غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 30-08-2013, 05:54 AM
صورة بوح الحزن الرمزية
بوح الحزن بوح الحزن غير متصل
©؛°¨غرامي مشارك¨°؛©
 
الافتراضي رواية كبرياء الجرح /بقلمي


بسم الله الرحمن الرحيم ..


السلام عليكم ورحمه الله وبركاته ..


صــبآح/مســـآء
الخيـــــــــر


أحبتي أنا اليوم أعود لكم بروايتي الثانيه (كبريــــــاءء الـــــــجــرح **) ونا كلي أمل بتوفيق من الله وحدهــ ثم أنتم بوقفتكم معي بكل لحضه لحد النهايه أنها تنال رضى من الله ثم رضاكم .. وناا حبيت بالأول أدعوكم وأدعوو كل من يحب بوح الحزن أو عربجيات كلهم أنوثه أنه يكون بالموعد وهو ألاحد بتاريخ 25/10/1434هــ وهو أن نلتقي على بركه الله في أول بارت لروايتي الثانيه كونوا بالموعد أحبتي ...



ملاحظه بسيطه(أنا أقبل النصيحه والنقد لاكن بذوق غير كيذا مابي ونا هالروايه متحمسه لها ف ما أبي ببساطه اي شي يقلل من حماسي لها لانو هالروايه مختلفه عن سابقتها بالمررهـ وأنا كاتبه أحب البساطه بالكتابه والغموض والحزن فــ أتمنى تتقبلوا هالبسساطه وممكن وبليز وياليت ماتحكمون علي ولا على روايتي من البارت الاول لحد مايتضح لكم وقتها لكم حريه الرأي .. دمتم بخيرر )

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 31-08-2013, 02:30 AM
صورة بوح الحزن الرمزية
بوح الحزن بوح الحزن غير متصل
©؛°¨غرامي مشارك¨°؛©
 
الافتراضي رد: أحبتي يروق لي مروركم ... على موضوعي


**** :(


ما أشوف ردود تعطيني أصرار وعززيمه على تنزيل البارت !!!

لا كيذا ح ززعل لاتخذلوني :) ممكن !؟

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 31-08-2013, 02:45 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: رواية كبرياء الجرح /بقلمي


صباح الخير ... ياهلا فيك بغرام ... حبوبة كيف تبغي تفاعل وردود وانتي مانزلتي بارت ولا اعطيتي القارئ اي نبذة عن روايتك ... لازم تنزلي بارت حتى يكون في ردود وتفاعل ...نزلي بارت بسرعة حتى لاتغلق الرواية

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 31-08-2013, 04:05 AM
صورة بوح الحزن الرمزية
بوح الحزن بوح الحزن غير متصل
©؛°¨غرامي مشارك¨°؛©
 
الافتراضي رد: رواية كبرياء الجرح /بقلمي


اقتباس:
المشاركة الأساسية كتبها وردة الزيزفون مشاهدة المشاركة
صباح الخير ... ياهلا فيك بغرام ... حبوبة كيف تبغي تفاعل وردود وانتي مانزلتي بارت ولا اعطيتي القارئ اي نبذة عن روايتك ... لازم تنزلي بارت حتى يكون في ردود وتفاعل ...نزلي بارت بسرعة حتى لاتغلق الرواية

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا
هلاببك حبيبتي طيب انا حبيت ان الكل يعرف موعد نزول البارت لجل يكون في تفاعل واحصل ردود وانا محدده اليوم وانا اللي الان جالسه اجهز اول بارت فــ اللي كنت مفكره فيه هو أن كل من ينتظر بوح الحزن يعرف بالموعد وحتى اللي مايعرف بوح الحزن يكون منتظر وبس واذا عن البارت بحاول انزله على الساعه 9 الصباح ...

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 31-08-2013, 09:10 AM
صورة بوح الحزن الرمزية
بوح الحزن بوح الحزن غير متصل
©؛°¨غرامي مشارك¨°؛©
 
الافتراضي رد: رواية كبرياء الجرح /بقلمي


بسم الله الرحمن الرحيم ,,,

حبايبي هالبارت اول بارت لي القصه لسى بالبدايه او امكن لسى ماا ابتدت هذا البارت يحتوي احداث
راح تضيف لي بالبارت الجاي وراح تقريباا تبين لكم نوع روايتي وترى البارت هذا ماراح يظهر فيه
الا كم شخصيه الابطال الاساسيين البعض في هذا البارت والبعض في البارتات القادمه والأغلبيه ماظهروا
البارتات القادمه راح تكون مختلفه لان كل شوي بتتضح اكثر واكثر ... لا تسرعون بالحكم قد تضلمون الروايه ..
قراءة ممتعه أحبتي .
^
^
^

كبرياءء الجرح ,,

^
^
^
^
(البارت الاول)

التوقيت (5:20)العصر

جالسه بالمطبخ على الارض تتغداء من امس وهي هاربه بالنوم ولا أكلت ,سمعت صوت رن جوالها لفت حوالينها تدوره تأففت لما حست أن الرن وقف كملت أكل اخذت الكولا وششربتها حطت يدها على بطنها حست انها شبعت شالت سفرتها وأكلها وغسلت صحنها ومشت متجهه تدور جوالها رجع رن جوالها ركضت لمكان توقعها وفعلا حصلته مرمي عند فراشها محل نومها رفعته وهي تلهث من الركض كشرت بأستغراب من المتصل
قررت تطنش لو كان المتصل يبي شي ضروري كان رجع واتصل رجعت طالعت فراشها وشالته وحطته بالدولاب ورتبت الغرفه وشالت فراش أمها ومشت لغرفه الجلوس وشغلت التلفزيون وحطت مخده قدامه وأنسدحت وضلت تقلب بالقنوات لحد ما أستقرت على مسلسل سوري قاطع أندماجها صوت الجوال رفعته حصلت نفس الرقم ردت بهدوء:ألوو

