خلنا نحلم دام الواقع سقيم ما يضر الحلم و الدنيا فنى/بقلمي

[برونزية !]

السلام عليكم ورحمة الله وبركاته
هاذي روايتي الاولى و ان شاء الله تنال اعجابكم راح انزل بارت و اذا شفت ردود تحفز راح انزل البارتات الجايه واتمنى تكون الردود اجابيه
روايتي من نسج خيالي و ابطالها والاحداث الي تصير فيها خياليه ما احلل من ينقل الروايه او ينسبه لنفسه من دون م يذكر اسمي
و الحين اترككم مع البارت الاول من رواية خلنا نحلم دام الواقع سقيم ، مَ يضر الحلم و الدنيا فنى ~o)

البارت الاول الجزء الاول
تبسميّ ~
لوُ يمٺلي صدرْك طعوُن
وغمضيّ عيوُنك ودَاري غصْٺك
مآهي نِهاية قصٺك لوُ يرحلونّ
هَذي نهآية دوُرهم فيَ قِصٺك
كآنت تغسل المواعين وسرحانه تفكر بحياتها وانها كيف تصرف على نفسها و على جدتها وهي حتى دراسه م درست ولا عندها شهادة تتوضف فيهه و على سرحانها سمعت شي طاح و انكسر تركت الي بيدها و توجهت لمصدر الصوت لقيت جدتها مستلقيه ع الارض و الكاس منكسر بجانبها قربت من جدتها ببطء و دقات قلبها تزداد و بداء الخوف يتسلل لقلبها انه م يكون الشي الي تفكر فيه حصل هزت جدتها و بدت الدموع تتجمع في عيونها هزت اكثر من مره لاكن مافي فايده قربت راسها من صدر جدتها وسمعت دقات قلب جدتها المنخفظه رحت تركض لغرفتها و لبست عبايتها و شالت عباية جدتها و لبستها بستعجل وركضت لجارهم كان كبير بسن وتعتبره مثل ابوها الي م شفته في حياتها وكان يوصيها ان اي شيء تبيه تجي عنده وهو جاهز يساعده بالي يقدر عليه
دقت الباب اكثر من مره وجها الرد
قالت و هي تبكي: الحق علي ي عم جدتي بين الحياة و الموت ولا عندي احد غيركك يوصلني للمستشفى شهقت بقلة حيله
العم ابو جابر: هدي ي بنيتي مارح يصير الا الي كاتبه ربي و انا عمكك اصبري اجيب مفاتيح السياره و بجيك
في المستشفى وتحديدا بغرفة الطوارئ كانت تتظر و تدعي ربها م يحرمها من جدتها الي بنسبه لها امه و ابوها و كل دنيتها انتظرو اكثر من ساعتين و شوي طلع الدكتور وو جهه م يبشر بالخير توجهت بسرعه للدكتور
: وش صار على جدتي
العم : بشرنا
الدكتور نزل راسه شوي : مادري وش اقول بس ذا يومها ذا قضاء و قدر و الله يصبركم تركهم و راح
جلست ساعه تستوعب الكلام جدتها ماتت من لها بعد الله لا اعمام تدري عنهم ولا خوال ولا حتى عندها وظيفه تدبر نفسها فيها ملاحضه ( كانت جدتها تبيع اغراض بالشارع ولي يطلع لهم يكفيهم اسبوع وجدتها كانت م تحب ان ريف تشتغل معها وتقعد بالشمس ف كانت تروح بالسبوع مره ووحده مع ان ريف كانت تصر انها تروح الا ان الجده رافض انها تشتغل ابدا) كيف بتعيش بذي الدنيا وحدها كانت تبي تبكي او تصرخ بس كان شي كاتمها ظلمت الدنيا بعيونها طاحت ع الارض مغمى عليها
فتحت عيونها وكانت بداخلها تدعي ان ذا كله حلم وان جدتها عايشة م تبي تصدق و انها تحاول تكذب الواقع المر عليها م انتبهت ان دموعها تنزل
ام جآبر:اهدي ي بنيتي قدر الله وماشاء فعل وكل وآحد ويومه واشرت لبنتها مريم تجيب موية لريف

