غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 08-11-2013, 10:43 AM
نورالكل نورالكل غير متصل
عضو موقوف من الإداره
 
B10 رواية بقايا رحم في عالم ملعون


الســــــلام عليــــــكم

أول ششــيء حبيــت انزل لكم روايتي الاولى (بقايا رحمه في عالم ملعون)



: *..: *.. بقآيآ رٍحمة فيّ [ عآلمٍ ملعوٍنْ]..*:..*:

٭•٭•٭•٭

أحسَ إنيّ بقآيآ رٍحمة فيّ [ عآلمٍ ملعوٍنْ ] ...
تنآهشهآآآ إقسَى البشَرٍ منْ قآصيّ وٍدآآنيّ
عرٍفتْ إن المكَآنْ الليّ ينآسبنيّ [ وٍسَيع الكَوٍوٍن ]
بينْ نجوٍم السَمآء..مآهوٍ بصدرٍ فلآنْ وٍفلآآنيّ..

٭•٭•٭•٭

.. عائلات روآيتي ..

الجــده / ام خالد :
ام لـ خالد ومحمد ومشعل و منيره و العنـود .. خالد ومحمد
متزوجين بس أما الباقي (مشعل 25 سنه .. ومنيره 21 سنه .. والعنود 23 سنه..)
مابعد يتزوجون..
الجده تحب عيالها كثييير خصوصاً اللي مابعد يتزوجون دايم توصي اخوانهم خالد ومحمد عليهم .. عندها ثروات كثييره واراضي كثيير ورثتنها من ابوهااا وعندهم
مزرعه كبيــــــره معروفه في الدمام وينضرب فيها المثل من وسعها وكثرة الآشجار والثمار
اللي فيهاا دايم كل خميس يتجمعون عيالها عندهااا في المزرعه لآن الجـد (ابو خالد)
يشتغل في المزرعه حاط له عمال ثلاثه يساعدونه ..وسوآق خاص له يوديه ويجيبه...
والعم / مشعل : مسوي له جناح خاص في المزرعه ومخليه ديوانيــه له و لـ اصدقاؤهـ..

٭•٭•٭•٭
الاخ الكبير .... ( خالد / ابو عبدالرحمن ).....عنده ثلاث اولاد وبنت
( خالــد ) ابوعبد الرحمن :
انسان خلوووق طيب القلب متقاعد من عمله ويحب عياله
ومايرضى لآي شخص يدوس لهم على طرف .. ويحب ام عبدالرحمن كثييييير و ام عبدالرحمن اصلها من الرياض واهلها وامها واخوانها واخواتها في الرياض بس هي
متزوجه وسااكنه بالشرقيه..

زوجته ( بدريــه ) ام عبدالرحمن :
شايله زوجها على كفوف الراحه انسانه طيييبببه جدااا وخلوقه ومهتمه ببيتها وزوجها وعيالهااا وتحب الخير للنآس ..

الآبن الآكبــر :/
عبد الرحمن 25 سنه يتميز بجأذبيته و وسآمته وله هيبه بطوله وشخصيته قويه وجاده يشتغل مدير للماليه في مصنع معروف بالرياض لـ خاله(سعيد: ابوفارس) وخاله يعتمد عليه في كل صغيره وكبيره في المصنع ..

الآبن الآوسط:/
تركي 24 سنه شخصيه غااااااااااامضه و يعمل في منطقه بعيده عن الشرقيه ومايجي يشوف اهله الآ نــادرآ.. يتميز بجمآلــه طويل وضعيييف دايم شعره مخففه بس في المقدمه طويل وآخر شيئ على رقبته طويل

الآبن الآصغر :/
بـــدر 20 سنه شخصيه نكوتيه مرحه يحب المرح والضحك والطلعات والروحآت ومآخذ الحياة بكل بسآطه ويشتغل في شركه خآصه ( بزنز لحاله ) وتهمه الحريه الشخصيه لآكنه مغرور حبتين .. شخص عادي ومافيه من الحلآ زووود لآكن
ليش مغرور مدري عنه (( هع كيفي ))

الآخت الوحيده لهم :
آريــام / 17 سنه تدرس في ثآني ثآنوي تحب الدرآسه ولها طموحآت كثثثيير تتمنى تخلص الثآنويه وتدخل التمريض وتتميز بـ نشآطها وبـ ضحكتها الحلووهـ ووجهها القمري جميله جدآ وشعرها طويل واسود كثيف .. و ماتختلط كثيير بالنآس همها الوحيد درآستهاا



===========٭•٭•٭•٭==========


( ابويآســر: اخو ابوعبدالرحمن ) عنده اربع بنات وولدين ..

محمد (ابوياسر):
شخصيه جاده وقووويه له هيبته و اسمه معروف في السوق..
نــوره (ام ياسر):
انسااانه طيبه وخلوقه وتحب الكل وهي وام عبدالرحمن مثل الآخوآت


البنت الكُبرى : آميـــره .. /
23 سنه متزوجه ولد خالتها من شهرين ونص تقريبآ
وحآمل في البيبي الآول وكانت فعلآ اميره بآخلآقها وادبها وحسن تعاملها مع النآس.. بنت ولآ كل البنآت جميله وبيضة البشره وطويله وعريضه وماتسولف كثيير هآديه نوعآ مــاا وشعرهآ نآعم وقصير دآيم تحب تقصره وتصبغه حركآت ^_*

والبنت الوسطى : نجــود ../
عمرهآ 19 سنه دلووعه ومايعجبهآ حد غير نفسهآ كانت رمز للجمآل للدلع والغرور بالمختصر شآيفه نفسها حبتين ^_^ تتميز بجآذبيتها وشعرها
الطويل الناعم وعيونها العسليه وكانت مملوحه ونحيفه وماتحب شيئ اسمه درآسه
بس مدري كيف وصلت لـ ثالث ثآنوي (^_^) تخلفت سنه عن الدرآسه وصآرت مع اختها سـآره ثنتينهم في ثالث نفس الصف ..

والبنت الصغرى : سـآره ../
18 سنه شطوره ومملوحه تحب الرسم وتحب النآس والجمعه مع الآهل والفرفشه وتحب السوآلف دبدوبه شوي تتميز بـ شعرها الآسود الناعم الكثيف يوصل لنصف ظهرهاا وعيونها السود والوآسعه .. تحب التمّلك وعنيده
إذا بغت شيئ توصل له واللي في رآسها تسويه ..

الآبن يآسر : /
17 يدرس في ثآني ثآنوي .. يحب يتدخل في كل شيئ في الآجهزه يبتكر
ويلعب ويحب يصلح الآشياء المتعطله او يفككها ويشوف وشـ دآخلهاا عقله نظيف لآكن في الدرآسه مايهتم .. مملوح ويتميز بـ وسآمته وطوله الجذآب الكل يحسده على هالطول وعيونه الوآسعه وشعره الآسود الكثيف وله غمآزتين (*_^)

الآبن الآصغر ماجــــد :/
عمره 16 سنه يدرس في آولى ثآنوي هادئ جداً وإذا تكلم سواليفه ماتنمل و وسيم جدآً ويتميز بـ شعره الآشقر وعيونه العسليه طويل الى حدً مـــا .. ويحب شيئ اسمه كوووووره..

البنت الصغرى :/ رهف ..
عمرها 10 سنين تدرس في المرحله الآبتدآئيه طبعاً آخر العنقـــود سكر معــقوود.. جميله جداً ودلوووووعه تحب الدلع امها وابوها مدلعينها ع الآخــــر .. تتميز بـ عيونها البنيه وشعرها الناعم واللي يشوفها يقول ولد ^_^ لآن شعرها قصير وطالع عليها كيوووت تحب اللعب ..

=======٭•٭•٭•٭=======

:
:
:
(( و اهل الريــآض.. ))

بيت ابو فارس ..
الجده :/ ام سعيد كبيرة السن وطيبة القلب تحب لمة اولآدها وتتمنى تشوفهم مبسوطين ومرتاحين مع ازواجهم وتحب ولدها سعيد لآنه هو اللي قايم فيها وفـ اخواته من بعد الوآلـد..وتحب احفادها ولآتفرق بينهم..

((سعيد ابوفارس))
اخ لـ اربع اخوآت .. وكبير البيت من بعد الوآلــد ويعمل مدير لـ مصنـع وحالته الماديه زينه معيش امه واخواته وبناته..((عنده ثلآث بنات ..

زوجته ( جوهره : ام فارس)
تشتغل مُدرسة كيمياء من عائله غنيه جداً ..و حامل في
الشهر الثامن ودآيم مشآكل مع اخت زوجهاا (حماتها) بشرى مو صلح مع بعض ابددد..

عندهاا البنت الكبيره:
ملاك 17 سنه تدرس ثاني ثانوي ملاك بطلتها وهدؤئها وجمالها
لها شعر طويل ناعم دايم تسوي شعرها ظفيره على جنب وفيها حبة خال في خدهااا دايم مبتسمه..

البنت الوسطى :
جود 11 سنه تدرس في سادس ابتدائي ملقووووفه وتحب تتدخل في كل شيئ..

البنت الصغيره :
دانه 4 سنوآت هادئه جدآآآآآآ بعكس الآطفال اللي بعمرهااا..وتحب
اختها ملاك حيييل..


