غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 51
قديم(ـة) 04-04-2014, 12:06 AM
صورة wala.a" الرمزية
wala.a" wala.a" غير متصل
©؛°¨غرامي جديد¨°؛©
 
الافتراضي رد: موعدنا على كف الأمل /بقلمي


عبدالرزاق: جاتنا رسالة من القسم الرئيسي للمنطقة الغربية تفيد بأنك استوفيت كافة التدريبات اللازمة وانه تم تجنيدك بنجاح .... الان لازم ننتقل للفرع الرئيسي فجدة ... عشان تبدأ المهمات الميدانية ...
انا: أي مهمات تقصد؟
عبدالرزاق: اقصد مهمات ميدانية تمهيدية قبل مهمة التطهير .... الي هيا البراجون
انا: ومتى حنطلع من القسم ؟
عبدالرزاق: بكرة الصباح ....
انا: ان شاء الله , بالأذن
عبدالرواق: اذنك معاك
دخلت غرفتي بعد المغرب جلست على الكمبيوتر المكتبي ابحث عن معلومات حول برنامج معين قضيت وقت طويل لين اتوصلت لمعلومات اكيدة عن البرنامج ... على الساعة 11 قمت اتجهز للنوم ورايا صحيان من الصبح
قبل لا انام اندق الباب انا : اتفضل
دخل وكان غسان
استغربت وقلت: استاذ غسان حياك
جلس على كرسي المكتب وقال : ممكن اكلمك لدقايق
انا : اكيد اتفضل
جلست على السرير وانا استناه يتكلم
قال: اول شيء بأقولك ان القسم حيفتقد طفله المدلل ثانياً ...... بأقول ان فعالمنا نقتل واحد عشان ننقذ الف ... نضحى بألف عشان مليون ... حتمر عليك مهمات تستدعي منك انك تسوي شيء حرام او اتعودت انه حرام لكنه في ذيك اللحظة يكون محتم عليك ... لنا عميل اضطر يتعاطى المخدرات لأربع مرات عشان لاينكشف غطائه وثاني لأنه يقتل مدني و اشياء مختلفة .... حيختبرو ولائك للمنظمة طول الوقت اختبارات متكررة .... عملئنا ينجو من واحد ويطيحو فشباك الثاني لازم تكون متأهب لأي اختبار وحاول قدر الأمكان تتفادى قتل المدنين لكن لو ماقدرت .....
سكت لوقت بعدها قال: انا كنت مع المرحوم والدك في عملية السيل الكبير ..... كانت العملية ممتازة وصل لمنير وصوب المسدس عليه كان باقي ضغطه زر وينتهي كل شيء .... لكنه ضعف مما اعطى حراس منير فرصة لأنهم يدخلو الغرفة ويصوبوه كانت الأصابة طفيفة لكن الخسارة مؤلمة ....
انا: أتأثر .... وطالعو بنظرة الأخ الكبير
غسان: بالضبط ... لذلك انا اول ماشفتك عزمت اني انهي فيك كل احساس ... فأنت حتوصل لمنير لكن السؤال هل حتقتله او حتوقف مكان ماوقف ابوك؟ .... او حتشوفو بنظرة السفاح الي خطف وضيع و ابتز الملايين الي هدم بيوت و قتل انفس .... وبكا امهات ويتم اطفال ورمل نساء .... او حتقول ببساطة هذا عمي؟
في الصباح انطلقنا لمطار المدينة ومنها على مطار جدة .... وصلت وكان استقبالنا بارد كل شيء صار بارد حتى الهواء والسماء كل شيء ماعاد يهم
جلست فصالة الأنتظار الخاصة وقال عبدالرزاق : دقايق وارجع لك – ومشي عني
اتذكرت شريحتي وان في القسم ماكان في اتصال ركبتها ... وكانت الصدمة 568 رسالة وكلها من زياد
في الوقت الي كنت فيه اقراء الرسايل
دخل ثامر اخو زياد
ثامر: زياد اليوم ملكتك ..... ترا مرت سنة حرام عليك تعذب نفسك وتعذبنا معاك
زياد:........
ثامر: زياد تكفى كلمني رد عليا .... ياخي ماسارت منت اول واحد يموت صاحبو
زياد ببرود: مامات
ثامر بقهر : مات ياغبي..... وانت الي موقف حياتك ياخي افهم الحي ابقى من الميت .... البس ثوبك وامي تستناك تحت خليها تفرح فيك مو تبكي عليك .... حرام عليك الي بتسويه فينا يازياد – وسك الباب بقوة
فتح الثاني المقطع وهوا يتابعه بهدوء :
طارق : لابس انا حبيت اشوف واحد من الي يشتغلو فوراء الشمس يعني بس بأشوفو .... يعني ياليت ازا ماعليكم كلافة
سراج: بس لامنجد الي يشتغلو وراء الشمس دول مستحيل يحتكو مع الناس الي يعني ..... قدام الشمس
انا: لا شوف هوا الي بيشتغل فوراء الشمس يعني اتوقع ... اتوقع اول شيء يسووه يطلعو لو شهادة وفاة ... حريقة , حادث , انتحار ..... بعدين يبدأو يشتغلو معاه
عبيد وهوا ياكل : حركات عكاز العجوزة يتفلسف
انا بثقة: الخيال الواسع مايبالها رياضيات ياعمنا
هوا يصور: ايشبكم سكتو دحين لا قولوا خليني اجيب راسكم ياعيال اللذين
زاهر: هو مجرد حوار وخلص
طارق بضحكة: ايوة يعني احنا مرة مو خايفين
سعد: بعدين كلنا نعرف ان ورا الشمس تساعد على بناء الوطن ....... يالله البيت ياعيال
الكل:هههههه
سك المقطع وارسل : للمرة الميون تكفى اذا كنت عايش كلمني طمني بس .... اوعدك ما اقول لأحد اوعدك بكل الي تباه .... بس تكفى قول لي اذا انت لسا حي
وصلتني الرسالة طالعت فعبدالرزاق الي جاي وكتبت : عيش حياتك زياد – وحطيت الجوال فجيبي
عبدالرزاق: هاه ما وحشتك جدة
انا بهدوء: يمكن ....
عبدالرزاق: يالله السيارات وصلت
طلعنا من المطار قلت بسرعة : انا بروح الحمام
عبدالرزاق بملل: خلصنا نستناك في السيارة يا بزر
انا : ابشر
دخلت الحمام وكان زياد كاتب: تكفى بس قول لي حشوفك بعد كدا؟ ..... اليوم ملكتي ماتقدر تجي؟
كتبت: اكيد وللأسف لا ... زياد انا عايش بس لو احد غيرك دري انا ميت .... كلامي معاك شيء غير قانوني اصلاً .... مبروك وألفين مبروك الله يوفقك ... يمكن يوم نتقابل بس تكفى امسح الرسايل لسلامتك وعيش حياتك .... فأمان الله ... وطلعت الشريحة وكسرتها و رميتها وسحبت عليها السيفون
طلعت من الحمام وركبت السيارة وبعدها رحنا للفندق الي حاجزين فيه بعد اسبوع تقريباً من التمهيد للمهمة و جولات التحقيق
وصلنا لأرض بيضاء مساحة واسعة وفاضية ليلتها كان الجو بارد وانوار جدة الأنيقة مصفوفة من بعيد كأنها شموع امل تنور كل ليلة وماتنطفي الا الصباح ....
نزلنا من السيارة قفلت جكيتي احاول ادور الدفا وخبيت كفوفي فجيبي
عبدالرزاق: افتح ملف المهمة وأتأكد هذي احداثيات الموقع؟
فتحت الملف وقلت : ايوة هيا
عبدالرزاق للمرافقين : قال انها تحت ذاك الجدار
راحو و حفرو تحت الجدار وفعلاً كانت ثلاث كراتين لعبوات خمر مدفونة في التراب
عبدالرزاق بإبتسامة: الحمدلله وهذه اول مهمة وانهيناها
قلت وانا أتأمل البعيد ببرود : الحمدلله
رفعت راسي لسماء الليلة الخالية من القمر ويزينها النجوم قلت : استاذ عبدالرزاق كم لك تشتغل في المباحث؟
عبدالرزاق وهوا يتأمل البعيد: خمس وعشرين سنة .... سبحان الله الزمن يجري
انا: نادم عليها؟!
عبدالرزاق: لا ابداً ......... انتو الشباب دائماً تتفرجو افلام لكن ابداً ماتتخيلو ان فيه ناس حياتهم كاملة فيلم بس عشان يأمنو لكم حياة كريمة وأمنة .... كل الناس تقول الحمدلله وطننا امن وامان بس ابد ماتخيلت قد ايش هذا الأمن والأمان متعوب عليه بعد فضل الله طبعاً
انا: فعلاً مانتخيل .... لو احد قلي قبل سنة اني حأكون هنا وحأواجه الي واجهتو .... اكيد حيكون مجنون

