غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 13-12-2013, 10:35 PM
صورة Malakfaye الرمزية
Malakfaye Malakfaye غير متصل
©؛°¨غرامي مشارك¨°؛©
 
11302798202 كل شي يقتلني يحسسني إني عايشة /بقلمي


بسم الله الرحمن الرحيم
ما رح ابدا بالكلام المعتاد اترددت كثير قبل ما اكتب روايتي وكذا ..
بس الشي اللي حاصل اني فعلا اترددت كثير كثير كثير قبل لا انزلها اصلا انا قاعدة اكتب وقلبي طايح في بطني من الخوف
ما ادري خايفة من ايش صراحة
انا حجازية بس كتبت بالنجدي لاني احس انه ينتشر اكثر
اتقبل اي شي عادي الا السب طبعا
البارتات بتكون كل يوم خميس وجمعة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 13-12-2013, 10:37 PM
صورة Malakfaye الرمزية
Malakfaye Malakfaye غير متصل
©؛°¨غرامي مشارك¨°؛©
 
الافتراضي رد: كل شي يقتلني يحسسني اني عايشة !


نبدا بسم الله
البارت الاول
سجى وربى واقفين عند باب غرفته ويناظرون بسرحاااان .
سجى : اففففففف تتوقعين يوافق ؟
ربى : وليش ما يوافق ؟
سجى : يعني ما تعرفين خالك ماخذ طبع العائلة الكريمة عليه نذااالة ان طبيعية ( ان طبيعية = موب طبيعية ) .
ربى : لاااااا بس هاذي فيها فلة .
سجى : ايه صح و سكتوا شوي فجاة سجى صرخت : هييييي شفينا واقفين عند الباب خل ندخل .
ناظروا بعض بحماااس في نفس الوقت وقالوا في نفس الوقت : طبينا !! ههههههههههه .
سجى : اوكي ندف الباب برجولنا ؟
ربى : اييه طبعا بس خلينا اول شي ندق الباب من باب الادب صح ؟!
سجى : والله انك اختي يا بنت عمتي نفس التفكيييير اشتقتلك والله .
ربى : ادري حتى انا والله المهم يلا . طقت الباب طقتها المميزة .
حمد : ادخلي .
ناظروا بعض بحمااااس وفتحت سجى مقبض الباب ودفوه برجولهم ودخلوا
سجى : هللللاااا واللله بحمود !.
ربى : سلاااام خالي حمود !!!.
جلست سجى عند البدال ( آلة رياضية ) وربى على الكرسي وحمد على المرتبة حقته وعينه على اللاب حقه
وصف سرييع للغرفة ( الغرفة كلها باركيه رمادي ومرتَبة عليها لحاف احمر والجدران بيضاء ومافي اي دولاب عنده علاقة ملابس عريييضة ماخذة جدار كامل معلقة على الجدار ورف اسود عليه عطورات وكذا وعنده البدال يعني باختصار غرفة عزاااابييية )
حمد رفع حاجبه : لااااا كان دخلتوا بدون ما تدقون وتتعبون نفسكم .
سجى : ايييه كنا بنسوي كذا بس قلنا من باب الادب يعني . سكتوا شوي وربى تطالع في سجى يعني تكلمي .
حمد : شتبون ؟!
ربى : افاااا ما هقيتها منك الحين لازم نبي شي اذا دخلنا غرفتك ؟
حمد : اييييه الثنائي الشيطاني داخل لعندي اكييييد مصلحة اجل يسلمون علي مثلا .
سجى بتاثر مصطنع : استغفر الله استغفر الله المهم كيفك حمودي ؟
حمد : لااااا سجى تقولي حمودي اجل فيه مصيبة .
ربى : يووووه خلك متفاءل ياااخييي .
حمد : شتبوووون بسرعة ؟!
ربى : طيب طيب هدّي .. سجى اتفضلي .
سجى : انت عارف شكثر كان ودي ادرس طب في بعثة والحمدلله الحممممدلله ابتعثت لا وعلى نفس المدينة اللي تدرس فيها ربى يعني انا كنت احلم بذا اليوم والحمممممدلله اتحقق الحلم .
حمد قاطعها : الزبدة .
سجى : لازم اشتري ملابس حجاب وصراحة بما اننا في الصيف وربى عندها اجازة ابي اسافر دبي ونشتري ملابس ..
حمد قاطعها مرة ثانية : والمطلوب ؟! وترى مافي سفر بروحكم .
ربى اتكلمت : افففففف خلها تكمل يااااخييي
سجى : شكرا ربرب المهم وقلت لبابا وقالي لازم يروح معاي محرم وهو موب فاضي وسلوم ما يبي .
ربى : فقالت اكيييد حمود بعد قللللبي بيروح معنا .
حمد صار يضحك : الحين جاييني ومقتحمين الغرفة بس عشان ذا الشي احسب عندكم سالفة .
سجى بجدية : حمود مو وقت استظرافك الحين انا اتكلم جد جاوب عشان اذا ما تقدر بدورلي على محرم .
حمد نقع ضحك : يعني مثلا بتترجي كل عمانك وخوالك واذا ما وافقوا بتتزوجي وتاخذي الهبلة ذي معاك .
ربى : هيييييي ندري اننا هبلات بس جاوب .
حمد بغرور مد ايده : بوسو ايدي اول شي .
سجى : حمووووود يا كرهك .
حمد : اوكي اوكي .
سجى نطت بقوة وحماس وحضنته بقووة : مشكور مشكور مشكور .
ربى : انتظري اكيد فيه شروط .
سجى : اييه صح ( بعدت عنه ) وش شروطك ؟
حمد ابتسم وناظر بربى : مانيب مثلكم اتشرط .. المهم حجزتوا ؟
ربى : لا الحين بحجز .
حمد ناظرها : وانتي ابوك موافق ؟
ربى : ايه طبعا .
حمد : ومنى اكيد ما رح تاخذونها .
سجى : لاااا بنتصل عليها في شهر العسل ونقولها تعالي واتركي زوجك تستهبل ؟!
ربى جلست معهم على المرتبة و اخذت اللاب وقعدت تدور حجز وحمد مسك جواله
سجى : ايييه ربى شرايك اخلي بيشو تجي معنا ؟
حمد رفع راسه من جواله بقوة وناظرها واتغير لون وجهه وقلبه يدق بقووووووة

خل فـ بآلك ؛ آسمك بيظل فـ قلبي معزوف !

