غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 30-12-2013, 09:37 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


متابعة فصل الـ14




في المستشفى....
عبدالله:آمين الله يسمع منك....ان شاء الله...مع السلامة...
خلود:عبدالله الدكتور تأخر..
عبدالله:كاهو جى..
راشد(جى ووقف مع عبدالله شوي بعيد):امك الحمدلله هي بخير..وحالتها تدريجيا في تحسن..وانا متوقع ان شاء الله اليوم بتطلع من العناية..
عبدالله:اللهم لك الحمد والشكر..
راشد:حمدلله على سلامتها..
عبدالله:الله يسلمك..
راشد:قعدتكم مامنها فايدة..لأنها هي نايمة..انتوا ردوا البيت تريقوا ريحوا شوي..وزهبوا لها اغراضها للمستشفى..من ملابس والاشياء اللي تحتاجها..واول ماتصحى من النوم باتصل فيك على طول..
عبدالله:مشكور يادكتور راشد..ماادري من غيرك ايش كنت بسوي..
راشد(ابتسم له):ياللا عن اذنك..
عبدالله خذ خواته وردوا البيت....والبنات في المدرسة...ويوم صارت الساعة 9ونص كانت ام راشد قاعدة تسولف في التليفون مع وحده من الحريم...فارس يرد البيت مع شيخة....
ام راشد(شافت الساعة واستغربت ردتهم من بدري):ان شاء الله فديتج..تسلمين يوصل وانت بعد سلمي على البنات وباركي لبنتج وضحة على تخرج ولدها....ان شاء الله اكيد بنزوركم.....في حفظ الله مع السلامة...فارس..
فارس:لبيه يمه؟
ام راشد:ايش عندكم رادين هالحزة؟؟توها الساعة 9 وشوي..
فارس(شاف شيخة وابتسم وقعدوا):جايينج يايمه علشان نقولج شي..
ام راشد(خافت):تقولون لي شي؟!!..يارب خير..ايش صاير؟
فارس:كل خير ياالوالدة...شيخة حامل يايمه..
ام راشد(استانست):بالمبارك..مبروكين ويارب يتمم عليها هالحمال ويكون من الذرية الصالحة..
فارس:آآمين..
ام راشد:وانتوا طلعتوا من وهل علشان هالسالفة؟
فارس:اي..شيخة اليوم اغمى عليها بعد الصلاة..وخفت عليها وقلت لازم اوديها المستشفى واتطمن..(يشوفها مستحية)..والحمدلله اني اتطمنت عليها..
ام راشد:وايش قالت لج الدكتورة يايمه؟
شيخة:قالت لي ديري بالج على نفسج..
ام راشد:اي يمه لازم تهتمين بصحتج..وديري بالج لاتركبين الدري..عندج المصعد..
شيخة:ان شاء الله عمتي..
فارس(يقوم):عن اذنج يمه بوصلها للغرفة علشان ترتاح..
ام راشد:وانت مب رايح دوامك؟
فارس:اليوم انا ماخذ اجازة وابي اقعد ويازوجتي..
يدخلون الغرفة وهم يضحكون.....
فارس:شيخة..
شيخة:لبيه..
فارس:أحبج..
شيخة(استحت)
فارس:انا مستانس..واحس الدنيا ماتشيليني من الفرحة..
شيخة:الحمدلله..
فارس:سمعتي كلام الدكتورة..لازم اديرين بالج على روحج وعلى البيبي..وماكو حركات مثل اول..
شيخة:ان شاء الله..فارس..
فارس:آمري..
شيخة:بغيت أطلب منك شي..
فارس:آمري..
شيخة:ودي ابات في بيت ابوي ليلة وحده قبل لتسافر خالتي..
فارس(ماتوقع هالطلب):ليش؟
شيخة:اذا ماتبي خلاص ماني رايحة..
فارس:هي متى بتسافر؟
شيخة:باجر..
يرن تليفونها.....