عبدالرزاق: فعلاً .... نسوي اشياء مايتخيلها انسان عشان ذا الأنسان الي مايدري شيء عننا واحياناً حتى ينتقدنا ويقول اننا مابنسوي شيء .... لكن عموماً احنا مانتمنى نكون سوبرمان قد مانتمنى الناس تعيش بأمن وسلام .....
انا: المفروض تعتز .....
عبدالرزاق: كل سنيني الي مضت في الخدمة شيء اعتز بيه صحيح يمكن انت اخر مهمة بالنسبة ليا بعدها أفضل التقاعد او اني اشتغل في مهمة مكتبية .....
انا: ليه لذي الدرجة متعبك ؟!
عبدالرزاق بضحكة : مو قد ماتعبني ابوك ... يالله عاد لا تمرض علينا
مشينا وربكنا السيارة وحركنا و سبنا ذيك المساحة الهادية فاضية ... زي ماهي ... فاضية
بعد أربع سنوات
: ادفع وبعدها اسلمك البضاعة
انا: ماني دافع الا اذا شفتها بعيني ادفع لك على شيء ماوصلني
: انت تفهم ولا لا ... قلت لك ماب اخون فيك بس هات المردود اول
انا: احنا متفقين سلم فأستلم جبت البضاعة اعطيتك القيمة لا تلف عليا
رفع مسدسه وقال: هات الفلوس
رفعت يدي بإستسلام وقلت: خلاص هدي ... هدي بأعطيك
صرخ : هاتها
انا : طيب في السيارة
اشر لمساعده يجيبها
فجاءة انكسر القزاز واعتلى صوت الرصاص التفت هوا بفزع صوبت على راسو بسرعة وانزويت وراء السيارة داهمو البقية المحل واعتقلو مساعديه لكن هوا مات وقفت وفكيت زر ثوبي الأول بملل و قلت لواحد زميلي اسمه عامر : ترا عندهم مخابئ كثيرة الأفضل تجيب كلب
قال لي بضحكة : لاماعليك انت ماتقصر
طالعت فيه بحقد وقلت : على زفت بس --- ابتسمت ومشيت عنه لعبدالرزاق
عبدالرزاق: بعد ثلاث ساعات احداثيات الموقع جنوب جدة المهمة بلاغ عن عملية اختطاف مسلح ... الخطة تمر من هناك على انك من سكان العمارة تدخل شقتك تروح من الشباك تنط على شباك الغرفة الثانية الي فيها البنت .... البنت معاها حارس مسلح تصوب الحارس من الشباك بمسدس مكتوم... تطلع البنت من الشباك وعبالها نكون اجهزنا على البقية خارج الغرفة
انا بتعب: اوكيه مانتغدا اول ؟
عبدالرزاق بحزم: ازحر لوزين ولا شوف لك صرفة وقتك نتغدا
انا بملل: اوكيه ... اوكيه
رحت للسيارة اخذت من مالك قاورة موية مالك : لا تخلصها والله ماعطيك غيرها
غسلت وجهي وقلت : عندك شيء ينأكل
محمد: اعطيه تبن مستواه
انا ببرود : قصدك مستواك عموماً جايين معانا مهمة الأختطاف
محمد: لا ياعيني رايحين نرتاح المغرب عندنا مهمة في العلا
انا: طيب ياعيني ايش الي موقفكم هنا والله انا منكم اروح ارقد
مالك : لا بس بنشمت فيك ونروح .... لاتخاف
طالعت فيه بحقد وقلت : على زفت ... يالله سلام
الكل: سلامين – مشيت عنهم لجوا الموقع عشان ياخذو اقوالي في التحقيق
على المغرب رجعنا للقسم بعد مهمة البنت الي انتهت بالنجاح ولله الحمد .... يوم كامل كل المهمات فيه ناجحة دخلت الغرفة واخذت شاور سريع وطلعت اتغداء مدري اتعشى ....
جلست قدام التلفزيون اتفرج فيلم دق عليا عبدالرزاق قلت : هاه؟!
عبدالرزاق: هوا .... الناس تقول نعم يابقر
انا: نعم هلا يالبيه
عبدالرزاق: المهم .... تعال لي ذحين بأكلمك
انا بملل: ياخي انا كل ماجبت ابا اكل وقفت اللقمة فحلقي مايكفي انقذ العالم واخرتي اندومي
عبدالرزاق: تعال ولا يكثر ... – وقفل
الرجال اخلاقو سارت ماش ازمة منتهى العمر هههه
اتفرجت الفيلم الي يتكلم عن جاسوسة مزدوجة لروسيا وامريكا ماكملت الفيلم وخلصت اكلي ورحت لعبدالرزاق
دقيت وفتح لي دخلت وقلت: السلام عليكم
عبدالرزاق: هلا وعليك السلام اجلس
رمى ملف على المكتب وقال : من اليوم اسمك عماد .... تاكل زي عماد تتكلم زي عماد تصحى وتنام وكل تصرفاتك عماد ... خلاص انتهى زمن ايمن للأبد
انا بهدوء كأن ايمن ماكان الا دور العبو : وكيف اعرف تصرفات عماد
عبدالرزاق: اتمنقل في دا الملف وحتفهم كل القضية ....
انا: اوكيه ... يالله بالأذن
عبدالرزاق: اذنك معاك
دخلت الغرفة وانا اقرأ السيرة الذاتية لعماد : عماد عبدالعزيز كامل
غني جداً يدرس ادارة اعمال في جامعة لندن .... شخصيته مرح و انيق ونرجسي و مغرور و محب للفت الإنتباه والأضواء و اجتماعي .... عمره 20 سنة .... وحيد ابوه وامه متوفيه .... ابوه متزوج من عارضة امريكية و يسكن في امريكا ...
وهذا كل شيء اعرفه عن نفسي ... عن عماد ... قعدت طول الليل القن نفسي اني عماد واتقمص شخصية عماد
في الصباح صحاني عبدالرزاق صحيت وجلست على السرير
قال عبدالرزاق: ايمن اذا خلصت تعال لي
انا بنعاس: اوكيه
عبدالرزاق بقهر: اسمك عماد
انا ببرود: اوكيه اسفين ياعيني
رماني بكرتون المناديل الي لسعني قلت بصدمة: أوتش خير؟
عبدالرزاق: عماد مايقول ياعيني .... اصلاً ذي الكلمة احرقها من قاموسك نطقك لها قدام أي واحد كان يعرف ايمن حيثبت انك ايمن يا عماد .... يامين ؟ ياعماد
انا بمرح : اوكيه فهمنا عاد بتذكرني مين انا .... انا العميد يا قلبي
عبدالرزاق: اوكيه قلبك عينك مايهم اهم شيء لاتنسى
انا بغرور: اوكيه بس نادي الروم سيرفس مدري النيرس الزبدة ناديها خليها تجي
عبدالرزاق: تمام استمر اسبوع على دا الحال وحتتعود اهم شيء لاتنسى كلمت البقية عن هويتك الجديدة وحيبدأو جدياً ينادوك عماد الأحد الجي حنسافر للندن عشان دراستك حتبدأ
انا: لحظة بس ارجع , شهادتي حاخذها كأيمن او عماد
عبدالرزاق: المزورة كعماد الحقيقية حرصت على انها تكون لأيمن
انا بهدوء: بس كيف وايمن ميت ؟!
عبدالرزاق: السلطات تعرف انك مو ميت .... وشهادة وفاتك مزورة و على فكرة حأكون معاك بصفتي مرافقك اسمي طلال
ضحكت وقلت : آه والله ذي المهمة مهزلتك يا طلال ههههه
انا بمرح عماد : اوكيه عاد يالله نشوفك .... لاتعسكر فوق راسي
عبدالرزاق بملل: اهوووه الله يعيننا عليك – وقفل الباب


