غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 05-12-2013, 05:09 PM
fydoo ~ fydoo ~ غير متصل
©؛°¨غرامي جديد¨°؛©
 
الافتراضي رد: رواية وقف قبل لا تروح علمني كيف انساك


اقتباس:
المشاركة الأساسية كتبها اسيرة الأحساس مشاهدة المشاركة
متى موعد البارت الياي
الحين ي عسل بنزلو

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 05-12-2013, 05:13 PM
fydoo ~ fydoo ~ غير متصل
©؛°¨غرامي جديد¨°؛©
 
الافتراضي رد: رواية وقف قبل لا تروح علمني كيف انساك


البارت السادس

يوم جديد على ابطال روايتي ينتظر كل منهم ماتخبأه له الايام وما يكتبه له القدر هل سينكشف المستور سنرا معا..... يوم الاربعاء نهايه الاسبوع جميع الشاشات الموجودة في قاعة المحاضرة شغاله هدوء البنات يعم المكان انتباه وتركيز مع شرح الدكتور (احمد جاد ) دكتور مصري ياويل يسمع نفس بنت والمشكله انه يعرف اسماء البنات من اصواتهم بس والله اني اشك انه يشوفنا من غير ماندري المهم" بهمس خفيف سمر سمر"

سمر: ها وش فيكي؟
اميرة: وش فيها لما؟
سمر" وتناظر بلما اللي قاعدة قدامهم ومسندة راسها بالجدار وسرحانه بعالم ثاني اخذت قلمها وتدز بظهر لما حتى تنتبه": لما يابنت وش فيكي ماتكتبين؟
لما" انتبهت انها سرحانه ": ها لا بعدين باخذ منكم المحاضرة
سمر" بخوف وشاكة ان لما عرفت عن مقابلتها لفيصل بدون ماتدري وتبي تغير من الجو وخاصة انها لاحظت ان لما متضايقة جد": لا ياعمري احنا شغالين عندك ماراح نعطيكي اكتبي بلا دلع
اميرة" بدلعها المعتاد": لا هذي لموي حبيبتي انا بعطيها صح لما انتي تحبيني ؟
لما " ومطنشتهم وحاسة بضييييييق يقطع قلبها تأشر للمراقبة ": لو سمحتي ممكن اطلع دورة المياة
المراقبة: اوكي
" طلعت واخذت جوالها معاها وصاكة فيها الدنيا من غير لاترد عليهم "
اميرة: وتقوليلي مافيها شي انا عارفة ان لما متضايقة ليكون السبب فيصل ودرت انه مايحبها
سمر: باقي فيصل مايدري انها لما واصلا فيصل واضح انه يحبها بس اكيد فيه شي ثاني ضايقها
اميرة: طيب بطلع الحقها
سمر: لا لا انا بطلع" تأشر للمراقبة": لو سمحتي ممكن دورة المياه
المراقبة : لا خلي زميلتكم ترجع بالاول بعدين انتي
سمر: اووووف مالقو الا هذي الكشة تراقب


" دخلت الحمام" الله يكرمكم" تسندت على الجدار نزلت دمعتها بسرعة " للمعلومية لما من بنات بو دمعة" احرقت خدها مسحتها بطرف كم بلوزتها وبخاطرها انا لية الحين ابكي وش هالضعف اللي انا فيه طلعت جوالها من جيب تنورتها فتحته على طول للأسماء مخزن (برقم حقيرة)اتصل والا لا اكيد هي محمد ماعمرة كلم بنت غيرها بس البنت متزوجة وليه ماتكون هي لو اسمع صوتها بس راح اعرفها علطول "
ضغطت زر اتصال طن طن طن كل رنة يرنها جوالها تدعي انه يخيب ظنها بس كيف وهي عندها الحاسة السادسة
البنت" بصوت كله نوم مو واضح ": الووووو
لما" بهدوء وبتركيز مع الصوت شكلها نايمة":..................
البنت: الوووووووو
لما" انتبهت انها مفهية وبتردد": انتي انتي البندري صح؟؟؟
البنت" بخوف وبنباهه عرفت ان المتصله لما مستحيل انسى صوتها من وهي صغيرة كانت دايم تجي لما عند جدتي وتسولف معاها": لا شكلك غلطانه يالله باي
لما " وقبل ماتقفل وبخيبة امل عرفت انها البندري ونبرة حزن": لا للاسف مو غلطانه انا عارفة انك البندري ماتوقعتك كذا للاسف طحتي من عيني خافي ربك متزوجة وباقي تكلمين محمد اسمعيني زين وربي الكعبة لو مابعدتي عن محمد لاعلم زوجك وترا مو صعبة عليا فاهمة
البندري" بخوف وتمثل العصبية": يابنت شكلك غلطانه انا مو البندري يالله انقلعي مصحيتني من النوم ومزعجتني عالفاضي طوط طوط طوط " قفلت الخط بوجهها "
لما" تناظر بشاشة الجوال ":قفلت بوجهي طيب يابنت اللذينا


" طلعت من الحمام " الله يكرمكم" بترجع للمحاضرة شافت كل البنات طالعين يعني انتهت المحاظرة سمر واميرة والنوري واقفين يحترونها عند الباب


لما" تناظرهم بتعجب": ليه طلعتو؟
اميرة: الدكتور خلص بدري وعلى فكرة تراكي غياب بالساعتين
لما : ولية انشالله انا حاضرة كل المحاضرة الا خمس دقايق
النوري: حاولنا نغطي عنك مارضت تقول لازم اشوفها وانتي تاخرتي واجد
لما: اوف ياربي الدكتور محذرني من الغياب يالله انا شكلي بحمل مواد هالسنة
سمر: لاتتفاولين على نفسك يالله مشينا ميته جوع
لما: لا لا ماراح اروح معكم عندي مشوار لازم اخلصة
سمر: وين مشوارك افطري بعدين روحي
لما" اخذت شنطتها من النوري وهي تدخل كتبها فيها مستعجلة" لا بروح الكلية الجديدة لاتنتظروني
سمر: وش عندك هناك غريبة
لما: بقابل وحدة اعرفها
سمر: اوكي على كذا بتتاخرين على المعمل (المختبر)
لما: الاستاذة تحبني وبتدخلني عادي بس خذو ادواتي والبالطو لاتنسونه من اللوكر( صندوق الطالبات) يالله باي
" تأشر للبنات بيدها وتبتسم ابتسامه صفرا"



اميرة:يالله ذي البنت ماتشاركنا همومها ابد
سمر"الله يستر يارب":يالله هذي هي من زمان كذا مشينا الكفتيريا
"وهم على وحدة من الطاولات اللي بدااخل الكفتيريا جالسين يفطرون رن جوال سمر طلعته من الشنطة ناظرت بالشاشة دقايق وعلامة الارتباك واضح بوجهها لا حظت اميرة ارتباكها وحبت تتلقف وتعرف مين"
اميرة: وش فيك ماتردين مين متصل؟
سمر" برتباك شديد ورجفة يدها وهي ماسكة بالجوال ": هااااا لاهذا خالد
اميرة" بعدم تصديق": مو انتو باقي متزاعلين !!!!
سمر"اوف غثة بأسالتها":خليني اطلع من ازعاج البنات وارد عليه

"طلعت من مكانها وقبل ماترد قفل الخط وبخاطرها" اوف الحمد لله " وقررت ترجع للبنات وقبل ماتخطي خطوة رجع الاتصال "وش يبي هذا "
سمر" بعصبيه": الووو نعم
فيصل:ينعم بحالك ليه العصبية؟
سمر: مافي شي بس مشغولة
فيصل" وهو يسوق السيارة وقف عند المدخل الرئيسي لباب الكلية العلوم وهو نفسة مو عارف لية جا هنا والا ايش يبي بالضبط ": عارف انك مو مشغوله والحين تفطرين بعد
سمر"ول عليه ساحر وش دراه":طيب وش فيك متصل
فيصل:ماادري
سمر"بستهزاء":تنكت انت
فيصل:والله ياسمر ماني عارف ليه دقيت عليك واذا قلتلك بعد اني عندكم بالكلية
سمر:ايش جايبك هنا ترا الهيئة تقش أي واحد هنا
فيصل"يتنهد ومسند راسة ":سمر انا تعباااااان ومتضايق مرة
سمر"وش فيهم لما وفيصل بنفس الوقت متضايقين اكيد فيه شي":ايش فيكم اليوم كل واحد متضايق
فيصل:مين اللي بعد متضايق؟!!!
سمر"برتباك وانتبهت للي قالته من غير قصد":ها لا وحدة من زميلاتي
فيصل"بجدية وبنبرة مليانه حيرة وتعب":سمر سألتك بالله العظيم مين اللي ارسلتك ليا بس قوليلي اسمها تراني تعبااان اللي فيني مكفيني وياليت تطلع اللي في بالي انا انتظرها من زمااااااااان تكفين طلبتك عمري ماطلبت من احد قوليلي مين؟


سمر"قلبها عورها من كلامه ومن نبرة صوته انه تعبان ودها تقول انها لما بس في شي مانعها ماتقول":اعرفها بنفسك انا تاخرت باي طوط طوط طوط "قفلت الخط وتدعي من قلبها ياااااارب يكون صادق معك يالما ويحبك جد

فيصل" حرك سيارته ورجع لبيت خاله مافيه احد فهد نايم بالمجلس دخل بهدوء وحط جواله صامت ونااااااااااااااااام"
عند لما