:السلام عليكم

:وعليكم السلام

:كيفك ي شوق

:الحمدلله بخيرر بشريني عنك أنتي

:أنا الحمدلله أقولك

:امريني

:مايأمر عليك عدو بس ياليت تخبري أمك قولي لها أم طارق تعزمك بكرى بقاعه الــ ...)مسوين حفله بسيطه بمناسبه ملكة طارق

سكتت شوي تستوعب ..ردت بهدوء:مبروك ويوصل أن شاء الله

:الله يبارك فيك وعقبالك ويالله مع السلامه

:مع السلامه

بعد ماسكرت الخط ضلت تطالع الرقم حست بغصه وأبتسمت بهدوء :كان الله في عونك يا ريم

غمضت عيونها وهي تستعيد المكالمه حرف حرف تنهدت وفتحت عيونها على الاصوات اللي ملت البيت فجاءه بعد ماكان هدوءء ,عدلت نفسها وجلست وهي تعدل روبها وتشوف امها وخواتها داخلين ومعاهم اغراض وقفت سلمت على امها وباست راسها ويدها قربت من ريم اللي تنزل عبايتها وضمتهاا بمرح:هههههه طلعت احبك ونا مدري ياختي البيت مايسوى بلاك

جاء صوت من خلفها :نعممم ونا ياختي ماكاني معهم اتحداا اذا مافقدتيني اكثر شي

لفت لها وضمتها من الخلف لانها لفت تنزل عبايتها:هههههههه حتى انتي ولا تزعلين ,وبعدت عنها وطالعتهم بحب :كيف عمرتكم

رد عليها صوت التعب واضح فيه:الحمدلله ميسره عسى الله يتقبل يارب

الجميع:ياررب

بصوت مبحوح:شوشو قلبي بالله المخده عطيني ياها

فزت واقفه وراحت اخذت المخده وحطتها لاختها وعيونها تراقبها وهي تتعدل بهدوء وكسل وتنسدح وتغمض عيونها وتغط بنوم عميق جلست عندها وحطت كفها على راسها وغمضت عيونها وبدت تقراء اذكار المساء مثل ماعلمتهم وحفظتهم من صغرهم وكل شي تقوله تنفث عليها وعلى اختها اول ماخلصت فتحت عيونها لفت حصلت الغرفه ضلمت والشمس بدت تغرب وضوها يختفي من الغرفه والتلفزيون مسكر عرفت ان امها سوت كل هذا وساره شالت الاغراض وراحو للغرفه الثانيه عشان ترتاح ريم لفت على اختها وابتسمت بألم وحديث يدور بداخلها"شلون راح تستحملي اللي بقوله قلبي يقول لا تخبري امك على العزيمه وعقلي يقول الا لازم الكل يتقبل الامرر أهــ يالله لطفك "

باست جبين اختها وقامت تجيب لها لحاف وعلى طلوعها صادفت ساره جايه ومعاها اللحاف سحبته منها ورجعت لاختها غطتها عدل وشالت عبايتها المصفوفه جنبها وشنطتها وقامت وسكرت الباب وخرجت اول ماحست انها برى الغرفه اخذت شهييييق وزفييرر حست ان قلبها بدى يخونها وينكسر وهي اللي ماتبي تضعف وريم محتاجه منها قوه وسند يعونها استغفرت ربها وتذكرت ان وقت المغرب مو زين وبدت تكثر من ذكر الله وراحت لغرفة الملابس موجود فيه دولاب كبيير كل العياله ملابسها هينا حطت اغراض ريم بترتيب وسكرت الدولاب وسكرت نور الغرفه وطلعت من الغرفه وهي طالعه سمعت اصوات امها وساره من الغرفه اللي جنبها ابتسمت ومشت للمطبخ مقرره تسوي قهوه وشاي وبتحط شي خفيف اكيد انهم جوعانين وفعلا بدت مهمتها حطت مويه على النار وعلى ماتغلي بدت تفتش الثلاجه وطلعت جبن وزيتون ومربى واللي فيه الخير وووزعتها بصحون واخذت البندوره والخيار وبدت تقطعها والخسس وسوت سلطه سريعه ورجعت سوت الشاي والقهوه شي اساسي قاطع سرحانها بترتيب الصحون بصينيه كبيره عشان توزعها على السفره صوت ساره وهي تقرب من وراها بحماس:يالله ياخي انا ويلوموني فيكك يوم اقول احبكك شف خلهم يجون يشوفون الدليل مسويه اكل ونتي عارفه اني بطق جوع

ضحكه بهدوء:ههه ساره مو عشانك جايه من سفر دلعتك حبتين تنسين نفسكك

سحبت الصينيه من يدها وهي تتأفف:خلاص خلاص لاتخافي ماراح انسى المهم الحقيني بالشاي والقهوه وبعدين ترى مافتتني قبل لا نوصل جننت فهد وابراهيم الا ينزلوني بقاله ونزلت جبت اللي يحبه قلبك مع القهوه هههه

ومشت تاركه شوق تجهز الشاي والقهوه وهي مبتسمه على حركات ساره وشويتين لحقت اختها وصادفت سالم داخل الشقه :وقتك حلو تعال مسويه شاي وقهوه

سالم رفع عينه لها بعد ماكان حايس بثوبه يدور على جواله:اوكي أتوضى ولحقك

ابتسمت له من صغرهم ابوهم رباهم على ان الوضوع شي اساسي مع كل صلاه وحتى بدون صلاه لان الواحد مايدري متى يموت وفـ يموت وهو على وضوءء احسن "الله يحسن خاتمتنا وخاتمة جميع المسلمين "تمتمت بأمين ومشت للغرفه حصلت ساره مجهزه السفره والعيش جلست وحطت الصينيه جنبها :عوافي يالغاليه ساره هاتي بسكوت باكله مع القهوه لاني متغديه

:الله يعافيك يمه وبعدين كلي لك لقمه مو قهوه على طول

ساره بمقاطعه :ييمه الله يسلمك وش تاكل احنا احنا اللي ماكلنا وبعدين ماتخافين تخلصه علينا واصلا هي ماكله صدقيني

