غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 661
قديم(ـة) 14-01-2014, 05:11 PM
صورة فنووش # الرمزية
فنووش # فنووش # غير متصل
©؛°¨غرامي مجتهد¨°؛©
 
الافتراضي رد: في عمق الحزن هناك من يبتسم/بقلمي


البارت اليوم بينزل .. الساعه 11 العشا

وطبعا اذا خلصته قبل بنزله =)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 662
قديم(ـة) 14-01-2014, 06:41 PM
صورة منؤؤؤلة الرمزية
منؤؤؤلة منؤؤؤلة غير متصل
©؛°¨غرامي فعال ¨°؛©
 
الافتراضي رد: في عمق الحزن هناك من يبتسم/بقلمي


غيرتي اسمك

لالا لين الان مو مستوعبه بس حلو اسمك الجديد المهم ياااقلب منول مشكووره والله فرحت لانك بتنزلين البارت قبل الموعد وش ذا يعني مناسبه تغير الاسم هههههههههههه

ننتظــــرك ياكريـــمه بعد العشاااا هاا مو تسحبين علينا ونبي باارت طوويل تكفيين

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 663
قديم(ـة) 15-01-2014, 01:33 AM
صورة همسات عابرة سبيل الرمزية
همسات عابرة سبيل همسات عابرة سبيل غير متصل
©؛°¨غرامي متألق ¨°؛©
 
الافتراضي رد: في عمق الحزن هناك من يبتسم/بقلمي


مساء الحب على الحلوات يالله ننطر القمر البريء بفارغ الصبر أحوووبك والله إشتقتلك موووت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 664
قديم(ـة) 15-01-2014, 04:00 AM
صورة فنووش # الرمزية
فنووش # فنووش # غير متصل
©؛°¨غرامي مجتهد¨°؛©
 
الافتراضي رد: في عمق الحزن هناك من يبتسم/بقلمي


اقتباس:
المشاركة الأساسية كتبها منؤؤؤلة مشاهدة المشاركة
غيرتي اسمك

لالا لين الان مو مستوعبه بس حلو اسمك الجديد المهم ياااقلب منول مشكووره والله فرحت لانك بتنزلين البارت قبل الموعد وش ذا يعني مناسبه تغير الاسم هههههههههههه

ننتظــــرك ياكريـــمه بعد العشاااا هاا مو تسحبين علينا ونبي باارت طوويل تكفيين
هههههههههه ايوا

تسلمين والله من ذووووقك ياقلبي انتي يامنوله .. ههههه تستاهلون اكثرر يووه كشفتيني هههههههههه لا امزح بس جد تستاهلون

اووووكييه ياروحي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 665
قديم(ـة) 15-01-2014, 04:01 AM
صورة فنووش # الرمزية
فنووش # فنووش # غير متصل
©؛°¨غرامي مجتهد¨°؛©
 
الافتراضي رد: في عمق الحزن هناك من يبتسم/بقلمي


اقتباس:
المشاركة الأساسية كتبها ملاك ينتظر مشاهدة المشاركة
مساء الحب على الحلوات يالله ننطر القمر البريء بفارغ الصبر أحوووبك والله إشتقتلك موووت
مسااااء النووور والسعاااديه ياروحي .. ياحياتي تاامرين بنزله ^^ والله انا اكثرررر اموااااح فدييتك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 666
قديم(ـة) 15-01-2014, 04:50 AM
صورة فنووش # الرمزية
فنووش # فنووش # غير متصل
©؛°¨غرامي مجتهد¨°؛©
 
الافتراضي رد: في عمق الحزن هناك من يبتسم/بقلمي



السلام عليكم ورحمه الله وبركاته

استغفرالله .. استغفرالله .. استغفرالله **

~
قام لمن سمع صوت الباب .. قرب عينه وهو مغمض العين الثانيه وتفاااجااا لمن شااااف مشــعل واقف ويبتسم كالعاده ..

ارتسمت اعلام السعاااده ع وجهه وفتح الباااب وستقبل مشعل بالحضااان .. ابعد عنه وهو يبتسم له بقووه .. بعد مشعل عنه كاان له اثرر عمييق .. ترك في قلبه فضاااوهه مايملاهاا غير صداقه مشعل .. الي علمه ان الحياااه باقي فيها امل

مشعل يرفع يده بمرح : اوهــايووو

ام ياسر احتلها الخوف و الاستغراب من شافت مشعل وقامت بسرعه وهي تتقدم له : مشعل ؟.. خير ياولدي صاير شئ

مشعل لف نظراته لياسر الي نزل راسه وباين الضعف بوجه .. لف ع عمته وهو يحاول يبتسم : افاا ياعمه يعني مارح اجي الا اذا صار شئ ههههههه جاي اشوفكم ياالغوالي

ابتسمت وفي قلبها ترقع " الله يستر لا يعرف ان حنا نبي نتقابل في البر وماخبرناهم .. ااخ ياسعود هذي افكارك وين بتوديناا" : حياك يامشعل تفضل

دخل مشعل ولمن شاف العنود قعد يضحك وعنااد فيها مارضي يتركها بحالها .. العنود: تضحك بلا ضروس ان شاءالله

مشعل ماسك بطنه : هههههههههههه ااه ياراكاان والله طحت في الفخ ههههههههههه

العنود تكتفت : ماخصك وبعدين هذي خلطات يعني مع المويه تروح .. بس انت قروي ماتفهم

دخلت غرفتها مبوزه ومنقهره من انفعالات مشعل المفاجاه ..وام ياسر راحت غرفتهاا ..

بصاله ..

مشعل لف ع ياسر : كيفك يسور ؟

حرك راسه بيجابه ..

مشعل بعد نهده : ا امم ياسر .. يعني ا معقول نسكت وهم يطورون لهذا مستوا ؟

ياسر حرك راسه وهو يغمض عيونه ..

