غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 361
قديم(ـة) 11-05-2014, 07:45 PM
صورة Mehya.md الرمزية
Mehya.md Mehya.md غير متصل
©؛°¨غرامي مشارك¨°؛©
 
21302797212 رد: رواية جسد عذراء خلف ظل طويل / بقلمي


اقتباس:
المشاركة الأساسية كتبها n.b.9 مشاهدة المشاركة
سلام انا اسفه ماقمت ارد على روايتك مع اني متابعه لك كثير وحابه روايتك كملي واحنا معك
اليوم نزلي بارت بليز
الله يسعدك قد م اسعدني ردك الجميلل
وللله بحاول ل عيونكم ('

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 362
قديم(ـة) 11-05-2014, 11:11 PM
صورة Mehya.md الرمزية
Mehya.md Mehya.md غير متصل
©؛°¨غرامي مشارك¨°؛©
 
الافتراضي رد: رواية جسد عذراء خلف ظل طويل / بقلمي


*النزف الثامن والعشرين *
- شتاء فقد -
ام انس تكلم ازهار : بكره الكل بيجي يزورك لازم تكونين مستعده
ازها مسكت ظهرها بتعب : ان شاء الله
ام انس طفت الانوار : يلا ريحي ونامي الحين واذا قامو العيال على طول دقي على العاملات يجيبوهم لي
ازهار : لا يمى مابي يزعجونك
ام انس : لا بنفرح فيهم انا وابوك
ازهار ابتسمت : زين
طلعت ام انس بعد ما طفت الانوار ، كانت تمشي طالعه من غرفه ازهار اللي فالطباق السفلي ،متوجهه للصاله وداخلها تفكر " يارب كم باقيلي واعيش ، تعبت وانا متوتره وقلقانه ، الحمد لله من فتره ماعاد تزورني الكحه الا نادراً ، يارب اشفيني من هالمرض يارب اجعله كأنه ماكان " تنهدت وجلست على الصوفا ، مسافره ببالها
حست بيد على كتفها لفت وجهها لما شافت البندري مبتسمه ابتسامه باهته ، بادلتها الابتسامه واخذت يد البندري بين يدينها وجلستها جنبها
البندري بهم : شفيك يمى ؟
ام انس : شفيني بعد ؟ مافيني شي يمى
البندري تنهدت : امبلا فيك انا اموت واعرف شاللي مغيرك لهالدرجه
ام انس زفرت وسكتت
البندري : لا يكون ابعرس وانتي زعلانه علي ليش ابعد عنك
ام انس بضحكه : يارب يفرحني فيك انتي واخوانك
البندري باست يدها : يخليلي هالضحكه يارب
ام انس تأملتها بحب قالت بابتسامه : لو ادري ان فيه ناس تقدمو لك بعد برفض تدرين ليش ؟
البندري باستغراب : ليش ؟
ام انس : لاني ماقدر على البيت بدون نور
البندري باست خدها : يخليلي انتي يابعد شبدي
: وش ذا الكلجه يالخبله
لفوا وجههم تجاه الصوت ، لما شافوه داخل الصاله من الباب الخلفي للحديقه
ام انس بابتسامه حنونه : حي الله الغالي هلا بفرحتي الاولى
انس تقدم لها وضمها : هلا فيك يا الحب الاول والاخير
البندري نامت فحضن امها وقالت تكلم انس : محجوز
انس ماعطاها وجه جلس جنب امه: شلونك يمى حبيبتي
ام انس : بخير الحمد لله وينك من الصبح غايب
انس حط يده على عيونه ومسحهم بخفه : والله مشغوول مع الشركه
ام انس : حبيبي تعال ريح
انس : حتى ماعندي وقت انام
