غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 13-11-2013, 04:01 AM
انا رشـــا انا رشـــا غير متصل
©؛°¨غرامي جديد¨°؛©
 
الافتراضي روايتي الثانية : ياهيه ياعينها انتهى قلبي !!


الجزء الاول

ساره تبلغ من العمر 20 لديها اخوان احدهما في اخر العشرينات
اسمه احمد والاخر في الثانويه اسمه فيصل .. كان فيصل الاقرب الى ساره اما احمد فقد
كان الاحب الى قلب ساره .. عائله ساره كانت الاقرب الى المثاليه .. والدة ساره ملتزمه
جدا واخت ساره الوحيده نوره وهي اكبر منها ببضع سنوات كانت من المثقفات وتملك من العقل والرزانه الكثير ...
ساره كانت اجتماعيه ومحبوبه من الجميع كانت دوما تدخل الفرح في قلوب من حولها
كانت تحلم كثيرا بأن تصل لأعلى المستويات في العلم ...
كانت ساره محامي الدفاع دوما عن عائلتها كانت لاترضى ان يمس اهلها كلام يضرهم
كانت المحبوبه لقلب ابيها واهلها ...
بدأت قصة ساره منذٌ دخولها الجامعه ... دخلت ساره قسم الحاسب الالي وهو القسم الذي
كانت تطمح لدخوله دوما ..وبدات سنتها الاولى في الجامعه بكل جد واجتهاد ...
قبل دخول ساره الجامعه كانت تدرس 12 سنه في نفس القريه ونفس المدرسه
لم تخرج للعالم الخارجي كان قلبها مليء بالبياض والنقاء والطهاره والعفه ..
عندما ذهبت ساره الى الجامعه دخلت الى المجتمع الحقيقي والاكبر ..
ومن هنا تبدأ الحكايـــــــــــه ....

ساره: يمه يلا انا رايحه الجامعه تبين شي قبل لااروح ..
ام ساره : لا ياامي بس انتبهي لنفسك واقري اذكارك ..
ساره : ان شاء الله يمه
ام ساره : استودعتك الله الذي لاتضيع ودائعه ...
ذهبت ساره الى الجامعه وكلها طموح .. كان كل شي متغير بالنسبه لها
دخلت مبتسمه للجامعه مستعده ليومها الاول في الجامعه .. دخلت لقاعتها وجلست في طرف
القاعه وبدأت تكتب اوقات محاضراتها في دفترها ..
لم تتكلم مع اي طالبه كانت تكتب بكل نشاط واستعداد ...
مها : لو سمحتي
ساره : هلا
مها : انتي في هالقاعه
ساره : ايه
مها : طيب ممكن اعطيك رقمي ولاجت الدكتوره عطيني رنه بروح اشتري مويه
ساره : اي عادي هات رقمك
مها : مشكورة ماتقصرين بس وش اسمك
ساره : اسمي ساره
مها : انا اسمي مها
ساره : هلا بك
ذهبت مها من القاعه وبقت ساره تكمل ترتيب دفترها ..
دخلت الدكتوره وقامت ساره بإعطاء مها رنه كما طلبت ..
وعادت مها بكل سرعه هي و خلود وقامو بالجلوس بجانب ساره ..
وبدات الدكتوره بإعطائهم مقدمه للماده وبدأت بالتعارف عليهم ..
انتهت المحاضره ..
مها : مرا شكرا انك دقيتي
ساره : وش دعوى ماسويت شيد
مها : تجين معي انا وخلود تحت نروح نفطر
ساره : اوك
نزلو للفطور وبداو بالحديث والتعارف بدأت ساره بالارتياح لهم كانو طيبات القلب كقلبها
مر اليوم الاول بهدوء
رجعت ساره للمنزل وكالعاده تملىء المنزل حيوية وضحك
ساره : يمااااااااااااااااااااااااااااااااااااااااااه
ام ساره : انا هنا
ساره : فاتك وش صار اليوم تخيلي في المحاضره قالت لي الدكتوره يلا نبدأ معك
عرفينا عن نفسك وليه اخترتي هالقسم
ومن غبائي قمت من الكرسي على بالي لسى ادرس بالمدرسه والبنات يناظروني شكلي يضحك وشوي قالت لي اجلسي وفيها ضحكه والله احراااااااااج
ام ساره : هههه عادي ماصار شي بس قومي صلي الظهر وانزلي للغداء
ساره : طيب بصلي واجي لاتخلصوون الاكل
ذهبت ساره لتغيير ملابسها ونزلت الى اهلها
ابو ساره : ها كيف الجامعه
ساره : فللللللللللله وتعرفت على بنتين
ابو ساره : هذا اهم شي عندك اقول كيف الدراسه
ساره : اوف فيه كل الاشكال والانواع تبي قراوه تلاقي تبي راقيين تلاقي تبي بويات تلاقي
ابوساره : انا قلت الدراسه ماقلت اشكال البنات
ساره : طيب طيب والله مااخذنا شي بس مقدمات عن المواد وشكل الدكتورات حبوبات
ابو ساره : ذاكري اول بأول ترى الجامعه مو زي الثانوي
ساره : افا عليك انا بطلع الاولى ع الجامعه
نوره : هههههههه حلوة الاولى هيه هيه تراها جامعه مو مدرسه
ساره : انقلعي بس حتى الجامعه فيها اولى والا تشكين في قدراتي
نوره : لا مااشك بس شدي حيلك ولاتثقين بأحد في الجامعه تراهم مو زي المدرسه
ساره : لا تخافين انا عندي بعد نظر حتى اللي بالمعده اشوفه
نوره : نشوف يابعد نظر .. كلي كلي بس من يوم جيتي سببتي ازعاج وجبتي لي الصداع بصوتك
ساره : اقول احمدي ربك اني اختك ولايكثر
ابو ساره : ساره احترمي اختك
فيصل : اقععععععععععععد يالجامعيه صايره تهايطين انتي ووجهك
ساره : فصصصصصيل الحين غصبن عنك تحترمني سامع
ابوساره : اسكتو خل نتغدى تراني راجع من الدوام تعبان
ام ساره : خلاص لاتصدعون براس ابوكم كلو وانتو ساكتين
فيصل : احد عنده ساره ومايصدع
ساره : اقول خلني اكل تراي ميته جوع قال ايش قال مايصدع
نوره : والله انك صادق .. سوير كلي وانتي ساكته
ساره : طيب عمتي نوير