ورمت على شوق بسكوت بعد ماحاست الاكياس ,شوق اخذته وهي تضحك:سوويرر اهجددي وكلي قبل لا فعلا اخلصه عليك

جات بترد وشرقت بالشاي :كككككح ككح ككح وججع يابنت ارحميني وبعدين وش سويرر استحي انا اكبر منكك

قاطعهم سالم اللي دخل وسلم على راس امه ويدها:عمره مقبوله يالغاليه

:امين يارب

جلس بالجهه المقابله لساره ويمين شوق :بالله شااي بسرعه

:شوي شوي وين على الله توها مخلصه صلاه المغرب ارتاح

اخذ الشاي من شوق وشرب شوي وطالع ساره:ونتي وش لك وبعدين ترى للحين قافله معي يوم انك رحتي معاهمم وانا اقول لك لا وتعاندين

طالعته بعصبيه:بالله تسستهبل تبيني اتررك ريم وهي بحاججتي وهي اللي اصرت اروح معاها

شوق تبي تهدي الوضع مالها خلق هواش ساره وسالم اللي مايهداا ابد :خلاص مو وقته المهم ماشفت فهد وابراهيم

رفع نظره لشوق :الا تقابلنا بصلاه المغرب بس فهد ابوي قاله يوديه عند عمي حمد (العم حمد مو اخو ابوهم لا عم ابوهم )

:عند العم حمد غريبه لايكون تعبان بس

:لا يمه الله يخليه لنا بس تعرفين ابوي كل خميس المغربيه يروح له بس صار له فتره ماراح له وعمي حمد يسال عنه

اخذت نفس وقررت تتكلم :أسماء اتصلت علي اليوم

كلهم باستغراب:ليــــــه !؟

ضلت تفرك كفوفها ببعض :تقول قولي لأمك ام طارق تعزمها بكرى على عشاءء مسوينه بمناسبه ملكة طارق

صمت عم على الجميع بس الكل حس أن فيه شخص نبضات قلبه تعلن وصوله لفوا عليها ببقلق بس التبلد كان هو قناعها

دخلت بهدوء وقربت منهم وجلست بين ساره وشوق :صبي شاي

الكل بدى يتلبس قناع مثلها بس هي التبلد وهم البرود صبت لها شاي واخذته بهدوء وبدت تاكل

ريم امكن الكل يشوف التبلد واضح لاكن هالتبلد يخفي بركان جواها تخفيه ضلت تلهي نفسها بالاكل وهي ماهي حاسه لا بطعم ولا بشي ااساسا

الكل صامت بعد دخولها المفاجئ لهم وبدو ياكلون صوت جوال سالم قطع عليهم الصمت طلعه من جيبه شاف الرقم وحس الللقمه وقفت بحلقه

كان المتصل طارق رفع عينه وطالعهم جات عينه بيعنها الذابله بدون شعور نزلها بسرعه يحس لو طول شوي يبكي من نظرتها من عيونها منها

كلها يحس ان اللي قدامه وحده كل شوي تذبل اكثر لحد ماتموت ماهي ريم اختهم وامهم الثانيه الورده ابدد اللي قدامه مختلفه لف للجوال وعلى

اخر لحضه رد بهدوء خاف يقوم ويشكون ففضل انه يرد:الوو

صوت هادئ بارد مكسورحزين اللي يسمعه بيقول هالشخص يحمل كل الأسى :سلام

أنصدم من نبرته مستحيل ماينتبه ويحس هالشخص رفيق دربهم اخوهم الكبير صمت شوي ورد:وعليكم السلام والرحمه

:كيف الحال بشرنا عنك

:بخير نشكره ونحمده انت وش علومك

:الحمدلله .. احم انا متصل ابي أأكد لكم انكم بكرى معي حناا أخوان ياسالم وعيال عم مايفرقنا شي

:على خير على خير لاجاء بكرى لكل حادثًَ حديث

صمت بهدوء وهو كان متوقع هالرد :طيب يالله تامر عللى شي

:سلامتكك

:فمان الله

:فمان الكريم

سكرالجوال وحطه جنبه وكمل اكل وباله مشغول

الكل من رن جوال سالم كانو يراقبون المكالمه وفعلا مايحتاج لها ذكاء عرفو المتصل من كلمه بكرى ومن اسلوب سالم كان كافي

ساره تبي تشغلهم قررت تفتح اي موضوع :أيش رايكم بكرى نروح نتمشى ونشوي ونقول للبنات يجون والله فكره بدل الطفش

سالم ولأول مره يؤيد ساره:فكره ليش لا خلاص أنا باخذ امي وعمتي وفهد ياخذكم

شوق بحماس للفكره وللتغير :والله حلو خلاص انت عليك كلم فهد وأقنعه مو يقول عندي مشوار ومدري أي وأنا بكلم بدر يجيب بنات عمتي لانهم بيستحوون يركبون معك

ساره ضحكت بجد وهي تتذكر:ههههههههههههههههههههه ههه اوه فكرتيني بــ ليلى لما تقول على سالم الهيئه

شوق ضحكت هي الثانيه :ههههههههههه ولا مريم هههه ايش .. لحضه نسيت وش مسميه سالم هههههه ااي افتكرت وكاله ألأنباء

سالم تحمس وضحك:ههههههه ليه عاد وكاله الانباء عشان مره علمت محمد انكم رحتو البقاله بنص الليل تستهالون اصلا اللي جاكم من متى عندنا بنات يروحون بقايل والله كل ماتذكرت ودي افجر فيكم

ساره كشرت :اف اف ليه ياسااترر وبعدين البقاله مو بعيده شبرين بس أنتو مدري وش تحسون فيه والله مالوم مريم وليلى فيك

:بنت احترمي اخوك اللي اكبرر منك وعلى البقاله والله أنكم تحمدون ربكم انه كنا بزواج انا وعمتك ولا كان ماتسلمون منا

الكل ماعداا ريم :ههههههههههههههههههههههههه

دخل عليهم ابراهيم :سلام أخخخ ورمى نفسه وانسدح على فخذ امه

سالم ناظره :خيرر وش فيك وبعدين أنا استغرب بصراحه فيه احد يجي من سفر وعمره بعد هلكان ويبي النوم يروح يلعب كووره ياعالم ماهي بالعقل

