غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 09-10-2013, 04:47 PM
صورة رعاك الله الرمزية
رعاك الله رعاك الله غير متصل
©؛°¨غرامي مشارك¨°؛©
 
الافتراضي رد: روايه نمشي في طريق العشق


شغلت نور ايفونها و حطت اغنيه(نجوم الظهر)
وقعدت تغني و البنات يرددون معاها
وصلو لنهايه الشاليهات بس الي ماكان في الحسبان
ان في اربع شباب لاحقينهم من بدايه تحركهم

دانه: بنات نرجع ؟
زين: اوكي يلا امشوا
و اهم لافين شافوا 4 شباب واقفين جنهم ينتظرون شي و شكلهم كلش مايطمن
نور: امبيه شكلهم يخرع
زين: طنشوهم
دانه و نور: يلا
مروا من بين الشباب متجهين للقعده
الاول منصور: وقلبك علي اليوم قسى قسى< يغني
راكان،نادر،تركي: قسى قسى، قسوتك اشوف نجوم الظهر
منصور: شرايكم في صوتي يا حلوين
خزته زين و مشت
مسكها منصور من كتفها : راكان ، تركي مسكوا الثنتين ، نادر روح شغل السياره
ركض نادر لسيارتهم كانت شوي بعيده
منصور: يلا ياحلوين اليوم انتوا ضيوف عندنا
نور قعدت تصيح بصوت عالي: هدووني هدوووني رجعووني
راكان كان ماسك نور و كسرت خاطره لما صاحت بس مايقدر يتركها
راكان : نتركهم منصور شكلهم مالهم في هالسوالف
دانه بدت تبجي و زين تصيح بصمت
نور: بليييز اتركنا الله يخليييك
منصور: لا لا احصل القمر و اتركها مايصييير
دانه: عبداللطيف بيذبحني ، ابي ارررجععع
تركي: اوووه شكلج مواعده الحب عبد اللطيف و خايفه يجوفج معانا
عصبت دانه عليه وتفلت في ويه: انا اشرف منك ياحقير
في هالوقت وصل نادر في سيارته الجمس مظلله
زاد صياح نور و قامت تصيح بصوت عالي
عصب راكان عليها و سحب حجابها و قطه على الارض
انصدم راكان من شعرها بس ماكسر روحه و قال : بتوقفين صياح ولا لا
ضربت زين منصور بين ريله و شردت ، طاح منصور من الآلم و عضت دانه يد تركي اما راكان ف سيييده ركب نور السياره و ركبوا الشباب معاه و شخطوها
دانه شافت راكان مركب نور و قعدت تصارخ نووووور نوووور


عند عهود و علي
كانوا قراب منهم
عهود: مو كأنه صوت دانه
علي باستغراب : تتهايئين ؟

دانه : نووووووووور

علي سمع صوت دانه وراح يركض مع عهود
شاف زين و دانه يصيحون و الجمس يشخط
علي: زين شفيها نور وينها ؟
زين و اهي تصيح تاشر على الجمس
علي: ليش تركتوها لييش
زين و اهي تصيح : الشباب مسكونا و و و < ماقدرت تكمل من الصياح
ردوا الشاليه و اهم يركضون
علي سييده سحب يد عبدالللطيف و ركب معاه السياره بسرعه و راح يلحق الجمس
عند نور، و قعد يفهمه السالفة و عبداللطيف عصب و يحاتي في نفس الوقت
الي يسوق نادر و جنبه منصور و راكان و تركي ورا و تركي كان ضام نور عشان ما تشرد
نور : الله يخليك رجعني ، واللي يسلمك
منصور بملل و عصبيه : اوووف اكلي تبن لوعتي جبدي
نور خافت من نبرة صوته و سكتت
صارت السياره هدوء مايسمعون الا شهقات نور
قام منصور و شغل الراديوا و علاه على الاخر << اغنيه رد قلبي
راكان كان يحس بتأنيب الضمير و يبي يحرر نور من ربعه لانه يعرف تفكيرهم المنحط
وقفوا عند كوفي شوب و نزلوا الشباب و تركوا راكان مع نور في السياره
نادر : حاسب عليها لا تشرد
و نزلوا الشباب
راكان: احمم نور صح
نور بخوف و استغراب و اهي تشاهق : اي
راكان : انزين نور بس خلاص لا اصيحين ، راح اخليج تشردين بس بسرعه ها
نور و اهي ميته من الصياح : لا لا لا ادري فيكم تبون تسون شي فيني
راكان : لا والله نيتي صافيه بخليج تشردين بس بسرعه

