غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 12-09-2013, 06:42 PM
الهنوف. الهنوف. غير متصل
©؛°¨غرامي جديد¨°؛©
 
الافتراضي رواية خذني على ميعاد اللقاء عشاق


اول شي السلام عليكم

انا كتبت روايتين وماشفت اي رد قلت يمكن ماعجبتهم او شي زي كذا
فحاولت قد ماقدر اني اكتب هالروايه وان شاء الله اشوف ردود واستمر عليها
الزبده ماطول عليكم هذي الروايه


رواية (خذني على ميعاد اللقاء عشاق)






بمكان بعييييييد جدا بالتحديد بالبر , فارشين زوليه وقاعدين ببداية المغرب يسولفون ويضحكون
قطع سوالفهم وارعبهم الصوت و ايش هذا الصوت ومن وين جاي ؟؟؟
صوت طفل يصيح ! شي غريب
قام الاب من مكانه والقوه تمشي بعروقه , حاول يبحث عن الصوت ومشى لحد ماشاف غطى ابيض صغير
فتح الغطى وانصدم من الي قدامه , طفله تصيح ووجهها كله دم ! ليش ! ومين الي ماعنده رحمه يسوي هالشي بطفله !
شالها وعيونه غرقانه دموع , توجه لعائلته وجلس على الزوليه وفتح الغطا انصدمت الام ولفت وجهها من هالشي الي قدامها !












بعد 19 سنه
بقصر ابو خالد , نزلت من الدرج وتوجهت لغرفة تولين , فتحت الباب بقوه و
قالت : انتي هيي قومي تعشي
تولين بخوف : طيب بجي الحين
امجاد : اخلصي ماني فاظيه لهالاشكال ترا مو خدامه عندك اروح انادي لك
تولين :.......................
سكرت الباب ونزلت راسها وعيونها غرقانه دموع : لا ي تولين لا تخلين وحده مثل هذي تبكيك
دخلت الحمام ( وانتو بكرامه ) غسلت وجهها وطلعت من الغرفه , توجهت لغرفة الطعام وابتسمت لما شافت .................... تقدرون تقولون امها
باست راسها وجلست على الكرسي وبدت تاكل
امجاد : افف يعني مااتهنى بأكلي دايم اقابلها
ريان : امجاد احترمي نفسك عيب عليك
امجاد : انا محترمه نفسي بس هالاشكال تمنعني اني اسكت
ريان : امـــــــــجـــــــــــااااااد
ناظرت ريان وهي تقول : الحمدلله شبعت
ريان : تولين اقعدي كملي اكلك وانا اعرف كيف اربيها
قامت امجاد وتفجرت عليها : انتي وحده سافله جيتي وخربتي علينا كل شي واخذتي راحتك وغيرتي اهلي علي انتي حقيره انا اكرهك اكرهك لا تنسين اننا ماخذينك
من بر وانتي اصلا ولا شي عندنا ولا تفكرين ان خالد بيخطبك عشانه يحبك لا حبيبتي خالد بياخذك عشان ابوي غصبه على الزواج لا تستانسين مارح تتهنين فيه
انصدمت تولين من كلامها لها فعلا جارح , قامت من الكرسي وتوجهت لغرفتها . دخلت الغرفه
نسيت اوصفها لكم

طبعا من زود النذاله حاطينها بغرفة خدامه وتنام معاها
شكلها فضيييييع جدا الي يشوفها يقول مو قصر ابد
الجدار لونه ابيض ومقشع نصه والسرير ! لا مو سرير , فارشه لها عالارض