ساره وشوق:هههههههههههههههه

ساره تأشر على أبراهيم: هذا المخلوق انا غاسله يدي منه اي شي اتوقعه منه

ضحكوو كلهم على كلامها وابراهيم قام يستهبل معهمم ولانه اساسا انسان بارد اخر همه يعصب وينكد على نفسه

وحتى ماحسوا بالمخلوق اللي قام وخرج من الغرفه ,ريم من اتصال طارق وهي تحاول تصبر نفسها لدرجه حست انه الاكسجين ضاع اختنقت

راحت للغرفه الاخيره اللي بينها ويبن الغرفه اللي اهلها جالسين فيها غرفتين دخلت وسكرت الباب أتجهت لركن الغرفه وراحت وجلست تحس انها ودها تحضن حالها ماتبي شي بس تبي تطفي النار اللي جواها تبي تحضن حالها امكن تطفي النار شوي وفعلا لمت رجولها لصدرها وحطت راسها بين رجولها تخفي وجههاا اللي فاضح كل مشاعرها تبي تحس بالأمان اللي ضاع تبي تحس بالراحه اللي أنسلبت منها تبي تحس بالفرح اللي أنسرق منها بس وينها وينها وهي كلها بيده هو هو اللي معه الأمان والراحه والفرح وكل شي هو اللي حسسها بذا كله وهو اللي اخذها شلون تردها ماتدري شلون ترجع مثل قبل ماتدري هي تحس بالضياع .... فلتت يدها من ضم رجولها ورفعت راسها بهدوء مسكره عيونها تمنع دموعها النزول تمنع عيونها النظر وتفضح شوقها تفضح حبها اللي راح طلعت أهــ مكسوره تحسها جرحت حلقها من مرارتهاا حست صورته قدامها ماتختفي وهو بكل حلاته كيف تروح وهي عاشت معه أحلى 7 سنين من عمرها بدون شعور ولاتماسك ولا صبر بدت شهقاتها تطلع بدا أنين قلبها ينفجر وعيونهاا تزيد دمع وألم غطت وجههاا بكفوفها ورمت نفسها على الارض تبي ترمي الجبل اللي فوقها لاكن من يزيحه عنها ممن ؟؟


كان شخص يحس بنارها من تسكر الباب عليها وهو خلفه يبكي بكاها من سمعت صوت بكاها يعلى وهي يدها على الباب بتفتحه لاكن صوت من خلفهامنعها :ساره اتركيها صدقيني دامها طلعت اللي حابسته بترتاح هي تمر بصدمه خليها الله معها الله ياساره الللي احسن مني ومنك

انهارت بحضن شوق :ريم انكككسرت ياشوق واللي ينكسر صعب يرجع مثثل قبل انا ابي ريم ياا شوق ابيهاا ترد مثل قبل وططز بطارق واللي خلفه

ابتسمت بألم :الحمدلله على كل حال مقدر ومكتوب والله,واتركي عنك السب وبعدين ترى من حقه يتزوج وحده تجيب له عيال ونتي عارفه ريم ما تقدر تخلف وهو قال ريم لها البيت والقدر والحشيمه وماني ضالمها لا هي ولا الثانيه

دفتها ودموعها عادمه الرؤيه عندها:انتي مستووعبه اللي تقوليه ياههبله هذاا خان العشرره وخان حت حبهم لبعض ونتي تعرفين قد ايش ريم وطارق يحبون بعض من هم صغار وحتى ماصدق طارق توضف والله وفقه جاء وملك وكانو بالنسبه لي مثال الزوجيه وفجاءه يروح يتزوج
طيب اذا عن العيال في شي اسمه علاج ليه مايسافر هو وياها وتتعالج ليه يعني فقد الامل يالله يالله ياا مقسااه انا كرهته وكرهت جنس الرجال ككلهم

ومشت وتركت شوق بدووامه تنهدت "يالله يارحيم اللطف ف ححالها وفينا يارب" اخذت نفس وتقدمت للباب وحطت يدها على مقبض الباب وترددت وشالت يدها وراحت تصلي العشاءء..


************************************************** *******************
التوقيت 9:30العشااء

مجتمعين على المباراه ومتحمسين على الاخرر .....

جالسه مع اخوانها وهي متحمسه معاهم وبس شغاله نكد عليهم هي ومريم وهم اكثر من مره طردوهم من الغرفه ويرجعون وعلى هالحال

:ليلللللللللللى والله شوفي حلفت ان شفتكك بعد ثواني انت والخبله غغيرر تندموون

:خلاص خلاص والله تووبه اصلا انا مالي شغل هي الووسخه تززعجني تتكفى والله مابي افوت المباراه

طالعتها وهي تضحك :ههههههههههههههههه لا باقي كم دمعه ويحن عليك اقول قومي ببس لك كرامه بعد تطلبينه قومي خلينا وقربت منها ومسكت وجهها وقربت فمها من اذن مريم وهمست لها:قومي بكلم امي نروح لبيت خالي اكيد متنكددين ف نروح ونغير لهم جوهم ونغير احناا بعدد وبعدت عن اختها وهي تغمز لها :هااه وش رايكك

طالعت باختها وضحكت:ههههههه اوكي قومي ... وقامووا مع بعض متحمسسين بس ... صرخه وقفتهم

:وووين طاسين هههاه

لفت وهي معصبه على طريقه كلامه :بببببببدر لاتجلس تننككد راييحين لبيت خالي خالتي وريم وساره رجعوا من مكه بنسلم عليهم ونتطمن على ريم

لف بدون شعور لخواته:قولي قسسم تبوني اووصلكم ترى ماعنندي شي

ناظر اخوه وهو مستغرب جراائته:أسسستح على وجهك واحترمني وبعدين لا تطولون الناس تعبانه جايين من عمره

ردت وهي ماشيه ماعندها وقت :طيب ططيب

تحمسوو وخرجوا من الغرفه ... لف لبدر وهو منقهر :على ايش اسستحي شايفني وش وبعدين لاتجلس تقلل من احترامي قدام البنات انك الكبيرر وكيذا ترى حتى انا مافي فرق بيني وبينكك تدري كم عممري اللحين ونت تصغرني 29 يعني ماله داعي ونا ساكت لك من زماان يابدرر عن ككل شي اخرهم استهتارك معي كاني اصغر عيالك ماكأن الفرق بيني وبينك سنتين فققطط فــ لووسمحت احترمني لجل يحترموني هم بعد

طالع بأخوه وأبتسم له :ماعاش من يصغرك ونت رجال بس خلاص انا هذا اسلوبي لاتجلس تدقق وتتحسس ولا ههه عشان خلاص قربت تعجز بدت المشاعر عندك تزيد وتتزعل على طول

لف للتلفزيون ولا رد على اخوه ...

