غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 11-12-2013, 05:25 PM
صورة حكاية عربجية 2000 الرمزية
حكاية عربجية 2000 حكاية عربجية 2000 غير متصل
©؛°¨غرامي مشارك¨°؛©
 
Uploadfef5c031fd رواية جرح إلجسد لآمن مضى وقت يبرى الا جرح القلب علمتني الحياة /بقلمي



مدخل ..........
*******
هكذا علمتني الحياة
إن أعظم ألم في الحياة أن يتجاهلك الآخرون
إن أعظم ألم في الحياة إن تخسر صديقاً تحبه جداً لتكسب آخر لا يهتم لك أبدًا
إن أعظم ألم في الحياة حينما يكون أصدقائك مشغولين جداً عن مواساتك عندما تحتاج لأحد كي يرفع من معنوياتك
إن أعظم ألم في الحياة حينما تطلع أحدهم على أعمق أفكارك ثم يضحك ساخراً في وجهك
إن أعظم ألم في الحياة حينما يبدو لك أن الشخص الوحيد الذي يهتم لأمرك هو أنت
*******













مخرج.........

عندما تقابل احدا اينما كان داخل البيت او خارجه .. صغيرا كان او كبيرا
تخيل انه يلبس قناعا خفيا مكتوب عليه : أرجوك .. أشعرني بأهميتي
إستجب لذلك النداء فورا
وسترى العجائب


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 11-12-2013, 05:31 PM
صورة حكاية عربجية 2000 الرمزية
حكاية عربجية 2000 حكاية عربجية 2000 غير متصل
©؛°¨غرامي مشارك¨°؛©
 
الافتراضي رد: روايتي جرح إلجسد لآمن مضى وقت يبرى الا جرح القلب {علمتني الحياة } >>ارجو التفاعل


جرح إلجسد لآمن مضى وقت يبرى

وإلآ {.. غيآبك ..} جرح منهو يدآويه
لآفآد .. دكتور .. ولآ { شيخ يقرى}
وعجزت كرآتين إلعلآجآت ... تشفيه


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 11-12-2013, 05:35 PM
صورة حكاية عربجية 2000 الرمزية
حكاية عربجية 2000 حكاية عربجية 2000 غير متصل
©؛°¨غرامي مشارك¨°؛©
 
Uploadfef5c031fd رد: روايتي جرح إلجسد لآمن مضى وقت يبرى الا جرح القلب {علمتني الحياة } >>ارجو التفاعل


[color="rgb(244, 164, 96)"]مدخل ....[/color]
علمتنى الحياة


أن التعامل مع الناس ..
يحتاج إلى كثير من التواضع ..
والكثير من الحرص ..
والكثير من المرونة ..
ولكن دون المســـاس بمستوى العزة و الكرامة ..


البارت الاول ..
الجدة:يلا يا بنات قوموا صلوا وتعالوا عشان العشا بكره عندكم اول يوم المدرسه
البنات:اوكي يا يمه ...طبعا يقولون يمه احتراما لها
البنت الصغيره:جدة
الجدة:هلا
البنت الصغيره:وين امي؟؟
الجدة تنهدت:اااااااااه يعني وين اكيد في وحده من عزايم صحباتها
البنت الكبيره:يمه لاتشيلين في خاطرك وانتي يلاخلينا نصلي
البنت الصغيره :اوكي .......وقاموا
خلونا نتعرف عليهم...
الجده:شيخه عمرها تجاوز العدااد هي اللي ربت عيال بنتها حنونه وطيبه وعلى نياتها احيانا تجيها اوقات تنسى
الام:لولوه عمرها 39 سنه تجوزت ابو البنات بالسر اهلها يدرون بس اهل زوجها ما يدرون ولما كانت حامل في مشاعل صارت مشاكل وراحت بيت اهلها بس لما عرف انها حامل رجعها وبعد سنه صارت مشاكل بينها وبين ابو البنات ورجعها بيت اهلها وكانت حامل في نوف في الشهر الثاني بس ما قالت له وتم الطلاق وما كانت تهتم في بناتها بس كانت تقعد معهم احيانا وتعطيهم الي يبون
مشاعل:عمرها 17 سنة في ثالث ثانوي ""بنت مرجوجه واحيانا تصير مفهيه وغبيه ونوف تسميها ام النكبه دايم تنحط في مواقف غبيه ودافوووره ومتواضعه وطيبه وتحب كل الناس بس ما تثق في الكل هي ونوف اللي يشوفهم كانهم توام لانهم دايم مع بعض لانها تعتبر نوف اختها وصديقتها وبنتها ودنيتها مهايطية درجه اولى وعندها لايباد حقها شي مقدس ما تتذكر ابوها بس تعرف اسمه وماتحب تبكي الا قدام نوف وتعشق الكوريين واغانيهم وتتكلم كوري وانجليزي وتركي
مواصفاتها:عيونها رمادي فاتح و طولها وسط وشفايفها صغيره ولونها وردي شعرها طويل الى نص ظهرهاا ولونه اسود وعندها غمازه في خدهااليمين وتشجع الهلال ودلعها :ميشو او شعوله
شعارها في الحياة: >>صمتي ليس غرورا ولاكن هكذا هم الملوك <<

نوف:عمرها 17 سنه ثاني ثانوي "" بنت مرجوجه وعربجيه درجه اولي وهبله وعلى نياتها بس داااافوره وعندها كل شي عادي ومتواضعه وما تعرف شي عن ابوها الا اسمه دايما مع مشاعل لانها تعتبر مشاعل امها واختها وصديقتها ودنيتها وحبوبه وقلبها ابيض ونادرا ما تعصب وتحب تسوي مقالب هي ومشاعل وتعشق اللاب حقها وماتحب تبكي قدام احد الا مشاعل نوف وتعشق الكوريين وأغانيهم وتتكلم كوري وانجليزي وفرنسي وتايلاندي
موااصفاتها:طولها متوسط وعيونها زرق وفيها لمعة برائه تجذب الكل لها شفايفها صغيره ولونها وردي وملامحها طفوليه وجسمها زي عارضات الازياء بس هي ما تهتم في نفسها وعندها غمازات حفر في الخدين وشعرها الي اخر ظهرها ولونه اسود وتشجع فريق الهلال ودلعها :نوني أو نوفتي
شعارها في الحياة >>طنش الحمير تعيش امير<<

بس ابغى اقول لكم بعض العلامات اذا شفتواهذي العلامه
"" يعني الشخصية تكلم في نفسها
>> تعليقي