ربى ناظرت سجى النظرة اللي اوكي فهمت عليك : ايييه خلها تجي .
حمد : لاااا مانيب جاي اذا هي جاية .
سجى وربى في نفسهم ( واخيرا مسكناه ) ناظروا بعض بشطانة و جلست كل وحدة جنبه وهو بالوسط
سجى : ليه لون وجهك تغير هاااا ؟
ربى مسكت قلبه : وليه قلبك يدق بسرعة هاااااا ؟
سجى : وليه ما تبي تروح معنا اذا هي ما بتجي هااااا؟
حمد ارتبببك : هييي انتي وهي شفيكم قلبتوا مرة وحدة محققين ولون وجهي تغير لاني تذكرت عزام وصاني على شي ونسيته وقلبي ما فيه شي بس انتوا تدورون الزلة ومابي اروح اذا هي موجودة عشان تاخذ راحتها .
ربى : خاااااالووووو ندري انك تحبها .
سجى : ايييه ندري انك تحب خالتي بيشو اتحمست فجاة وبصراخ على بالكم مغفلااات وما نعرف حركاتكم يا عيال شرييييفة هاااا.
حمد تنهد تنهيدة طويلة : احبها بنات والله احبها .
سجى وربى في نفس الوقت : يسسسس .
حمد ناظرهم : شفيكم ؟
ربى : واخيرا اعترفت .
سجى : طيب ليه ما تخطبها ؟
حمد هز راسه باسى : صعب صعب يا سجو الحب مو كل شي هي نفس شخصيتي بالضبط مستهترة ومهملة وفوضوية ومسرفة وعنيدة واللي براسها تسويه .
ربى : طيب شي كويس انكم تكونون نفس الشخصية .
حمد : وتظنين بنعيش بسعادة ؟! لا طبعا بتصير مشاكل بيننا وعيالنا ما بنقدر نربيهم صح عشاننا نفس الشخصية يعني مثلا الاب يكون الشديد العصبي والام تكون هي الحنونة او ممكن العكس بس نفس الشي ماظن اصلا حتى جدك يا سجى ما اعتقد راح يوافق لانه يدري اننا ما نصلح لبعض حتى لما سالت ابوك حتى هو قال ما تصلحون .
سجى : طيب انت تحبها يعني ممكن تتغير عشانها .
حمد ضحك بحزن : مستحيل اشياء بالوراثة تتغير . سكت وسرح وهم سكتوا محترمين سكوته ويناظرون بعض بشفقة .
حمد قطع الصمت : يلا ربى لقيتي ؟
ربى : ايه لقيته خلاص بعد يومين الساعة ست المغرب اقلاع .
حمد : اوكي ممتاز .
ربى : تبينا نرتب لك شنطتك ؟
حمد : يووووووه مصللللحححة ما عمري شفت مثلكم يا عالم يا ناس بانتحر منهم .
سجى بثقة زااايدة : ولا بتشوف .
حمد : اقووول يلا طسوا بنام مواصل وتعباااااان حدي .
سجى حضنته بقووة : مشكور واسفة واحبك يا عمي الخايس .
حمد ضحك : العفو حبيبتي وانا بعد احبك .
بعدت عنه سجى وربى جات وحضنته : احبك يا خالي الخايس .
حمد : هييي عطيتكم وجه بزيادة يلا ضفوا وجيهكم وسكروا الباب وراكم وطفوا النور .
طلعوا سجى وربى يضحكوووون وما طفوا النور ولا سكروا الباب وحمد يصارخ عليهم وهم ولا همهم .
انتهى

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 13-12-2013, 10:37 PM
صورة Malakfaye الرمزية
Malakfaye Malakfaye غير متصل
©؛°¨غرامي مشارك¨°؛©
 
الافتراضي رد: كل شي يقتلني يحسسني اني عايشة !