شيخة(ترد):آلو...هلا ودوم..بخير انتي اشلونج؟......لا ماجيت ليش؟.......انت من صجج!!..لالا مااصدق.......مايخصني تسجليني في هالمقرر......مايخصني دبر لي مقعد بأي طريقة.........الله يسامحج تسجلين حق روحج وماتسجلين لي؟.......خلاص انا بحاول.....في دكاترة حضروا؟......زين اني ماجيت......ليحين....ماادري ياللا عقب بحاجيج....اي....قلت لج بعدين....مع السلامة..
فارس:ايش صاير؟
شيخة:كانت في دكتورة بالجامعة عليها شرح يافارس..رهيبة بمعنى الكلمة....الكل يشكر فيها....حتى سمعت ان الشباب طلبوا كم مرة من الجامعة انها تدرسهم لكن رفضت..ماتصدق المجموعة فل في يوم واحد أول مادروا عنها البنات على طول سجلوا عندها...وايد يحبونها ومتعلقين فيها..مع ان امتحاناتها ماهي سهلة..لكن تعاملها عجيب تسحر الواحد بأخلاقها..
فارس:وليش ماتدرس الشباب؟
شيخة:يقولون ريلها رافض..
في بيت بوفيصل....ام فيصل قاعدة تزهب الغداء...ونجلاء قاعدة تسولف وياها....
ام فيصل:عيب يانجلاء..لاتقولين هالحجي مرة ثانية..
نجلاء:لاهو عيب ولاهو شي ثاني..انت يااختي ماتدرين شي ولاتعرفين هو شو سوي فينا..زوجته أحسن منه..ريال ايش كبره مايستحي على وجهه..يدري ان احنا اخوانه لايسأل ولاشي..حتى جبر مايقرب من صوبه ولايسلم عليه..ليش؟..لأن جبر طالب بحقه..يعني انت متسلف منه ويوم يجيك علشان ياخذ فلوسه ماتعطيه..ياليت لو راح جبر واشتكي عليه في المحكمة..ماتتخيلين ياام فيصل..هالوقح شو سوى في جبر..والله ان قلبي احترق عليه..
ام فيصل:ايش سوى؟
نجلاء:تخيلي في يوم عزيمة واحد من الشياب كان عازم خلق الله..من ناس كباريه وناس بسطاء..الله يسلمج جبر كان قاعد مع ولد الشايب لأنه رفيجه..جى اللي مايتسمى وسلم على الريال وماسلم على جبر..تخيلي والناس قاعدة تطالع اخو مايسلم على اخوه؟؟..والله انه قهرني لو انا منه جان سطرته جدام الناس..
ام فيصل:وانت ايش دراج باللي صار؟
نجلاء:وعليه عليك ياخوي..هو اللي قالي..
جبر(يدخل):وانت وحده ماينقالج شي..
نجلاء:شسوي..من حرة قلبي ياخوي..لايعة جبدي منه ومن سيرته..
جبر:هذا اخوج ولاترمسين عنه هالرمسة..
نجلاء:اخوي!..مالت على الاخوة اللي تجمعني فيه..
جبر:نجلاء بس عاد..ماابي اسمع هالرمسة..
ام فيصل:صج جبر اللي سمعته؟
جبر:اللي صار صار..
ام فيصل:وليش يسوي جذي؟
نجلاء:مريض نفسي وانا اختج..
جبر(عصب):بس يانجلاء..
نجلاء:لاتعصب وتحرق اعصابك على واحد تافه مايستاهل انه يكون اخوك..
ام فيصل:ماقلت لي ياجبر ليش يسوي جذي؟
جبر:ماادري..بس هو انسان غير طبيعي..عياله مو مثله..لما يشوفوني يسلمون علي ويسولفون بعد..لكن هذا لا..ماادري من اللي يطالب من الثاني..
ام فيصل:وايشقد اتطالبه؟
جبر:...............
نجلاء:ليش سكت..ايش له ماتقولها؟..خايف؟؟
ام فيصل:شكلك معطيه وايد..
