غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 26-09-2013, 06:59 PM
صورة dana.y الرمزية
dana.y dana.y غير متصل
©؛°¨غرامي مشارك¨°؛©
 
الافتراضي ليش أنا بالذات إيش كان غلطي الحب ولا الطيش /بقلمي


اهلا انا عضوة جديدهـ
ودي اول رواية انشرها وأتمنى تعجبكم
اسمها " ليش انا بالذات "
نبذه عن الروايهـ
اول شي اللهجه : اكثر شي حأستخدم اللهجه الحجازيه مع شوية English
الأبطال : اغلبهم في فترة المراهقه
اما القصه فما اقدر أقول شي لأني اكيد حأحرق كتيييييييييييييير
منجد أتمنى انها تعجبكم

البارت الأول
في واحد من أيام حبيبتنا إجازة الصيف وفي المطار الدولي بجدة
كانت شايلة شنطتها وتجري وتقول :Ooh I'm very excited ,. وفجأة صرخت بأعلى صوتها : انااااااااا جييييييييييت اخيييرا وحشتينيييي يا جييدااا
بعد ما اختفى صوتها طلعت أصوات كثيير منهم إلي يضحك ع الجنان اللي هيا في ومنهم يسبها ويقول ازعجتنا ووو
فدي اللحظة قالت : شعور يجنن like the moves
راحت وكالعادة جري اول ما طلعت من المطار اخذتلها تاكسي وطلعت ورقه واعطتها للسواق وقالت بأدب : روح هنا لو سمحت
ثواني ونرجع للبطلة المرجوجه دي
في قصر الـ ... في مدينة جده , الوضع كان جنان من أشجار و نوافير و حيوانات محد يقدر يتخيل الرفه اللي عايشينو اهل دا البيت
قال بصوتو الضخم : احمد خد هادي الأوراق ووديها الشركة وارسلي معلومات عن المناقصه الجديدة
احمد ( السكرتير ) : طال عمرك أجهز السيارة
علي : لا أحمد انا اليوم محا اروح الشركة
احمد ( السكرتير ) : عسى ما شر طال عمرك
علي : لا مافي شي بس اليوم عيد ميلاد ليانا وزعلان أني محا أكون معاها
احمد في نفسو " اخخ بس زعلان ها يا كلب انا معد حأشوف ابويا طول عمري وانتا السبب ودحين
عشان عيد ميلاد ديك البزره ( الطفلة ) طيب طيب حسابنا قريب " بعدين قال : تتعوض ان شا الله
خرج احمد السكرتير واللي ساكن مع مديرو ومالك سلسلة من اكبر الشركات في السعودية وحتعرفو السبب مع الأحداث
كان الأستاذ علي في غرفتو لمن جاتو كبيرة الخدم "امال" وهيا مبتسمة ودا شي مو متعود عليه ابدا وقالت : في ضيف تحت يا أستاذ علي
قال : امال انا اليوم متضايق وما ابغا اقابل احد , امال ونفس الإبتسامه على فمها : أستاذ شكل الموضوع مهم جدا الرجال شكلو متوتر
هنا الأستاذ علي حس انو اليوم في شي غير امال مبتسمة وكمان تناقشني في اوامري !!!! : طيب طيب انا نازل
نزل علي لين اخر الدرج وهوا يفكر في حركات امال ومرا ما فكر في الضيف اللي تحت
علي : امال فين الضيف ؟؟!!!
وفجأه طلع من وراهـ صوت مبحوح من زمااااان ما سمعو : دااااادييييييييييي
لف لقا ملاكو الصغيره تجري وتحظنو بأقوى ما عندها كان حيطيح ع الأرض بس قدر يتوازن
قال وهوا يلهث : ليان , انتي ليان صح , لالا انا اكيد احلم ولا اتخيل
ليان : ههههههه يعني حلو ودمو خفيف , احس انو عندي احسن اب في العالم
وجلسو حاضنين بعض , اب وبنتو ما شافو بعض من ثلاث سنين او اكثر كل واحد فيهم مو عارف يبكي ولا يضحك ولا ايش يسوي , كان موقف مؤثر جدا ومن شدة تأثيرو بعض الخدم كانو يبكو وبعضهم يحاول يحبس دموعو وبعضهم يتخيل نفسو مكانهم
انتها الموقف العاطفي بصوت ليان : بابا انا مرا جوعانه ما اكلت
الاب : اسفين يا بنتي يلا يا امال لو سمحتي جهزي الأكل
امال : على امرك
عبال ما يجهز الأكل حاوصف ابطالنا
اول شي ليان " اليوم سار عمرها 16 سنه , بيييضه وعيونها لونها قرييييب من الذهبي كدا لون غريب شعرها كيرلي يجنن بس قاصاه لين فوق رقبتها بس برضو يجنن شكلها طفوووولي لابعد حد اللي يشوفها مستحيل يعطيها عمرها "
اما الاب " شيبه عمرو 53 وواضح على ملامحو العطف والحنان بس هدا لشي ما يغير حقيقة انو ذكي جدا ورجل اعمال ناجح وارث فلوس وشركات من اهلو بإختصار هاموووور "
امال : اتفضلو الأكل جهز
ليان " اووو والله مرا شبعانه مالي خلق اكل بس كل شي عادي عشان بابا زي ما وصلني من امال اكلو سار مرا قليل وما ياكل وكلو بسبب زعلو ودا الشي بسببي " : بابا يلا تعال انا جوعانه وحاخلص الأكل عليك
الاب : هههههه من عيوني ...
المهم اكلو وخلصو ومر أسبوعين وهما مع بعض وكل وقتهم فرح في فرح والأب ما كان يروح الشركة عشان يجلس معاها ,, في صباح يوم الأحد
الأب : اسف يا بنتي بس داخلين على مناقصة جديدة وانا لازم اروح الشركة
ليان : it's okay dad , وانا أصلا أبا اقابل صحباتي اليوم وحأتأخر
الأب : عندك صحبات هنا ؟؟
ليان : اا هما مو صحباتي هما صحبات صحبتي ودايما تكلمني عليهم
الأب : عادي يا قلبي روحي
ليان حظنت ابوها بقوة وقالت : شكرا يا احلى اب
المهم خرج ابوها وسارت امال تطالع فيها , ليان : اشبك في شي
امال : صحبات ؟
ليان : ايواا ترا عندي اخوات صحبتي هنا
امال : قبل شوية كانو صحبات صحبتك
ليان : ااا قصدي صحباتها ,, بس كان واضح على ملامح امال انها تبا جواب تاني
ليان : okay okay don’t be mad