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 52
قديم(ـة) 04-04-2014, 12:10 AM
صورة wala.a" الرمزية
wala.a" wala.a" غير متصل
©؛°¨غرامي جديد¨°؛©
 
الافتراضي رد: موعدنا على كف الأمل /بقلمي


وقفت قدام المراية وابتسمت ابتسامة عماد الغبية زفرت بملل وقلت : الله يعين
يوم الأحد طرنا للندن كانت الرجلة طويلة وصلنا لندن ونزلنا في الفندق
دخل عبدالرزاق غرفتي وقال : عماد انا نازل السوق تجي معايا
انا: اوكيه ياعمنا مو مشكلة .... قدام بس جهز السيارة
عبدالرزاق: رايحين برجولنا
انا بصدمة : ليه خير الله لايشقينا خلصت السيارات .... اذا سيارتك فيها شيء مو مشكلة ادق على سواقي
عبدالرزاق: لا بس لأن السوق تحت يالله ياواد امشي
انا بضحكة: اوكيه ياقلب الواد انتا
نزلنا السوق و قعدنا نلفلف اشتريت ملابس غالية وتفلق ... صرت لوحدي ميزانية بس منجد الملابس تصنع عيال العز وقفت قدام المرايا وقلت بعدها : وسيم كالعادة ... قلت للبايعة : all taek it
عبدالرزاق: اوكيه طال عمرك يالله مشينا لسا باقي لنا مشوار طويل
قلت وانا أتأمل البذلة عليا : كل شيء يستناني
كانت حركاتي المتعالية ملفتة للأنتباه بي ماكان في المحل غيرنا وواحد يجرب جزمة كان يطالع فيا بتمعن
ابتسمت له وقلت : يالله طلال
طلعنا وقال لي عبدالرزاق بهمس: عرفنا انك متقن التمثيل بس لو رجعنا الفندق واتصرفت معايا زي طلال .... انت ميت
ضحكت وقلت : العمل وما العمل
وقفنا فمحل فساتين قال عبدالرزاق : انا داخل هنا
انا بضحكة : اوكيه انا يا استاذ احترمك ... بس عاد فساتين
قال بضحكة: خليك ساكت بس
دخل واتأخر دخلت وراه وكان معطيني ظهره وهو يقول: طيب ياريم مافي كل الألوان موجودة الا الأسود .... يعني انتي لازم أسود طيب سوي تغيير والله كل الألوان حلوة عليكي ... طيب ... بشوف ... خلاص قلنا بأِشوف – وقفل واتنهد
انا بضحكة : طلع عندك بنات وسايبني عزابي عيب عليك يابو ريم
عبدالرزاق بجدية وهمس : انا ماسك عليك زياد وانت ماسك عليا ريم في حالة خونا ببعض
انا بضحكة وبنفس الهمس : لو تباني ارجع اقتل لك زياد مي مشكلة ... – وطلعنا من المحل
اليوم الي بعده بديت دوامي خصوصاً اني متأخر اسبوع في الجامعة كان اول يوم قروشة عبال الاقي القاعات وهرج اخيراً لقيت وقت فاضي ماعندي فيه محاضرة جلست على مقعد والحارسين الي بالبذل السوداء واقفين جنبي
بعد دقايق لمحت الولد الي كان البارح في محل الملابس سويت نفسي ماشفتو وهوا قرب بس الحارس وقف فوجهه ألتفت وقلت : خليه يا سالم
قرب وصافحني صافحتو وقلت : ياهلا مشبه عليك
جاوب: لا مو مشبه انا الي شفتك البارح فمحل الملابس قلت اجي اتعرف عليك
انا: اهلا حياك معاك عماد ناديني العميد
قال بإعجاب: لي الشرف معاك سليمان
انا: و أي قسم ؟
جاوب: انجليزي
انا: انا إدارة اعمال
قال بضحكة : اغلب عيال العز كذا حتى شلتي
انا: اكيد أي نسبة تجيبها ضامن تتوظف
وقف وقال: طيب تجي اعرفك على شلتي
انا بلا مبالاة : شور مي مشكلة بس ترا ماعندي الا نص ساعة
سليمان : مي مشكلة تكفي
مشينا واحنا نهرج عن الجامعة وما حولها ووصلنا عند اصحابه كانو جالسين في كافتريا الجامعة وحرسهم حولينهم واضح من اول نظرة انهم هاي كلاس .... بس جلستهم تضايق ايمن ...ومتعود عليها عماد
سلم عليهم سليمان والواضح انه من ذاك النوع الي يصاحب عشان الفلوس كثير ذا النوع في الحياة ... استغلالي
وهوا يسلم عليهم كنت اطالع في البعيد من وراء نظراتي الشمسية بلا مبالة
قال واحد: ماعرفتنا على الي معاك