نجلاء:وايد بس..كل اللي جمعاه عطاه..
ام فيصل:اي عاد كم؟
جبر:نص مليون..
ام فيصل:يابويا نص مليون؟؟..وانت اشلون عطيته هالمبلغ..انت ماتعرف اخوك وحبه للفلوس..هذا ايش ماتعطيه مايملى عينه..
نجلاء:وانت صاجه..هاوشيه..رمسيه يمكن يسمع منج..
ام فيصل:انت صدمتني ياجبر..ليش سويت جذي..
جبر:كسر خاطري..
نجلاء:ياعل عاموده الفقري الكسر..
ام فيصل:لاتدعين عليه مب زين..
جبر:جاني وهو متضايق ومحتاج فلوس علشان يخلص من بناية البيت ويروح يسكن فيه لأنه ماعنده ايجار البيت اللي عايش فيه..
ام فيصل:بس اللي سمعته انه ماراح بيت جديد..
نجلاء:ماتعرفين شو مسوي هالنذل..قص عليه وخذ الفلوس ورفه عن نفسه..اشتري فيهم سيارة وعرس مرة ثانية..تخيلي!!
ام فيصل:اشلون اشلون؟؟..جبر انت ياهل ينقص عليك؟؟
جبر:ماادري اشلون استغفلني..
نجلاء:طيبة قلبك ياجبر..ولا هذا حتى الصدقة حرام عليه..
جبر:طلع لاعنده بيت ولاارض يبنيها ولا حتى البيت اللي ساكن فيه ايجار..هذا بيته..تخيلي ياام فيصل قص علي وخذ الفلوس علشان يستانس..ياليته قال الصج..ياليت..
ام فيصل:لو قالك الصج ماكنت بتعطيه..ويوم رحت له ايش قالك؟
جبر:قالي مالك شي عندي..واذا تبي تشتكي في المحاكم اشتكي..ترى الامور بتطول..وانت الخسران..
ام فيصل:بس الحق معاك..
يرن تليفون نجلاء وتروح....
جبر:ياام فيصل..اخوج قالي..ياتنسى الفلوس اللي عندي..ياتشتكي وانا بشتكي عليك انك خذت نجلاء مني وانا ولي امرها لإني العود..تخيلي يبي ياخذها ويعيشها عنده علشان الفلوس اللي بينا..وانت تدرين ان نجلاء تكرهه..ولاتداني تشوفه..
ام فيصل:وهي تعرف بهالسالفة؟
جبر:تعرف..هو خبرها..ماقصر..
ام فيصل:مااصدق ان هذا اخونا..وزوجته أميرة اشلونها؟
جبر:ماتشوف منه الا الويل والمراكظة ورى الفلوس..الله يعينها..خليني ساكت احسن..
ام فيصل:يعني ايش بتسوي؟
جبر:ولاشي..يانجلاء يالفلوس..وبعدين انا متأكد حتى لو خذى نجلاء ماراح يرجع لي شي..
في الليل الكل يلتم بغرفة شيخة...الكل منسدح على السرير وهم يضحكون...
نجلاء:ياللا ارمسي اشوف..
شيخة:انا..حامل..
نجلاء:جذابة..
شيخة:والله..
وديمة:مبرووووك..
نجلاء(باستها):مبروك حبيبتي..عيل جي مايصير ترقدين ويانا على الشبرية..مب زين عليج..
شيخة:لا عادي مافيها شي..خلنا نشغل السي دي..جاهزين؟
وديمة:جاهزين..
يندق الباب...
شيخة:منو؟؟
جبر:انا جبر..
نجلاء:شالي جايبه هالحزة..تعال..
جبر(يدش):وانتي شو تبين فيني داش غرفة بنت اختي..صج لقافة..
نجلاء:انزين ماعليه..بسكت عنك..
جبر:يكون احسن..شاخباركم بنات؟
شيخة:بخير خالي..حياك اقعد ويانا..