تنهد وكمل يتابع المباراه وبباله لازم يقنع اخوه ان اللي يفكر فيه غلط صمت دقايق وبعدها:سلطان

بدون لا يلف عليه :نعم

تأفف بداخله من اخوه اللي سريع الزعل :ادري وش اللي بداخلك بس بقول لك كلمه أنساها يا سلطان

لف بقهرر :أنت على كيفكك تحكم وتقرر ترى انت اللي بديت هالشي وماراح اخليك تنهيه ابدد فااهم وهالموضوع اططلع منه وبعدين مو على كيفها هي قال ايش ماني مواافقه اااصلا تحمدد ربها اني قلت ابيهاا ولا والله احلف لا اسووي اللي برااسي

تضايق من هجومه اللي غير مبرر له : أنت اللي لاتحكم وبعدين انا مابديت بشي لجل انهيه انا فقط كنت اقنعك لاني شفتك مناسب لها بس وبعدين خلاص لاتكون كيذا متحجر البنت ماهي موافقه خلاص اننسى يالله منكك ليه تكبرها وبعدين هالرفض صاار له سنين انسى وعيش واقعك

طالعه بقههر :تددري اطلع ابررك لي

وفعلا اخذ مفاتيحه ومحفظته وطلع

كمل المباراه وحس بضيق تو الجو حلو ومتحمسين وضحك بسررعه انقلب الجوو ..مسح جبينه واستغفر ربه وقرر يكملها لوحده


اما عند البنات فجهزوا ولبسوا وبالموت قدروا يقنعون امهم اللي مافحالها ومن هاللكلام واللي خلاها توافق هي ان الموضوع يخص ريم حبيبتهاا

وطبعا قرروا يروحون مشي لان البيت مو مره بعيد توكلوا على الله ومشوا متجهين لبيت خالهم ..

************************************************** ***********************
وصلوا العمه والبنات وشوق وساره وامهم وحتى ريم فرحوا بجيتهم ..

مجتمعين بالغرفه ..وجالسين على الارض والقهوه والحلى وقلوب صافيه كافي لجل تكون الجلسه حلوه ..

جالسه معاهم وهي تحس روحها احلى وتحسنت شوي مع ان الضيق موجود بس بعد ماا أنهارت وطلعت اللي بقللبها والعمره بعد كانت سبب رئيسي بتغيرها لان من عرفت بالموضوع وهي كاتتمه ولا انفعلت ولا حاجه من قوة الصدمه أن طارق يخلي وحده ثانيه تشاركه فيه كانت أقوى صدمه تلقتها بحياتها ..رجعت لواقعها ولفت نظرها موضوع انصدمت انه مفتوح بدون شعور عيونها بحثت عنها ماحصلتها حمدت ربها بس خافت انها من سمعت الموضوع قامت لفت لمريم اللي متحمسه وتسالها ردت بهدوء:بس ولو يامريم البنت لسى جروحها ماطابت لجل تفتحون الموضوع هذاا

مريم كشرت:انا ووش سويت اللحين كله عشان قلت عقابلك وانا صاددقه يعني تبي تعننس وهي توها صغيره مية وااحد يتمناها

ليلى بجديه :بس هالمية ياممريــم وينهم جيبي واحد وبعدين يصير خيرر

سكتت ماقدرت تقول شي وهي تسمع هالكلام عن بنات اخوها وقطعه من روحها اللي ربتهم من تربية بناتها تنهدت بضيق ورفعت عيونها لمرة اخوها واختها واللي عمرر جمعهم ماهو بسيط :ياا أم سالم هونيها وتهون وأن الله اذا احب عبدا ابتلاه وش تبين اكثر

رفعت عينها لاختهاا واخت زوج لو تدور الدنيا ماتحصل مثلها :الحمدلله على كل حال ونا ماني معترضه على حكمه ربي لا والله بس مابي اشوفهم مكسورات

ريم رفعت عينها لأمها:يمه فديتك لا تشيلين هم شي انا وهذا قدري وشوق وساره بعد مكتوب لهم كيذا والحمدلله اشوفهم تمام بالعكس وبعدين شوق قويه حتى لو الموضوع كبير اللي مرت فيه بس كانت قويه ولا انكسرت مثل ماتقولين وساره هي اللي معنده ولا همها احد وعاجبها وضعهاا

ساره ضحكت :ههههههههههه يييمه لايكون تبين تزوجيني غصب وتفتكين مني لاكن بقولها بوجهك قاعددده على قلبك تصدقون بنات كنت معطيه نفسي امل ومعطيتكم انتم بعد انو راح اتزوج لاكن المصيبه اني كرهت الررجااال فهذا دليل كافي اني معنسه هههههههههههه

البنات ضحكووا معاها

العمه عصبت :وليه من متى مقرره تعنسين حضرتك اقول لممي لساانك وحمدي ربك اني سساكته لك للحين ولا كان علمتك السسنع وزوجتك

ام سالم وهي تضحك :ههه على ايدكك زوجيها لاني تعبت منها

ليلى تحمست :يااخخبله والله تزووجي عشان يكون فيه عررس وحمماس عاد نقوم انا ومريم نكشخ عسى يجي لنا عريس