بعد ما صلوا..
الجدة:تقبل الله منكم
نوف ومشاعل :منا و منك صالح الاعمال
الجدة"يلا تعشوا عشان تروحون السوق تشترون اغراض المدرسه
البنات:ان شاء الله
بعد العشا الجدة راحت تنام والبنات طلعوا مع السواق
نوف:وين بنروح ميشو
مشاعل:اممم جرير؟؟
نوف:اممم اوكي
مشاعل:راجو
راجوا:نئم ماما
مشاعل:اناماما يامال اللي مانيب قايله
نوف:هههههههههههههههههههههههه
مشاعل:راجو روح جرير
راجو:ان ساء الله ماما
مشاعل بنرفزه :ماما بعينك
نوف فاطسه ضحك على وجهه مشاعل:هههههههههههههههههههههههههههههههه
مشاعل بحنيه:دوم الضحك انشاء الله
نوف وهي تمسح دموعها :وياك يا قلبي
مشاعل:افف وش ذي الزحمة..نوف
نوف:هلا
مشاعل:قولي نكته
نوف:وش قالوا لك مهرج
مشاعل:ههههههه لا قصدي لانك ماسكه البي بي قلت يمكن تقول لي نكته
نوف:اهاا ..وتكمل وهي تأشر بعيونها بطريقه تضحك :من عيني ذي قبل ذي
مشاعل:هههههههههههههههههه
نوف يلا اسمعي : نزل مطر قدام محشش قام يناقز سأله واحد: ليش تناقز ؟؟ قال: ما ابي ادوس النعمة! يـا محشش يأمسلم انت••هَہهَہهَہهَہهَہهَهَہہهَہهَہهَہ••
مشاعل:ههههههههههههههههههه وحده ثانيه
نوف:ههههههه طيب طيب احم احم اسمعي : لو خلآك شخـص لآ تـزعل وتصيح وتـنقهر بالعكس خل قـلــبـك مثل برامج مسابقات وقووووووووول
(نـآآخذ إتصـــآآل جـديد ونقـول ألووووووو» «{..هہہہہہہــہہہہہہہآآآآآي..}
مشاعل فاطسه ضحك:ههههههههههههههههههههههههه
راجو:وصلنا
نزلوا نوف ومشاعل وهم يضحكون الى الان >>مهابيل هههههه
وصلوا عند بوابه مكتبةجرير توها بتدخل مشاعل بس نوف مسكتها ""لالاتدخلين
مشاعل باستغراب:ليه؟؟
نوف بهبال:اول شي سمي بالله وادخلي برجلك اليمين هههههههههههههههههه الف مبروك يا العروس
مشاعل:ههههههههههههههههاي
ودخلوا
مشاعل:اول شي قسم الشنط يلا
نوف:يلا
راحوا واشتروا كل شي وطلعوا يستنون السواق
نوف بطفش:وينه هذا؟؟
مشاعل:حر صح؟؟
نوف:ايه
سمعوا صوت من وراهم:ايس يسوي هنا؟؟
نوف ومشاعل لفوا وشافوا راجوا
نوف وهي تشمر ايدينها وتقدمت عشان تضربه بس مشاعل مسكتها:فكيني خليني اوريه الساعتين اللي تنقعناها هنا
مشاعل :هههههههههههههههههههههههههههه نوف هههههههههه خ هههههه لا هههه ص وقفي
نوف بعصبيه :وين كنت ساعه نتظرك
راجو :انا كنت هناك
وركبوا السيارة ووصلوا البيت ونزلوا
مشاعل وهي تدخل غرفتها :يلا روحي نامي
نوف:ان شاء الله تصبحين على خير
مشاعل:وانتي من اهله ...ودخلت غرفتها
وناموا
في الصباح
قامت مشاعل وتوضت وصلت وراحت غرفة نوف
في غرفة نوف
مشاعل اول ما شافت نوف:ههههههههههههههههههههههههههههه
كانت نوف نايمه على السرير واللحاف على الارض ورجل فوق السرير والثانيه على الارض
مشاعل:هههههههههه نوف
نوف:خخخخخخخخخخخخخخخخخخ>>نايمة
مشاعل :نوف نوف نوف نوف
نوف:امممممممممم
مشاعل:يلا مدرسه اليوم اول يوم في مدرستنا الجديدة
نوف وهي رايحه الحمام:ما ادري ليه نقلنا مدرسة جديده
مشاعل :لان بنات عمنا نقلوا المدرسه اللي كنا فيها
نوف باستغراب:طيب؟؟
مشاعل بكذبة:اكيد بتصير مشاكل
نوف:اهاااااا .... ودخلت الحمام
مشاعل في نفسها""اسفة نوف بس ما اقدر اقول ل كان ابوي تزوج امي بالسر""
نوف توضت وصلت ولبست مريولها
ونزلوا تحت
مشاعل ونوف في نفس الوقت
مشاعل:صباح الخير
نوف:يالله حيا
الجدة وامهم:صباح النور
فطروا البنات وطلعوا
راحوا المدرسه وماكان في بنات واجد وخلص الدوام وطلعوا نوف ومشاعل
في السياره
نوف بتردد:امممممم مششاعل
مشاعل:هلا
نوف:ابي اطلب منك طلب صغير
مشاعل:وشو؟؟
نوف بتردد:اممم ابي ابي اشوف ابوي
مشاعل بصدمة:وشووووووووووو
نوف:الله يخليك بس من بعيد
مشاعل""ماراح تتحمل نوف تشوفه من بعيد راح تنهار"":ان شاء الله
نوف بفرح:واخيرا
وصلوا بيت ابوهم ووقفوا بعيد عن البيت
نوف:وينه؟؟وينه ؟؟
مشاعل:نوف نوف هذا هو
نوف وبدت تتجمع الدموع بعيونها:هـ هـذا هو
مشاعل:ايه
نو ف بكت :اهئ اهئ
مشاعل بخوف:وش فيك؟؟
نوف وهي تمسح دموعها وتبتسم :واخيراشفته بعد 17 سنة
مشاعل""الله يسامح امي وابوي "":راجوا روح البيت
اول ما دخلوا البيت حصلوا خالهم اللي عايش في كوريا الجنوبيه
نوف ومشاعل:السلام عليكم
خالهم :وعليكم السلام
خالهم:اجلسوا
البنات نغزهم قلبهم:طيب وجلسوا
الخال:انتم مؤمنات بالقدر صح؟؟
البنات:صح
الخال:............ سكت
مشاعل بخوف :وش فيك ساكت قول وش صار؟؟
الخال:امكم عطتكم عمرها الله يرحمها
البنات وقفوا وبصراخ :اييييييييييييييش؟؟
الخال:صار لها حادث سيارة وماتت
مشاعل:انا لله وانا اليه راجعون
نوف:اللهم اجرني في مصيبتي واخلف خلفا خيرا منه ......وطلعت فوق
الخال :مشاعل
مشاعل:هلا
الخال:شوي وبجون ناس يعزون
مشاعل:طيب..........وطلعت فوق
طق طق طق صوت باب غرفة نوف
نوف بصوت باكي :تفضل
دخلت مشاعل ودموعها تسبق كلامها :ن ن ن نوف
نوف :اهئ اهئ راحت وهي ما قالت لي انها تحبني اهئ اهئ راحت يا مشاعل وهي دايم تقول انها تكرهني اهئ اهئ
مشاعل ضمتها :خلاص اهئ اهئ
نوف تبكي:اهئ اهئ راحت وهي تقول اني السبب بطلاقها
مشاعل تبكي
نوف:اهئ اهئ ابوي تركنا والحين هي تركتنا
مشاعل:خلاص خلاص خلاص اهئ اهئ
ونامت نوف بحضن مشاعل
هكذا علمتني الحياة
ما أقسى الحياة عندما تفرقك من تحب وتنتهي أغلى أحلامك فتحكم عليك بالموت وأنت حي
ما أقسى الحياة عندما تسرق منك أغلى ابتسامة وأجمل فرحة وأروع قلب فتكره حياتك وتنقلب الدنيا على رأسك ولا عزاء
ما أقسى الحياة عندما تحول أيامك إلى ليلٍ حالك وحزنٍ دائم وبكاءٍ منقطع النظير بعد أن كنت عاشقاً للشمس ساكناً في قلبها
ما أقسى الحياة عندما تصبح الآلام والأحزان لصيقةً بحياتك في كل مراحلها ولحظاتها بما في ذلك ساعات الفرح وما أقلها
ما أقسى الحياة عندما تبكي ولا يسمعك أحد وتصرخ فلا يجيبك أحد وتشكو فلا ترد عليك سوى الجدران
ما أقسى الحياة عندما تنتزع روحك ووجدانك ومشاعرك وأحاسيسك ويحل محلها النسيان ومفارقة أغلى الخلان
ما أقسى الحياة عندما تصبح الوحدة رفيقةَ دربك والضيق أقرب خلانك والمرارة أعز أصدقائك
ما أقسى الحياة عندما تقرأ هذه الكلمات .. وترى أنها تعبر عن ما في قلبك
ما أقسى الحياة عندما تقرأ هذه المعاني .. و تتذكر أنها صورة عن حياتك