ام انس حزنت على ولدها اللي ابوه معطيه كل المسؤوليه .. قالت وهي تأشر على حضنها : تعال انسدح
البندري ابعدت عينها عن جوالها وقالت بدفاع : انا قبله مو كل يوم انس انس انس
ام انس : حرام عليك اخوك تعبان
انس : خليها خليها بس اخلص هالاوراق بروح انام
ام انس بترجي : لاتنام بالملحق
انس تنهد : هناك ارتاح اكثر يمى ، حتى لو اخذ قيلوله وارجع اكمل ، لكن لو نومت بداري بتكاسل ويضيع وقتي بالنوم
ام انس بيأس : اللي يريحك
انس : ايه يمى بعد بكرة مسافر ماعليك امر جهزي شنطتي
ام انس : وين ؟
انس : لندن، الفرع الثاني للشركه محتاجيني
البندري : ياذي الشركه لو انها زوجتك
ام انس بضيق على ولدها اللي يسافر كل فتره وفتره للندن عشان الفرع الثاني لشركتهم : الله يسهل لك
انس : ان شاء الله ، يلا تامرين على شي
البندري تقربع بجوالها وتكلم انس : اثنين كبده وواحد بيبسي
ام انس : سلامتك يمى
انس كبح ابتسامته وضربها على جبهتها بخفه : يلا فامان الله
ام انس : فامان الله حبيبي
ام انس : انتي ماتجوزين
البندري بتناحه : هاه
ام انس : شكلي باخذ منك هالجوال محد مطير عقلك الا هو كأنك ناقصه بلا
البندري برعب : لا يمى انا ماصدقت اخلص الثانوي عشان توقفين من هالعقوبات المفاجأه كل يومين تسحبين الجوال
ام انس بغضب مصطنع : ما اسحبه الا يوم انك تسحبين على المذاكره
البندري باست خد امها : يلا عاد ام العيال زعلت
ام انس لفت وجهها تكبح ضحكتها : بس بس
نجود نزلت من الدرج حاطه السماعات بإذنها والجوال ف جيب بنطلون بجامتها اللي ماخذ تصميم جلد " الحمار الوحشي " اسود وابيض متداخل ببعض ، عليه حبل لونه وردي ، وبلوزه كت لونها رمادي عليها رسمه " نعامة " بلا الوان ، ومن الحوايف مزركشه بالوردي نفس لون الحبل تبع البنطلون ، لابسه شوز تبع البيت لونه فوشي تاركه شعرها بطوله يغطي كتوفها
ام انس مدت يدينها : هلا ببنتي حبيبتي
نجود باست راسها : هلا فيك يا خالة
البندري : شدعوه من اليوم انا عندك ولا بليتي ريقي بكلمه حلوه
نجود وام انس : ههههههههههههههههه
ام انس : اولا نجود اختك ومافي فرق بينكم ثانيا شنو مابليتي ريقي ترمين كلام ماتعرفين معناه " ورجعت ضحكت "
البندري : هذي امثال جدة بنَا رعاها الله وحفظها المولى
الكل : ههههههههههههههه
البندري : ليه نجود لابسه بجامه والله لا ألبس انا بعد
نجود : روحي من ماسكك من اليوم طايره فيني نجود ونجود
البندري ضحكت
ام انس : اي والله ماقلتي غير الصدق يانجود
البندري ببراءه : شفيكم امزح
نجود : اصعدي بدلي عشان نتعشى وننام
البندري : زين ، وطلعت
ام انس لفت على نجود : ليش ماعاد تقعدين معنا مثل قبل ؟
نجود ابتسمت : من قال هالكلام خاله ؟
ام انس : انا قلته
نجود حطت يدها على خدها ونزلت راسها
ام انس قربت منها ومسحت على شعرها بحنان : متضايقه من شي حبيبتي ؟ قاصرك شي
نجود رفعت راسها وضمت كفوفها : بالعكس خالتي انا مرتاحه الحمد لله