سليمان : عماد ذول هاني و هيثم و مؤيد شباب هذا عماد .... العميد من طقتكم
انا بضحكة واثقة : او يمكن احسن
قالو كلهم : اووووه
مؤيد: لا هاي وايد قوية
هاني: شكلك جداوي زيي انا وسلوم
انا: لا انتم زيي
مؤيد: هالولد وايد شايف نفسه
انا بضحكة: لاعاد امزح معاك لاتصدق
هيثم بهدوء: هلا انا هيثم شخبارك
انا بضحكة : كويس الحمدلله انت كيفك؟ - طالعت فسليمان وقلت بضحكة – عليك شلة حفلة ياشيخ
ضحك وقال: لسا ماشفت شيء
سحب مؤيد كرسي وقال: العميد تعال اجلس عدالي
جلست جنبو وقال هيثم لسليمان : سلوم ما اشترينا فطورنا ... لو ماعليك امر اشتريه والحساب علي
سليمان : ابشر
انا لما راح : ياقلبي ماخذينو مهزلة ....
هيثم بضحكة : هو الي مخلي نفسه مهزلة .... منجده عاد بنعتبر منتف مثله خوينا يابوي ذا داخل بمنحة
انا بلا مبالة : والله انا منو ما اماشيكم
ضحك مؤيد وقال: ياخي تعجبني صراحتك
انا: لا والله جد تذكروني بأصحابي في الثانوية ..... مالهم الا استغلال الخلق
هاني: وهادي الفلة طيب
انا: الا تعالو انتم من زمان اصحاب ولا دوبكم
هاني: لا فين وكل مين فجهة هيثم من الرياض مدري الدمام و مؤيد من الكويت مدري الأمارات
انا بضحكة : وانت من جدة مدري مكة لا الصراحة وصف مبدع
الكل:هههه
جا سليمان وقال: العميد انت ايش اطلب لك؟
انا بإبتسامة : توركش كوفي ياقلبي
قال : ابشر – وراح للكوفي
هاني بضحكة: شكلك مغزلجي درجة ألف اجل ياقلبي
مؤيد: والله مدري مغزلجي او شيء ثاني بعد
انا بضحكة : لا انا كذا كل كلامي لازم فيه بهارات معرف اعطيك جملة جافة
هيثم بضحكة: اهم شيء جافة ياخي وقسم اني حبيتك انت واحد مافي مثلك
انا بضحكة : احرجتني الصراحة هذا وماسار لنا عشرة دقايق سوا
مؤيد بضحكة: صج والله مين يصدق ؟! ياريال احس اني اعرفك من زمان
هاني: شخصيتك مرحة
ارتحت اني وصلت لنص الهدف وقلت : جلستكم تجيب المرح
هيثم: تسلم وماعليك زود
طلع هاني سجارة وقال: مين يزحر؟!
انا: ابوك يالمباشرة الزفت .... اخلاقك ياعم
هاني بضحكة : امسك عاد ولا يكثر
انا : لا شكراً سجارة على بطن فاضية ارحم حالك
هاني: ياشيخ
دائما هما كذا كل شيء يرموه وراهم مايهتم بأفعالهم او اقوالهم كلها تنرمي وراهم الين يجي اليوم الي تصفعهم فيه الحياة اما بمرض او بلوة ساعتها ... ساعتها بس يخلوها قدامهم
جاب سليمان الكوفي وجلس وقال: هاه كيف العميد ؟!
انا بضحكة : يسلم عليك .... الا تعال كل الثلاثة ذول معايا إدارة اعمال
سليمان : يب
انا: طيب كيف ماشفت ولا واحد فيكم طول اليوم
هاني : وانت يا ### منجدك تروح المحاضرات ... دا الأسبوع كلو تمهيدي
انا بصدمة : ياليل وانا الي مسوي فيها ممتاز وشفقان ع الدراسة ... محد قال لي ياشيخ قهر مداني طالع أ ....... – سكت وقلت – لا ماينفع صغار
الكل:ههههه
هاني: انا من شفتك قلت ذا الأدمي لايمكن يكون مستوي
انا بضحكة: لامسلوق ماعليك .....
مشي الوقت الين جا وقت صلاة الظهر واحنا قاعدين .... قمت عنهم ورحت اصلي فمكان ثاني رجعت وهما على جلستهم سألوني صرفتهم بكذبة المهم ... قارنت بينهم وبين ايام زياد والبقية .... مافي شبه ... ولا ادنى شبه شتان مابين الثرى والثريا
بعد العشاء صحيت في الفندق بملل متضايق من كل هذه الحياة المليانة بالشغب والتمرد والضجة ماتناسبني ولا تريحني ... أصلاً ماتريح احد كل الشلة ذيك بكبرها ماتريح


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 53
قديم(ـة) 04-04-2014, 12:14 AM
صورة wala.a" الرمزية
wala.a" wala.a" غير متصل
©؛°¨غرامي جديد¨°؛©
 