مريم تحمست هي الثانيه :اي تكككفيين بس شوفي خذي واحد كيذا يعني شلون اووصف .. قاطعتها ليلى

:مممهم ومزيون وغننني لان اكيد بيجون اللي من نفس طبقته وعاددد ايش يصيرر

كملت مريم:يخطبوووووونااا هياااااااااا هههههههههههههههههههههه

ليلى ضربت كفها بكف اختها وهي تضحك:ههههههههههههههههههههه

طالعت ببناتها بغيض على كلامهم :ياجعلكممم للصلاح غصبن عننكم ياللي ماتسستحون تبون تعرسون هاه اللي يقول محد دق باابناا ونتوا اللي ترفضون

دخلت شوق وهي تضحك :هههههههههههه تستاهلون محد قال لكم تتفلسفون

وجلست بين ريم وعمتها واخذت الثلاجه من عند ساره وصبت لها فنجال تتقهوى

ساره طالعت بمريم وليلى :اللحين يافالحات اقصد يااوسخات تبون تزوجوني للمصلحه

ليلى ومريم مع بعض:أعووذ بالله

كملت مريم :لا الله يسامحك ماقصدناا كيذا قصصدناا ...قاطعتها ريم

:خلاص خلاص مالك داعي تبررين قصدك وفهمنااه ونتي لاتعرسين انتهييناا

الكل ضحك على القصف اللي جاء مريم وخلاها تتفشل..

طالعتهم بغيض :اللحين يعني مره دمك خفييف ياست هاننم قسم لو مو اني عارفه اش بيصير لي اذا علمتك كيف تقصفين الجببهه كان صرتي بخبرر كان

قاطعتهم شوق بعد ماكانت لاهيه بالجوال :اي بنننات تو ذكرني سالم لاتنسون ترى بكرى من العصر بنطلع نتمشى وبنشوي وحركات يعني نغير جوو شوو رايكم

ليلى بحمماس نطت وباست راس امها :طلبتتك طططلبتككك ياابنت ممسفرر لا ترفضضين اعرفك عرق النذاله يطق فيك وقت الطلعات

دفتها امها بعصبيه :اي ياللي ماتسستحين تقولين لي نذله هااه والله ... وصررخه من الكل كانت ككفيله بأسكاتهاا عن التكمله

مريم اللي كانت جنب امها مسكت كفها وبدت تبووسه :يافديت روحك يالغاليه ماله دااعي الحلفان ذا الله يصلحك ولا تنكدين بأذن الله طالعين طالعين

ضحكت ام سالم على كلامهم :ههه الله يهديكم ويأم بدر واللي يحفظك ياليت تفكين عقدك من الطلعات وبعدين ترى من زمان ماطلعنا خلينا نروح ونغير جو

لفت على مرت اخوها :حححتى انتي قلبوا مخكك طلعه ماافي تبون تغيرون جوو السطح حقنا وش زينه جيبوا عفشكم واطلعوا له

كلهم بملل وقهر :لالالالالالالالالالاءءء

اللي تكلم اللحضه كان اكثر واحد يبي هالطلعه كانت ريم:ياعممه واللي يسلمك والله ان صدورنا ضاقت من البيوت وبعدين السطح الجيران حولنا صح انه مو كاشف بس اصواتنا وماناخذ راحتنا

ساره تحمست على كلام ريم :اي اي صصح والله وبعدين تدرين بنروح البرر اي البر محد حولنا بننبسط والله

ليلى بأعترااض:البررررر لالالا ماحب اقعد بضللمه

مريم بقههر وكانت قريبه منها ضربتها على راسها :ياااخبله بننشغل لك ضوور ينور البرر كله بس انطممي

ليلى بوزت بقههر هي تبي تتطلع بس ماتحب البر لانه مضلم ويخوفهاا هه

شوق ابتسمت لليلى لانها تعرف بنت عمتها قد ايش تكره الضلمه فقررت تأكد لها :لولو قلبي ووعد مني اكلم سالم وفهد يتصرفون بموضوع النور ولا تزعلين

رمت بوسه في الهواءء لشوق:وه يااجعلني مااذوق حزنكك قوولي امين

ضحكت بهدووء كــ شخصيتها اللي تنتممي للهدوء والرقه اكثر شي:ههههه امين ياقلبي

قاطعتهم مريم وهي تتكي على فخذ امها وتمد رجولها على حضن ليلى والبنات قدامها :اللحين ابي أعرف ياسست شوق انتي صغيرره والمفروض شخصيتك تكون شخصيه الهبله اللي جنبك والهبله ذي تاخذ شخصيتك لانها اككبرر بس ليه العككس مدري

ليلى دفت رجولها من حضنها وطالعتها:واللحين وش له هالكلام التافهه ذا ولا يعنني قلت شي وااو مره يضحك ولا وش يعني بفهم

عدلت جلستهاا ودفت ليلى :لانه لماا اجلس معهاا ولا اسوولف استححي من ننفسي صراحه واحيانا ادووخ

الكل ضحكك اكثر شي على ادووخ

سارره طالعتها :وليه ياقلبي تستحين وتدووخين بالذاات تدوخين هذي لييههه !

