غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 27-12-2013, 08:58 PM
صورة همـــــــــــي ودنــيتي الرمزية
همـــــــــــي ودنــيتي همـــــــــــي ودنــيتي غير متصل
©؛°¨غرامي نشيط¨°؛©
 
الافتراضي رد: نزلت على أرضهم وأنا ناويلهم بالشر/بقلمي


ب انتظارك .................................ز

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 14-01-2014, 08:30 PM
صورة LanaDelRey الرمزية
LanaDelRey LanaDelRey غير متصل
©؛°¨غرامي جديد¨°؛©
 
الافتراضي رد: نزلت على أرضهم وأنا ناويلهم بالشر/بقلمي


البارت الثالث ،،



.

.

.



سمعت ضحكته و هو يقول : بتحتاجين فلوس "و سار صوب شنطتي الي اشلها معاي الجامعه و فتحها و بطل البوك و طلع كل شي فيها من فلوس ، دراهم ، بطاقات ائتمان بالعربي ما خلى شي ، وبعدها توجه الي رف الكتب و كأنه شخص كان عايش في الغرفة ، و طلع واحد من الكتب المعينه الي انا كنت مخبيه فيها الف درهم للطوارئ خذها و يا صوبي مسك أيدي و عطانيها

معتوق : الحين ما عندنا وقت و صدقيني عنادج هذا مب لصالحج يعني احسن لج تسمعين كلامي و تمشين وراي خطوه خطوه

انا ب انفعال : عطني سبب وااحد بسسس سبب وااحد يخليني اطلع معاك ..

معتوق و بدا ينفذ صبره : يعني تبين تموتين؟ بكييييفج نصحتج و قلت لج كل شي بوقته حلو يعني لا تستعيلين انا اعرف انج الحين ضايعه بس اسمعي كلامي و كل شي بيتضح مع الوقت ..

انا : تباني اطلع معاك؟ بطلع بس بششرط

معتوق بنظرات تخوف و بارده جدا: و انا مستعد أنفذ كل شروطج

انا : اوعدني انك ترجعني بنت نفس اول

معتوق بعصبيه و بنفس نظراته البارده: انا ماقدر اوعدج لكن بحاول

انا : شو يضمن لي انك مب يالس تجذب الحين

معتوق: الين متى بتقعدين تعاندين ،، طزز اذا ما تريدين تيين معاي لا تيين انا مب يالس اجبرج على ها الشي "
معتوق بنبره حنونه جدا" صدقيني انا يالس اساعدج الي انتي احين تمرين فيه شي مب هين خليني اساعدج ها المره بس،،،

حسيت خلاص لازم اصدق لان كل شي قاعد يقلب ضدي .. و اذا رحت منو بيقعد عند امي ؟ ابوي و اتوفى قبل لا انولد و اخوي فارس كان اول مولود يوم وصل عمره 3 سنوات يته ازمه من الربو و و مات ...... و امي رفضت تسير بيت أبوها حلفت انها بتعيش في البيت الي انبناا خصيص لها ،، ربتني فيه لين ماكبرت والحين امي حرمه كبيره في السن مريضه بالسكر و احيانا الضغط يكون مرتفع عندها ولازم حد يكون يالس معاها .. و يوم بتعرف أني مب موجوده يمكن يرتفع عندها الضغط و تتعب و يغمى عليها ولاحد درا عنها ..... لا لا كل شي ولا امي انا لازم أسير عند امي و افهمها الشي الي تغيير فيني هاي امي دنيتي ما اقدر أفرط فيها لو راحت منو بيقعد عندي منننوووو!!!!

انا قمت و دموعي تقريبا مغطيه ع ويههي سرت صوب الباب بسسرعه ولا اهتميت فيه ولا في كلامه اول ما بطلت الباب عفد صوبي معتوق مسك أيدي بقو و قال و هو موصل حده

معتوق بين أسنانه : اسمعي يا بنت الناس خالتج من يومين و هي عندكم و عقب ما بتعرف انج مختفيه أكيد ما بتخلي امج بروحها "ارتفع صوته اكثر" و الحين بتنزلين من دريشة و اذا ما يتي بالطيب بتعامل معاج تعامل ثاني

انا و حسيت بدوووخه قووووويه و لساني صار ثجييييل : م ما..تر..وم تس...ويلي ش،،ي

و من عقبها ما اعرف شو صار لان الدنيا ظلمت علي ........