بعد 3 ايام العزاء
الخال سافر واخذ الجدة معه
وطول هذي المدة البنات ما راحوا المدرسة ونوف ما تأكل
مشاعل:نوني
نوف:هممم
مشاعل بحنيه:قومي كلي لك شي
نوف:مالي نفس ..وما كملت كلمتها الا والدنيا مظلمة بعيونها واغمى عليها وطاحت على الارض
مشاعل بصراخ :نووووووووووووووووووووووف
ودقت على الأسعاف وصل الاسعاف واخذوا نوف واول ماوصلو المشفى دخلوا نوف غرفة العمليات
مشاعل :اهئ اهئ يا رب لا تاخذ اختي مني ......وتبكي
طلع الدكتور وراحت له مشاعل ركض
مشاعل:بشر
الدكتور:البنت جاها انهيار عصبي وبعدين ليه ماقلتي لنا ان البنت عندها مرض القلب ؟
مشاعل بصدمه:مرض القلب !!!!
الدكتور باستغراب:ما كنتي تدرين؟
مشاعل ودموعها على خدها :لالالا
الدكتور:اوكي الحين بروح وشوي وبجي دكتور اسمه سعود وبكشف عليها
مشاعل:طيب اقدرادخل
الدكتور :الحين لابس هي راح تقعد اسبوع في المستشفى وتقدرين تروحين البيت وتجيبين اغراض لها
مشاعل :ان شاء الله ومشكور يا دكتور
الدكتور:هذا واجبي استاذن

مخرج........

[color="rgb(255, 140, 0)"]علمتنى الحياة

أن أقف في وجه الصدمات ..
وابتسم للجراح ..
ولا أنحني لأي ضعف أو انكسار ..وأن أسارع النهوض عند السقوط

علمتنى الحياة

أن لا انتظر أحداً يداوي جروحي...فلربما التقيت بمن يستعذبها!!
لحياة


كيف أدفن دموع عيني ولا تراها إلا وسادتي لتحتضنها وتدفنها في جوفها ..




أن لكل داء دواء أمر منه ..
إلا رهف الإحساس ورقة المشاعر ..
التي لم ولن تستطيع مسايرة الواقع الأليم ..[/color]


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 11-12-2013, 05:46 PM
صورة حكاية عربجية 2000 الرمزية
حكاية عربجية 2000 حكاية عربجية 2000 غير متصل
©؛°¨غرامي مشارك¨°؛©
 
Uploadfef5c031fd رد: روايتي جرح إلجسد لآمن مضى وقت يبرى الا جرح القلب {علمتني الحياة } >>ارجو التفاعل