ام انس ابتسمت لها : على طول ان شاء الله واذا حتجتي شي لا يردك الا لسانك
نجود بإبتسامه عذبه : مشكورة خالة
ام انس : ولو انتي بنتي الرابعه
ابتسمت هاللحظه حست بالامان والحنان ، حست بحضن يضمها ! " اللي اعيشه ياخالة صعب الاقيه ، ابتليت بداء ربي اعلم به ، لو اطلبك قلب ولدك تجيبيه ، حبيت ولدك والله حبيته "
نزلت البندري هاللحظة لابسه بجامة بلوزتها كت فوشيه ، تتوسطها صورة " قطة " حولها قلوب بالرمادي ، وكتابات بالرمادي اللامع ، وبنطلونها ابيض ، مطبوع عليه نفس صورة القطه بحجم صغير ، متكرر فكل البنطلون ، لابسه شوز رمادي فرو
البندري : ترررااااا
ام انس : الحمد لله الله انعم عليك اخيراً
البندري جلست على الصوفا وحطت رجل على رجل : ايه ليش نجود احسن مني
نجود ضحكت : لا والله
البندري ضربتها بخفه : امزح
ام انس ابتسمت لهم بحب .
*
في بيت ابو رعد :
على طاولة العشا :
الكل ياكل بصمت
: رعد شفيك من جلست على السفرة مارفعت لقمتك
رفع نظره لأمه وقال : ايه ، مو مشتهي ، وقام عن السفره
ابو رعد : شنو مو مشتهي تعال
رعد : الحمد لله ، يمى ان خلصتي بغيتك بكلمه
ام رعد : زين
فغرفة الجلوس ، كان جالس يفكر بينه وبين نفسه ..
دخلت ام رعد وجلست جنبه : ايه شعندك يمى !
رعد ابتسم : يمى انا موافق
ام رعد ابتسمت وارتفعت غطاريفها : الف مبروك حبيبي
رعد ابتسم على جنب ، تقريبا صار راضي عن اللي سواه ، طالما كل هذا برضا النوري ، وهي راضيه عن حياتها بهالشكل يكون اخلى مسؤوليته وكسب فيها اجر ..
ام رعد : بكرة نملك وبعد اسبوع العرس
رعد هز راسه : اللي تشوفين
ام رعد : بس محد يدري فيه غير انا وابوك واختك وانا قلت للنوري لحد يدري ، لان العرس بنسويه بالبيت لاحس ولا خبر
رعد : زين
*
الساعه 9 الصبح ، فتحت عيونها ببطئ، تلفتت حولها بفزع ، تحسست السرير لكنها مالقته ،
التفتت لاخر الزاوية ، تنهدت بارتياح لما شافته بحضن ام صالح اللي بيدها الرضاعه وتطالع ولد رنيم وتبتسم له ،ضامته لصدرها
رنيم بصوت مبحوح من البكا : صحى ؟
ام صالح التفتت عليها : ايه ، طول الليل كان نايم قربك ، تو بكى ورضعته
رنيم مدت يدها بحنان وابتسمت بحزن : هاتيه خاله
ام صالح تقدمت لها وحطته بين ايدينها بهدوء : رضعيه منك يارنيم خليه يحس بالحنان بحضنك ويشم ريحتك
رنيم قربته لصدرها وضمته بحنان ، رفع يده الصغيره ، طالعت ام صالح اللي ابتسمت لها وضحكت بخفوت
باست يده وهمست وهي تطالعه : اخذ قلبي ، وطالعت ام صالح : الله يخليك خالتي ابيه الله يخليك
ام صالح تثاوبت ورجعت شعرها على ورا بتعب : نامي الحين واذا قمتي مارح يصير الا كل خير
رجعت بنظرها له ، تأملته بحب .. داخلها شي له بدا يكبر ! احساس الامومه
ام صالح انسدحت على الصوفا اللي جنب سرير رنيم ، غمضت عيونها وتلحفت .. بعد دقايق رجعت فتحت عيونها التفتت على رنيم اللي كانت تحسس بطن البيبي وحولين فخوذه