لما :لو سمحتي وين مدرجات قسم التاريخ
البنت"وهي تاشر بيدها على الطابق الثاني ": فوق مكتوب قسم التاريخ بتعرفينه على طول
لما:مشكورة"طلعت للطابق الثاني وكل ماطلعت درجة تفكر انا وش قاعدة اسوي ولو اعطتني الرقم وش راح استفيد بحط اخوي بمشاكل واحتمال ينذبح بعد واكون انا السبب طيب وش اسوي اخاف اسكت يتمادون والا ينكشفون قدام زوجها ويروحون وطي يااااااااااارب ايش اسوي" وقفت عند المدرج تقرا الاسماء المكتوبة وتاشر بيدها على الورقة حتى طاحت يدها على اسم وضحى سعود ال......... هذي هي موجودة هنا بنتظرها تطلع


خرج البنات من المدرج كل وحدة وشلتها ولما تناظرهم من بعيد تنتظر وضحى تطلع "أي هذي هي شفتها"
وضحى وضحى "باعلى صوتها"
وضحى"وتلتف وراها للي مناديها وبتعجب":هلا مناديتني
لما"يالله لذي الدرجة نستك الكلية صداقتنا ":ليه ماعرفتيني
وضحى"وهي تدقق بملامح لما وتحاول تتذكر":ااااه هلا لما "وتضمها بسرعة وتبعد عنهاهلا لما اخبارك وكيفك وينك ماتنشافين؟
لما"شكلها متغير وشلتها كلهم اوفر شياكة شوفي كيف يطالعوني كان فيني شي غريب": الحمد لله تمام شكلك مشغولة صح؟؟
وضحى "وتناظر بصديقاتها اللي منتظرينها وبخجل من لما":ايوالله مشغوله شوي " طلعت كرت من شنطتها واعطته للما
امسكي هذا رقمي دقي علي بأي وقت اكون منتظرتك "وتقرص خد لما" ياي والله وحشتني سوالفك يالله تشاااو"راحت هي وصديقاتها ولما تناظرها مصدومة من التغيير اللي فيها من متى ياوضحى انتي كذا صرتي بوية بسنة وحدة بس تطالع بالكرت الصغير اللي بيدها وبضحكة فيها استهزاء قطعتها نصفين ورمتهم لاقرب زباله الله يهديكي ياوضحى مشت راجعة لكليتها تاخرت كثير ربع ساعة عن المعمل


دقت باب المختبر ونفسها يتقطع من الركض
لما:ممكن ادخل؟؟
الاستاذة: تناظر بساعتها لا يالما ربع ساعة متاخرة راح عليكي شرح التجربة ادخلي وخلي زميلاتك يعلمونك كيف
لما"تهز راسها بالموافقة"دخلت وحطت شنطتها لبست البالطو وتتصفح بالملزمة تقرا التجربة
اميرة"وهي تحط الانابيب على اللهب تشتغل بالتجربة":لية تاخرتي؟
لما"تبتسم لها والله انتو اللي شوفتكم ترد الروح":اممم رحت لوحدة من زمان ماشفتها سلمت عليها وجيت الا سمر معملهم ينتهي بدري صح؟
اميرة:اية قبلنا احنا ثلاث ساعات وهي ساعة ونص ياحظها
لما:ماقالتلك يتمر علينا قبل ماتطلع
اميرة:الا قالت بتمر علينا
لما:حلو
اميرة:لية فية شي جديد بخصوص فيصل
لما:عشان كذا ابي اسالها وش سوت معاه
اميرة:يعني ماتدرين؟
لما:وانا ايش مدريني اليوم مافضيت اسالها
اميرة"تدز كتف لما وتبتسم":تدرين لموي عندي احساس ان اليوم بيصير لك شي حلو
لما"وتناظر فيها بستغراب":ماظنتي بس الله يسمع منك لاني جد طفشت
اميرة:قولي امين ياااارب تعيشين قصة حب مع فيصل احلى من قصص روميو وجولييت
لما:هههههههههههههههههههههههههههه اقول علميني التجربة وانتي ساكتة



عند خالد

فهمت اللي قلتلك عليه بالضبط ارجوك حمد لاتجيب العيد ترا هالمسأله فيها خراب بيوت وقطع علاقات تكفى اذا انت قدها والا لا ؟
حمد: طيب ليا ثلاث ايام وانا ادق عليها ماتعطيني وجه
خالد: مسوية فيها مخلصة الزفته اسمعني طيب انا قبل مااجي جدة دخلت غرفة اخوي وزوجته ولقيت هذا " طلع كيس فيه مجموعة من الصور "حمد انت اخو وعزير ولو مااني مضطر ماكان سويت اللي قاعد اسوية انا واثق فيك لاتلعب من هنا وهناك الصور هذي ابيك تفبركها تلعب فيها لعب اعرفك خبرة بذي الامور شفت هذي البنت "ويأشر على وفاء "هذي هي
حمد:واااااع وربي شينه استغفر الله لا لامن جد خلاص لازم افكك منها
خالد: ترا اليوم اخر يوم راح يكونون باستراحتنا وبكرة بيسوون الخطبة ابيك باسرع وقت اوكي
حمد" يضرب كتف خالد ويلم بالصور ":خلاص وانا اخوك تم اعتبر الموضوع انتهى
خالد: يالله اعتمد عليك انا طالع انااااااااااام من امس مو نايم بالليل العايلة بتتجمع وماراح يخلوني ارتاح



طلع خالد وترك حمد بيدينه الصور يتمقل فيهم وبخاطرة صحيح انك شينه بس مو لذي الدرجة وانا وش علي اهم شي الفلوس بالحساب اخر المهمة فتح لابتوبة وابتدا الشغل فيهم ساعتين بالكثير صارت وفاء بوضعيات مخله مع مجموعة شباب اللي يشوف الصور مستحيل يقول انها ملعوب فيها وخاصة ان وفاء بالصورة كانت مع اختها الجوهرة بوضعيات بوس وضم سهل على حمد الشغل كثير ابتسم حمد وبخاطرة"وربي اني خطييييييييييير بنشوف من يطيحك ياوفاء"




عند البنات بالمعمل

سمر :استاذة ممكن ادخل ؟
الاستاذة :ادخلي
سمر"جاية من ورا البنات بتخرعهم وتمسك خصر لما ": بووووووووووووو
لما"تقفز من مكانهابفزع": وجع يالخايسة
سمر :هههههههههههههههه لموي عندي لك خبر بمليون
لما" منزله راسها وبتفكر":وشو؟؟؟؟
اميرة"متحمسة": قولي قولي بسرعة
سمر"قالت للبنات كل اللي قاله فيصل لها بالضبط"
اميرة"بنفعال مبسووووووطة حيل وتبوس بخد لما وبصوت عالي ": يااااااااااااااااااااااااااااااااااي قلتلك ان اليوم بيصير شي
الاستاذة" تطالع فيهم بعصبية": يابنات هدوووووووووووووووء
لما" يتردد كلام سمر باذنها فيصل يقول تعبان حيل وياليت تكون البنت اللي في باله": يعني يقصد بكلامه انا انا ياسمر "وتاشر على نفسها"
سمر:اية انتي طول ماانا اكلمه كنت حاسة من البداية انه عارف بس يبي يتاكد
لما" والهدوء مبين عليها مو عارفة تفرح والا تزعل ومتضايقة انها سبب في ضيق فيصل "

وبعد فترة والبنات اللي رايح واللي جاي يكملون الشغل بالمختبر وسمر استاذنت من الاستاذة انها تقعد بحجة انها ماحضرت هالمعمل وتركتها تحضر مع البنات طبعا جلسو سمر ولما واميرة يتكلمون بموضوع فيصل
لما: سمر ابي جوالك
سمر"تمد للما الجوال":وش تبين فيه
لما: برسل لفيصل
سمر: لا لما انتظري لاتقوليله انك انتي
لما: ليش مااقوله بصراحة انا مليت
اميرة:عادي بالعكس راح يفرح انها قالتله
سمر: بس ابغاها تتاكد بالاول ماابغاها تندم بعدين
لما: انا مو خسرانه شي احس حياتي مالها طعم ابغى اغيرها 180 درجة اعيش زي ماعاشو البنات لي متى وانا خايفة من كل شي ابيكم تشجعوني مو تخوفوني
سمر: براحتك سوي اللي تشوفينه مناسب لك
اميرة: ارسلي ارسلي ماعليك منها
لما " بتردد مليان خوف يدها ترجف واصابعها مو قادرة تكتب حرف : ياربي هالرساله بتحدد مصيري
" اسفة على الازعاج تعبتك معاي صحيح ماكان ودي اجي بهالاسلوب بس غصب عني
انا لما واذا كنت منصدم اني طلعت انا لاترد على رسالتي
باي"

هذي الرساله ارسلتها لما لفيصل ضغطت زر ارسال قفلت الجوال ومسكته بيدها منتظرة الرد انتظرت ويدها على قلبها خايفة مايرد برساله وخايفة يرسل وتقرا كلام مايعجبها اوهام ووساوس براسها انتظرت وانتظرت ساعة ولاجا رد منه


سمر" تمد يدها بخيبة امل ": انا طالعة البيت تبين الجوال عندك تخلينه
لما:ها لا لا خذية ماابية خلاص امسحي رقم فيصل من جوالك ولاعاد تكلمينة بشي " قامت من مكانها واعطت البنات ظهرها ماتبي يشوفون دموعها بهالموقف الصعب وكيف فيصل ردها بسلوب بايخ وقدامهم "
سمر:امكن ماقرا الرساله امكن جواله طافي حطي له اعذار قبل ماتحكمين
اميرة" تبتسم بوجه لما تخفف الجو شوي " : وامكن قرا رسالتك ومن كثر الفرحة اغمى عليه هههههههههههههههههههه
لما" ابتسمت على كلامها " : ههههههههه ومين قالكم اني زعلانه يالله روحي روحي ابوك منتظرك الحين وانتي كملي التجربة خلينا نطلع بدري" كل هالكلام من ورا قلبها بس من داخلها ياليتني ماارسلتله الرساله ياليتني "