بنات الجده ام سعيد :
الكبرى :/ بدريه (ام عبدالرحمن)
متزوجه وساكنه في الشرقيه ( سبق وان تكلمنا عنهاا)
شايله زوجها على كفوف الراحه انسانه طيييبببه جدااا وخلوقه ومهتمه ببيتها وزوجها ..وعندها من الآبناء ثلاث اولاد وبنت (عبدالرحمن - بدر - تركي - اريام)..
وماتجي لهم الآ في الآجازات او المناسبات..

الآخت :/ بشاير
(ام نايف)انسانه متسلطه وحقووده اللي يشوفها مايقول اخت ام
عبدالرحمن فرق السما والارض بينهم (صحيح ان الله يخلق ويفرق) وهمها الوحيد نفسها وصدقااااتها وطلعاتها تكرره اهل زوجهااا بدون سبب .. متزوجه وعندها ولدين
( نايف 12 سنوآت و حمد 8 سنوآت ) ودآيم مشآكل مع اهل زوجها مطلعه لهم قرونهم
وتتزاعل وتجي عند امهااا وتتهاوش مع مرت اخوها وكل يوم على هالمنوآل..

الآخت :/ امل (ام حـــلآ )
متزوجه وعندها ( حــلآ 15 سنه و يحي 2 سنتين ) وحامل في
البيبي الثالث .. طيبه كثييير وكلمه توديها وكلمه تجيبها مالها رآي ابداً..وساكنه في جده بحكم شغل زوجهااا ماتجي الآ نــآدرآ..

الآخت :/ رجـاء 22 سنه لها عيون سود وآسعه وبشره بيضاء وشعرها كثيف وصغير ومو ناعم كثير .. شخصيه مايهمهــا غير نفسها ذكيه وتعرف تاخذ اللي تبيه مهما صار ومدلله
ودلوعه وطلاباتها اوامر عند الكل ..ماعليها من حــد مخطوبه وزواجها بعد شهــر ..

آخر العنقـــــود :/
منى 20 سنه شعرها قاصته مُدرج ويوصل لنصف ظهرهااا ناعم
وحلوو.. تدرس في ثاني سنه جامعه دلوووعة امهااااا ودآيم طلباتها مُجابه لهااا لساانها طويل ومتبري منها وماتسكت عن حقها ابدااااا لو مهما كان اللي قداامممها ..ومحد يكلمها وامها موجوده .. وتحب الآسوآق والطلعات والمكيآج وتتبع الموضه والكشخااااات..





إلى هنا وخلآآآآآآآآآآآآآآآآآآآآآآآآآص

ماابقي احرق عليكم باقي الشخصيــآآآآت من ابطآل - و حُب-
وغيره- وطموح- وغربه- وحيره-وزوآج


...اتمنى تكتشفونها بنفسكم وهناك ابطال لقصتي لم اذكرهم لكم ...

انتظرونـي .. .. أختــكم \ نورالكل


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 08-11-2013, 10:53 AM
نورالكل نورالكل غير متصل
عضو موقوف من الإداره
 
الافتراضي رد: رواية بقايا رحم في عالم ملعون


انا شخصيتــي بالرواايـــه \ مــلاك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 08-11-2013, 10:55 AM
نورالكل نورالكل غير متصل
عضو موقوف من الإداره
 
الافتراضي رد: رواية بقايا رحم في عالم ملعون


اذا ماشفـــت ردود ماراح انزل البااارت

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 08-11-2013, 12:43 PM
صورة رشآ_الخياليه الرمزية
رشآ_الخياليه رشآ_الخياليه غير متصل
©؛°¨غرامي متألق ¨°؛©
 
الافتراضي رد: رواية بقايا رحم في عالم ملعون


اتمنى لك التوفيق في طرحك اختي نور الكل...
لم تذكري احداث...كثرتي في الوصف للشخصيات بشكل يجعل القارئ يضيع بينهم...
كان تبدأين بالأحداث ومن ثم الدخول على كل شخصيه في وقتها...
شخصياتك كثيييره وتشتت...

كيف تنتظرين تفاعل وانتي لم تكتبي احداث...كل ماذكرتبه وصف للشخصيات..!!!

نزلي،جديد فيه احداث..وان شاء الله بتلقين التفاعل اللي تستاهله الروايه..

;;;;;;;

لقلمك اكاليل الورد...

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 08-11-2013, 01:40 PM
صورة عِنان الغسق الرمزية
عِنان الغسق عِنان الغسق غير متصل
©؛°¨غرامي جديد¨°؛©
 
الافتراضي رد: رواية بقايا رحم في عالم ملعون


السلام عليكم ورحمة الله وبركاته

كلامي بيكون مثل كلام اختي " شخصية خيالية "
اكبر غلط هو تعريف الشخصيات بهذا الشكل في بداية الرواية
هالشيء ينفر القراء وخاصة اذا كان العدد كبير جدا وصعب الربط بينهم

المفروض تدخلين في الاحداث بشخصيات قليلة ومن خلال الاحداث تظهرين لنا الشخصيات شوي شوي ..
مو شرط من اول بارت يطلعون كلهم .

ومع هذا اتمنى لك التوفيق .
ونزلي البارت الاول عشان يكون في تفاعل لانه صعب القراء يتفاعلون ع التعريف بس
موفقة


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 08-11-2013, 03:52 PM
حالة جنون حالة جنون غير متصل
©؛°¨غرامي مشارك¨°؛©
 
الافتراضي رد: رواية بقايا رحم في عالم ملعون


صح لانه كله تعريف ونا بنفسي مليت بس ياليت تنزلي بارات جديد وذا تبي مساعده من عيوني

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 09-11-2013, 01:18 PM
نورالكل نورالكل غير متصل
عضو موقوف من الإداره
 
الافتراضي رد: رواية بقايا رحم في عالم ملعون




====(*( البآرت الآول )*)====
.
.
.
.
.
(( في المنطقه الشرقيــه ))

في صبآح يوم جديد وفي شآرع من شوآرع الدمام وفي احد الآحيــاء ياسر وآقف بسيارته

في نصف الشآرع متعطله عليه السيآره ووآقف مقهور يتصل على ابوه ومايرد ويبغي يروح

للمدرسه ومدرسته في حي بعيد عن الحي اللي هم سآكنين فيه ............. واخيــرآ رد

ابوه عليه..

ابوياسر : الووو
يآسر : الوو هلآ يبا
ابوياسر : هلآ بك خير وشفيك وليش غايب مارحت للمدرسه ..؟؟ لي متى يعني بتصير رجال وتمشي حالك حال عيال عمك مو حاله هذي معاكم ..
يآسر : لآ انا كنت ابغي اروح بس السياره تعطلت علي في نصف الطريق جنب
المستشفى ومو عارف وش اسوي فيهااا
ابو ياسر : هذا من اهمالك مدري لي متى بتتسنع انت وتصير آدمي
يآسر : طيب وشـ اسوي ..؟؟
ابو ياسر : وشـ اسوي لك انا يعني..؟؟ اجي لك من الرياض الحين للشرقيه والآ كيف ؟؟

خلك عشان تصير رجال وتهتم بالسياره (وسكر في وجهه)
> ماعنده وقت مثل ابوي ^__^


.
.

وطبعآ ابو يآسر قلبه طيب مهما يسوي ويعصب ..
رآح اتصل على اخوه مشعل .. (مشعل طبعآ عم يآسر )

ابوياسر : الوو هلآ مشعل ..
مشعل مفهي وصوته كله نوووم : الووووو ميــــــــــن .؟؟؟؟؟؟
ابوياسر : انا اخوك محمد وينك فيه الحين انت..؟؟
مشعل : هااااااه انا في الديوآنيه نايم
ابوياسر : الحمدلله والشكر مدري لي متى انا ابعتمد عليكم يعني ماعندك بيت تنام فيه ؟؟ ومخلي امي واخواتك في البيت لحالهم صج انك ماتستحي على وجهك
مشعل يقول في نفسه (اوف بدينا بالمحآضرآت روح شوف عيآلك بعدين تعآل لي هآوشني) : لآ رحت للبيت بس.....
ابويآسر قاطعه : اقول رح لـ ياسر جنب المستشفى متعطله عليه السيآره واخذه للمدرسه..
مشعل (اوووف) : طيب خلآص ..
ابويآسر : ومو تبقى هآيت في الشوآرع روح البيت وشوف امي واخواتي اذا محتآجينك في شيئ الحمدلله والشكر ولآتدري عنهم ولآكنك اخوهم مدري لي متى بتصير رجآل
يُعتمد عليك انت ( وسد الخط بوجهه)..
.
.
.
.
ومن جهه ثآنيه وفي مدرسة الثآنويه للبنآت وفي قت الطابــور .. بسمه ونجود ورغد و نوره واقفين يسآلفون
لآبسين كلهم عدا بسمه اكسسوار احمــر و حاطين ميك اب خفيف احمرر وغير السآعه

والجزمه الحمر(الله يعزكم)
رغــد : فكــــــــه اليوم الآربعاء خلاص عطلناااااااااا
نجود : اي والله ..
بسمه : لآتفرحــون كلها اسبوعين ع اساس تستعدون للآختبآرات ..
نوره : ههههههه اي والله بس اهم شيئ نرتااااااااااااح
بسمه : هيييييي انتووو اشوف متفقيــــــن ليش ماقلتو لي انكم رآح تلبسون اليوم احمـــــر ..؟؟
نجــود بغرور : والله محد قال لك تغيبين امس بدون ماتقولين لنا
نــوره : اي صج الآ وشفيك امس غايبه يادوووباااا ..؟
((بسمه تكون بنت خال نجــود))
بسمه: كنت تعبآنه مراااا.. وبعدين يانجـــود انا بنت خالك ليش مااتصلتي علي وشفتي وشـ فيني ..
نجـــود : لآ والله فآضية لك انـــــاااا ماعندي الآ انتي
نـوره : ههههههههههههههاااي طيب ماعليناااا وسلآماااات بسوووومه
بسمه (تفشلت من رد نجود): هااااه .. الله يسلمك نوروووه...
بسمه : اشوف الحلوه سرحآآآآآنه اللي مآخذ عقلك
(توجه الكلآم لـ رغــد)
رغــد : هااااه لآ بس تذكرت حآآجه .. وشـ كنتو تقولون
بدو يضحكون عليهاااا وفي اثناء ضحكهم
جات لهم الآستاذه : يــــــلآ يبنات صفو طــابور
وفي الطابور جت المرآقبه وشآفتهم : وين رآيحين انتوو حفله والآ ويــن..؟؟
يــلآ اطلعوواا براااا الطابـــــور ( وطلعتهم من الطابور عدا بسمه)
فرحت بسمه دآخلياً لآنها مقهوره شوي من تعامل نجود لهااا..
.
.
.
.

