وراك زواج روحي تقضي له اصرف لك
ود : تحدد زواجك ؟ خاينة ماتعلمين ؟ طيب ي يارا طيب
يارا : ي عفن ي عبط مو انا داقة عليك عشان اقولك اسمعي دحين انتو ف جدة باقي ؟
ود : يب رجعنا اليوم من الرياض وبنرجع للرياض على نص شوال كذا ليه ؟
يارا : امممممممم عشان ابغاك تنزلي معايا عشان نشتري الملابس العيب
ود : هههههههههههههههههههههههههههههههههههههههههههههه وشو ؟
يارا بعصبية : الملابس البرايفت ي تبن محد فيه ينزل معايا ولو ايه ماانزل مع خالتي وسام حموت من الحيا
ود : ي معفنة ونا ماخذتني ليه , يعني بالله شايفتني منحرفة
يارا : الصدق ايوة منحرفة وحتجي معايا خلاص قولي طيب تكفين
ود تضحك : طيب ههههههههههه خلاص اكلم اهلي وارد لك .
يارا : قولي لهم بس ماتقولي انه بنشتريها يعني قولي بتساعديني وبس
ود : طيب ي بنت الحلال ا شبي عاد بتهور واقولها خلاص بردت بقوم البس واصلي المغرب ونتقابل بالردسي
يارا : لا ماابغى الردسي يشوفوني الشباب ومعايا الاكياس والله مايتركوني ف حالي
ود : هففففففففففففف طيب اجل وين
يارا : ماعرف نروح كل مكان الا الردسي وترا بتتعشي معايا كلمت خالاتي
ود : طيب خلاص علم
يارا : اصلا انتي شي جميل مرررررررا ونا احووووووبك وانقلعي يالله خلصي وقولي لي اش يصير
ود : ي بعد عيني والعيون كلها ي ياراتي هيه تقلعي اشوف
يارا : مع السلامة
ود : ف حفظ الباري
ود ضحكت على صديقتها المجنونة .. صديقة الطفولة وبنت جيرانهم ف الرياض من بنات المدينة اهلها توفوا ف حادث قبل سنتين وبتتزوج قريب من ولد خالتها اللي اخذتها عندها وربتها مثل بناتها وارسلت ولدها لبعثة برى وكانت ناوية تزوجها له وتستر عليها


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 28-08-2013, 07:43 PM
صورة جنة عشق الرمزية
جنة عشق جنة عشق غير متصل
©؛°¨غرامي جديد¨°؛©
 
الافتراضي رد: رواية روحك خمري الحلال


مافيه ردود تشجع وكذا ؟؟

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 28-08-2013, 08:14 PM
صورة جنة عشق الرمزية
جنة عشق جنة عشق غير متصل
©؛°¨غرامي جديد¨°؛©
 
الافتراضي رد: رواية روحك خمري الحلال


طيب بنكمل ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 28-08-2013, 08:28 PM
صورة جنة عشق الرمزية
جنة عشق جنة عشق غير متصل
©؛°¨غرامي جديد¨°؛©
 
