سلوى عاشق 12 ©؛°¨غرامي جديد¨°؛©

السلام عليكم ورحمة الله
ارجوا من الكل يدخل يعطيني حل او اي شي يساعدني لاني بحالة ﻵيعلم فيها اﻵ الله
انا عمري 20 ادرس بمعهد به
انا انسانه ضعيفة وحساسة وثقتي بنفسي صفر وعندي رهاب اجتماعي
مو قادرة اعيش حياتي و قادره اتاقلم مع المجتمع واهلي احس اني منبوذة منكل جهة بحياتي سئ يمكن كل حياتي سئية
من جهة اهلي تقريبا صرت اكرههم بسبب تصرفاتهم وقوانينهم وافكارهم الي لازم تتنفذ اكره كل فرد فيهم تصدقوا ماحب اجلس معاهم وإن جلست معاهم اتنرفزت وقمت ابدا كل شي ﻵ

للعلم انا وزني 28 وطولي 147
نفسي اتكلم واقول بس مو قادرة الكلام والمواقف الي شفتها كلها قاهرتني ومو قادرة انساها
لدرجة وثلت احسد صديقاتي او اي احد افضل مني
اولا احسهم عايشين حياتهم وامورهم مشاء الله ميسرة اهلهم واقفين معاهم بكل خطوة والدليل انه كلهم اتزوجوا مشاء الله لمن اشوفهم كيف مبسوطين اسال نفسي ايش فيهم غير عني انا انخطب بس اهلي يرفضوا او انا لان اهلي شايفيني ما انفع لشي وزارعين فيني الخوف وعدم الثقه ادري الزواج مو كل شي بس برضوا مافي بنت ماتتمناه وانا صرت اخاف انخطب لان كل بعد خطبة وماتصير اجلس اكتئب وابكي لشهر والمضوع يكون بس كلام والرد انا اقول ابغى اوﻵ مابغى بس ب،قتها اتمنى احد ينصحني يساعدني ﻵ الي عندي بسلبية يردوا انتي بكيفك بس انتي صغيرة او نظراتهم او اي شي يدل انه مانفع او يمكن الغلظ مني اني ماعرف اخذ قرارات بسبب الخوف
صحباتي امهتاهم يحبوهم وانا اشوف كيف التعامل معهم اﻵ امي تتحسسني كاني وحده مافهم وصغيرة دايم رايها انه انا صغيرة
المهم اخر مره قبل اسبوعين وحده بالكليةبالمعهد قالت ابغى رقم امك قمت قلت اسال امي بالاول لمن سالت امي تقولي ايش ارد انتي تبغي وﻵ ﻵ اعطيهم رقمي بس هذا الي قلته الرد حبطني ورديت للبنت مافي نصيب ماتتشوفوا حالتي ندمانه اشد الندم وانام ابكي واصحى وانا اغصب نفسي على الروحه للمعهد مو لاني رفضت لان رد امي ماتوقعته كذا
ابغى اخرج من الي انا فيه ابغى اكون مثل البنات
وغيييييييييييييييييييييييييييييييييييييييييييييييي ييره كثير بس مو قادره اكتب

› علمتــني الوفــاء ! ©؛°¨غرامي فضي¨°؛©

الدنيا هب بس صديقات ولبس و ضحك و فشخره

حطي بببالج انتي بنعمه الناس تحسدج عليه

انتي تعرفين من اهلج

وانتي ندج وطن حاميج

انتي غير عن وايد نااسسسس


حطي ببالج هالشي ثقي بحالج وابدي بدايه من جديد قولي يارب استودعك حياتي حطي حياتج بيد ربج

ثقي بتصرفاتج هب كل شي رجل
او زواج او خطبه

باجر بيج نصيبج هب هالسنه بعد سنين ان شاء الله

دلعي حالج ابتسمي اضحكي

ثقي بانج انتي مو تشبهين حد فيج

البيوت اسرار ياحلوه

اهلج ماسكينج لانه الدنيا تخوف برع

المهم ثقي بحالج صلي وادعي ربج ترا كلنا بهالدنيا نعمل لحياتنا ( لحيات الخلود ) بجنات النعيم باذن الله

ايفاادم ©؛°¨غرامي فعال ¨°؛©


ليش افكارك سلبية كذا اختي

في مثل يقول ( طنش عش تنتعش ) مثل اهبل بس يصير منه
طنشي كل شي يجيبلك الغم و النكد
اقري قرآن كثير و صلي و ادعي بانصاف الليل به رااااحة عجيبة و تيسيير امور راح تشوفيه بعينك و استغفري بالليل و النهار
( وقلت استغفروا ربكم انه كان غفارا يرسل السماء عليكم مدرارا و يرزقكم بأموال و بنين و يجعل لكم جنات و يجعل لكم انهارا )
ليس هناك اجمل من الاستغفار فيه حل لكل شيء

اما الزواج فهو نصيب من عند الله سبحانه و تعالى مكتوب على الجبين

لكن انتي في اي لحظة حسيتي بأن قلبك مستريح لشخص خطبك فلا تتردي وافقي على طول وخيتي و صلي استخارة راح تعيينك في دنيتك

ورد امك هي بس قالت لك اذا انتي تبي عطيهم رقمي هي ما غلطت انتي ليش قلبتيها مأساة و مناحة و قلتي للبنية انه ما في نصيب
وصدقيني اذا فيه نصيب راح يرجع

لا تضايقي بعمرك و لا تضايقي صدرك و فرغي كل شحناتك في الدراسة و العلم و القراءة او الكتابة .