مشعل وكانه يفكر : بس راكاان مو مثل ابوه .. يعني شوف جاي يبي اختك بالحلال .. يااسرر انت لازم تعرف .. راكاان مو مثل ابووه

انصدم من كلام مشعل وكلمه واحد تتكرر براسه .. مو قاادر يستوعبهاا ..
راكــان مو مثل ابوه
راكــان مو مثل ابوه

شلوون بس ذولي عايشين قصه حب خلف جهل الجميع ... ذوولي مايفرقووون عن عــمي واامي .. كلهم مجرميين كلهم مرتكبين جرااييم خلف اقنعه مزيفه ..!!

*********
انسدح بتعب من التفكير الي صدع براسه " شنو اسوي يااربي كيف احل هلورطه ... ااااه مو معقول وصلنا لهلـ مواصيل.. كل شئ مر بسرعه بس ابد ماتوقعت يصير كذا .. يعني شلوون مالقي ولدي غير بنت هلحرمه .. هذي كانها حركه مدبره .. واكييد واتوقعها من ورى راس هلعقربه ام ياسر .. .. الحين ولدي بيتنجس مع بنتهاا لالا مستحيل اسمح لهشئ يصير ... "

قطع حبل افكاره ريحه العطر القوي والبخور لف بسرعه وتفااجاا لمن شااف زوجته بكامل زينتهااا ومنظرهاا مبرز جمالها ومو موضح كبر عمرها ..

كاانت جميله رغم كبرهاا .. تقدمت له وع وجها ابتسامه خفيفه ..

جلست ع طرف السرير وعيونها تناظره برجاا : بعدك زعلان مني ..

توسعت عيونه ونغز بقلبه الم قهر ووجع .. بدات القسوه الي بقلبه تنكسر .. " انا اخونهاااا ومع مين مع اخووووي .. واخاصمهاااا واجرحهاااا .. وفوق ذااا هي جااايه تراضييني .. " عدل جلسته وهو يحاول يمحي الجاانب الحنون فييه .. وينهي الصرااع الي بداخله ..

قربت منه وحطت يدها فوق يده وتغيرت نبرت صوتها تعلن بقدوم بكاااء : والله ياسعود لو كنت اعرف اني بضايقك بهسيره مافتحتهاا .. بس تكفى سامحني .. مالي راحه وانت زعلان مني

رفع راسه وناظرهاا متفااجاا ومنقهر من نفسه " لييش خنتهاا لييش .. زوجتي ام عيالي والي عمرها ماغلطت معي وولييش سوويت كذااا .. اااه ياااربي شلووون سحبني الشيطااان بدون مااحس .. اتبعت خطوااات بسيطه بس شوف ياسعود وين وصلتك "

قااام يحس بضيييق والاساله صدعت براااسه اكثرررر ..

قامت بسرعه وراه ودموعها ماخذه مجراهااا وبترجي وصياح : سعوووود ساامحني والله ماااعيدهاااا .. سعووود والي يعاافيك ااهئ

اخذ جاكيته وطلع من الغرفه وهو يضيق بعيونه بالم كل ماسمع صوت صيااحهاا .. طلع من البيت وركب سياااارته وفحط ..

وهو بنص الطريق ضررب الدركسون بقووه وعده مرررات : خلااااااااص ماااااااااااابي افكررررر .. اووووفف

" شفيك ياسعود جنيت .. اشفيني مستحيل الحين اترااجع .. خلااص الفااس صـاااااار بــرااااس "

تذكر اخووه الحنووون والي مايصير له شئ الا ويروح يشيكي له .. تذكر المزرعه وانهم تقاسمو البيت مع بعض ..من كثر اخوتهم .. ابتسم بالم ودمعه من عينه تمردت ونقزت من عيونه .. بس هدمعه حقرت له خدعه والمت قلبه اكثرر

رفع جوااله وهو يمسح دموعه ويحاول يرجع نبره صوته الطبيعيه .. جااه الرد : اهلين سعود ..

سعود بصوت مخنوق : خالد وينك ؟ ...... شنوو ليش ؟..... اهاا طيب انا بجي الحين ..... لا ماصار شئ بس ابي اجي ...... طيب يلا مع السلامه ..

لف السياااره ع طريييق بـــيت اخوه ريــان < ابو عماد مشعل ايلاف

*************
رفع رااسه بعصبيه وحركه بنفي ..

مشعل تفاجا من ردت فعل ياسر بس ما لامه

رفع ياسر جواله وكتب لمشعل ورفع الجوال عليه
قرا مشعل المكتوب " انت تدري انهم يبون يتقابلون في البر ؟"

توسعت عيونه بصدمه : ش شنووووو ... اكيييد تمزززح معي ؟ ب بس شلووون وكيف .. يعني . ابوك ... اكيد بيعرف ... انا مو مستوعب الي تقوله

ابتسم ابتسامه باهته من تعابير مشعل المصدومه بحق .. نزل راسه ع الجوال وكتب " يعني ماتعرف ان عذرهم بيسون حفله لخطوبه راكان والعنود ومابيون احد يدري من عماني "

مشعل مسك راسه وهو موسع عيونه : اووف معقول ذا كله مدبرينه .." ورفع راسه وهو يفكر " بس تصدق " وصررخ فجاااه لمن جاته الفكره" اييييييه ياااااااااااسر انااا جااااتني جااااااااااتني خلااااص انت بترتاااح من همممك هههههههه انااا لقيتهااااا

وقعد ينقز بصاااله وياااسر معقد حوااجبه ومستغرب بس لمن انتبه ع شكل مشعل الي ينقز ابتسم بقووه ووده يقوم معه بس شئ بداخله يمنعه بقووه .. نزل راسه والابتسامه مافارقت محياه ..

جلس مشعل جمبه وهو يضحك : يارجل اضحك مارح تخصر شئ هههههههههه
لف عليه وهو يبتسم له .. حرك راسه بمعنى وش ؟

مشعل ياخذ نفس : الحين مو امك تبي تقابل عمي سعود ؟

ياسر بستغراب حرك راسه بيجابه ...!!

مشعل ابتسم بقووه : طيب .......................؟؟؟!

**********
اخذت الحاف وتلحفت : شفيه ابوي خرج بسرعه ؟

بتول بستخفاف وهي تنسدح جمبها : قعده معهم انا ..