عند وفاء

(الغثة) يتصل بك
وفاء : يااااااربي وش يبي هذا من جد غثة خليني ارد اشوف اخرتها معاه
وفاء" بنفس خايسة": نعم خييييييييييييييير وش تبي داق مو قلتلك اخر مرة تتصل انت ماتفهم والا تستهبل ترا من جد مو فاضيتلك
حمد: له له له ليش الحلو معصب انا مابغى الا شي واحد تنفذين اللي ابية منك
وفاء: ومين انت عشان انفذلك اللي تبية اقول على تب.....
حمد" معصب حدة ": اقول يافوفو مايحتاج الالفاظ الوسخة والا تبيني انضفك من جديد
وفاء" وقلبها ناغزها من هالمكالمة وحاسة ان وراها شي من ثقة حمد وخاصة انه يعرف اسمها": انت مين وش تبي مني ؟؟؟؟؟
حمد: عفية عالشاطر ابي اشوفك بس
وفاء: نعممممممممممممممممم !!!!!!!!!!!!!
حمد: مثل ماسمعتي ابي اشوفك يعني اشوفك
وفاء: على أي اساس تشوفني انت مين وش عرفك فيني
حمد: انا اعرفك من زماااااااااااااااااااااان وجا الوقت اني اتفرغلك
وفاء: انت ماتعرفني وبلا هرج فاضي دور غيري تتسلى فيها والا وربي العظيم لعلم اهلي فاهم
حمد:هههههههههههههههههههههههههههههههههههههههه علميهم الحين يالله يالقوية
وفاء" تنرفزت من اسلوبه البارد ": اعلم مابخيلك اركبة وانا واثقة بنفسي لو تسوي اللي تسوية
حمد: ترا بتندمين
وفاء: كل ..... طوط طوط طوط طوط"قفلت الخط بوجهه "

"اوف ناس ماتفهم الا بالعين الحمرا بس وش عرفة باسمي؟؟ اكيد صدفة وانا وش علي الحين خليني اضبط اغراضي احسن بكرة خطبتي ياااااااااااااي خالد بيصير زوجي حلالي انا وبس ههههههههههه"

حمد" طيب اذا ماربيتك وعرفتك بحجمك ماكون حمد " ارسل رسالة وسائط مجموعة من الصور وفاء مع شباب


منسجمة بترتيب شنطتها تطالع بالفستان اللي بتلبسة بكرة في الخطبة" لازم اكون اكشخ وحدة واكسر خشم سمر ودي اشوف وجهها شكلها باقي مادرت عن الخطبة " نغمة الرساله ازعجت انسجامها

وفاء" اكيد الزفت راسل رساله زي وجهه خليه يولي ماباقي الا وفاء تهتم لهالاشكال " تركت جوالها من غير لاتفتح الرساله ماتبي تعكر مزاجها



عند فيصل

الساعة 12ونص الظهر يتمغط على الفراش متكسر ظهرة من نومة الارض طلع من المجلس للحوش حتى يغسل وجهه وتوظأ للصلاة وصلى بالبيت وبعد ماخلصت طلع جواله من تحت المخدة شاف رساله جديدة من رقم سمر فتحها وقرأ


"" اسفة على الازعاج تعبتك معاي صحيح ماكان ودي اجي بهالاسلوب بس غصب عني
انا لما واذا كنت منصدم اني طلعت انا لاترد على رسالتي
باي"


فيصل وبداخله انبنت مشاعر جديدة فرحة ماتنوصف اخيرا يالما تحركتي وانا من زمان انتظرك راح لتفاصيل الرساله انرسلت من الساعة 10 ونص " انا وش سويت يعني ماجات عليا الا اليوم احط جوالي عالصامت اكيد الحين زعلانه وتفكرني مااحبها اخذ جواله وطلع للشارع اتصل على سمر

فيصل: السلام عليكم
سمر" بدون نفس": وعليكم نعم داق وش تبي تقول
فيصل: اخبار لما كيفها اكيد زعلانه لاني مارديت صح ؟
سمر: اللي يسوي سواتك ماتبية يزعل
فيصل: وربي البيت كان جوالي عالصامت وتوني صاحي من النوم انتي بالكلية باقي عطيني اكلمها
سمر: انا بالبيت بس لما باقي بالكلية تراها زعلاااانه حيل ومتضايقة من حركتك البايخة
فيصل" قلبه عورة عليها ويشد على شعرة من القهر ": ايش اسوي الحين مين بيفهمها اني ماادري
سمر: اسمع يافيصل لما في ذمتك لاتلعب على مشاعرها حافظ عليها عمرك مابتلقى وحدة زيها
فيصل: اكيد بهتم فيها هذي بنت خالي بس اشلون بقعد معاها ببيت واحد وانا عارف انها تحبني مااقدر بروح بيت اختي احسن
سمر: ههههههههه الحين الحق على لما قبل ماتاخذ فكرة عنك
فيصل " بفرحه مو سايعته مستعجل": أي صح يالله باي باي ومشكورة
سمر: العفو هذي اختي
خلصت المكالمة قاعد بالمرجيحة بحديقة المقابله بيت ابو احمد يفكر ايش يسوي يدق والا يرسل بالاول ارسل رساله احسن بعدين اكلمها
كتب هالرساله وارسلها لها اول رساله تجمع بينهم كلمة احبك ياكبرها من كلمة مايقدرها ويقدسها الا اللي مجرب الحب مو أي حب حب صافي مخلص نظيف شريف رساله تحمل معاني كثيير لما توصل بداخل قلب لما






احبك كيف ما احبك وانا اللي لك بنا سوره
على جمر يدفي بارد شجـــونك شــجــــوني
حبيــبي والمشاعر فيك مختاله ومغرورة
تدلل وأنت في ساحة غـلاي اليوم وحداني
واذا ملت خطاك الدرب مسموحه ومعذورة
تناساني دخيل الحـب لوتــقــدر تناسـاني


ابيك مرتاح وتحقق كل وجدانك




داخل المعمل


باقي 10 دقائق ويخلص الوقت مستعجلة تشتغل بالتجربة بسرعة تبي تطلع
لما: خلصت استاذة
الاستاذة: كتبتي النتائج؟؟؟
لما" وتطالع باميرة والنوري متورطة تكشف كذبتها": أي خلصناها وكتبنا كل شي ها شوفي " وتمد الملزمة لها"
الاستاذة : برااااااافو عليكم انتم افضل مجموعة بها السكشن
لما: اكيد نعجبك يالله نقدر نطلع الحين؟
الاستاذة: أي خلاص


هههههههههههههههههههههههههههههههههههههه الاستاذة نصابة كيف تقول برافو واحنا محرفين بالارقام والله انها ماتعرف شي خلاص اجل كل معمل بنكتب أي خرابيط ونطلع
اميرة: ايو الله دايم احنا اخر ناس نسوي نفسنا مجتهدين عالفاضي
النوري: اتصلي على مشعل يبي هو اللي يوصلنا
اميرة: ياسلااااااام متفقين من وراي والله بقول لابوي
النوري: هذا اخوكي انا وش دخلني
لما" وهي تطلع الجوال من شنطتها حاطته عالصامت بتتصل بابوها يجي لها ":النوري متى ملكتكم؟
النوري: امممممممممممم باقي ماحددنا
اميرة: يالله لما مع السلامة " وتبوس لما بخدها": انتبهي على نفسك هذا مشعل يدق عليا والله مالي دخل بتودوني المطعم اذا تبوني محرم لكم


ابتعدو عن لما وهم يتهاوشون على مشعل واميرة من النوع اللي يغار على اخوها لانه الوحيد بعد وفاة اخوهم الكبير بسرطان الدم "الله يرحمة"


لما"تناظرهم وهي تبتسم وبخاطرها والله انك قوية يااميرة ماخذة حقك وزيادة هههههههه" فتحت الجوال

رساله جديدة من رقم عمرها ماراح تنساة اول رقم طلعه فيصل بعد وفاة ابوة وهو بالمتوسط حفظته من غير مايدري اذا دخلت الكلية وطلعت جوال خاص فيها اول رقم تحفظة بداخله رقمه هو ماتدري ان رقمها بعد فيصل حافظة عن ظهر قلب رجولها خانتها مو قادرة تكمل المشوار لبرة الكلية تسندت على اقرب كرسي يدها ترجف تقرا حرف حرف تبي تستوعب المكتوب احبك اول كلمة بالرساله واحلى رساله وصلتها لليوم بتطير من الفرحة تبي تصرخ باعلى صوتها تبي تبين للناس قد ايش انها اليوم مالكة الدنيا ومافيها ماقفلت الرساله تمشي وتقرا فيها وتعيد وتقراها من جديد نست ابوها وانها بترجع البيت قررت انها ترجع بباص الكلية اللي يمشي بعد ساعة الا ربع ماتبي ترجع البيت ماتدري لية



عند فيصل

انتظر ردها انتظر وانتظر ولا ارسلت شي وبخاطره" اكيد زعلانه الحين وانا لية انتظر ردها بتصل واللي فيها فيها "