الشخصيات
الجد سالم (ابو فهد): عسكري متقاعد عنده عقارات كثيرة وما يصلي الا بالمسجد في الصف الاول بار بامه اللي الى الان عايشة اهم ما عنده عياله واحفاده صحيح انه شديد ويصارخ بس مع ذلك طيب وحبيب ودايما يصارخ على حمد بس يدلعه دلع مو طبيعي
الجدة شريفة (ام فهد): ربة منزل مافي اطيب منها تموووت على عيالها ونفس الحالة بس تدلع في حمد اما احفادها يسمونها خوخة ما يدرون ليش بس كانت هذي عادة عندهم وعيالها يسمونها نور البيت حجازية
فهد ( ابو سالم ): له هيبة بين اخوانه كلمته مسموعة دايما حكيم وميانة مع عياله وخصوصا مع سجى لانها نسخة من شخصيته وما يقدر يرفضلها طلب و اذا عصب عصب مزاجي مدخن ومدمن على القهوة حقت الدنكن محبوب و دايما اذا عصب يدعي على الناس حياته في النادي واغلب ايامه مسوي رجيم دايما يشجع عياله ويحفزهم على العلم واذا طاحوا لجؤوا له وشالهم
رفا (ام سالم ): زوجته ما تقرب لفهد تحب عيالها موووت وتدلع طبعا اخر العنقود وتحب بنتها سجى ودايم تفتخر فيها اما سالم فما تقدر ترفضله طلب تشتغل مدرسة دين ما تحب تلاقي قرطاسة ورقة وحدة في البيت تكره الفوضى منظمة وتحب زوجها وعيالها وبارة بامها وابوها ولما اتزوجت فهد وجابت منه سجى صارت عنيدة من سجى وابوها وملتزمة دايما بوقتها
سجى (بكرهم) :19سنة ثالث حفيدة عنيدة وعبيطة وعربجية بس كيوت في اوقات قيادية ومصلحجية ومرة مرة مرة مزاجية شكاكة ونسخة من ابوها في الطباع بس في الشكل اممممها مستهترة وواثقة من نفسها بزيادة >> مثل ابوها ولسانها طوييييل ومحبوبة وخفيفة ظل وخصوصا مع اخوها سالم مرة ميااانة معاه كانه قدها ولما تقول كلمة يكمل معاها هو او ربى بسس اما ربى توام روحها حافظتها صم من نظرة عيونها تفهمهاوعندهاقانون سيء ان الدموع غالية وحرام تنزل الا على الشي الشديد القوي ولو نزلت مو قدام الناس تعشق الدراسة والرياضيات وترسم اذا كان لها مزاج ترسم رسم ولا فنان عالمي يقدر ينافسها تقرا روايات وتصدق وتتاثر مرة بس اخر همها انها تتزوج عازفة كمان وبيانو نذلة طبعا تكره العزايم الكبيرة عندها ادمان على اكلتين اذا شافتهم تنسى نفسها والعالم كله بس انتم بتكتشفوهم حلم حياتها مو عرسها لا حلم حياتها الدكتوراة وبسس تفهم الناس من نظرة تستمع للناس ودايما تحاول تحل مشاكلهم يسموها في المدرسة الطبيبة النفسية انسانة متنااااقضة وغامضة اتخرجت ب99٪ والى الان مو مصدقة وجاتها بعثة بيضاء عندها غمازات في الخدين وفي ذقنها وجهها نحيف صافي عيونها واسعة ولوزية ولونها بني فاتح روموشها كثيفة وطويلة فمها متوسط اسنانها مرتبة شعرها بني فاتح بوي قصير كله بس القذلة الامامية طويلة يسموها هيا عبد السلام لانها تشبهلها عصلة عشان الادوية حقت السكر تحب ريحة الدخان
سالم : 16 سنة اول حفيد حياته اليوتيوب يتابع الستاند اب كوميدي داايما اما برنامج ايش اللي فهو وسجى اول ما تنزل الحلقة يكونون حافظينها دايم يكمل كلام سجى واكثر شي يتقنه وعنده هواية تطفيش الناس وخصوصا سجى وامه عنده امكانية يطفشهم حتى وهو نايم وما يعيش يومه بشكل طبيعي الا اذا اتضارب مع سجى مستفز استفزاز مو طبيعي وعنده طاقة حش كبيرة وكالعادة عنيييد ولسانه طويييل اخو بنات عمته بالرضاعة فوضوي درجة اولى ومهايطي ورجة ومصربع ويغار بسرعة وعنده طريقة جذب يجذب الواحد له ويشتت انتباهه على طول خفيف دم ومحبوب مرة ماخذ شكل ابوه وطباع جده عيونه واسعة وعسلية روموشه كثيييفة واسمر وخشمه عادي وفمه متوسط
سامي : 10 سنوات ثالث حفيد واخر العنقود دلوووووع الماما من ابثر ما رايتم واخو بنات عمته بالرضاعة وصديق سامر ولد عمته واخوه الروح بالروح وعليه حركات شطااانة هو وسامر نفس حركات سجى وربى وهم صغار
فدوى (ام سامر) واخت فهد : نظامية بزيادة ورقيقة ونعومة بزيادة لانها البنت الوحيدة وتبي بناتها كذا بس للاسف بناتها العككككس الا سلمى بس تحبهم كلهم طالعة عليها تحب بنت اخوها سجى لان سجى نفس الطبايع واذا عصبت عصبت ماهيب عنيدة ولسانها مو طويل بس كانت كذا 😂
راشد (ابو سامر) ولد اخت الجد : شديد وعصبي لكن يحب عياله منفتح بزيادة بار بامه وابوه نظامي مرة يشتغل شغلتين طبيب وفي المباحث غامض شوي
منى (بكرهم): 21 سنة الحفيدة الاولى اتزوجت من اسبوعين ومبتعثة هي وزوجها لبريطانيا طبعا عنيدة ولسانه طويل وقبل ما تتزوج كانت مرة متهورة بس لما ملكت عقلت شوي وهي الحين بشهر العسل في فرنسا
ربى : 20 سنة الحفيدة الثانية مبتعثة لامريكا طب قسم الطوارئ خجولة قيادية نذلة مصلحجية فيها اذية مو طبيعية عنييدة بس مو اكثر من سجى تعشق سجى ولو تقولها عطيني عيونك ما تغلى عليها لما تجتمع مع سجى يصيروا الثنائي الشيطاني وعندها كل شي الا صحة سجى وحريصة وماهيب متهورة نظامية بس لما تجي سجى تصير متهورة وفوضويية عشقها السوني واحلى وقت لما هي وسالم وسجى يصطلوا عندها نفس القانون السيء حق سجى الدموع غالية وحرام تنزل الا على الشي الشديد القوي ولو نزلت مو قدام الناس جميييييلة سمراء سمار بدوي وعيونها واسعة وعسلية وشعرها بني فااااتح طويل فمها متوسط وخشمها سلة سيف عصلة
سلمى : 16سنة الحفيدة الرابعة نعومة ورقيقة ونظامية وعايشة عالمها الخاص بس مهايطية ودلوعة ومهتمة في نفسها وهادئة بس اذا عصبت عصبت
سامر : 11 سنة الحفيد الثاني واخر العنقود ودلوووع الماما يحب خواته هذا جايب العييييد 😂 شيطاااان وبثر طبعا ولما يجتمع هو وسامي يجيبوا الاعيااااد 😂😂
محمد ( اخو فدوى و فهد ): 37 سنة عزابي للان يحب عيال اخوانه وخصوصا سجى وربى وايده طويلة معاهم 😂😂 مدخن وعصبي وعنييييييييييد وراسه مرة يابس منظم ويشتغل في شركة ارامكو
احمد ( اخو فدوى وفهد ومحمد): 32 سنة متزوج بنت خالته ويحبها وكانوا في البعثة ورجعوا وممكن يكملون الماجستير هناك
نوف ( زوجته ): 31 سنة رقيقة وبنوتة وصوتها واطي ودايم تدافع عن سجى تحبها اكثر وحدة وماعندهم عيال
حمد ( اخو فدوى وفهد ومحم واحمد ): 22سنة اخر العنقود عنيييد ولسانه طويل بس مؤدب ماعنده خرابيط البنات لانه دايم يحط البنات في مكان بنات اخوانه باااااارد ونادر ما يعصب واذا عصب ما يبان عليه مزيوووون وعنده غميزات مدخن

