غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 13-10-2013, 10:24 AM
صورة E L W D M الرمزية
E L W D M E L W D M غير متصل
©؛°¨غرامي مشارك¨°؛©
 
الافتراضي رواية بين بوظبي و جدة مسافة قلبين / الكاتبة : مريم العصري ، كاملة


و لصوت الحب حديث . . مع قسمات الأرض وأركانها . .مع بتلات الورد وأغصانها . .مع ملامح الوجوه وأسرارها . .معي .. و معك .. و معكم . .
شيء من حوارات ما نسيها القلب قط . . سـ أُدونها هنا بحب . . و أهديها لقلبيهما !

عاشقيين أحمقين . . جمعهم مطار هيثرو في شتاء 2008 . . كان شتاءً بارداً . . فجأةً غدا دافئاً يكسو أطرافه الحب . . طيار سعودي وسيم . . عمره ستةٌ و عشرون عاماً . . و بنتٌ إماراتية عمرها سبعةَ عشر عاماً . . مملوح ذو ملامح جذابة . . قصيرةٌ نوعاً ما بيضاء ذات صوت جميل . . كيف و لماذا . . لا أدري . . هما من يعرفان ذلك . . وحدهما من يدريان ! . . و أنا لستُ سوى كاتبة أنقل تفاصيل حب دافىء . . أتمنى أن تستمر فصوله مدى العمر . . و يتوج ببيت مترامي الأطراف و ضجةُ أطفال . . كأمهم في الجمال و كأبيهم في الصفات . . أحلام تسطر . . ربما لن تتحقق . . لكنها سوف تظل في الذاكرة للأبد بكل التفاصيل .. و ستبقى شيئاً مخلداً لن ننساه ما حيينا . . لها و له . . كونا بسلام و عيشا بحبٍ إلى حيث لا نهاية . . فقط كونا بخير . . فكرا بالحب و كيف يكبر . . به و حسب !



تعديل E L W D M; بتاريخ 13-10-2013 الساعة 10:34 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 13-10-2013, 10:25 AM
صورة E L W D M الرمزية
E L W D M E L W D M غير متصل
©؛°¨غرامي مشارك¨°؛©
 
الافتراضي رد: بَينْ (بُوظبي) و (جـِدة) // مَسـآفَة قَلبَينْ !


القصة ما بتكون قصة !
كنوع من التغيير بتكون القصة عبارة عن (مكالمات) و ها (المكالمات) بتكون هي البارتات ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 13-10-2013, 10:27 AM
صورة E L W D M الرمزية
E L W D M E L W D M غير متصل
©؛°¨غرامي مشارك¨°؛©
 
الافتراضي رد: بَينْ (بُوظبي) و (جـِدة) // مَسـآفَة قَلبَينْ !



المكالمة 1



حبيبتي غيورة مره !



هو : ليه سكتي ؟
أنا : تدري الساعه كم الحين ؟
هو : في بوظبي و لا جده ؟
أنا : وين ما تبى !!
هو : في بوظبي تكون 3 بعد النص بشوي .
أنا : تعرف عندي امتحان بكره ؟
هو : أفا . . ليه ما قلتي لي ؟
أنا : إنت بتسافر صح ؟
هو : حياتي كلها سفر !
أنا : هالمرة على وين ؟
هو : ملبورن .
أنا : و المضيفات حلوات ؟
هو : مدري يمكن . . بس عندي أحلاهم .
أنا : منو هي ؟
هو : وحده في بوظبي !
[/colorأنا : ذنبي إنك طيار !
هو : و ذنبي إنكْ غيورة مره !
أنا : . . . . تحبني ؟
هو : إلا أموت فيك يا بعدي !


سكون . . سكون . . لا داعي لمعرفة ما حصل فيما بعد !


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 13-10-2013, 10:30 AM
صورة E L W D M الرمزية
E L W D M E L W D M غير متصل
©؛°¨غرامي مشارك¨°؛©
 
الافتراضي رد: بَينْ (بُوظبي) و (جـِدة) // مَسـآفَة قَلبَينْ !


المكالمة (2)
قلبي و لا طيارة !