لما" قاعدة تحت شجرتها ومنسجمة بقراءة الرساله وتتفاجأ بالرقم 050000000يتصل بك دقات قلبها سرعتها مليون مو عارفة ايش تسوي ترد والا ماترد طولت وهي تفكر حتى انتهى الاتصال ورجع الهدوء لها بس فيصل كان اعند من كذا واتصل مرة ثانية ووقتها قررت ترد لية ردت لسبب واحد بس تبي ايام زمان تعود ايام مايسولفون مع بعض ويلعبون مع بعض ماصارلهم غير 4 سنوات من تفارقو او بالاصح تغطو البنات عن الاولاد تبي تسولف معاه مثل اول تبي تكسر الحاجز اللي بينهم تبي تضحك وتمزح وبس هذا اللي قاعدة تفكر فية الحين


فيصل" بتردد": الو
لما:..........................
فيصل" حس بلما وانها مستحية ومو عارفة تقول شي": الو بتطولين على ماتردين ؟؟؟
لما"بالغصب تبي تطلع كلمة الو مو قادرة استحت تكلمة وجهها ذاب من الحيا ": الو " طبعا طلعت بس ساعة هالكلمة وبصوت خفيف
فيصل" فديت انا المستحي": اخبارك وكيف الكلية معاكي؟
لما" تنهدت وتتنفس بصعوبة حتى نفسها ينسمع لفيصل": الحمد لله تمام
فيصل: وانا مافي اخبارك او كيف الحال يالله بعديها لك لانها اول مكالمة
لما" حست على نفسها والفشيلة من اولها": ههههههه اسفة اخبارك؟؟؟
فيصل" واااااااو محلاها من ضحكة ": انا الحمد لله تمام اسف اني ماارسلتلك على طول ولارديت على رسالتك لاني كنت نايم بس اول ماقريتها على طول رديت تصدقين اني كنت شاك من اول انك انتي

لما" تحك براسها مستحية كانه يشوفها": اسفة من جد
فيصل: لية تتاسفين ماسويتي شي غلط بس لو انك قلتيلي من غير مااحد يقرب بيننا كان افضل
لما: اشلون اقولك وانا ماادري انا في بالك والا لا ؟
فيصل: يعني ماتدرين ؟؟؟
لما: كيف مافهمت؟
فيصل : مو مهم اهم شي ان هذا الشي ماياثر على دراستك ترا بطلب شهادتك هالترم واشوف معدلك نزل والا لا اذا نزل ببعد عنك
لما: لا لا اصلا ماياثر شي على دراستي انا من الاوائل
فيصل" حس انها طفلة تكلمه": هههههههههههههههههههههههه
لما: لية تضحك؟
فيصل : اسف ولا شي

اخذتهم السوالف اول مكالمه بينهم تذكرو فيها ايام زمان ايام الطفولة انكسر الحاجز بينهم تكلمو مع بعض براحة كانهم مع بعض على طول مافرقهم شي ضحكو وفيصل ماقصر احراجات على لما نص ساعة مرت بسرعة بينهم لبست عبايتها تلحق عالباص قبل مايمشي

فيصل: احسك تركضين
لما: ها ايه ابي الحق عالباص قبل مايمشي
فيصل: تبيني اجيك؟
لما" بتعجب": لا لا وش تجيني خلاص ركبت
فيصل: ههههههههههه امزح معاكي بس لية ماتتصلين على الغبي فهد
لما: احب اركب بالباص واليوم الجو حلو
فيصل: اها تحبين الباص" بعدم تصديق" عالعموم انتبهي على نفسك اوكي وانا اللي بفتحلك الباب اليوم
لما: اييييش لا لا مايحتاج
فيصل: وشو اللي مايحتاج ؟ خلاص بفتحة لك يالله باي
لما: مع السلامة

"ركبت الباص وقعدت على اول كرسي مقابل الدريشة حطت راسها تنهدت من قلب وحمدت ربها ان ربي عوضها بهاليوم شي يفرح وصلت للبيت وهي نازلة من الباص اول مرة تشوف باب بيتهم مفتوح " الحمد لله مو هو اللي فتحلي دخلت بالحوش انصدمت باللي قاعد يلعب مع اسماء اختها كورة تلاقت العيون لاول مرة نظرات ماتنفهم نظرات غريبة نظرات بدون معنى بدون ابتسامة نزلت راسها بسرعة ودخلت البيت متوجهه للغرفة غيرت ملابسها واتصلت بصديقة عمرها سمر "



اليـوم حسيت بشي عجيب حاسس بإحساس مره غريب
حسيت انه بيكون لي حبيب ايوا الله هذا احساسي الجديد
لما أشوفه مدري ايش يصير أحس بألم في صدري خطير
وأرتجف ويروح فيني التفكير شكله احساس بالحب أكيد
.. ياويلي من احساسي الجديد ..
صرت دايم أفكر فيه ياويلي وأهيم بغرامه بنهاري وليلي
يافرحتي وياحظي وياحليلي أنا من احساسي والله سعيد
طز في الطب وطز في الكليه الحب ماهو عيب ولا خطيه
بالعكس الحب دفعه معنويه حتى التركيز فالدراسه يزيد
.. يافرحتي باحساسي الجديد ..
هذا احساسي الجديد والمثير واحساسي راح يحدد المصير
انشالله يكون حب فيه خير و حياتنا تكون عيد في عيد
يامحلى العشق يا محلى الحب يا محلى الجامعه يامحلى الطب
كل شي بالدنيا صار ينحب والـطب بدون حب ما يفيد


لما: الووووووووووووووووو
سمر: فقعتي اذوني
لما : غريبة مو نايمة!!!!!
سمر: يعني ماتدرين ان اليوم بسافر جدة
لما: اية صح تذكرت الله يعينكم اذا وصلتي اتصلي فيني مو تنسين زي كل مرة
سمر: وش فيكي اشوفك مبسوطة
لما: ياااااااااااااااي سمورة فيصل فيصل
سمر: وش فية فيصل؟
لما: ارسلي رساله واتصل فيني بعد
سمر: رديتي علية ؟؟؟؟؟!!!!!
لما: اية رديت لية متفاجاه
سمر: لا يالما لاتكون بينكم مكالمات اثقلي لاياخذك الحب بعيد ترا الرجال مايحب الا البنت الثقيلة لاتندمين زيي شوفي خالد لاعب فيني لعب
لما: يابنت الحلال خليني افررح شوي وانبسط وش اخذنا من الثقل غير الهم
سمر: طيب طيب افرحي بس بحدود تكفين
لما: من عيوني ياقلبي يالله عطيتك وجة بروح اناااااااااااام باي
سمر: باي قلبو



انتهى البارت السادس
توقعاتكم ارائكم
سمر وش منتظرها بجدة وايش ردت فعلها لما بتسمع بخطبة خالد وكيف راح يكون لقائها بوفاء؟؟؟
خالد ايش اللي يفكر فيه وهل بينجح ببتعاد وفاء عن طريقة وكيف راح يوضح لسمر ؟؟
حمد ايش راح يسوي بوفاء ؟
وفاء وبعد ماتفتح رساله حمد ايش موقفها؟؟
فيصل ولما وعلاقتهم الجيدة بتستمر ويكون نهايتها حلوة والا لابد من المطبات في بداية كل علاقة؟؟؟؟
البندري بتسكت على الاتصال اللي جاها والا بتخبر محمد؟؟
محمد وش رده لما تعرف اخته عن علاقته؟؟
كل هالاشياء راح تعرفونها بالبارت القادم




مع تحياتي
مطعونة بظهرها

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 07-12-2013, 07:01 PM
صورة اسيرة الأحساس الرمزية
اسيرة الأحساس اسيرة الأحساس غير متصل
©؛°¨غرامي فعال ¨°؛©
 
الافتراضي رد: رواية وقف قبل لا تروح علمني كيف انساك


........



البارررت قمه في رررررررررروععه

كملي اتريا البارت الجديد اتمنى خالد ما يخطب وفاء وربيعه ينفذ الخطه

ومن اتنزلي البارت الياي طرشيلي رساله














............

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 08-12-2013, 06:02 PM
fydoo ~ fydoo ~ غير متصل
©؛°¨غرامي جديد¨°؛©
 
الافتراضي رد: رواية وقف قبل لا تروح علمني كيف انساك


اقتباس:
المشاركة الأساسية كتبها اسيرة الأحساس مشاهدة المشاركة
........



البارررت قمه في رررررررررروععه

كملي اتريا البارت الجديد اتمنى خالد ما يخطب وفاء وربيعه ينفذ الخطه

ومن اتنزلي البارت الياي طرشيلي رساله














............
الحين برسل رد للكل

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 08-12-2013, 06:06 PM
fydoo ~ fydoo ~ غير متصل
©؛°¨غرامي جديد¨°؛©
 
الافتراضي رد: رواية وقف قبل لا تروح علمني كيف انساك


لكل متابعيني مدري والله متى بنزل لانو الاسبوع الجاي واللي بعدو مضغوطة بالاختبارات وبعدين نهائية ووقت م اقدر بنزل دايركت دعواتكم
بس الحين بنزل لكم بارت

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 08-12-2013, 06:12 PM
fydoo ~ fydoo ~ غير متصل
©؛°¨غرامي جديد¨°؛©
 
الافتراضي رد: رواية وقف قبل لا تروح علمني كيف انساك


البارت السابع

ياحيواااااااااااااااااااااااااااااااان ياحقيييييييييييييير مين انت وايش تبي فيني من وينلك هل الصور من وين جايبهم ماتخاف ربك تلعب على بنات الناس انا ايش سويتلك ها تكلم ياحمااااااااااار


حمد"من بين اسنانه متحمل الكلام اللي جاله منها": خلصتي كلامك !!!

