لو في غيابك خير كنت بحلله

[miss sleeping]

مراآحب ،
شخباركم ،

حبيت افتح هالموضوع مثل موسوعةة ، أو ألبوم بين صفحاته أشعار بِ قلـمي ، أتمنى تعجبكم ، راح يتجدد الموضوع من فترةة لفترةة كل ما اخربش بشي جديد ، وأتمنى الاقي منكم تفاعل يخليني اواصل نقل كتاباتي

النقد عندي مثل الاطراء واتقبله برحابة صدر عشان تكون آرائكم باب لتقدمي للأمام من خلالكم انتو ،،

هذي أول قصيدةة بنزلها ، حاولت اضبط فيها الوزن قد ما اقدر ،، أتمنى تعجبكم ،


غنى الحشا ونـة الخافق جروح ،،
وصارت الذكرى مواجع يملاها المخاف
اﻻهل وقاسي الوقت واﻻقدار و النوح
كأنهم يصفون الدموع فيني اصطفاف
يوم طاح المطر طاحت معه ألف روح
ليت روحي قبل تطيح كانت تخاف
كان ودي اجيك و بداخلي زحمة البوح
وافترقنا قبل اجيك وانتهى احلى مطاف
وراحت ومضات اﻻمل يوم انك تروح
يوم انتهت قصة فرح وابتدت دنيا الخلاف
الغبينة في البعاد ما تشبه اي نوح
لكن مصير المحبين دمعة بلا زفاف ،،
صارت تقاسيم السهر بالوجه الصبوح
وليلة الفرقا غدت في حياتي انعطاف
خانت الشهقات بالصوت المزوح ،
ملت لها من الدمعات أنهار و ضفاف
ضحكت غبينة دمع ملا بالثغر السموح
رشفت قهوتي مره ما مثله ارتشاف
وافترقنا غصيبة وانهدم بنيان الصروح
ما افترقنا عناد ، وﻻ بعدنا اختلاف
والقناعة ان القدر في رغباته طموح
قسى قلب القدر لين صابه جفاف
العزا للي بيننا وعزي لعطرٍ يفوح
كلما جاب الهوا ريحته صابني ارتجاف
اه من ليلة الفرقا واه من ذيك الجروح
حسبي المواجع ما بها ذمه وﻻ عفاف
يا أغلى همسات العمر وين همسك مااروح
خذ دموعي هدية في وسط هالنفاف

لي عودةةة ،،،
دمتم بكل ود

[Salman001]

رووووووعه
يعطيك الف عافيه

تقبلي مروري

[ولد نفيعي]

طرح في قمه الروعه
يعطيك العافيه
تحياتي

[انا قصه الزمان]

رائعه جدا .. ومبارك عليكِ افتتاح موسوعتك للاشعار
شكرا لك ِ

[انوثتي بعثرتهم]

جميل جدا واشكرك على مجهودك الرائع
وننتطر جديدك ..

[miss sleeping]

لي الشرف بردودكم ( سلمان ، ولد نفيعي ، انا قصة الزمان ، انوثتي بعثرتهم .. )

يسلموو حييل عالرد ،،

بعد كم يوم ان شاء الله بنزل الأبيات جديدة ،،

لي عودةة ، دمتم

[miss sleeping]

السلام عليكًم ,

نقلت لكم شعرين كتبتهم لرواية " أريد منك أكثر مما أريد .. للكاتبة المتميزة كريستآل .. رواية روعة أنصحكم بمتابعتها , حاليا الرواية مغلقة بسبب ظروف للكاتبة و بتفتحها إن شاء الله أول ما تزين أوضاعها وترسي على بر ..

هذا رابط الرواية إلي موجود فيه الشعر ::

http://https://forums.graaam.com/484301-461.html

طبعا الشعر كتبته على لسان بطلة من أبطال القصة واسمها ليليان , يمكن ما تكون واضحة حيل إلا لمتابعين الروايةة ..

قلت " الوجع ' ، ثم قلت لي يَ الغيد
واوجعتني بكلمتينك ان كنت ماتدري

انتظرتك تلامس خفوقي وتكسر لي القيد
وﻻ كسرت لي قيدي وﻻ حررت حزني ..