بعد الغداء ذهبت ساره الى غرفتها وقامت بترتيب دفاترها .. دخل فيصل الى غرفتها
فيصل : سويررررر مسويه انتي ووجهك الحين انك دافوره مثلا
ساره : اصصص بس انا اختك الجامعيه يعني تسمع كلامي
فيصل : الحين وش دخل الدفاره بإني اسمع كلامك
ساره : مدرري اهم شي اني جامعيه
فيصل : اقول سوير امس جتني فكره محترمه
ساره : وشو
فيصل : وش رايك نرجع الزيت للسوق ونقول مانبيه ونآخذ فلوسه
ساره : يووووه يافصيل انا اللحين يعطوني مكافأت يعني راحت عليك
فيصل : طبعا اكيد بتعطيني منها
ساره : افا عليك انت اول واحد ((بسخريه ))
فيصل :تطنزين انتي ووجهك طيب طيب انقلعي
ساره : لا مااتطنز خلاص بشتري لك هديه بس اطلع ابي انوووووم
فيصل : طيب ياجامعيه مالت عليك بس

نامت ساره وكلها احلام وفرحة ونشاط ...
ام ساره : ساره ساره قومي صلي العصر
ساره : يووه يمه بنوم شوي
ام ساره : لا مافيه شوي قومي صلي وارجعي بعدها نومي
ساره : طيآآآآآآآآب
استيقظت ساره وتوضت وصلت العصر ثم اتصلت بأقرب صديقاتها من ايام الابتدائي
فرح ..
ساره : فرووووحه اهلين
فرح : هلااا سوير كيفك
ساره : تمام انتي كيف الكليه معك
فرح : تمام كل البنات معي يوووه والله ليتك معي تدري اليوم صحت
قالو البنات وش فيك قلت ماتعودت ادرس بمكان بدون سوير
ساره : ياحماااااااااااره وانا فاقدتك اكثر : (
فرح : سوير تكفين تعالي عندنا ترى عندنا حاسب والا ادخلي معي احياء
ساره : يختي وش اسوي ابوي سجلني هنا ومايمديني احول
فرح : يختي صدري ضايق والله مالك داعي عموما ترى بجي اقدم عندكم احتياط للترم الثاني
ساره : امااااااااااااااااااااااااااااااااااااااااانه
فرح : والله
ساره : ياااااااااااااااااااااارب يقبلونك
فرح : ياارب
ساره : فاتك يافروح وش صار لي اليوم احراااااج (( وبدات ساره تحكي عن يومها لفرح ))

