منتديات غرام روايات غرام أرشيف الروايات المغلقة - لعدم إكتمالها روايتي الاولى : اعدك ان لا اقنط من انتظارك حتى تمل الرحيل
سر أنـــوثتـــي ©؛°¨غرامي مجتهد¨°؛©

ياهلا
الحمدلله دخلتي
لا كمليها روايتك من بدايتها خياااال
بنتظارك بفاارغ الصبر


- يُمنى , ©؛°¨غرامي جديد¨°؛©

" الانتظار الثالث"
.
.
.







أحلام وأبتسام وصلو للمول واخيرا بعد ما هذرت احلام عليها بالسياره
المول كان زحمه وازعاج وهالشي ضايق ابتسام شوي لانها ماتحب الاماكن اللي تكون زحمه
قعدو احلام وأبتسام ع طاوله . . وسالفه جرت سالفه . .
احلام : ابتساموه ماتلاحظي ان السوالف نستنا ليش احنا جاييين هنا ؟
أبتسام تضرب جبهتها : اوووه . . والله نسيت كل من سوالفك يَ احلاموه .. وين الواحد ماينسى وانتي معه ؟
احلام بدفاشه : قومي بس قومي . . خلنا نخلص ورانا حفلة هند بعد اسبوعين
أبتسام : طيب طيب . . انتي أسبقيني ع ذاك المحل " وأشرت عليه" وانا بشتري شي وبجي لك ع طول
أحلام : اوكيه . . لا تتأخري لا أذبحك ,,
أبتسام راحت جنب ستار بكس بتطلب لها وكان قدامها مجموعه من الشباب . . ومن غير قصد منها صارت
تستمع لسوالفهم . .

محمد : إياد . . شوف عبدالله ماشاء الله عليه . .ماتحس ان نفسيته تغيرت ؟
إياد : إلآ والله ربي يهديه ان شاء الله
عبدالله بنبره فيها نرفزه : شباب انا ماشي . . ما أحب اختلط مع الناس وهِنا زحمه كثير
نايف : ع وين عبود جد جد تراك هالك نفسك خلاص انسى كل شي
عبدالله بنبرة غضب : انسى زوجتي ؟ ولا أنسى اختي بضبط ؟ حدد ؟
إياد يطلف الجو : خلااص يَ رجال خذ مفتاح سيارتي انتظرني شوي وجاي لك
اخذ عبدالله المفتاح من يد إياد بعصبيه . . وطلع بأسرع ماعنده برآ المول
ومن الناحيه الثانيه عيون أبتسام كانت تتبع عبدالله بأستغراب وفضول من هذا الشخص . .
تداركت نفسها وطلبت لها من بعدهم ع طول .. اخذت طلبها وراحت لأحلام حتى تتجهز لحفلة خطوبة صاحبتها هند
.
.
.
.
فَي بيت ابو صقر . . كان الدي جي صوته مرا عالي والحلويات والتجهيزات بكل مكان
كل هذا عشان صاحبات فُرات جايينن عندها . . دائماً كانت تحب المُبالغه بأبسط الاشياء . . تحب تبين لهم انها
احسن منهم كلهم وانه موقاصرها شي بس للأسف دائماً بطرق غلط وهذا اللي بيوديها بداهيه في يوم من الأيام ,
فُرات بدلع : شرايكم بنات بالبارتي ؟ بالله مايجنن ؟
رنا : إلآ والله . . ماشاء الله عليك كل شي مجهزته ماخليتي شي
فُرات بغرور : اكيد انا بنت أبو صقر مو حي الله ,
استمر بارتيهم إلى الساعه 2 الفجر وفي هالوقت نفسه كان عزام برآ البيت ينتظر اخته
تتصل عليه وتسمح له يجي البيت بعد ماطردته بحجة ان تبي البنات ياخذو راحتهم ,
.
.
.
" في بريطانيا "


رجعت رهف للشركه بعد ماقابلت العميل . . انهت شغلها في المكتب وطلعت حتى تقابل صاحبتها
" شهد" اللي تعرفت عليها اول ماجت بريطانيا . . كانت شهد عازمتها على عشا وماحبت ترفض
مع انها هلأيام مشغوله بمشروع جديد بالشركه .
سلمت رهف على شهد بحراره وشوق صار لهم مده ماشافو بعض بسبب انشغال رهف
شهد "كويتيه" : جذي يَ رهف تخلينا نوله عليج هالكثر . .
رهف بضحكه : هههههههههه . .والله يَ شهد تعرفي طبيعة عملي ولا تنسي ان هالشركه تعبت فيها تعب سنين
شهد : ادري ياقلبي ماتنلامي اتركي الشغل ع جنب وسولفي لي عنج ؟ شخبارج ؟
رهف : مثل ماتشوفي عال العال الحمدالله بَس
شهد : بَس شنو طلعي اللي بقلبج لا تسكتي انا اكثر من اخت لج
رهف بنبرة حزينه : ولا شي
شهد : عليي يَ رهف هالكلام
رهف تحاول تبتسم : والله جد ولا شي . . اقول بس طلبي لنا ترا ميته من الجوع
شهد : هههههههههههه اوكيه
.
.