ومن جهه ثانيه //

في الشارع بالتحديد والساعه صآرت 8 ونصف صبآحآً..
ياسر شافه مساعد استاذ الرياضه ..
مساعد : هلآ ياســر فيك شيئ وليش مارحت للمدرسه ..
ياسر افتشل : هلآ استاذ مساعد .. لآ ابد والله بس السياره متعطله
مساعد : طيب تعال اركب معاي اوصلك للمدرسه ..
ياسر ترك السياره في الشارع (وركب وهو مفتشل من استاذه): مشكور استاذ يعطيك العافيه..
وراحووووووووووو للمدرسه
.
.
.
.
وفي بيت ام عبد الرحمن :

ام عبد الرحمن : طق طق طق عبد الرحمن قوم اصحى يماا وانزل تحت افطر ورآك طريق للرياض وتآخرت ..
صوت عبد الرحمن من دآخل الغرفه / عبدالرحمن : انا صآحي يمااا خلآص شوي انزل تحت..

وهي تنزل من على الدرج يصآدفها بدر..
بدر : هلآ يمااااا صبآح الخيــــــــــر يااحلى ام في الدنياااااااا ((ويبوس رآسهااااااا
ام عبد الرحمن : هلآ يما ياوليدي اشوف اليوم الوجه منــــور وشـ بلآك ..؟؟ ويكملون طريقهم لـ طالولة الطعــــــام ..
بدر (سكت شوي انتظرها تجلس على الكرسي): ابد يمااا بس ماني رآيح للشركه اليــــوم اخذت لي اجازه يومين ..
ام عبد الرحمن (مخترعه) : ليش يما فيك شيئ مريض ..؟؟؟؟
بــــدر (ميت ضحك): وشفيك يماااا اخترعتي لآ مافيني الآ كل خيرررر بس حبيت اطلع براا الشرقيه واغيرر جووو ..
ام عبد الرحمن : اشوه الحمدلله خرعتني قلت لآيكون صآير شيئ بعد وانا ماادري
وفي اثناء هالحوآر نزل عبدالرحمن بكامل اناقته وعطره المتميـــــز..وهو نازل يرتب

الشمآغ
(شخصية الكوبراا)..^_^
عبدالرحمن (يبوس رآس امه): هلآ امي صبــــــاح الخيرر..
ام عبد الرحمن : صبآح النور ياهلآ والله وشفيك اليوم ماصحيت من بــدري ..؟؟
عبدالرحمن : لآ بس كنت البارح سهرآن بـ مرآجعة اوراق وشوي مُعامـلآت ومانمت الآ لين خلصتهم..
ام عبد الرحمن : الله يعطيك العافيه ياوليدي اي زين يمه حافظ على حلآلنا وحلآل خالآتك (طبعآ المصنع اللي يشتغل فيه نصه لخاله الوحيــد والنصف الثآآني لآمـه و لخــالآته الآربعه)..

ويقطع حديثهم نغمة بدر (( وحشني صوتك بقووه وحبك دآخلي جووه )) بدر رد : هلآ والله بهالصووت شلووونك وحشتيني بقووه
ام عبد الرحمن : تناظر فيه قوم من جنبي لآ يجيك الصحن على وجهك جالس جنبي وتغازل ياللي ماتستحي على وجهك
بدر (ميت ضحك):ههههههههههههههه وش تقولين تبغين تكلمين امي لآ لآ اخاف تهآوشك
بعد متصله على ولدها وتتغزلين فيه من صبآح الله خير وتبغين تكلمينهااا
عبدالرحمن (شاك في السالفه ويناظر بوجه اخوه مو مصدق):
بدر (ميت ضحك): هاك يمه تبغيك حبيبتي ..
ام عبد الرحمن : اقول ابتعد عني ياللي ماتستحي على وجهك صدق انك قليل ادب
وجالس للحين جنبي بعد ياقوآت عينك والله..
بدر حط الجوآل على السبيكر : هلآ حبيبتي ..
وم ام عبد الرحمن تدعي عليه : حبتك بقعه قول آمين ..وتسمع صوت ضحكااااااات من

الجهه الثانيه : وشفيك انتي ماينمزح معاكي انا منـــــى هههههههههههههاااي
ام عبدالرحمن : الله يقطع شركم
منى : وشفيكم اتصلت البيت وماتردوووون ..
عبدالرحمن انفجر ضحك داخليآ بس مايبغي يبين لهم (على انه رجال صلب مايضحك الآ نادرآ) هع
عبدالرحمن : طيب انا رآيح للدوآم يما وسلمي لي على خالتي منى.. وبآس رآسها ورآح ماانتظرها ترد عليه..
ام عبد الرحمن : يلآ انتبه لنفسك يمااا .. يسلم عليكي عبدالرحمن..
منى : الله يسلمك ويسلمه .. الآ ماقلتي لي وشـ اخبآر اريام القاااااطعه ماصارت تتصل علي من فتره ..؟؟
ام عبدالرحمن : ابد والله لآهيه بهالدرآسه
منى : اهااا ربي يوفقهااا ان شاء الله .. بس ابغيها تجينااا قبل الاجازه عشان نفصل لنا
فسآتين لـ ملكة رجاءترى مابقى على الملكه شيئ ويمكن مايمدينا نفصل لنــا ..
ام عبد الرحمن : خلآص لآجت من المدرسه قلت لهآآآ..
منى : اوووكي الله يعيننآأ نخلص بدري ..
ام عبدالرحمن : الا ليش مارحتي للجامعه اليوم ..؟؟
منى : بس مالي خلق مليييييييييييت وضآآآق خلقي ..
ام عبدالرحمن : وشوو مليتي بعد حد يمل من الدرآسه
منى: ايه اناااااااا
ام عبدالرحمن : وبتجلسين اليوم كذاا لآ جامعه ولآشيئ اقول روحي اطبخي الغدا اجل مدآمك ماورآك شيئ..
منى : لآ وععع ماابقي ريحة البصل تكون في إيدي مااحب اقطع بصل وبعدين مرت اخوك وشـ حضرتهاا بس نوم وآكل كل يوم امي تطبخ الغدا وهي انّ فـ خبر كاناااا..
ام عبدالرحمن (معصبه ماترضى على مرت اخوها): اقول خلي عنك الدلع وروحي اطبخي الغدا صج بنات اخر زمن
ورمت الجوال على بــــدر اللي كان سرحآآآن في

مذيعة الآخبــار هع
وانتبه شاف امه معصبه واخذ الجوآل : هلآ وشفيك زعلتي عجيزتناااااااا
منى : ههههههههههههههه اسكت لآتسمعك وبعدين حرآآم عليك اختي بعدها صغيره والله..
بدر : ماعلينا منها الآ كيف خالتي امل ..؟؟
منى : مدري عنها والله من رآحوو جـــــده مااتصلو لهم الحين ثلآث اسأبيع ولآحتى طرشت لي رساله ..
بدر : اهاااا الله يعينهم على دوآم زوجها مره في جده ومره في الرياض ومايندرى المره الجايه على وين شكلهم بيصدرونهم لـ رآس مشعآب هههههه
منى : اي والله ربي يعينهم .. اشوف ناسي روحك وانت تكلمني
بدر : ههههه ليش وش قلت ..؟؟
منى : رصيدي بيخلص وانت على برودتك روح بس والآ اقول انت اتصل علي
بدر : ههههههههههه صج قروووويـــــه اقول خلآص ضفي وجهك وماني متصل عليك
منى : يؤه بخيل خلآص بآي لآتخلص رصيدي
بـدر : تعالي بقول لك شيئ ..
منى : اختصر بسرعه وشـ بقيت..؟؟
بدري : شوفي فيه بجوالك زر احمـــــر صح ؟؟ ضفي وجهك وضغطي عليه (وسد الخط بوجهها)
منى بقههههر : هههههههه سخييييييييييييف يصبر علي
.
.
.
.
وفي وقت الظهيره وكل الدوآئر الحكوميه رجعت من دواماتهم..
وبالتحديد في بيت ابو يآسر ..