الافتراضي رد: موعدنا على كف الأمل /بقلمي


اندق الباب ودخل عبدالرزاق سلم وجلس قبالي
انا بملل: عبدالرزاق .... الشلة ذي حتوصلني للبراجون اذا لا قول لي لأن صحبتهم ماتريحني
عبدالرزاق: الشلة دي حتمهد لك للفساد الي حتشوفو عند البراجون وحتوصلك للبراجون .... ادري انك متضايق من هذه الحالة وانك ولد - والله شاهد - ولد كويس ومالك فدا الطريق وتربيتك مختلفة تماماً عنهم .... لكن حط فبالك وفنفسك اننا ابداً ماناخذ عملنا كعذر للحرام او الخطأ صحيح بنشوفو لكننا بننكرو فأنفسنا و لأن هذا الشي بيأخذنا لنفع في سبيل الدين والوطن ... فهمت؟
انا: اعتقد ....
اليوم الثاني رحت الجامعة حضرت اول محاضرة بعدين طلع عندي وقت فراغ جلست على كرسي من كراسي الجامعة بملل وقلت لمرافقي سالم :ايش اخبار القسم في
قاطعني: طال عمرك ابوك اتصل يبغاك تكلمه
ألتفت وكان هاني جاي قلت له : ماشي ... ذكرني بعد الجامعة
هاني: ياهلا.... ياهلا نسينا امس ناخد رقمك
وقفت وسلمت عليه وقلت : لا عادي مصيرنا نتلاقى في الجامعة نفس القسم كمان
هاني: المهم اسمع
انا: اسمعك
هاني: اليوم طالعين لازم تجي معانا الشباب بيتعرفو عليك على نار
انا بإستغراب: أي شباب
ضحك وقال: شبابنا
انا: وايش عرفهم بيا؟
هاني بضحكة : امس سحرت مؤيد راح يحكيهم عنك ... ياخي بعدين خلينا صريحين ماشاء الله عليك تفلق اتوقع عارف يعني مايحتاج و مؤيد من النوع الي يكشخ بأصحابو فهمت كيف
انا: آها اتوقع المهم انت ماوراك شيء دحين
هاني: مدري الصراحة بس معزم ازحلق من الدوام
انا: اوك تمام معاك فين رايح
هاني: لا ياحبيبي منت معايا عندي ديت وكذا
انا بضحكة : حركات وفي الصباح؟! ....
هاني بضحكة : مايفرق هنا مافي هيئة
انا بضحكة : احسن شيء فيهم مبهدلين اشكالك
هاني: انت من اشكالي يا قلبي على قولتك
انا: الزبدة ياقلب قلبك .... منجدك في الصباح ؟
هاني : انت الظاهر رومنسي يابويا انا اهم شيء عندي الي بالي بالك والباقي صباح ليل مايفرق
انا بضحكة : روح ياشيخ .... يالله عاد نشوفك بكرة ولا يمكن بعدو ولا يمكن مانشوفك ابداً الزبدة ياقلبي سلام
هاني: ههه سلامين ياسكر
مشيت عنو ورحت الكافتيريا قابلت هيثم الي كان يدخن ومعاه بنت اشتريت كوفي و مريت من عندو معزم اني اطلع عساس ماشفتو ناداني: العميد ... العميد تعال يامعود
جيتو وقلت : ياهلا اخبارك – وقف سلم عليا وقال: الحمدلله انت شلونك ؟
انا : الحمدلله كويس .... ماعرفتنا على الي معاك ؟!
مؤيد بضحكة : يوه انت وهاني عيونكم يبيلها قص هاي كارولين
ابتسمت لها وقلت له : الظاهر الموضوع بينكم مش نظيف
ضحك وقال: ليش شمسوين حنا قاعدين نشتغل على بحث
انا بكويتية خربانة: علينا يامعود بحث ؟ ... بحث يامعود؟
ضحك بقوة وقال: انصرف من هني لا اقوم ألطمك .... روووح
انا بإبتسامة عماد الغبية : باي كارولين – ومشيت عنهم
وانا طالع صدمت في وحدة قلت بضحكة : سوري كارولين – ومشيت
سمعت مؤيد يصرخ من بعيد بضحكة : أنت خطير
رفعت اصباعيني بعلامة السلام ومشيت اتجول في الجامعة
رجعت الفندق الظهر دخلت وكان عبدالرزاق جالس يتفرج تلفزيون انرميت على الكنبة جنبه سألني : كيف كان اليوم
رفعت اصباعي بعلامة اوكيه بعدين قلبته بعلامة مو اوكيه
ضحك وقال: منت قادر تتأقلم
انا: ولا شوية .....
عبدالرزاق: عماد انت لازم تتأقلم مع الوضع قريب وردتني اخبار اكيدة ان الي معاك ولله الحمد فعلاً ممكن ياخذونا للبراجون
انا بملل: طيب خلاص اوكيه .... بس مستحيل صدفة الي طيحتني بينهم
عبدالرزاق : لاصدفة سجل سليمان نظيف ومافيه أي سوابق اجرامية
انا: يكون مزور؟
عبدالرزاق: يا ابن الناس صدفة ولو ماكانت احنا مستعدين لها
انا بملل: خلاص اوكيه
في الليل بعد العشاء دق عليا هاني
انا: هلا هاني
هاني: هلا العميد فينك؟
انا: في الأفق البعيدة يعني فين بأكون مرمي في البيت ما اعرف احد هنا
هاني بضحكة : اوكيه تعال لمكان اسمو بروك كينس .... مسوين حفل خاص هناك
انا بثقة ومزح : ياخي ماكن له داعي تسوي حفل خاص على شرفي يعني انت عارف ايش بيقولو الناس دوبنا متعرفين
هاني: ههههه يصير خير قال على شرفك يابويا تعال صدعونا الشباب ربع ساعة نادوه
انا: اوكيه بس عاد قول لهم ابا استقبال عليه الكلام
هاني بضحكة: نفرش لك الأرض ويسكي ولا نرمي على راسك فلوس زي الرقاصات
انا : ههههه هذا الي ناقص اقول شقلب بس دحين جاي – وقفل


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 54
قديم(ـة) 04-04-2014, 12:18 AM
صورة wala.a" الرمزية
wala.a" wala.a" غير متصل
©؛°¨غرامي جديد¨°؛©
 