أنا : ليش ساكت ؟
هو : وش أقول !
أنا : قلت عيال عمي بيون ما قلت بيملجون !
هو : أصلاً وش باقي يغير يسوون كذا !
أنا : إنتْ غبي !
هو باستنكار : و الله !
أنا : مستحيل أشوف حد غيرك !
هو : وش يضمن لي ؟
أنا : قلبي بضمن لك. .بس أنا شو يضمن لي ؟
هو : وين الثقه ؟
أنا : أسكت عيل !
هو : هيي , لا تزعلين أنا بس. .
أنا : بس شوه ؟
هو : أغار حبتين !
أنا : تدري . .
هو : لا مدري , علميني . .
أنا : لا ما بعلمك !

هو : ليه ؟
أنا : لأني بدرس !
هو : صدقت !
أنا : أقوول .
هو : لا تقولين !
أنا : اشتقت لكْ . . مافي طياره يايه صوبنا ؟
هو يضحك : لا . قلبي جاي تبينه ؟
أنا : لا !
ابتسمت و أقفل الخط ! . . خطوط الاتصال دائماً تقطع متعتي بإغاضته !


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 13-10-2013, 10:31 AM
صورة E L W D M الرمزية
E L W D M E L W D M غير متصل
©؛°¨غرامي مشارك¨°؛©
 
الافتراضي رد: بَينْ (بُوظبي) و (جـِدة) // مَسـآفَة قَلبَينْ !


[b]المكالمة (3)

وين الجواب ؟


أنا : شو فيك ؟ , جنه معدل الغيرة زايد عندك حبتين !!

هو : لا أبد . . بس إنتي تشوفين كل شي عادي !
أنا : لا تكابر !

هو : ما أكابر !
أنا : شو فيك ؟ , صار شي ؟

هو : أحبك . . متى راح تستوعبين ؟
. . . سكوت !
هو : متى ؟

أنا : أرجع جدة بعدين خير !

هو متنرفز : عندي رحله الحين . . مسافر !
أنا أقلده : الله معك !

. . . و سكر ![/b]


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 13-10-2013, 10:32 AM
صورة E L W D M الرمزية
E L W D M E L W D M غير متصل
©؛°¨غرامي مشارك¨°؛©
 
الافتراضي رد: بَينْ (بُوظبي) و (جـِدة) // مَسـآفَة قَلبَينْ !



المكالمة (4)
قلبي طيّاره و حبك الـ run way . . !


أنا : ليش متصل ؟ , هب ع أساس عندكْ رحله و مسافر !!
هو : إيه . . بس ما ودك تعرفين وين ؟
أنا : وين ما رحت الله وياك !
هو : أجل كنتْ متصل أقولك . . لكن الظاهر ما هو هامك !
أنا بسخريه : توني راده من المدرسه و مصدعه يعني مالي بارض !!
هو بنبرة حزينه : وش أخبار الرياضيات ؟
أنا : زفت !
هو : ليه ؟ , طول الليل كنتي تدرسين !!
أنا : ما أدري . . ما قدرت أحل شي !
هو : اسمعي . . أبغى أقولكْ شي .
أنا : غازلتك مضيفه بعد !!
هو : وراك ما عندك سالفه غيرهن ! , يا بنت أنا أحبك إنتي و بس !
أنا:..................
هو : قلبي طيّاره و حبك الـ run way . . ! و اهبطت مقاديري بوسط قلبك !
أنا:..................
هو : شوفي . . بسألك . . ما وحشتك ؟
أنا : لاء ! ~ تعودت على بعادك !
هو يبتسم : برجعتنا راح نوقف في دبي .
أنا : قووول و الله , في ذمتك ؟
هو : إيه , و ما راح أرجع ببقى يومين في بوظبي .
أنا : صدق و الله ؟
هو : ما قلت لكْ ما أقدر أعيش بدون عيونك .
أنا : ياخي أحبك!!
هو : ما أبغيك تندمين لأنك حبيتي سعودي .
أنا و أنا أضحك : مستحيل أندم . . كل شي صار يشفع لك !
هو : عسى الله لا يحرمني منك !
أنا : و من طلتك فديتك !
هو : نلتقي حبيبتي . .

ابتسمت بخجل . . و عم الهدوء و السكون !


شيء أخير أريد أن أقولهُ لكم .. ما يكتبُ هنا .. واقع !


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 13-10-2013, 10:33 AM
صورة E L W D M الرمزية
E L W D M E L W D M غير متصل
©؛°¨غرامي مشارك¨°؛©
 
الافتراضي رد: بَينْ (بُوظبي) و (جـِدة) // مَسـآفَة قَلبَينْ !