الافتراضي رد: رواية روحك خمري الحلال


في بيت الخالة فاطمة ..
فاتن تصيح ف اولادها : كلو لا افقع وجيهكم الحين
عزة : فاتن سلامات ؟؟
فاتن : اص انتي ولا كلمة مالك شغل ..
عزة : طيب شوي اخلاق لو سمحتي لا تصيحين عالبزورة قدامنا
فااتن بصياح : انطمممممي مو عشان ربي مارزقك بالعيال تقومين تسوين فيها عادي .. ماعمرك جربتي قلقهم وقرفهم هيا اسكتي ولا كلمة
عزة انصدمت من كلام اختها كيف تتجرأ تقول لها كذا هي عارفة ان المشكلة كانت من زوجها او بالاصح طليقها ..
عزة انسحبت من الصالة بكل هدوء ولحقتها ريم
.................................................. ............
ريم : والله عشان المرحوم تلقينها تعبانة نفسيا .. معليش راعيها بعدين توأم وقرفهم وصراخهم
عزة باندفاع : طيب انا ماقلت شي بس لا تصيح عليهم حتى احنا نفسيتنا تعبانة ومانبغى نسمع اصوات عالية ..خلاص قفلي الموضوع , مو مهم بنتحملها اصلا بكرا بتروح بيتها اسمعيني .. زواج ياسين ولد خالة رحمة , بنحضر ولا كيف ؟
ريم : والله انا عني مستحيل احضره اصلا حتى العيد ماني معيدة عند عمامي بجلس هنا بالبيت روحو انتو اذا تبون
عزة : لاخلاص مراح احضره انا بعد ...بروح لامي اشوف كيفها
.................................................. .......
عزة دخلت لغرفة امها كانت على السجادة تبكي ومعها القران ..
عزة : مسا الخير .. كيفك اليوم ؟
فاطمة ببحة عذبة وابتسامة : مسا النور . الحمدلله , كنت بجيك بعد الصلاة بغيت اقولك نروح التراويح سوا شرايك ؟
عزة : طيب بس خذي ادويتك لا تنسينها
ميساء دخلت على امها واختها كان التعب مالي وجهها : بتروحون التراويح ؟
فاطمة بحزن كبييييييييير على بنتها كانت تشوفها تذبل قدامها عزة مسكت اختها اللي كانت تترنح .. وجهها ذبل تماما ونحفففت اكثر .. صارت تخرع بمعنى الكلمة مجرد عظام تتهاوى .. حتى شعرها كانت لامته طول الوقت وتبكي
ميساء بصوت باكي : تكفون بروح معكم
عزة : وين تروحين كذا ؟ بتطيحين من اول ركعة
ميساء : بصلي جالسة .. والتفتت على امها وبكت اكثر : تكفين خذيني معك
فاطمة قامت لبنتها وحضنتها : باخذك معي وبنصلي التراويح والتهجد بعد بس ممكن تتماسكين شوي عشاني
عزة ماتحملت تشوف دلوعة البيت واخر العنقود بهالحالة .. كانت ضعفانة جدا .. حست تجاهها بمشاعر كثيير كره مشوب بشفقة وحزن تركت غرفة امها وراحت غرفتها تتوضا وتجهز ..
.................................................. .......................
ود : انتي تبن والللي يطلع معك تبن مثلك هيه
يارا تصر على اسنانها : ود قلنا ملابس عيب .. بس مو كدااااااا .. اش دا شريطة ولا ايش
ود تسحب يد يارا بقوة : نزلي يدك قاعدة تقلبين بها فالهوا والناس تطالع حسبي الله على الشيطان .. امشي ناخذ الملابس الداخلية اول عشان تتعودين على منظر المشخلع .. بعدين نرجع لها الله يصبرني عليك
يارا : افففففففف طيب بتشجع واشتريها بس من جد مو عارفة كيف البسها قدامه
ود : بلاش هبل زايد .. الاخ كان برا وشاف هالاشياء على الطبيعه باشكال والوان .. اوك استحي ماقلنا حاجة بس دوسي على نفسك شوي
يارا : امري لللللللللللللللللللله اهئ اهئ
ود: هلا ياسين
ياسين : ايوه ود اسمعيني معك مري على اقرب محل تشوكليت .. ابغى علبة كويسة كذا وتملي العين بوديها لاخو نورة
ود : طيب فيه على طريق بيتهم .. فيه شوكولاين
ياسين : انا لسى بحلق وباتحمم وبعدها باقي اروح المستشفى عندي تطبيق صغير مايمديني والله بزحمة جدة
ود : طييييب تامر امر يالعريس
ياسين : يخليك لي .. يالله اشوفك بالبيت لا تنسين تكفين
ود : ان شاء الله .
.................................................. ..........................................
بالجامع الكبير .. صوت ياسر الدوسري يسري بالقلوب .. يطمن بكلام الله ان لا حزن ولا كدر الا وبعده يسر ونقاء .. ان استمسكوا بالعروة الوثقى والتزموا بحبل الله ..
ميساء اللي طاحت من كثر ماتبكي كملت صلاتها جالسة وهي تردد امين امممين
فاطمة وبناتها يوم سمعوا جزء الرحمة على اموات المسلمين انهاروا تماما وبكو من قلوبهم .. ميساء حست انها بتدوخ من كثر ماهي تعبانة .. خلصت الركعة الاخيرة من التراويح وطلبت امها تكلم يزيد يجي ياخذهم مايمديها تتحمل للتهجد ..
.................................................. ....................................



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 28-08-2013, 11:54 PM
صورة جنة عشق الرمزية
جنة عشق جنة عشق غير متصل
©؛°¨غرامي جديد¨°؛©
 