نوره ضحكت وهي تضربها : ياااسخفك

دخلت عليهم امهم وجهااا مغبرر والدموع مخربه المك اب وسايح ع خدهاا..
قامو مرعووووبين من منظر امهم وركضو لعندها وهم يضمونهااا بخوووف .. بتول ماتحملت منظر امهاااا وقعدت تبكي وتصيح مع امها .. وصوت صياحهم يلعلع البيت
ونوره تحاول تلطف الجو شوي : استهدي بالله يمه وش صاااير بس قولي لنا ..

جلست ع طرف السرير وهي تضرب فخوذهاا بحسره : اااه ياحسرتي اااه

بتول وهي متعقله بمهااا ومن بين شهقاتها : ش شنوو صـ..ـاير بسس ااهئ يمه اهه لا تخوفيني عليـ..ـك

ام راكاان بضعف وهي تبكي: انا خلاااص معااد بقعد هنااا ولا دقيقه خلاااص انا مااتحمل اقعد مع واحد مايبيني .. ااه ياحسرتي ع السنين واليالي والسهر اااه

نوره نزل كلام امهاا مثل الصاعقه ع قلبها : ييمه تكفيين لا تقولين زي كذا " ودخلت في نووبه بكااء مع اختهاا" ييمه من لنااا غييرررك ااااهههئ

بتول ونوره ضموو امهم وضلو يصيحوون بالم ووجع ..
ام راكان حوطت يدينها حولينهم : لا تبكون يمه .. انا بروح فتره والله اعلم اذا برجع ولا لا ... بس ابوكم مل مني ااههئ أي يابناتي مل مني وهذا الي اشوفه ااههئ اااااه

بتوول وعيونها حمر ارفعتها لـ امها بترجي : تكفيين يمه لا تروحين وتسبينااا ااااااااهه ااهئ
************
دخل البيت والاحبااااط مسيطر عليه ومنزل راسه بنكسار ..

استقبله خاالد برحابه صدر وحس ان اخوه فيه شئ ..

ريان متربع ومستانس : ياحياااا الله سعود ناقصنا صقر بس ونكتمل ههههههههه

جا اسم سعود ع الوتر الحساس ونغزه بقلبه .. اخووه الشخص الوحيد الي اذا ضعفت التجى له .. وهذاني ضعفت ولتجات لهم .. اااه يااقلبي شكثر توجعني

ريان بستغراب : سعود شفيك اجلس

جلسو وبعد السلام والسوال لاحضو كلهم الحزن الي بوجه سعود بس ماوضحو ..

خالد : متعب قم صب لناا قهوه

قام متعب ولمن جا بصب لقي الدله فاضيه : ا يبه مخلصه القهوه

خالد : زين روح المطبخ وقل لهم يسون

اخذ الدله وطلع .. دخل المطبخ وتفاجا لمن شاف ايلاف معطيته ضهرها ومنشغله بشئ ماعرفه .. والمطبخ مافيه غيرهااا ..

ابتسم بقووه وهو يتقدم لهاا " يالبيييه حلوه مثل ماهي .. ماتغيرت .. شكثر وحشتيني ياايلاف "
لمن حست بجسم ضخم مسوي ضل خلفها لفت وشهقت لمن شاافته : بسسم الله .. من متى هنا خرعتني

ابتسم لمن شااف ملامحهاا الهااديه والبرئه .. يحبهاا يعشقهااا بس مايدري شلون يعبر لهاا عن الي بداخله .. مد يده ع الجداار وسرح فيهاا ....

انحرجت من نظراته ونزلت عيونها " وليييه مابيرجع ذا له عقله .. شلون بس افهمه انه مثل اخووي وبس" رفعت راسها وشافته لسا مبحلق فيها ومبتسم .. قالت ببتسامه : في شئ تعووب

تذكر وعدل وقفته وهو يمد لها الدله : ايه .. سوي لنا قهوه

اخذتها ايلاف ع دخول ام طلال : متعب خير ياولدي وش تبي

متعب : ابوي يبي قهوه بعد

لفت ع ايلاف : زين خلاص ايلاف تسويهاا ..

متعب توهق فهم قصدهاا انها تبيه يطلع .. حك راسه وهو يتلفت ع المطبخ يبي يجيب عذره : اا ا ايييه .. انا عطشان ابي مويه

فتح الثلاجه وصب له مويه وهو يشرب ويناظر امه الي تنتظره يطلع .. نزل الكاسه ولف ع الثلاجه : ا اممم يمه بقيتو لي حلا

ام طلال بستغراب : حلا وشو ياولدي .. من متى نسوي حلا اصلا

ايلاف بعد المناااحه الي مسويها متعب فهمت قصده كتمت ضحكتهااا ..

لف نظراته ع الثلاجه وهو منقهر من اصرار امه " يوووه ييمه بتخربين علي الجوو .. وش اسوي مشتاق لهاا اوووف وش هلحب ليله "

اخذ طماطم وهو يبتسم : وااه Tomatoes من زمان عن هلفيتامين ههههههه

تافافت ام طلال بضجر .. لفت ع ايلاف ولقيتها مخلصه القهوه ابتسم براحه وطلعت ..

قربت منه ايلاف ومدت له الدله : كل ذه اعذار ؟

متعب لف عليهااا متفاجاا بس سرعاان ماابتسم .. حط الطماطم وسحب الدله منها : ا.. هاا لا وش اعذار بس انا هلفتره ناقص دم وكذا يعني

ايلاف " ياكذبك " : اهااا حلو حلوو كمل كذب اقصد كمل اكل

متعب يناظر لطماطم " اووف ياربي مالقيت غير الطماطم ع الاقل جزر أي شئ ثاني " : الحمدالله شبعت .. المهم ايلاف عندي لك خبر

ايلاف بستغراب : قووول

متعب وهو يميل فمه : ررجعت ادرس بدوررااات

اختفت ابتسامتهااا وتوسعت عيونها المصوبه ع متعب .. نزلت عيونهاا بشكل سريع وخفقاان قلبها يزداد كل ثانيه " وش فييني والله بفضح نفسي بالمشاعر الي تجيني لو انذكر طااريه .. اوووف وقداام متعب بعد .. لا اليوم اكييد بنجن "

