خواطر مكشوفه ©؛°¨غرامي مشارك¨°؛©

السلام عليكم
الصراحه من فتره وانا افكر في هالموضوع واحس اني ضايعه بين صح وغلط
اعرف وحده تكلم واحد و من كلامها استنتجت انهم يحبون بعض ، انا اول شيء قلت عادي دام ان الشاب هذا يحبها و هي بعد ، بس لما سمعت انه حرام البنت تكلم ولد او الولد يكلم بنت ، حاولت انصحها بالجدية ومانفع ، حاولت انصحها بالمزح وما نفع ، حاولت انصحها باني اخليها تسمع وش قال الله ، بس ما ترضى تسمع ، يعني بشتى الطرق حاولت بس ماقدرت اغير شيء
\/
هذا الشيء ضايقني ، وغير كذا .. .. مع مرور الوقت تعرفت عليها اكثر ، وعرفت ان بعض البنات اللي معاي يكلمون الشباب

واللي نرفزني في اغلبية الناس لما يجيهم واحد ينصحهم يقولون له لا ما ابي اسمع نصيحتك عشان ما اخذ ذنب ، فهذا يعني انك تعرف انه حرام او غلط
انا راسي مشوش ومافيه يفكر زياده ، يعني فوق الصدمه تجي صدمات ثانيه ،والله يعين
سؤال : لو كنتوا مكاني و صرتوا في مرحلة اليأس من تغيير اللي حواليك ، شو راح تسوون ؟
وهل ترضون ان البنت تكلم ولد ؟ و لو يحبون بعض وما يقدرون يبتعدون عن بعض ، وش بتسوون ؟؟
لو انتوا اهل هالبنت او هالولد و اكتشفتوا هذا الامر ، وش ردت فعلكم ؟


اتمنى من كل قلبي ان اقدر اساعد هالبنات اللي غافلين و الله يستر علينا و عليهم و على الجميع ، انا ادري يمكن هذي تكون لحظه طيش بس بعدها بيندمون ، والله بس المعين
اسمحولي

عطا الله ©؛°¨غرامي نشيط¨°؛©

ذئاب بشريه تريد افتراس البهيمه الغبيه

WHO A...M I ©؛°¨غرامي مجتهد¨°؛©

سؤال : لو كنتوا مكاني و صرتوا في مرحلة اليأس من تغيير اللي حواليك ، شو راح تسوون ؟

الشخص غير مجبور على تغيير من حوله...
( انك لا تهدي من أحببت )
لكنه مجبور على ان ينجو بنفسه... لابد من اتخاذ موقف صارم... والابتعاد عن بؤرة الفساد ان لم يكن في الاستطاعة تغييرها...
ان لم تغييرهم فلا تسمحي أبدا بان يغيروك... اسأل الله يحفظك ويهديهم...

وهل ترضون ان البنت تكلم ولد ؟ و لو يحبون بعض وما يقدرون يبتعدون عن بعض ، وش بتسوون ؟؟
لا طبعا... مافيه عاقل يرضى بعين الخطأ وبداية الانحراف والضياع...
ولو يحبون بعض يتزوجون... في النهايه الزواج قاعدة كل علاقه مباحه بين رجل وامرأه... غيرها حرام عرفا وشرعا....
اذا صادق في حبها يتقدم لها... هذا هو الحب الحقيقي...


لو انتوا اهل هالبنت او هالولد و اكتشفتوا هذا الامر ، وش ردت فعلكم ؟
اسأل الله ان لا يبتليني بأبناء يستحلون ما حرم الله...
لا استطيع تصور رده فعلي... واسأل الله ان لا يجعلني اتصورها ولا اعرفها

دفا جوري وِشّـ ذٌنٌبّـيّْ ؟ دُآمِ لَيّ طٌبّـعَ ـ ’’ يّعَ ـلَقَ آلَنٌآسًسًـ . . فُيّنٌيّ !

وعليكم السلام ورحمة الله وبركاته

اختي انتي نصحتيهم وسويتي اللي عليج

اذا مافي فايدة خبري اهاليهم عن ممشى بناتهم ,وهم رح يتصرفون معهم

اذا الطيب ما نفع معهم مالهم الا القسوة تربيهم .

وبعدين هذي سمعة عايلة لازم تخبرين اهاليهم ..

خلود..* ©؛°¨غرامي فعال ¨°؛©

لوكنت مكانك وابغئ مصلحتهم جد
اعلم اهاليهم
باسم فاعلة خير
وبدون محد يدري انه انا واذا مانفع اسحب عليهم واتركهم

~ ودّ ~ ©؛°¨غرامي ذهبي¨°؛©

ادعي لها بالهدايه ..