امال : اتكلمي عربي عشان تتعودي ويلا جاوبيني ايش اللي سار قبل شوية
ليان : انا قلت كدا عشان اخلي بابا يطلع وهوا مطمن وما يخاف عليا ويقدر يشوف شغلو
امال : كويس انك فكرتي في ابوكي بس لا تكذبي مرا ثانية حتى لو كانت نيتك صافيه لو كررتيها ممكن تصير عادة فيكي
ليان : okay I'm sorry
امال : ليااان
ليان : اوو طيب طيب اسفه
امال : ليان انتي ما خرجتي من يوم ما جيتي روحي اتفرجي ع المولات اشتري ملابس سوي شي
ليان : والله فكره حلوهـ , حأروح ألبس , وطلعت فوق جريي
" ممكن تكونو مستغربين من طريقة امال في كلامها مع ليان بس لمن كانت ليان صغيرة وعايشه في السعودية امال هيا اللي ربتها فمعتبرتها بنتها وكمان ليان معتبرا امال أمها "
نزلت ليان وقالت : امال ايش رايك في لبسي ؟
كانت لابسه برمودا بيج وتيشيرت احمر وطاقيه
امال لمن شافتها شهقت : افف ايش دا ؟؟!!!
لياشن : فيا شي غلط ؟
امال ما حبت تحسسها بالظغط كدا على طول فقالت شوية شوية انها مرا مي متعودة ع العباية ولا ع الإسلام بكبرو بس انها مسلمه بالإسم : لا ولا شي شكلك يجنن يلا تعالي
وهما خارجين رن منبه جوال امال تريرم تيريرم لمن شافتو امال قالت اففف يا الله نسيت معليش ليان والله مرا نسيت عندي شغله لازم اسويها
ليان بإستياء ما حبت تحسسو لأمال : لا عادي نروح مرا تانية
امال : لا يا بت انتي روحي انا محا اروح
ليان : بسس
امال :لا بس ولا شي وخدي معاكي ماري والبوديقارد
ليان : لاا ايش بوديقارد كاني مدري ايش مابا
امال : بس يا ليان ما ينفع تروحي بدونهم
ليان بتصريف : طيب طيب بس بدون ماري هما كفايا
امال استغربت بس عدتها : طيب يلا
راحت ليان السوق وسارت تدخل محلات وتطلع اشترت كم لبس والبوديقارد مرا قريبين منها حتى الناس كانو مستغربيين مرا المهم جات داخله الحمام – اكرمكم الله – وقالت : sorry guys ودخلت
جلسو يستنو برا ويستنو مرا محد طلع اكن الناس يدخلو ويطلعو وهما مو شايفينها وقالت بصوت واطي : اغبياء بس غيرت ملابسي ما عرفوني والله حاله ومشيت
لبست بنطلون جنز وجاكيت كبير شويتين ( عاد وصفي سيء بس يلا )
هنا كانت حاسه بسعااااده لا توصف حاسه بالحرية من زمان ما لعبت دي الألعاب دارت ودارت ليييين طفشت وقررت ترجع البيت راحتلهم عند الحمام بس ما لقتهم وهيا اصلن ما معاها فلوس بس اخذت شوية فلوس في جيبها والشنطة وباقي الأكياس معاهم
ما تقدر تسوي شي حاسه بالضياع وانو محد يقدر يساعدها ما تدري لييه بس افتكرت هنا طفولتها هيا ما تفتكر أي شي صارت تقول لنفسها " مو مهم مو مهم كل الناس ينسو مو بس انا عادي عادي ,, اممم طيب دحين ايش اسوي خلاص مافي غير استناهم عند الحمامات اكيد حيرجعولي " راحت وجلست تستنى تستنى محد رجع
** بعد ساعتين **
...: ههههههههههههه ايوا ايوا شفتو ياخي والله كان نكــ
وفجأهـ " اتعنقل (تعثر ) برجل وعلى طول لف وهوا يقول : مين التبن ؟!!
ليان كانت جالسه ع الأرض ومادا رجولها " الأخت تعبت وهيا واقفه جلست ونامت خخخخخ" قالت : اييييي يا رجلي وجع اي شدا طوبا " حجارة" الأولاد اللي كانو ماشيين مع فارس "الولد اللي اتعنقل " فطسو ضحك
فارس : أقول انتا يا اهبل منسدح هنا لييه ؟ "
ليان كانت مغطيه وجهها بطاقية " قبعه " الجاكيت شالتها بقوة ووقفت وقالت بعصبية : أولا انتا الأبله شايفني ولد بالاهيي وكمان انا كنت نايمه بس انتا اعمى ما تشوف خير ؟!!
فارس : ما شا الله حتى البزورا "الأطفال" طلعلهم لسان
ليان : بزورا فعينك كم عمرك كم عمرك يا كبير انتا ؟
فارس : 18 وانتي كم خمسا سنين
ليان : هاهاها لا لا والله دمك خفيف حأتقطع من الضحك
فارس : عارف انو دمي خفيف ما يحتاج تقولي
ليان : سامج !!
فجأهـ صوت من بعيد ليان ليان ؟!
ليان لفت ولقت امال تمشي بسرعه وتدور
ليان : انا هنااااااا
جات امال وحضنتها بقووووووووووه : انا اسفه يا قلبي لو كنت ادري انهم مو قد المسؤولية وحيضيعوكي كان جيت معاكي
ليان وهيا تهدي امال : ههههه عادي أصلا انا اتعرفت على أصحاب شوفي واشرت على فارس
فارس : !!!!!!!
ليان بخفه راحت جمب فارس وقالت بصوت واطي : عمري 16 مو خمسا سنين حاول ما تخربط بين اعمارنا خخخ
وقبل ما تعطي فرصه لفارس عشان يجاوب راحت عند امال وقالت بصوت عالي : اشوفك على خير محمد
فارس مصدوم مو عارف ايش يسوي أصلا ما استوعب اصحابو بس يتريقو عليه وهوا يفكر ويحاول يستوعب وأخيرا قال : وجعع , أبا ايسكريم
هنا الشله فكت كاااي وبعضهم انسدح ع الأرض من كثر الضحك بس فارس ولا على بالو
في السيارهـ امال قالت : اسمعي يا بنتي هنا مو زي أمريكا لازم تراعي انو المكانين مو زي بعض
ليان ما ردت لأنها أصلا ما سمعت كانت تفكر في اللي قبل شويه شافتو وكيف كان كلب بعدين قالت بصوت عالي وهيا تتخيل : بس والله حلو ! ,, امال ضحكت ع البنت المفهيه دي وما علقت
اوصفلكم فارس " طويل طولو 170 ابيض بي مو مرا وشعرو اسود وناعم وطويل شوية ودايما يكون طايح على وجهو .واليوم كان لابس قميص اسود وبنطلون جنز شكلو كان مرا حلو "