البارت الثاني...
مدخل...
[color="rgb(255, 140, 0)"]علمتنى الحياة
أن أقف في وجه الصدمات ..
وابتسم للجراح ..
ولا أنحني لأي ضعف أو انكسار ..وأن أسارع النهوض عند السقوط
علمتنى الحياة
أن دمعتي مصدر رقتي ..
لا مصدر لذلي و مهانتي ..
علمتنى الحياة
أن أبكي داخل حدود قلبي.. وأبتسم للملأ..!!
علمتنى الحياةأن أفرض على الجميع الصمت..حين يروني!!![/color]
راحت مشاعل البيت ودخلت غرفة نوف وفتحت شنطه سفر حجمها وسط وحطت اغراض وهي تكلم نفسها
مشاعل:ايه نوف تحب هذا وووووو ايه وهذا وهذا <<<نفس حالتي خخخ
وخلصت وراحت غرفتها وحطت بالشنطة نفسها ملابس لها بحكم انها مرافقة نوف وحطت مريولها وكتبها
وطلعت وهي نازلة تحت دق تلفون البيت
مشاعل:الو
....:الو
مشاعل:مين؟؟
......:خالك
مشاعل:اوووه اهلين خالو كيفك؟؟
الخال:تمام وانتوا؟؟
مشاعل ما تبيه يخاف على نوف :احنا تمام
الخال:يلا باي نادوا على الطياره
مشاعل:باي ....وسكرت
وراحت المستشفى ودخلت غرفة نوف وحصلت نوف نايمه رتبت الاغراض في الدولاب وجلست تقرا قران
بعد نص ساعة
نوف:اممممم
مشاعل فزت:نوف
نوف:م م م مويه
مشاعل:ططططيب ....وشربت نوف مويه
نوف بتعب:انا وين ؟؟
مشاعل:في المستشفى
نوف بتعب : كح كح كح ليه وش صار؟؟
مشاعل ودموعها على خدها:قلت لك كلي بس انتي قلتي مالي نفس وبعدين اغمى عليكي اهئ اهئ
نوف ابتسمت بتعب:طيب ليه تبكين تراني ما مت
مشاعل ضربتها بخفيف: دوبا
نوف بهبال:كنت ابغى اشوف غلاتي عندك
مشاعل ضربتها بقوة:دووووووووووبا
نوف:ااااااااااااااي يا دوبا عورتيني
مشاعل:ههههههههههههههههه
جلست نوف وسندت نفسها على السرير :والحين ايش قال الدكتور؟؟
مشاعل:لازم تقعدين اسبوع في المستشفى
نوف بصراخ:لالالالالالالا ماني قاعده
مشاعل:نوف اهدي
نوف:طيب
مشاعل بسرعه:كنت تدرين ان عندك مرض القلب؟؟
نوف بتوتر واضح:هاا لا لا انا
مشاعل بحزم وحده:كنتي تدرين والا لا؟؟
نزلت راسها نوف وبحزن :ايه
مشاعل بانفعال :وليه ما قلتي لي ؟؟
نوف بحزن :امي قالت لي لا تعلمين بنتي عشان ما تنشغل عن دراستها لان انتي اخر همي
مشاعل ودموعها متحجره بعيونها :قولي والله انها قالت كذا؟؟
نوف:والله
مشاعل بكت :اهئ اهئ كنتي تتعذبين لحالك وانا ماكنت ادري عنك اهئ اهئ
نزلت نوف من السرير وراحت وضمت مشاعل وقعدت تمسح على شعرها :خلاص مشاعل اللي فات مات
وابتسمت نوف عشان تطمنها وكملت وهي تقول : علمتني الحياة....
ان اصبر على قساوتها ، فان وراء كل ضائقة فرج ووراء كل باب مغلق مصباح يضئ ظلمات الطريق
فلا يأس مع الحياة حتى وان ضاقت بنا اهدأ عند المواقف الصعبة حتى لا ازيد من صعوبتها
احترم نفسي واعزها، فباحترام انفسنا يحترمنا الغير...
مشاعل ابتسمت ومسحت دموعها :ههههه وصرنا نقول حكم
حكت نوف طرف خشمها باصبعها وهذي حركتها اذا انحرجت او ضحكت قدام احد ما تعرفه تسويها
وكلمت وهي تقول:مشاعل يا دوبا يعني لازم تعطيني بنص الجبهه خخخخخخخ
مشاعل:هههههههه قصفت جبهتك
نوف:ههههه مو أي قصف الا قصف ناري ههههههههه
نوف:اقول ميشو
مشاعل:هلا
نوف:جبتي شي عشان نسهر عليه
مشاعل ابتسمت :يب جبت الابتوب والايباد
نوف :مير تسذا زين
مشاعل بتفكير :بما انك مثل الحصان ما فيك شي وش رايك
قاطعتها نوف:قولي ما شاء الله
مشاعل:ههههههه تف تف تف ما شاء الله
نوف تسوي نفسها تمسح وجهها :ووووووووووعوه غرقتيني بسعابيلك ههههههههههه
مشاعل:خليني اكمل
نوف:كملي طال عمرك
مشاعل:وش رايك نروح البقاله ونشتري اغراض السهره وبعدين في الليل نهبل بالمرضى اللي هنا وش رايك؟؟
نوف بحماس:قداااااااااام
مشاعل:يلا خليني اهربك من الغرفة عشان نروح البقاله
في مكان اخر بس في نفس المستشفى .....
طق طق طق طق
.........:تفضل
.........:دكتور سعود
د.سعود:اهلين ميرنا تفضلي
ميرنا وهي تعطيه ملف :هذا مريض يجي قبل شي في الطوارئ <<فلبينيه
د.سعود:شكرا
ميرنا:عفوا ...وطلعت
د.سعود فتح الملف وقعد بقرأ
د.سعود وهي مصدوم :مستحيييييييييل
وقف وطلع بسرعه ..........
عند الثنائي المرح..
مشاعل:بسرعه
نو فوهي تلبس عبايتها :يلا يلا جايه
مشاعل :بسرعه
نوف:طيب طيب
مشاعل :شوفي الحين بفتح الباب ونطلع ركض اوكي ؟؟
نوف:هههههههههه اوكي
مشاعل:يلا بعد الى 3
نوف:لا انا اللي بعد
مشاعل :خلاص مع بعض
نوف/تيب
نوف ومشاعل :1...2...3 يلا
فتحوا الباب مشاعل صدمت بشي خلاها تطيح ونوف صدمت في مشاعل وثنتيهم طاحوا على الارض
نوف ومشاعل:ااااااااااااااااااااي
.....:سلامات
مشاعل بنرفزه :وجع
نوف ببرود :ترى تعورنا
مشاعل تطالع نوف:اكرهك لما تصيرين بارد
نوف وهي تحك طرف خشمها باحراج :هههههههههههههه وش اسوي انا كذا
مشاعل:ههههههههههههههه فديت اللي يستحون ...وباستها على خدها
طبعا هذا كله صار وهم على الارض وقدام الشخص اللي صدموا فيه
.......:احم احم
مشاعل/هلا امراخوي
....:نا يامر عليك عدو بس انا د.سعود
نوف:د.سعود!!!
مشاعل:ايه عرفتك حياك
نوف:بس بسرعه لاننا بننحاش نبي نروح البقاله
مشاعل ضربتها على راسها : يا غبيه
نوف:اااااااااااي ليش؟؟
مشاعل:هذا دكتور يعني اذا عرف بيحبسنا وما راح يطلعنا
نوف بصدمه:اوووووووما
مشاعل:ههههههههه والله
د.سعود دخل وسكر الباب
د.سعود:مين منكم نوف ؟؟
مشاعل وهي تأشر على نوف :هذي المخلوقه
د.سعود.هههههههههههه
خلوني اعرفكم على سعود :عمره 23سنة دكتور قلب طيب حنون بس اذا عصب ما يعرف اللي قدامه ماعنده خوات وعنده 3 اخوان وكلهم اولاد طبعا وطول حياته يتمنى يكون عنده اخت مواصفاته :طويل ومعضل عيونه لونها عسلي فاتح يخقق ويطيح الطير من السماءمعضل ولونه اسمر مايل للبياض ومخقق نص البنات الرياض ما يعطي البنات وجهه وصوته فيه بحة زي نوف بعدين بنتعرف على اخوانه لما يجي دورهم بالرواية
نرجع......
نوف وهي تطالع مشاعل:وش مخلوقته ؟؟
مشاعل :ما ادري
نوف وهي ترمي علبة المناديل عليها:انقلعي مناك يا مال اللي مانيب قايله
مشاعل وسعود:هههههههههههههههههههه
نوف:اقول دكتور سعود انا وش اللي فيني بالضبط
د.سعود:خليني اكشف عليك
نوف:طيب
د.سعود:وش الصدمة اللي خلتك يغمى عليك؟؟
مشاعل تجمعت الدموع بعيونها ونزلت راسها
سعود لاحظ الحركة اللي سوتها مشاعل
نوف:امي توفت قبل ثلاث يام
د.سعود:الله يرحمها وعظم الله اجركم
نوف بابتسامه :اجرنا واجرك ان شاء الله