،،،،،،،،،،،،،،،،،،،،،،،،،،

بطلت عيني بكسسل و لكن سرعان ما سكرتها لان الإضاءة كانت قويه ،، بعد محاولات فتحتها اخيراً ،، شفت سقف المكان الي انا فيه يشششبه سقف غرفتي !! فررححت تميت احمد ربي انه كان حلم !!! ،،،،، بس سرعااان ما ماتت ها الفرحة ......... يوم طلعلي نفس الشخص ،،،، تميت اطالعه بدون ما انطق بحرف حسيت عيوني فسرت كل شي كنت أبا أقوله دموعي على طول نزلت و انا مركزه عيوني في عيونه و هو بالمثل ما شل عينه عن عيني ابدا عقب فتره تقل عن الدقيقتين ،،

معتوق و هو مركز نظره علي : اندوج " مد لي ظرف كبير "

خذيت الظرف و على طول نزلته ع طرف الشبريه "السرير"

معتوق: هذا الظرف فيه جوازج و بطايقج و كل وثائقج اليديده "سكت شوي و عقب فتره " و من اليوم و رايح اسمج هو (راشد) اصراحه "و بدا يحج راسه" احترت شو اختار لج اسم بس لقيت ان هذا انسب لج ،،،

انا و بعدني ساكته ،،،،، معتوق تنحنح لكني كنت مركزه نظري على طرف اللحاف و عيوني تملاها الدموع ،،،، كنت سرحاانه كل شي فيني متشتت احساس و شعور يخوووووف ،،، عقب فتره

انا: بند اليت و سكر الباب و اطلع برا. " مسكت البطانيه و وخيت راسي و جسمي و التغطيت كامل بالحاف.

شوي و سمعت صوت الباب يتسكر.


اول ما سمعت الباب تسكر على طوووول صحت شهقاتي كانت عاليه لدرجة حسيت ان كل من في الإمارات سمعني ،،،، دموعي مب طايعه تخلص صحت لين حسيت ان روحي بتطلع صحت لان يمكن أخفف ها الخوف الي فيني صحت عشان اطلع القهر الي مكبوت داخلي ،،، قمت عن الشبريه و يلست طرف الغرفة ،،، حطيت أيدي على ويهي و تميت اصيح بس بهدوء ها المره ،،،

محد ببحس فيني في يوم و ليله تحولت ولد ،،، في يوم و ليله تركت امي ،،، في يوم و ليله انخطفت و انا ما اعرف وين مكاني ،،، منو الي بيساعدني الحين منوو ؟؟ عقب فتتتتره طوووويله غفيت بدون ما احس ،،،،،،،،،