نجلاء:لا لاتقعدينه..ترى هو مايداني الافلام..وان شافني اطالعهم يعصب علي..
شيخة:صج خالي ماتحب الافلام؟
جبر:لا..اذا عندج شي شعبي باقعد..
نجلاء:لا ماكو..سير نام احسن..علشان السفر..
جبر:ارمسي حق عمرج..انا باسير اذا وديمة قالت لي سير..
وديمة(استحت)
نجلاء:ودوم ارمسي خله يسير..
وديمة:اذا تحب عمي تقعد اقعد..
جبر:فديت بنت اخوي وهي تنطق عمي..ياحلاتها وهي تقولها..
نجلاء(تفج عينها):طاع..قاعد يتغزل هيييه عيب..بعدين تعالي انت ايش له تقولين له اقعد..
شيخة:ايش تبين فيه خله قاعد ويانا يونسنا..
جبر:لا انا باسير..نعسان ابي انام..
نجلاء:ادري فيه..النوم عنده سلطان..
وطلع جبر من عندهم..وبدوا يشوفون الفيلم الكوميدي وهم ميتين من الضحك...
نجلاء:قومي شيخوه جيبي لنا بعد مكسرات..
شيخة:ويي ماشاء الله عليكم مااسرع ماخلصتوا..
نجلاء:لاترمسين وايد قومي..
شيخة(وهي تقوم):بس وقفوا الفيلم..
وديمة:اوكي انا بوقفه لج..بس بسرعة..
وراحت شيخة تجيب لهم المكسرات والشيبس والعصاير والماي..ودشت الغرفة....
نجلاء:ياللا كاهي شرفت شغلي ودوم..
وكملوا السهرة بالضحك..وعقب ماخلص الفيلم....
نجلاء(انسدحت على السرير بتعب):خلالالاص تعبت..شيخوه سيري نامي بغرفة فيصل..
شيخة:وليش؟
نجلاء:انت حامل واخاف ودوم ترافسج وهي نايمة وعقب السيد فارس يودينا بستين داهيه..
وديمة(فاجه عينها):من اللي يرافس وهو نايم؟؟
نجلاء:انت؟؟
وديمة:انا عمووه؟؟..حرام عليج..
شيخة:ويي مسكينة وديمة يوم ترقد ماتحرك من مكانها..ثابته طول 24 ساعة اللي ترقد فيهم..
وديمة(على اساس عصبت):انا انام 24 ساعة؟!!..انزين ماعليه..انا الغلطانة اللي قاعدة وياكم..لو غرفة فيصل كانت غرفة اخوي جان رقدت فيها وارتحت من سوالفكم..
شيخة:نلعب وياااج..ياللا كلنا بنرقد..
نجلاء:ماافي..سيري نامي بغرفة اخوج..
شيخة:لا عاد خالتوو ماابي..
نجلاء:تبين غصب عنج..تبين باجر جبر يصلي علي..قومي..مو ناقصة يصير لج شي..سيري ياللا..
شيخة:انزين بروح..بس بالاول نسولف..
نجلاء:اوكي..
وديمة:عمووو شنو هالشي اللي تمنينه؟
نجلاء:آآآآآه ياودوم جيتي على الجرح..
شيخة:عندج جرح واحنا موجودين..أفاا بس..
نجلاء:اتمنى اعرس..