د.سعود:طيب وين ابوكم؟؟
نوف بحزن حاولت تخفيه :بابا طلق ماما لما كانت حامل فيني في الشهر الثاني وكان عمر مشاعل سنة
د.سعود:انتي اسمك نوف خالد سعود الفيصل ؟؟<<من مخي الاسم
نوف باستغراب من سؤاله :ايه بس ليه تسال؟؟
لف سعود على مشاعل :وانتي مشاعل خالد سعود الفيصل ؟؟
مشاعل:ايه بس ليه؟؟
د.سعود ابتسم :اجل انا اخوكم
البنات:وشووووووووو
د.سعود:هههههههههههه والله أسمي سعود خالد سعود الفيصل
مشاعل :مستحيل
نوف اللي وقفت من الصدمه وما قدرت تتكلم
سعود:والله انا اخوكم وفي 3 غيري
مشاعل ودموعها على خدها :اهئ اهئ كذاااااااااب اهئ اهئ
نوف:........................مصدومة
سعود خاف على نوف وراح لها
مسك سعود كتوف نوف وهزها :نوف نوف نوف اصحي
نوف :.....................
مشاعل بخوف :نننننوف وش فيك؟؟
نوف:بعد ايش ؟؟
سعود:هاااا
نوف:بعد ايش جايين بعد 17 سنة انا اللي طول عمري ما حسيت بحنان الام ولا بحنان الاب جايين الحين
مشاعل تبكي
سعود:ما حسيت بحنان الام؟؟
نوف ودموعها على خدها:اهئ اهئ امي كانت تقول لي دايما اني انا السبب في طلاقها اهئ اهئ وغطت وجهها
نوف وهي تشاهق:انا وش ذنبي اهئ اهئ
علمتني الحياة أن أبكي فالبكاء راحة للنفوس شرط أن أمسح دمعتي قبل أن يراها الآخرون
انفتح باب الغرفة ودخلوا 3 شباب وسكروا الباب
نوف لا شعوريا ضمت سعود وبكت
سعود رفع وجهه نوف من حضنه ومسح دموعها :ليه تبكين؟؟
نوف:اهئ اهئ مين ذولي ؟؟
مشاعل ركضت وتخبت ورا سعود
سعود ابتسم:هذولي اخواني واخوانكم
نوف ومشاعل:ووووووشووو
سعود:والله وبدا يعرف البنات على اخوانهم :هذا بندر اكبر واحد فينا .......وهذا فارس ..وهذا نواف
العيال:سلام
نوف ومشاعل:...............
خلوني اعرفكم عليهم
بندر:عمره 24سنة يشتغل في شركة طيب وحنون وعلى نياته واهم شي سعادة اخوانه وامنيته يكون عنده اخت مواصفاته :طويل ومعضل اسمر وعيونه مثل مشاعل رمادي وخشمه سلة سيف
فارس :21سنة يدرس في الجامعة ادراة اعمال انسان دايم مروق ومرجوج وفله وعربجي مثل نوف يحب يسوي مقالبطيب وحنون وعلى نياته يحب مبدأ التفاهم ما يحب يستعجل في شي وامنية نفس اخوانه مواصفاته : انسان بخقق بكل ماتحمله الكلمة وعيونه لونها رمادي فاتح مرره ومحدده اسود وخشمه سلة سيف ومخقق البنات بس ما يعطي وجهه دائما يقول انه مستحيل يحب أي بنت
نواف:عمره 20 سنة بعد 8 شهور راح يسافر للخارج و يدرس ادارة اعمال في اميركا انساان بارد وهادى بس احيانا يصير مرجوج ومتهور درجة اولى وامنيته نفس اخوانه مواصفاته:طويل عندة عضلات بس خفيفه لانه توه بدا يتمرن عيونه بني فاتح محدده بالاسود اسمر مايل للبياض وشعره مسويه سبايكي
عوده..
نوف الى الحين ضامه سعود وشاده بقوة عليه فجأه حس سعود ان نوف ارتخت يدها مسكها ووخرها
هنا نوف على طول طاحت على الارض مغمي عليها
مشاعل بصراخ وبكي:نوووووووووووووف اهئ اهئ
سعود شال نوف وحطها على السرير وركب لها المغذي
بندر راح لمشاعل
بندر وهو يحضن مشاعل :خلاص خلاص اهدي
مشاعل مسكت تيشرت بندر :اهئ اهئ ما بيها تروح مثل امي اهئ اهئ
بندر:اذكر الله
مشاعل وهي تمسح دموعها:لا اله الا الله
فارس بخوف على نوف:سعود وش فيها ؟؟
سعود ابتسم:لاتخافون عليها
مشاعل بخوف:شلون ما نخاف عليها وهي هذي ثاني مرة اليوم يغمى عليها
نواف بخوف:ثاني مره ؟؟
مشاعل:ايه ايه
نوف:كح كح كح ااااااااي صدري
الكل نقز من مكانه :سلامات
نوف بابتسامة تعب:الله يسلمكم
فارس:طيب عرفونا عليكم
مشاعل :اوكي """انا اسمي مشاعل عمري 18سنة ثالث ثانوي وعندي ايبادي شي مقدس
الكل :وانتي ...قصدهم نوف
نوف:اوكي احم احم """ انا الجميله الرائعه الخوقاقيه المزه الاميره نوف
مشاعل تقاطعها:ابوك يا الثقة
الكل:هههههههههههههههههههههههه
نوف:مولت عليك يا دوبا خليني اكمل
الكل:ههههههههههههههههههههه
مشاعل:استلمي المايك
الكل:ههههههههههههههههههههههههه
نوف:اسمي نوف وعمري 17 سنة ثاني ثانوي وعندي اللاب شي مقدس ههههههههه يا كثر الاجهزه
المقدسة عندنا ههههههههههههههه
الكل:هههههههههههههههههههههههههههههههههههههه
بندر:يعني انتي اخرالعنقود
مشاعل ونوف :اخر العنقود سكرمعقود هههههههههههه
الكل :هههههههههههههههههه لانهم قالوها مع بعض
نوف:مشاعل
مشاعل:هلا
نوف ببرائه :متى بننحاش؟؟
مشاعل ضربتها على راسها
نوف:اااااااااي ليه ضربتيني
فارس:بتنحاشون؟؟
نوف بصراحه تامه :ايه قالت مشاعل نروح البقاله وفي الليل نهبل بالمرضى
مشاعل:يا غبيه
نوف بغباء :اختي الغبيه مو انا
مشاعل بغباء اكبر :مين اختك؟؟
نوف بفهاوه :اخت مين ؟؟
الكل فطس ضحك:ههههههههههههههههههههههههههه
نوف حكت طرف خشمها بأحراج :هههههههههههههههه
مشاعل تهمس لنوف :ترى بقول لهم انك ما رضيت تاكلين
نوف بهمس وتهدبد:يا ويلك
مشاعل بنذاله وبصوت عالي:اسمعوني
الكل /هلا
نوف:يا ويلك
بندر:ايش فيه؟؟
مشاعل:لا بس نوف ما تبيكم تدرون انها ماتبي تاكل شي ومدت لسانها لنوف
نواف:وليه ان شاء ما تبين تاكلين؟؟
نوف لفت وجهها للجهه الثانية:مالي نفس
بندر بحنيه :كلي عشان تطلعين من المستشفى بسرعه
نوف:مابي وكملت بنذاله:ترى مشاعل بكره عندها مدرسه بس ما تبي تروح
مشاعل شهقت:هئ يا حيوانه
سعود:ليه ما تبين تروحين؟؟
مشاعل:نوف هنا بالمستشفى وتبيني اروح
نواف:عادي
مشاعل:لا اسفه نوف انا ربيتها يعني انا امها وما اقدر اخليها
نوف نزلت راسها
فارس بحنيه:نامي عندها وبكره واحد منا يجلس عندها وقت دوامك وش رايك؟؟
مشاعل بتفكير:امممممممم يصير خير بكره
نوف كحت بتعب:كح كح كح كح
مشاعل بخوف:وش فيك ؟؟في شي يعورك ؟؟
نوف بتعب:كح كح كح لا لا ما فيني شي
مشاعل :اكيد
نوف بتعب:اكيدين
مشاعل :راح تقولون لابوي؟؟
بندر:اكيد بس ماادري متى؟؟
نواف:قولوا له لما نوف تطلع من المستشفى
فارس:انا مع نواف
سعود ومشاعل :وانا بعد
بندر:وانتي نوف؟؟
نوف :خخخخخخخخخخخخخخخخخ
بندر:ههههههههههههههه نايمة الاخت
الكل:هههههههههههههههههههههه
قام بندر وغطا نوف وباس راسها :يلا استاذن بروح
مشاعل ضمته :يلا باي وانتبه لنفسك وزورنا مره ثانية
بندر:ان شاء الله ....والتفت لاخوانه :لا تتاخرون عشان ابوي ما يحس اوكي؟؟
العيال:اوكي
بعد ساعتين
العيال :يلا نستاذن
مشاعل بابتسامه /اذنكم معاكم
طلعوا العيال ومشاعل انسدحت جنب نوف ونامت