توقعاتكم ؟؟
ايش قصة احمد وايش اللي يخططلو ؟
ايش توقعاتكم لمناقصة أبو رغد ؟
طيب ايش حيسير مع فارس ورغد وهل حيتقابلو تاني ؟

خلص البارت بس مو طويل معليش حأنزل واحد تاني اليوم
اسفه لو في أي تقصير او أخطاء فدي اول رواية انشرها
لو أي احد عندو نصايح ليا أتمنى يقولها وأتمنى من كل اللي يقرو الرواية او ع الأقل دا البارت يعطوني رأيهم فييه والتوقعات و رأيكم عن الشخصيات بلييز


تعديل dana.y; بتاريخ 26-09-2013 الساعة 07:00 PM. السبب: خطأ مطبعي
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 26-09-2013, 07:10 PM
صورة زهره التواضع. الرمزية
زهره التواضع. زهره التواضع. غير متصل
©؛°¨غرامي مشارك¨°؛©
 
الافتراضي رد: ليش انا بالذات , إيش كان غلطي "الحب ولا الطيش " ؟!!


رويتك جميله مشالله
بس لو سمحتي اذا نزلتي. اي بارت ترسلين رابطه علي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 26-09-2013, 08:24 PM
صورة dana.y الرمزية
dana.y dana.y غير متصل
©؛°¨غرامي مشارك¨°؛©
 
الافتراضي رد: ليش انا بالذات , إيش كان غلطي "الحب ولا الطيش " ؟!!


شكرا يا قلبي على رأيك
تأمري امر , انتي اول وحدهـ طلباتك اوامر :))

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 26-09-2013, 08:36 PM
صورة dana.y الرمزية
dana.y dana.y غير متصل
©؛°¨غرامي مشارك¨°؛©
 
الافتراضي رد: ليش انا بالذات , إيش كان غلطي "الحب ولا الطيش " ؟!! \ بكيبوردي


نزلت دا البارت بسرعه عشان بداية واباكم تتحمسو مع ابطالنا شويتين



تاني بارت

في الشركه

احمد بإبتسامة خبث يتكلم بالتفلون : حاضر , بس المقابل .. خليها الضعف وانا موافق
علي : احمد , هات أوراق المناقصه على مكتبي
احمد ارتبك وراح لمكتب الأستاذ علي اللي هوا أبو ليان عشان يعطيه الأوراق او الملفات

**مر أسبوعين على ابطالنا **

ليان نسيت موضوع فارس وشالتو من بالها نهائيا وكل اللي شاغلها ابوها والوقت اللي تمضييه مع ابوها
اما فارس فلين دحين فاكرها ويتمنى يشوفها مرا تانيه عشان ينتقم الأخت ضيعت أبو ام البرستي
الأب مرا مهتم بالمناقصه الجديدهـ لأسباب حتعرفوها قريب

..

صباح يوم الإثنين في بيت أبو ليان
ليان : والله منجد مستحيل نقدر نعيش بدون امال
علي : طبعا ما نقدر , أصلا هيا متغيره من يوم ما جيتي سارت تضحك وتتكلم وهيا اول لا حس ولا خبر
ليان : هههههه دا وشي سعد عليكو – عاد افهموها مصري ها لهجتي مضروبه -
علي : هههههههه طبعا طبعا
دوبها جات وقالت فجأهـ : تأمروني بشي ؟؟
ليان : يا اميي فجعتيني
علي : هههههههه لا والله مشكورا
ليان : بابا !!
علي : ايوا ايوا في شي ضروريي
امال : !
علي : احنا لاحضنا انك مقصرهـ في شغلك
امال: انا !! متى , اقصد ممكن تقولولي الخطأ عشان اعدلو
ليان ضحكت لأنها شافت شكل امال المرتبك
ليان بصوت مليان ضحك : ايوا منجد غلط سيء
امال: !!
ليان : منجد كيف تحرمينا من الوج الحلو دا وما تاكلي معانا زي اول
امال : هاا
علي :اجلسي يا اامال اجلسي
طبعا بعد ما شرحولها انو دا الموقف كان من تخطيط ليان عشانها كانت تبا امال تجلس معاهم زي زمان عصبت وفرحت في نفس الوقت عصبت لأنهم منجد حرقو دمها ووتروها وشككوها في نفسها وفرحت لأنها شافت شي في قلب ليان ما تقدر توصفو بكلمات