شيخة:من صجج خالتي؟
نجلاء:اي من صجي..عيل اتغشمر..من اللي ماتتمنى انها تعرس؟..اللي تقولج ماافكر بالزواج جذابه..هي بس تكابر..في خاطري اعرس وتستقر حياتي..ويكون لي بيت آمر وانهي فيه..اشتري اللي اباه..اتدلع عليه ويتدلع علي..نطلع جميع..نسوي كل شي جميع..هو يفضى لي وانا افضى له..هو يشكي لي وانا اشكي له..هو يحبني وانا احبه..ودي اكون كل شي بحياته وهو يكون كل شي بحياتي..ياااااااه ياحلاة الحب..ولا انت شو رايج ياشيخة؟
شيخة:مااقولج لا..بالعكس الحب والزواج حلو..وله طعم خاص..بس احنا دوم نفكر ونحلم بأشياء حلوة في الزواج..ويوم نتزوج وتصير لنا مشكلة بسيطة على طول نزعل ونتضايق ونكبر المشكلة اكبر مما هي فيه..لأن مافكرنا ان الزواج بتكون فيه مشاكل..لازم نفكر قبل لنتزوج بكل جوانب الحياة الزوجية من وناستها ومشاكلها..
وديمة:يعني تقصدين ان الحياة الزوجية لايمكن تكون سعيدة طول الدهر؟
شيخة:لا طبعا..كل بيت فيه مشاكل..اصلا شي طبيعي ان كل بيت يكون فيه مشكلة..والشي الاهم كيف احنا نتعامل مع هالمشاكل..
نجلاء:تبين تخبريني ان في مشاكل بحياتج؟
شيخة:لا الحمدلله..انا مستانسة وياريلي..بس مرات الوحده يوم ماتفهم على زوجها ايش يقصد تزعل وتتضايق..لكن لما تقوله يافلان مافهمت عليك..ايش تقصد..يوم يفهمها وااايد فرق بين يوم تسمع مرة وحده وتزعل وتكبر السالفة..
نجلاء:انزين انا بسألج سؤال..هل فارس رقم واحد بحياتج؟
شيخة:اشلون يعني؟
نجلاء:يعني سلم الحب لها درجات..وفارس رقم كم من هالسلم بحياتج؟
وتمر الايام...في يوم الجمعة...الساعة 3 ونص العصر...يرد فارس من الصلاة....
شيخة:فارس..تقدر توديني المكتبة؟
فارس:ايش عندج في المكتبة؟
شيخة:ابي اشتري لي شوية اغراض للجامعة..
فارس:خلاص بدلي ملابسج ونروح..الا ماقلتي لي..سجلتي المقرر اللي كنتي تبينه؟
شيخة:اي سجلته..ليش ماقلت لك؟
فارس:ماسمعتج تقولين لي هالسالفة..
شيخة:ماتتخيل يافارس ايشقد انا مستانسة اني سجلت عندها..
فارس:واشلون حصلتي عندها؟
شيخة:في وحده من البنات كانت مسجلتها حق رفيجتها..ورفجيتها جاها ظرف واعتذرت هالكورس..وصار مكانها من نصيبي..
فارس:زين والله..
شيخة:الحمدلله..عيل انا بقوم البس..
في المستشفى....
عبدالله:هاا يمه طمنيني عنج..اشلونج الحين؟
ام عبدالله:الحمدلله..انا بشوفتكم اكون بخير..الحمدلله ان الله عطاني عمر علشان اقدر اشوفكم بأحسن حال..
عبدالله:الحمدلله..
خلود:يمه غريبة اللي صار لج..
ام عبدالله(تذكرت السالفة)
عبدالله:يمه اشلون انا ماحسيت عليج انج تعبانة؟
ام عبدالله:لأني ماكنت تعبانة يوم كنت قاعد وياي..
عبدالله:عيل شالي صار عليج؟
ام عبدالله:مو مهم..المهم اني قمت بالسلامة..واشوفكم حواليني..
حسنة:يمه متى بتردين البيت؟
ام عبدالله:ماادري..(تشوف عبدالله)..ماكلمت الدكتور؟
عبدالله:بلا..وقالي خلال هاليومين ان شاء الله..
ام عبدالله:اللهم لك الحمد والشكر..
فهد يلبس ملابس الرياضة وينزل تحت....
ام فهد:وين رايح؟
فهد:رايح اتمشى شوي وياغانم..
بوفهد:وين؟
فهد:قريب البحر..يقولون الجو حلو والمكان يساعد..فقلت نروح..ماتيي يبه؟
بوفهد:لايابوك وين لي شدة على المشي..الا اذا تبيني اقعد في البيت اسبوع يمكن..