عقد حوااجبه والشك يتخلخل بداخله " وكانها تعرف ان رعد مدير المعهد ؟؟ لالا مااعتقد .. بس ليش كذا تغيرت ملامحهاا .. وبهشكل بعد اكييد صاير شئ مارح تسوي كذا من فضاوه ؟؟" : في شئ ؟؟

ايلاف وهي تبلع غصتها وتبتسم : ابد سلامتك ... الا صح مبرووك والله فرررحت لك يامتعب .. شد حيلك هاا ماوصيك هههههه

تفحص ملامحهاا يبي يتاكد ان الي في باله صح .. " ياربي الا ايلاف ماتصير له .. حتى اذا ماكان نصيبها معي .. انا راضي بس الا هشخص ماابيها له .. الا ذااا مارح اقبـــل"

حط الدله وهو مصر ينفذ الي في باله .. رغم انه مايعرف يتصرف بس بيسوي الي يقدر عليه .. تقدم لهاا وماصار بيهم الا مسافات بسيطه ..
رجعت ايلاف خطوتين ع ورى وعيونها تناظره بصدمه : مـ متعب ... ههه شفيك ؟؟!!

***********
مشعل : اليوم بكلم ابوي انهم يبون يسون الحفله .. طبعا وقتها مارح يقدر يرفض ابوك يجون وبيقول الحقيقه .. ولوقت الي يكونون مع بعض امك وعمي .. ونتاكد انهم بوضع اذا انكشفو مارح يكون عندهم دليل للهرب والاعذااار .. رح اكلم ابوي يروح عندهم وكاني ابي شئ من المكااان الي هم فيييه .. ولوقت الي ينكشفون فييه .. مارح يكون عندهم أي عذر ...

تاملت نظراته مشعل بحنين .. قد مايقول عنه مارح يوفي حقه .. بس شئ داااخله يخووفه من هلخطه .. نزل راسه وحنين قلبه يمنعه بشده ... شئ بداااخله يناادي ع امه تتوووب .. مايبي يكون يوم سبب نزول دموعها.. ماوده يفضهاا ولا يخليهاا حزينه بس كيييف يقول ذا كله وهو ابكم ..

كتب بجواااله كلااام مو مقتنع به بس مطر يسويه .. مهما رفض الشئ الي بدااخله ومنعه .. هو لازم يتحدا الصعابات عشان يرتاح ضميره " خلاص مشعل بكرا بالبر بنفذ كل شئ "

ابتسم له مشعل وهو يطمنه بنظراته : كل شئ بيكون بخير .. انت ماسويت الا صح .. لازم ماتنسى هشئ ..

************
قرب منهاا بحركه مقصوده لين حبسها بالجداار وحط يدينه ع الجدار ومعااد صار في مجاال تهرب ..

ايلاف عصـبت ومسكت يده محاوله بجهد تبعدها : متعب ابعــد

تفااجاا من ردت فعلهاا .. ابدا ماتوقع لهدرجه تكره قربه .. قرب من وجهاا اكثررر وبعصبيه وهو راص ع اسنانه: افهــم من كـــلامك انك ماتبيــني

ايلاف رفعت راسها وتصادمت مع العيون السووداا : افهــمهاا زي ماتفــهماا .. لا تجن وبعد عنــي

انقهر وضاااقت ملامح وجهه وبنفس الوقت كان كلامهااا زي السيوف ع قلبه .. سحبهااا بالغصب وضمــهاا .. بس مااقدر يثبتهاا بسبب اعتراااضهاااا الشديد ..

بداات عيونهاا تنزف دموع .. حاولت تبعد جسمه الضخم عنهاا بس ماقدرت وبدات تستخدم طريقتها الثانيه وتصاارخ : ابــــعد ابــــعد اااه مااااابــــيك ابـــعد

متعب يحس وده بهلحضة ينهي وجود رعد .. نزل راسه وقربه من وجهاا وباسهاا في خدهاا : اجل ماتبيني .. منو تبين يعني .. تبين رررعد .. تبييين الي فقررنااا .. تبيين الابيض ؟؟ شنو ياايلاف لهدرجه تهمك المناظر والطبقاات ... يعني عشاااني اسمــر وماني بمستوااه ماعجبتكك ؟؟؟ بس لا وغصب عنك انا باخذك ..

ايلاف انقهرت من كلامه .. رفعت رجلها وتعست رجله بقوووه لين بعد عنهاا : ثمن كلااامك .. مااافي شئ بيجبرني اخذك ... وانت يامتعب بتصرفك هذا خصرتي حييل ..." وباسف " حييل يامتعب خصرتني !

خرجت من المطبخ وهي تنتفض وجوتها تغلي : قلك ايش قلك احب عشاان ابيض .. يخسى البيااض والله .. اصلااا ماااحبه بس ذا متعب الي برااسه لازم يمشي .. ااايش ذاا اوووف

مسكت مقبض البااب تبي تفتحه بس صدمهاا صوت امل العاالي .. والي قدرت تسمعه : اسسمعي يابنت الناااس ... احناا ماعندنا لف ودورااان ..

استغربت وفتحت الباااب وشافت امل تحرك يدهاا وتكلم بالجواال وصوتهاا يملائه الغضب : اقووول اخلعي حجاااب البرائه ذااا ماينفع مـــعي ....... خلاص ياااختي كاشفتك كاااشفتك ماله داعــي نمثل ع بعض ...... ههههااي أي أي ياالبريئه صدقتك ...

قفلت الباب ايلاف وقربت من امل ومسكتها من كتفها : مين تكلمين ؟؟

امل تاشر ليلاف تنتظر .. وكملت مع المتصل : ياااحبيبتي العبي ع غيرررنااا .. وبعدين من قاال لحبيب القلب يرمي جوااله .. اذا هو مهمل مو احنا الي نتحمل العواقب..
ايلاف سمعت صوت المتصل ونصدمت لمن عرررفت انها فتوون : لو سمحتي لا تتكلمين معي بهطريقه ..