ام صالح بتعجب : شتسوين ؟
رنيم التفتت عليها وقالت بضيق : خالة كيف اعرف انه وسّخ ؟ ويبيله تغيير
ام صالح ضحكت وقامت من مكانها متوجهه لها : لازم تفتحين الحفاظه
رنيم كشرت بقرف
ام صالح : مو هذا ولدك اللي طايره فيه وبعدين من هالنقطه تظهر امومتك
طالعتها رنيم ورجعت طالعت البيبي وابتسمت بحنان لما شافته نايم بأمان
رنيم : لين متى ينوم
ام صالح : هم الصغار كذا لين تخلصين الاربعين وقتها يبدا يكبر ويصحصح
طالعته وصرخت بفرحه : شوفي يضحك
ام صالح ابتسمت لرنيم اللي شالته بين احضانها وصارت تبوس فيه
ام صالح بضحكه : بس يارنيم حطيه عشان اغير له
رنيم : لا انا بغير له
ام صالح هدت راسها بأسف وهي مبتسمه : اللي تبين ، ومشت متوجهه للدولاب طلعت منه سله متوسطه داخلها بودرة جونسون وكريم جونسون ومشط بيبي وادويه يوميه تبع البيبي وبامبرز . وحطتها قدام رنيم
حاولت تجلس بصعوبه
ام صالح تنهدت : ابعدي عن العناد وخليني اغير له بس تطلعين من المشفى بيصير معك
رنيم ضمته وبفرحه : على طول ؟
ام صالح ابتسمت بحنان : ان شاء الله
رنيم ضمته اكثر وصارت تهزه بهدوء
ام صالح : يلا نزليه خليني ابدل له
حطته على المفرش اللي فرشته له ام صالح ، وبدأت ام صالح تغير له ،
بعد نص ساعة :
كانت رنيم نايمه ، وام صالح صاحيه جنب سرير البيبي تراقبه
طرق الباب ودخلت النيرس اللبنانيه وابتسمت لام صالح : صباح الخير
ام صالح بادلتها الابتسامه : صباح النور
النيرس تقدمت لها : خالاص باخد البيبي هلأ مشان يضل بالحضانه هاليومين ، مش كويس لصحتو يضل هيك
ام صالح طالعت رنيم اللي كانت نايمه بأمان وشالت البيبي وعطته للنيرس بهدوء
النيرس طالعت البيبي ورجعت طالعت رنيم : بيشبها كتير
ام صالح ابتسمت وهزت راسها بنعم
النيرس طلعت شايله بحضنها البيبي
انسدحت ام صالح تفكر برنيم ، " ياترا يارنيم وش مصير هالولد ؟ تعلقتي فيه اكثر من اللي تصورته ، لكن تعلق، هذا موبصالحك ولا بصالحه "
غمضت عيونها وحاولت تنام .
*
في قصر أبو انس :
الساعه 9ونص الصبح ،
كانت تنزل الدرج عين مغمضه وعين مفتحه من التعب ، توجهت لغرفه الجلوس اللي كان كل افراد الاسره ملتمين حول الطاوله باستثناء نجود اللي راحت تفطر مع ازهار عشان تسليها ..
البندري : صباح الخير
الكل : صباح النور
جلست على الطاولة ، رجعت شعرها على ورا بيدها
ام انس : شفيك ؟ ماغسلتي وجهك ولا لا
عبدالاله كبح ضحكته
البندري طالعته وشمقت عليه
انس : البندري اليوم تعبانه مافيها حيل حق هواش
ام انس تناولت الخبزه وقالت تكلم البندري : ادهنها لك جبنه؟
البندري كشرت بقرف : لا
عبدالاله بجديه : لا تكشرين على النعمه
البندري : طالع من قام يتكلم
ابو انس قام عن السفره : سفره دايمه ، الحمد لله
ام انس طالعت ابو انس : وين مارفعت لقمتك يابو انس