المكالمة (5)
طيار سعودي وسيم !

هو : تذكرين كيف حبيتك ؟
أنا : هيه . . تتوقع بقدر أنسى !!
هو : تذكرين . . في مطار هيثرو . . قبل سنتين . .
أنا : كنت رايحه عند أبويه مع أمي في جدة . . و لسوء الحظ ما كان في حجز إلا ع الطيران السعودي !
هو : وش شفتي ؟
أنا : واحد مليح . . المضيفات يغازلونه !
هو : و بعدين ؟
أنا : خزيته بنظرة و ابتسم . . صدق وقح !
هو : وش صار بعدها ؟
أنا بتأفف: لا تقعد تنبش الماضي الحين .. و الله ما أذكر غير إنه الحين حبيبي !
هو : تحبينه ؟
أنا لازلت أتحرطم : بدر إنته و أسألتك ترفعلي الضغط .. هيه .. هيه يا سيدي المحترم أحبه و أكثر من ما يحب الطيران !
هو : و سمعة الطيارين في السعوديه ؟
أنا : ورى ظهري .
هو : أول ما أشوفك بكره . . بغمض عيوني و أحلم بشي !
أنا : لا تتهور ! , بكون مع بنات خالوه .
هو : لا , لا تخافين , بترك التهور لكْ !
أنا : يا الشيبه ! , شو تتوقع مني ؟
هو : و لا شي غير كلمة أحبك من شفتاك لقلبي !
أنا استحيت: وراك رحلة من ملبورن لييييين دبي . . روح أرقد !




ضحك ضحكةً جلجلت أعماق سكون خافقي !
يال حماقتي . . لكنني حقاً لم أحب رجلاً و حسب .. بل طياراً سعودياً وسيماً يأسرني بهمسه
!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 13-10-2013, 10:34 AM
صورة E L W D M الرمزية
E L W D M E L W D M غير متصل
©؛°¨غرامي مشارك¨°؛©
 
الافتراضي رد: بَينْ (بُوظبي) و (جـِدة) // مَسـآفَة قَلبَينْ !



المكالمة (6)
(غضوا البصر عني . . تراني حلاله ) !



أنا : إنته واايد متهور . . دخيلك !
هو : وش فيها ؟
أنا : مهمه مستحيله !
هو : ليه ؟ , تحسبين توم كروز مثلاً !
أنا أضحك : مااا يخصه . . يا المتفيج !
هو : اسمعي . . أنا ماني جاي دبي كذا أشوفك من بعيد و أروح !
أنا : عيل شو تسوي ؟
هو : كوب لاتيه واحد في Gloria Jean's !
أنا : تخبلت إنته و لا ضربت فيوزاتك !! . . البلاد طول بعرض قوطي تونه وين تباني أتلاقى وياك و لا بعد أيلس وياك في الكوفي !
هو : و من اللي بيعرفك ؟
أنا : أنا أتغشى بس ما عندي القناع الخفي !
هو : يا شييين عنادك ! . . طيب عزلنا ما نبغى كوفي بس أشوفك و أكلمك !
أنا : فدبي بس . . أما بوظبي لاء !
هو : أصلاً ماني بقاعد . . برجع جدة على طول .
أنا : كانن 3 أيام . . خلاف week end و الحين بترجع . . باجر بتقول ما بيي !
هو : لا تخافين , ماني مهون لكن إنتي اللي لا تخونين و ما تجين !
أنا : لا لا من ها الناحيه لا تمتحن .
هو : وش ؟
أنا أضحك : يعني لا تحاتي تطمن!
هو : أدري بس أستهبل . . و لا تنسين سويلي قاموس !
أنا : يبغيلك . . الحين قمت أخورها و أرمس سعودي . . و إنت لين الحين ما لقطت كلمه بدويه !
هو : وش عرفك ؟ . . أنا حافظ وش تقولين .
أنا : يلا خبرني .
هو : شعنه . . يعني ليه ؟ , بغام و لاطمه مدري وش هي لكنها سبّه . . كولي يعني عامل . . و بيدار يعني زارع و انجف يعني مل !
أنا : يا لبى قلبك , ما توقعتك حافظ !
هو : حرام عليك , سنتين شلون تبيني ما أحفظ !
أنا أتنحنح : أقولك . . أسمع قرقعه خاري . . شكلهم عيال عمي وصلوا !
هو : يووه ! , معسكرين ذول عندكم و لا وشو !
أنا : لا تتحرطم ! , أصلاً طيارتك بعد عشر دقايق !!
هو : و الله تبين الفكه ؟
أنا بغنج لأتدارك الموضوع : حبيبي . . يلا عاد . . تحمل على عمرك عدل و الله الله بعيونك و رحلة موفقه .
هو : شوفتك بكره تشفع لكْ !
أنا : أحبك !