بما ان نور على نياتها صدقته بسرعه
نور : اوكي
قام راكان و فك ربطها و خلاها تشرد
و اخذ سجين و شمخ فيها خده عشان يبين انها طقته و انسدح على الارض
الشباب الي بالكوفي جافوا نور و اهي تشرد و قاموا بسرررعه يركضوون عشان يلحقونها
اما نور قامت تركض باقوى ماعندها و تدش في زرانيق
و اخيييرا ضيعتهم
بس للاسف ما امداها تاخذ نفس الا سياره كروزر سوده مريبنه و مايبين الي في داخلها
واقفه وراها لفت تبي تشرد قامت تركض بسرعه و السياره وراها ، بس لسوء حظها صادفت منصور وجه لوجه
توه منصور بيمد يده و يسحبها
نزل عبدأللطيف من لكروزر
نور من الخوف طبت في الارض مغمي عليها هني علي نزل و تطاقق ويا الشباب. وعبداللطيف شال نور دخلها السياره و نادا علي و شخطوها المستشفى
اول ما وصلوا المستشفى نزل عبداللطيف و نادى على الممرضات و شالوا نور من السياره و ودوها عشان يفحصونها
طبعا علي قعد بره ينتظر وعنده 100،0000مكالمة من اهله، لأنه عبدأللطيف تلفونه كان سايلنت
اتصل على عهود عشان يطمنهم
عهود اول ما جافت تلفونها يرن و انه علي سييده ردت عشان تتطمن
عهود: الوووو هلا علي
علي : هلا حبيبتي
عهود : ها شخبارها نور
علي: الحمد لله ، الحين قاعدين يفحصونها
عهود : اذا طلعت خبرني
علي : اوكي ، يالله باي حبيبتي
عهود: باي

بعد 10 دقايق طلع الدكتور و قال ان عندها أنهيار عصبي بسبب صدمه صادتها
و انها بتم عندهم يومين عشان يتطمنون على حالتها
اتصل علي على عهود مره ثانيه و خبرها عن حاله نور و انها بتم يومين في المستشفى و خبرها بعد ان البارت انتهى و قالي اقول لكم شنو تتوقعون يصير في البارت الياي؟؟

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 09-10-2013, 10:51 PM
3woosh 7assan 3woosh 7assan غير متصل
©؛°¨غرامي جديد¨°؛©
 
الافتراضي رد: روايه نمشي في طريق العشق


اتوقع ان نور بترجع على حالتها الطبيعية اوو بتصير مشكله♥♥ استمرو♥

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 11-10-2013, 02:19 PM
صورة رعاك الله الرمزية
رعاك الله رعاك الله غير متصل
©؛°¨غرامي مشارك¨°؛©
 
الافتراضي رد: روايه نمشي في طريق العشق


3wooosh
توقعج هل بيكون صح ؟؟ انتظرينا بأجر و بتعرفين
شكرًا حبيبتي على مرورج

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 12-10-2013, 11:58 AM
صورة رعاك الله الرمزية
رعاك الله رعاك الله غير متصل
©؛°¨غرامي مشارك¨°؛©
 