مر الاسبوع الاول والثاني والثالث والشهر وساره في قمة نشاطها
وحبها للجامعه وانتظارها لتحقق احلامها
وكل يوم تحكي لفرح عن ماحصل لها في يومها
ومع الايام بدأت كل منهما بالانشغال عن الاخرى وبدأت تقل مكالماتهما عن بعض
حتى انقطعو تماما عن بعضهما
ولكن ساره كانت قد تعرفت على مها وخلود ونوف
كانت نوف الاقرب الى قلبها كانت بمثل نشاط ساره وبدات تكبر العلاقه بينهما
حتى اصبحت نوف الصديقه المقربه الى ساره
من الناحيه الاخرى كانت هيفاء بنت خاله ساره هي الاقرب الى ساره من ناحيه القرابه
ولكن بدات ساره تنحصر حياتها بالجامعه ونوف
كانت تحكي كل شيء لنوف وكانت نوف بالمثل
كانت الجميع يحسدهما على تلك الصداقه القويه حتى ان خلود بدات تغار من تلك الصداقه
القويه المبنيه على الصدق والوفاء
اصبحت ساره تحكي لنوف عن كل مغامراتها وكانت دوما تتصل بها عندما تضيق او تفرح
وكانت نوف بالمثل \
ساره ونوف صديقتان لم يوجد مثلهما في زمننا الكاذب ابدا
الكل يحسدهما على تلك الصداقه

نوف بصوت خافت : ساره تعالي ابيك خل نصرف مها وخلود
ساره :بنااات بنروح نشوف نزلت لنا ملازم والا لا
مها : تكفووون شوفو لي محاضرة اليوم نزلت والا لا
ساره : من عيووووني وانا كم عندي مهاااوي
مها : لبى عيونك


ذهبت نوف وساره من عندهم
نوف : يختي ابي اقول لك وش صار لي امس
ساره : وش صار
نوف : امس وانا بالممشى تخيلي كان فيه واحد يمشي بجمبي شكله طيار
يوووووووووه لو تشوفينه خقققققه
ساره : اوووووووما
نوف : اوف ياسوير يجنن يجنن
ساره : ايوا وش صصار
نوف : ماصار شي بس يجنن

وبدات نوف تحكي كل يوم لساره عن ذلك الشاب الذي تراه دوما في ذلك الممشى
وفي يوم من الايام
تتصل نوف على ساره والجوال مغلق
يمر يوم ويومان ولكن نوف لم تحضر للجامعه وجوالها مغلق
بدأت ساره بالقلق على نوف ولم تستطع النوم
وفي منتصف الليل واذا بذلك الرقم الغريب يتصب بساره
لم ترد ساره
وبعد ثواني قليله تصل رساله
ساره انا نوف هذا رقمي الجديد
قامت ساره بالاتصال على نوف بسرعه
ساره : نوف
نوف : هلا ساره
ساره : نوف وش فيه صوتك وليه غايبه وش صاير
نوف : اه ياساره
ساره : نوف قولي لي وش فيك وش صاير
نوف : رحت الممشى قبل امس والاقي هذاك الطيار وانا امشي مشى بجمبي
وقال لي انتي كل يوم تمشين هنا قلت ايه وبدأ يحكي معي وانا امشي وهو يمشي
بجنبي وانا امشي بخوف احس بظل وراي
يوم الف الا ويطلع ابوي
ساره : اوووووف ليه يانوف وش صار
نوف : قام ابوي اشر لي بيده وقلبي يدق بسرعه قلت ابوي بيذبحني واقول له هذا ابوي ياويلي
ساره : ايوا
نوف : قال لي انا بكلمه وراح قبلي وحكى معه مدري وش قال وابوي يناظره وكانه بيذبحه
وارجع مع ابوي وماقال ولاكلمه
يوم رجعت البيت سحب جوالي وقال من متى تعرفينه قلت والله مااعرفه بس اليوم هو جاء كلمني قال ابوي كيف ماتعرفينه وهو يقول يبي يتزوجك
لاتكذبين يانوف وتكلمي زين
قلت له يبه والله اني مااعرفه وطلع من عندي ووجهه احمر وطلع من البيت وجاب لي هالرقم
وقال لي خل نشوف اخرتها معك
ساره |: وماصلح شي ؟؟
نوف : لا بس مايكلمني ومنعني من الممشى ومن الطلعه لوحدي ومن النت
ساره : الله يهديك يانوف كان يوم يجي يكلمك صكيتيه كف
نوف : والله مدري وش جاني والحين قلبي يقطعني عشان ابوي
ساره : الحمدلله انها وصلت لكذا وماوصلت لشي اكبر انتي روحي لابوك
وحبي راسه ورجوله واعتذري منه وقولي له اللي تبيه بسويه بس اهم شي رضاك
نوف : خايفه ياساره
ساره : لابالعكس وضحي له انك ندمانه
نوف : اروح له الحين؟؟؟
ساره : لا يالخبله روحي اذا صحى من النوم .. وبعدين ياحمارره خوفتيني عليك
وربي فقدتك : (
نوف :والله اني كنت ابي اكلمك بس وضعي كان زفت ونفسيتي
ساره : لاتضيقين صدرك وشي وصار انسيه وياويلك ماتجين بكره
نوف : لا ان شاء الله بجي
ساره : يلا روحي نومي وترى الاستاذه طالبه واجب خلاص زينته لك
نوف : ياحبي لك ياسوير الله لايحرمني
ساره : في الخدمه يالدوووبا بس يلا روحي نومي وارتاحي وانسي الي صار
نوف : ان شاء الله تصبحين على خير
ساره : وانتي من اهله يارب