تعريف ببطلتنا (ريف)
ريف تبلغ من العمر 18 سنه
بيضاء وعيونها واسعها ورموشة كثيفه 'طولهإ متوسط وشعرها طويل ومتقصف ونحيفة بزياده وهاذا مغطي ع جمالها وم تهتم بنفسها من طلعت ع الحياه و هي تشقى مع جدتها ولا يلقون حتى حق اكلهم ..
ومرت ايام العزاء ثقيلة ع بطلتنا
كانت جالسة بالصالة وتحديدا بالمكان اللي دايم يجلسون فيه هي وجدتها
وكانت تتامل البيت وتتذكر جدتها وانها تركتها لحالها بهاذا الوضع الصعب وعلى تاملها سمعت صوت الباب اخذت طرحتها وتوجهت للباب
ريف بصوتها المبحوح :مين
مريم: انا مريم
فتحت لها الباب وسلمت عليها
ريف: حياك مريم تفضلي
دخلت وسلمت عليها
مريم:كيفك اليوم ان شاء الله احسن
ريف : كيف بيكون حالي بعد موت الغالية
مريم : هاذا امتحان من ربك ع قوة تحملك ولازم تكونين اقوى من كذا
ريف تنهدت بالم: ألحمد لله على كل حال
مريم: انا بعطيك حل ممكن يساعدك ويساعدني ..



بعد م قالت لها
ريف: انا م قد جربت اشتغل في بيوت احد بس بفكر وارد لك خبر
مريم: خلاص خذي راحتك وفكري زين ترا ذا شغل مو لعب واذا حسيتي نفسك قادره عطيني خبر
ريف سرحت شوي
مريم: يلا حبيبتي تبين شي بروح
ريف حست انها نست تضيف مريم : لسه م ضيفتك
مريم : م بينا ذي الحركات بس مستعجله بروح اساعد امي بالغدا الحين لو تاخرت شوي بتوريني الويل المهم فكري بالشغل لا تنسين
ريف ابتسمت: اوكي سلمي لي ع خالتي و عمي
مريم : فديت ذي الابتسامه ي جعلها دوم يوصل ان شاء الله
سلمو ع بعض وطلعت
ريف رتبت البيت و رجعت جلست بمكانها انا جدتي م كانت تخليني اشتغل معها الله يرحمها لو علمتني وهي عايشه كان م استصعبت الشغل او حتى فكرت

وفي اليوم الثاني
قامت ريف لصلاة الفجر وراحت المطبخ وم لقت شي تاكله جلست تفكر بالشغل اللي قالت لها مريم وانها هي م عندها خيار انها ترفض او توافق توكلت على الله لبست عبايتها وراحت عند مريم
دقت الباب وجاها صوت مريم ع طول
مريم :ميين
ريف:انا ريف

مريم ببتسامه فتحت الباب وسلمت على ريف :اهلين حبيبتي تفضلي
ريف بادلتها الابتسامه ودخلت
ام مريم:هلا والله ببنيتي ريف
ريف تروح وتسلم عليها وشافت الملابس بكل مكان :هلا بك خالتي شكلي اشغلتكم
ام مريم: لا ي يبنيتي بس ذي البقره قلت لها تنشر الملابس و توها الحين تقوم
ريف ضحكت
مريم ضربت ريف ع كتفها : وراك قلبتي علي ي النذله
ام مريم : قومي ضيفي البنت فاضيه بس بالهرجه
ريف : لا ي خاله بروح بس جيت اقول لمريم اني موافقه ع الشغل
مريم : جد حلو مارح اشتغل وحدي طيب ومتى تبينا نروح
ريف: اذا فاضية اليوم خلينا نروح
مريم: ايه فاضية
ريف : اوكيه اجل خلينا نروح المغرب اذا يناسبك
مريم: اوكي
ام مريم : ربي يوفقكم ان شاء الله

تجهزو ع المغرب وراحو
وهم يدعون ان الله يجعل ذا الشغل رزق عليهم ويوفقهم

نهاية الجزء الاول ...

[برونزية !]

معقوله للحين مافي ولا رد محفز يخليني اكمل الرواية

[برونزية !]