الافتراضي رد: روايه نمشي في طريق العشق



البارت١١
الساعة ٨بالليل بالمستشفى
دخل عبد اللطيف على نور و جلس جنبها
عبد اللطيف :نور حبيبتي فهميني شنو صار بالظبط
نور و دموعها تنزل بصمت : كنا أنا و البنات نتمشى و كانوا في اربع شباب لاحقينا مسكونا زين و دانة قدروا يضربونهم بس اللي كان ماسكني ضخم ماقدرت عليه و أنا كنت أصيح عصب علي و سحبني السيارة و ضمت عبد اللطيف و بعدين وقفوا عند كوفي و خلوني مع صبي بروحنا
عبد اللطيف :سوا لك شي !!!!
نور و أهي تشاهق : لا ما سوى شي بس أهو قالي شردي قبل لا ربعي يرجعون و أنا شردت جافوني ربعه و لحقني واحد بس الحمد الله انت و علي كنتوا موجودين
عبد اللطيف ضمها و كان وده يكون جدامه الشباب عشان يكفر فيهم :خلاص حبيبتي ما عليج شر ان شاء الله
دخلت النرس ف اظطر يطلع وراح لعلي
و جاف علي مع ممرضة و قاعده تعقم جروح علي
عبد اللطيف :سلامات بؤ عبدالله
علي و أهو يبتسم : الشر ما اييك
عبد اللطيف: رأسك مفلوع و خشمك ينزف و تتبسم
علي : مالت تحمد ربك علي بن عبدالله ......... يبتسم لك
عبد اللطيف :مالت
و بين سوالفهم شافوا مريم و سعود
مريم :شفيها نور ،حسبي الله و نعم الوكيل
عبد اللطيف:يمت لا تحاتين بس اغمىء عليها بعد الصدمة
سعود:لا حول ولا قوة الا بالله نبي تجوف نور
عبد اللطيف:اول شي نسأل الدكتور
وراحوا للدكتور
الدكتور جاسم :نور من الصدمة نزل ضغطها مما أدى للاغماء راح نخيلها يومين عندنا
سعود:أكيد ما عليها شر يا دكتور
جاسم:أفا عمي مو مصدقني
سعود:لا وانا أبوك بس خائف على بنتي
جاسم:لا تحاتي و احنا للتو معطينها منوم ف ماله داعي قعدتكم
سعود:ما تقصر يا دكتور
جاسم :هاي واجبي ،بالأذن و راح
قرب علي منهم :عمي تمشي معاي و تخلي سيارتك لعبد اللطيف؟
سعود:خلاص شورك و هداية الله
و مشوا و بقى عبد اللطيف مع نور راح الكفتريا و شرا له كوفي ورجع و جلس قدام غرفة نور
اليوم الثاني الساعة ١٠
رجعوا الباقي من الشالية رايحين بيوتهم
اما دانة و أياد و مريم ،وسعود راحوا المستشفى لنور
دانة ضمت نور واهي تصيح:الحمد الله على سلامتك روحي
نور و أهي تبتسم:الله يسلمج قلبو
قعدوا العائلة معها و الجلسة لا تخلو من استهبال عبد اللطيف و أياد
سعود:يلا نمشي عشان نلحق خطبة الجمعة
عبد اللطيف:يلا و مشوا معدا دانة جلست مع نور
الساعة ٥
راحوا جميع العائلة لنور
الشياب و الشباب جلسوا ربع ساعة و بعدها مشوا لبيت الجد
قعدوا عهود و نوف يضحكون و يستهبلون مع نور
شوق:ما شاء الله بسرعة طاف الوقت
نور بغرور:أكيد لأنكم جالسين معاي
شوق:خفي علينا
ضحكت نور :نوو
لطيفة:يلا عهود نمشي ما بقى على الأذان الا ١٠ دقائق
عهود :يلا عيل سلموا على نور وراحوا بيت الجد وراحت معهم مريم
نوال:يلا زين بعد احنا لازم نمشي
زين :أوكي و قامت سلموا و مشوا و كانوا معها عائشة و شيخة
و تموا شوق و نوف و دانة معها
نوف:قوموا نصلي و بعدها نمشي
نور :دانة تساعديني اتوضاء
راحت دانة ساعدتها
و صلوا
بعد ما خلصوا دخلت النرس و نبهت انه الدكتور بيدخل
البنات لما دخل الدكتور راحوا سلموا على نور وراحوا
جاسم اعجب بنوف و قعد يطالعها بإعجاب
نوف حست بنظراته و طنشته
نتكلم عن جاسم عمره ٢٧ صديق خالد طويل وأيد حنطاوي و عيونه واسعه خشمه سيف و جميل بمعنى الكلمة
جاسم:احم نور شخبارج اليوم أحسن؟؟
نور:اي الحمد الله بس متى اطلع
جاسم ضحك:أفا شكلج تمللتي منا بس ان شاء الله بأجر بنكتب لج خروج
نور:و اخيرن
جاسم:أوكي بس اول خذي دواج
خذت نور دواها وراحت في سبات عميق
في بيت الجد
عند البنات
فسخو ابيهم و قعدوا يسولفون
عائشة :كسرت خاطري نور
زين بندم:جان زين ما رحنا نتمشى
عهود:الحمد الله كنا قراب ولحقنا عليكم
نوف و أهي تصب قهوة للبنات:اي والله الحمد الله
مروة:بنات بيحطون فلم احين
دانه:راحت سكرت لليت
زين راحت المطبخ ويابت البلعة للفلم
و قعدوا البنات و اندمجوا معه
بعد ساعتين
عهود واهي تمش دموعها:حرام ما تزوجها
عايشه واهي بعد تصيح:كله من أمه
العصابة:مالت مصدقين اعماركم
عهود:جب حرام عليكم و قامت
مروة:وين؟
عهود:المطبخ بييب ماي وراحت
صادفت علي هناك
نهاية البارت
توقعاتكم