مخرج................
علمتني الحياة أن هناك شيئان لايجب أن تطلبهما من الناس :الأحترام والأهتمام
فالأحترام يجب أن تفرضه بأسلوبك
والأهتمام يجب أن يفرض نفسه بنفسه
علمتني الحياة أن لا أحزن إذا جائي سهم قاتل من أقرب الناس إلى قلبي ..
لأنني سوف أجد من ينزع السهم ويعيده لصاحبه ويعيد الحياة والأبتسامة لقلبي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 11-12-2013, 11:23 PM
نووجةو نووجةو غير متصل
©؛°¨غرامي فعال ¨°؛©
 
الافتراضي رد: روايتي جرح إلجسد لآمن مضى وقت يبرى الا جرح القلب {علمتني الحياة } >>ارجو التفاعل


حلوة ورائعة وممتعة استمرى بانظار البارت الجديد على نار .

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 22-03-2014, 02:32 PM
صورة حكاية عربجية 2000 الرمزية
حكاية عربجية 2000 حكاية عربجية 2000 غير متصل
©؛°¨غرامي مشارك¨°؛©
 
الافتراضي رد: روايتي جرح إلجسد لآمن مضى وقت يبرى الا جرح القلب {علمتني الحياة } >>ارجو التفاعل


لبارت الثالث..
مدخل..
علمتني الحياة أن هناك الكثير من القلوب الطيبة التي تستقبل الألم بصمت
وتبرر الأخطاء بحسن نية ، وتمتلك القدرة الكبيرة على النسيان والتسامح
فما أحب تلك القلوب إلى قلبي لأنها من نفس الطينة.
علمتني الحياة أن هناك أسماء تلمع في قلوبنا وتأبى أن تختبئ لأنها امتزجت بأرواحنا.
قد نمضي وقد نفترق ..قد نرحل و قد لا نلتقي. ولكن يبقى صداهم في داخلنا للأبد
صحت الصباح مشاعل وتوضت وصلت ولبست مريولها وجزمتها وسوت شعرها ذيل حصان
وخذت التلفون حق المستشفى
الموظف:الو
مشاعل:الو السلام عليكم
الموظف:وعليكم السلام امري اختي بغيتي شي؟؟
مشاعل:ايه اخوي اذا ما عليك امر جيب لنا فطور
الموظف:ان شاء الله تحت امرك بس كم رقم الغرفة؟؟
مشاعل:102
الموظف:كم شخص موجود
مشاعل تستهبل:2 ونص ههههههههههه
الموظف:عفوا
مشاعل:ااااااسفه قصدي 2يلا مع السلامه
الموظف:مع السلامه
مشاعل:افف والله اني نكبه بس يا لبيه صوته يجنن
.........:مين اللي صوته يجنن هاا
مشاعل:نوف قمتي
نوف:لا لسى قاعده اتمشى باالحلم دقيقه واقوم من النوم خخخخخ
مشاعل :هههههههههه خليني اقول لك عن ابو صوت حلو .........وقعدت تقول لها السالفه
عند الموظف
مشاعل:ااااااسفه قصدي 2يلا مع السلامه
الموظف:مع السلامه
الموظف:ههههههههههه والله انها هبله
.......:طال عمرك وش تسوي هنا
الموظف:قاعد استهبل
......:بس انت ابن مديرالمستشفى ليه قاعد تشتغل مكان هذا الموظف
الموظف:كيفي بس صوتها يا لبيه لازم انا اللي اودي لها الاكل
........:عفوا
الموظف:ما اكون انا بسام ان ما جبت راسك ههههههه
عند الثنائي المرح..
مشاعل:وهذي السالفة
نوف:اقول لك شي اكيد الحين يقول ما اكون فلان ان ماجبت راسك ههههههههه
مشاعل:ههههههههههههههههه بس انا مو بسرعه احب
نوف:شكلك ما ودك تروحين المدعسه >>المدرسة<< صح؟؟
مشاعل:لا ما ودي تدرين ليه
نوف بثقه:لانك خايفه علي
مشاعل:لا
نوف:لانك تحبيني
مشاعل:لا
نوف:اجل مولت عليك يا دوبا
مشاعل :هههههههههههه لاجد في سبب
نوف:اللي هو
مشاعل:تذكرين شلة البنات البويات والليدات اللي يكرهوننا
نوف باستغراب:ايه بس وش الطاري ؟؟
مشاعل :نقلوا في مدرستنا الجديده
نوف بانفعال :وشوووووو
مشاعل تنهدت :ااااه يا نوف والله اني خايفه
نوف:لا تخافين
مشاعل بخوف :نوف ماني مداومة
نوف:الا بتروحين
طق طق طق <<صوت الباب
مشاعل وهي تلبس عبايتها :طيب طيب
برا الغرفة
بسام بطفش :اف ساعة
فتحت الباب مشاعل:سلام
بسام:وعليكم لسلام
مشاعل وهي خاقة :نعم امر اخوي
بسام في نفسه"يا لبيه عيونها ذباحة "":ما يامرعليك عدو بس هذا الفطور اللي طلبتيه
مشاعل في نفسها ""حرام يشغلونه في هذي الشغلة ""شكرا واخذت الفطور
بسام وهو خاق :العفو
خلوني اعرفكم على بسام:عمره 22سنة طيب وحنون وعصبي واللي في قلبه على لسانه
مواصفاته:ابيض مايل للسمار معضل وطويل وشعره كثيف واسود وعيونه عسليه وعنده عوارض
ودخلت مشاعل وسكرت الباب
مشاعل:ااااااااااااه يا لبيه
نوف:ههههههههه شكلك خاقة من الصميم
مشاعل:ههههههههه يلا افطري
نوف:طيب طيب
بعد نص ساعة
مشاعل:اف الحين الساعة كم ؟؟
نوف وهي تشوف الساعة:6:00
مشاعل وهي تقوم :يلا لازم اروح الحين
نوف وهي تقوم :يلا
مشاعل باستغراب :وين رايحة يانوف؟؟
نوف:بوصلك للسيارة
مشاعل:أوكي
ونزلوا تحت
عند باب المستشفى
مشاعل بطفش:اففف وين راجو
نوف:هههههههههههههه الحين بجي
مشاعل:نوف ليه تضحكين
نوف:ما ادري جتني الضحكة
مشاعل:الحمد الله والشكر
......:وش تسوون هنا؟؟
لفو نوف ومشاعل :سعود؟؟
سعود:ايه وش تسوون هنا من الصباح؟؟
مشاعل:استنى راجو عشان اروح المدرسة
سعود وهو يطالع نوف:وانتي؟؟
نوف:نزلت اوصلها
سعود بسخرية:لااااا احلفي
نوف وهي تحرك اصبعها بطفولة :والله والله العظيم وقسم بايات الله اني ابغى اوصلها للسيارة
مشاعل وسعود:ههههههههههههههههههههههههههاي بزر
نوف مدت بوزها شبرين :مولت عليكم
......:مين اللي زعل القمر؟؟
سعود:اهلين فارس
فارس:هلا ....وطالع نوف وش فيك زعلانه؟؟
نوف بزعل:ولا شي
فارس:علينا؟؟
نوف بابتسامه:مافيني شي
......:سلاااااااام
الكل:اهلين
نواف و بندر :كيفكم؟؟
الكل:تمام
بندر و هو يطالع نوف :وش اللي منزلك تحت؟؟
نوف:كنت ابغى اوصل مشاعل للسيارة
بندر:اهااا
.........:وش تسوون هنا وليه واقفين مع هذول البنات؟؟
الكل لف لورا وشهقوا :هئهئهئهئهئ
بندر:اهلين يبا
الاب بعصبية :وش تسوون مع هذول البنات؟؟
نوف :المفروض تدعي لهم مو تعصب عليهم
الاب باستغراب :ليه؟؟
نوف بكذبة :لانهم امس ساعدونا
الاب:كيف؟؟
نوف وهي تكمل الكذبة :أمس وأحنا راجعين للبيت حسيت بدوخة واغمى علي واختي قامت تبكي وهم شافونا ساعدونا
الاب:اهااا اجل يلا انا رايح سلام
الكل:سلام
اول ما راح الاب
نوف تنهدت:ااااااااااهـ
الكل:والله انك ذكيه
نوف بغرور :ادري
الكل:مالت
نوف بوزت
مشاعل:يلا باقي شوي ويرن الجرس
بندر:تعالي انا بوصلك
مشاعل:لاما له داعي
بندر:ترى ازعل منك
مشاعل:خلاص كل شي ولا زعلك
وراحوا مشاعل وبندر وسعود راح الشغل
نوف بطفش:اففف طفش
فارس ونواف:يلا سلام عندنا مشوار نخلصه ونجي اوكي؟؟
نوف بزعل:اوكي
وراحوا فارس ونواف
نوف وهي تكلم نفسها:افف وش اسوي الحين امممممم لقيتها
وطلعت لغرفتها ركض
ومسكت جوالها ودقت على راجوا
نوف:الو
راجو:الو
نوف:وينك؟؟
راجو:في بيت مال انا
نوف :تعال المستشفى بسرعه
راجو:اوكي خمس دقيقة
نوف:بسرعه يلا باي
راجو:باي
في السيارة
نوف:روح المطعم
راجو:أي مطعم؟؟
نوف:امممم ما ادري وش تنصحني اكل؟؟
راجو:امممم مافي معلوم
نوف:طيب روح مجمع ...........
راجو:اوكي
بعد10دقايق
راجو:وصلنا
نوف وهي نازلة :يلا سلام
راجو:سلام
في المول
.....:يا حلو الرقم
نوف باستغراب:وشووو
الشاب :الرقم
نوف بعصبية:انقلع هناك قليل ادب
الشاب بعصبيه :وشووو
نوف وهي تمط الكلام بحركة تنرفز :ا نـــ قــ لــ ع هناااااااك
الشاب بعصبية وصراخ:تعرفين مين انا
نوف باستهزاء:مغازجي منتف
الشاب بعصبية وهياط:انا ولد الفيصل تقولين لي كذا
نوف باستهزاء:طيب وش اسوي لك
الشاب بعصبيه وتهديد:اوريك ترى راح تندمين
......:ريان
الشاب اللي كان يغازل نوف:هلا
نوف باستهزاء وسخرية:ريااان الفيصل ...وكشت عليه مالت عليك
ريان بعصبية وصراخ:احترمي نفسك
نوف ببرود:والله انا محترمة نفسي قبل ما اشوفك يا البزر
ريان بعصبية وصراخ:بزر بعينك
نوف بقرف:اقول روح وخل عندك كرامة
ريان بصراخ وعصبية وبانت عروقه:احترمي نفسك
نوف ببرود :اعلى مافي خيلك اركبه
ريان مد يده عشان يعطي نوف كف بس نوف كانت اسرع منه ومسكت يده
نوف بعصبيه :مين انت عشان تمد يدك علي ....وكملت بصراخ ..هاااااااااا
...........:نوف؟؟
نوف لفت:مين؟؟
...:انا ندى
نوف طنشتها ولفت على ريان وعطته ذاك الكف اللي مستحيل ينساه في حياته
نوف بعصبية وصراخ :اسمعني زين اقسم بالله العلي العظيم ان اذا شفتك مرة ثانية قدامي والله لانسيك اسمك فااهم
ندى صديقة مشاعل اتصت على مشاعل طبعا مشاعل جايبه جوالها للمدرسة
مشاعل :الو
ندى بخوف:مشاعل الحقي
مشاعل بخوف:وش السالفه
ندى:اختك ......وقالت لها السالفه
مشاعل بخوف الدنيا:اوكي اوكي بااي
سكرت مشاعل ودقت على فارس
فارس باستغراب وصوت كله نوم مسكين الاخ نايم:الو
مشاعل تبكي :اهئ اهئ اهئ
فارس بخوف:وش فيك؟؟
مشاعل وهي تشاهق :اهئ اهئ الحق على نوف اهئ اهئ اهئ
فارس بصراخ وخوف:وش فيها ؟؟
مشاعل تبكي
فارس اخذ نفس:مشاعل مو نوف في المستشفى؟؟
مشاعل :اهئ اهئ لا طلعت وراحت المجمع .......وقالت له السالفة
فارس وقف وقال بخوف :طيب طيب يلا باي
نزل فارس تحت وحصل بندر وسعود ونواف وامه وابوه