و أقفلت الخطَ سريعاً . . وضعتُ الهاتف على قلبي الذي يخفق بقوة و أرسلتُ للجميع برودكاست بما فيهم العائلة و هو. .

(غضوا البصر عني . . تراني حلاله ) !


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 13-10-2013, 10:35 AM
صورة E L W D M الرمزية
E L W D M E L W D M غير متصل
©؛°¨غرامي مشارك¨°؛©
 
الافتراضي رد: بَينْ (بُوظبي) و (جـِدة) // مَسـآفَة قَلبَينْ !



المكالمة (7)
مجازفة عمري و عمره !

أنا : مينون و متهور !
هو : ما اسمع منك غير متهور و متهور لدرجة صدقت إني متهور !
أنا : تدري بس لو حد بالصدفه انتبه إنك دخلت و لا أي شي جان أنا في عداد الموتى الحين !
هو : و الله ؟ , اتصل و ما تردين و أشوف بعد ساعه برود كاست تقولين فيه فالمستشفى و بعد تبيني ما أجيها !
أنا : خلكْ واقعي , يعني لو حد دخل و شافكْ شو بيكون موقفنا ؟
هو : لا تخافين , بنت خالتكْ كانت وافقه بره !
أنا : شووه ؟ , دودي كانت خاري ؟
هو : إيه , و هي قالتْ لي أدخل ولا يهمك !
أنا أضحك : جد مينون !
هو : من حبيتكْ تجننت , بس إنتي وش جاك فجأة ؟
أنا : ما أدري , المس هزبتني و قالت لي كلام هب حلو !
هو : وراكِ صرتي كذا ! , ما أبغي حبيبتي كذا !
أنا : سوري , خربت عليكْ فرحة اللقا !
هو : ما يخالف , كنت أبي أشوفك و شفتك .
أنا : وايد مستانس يعني ؟
هو : تعرفين قد أيش فرحان ؟ , ما راح تصدقين , بس لو كنا متلاقين في مكان ثاني ما كنت بكون قريب منك !
أنا بخجل : و انتهزت الفرصه و خذت راحتك !
هو تنحنح : أقولكْ , أنا ماني مسافر إلى ما تطلعين من المستشفى .
أنا : يا حبيبي و الله أحبك !
هو : لأني سعودي و لا طيار ؟
أنا : لأنك خذت فوادي !
هو : جد و الله تحبيني ؟
أنا : و الله لو ما أحبك يا شيخ جان ما جازفت مجازفة عمري !
هو يضحك . . أنا : أييه لا تضحك تراني تعبانه عادي أصيح الحين !
هو بخوف : لا لا كله و لا دموع حبيبة قلبي .
أنا : بس , استكت وايد خذت راحتك !
هو : ريحة دهن العود في شعرك .
أنا : مخمرية , مخمريه !
هو : إيه , هاذي هي !
أنا : و بعد تروحت و تميت تتروح !
هو : قعدت أتأملكْ ربع ساعه بعدين صحيتك !
أنا : قول بلاه الريال من رغته قام و ظهر ! , ثرك شبعان طماشه !
هو ضحك و من خاطره .
أنا : أدابي لك أسبوع ما برمسك !
هو ظل يضحك ! أنا بغياض : شفت الـ dp مالي ؟
هو : إيه وش فيه ؟
أنا : بن عمي اليوم يايب لي ها البوكيه !
هو تنحنح : و بعد ؟
أنا : يحليله يايب قوم يدوه من العين و مأخر شغله عشاني .
هو : و بعد ؟
أنا : و ياب لي ورد و يب لي كيك من كافيّه المفضل .. لابريوش قلت لك أحبه وايد .
هو : و بعد ؟
أنا : و من البارحه ما رقدت .
هو : ليه ؟
أنا : ماشي , يتراولي كنت ويا حد أحبه و أتمنى قربه . .
هو : إيه !
أنا : ياخي وجوده في حياتي يسبب لي أمان ! , أحس بدفى صوته لو هو بعيد !
هو : يا شييييخة !
أنا : و أزيدك من الشعر بيت . . رغت بنات خالوه من الحجره و قعدتهم تحت كله عشان أكلمه الحين !
هو فهم !! : و هو يحبك . . و جاي لك متعني من شافك ما قدر يقاوم !
أنا بحيا : ما يخيل !
هو : و هي ما تخيل بعد ! , سارقه قلبي و تحب تغيضني و تتغلى علي !
أنا : أشششش .
هو : ليه ؟
أنا : اسمع دقات قلبي !
هو : ليه ؟
أنا : بتقولك أحبك !
هو : و أنا أحبها أكثر !
أنا : حبيبي . . تحمل على عمرك !
هو فهم قصدي : و إنتي بعد . . و متى ما يصير لكْ وقت طمنيني !
أنا : يلا الله يحفظك. .
هو : موعدنا الليله .. لا تنامين !
أغلقت الخط على ضجة العائلة . . و وضعت يدي على خدي و ابتسمت. . قُبلته البارحه لن أنساها !