اغلقت ساره السماعه وذهبت الى النوم
اشرقت شمس اليوم الثاني ...
ذهبت ساره الى الجامعه وكانت تنتظر نوف في مكانهما
مها : صباح الخير سوير
ساره : صباح العسل ... شفتي نوف ؟؟
مها : لا ماشفتها
خلود : هلا بنات
ساره : هلا خوخه شفتي نوف ؟؟
خلود : ايه شفتها تفصخ عبايتها عند البوابه
ساره : ابروح لها اجل
ذهبت ساره الى البوابه ...
خلود : يختي احس ساره ونوف وراهم شي
مها : لا وش دعوى ترى هم يرتاحون لبعض يعني عادي يمكن فاقدتها لانها غايبه
خلود : لا والله احس وراهم شي
:
:
:
رأت ساره نوف من بعيد وصرخت باعلى صوت : نووووووووووووووووف
واحتضنتها
نوف : هلا سوير وحششششتيني
ساره : يوووه وش في وجهك حطي ماسكارا خلي يروح التعب من عيونك
نوف : تلوميني
ساره : وش قلنا خلاص انسي ... اجلسي خل احط لك شي الحين تشوفك خلود
تبدأ تخترع حكايات وقصص
نوف : ياكرهي لذا الانسانه
ساره : هههههههه اجلسي بس خل احط لك شي بوجهك
نوف : يختي مالي نفس احضر
ساره : عادي نسحب ع المحاضره باقي على الحرمان ساعتين
نوف : اوك خل نروح نسلم ع البنات
ساره : ابتسمي :)
نوف : بحاول : (
ساره : شوفي بالله نظرات خلود
نوف : وععع ياكرهي لها بس تدخل خشمها بكل شي
ساره : اص لا تسمعك هههه
مها : هلاااااااا نوف ليه غايبه سلامتك ؟؟
نوف : هلا بك بطني كان يعورني
مها : وحشتينا
خلود : هلا نوف سلامتك
ساره : والله يانوف الجامعه خايسه بدونك
خلود : واحنا وين رحنا
ساره : موجودين بس نوف غير
مها : ساره عيني عينك تقولينها هههه
ساره : لا وبنسحب ع المحاضره بعد
خلود : بسحب معكم
نوف بصوت خفيف : وش تبي ذي لزقه
ساره : بس انت بينزل لك حرمان
خلود : يووووه صح غبت مرتين
نوف بصوت خفيف : اشوا
ساره : يلا روحو محاضرتكم
مها : اي والله الحين لاتطردنا تقول متأخرين .. يلا خلود
خلود : خل نتأخر شوي
ساره بصوت خفيف لنوف : ماتبي يفوتها شي
مها : لا يختي اخاف تطردنا امشي
نوف : اي تراها طردت وحده الاسبوع اللي راح
ساره : يلا بتلاقونا هنا اذا طلعتو
مها : حلو