الجزء الثاني
في بيت ام مناف
طالعتهم ام مناف بغرور وكان مافيه الا هي بشر وتكلمت من طرف خشمها
ام مناف: اللي راح تشتغل هي وحده وانتهى النقاش
ريف: بس ي خاله
ام مناف قاطعتها: تخلخلت عظامك ان شاء الله انا مو خالتك وثاني شيء انا قلت وحده ولا تناقشوني وتركتهم في حيره من امرهم وبعد م ساد الصمت لدقايق
ابتسمت مريم: اسمعيني للاخر ي ريف ولا تقاطعيني انا مو بحاجة الشغل مثلك انا عندي ابوي وامي لكن انتي م عندك احد وتحتاجين الشغل اكثر مني
دمعت عيون ريف وحظنتها
انصدمت مريم من حركتها بعدين استوعبت
مريم:وربي انك انتي مثل اختي واتمنى لك الخير كثر م اتمناه لنفسي
و ع كلامهم قاطعتهم خدامه من الخدامات : امرت السيده ان تنصرفو
مريم : ترا مارح ناكل البيت هف مسكت يد ريف وطلعو ريف : عجوز و مادري شايفه نفسها ع ايش
مريم : حبيبتي الفلوس و ما تسوي اخخ لو حنا مثلها
ريف : لو الحاجه م فكرنا نشتغل عندها لكن الله يعين
كان يسمع كل كلمه قالوها وعارف ان المقصوده امه
مر من عندهم ولا كلف ع نفسه يرفع عينه ويناظر من هم كل الي سواه ابتسم و هو عارف ان ذولي من الحريم الي منقهرين من امه و طبعا صار متعود ع سماع ذي الاشياء
دخل ورمى نفسه ع الكنب بتعب
مناف : مريانا
ثواني الا هي عنده : نعم سيدي. مناف: وين ماما.
ماريانا:ماما فوق
مناف:وش تسوي
ماريانا:تكلم جوال
مناف حرك يده بلامبالاة:خلاص روحي
رجع راسه على الكنب وغمض عيونه وسرح بحال امه و اسلوبها مع الناس و كلامهم وانتقادتهم عنها تذكر كلام البنتين الي من شوي و رجع ابتسم جالس يفكر لين م غلبه النوم ونام

في حي متواضع
في بيت متواضع

عند ابو عمر
كانت تعطيه الدواء
امل :يبه تبي شي ثاني
ابو عمر هز راسه بلا
سمعت صوت عمر وهو يناديها بصوت عالي
امل توجهت له : هلا
عمر :جهز الغدى ولا لا
امل:اااا على النار شوي وبنحطه
عمر بعصبيه: كم مره اقولكم اذا رجعت يكون الغداء محطوط قلت ولا لا
امل بصوت واطي :ايه
عمر تكتف و بصوت عالي :طيب وليش تاخرونه وش عندكم لا شغله ولا مشغله وفي ذي بتطولون بعد
امل :رحت اشوف امي و عطيت ابوي دواءه
عمر : والباقي وينهم
امل نزلت راسها و سكتت
دفها بعصبيه ومشى
امل رجعت على وراء و مسكت كتفها بالم
في غرفة البنات من سمعو صوت اخوهم طار النوم وقامو يصرفون انفسهم مايبون ينشبون معه
جود:ياخي ذا مادري متى بيفكنا من حنته الزايد
ليلى :مسكينه امل م تاخذ الهواش الا هي
جود :ايه والله ماحد ياخذ الهواش غيرها بس الله يصبرها
ليلى:الله يصبرنا كلنا يالله قومي نساعدها لا يكمل علينا
جود بطفش:يلا

عند ابو عبد العزيز
تحديدا بغرفة شيخه
كان صوت الاغنية يملى الغرفة
كانت تهز خصرها يمين ويسار وتردد كلمات الاغنيه قطع عليها حماسها رنين الجوال اخذت الجوال وشافت الاسم ورمته ع السرير وكملت تردد مع الاغنيه رن الجوال اكثر من مره وبعدها اخذته بطفش وردت
شيخه بتصنع ردت :هلا حبيبي
: هلا والله بذا الصوت و راعيته
شيخة: هلا فيك
:هاه متى تخليني اشوفك
شيخه ترفع عيونها لفوق بملل:قريب ان شاء الله يلا حبيبي بسكر امي تبيني
:اوكي
شيخه:باي وسكرت
رمت الجوال ورجعت تكمل رقصها وبحماس اكثر