ام ياسر : تصبر يايمه وشد حيلك في درآستك وانجح ولآنجحت مايصير خآطرك الآ طيب
اخلي ابوك يشتري لك السياره اللي تبغيهااا..
ياسر : مافيـــــــه امـــــل ..
ساره : هههههههه ليش مافيه امل يعني مو ناجح هالسنه ..؟؟
ياسر : اقول لآتتلقفين انتي مالك دخل فاهمه و انا قصدي مافي امل ابوي يشتري لي السياره اللي ابغيهااا ومره ثانيه لآتفتنين هااا..
ساره : مافتنت خل الشكاكه عنك يعني بتنجح هالسنه وووووناسه ياسر بينجح بدون مايقدم ههههههههههه
ياسر : (شدها من شعرها) اقول لآتطنزين علي فاهمه
ساره : يماااا شوفيه واخذت الكاس اللي جنبها فيه بيبسي وطشته على ملابسه وهربت
وقام لها يآسر بسرعه لآكن قفلت باب الغرفه عليهااا بسرعه..
ام ياسر : صدق انكم ماتستحون على وجيهكم حتى مو حاطين لي اعتبار تتهاوشون
جنبي ولآكنكم اخوان كنكم اعداء الله يهديكم بس ويصلحكم مدري لي متى بتبقون على هالحال ..
دخلت نجود متضجره : وشفيكم وليه الآزعاج وآصل لـ فوق ..؟؟
ياسر : بس كملت جت ذي ..
ام ياسر: بدري لآكان نزلتي بعد .. خلآص حنا تغدينا وخلصنا توو الناس تجين تتغدين..
نجود : ماابغي غدا اصلآ بس سمعت الصرآخ ونزلت ..
ام ياسر : يلآ روحي غسلي الموآعين وخلي عنك الهرج الزآيـــد..
نجود : ماابي اغسلهم اصلآ انا ماتغديت على شآن اغسلهم
جت رهف : يماا بكره فيه مجلس امهات في المدرسه وهذي دعوه تعالي باكر
نجود: فاضين لك حنا ماعندنا الآ انتي يعني والآ كيف.......؟؟؟
ام ياسر : ماعليك منها ابروح لها دآم هي ممتازه تستاهل بنيتي اروح لها بآكر
الا بصوت ماجـــد : يماااااااااا
ام ياسر : هلآ وشـ بقيت ..؟؟
ماجد : ارفعي السماعه اختي اميــــره ع الخط..
رهف سمعت اميره طااااارت للتلفون: الووووووووو
اميره : هلآ رهووفه شلوونك
رهف : زينه متى بتجين بيتنااا..؟؟
اميره : مدري بس ليه..؟
رهف : عندنا مجلس امهات يوم السبت في مدرستنا تعالي مع امي
اميره : و امي بتروح..؟؟
رهف : اي بتروح
ام ياسر من الخط الثاني: هلآ اميــــــره
اميره : هلآ يماااا شلــــونك ..؟
ام ياسر : الحمدلله بخير شلوونك انتي عساكي بخير..؟
اميره بتنهد: اااه الحمدلله بخيــر يمااا .. الا ماقلتي لي وشـ اخبار ابوي عساه بخير..؟
ام ياسر : الحمدلله ابوك هذا هو مثل ماهو ماتغير دآيم معصب ودآيم يهآوش اخوآنك
اميره : انتوو يما الله يهديكم عيالك ابد ولآ واحد منهم يبرد القلب ..
ام ياسر : لا والله ابوك على اي حاجه يعصب وماعنده تفاهم..
((وهذي سوالفهم عن البيت والعيآل))


.
.
.
.
ومن ناحيه ثانيه وفي الدور الثاني وفي غرفة نجود وسآره بالتحديد..
نجود منسدحه على السرير وحاطه اغنية عرآقيه (من اغلآ ناسي)
نجود: ساره وشفيكي مع ياسر..؟
ساره منسدحه على بطنها فوق السرير تكتب : مافيني شيئ بس هو معصب ومنقهر على ويش ماادري
احس ماله دآعي كل هالتعصييب مالت عليه لآتذكريني فيه ضربني ومشع شعري الدب..
نجود تضحك : طيب طفي النور واظن ان الوقت ظهر يعني الغرفه مسفر والانوار ماله دآعي كذا على عيووني
ساره : اقول انا ابكتب.. وبتنامين غطي وجهك ونامي ماعليك مني
نجود : اقول بلآ مصآآآآخه وقومي طفيه
ساره بعناد : بكيفك هوو...؟؟ والا الغرفه غرفتك لحالك وانا مدري ..؟؟
نجود قامت وطفت النور .. ورجعت على سريرها
ساره قامت وفتحت النور : اقول نجود بلآ سخااااااافه بتنامين نامي مو ناقصتك انا عندي كتابه كثييرر
نجود : لآ والله خلي عنك المصآخه واطفي النور لآ اقوم لك..
ساره ببرود : يمااااا خوفتيني وجالسه تكتب
قامت نجود بتطفيه وقامت لها سآره وبدت الحرب العالميه الثالثه هع X
.
.
.

وفي الرياض .. الساعه 3 ونصف وقت الظهيره صعدت منى فوق للدور الثاني وفتحت

باب غرفة اختهااا رجاء
منى (وهي شايله اللحاف): حشى وشـ هالنوووم رجاوي قومي الساعه بتصير اربع وانتي خامده للحين يلآ قومي نروح للسوق
رجاء : اقول بلآ هباله وضفي وجهك براااا مانمت البارح الا متآخره..
منى : اقول قومي اصحي ماباقي شيئ على زواجك وانتي للحين ماجهزتي نفسك وباقي اغراض كثييير مااخذناها من السوق قومي ماعندنا وقت ..
رجاء : لآ والله صدق احلفي بس ..؟؟ اي انا اللي بتزوج والآ انتي ...؟؟؟ لقااااااافه بس

وغطت وجهها باللحاف وعطت منى ظهرهااا..
منى (بخيبت امل) : صدق وانا ليش حاره قلبي مالت عليكي بس وطلعت من الغرفه ..

دخلت غرفتهاا
جلست تناظر شكلها في المرآيه وفتحت شعرها تمشط فيه الآ بنغمة الجوآل ( اشوفك وين يمهآجر .. قل لي في اي بلد صآير) .. اووووووووه غريبه دآقه ريوووووم واخذت جوالها
منى : هلآاااااااااااااااااااااا والله بآهل الشرقيه بعد قلبي
اريام : هلا والله بآهلي وناسي
منى : اهلك وناسك وتقطعين كذااا لا اتصال ولاسؤال يالقاااااطعه.؟؟
اريام : اعذريني والله انشغلت بهالدرآسه ومثل منتي خابره الحين الآختبآرات على الآبوآب
منى : تكفيـــــن قالت الآختبارات كلها برشومتين وكان الله غفورآ رحيم
اريام : هههههه لآ براشيم مستحييييييل اخااااااااف
منى : طيب ماعلينا من المدرسه انتي شلووونك
اريام: الحمدلله بخير والله اسآل عنكم انتوو شلونكم وشلون جدتي وحشتني كثيييييير والله..
منى : الحمدلله كلنا بخيررر .. الا تعالي انتوو الحين يعطونكم اجازه اسبوعين عشان تستعدون فيها للآختبارات ليش ماتجين الرياض عشان نجهز ونخلص للزواج ..؟؟
اريام : يؤه متى ماعندي وقت ابقي اذاكر للآختبآرات
منى : يلآ عاد بــلآ دلع تعالي وجيبي كتبك معاكي
اريام : لآ مااقدر وبعدين انتي اختباراتك تبدى قبلنا لآزم تذاكر
ين وتستعدين وماابغي اشغلك عن الآختبارات
منى : ههههههههههههاااي قالت اختباراتي تدرين اني من بدت السنه مافتحت لي ولاملزمه (كتاب) الله وكيلك كله غش ف غش ههههههههههه
اريام : ههههههه حرااااااام عليكي يالدوووبه
منى : يلآ لآتغيرين سالفتنا وشـ قلتي تجين للرياض والآ لآ..؟؟
اريام : خلاص انا بشوف اذا اقدر اجي بعطيكي خبــــر اوكي مع انوو ماله داعي لآكن اشتقت لجدتي بعد واغير جو قبل الآختبـــارات...
منى : ززززززين لاتقولين لي ماقدرت ترى اذبحك وكانه على مذاكرتك انا اشرح لك ههههههههه (تتطنز)
اريام: ههههههه ودي اصدق لآكن قوووووووويه
منى : يلآ خلي عنك الدلع بتجين وبكلم عبدالرحمن يجيبك وهو جاي يوم الجمعه طيب..؟
اريام : لآ ماابقي مع عبدالرحمن بدر مااخذ له اجازه بجي معاه وان شاء الله امي تجي معانا..
منى : طيب انا الحين بروح للسوق قبل لآيتآخر الوقت
اريام : طيب مااعطلك يـــــلآ باي وسلمي لي ع الآهل..
منى : اوكيشن باي توو
.
.
.
.
:

وفي الدور الاول " تحت
جالسه الجده في الصاله وام فارس وبنتها دانه في حضنهااا و تسولف هي مع الجده

وجالسه جنبهم ملآك تتعلك وتقلب في قنوآت الـ tv
الجوهره (ام فارس): ملاك قومي فتحي لك كتاب احسن لك من هالتلفزيون..
ملاك: ماعندي مذآكراااات خلصنا اغلب الموآد..
الجوهره (ام فارس): طيب ذآكري واستعدي للآختبآرات..
ملاك : يؤه يمااااا من الحيـــن..؟؟؟ بدري تو الناس وبعدين انسى لا ذاكرت من الحين..
الجوهره (ام فارس): انا الوعـــد مو الحين الوعــد لو جبتي النتيجه وطلعت مو حلووه شوفي وشـ رآح اسوي فيك..
ملاك: يؤه يمااا والله بدري على المذاكره وانا راح اذاكر من اسبوع الجاي خلاص..
الجوهره : طيب بنشوف..