امل تضحك بسخريه : هههههااي شرايك بعد استاذن منك اتكلم معك ... انتي واااحده فاضيه .. معليش مشغوولين احناا .. باااي ياحلووه ..
قفلت بوجهاا ولفت ع ايلاف وانفجرت ضحك : هههههههههههههههههه ااااي يابطني اااااه ... ههههههههههه والله سبيتها سب

ايلاف بقهر وهي تسحب الجوال منها : تضحكين بلا ضروس ان شااءالله ... وش مسويه انتي

امل جلست وهي تلعب بخصله شعرها : هههههه بدال ماتشكريني تقولين كذا ... جزااه الي يسوي فيك معروف

ايلاف جلست جمبها : ماحد طلب معروفك .. وش قايله لهاا يادوب

امل ببرائه : ماقلت لها شئ حق هلكلام حرام عليك الوف ..
ايلاف رفعت حاجبها : وااضح ... المهم وش قايله لها؟؟

امل ضحكت : معليش الوف ع السب بس شسوي قاهرتني .. بالمختصر قلت لها احنا مارح تجي عندك ونعطيك شئ اذا تبونه تعالو انتو له ... شنو بعد ذا يزعل

ايلاف تناظر للجوال بقهر : لا مشكوره ابد مايزعل.. بس خربتي علاقتناا .. الحين تخيلي راحت لخطيبها وقالت له ان نحنا قايلن لها كذا

امل بلهجه مصريه وبنفعاال: وياختي ترووح بستين دااهيه .. تقوول عساها تقوول وش هاامني فيها هي والتيس الي معهاا .. " و بشك " وانتي وش هاااامك بصراحه ياايلاف حسستيني انه حبيبك مهتمه فييه لهدرجه .. حتى الزعل ماتبيه يزعل

انقلب وجه ايلاف وصرخت : مع نفســـك مابقي الا هو .. اقول قومي قومي عني

ضحكت ع تعابير ايلاف وتنهد وهي تقول بنبره غريبه : راكان تقدم" خطيب" العنود ..!!!

لفت ع امل وهي مصدومه من الي تقوله : ا امـ ـل

لفت عليها والدموع متجمعه حول عيونها ومسويه لمعه بعيونها : هههه لا وبعد عازمينااا ع حفلتهم ههههه شفتي شكثر يحبون بعض .. " ونزلت راسها والدموع تساقطت بسرعه "..... الله يوفقهم

ايلاف ماتحملت منظر امل وضمتها وهي تحس العبره خااانقتها : ياابعدي مانسيتيه

امل وهي تشهق بحضن ايلاف ومتعلقه فيها : شـ شلوون بس مااني قاااادره .. ااهههئ كل مرره اقول .... اقول بيجي شخص ينسيني اياه بس اااااهــــئ .... بس كل الي حولي كل الي يدخلون حيااااتي خـــــونـــه ...!!

فهمت قصدها وانها تقصد فارس وراكاان .. ضمت شفايفها وهي تطبطب ع ضهرها : الي مايبيك ارميه بالنار واحرقيه واخفي وجوده عن حياتك .. ماعاش من يجرحك ياقلبي .. امل انتي غاليه وربي بيعوضك ان شاءالله بواحد ينسيك ذولي

ابعدت عن ايلاف ماتبي تخرب عليها اليوم .. بالحيل قدرو يشوفون بعض .. مسحت دموعها وهي تضحك تغير السالفه : هههههه قومي يلا خلينا نسلم ع عمي سعود ..

حركت راسها ايلاف وقامت .. وامل راحت الحمام تغسل وجهاا ..

دخلت المجلس وهي مطنشه عيوون متعب الي تراقبها بكل حركه وتخترقها بس احتقرته .. سلمت ع عمها وجلست جمبه : كيفك ياعمي
سعود بضيق " موب خير" : الحمدلله بخير

ابتسمت ايلاف ولمن شافت امل بعدها ماجات اخذت الفرصه تبارك لعمها : مبروووك لراكان العنود الله يتمم عليهم بخير .. ومين قداك يا عموو مسوين حفله لهم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 667
قديم(ـة) 15-01-2014, 04:50 AM
صورة فنووش # الرمزية
فنووش # فنووش # غير متصل
©؛°¨غرامي مجتهد¨°؛©
 
الافتراضي رد: في عمق الحزن هناك من يبتسم/بقلمي



لفو عليه ريان وخاالد متفااجاين من كلام ايلاف .. ريان : بنت انتي وش قعده تقولين ؟؟

استغربت ايلاف ولفت ع عمها الي تغيرت ملامحها وبان التوتر ع وجهه .. ايلاف : ليه انتو ماتعرفون ؟؟

خالد لف ع سعود : لا ماندري ع شئ ؟؟ اول مره اسمع هلكلام ..
ريان : حفلت شنو ياسعود ؟؟؟

سعود وهو يضحك يخفي الخوف الي يسطر عليه : ههه انا كنت بقول لكم بس سبقتني ايلاف .. عادي احنا بس بنسوي حفله في البر عشان خطوبه راكان ولدي

خالد وسع عيونه : البر بعد ؟؟ خير ياخوي ماحد يسوي حفلات في البر !!! كان سويتوها في البيت افضل

سعود بداخله " شسوي هذي نهايه خطوات الشيطان ": هههه لا يعني قلت في البر بيكون الجو غير جو البيت ... ليه ماعجبتكم الفكره ؟؟

خالد ماعجبته بس ماحب يخرب ع خوه : الا خلاص سوهاا .. بس متى ؟؟
سعود : بكرا ..
سسعود بقلبه " ويلااه ويلااه وين كنت ووين صرت "

ريان لاحض عدم وجود مشعل : عمااد وين اخوك .؟

ايلاف خافت من جا طاريه " ياربي عسى مارح يسكر ؟؟"

عماد وهو يناظر ال tv وبعدم اهتمام : وش معرف جدي

ريان بصرااخ : قوووم قامت عليك قيامه ياقليل الحياا .. كذا احد يكلم ابووه ..