عند فارس واصحابو

تركي : والله يا فارس انتا ما شفت شكلك ياخي منجد كنت توحفه لالا بس اكثر شي لمن قلت – يقلد فصوت فارس – وجع أبا ايسكريم – كان موقف مو بس يفطــ
فارس بصراخ : خلاص يا كلب لينا أسبوعين وانتا كل يوم تعيد نفس الأسطوانه
... : طبعا تريك ما يسيب شي الأخ لازم يجلس في الهرجه سنه على ما يطفش منها
فارس : اخخخخ بس نفسي اشوف دي البزرة ياخي والله لا أوريها , تدرو ليا أسبوعين بس احلم فيها
تركي : ههههههههههههههههههه طلع الأخ معجب
فارس وجهو محمر : يا كلب ينعن شكلك اعجب في ابوك قبل ما اعجب بهاذي
...: دحين انتا محمر من العصبيه ولا الخجل أبا افهم
تركي : كشنا طلع يحب ديك الأخت
فارس : مااااااااااجد ترييييييييك احسلكم – وجاب المكنسه وجرييي وراهم وهما فاطسين ضحك ويجرو –
اشكالهم مو بس توووووووحفه فلم كوميدي قسسم بالله


في شركة أبو ليان

احمد : أستاذ من وجهة نظري احنا لازم ننسحب من المناقصه الجايه
علي : ليش يا احمد تدري احنا كيف تعبنا عشان نوصل للي وصلنالو
احمد : والله عارف بس انتا عارف الشركات اللي داخله كبيره وما نقدر نواجههم
علي : لا تزعلني يا احمد احنا محنا اقل من احد بعدين احنا داخلين داخلين عاد يفوز بالمناقصه اللي يستحقها ومقدم افضل سعر ومن وجهة نظري عرضنا جيد
احمد : طيب ممكن اطلع على العرض
علي : احمد لا تخجلني معاك عارف انك زي ولدي وما اقدر ارفضلك طلب بس انتا عارف ايش طريقتي انا مستحيل اوري الأوراق لاي احد غير المختصين اللي يساعدو طبعا
احمد : انا اسف بس حبيت اطمن لو اخذنا المناقصه حنربح مبلغ وقدره
علي : ان شا الله نربح ولا تخاف يا ولدي العرض ممتاز
احمد في نفسو – ولدك في عينك اخخخ بس قريب قريب موعدنا وحأطلع ولدي دي من عيونك يا .... – : طيب طال عمرك انا رايح عندي شغل تحتاج شي ؟
علي : لا لا روح الله معاك
احمد طلع وعلى طول اتصل بالتلفون: ايوا انا احمد ,, لالا الطريقتين ما نفعت ايش اسوي ,, لا بس طيب طيب
عند ليونتي
ليان : هههههههههههههههههههههههههههههههههههههههههههههه شكلو مرا يضحك هههههههههههههههههههه
اوصفلكم شكلها كان شعرها مكركب – مو مرتب – وطايح على وجهها لابسه فستان بيت قصير اصفر وحولينها شبسات ولبان وحلويات وماسكه علبه كورن في يدها وتتفرج على الفلم وتضحك
دخلت امال الغرفة: افففف ايش دا انتي كيف جالسا كدا اوف فايش دا لازم تهتمي بجسمك لا تسيري برميل ولا شي
ليان : ايش اسوي من اول وانا لوحدي بابا مرا مشغول دي الأيام
امال : والله ما اعرف ايش اقولك بس !
ليان : اخخخخ عادي عادي
اليوم الثاني في الصباح
ليان لابسا اسود في اسود ولابسه طاقيه وشايله كاميرا في يدها شغلت الكاميرا فيديو و حطتها على وجهها : انا اليوم حأسوي لبابا موفاجأهـ حأدخل غرفة الإجتماعات , ايوا ايوا غرفة الأجتماعات ديك البعيدا صح اني ما قيد دخلتها بس شكلها مهمه تخيلو امال قالتلي انو عليها حراس وكمان بابا ما يخلي احد يدخلها ابدا حتى التنظيف هيا تروح تنظفها بنفسها خخخخخخخخخ بس انا فنانه اكيد اقدر ادخل خخخخ شوفو شوفو الفن شوفوا يش معايا – كان في كاسات قهوه محطوطا في صنيهـ تخيلوا ايش فيها خخخخ – وطلعت زي دوا وقالت – تراااااا
- طبعا راحت وطولة وهيا تمشي لأنو غرفة الإجتماعات منفصله عن البيت تماما -...... قالت : اففففففففففففف كل دول بس عشان غرفه حشا ولا الإف بي أي علقت الكاميرا في رقبتها وراحتلهم : هاي قايز ايم مستر اليي دوتر أي هيرد ذات يو قايز ستاي هير أول ذا نايت سو أي ثينك اباوت هيل بيو لوك تو وات أي هاف واشرت على القهوة أعطت الحراس القهوة وقالت انها تبا تدخل جوا تعطي الباقيين سمحولها وهما مترديدين واعطت اللي جوا بس لمن جات تبا تدخل على جوا قالولها انو مافي احد هنا واصلا الباب مسكوك بالمفتاح شكروها على القهوة وراحت
- بعد ساعه
ليان : يسسسسسسسس انا عبقريه عبقريه
مشت من بينهم بخفه كانو كلهم في سابع نومه فتحت الأبواب ودخلت وطبعا هيا شالت مفتاح الغرفه من امال بدون ما تدري وقالت لامال انها رايحا المول ويمكن تطول ,
ليان : ايم سوري بات وات كود أي دو
فتحت الباب وما اتفاجئت بديكور الغرفه الراقي لأنها متعوده على كدا راحت واندست ورا وحدا من الكنبات الكبيرهـ وركزت الكاميرا على الباب ..
استنت ساعه
ساعتين
ثلاث ساعات محد جا لييين ما نامت
وفجأهـ صحاها من النوم صوت ابوها يصرخ : ادخل يا احمد بسرعه
دخل احمد بصمت وشغل شي زي البروجيكتر وعلى طول جاتهم مكالمه ردو
... : اعتقد احمد قالك احنا ايش نبغا انتا بإختصار حتنسحب من المناقصهـ لو انسحبت من دحين حنساعدك في اعمالك بس لو اصريت على موقفك حنطر ناخذ منك كل شي تملكوهـ
علي : انتا مين أصلا وكيف تسمح لنفسك تتكلم معايا بالأسلوب دا ( طبعا المكالمه كانت صوت وصورا )
.. : لا تكثر كلام وسوي اللي انا اقلك عليه احسلك واحسن لبنتك
علي : انا حأوديك في ستين داهيه عشان تتعلم المرا الثانيه ما تجيب سيرت بنتي على لسانك
... : هههههههههههههههه خوفتني خوفتني انا لو خايف منك ما كان وريتك وجهي وانا أصلا وريتك وجهي عشان اثبتلك انك ما تقدر تسوي شي معانا ولا تنسى كل كبير في اللي اكبر منو
علي : قول دا الكلام لنفسك .. بعدين ايش تقدر تسويلي ( كان أبو ليان يستفزو عشان يغلط )
..: هههههههههه لا تزعلني منك وانا على بالي فاهم ما يبالها شي انتا اطلعلك تهمه من تحت الأرض وأدخلك السجن وبنتك اقتلها واخليها زي كانها المسكينه انتحرت لأنها ما قردت تستحمل الصدمه
أبو ليان مسك مزهريه ورماها بقوة على وجه الرجال طبعا الزجال ما سرلو شي بس الجهاز انكسر
علي : والله لا اندموا لساعه اللي قرر فيها يتحداني روح جيبلي تسجيل للمكالمه وأرسلها للشرطهـ
احمد : أستاذ انا سويت شوية تحقيقات وانا متأكد انو اللي اتصلو من جماعة ألـ...
علي : اييييش لالا مستحيل انتا أصلا متى حققت ؟
احمد : اه اآآ جاتني شوية اتصالات تهديد ولمن حققت طلعت منهم
علي : وليش ما اعطيتني خبر باللي صار
احمد : ما حبيت ازعجك
علي فكر بتعمق لمده وبعدين قال : خلاص ارسل الفيديو للشرطه وما عاش اللي يهددني انا وبنتي ويدوسلنا على طرف
ابتسم احمد بخبث : حاضر طال عمرك , انا كمان شايف كذا " بعدين راح
وطبعا كل هذا يصير وليان جالسه تصور من ورا الكنبه وصورت كل اللي صار من الألف الي الياء بس ما اتحركت ولا نطقت بحرف اتجمدت من الصدمة.. رجع احمد بسرعهـ
احمد : طال عمرك رسولنا فيديو _ وشغل الفيديو بس كان صوت : حنعطيك فرصه ساعتين لو ما جانا خبر انسحابكم محا يحصلكم طيب .... ووقف الشريط
احمد : ننسحب ولا لا ؟؟