تعديل رعاك الله; بتاريخ 12-10-2013 الساعة 12:05 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 14-10-2013, 11:44 PM
صورة رعاك الله الرمزية
رعاك الله رعاك الله غير متصل
©؛°¨غرامي مشارك¨°؛©
 
الافتراضي رد: روايه نمشي في طريق العشق


بارت 12


دخلت عهود المطبخ و شافت وجه علي <<عهود ما شافت علي الا اخر مره في الشالية و لما راحوا المستشفى أهو ما راح كان مع جده
عهود حطت يدها على فمها
علي شاف الصدمة في وجهها : ههه ويهي مو حلو حق عرسنا شكله لازم أحط مكياج و غمز
عهود: علي شفيك !!؟
علي: لا بس يوم نور و الشالية تهاوشت مع الشباب ،و بعدها علي لاحظ ويه عهود و مبين كانت تصيح ،انتي شفيج ؟؟
عهود استحت:لا بس كنا نتابع فلم و تأثرت
علي مشا لها وباس خدها :فديت الرقيقة أنا وراح متجه للميلس
عهود تلونت و حطت يدها على خدها وراحت للبنات
حتى نست تشرب ماي و قعدت على الكرسي جنب نوف
زين باستغراب:عسا ما شر رحتي تشربين ماي ورجعتي سأكته مو من عوايدج
عهود:ها لا بس صدع راسي من البجي مساعة
زين :إها سلامات
عهود:يسلمج
عايشه : بنات مو بأجر السبت و بيصادف خروج نور
شوق :اي
و البنات يسمعونها
عايشه:شرايكم نجهز لها باقة ورد و كيكة لها و نحط لها بغرفتها ولما تتدخل تتفإجئ
نوف:فككرة حلوة
عائشة :أنا و زين علينا الكيكة
نوف:أنا علي الباقة
البنات:احنا الهدايا
نوف:تمام عيل
ياتهم العمة شيخة تخبرهم انه وقت العشا ،قاموا البنات تعشوا وبعدها مشو متجهين بيوتهم

صحت عايشه الساعة10،خذت شاور ولبست جينز بيج و بدي ماروني حطت مكياج خفيف و ختمته بقلوس بيبي بنك
اما زين صحت بعد هواش خذت شاور و لبست جينز و قميص اصفر فاتح و فيه قلوب وردين و لبست نظراتها الشمسية من قوتشي وراحت لعايشة السيارة
وراحوا متجهين للمحل

اما نوف صحت الساعة11 لبست جينز اسود و قميص اخضر غامج و راحت خذت كوبها البلاك كوفي وراحت سيارتها

اما شوق و عهود و مروة ودانه الساعة 10:30 كانوا في الستي يدورون هدية في النهاية جمعوا فلوسهم و شروا لها ساعة فخمة وراقية

وصلت نوف المحل طلبت roses وردين و قالت لها صاحبت المحل الساعة 1راح تجهز الباقة دفعت الفلوس ورجعت البيت و طلبت من احمد اييب الباقة بعدين
اما زين و عايشه طلبوا كيكة شوكولا خذوها وودها بيت نور وأعطوها ميري <<خادمة البيت