نرجع لتولين
دخلت الغرفه وجلست تتأمل شكلها الفضييع بكت بحرقه على الي يصير لها تمنت الموت ولا تعيش مع ناس ماتعرفهم
دخل ريان وابتسم ابتسامه باهته , جلس جمبها: تولين ماعليك منها هي غيرانه منك وبعدين احمدي ربك انتي بنعمه غيرك يتمناها
قاطعته بصراخ : اي نعمه الي تقول عنها ؟ حاطيني بغرفة خدامه وكل يوم اذوق انواع العذاب هذي نعمه ! انتو مين ليش اخذتوني
انا مابيكم ولا اعرفكم ابي اهلي ليش اخذتوني , اموت بالبر احسن من اني اعيش بعذاب طول عمري
ريان : تولين اهدي خلاص انا اعرف كيف اربيها خلاص
تولين تحاول تمسك اعصابها : اطلع برا مابي اشوف احد
ريان : تولين خلاص اهدي انا بكلم ابوي واخليه يحط لك احسن غرفه خلاص لا تبكين
تولين : اطلع بـــــــــرا
طلع من الغرفه وتوجه لامجاد . مشى بخطوات سريعه ووصل لها , شد شعرها وهو يقول : ان مابعدتي عن تولين بتشوفين شي عمرك ماشفتيه
امجاد : وخر عني , تمد يدك علي عشان هالسافله
ريان : لاااااا تقولين عنهااا سااااافله , اذا شفتك مره ثانيه تهاوشينها مايحصل لك خير فاهمه
ابو ريان : بس خلاص ريان لا تسوي كذا بأختك احترمني واحترم امك عيب عليك
بعدت عنه وقالت بصراخ : انت لو انك رجال مامديت يدك علي
طبعا كان رده كف قوي لحد ماحمر خدها ونزلت دمعتها لا شعوريا , فجأة هدوا كلهم بصدمة قويه
ماتوقعوا هالشي من ريان العاقل والي مايعصب على احد يسوي كل هذا عشان تولين
ابو ريان : ريان , وش هذا الي تسويه ! مو انت ريان ولدي الي اعرفه , مو انت الطيب الي ماتمد يدك على احد , وقفت على امجاد
ريان : يبه امجاد زودتها , تقل ادبها على تولين قدامكم ولا تسوون شي ليش , وش ذنبها المسكينه وش سوت لكم
سكت ابو ريان وجلس على الكرسي وتنهد , مالاحظو العين الي تراقبهم من بعيد والدموع ماتوقف



اعرفكم على العائلة

ابو ريان : عمره 42 طيب وحنون , كل همه سعادة عياله وزوجته . اجتماعي ومرح ويحب يقعد مع عياله كثيييييييييير
ام ريان : عمرها 35 تحب تولين اكثر من عيالها , تحب الي يمشي معاها سيييييده و هاديه جدا
ريان : عمره 21 اسمر شوي وعيونه واسعه ولونها اسود , فيه غمازتين وابتسامته جذااااااااابه , طويل وجسمه عريض ومعضل
خالد : عمره 22 حنطي وعيونه عاديه لونها بني , مو طويل ولا قصير
امجاد : عمرها 18 بيضاء وعيونها عاديه لونها بني غامق طولها وسط , شعرها لحد كتفها وبني
ريم : عمرها 20 بيضاء وعيونها واسعه ولونها اسود , قصيره وشعرها طويل وبني
تولين : عمرها 19 بيضاء وعيونها واسعه لونها عسلي , قصيره وشعرها طويل واسود



نسيت اقول لكم ريم تدرس برا بأمريكا مع خالد وبيرجعون قريب ^^
================================================== ======


( رنـــــــد )