خلص ثاني بارت
ها ايش ارائكم
وتوقعاتكم ؟
ايش حيسوي احمد ؟؟
ليش هوا يسويي كذا أصلا ؟؟
ايش رايكم في فارس وايش تتوقعو يسوي ؟؟
وايش قصة الناس اللي يهددو أبو ليان ؟
حيوافق أبو ليان على طلباتهم ولالا ؟
طيب لو وافق ايش حيسير ولو ما وافق ايش حيسير ؟
كل هاذي الأشياء تسير وهما في الغرفة وليان لا حس ولا خبر ايش سار لها ؟
عموما ايش رايكم في البارت ؟؟ عندكم اراء تانية , نصايح أي شي ؟؟





كل احد قرا البارتين ترا انا احبكم مرااااااااااااا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 27-09-2013, 12:00 PM
صورة زهره التواضع. الرمزية
زهره التواضع. زهره التواضع. غير متصل
©؛°¨غرامي مشارك¨°؛©
 
الافتراضي رد: ليش انا بالذات , إيش كان غلطي "الحب ولا الطيش " ؟!!


جميلهه تسلمين ي روحي عالبارت الجميل زيتس
التوقعات ليان ايش حيسير لها:اتوقع انها رراح تنخطف او شي اتخيل عاد هههههههههههههههه
ابو ليان راح يوافق عالطلبات:مدري بس اتوقع ماراح يوافق
ايش حيسوي احمد:اتوقع انه ناوي على شر وانه ممكن يزور التسجيل هههههههههههههههه
امممممممممممم اتمنى تزيدي من الوصف لانو الكلام يسبق الوصف
ودي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 28-09-2013, 08:12 AM
صورة dana.y الرمزية
dana.y dana.y غير متصل
©؛°¨غرامي مشارك¨°؛©
 
الافتراضي رد: ليش انا بالذات , إيش كان غلطي "الحب ولا الطيش " ؟!!


شكرا مرا ثانيه يا اول متابعيني
ان شا الله تشوفي التغير في البارت الثالث

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 29-09-2013, 08:58 AM
صورة dana.y الرمزية
dana.y dana.y غير متصل
©؛°¨غرامي مشارك¨°؛©
 
الافتراضي رد: ليش انا بالذات , إيش كان غلطي "الحب ولا الطيش " ؟!!