" في بيت ابو صقر"
واخيراً جا اليوم اللي صقر بينور البيت بجيته
ام صقر كانت تبخر المكان وكاشخه ولابسه احلى شي عندها
فرات كانت متحمسه لجيت اخوها عشان شي واحد بس وهي الهدايا
اما أبتسام كانت الابتسامه ماتفارقها مشتاقه لأخوها بالحيييل واكثر وحدا متحمسه فيهم لجيته
كانت دائما تحس بلأمان جنب اخوها صقر هو مو بس اخو .. صار لها السند والصديق وكل شي
واخيراَ شرف صقر البيت وسط تبويسات امه وابتسامة ابتسام . وبرود عزام اللي كان يطالع فيه بكل كره
صقر : وانت يَ عزام مو ناوي تسلم ع اخوك الكبير ولا كيف ؟
عزام بنبره بادره : السموحه يا اخوي وسلم عليه بسسلام ججدا بارد وطلع من البيت
ام صقر وهي تلوي فمها : وش فيه هذا المجنون ؟ يحمد ربه ان صقر ضفه من الفقر اللي كان هو فيه
صقر : يمه وش هالكلام
ابتسام تحاول تنهي هالكلام وبأبتسامه : صقور حبيبي . عسى ماتعبت بالرحله بس ؟
صقر بأبتسامه حنونه : لا الحمدالله . . بس خليني اخذ دوش وانزل لكم
فرات : ايه لا تتأخر نبي نتعشى سوآ وصح لا تنسي هديتي
صقر قرص خدها : ايه قولي هذا اللي تبيه "وتلفت حوالي المكان" إلآ وين ابوي ؟
فرات : يقول ان عنده شغل مع عزام
صقر بأستغراب : مع عزام ؟ غريبه . .أنتي متأكده
فُرات بأستغراب اكثر من سؤاله : ايه متأكده هو قال لي
أبتسام : اقول صقور روح غرفتك ترا رتبتها لك انا ماخليت الخدمه يلمسوها ارتاح لك شوي.
صقر بأبتسامه حنونه يعوضها عن بعدها من امها وابوها : ان شاء الله يالله انا راكب فوق اشوفكم وقت الغذا
.
.
.
.
عزآم كان في حاله من الحيره يفكر ويفكر ويفكر في كلام ابوه وده يرفض ومن الناحيه الثانيه فيه شعور غريب
من الحماس لمقابلة هالشخص اللي قدر يسحب من صقر شركته اللي في بريطانيا يَ ترا من هالشخص اللي قدر ع صقر ؟
وصل للشركه وردخل ع مكتب أبوه سلم وحب راس ابوه وجلس بتوتر من اللي بيسمعه
أبو صقر : اسمع ياعزام كل شي تم باقي بس تجهز شنطتك وتروح على المطار طائرتك بتكون بعد صلاة العشا
" وبحزم" لازم لازم تجججيب لي كل معلومات عن اللي اخذ الشركه مننا فاهم يا عزام ولا لا ؟
عزام : ايه يبه تامر أمر
ابو صقر : خذ هذي بياناتك الجديده ويا ويلك لو درى صقر عن الشغل اللي بيننا
عزام : ان شاء الله يبه مابيصير خاطرك إلآ طيب
ابو صقر بأستهزاء : اجل صقر رجع من بريطانيا ؟
عزام بضيقه : ايه رجع "وسكت شوي" يالله يبه انا طالعه تامرني ع شي ؟
ابو صقر : لأ سلامتك
طلع عزام من الشركه وفي راسه الف فكره وفكره ووعجبته سالفة روحته لبريطانيا
راح البيت وجهز له كم غرض استعداداً لسفرته
.
.
.
في الاحياء الفقيره صوت المؤذن جداً عالي تجمعو رجال القريه في المسجد بعد ماسمعو صوت الاذآن
وكان بينهم شخص يطالع لبس اهل القريه بقرف ووده لو ان يطلع من هالمسجد على طول
هو كان جاي لعل وعسى يشوف عبدالله بعد ما زوجه اخته وانقطعت اخباره عنه يبي اي خيط يوصله لرهف
لازم لازم ترجع له وينتقم ع اللي سوته فيه
بعد ما أدى صلاته على طول طلع وهو مايعرف حتى وين بيت عبدالله صداقتهم كانت سطحيه

