غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-11-2013, 10:19 AM
صورة LanaDelRey الرمزية
LanaDelRey LanaDelRey غير متصل
©؛°¨غرامي جديد¨°؛©
 
الافتراضي يا الله شكثر حظي ردي / بقلمي


بسم الله الرحمن الرحيم

السلام عليكم يا أعضاء منتديات غرام ، شحالكم عساكم بخير ؟

انا كنت متردده وايد أني أنزل ها الرواية لأني مب من النوع الي يكتب روايات و يمكن ما عرف اسرد احداث الروايه صح ،، بما انها اول روايه لي أكيد بتحصلون أغلاط و انا من النوع الي احب اختصر ففالدايه بتكون كل الأحداث شبه مختصره و الأجزاء الثانيه بيكون فيها كل شي بالتفصيل ..

بدايتا اتمنى من روايتي ان تنال اعجابكم و أتقبل النقد برحبة صدر ✨��

الجزء الاول





حطيت الفطور على الطاولة و كنت مجهزتنها لمحته طالع من غرفته و هو لابس كندورته و متعصم

انا ابتسم: حمد زهبت لك الفطور

حمد ما رد لي الابتسامه : مالي نفس افطر..

انا: انزين بس أكل لقمه و عقب سير ولا أقولك شل التوست معاك و انت طالع

حمد و هو متضيق: لا اله الا الله قلت لج ما ابي فطور ما ابي اكل ..

عقبها طلع و سكر الباب بقوه "

انا تنهد و اتذكرت كيف صار حالي جي ...

ابوي : الريم حبيبتي سمعيني زين ولا تقاطعيني لين ما اخلص الرمسه ..

انا : ان شاء الله ..

ابوي: انتي تعرفين علاقتي مع ابو حمد و كيف انا وياه طول الوقت مع بعض و انا اعرف انه ما في احد خير مثل ابو حمد "عقب تنهد وتم ساكت فتره" هو اليوم كلمني و قال انه خاطره يخطب ولده حمد لج

انا: ابويه بس...

ابوي : انا قلتلج لا تقاطعيني لين ما اخلص كلامي

انا تميت ساكته و بس اطالعه ...

ابوي: انتي تربيتي بروحج ما عندج ام ولا اخوان و فوق هذا كله انا ما اقدر ايلس طول الوقت عندج انا يا دوب اجوفج مرتين في الأسبوع تعرفين انه شغلي في ابوظبي و انتي يالسه هني في العين بروحج حسبالج انا مرتاح جيه ؟ " بدت عينه تبرق " انا ما اباج تعيشين ها الحياه أبدا نحن عايشيين حياه الله اعلم فيها معاشنا ما يأكل طير و انتي بنت ما تقدرين تيلسين في البيت بروحج حمد ولد و النعم فيه ما ينعاب و صدقيني حياتج بتتغير بتعيشين في عز و بتحصلين لج وحده بتعوضج عن اختج و ام بتملي عليج حياتج و زوج يصونج "سكت شوي " فكري في الموضوع وردي لي خبر باجر..

قام و طلع و انا تميت ساكته ماعرف أوافق ولا لاء اتنهد و قررت اصلي صلاة استخاره

صليت و خلصت ،. بكذب عليكم اذا قلت أني ارتحت عقب ما صليت بس شسوي ابا اشوف ابوي يفرح فيني و ما اشوف نظرات الهم الي ما تفارق عيونه ..

عقبها عطيته موافقتي و حدد ابو حمد الملكه

في يوم الملكه عقب ما دخل حمد و ابوه و أمه الي كانت تطالعني بنظرات مش مفهومه أبدا او هي مفهومه بس انا من شدة التوتر ما انتبهت عقب مالبسني حمد العقد و الخاتم و خلص كل شي على طول طلع حتى والله ما شافني يادوب لمحني على السريع ,, و طلع ورآه ابوه عقب ما باركلي تمت أمه تطالعني بنظرات لوم جني ماكله حلال أبوها و بعدين ظهرت

انا تميت في حالة ذهول كل شي صار بسسسسرعه تذكرت كيف كان حمد بارد و منقرف مني بس قلت حق عمري ما عليه يمكن انا يالسه اوسوس لان كل شي صار في لمحة بصر ،، حطيت لحمد الف عذر و عذر بس عشان اقنع عمري انه الريال كان طبيعي و كان متقبلني ...