الافتراضي رد: موعدنا على كف الأمل /بقلمي


طلعت من الغرفة وقلت لعبدالرزاق : رايح لهم
عبدالرزاق : ليه ؟!
انا: حفلة ..... من النوع الي .... يخوف
ضحك وقال: طيب ماقدرت تتملص منها
انا: اعرف دول الشباب اذا اتملصت من اول مرة حيشكو فيا .... لازم اروح اليوم على الأقل بس .... قول يارب ما انسخط معاهم
ابتسم وقال: الله يحفظك .... بس انتبه خليك متيقظ أي معلومة أي حركة او تصرف ممكن يفيدنا
انا: اوكيه
دخلت الغرفة ولبست بنطلون اسود بلوزة بيضاء وعليها جكيت ارماني اسود وكاب اسود مكتوب عليه بالأبيض حرف الـ A طالعت ادور ايش ناقص لبست جزمة سبورت بيضاء طالعت فشكلي ... داشر ولا لسا شفت السلسلة على الطاولة قلت والله لو اموت لبست ساعة بيضاء بفصوص ألماس وطالعت مرة ثانية حسيت شكلي يعني مقبول في مقياس الدشارة والكولنة طلعت وقلت لعبدالرزاق: عبدالرزاق ... كيف؟
إلتفت لي وقال بإعجاب: شكلك ... زي حقين الأفلام .... بيئة
ضحكت وقلت : احرجتني الصراحة يالله ادعي لي
ضحك وقال: الي يسمعك مايقول رايح مرقص
فتحت الباب وقفت على كلمتو طالعتو بقهر وقلت : انا مجبر اني اروح .... العمل وما العمل ؟
عبدالرزاق: اوكيه روح بس
انا: يالله السلام عليكم
عبدالرزاق: وعليكم السلام
وقفت مرة ثانية: والله وحشني سلام المسلمين دوليك هلا وهاي وباي ومسخرة ..... يالله السلام عليكم
عبدالرزاق بضحكة : باي
قلت بحقد: ها.... ها --- وسكيت الباب بقوة
ركبت السيارة وقال سالم وهو يعطيني السماعة ... : السماعة فأذنك تحسباً لأي طارئ
انا : اوكيه .... شباب انتو عارفين اخلاقي
سعيد بضحكة : ماعليك عارفينها وهذا عملك
ووصلنا لذاك المكان الي قال عنو هاني ومن اولها شفت شيء ماينطاق نزلت وانا اقول : اللهم اني اعوذ بك من الخبث والخبائث
قال سالم من السماعة بضحكة : حلوة دي
دقيت على هاني وقلت : الو ... الـسـ .... هلا فينكم
هاني: اهلين ادخل وانا عند الباب استناك
انا: يالله اوكيه
دخلت وكان هاني فوجهي قال لي بضحكة اعجاب: يجي والله وتعرف تكشخ
انا بضحكة: اكيد بس عاد الجامعة ماتساعد
هاني: ههه منجد ..... يالله تعال
مشيت وراه وأول مادخلت صرخ هيثم : هذا هو
صفر مؤيد واتعالت اصوات التحية من البقية ضحكت وقلت لهاني: دول صدقو كمان يرحبو بي ومايعرفوني
هاني : مساطيل ماعليك
قربت من جلستهم وسلمت على اول واحد
قال هاني من ورايا: كل واحد يعرف بنفسو مافي حيل اقول دا فلان ودا علان
قال الأول: محمد
انا: هلا
الي بعده : جمال
انا: هلا
: زيد . طلال . ماهر . رائد . عبدالإله .
وأتالت الأسماء حوالي 15 واحد ال قبل الأخير الأخير كان اسمه عبدالعزيز قلت بضحكة : هلا بأبويا
عبدالعزيز بإبتسامة : اما عاد اسم ابوك عبدالعزيز
انا : شايف كيف مستقبل ولدك
سلمت على الي بعده وقال عبدالعزيز: ياخي قسم اني حبيتك قبل لا اشوفك
رائد: me tow I love you
قلت وانا رايح لهاني واحرك اكتافي if you love it then you shuild but a: reing on it . oh . oh .oh
الكل:ههههههه
ضرب هاني كفه بكفي وقال: يا انك خطييير
انا: اعجبك ... الزبدة ياقلبي انت وهوا ايش بو جوكم كدا بارد تقول عزا
ماهر: لا جد تراك جيت حركت الجو قبل دقايق صار موقف بايخ وواحد مشي
انا: اووه حركات افلام ... ليه ايش صار ؟!
هاني : بعدين اقولك ... دحين خلينا نفل وكدا
انا بضحكة : اوكيه يا ابو كدا انا رايح اشتري شيء ينشرب وكدا
زيد: ماتعزمنا وكدا
انا وانا رايح: ليه مخلفك وناسيك وكدا
رحت عند الكشك وطلبت عصير فريش ... عصرتو قدامي واعطتني هوا رحت لهم بالكاسة سألني مؤيد : وش نوع هالمشروب
جاوبتو : مدري قلت لها هاتي على ذوقك ....
هاني بضحكة : يوووه عاد الـ ### مايقدر يقاوم
انا بضحكة: افا عليك بس
ماهر: المهم ياشباب جايب لكم هدية تشعلل الجو من مزاج العميد و هاني
انا بضحكة : لا اجل الهدية فيها خراب بيوت
الكل:ههههههه
هاني: بقوة انا والعميد مرة مزاجنا ###
انا بضحكة : ياخي الطيور على اشكالها تقع ايش نسوي
هيثم : وش رايكم هو جايب لكم بنات وانا جايب براجون
انا بغباء: الهويني ياقلبي قوم اصقع صاحبك كف .... ايش برجون ؟! سلامات يقولك جايب بنات .... وشيء تقول لي براجون لا ياشيخ وانا جايب شطرنج يامرة فلة
الكل:ههههههههه
هاني : مافهمتو يافنطل براجون يعني تضبيط مزاج فهمت يا اهبل
هيثم: افا هذا وانا الي اعزك تظن فيا هالظن
انا: لا ياقلبي بس صدمتني .... ياخي مالقيتو غير دا الأسم طيب قولو بيسبول لعبة راقية ... براجون ؟!
هاني: لا براجون هو المصطلح الدارج بين العيال لنوع معين فهمت ؟
انا بغباء: اها .... اقول شباب مو كأن الهويني قال دارج يعني اني مثقف ... دارج لا والمصطلح ! ابوووك
الكل:ههههههه
عمير: لا هو الحين مسوي انه مثقف عشانك جديد اقدم شوي وتشوف الهوايل
مؤيد: شو ماهر وينهي هداياك
ماهر: موجودة خلاص نسحب الشريطة
انا بضحكة : اسحب ياعم أمال إيه
هاني: هههه لو ماسحبت انا والعميد نسحب بدالك
ماهر : هههه خلاص رايح
ومرت الليلة مابين وبين .... أشياء ماتعودت عليها ادخنة السجاير واصوات الأغاني العالية و اجمل بنات الغرب وعارضات الأزياء قدامي سكارى والشباب الي سكر ونسي نفسو والي اصلاً ماكان متذكرها بس رغم كل دا ماكنت حاسس بالراحة ... حسيت شيء بداخلي يخنقني ومات يومتها دخنت اول سجارة . تخنق اكثر من ماهي اثارة ...
خرجت الساعة اثنين تقريباً من هناك بعد ماحسيته الوقت المناسب
ملاحظة : انا ما اقول دا الشيء لأني موافقة عليه او اشجعوه لكن بس ارسم ايطار الواقع او شيء مقارب ليه
ركبت السيارة وقلت : السلام عليكم
سعيد بضحكة : الي يسمعك يقول مو خارج من مرقص
انا بقهر: يعني الاقيها منك ولا من الأستاذ
سالم: هوا قلنا نقولك هيا عشان نعصبك
انا بضيق: طبعاً ماهو مكاني
سعيد: مشكلتكم الشباب طول الوقت تسو دي الأشياء لما نقول لكم سووها في العمل تنزل عليكم الطواعة سبحان الله
انا بحدة: طيب ياكهل المدينة انا عمري ماشفت الي شفتو اليوم اصلاً من فين وانا ولد حارة فمكة بينها وبين الحرم شبرين
سالم: هههه والله عصب
انا بقهر: حرك بأرجع ارقد ورايا جامعة