البارت التالت
أبو ليان يصرخ ويصرخ في قمة التوتر , مو عارف ايش يسوي واقف بين ناريين , الي هددوه من الــ.... هوا عارف في قرارة نفسو انو الفوز اقرب للمستحيل بس , بس لو وقف هنا حيخسر كتير وكل اللي خططلو من سنين حيروح في غمضة عين , بس هما هددوهـ ببنتو وبحياته , مو مستوعب ناس زيهم ليش يلجؤو لأشياء زي كدا هما اعلى من انهم يستخدمو التهديد , مستحيل كان يقول في نفسو " اخخخ بس ايش اختار اهدم كل شغلي لكل ديك السنين لو فزنا بالمناقصه حيتحقق حلمي بس ليان , ايش لو سوولها شي لالا أصلا محد يقدر يلمسها بنتي انا يموت اللي يفكر يأذيها بأي شكل من الأشكال ..." قطع عليه تفكيرو صوت احمد : أستاذ حننسحب ولا لا ؟؟ أستاذ !!
علي بعد تنهيدهـ خرجت من اعماقو : ارسل الفيديو .
احمد بصوت كلو سعاده : محا ننسحب ؟!!!!
علي مستغرب : احمد ؟!!
احمد بإرتباك : كنت خايف ننسحب ويضيع كل شغلنا .
علي كان تعبان وما حب يشغل بالو بأي شي : طيب روح ارسل الفيديو بسرعه
احمد راح بدون ما يقول شي
دا كلو يسير وفي احمد في ركن الغرفه متكي ( متسند ) على الجدار """لياان""" ليان كانت ماسكه فيدها طراطيع وعلى عينها قناع ابيض كانت تبا تسوي لأبوها مفاجأة عشان تفرحو عشان تغيرلو جو بس ايش اللي قاعد يسيير ليش كدا كانت تقول في نفسها " دحين هما هددو بابا صح , يسجنوه ويقتلوني ,, لالا أصلا ما يقدرو مين هما أصلا بابا شخص معروف ومهم ما يقدرو يسولو شي ,, بس بابا لمن سمع انهم مع الــ... بان عليه انو مرا اتوتر مين دول أصلا افف طيب انا ايش اسوي دحين اجلس هننا ولا اطلع ولا ايش يا ربيييي " فجأهـ صوت ابوها : نادولي امال بسرعه
بعد شويه جات امال وانصدمت لمن دخلت الغرفه كانت الشاشه الكبيره مكسوره وكل شي حالتو حاله : !!!
قالها : امال جهزي شنطة ليان وقولي لليان انها حتروح اجازهـ عند عمها أسبوعين ثلاثه
امال بإستغراب : عمها !!
علي : ايوا عمها و انتي حتلحقيها بعد كم يوم
امال : !!!
علي : امال ما اقدر اشرحلك شي دحين روحي وانا بعدين اشرحلك كل شي
احمد دخل الغرفه وقال : أرسلت الفيديو للشرطة
علي : كويس , يلا تعال يا احمد
وخرجو كلهم من الغرفه
ليان تقول في نفسها " اف انا ايش اسوي دحين لو طلعت حيحققو معايا الي برا ,,افففففففف طيب طيب اقدر اقولهم دخلت مع امال ولا شي مع انهم محا يصدقو"
قامت اخذت الكاميرا اللي كانت مثبتتها عشان تصور من زاوية واضحه بدون ما تكون هيا ماسكاها بنفسها وحطتها في الشنطه وطلعت فتحت الباب واستغربت الوضع ما كان مرتب ابدا زي الصباح كان و ما كان فيي غير اتنين وكانو واقفين بعيد شوية ما اهتمت وقالت انو الحمدلله وطلعت بسرعه
في البييت كانت ليان دوبها داخله جاتها وحدهـ من الخدامات تجري : اوو الحمدلله لو سمحتي ممكن تتوجهي على غرفتك امال هناك
ليان : طيب
وطلعت فوق اول ما وصلت الغرفه لقت امال خارجه ومعاها شنطه
امال : جيتي في وقتك , انا وابوكي فكرنا فطريقة عشان تغيري جو حنرسلك بيت عمك
ليان : امال !!
امال : انا عارفة انك اول مرا تسمعي عن عمك , ابوكي ما كان يتكلم عنو لانهم مو مرا قريبين من بعض
ليان ما صدقت دا العذر ابدا قالت في نفسها " يعني طلع عندي عم طيب , بس اني اروح لو في دا الوقت وعشان اغير جو فلا , لا يكون بابا خايف منهم عشان كدا حيرسلني "
امال : انا عارفه انك مصدومة بس بسرعه مافي وقت هاذي شنطتك انا حألحقك بعد كم يوم وخدي هادي بطاقه فيها فلوس حتكفيكي اكيد
ليان : انا عندي ,ليش تعطيني مرا تانية
امال : دي طلبات ابوكي
ليان كانت حااسه انو امال بكبرها متلخبطه وانو ابوها لين دحين ما قال لأمال أي شي ما حبت تثقل عليها : طيب بس أبا اسلم على بابا قبل ما أروح
امال وهيا حاسه فيها : طيب هوا في مكتبو
ليان راحت لمكتب ابوها دخلت لقت المزهرية مكسوره ع الأرض والأوراق مرميه في كل مكان بإهمال ووجه ابوها منجد متغير وباين انو مرا متوتر
ليان تبا تحسس ابوها انها جات : بابا
لف عليها : بنتي يا قلبي انتي ,
راحت جمبو ومسكت يدو : بابا لا تخاف خليك قوي انتا ان شا الله حهزم كل شي يوقف في طريقك
حس فدي اللحظه انها فاهمه كل شي يسير حس انو كلامها رفع ثقتو بشكل واضح : لا تخافي عليا انا ان شاء الله حأعدي دي المشاكل , دحين انتي لازم تروحي بيت عمك انا ما كلمتك عنو لانو سارت بيننا مشاكل زمان بس دحين انا اتفاهمت معاه اجلسي عندو كم أسبوع وان شا الله تمبسطي
ليان : انتا تأمر أمر
وحظنو بعض بقوووووووووووووووهـ كانو يحطنو بعض كأنهم محا يشوفو بعض مرا تانيه ابدا كانت تتمنى من كل قلبها انها تكون تحلم وتصحى تلاقي كل شي زي ما كان
بعد ثلاثهـ ساعات
في السيارهـ
.. : متى حنوصل لينا اكثر من ساعتين في السيارهـ
.. : اسف انسه ليان بس الشترع زحمه والعنوان أصلا مرا بعييد
ليان : طيب طيب بس متى تتوقع نوصل
السواق : خلاص نص ساعه ونكون هناك
ليان : طيب "" اخخخخخخخ بس """ وفتحت الشباك وسارت تتفرج الجو كان كويس كان في شوية زحمه .ما كانت لابسه طرحه و شعرها الذهبي كان كالعادهـ مفتوح , شافت طفل في السياره اللي جمبهم فسارت تسوي حركات تضحك بوجها والطفل كان ميت ضحك عليها . فكت الإشاره ومشيت السيارتين ليان نااامت وهيا تستنى << خلاص سارت عادتها كل شوية تنام
السواق : انسه ليان انسه ليان وصلنا
فزت بسرعه : ها طيب طيب "نزلت من السيارهـ ": متأكد انك ما ضيعتنا
السواق خاف : لالا هذا هوا العنوان " اشر ع البيت " : هذا هوا البيت انا متأكد
ليان استغربت كان البيت مجرد فله ما تجي عشر بيتها _ كيف كدا _ ضغط السواق ع الجرس وبعد دقايق انفتح الباب
كان في حوش صغير واللمبات مو مفتوحه بس مو مرا ظلام الي فتح كان ولد صغير
الولد : انتي ليان
ليان : ايوا انا ليان " نزلت على ركبها ومسكت خدودو : يا قلبو عليككك تجنن
الولد : هههههه يلا تعالي جوا
دخلت البيت وهيا ماسكه يد الولد الصغير بس اتفاجئت اكثر بس دي المرهم و بسبب ديكور البيت لا كان بسبب الرجال والحرمه اللي قدامها كانو مكشريين ويطالعو فيها من فوق لين تحت
الرجال : انتي ليان ؟؟
ليان : ايوا انا ليان انتا عمي صح ؟؟
الحرمه بسخريه واضحه : ايوا عمك يا همي شوف كم عمرها ولسا ما تعرفو وانا زوجة عمك
ليان اتضايقت من الأسلوب بس سكتت
العم : اطلعي فوق حتنامي مع ساميه لين ما نجهزلك غرفة
ليان : طيب
زوجة العم : هيا نايمه دحين لا تزعجيها فاهمه ؟؟!!!
ليان : طيب
الولد الصغير : تعالي انا اوريكي فين غرفتها
ليان ابتسمتلو وراحت معاه وراها الغرفة دخلت وشافت سريرين واحد نايمة عليه البنت والتاني فاضي فراحت وانسدحت عليه بعد ما لبست البجامه
جلست تفكر تفكر تفكر لين ساعه متأخرهـ << الأخت نامت اليوم مليونين مرا " بعدين نامت
هاااا خلص البارت التالت
أتمنى يكون عجبكم
توقعااااااااااااااااااااااااااتكم ؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 30-09-2013, 07:05 PM
صورة زهره التواضع. الرمزية
زهره التواضع. زهره التواضع. غير متصل
©؛°¨غرامي مشارك¨°؛©
 