ابو انس : الحمد لله يارب ، يالله انس عجل عشان الشركه
انس اللي كان لابس البدله الرسميه الخاصه بالعمل : ان شاء الله
ابو انس باس راس مرته : تامرين على شي
ام انس ابتسمت بخجل كعادتها : سلامتك يالغالي
عبدالاله صفق بيدينه : احللللى
ابو انس رماه بنظره خلته ينخرش ويكمل اكله بصمت
مشى ابو انس للخارج ، وسبقه السواق عشان يفتح له باب السياره ..
على السفره :
ام انس : البندري
البندري اللي كانت تطالع الاكل بدون نفس : هاه
ام انس : انا مدري مخلفه قطيع غنم ولا عيال كل ماناديتكم قلتم هاه
عبدالاله وانس : هههههههههههههههههه
ام انس : ادهن لك نوتيلا ؟
البندري حطت يدها على فمها كأنه بترجع : لا
عبدالاله رفع حاجبه بعصبيه : البندري !!!
انس : كل الناس تنادي البندري بس انت لاتناديها
الكل ضحك ماعاد البندري اللي قامت من الطاوله على عبدالاله اللي من صغره مايضبط حرف الراء بالنطق ، يبين كأنه ياكله لكنه ينطقه ، وهذا احلى شي فيه
ام انس تنادي البندري اللي كانت طالعه من الغرفه : تعالي كلي لقمه واعطيك حبه بعدها روحي نامي
انس وقف وقال يكلم امه : اوديها المشفى ؟
ام انس : لا ان شاء الله ماتحتاج
عبدالاله يشرب من كوبه قال بسخريه : لا تسوي انك متبرع عشان تخرش الدوام انا اوديها
انس ضربه بالاوراق اللي كان ماسكها : اسكت انت وقال يقلده بطريقه نطقه : البندري
عبدالاله طالع امه بملل : ابي اتزوج
ام انس : هذا كل ماقلنا شي قام يبي يتزوج
انس : ههههههههههههه
عبدالاله رفع سبابته بتهديد وقال بمزح : يمى لاتخليني امشي فالحرام
ام انس بققت عيونها : ولد
عبدالاله تنحنح : خلاص امزح
انس ابتسم : يلا يالغاليه تبين شي ؟
ام انس : لا حبيبي استودعك ربي
انس باس راس امه وطلع .
عبدالاله طلع جناحه، وام انس صارت تأكل البندري بيدها
*
فغرفه ازهار :
نجود رفعت الملعقه لحد ازهار : انا انا بأكلك
ازهار ضحكت وهي تاكل من ملعقه نجود : تأكلين عريسك ان شاء الله
نجود استحت ونزلت راسها
ازهار ابتسمت : تصدقين كنت مثلك قبل الزواج خجوله
نجود رفعت راسها : ايه !
ازهار : كنت رافضه فكره الزواج اصلا
نجود ضحكت : كل هذا خجل
ازهار : تخيلي !
نجود لفت على صوت بنت ازهار ، وتوجهت لها ، وشالتها بحضنها عشان تسكت
ازهار : الله يسعدك يارب على قد مانتي مريحتني مع هالدلوعه
نجود باست بنت ازهار : هذي بنت اختي
ازها ابتسمت بحنيه : ربي يخليك محظوظين فيك احنا
نجود ابتسمت لها ، واخذت الرضاعه عشان ترضع بنت ازهار
نجود : ايش قررتو تسموها ؟
ازهار : رُسل
نجود ابتسمت : مرا حلو
ازهار ابتسمت وطالعت سرير ولدها : وهذا انمار
نجود التفتت للسرير : خلاص سميتوهم ؟
ازهار طالعت جوالها : لا اليوم ابوهم جاي يزورنا ، يثبت اسمائهم
نجود : باخذها معاي
ازهار : ماتزعجك ؟
نجود : بالعكس
ازهار ابتسمت : اللي تبين
*