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 14-12-2013, 05:08 PM
صورة Malakfaye الرمزية
Malakfaye Malakfaye غير متصل
©؛°¨غرامي مشارك¨°؛©
 
الافتراضي رد: كل شي يقتلني يحسسني اني عايشة !


ملاحظة : انا باذن الله مكملة الرواية مكملتها حتى لو ما كان فيه ردود عادي
وبنزل البارت الثاني اليوم
يلا بسم الله

البارت الثاني
طلعوا سجى وربى بعد ما هزئهم حمد مشوا في السيب وكل وحدة تفكر في مشكلة حمد .
سجى : اسمعي روب خليه يخلص الجامعة وانا بتصرف معاه .
ربى : واذا خالتك انخطبت ؟! بتضيع من ايده وهو ما تخرج ؟!
سجى : هه حبيبتي بيشو شااايلة فكرة الزواج وماتبييي ولا هيب مقتنعة تتزوج وهي ما خلصت دراسة .
ربى باستهزاء : ايييه وبترضى بحمود طبعا .
سجى ناظرت فيها نظرة لها معنى ونظرة خبيثة .
ربى : النظرة الخبيثة ذي يعني عندك شي مهم عرفتيه وما قلتيلي وش هو ؟
سجى بغموض : خليه يخلص ونتفاهم بعدين .
ربى بقهر لانها متاكدة انه سجى الحين مستحيل تقولها : افففف يا كرهك سجى لما تسوين نفسك الخطيرة والعنيدة .
سجى بتطنيش : ما علينا شرايك نروح لخوخة وجدي ؟
ربى : يلا بس لاني متاكدة انك مستحيل تقولين لي .
سجى : زين انك عرفتي .
اتوجهوا للغرفة او الجناح اللي يبعد عن غرفة حمد خمسة متر دقوا الباب بادب ودخلوا لقوا الجدة قاعدة قدام الطاولة حقت اللاب في الصالة وجدهم مو موجود
ربى : السلااااام عليكم .
سجى : هلا والله بنور البيت ونور الرياض كلها .
الجدة : هلا فيكم حبيباتي حياكم يمة .
سجى وربى سلموا عليها بس حضنوها لانها تعصب اذا جووا يبوسوها على راسها او يدها .
ربى تسويلها مساج في رجلها : كيفك خوخة ؟
الجدة : الحمدلله حبيبي انتي كيفك ؟
ربى : الحمدلله .
سجى : خوخة ترى بناخذ حمود معنا لدبي عاد انتي عارفة لازم اروح هناك واحتاجه محرم معي عاد لاوصيك اقنعي جدي بطريقتك الخاصة وغمزت لها .
الجدة بحيا وعصبية : استحي على وجهك يا بنت انتي على مين طالعة عليه هاااه .
سجى بميانة : خوخة الله يهديك شقلت طريقتك الخاصة انتي ما شاء الله اول ما تقوليله شي يرضى وبعدين انا طالعة على ولدك طبعا اجل على مين .
الجدة : انا اشهد انك طالعة عليه .
ربى : الا هو وينه جدي ؟
الجدة : راح يصلي الظهر .
سمعوا صراخ الجد كالعادة على حمد وليه ما يصلي في المسجد .
الجدة : كالعادة يا سعادة .
دخل عليهم الجد سجى وربى وقفوا بسرعة وسلموا على ايده وراسه .
سجى : هلا والله كيفك جدي .
الجد : الحمدلله .
ربى : تقبل الله .
الجد : منا ومنكم .
جلسوا شوي الا دخل سالم : صباح الخير للحلوين .
الجد : هلا والله بسالم .
سالم باس الجد على راسه ويده وراح للجدة وسلم عليها وجلس جنب ربى وهمس لها : يلا سوني ؟
ربى : لا انتظر ما خلصنا .
سالم : افففففف العب مع عزام احسن . وراح
ربى ما اعطته اهمية لانها عارفة انه يكذب وعزام ما بيجي لبيتهم الحين اكيد .
بعد ربع ساعة طلعوا سجى وربى .
سجى : يلا على غرفة الشباب ؟
ربى : سلوم الغبي يسوي نفسه يقول العب مع عزام احسن على اساس اننا بنصدقه وبنخاف وبنقوله لا الله يخليك خلاص حنا الحين نلعب معك والله ما عنده ما عند جدتي .
سجى : لا وعلى اساس عزام بيجي في ذا الوقت .
ربى : ما علينا خل نروح نلعب معه شوي قبل الغداء .
سجى : اوكي اسبقيني بجيب تصبيرة تبين اجيبلك معي ؟
ربى : لا مابي .
سجى راحت المطبخ وربى نزلت تحت (للبايسمنت- البدروم - القبو) وفي الزاوية فيه باب يطلع من البيت طلعت ودخلت على يمينها على غرفة الشباب وانصدمت بعزام وسالم اللي كانوا يلعبون بالسوني وفجاة التفتوا عليها سكرت الباب بسرعة ودخلت على البيت على طول قابلت سجى بوجهها
سجى حست فيها شي : شفيك ؟
ربى وهي مصدومة وخايفة : عزام هنا منجد .
سجى انصدمت : نعم ؟