الافتراضي رد: رواية روحك خمري الحلال


بعد ماقفلت ود من اخوها طالعت بالساعة كانت 12 وشوي وبكذا انقضى اليوم 28 من الشهر الكريم وبدت تجهيزات العيد رحمة توجه الشغالات .. هالمرة العيد بيكون ببيت العم عبدالله ف جدة بما انه تحدد الزواج خامس العيد .. ف كانت الخطة انه الكل يجتمع ببيت ابو ياسين جوهرة راحت تحجز الورد وصحون الحلاو
.................................................. ..................................................
بعد ماخلصت ود كم شغلة ناقصتها للبس العيد وهي داخلة رن جوالها ..
ود : هاه ي ياسين بتجيب جوهر......
: الوووو .. ي اختي انتي تعرفين صاحب هالجوال
ود بدت اطرافها تبرد : اخوي .. انت مين ؟
: ي اختي هالجوال كان مع اثنين نقلوهم لمستشفى ...... صار عليهم حادث .. واحد فيهم توفى الله يرحمه والثاني نقلوه ماعرف مين فيهم بالضبط صاحب هالجوال
ود : ...........................
: الوووووووووووووو
ود طيحت الجوال وبصيحة وحدة فزعت كل البيت :. يممممممممممممممماااااااااااااااااااااااااااااااااا ااااااااااااااااااااااه
بممرات المستشفى الطوويلة رحمة تجري وتشهق وعبد الله بثوب البيت ووجهه اسود وفهد راح للرسيبشن يسأل جوهرة ونسرين يسندون امهم ويبكوون وصلو لغرفة العمليات وانتظرو النيرس قالت لهم للحين ماتعرفو على هوياتهم لان البطايق المدنية مو موجودة معهم وان باقي ساعتين لين تخلص العملية بس بامكانهم يشوفون جثة الشاب الثاني اذا يبون يتأكدون . . بنفس الوقت وصل اهل صاحب ياسين للمستشفى تلاقت عيون الاباء كل واحد كان حزين عالثاني وماوده ولده يموت بس كمان ماوده يفقد ضناه .. اصعب موقف مر على العائلتين .. قلب رحمة كان بيتقطع .. ولدها عريس .. ماتبي تعيد من دونه .. النيرس طلبت من اولياء الامور هم بس اللي يدخلون .. رحمة وعبدالله كان هذا اطول ممر يمشونه ف حياتهم دخلو لغرفة ضيقة كلها ثلاجات وفتح الحارس الثلاجة رفع الشرشف عن الجثة .رحمة طاحت عالارض ...
.................................................. ...................................
ف بيت فاطمة ..
ميساء تحاول تثبت نفسها مشت للحمام وفتحت الدش ووقفت بملابسها كانت محتاجة لشي يضرب فيها بقوووة قوت الموية وخلتها على وجهها .. دق الباب وماسمعت .. ريم تراجعت لغرفتها وتركتها كانت تبي تتكلم مع اختها من شهر ونص وهي ماجا بينها وبين ميساء كلام ..
ميساء خلصت شاور لفت الروب وغاصت ف روم الملابس مستحيل ترتبه .. وماترتاح اذا ترتب طلعت لها بيجاما ولفت راسها ببندانة سمت بالله خذت حبوب الاكتئاب قبل لا تتحمم وبدا مفعولها .. لدرجة انها ماسمعت صوت طق الباب من عزة اللي كانت تبي تبلغها بالفاجعة الثانية اللي صارت لاهل ياسين ..
.................................................. ...........................................
ف المستشفى ..
عبد الله كان ساجد لله شكر تم على حالته يمكن 7 دقايق قدام الجميع .. ابو صاحب ياسين كان منهار تماما ومو عارف وش يسوي وانقض على ابو ياسين يصيح فيه .
: انت االسبب .. انت وولدك الله لا يبارك لك فيه .. الله لا يهنيك بشوفته عساه يلحق ب عادل ولدي
عبد الله كان ساكت ومحترم حزن ابو عادل ..
رجل الامن : يالاخو الله يرحم ميتكم بس مايصير اللي تسوونه .. هذا مستشفى وصياحكم واصل لاخر الممر ومسبب رعب للمراجعين والمرضى ..
ابو عادل وهو يضرب كف بكف ويبكي : لا حول ولا قوة الا بالله .. خسرت ولدي وحيدي .. الله لا يبارك بولدك .. هو اللي جا واخذ عادل من البيت .. هو السبب
عبد الله لحق النيرسز اللي اخذو رحمة بسرير على الطوارئ وكان قلبه متقطع على عادل .. صاحب ياسين من المتوسط .. مستحيل ياسين بيرضى على نفسه .. اكيد بيتعذب وبيتقطع قلبه ف خسارة صاحبه اللي كان مثل الاخو بالنسبة له


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 28-08-2013, 11:56 PM
صورة جنة عشق الرمزية
جنة عشق جنة عشق غير متصل
©؛°¨غرامي جديد¨°؛©
 
الافتراضي رد: رواية روحك خمري الحلال


ياالللله عااااااااااااااااد اتمنى اشوف اي رد .. حتى لو من المراقبين

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 29-08-2013, 01:41 AM
صورة آلمنسية الرمزية
آلمنسية آلمنسية غير متصل
©؛°¨غرامي فعال ¨°؛©
 
الافتراضي رد: رواية روحك خمري الحلال


وااااااااااااااااااااو قسم بالله مرررررررره خطير البارت
تحمست كثير بس احس اني متخربطة من شخصيات الروايه
ممكن تكتبين كل عايله ومن اولادها وكذا
وبلييز كبري الخطه ومتى تنزيل البارت

وااااصلي ان شاء راح اكون من متابعينك

رواية روحك خمري الحلال

الوسوم
خمري الحلال
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
الاستثمار في الأغذية الحلال سيصل 10% في السنوات القادمة ليدي12 أخبار عامة - جرائم - اثارة 5 26-08-2011 11:51 PM
ابي فزعتكم رائد الغريب سجل الأعضاء - للتواصل بين الأعضاء 7 22-05-2011 09:38 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2048 11-03-2011 01:54 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
الجمال الظاهري رصيد قابل للافلاس يوما ما عدنان 22 مواضيع عامة - غرام 4 02-08-2007 01:36 AM

الساعة الآن +3: 06:01 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1