في بيت ابو جابر
كانو بغرفة مريم بعد ماتعشو
مريم: اوف منك ريف
ريف وهي تضحك وتمثل البراء:ليه وش سويت انا
مريم رمتها بالمخده :اقول ورا ماتضفين وجهك
ريف ضحكت اكثر ورجعت رمت المخده عليها :ههههههههههههههههه
مريم تمثل الزعل : لا تخليني ارميك بكبرك
ريف :هههههه خلاص سكتنا
مريم انسدحت على رجول ريف : تدرين ريف راح اشتاق لك مين بيجلس معي ويونسني بعدين
ريف حست انها تبي تبكي فجاءه بس مسكت نفسها : ليتها شغلتنا سوى وش اسوي هناك و حدي احس اني بوجه صعوبات ولا بقدر ادبر نفسي بدونك
مريم حبت تغير على ريف وقامت بحماس : بس هاه امانه م تنسيي ادري بتلاقين مزاين وتنسينا بوزت على انها زعلانه
ريف :وفي احد ينسا اخته
مريم : اي هاذا الكلام السنع
دام اليوم اخر يوم لنا قومي اشوف خلي نسهر و نفله
ريف بضحكه :يقال لك م تسهرين من دوني
مريم : اي اسهر بس معك غير قومي يلا من كثر م امدحك كبر راسك
ريف ابتسمت على كلامها :يلا بروح اشوف لنا فلم اجل
مريم : طيب وانا بجيب اشياء ناكلها اذا لقيت مع اني م اظن بالقى شي بس نشوف
كملو سهرتهم الاخيره و كانهم مارح يشوفون بعض مره ثانيه

ﺍﻟﻤﻌﺰﻩ ﺗﺮﺍﻫﺎ ﺩﺍﺧﻠﻲ ﻣﺰﻣﻨﻪ
ﻭﺍﻟﻠﻲ ﺍﻋﺰﻩ ﺍﺷﻮﻓﻪ ﻓﻲ ﻋﻴﻮﻧﻲ ﻣﻼ‌ﻙ
ﻭﺍﻥ ﺳﺎﻝ ﻋﻦ ﻭﺩﺍﺩﻩ ﺻﺎﺣﺒﻲ ﻃﻤﻨﻪ
ﻗﻮﻝ ﻟﻪ ﻣﻦ ﻳﻌﺰﻙ ﺍﺑﺪ ﻣﺎﻧــــــــــﺴﺎﻙ

نهاية الجزء الثاني

[برونزية !]

ملاحظه : اول ثلاث بارتات راح تكون مقسمه لثلاث اجزاء و بعدها
ان شاء الله راح انزل بارتات عاديه
و تسعدني مشاهدتكم ولو تكملونها بالردود اكون شاكره لكم *تبكي*

[sdoOoOd]

وي صبااح الخيررررررر

حبووويه كملي وانا معك وربيييي ان اسلوووبك جنان
بس انتي انشري الرووايه ب صفحة الاعضااء ب رسائل الزووار من شان يدخلوونها
مررررررره حلووو
م فاضي ملاحضات بس اتمنى انها تكووووون احدااثها غييير عن الروايات الباقيه
ودي لك

[برونزية !]

اسعدني مرورك حبيبتي
وان شاء الله راح انشرها بملفات الاعضاء
واتتظر توقعاتك بالبارتات الجايه $:

[جرف!]

وعليكم السلام ورحمة الله وبركاته
أهلين فيكِ أختي العزيزة
بدتية جميلة جدا غاليتي
أسلوبك حلو كتير
وإن شاء الله حكون من متابعينك
وحبقى أعلّق لمى تزيد الأحداث ويصير في مجال نتوقع
بس الي بين معي إنه ريف ومناف أبطال الرواية
والي حيكون بينهم قصة حب تواجه فرق الطبقات وطبع أمه الصعب

يعطيكِ العافية عزيزتي
وبانتظار البارت القادم

موفقة بإذن الله

[atheer77]

يامممممممرححححححبتتتتتتتيننننن ومسهلللللللللتتتتتتتتتتتتتين بدايه موففففففققققققققققه الصراحه مبدئيا انتي مبدعه الله يحرسك ياشيخه با انتظار جديدك سجليني من متابعينك :*

[وردة الزيزفون]

صباح الخير .. ياهلا فيك بغرام ... موفقة بطرحك ... بداية حلوة واسلوب جميل لكن ينقصها بعض الاشياء حتى تكون افضل حددي مكان الحدث يعني المنطقة الي تدور فيها الاحداث واذا بديتي بمشهد حطي مكان الحدث والتوقيت حتى القارئ يعرف انو المشهد خلص من هالمكان وانتقل لمكان ثاني اوصفي مكان الحدث والشخصيات داخل الحدث ووضعيتهم وردات الفعل الي تظر من خلال الوجه او حركة اليد او الجسم ... بكذا بتكون الرواية كأنها مصورة ولاتستعجلي في الحدث اعطي كل حدث حقه

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

[برونزية !]

مشكورين على الردود
واسفه ع التاخير
وان شاء الله الجزء اللي بينزل راح يكون غير عن الاجزاء اللي راحت
وراح اخذ بنصيحتكم ويعطيكم الف عافية ع تواجدكم ومشاهدتكم