وفاء" تبكي من قهر صوتها يقطع القلب من بين شهقاتها": ليه ليه انا ايش سويتلك؟؟؟

حمد"بقلب من حديد وجفاء وصرامة بكلامه مايبي يحن عليها": اسمعي يابنت الناس انا عارف انك مسافرة اليوم جدة وكمان انا مسافر هناك علشانك ياعمري بسافر من الرياض لجدة بس لاني باشوفك صدقيني ماراح اسوي فيكي شي بس عندي امانه لازم اوصلها لك وبس

وفاء" ماسكة بيدها على بلوزتها من الصدر وعافستها خايفة لاتتاذى حتى وهي بعيدة عنه": لا تكفى اطلب مني أي شي فلوس ذهب اللي تبية بس اشوفك لا لا مستحيل انا خطبتي بكرة مااقدر خاف ربك فيني


حمد"بعصبية وتهديد" : اسمعي يابنت الناس برسلك رساله المكان والوقت اللي بتجيني فيه كلها دقايق وترجعين تكملين خطبتك قلتلك امانه بعطيكي اياها وبس واذا ماجيتي عالموعد شفتي هالصور اللي شفتيها تراها ولا شي من اللي عندي بتوصل لابوكي برسم الخدمة وعاد انتي والفضيحة اللي بتجيكي والا انك تعقلين وتسمعين كلامي وتسوي اللي اطلبة منك


وفاء"مو مرتاحة لكلامه بس غصب عنه راح توافق": وايش ضمني انك ماراح تسويلي شي والا ماراح تهددني مرة ثانية

حمد:وعد مني ماراح اسويلك شي ولايكثر هرجك توصلين بالسلامة ياعمري ههههههههههه" ضحكة مكر خداع نصب واحتيال متعود يسوي اشياء اكبر من كذا "

قفل الخط بدون مايسمع رد وفاء خبأ الصور تحت مقعد سيارته ارسل لوفاء رساله " اشوفك الساعة 4 العصر بكرة شارع ........لاتتاخرين" وراح للشقة حقته هو وربعة المحششين


عند وفاء
طاحت رجولها على الارض خبأت وجهها بيدينها تبكي وتبكي بدون ماتتكلم فتحت الرساله وانصدمت باللي تقراه رمت بالجوال بعييييد وراحت لاقرب زاوية كومت نفسها وضمتها بيدينها شهقاتها تقطع القلب تحاول تكتمها حتى ماحد يسمعها من اهلها بكت حتى خذاها النوم بعد خمس دقايق

طق طق طق طق " صوت باب الغرفة مزعج باقوى ماعندة وفااااااااااااااااااااااااااااااء وفااااااااااااااااااااء يالله يابنتي بتفوتنا الطيارة "


وفاء" صحت من نومها مفزوعة تتلفت يمين ويسار تفكر نفسها حلمانه بكابوس ركضت للجوال المرمي باخر الغرفة مكسر حاولت تشغلة تدعي ربها انها ماشافت شي وانها تحلم تمسح دموعها بيدها مستعجلة وباعلى صوتها" ايوووة يبى انا جاهزة بس ابدل ملابسي ونازلة "

ابو وفاء:يالله عفية على بنتي بسرعة ننتظرك بالصاله

وفاء"ضربت بالجوال بخفة حتى يشتغل":اشتغل اشتغل بسرعة "بس انصدمت اكثر انها مو حلمانه الا حقيقه وحقيقة مرة
رجعت نوبة البكاء لها حاولت تستجمع قوتها وتدخل للحمام "الله يكرمكم" غسلت وجهها ولبست عباتها ونزلت تحت

بتمثيل مصطنع:هلا دادي سوري تاخرت عليكم
ابو وفاء وامها:ايوالله يابنتي بس يالله خلينا نلحق عالطايرة

وصل الكل مطار الدمام عائلة ابووفاء وعائله ابو سمر بس كل واحد بجهة مو عارفين انهم بنفس الرحله


عندحمد بالشقة

اوووووووف وش ذي الريحة "رافع طرف ثوبة متقرف منهم ويرفس خويه الا نايم على الارض مو داري عن هوا دارة قوم قووووووووووووووووووومو يالخمة انا وش جابرني اسكنكم معي قوم راشد ابو العز سنايدي قوموووو اخلصو علي نظفو هالمزبله اللي مسوينها بالبيت يفتح الدرايش ويدخل النور للبيت الكل انزعج منة اللي يفرك عيونة واللي يخبي وجهه بالمخدة

ابو العز:بااااخي ارحمنا ليه كل الازعاج

حمد"وهو قاعد على الكنبة ويشغل بالسيجارة اللي بفمه":قوم انتي وياة ماابيكم اليوم هنا بالشقة ولا بكرة
قامو كلهم مستغربين راشد"يغمزله":عندك صيدة جديدة؟؟؟؟!!!!
حمد"بانفعال قام من مكانه":خمس دقايق ومااشوفكم هنا فاهمين
ابو العز يهمس لاخوياه:شكل حمد مو رايق ابد اليوم يالله شباب قومو نطلع بكرامتنا احسن

طلعو كلهم متعودين على اسلوب حمد معاهم ومايبون يزعلونة لان الشقة شقة حمد ومسكنهم فيها ببلاش واذا جاب بنت للشقة يطردهم منها

حمد"ينادي على مصطفى باعلى صوته حارس العمارة"

مصطفى"جاي مركض وبيدة العصاء حق الصعايدة":نعم ياااابيه

حمد"رمى بوجهه خمسين ريال":اسمع ابي هالشقة"ويأشر
بيدة": تلق تلمع مافيها ولاغبرة

مصطفى: من عنيا يابية تامر على حاقة تانية

حمد"مشى من عنده ورمى له مفتاح الشقة وراح لاستراحة خالد"


في قاعة الانتظار بالمطار

كانت عايله ابو سمر قاعدة بالمقاعد الخلفية سمر تلعب بجوالها وفايزة تثرثر وتتطنز على الرايح والجاي وام سمر وابو سمر يسولفون

فايزة"تدز سمر بكتفها ": سمر سمر الحقي

سمر:ها وش تبين عورتيني يالدفشة

فايزة:شوفي اللي قدام مو هذا عمي بو وفاء

سمر"ترفع الغطاء عن عيونها ""مااشوف!!!

فايزة:افتحي الغطاء عن وجهك وشوفي زي الناس في ذمتك مين بيطالع بوحدة زيك داخل خيمة سودة

سمر:انطمي وش هالكلام تبيني اصيع عشان الفت النظر

فايزة:طيب لاتعصبين شوفي وفاء وش لابسة مخصر شوفي شوفي شنطتها تعور العيون تبرق

سمر"ترفع الغطاء من عيونها": اووووووف فوز وينها مااشوفها

فايزة:هذيك اللي متلثمة وشنطتها وردي فاقع شوفيها شوفيها رايحة تشتري من المطعم

سمر:لا لا موهي

فايززة:والله هي عيونها صغار وشوفي يدها سوده بعد ومشيتها كانها ترقص والله هي قومي تاكدي

سمر:خلاص خلاص عرفت انها هي ماراح اقوم وش ابغى فيها بتنشب لي لو عطيتها وجه

فايزة"وقفت من مكانها وتشد بيد سمر تسحبها تقوم معاها"

سمر:طيب انتظري خليني اتعدل

مشو ثنتينهم متجهين لوفاء فايزة تسوي نفسها ماتدري وتطيح على وفاء من وراها "يو يوة يوة يوة اااااااااااااااي "

وفاء"تلتفت وراها وتشوف وحدة شادة عبايتها وخايفة تطيح":وجع انشالله ماتشوفين ؟؟؟

سمر"جاية من بعيد وتضحك على هبال اختها وضربتها بخفة": يالهبلة وش سويتي قومي فشلتينا الناس يطالعونك
وفاء:اكتملت ناس همج

سمر"ماعجبها كلامها ":امممممممممممممم وتطالع بعيون وفاء تتفحصها موو انتي وفاء ؟؟؟؟

وفاء"عرفت انها سمر بس تتصنع الغباء وبدلع":أي وفاء مين انتي؟

سمر:بصراحة انا اول شي ماعرفتك بس لما شفت العرس اللي حاطتة تاكدت انها انتي معاكي سمرعرفتيني؟

وفاء"قهرها وجود سمر بنفس المكان وحبت تخرب عليها سفرتها":اييييييييه هلا سمور الحمد لله انك جيتي لجدة عشان تحضري خطبتي

سمر"بانفعال مبسوطة انها بتتزوج وتنزاح عن طريقها":عالبركة ومين سعيد الخط

وفاء"بغرور وتكبر":خالد ولد خالتك اكيد عرفتيه ههههههههههههه "وتاشر بيدها "باااااااي

سمر:....................... لارد لاحركة لاهمس لاتنفس ترمش بعينها بعدم تصديق اكيد تبي تقهرني مستحيل خالد يسويها ويتزوجها لا لا مستحيل

فايزة"تهز سمر وبتعجب مو اقل من سمر ": لاتصدقينها هذي وحدة كذابة خالد يحبك مستحيل يتركك ويتزوج عجوز قريح سمر سمور حبيبتي ردي عليا ليه ساكتة"اغرقت عيونها بالدموع على اختها

سمر"تشوف المكان يدور حواليها مو عارفة تثبت نفسها ضاق صدرها تحس بحجر عليه لانها ماسوت رد فعل مادمعت عينها وماصرخت ماقرغت اللي بداخلها ":فوز سمعتيها تقول بكرة خطبتها على خالد خالد خالد حبيبي انا انا وبس

فايزة"حاسة بالنار اللي بداخل اختها وتناظر بوفاء اللي تطالعهم وتضحك من بعيد":سمر ثبتي نفسك لاتنهارين قدام وفاء شوفيها تطالعلك وتضحك لاتنزلين نفسك قدامها