ربى : والله وشافني كذا . طالعت نفسها كانت لابسة فستان الى فخذها اسود وعليه طيور باللون الابيض والكم واصل الى قبل كوعها تقريبا ولابسة جكيت صوف الى فخذها والاكمام طويلة لدرجة ما تبين الا اصابعها لونه بيج مفتوح ولابسة هيلا هوب اسود مخطط بالطول ورابطة شعرها باهمال كان شكلها مررة جميل ورايق
https://forums.graaam.com/album.php?a...ctureid=153423
طالعت في سجى وشوي وتبكي ما تبي تحتك في عزام ابدددد .
سجى : كاك كاك كاااااك هارد لك حبيبي انتظري سلوم لالا وش سلوم انتظري خطبة عزام .
ربى بفزع : لاا وش تقولين انتي مابي قلتلك مابي لا عزام ولا الزفت الثاني عبد العزيز !
سجى بجدية : عبد العزيز اوكي يحبك وكنتي تحبيه ويبيع عمره عشانك بس زق وخسيس وقذر بس عزام ليه حرام عليك يحبك وشاريك ؟
ربى : سجى ما اقدر .
سجى : ليه ربى اعطيني سبب يقنعني ؟
ربى انفجرت من اول تسالها ذا السوال : سجى انتي كنتي تحبينهم الاثنين واتخليتي عنهم عشاني واثنينهم خسيسين وما يبونك ويعتبرونك اختهم وانا بخليهم اثنينهم يجربون احساسك وجرحك وبعدين انا مستحيل اخذ واحد انتي تحبيه بالطقاق اللي يطقه فيه مليون غيره اهم شي انتي .
سجى عصبت : وش ذا تخرفين من راسك انتي من ضحك عليك وقالك احبهم لا واثنينهم نعم شتحسين فيه ربى انتي عارفة انا اتمنى يوم زواجك وانتظره اكثر حتى من يوم زواجي .
ربى : سجو حبيبتي نظرة عيونك لهم تحسسني انك جد تحبيهم و
قاطعتها سجى : يا هبلة يا غبية انا كل ما شوفهم اسرح فيهم افكر من فيهم بيسعدك ومن صدق صدق يحبك .
ربى : سجى لا تكذبين .
سجى : والله ما اكذب وبعدين عبد العزيز انتي عارفة انا اكرههه وما ادانيه وخايفة عليك منه وفعلا اتضح انه خسيس اما عزام فذا يستفزني استفزاز كذا اول ما اشوفه اشمئز منه شايف نفسه على الفاضي .
ربى : بصدقك الحين ؟
سجى : ايه وغصب عنك واذا تقدملك عزام بتوافقين غصب اوكي ؟
ربى : لا مو غصب ماني م..
قطع عليهم دخول سالم بعصبية : نعم شتبين ليه داخلة كذا قدام عزام ؟
سجى بدفاع مستميت عن ربى : هييي وهي شدراها عزام بيجي ؟
سالم : انا مو قايلك ربى ؟
سجى اتخصرت : وان شاء الله تبيها تصدقك ؟
سالم : ايه اجل تكذبني ؟
سجى : ايه لانك ما ينعرف كذبك من صدقك وبعدين شهالوقت الغلط جاي في وقت غير متوقع .
سالم هدئ شوي كلامها منطقي : لانه بياخذ سلڤر القطوة .
سجى : طيب ؟ المطلوب مننا ؟
سالم : جيبوا قهوة .
سجى : لا حبيبي الغداء بعد شوي خله يتغداء معك .
سالم : طيب . ناظر بربى وانتي وين لسانك موكلتها محامي دفاع عنك ؟
ربى ابتسمت : سجو حبيبتي ما خلت شي بقلبي .
سجى ابتسمت لها .
اما في غرفة الشباب في اللي جالس وساااارح في حبيبة قلبه وعمره ربى يووووه من زمان ما شافها ولا سمع صوتها ( اااااااه يا قلبي يا حلو عيونك يااااارب متى متى بس تخلص دراستها عشان ما يكون عندها حجة يا خوفي ياخذها غيري بس )

إن چ ـاك غيري لآ تحبهـ .، تكفى ط ـلبتكَ إلعن أبو جد ج ـده..

قاطعه صوت سالم : عزام ترى مانت بطالع بتتغذاء معنا .
عزام فاق من سرحانه : لاااا يا رجال الوالدة تنتظرني مستحيل تاكل بدوني .
سالم : بس يا الوجه السمح ياللي تفتح شهيتها تكفى ارفق علينا .
عزام بغرور : ايه طبعا وجهي سمح وانت شايف غير كذا ؟!
سالم : ايه شايف ان وجهك يلوع الكبد .
عزام : الناس اذواق ومستويات حبيبي .
سالم : ياليييل يا عمي روح بيتكم لا يجيني الضغط من الثقة الزااايدة .
عزام طلع بضحكة : يحقلي .
سالم : بس تراها مو محسوبة يابو سامر .
عزام : ان شاء الله بو فهد الجيات اكثر توصي على شي ؟
سالم : سلامتك .
عزام : حبيبي .
سالم : هلا.
طلع من البيت وسالم كمل لعب سوني .
انتهى

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 15-12-2013, 04:26 PM
صورة Malakfaye الرمزية
Malakfaye Malakfaye غير متصل
©؛°¨غرامي مشارك¨°؛©
 
الافتراضي رد: كل شي يقتلني يحسسني اني عايشة !