هينا ام بدر وام سالم قرروا يقومون يجلسون بالغرفه الثانيه ابرك لهم من رجت البنات

هينا مريم استغلت ان امها وخالتها ام سالم قاموا عدلت جلستهاا وردت على ساره:لان بككل صراحه استحي ان وحده بسني كيذاا رااكزه ومحترمه وكلامها فيه ثقه يعني استحي يوم اشوف نفسي هبله عندها وادوووووخ"ومدت يدينهاا على وسعها وغمضت عيونها تعبر عن شعورها ههه" يوم اسمع صوتهاا وهي تتكلم ولا طريقتها يعني تخليني أخقق عندهاا قسسم وغيرت نبرت كلامها بنبره عصبيه وهي مكشره وأشرت على ساره عككس ذي الخبله اللي من تخلص احسني مصدعه من رجتهاا وكمان من غباائها يعني تتعبني لين اقنعها وفهمها

هيناا فطسوو ضحكك على ساره اللي قامت على مريم تحذف عليها الاشياءء وتسب فيهاا :ياخاايسه ياحماااررررره عادد من زينك انتي ياهبله ياااااا .... هينا شوق قدرت تسيطر على نفسها من الضحك وضمت ساره من ورى وحطت يدها على فمها تسكتها :بببس ههههههه بس اررحمي لسانكك

اما مريم ماحصلت الا حضن ريم ترمي نفسها عليه وكانت فاططسه ضحك على عصبيه ساره

ليلى اخذت المويه حقت امها وشربتها لانها انكتمت من الضحك :ااح هههه والله العظيم انك خبله بجد يعني تخخقين هااه هذاا انذارر لك ياشوق اننتبهي لنفسك منهاا

شوق وهي مستمره بحضن ساره من ورى بس بعدت يدها :ههههه اهم شي بس ترى بقولك معلومه عممر الشخصيه ماترتبط بالعمر

مريم رفعت راسها من حضن ريم :طيب طيب بس بالله فكيني من النصاايح والمعلومات اللي مكتفيه منها قسمم

ريم كانت مصصنمه قدام جوالها وعيونها تقراء حرف حرف بألم ولا هي حاسسه بشي حست ان كل اللي حسته خف عنها من قهر والم وضيق رجع اضعاف اضعافه من هالررساله اللي جاتها على الواتس طالعتها وغمضت عيونها ماتبي احد يححس وفتحت شافت الكل ساكت يطالعها مستغرب من هدوئها ابتسمت بتوتر :اش فيكم

ساره بهدوء:ابد بس يعني هدوئك المفاجئ

قاطعتها بسرعه:عاددي كنت منسجمه برسايل الواتس لي فتره مافتحته بس

سكتوا كلهم وهي قامت بهدوء :بروح المطبخ تبون شي

كلهم :لاء

طلعت من الغرفه وعلى طول شوق بقلق:الله يستتر اخاف يخص طارق

ساره حست بضيق موطبيعي تنهدت وغطت وجهها بكفوفها وحركتهاا اجبرتهم يطالعونها بخوف ..

ليلى بقلق:سوسو تبكين !

ساره هزت راسها بلاء وهي على وضعها ونزلت كفوفها بهدوء وطالعتهم وعيونها غرقانه دموع :ماعرف ماعرف وش اقول او حتى وش اسوي لاكن الله حسيبك ياطارق بس هذا اللي اقدر اقوله

كلهم سكتوا بحيرهه ...

بالمطبخ اول ماوصلت فتحت المويه وبدت تشطف وجهها اكثر من مره ماتتتبي تبكي ماتبي تبكككي وتضعف اذا هو تزوج بكيفه لاكن حتى انا بكيفي ابي الطلاق بالطيب بالغصب ابيه ... سكرت المويه واخذت المناديل من الطاوله ومسحت وجههاا واخذت لها كاسه وفتحت الثلاجه وصبت لها مويه تبرد عليها نزلت الكاسه بالمغسله وراحت للطاوله واخذت جوالها ورجعت قراءة الرساله وهي تختنق هالمره بعد الرساله حسسته حقير سافل حسسسته رخخخيص ححيل غمضت عيونهاا وضغطت على الجوال بكل قوه عندها :يالله صبرك وعفوك ياررب

رمت الجوال على الطاوله وخرجت من المطبخ متجهه للبنات صادفت فهد توه داخل البيت :فهدد

لف لها ووقف :هلا اسمع اصوات فيه احد

ابتسمت له واضح انه يدور النوم :شكلك تبي النوم اوكي بقول للبنات يطلعون من الغرفه ونام واحنا بنجلس عند عمتي وامي بالمجلس

طالع فيها بشك :كنتي تبكين

ابتسمت له بتوتر: لا اي اقصد لا وش ابكي بس اي احتريت وشطفت وجهي بس

ابتسم لها وكره نفسه لانها سالها :اوكي بالله عجلي عليهم لاني احسني بفقد التركيز من النوم

مشت بسرعه وهي تبتسم له وعلى طول وصلت للبنات :بنااات قوموا يالله بسسرعه

كلهم طالعوا بعض مستغربين ..صحوا على صررخت ريم :تحرركووا شيلوا الاغراض فهد بيناام هيناا

كلهم مع بعض :بببببسسس

رفعت راسها وهي ترفع الصينيه من الاررض :اي ببس اجل وش متوقعين وقوموا خلصوني الولد بيموت من النوم وتعالو المجلس

طلعت تاركتهم يتحلطمون على انهم مافيهم حيل يتحركون ومن هالكلام ..

طبعا قاموا كلهم واتجهوا للمجلس كملوا سهرتهم مع ام سالم وام بدر

وفهد راح ورمى نفسه على طول بدون لا مخده ولا لحاف ماعنده وقت ...


وبعد تقريبا فتره من السهره العمه وبناتها راحوا للبيت والبنات على طول ناموا تقريبا على الساعه 1 اللليل ..


************************************************** *********************
التوقيت 2:40 الليل

دخل مفتاح الشقه وفتح الباب بخمول ودخل البيت وسكر الباب وراه نزل صندله ومشى بتعب وصل الصاله وفتح الانوار مشى للطاوله وحط المفاتيح والجوال والمحفظه ومشى خطوتين لأطول كنبه ورمى نفسه عليها اخذ نفسس عميق بس ماقدر ياخذ زفير حس بكتمه حس ان روح تختنق انفاسه تختنق ككل شي يختنق حوله ..بسرعه قام وجلس وهو يدور هوااء شوي واخذ زفييرر عميق حس ان روحه كانت راح تخرج