وانا الجبل في عزتي وفي وقوفي والبدر من طولي توسد كتوفي وان كنت تبغي ياوفا العمر توضيح ما اطيح من هزه ولا تهزني ريح

سمر"كلمات اختها ترن باذنها مستحيل انهار قدامها امكن تكذب عليا خالد ماياخذ غيري "

صوت الخطوط السعودية ملأ المطار
على الركاب المتوجهين لجدة للرحله رقم345 التوجه الى البوابة مع تمنايتنا لكم برحله سعيدة "ماادري هم يقولو كذا او لا"
ركب جميع الركاب الطائرة ولحسن الحظ كانت وفاء بمكان بعيد عن سمر "وبخاطرها لو كلامها صحيح وش راح اسوي لية مو صحيح وهو مو داري عني ادق عليه مايرد ارسله مايرسل وهالايام تغير عليا اكيد بسبب خطبته مايبي يقولي عنها انا اوريك ياخالد لو طلع كلامها صحيح"


عند وفاء
فرحانه باللي سوته بسمر تسولف وتضحك مع امها ولاكان شي صار نست حمد وبالاصح تناسته بالعمد حتى مايخرب عليها رحلتها وقررت انها تروحله وتقابله بمكان عام حتى مايخدعها وتفكيرها هي مو خسرانة شي لو قابلته خمس دقايق
مو عارفة ان الخمس دقايق وش وراها والا ايش منتظرها

"اقلعت الطائرة من مطار الدمام متوجهه لجدة ساعة وربع بالكثير وهم بجدة وتحديدا استراحة ابو خالد اللي حلف عليهم كلهم يبنامون عندة ثلاث ايام اربعاء وخميس وجمعه وبعدها يرجعون لدواماتهم عم المكان الهدوء وباقي صوت ازعاج طفل رضيع يصيح وامه تهدي فيه "

عند خالد بمكانه اللي خصصه له ابوة بالاستراحة بوصفلكم شوي كيف شكلها
استراحة بوخالد وارثها هو واخوانه من ابوهم رممها وعدلها بكل الاحتياجات اسطبل كبيرللخيول ورا بعيد شوي عن البيت وحديقة حواليها كبييييرة مليانه اشجار من جميع الانواع من كثرها كانك داخل غابة تخوف بالليل والبيت طابقين الطابق الارضي مجالس للرجال بالحوش شعبي تصميم بدو ومجلس الحريم بالداخل ومطبخ له بابيب يفتح عالحوش والثاني على داخل والمسبح بوسط البيت كبييييييير بالمرة مغطى بجدار من زجاج عاكس اللي برة يشوف اللي داخل بالليل وبالنهار العكس وملعب كرة سله وقدم اما الطابق الثاني جناحين واحد للاولاد غرفتين وحمام والثاني للبنات بنفس الشي يفصلهم عن بعض بصاله صغيرة فيها شاشة بلازما بالحيل كبيرولاننسى غرفة خالد موجودة بالقرب من المسبح شكلها خيال كل انواع التسلية فيها رسومات شبابية على الجدران بالوان احمر واسود وابيض ورمادي.

خالد:هاسويت اللي قلتلك علية؟
حمد:اية وبكرة راح اقابلها
خالد:انتبه لاتدري اني انا اعرف بشي والا لي دخل
حمد:ولايهمك بس مانزلت شي بالحساب
خالد:قول انك جاي عشان كذا خليني استلم الراتب حقي هالشهر واعطيك
حمد"وقف بعصبية":مو هذا اتفاقنا قلتلي قبل العملية النص وبعدها النص
خالد"متنرفز من غرور حمد":اقعد هد اعصابك مايصير خاطرك الا طيب اليوم الفلوس بحسابك
حمد:اذا مانزل شي بالحساب اعتبر كل شي ملغي "طلع من المكان معصب وخالد وقف يلحقه "
خالد:وين رايح يابو الشباب فلوسك وبتجيك ليه معصب
حمد:تعرف اني مااحب حركات النذاله
خالد:خلاص اقعد اشرب شاي وبعدين توكل
حمد:لا لا انا طالع ومابي ارجع هنا حتى مااحد ينتبه اني اعرفك
خالد:اوكي فمان الله بيض الوجه
حمد"ركب سيارتة وابتسم لخالد ورجع لشقته حتى يرتح ويفكر ايش يسوي"
خالد"والله اللي حادني اشد فيك الظهر شايف نفسة لو لا الحاجة كان وريتك قيمتك "


ابو خالد:خاااااااااااااالد وصمه
خالد"لاحول وش يبي هالعجوز":ها سم يبى
ابو خالد:وينك فيه اناديك رح للمطار جيب الاهل من هناك شوي وياصلون
خالد:انشالله يبى الحين رايح بس ابي السيارة السوبر الكبيرة حتى تكفي الكل
ابو خالد:خذها ولاتتاخر عليهم خلك رجال
خالد"يلبس شماغة وبهمس خفيف":شايفني طرطوع عندك كل هاللي تشوفة واخر شي مو رجال


"طلع للمطار يستقبلهم وبخاطرة كيف بقابلهم ثنتينهم انشالله سمر مادرت عن الموضوع حتى افهمها بطريقتي وتوقف معاي مو ضدي وطول ماهو بالطريق يفكر بسمر ومشتاق لها حيييل والقسوة اللي قساها عليها بهالفترة حتى وصل للمطار دخل وانتظر بمقاعد الانتظار المسافرين"



عند لما
توها صاحية من النوم الساعة 6 المغرب مبسووطة ومستانسة باللي صارلها اليوم مع فيصل فتحت جوالها لقت رساله من فيصل طبعا هي ماتخزن رقمه بس حافظته حفظ
قرتها والابتسامة شاقة الحلق
لما
أ ح ب ك

قامت من سريرها غسلت وجهها وتوضت وصلت غيرت ملابسها لبست بنطلون جينز اسود وتيشرت احمر وعليه كتابات كثير بالاسود رفعت شعرها ذيل حصان رسمت عينها بكحل ولمعت شفايفها بقلوز وردي تعطرت مسكت جوالها تتصل بسمر
عفوا ان الرقم الذي طلبته لايمكن الاتصال به الان .....

لما"شكلها بالطايرة باقي":الله حظك سمور تركبين طايرة مو زيي بس بالبر سيارات وتعب وقرف والله مالي دخل بحجز مع احمد اذا بيسافر الديرة وبركب الطايرة بس شكلها يخرع وناسة مغامرات ههههههههههه

طلعت من الغرفة وتصادمت مع محمد اللي توة جاي من الدوام

لما"تمسك على راسها من الالم": وجع ماتشوف

محمد"يناظر بلما من فوق لتحت بحتقار":وش هاللبس اللي لابساه

لما"بعصبيه":وانت وش دخلك فيني ليكون ولي امري ترا ابوي باقي حي

محمد:كيف وش دخلني روحي غيري هاللبس لااحرقة عليكي وانتي لابساه

لما"طلعت من غرفتها متوجهه للصاله وقعدت عالكنبة رجل على رجل":يالله اشوف احرقة سو نفسك رجال عليا واحرقه يالله

محمد"وشياطين الجن راكبته وباعلى صوته":اتقي شري وروحي غيري

"طلعت امهم ومرام من المطبخ وفهد من المجلس اللي جالس فيه هو وفيصل وكل الحديث والهواش اللي صاير بالبيت يسمعه فيصل "

ام احمد:خير خير وش هالاصوات
محمد:خلي بنتك تغير هاللبس احسن لها من متى نلبس بناطيل ها والا دخلتي الكليه وخربوكي البنات

لما"وتناظر بمحمد بقوات عين":اقول محمد لاتسوي زي اخوك احمد مسوي فيها رجال علينا وبعد ماتزوج لبس زوجته شورت مو بنطلون اسكت احسن ترا واصلتلي منك ومن فضايحك لين خشمي لا تخليني اتكلم

الكل يطالع بلما مستغرب من القوة اللي تخليها تكلم محمد بدون ماتخاف وايش ماسكة عليه وماعرف محمد يرد عليها

ام محمد"واقفة بالوسط تفرقهم لايتهاوشون ":روحي يالما من هنا وجع ماكانك بنت

لما"رجعت للكنبة ورجل على رجل وتناظر بمحمد بعين ":ماراح اروح وخليه يسوي اللي يبغاه

محمد"وبخاطرة يعني السالفه صدق والبندري ماتكذب بس من وين جابت رقمها وش اللي يخلصني من لسان ولقافة لما الحين":طيب بس لان فيصل موجود بالبيت والا كان وريتك شغلك

لما"وتاشر بيدها ":روح روح لاينطق لك عرق

"للمعلومية بيت ابو احمد محافظين مو مطاوعة لا بس البنت عندهم عيب تلبس بنطلون قدام اخوانها ولما بعد ماشافت شهد مرت اخوها تلبس وتتكشخ قدامهم صارت تلبس اللي تبيه وتشتري الملابس من غير مايدرون اخوانها "


دخل محمد المجلس معصب فتح الباب بقوة وقفله جلس على اقرب كنبة موجودة فتح قميص العمل ورماه جنبة وقعد بالبنطلون الجينز
فيصل"حس بنفسه انه ثقيل عليهم وماله دخل يتلقف ":وش فيك معصب؟؟

محمد:هذي البنت دخلت الكليه ماصارت تشوف احد

فيصل"حاب يدافع عنها بطريقة غير مباشرة":عادي كل البنات كذا شوف خواتي يلبسون اللي يبغونة ليه احرمهم من شي هم حابينه يعني لبس البنطلون عيب لاتصير متخلف وانت اللي دارس وجامعي