تعريف عائلة عزام
أبو عزام (سامر) : عسكري متقاعد مثل اخوه طيب ومتسامح ومنفتح جدا على عكس اخوه يفتخر بولده ويعشق بنته ويعطف عليها كثير
أم عزام (موضي) : اخت شريفة (الجدة) ربة المنزل تحب الطبخ والكل يشهد على طبخها مريضة ضغط وولدها وبنتها عندها بالدنيا كلها تبيهم بس يكونون سعيدين لكنها حزينة على حالتهم
عبير ٣٢ سنة مطلقة اتطلقت بعد ملكتها بشهرين وقريب زواجها فاثر عليها هالشي تاثير سلبي صارت حساسة پس طيبة ودايم تساعد الناس عندها قناعة قوية مقتنعة ان الله مع الصابرين وهي خير صابرة تسمع احيانا ابوها وعمها يتكلمون عنها ونه ابوها حزين عليها وتسكت وتصبر عزام اخوها تحبه وتموت عليه هو الوحيد اللي تقدر تتكلم معه بصراحة تشتغل في البنك
عزام ٢٠ سنة دايم واثق من نفسه مزاجي لكنه حبوب طيب وخفيف دم ويحب ربى بنت بنت عمه وخالته ودرس طب عشان يكون مثلها بار بامه وابوه وعلاقته مع اخته ممتازة اقرب لها من الصديقة يحبها ويخاف عليها ودايم يشجعها ويعزز ثقتها بنفسها طويل واسمر سمار بدوي وعيونه كحيلة ورموشه كثيفة جسمه رياضي خشمه واقف

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 15-12-2013, 04:31 PM
صورة شتات الكون الرمزية
شتات الكون شتات الكون غير متصل
©؛°¨غرامي مجتهد¨°؛©
 
الافتراضي رد: كل شي يقتلني يحسسني اني عايشة !


السلام عليكم ورحمته الله وبركاته
اهلا اختي
ما له داعلي الخوف!
حنا نحاول نكتب ونتغلب على الخوف حتى ندرب ونصبح ان شاء الله كتّاب ماهرين
اهنيك لطرحك لروايتك رغم خوفك كما ذكرتي لنا
لكن عندي بعض الأمور
حاولي انك تكبرين الخط
وتحطين مسافة ما بين كل سطر
وتوصفين شعور الشخصيات اكثر
والمكان يعني تكثفين من الوصف والسرد
وتطولي البارت
وتنسيقه قبل لا تنزلين
آسفة اذا بضايقك كلامي هذا
لكن ااتمنى يفيدك
واستمري وواصلي
وتذكري
ان تساقط الماء المستمر على الصخر تحفره
وانتي مارسي هوايتك بالكتابة
وان شاء الله تكوني من المتميزين


اختك غلا
:::(((نوري لي روايتي اين السبيل واين المفر واصبح العجز امام اعين البشر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 15-12-2013, 06:09 PM
صورة Malakfaye الرمزية
Malakfaye Malakfaye غير متصل
©؛°¨غرامي مشارك¨°؛©
 
الافتراضي رد: كل شي يقتلني يحسسني اني عايشة !


[quote=غلا وكلي غلا;24415445]السلام عليكم ورحمته الله وبركاته
اهلا اختي
ما له داعلي الخوف!
حنا نحاول نكتب ونتغلب على الخوف حتى ندرب ونصبح ان شاء الله كتّاب ماهرين
اهنيك لطرحك لروايتك رغم خوفك كما ذكرتي لنا
لكن عندي بعض الأمور
حاولي انك تكبرين الخط
وتحطين مسافة ما بين كل سطر
وتوصفين شعور الشخصيات اكثر
والمكان يعني تكثفين من الوصف والسرد
وتطولي البارت
وتنسيقه قبل لا تنزلين
آسفة اذا بضايقك كلامي هذا
لكن ااتمنى يفيدك
واستمري وواصلي
وتذكري
ان تساقط الماء المستمر على الصخر تحفره
وانتي مارسي هوايتك بالكتابة
وان شاء الله تكوني من المتميزين


اختك غلا
:::(((نوري لي روايتي اين السبيل واين المفر واصبح العجز امام اعين البشر[/quote"]
وعليكم السلام
يعطيك العافية على النصايح
انا فعلا ندمت على اني نزلت البارتات بدون تنسيق او تفاصيل
لكن ان شاء الله العوض في البارتات الجاية
لا ابدا مستحيل اتضايق كيف اتضايق وانتي اول رد ؟؟!😂😂
ابشري بقراها
ما تتخيلي قد ايش اسعدني ردك وبتسعدني متابعتك لي
شكرا لك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 15-12-2013, 06:13 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: كل شي يقتلني يحسسني إني عايشة /بقلمي


مساء الخير ... ياهلا فيك بغرام ... موفقة بطرحك ... حبوبة لاتعتمدي على الحوار استخدمي السرد والوصف لمكان الحدث والشخصيات ... باعدي بين السطور وكبري الخط حتى تكون قراءة الرواية مريحة لانو طريقتك جدا متعبة للعين

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 15-12-2013, 07:01 PM
صورة Malakfaye الرمزية
Malakfaye Malakfaye غير متصل
©؛°¨غرامي مشارك¨°؛©
 