الساعة 3 اتصلت نوف في دانه
نوف:هلا داني متى راح تطلع نور ؟؟
دانه:توفي قالي 4
توترت نوف من ذكر اسمه:إها عيل احمد بييب الباقة الساعة 3؛30
دانه :أوكي حبيبتي
نوف:يلا عيل فمان الله
دانه:فمان الكريم

راحت دانة غرفة نور حطت ملاحف جداد و بخرت غرفتها ،دانه فقدت نور وأيد هل يومين دمعت عينها وفكرت هل ممكن تخسرها مرة ثانية لا سمح الله سمعت صوت الجرس يعلن عن وصول شخص نفضت هل الأفكار و تعوذت من ابليس وقالت أكيد احمد لبست عباية لان لبسها غير مناسب شورت ابيض و حفرة اورنج
راحت بتفتح الباب الا شافت أياد مع احمد و أياد شايل الباقة بيحملها شافها احمد
احمد:شخبارج دانه
دانة؛الحمد الله انت شخبارك؟
احمد:والله الحمد الله ،تستاهلين سلامت اختج
دانه:الله يسلمك
احمد :يلا فمان الله
دانه:فمان الكريم
ودخلت
دانه:وين راح أياد مع الباقة؟؟
الا شافت أياد نازل
أياد:حطيتها بدار نور
دانه:أوكي ثانكس
أياد:حاضرين وقعد يكمل لعب بلايستشن
و أهي قعدت معاه
نزل عبد اللطيف لهم اوهو كأشخ بالثوب و حالق للتو ولابس نظارته الطبية
أياد قعد يصفر و مريم يأتِ على صوت التصفير :عسا ما شر
أياد:جوفي ولدج كأشخ جنه معرس
دانه :توفي صراحتن خقه طالع
مريم :أكيد مو ولدي وبعدين لا تعطي اخوك عين
أياد:وع من زينه
بطل عينه عبداللطيف:توك تقول معرس و احين هونت ودانه توج تدرين أني خقه ؟؟
دانه:ي شين الغرور بس
ضحك عبد اللطيف وراح متجه لسيارته
و مريم صعدت غرفتها
دانه:ويي نسيت أقول لعبد اللطيف يعطيني خبر اذا طلع عشان أحط الكيكة بغرفتها
أياد:لا تحاتين لما كنتي تعدلين غرفة نور أمي قالت له
دانه:أشوه
الساعة اربع وربع اتصل عبد اللطيف في دانه
عبد اللطيف:داني احنا في الحوش
دانه:أوكي ركضت المطبخ طلعت الكيك وودته غرفة نور رشت لها عطر شانيل و نزلت
دانه:تؤوو وووووو ما نوووووووووور البيت يا الدبه
نور :ههه لو ادري بيكون ها الترحيب لي جان نمت من زمان في المستشفى
أياد ضربها بخفه على كتفها :لا تفاولين
نور:فديتك
دانه بخبث بريًى:ما ودج نور تاخذين شاور و تلبسين بجاما و تابعين أفلام مثل قبل
نور:أييي والله
عبد اللطيف وإياد منصدمين من رقة كلام دانه متعودين على دفاشتها
دانة:سحبت أيدها امشي
ركبوا و دخلوا غرفة نور و استقبلتهم ريحة البخور كانت غرفة نور يطقي عليها اللون الوردي و الأبيض
نور امتلت عيونها دموع
دانه:لا لا لا تبجين احنا نبيج تفرحين
لمت نور دانه :شكرًا
دانه:أفا عليج حاضرين
راحت نور الباقة وكان فيه كرت كبير لونه ابيض و فيه زخارف بيضاء ( الحمد الله على السلامة النوري -نوف بنت عبدالله ...)
نور:يا عمري على نوفا
دانه يابت لها هدية مغلفة بالذهبي و الأبيض <<متفقين
و كان مكتوب بعد على الكرت باقي أسامي البنات
وآخيرن الكيكة كان مكتوب عليها ( welcome back alnori)
دخل أياد:تدرون أني يوعان
نور:افاعليك يخسي اليوع أمشوا الصالة
راحوا الصالة واجتمعوا كلهم من مريم الى أياد
نور :وين أبوي ؟؟
مريم:أبوج عنده رحلة تايلاند<<ابوها كابتن،ترجعين بسلامة ياللي في تايلاند
قعدوا جمعة يسولفون ولا تخلوا من الاستهبالات وتعصيب مريم
سمعوا أذان المغرب فزوا الشباب للجامع والبنات هم راحوا يصلون
بعد ما خلصت صلاة نور خذت شاور و لبست بيجامة قطن سماوية و عليها غيوم بيض و شغلت التلفزيون و كانو عارضين فلم كوميدي و اندمجت
اما دانه فقعدت في غرفتها تراجع
و مريم قاعدة تتابع مسلسل و انضم لها أياد بعد ما خلص صلاة
اما عبد اللطيف ف كان عنده زام في الشغل
وبين ما كانوا يتابعون المسلسل قطع عليهم صوت تلفون البيت
رد أياد: آلو
مروة بارتباك:هلا أياد
استأنسه أياد :هلا مروة
مروة : أياد دانة موجودة ؟؟لانه اتصلت على فونها ماترد
أياد أيا ألزفته دانه ليش ما ترد عليها: احمم أوكي ثواني
صرخ دانه التلفون و بعد قرن نزلت دانه
واهي تسوي شعرها في ponytail
أياد بخزه ؛التلفون
دانه:من؟؟
أياد:مروة
دانه:آلو
مروة: هلا داني احاتيج أنا و عهود نتصل و ماتردين و خفنا نتصل في نور نزعجها
دانه؛اي أنا ناسية فوني سايلنت
مروة:او أوكي المهم أنا متصلة أخبرج ممكن نمركم أنا و البنات بأجر المغربية نتحمد لنور
دانه؛أي حياكم و بعدين غريبة مو عهودو الي تكلمني و ضحكت
مروة ؛تمللت من الاتصال تسوي اخلص رصيدي على دانه و احين قاعده في الصالة و فارشة عدة الأظافر و تسويهم
دانه:ويي مالت على البخيلة الله يعين علي
ضحكت مروة :لا تسمعج ،يلا عيل تأمرين ع شي ؟؟
دانه:لا سلامتج قلبو
مروة:باي
دانه:باي
دانه بعد ما سكرت:يمه بأجر البنات بيمرون علينا المغربية
مريم :حياهم الله ،لازم أنبه عيل الخدم ينظفون الميلس
دانه:وين توفي؟؟
أياد: استدعوه الشغل
دانه:إها أوكي
أياد:أليوم الساعة 11:30 بيحطون فلم رعب تجوفينه معاي ؟؟
دانه بحماس: قدام
أياد: بس بنجوفه في المجلس اللي برع
دانه:أوكي