محمد:اوكي اوكي يافيلسوف اعطيني الابتوب حقك

فيصل"انقهر منه":اذا تبي هذيك البنت تراها مو موجودة
محمد:اجل انقلعو خلوني انام

فهد "يطالع بفيصل":تبغى معاي استراحة للشباب على طريق الخبر فللللللللللللللله لعب بلايستيشن ووناسه يعجبك

فيصل:لا لا واللي يعافيك رحت مرة معاك وتوبت

فهد:براحتك انا طالع تبي السيارة والا اخذها

فيصل"مستحي هو يحتاجها بس مو قادر يطلبها":هاااااااااااا
فهد:خلاص بخليها لك وبروح مع خويي
فيصل:مشكور

فهد"بدفاشة يضرب فيصل بظهرة":ياااارجال تراني مصلحجي ابوي بيبيع السيارة وانت بتجيب سيارتك يعني باخذها منك ههههههههههههههههه
فيصل:حلالك ههههههههههههه

طلعو انثينهم من البيت ركب فهد مع ابراهيم خويه وفيصل شغل السيارة وانتظر فيها شوي طلع جواله وكتب رساله
"لاتزعلين نفسك ترا مو حلو عليكي الزعل"


عند لما
انتي تغيرتي من يوم دخلتي الكليه ولاشي عاجبك هنا
لما:بليييز انتي الثانية اسكتي عني واطلعي برا
مرام:اقول ترا طال لسانك

لما"شدت على شعرها ونزلت دموعها وبصراخ مو بالعادة":انقلعو عن وجهي اكرهكم اكرهكم كلكم اهئ اهئ اهئ اطلعي برا ووفقت من مكانها وصارت تدف بمرام لين طلعتها والصراخ مالي البيت قفلت الباب بالمفتاح وسندت ظهرها عليه ااااااااااااااااااااااااااااااااااه ااااااااااه ليه ليه مااقدر اتكلم تعبت انا تغيرت"وتاشر على نفسها"انا والا انتو اكرررهكم



ام احمد"وجايه من الحوش بعد ماسمعت صراخ لما معصبة للاخر":افتحي الباب افتحية"وتضرب بالباب اللي لو هزيتية شوي انفتح"وش ذا الدلع اللي جايبته معاكي طولت لسان والله ماخربوكي الا الكلية بس انا اللي بربيك"

لما:اتركيني مو شاطرةالا عليا انا بس ولاشي يعجبك فيني تحبين مرام وانا لا "قامت وفتحت الباب بقوتها ووقفت بوجه امها والدموع ماليه المكان" اضربيني"وتاشر على خدها" اعرف وش تفكرين فيه انا صايعة انا قليلة ادب اوكي مو هذا اللي تقولينه تفكريني مااسمعك وانتي تكلمين ابوي بالغرفة بس اطنشك بكيييييفي "وتاشر على راسها"

ام احمد"من غير شعور بجبروت بدون رحمة بدون قلب ماهزها دموع بنتها مدت يدها":طراااااااااااااااااااااااااااااااخ

ام احمد:البنت اللي زيك مو بنتي متبرية منك ليوم الدين"طلعت تكمل شغلها بالبيت كان شي ماصار"

مرام:تستاهلين شوفي لسانك وش فادك فيه

لما"متصنمة مكانها ويدها على خدها والدموع تزيد انهيار قفلت الباب ورمت نفسها على سريرها وبكت بكت وبخاطرها"انا الخربانه الحين وبنتها النظيفة وولدها اللي كل اسبوع البحرين وهي مو دارية انا الحين اللي ابكي وهم مبسوطين تعبت اهئ اهئ اهئ وربي ماراح اسكت عليهم انا اوريكم امي ماعرفت تربيكم بس انا بربيكم "غطت نفسها بالبطانية وسوت نفسها نايمة وكل من دخل عليها علق بكم كلمة تقهرها وبكت دخلت الشغاله بواني عليها "

بواني"قعدت تحت سرير لما وفتحت عليها البطانية":لما هبيبتي انتي مافي ئشاء (عشاء)حرام انتي موت بعدين

لما"حست بقهر وبطنها يعورها كيف الشغاله حنونة عليها وسألتها تعشت والا لا وامها ولاطلت عليها ":اهئ اهئ اهئ

بواني"تمسح بيدها دموع لما":هلاص لما هبيبتي ليه ابكي الهين ماما مو زين دايم اضرب انتي وقول كلام مو زين

لما"ترجع الغطاء لوجهها وتلف للجهة الثانية":خلاص بواني ماابغى عشاء اطلعي ابغى انام

بواني"هزت راسها وحانه على لما":طيب لما اذا ماما نوم انتي قوم كولي

لما"ابتسمت على كلامها"

هز الجوال تحت مخدتها بهز عالي عقدت حواجبها وردت :الو
سمر:هلاااااااااااا دبه تراني وصلت المطار
لما:الحمدلله على السلامة بس مين رقمة هذا
سمر:رقم ابوي
لما:اها
سمر"حست بصوت لما انها كانت تبكي": لموي وش فيك تبكين؟
لما:مافيني شي بس لاني نايمة وانتي ازعجتيني
سمر:اها طيب يالله باي وانتبهي على نفسك
لما:وانتي بعد باي

لما "قبل ماتقفل شافت رساله جديدة فتحت وقرأت المكتوب "لاتزعلين نفسك ترا مو حلو عليكي الزعل" ابتسمت رغم الالم اللي فيها صعبه لما تكوني مو قد ثقة اهلك فيك تبغون تعرفون ليه ام احمد تعامل بنتها بهالاسلوب الشك نرجع نطرق ابواب الماضي من قبل 7 سنوات يوم كانت لما تدرس بالمتوسط كان الاعجاب البنات مع بعضهم منتشر كل وحدة تحب لها وحدة ولما ماتحب هالحركات ابدا بس وحدة من البنات كانت لازقة فيها الا لما تعطيها وجه بس ماعطتها وجه وبيوم من الايام هذي البنت اسمها هيا وتكون بنت جيرانهم توهم ساكنين جدد بالحي كتبت للما رساله باسلوب انها ولد يعني بدل ماتأنث الكلمه تذكرها والرساله مليانه كلام حب وخرابيط وجات هالبنت واعطت لما الورقة ومن الحياء اللي فيها ماقرتها دخلتها جيب مريولها بدون ماتفتحها ومر اليوم كالعادة ونست الورقة بجيبها ويوم جات امها بتغسل المريول شافت الرساله "مع ان امها امية ماعندها الا اول ابتدائي بس تهجأت الورقة وقرتها ماادري كيف؟" نادت لما بكل صرامة ودخلتها الحمام معاها وقفلت الباب طلعت الورقة ورمتها بوجهها "وش هالرساله ومن مين؟؟؟

لما"والصدمة ماليتها":هذي الرساله من هيا بنت الجيران
ام احمد"تخفظ صوتها وتلتفت للباب":انطمي بعد تكذبين خلاص خلاص سكري على الموضوع لو درا ابوكي وربي ليذبحك "وتضرب لما "من وين جبتي هالرجال ها؟؟؟

لما"مفهية مو قادرة تدافع على نفسها منصدمة كيف امها تشك فيها وهي تربيتها انشل لسانها وهي تشوف امها تشقق الرساله "

ام احمد:وتقوليلي هيا هاااا الكلام ولد مو بنت

لما:وربي بنت روحي اساليها بعد هذي هيا

ام احمد"تفتح باب الحمام وتدف لما لبرا":اسكتي لااحد يسمعك خلاص زين انها طاحت بيدي ولايدك ابوكي

طلعت لما مو عارفة تدافع عن نفسها ولانها مادافعت على نفسها بهذاك اليوم ولابررت الموقف لامها جارت الايام فيها واستمرت معاها المعاناه طول هالسنين لين هذا اليوم كل يوم تسمع نفس الكلام نفس الشك تحرجها قدام بنات خالها وعماتها وهي ساكته وتأثرت بذا الشي اذا اساء لها احد ماتعرف تدافع عن نفسها ابد تفوض امرها لله وتبادله بابتسامة



عند سمر بالمطار
خالد مستند على الجدار ويلعب بجواله منتظر نزول الركاب موداري ان لهم ربع ساعة ينتظرونة وهو مفهي

ابووفاء:مو هذا خالد اللي واقف

ابو سمر:أي هو مسكين تعبناه معنا لو اخذنا تاكسي كان احسن

ابو وفاء"ينادي الحريم اللي قاعدين ":يالله ياحريم مشينا

قامو كلهم مشو لجهة خالد وهو نفس الوضع منسجم بلعبة الدودة بالجوال

ابووفاء:السلام عليكم

خالد"توة ينتبه رفع راسه قفل جواله ودخله بجيبة ":هلا عمي "ويبوس على راسه"اخباركم واشلونكم؟ "ويروح يسلم على راس عمه بوسمر وعلى راس خالته لولوة"

خالد"ويلتفت لجهة البنات متجمعين ويخز فيهم بس ولاوحدة ناظرت فيه كانو تعبانين من الرحله الا وحدة كانت تناظر من تحت الغطاء ودموعها بعينها سمروبخاطرها"وتبي تشوفها بعد مستعجل عليها طيب ياخالد "

ركبو كلهم بالسيارة قدام خالد وابو وفاء والمرتبة الثانية كان فيها سمر ورا خالد وبجنبها امها وابوها والمرتبة الثالثة كانت وفاء ورا سمر وبجنبها فايزة وام وفاء

خالد عينه مانزلت عن المراية يطالع باللي قاعدة وراة ومشبكة بيدينهاوتناظر بالدريشة هذي سمر لية زعلانه مو بعادتها اكيد درت بشي ااااااااااااه سمر ماتدرين اني اسوي ذا الشي علشانك