الافتراضي رد: كل شي يقتلني يحسسني إني عايشة /بقلمي


اقتباس:
المشاركة الأساسية كتبها وردة الزيزفون مشاهدة المشاركة
مساء الخير ... ياهلا فيك بغرام ... موفقة بطرحك ... حبوبة لاتعتمدي على الحوار استخدمي السرد والوصف لمكان الحدث والشخصيات ... باعدي بين السطور وكبري الخط حتى تكون قراءة الرواية مريحة لانو طريقتك جدا متعبة للعين

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

ان شاء الله في البارتات الجاية تابعيني وبتلاحظين الفرق
اشكرك جدا على مساهمتك في تحسين مستواي
باطلع عليه ان شاء الله
والله يعطيك الف عافية


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 19-12-2013, 07:28 PM
صورة Malakfaye الرمزية
Malakfaye Malakfaye غير متصل
©؛°¨غرامي مشارك¨°؛©
 
الافتراضي رد: كل شي يقتلني يحسسني إني عايشة /بقلمي


[SIZE="6"]البارت الثالث
ربى وسجى جالسين في الصالة الاورنج وماسكين الجوالات .
سجى : رووووووب اشتقت لمنى ما تلاحظي ساحبين عليها ؟
ربى : ايه طبعا لازم نسحب عليها ما تتذكرين اول ليلة والموقف الغبي اللي صار ؟
سجى نقعت ضحك وهي تتذكر .
في ليلة الزواج منى كانت جالسة في غرفة التبديل وداقة على ربى وسجى وهم يضحكون ويوترونها .
منى شوي وبتبكي : يا حمييير داقة عليكم تهدوني تقومون تزيدون الطين بله .
سجى : هع هع هع هع هععععع والله حبيبتي محد قالك تدقي على خبلات .
ربى : بس سجى منجد استجدي شوي .
سجى صارت جدية شوي : اوكي اوكي منى حبيبتي دموعك غالية .
منى بهمس غاضب : يا زفت لا تخرعيني وليه بصيح يعني .
سجى بجدية مصطنعة : يمكن يطلع متزوج عليك او يطلع مريض نفسي .
ربى ضربتها باقوى ما عندها لدرجة منى سمعت صوت الضربة .
سجى صرخت : اااااااااااه يا كلبة .
منى بتشفي : احسن عشان توقفين نكدك يا زق .
ربى : منى حبيبي اهدي وخليك راكزة وهادية لا تصيرين مصربعة ورجة .
سجى : ولا تصيرين مطفوقة .
ربى : و اتكلمي معه بصراحة وحرية .
سجى : وقوليله اليوم انا تعبانة ومواصلة يومييين وابي انااام .
منى بفزع : لا والله ما اقوله فشلة .
ربى : اجل تبين يدخل عليك ؟!
منى بحيا : هي كذا كذا بتصير .
سجى : ايه بس يعني تاجليها بقدر المستطاع .
منى : لالالا بنات والله ما اقدر بنات والله خايفة ونزلت دمعتها وصارت تمسحها .
حسوا انها تصيح من صوت انفاسها وناظروا بعض وهم يقولون بدون صوت : مجااااغة .
ربى : يا هبلة لا تصيحييين .
سجى بقهر : خبلة مكياجك انا وش قلتلك دموعك غاااالية صلحيه بسرعة الحين لاقتلك .
منى صلحته ورجعت كملت معاهم : طيب اسمعوا تعا..
قطع كلامها سحبت الجوال برقة من وراها وشهقتها القويية وفزعهم من الشهقة .
مشعل وهو قريب من منى حييل ومنى نزلت راسها من الحيا والفشلة والصدمة بهدوء اتكلم وهو يشوف الاسم في الجوال (اختي اللي ما جابتها امي ) : اخواتي ممكن تخلوني اليوم مع منى ؟
ربى من الصدمة مو قادرة تتكلم اما سجى اتمالكت نفسها وقالت : اوكي اخوي خذ رااحتك بس خف عليها تراها بتموت خوف .
مشعل بهدوء : لا توصي حريص بعيوني (ناظرها من المراية والتقت عيونهم في بعض نزلت عيونها بسرعة وهو ردد )بعيوني .
سكرت منه وناظرت ربى لثواني فجاة في نفس الوقت : هع هع هع هع هع هع هع هع هع هع هع هع هع هع هع
بعد ررربببع ساعة ضحك .
ربى وهي تتنفس بصعوبة من الضحك : مدري .. مدري كيف قدرتي تتكلمين معاه .
سجى نفس حالتها : والله حتى .. حتى انا مدري كيف بس ت.. تخيلي الحين عاد شكل منى .
ربى وهي تضحك من جديد: والله ما تتكلم معنا ولا معه اسبووووع .
سجى صارت تضحك بتعب : شدخلنا دامه جريء وملقوف .
ربى : ما تعرفين بنت عمتك يعني .
اما في الفندق بعد ما سكر منهم وهو مااااسك ضحكته على شكلها شوي وبتنهار وسااااكتة ومعطيته ظهرها ومنزلة راسها .
مشعل : طيب عطينا وجه .
منى : لا رد .
مشعل : يعني الحين ما بتتكلمين الا بكرة ؟
منى : لا رد .
مشعل : اوكي انا اعرف اتصرف واخليك تتكلمين .
باسها في رقبتها بقوووة منى لفت عليه بفزع كبييييير وعصبية وحيا : نعم ؟
مشعل وهو للان ماسك ضحكته وذايب معها وفي عيونها البني الغامقة والدموع متعلقة برمشها وانفها الشامخ الطويل وفمها المليان الوردي ووجهها الاحمر وشعرها لحد نص ظهرها : سلامتك بس ابي اسولف معاك شوي
مشت معه وهي بتموت من الحيا معه للصالة وجلسوا يسولفون الين ما هدت .
الواقع
سجى بشوق : بس ولو يعني ما ندق عليها مثلا .
ربى بشوق : ايه والله يلا خل ندق عليها .
اما في فرنسا
منى ومشعل كانوا في المول وتحديدا في مطعم مرة رااقي شافت اتصال من ( والله لو اعطيك عيوني ما تغلى عليك ) : مشعل حبيبي بروح الحمام .
مشعل : اوكي انتظرك .
منى : لا لا اطلب لي على ذوقك وانا بجي راحت الحمام . وهي مشتاقتلهم ولسوالفهم .
مشعل ناظرها الين ما اختفت عن عيونه كانت لابسة قميص وردي طويل من الكمام ويوصل الى فخذها وبنطلون اسود عليه من الجوانب ورود وكعب احمر والوان الحجاب حق التوربان نفس الوان البنطلون
https://forums.graaam.com/album.php?a...ctureid=153569
ساحرته البنت فيها شي غير عن كل بنات حواء يحبها لا لا ما يحبها الا يعشقها طلب الطلب ورجع سرح فيها .