رفع عيونه على ارجاءء البيت كل شي أشتاق له يالله من اول مره اتركه ماعاد رجع له يحس انه كان ضايع اللحين اي اللحين روحه رجعت رجعت يوم رجع لحياته ماكان بيده انه يترك كل شي ويروح ماكان بيده ابدد كل شي صار وانتهى وهو كان مثل المربط ماقدر يسوي شي يمنع اللي يصير ماقدر اللي الان تمنى يقتل روحه اللي استسلمت ولا قاومت كل ههذا يحس بقهر ليه استسلم وهو كان بيده يحاارب لاخر لحضه ولا يستسلم ويعييش هالاحياه اللي هو فيهاا حس بشي على خدوده لامست كفه خدوده حصلها دموعه اي دموعه هو رجال طيب ماعنده احسااس ماعنده مشاعر تخليه يبكي ولا البكااء ممنوع للرجال ماقدر يمنع نفسه نزل من الكنبه على الارض وأنهار كليا خلاص اللي كان مصبره ومقويه انه كان بعيد عن هالمكان امكن لو كان طول الفتره اللي طافت هينا كان مات شوق مات حسره ومات قهر وألم رفع راسه وضربه بالكنبه مره ومرتين وثلاث :تتتتتتتتتتتتتتتتتعبببببببببببت والله يممممممممممه اااهــــــــــه الله يسامحكك الله يسسسسسسسسسامحك انا ولدكك والله ولدكككككك وش لي ذنب يوم سويتي في كيذاا وش ذنننبي اللي يخليك تسوين فيني كيذااا

حس ان حلقه عوره لانه طول اي طول بالكلام هالمره وكان صوته عالي لانه من تررك كل شي وراح كلامه محدود مع اي احد ولا قد على صوته ابدد يحس انه من رجع هالمكان بداء يرجع لحيااته بس يرجع لها وحييدد لا ام لا اخ ولا اخت حتى ولا حبببببييبه وزوجه اهـــه من حياه مافيها من وجودك شي ياليت وقتها كنتووا فهمتوني ولا عني تخليتووا يالليييييت ..

بدون لا يحس غفى ودمعه على خدوده وارضى بارده قاسيه هي اللي تحتضنه .....

************************************************** **************************

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 31-08-2013, 09:10 AM
صورة بوح الحزن الرمزية
بوح الحزن بوح الحزن غير متصل
©؛°¨غرامي مشارك¨°؛©
 
الافتراضي رد: رواية كبرياء الجرح /بقلمي


تم ولله الحمد اول بارت .. بس هالبارت الوحيد اللي ح يكون قصير لاني كتبته بوقت قصير جداا

انا على اساس الاحد بس خفت ان الروايه تتقفل فــ نزلته الان ...

مابي منكم الا انكم تقولون رايكم وامكن اللي الان ماا اتضح لكم اي شي فــ لا تنسون هذا اول بارت

ولاتحكمون بسررعه ابي الحكم يكون بعد البارت الثالث او الرابع يكون اتضح لكم ككل شي ..

ماراح اسالكم وش تتوقعون لا بقول لكم ايش ح يكون نوع روايتي لكم حريه الرأي أحبتي ...

دمتم بخير أحبتي ....بوح الحزن

(لا اله الا أنت سبحانك اني كنت من الضالمين )

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 31-08-2013, 04:37 PM
صورة بوح الشروق الرمزية
بوح الشروق بوح الشروق غير متصل
©؛°¨غرامي فعال ¨°؛©
 
الافتراضي رد: رواية كبرياء الجرح /بقلمي




سأكون في حديقة روعتك

اتملاك واشتم عبق ازهار حروفك

فكوني سحابة جميلة وطيرا مغردا على اسماعنا

اراك روعة


........مااروع اسلوبك

...لقد حالفك التوفيق والتميز

ابدعت كثيرا واتمنى لك مزيد النجاح والتألق

واهديك باقة ورد عابقة


إحساس امل
........


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 31-08-2013, 05:49 PM
صورة Mero0oh الرمزية
Mero0oh Mero0oh غير متصل
©؛°¨غرامي مشارك¨°؛©
 
الافتراضي رد: رواية كبرياء الجرح /بقلمي


السلام عليكم ورحمة الله وبركاته ..
بداية جميلة جدا ..
بارت رائع ..
تسلم يدج ويعطيج العافية
بانتظارج على أحر من الجمر ..
موفقةة ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 31-08-2013, 07:27 PM
صورة بوح الحزن الرمزية
بوح الحزن بوح الحزن غير متصل
©؛°¨غرامي مشارك¨°؛©
 
الافتراضي رد: رواية كبرياء الجرح /بقلمي


اقتباس:
المشاركة الأساسية كتبها احساس امل مشاهدة المشاركة


سأكون في حديقة روعتك

اتملاك واشتم عبق ازهار حروفك

فكوني سحابة جميلة وطيرا مغردا على اسماعنا

اراك روعة


........مااروع اسلوبك

...لقد حالفك التوفيق والتميز

ابدعت كثيرا واتمنى لك مزيد النجاح والتألق

واهديك باقة ورد عابقة


إحساس امل
........

اسعدني مرورك جداا اتمنى دوم تكون موجود بصفحات روايتي

ودي لك بوح الحزن

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 31-08-2013, 07:29 PM
صورة بوح الحزن الرمزية
بوح الحزن بوح الحزن غير متصل
©؛°¨غرامي مشارك¨°؛©
 
الافتراضي رد: رواية كبرياء الجرح /بقلمي


اقتباس:
المشاركة الأساسية كتبها mero0oh مشاهدة المشاركة
السلام عليكم ورحمة الله وبركاته ..
بداية جميلة جدا ..
بارت رائع ..
تسلم يدج ويعطيج العافية
بانتظارج على أحر من الجمر ..
موفقةة ..
وعليكم السلام حببيبتي ..
نورتيني والله وأشكرك على رأيك اللي اسعدني ..

وياليت دوم تنورين ..

ودي لك بوح الحزن

رواية كبرياء الجرح /بقلمي

الوسوم
أحبتي , مروركم , موضوعي , يروق
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2350 29-05-2019 09:51 AM
رواية لا صرت الجريح كيف أحطك على الجرح /بقلمي فلسفة مزاج أرشيف الروايات المغلقة - لعدم إكتمالها 11 28-11-2012 05:15 PM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-07-2011 03:02 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 08:54 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1