: اي حبيبي معاك ..................... ههههههههههه لا وش دعوه ....................... كيف ! لالا مستحيل ........................... لا , اكلمك ايه
لكن توصل اني اشوفك من سابع المستحيلات ........................ حتى لو اني حبيبتك مايصلح تشوفني ....................... لا اسفه ماقدر
.................. خلاص حبيبي بسكر الحين بعدين اكلمك
سكرت منه وتنهدت : اففف الحين وش لون افتك من هالنشبه
طلعت من الغرفه وتوجهت لغرفة بندر , طقت الباب وماسمعت له صوت , فتحت الباب وشافته منسدح : بندر
بندر : هلا
رند بغضب : ليش مارديت
بندر : مو فاضي لك اخلصي وش تبين
رند : ابيك توديني لأمجاد
بندر بدون نفس : روحي تجهزي شوي واجي
رند : اي واضح شوي اخاف تنوم
بندر: اووووه رند خلاص اطلعي بجي الحين
طلعت من الغرفه واتصلت على امجاد : الو
امجاد : هلا والله
رند : هلا فيك حبيبتي اخبارك
امجاد : تمام الحمدلله
رند : فاظيه اليوم ؟
امجاد : اي فاظيه ماعندي لا شغل ولا مشغله
رند : اوك حبيببتي انا ودي اجي اقعد معاك وهيك
امجاد : اي عادي تعالي حياك الله
رند بأبتسامه : الله يحييك , المهم يلا بسكر مابي اتاخر على بندر يستناني
امجاد : اوك
سكرت منها ولبست عبايتها وطلعت




================================================



ريـــــــم





واقفه عالبلكونه تتفرج على الي رايح والي جاي
دخل خالد ووقف جمبها : مامليتي
ريم : من ايش
خالد : لنا اسبوعين مخلصين دراسه ومارجعنا
ريم : في احد يمل من امريكا
خالد : لا بس قلت يمكن اشتقتي لتولين
ريم : اهه ي تولين والله اشتقت لها
خالد : ها نرجع ولا
ريم : والله مادري بكيفك
خالد : خلاص بكره اروح احجز
ريم : اوكي اجل بدق على تولين واخبرها
خالد : لا خليها مفاجئة احسن
ريم : لو بوافق بيكون كذب
خالد : نفسك ماتغيرتي الى متى
ريم : ههههههههههههههههه ماتغير انا
خالد : عالعموم انا طالع تبين شي
ريم : على وين
خالد : باخذ لي لفه وارجع
ريم : اوك , الا ماقلت لي متى الملكه
خالد : اذا رجعنا ان شاء الله
ريم : طيب انا حابه اشتري فستان من هنا
خالد : اوك خلاص الليل اطلعك تشترين
ابتسمت ابتسامه عريضه : اوك
انتظرت لما طلع واتصلت على تولين وردت
ريم : ههلااااا بالحححححبببب
تولين بأبتسامه شاقه وجهها : هلا والله ريموووهه والله اشتقت لك
ريم : وانا اكثر حبيبتي , الزبده ترى برجع بكره
تولين : كذاااااااااااااابه
ريم : ههههههههههه والله , لا تخبرين احد
تولين : اوك
ريم : ما اشتقتي لزوجك
تعمقت بالصمت وتضايقت من كلمتها , ماتحب خالد ولا تبي تتزوجه بس غصب عنها
ريم : هوهه وين رحتي
تولين : هنا معاك
ريم : اسفه اذا ضايقتك
تولين : لا عادي , يلا بسكر الحين وراي شغل
ريم : وش هالشغل
تولين : ابد بنظف المطبخ
ريم : نعم ؟ والخدامه وينها
تولين تتنهد : موجوده بس اختك ماتخليني بحالي
ريم : ياحياتي انتي والله ماتستاهلين بس هذي امجاد لو يصير الي يصير ماتتغير
تولين : لا حبيبتي اليوم ريان برد حرتي فيها
ريم : ليش
تولين : هاوشها وضربها
ريم : احسن تستاهل
تولين :يلا باي
ريم تتنهد : باي




