روح قلبي.. ©؛°¨غرامي متألق ¨°؛©

انا بنت عمري تقريباً جريب 16 سنه بدأت قصتي و انا عمري 10 سنوات كانوا أهلي دوووووم يطرون لي واحد يقرب لنا من بعيد وايد بشكل مب طبيعي يوم بعد يوم قمت افكر ف هالإنسان و يوم بعد يوم. ويتعلق تفكيري فيه أكثر وأكثر و النهايه المعتاده اني حبيت هالشخص و حبيته حب مب طبيعي أبداً كنت أحاول أستدرج خواته و أعرف عنه كل صغيره مرت السنين و أنا كاتمه هالحب في قلبي 
مرت سنه...
سنتين.....
ثلاث سنين.... 
تقريباً 4 سنوات و أنا حبيت هالإنسان و انا م أعرف شكله اللهم أعرف اسمه و أخلاقه اللي ]سمعتها من غيري

شاءت الصدف اني التقي فيه و لأول مره و أنا عمري 14 سنه طاحت عيني بعين هالإنسان الغريب اللي م عرفته بحكم اني و لا مره جفته نزل عليه الخير مثل الجمر قالوا لي ي فلانه ترى هذا فلان ولد فلان م تصدقون الفرحه و الصدمه اللي انا عشتها ذيج اللحظه فرحه اني و أخيرا جفت المجهول اللي أسر قلبي و الانسان الوحيد اللي لفت انتباهي و الصدمه باختياري الغير المتوقع لهذا الإنسان كان شخص غير وسيم أبداً و كان وايد متيــن و عيونه صغيره كان عكسي تماماً و هذا ليس انقاص من قدره مشيتها و طوفتها قلت انا حبيـت بقلبي مب بعيني 

وصدق المثل الإذن تحب قبل العين و ياريته م صار

مرت سنه كامله ع الأحداث و كل يوم أطيح وياه ف موقف أخس عن اليوم اللي قبله 

بالصدفه سويت لي اكاونت بتويتر و طبعاً هالأكاونت محدن يعرفه غيري انا و ربيعتي و وز ف خاطريي اني ادور عليه بتويتر و انا م اعرف اكاونته و لا شي لمدة شهرين تقريباً و بالصدفه حصلته 

ي الله من هالصدف تكون حلوه ف لحظتها لكن نهايتها واااايد مره


اذا حابين تعرفون شو صار بكمل و اذا لا بتظل سر مدفون ‹☺› 

دموعي صارت حروفي{سيمو} ©؛°¨غرامي فعال ¨°؛©

ﻻيقلبي كملي اتحمست

zahmat7ke ©؛°¨غرامي مشارك¨°؛©

[FONT="Arial Black"][/FONT]يب يب كممممملللي تحمممست .. ههههههههه ودي اعرف وش صار

وردة الزيزفون
✿ إدارة الإقسام ✿

صباح الخير ... ياهلا فيك اختي ... قصة مشوقة لكن ماعرفنا هل لها تكملة او لا وهل هي قصة او في اجزاء كثيرة بعدها اذا كانت على اجزاء فمكانها المناسب قسم الروايات اتمنى تفيدينا بهالشي

سًيّموِوِ ©؛°¨غرامي مشارك¨°؛©

كملي بيان اتها حماس

روح قلبي.. ©؛°¨غرامي متألق ¨°؛©

المهم اني ضفته على اكاونته و الحين انا مشتطه ابي يقبل الإضافه و احاول بكافة الطرق بس م اعرف كيف رحت سويت لكل تويتاته ريتويت ريتويت فوفريت مشا. الله علي ههههه فهذي الفتره عرفت و بطريق الصدفه ان هو يحب وحده لكنها رفضت الشي بعد م علقته فيه نزل الخبر علي بشكل فضيع م تحملت الشي ابداً المهم بعد شهر و نص قبل اضافتي و رمسني ف الخاص قال انت منو قلت لها انا بنت قال تحسبتج ولد يعني بالذمه المهم قال. لي انتي منو قلت. له. وحده قال ابي اعرف اسمج شكلج وحده من الأهل قلت له لاااء انا وحده م اعرفك 

راح احط اسم وهمي اللي هو حمد
حمد: انزين انتي منو؟  
انا : م بقول
حمد: اخاف مقلب تكونين وحده من الأهل و لا من الشباب تلعبين علي
انا : لا و الله م العب نعم يعني!!!
حمد: شو تسوين؟ 
انا: م شي و انت؟ 
حمد : اسمع اغاني
انا: الاغاني تفتح الأوجاع
حمد: لا تذكريني و الله 
انا: افااأ ليش؟!
حمد: بس جي سكري الموضوع
 
ويوم بعد يوم نرمس اكثر صبح و عصر و مسا لدرجة قبل م اروح المدرسه كنا فضيعين وايد وايد وايد