عمماد نقز من مكانه .. وبطفش : شسوي طيب .. اعصبه بخيط عشان مايتحرك من مكانه .. وش معرفني وينه

ريان طير عيونه ع ولده : ايا قليل الادب .. روح اذلف أي مكان دور ع اخوك ..

عماد بضجر اخذ جواله : زيين زيين
اتصل عليه وجاه الرد .. عمااد بصرااخ : ياعلك المااااحي يمحي وجودك ياالغبي ......... لاااا سلامتك لازم اسال كيفك اخبارك صح ......... اقووول تعال البيت قبل ماجيك انا ........ يلا بس لا يكثر ....... اذلف
سكر السماعه ولف ع عمانه الي يناظرونه متعجبين ... عماد بهمس مايسمعونه : اشك مضيعين شئ بوجهي ..

ابو عماد : ووين اخوووك

عماد رجع يجلس ويتفرج : حضرت الشيخ مشعل عند يااسر .. مدري من متى داقين صداقه ..

ابو عماد مو عاجبه اسلوب عماد الي توه يلاحضه .. عكس ايلاف الي كان شئ طبيعي تسمعه ..
دخلت امل وسلمت ع عمهاا وباركت له بخطوبه ابنه بصعووبه .. وبعدها طلعوو من الغرفه ....

***********
رمت الجواال ع السريير بغييض وقهر وشوي وتطق من العصبيه : ووجع وش ذي البنت انفجرت علي فجااهه ... اوووف خربت مزااجي

لفت ع الجوال لمن سمعته يدق .. سحبته بقوه بس لمن شافت رقمه تلخبط كيانها ودقاات قلبها تسارعت ووترتها .. ابتسمت ابتساااامه يملااائها حيااا .. حط السماعه عند اذنها ومن الاحراج ودها الارض تبلعها ... ردت بصوتها الناعم : ا الو ..

رعد وهو يغمض عيونه ..... : كيفك فتون

فتون وهي تبعد السمااعه عن اذنها وتصرخ بصوت وااطي : ياااويلييي ويلاااااه

رجعت السماعه قرب من اذنها وبصوت اقرب للهمس : بـ بخير ... ا اا انت كيفك رعد ؟؟

رعد محاول بجهد يحط الواقع قدامه .. ايلاف حلم وفتون واقع.. مايدري ليه كل مايبي يتقبلها تجي صورت ايلاف المبتسه قدام عيونه .. رعد بضيق : انا بخير ..

ضل السكوووت سيد الموقف ... رعد سرح في حياااته وكيف بيقدر يبعد ايلاف عن خياله ..

فتون تضايقت من السكوت الي وترها اكثر .. تذكرت شئ وقالت بسرعه : اا رررعد .. ررعد ووين جوالك القديم ؟؟

رعد استغرب من سوالها المفاجا .. وبفس الوقت حاول يتذكر وين حطه ... تذكر الحــــادث ولمن ارتمى منه الجوال بسبب متعب وقال : امم مادري بس اضن ضاع مني في المكتب ... معاد ابيه لقيت كل الارقام الي ضيعتها

فتون ارتاحت بس مانست تعامل امل معها : اهاا زين ... بس انا عارفه الجوال مع مــــين !!

توسعت عيونه بصدمه : كيف ؟؟؟ مـ منو معه ؟؟!!!

فتون بضيق : ............... وقالت له كل شئ صار

رعـــد وهو يحس الي بقلبه صح ... مايدري ليش حس براااحه وسعاده بسيطه تخلخت بقلبه : يعني هي قالت احنا نجي لـــه ؟؟

فتون : ايه بس ماعطتني عنواان بيتهاا !

رعد جات براسه فكره : خلاص مو لازم اصلا انا معاد ابي الجوال ... مشكوره فتون ..... يلا مع اسلامه

قفل قبل يسمع ردهاا وهو طااااير من السعااده ويتمنى ان الي يشك فيه صحيح .... اتصل ع رقم معين : لو سمحت ابي اعرف هرقم 050****** في أي حي ؟؟؟؟؟

بعد طول انتظاار رد عليه الرجال : في شارع ال ..... عند ..... جمب ال ...... هذا بيت صاحب الرقم

رعــد ابتسم بقووه " هي أي هي .. الجوااال معهاا ... هههه اجل ياابنت االذين تبين انا اجي طيـــب ماطلبتي " : خلاص مشكور اخوي ..
قفل الجوال وتكى جسمه ع كرسيه المتحرك والابتسامه شاقه حلقه .. بس بدا عقله يشتغل كيــف يتخطى الصعوباات .. متعب ... اهلهااا ... وهي اصلا مارح تتقبلني ... "تذكر لمن طردته وحس بقهر وصعوبه اكثر للوصول لهاا "

***********
رمت الجوااال ونسااالت دموعهاااا بغزااره : وجع وجع شفيهم اليوم يسكرون بوجهي ... ااههئ مايقدرون مشاعـري

مسحت دموعها لمن سمعت صوت امها : فتووون يابنتي تعالي شوفي وش جااابت لك خااالـــتك

فتون بصوت عااالي : حااااظر مااامي الحين بجي ..

قامت عند المنظره وهي تناظر بعيونها الي فيها اثاار كل من شافها يعرف انها بكت ... مسحتها بقوه " هو مايقصد يافتون ليش زعلت ... أي انا مازعلت اصلا منه انا زعلت من البنت الدفشه .... عادي مايقصد لازم اعذره مسكين اكيد مشغول ."
اقنعت نفسها بانها الخطاء وهو الصح ..

نزلت وشافت امها ماسكه بين يدينها صندوق حق مجوهرات ..

ابتسم وفي ملامحها الاستغراب : شنو جايه خالتو

جلست جمب امها وفقكت الصندوق وطلعت قلاده ذهب هاااديه وحلووه وع شكل قلب وسطه حرف f ومزينه بالياقوت

لبستها امها وفتون انبهرت من شكله الي برز جمالها اكثر : واااوو مامي يجنن .. وين خالتوو ؟؟

ام فتون : حلو عليك يابنتي.. والله خالتك ماجات بس سوت له توصيله مع ولدها ادم

فتون بقهر : اووه قهر انا اليوم ماصار لي شئ زين غير هلـ هديه الروعه .....