فارس وهو مستعجل :السلام عليكم
الكل:وعليكم السلام
الاب:على وين ؟؟
فارس وهو خايف على اخته ومستعجل :يبا مستعجل لازم اطلع
بندر وسعود ونواف نغزهم قلبهم
فارس طلع ركض
وبندر ونواف وسعود لحقوه
بندر:فارس وش السالفه؟؟
فارس:..........قال لهم السالفه
سعود بخوف:يلا بسرعه خلونا نلحق عليها
الكل:يلا
وركبوا السياره وراحوا للمول
عند نوف
ريان بعصبيه الدنيا:انتي تمدين ايدك علي
نوف بعصبيه اكبر :امد ايدي عليك وعلى اللي اكبر منك بعد
......:وش السالفه
نوف وريان لفو لورا وحصلوا بندر وسعود وفارس ونواف
نوف بحقد:ولاشي
ريان بكرهـ :مافي شي مهم
بندر بصوت حاد وعالي:يلا كل واحد يروح بيته
ريان ونوف:طيب
خلوني أعرفكم على ريان: ريان محسن سعود الفيصل عمره 21 سنة طيب وحنون وعلى نياته وقلبه ابيض مرجوج ويحب يضحك ويضحك الناس ومتهور وما يحب يغازل بس لما غازل نوف كانوا اصحابه متحدينه عصبي وما يحب احد يغلط على اللي يحبهم ودايم يقول مستحيل احب بنت مواصفاته:ابيض مايل للسمار معضل وطويل عيونه لونها اخضر ومحدده بالاسود عنده عوارض وشعره كثيف ولونه اسود احيانا يسويه سبايكي عنده غمازات حفر في الخدين يخقق بكل ما تحمله الكلمة مخقق بنات الرياض واكثر بنات اللي يقربون له يحبونه
في المستشفى
سعود بعصبيه :ليه طلعتي من المستشفى؟؟
نوف ببرود: طفشت وطلعت أتوقع ما سويت جريمة
سعود بعصبيه :احلفي ؟؟
نوف ببرود اكثر:والله
سعود ما تحمل برودها وعطاها كف وكمل بعصبيه:تراك زودتيها
نوف منصدمه من الكف اللي جاها :......................
سعود بعصبيه :ترى عمرك 17 سنه يعني كبيره
نوف منصدمه :..............................ساكتة
سعود بصوت حاد وعصبيه :كبري عقلك الى متى بتضلين بزره
نوف واخيرا تكلمت :مالك دخل فيني
سعود مسك يدها ولواها ورى ظهرها :اسكتي ولا كلمة
نوف والدموع متحجره في عيونها:ااااي اترك ايدي عورتني
سعود دفها وصدم راسها في طرف الطاولة وانجرحت
اما سعود طلع معصب من غرفتها
نوف وهي تبكي والدم مالي وجهها :اهئ اهئ اهئ اهئ
واخذت جوالها ودقت على مشاعل
مشاعل بخوف:الو نوف وينك؟؟ فيك شي ؟؟وين اخواني؟؟ صار لك شي؟؟
نوف بكت:اهئ اهئ اهئ مشاعل اهئ اهئ اهئ
مشاعل بخوف :نوف وش فيك ؟؟
نوف تبكي :اهئ اهئ اهئ اهئ اهئ
مشاعل :الو؟؟ الو؟؟ الو؟؟ نوف؟؟ نوف ؟؟
نوف ظلمت الدنيا بعيونها واغمى عليها
مشاعل بخوف وهي تبكي:اهئ اهئ الو؟؟ الو؟؟ اهئ اهئ
سكرت من نوف ودقت على نواف
نواف كان في بيت جده وجدته والكل كان مجتمع
نواف:الو
مشاعل بصراخ وهي تبكي: نواااااااااااف اهئ اهئ الحق على نوف اهئ اهئ
نواف وقف وبخوف:وش صار؟؟
الكل لف لجهة نواف
مشاعل:اهئ اهئ اهئ اهئ اهئ
نواف بصراخ:وش صار ؟؟
مشاعل بخوف:مما ادري كانت تكلمني وهي تبكي وبعدين ما ردت علي .....وبكت
نواف بخوف:يلا مع السلامة
وطلع ركض من بيت جده وجدته
وصل المستشفى وطلع ركض لغرفة نوف
اول ما دخل انصدم حصل نوف على الأرض ووجهها كله دم والارض كلها دم
نواف بصدمه:ن ن ننوف وكمل بصراخ نوووووووووووووووووف
راح لها ركض وحط رأسها في حضنه وصار يضرب على خدها بخفيف
نواف:نوف نوف قومي
شالها وصار يركض زي المجنون وهو يقول :ساعدوني بتموت
جاء له واحد من الدكاترة :نواف نواف من هذي
لف نواف:عمي عمي محسن ساعدها الله يخليك
عمه محسن :طيب طيب حطها على السرير
نواف :طيب طيب وحط نوف على السرير
عمه محسن كشف على نوف
العم محسن بصراخ:يا سيستر
السيستر:نعم دكتور
العم محسن بصراخ وخوف :جهزي غرفة العمليات وجيبي جهاز الانعاش بسرعه
السيستر:طيب طيب وراحت ركض
ودخلوا نوف غرفة العمليات
ونواف واقف عند الغرفة ويدعي ربه ينجي اخته
دق جوال نواف وشاف المتصل بندر يتصل بك
نواف بتعب :الو
بندر بخوف:الو وينك ؟؟
نواف وهو يبكي:بندر الحق على اختي بتموت اهئ اهئ
بندر بخوف :أي اخت ؟؟
نواف ويبكي :اهئ اهئ نوف اهئ
يندر بخوف:الحين جاي يلا باي
نواف:باي
وقف بندر :يلا عن اذنكم
الجد:على وين ؟؟
بندر:ضروري اطلع الحين
الجد:ليه وش صار ؟؟
بندر:لا بس واحد من أصحابي يبيني بموضوع مهم
الجد:الله معك
بندر:يلا مع السلامه
وطلع وتوه بيركب السيارة شاف فارس جاي لجهته
فارس:على وين يا الحبيب؟؟
بندر بخوف:والله ماادري بس نواف.....وقال له السالفة
فارس بخوف :بروح معك
بندر:اركب بسرعة
وصلوا المستشفى وراحوا غرفة نوف ودخلوا وما حصلوا نوف ونواف
فارس باستغراب :وينهم؟؟
بندر باستغراب اكبر:ما ادري
......:عن من تدورون ؟؟
لفوا بندر وفارس لورا وشافوا مشاعل
مشاعل بخوف:وين نوف؟؟
فارس وبندر :ما ادري
جات لهم سيستر طبعا الكلام بالــe وانا راح اكتبه مترجم
بندر:لو سمحتي
السيستر:نعم
بندر:أين المريضة التي في هذه الغرفة ؟؟
السيستر:اوووه هل تعرف الفتاة الموجودة في هذه الغرفة؟؟
بندر:نعم أين هي؟؟
السيستر:للأسف حالتها سيئة وهي الان في غرفة العمليات
بندر:شكرا
السيستر:عفوا
مشاعل تبكي :وش قالت ؟؟ وين نوف؟؟
بندر بخوف /نوف في غرفة العمليات
فارس ومشاعل بصدمة:وشوووووووو؟؟؟
بندر:بسرعة خلونا ننزل
الكل:يلا
نزلوا تحت وشافوا نواف وراحوا له ركض
فارس بخوف :نواف وش صار؟؟
نواف بتعب وهو يبكي :............قال لهم اللي صار
مشاعل :اهئ اهئ تبكي
بعد ساعتين
طلع العم محسن والكل راح له ركض
مشاعل:بشر
العم محسن:الحين حالتها مستقره بس
الكل بخوف :بس ايش ؟؟
العم محسن بحزن :دخلت في غيبوبة
مشاعل :لاااااااااااااا نوووووووووف .... ....واغمى عليها
فارس بخوف :مشاعل .........وشالها
العم محسن بحده :ابغى اعرف علاقتكم بهذول البنات
نواف وبندر:طيب بس لا تقول لابوي
العم محسن :طيب تعالوا مكتبي
بندر ونواف:طيب
وراحوا لمكتب
في المكتب
العم محسن :يلا قولوا السالفة
نواف:طيب
بندر:............قال له من اول ما عرفوا البنات الى الحين
العم محسن ابتسم :يعني هذول بنات اخوي
بندر ابتسم:ايه بس يا عم لا تقول له الحين طيب؟؟
العم محسن:طيب وكمل باستغراب نواف وش فيك ساكت ؟؟
نواف تنهد :اااااه خايف على نوف ومشاعل
العم محسن:لا تخاف هم الحين بخير بس ادعوا لنوف انها تقوم بالسلامة
نواف وبندر:الله يسمع منك
عند مشاعل وفارس
مشاعل قامت من الاغماء :امممم امممممم
فارس :مشاعل مشاعل انتي خير
مشاعل جلست وبخوف:نوف نوف وينها ؟؟
فارس بحزن:ادعي لها يا مشاعل
مشاعل بكت:اهئ اهئ من سوى كذا فيها اهئ اهئ
دخلوا بندر ونواف والعم محسن:السلام
فارس ومشاعل:وعليكم السلام
مشاعل طالعت العم محسن بخوف :من هذا؟؟
العم محسن ابتسم:انا عمك ودكتور أختك
مشاعل بكت:اهئ اهئ من اللي سوى كذا فيها كذا اهئ اهئ
......:أنا السبب
الكل لف لورا
الكل شهق:هئئئئئئئئئئ انت يا سعود
سعود بحزن:ايه انا
مشاعل قامت وصارت تضرب على صدره :ليه ليه وش سوت لك هي حرام عليك شلون انا بعيش من دونها
سعود بحزن :ما كان قصدي كل اللي صار........وقال لهم السالفة
مشاعل بكت:اهئ اهئ
بندر بحزن:انت غلطت سعود
سعود:.............ساكت
مشاعل بحنيه:لا تخاف نوف راح تسامحك
قارس باستغراب:كيف عرفتي ؟؟
مشاعل بشبه ابتسامه :نوف اختي ونوف قلبها ابيض وطيبه وراح تسامحه
الكل:الله يسمع منك
بعد أسبوعين الكل كان يزورها العم محسن ومشاعل وبندر وسعود ونواف وفارس
مشاعل كانت عند نوف
مشاعل وهي ماسكة يد نوف
مشاعل:نوف قومي انا محتاجه لك ومنى وراكان قومي خلاص
نوف:............................
مشاعل بصوت باكي:نوف عم منى يبغى يزوجها لواحد عمره 49 سنة
نوف:..........................
مشاعل بكت:اهئ اهئ نوف قومي ما اقدر اعيش من دونك اهئ اهئ اهئ
نوف فتحت عيونها وغمضتها ورجعت وفتحتها ومشاعل ما شافتها لانها حاطه راسها على السرير وتبكي
نوف رفعت يدها الثانية وحطتها على رأس مشاعل
مشاعل حست بيد على راسها رفعت رأسها وشافت نوف
مشاعل وهي مو مصدقه:نننوف انتي قمتي
نوف ابتسمت بتعب :ايه
مشاعل طلعت ركض وراحت لمكتب عمها
مشاعل:عمي عمي نوف قامت
العم محسن وهو مو مصدق :قامت !!!!!!!
مشاعل بفرح:ايه ايه ايه
العم محسن وقف وهو رايح:اتصلي على أخوانك وبشريهم
مشاعل وهي تطلع جوالها :اوكي
عند بندر وسعود وفارس ونواف كانوا في بيت الجد والجدة والكل مجتمع
دق جوال بندر شاف المتصل دنيــــتي يتصل بك
بندر:الو
مشاعل:الو بندر كيفك؟؟
بندر:انا تمام وانتي
مشاعل:دوم مو يوم انا تمام
بندر:دوم وش عند مستانسه
مشاعل بصراخ :نوف قامت نوف قامت
بندربفرح:وشووو من جدك
مشاعل :ايه ايه والله قامت
بندر:خلاص دقيقه و جاي يلا باي
مشاعل:باي
بندر بفرح وهو يهمس :سعود فارس
سعود وفارس بهمس:هلا
بندر و هو متشقق من الفرحة وبهمس:نوف قامت
فارس وسعود:وشو من جدك
بندر بفرح:ايه والله