ربي يوفقك امين

همسها عذب ©؛°¨غرامي متألق ¨°؛©

حبيبتي اول شي حابه اقولك ان كل الي يصير لك اختبار من الله سبحانه وتعالئ

واحمدي ربك لان الله سبحانه يحبك والله اذا احب عبد ابتلاه

وياقلبي البيوت اسرار يمكن صديقاتك قدامك مافي احسن منهم ويمثلون السعاده وبس يروحون بيتهم تبدأ المشاكل

والام مهما يكبروا عيالها تشوفهم بنضرها لسئ صغار

ويازين كلمة انتي صغيره احسن من كبيره وشايله مسؤوليه

وانا مقدره ياقلبي ان البنت بهاذا السن تبغئ تتزوج خصوصا ان كل صحباتك تزوجوا

بس اكرر كلامي احتسبي الاجر عند الله سبحانه واكثري من الاستغفار لان الاستغفار سبحان الله حل لكل شي

قال تعالئ ( (فقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم انهارا).

دلعي وبس ©؛°¨غرامي متألق ¨°؛©

عزيزتي انا التمست من كلامك انك حسا سه كثير خوذي الامور ببساطه اهلك طبيعي يخافون عليك

والام دووم تشوف بنتها صغيره وتخاف عليها لاحقه على الزواج والمسؤليات والتعب امك تعرف

ان الزواج تعب ومسؤليه وهموم اكثر من انه يكون سعاده وامك ماودها انك تحملين هالمسؤليه

ونتي لسه صغيره وبعدين نصيبك بجيك ليه هامه نفسك الي ربي كاتب لك اياه بتاخذينه بس انتي ممكن

متاثره انه ليه مايشاورونك انا اقولك لانه يشوفوك لسه صغيره على الزواج بس انتي حاولي تتقرربي

من الماما اكثر وتكوني كبيره بتصرفاتك وقوي من شخصيتك بادب ولباقه وحكمه

حفيد الاشراف... عضو موقوف من الإداره

خليكى مع الله ها يكفيكى

ربنا معاكى

شواطئ الأمل ©؛°¨غرامي متألق ¨°؛©

انا صراحة بموضوعج ما اشوف المشكلة من هلج
المشكلة فيج و اسمحي لي ع هالكلام
منو قالج ان كل اللي تشوفينهم يضحكون جدامج امورهم تمام
و عايشين حياتهم و مبسوطين .. محد من الهم خالي
لكن في ناس ما تبين لج ضعفها ..
و شو يعني اذا كانت امج جادة معاج !!
ع فكرة اغلب الاباء و الامهات الخليجيين هذا طبعهم
جافين بالمشاعر .. و ترا امج يهمها امرج .. لو ما كان يهمها
ما اعتبرتج ياهل و خافت عليج
و في سؤال ف بالي ليش محسستني انج صكيتي الثلاثين
تراج توج الا باول عمرج .. ٢٠ ما شاء الله تبارك الله
يا اختي غيرج كملن ٣٠ و للحينهن ما عرسن و ما عاشوا الانهيار اللي انتي تعيشينه !!
كوني واثقه برب العالمين ان كل شي خيره
و ان ما بيصير الا اللي رب العالمين كاتبه
و فوق هذا لا يهمج كلام حد .. كوني واثقه بنفسج
لا ترضين انج انتي تشفقين ع نفسج .. عشان لا ترضين ان اي حد يشفق عليج
عيشي حياتج بطولها و عرضها .. ادرسي .. مارسي هواياتج ... سوي كل اللي تتمنينه
و لا تفكرين باي حد دام اللي تسوينه حلال

غلاcom عضو موقوف من الإداره

ليهه التشؤؤا امم ليهه ليهه

وقسم حياتك حلوووهه



اضحكي وفليهها وانا خيتك


كلنا في الهواء سواءء



انتي بس كثري من الاستغفار وقراءة القران وربنا معاكي
ترى مجربببب










-

k,s,a ©؛°¨غرامي متألق ¨°؛©

ياختي ..وكلي ربك واستعذي من ابليس واقري قران وصدقيني لو تجربينها اسبوع بترتاحين
وبعدين مفتاح حياتك بيدك ,,خلك مبتسمه وكل ماتذكرتي اهلك حاولي تنسين تعاملهم بشي يشغلك عنهم.
وحاولي تدربين نفسك على الكلام وكيف تردين طبعا لحالك ,,لحد ماتعرفين تعبرين عن رايك,,ولاتترددين ابدا والله يخلي لك اهلك,,
وبعدين انتي تظنين المتزوجين عايشين حياتهم من غير مشاكل ,,غلطانه ,,الدنيا مليانه مشاكل بس تبي اللي يصبر ويعرف يواجهها,
والله معك وتطلعين من الخوف والقلق اللي انتي فيه ورددي دائما (اللهم ارزقني الانس بقربك)

عـــســـلـ ​ جزء منٌ اَمنيتي اَن يكون كلَ مٌن اَعزهه دائماَا بخيرَ ..✉̸.♪

مادري
بس ان كان لك نصيب تتزوجي بتتزوجي سواء الحين او بعدين
عيشي حياتك .. لاحقه على الطبخ والنفخ خخ
يالله فرفشي
...
دمتي كما تحبين واكثر♡


|¤¤¤|¤¤¤|¤¤¤|¤¤¤|¤¤¤|¤¤¤|¤¤¤|
~ودي بأشياء آولها وتاليها مبسمك العسل كل ليله~
|¤¤¤|¤¤¤|¤¤¤|¤¤¤|¤¤¤|¤¤¤|¤¤¤|

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1