....!ّ لو أمدح الدنيا على مر الأيام مالحق جزاها يوم فيك اجمعتني....!ّ

منى دخلت الحمام وعلى طول ردت : هلا يالخايسات يالظالمات اسبوعين ما تدقون ولا تسالون ايييه طبعا ربى جت عند سجى للرياض نسوا العالم كله وجع يوجعكم يالكلباااااات .
سجى : والله بندق بس خايفين حرمك المصون يكسر الجوال هع هع هع هع .
منى باحراج : يا حمير والله ما انسى ذاك الموقف فشللللللة واحرااااااج .
ربى : ما علينا انتي وين ؟
منى : في المول .
سجى : وين بالتحديد ؟
منى : في المطعم الايطالي في الحمام .
ربى : اوكي عشان ناخذ راحتنا لا يدخل عليك المهم كيفك ؟
منى : الحمدلله .
سجى : كيفه معك ؟
منى بحالمية وحيا : حنووون وطيب وكييوت بس مرة جرييييء جريييييء جرييييييء لدرجة ان طبيعية يا بنات .
ربى : طيب كويس عشان سخافة تكونون ثنينكم حياويين بزيادة .
سجى : يلا ما نطول عليك لا يحس بس ويكرشنا .
منى : ايه انا بدق عليكم يلا باي .
سجى وربى : بااااي .
سكروا منها وسكتوا مشتاقين لها حييل .
دخل عليهم محمد راجع من الدوام : السلام عليكم .
سجى : هلااااا واللله عمي محمد .
ربى : اهلييين كيفك ؟
محمد : الحمدلله انتم كيفكم ؟
سجى وربى : الحمدلله .
جلسوا يسولفون شوي واذن العصر
محمد وقف وراح يصلي بالمسجد بعد ما سمع صراخ الجد على حمد يصحيه طبعا
سجى : رووب .
ربى : هلا .
سجى : بروح اجيب موية من فوق تبين .
ربى : لا شكرا .
سجى راحت فوق اخذت الموية وراحت بسرعة على جناح الجد والجدة لقت جدتها في التشهد الاخير وتسلم : تقبل الله .
الجدة : منا ومنكم صالح الاعمال .
سجى جلست جنب جدتهاسكتت شوي بعدين قالت بضعف : خووووووووخة .
الجدة : هلا حبيبتي .
سجى : والله مشتهية شي بس متاكدة كلهم ما بيرضون لي .
الجدة بلهفة واهتمام لان سجى نادرا ما تطلب منها : وش مشتهية ؟
سجى بحماس : البوب كورن ذاك اللي في بانوراما مول .
الجدة : ابشري يا عيوني ادق على راجو يجيبلك هو بس ما كانه فيه سكر كثير ؟
سجى بسرعة : لا واحد كيس ما ياثر .
الجدة بشك : ووين ربى عنك ؟
سجى : ايه مابي اقولها والله لا تقتلني ما تعرفين حركات ربى حريصة علي بزيادة .
الجدة بارتياح : ايييه طيب خلاص بدق عليه .
سجى باست راسها من كثر ما فرحت : مشكووووووورة .
الجدة ابتسمت بحب وسجى بادلتها نفس الابتسامة : يلا مع السلامة بروح لربى لا تحس والله لا تذبحني .
الجدة : صليتي ؟
سجى بضحكة : لا انا وربى ما علينا صلاة هههههههههههههه .
الجدة ضحكت على خفيف : مع بعض في كل شي .
طلعت سجى وهي مبسووووطة ( يا حبي لك يا شروف احبك احبك احبك محد يفهمني كثرك ) نزلت بسرعة لربى عشان لا تحس وتسالها !!
انتهى


الرد باقتباس
إضافة رد

كل شي يقتلني يحسسني إني عايشة /بقلمي

الوسوم
يحسسني , يقتلني , عبدالعزيز،سجى،ربى , كل شي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
جبروني عليها وكرهتها وفجأه حبيتها وعشقتها / بقلمي ، كاملة آهآت مبعثرة روايات كامله - يتم نقل الرواية هنا بعد اكتمالها 703 19-07-2018 04:55 PM
روايه نمشي في طريق العشق رعاك الله أرشيف الروايات المغلقة - لعدم إكتمالها 57 11-03-2018 09:39 PM
بس تكفيني كلمة أحبك / بقلمي , كاملة احـلـــى بــ نُ ــوتـہ روايات كامله - يتم نقل الرواية هنا بعد اكتمالها 82 03-09-2014 01:01 PM
روايتي الاولى :ياكثر ماتفارقنى وفي النهاية جمعنا سقف واحد vip.AL3in أرشيف الروايات المغلقة - لعدم إكتمالها 19 27-08-2013 11:40 PM
رواية الله حسيبه اللي خذا أغلى حبيب و عيا يجيبه / بقلمي sunshine#1 أرشيف الروايات المغلقة - لعدم إكتمالها 80 22-06-2011 03:44 AM

الساعة الآن +3: 09:00 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1