قامت فتون وهي منزله راسها تناظرها للقلاده : حلوه حيييـ ـ ـ

رفعت راسها لمن صدمت فيه ونصدمت لمن شافته .. وانقهرت اكثر لمن سمعته يقول : هو مو حلو بس عليك يجنن ..

سحب يدها بجرااه ودخلها غرفه الضيوف الي كانت قريبه منهم مره ... وتوه طالع منها ... حوط يدينه ع خصرها وهو يتامل القلاده ع صدرها : شكلك مغري

صفعته كف من قله احتشامه ووقاحته : انا مو حلال عليك عشان تمسكني متى ماتبي

حط يده ع خده وطنش الالم : حتى الضرب من يدك حلو .. تكفين ابي كف ثاني .. " ويلف لها خده الثاني "

انقهرت منه وابعدت لمن شافته يقرب وهو يناظر لجسمها بطريقه وقحه : غبي انسان عديم احساس ... خل عندك كرامه

ضحك ادم ع شكلها واضح الرعب بعيونها : يااعمري انا فديت الي يخافووون .. لا حبيبتي لا تخافين انا مارح اذيك .. بس تسهلي علي شوي ..

لفت ع الباب تبي تطلع بس هو سبقها وقفله : بيجي اليوم الي بتكونين فيه حــــلالي ...!

فتون تجاهلت الدموع الي تنذرعها باي وقت بتخرج : وانت تعرف الحلال اصلا ؟؟؟

لاحض الدموع الي حول عيونه وتوتر ورح لها وهو يمسك وجها بيدينه بخوف: الا دموعك ماسمـح لها تنزل

من بعد كلماته نزلت دموعها وابعدت يده بقوه وهي تصارخ : ابـــعد عني لانك انت مصدرهاااا ... ا اااه انت وووش تبي لييش ماتحترمني .... " ونهارت جالسه ع الارض من كثر القهر الي يصير لها ورى بعض " شنووو سويت لكم اناا عشان تجرحوني ... ااه يااربي وش هليوم ..

جلس جمبها ادم منخرع وتخربط لمن شافها تبكي : خلاااص لا تبكين تكفييين ... شـ شنوا سوي عشان ترضين ..

فتون مسكت القلاده وسحبتها ورمتها عليه : لييش جاااي تبي ذييي خذهااا خذهااا وريحني اااهئ

مسك ادم القلاده وهو ينزل نظراته للارض .. وبهمس متالم : ا انا اسف فتون ماكانت نيتي اجي البيت غير اعطيك القلاده ... ا اسف ع كذبتي بس هي مو من امي هي مني ... اذا وجودي لهدرجه يضايقك بروح

فتون بصرااخ : اااي يضاايقني .. خذهااا ورووح رووووح وابعد عني وعن حياااتي

ابتسم بوجع : حاظر .. حاظر .. بس مارح اخذهاا معي .. تكفين لا ترديني وخذيها

مسك يدها وحط القلاده فيها وقام وطلع من الغرفه ومن البيت كله ..

نزلت نظراتها للقلاده ورمتهااا بقووه : غــــبي سخيــف

قامت بالحيل وطلعت غرفتها ورتمت ع سريرها تبكي تدري ان البكاء مايغير شئ بس تبيه يبعد الم الضيق ..
***********
خرج من بيت اخوه هو وخالد وكل واحد راح ع بيته ..

دخل بيته وهو مستغرب من الهدو الغريب .. مااهتم يحس بتعب وارهااق نفسي .. دخل غرفته ونسدح ع السرير والافكار تجيبه وتوديه " ياربي الحين شلون اصلح وارتب ... وش اسوي عشان يعدي بكرا ع خير .... كيف بواجه ام ياسر والكل بيكون موجود .... ماني مرتاح وحاس فضيحتي قربت ... "

تذكر شئ وحس انه يختنق من الخوف " المشكــله مي بـ يــــأســــر لاني اذكر قبل ماتصير هلعلاقه كانت حــــامله به ... المشــــكله فـــــي العنــــــــود "

تافف من الضيق الي يحسه بصدره واخذ الوساده ورماها ع وجه ... وبدا النعاس يلاعب عيونه وجسمه يرتخي برااحه ." وين ام راكان ؟؟؟؟"

نقز من سريرك وطلع من الغرفه يتصادم في الجدار وبصرااخ : ويـــــنك ام راكااان وويـــنك ... " تلفت حولينه " بنـــــات نووره بتوووول وينكم

انفجع لمن ماحد رد عليه وواضح ان مافي حس بشر في البيت ..

وقال بهمس يملائه التعب : را .. كان !!

دخل غرفه بناته وولع الاضائه ونتشر النور بالغرفه ..

حس لسانه ثقل عليه لمن مااشاف احد بالغرفه : بـ ..بـــــــنـــــــااااااااات ..." وبصرااخ يالم السامع " نـــــــــــــــــــــــوررره بـــــــــــــــــتوووول ... ويــــــــــــــنكم ويـــــــــــــــــنكم ... راكـــــــــــــــاااان
ضل يصااااارخ بصاله ويتلفت ع نفسه ويدور عليهم بالغرف : عيـــــالي ووووينــــكم !!

حس رجيله ثقلت عليه وجسمه معاد يساعده ع الوقوف.. وانهاااار ع الارض يبكي بضعف.............!
*************
ركب السياره وفحط .. وهو بنص الطريق شغل رااب وقعد يغني معه ومتحمس وداااخل جوو ..

لفت انتبااه نور جواله الي يهز .. رخى صوت المسجل .. وسحب جواله ورد : اهلييين تعوووب

متعب بعصبيه : وجع ان شاءالله ساعه ادق عليك ليه ماترد ؟
فارس بضحكه : هههههههه معليش بس ماسمعته معلي صوت الاغاني

متعب بغيض : هذا الي فالح فيه .. اسمع بكرا كلنا بنتجمع في البر وانت لازم تجي وابوي يقول اذا ماجيت بيزعل..