الافتراضي رد: ليش انا بالذات , إيش كان غلطي "الحب ولا الطيش " ؟!!


اءءءءءءءءءءءء مررهه يجنن طلبتك كملي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 02-10-2013, 03:09 PM
صورة dana.y الرمزية
dana.y dana.y غير متصل
©؛°¨غرامي مشارك¨°؛©
 
الافتراضي رد: ليش انا بالذات , إيش كان غلطي "الحب ولا الطيش " ؟!!


اقتباس:
المشاركة الأساسية كتبها gogo-11 مشاهدة المشاركة
اءءءءءءءءءءءء مررهه يجنن طلبتك كملي
شكرا يا قلبي على ردك وان شا الله بكرا البارت الرابع

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 04-10-2013, 11:26 AM
صورة dana.y الرمزية
dana.y dana.y غير متصل
©؛°¨غرامي مشارك¨°؛©
 
الافتراضي رد: ليش أنا بالذات إيش كان غلطي الحب ولا الطيش /بقلمي


رابع بارت
في صباح يوم الإثنين كان معصب ويبا يعرف ليش مسكت لابتوبو بدون استئذان فتح باب غرفتها بقوة استغرب لمن ما لقاها نايمة فوق سريرها بس شافها نايمهـ ع السرير التاني ومغطية راسها باللحاف قال : طيب يا دوبا انا اوريكي " وراح جري ونط فوق السرير وجلس فوقها انفجعت حاولت تقوم بس مي قاردهـ فجأهـ شال اللحاف عن وجها بسرعه وقال في نفسو : هاهاهاااا مو انا اللي تستهبلييـــــ انصدم وقف دي مي اختي دي مي ساميه مين دي ؟!!!
كانت دوبها صاحية مي مستوعبة لالا تحسب انها لسا نايمة ايش دا , مين اللي جالس فوقي كدا ؟؟
وقفت كل الأفكار لمن انفتح باب الحمام المتصل بالغرفهـ صرخت : يا ماااااااااااماااااااااااااااااااا ماااااااااجد يا اهبل ليش جالس فوق البنت
ماجد : يمااااااااا " وعلى طول فز من فوق السرير : كنت احسبها انتي
قامت ليان : Omg ,
اوصفلكم الشكل كانت البنت الخارجة من الحمام حاطه منشفه على راسها و مفجوعه , الولد كان لابس برمودا جنز وبلوزا مخططه بالعرض اصغر وابيض , اما ليان فكان شعرها ملخبط بنعومه ووجها مفقع " فييه اثار النوم " ولابسه بجامه صفرا
الولد وليان في نفس الوقت : مين انتي \ ا
المهم في النهايه البنت الي طلعت من الحمام _ اكرمكم الله _ مسكت الولد وطلعتو برا " وراحت ليان لبست واتجهزت وطلعت من الغرفة طبعا ما لبست لا حجاب ولا شي
لقت قدامها الصاله كان اثاث بسيط بس حلو كان الولد جالس وجمبو البنت وكانو ساكتين وجالسين يستنوها راحت عندهم
ليان بإبتسامه : اوو اهلا