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 22-03-2014, 04:27 PM
صورة ديمٌو ! الرمزية
ديمٌو ! ديمٌو ! غير متصل
©؛°¨غرامي فضي¨°؛©
 
الافتراضي رد: روايتي جرح إلجسد لآمن مضى وقت يبرى الا جرح القلب {علمتني الحياة } >>ارجو التفاعل


حبيبتي روايتجج جميله ..*

لاكن ينقصدها وصف مثلاً يعني ..
ابتسمت بقوة ع غباء صديقتها الغاليه الي مستحيل تقدر فراقها ولو لحظه وو...إلخ


بتكون روايتكك جميله .. وخلي الروايه مختلفهه عن باقي الروايات عزيزتي ..

يعطيك العافيه ع طرح هل روايه الجميله

غغميزه


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 22-11-2018, 06:19 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: روايتي جرح إلجسد لآمن مضى وقت يبرى الا جرح القلب {علمتني الحياة } >>ارجو التفاعل


3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

رواية جرح إلجسد لآمن مضى وقت يبرى الا جرح القلب علمتني الحياة /بقلمي

الوسوم
????????
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
ماهو الحب انوووسة مواضيع عامة - غرام 2 11-07-2017 07:59 PM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM
رواية مجنون احب غيرك /بقلمي Krystal روايات - طويلة 2 04-05-2015 07:44 PM
رواية بدلت مافي القلب /بقلمي <صابرين> روايات - طويلة 14 15-02-2015 08:42 PM
علمتني الحياة حجازيهه~ خواطر - نثر - عذب الكلام 10 26-01-2015 06:49 PM

الساعة الآن +3: 07:31 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1