اخته شموس هي الي شلتني معاها السوق و تشرت لي من كل شي حق العرس و ساعدتني في في وايد أشياء حتى هي الي اختارت لي فستان العرس .. ما شاء الله عليها اول ما شافتني تخبلت عليه و حلفت انه محد يساعدني غيرها و حسيت أني وااااايد كنت مثجله عليها ....

في يوم العرس .....

كنت يالسه في الغرف و تميت أطالع نفسي في المرايه كان شكلي جميييييييل شموس كانت مختاره الفستان صح ,, شكل الفستان فخخم و سمبل وااااايد و ميك ابي كان سمبل يعني الايشادو لونه تدرجات ذهبببي مع خط اي لاينر فوق العين و لون الروج كان احمر غاامج شعري طوييييل كنت مفكره أني اخليه مفتوح بدون ما أحط شي لكن شموس حلفت انهم يسوون لي تسريحه طبعا التسريحه كانت انهم يشلون خصلات من قدام و يلفونها على ورآ و بعدين يثبتونها و خلو باقي الشعر سايح ...

تمنيت في ها اللحظه ان أمي تكون موجوده و أختي و بنات عمي بس للأسف انا انولدت وحيده عايشه مع ابوي بس حياتي الي كنت اعيشها كانت حياه روتونيه كل شي ينعاد اروح الجامعه و يا ليت للدراسه لا اروح و اشتغل شغلتي المعتاده "مشرفه في السكن" و ارجع للبيت أكون يالسه بروحي .. حتى طلعه مثل العالم و الناس ما اقدر اطلع بس حاكره عمري في البيت و ها الشي غصب علي لان ابوي مب عندي و ما اقدر اطلع و اذا طلعت بروح بيت خوالي اسلم عليهم و ارجع بسسس. يااا الله كيف كانت حياتي تعييسه انا اصلن مستغربه من عمري كيف ما صابتني كآبه ،،،

انقطع حبل افكاري على دخلت خالوه شيخه ..

خالوه: الله الله شو ها الزين شو ها الجمال يااااحظك حمد ...

انا ابتسم: مشكوره خالوه

خالوه: متوترة صح؟

شو ها السؤال يعني اكييييد متوتررره موووووت اصلن اشك انه كل الي في العين يسمع دقات قلبي ..

انا:هيه وايد

خالوه: عادي حبيبتي لا تتوترين كلنا مرينا في ها التجربة ..

و يلست تنصحني و تخبرني عن الحياه الزوجيه كيف أتأقلم معاها و طبعا ها الكلام كله المفروض اسمعه من أمي آه الله يرحمج يا الغاليه

المهم عقب ما خلصت خالوه و طلعت و دخلن علي البنات و سلموا علي و باركولي و ظهروا دخلت عقبها ام حمد "مها"

ام حمد تطالعني بنظرات تخوف و بدون نفس: يله الحين بتنزلين و لو سمحتي لا تفشلينا ..

انصدددددممت من كلامها ياا الله هاي بدايتها الله يستر من الياي..

ردت دخلت خالوه شيخه عسب تساعدني في النزلة ،، دخلت القاعة و كانت كل الأضواء متسلطة علي بديت امشي شوي شوي و اسمع الي يصلي على النبي و الي تقيم شكلي والي تحسدني بس ما عطيت للأمر أهمية كل الي كنت أفكر فيه أني أوصل الكوشه والله حسيتها بعييييييده و ان الطريق طوووويل و مع ها الكعب الي لابستنه و ها الفستان الثقييل حسيت أني سويت إنجاز كبيير لين ما وصلت ،، شكل القاعه كان فخخخم و الكوشه ما اعرف اذا اقدر اوصف لكم ايها كانت جمييله الأوان كانت اسود و ابيض و بنفسجيي كل شي في القاعه كات جذاااااب انا من اول ما دخلتها حسيت بالراحة ..

اول ما يلست يا ابوي و سلم علي و باسني على يبهتي و حظظني بقوو اول مره كنت اشوف ابوي جيه حسيت ان في لحظه بتنزل دمعته و عقبها ظهر من القاعه ... اول ما ظهر ابوي الناس يو هجووووم علي الي تبارك لي والي تمدحني و و و و الحمد لله عقب ما خلصوا بدا الرقص و الحشره ،، لين ما قالوا ان المعرس بيدخل انا هنيه حسيت بشعوور غرييييب و يخووف يالله شعوررر و ربي ما ينوصف ،، كلما اقترب كلما زادت دقات قلبي بس الشي الي موترني صدق ان و هو داخل ما رفع رااسه أبدا .. وصل و سلم علي بدون ما يطالعني كيف جيه لا تسألوني المهم يلس حذالي و سلموا الناس عليه و حاله لين ما يا عمي راشد "ابو حمد" و قاله يله بتظهرون احينه يوم قال جيه تمنيت ان الارض تنشق و تبلعني ...