وفاء"بصوت عالي وبدلع مصطنع تبي تلفت الانتباه بعد ماحست ان خالد مانزل عينه بالمراية ويطالع بسمر":دادي احجز لنا بسويت مقابل الكورنيش زي هذيك السنه"قالت هالكلمة وهي عارفة ان عمها بو خالد يبيهم عندة بالاستراحة"

خالد"وااااااااااع ياشين الدادي بحلقك":لا سويت ولاغيرة بتنزلون عندنا ابوي مايرضى تنامون وبيته مفتوح

وفاء"وداقة بالميانه معاه":بس انا مارتاح الا لوحدي مو انام مع وحوش معاي

ابووفاء:لايابنتي انتي بتنامين مع خواتك مو غرب

سمر"وماسكة قهرها وودها تقوم وتتفل بوجهها بس مستحية من وجود ابوها وامها ":وبهمس ماوحش الا انتي يالسودة

خالد"حس ان سمر انقهرت من كلامها":.................................."مو عارف يرد عليها وظل ساكت"

"وصلو للبوابة الرئيسية للاستراحة نزلو الرجال باستقبال ابو خالد وولده فواز دخلوهم المجلس يرتاحون ويتقهوون والحريم دخلو لداخل استقبلتهم الجوهرة وام خالد وفايزة متحلفة تطلع قرون لوفاء هاليومين "

فايزة:اقول وفاء عندي خلطة جديدة ومفعولها باسبوع تخليكي تلمعين بياض زي السوريات

وفاء"ارتفع ضغطها من كلامها بس ردت ببرود":هههههههه والله توني ادري تككفين جيبيها والا اقولك بعطيكي كم قرش تجيبيلي منه ههههههههههههههههههه"نزلت من السيارة ونادت الخدم يشيلو اغراضها ودخلت لداخل المجلس

فايزة"تنزل شنطتها تتأفف منها":المشكله مو لايق عليها الدلع

سمر:مااحد قالك تعطيها وجهه وتعالي ساعديني بالاغراض

فايزة"تهرب منها حتى ماتساعدها":اسمعي امي تناديني يالله بسرعة اشوفك داخل باااااااااااي

سمر:شوف البنت نذله راحت ولاساعدتني

بهمس قريب من اذنها "وانا وين رحت ؟؟ " قشعر جسمها من انفاسه القريبة ارتبكت من كلامه ودها تلتف لورا تشوفه تهاوشة تسبه بس ولاشي من هذا صار تجمدت بمكانها نزلت يدها تشيل الاغراض وتروح بس يده اسرع من يدها لمسات يدة الباردة تحسست ايدها الحارة وبأنكسار وخضوع"اسف ياسمر "

سمر"بعدت يدها بسرعة وخانتها دموعها ونزلت بصوت مليان قهر وبرجفه":لاتلمسني وخر عني انت بعتني واللي مايبغاني ماابغاه

خالد"بعد عنها مسافة ":مستحيل ابيعك انا شاريك وابغاك

سمر"بهستيريا ":ههههههههههههههههههههه ووفاء مو خطيبتك باقي ياخالد تكذب عليا باقي

خالد:يعني وصلك الخبر!!

سمر"تنط باصبعها الصغير قدام وجهه":شفت قلتها بلسانك الخبر خبر زواجك من وفاء صدق مو كذب خلاص يكفي حقارة روح لحبيبة قلبك ولا تلعب عالحبلين ترا انا مو بزر تلعب عليها فاهم وعشرة يتمنوني وانتي عارف"مشت وتركته وراها بكل ثقة وتكبر"

خالد"ركض بسرعة يلحقها ووقف قدام وجهها مسكت يدينه اللثنتين بكتفها وثبتها على السيارة وقرب وجهه منها والشرارة بعيونة ويتكلم من بين اسنانه وخالد من النوع العصبي مايمسك اعصابه اذا احد غلط عليه":انا مو حقيير فاهمة وانا مو قاعد العب عليكي صحيح الكلام اللي وصلك بس مستحيل اخذها لاتضغطين عليا كثير يكفي اللي فيني انا احبك احبك ياسمر

ودي أشرح لك عن اللي بي وقول انك أغلى من وسط روحي علي

وانك أغلى وانك أغلى ياخجول يمكن أغلى من الغلا نفسه شوي

ودي أشرح عن تفاصيل الدخول عن متى عنك صرت مبتلي

صرت لي خامس جهة لأربع فصول ما تموت فصول عمري وانت حي

ما طلبت إلا الثريا بالنزول وما تكون إلا لذاك الضي ء ضي ء

سمر "ماتحملت كلامه انهارت بالبكاء اهئ اهئ اهئ ":ليه ليه تسوي فيني كذا اكرهك اكرهك

خالد"ماعجبه انها تقول اكرهك بس حس فيها قرب راسها لصدرة وضمها بقووووة ": قولي اللي تبغينه بس اعرفي شي واحد انتي الوحيدة اللي هنا باقي "ويأشر على قلبه"

سمر"انتبهت باللي قاعدة يصير وان خالد يضمها ماعجبها الوضع":بعدت عنه واخذت اغراضها ومشت لداخل المجلس اللي فيه الحريم دخلت وكان الارتباك واضح فيها فتحت النقاب عن وجهها والكل طالع فيها مستغرب "
ام سمر:يمى سمر وش فيه وجهك احمر؟؟؟

سمر "ارتبكت زيادة تحس انه معرفو باللي صار بينها وبين خالد":هاااااا مافي شي وش فيه وجههي

فايزة"عرفت ان اختها فيها شي ":ههههههههههه لايمى هذي حساسية من الحبوب اللي تستعملها ماناسبتها
ام سمر:قلتلك يايمة ابعدي عنك هالخرابيط وروحي للطب الشعبي افضل لك
سمر:لا عادي يمة الحين يخف "راحت للمطبخ تغسل وجهها بماي بارد"
ام وفاء:ليه وش فيها بنتك ؟؟
ام سمر:لابس دورتها مو منتظمة يعني شهرين تنقطع عنها وكذا والدكتورة واصفتلها حبوب شووفي ايش سوت في وجهها


"وكملت السوالف بين الامهات والبنات بجهه ثانية الا وفاء ماكانت موجودة من وقت مادخلت سمر مرتبكة حست ان شي صاير وان خالد السبب طلعت بسرعة من غير مااحد ينتبه لها وشافت خالد بالسيارة ينزل الاغراض ويهاوش الحارس وتأكدت وقتها ان سبب تغير وجه سمر هو خالد وتوعد فيهم الاثنين بداخلها تخرب هاليوم عليهم"


انتهى البارت
واعذروني على التقصير واتمنى ينال اعجابكم توقعاتكم وارائكم
محمد بعد ماتاكد ان لما تعرف بالموضوع كيف بيتصرف معاها؟؟؟
مرام متى ينكشف سرها ؟؟؟
فيصل واقتراب موعد العمليه ؟؟؟
لما والانهيار اللي صارلها ؟؟؟
سمر هل بترضى على اللي سواه خالد فيها؟
وفاء وحمد ايش راح يصير بينهم؟
خالد واقتراب موعد خطبته هل بيكمل خطته او لا؟؟؟
كل هذا راح تشوفونة بالبارت القادم
مع تحياتي
مطعونة بظهرها

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 08-12-2013, 06:13 PM
fydoo ~ fydoo ~ غير متصل
©؛°¨غرامي جديد¨°؛©
 
الافتراضي رد: رواية وقف قبل لا تروح علمني كيف انساك


ملاحظة دي الرواية منقولة عشان كيدا انسخها زي م هي ولا امسح منها للامانة ومتابعة ممتعة

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 11-12-2013, 11:38 PM
صورة اسيرة الأحساس الرمزية
اسيرة الأحساس اسيرة الأحساس غير متصل
©؛°¨غرامي فعال ¨°؛©
 
الافتراضي رد: رواية وقف قبل لا تروح علمني كيف انساك


يالله اذا كنتي تتواصلين ويا الكاتبه قوليلها اتعجل فتنزيل البارت

تعبت من الانتظار بس ما علي كل حد وله ظروفه

شكرا لانج نقلتي الروايه لانها حلوه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 13-12-2013, 11:13 AM
fydoo ~ fydoo ~ غير متصل
©؛°¨غرامي جديد¨°؛©
 
الافتراضي رد: رواية وقف قبل لا تروح علمني كيف انساك


اقتباس:
المشاركة الأساسية كتبها اسيرة الأحساس مشاهدة المشاركة
يالله اذا كنتي تتواصلين ويا الكاتبه قوليلها اتعجل فتنزيل البارت

تعبت من الانتظار بس ما علي كل حد وله ظروفه

شكرا لانج نقلتي الروايه لانها حلوه
ي اسيرة الاحساس انا م اعرف الكاتبة قريت الرواية وعجبتني قلت انزلها لكم وانا اسفه لانو اتاخر بس عندي اختبارات ومضغوطة معاها بس الحين انزل بارت
وازا بدك اقولك اسم الرابط وابطل انزل اتمنى تردي علي وتقولي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 21-12-2017, 04:40 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: رواية وقف قبل لا تروح علمني كيف انساك


3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

رواية وقف قبل لا تروح علمني كيف انساك

الوسوم
انساك , تروح , رواية , علمني
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 32914 اليوم 08:37 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-07-2011 03:02 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2048 11-03-2011 01:54 PM
علمني غموضي عمرو بن تميم ارشيف غرام 1 06-01-2008 09:52 PM

الساعة الآن +3: 09:28 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1