ظنيت حمل المواجع ولو شادت الشيد
بقوى حمل متونها وﻻ تلوى لي يدّي

من حولي حساد القلوب كم انسجوا كيد
وانا عجزت اداري كثر كيدهم وحدي

لبست اثواب التعب قبل ثوب العيد
وانا صغير عالهم و الثوب ماهوب قدي

رغم طعنات الخلايق ، بي قوة و ايـد
وتلاشت قواي من طعنتك بصدري

انت يوم قلت الوجع ثم قلت يَ الغيد
واوجعتني بكلمتينك لو كنت تدري

يرضيك بالله اناديك يَ سعود او زيد
او اغيّر اسم نَبضْ فيك من بدري

ابيك معي قاضي شعور بلا جور او حيد
عن شعورك بمأساة طيّحت دموع خدي

لـو اﻻسئلة الضايعه بأعماق الوريد
عانقت همس الجواب واصبحت ادري

كان صرت مسافر ووجهتي القلب السعيد
و لملمت الاماني التايهة في حلم وردي

كان سمعنا اعزوفه الحب فوق العناقيد
وهذرت لي باحساسك وسمعتك من سردي

و لو الصمت ما بيننا يكتب رسايل بريد
كان دفيتني ب نارك واطفيتك ب بردي

ما قلت لك اني اريد منك اكثر مما اريد
وان الوفا عرق و انا الوافي بعهدي

لكني ﻻمن بغيت ' الصد حولي حديد
وهجرت طيفك لين يتعبك هجري و صدي

انخذلت انا وصرت اخاف اعطي من جديد
اخاف انخذل تالي الوقت وانا ماهوب ودي

الحين يمكن اكرهك من قريب و من بعيد
و كل الي ارتجيه هو ' بعدك و بعدي !

يَ فهد قلبي تعب و كثر الكلام ما يفيد
ﻻ هو يجيب السعد وﻻ للسعد يوّدي ..

وسسلامتكم

يتبع >>

[miss sleeping]

الشعر هذا كتبته على شخصية عشت فيها الضياع وانا أحاول اوصفه,
شخصية تحمل فيها الغموض, الصمت, ولعب فيها التعب بجزء كبير..
وأنا واقفة بصفه لنهايةة الروايـة ..

ابعد من الواقع ، واقرب للخيال
واقرب للحقيقة وابعد من خيالك

اشبه بحلم المنام في سود الليال
لا داهم " التفكير ' اسوار بالك

يرمي بك جنوب ويرميك شمال
ولا انت عارف جنوبك من شمالك

اماني تشبه نقيض الحقيقة والمحال
تقرب لها تبعد ، وتشتت آمالك

رشفت قهوتي مُره و الزمن فنجال
يسقيك من الهموم الي يهده جبالك

كان الحلم نكبر يومنا " اطـفال
وكبرنا والحلم غادي بلا حلم اطفالك

الامل بهالزمن ما تجيبه قولة تعال
واليأس دون ترحيب يقلط ظلالك

تاخذنا صروف الوقت وننجرف بإهمال
ونهمل ما حولنا اكثر ويتعبك اهمالك

ولو انك ضعيف العزم تنكسر بسهال
سكاكين الغدر تكثر ويفرح فيك عذالك

وانا حشى والله في عيون عاذلي ابطال
وقدرك العالي تكسبه بقدر اعمالك

احيان السكوت رفعة توازي لها افعال
" والسكوت لامن لبسته يعز إقبالك

ولو ان المصيبة اكبر والهم لو طال
ولو ان الضياع زاير في عز ترحالك

ولو ان الحزن خط بنبرتي اشكال
ونثر قوتي بوسط الدجى الحالك

انادي في الفضا الواسع ولا ازال
انادي بالضياع عن حالي الهالك

اناديله وابيك انتي تسمعي هالمنوال
ترا بعز التعب يناديك انتي رجالك

انا من اتعبني الواقع و كثر ما ينقال
وترا من هد صبري باقي ' غربالك

أتمنى يعجبكم , ولا تبخلوا عليّ بالردود..

دمتم بود ..

[الكريستال]

السلام عليكم ورحمة الله وبركاته :

تاخرت كثير حتى امر ع هالوطن الي سكنتي فيه شاعره ..


ماانكر ان اول ماقريت لك بيت
شعر .. قلت هالبنت بإذن الله بيكون
لها مستقبل بالشعر ..
صادقه حروفك بشكل غريب عجيب ..


جميله انتي وبتظلين من القارئات
الي لازالت حروف الفخر تتباهى
فيهم


كريستالتكم

[رمادية الهوى]

جمييله والله ..

واصلي