في مره قال لي : انا م انحب.،
انا : منو قال؟ بالعكس انت حبوب
حمد: بس محد يحبني
انا: انا متأكده شي حد يحبك
حمد: وايد واثقه انا متأكد م في حد يحبني
انا: انا. واثقه و يوم اقول شي يعني هو صح يوم اقول في حد يحبك يعني في
حمد: ع كيفج هو؟ 
انا: هيه 
حمد: هههههه خبله و الله فديـت دبي
انا: خخخخخخ شمعنى دبي
حمد: بس جي احبها وايد شي انسان غالي علي موجودهناك
انا: احم قصدك****** موجوده هناك
حمد : انتي منو؟؟؟؟؟ و كيف عرفتي؟؟؟ محد يعرف بهالشي الا القراب انتي منو؟؟؟ 
انا : شخص مجهول يحبك 

روح قلبي.. ©؛°¨غرامي متألق ¨°؛©

حمد : عن الاستهبال انتي وحده من أهلي
انا : لا و الله مجرد معارف
حمد: انزين شو اسمج
انا : م بقووول
حمد : انزين لحظه اللي يحب م يخيب انا شو رقم سيارتي
انا <<و الله حاله : رقم سيارتك ****
حمد: لحظه لحظه يمكن جايفتنها انزين متي يوم ميلادي
انا << شكلي م بخلص :÷تاريخ ميلادك **/**/199*
حمد : مشا الله عليج نزين بس قولي اول حرف
انا : م يقول
حمد : انزين انتي ف الجامعه و لا المدرسه؟ 
انا : م بقول
حمد : لا حول و لا قوة الا بالله انزين جم عمرج
انا : م يخصك فيه
حمد: انزين يعني بعرفج من عمرج
انا : هيه عادي
حمد: انتي شو جايفتني
انا : واحد فطين ‹☺› 
حمد: شو قصدج
انا : يعني فيك خبث شوي
حمد : خيييييئيييييييييييييييييبه خبث مره وحده
انا : يعني بس طشونه 
حمد : اول وحده تقول لي جي
انا : م احب اجامل
حمد: ليش
انا : لأن المجامله نفاق بالنسبه لي
حمد : خبله و الله
انا :! و انت م عندك غير خبله
حمد: و ملسونه
انا : حرااااااااام

المهم و سولفنا الين اليوم الثاني الصبح

حمد: صباح الورد
انا : صباح الفل و الياسمين
حمد: خيبه هنديه 
انا :!!!!
حمد : الياسمين مال الهنود
انا : حيوان و الله
حمد : سبي سبي نكسب اجر من وراج 
انا : ههههههه زين
حمد : انتي ف المدرسه انا عرفت
انا : مب شرط
حمد : انا يلست ادور ف تويتاتج الين 5 الفير كنتي كاتبه ربي ارزقني بنسبه تفرحني اذا انتي ف الجامعه بتقولين معدل مب نسبه ف معناته انتي في المدرسه
انا: خيييي و الله متفيج
حمد : شغلتي محقق ههههههه و لا م تعرفين شو ادرس
انا : و الله تقهر كرهتك اعرف اعرف
حمد: الحين م عرفنا لج تحبيني و لا تكرهيني!

مرت الأيام و و حده من أهل قالت لي ي فلانه ترى حمد يرمس وحده اسمها بلاوي سنييني و الكل يدور عليها
انا : ههههههههه منو هاي
م اعرف
انا ف داخلي : و الله طلعت حقير اثق فيك و تخبر اهلك من ورايه بس مب مشكلله الأيام بينا

مرت الأيام 
حمد: مب ناويه تقولين لي اسمج
انا : و لا تفكر
حمد: انزين اللي يحب يثق
انا : جوووف انا ادري ان اللي اسويه غلط و انا اخون ثقة اهلي و انا اعرف انك مخبر علي
حمد: مب مخبر عليج
انا : عيل كيف ***** عرفت و تطرش تويتات نغزات و م اعرف شو
حمد: انزين بس بالغلط خذت البيبي و قرت
انا : ي سلام قالوا لك غبيه
حمد :! سكري الموضوع
انا : لاني قلت الحق م عيبك صح
حمد:! يماما انتي شفيج 
انا : سو لي انفولو و بلوك
حمد : ليش
انا : بس كيفي
حمد : لا و الله 
انا :! هيه هيه 
  ويلسنا ساعه نتناقع

حمد: انزين ليش
انا : بس انا مب مرتاحه
حمد: استغفر الله
انا : و اتوب اليه انزين بنسوي جي تاريخ 1/5 اوكييه
حمد: خيبه تبي الفكه
انا : لا مب جي ههههه لول
حمد: شو يعني لول؟  
انا : يعني ضحك بصوت عالي
حمد: اهااا
انا : يب

سًيّموِوِ ©؛°¨غرامي مشارك¨°؛©

كملي كملي
وااااااااو حمااااااس

m00m001999 عضو موقوف من الإداره

كمللللللللللللللللللللي

روح قلبي.. ©؛°¨غرامي متألق ¨°؛©

مـــات

مات الإنسان اللي حبيـته
مات الإنسان اللي ملک قلبي
مات الإنسان الوحيد اللي كسر كبريائي
اللي دمر شموخي
اللي يوصلني لقمة انهياري و لحظه يهديني

مات قبل ليلة العيد بيومين

انا اسفه لكن م قدرت اكمل كل ما حاولت اكتب انهار اسفه جداً

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1