و نروح لتولين




ارتمت على السرير والابتسامه مافارقتها لما سمعت صوت ريم , طلعت من الغرفه وقابلت امجاد
: وش عندها الاخت مستانسه
تولين : ابد والله كلمت الحب وش عندك
امجاد : هذي اخر ابتسامه اشوفها لانك بتشوفين شي عمرك ماشفتيه
تولين تحاول تخفي خوفها , قربت منها وتكلمت بحده : احترمي نفسك واعرفي مين تكلمين حبيبتي ولا تستقوين علي عشان ماافضحك
, بصراحه كان المشهد الي شفته مره حلو وعجبتني حركة ريان تستاهلين الي يسويه فيك
مدت يدها امجاد توها بتعطيها كف ومسكتها تولين : هاليد ماعاد تنمد علي فاهمه
نفضت يدها ودخلت الغرفه وسكرت الباب بقوه : ليش اسكت لوحده مثل هذي , والله ياتولين لتبكين دم



عند تولين , ابتسمت ابتسامه عريضه ماتوقعت انها بتقدر عليها , مشت بثقه متوجهه للحديقه واستوقفها ريان
: اي فضيحه الي تقولين عنها
تولين : مو لازم تعرفها
ريان : الا لازم اعرفها ومارح تتحركين من هنا لما تقولين لي كل شي
تولين : قلت لك مو لازم تعرفها
توها بتمشي مسك يدها وسحبها : بتقولين لي الحين
نفضت يدها وناظرته بحده : انا معاك بالبيت مو معناته انك تاخذ راحتك وتمسك يدي
سكت ريان وتركها , توجه لغرفته وارتمى على السرير : وش الي سويته انا , يالله طحت من عينها لازم اعتذر لها




عند تولين
جالسه على الكرسي تتأمل الورود

طلع ريان وتوجه لتولين وجلس على الكرسي : تولين انا اسف
تولين تناظره بطرف عين : اسف على ايش
ريان : ماكان قصدي امسك يدك بس انتي قهرتيني لان هالشي يخص امجاد وهي اختي والمفروض اعرفه
تولين : والله ياأخ ريان عشانها اختك انا مابي افضحها
ريان بغضب : تولين بتقولين لي الحين والا
قاطعته بصراخ : والا ايش ! بتضربني
ريان يحاول يمسك اعصابه : تولين قولي تكفين
تولين : نو نو نو
ريان : توليييييين
تولين بصراخ : انت ماتفهم , مارح اقول لك شي لو تنطبق السما على الارض لا تحاول
ريان بنظرات حاده تخوفها : لا تصارخين علي لا اقطع لسانك فاهمه
قامت تولين وتوجهت للصاله ، ارتمت على الكنب وتنهدت
دخل ريان وشافها : شوي شوي لا تكسرين الكنب
انقهرت منه وحاولت تخفي قهرها ، لفت عليه وابتسمت
استغرب من حركتها و عطاها ظهره وتوجه لغرفته


==================================

( ريــــم و خــالـــد )




خالد : يلا ياريم بتروح علينا الطياره
ريم بأبتسامه : يلا يلا
خالد : وش عندك من امس مبتسمه
ريم : بشوف تولين ليش ما ابتسم
ضحك بخفه : يلا طيب امشي



تعديل الهنوف.; بتاريخ 12-09-2013 الساعة 06:59 PM.

روية خذني على ميعاد اللقاء عشاق

الوسوم
ميعاد , المقام , خذني , رؤية , عشاق
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية تراب الندم / بقلمي ، كاملة جروح غامضه روايات كامله - يتم نقل الرواية هنا بعد اكتمالها 711 11-01-2015 12:31 PM
فرصة مجنونة / رواية رومانسية سعودية miss_7la أرشيف الروايات المغلقة - لعدم إكتمالها 46 02-07-2013 12:14 AM
روايتي الأولى : على ثباتك في خفوقي أهنيك وَنـــــــہۧ .. أرشيف الروايات المغلقة - لعدم إكتمالها 21 30-05-2013 12:53 AM
الى كل الزعماء هم يا دنيا كووره عربية 70 17-08-2011 12:32 AM
ما قـبل الـديربي ** الـهـلال Vs الـنصـر (إحصائيات - معلومات - صور - أهداف) MATRIX كووره عربية 17 29-04-2010 02:05 AM

الساعة الآن +3: 07:13 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1