كنت اشوف نفسي و انا ركض في نففففقق طوووويل بس كان في ضوء خافت بعيييد وااايد كنت اركض من شي يلاحقني ،، كل ما اقترب من الضوء اتخرطف و اطييح ، كنت اركض و دموعي مغطيه ويهي ما اعرف من شو كنت خايفه بس الي اعرفه أني يالسه اشرد من شي مرررررعب يلحقني على كثر ما كنت اركض على كثر ما كنت أطيح ! لكن ما استسلمت تميت اركض لين تعبت لين نفسي ما انقطع خلاص معاد فيني حييييييل ،،،، ما حسييت الا وشي دافئ يمسكني من وراي و يضمنني كان احساس جمييييل احساس فقدته من قريييييب ،،،،
سمعت صوت مب غريب عليه صوت امممييي صوت الغااليه سمعتها و هي تناديني تتوسل أني ارجعلها كانت تقولي لاتخليني شرات ابوج و أخوج مالي غيرج بها الدنيا ارجعيلي ساالمه لا تروحين عني انتي نظر عيني و دنيتي ما بقى لي شي خلج عندي لا ترووووحييين ،،، كنت اشوف ظلها عند الضوء الي قرييب مني ،،، حاولت امشي حاولت أتكلم لكن ما قدرت حسيت في شي يالس يمنعني ،،، أبا اتكلم ابا اقول حتى النفس ما رمت اتنفس !!! كان في شي يالس يخنقني ماسكني بقوو حاولت استنجد بأمي كنت اصارخ لكن بصوت متقطع بصوووت خفيييف الشيي الي يذبح انييييي مب رااايمه ارمسسس كنت بس اصارخ بصوت ياله ينسمع !! شوي شوي بدا ظل امي يختفي و اما عاد في شي ضووء و الشي الي يخنقني يالس يزييييييد ،،، و صرااخي بدا يختفي في لحظه حسيت اني بودر ها الدنيا ،،،،،، ما حسيت الا في أيدي يالسه تحركككنننييي بقوووو !!!!

قمت و عرفت أني كنت احلم قمت و انا يااالسسسه الهههههثث على طول نفثت على يساري و تعوذت من الشيطان ،،،


، يوم رفعت عيني حصلت نفس الشخص،،،،، لكن ها المره شفته بدون العمامه الي دوم يلبسها شفته شخص ثاني تنححتت وربي تنححتت على شكللله جمييييل خصوصا عيوووننه الزرق الغامجه حتى اني مب متاكده اذا هي زرقاء ما اعرف اوصف اللون جي يعني ازرق مخضضر على رصاصي على عسلي يعني عيونه عااااالم ثااااااننني هذا غير لون بشرته لونها بررروونزي على اسمر خفيف لون نااادر أشوفه !! و خششممه سلة سييييف حاااد و طويل شوي و عيونه النعسانه و حواجبه الي دقيييقه جدا و حاااده واااايد ،،،، وربي انه يخخخخبل لو أوصفه مني لين باجر ما بخلص !!!! كلمة جمييييل شوي في حقه ،،،،

بلعت ريجي و نزلت عيني على طول ،،

معتوق مسك أيدي و على طوووول حسييت بشعر ينبي كلللله وقف قعدة ارررررجف بطريييقه فضضضضيعه حسييت انفضضحت خلاص كل توتري بااان !!!!!

معتوق بتوتر: شو فيج ليش كنتي تصارخين ؟؟!!!

انا صاده الصوب الثاني : ما فيني شي بس كان كااابوس و قمت منه.

معتوق مبتسم ابتسامه مب كامله و بنننظظره حقييييره : هه هاي بس البدايات " قام و كان بيروح "

انا في نفسي " نعم ها شو يالس يقول بدايت شووو؟

انا عاقده حياتي: شو قصدك بالبدايه ما فهمت وضحح لي اكثثر !!

معتوق يطالعني : بتعرفين بس مب الحين

و طلع بدون ما يسمع ردي،،،

تنهدت تنهيدة خوووووف ما اعرف شو الياي كل الي سويته قمت و سرت الحمام الي موجود داخل الغرفة .

ما اعرف كيف بتقبل كوني ك شاب كيييييف بتقبل جسسسمي و ششكلي مجرررد ما فككررة بها الشي مسسسكت راسي على طول و يلست ادعي في خاااطري " ياالله سااعدني يالله انك تخليني أعدي ها المحنه على خيييير استغفر الله "

عقققب مااا أخذت اطووول شاوور في العالم،،،، أقنعت نفسي اني أتقبل الشي الي تغير فيني و امشي على الطريق الي انكتب لي بشوف لين متى بشوف شو بيصير في المستقبل !!