:
:
وبعد ماخلصت منى من مكالمتها نزلت تحت الا بدخول اختها بشرى واولادها نايف

وحمد ..
منى (بمزاااح): مامداكي تروحين بيت زوجك عشان رجعي لنا اليوم ههههه..
بشاير(بعصبيه): مالك دخل فيني وهذا بيت ابوي لآصار بيت زوجك تحكمي فيني انتي ووجهك..
منى : وي وانـــا وشـ قلت الحين محد ينتكلم معااه في هالبيت ..
بشاير مقبله ناحية امهاا: شلوونك يمااا
الجده : هلا والله بنيتي عسى مافيك شيئ بعد اليوم والا متزاعله مع زوجك..؟
بشاير : لآ مافيني شيئ بس جايه كذاا لكم زياره مايصير يعني ازور اهلي واتطمن عليهم..؟
الجده: الآ يما يصير وفيكي الخير يابنيتي..
وقامت ملاك وسلمت على عمتهااا وباست رآسهااا ..
ملاك : شلونك عمتي
بشاير : جلست على الكنبه جنب امها / الحمدلله بخيررر.. وتناظر مرت اخوهااا وشـ فيك انتي للحين ماولدتي ماكنك تآخرتي..؟
ام فارس مبتسمه: لآ باقي لي شهر تقريبآ بعد زواج رجاء، وشفيك مستعجله علي ..
بشاير مكشره : اممممم الله يستر بس لآتكون بنت رآبعه بعد ..
ملاك مبسوووطه : لآ عمتي امي صورت وقالو لها ولد..
ام فارس بنبرة حزن : اللي يجي من الله حياه الله..
بشاير : كنك على المستشفى ماعمرهم صدقو والعلم عند الله حتى انتي (تقصد ملاك )وانتي صغيره صوروك وقالو ولد بس فرحوو اخوي المسكين..
الجده : كله وآحد يمــه البنات والآولاد كلهم نعمه من الله..
بشاير : اي يمه بس اخوي من اول ماتزوج وهو ابوفارس لي متى بنشوف هالفارس ماندري..
واولآدهاا جالسين يلعبون بالكوره كل واحد يرميها على الثاني ورموها على وجه دانه وبدت تبكي
ام فارس : هي انت وياه بتلعبون روحو براا العبو لآتلعبون لي هنااا كفايه كل شيئ كسرتوه
بشاير : وشفيكي انتي على عيالي ..؟؟ وبعدين مالك خص فيهم هذا بيت اهلهم ويلعبون في المكان اللي يريحهم
ام فارس : اي يلعبون بس لآ يكسرون في خلق الله ..
وقامت ام فارس للمطبخ وهي مقهوره من تصرفآت بشاير ..
الجده : ليه يابنتي ماتغيرين تعاملك مع مرت اخووك المفروض يما انتو الحين مثل الآخوآت
بشاير : اوووه يماااا اسكتي بس
ملاك جالسه ومقهوره ولآكنها تسمع مسويه نفسها تتابع الـ tv ..
وجت منى
جلست على الكنبه جنب ملاك وتوجه الكلام لـ امهااا منى : مامي يمكن تجي اختي ام عبدالرحمن وعيالها هالآسبوع ..
ملاك بفرررح : واااااو وناسه
الجده : حياهم الله ..
بشرى : بس انا لآجيت كلن مكشر وجهه ولآ يستقبلني عدل ماكني عمتكم (توجه الكلام لـ ملاك) الحمدلله والشكر
ملاك مفتشله تطالع عمتهااا وتضحك : لآ بس هي في الشرقيه ومن زمان ماشفناهااا ..
بشرى : صدت بوجهها ولآكنها تسمع ملاك طيب منى وين رجــاء ماشفتهااا
منى : نااايمه من متى وانا اصحيها وهي ولآ حاسه بنفسهااا
بشرى : كان طفيتي عليها التكييف ..
منى : وي كان تذبحني ..
بشرى : بروح انا اشوفها ولآكن عندها زوآج للحين ماعدلت نومهاااا..
الجده : ملاك يما يابنيتي جيبي لي القرآن اكمل قرآئتي ..
ملاك : حاضر جدتي وجابت لها القرآن وجلست الجده تقرآه ..

.

:
.
:
.

وفـي الدآر العلــوي ..وبالتحديد في غرفة رجــاااء..
بشرى : رجاء قومي اصحي وشفيك للحين نايمه اصحي لآ اطفي التكييف عليكي..
رجاء (بتعب) :اووف يؤه خلوني انام وشفيكم علي اليووووم
بشرى : قوومي انا اليوم ابروح معاكي السوووق
رجاء (مابعد تفتح عيونها): صج ..؟؟
بشرى : ايه صج يلآ قووومي
رجاء قامت مبسووطه ((وعطت اختها بشرى بووووسه على خدهااا )) لآنها ولآ مره رآحت معاها بشرى دايم تتعذر لها وهي تبقي اخت كبيره معهاا ماتبقي منى ..

رجاء : مشكوووووره يااحلى اخت في الرياض
بشرى : هههههههه بس في الرياض ..؟ يعني في الشرقيه ام عبدالرحمن وجدة ام حلا هاااااااا..؟؟

خططك معروووفه هههه يلآ قوووووووووومي ماشبعتي نوووم..؟؟
رجاء : ههههههههههه خلاص احلى اخت في السعوديه طيب خليني بس اقوم اضبط شكلي
(و رآحت لـ دورة المياه)
وبشرى باقيه في الغرفه تفتح في الدولآب الا بنغمة جوآل رجا .. بنغمة شعر (انا عيوني حرمت غيرك تشوف والقلب حرم غيرك يحب ثاني كف الدموع وابعد الشك

والخوف..)) || مطلق يتصل بك
بشرى : احم احم وشـ هالزززين ...
رجاء : طلعت من دورة المياه وتنشف وجههااا رحت عند المرآيه ترتب شكلهاااا
بشرى : طيب ردي عليه
رجاء : اووه مو فآضية له وبعدين مااكلمه جنبك هييي
بشرى : هههههههههه مااالت يا جولييت طيب يعني طرده هااا اوكي ابطلع ردي على روميوم حرق الجوآل من اتصالآته
رجاء : يدري اني نايمه هالوقت وانا قلت له لآتزعجني وقت نومي لآكن ولآكني اتكلم
بشرى : ههههههه طيب انا بنزل تحت .. وانتي ييلآ جهزي ع اساس نروح للسوق بعد صلآة المغرب ..
رجاء : اوكي بس استشور شعري واجي لكم تحت..
.
.
.
.


الساعه 7 : 30 المغـــرب .. وفي المنطقه الشرقيــه ..
جالسين العايله كلها في الصآلــه ..

نجـــود بدلع: بابا ويــن رآح نسـآفر هالسنــه..؟؟
ســآره: اي يبا صج ماقلت لنا وين بنسآفر هالسنه ..؟؟ (و رهف متحمسه تناظر في ابوها تبغي تعرف وين)
ابوياسر : ماراح نسآفــر هالسنه
الجميع تفاجئ
ســاره : يؤؤؤه لييييييييييش حرااااااام نبغي نسآفررر الكل بيسآفر في الصيف الآ حنااااا لآ لآ نبقي نسآآفر
رهف : اي يبا الله يخليك نبقي نسآفر ..
ياسر : لآ مانبقي نسآفـــر اصلآ انا ماراح اطلع برااا السعوديه واذا ابو بيسافر معاكم ماني برآيح لآتجبروني ..
ابو ياسر : لآ ...هالسنه مارآح آخذ اجازه عندنا ضغط في العمل ..
نجود وسره حزنوو ويآســــوو مع ابوهم لآنه مصمم مايطلع اجازه بحكم شغلتــه..
نجود زعلت وصعدت غرفتهااا وساره رآحت لـ لوحاتها ترسم (( دآيم تحط حرتهااا في الرسم .. بدت ترسم خطوط عشوآئيه باللون لآســود..
و رهف جالسه تبكي وماجد يضحك عليهاااا : ههههههههه وليش تبكي يعني بيتغير شيئ لابكيتي هههه
ابوياسر : خلاص يارهووف باكر الخميس وبنروح للمزرعه
رهف : لا ماابقي المزرعه زهقنا نبقي نطلع مكان غيررر
ياسر : يبا مادريت انو عمـــي مشعل اشترى خيـــله ..؟؟
ابو ياسر : دريت عنه ومآخذها بذيك القيمـــه عمك هذا مو عارف وشـ يسوي بعمره..
رهف : واااااااااااااو صج خيله..؟؟ ابغي اشوفهااا
ابو ياسر : باكر بتشوفينهااا
رهف : وناااااااااااااااسه وطارت فووووق تقول لـ نجود وساره..
مااجد وياسر يضحكووووون عليهااااااا
ماجد: راحت تنشر الآخبــــار ملقووووووفه وتموووت في اللقافه هالبنت
وقامو يضحكون عليها كلهم...

.
.
.