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 363
قديم(ـة) 11-05-2014, 11:18 PM
صورة Mehya.md الرمزية
Mehya.md Mehya.md غير متصل
©؛°¨غرامي مشارك¨°؛©
 
الافتراضي رد: رواية جسد عذراء خلف ظل طويل / بقلمي


على هذا البارت ما استاهل ردود حلوه وتوقعات ؟ $:

توقعاتكم :
رنيم ايش رح يكون مصيرها مع البيبي ؟

هل راح يتم زواج رعد والنوري ؟

انتظركم ♡

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 364
قديم(ـة) 12-05-2014, 12:02 AM
صورة إشراقة فجر الرمزية
إشراقة فجر إشراقة فجر غير متصل
©؛°¨غرامي متألق ¨°؛©
 
الافتراضي رد: رواية جسد عذراء خلف ظل طويل / بقلمي


هلااا
لااا بليييز لا يتم زواااجهم بلييييييييز لا تكرهيني بالروايه لاااااااااا تتتككفففييين خربييه بأي شككلل من الاشكاللل اما ان احد يخطبها او تموت و اي شي المهم لااا يتزوجهاااااااااا هو لل ب ن د ر ي وبسس


توقعي بمحله عبيدان راعي بناات لا والمشكله يجيك يقول ابي اتزوج


انس صرااحةةة مددررييي انت من شوو مخلووق غول? زومبي? وحش? مصاص دماء? الخ ..عيني بارده ترا

ام انس اللهم سسللم م الموضوع احس انها هي بتموت لاااا ان شا الله

ابو انس ملييييق ملييييييييق بزياااده

الا وشو الموضوع حقهم اللي كانوا يقولون بعد زواج ففنوو هذاها تزوججت يلاا وشششو>>لقاافه زاايدهه

فنو ووليد يااعمممرريي الله يخلييكم لبعض

انمار ورسل زيينهم يااخي ابييهم ابي بزران اللي عنده من عمر شهرين الى سنتين لا يبخل علي بلعب معاه هههه

ازهار وزوجها نسييت اسمه المهم الفف الللفف مببررووووككك اللي يزيدك

رعد اكرررههههككككككككك منننن. قللللللللللللللللللللللللللب الللللهههههههههه لاااااا يسسسععدددكك لوو تزووججت النوري
بعدين ترا النوري اسم عايله م السوداان يااخبلل


اسففهه بسسس من زوود القهرر ..>>داخله جو

ودي لك شوش$:!
واسفه لاني مااعلقت بس الظروف

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 365
قديم(ـة) 12-05-2014, 12:14 AM
صورة Mehya.md الرمزية
Mehya.md Mehya.md غير متصل
©؛°¨غرامي مشارك¨°؛©
 
الافتراضي رد: رواية جسد عذراء خلف ظل طويل / بقلمي


اقتباس:
المشاركة الأساسية كتبها إشراقة فجر مشاهدة المشاركة
هلااا
لااا بليييز لا يتم زواااجهم بلييييييييز لا تكرهيني بالروايه لاااااااااا تتتككفففييين خربييه بأي شككلل من الاشكاللل اما ان احد يخطبها او تموت و اي شي المهم لااا يتزوجهاااااااااا هو لل ب ن د ر ي وبسس


توقعي بمحله عبيدان راعي بناات لا والمشكله يجيك يقول ابي اتزوج


انس صرااحةةة مددررييي انت من شوو مخلووق غول? زومبي? وحش? مصاص دماء? الخ ..عيني بارده ترا

ام انس اللهم سسللم م الموضوع احس انها هي بتموت لاااا ان شا الله

ابو انس ملييييق ملييييييييق بزياااده

الا وشو الموضوع حقهم اللي كانوا يقولون بعد زواج ففنوو هذاها تزوججت يلاا وشششو>>لقاافه زاايدهه

فنو ووليد يااعمممرريي الله يخلييكم لبعض

انمار ورسل زيينهم يااخي ابييهم ابي بزران اللي عنده من عمر شهرين الى سنتين لا يبخل علي بلعب معاه هههه

ازهار وزوجها نسييت اسمه المهم الفف الللفف مببررووووككك اللي يزيدك

رعد اكرررههههككككككككك منننن. قللللللللللللللللللللللللللب الللللهههههههههه لاااااا يسسسععدددكك لوو تزووججت النوري
بعدين ترا النوري اسم عايله م السوداان يااخبلل