ذهبت مها وخلود الى المحاضره ..
ساره : اووووف مابغت تروح خلود
نوف : يختي اكرهها ترفع الضغط
ساره : استغفر الله تخيلي قبل امس اسألها في اختبار قالت لا يوم يجي امس
دخلت المحاضره والاقي البنات يذاكرون قلت وش فيه قالو فيه اختبار
انا انصدمت وشوي تقول لي مها انا قلت لخلود تقول لك ان فيه اختبار
انا انصدت ورحت قلت لخلود ليه ماقلتي لي انه فيه اختبار قالت ماكنت ادري
قال لها مها الا قلت لك قالت يمكن نسيت
نوف : وش تبي ذي .. يختي مدري ليه ماتحب لنا الخير
ساره : انا بالذات مدري وش فيها علي
نوف : تصدقين مره قلت لها فيه واجب قالت لا ويوم احضر المحاضره لقيتها تسلم الواجب
ساره : ايه هي فيها حركات نذاله استغفر الله قلبها وصخ
نوف : سبحان الله ماحبيتها ومسويه قدام البنات انا البريئه
ساره : هههههههههههه وين البراءه بس .. اقول خلينا منها وقولي لي وش صار بالضبط
ترى وربي ضاق صدري عليك
نوف : زي ماقلت لك وتخيلي اليوم يوم جيت بروح الجامعه سلمت على ابوي
ومارد علي السلام
ساره : اكيد مصدوم خليه الين يهدأ
نوف : بس انا صدري ضايق مره
ساره : الله يهديك انتي كان ماتكلمتي مع هذاك
نوف : والله اول مره اسويها بحياتي
ساره : يلا معليش تعلمي من غلطك
نوف : تصدقين ماقدرت انام بس افكر في الموقف
ساره : تدرين لو انه ابوي كان دعسني بالسياره .. احمدي ربك بس
نوف : الحمدلله بس
وهم يتحدثون اقبلت اليهم مها وخلود
مها : غااااااااااايبه ابشركم
ساره : ياي وناسه على حظنا
خلود : اي والله مالي خلقها
نوف : كويس عندنا الحين ساعتين اوف\
مها : ساره تجين معي نشتري فطور
ساره : ايه .. تعالي نوف
نوف : مالي حيل والله اجلسي معي وخلي خلود تروح معاها
خلود : انا مها بجي معك
ساره : خلاص انا بجلس مع نوف
ذهبت مها وخلود لشراء الفطور
خلود : شفتي وجه نوف
مها : ياقلبي عليها شكلها بالمره تعبانه
خلود : قصدك صايحه
مها : لا واضح انه تعب


"
"

نوف : وش يبون هذولا ماغابت ذي الا اليوم ؟؟
ساره : هههه ماعليك بنصرف انفسنا بعد شوي مع اني احب مهاوي بس خلود اعوذ بالله
ماارتاح لها
نوف : اي مهاوي طيوبه ياحليها

اتت مها وخلود بالفطور وهم يفطرون
خلود : فاتكم انا وبنات خالتي امس نستهبل على 902 وقلنا عندكم رقم خطابه
ساره : يما وماتخافون يجيبون الرقم بإسم مين
خلود : لا بدون اسم وهالرقم جايبينه بس نستهبل ع الناس فيه
مها : حرام عليكم يامزعجين
ساره : من جد
خلود : والله ضحكنا ضحك موصاحي
نوف : اي مره سويناها انا وبنات خالتي ورد علينا شايب وافلمنا عليه
ساره : ههه حرام عليكم عاد شايب
خلود : وش رايكم بما اننا فاضين نستهبل
ساره : متاكدين مايرجعون يدقون
نوف : الا بعضهم يرجعون يدقون
خلود : لا مايرجعون
مها : طيب خل ندور على قاعه فاضيه
خلود : القاعه اللي في مبنى 36 في القبو دايم فاضيه
نوف : بنات انا مالي نفس
ساره : خل نضحك شوي ودي اجرب
خلود : اي قدامنا ساعتين وش نسوي
نوف : طيب يلا نروح

:::
نوف وغزت ساره بهدوء وبصوت خفيف : يالسبيكه انتي اي شي تقوله خلود تقولين تم
ساره بصوت خفيف : استهبال يعني وش بيصير
نوف : اي شي يجي من ورا هالبنت مااحبه
ساره : ان شاء الله مو صاير شي
:

ذهبو الى تلك القاعه ....
خلود : يوووو جوالي مفصول
نوف : انا جوالي في الوقت الحالي مقدر استهبل منه
ساره : عادي خذو جوالي
خلود : طيب يلا اخترعو رقم
مها : كل وحده تخترع رقمين
خلود : طيب يلا انا ببدأ
وبدأو بالاتصال من رقم الى رقم تارة يرد اجنبي وتاره لايرد احد
انقضى وقتهم بالضحك والاستهبال
ساره : احلى شي ان جوالي بدون اسم
نوف : ياليت جوالي مثلك
ساره ( تضحك ) : منتي صاحيه
مها : بنات ترى المحاضره بدت
نوف : اي والله يلا بس نلحق
خلود : ساره اللي ماردو ترى يمكن يرجعون يدقون لا دقو خليني ارد
ساره : زين
ذهبو لحضور المحاضره وبدأت المشرفه بتحضير الطالباات كانت المحاضره لأستاذ
ساره : نوف وراك ضايقه
نوف : ماني قادره شلون بتغدى اليوم مع ابوي
ساره : يابنت الحلال هونيها وتهون
المشرفه : نوف وساره بدون كلام
ساره ( بسخريه وصوت هاديء ) : طيب عمتي
نوف بإبتسامه حزن : ساره مدري شلون لو انتي مو صديقتي
ساره : افاا عليك الصديق وقت الضيق ولو كبرت المشكله حطيها علي عادي
نوف : ياحبي لك
الاستاذ: نوف ....!!
نوف : يووووه نسيت التحضير علي اليوم اشرح وماسويت شي
ساره : انتي اسكتي انا بتكلم
نوف : كيف
ساره : الو .. استاذ معك نوف
الاستاذ : حضرتي الدرس ؟؟
ساره : اي نعم
الاستاذ : ابدأي
وقامت ساره بشرح الدرس وتنظر الى نوف بإبتسامه حنونه ونوف تبادلها تلك الابتسامات
والطالبات متعجبون من فعلة ساره
الاستاذ : نوف شرحك ممتاز والقائك بليغ ورائع
ساره : اخذت الدرجه يااستاذ
الاستاذ : ابشري بالخير
"
"
نوف : احبــــــــــــــــــــــــــك ياسوير
ساره : وانا احبك وانا بالخدمه يالدبا وانا كم عندي نوف
نوف : شوفي خلود كيف ودها تذبحك
ساره : اي هي مقهوره ان علاقتنا ببعض كذا قويه
نوف : الله يكفينا شرها بس
ساره : امين يارب
المشرفه : ساره ونوف ترى بحط لكم غياب
نوف : جالسه اسألها عن المحاضره
ساره : اي كله عن المحاضره
المشرفه : اسألو بعد مايخلص الاستاذ
ساره ( بصوت خافت ) : طيب طال عمرك : )
نوف : خلينا نكمل على الورق سواليفنا
كانت ساره ونوف قريبتان لبعض وخلود تغار من تلك الصداقه القويه فيما بينهم
دوما ما يداوون جروح بعضهم ويتشاركون الحزن والفرح
انتهى الدوام الرسمي وخرجت ساره ونوف من بوابة الجامعه وذهبو بإتجاه السيارات
نوف : الله يستر بس اليوم
ساره : لاتضيقين صدرك بس زي ماقلت لك روحي لأبوك واعتذري
وترى هو ماعطاك رقم الا لأنه يبي يبني ثقته من جديد بس يحتاج وقت
نوف : من بؤك لباب السماء .. شوفي هذا السواق
ساره ( وهي تفتح باب السياره لنوف ) : يلا من قدك فتحت لك الباب وجالسه ادلعك
نوف : هههههههه ياحبي لك ياسوير
ساره : يلا باي ونكمل على الجوال
نوف : اوكي
ذهبت نوف وكانت حزينه جدا وبها من الندم الكثير لما حصل مع ابيها في الممشى
بينما كانت ساره تنتظر سيارتها واذا بذلك الرقم يتصل
ساره : الو
المتصل : انتي متصله علي
ساره : معليش يمكن غلطانه
واغلقت الخط وهي تفكر بهذا الرقم هل هو من الذين قامو بالاتصال عليهم
اتى السائق .... وركبت سيارتها وهي في طريقها اتصلت نوف
نوف : هلا حبي
ساره : هلا والله .. بنت دق علي رقم ياخوفي يزعجوني
نوف : والله ماكان ودي تدقين من رقمك
ساره : الله يستر بس لايرجعون يدقون مره ثانيه .. المهم لاكلمتي ابوك واعتذرتي عطيني خبر
نوف : تتوقعين يسامحني؟؟
ساره : ان شاء الله ترى الابو يسامح
نوف : يلا ياحلوة وصلت البيت دعواتك
ساره : وضحي له الندم وانك رح ترجعين الثقه
نوف : ان شاء الله
ساره : يلا انتبهي لنفسك باي
نوف : باي