# قبل 5 سنوات #


صقر كان بشقته مابين الخمور والبنات , كان شاب وفي مراحل طيشه
ماكان يهمه إلا هلأشياء مع ذلك كان ماسك شركة ابوه في بريطانيا
دخل عليه عبدالله وبنبرة ترجي : تككفى يَ صقر تكفففى قول تم
صقر : ايش تبغى يا عبدالله ؟ *وبنبرة استحقار* اخلص عليي
عبدالله : داخل على الله ثم عليك انك تستر اختي ياصقر خذها سو فيها اللي تبي اعتبره خدامه من خدمك اللي تبي تكفى
صقر : ههههههه انا صقر تبيني اخذ بنت فقر ؟ ولا يمكن تكون مستعمله بعد هذا اللي فهمته من كلامك
عبدالله بغصه على اخته من اللي بيقوله : طالبك تكفى سوي فيها اللي انت بس تزوجها واستر عليها تكفى
صقر وكأن الموضوع دخل مخه : اهممممممممم , انت قلت اسوي فيها اللي ابي ؟
عبدالله بيأس : اللي تبي يا صقر
صقر بنبره خبيثه : خلاص تم بكرا في نفس هالمكان تجي وتجي معك اختك ونملك "وبضحكه" لا تتأخر
عبدالله بحزن وهو عارف ان صقر بباله شي ولا من سابع المستحيلات يقبل يتزوج اشخاص من الطبقه الفقيره : ان شاء الله
توجه عبدالله الى بيت امه ودخل وشاف رهف تتأوه من الالم وجنبها نورآ تداوي جروحها
عبدالله بنبره قاسيه من ورا قلبه : اسمعي انتي طيحتي راسنا بلأرض وخليتي اللي يسوى ومايسوى يتكلم عننا
من بكرا انتي ببيت رجلك فاهمه ولا لا ؟
رهف بنحيب : عبدالله تكفى انا اختك ؟ تبي ترميني هالرميه ؟ والله اعلم من بيكون زوجي هذا اللي تتكلم عنه
عبدالله بغضب : اسسسسسسسكتي يا الكل*&^% . احمدي ربك قبل يتزوجك
نورآ بصياح : تككفى عبدالله لا تخلوها تروح عننا انا وامي نبيها بيننا تكفى عبدالله تكفى
تجاهل عبدالله صياح اخته وتوجه الى غرفة امه واخذ معه سارا وبنته وطلع من البيت وهو متضايق

.
.
.
.


انتهى , عارفه قصير ان شاء الله البارتات الجايه اطول
البارت الرابع راح يكون الاحداث ككلها قبل 5 سنوات لحتى مانوصل للوقت الحاضر

سر أنـــوثتـــي ©؛°¨غرامي مجتهد¨°؛©

اهلين يمنى
يسلمو على البارت الخراااافي
وقسم حمااااس
متحمسه ايش بسوي عزام لما يروح
ياقلبي يا عبدالله يحززن
فرات حقييره ما حيتها لا هي ولا امها
وفي انتظار البارت الجاي بفارغ الصبر


- يُمنى , ©؛°¨غرامي جديد¨°؛©

,
المشاركة الأساسية كتبها سر أنـــوثتـــي اقتباس :
اهلين يمنى
يسلمو على البارت الخراااافي
وقسم حمااااس
متحمسه ايش بسوي عزام لما يروح
ياقلبي يا عبدالله يحززن
فرات حقييره ما حيتها لا هي ولا امها
وفي انتظار البارت الجاي بفارغ الصبر
وي اهلا بمتابعتي الجميله ,
الله يسلمك $: فرحني جداً ردك


شكرا على الدعم

سر أنـــوثتـــي ©؛°¨غرامي مجتهد¨°؛©

بدي باارت
متحمسسه
واذا تبين تفاعل ارسلي الروايه للاعضاء

.. saroonh .. ©؛°¨غرامي جديد¨°؛©

سجليني منن متابعينك ي الغﻻ

وردة الزيزفون
✿ إدارة الإقسام ✿

3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1