اسففهه بسسس من زوود القهرر ..>>داخله جو

ودي لك شوش$:!
واسفه لاني مااعلقت بس الظروف
والله ردك جميل ويضحكني ويسعدني وكل شيي هههههههه تسعديني بكم حرف
لازم حبيبتي تستمر الاحداث لا تكرهين الروايه عشان شي بسيط ('
انتي من اهم المتابعين عندي ، والكل كذا والله ♡
احبكم مررا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 366
قديم(ـة) 12-05-2014, 12:21 PM
صورة وش بقى لي غير ذكراك* الرمزية
وش بقى لي غير ذكراك* وش بقى لي غير ذكراك* غير متصل
©؛°¨غرامي مشارك¨°؛©
 
الافتراضي رد: رواية جسد عذراء خلف ظل طويل / بقلمي


واااااو بارت يهبلل
الله يسعدك يارب ع قد ماحمستيني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 367
قديم(ـة) 12-05-2014, 01:16 PM
صورة looly 2013 الرمزية
looly 2013 looly 2013 غير متصل
©؛°¨غرامي فعال ¨°؛©
 
الافتراضي رد: رواية جسد عذراء خلف ظل طويل / بقلمي


روووووووعــــه البارت
اتوقع انس بيحب نجود وبتزوجها
ام انس ياحياتي تحزن
بانتظار البارت الجاي
متحمسه كثير
ودي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 368
قديم(ـة) 12-05-2014, 07:31 PM
ام عبد العزيز 55 ام عبد العزيز 55 غير متصل
©؛°¨غرامي جديد¨°؛©
 
الافتراضي رد: رواية جسد عذراء خلف ظل طويل / بقلمي


الروايه روووووعه وين التكمله بالله....

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 369
قديم(ـة) 13-05-2014, 12:01 AM
صورة معزوؤوفة حياة الرمزية
معزوؤوفة حياة معزوؤوفة حياة غير متصل
©؛°¨غرامي مشارك¨°؛©
 
الافتراضي رد: رواية جسد عذراء خلف ظل طويل / بقلمي


السلااام عليكم

اهليين بااارت روووعة مع انا باارتااتك قصيرة يالغلا مامدانا ننسجمو الى بيخلص اخخ

االتوقعاات

رنيم ايش رح يكون مصيرها مع البيبي ؟
الله يسستر مع انى مو متفاااائلة ابداااا والى اكدلى احساااس ام صالح


هل راح يتم زواج رعد والنوري ؟
اييوووة حيتم اكييد واحتماال تجيهم البندرى وتكتششف الخطبة ويحدت كم لقطة ليها مع رعد

اوو انسس هذا بيغيض فياا على فكراا معقوولة مااحب نجووود وهيا الميتة على دباديبو

ومنوورة يالغلا ننتظرك



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 370
قديم(ـة) 13-05-2014, 03:32 AM
صورة همسه هادئه الرمزية
همسه هادئه همسه هادئه غير متصل
©؛°¨غرامي مشارك¨°؛©
 
الافتراضي رد: رواية جسد عذراء خلف ظل طويل / بقلمي


السلام عليكم
الروايه رائعه لكن البارتات مره قصيره
وننتظرك ياجميله

الرد باقتباس
إضافة رد

رواية جسد عذراء خلف ظل طويل / بقلمي؛كاملة

الوسوم
بقلمي , رواية , عذراء , طويل
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية متاهات / بقلمي؛كاملة tofoof روايات كامله - يتم نقل الرواية هنا بعد اكتمالها 250 03-09-2019 06:48 PM
رواية بلا روح / بقلمي؛كاملة جُبرانيهہ* روايات كامله - يتم نقل الرواية هنا بعد اكتمالها 182 31-05-2019 04:08 AM
بنات عبس / بقلمي؛كاملة هبوبي قطر روايات كامله - يتم نقل الرواية هنا بعد اكتمالها 89 16-07-2017 08:04 AM
رواية هدف الموت / بقلمي؛كاملة وردة الإسلام روايات كامله - يتم نقل الرواية هنا بعد اكتمالها 36 18-07-2016 08:58 AM
رواية حكاية ماريه tofoof ارشيف غرام 2 08-03-2015 01:36 AM

الساعة الآن +3: 05:55 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1