وجلست فوق الكنبة
جلست ع الكنبة اللي على يمينهم << أتمنى تكونو فهمتو
البنت ضربت الولد برجلها ع الخفيف عشان يتكلم فقال : اييييييي .. ليان كانت حتضحك بس مسكت نفسها كمل الولد : اول شي انا اسف ع اللي سار في الغرفة بس والله ما كنت ادري انو دي انتي على بالي انها دي الهبله الي جمبي
اختو عصبت واعطتو قرموع " ضربتو على راسو " : يا حمار اسكت فشلتنا
هنا ليان ما درت تمسك نفسها وفطست ضحك :ههههههههههههههههههههههههههههههههههههههههههههههههه هههههههههههههههههههههه لا عادي عادي ما سار شي هههههههههههههههههههههههههههههههههههههههه
الولد : شفتي كيف انا كنت داري بنت عمي محا تزعل

الولد : خخخخخخخخخخخخخخخخخخخخخخخخخخ لا منجد كم عمرك
ليان بتكشير : منجد عمري 16
البنت : خالد اسكت خلاص , طيب انا اسمي ساميه حأدخل ع ال16 بعد كم شهر
ليان : اوووووووووو احنا قد بعض يعني
ساميه : ايوا   
الولد : وانا ماجد اكبر منكم طبعا عمري 18 واكيد ملاحظين انا احلى الشباب خخخخخخخخخخخخخخخخخخخ
ساميه : أقول لا يكثر ها
ماجد : امزح امزح , ترا كلو عشان بنت العم يعني عشان تاخد علينا وكدا
ليان كنت فرحانه من قلبها اتوقعتهم يكونو زي أهلهم بس طلعو لزاز واكيد حتمبسط معاهم
ليان : صح صح انا شفت ولد صغير لمن جيت امس فينو ؟
ماجد : اآآآآآ اكيد مناف هوا نايم دحين بعد شويه يصحا
جلسو يتكلمو ويتكلمو ويتكلمو
طيب دحين أبا اعرفكم على دي العيلة
اول شي الأب " اسمو ناصر عمرو 49 بس يبين عليه اكبر بكتير نحيف و دائما
الأم " اسمها سعيدهـ و ما ينطبق عليها مثل " اسم على مسمى ابدا " اخلاقها في خشمها بس تتكلم كويس مع صحباتها اللي تجلس معاهم طول الوقت , جسمها عادي عمرها 47 تكره أبو ليان وامها لأسباب حتعرفوها قريب , ندمانه انها اتزوجت ناصر ندم مو طبيعي "
ماجد " زي ما قال عمرو 18 طولو 171 زي ما قال بنفسو ما شا الله مرا حلو شعرو كستنائي مو ناعم مرا قصير (عادي ) , عيونو بني , ابيض "
ساميه " عمرها 15حلوه , جمالها بدوي , شعرها طويل لأخر ظهرها "
مناف " عمرو خمسه سنين نحيييف رموشو كثيفه شعرو طويل اسود يشبه لأختو "


المهم مر يوم يومين ثلاثه والأحوال نفس ما هيا ليان في بيت عمها منسجمه ومبسوطه مع اقاربها ولمن أقول اقاربها فما اقصد غير ماجد , مناف وساميه . اما الباقين اللي هما عمها ومراتو( زوجتو ) فتعاملهم مرا مالو داعي زوجة عمها كل ما شافتها تهزيييئ وتلمح لليان بأشياء غريبه وانتو بنفسكم حتشوفو اما العم ما يتكلم كثير بس لو صادف ليان حتى ابتسامه ما يبتسم بس يكشر ويروح

كانو كلهم نايمين ما عدا ليان اللي مي قادره تنام تعبت مرا من يوم ما جات بيت عمها مافي أي اخبار عن ابوها وامال ما جات والأوضاع سيئه هذا غير الكوابيس اللي ما تفارقها ليله
حاستخدم الشرطه- لمن احد يتكلم بينو وبين نفسو ليان – انا مني قادره ايش دي الحياه حأموت لو ما اتطمنت على بابا انا مرا خاايفــ - قطع عليها تفكيرها صوت من تحت – :ناصر خلاص ما اقدر استحمل احنا ما نقدر نخليها في بيتنا اكثر من كدا
ليان حست قلبها يدق بقوووه وقررت تنزل بشويش تشوف الهرجه وهيا متأكده انهم يتكلمو عنها , نزلت بشويش وسمعت .................


خلص البارت معليش ع التاخير ومعليش انو قصير بس دي الفترة عندي اختبارات ولازم اشد حيلي
ها توقعاتكم


الرد باقتباس
إضافة رد

ليش أنا بالذات إيش كان غلطي الحب ولا الطيش /بقلمي

الوسوم
مراهقه , مووت , يثبت , روايه , صداقه , فراق , طييش
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية هبال وجنون بنات المتوسط /بقلمي iPrettyMiss روايات - طويلة 231 31-10-2014 11:58 PM
تلال البلان / بقلمي ,كامله فايز الأشتر روايات كامله - يتم نقل الرواية هنا بعد اكتمالها 21 29-07-2013 12:04 AM
رواية رهينة الشيوخ /بقلمي انثااه SRB أرشيف الروايات المغلقة - لعدم إكتمالها 7 30-06-2013 02:28 PM
خلطه لتبيض الجسم ممتازة ومجربه بالذات للعرايس مزعجة الهدوء عالم حواء - العناية بالبشرة - اسرار البنات 26 11-05-2009 06:14 PM
لا يغرك يالميس الطيش من بعض الشباب رُوحْ , ارشيف غرام 3 25-09-2008 10:48 PM

الساعة الآن +3: 06:30 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1