الساعة 11:30
نور+مريم ناموا
و عبد اللطيف في الشغل من الساعة سبع و كان البيت هدووء
سعود كان توه راجع من الشغل نزل من سيارته الBMW
واستغرب المجلس البراعي مفتوح راح و دخل وشاف عياله سلم
أياد:الحمد الله على السلامة طويل العمر و باس رأسه
دانه:الحمد الله على السلامة يبه وبأست خده
سعود: الله يسلمكم بس شعندكم مو نايمين ؟؟
أياد: أبد بس حاطين فلم و نتابعه
هز رأسه:على خير بس لا تنسون بعد ما تخلصون طفوا كل شي
دانه :ان شاء الله يبه
.../السلام
سعود:هلا عبد اللطيف
حب راس ابوه و قعدوا سوالف خمس دقائق و صعد سعود ينام
عبد اللطيف:رعب ؟؟
دانه :ايي
عبد اللطيف:إها و قعد يتابع
بعد ساعتين خلص الفلم
دانه:بسم الله شنو ذي يممه احين شلون أنام
عبد اللطيف:عادي و قام صاعد غرفته
أياد:بالعكس حلو
طفوا كل شي ورتبوا عفستهم وراحوا غرفهم


اليوم الثاني




نهاية البارت توقعاتكم

ادري نزلته قبل بيوم بس بكرا العيد و الكل مشغول و البارت كتبته على السريع أسفه لو كان في اخطاء أيا كانت ،أتمنى ينال اعجابكم أختكم رعاك الله

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 06-11-2013, 08:27 PM
صورة رعاك الله الرمزية
رعاك الله رعاك الله غير متصل
©؛°¨غرامي مشارك¨°؛©
 