تعديل LanaDelRey; بتاريخ 16-11-2013 الساعة 11:03 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 16-11-2013, 10:29 AM
صورة LanaDelRey الرمزية
LanaDelRey LanaDelRey غير متصل
©؛°¨غرامي جديد¨°؛©
 
الافتراضي رد: يا الله شكثر حظي ردي (روايه اماراتيه بقلمي)


هذا اول جزء نزلته اتمنى صدق انه يعجبكم و في ها البارت كل شيء كنت كاتبتنه بالمختصر يعني في البارتات أليايه ان شاء الله بييب لكم كل شي بالتفصيل ��

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-11-2013, 10:47 AM
صورة همـــــــــــي ودنــيتي الرمزية
همـــــــــــي ودنــيتي همـــــــــــي ودنــيتي غير متصل
©؛°¨غرامي نشيط¨°؛©
 
الافتراضي رد: يا الله شكثر حظي ردي (روايه اماراتيه بقلمي)


كبري الخط شوي لان كذا تعب لازم ننسخ ونقراء برا المنتدى ف تنحرمي من التفاعل
تقبلي مروري

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 16-11-2013, 11:05 AM
صورة LanaDelRey الرمزية
LanaDelRey LanaDelRey غير متصل
©؛°¨غرامي جديد¨°؛©
 
الافتراضي رد: يا الله شكثر حظي ردي (روايه اماراتيه بقلمي)


ان شاء الله بكبره في المره أليايه حبيبتي ،، نورتي غناتي :')

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 20-01-2014, 12:09 AM
صورة همسات وردة الرمزية
همسات وردة همسات وردة غير متصل
©؛°¨غرامي فضي¨°؛©
 
الافتراضي رد: يا الله شكثر حظي ردي (روايه اماراتيه بقلمي)


السلام عليكم

تفتح الروايه بطلب من الكاتبه

بالتوفيق ان شاء الله ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 20-01-2014, 12:23 AM
صورة سكر@البوح الرمزية
سكر@البوح سكر@البوح غير متصل
©؛°¨غرامي مجتهد¨°؛©
 
الافتراضي رد: يا الله شكثر حظي ردي (روايه اماراتيه بقلمي)


سلام ي عسوله

اهنيك بصراحه بداية الروايه مره روعه وتحمس للنهايه وانا احب الروايات الاماراتيه

واصلي الكتابه ننتظر البارت الجاي بحماس

تحياتي لك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 20-01-2014, 12:33 AM
صورة وحشتني سواليفك ,# الرمزية
وحشتني سواليفك ,# وحشتني سواليفك ,# غير متصل
©؛°¨غرامي مشارك¨°؛©
 
الافتراضي رد: يا الله شكثر حظي ردي (روايه اماراتيه بقلمي)


البارت روعه ابدعتي
ليش تقولين ما اعرف اكتب الاحداث بالعكس كتاباتج حلووه جذبني اسلوبج
وبانتظار البارت الجاي

+

كمللللي :")

وبالتوفيق يارب


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 09-04-2018, 08:03 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: يا الله شكثر حظي ردي (روايه اماراتيه بقلمي)


3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

يا الله شكثر حظي ردي / بقلمي

الوسوم
(روايه , الله , اماراتيه , بقلمي) , شكثر
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
. . .| | مَلِڪة الإِحسَّاس الرَّاقِي | |. . . فايزة . سكون الضجيج - مملكة العضو 1148 17-10-2018 09:57 PM
أحببتك بجنون فكان لابد أن أدفع ثمن حبي المجنون/ بقلمي إلــــيــــنــــا قصص - قصيرة 6 01-10-2017 03:48 PM
رواية : يا معشوقي لعبت بأوتار قلبي و انت ناوي عذاب بس ما طرى لك انك بمعزوفتك أسرت كياني بالنوتات / بقلمي Roond روايات - طويلة 67 14-08-2017 09:38 PM
جنازة كلمات...\بقلمي DELETED خواطر - نثر - عذب الكلام 16 06-08-2017 07:51 PM
قصه عتاب جاء من بعد الغياب بقلمي (saldhaheri) suhaila.seed قصص - قصيرة 3 07-05-2016 02:16 AM

الساعة الآن +3: 07:14 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1