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 13-10-2013, 10:36 AM
صورة E L W D M الرمزية
E L W D M E L W D M غير متصل
©؛°¨غرامي مشارك¨°؛©
 
الافتراضي رد: بَينْ (بُوظبي) و (جـِدة) // مَسـآفَة قَلبَينْ !


المكالمة (8)
ما تقدر تلم شتات الثقه بعد ما ينتثر !

أنا : ليش ما خبرتني ؟ , إنته شفت ويهي يوم شفتك فويهي !!
هو : الشقه للوالد و الله مو لي !
أنا : بس عمرك ما يبت لي طاري إنه عندكم شقه في الـ jbr !
هو : لأنه الموضوع ما هو مهم ! , الشقة لأخوي ما هي لي !
أنا : أوكيه و إنته شو كنت تسوي هناك !
هو : إنتي ما كنتي بالمستشفى ؟ وش جابك لدبي ؟
أنا : ع هواي ! بتدخل في طلعاتي و دخلاتي بعد ؟!
هو : و أنا بعد في إجازة !
أنا : إنته قولي , شو كنت تسوي هناك ؟
هو : إنتي تكلميني عشان تفتحين لي تحقيق !
أنا : بعد لكْ ويه تعاشيني ؟ , و أنا المسكينه زعلت ولد عمي عشان خاطر حبك ! و أشوفك فدبي و مع شقرا !! و لا تقولي لا تسوين لي تحقيق !!
هو : إيش قصدك ؟
أنا : قصدي إنك واثق فيني و واثق من ناحية حبي لك . . بس اسمحلي أنا ما عدت أثق بك و لا بحبك !
هو : ليه ؟ , إنتي أكثر وحده تعرفين قد أيش أنا أحبك !
أنا : لا تقل لي لكن دعني أرى . . و لا ريت شي غير بابك المفتوح لكل رخيصه !
هو : كلامك كبير و يجرح !
أنا بدمعه : و أنا ما انجرح . . طلعت من سبيتار عشان أيي دبي و أشوفك . . و يوم ييت بسويلك مفاجأة تفاجأت بحبيبي الوافي طالع من الشقه اللي مجابلتنا و معاه وحده تضحك !
هو : يا ربي ! . . إنتي الظاهر بعدك تحت تأثير الدوا !
أنا : اسمعني . . كل الكسور تتجبر . . إلا كسر الثقه . . ما تقدر تلم شتاته بعد ما ينتثر !
هو : إنتي مضخمه المواضيع مره !
أنا : و إنته واحد لعاب و فاضي !

و أغلقت الخطَ و مشيت على الرصيف ألملم بقايا قلبي المحطم . . لم إرى إلا غبار سيارةٍ عرفتها من الرقم ! و بكل ضعف و غباء أرسلت . .


( أييه . . بدر لا تسرع ) !


الرد باقتباس
إضافة رد

رواية بين بوظبي و جدة مسافة قلبين / الكاتبة : مريم العصري ، كاملة

الوسوم
بوظبي، جده
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2347 02-10-2016 04:11 PM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 2005 23-06-2011 08:16 AM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 09:33 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1