الافتراضي رد: روايه نمشي في طريق العشق


اليوم الثاني ما كان في احداث مهمه بس ان اخت عبدالله >> ريل العمه شيخه بتيي البحرين باجر ) اهي متزوجه كويتي و عايشه وياه في الكويت (
اسمها نوره و عندها بنت وحده و ثلاث صبيان
يوسف:26
ميان:21
صالح:17
مرت احداث اليوم ممله جدا ماصار شي كللش كل واحد في بيته منسدح جدام التلفزيون و التلفون في يده
يوم ثاني في بيت العمه شيخه الساعه3
كانت العمه شيخه ترتب البيت لان اليوم بيوصلون اهل الكويت >> بيوصلون تقريبا على الساعه 4
العمه شيخه بصراخ: نووووووف شووووووق تعالوااا بسرررررعه
نوف و شوق تخسبقوا من سمعوا امهم تصارخ و سيده هدوا الي فيدهم و نزلوا لها ركيض
العمه شيخه : وصمخ جلاب ان شاء الله ، سنه اناديكم
نوف: هههه يمه شنو يعني صمخ جلاب
شوق تقرص نوف عشان تسكت لان امهم معصبه و نوف تستهبل لا حياه لمن تنادي مستنه في الضحك
العمه شيخه وصلت حدها عصبت قامت فصخه نعالتها و تحذفها على نوف اما نوف ماتجوفون الا غبرتها شخطتها من زمااان
و شوق المسكينه و عليا اهيا الي كلتها خلتها شيخه ترتب وياها بنيابه عن نفسها و عن نوف
لان تقول نوف مامنها فايده
شوي ولا ينزل عبدالله >> الابو
بيروح يستقبلهم في المطار ، طبعا قبل لايطلع حصل لستة شكاوي من شيخه على نوف و قال لها انه بيراويها شغلها اذا رد >> خخخ هالبنت كل مره تنزف ولا ترتدع
وصل عبد الله المطار و نطرهم لين ماوصلوا
اول ماوصلوا صار التلملم و التبوس ، ركبوا السياره و يوسف و صالح دخلوا الشنط السياره و توجهوا الى بيت العمه شيخه
اول ماوصلوا رحبوا في بعض و استقبلتهم العمه شيخه احسن استقبال
قعدوا شوي سوالف الا ميان تسال
ميان: عيل علااوي ويين ماجفناه >> اي نسيت ماقول لكم هاي ميان وحده تموووت في علي بس اهو مايحبها
طبعا ميان وحده شقول لكم مافي ذره حيا لدرجه انها سالت عن علي بس و ماسالت عن البنات الي المفروض تسال عنهم مو تسال عن الصبيان
طبعا البنات مانزلوا لان مايشتهون شي اسمه ميان و اهم متاكدين اذا نزلوا بتنشب لهم ف اختصروا الطريج و تموا فوق
نوف : افففففغ ملل
شوق : افففف حده
نوف : انا يوعاانه ابي اكل مالي شغل اففففف بس العله تحت افف حتى في بيتنا النحصرنا
شوق: بس بس سكتي بسج هذره
سكتوا خمس دقايق ولا تنط نوف
نوف: شرايج نتصل للبنات نطلع
شوق: اييييييي عالاقل نفتك من الي تحت
نوف: اي والله عاد شلون نسال امي
شوق: روحي ساليها
نوف : اوووه مالي بارض انتي روحي اصلا اذا انا سالتها مابترضى لان معصبه علي بس انتي بتقول اوكي
شوق: اففففف
قامت عدلت شكلها و نزلت سلمت و قعدت يم امها
شوق تساسر امها : يمه يصير نطلع
شيخه : لا ماتطلعون قعدوا ويا عمتكم و بنت عمتكم
شوق: يمممه عااااد كلهم بيطلعون و بيستانسون الا احنا >> طبعا جذبه عشان ترضا اصلا ماقالوا حق احد
شيخه: قلت لا يعني لا
شوق تسوي روحها بتصيح : يمه يرضيج نصير اقل ناس يعني كلهم يطلعوون و يستانسون و احنا لا
شيخه : افففف بسج بسج حنه طلعوا فكيني
قامت شوق و باست راس امها و راحت فوق حق نوف اول مافتحن الباب قامت تناقز
شوق : يس يس يس رضت رضت
نوف : يس يس يالله بدلي و انا بتصل للبنات
اتصلت نوف للبنات و طبعت كلهم قالوا بيوون >> للهياته مايقولون لا
المهم كشخوا و نزلوا بيطلعون
نوف اضطرت تروح تسلم سلمت و طلعوا ميان لحقتهم لحديقه البيت توهم بيطلعون من البيت الا يسمعون ميان
ميان : شدعوا وين رايحيين ماقعتوا ويانا حتى ماقلتوا لي اذا ابي ايي وياكم علاقل
خزتها نوف
نوف: عفوا تكلمينا ، اها مو احنا اي يعني تكلمين الطوفه اوكي خلاص عيل و ومشوا عنها
طلعوا البنات و راحوا الستي
دشوا السينمه فلم هندي و طلعوا راحوا تعشوا و ردوا كل واحد بيته
وصلوا اول عايشه و زين بعدين نور و دانه و في طريجهم بيوصلون عهود و مروه
مروه: بنات باتوا عندنا اليوم
عهود: اي باتوا بيكون وناسه
نوف: انتوا تعالوا بيتنا باتوا عندنا عمتي و بنتها العله تعالوا ونسونا شوي بدال مو غاثتنا و باجر نتصل نخلي البنات كلهم ايون
عهود : مادري بجوف امي
اتصلت عهود على امها و وافقت
انتهى البارت
شنو تتوقعون يصير في بيت العمه شيخه ويا ميان و شنو تتوقعون ميان تسوي اذا درت ان عهود خطيبه علي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 06-11-2013, 08:31 PM
صورة رعاك الله الرمزية
رعاك الله رعاك الله غير متصل
©؛°¨غرامي مشارك¨°؛©
 