بينما ساره في طريقها الى المنزل وهي في احد القرى البعيده عن منطقة الرياض
وصلت نوف الى المنزل
دخلت نوف مكسورة وحزينه الى المنزل .. وذهبت بسرعه الى غرفتها
احتضنت وسادتها وقامت بالبكاء كان بداخلها الكثير
قامت بالبكاء ثم اتصلت مره اخرى على ساره
نوف ( تبكي ) : ساره
ساره ( بخوف ) : نوف وش فيك ليه تصيحين
نوف : مكتومه ياساره
ساره : قومي صلي ركعتين وان شاء الله نفسيتك ترتاح
نوف : اااااه ياساره
ساره : سلامه قلبك من الاااه لاتضيقين صدرك تكفين : (
نوف : ماني قادره احس بضيقه
ساره : من الشيطان .. يلا قومي توضي
نوف : تتوقعين ابوي ينسى اللي صار
ساره : نوف حبيبتي الاب مهما كان تراه حنون على بنته ومن حقه يزعل وكلها كم يوم ويرجع الوضع طبيعي بس انتي هدي نفسيتك وابني الثقه من جديد ووضحي له انك ندمانه
هيفاء اخت نوف : نوف يلا الغداء
نوف : يلا ياحلوة بنزل الغداء مع ان مالي وجه
ساره : معليش انزلي يلا وكلي زين
نوف : طيب يلا باي
هيفاء : نوف وش فيك
نوف : مافيني شي
هيفاء : انتي من يومين وانتي مو على بعضك
نوف : مافيني شي وخلي تركيزك على الثانويه العامه اصرف لك
هيفاء : اعتبريني ساره وقولي لي وش فيك وليه غيرتي رقمك وليه انتي وابوي كأن فيه بينكم شي
نوف : ترى والله مالي خلقك خليني اروح اتغدى
هيفاء : الشرهه علي مو عليك
نزلت نوف الى صاله الطعام بخطوات متهالكه وبخوف وحزن كبير
لم تضع عينيها بعين ابيها
ام نوف : نوف وش فيك ماتاكلين .؟؟
نوف : اكلت في الجامعه
ام نوف : فيك شي ؟؟
نوف : مافيني شي الحمدلله بروح انوم
وقامت مسرعه الى غرفتها واغلقت الباب على نفسها وكانت تكتم العبرات حتى انفجرت بالبكاء ....
بينما كانت نوف في حاله البكاء وساره في طريقها للمنزل .. بدأت الارقام تتصل عليها
ساره : يووووه وش اسوي الحين بذا الازعاج : (
وصلت رساله الى ساره من الرقم الذي اتصل عليها قبل ان يأتيها السائق..
( ممـكن اكلـمك ؟؟)
ارسلت ساره : ( لا مو ممكن )
ارسل : ( طيب ليه )
ساره : ( لأأنك مو محرمي )
ارسل : ( طيب ليه معصبه ؟؟)
ساره : (اقول ماني فاضيه لك ولاعاد ترسل لو سمحت )
ارسل : ( طيب )

وصلت ساره الى منزلها وكعادة دخولها يبدا الازعاج في المنزل ...
ساره : الووووووووووووو فيه احد بالبيت
ام ساره : قولي السلام عليكم
ساره : وعليكم السلام : )
ام ساره : انا نفسي اعرف متى بتعقلين ؟؟
ساره : لا طلع ضرس العقل
ام ساره : مااظن يطلع لك
فيصل : سوووووووير تعالي بسرعه غرفتي
ساره : طيب ابغير ملابسي واصلي واجيك
فيصل : بسررررررررررررعه
غيرت ساره ملابسها وصلت الظهر وذهبت لغرفة اخيها فيصل
ساره : وش عندك فصييييل
فيصل : جتني فكره محترمه
ساره : لايكون نرجع الصلصه للبقاله
فيصل : لاياغبيه وش رايك لا راحت امي دوامها اروح اخذ الجوالات القديمه وابيعها
ساره: تدري انك يهودي تحب الفلوس اكثر من نفسك
فيصل : لا ياغبيه يامتخلفه وبشتري فيها جهاز جديد بس قولي انك انتي اللي اهديتني اياه
ساره : باللهي ؟؟ وكم لي
فيصل : بجيب لك ايس كريم تويكس
ساره : خييييييير شايفني بزر
فيصل : لا لاني ادري انك تحبينه
ساره : لا ياحمار انا بشتري لك من مكافأتي الجايه وخل عنك بيع الجوالات
فيصل : احلفي
ساره : والله
فيصل : اييييييييييييييييييه هذي الاخت والا بلاش
ساره : طيب يلا وخر بروح انوم لي ساعه
فيصل : قصدك بروح اكلم نوف
ساره : وانت وش دخلك
فيصل : انتي لو رحتي الحمام اتوقع لازم تقولين لها
ساره : اي عادي عندك مانع ؟؟؟
فيصل : اي عندي مانع
ساره : اقول وخر بس
فيصل : اهم شي الجوال لاتنسين تشترينه لاجت مكافأتك
ساره : خلاااااااااااااااص ترى ازعجتني
:
:
ذهبت ساره الى غرفتها واتصلت على نوف
ساره : نوف اهلين
نوف : هلا سوير
ساره : هاه وش صار ؟؟
نوف : ماقدرت ياساره قلبي يتقطع
ساره : صدقيني رح يسامحك بس مو بسهوله ترى انتي بنته وضناه
نوف : يارب ياساره
ساره : نوف ارسل لي هذاك الشي من اللي يزعجون مسج
نوف : وش عنده
ساره : يحتك
نوف : طنشيه
ساره : هذا اللي بيصير .. يلا انتي ورحي نومي شوي عشان تصحين تذاكرين الاختبار
نوف : يووووه فيه اختبار والله مالي خلق
ساره : اببدا معك صفحه بصفحه
نوف : ياحبي لك ياساره
ساره : ياحبي لك انتي .. يلا لاتضيعين وقت وحطي جوالك عام عشان اصحيك
نوف : اوكي