أنتظروني ببارت ثاني .. أختكم / نورالكل‘‘





تعديل نورالكل; بتاريخ 09-11-2013 الساعة 01:25 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 09-11-2013, 01:23 PM
نورالكل نورالكل غير متصل
عضو موقوف من الإداره
 
الافتراضي رد: رواية بقايا رحم في عالم ملعون


اوك حبايبي مشكورين على الرد بس انشاءالله
اذا سويت رواية ثانيه بنزل الاحداث بعدين الشخصيات
بس هاذي روايتي الاولى ولازم يعني لانو اول تجربه
بس اكيد راح تعجبكمم هاذي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 15-11-2013, 12:56 AM
نورالكل نورالكل غير متصل
عضو موقوف من الإداره
 
الافتراضي رد: رواية بقايا رحم في عالم ملعون


تاابع...



.
.
.
.
.
.
.
.
.
وفي مزرعـــــــة المزرعــــــــــه..
بالتحديد في ديوآنية مشعل ..

هناك مشعل و اصدقائـــه .. (((حسين وسالم وعمــار وفيصل )))
مشعل جالس يلعب كيرم مع حسيــن .. وسالم جالس يشرب تعميــره ويسولف مع عمار .. وفيصل نايم على الكنبه ..

دخل عليهم زآيـــد الســلآم عليكــم..
مشعل وحسين : اوووف وشـ يبقي هذااا
سالم وعمار اي والله وشـ يبقي : وعليكم الســلآم حيااااك
زآيــد : هلا والله شلوونكم وينكم لي فتره ماشفتكم قلت مافيه الآ بالديوانيه مجلسيـــن ..
اووهـ وهذا نايم (يآشر على فيصل )

مشعل : اي نايم صحه لنــــا عشان يسوي لنا الكبسه محد يضبطها غيــره ..
سالم : اي والله جوعانين وانا اليــوم حتى غذا ماتغديت عدل جلست على السفره وتهاوشت مع الوالد وحتى ماكملت غداي ..
مشعل : افاااا ليش وشفيك انت متزآعل مع الوالــد وفيصل متهاوش وطول لسانه على عمه وابوه طردهـ..
سالم : لآ بس سؤ تفاهم وان شاء الله يصير خيـــر ..
زايد راح يصحي فيصل : ابوفصيييل قوم اصحى يـــــلآ ماشبعت نوم ويكب الماي على وجهه
فصيل صحى مفزوع من المويا : اوووووووووووف وشـ هالحركه الغبيه ..
مشعل : هههههههههههههه اي زين تسوي فيه ..
حسيــن :خخخخخخ من الظهر نايم وشـ هالنوووووم نمت عني وعن الشله كلهاااااااا
زآيد : خخخخخخخخخ قووم اصحى اطبخ لنا جوعانين
فيصل : صدق انكم ثقيييليين دم بس هين اردها لك مردك بتشخرها هناا ( وقام يغسل وجهه ..
عمار : ياشباب انا بروح مشوآر وبآخذ سيارة منكم حد بيطول هنا ..؟؟
حسين : لآ انا شوي وطالع بروح زياره..المستشفى لـ اخوي ..
مشعل : صحيح على طاري اخوك وشـ صآر فيه عساه احسن ..؟
حسين : والله على نفس الحال الله يقومه بالسلآمــه بس
مشعل والجمييييع : آآآآآمييييين ..
عمار : انا بآخذ سيارتك اجل زايد لآنك توو جيت وشكلك مطووول..
زآيــد : خلاص اخذهاااا ادري بك بتكشخ فيهاااا لـ وحده من مُعجباااااااتك..
الجمـيـع يضحكووووووون .. ودخل فيصل على صوت ضحكاااتهم
فيصل : وشفيكم ضحكوووني معاكم
عمار : يلآ اجل عن اذنكم انا طالع بسيارتك زايد .. باااااااااي
حسين : مافينا شيئ بس يــلآ نطبخ لنا عشى لآني ماابقي اتآخر بعد انا عندي مشوآر ..
فيصل : طيب يــلآ قووم معاي انت ساعدني قطع لي الطماط والبصل
حسين : يــلآ قمناااااا مع اني مااعرف لآكن وشـ اسوي امري لله..
بدو الشباب يتطنزووون عليهم ..
مشعل : هههههههههه الله وياااااااكم بتصل على الاسعاف في الوقت المناسب خخخخ
سالم : انتبهوووووو لآيحتررررررررررق
زايد : قللوووووو الملــح ترى عنــدي ضغط خخخخخخخخخ
:
:
:
:
.........
(( في بيت العم ابو عبدالرحمن )) ..

اريام : يمااا عــادي اروح للرياض يوم الجمعه ..؟
ام عبدالرحمن : وشـ بتسوين في الرياض ومن رآح يوديك..؟؟
اريام " مدت بوزهآأ ": يؤؤه توقعتك بتوآفقيــن...!!
ام عبدالرحمن : وانا الحين عارضتك والا قلت شيئ ..؟
اريام : هههههه يعني موآفقه
ام عبدالرحمن : طيب مع عبدالرحمن بتروحين ..؟؟
اريام : لآ ماابقي عبدالرحمن شخص مُمـل وبيجلس يرآقب اي زله تصير مني ..
ام عبدالرحمن : وجعوووه لآتقولين عن اخووك كذااا .. اجل مين بيوديك بــدر..؟
اريام : مدري بشوف بقوله لآنه عنده إجازهـ ..
ام عبدالرحمن : طيب خلاص شوفيه وروحي معاه
اريام : طيب وابوي اقول له والآ كيف ..؟
ام عبدالرحمن : مارآح يخالف ابوك لآكن لآزم تعطينه خبر وانا بعــد بقول له..
اريام : (تبوس امهااا ) ااامممووواااح مشكـــــــوره مامـــــي بروح ارتب اغرآضي ..
وصعدت تركض على الدرج وتصقع في اخوهااا تركـــي
اريام : وااااااااااااااااااااااااااااااااااااااااااااااااا اااااااي تررررررررررررررررررررررررركي..

*

ابقي انطبآعاتكم وكيف تتوقعون تكون شخصية تركي وكيف بيكون استقبآل الآهل له...

.
.
.
.
.


.
.
.


أنتظروني ببارت جديد


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 15-11-2013, 12:58 AM
نورالكل نورالكل غير متصل
عضو موقوف من الإداره
 
الافتراضي رد: رواية بقايا رحم في عالم ملعون



===========(*( البآرت الثاني )*)========
:
:

اريام : (تبوس امهااا ) ااامممووواااح مشكـــــــوره مامـــــي بروح ارتب اغرآضي ..
وصعدت تركض على الدرج وتصقع في اخوهااا تركـــي
اريام : وااااااااااااااااااااااااااااااااااااااااااااااااا اااااااي تررررررررررررررررررررررررركي..
تركي : هذا استقبال صج مجنونه ماتغيرتي
اريام : ههههههههه هلاااااااااااااااا وكيف حالك يادووووووووووب وحشتنااااااااا
تركي : هلااااااا والله وين امي........؟؟؟؟؟
اريام : جالسه في الصآله
تركي : طيب بروح اسلم عليهااااااااااااااااااا
اريام : اوكي وانا ابصعد فووق اجهز لي كم غرض ورآجعه لك مو تطلع..
تركي : وين بروح بالله عليك تو جاي وتعبــــآن مارآح اطلع ..
( ورآح لـ امه في الصآله)
تركي : هلاااااااااااا يمــــــــــــاااا شلــــــــونك وحشتيني والله ( وباس رآسها وإيدينهااااااا )
ام عبدالرحمن : هلااااااااا والله بوليـــدي شلوونك انت وشـ اخباااارك
تركي : الحمدلله انا بخيــر يمااا ومااسآل الآعنكم ..
ام عبدالرحمن : سآلت عنك العافيه يمااا الآ وشفيك كذا صآير اسمرررريت وضعفان زياده - ليش ماتآكل...؟؟
تركي : ههههههه لآ آكل بس هلكت من العمــل كل من شآفني قال ضعفت وصرت اسمروشـ اسوي بعد ..
ام عبدالرحمن : الله يعينك يمااا انت الله يهدآك ماتسمع اقول لك اشتغل مع خالك في المصنع ومارآح يقصر معاك
تركي : يماا الله يخليك سكري هالموضوع ماابغي اشتغل مع خالــي وخلاص
ام عبدالرحمن : انا ماابغي الا اللي يريحك ياوليــدي..
تركي : وانا مرتاح في هالشغله خلآص يمــاااا ..
دخل بدر : هلاااااااااااااااااااااااا بو ترووووك هنااااااااااااا
تركي : هلاااااااااا والله بـــــدر شلووووووونك
بدر: ياهلا والله نورت الشرقيـــــــــه اليوم بس وجهك مظلم خخخخخخخخخخ وشفيك كذا قلبت
تركي : ههههههههههههههههه بوجودك .. وانت وشفيك كل مالك تنتفخ وتصير دب قلل الآكل يادووووب بعدين ماتدخل من الباب
بدر : هههههه الله يسلم الوآلــــــده ولآيحرمنا منها ومن طبخاتهاااا الحلووهـ ..
تركي : خخخخخ اي قول كذااا
نزلت اريام مبسوووووووووووووووووووطه تركض
تركي : شوي شوي لآتطيحين على وجهك
اريام : ههههههههههههههه مو مصدقه من زمااااااااااااااااااااان عنك
بدر: اقرصيــه عشان تتآكــــــــــدين
ام عبدالرحمن : لآتقرصون وليدي وخرو بس عنـه توه جاي وتعبان (تمسح على رآس تركي)..
تركي : بدلع سبل عيــــــووونه
بدر ( غاااار ): بس عاد امي الحين لقت لها وآحد تدلله
اريام : ههههههههه يؤؤؤؤه تركي مولآيق عليه الدلع اببببببببببببد
بدر: خخخخخخخخخخخخخخخ اي والله شوف وجهك شلون صآير
تركي : ههههههه الله يرجكم رجآ مبرحآ غير ضـآر ي حلات وجهي صح يماا
اريام : هههههههههههههههههههههههههههههههههههههههههههههااااا اااي
بدر: من وين جايبهااااااااا خخخخخخخ لآتعيدهاااااااااااا
ام عبدالرحمن : اي يمه قمر ماشاءالله عليك ناقصك تاكل وتتسترد مثل قبل ..
بدر : من يشهد للعروسه خخخخخخخخ
اريام : هههههههههههههههههه .. اوووووووه صحيح مدآم انتو هناااااااا نبقي نروح للريـآض
قاطعها تركي بسرعه: انا مافيني حييييييييل اروح معكم..
ام عبدالرحمن : وانا يابنيتي ماني رآيحه بجلس هنا مع ابوك
اريام : يؤؤؤه تحطييييييييييييم ليش يماااا روحي معاي
بدر : وانا مو آخذ اجازتي عشان اروح للرياض والعوائل ابقي طلعات عزآبيه
ام عبدالرحمن : انا ماني برآيحه وعندك اخوك عبدالرحمن كل ليلة سبت يروح قولي له يآخذك معاهـ..
اريام :( ماده بوزهااا و زعلآنــــه ) لآ ماابي عبدالرحمن ..
تركي : ليييييش ياحظي لآيكون زعلآنه منه وبعدين مافي غيـــــره يلآ انا طالع ابدل ملابسي وارتاح ..
ام عبدالرحمن : ماتبقي عشى انتظر شوي ويجهز العشاء تعشى وبعدها ارتاح
تركي : لآ يما ماابقي جوعااااااااااااااااااااااااااااان نووووووووووم يلآ عن اذنكم (ورآح فـــــــــوق لـ غرفته)
بدر : يما ليش ماتروحين الرياض مع ريووم وتخلين الوآلد يوديكم
ام عبدالرحمن : لآ ابوك مااتوقع يرضى يطلع من هالشرقيه هو من تقاعد وهو كل يوم يروح لـ جدك المزرعه ويسآعــدهـ..
بدر : اووووووه صحيح ذكرتيني بالمزرعه قايل بروح اتعشى هنااااااااك
اريام (بزعل): اووووف دآيم يطلعون وانا محبوسه هنـآآآآآ اروح افتح كتآبي احسن لي .. عن اذنكم ..
ام عبدالرحمن: روح يما للرياض واخذ اختك منها تغير جو ومنها تشوف جدتك وخالاتك
بدر: لآ يماااا اسمحي لي ولاتضغطين علي بس بصرآحه بنتك هي دلووعه لو تبقي جد كان تروح مع عبدالرحمن هذي هو كل جمعه يروح وكل ثلاثاء يرجع .. ويلآ انا الحين طالع بروح للديوانيه عند عمي مشعل..
ام عبدالرحمن : الله يهدآكم بس .. اجل ماراح تتعشى هنــــآااا...؟
بدر : لآ ماني متعشي هناااا .. يلآ امي باي
ام عبدالرحمن : في حفظ الرحمن..
ام عبدالرحمن : ريتنااا ريتنااااااااا (( تنادي على الشغآله ))
جات الشغاله : نعم ماما
ام عبدالرحمن: جهزي العشاء و شوفي اريام خليها تنزل تتعشى ..
الشغاله : حاضر ماما (( ورآحت ..
ام عبدالرحمن اخذت الجوآل ودقت على عبدالرحمن يجي البيت يتعشى وتعذر لهااا لانه بيتعشى مع ربعه..
ودقت على ابوعبدالرحمن وقال لها في الطريق خمس دقايق ويوصل للبيت..

:
:
:
:

الساعه 11 ليلآ .. في الريـــــآض ..
في الصآله جالسين الجده وسعيد وزوجته جوهره..

سعيد (ابو فارس ): وينهم يما بناتك صارت الساعه 11 وهم مارجعو للبيت
الجده : رآيحين يتقضون للزوآج خلهم يما على رآحتهم
سعيد : لآآآآآآآآ كييييييييييف يعني اخليهم على رآحتهم ..؟؟ مدآم انا عايش مافي حد على رآحته في هالبيت
الجوهره (ام فارس) : خلاص اذكر الله وصل على النبي ياابوفارس تلقآهم في الطريق شوي ورآجعين ..
سعيد والجده / اللهم صلِ وسلم على محمد وعلى آلِ محمد..
سعيد : طيب يمااااا كم مره انا ادق على جوآل بناتك ولآ يردون علي او يحطوونه لي مشغول... مره ثانيه مافي طلعه من البيت الا وانا معهم ماعندنا بنات يبقون في الشوآرع الين انصآف الليــآلــي ..
دخلت ملآك للصآله وعلى طول جت على الريموت وتقلب في الـ tv ..
الجوهره : نامو اخوآتك ..؟؟
ملآك : لآ بس جود نامت ..
سعيد(ابوفارس) : وانتي ليش مانمتي للحين صآحيـه....؟؟؟ يلآ روحي على غرفتك ونامي لآاشوف وجهك هناا
ملاك : طيب ..(( ورآحت تركض على غرفتهاااااااااا ))
الجده : ليش كذا تحرج البنت يعني ..؟؟
سعيد : يما انا هذولآ بناتي وانا اربيهم على كيفي وماابقيهم يتعودون على السهررر
ام فارس (مقهوره): طيب انت الحين معصب وتحط حرتك في العيآل يعني روح انت نآم (وفكناا قالتها بشويش)
سعيد :(سمعهااا ) اقول حسني الفآضك لآ هالصحن يجيك على وجهك فاهمه وانا للحين محترمك عشآن امي ... وبعدين ياليت تكرمينا بسكوتك ماني نآقصك واللي فيني كافيني
جوهره(ام فارس ) : يلآ يماااااا انا رآيحه لـ غرفتي تآمريني على حاجه..
الجده : ســلآمتك يماااا.. وانت ياابوفارس روح نام وآرتاح ومن اصبح افلح
ابوفارس : لآ ماني بنآيم وهم براااااا البيت انا بشوف آخرتهااااااا مع بناتك..
:
:
:

وفي الدور الآعلى ..

جلست ملآك في غرفتها تحسن انها مقهوووره ليش ابوها يسوي كذااا ..
ولسآن حالهااا ///
ليش ابوي كذا تعامله معنااا..؟
ليش مايحبناا..؟
ليش مايخلينا نسهررر يعني ..؟
موب كفآيه اني محبووسه في هالبيت وعمآتي كل يوم في الآسوآق والفلوس في يدينهم ..؟
موب كفآيه اني محرومه من كل شيئ بعد يحرمني من اني اسهر واطالع الـ tv موكافي اني مااروح لـ صديقآتي ولآ بيت اهل امي ..؟؟
مو كفآيه انه مايطلعنا ولآ يمشينا ولآيسفرنا
حتى في الآجازات ..؟
كل البنات يسأفرون مع اهلهم في الآجازه وانا ماعمري طلعت من
السعوديه يارب امووووت وآرتآح من هالبيت حاسه انه سجن .......................... اي سجن حتى السجن احسن ع الآقل اشوف فيه نآاااااااس هنا كني في قبررررر

: وتمسح دموعهااااااااااا استغفر الله..وشـ اسوي حتى بنآت خالآتي مااشوفهم الآ في الآعياد وعماتي مايحبوني وآمي ...آآآآآآآآآه حاسه اني مخنوقه ودي آصآآآآآآآآآآآآآآآآآرخ

((وتسمع صوت الباب)): برقه طــق طــق طــق
ملاك قامت وضبطت نفسها وطفت الآنوآر عشآن اللي عند البآب مايشوف دموعهاااا ( وفتحت الباب )
ملاك : نعم وشـ تبقين انتي......؟؟
دآنه : ابقي انام معاكي جود نامت عني
ملاك: يآســلآم وليه مانمتي مسآعه معاهااا.......؟؟
دآنه : هي نآمت عني بسرعه
ملاك : طيب ادخلي نامي ولآاسمع لك ولآهمس ( ودخلت انسدحت جنبها على السرير )
ملاك عاطيه اختها ظهرهااا وصوتها تشهق بالبكاء
دآنه : ملآك وشفيك تبكــــــين ..؟؟
ملاك في خآطرها آآآه محد حس فيني فهالبيت بتجين انتي آخر العنقود بتسآليني وشـ فيني آآه بس ..
دآنه انتظرت رد مــــــــلآك وماشافت رد من ملاك ونامت..
وملاك مغمضه عيونهاااااا وفي دآخلهااا ونآآآآآآت وآهآآآآآآآت مو قادره تطلعهاااا لين نآمت

...
:
:
:
:
في الشرقيه .. الساعه 1 الفجر .....
{ ....... فـ بيت ابو يآسر ..