طلعت و سرت صوب المرايه تميت اشوف نفسي دققة في ملامحي ،،، تصدقووون فيني واااايد ملامح من شكلي و انا بنت يعني نفس نظرة عيني و ملامحي الحاده بس لوني تغير كان شكلي الولد احلى من شكلي البنت يعني لوني اسمر مع ابيض شعري ناااعم بسس مبهههدل وااايد و ابتسمت عشان أتأكد اذا فيني غمازاتي و لا اختفت لكني انصدمت يوم شفتها غمازاتي بعدها موجوده !!!! ما كنت عرييضه وااايد لكن كنت طويله و مبين ان فيني عضلات بس مب بارزه واايد جسمي يعني كان ممتاز بالنسبه لأي شاب ثاني ،، فرحت لان شكلي ما طلع خسف نفس ما توقعت ،،،،

شفت في شي كبت في الغرفة بطلته و حصلت لي ملابس شويه مصفووفه عدال بعض ،، احترت شو البس كندوره ولا بدله! أخرتها لبست برمودا سودا و قميص ابيض يشبه الفانيله،،،،

استجمعت كل قوايه عشان اطلع برا الغرفة و استكشف الشقه ،،،، اول ما بطلت الباب انصصصددددمممتتت !!!!!!



.

.

.






  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 26-01-2014, 11:04 PM
صورة MrM3 الرمزية
MrM3 MrM3 غير متصل
©؛°¨غرامي جديد¨°؛©
 
الافتراضي رد: نزلت على أرضهم وأنا ناويلهم بالشر/بقلمي


امممممم الحماااااااااس خطيرة وربي انتظر البارت الجديد

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 28-01-2014, 01:06 AM
صورة mouna23 الرمزية
mouna23 mouna23 غير متصل
©؛°¨غرامي مشارك¨°؛©
 
الافتراضي رد: نزلت على أرضهم وأنا ناويلهم بالشر/بقلمي


حرام عليك صراحه ما اتحمل اقرأ شيء جونان وما ارد..
البارت نال اعجابي جدا..
راقت لي قراءته..
تسلم اناملك المبدعه..
لك ودي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 19-02-2014, 09:46 PM
صورة mouna23 الرمزية
mouna23 mouna23 غير متصل
©؛°¨غرامي مشارك¨°؛©
 
الافتراضي رد: نزلت على أرضهم وأنا ناويلهم بالشر/بقلمي


وينك طولتي كثير يا ريت تنزلي عن قريب
بلييييييييييييييييييز

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 27-02-2014, 05:37 PM
صورة LanaDelRey الرمزية
LanaDelRey LanaDelRey غير متصل
©؛°¨غرامي جديد¨°؛©
 
الافتراضي رد: نزلت على أرضهم وأنا ناويلهم بالشر/بقلمي


السلام عليكم :)

اسمحولي ع التاخير الفتره هاي فترة امتحانات و دراسه و ارف و خصوصا ان دراستي صعبه ف مايكون عندي الوقت اني اكتب باستمرار لكن عندي بارتين جاهزات و ان شاء الله بنزلها باجر لاني بعدل فيهم شوي :)

و اشكر كل الي قروا الروايه و فرحت على تعليقاتكم الحلوه و ان شاء الله باذن الله بنزل البارت باجر :')

ممممم خبروني عن توقعاتكم و شو راح يصير ف البارتيين الييايات <3

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 10-03-2014, 12:32 AM
صورة mouna23 الرمزية
mouna23 mouna23 غير متصل
©؛°¨غرامي مشارك¨°؛©
 
الافتراضي رد: نزلت على أرضهم وأنا ناويلهم بالشر/بقلمي


بانتظارك و موفقة في دراستك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 06-09-2018, 10:48 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: نزلت على أرضهم وأنا ناويلهم بالشر/بقلمي


3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

نزلت على أرضهم وأنا ناويلهم بالشر/بقلمي

الوسوم
ارضهم , بالسر , جدا) , خياليه , روايه , ناويلهم , وصلت
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
سؤال نتمني ان نناقشه هل حقا باع الفلسطينيون أرضهم مهندس/ محمود النجدي نقاش و حوار - غرام 9 10-07-2009 03:30 PM

الساعة الآن +3: 03:01 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1