وابتعدي عنها .. فالصاحب ساحب .

ما قاله كبرياء رجل في جملته القصيرة .. تعنيهم وتعني كل غافله مثلها ..
لن يستيقظوا من غفلتهم الا بألم وحسرة ..

ربي يحفظك

هلالي~ ©؛°¨غرامي فعال ¨°؛©

اي صدق سوي زي ماقالت دفا الجوري خبري اهاليهم وراح تسيرين فاعله خير

هلالي~ ©؛°¨غرامي فعال ¨°؛©

آيـ,ـ صـ,ـدقـ,ـ سـ,ـۅيـ,ـ ڒٍيـ,ـ مـ,ـآقـ,ـآلـ,ـتـ,ـ دفـ,ـآ آلـ,ـجـ,ـۅريـ,ـ خـ,ـبـ,ـريـ,ـ آهـ,ـآلـ,ـيـ,ـهـ,ـمـ,ـ

طاارق العنزي ©؛°¨غرامي فضي¨°؛©

- لو كنتوا مكاني و صرتوا في مرحلة اليأس من تغيير اللي حواليك ، شو راح تسوون ؟

ادعي لهم بالهداايه واصلاح الامور

- وهل ترضون ان البنت تكلم ولد ؟ و لو يحبون بعض وما يقدرون يبتعدون عن بعض ، وش بتسوون ؟؟

اذا العلاقه العفيفه وغرضها الزواج ومتاكد من هالشي فماعندي اي مانع

بشرط انه يسوي اللي لازم يسويه مو يقضيهاا غرامياات وخرابيط واذا طال الموضوع

بنصحه انه يتقدم لهاا او يتركهاا في حالهاا اما اذا من اولهاا كذب وقص بلومه وممكن توصل

معي للقطيعه تراا كله الا اعرااض النااس والله يستر على بناتناا واللي ماا ارضاه على اهل بيتي

ما ارضااه لغيري والايام دول

- لو انتوا اهل هالبنت او هالولد و اكتشفتوا هذا الامر ، وش ردت فعلكم ؟

ماعندي خواات بس اعتقد انه ابلغ الوالده وهي تتصرف وطبعا رح افقد ثقتي فيهاا وتتغير

اشياء واايده بيني وبينهاا وفيني صوبهااا

مريم . ©؛°¨غرامي مجتهد¨°؛©

اه يَ خوآطر مكشوفه ~

سمعي مريت بحالك وللحين امر فيها !
اولاً وحده من صديقاتي تعشق لها واحد من جده مدري الرياض , الزبده
اني اسئلها وش نهايه علاقتكم , تقول فراق :) , تعترف !
واقول لها عيب حرام اهلك واثقين فيك , برضو تقول احبه واحبه * حببك برص انتي وياه
قلبي يوجعني كلام غزل وكلام وصخ وكلام وكلام والنهايه يدق عليها ويقول انا جاي طلعي معي بنتشمى
لدرجه اني زعلت عليها وتنرفزت منها وحاولت امنعها لكن طلعت
ويوم جات قالت لي وش سوت معه *انصفقت ع وجهي , لدرجه اني استحي اقول وش سوت معاه
شوفي البنت الصح صح مهما كان وبتقدر تمنع نفسها لكن البنت اللي معطيه نفسها وهم يحبني ويحبني غسلي يدك منها
الحين هذا الرجال سحب ععليها وهي تبكي ليل نهار عليه وتقو لي وش الحل !
اقول لها انسيه تقول مقدر :/ , اي مقدر استفغر الله
هم حاطين معتقد براسهم ان هذا حرام والله يغفر لنا بعدين
لكن شوفي دامك تعبتي مثلي !
اللهم اني بلغت اللهم فأشهد , واتركيها ~
اهم شي حذرتيها
تدرين كم سنه وانا وراها احذر فيها !
3 سنين !
تخيلي 3 سنين من رجال لرجآل تتنقل وتترك هذا وتحب هذا وتطلع مع هذا وتروح لهذا ~
تعبت تعبت , اخر حل لي تركتها ع هواها لانها بالنهايه بتندم ع عدد شعر راسهآ وانا عارفه هالشيء
بس ادعي ان الله يهدي صديقاتك
ويرشدهم للطريق الصح
وقسم حاسه بأحساسكك
ودي

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1