فارس انحرج من لطف خالد معه : يخسي الزعل .. اكيد بجي بس وشو له البر ؟
متعب : بنسوي حفله لخطوبه راكان .. المهم تعال اليل الساعه 3 وبنقعد لين الفجر

فارس عجبته الفكره : حلووو خلاص اجل بجي .. " وكانه تذكر شئ وقال بسرعه " الا صح متعب ابي اسالك وش بينك انت ورعــد ؟؟

متعب عصب من سيرته : مابينا شئ خل عنك القافه ..

فارس يمثل الزعل : افااا هذاني صديقك تقول كذا .. ماهقيتها منك

متعب : ههههههه
فارس بجديه : بس تصدق يامتعب احس رعد حيل متلاطف معك..

عقد حواجبه بستغراب : وش يعني ؟

فارس : مادري بس مامعاملته معك مو مثل البقيه ..بصراحه وانا مااكون معكم دايما بس لمن اجي واشوفه معك احس تصرفاته وكانه يعرفك او يمكن يبي يكون صديقك ؟!!!

متعب ترك العنااان لضحكته ونفجر يضحك : ههههههههههههههههههههههههه اقول خلك بحالك يلا مع السلامه

قفل بوجه وفارس غاض من تصرفه : وجع غبي

وصل مطعم وجنب السياره ونزل .. دخل المطعم وجلس بطاوله فاضيه .. شغل جواله وبدا يطقطق فيه مع البنات ..
شوي جا عند القرسون : وش طلبك ؟

فارس رفع راسه ومرر نظراته ع المطعم ولاحض ان كل شاب جالس بطاوله مع بنت .. سمع القرسون يعيد سوالفه .. فارس: هااه ... اييه جيب لي قهوه

راح القرسون وفارس يناظر لشباب والبنات .. لفت انتباه شاب بازاويه يتغزل في البنت ويمسك يدها ويدخل اصابعه باصابعها والبنت تستحي .. مايدري ليش تقرف واحتقرهم ..

لف وشغل نفسه بجواله بس حس بملل .. جات براسه فكره ورفع الجوال واتصل ع رقم رعـــد .. ولمن جاه الرد تكلم بصوت عاالي : السلااام علييكم ... كيـــفك اخوووي ..... لا اخوي سلامتك بس اختك في مطعم مع رجال .....

لمن حس بصواات الكراسي والـ اغلبيه بداو يقومون والبنات والشباب يناظرون بفااارس بخووف ..

فارس نزل نظراته لساعت يده وبعد دقيقتين رفع راسه وانفجر ضحك لمن ماشاف ولا اثر لـ اي بنت بالمطعم: ههههههههههههههههههههههههههههههه اااي يابطني الله يقطع ابليسهم هههههههههههههه

رعد يصاارخ بالجواال : فاااارسسس

تذكر رعد وضحك اكثر وحط السماعه عند اذنه : معلييش رعد

رعــد بعصبيه : مخليني سااااعه انتظر لييه ؟؟

فارس ضحك وقال لرعد وش مسوي في البنات الي بالمطعم ..

رعــد بضحكه : مادبهم ابوهم انت ولا اخوهم

فارس متحسر " خلني ادب نفسي اول" : يستاهلون ماعليناا المهم تعال مطعم ال..... ابي اقولك هرجه تخص متــعب


انتــهى البااارت

بنوتاات اعطوني ردودكم وتوقعاتكم .. واذا ماعليكم كلافه قيموني ..

استودعكم الله الذي لا تضيع ودائعه



تعديل فنووش #; بتاريخ 15-01-2014 الساعة 05:46 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 668
قديم(ـة) 15-01-2014, 05:57 AM
صورة سازي. الرمزية
سازي. سازي. غير متصل
©؛°¨غرامي ذهبي¨°؛©
 
الافتراضي رد: في عمق الحزن هناك من يبتسم/بقلمي


اههلين ياعسسل *

قريت بعض المقطتفات من هذا البارت وعجبني.

برجع أقرأها من اول .. استمري؛

بس لحد الان كم بارت نزل؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 669
قديم(ـة) 15-01-2014, 06:12 AM
صورة فنووش # الرمزية
فنووش # فنووش # غير متصل
©؛°¨غرامي مجتهد¨°؛©
 
الافتراضي رد: في عمق الحزن هناك من يبتسم/بقلمي


هلا فييك ياقموره

ذا المطلوب ابيه يعجبكم =) وان شاءالله تعجبك الروايه كلها

اممم والله بصراحه مااعد كم بارت ^^" حط البارت بدون عدد .. بس عشانتس بعد كم بارت نزلت ^^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 670
قديم(ـة) 15-01-2014, 10:05 AM
صورة همسات عابرة سبيل الرمزية
همسات عابرة سبيل همسات عابرة سبيل غير متصل
©؛°¨غرامي متألق ¨°؛©
 
الافتراضي رد: في عمق الحزن هناك من يبتسم/بقلمي


يا قلبي نمت واناأنتظرك هههههه راجعتلك بالطش والطرش والدفش على قولتك

الرد باقتباس
إضافة رد

في عمق الحزن هناك من يبتسم / بقلمي؛كاملة

الوسوم
متعب , الحزن , يبتسم , رعـد . آأإيلاف , روايه , في عمق , هناك من , نهاية . سعيدة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثانية : هِمت بهواك / كاملة فـرقـآكـ مـوتـي روايات كامله - يتم نقل الرواية هنا بعد اكتمالها 138 20-10-2012 02:07 PM
وقفات ومواعظ من حياة الحسن البصري المشتاقة لجنة الرحمن قسم المواضيع المخالفه للفترات الزمنية 4 28-02-2011 12:59 PM
معاني الحزن الدانه البحر ارشيف غرام 5 18-06-2010 11:24 PM
صفحة ألم شيقه وممتعه و مبكيه ومفرحه في الأخير تجنن fofo's smiles أرشيف الروايات المغلقة - لعدم إكتمالها 147 25-12-2009 06:15 PM
وطرق الحزن بابي خالدالامل خواطر - نثر - عذب الكلام 11 20-05-2008 01:20 AM

الساعة الآن +3: 12:30 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1