:
:
اغلقت ساره من نوف .. كانت نوف تشعر بالحزن ولكن وجود ساره بجانبها
ساعدها على تخطي الحزن
ذهبت نوف الى النوم ... وكعادتها ساره تملأ قلوب الناس فرحا من حولها
مرت الايام والشهور ونوف تخطت تلك الايام وذلك الحزن وبدات تستعيد ثقة والدها
وساره تقف بجانبها في كل شي وفي المقابل نوف كانت يد وعون لساره
انتهت السنه الاولى من الجامعه
كانت ساره تحلم دوما ان تحقق احلامها بجانب نوف التي كانت تساندها في كل شي
كانت دوما تحلم ان تصبح صحفيه واقترحت عليها نوف ان تبدأ حلمها بفتح مدونه
على الانترنت تنشر فيها ماتكتبه
اتت الاجازة الصيفيه وسافرت ساره الى اقاربها في مدينه تبعد عن الرياض
كانت ساره في قمة فرحها لذهابها الى اقاربها وكانت في اشتياق كبير لجدها
مع العلم انها الاقرب لقلب جدها كانت تحبه وتحكي له عن كل شي
حتى انه كان العنوان الرئيسي لكل خواطرها
لم يكن سفرها سببا لانشغالها عن نوف فقد كانت اتصالاتها بنوف على مدار الساعه
تخبرها عن كل جديد ونوف تخبرها كذلك
سافرت ساره وكلها شوق لأقاربها ولجدها خصيصا
وصلت ساره الى المطار
ساره : نوف ابشرك وصلت والله الجو شششششي
نوف : الحمدلله ع سلامتكم .. احنا جونا خياس
ساره : اسمعي المطر
نوف : لاتقهريني .. تبين اسمعك الغبار
ساره : هههههه لا تخافين بحط لك من الجو في كيس وارسله لك
نوف : تسوينها ههههه
ساره : يلا بسكر هذا ولد عمي جاي يستقبلنا
نوف : لايكون اللي خاطبك
ساره : ايه لا ومتكشخ يعني وافقي
نوف : ههههه مجنونه
ساره : الاقارب عقارب
نوف : بس ذا يحبك من طفولته
ساره : والله لو قبل ما اولد وهو يحبني مستحيل اوافق
نوف : خذي واحد يحبك
ساره : ابي واحد احبه ويحبني يعني حب متبادل
نوف : بأحلامك
ساره : اجل بعيش على الاحلام .. يلا يلا جاء بسكر
نوف : بشتاق لك يادبا
ساره: وانا اكثر وربي

.
.


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 13-11-2013, 03:46 PM
صورة مشاعري تتحدث بصمت‏ الرمزية
مشاعري تتحدث بصمت‏ مشاعري تتحدث بصمت‏ غير متصل
©؛°¨غرامي مشارك¨°؛©
 
الافتراضي رد: ياهيه ياعينها انتهى قلبي !!!


الرواية من تأليفك او منقولة ياريت توضحيين

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 13-11-2013, 07:37 PM
انا رشـــا انا رشـــا غير متصل
©؛°¨غرامي جديد¨°؛©
 
الافتراضي رد: ياهيه ياعينها انتهى قلبي !!!


من كتاباتي

روايتي الثانية : ياهيه ياعينها انتهى قلبي !!

الوسوم
انتهى , ياعينها , داهيه , قلبي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6838 08-08-2019 05:51 AM
روايتي الثانية : جرحني و ذلني لأني فتنته /كامله ما عرفوك صح يا توأمي روايات كامله - يتم نقل الرواية هنا بعد اكتمالها 190 01-10-2016 04:59 PM
روايتي الثانية : صدمة شعوري بالبشر ماهي غريبة بس الغريبه ليش أنا ماتعلمت Cry,LIES أرشيف الروايات المغلقة - لعدم إكتمالها 83 03-01-2013 01:19 AM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2127 08-11-2010 01:09 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 08:37 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1