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 55
قديم(ـة) 04-04-2014, 12:26 AM
صورة wala.a" الرمزية
wala.a" wala.a" غير متصل
©؛°¨غرامي جديد¨°؛©
 
الافتراضي رد: موعدنا على كف الأمل /بقلمي


في اليوم التاني في الجامعة اول مادخلت قابلت الثلاثة عند البوابة
انا بضحكة : غريبة مداومين والبارح مصرين غياب
هاني: طلع عندنا تسجيل وقروشة
انا بضحكة: اشكالكم تحزن لا وبنفس اللبس وريحتكم تسطل بلد ههههه يالله على قاعاتكم انتو وهوا
قابلنا سليمان في الطريق سلم علينا بجمود قلت له : انت فينك البارح ماجيت؟
ضحكو الثلاثة بقوة وانا مستغرب
قال سليمان: لاماعليك كنت
قاطعه هاني: الشباب سوو فيه مقلب ... خطير أحم قصدي بايخ المهم في الأخير عصب وطلع
هيثم بضحكة: ياخي وش الي زعلك عادي كأنها اول مرة
انا: هيييه ترا مافهمت ايش الهرجة ؟
سليمان بضيق: بالأذن عندي محاضرة ... – ومشي
إلتفت لهاني وقلت : أوف والله الولد زعلان بقوة ايش سار؟
هاني: مو شيء مرة بس واحد منهم مصوره ومفبرك الصورة .... وبس لما جا بيرسلها لنا بلوتوث عصب سليمان وكسر جواله الولد كمان عصب واتماسكو و بس في الاخير مسح الصورة وطلع سليمان معصب
انا: مين الولد
مؤيد: عدال يالي ينقال عنك بتتذكر حنا ومنت متذكر اسمائنا عدل
انا: لا قول يمكن افتكر
هيثم: ماهر
انا: اها عرفتو قال ما اتذكر هذا صاحب الهدية
هاني: هههه اتذكرو من الهدية
انا بضحكة : اكيد ..... الزبدة حركتو مالها داعي
هاني: ياشيخ وسع صدرك ...
رحوا بعدها لمحاضرتهم لأنهم مو فنفس شعبتي المهم انا خلصت محاضرتي طلعت الحرم الجامعي وجلست فوحدة من الكراسي شفت سليمان يتكلم مع واحد صاحبو بعدين افترقو ناديتو : سلوم .... سلوم تعال
جاعندي بإبتسامتو اللطيفة وقال : اهلين .... خلصتو محاضراتكم ؟ --- كان تنفسه كانه جاري لميل
انا: لا انا غير عنهم
ابتسم بتأمل وقال: منجد انت غير عنهم
انا بضحكة : قصدي في الجدول
سليمان : حتى في الأخلاق والشخصية احسك ماتشبههم
خفت انكشف فقلت : لا انا كدا طبعي ما احب أذي احد .... ومو لازم عندي يكون صاحبي مريش اهم شيء عندي الأخلاق والفلة هادا شيء شلتك مستحيل يفهموه
سليمان بتريقة : دحين سارو شلتك اكتر مما هما شلتي
انا : ماعليك ياعمنا انا شلتك
ابتسم وقال: احرجتني الصراحة .... اصلا ادري انهم شلة مخدرات ومسخرة لكن
انا: لكن ايش مدام تعرف عنهم دا الشيء المفروض تبعد عنهم
سألني : وانت ليش ماتبعد عنهم ؟
صدمني طالعت في البعيد ادور اجابة وقلت : يمكن لأني زيهم
طالعني وقال : نوعما زيهم
انا بضحكة: اهم شيء اخذت صورتك وحقك منه
سليمان بضحكة : اول مرة اضرب ولد عز العادة اتسلتح عندو
انا بضحكة: كل من الطمع الي مقطعك - قمت وقلت : يالله ياقلبي نشوفك انا لازم امشي دحين
سليمان : ليه؟
انا: ابد عندي شغل مع الوالد
سليمان : اوكيه يالله حأوصلك للبوابة وانت حكيني عن ابوك
انا: مو كثير بس انو عايش في امريكا ومتزوج عارضة امريكية بعد ماماتت امي ... وبس دايماً يكلمني ويكلفني بمهمات هنا
سليمان: مهمات من أي نوع
انا: ابد اقتصادية روح اشتري الأرض الفلانية شوف سعر الشيء الفلاني اتأكد من تسليم الشحنة الفلانية وكدا
سليمان : اها الله يوفقك
انا: امين .... يالله سلام
سليمان: سلام - قبل لألف عنه شفتو يطلع بخاخ الربو من جيبو قلت بصدمة: عندك الربو
قال وهوا يحط البخاخ في جيبو : يب .... من المتوسط
انا: اما عاد سلامات الله يشفيك
سليمان : امين
انا: يالله معليه مستعجل سلام
قال ببساطة : سلام
وطلعت من البوابة عنه
رجعت الفندق و كان عبدالرزاق يتكلم مع القسم اني بعد ثلاث سنوات حأكون جاهز لعملية التطهير ... كان مو شايفني وبدأ يسرد عن تطوراتي وان ليا اربع سنوات في الخدمة انجزت فيها انجاز اكبر من عمري دخلت لغرفتي بخفة وانا مبتسم و مرتاح نوع ما .... على الأقل سويت شيء صح
مر شهرين في الجامعة...... وبديت أتأقلم او اعتاد على الوضع
وانا خارج قال عبدالرزاق : عماد انتبه لاتنجرف مع دول الشباب اولاً واخيراً
انا بسرعة : عارف يالله ادعي لي عندي اختبار open book
عبدالرزاق: الى الان مني فاهم كيف يسمو دا اختبار
ضحكت وسكيت الباب ورايا
وصلت الجامعة وقابلت هاني و هيثم الي لأول مرة اشوفو ماسك كتاب قلت بضحكة : اوه! الهويني انت تدرس معانا
هيثم بضحكة : ههههه خطيرة ذي ... والله انا بعد سرت اشك
طالعتو وقلت : مرة عاد الي يقول احسن منو
هاني: ههههه تستاهل
هيثم : المهم العميد اليوم عندنا سباق سيارات حياك ؟!
انا : الحقيقة .... ما
هاني: لاتقول ما ترا كم مرة نناديك وتردنا .... من المرة الي فزت فيها خلاص كل ماجينا قالو فينو
انا: اوكيه مي مشكلة بس متى
هيثم : على راحتك متى بتفضى
انا: يجي العصر؟!
هيثم: لاعاد موب تاخذ راحتك حيل وين العصر تونا راجعين من الجامعة
انا : اوكيه خلاص عشرة احدعش
هاني: ايوة دا الوقت المضبوط مو العصر
انا: اوكيه خلاص تمام .... الا فين مؤيد
هاني : راح يذاكر مع كارولين
انا: اتحدى لو فهم شيء والله ديك البنت تسطل ...
ضرب هاني كفو بكفي بحماس وقال: هههه لايسمعك يذبحك
انا: يخلصو.... البنت تسطل صح ولا لا؟
هيثم : وبقوة بعد