الافتراضي رد: روايه نمشي في طريق العشق


و اذا ما جفنا تفاعل بعد بس مابنكتب و بنوقف الروايه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 06-11-2013, 08:39 PM
Shuush33 Shuush33 غير متصل
©؛°¨غرامي جديد¨°؛©
 
الافتراضي رد: روايه نمشي في طريق العشق


امم احس بيتهاوشون او بيصير شي في بيت شيخه �� استمرواا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 06-11-2013, 08:56 PM
3woosh 7assan 3woosh 7assan غير متصل
©؛°¨غرامي جديد¨°؛©
 
الافتراضي رد: روايه نمشي في طريق العشق


w a5eeran rj3tw b3d 6ool '3yab , umm 3li w Mayan allah ystr ma yndra shnw be9eer baynhum W 3hood akeed bt39b law 9ar shay. Bayn 3li w Mayan w inshllah ma tkbr w tn7l

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 06-11-2013, 09:01 PM
صورة رعاك الله الرمزية
رعاك الله رعاك الله غير متصل
©؛°¨غرامي مشارك¨°؛©
 
الافتراضي رد: روايه نمشي في طريق العشق


سامحونا على التأخير بس انا و zouz كان عندنا اختبارات بعد العيد و ما قدرنا نكتب أبد و الحمد الله عدوا على خير

أختكم رعاك الله

روايه نمشي في طريق العشق

الوسوم
العشق , روايه , نمشي , طريق
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
كلي عذاب / كاملة عذآب الروح روايات كامله - يتم نقل الرواية هنا بعد اكتمالها 179 07-01-2016 07:23 AM
رواية جنون العشق / بقلمي بهووله أرشيف الروايات المغلقة - لعدم إكتمالها 156 20-06-2011 06:44 PM
وآتبسسمـ ,, ولو مآبهـ عصــآفيرْ و آغآنــيَ ||~ بــدر التميمي سكون الضجيج - مملكة العضو 1674 12-02-2011 06:32 AM
كلمات في حقيقة العشق وأضراره وفيه( 7 ) أجوبة الدرة المكنونه مواضيع إسلامية - فقه - عقيدة 8 26-11-2009 05:28 PM
روايه أنت غرامي ... روايه رومانسيه كوميديه .. خدوود الورد أرشيف الروايات المغلقة - لعدم إكتمالها 175 08-11-2008 07:35 AM

الساعة الآن +3: 09:40 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1