في غرفة نجود وساره ..
ساره : وآخيرآ اليوم الآربعاء ارتحنا من المدرسه
نجود : اي والله صج وانا ماني برآيحه للمدرسه الآ في الآختبارآت
ساره : يؤه ليش والجدول ماراح تآخذينه ..؟؟
نجود : لآ انتي روحي وبعدين معروفه يوم السبت رياضيات
سآره : آهااا طيب والمرآجعات
نجود : بلآ مرآجعات بلآ هم والآسئله كلها من براا المرآجعه ليه نتعب روحنا نذآكر منهاا انا ابذآكر من الكتآب وبس..وربي يسهل ..
نجود (سرحااااااانه): ساره
ساره : هلا
نجود: تصدقين من زمآن ماشفت تركي ولدعمي
ساره : هههههههه اليوم جاء من الدوآم
نجود: ادري وبكره بنروح للمزرعه تتوقعين يروح..؟؟
ساره : طبعآ بيروح وبعدين من زمآن ماشاف جدي وجدتي اكييييييد بيروح..
نجود: وآآآآآآي ونآآآآآآآآآآآسه الله يخليكي نبقي نتكشخ باااااكر
ساره : هههههههههه طيب اوكي
ساره : نجود رسمات الكتاب كلهم معنا بس حذفت أخر درس صح ؟؟
نجود: تتوقعين تغير شكله ...؟؟
ساره : ميــــن..؟؟
نجود: ساره لآتصيرين غبيه عن مين نتكلم يعني حنا غيـــــــره..؟
ساره : هههههههههه ي حمماره اسأألك عن الكتاب .. وتركي والله مدري عنه باكر في المزرعه بنشوف
نجود: متى يجي بآكر انا بروح اجهز حالي من الحين واشوف وشـ رآح اللبس بآكر
ساره : نجييييييييييد لآتصيرين مطفوووقه ونامي وباكر يصير خيـــــر
نجود : لآ اخاف مااصحى الا متآخره ومن العجله مااعرف وشـ اللبس واللبس اي حاجه .. لآ ابقي البس شيئ حلوو ومرتب واجهز معاه الآكسسوآرات..
ساره : حشى بتروحين زوآج مو مزرعه
نجود " يدها على خصرها " : ياسـلآاااااااااام مااتفقنا انو نكشخ....!!!
ساره : اي نكشخ بس مو كثيير وبعدين ترى حلآته الشيئ ناعم مو حلو تصيرين دفشه ولآتنسين الجو الحار..
نجود : طيب خلاص ابجهز لي برموداا قصيرة
ساره : اوكي حلوو .. وحتى انا ابلبس برموداا وخلاص جهزي اللي بتلبسين وطفي
الآنوآر عشان ننام راح يصحوننا باكر من بدري..
نجود : طيب دقايق بس .. ورآحت تجهز وتخطط وشـ رآح تسوي بآكر
.
.
.
.
.
الساعه 3 الفجـــــــر..
..............}{ في ديوآنيــــــة العــــــم مشعل }{..............

الشباب كلهم مجتمعين في الديوآنيه
مشعل جالس يشيش وحسين جالس على النت وسالم يسولف جوآل وعمار نايم

على الكنبه وفيصل على النت
وزآيد جالس يشيش
زآيد : بس انت ماشبعت مغآزل (يوجه الكلام لـ سالم )
مشعل : هههههههههههه من الساعه وحده وهو ماسك هالجوآل حشى ماخلص الرصيد
حسين (مندمج في النت ) بس ناظرهم و قال لهم : ان بعض الضن اثم ..
مشعل : خخخخخخخخخ ياشيخ الكتاب ينقرى من عنوآنه ..
زآيد : اي والله سيماهم في وجوههم خخخخخخخخخخخ
سالم (انزعج منهم وطلع برااا يسولف على رآحته)
وحسين رجع للنت باقي زايد ومشعل مقابلين بعض ويشيشون واي حاجه يعلقوون عليهااا
ودق جوآل زآيد بنغمة / سواهااااا قلبي ياحبيبي وحبك...))
مشعل : هههههه جاك الموت ياتارك الصلآه
زآيد : اووف الملعوووووووووونه وشـ تبقي هذي
مشعل : مين ...؟؟
زآيد : يعطي جواله مشعل " رد عليها رد
مشعل متفأجئ : طيب مين..؟؟؟
زآيد : رد وقول لها زايد تعبان في المستشفى مو قادر يكلمك خخخخخخ
مشعل : خخخخخخخ من صجك انت..؟؟ ( وانقطع الآتصال قبل لآيرد)
زايد : الحين بترجع تتصل قول لها اللي قلت لك عليه طيب..؟؟
مشعل : خلاص ولايهمك بس لييش..؟
زآيد : والله سالفتها طويله و مو رآضيه تنزل رصيد في حسآبي .. ان مافلست بهااا مااكون انا زآيد ..
مشعل : ههههههههههههه اووه االسالفه فيها بنوك ورصيد عطني اياها ياشيخ
زآيد: لا مااعطيك اياها الا لين افلس فيهاااا ( ودق الجوآل ) / سواهاااااااا قلبي .....
اخذه مشعل : الووو ..
وعليكم السلآم ..
لآ الله بس هو تعبآن و مو قآدر يكلمك الحين

.. طيب الله يسلمك .. باي

وسكر منهااا ...
مشعل : العنننننننننننن وشـ هالصووووووووووت عليها صوت
ياشيييييخ
زآيد : شفت كيــــــف..؟؟ ولآ بعد الجمآل ماشفت شيئ صدقني..
مشعل : هههههههههههههههههه بس كان كلمتها ليش مارديت عليهااا
زآيد : خلها عشان تعرف كيف ترد لي طلب..
مشعل : خخخخخ اثاريك منت بسهل
زآيد : اجل كيييف ؟؟ اعجبك انااا مااللعب (( وبدو يضحكوووووووووووووون عليه الشباب ))
:
:
:
:
:

اليوم الخميس .. الساعه 7 الصبآح ..
في بيت ابو عبدالرحمن..
صحى تركي من الصبآح اليوم وبنشآط .. نزل للدور السفلي ومالقى حد صآحــــي ..

رآح للمطبخ واخذ له كروسآن وكاس عصير .. وصعد فيهم لـ غرفته وجلس عند النآفذه

يآكلها هناك ويتنفس
: آآآه صج هوى الشرقيه غيـــــرررر
وهو يتآمل في حديقة بيتهم لقى اخوه عبدالرحمن توهـ طالع للحديقه .. وظل شوي يتآمل اخوه كان عبدالرحمن في الحديقه يسوي تمارين .. وقال بيروح له يسلم عليه
لآنه امس ماشافه ونزل له تحت..
طلع تركي للحديق : هلآاااااااااااااا بو خالد
التفت عبدالرحمن : هلآااااااا والله بو ترووك من متى جاي..؟؟
تركي : من البارح قبل العشى بس مالقيتك
عبدالرحمن : اي انا كنت طالع مع نايف وعزآم وتو البارح نطريك يقولون الربع لهم فتره ماشافاك..
تركي : وهذا انا هنااا بنشوف العزآيم الحين خخخخخخ
عبدالرحمن : خخخخخ افااا عليك تستآهل الطيب والله
تركي : الله يسلمك اليوم الخميس اجل رآيحين للزرآعه
عبدالرحمن : اي بنروح ليش وانت مو رآيح..؟؟
تركي : الآ بروح بالعكس وآحشتني الآسترآحـــــه ولمة الآهل جدي وجدتي من زمان عنهم..
عبدالرحمن : طيب بو تروووكــ.. وشـ رآيك نروح من الحين للزراعه ع اساس نرتب الآوضاع ونشوف الجد تلآقيه جاي من طلعة النــور..
تركي : طيب حلوو وانا جاهز ترآني
عبدالرحمن : خلآص انا ابتروش ع السريع ونروح
تركي : خلآص صـآر انتظرك..
:
:
:
:
الساعه 7 والنصف .. { في بيت ابو يآسر }..

على عكس بيت ابو عبدالرحمن .. بيت ابو ياسر الكل صآحي اليوم من بدري .. ياسر جالس يرتب الآغرآض ويحطها في السيآره .. ومآجـــد يساعده ..
ونجود في غرفتهااا تستشور شعرهاااا .. وسآره صحت آخر وحده ورآحت تتروش ..
ورهف مبسوووطه و تجهز لها ملآبس ..
:
:
تحت في غرفة الطعآم

ام ياسر : كيف الحين رآح نمر في طريقنا على اخواتك وامك والآ بيآخذهم مشعل..؟؟
ابو ياسر : والله مشعل ماعليه مُتكل مااتوقع انه بيآخذهم تلآقينه للحين نآيم في الديوآنيه ولآيدري عنهم..
ام ياسر : طيب كيف الحين ..؟؟
ابو ياسر : خلآص اتصلي فيهم خليهم يجهزون وبنآخذهم معانااا..
ام ياسر : خلآص الحين ابقوم اتصل فيهم ..
وماصآرت الساعه 8 الآ هم طآلعين من البيت ام ياسر وابوياسر والجده والعمات مع بعض
وسبقوهم متحمسيــن .. ياسر وماجد ونجود وساره ورهف..

(^_^)

.
.
.
.
.


.
.
.


أنتظروني .. أختكم / نورالكل "


رواية بقايا رحم في عالم ملعون

الوسوم
روايتي الاولى
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 33502 الأمس 11:28 AM
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2348 14-03-2019 12:29 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2006 23-11-2011 08:16 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 04:19 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1