انا: اهم شيء الأخلاق والصراحة
هاني: وماعندك ولا وحدة فيهم
انا بضحكة : اسكت بس لحد يسمعك
هيثم : يالله عاد بنذاكر ولا لا
انا: الا يالله -- ورجعنا نراجع
خرجت من الأختبار ورحنا على الكفتيريا
هاني وهوا يدخن : وبس ... من البداية قال لي لو اتخرجت بأوظفك عندي براتب 50 ألف في الشهر
صفرت وقلت: يجي ماتلاقي لنا وظايف معاك
هاني بضحكة : انا خليني اعرف الوظيفة اول ويسير خير
هيثم: لا عاد انا اضمني معاك من الحين خمسين يابوي تخليني ... مضبط زود ما انا الحين بكثير بصير مثل ذا وش اسمه مايكل مدري ذاك
انا بضحكة : المهم تخليك مرة فلوس .... يالله دوبنا اول سنة خلينا نتخرج وبعدين يسير خير
حسيت بشيء بارد على راسي رفعت راسي وكان سليمان حاط عصيرو فوق راسي وماسك الكتاب يقرأ انا بضحكة : طيب الطاولة قدامك يعني الا العكاسة
ابتسم لي سليمان وقال : فين مؤيد عنكم؟
انا : واحد اتنين كارولين كارولين
الكل:هههههه
هيثم : مجننته هالبنت
انا: افكر اسرقها
ضربني سليمان على راسي بخفة وقال: اعقل بلا هبل
انا بملل: لا منجد كلكم مشغولين مافي الا انا وسلوم سينغل – كملت بضحكة – يالله سلوم انت الأستاذة وانا حقت الكافيه
سليمان:هههه لاعاد بالغت
انا بهمس : لا جد استغفرالله المهم سلوم اليوم عندنا سباق وكدا تجي تسير تعزيز مال انا
هاني: وانا ما انفع
انا بضحكة: ولا بريال تفتكر روح يمين وارجع يسار يابويا سببت لي تغريز في دماغي حسيت دماغي سار يقول error error
الكل:هههههه
انا: يحليلو سلوم روح يمين ترا قرب مننا يالله خلاص بنقدر عليه شيء يجيب العافية مو صراخ زي بعض الناس يبدأ اسمهم بحرف الهيثم
الكل:هههههه
هيثم: والله معليه سواقتك ميب صاحية انا ابي روحي
انا: لا معليه انتا تبا روحك والسيارة وتبا تذبحني خرم اذني ... اويلاه بانموت
الكل:هههههه
هاني: لا انت عارف هيثم خواف درجة ميتين ... لو تعطس فإذنو نملة ينشف
الكل:هههههههه
سليمان: هههه خطير التشبيه
هيثم : الزبدة سلوم روح اشتري لي كوفي
سكت سليمان متضايق قلت : انا رايح اشتري برضو ايش تشرب
هيثم بصدمة وخجل : لا العميد ماعليك
انا: اخلص يابو
هيثم: هات مثلك الي تشربه
انا : اوكيه
اشتريت الكوفي ورجعت اعطيتو الكوفي وانا اقول بصوت رومنسي : ازحر ياقلبي عساك السم
الكل:ههههه
هاني: هههه ولا على قد الصوت ياشيخ انتا خطير
انا بضحكة: امزح معاك اشرب بالعافية
هيثم : غصبن عنك يالتبن

















سبحان الله و الحمدلله ولا اله الا الله والله اكبر


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 56
قديم(ـة) 11-04-2019, 10:31 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: موعدنا على كف الأمل /بقلمي


3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

موعدنا على كف الأمل /بقلمي

الوسوم
........ , موعدنا , الأمل , حجازية , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
لم تذوقي الألم لذا لم انفاس مكتوبه خواطر - نثر - عذب الكلام 2 02-02-2013 01:15 AM
عندما نفقد الأمل في كل شيء... asom@ مواضيع عامة - غرام 10 30-04-2012 12:12 AM
اسباب الملل الجنسي لدى المتزوجات انفاس الغرام الحياة الزوجية - الحمل - مشاكل الزواج - خاص بالمتزوجين 7 12-05-2010 01:13 PM
الألم عند الرضع إشاراته وأسبابه وأساليب تخفيفه rada الطفل - الرضاعة - التربية 5 22-09-2008 11:42 AM
أنشودة لولا الأمل 0 ريم الغلا ارشيف غرام 4 02-09-2008 01:56 AM

الساعة الآن +3: 03:36 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1