فهد:لا يبه..خلك مرتاح..ياللا مع السلامة..
وديمة قاعدة بين اريع حيطان في غرفتها..ملت من المسن والنت..سكرت اللاب توب..وقعدت تطالع الغرفة وتفكر في شي يشغلها...تأففت وقامت تدوور في الغرفة..شيتسوي...لين مارن تليفونها....
وديمة:سلام حاااااااااار على الحبايب..
نجلاء:فديت هالصوت اللي يبرد الخاطر..كيف حالج؟
وديمة:يسرج..بس والله ملانة..قاعدة بروحي..ياليتج ماسافرتي..
نجلاء:شسوي اوامر عمج..وين خلود عنج؟
وديمة:خالد ماادري عنه..راقد ولا طالع..
نجلاء:صج هالاخو ماعنده دم..ليش مايطلعج في يوم اجازة؟
وديمة:لاتقولين عنه جذي..هو مايقصر..بس شيسوي علشان ريوله..
نجلاء:قولي لي اخبار شيخوه اتصل فيها ماترد..
وديمة:تحصلينها طالعة وياريلها..ولا قاعدة تسولف وياامها وتليفونها مقطوط مكان ثاني..
نجلاء:هي الخسرانة..
وديمة:رحتي الجامعة؟
نجلاء:هيه..
وديمة:واشلون؟
نجلاء:زي كل مرة يااختي..متى يي هاليوم واخلص من الدراسة..
يندق الباب...
وديمة:منو؟
خالد:خالد..
وديمة:عموووه هذا خالد..حياك..
خالد(يدخل):السلام عليكم..
وديمة:وعليكم السلام..
خالد:تتكلمين في التليفون؟
وديمة:اي..
خالد:انزين..خلاص لخلصتي تعالي لي الغرفة..
وديمة:لحظة..هذي عمتي نجلاء..
خالد(دخل وقرب منها):لا نجول في التليفون..
نجلاء:قولي له نجول بعينه..خل يحترم نفسه..تراني عمته..
خالد:عطيني اياها..السلام عليكم..
نجلاء:وعليكم السلام..شنو نجول..شو شايفني خدامتك ولا اصغر عيالك؟
خالد:بل بل بل..كلتني بقشوري..ايش دعوة عاد سابج انا..نجلاء زين..
نجلاء:اي جي زين..
خالد:صج ماعندج سالفة..اخبار عمي جبر؟
نجلاء:عندك رقمه اتصل فيه وأسأل عنه..
خالد:انتي الواحد مايقدر يحاجيج..اشلون متحملينج؟
نجلاء:انت ماتعرف قيمتي..فديت اللي يعرفون قيمتي..
خالد:ماعندهم سالفة..
نجلاء:مع انك خسرتني..بس بقولك شي..
خالد:خير؟
نجلاء:يااخي انت ليش ماتطلع وديمة وتوديها مكان تغير جو..مسكينة هالبنت مالها حد..وانت بس تروح تستانس مع ربعك وهي شو تسوي بروحها؟
خالد:هي اشتكت لج؟
نجلاء:لا..
خالد:عيل مايخصج..انزين..انا مو محتاج نصيحة من حريم..سلمي على عمي..
نجلاء(عصبت):مابوصل سلامك زين..
خالد:هاج ..الحين دريت ليش عمي جبر كان متزاعل وياها..لاتطولين وياها في الهذرة..ابيج في شي..
وديمة:ان شاء الله..آلو..
نجلاء:هذا اخوج بط جبدي..عليه اسلوب اخس من جبر..
وديمة:حرام عليج..خالد طيب..
نجلاء:مالت عليه..
وديمة:لاعاد..لاتسبينه..
نجلاء:ياللا بسكر خسرتيني..ديري بالج على روحج حبيبتي..
وديمة:ان شاء الله..سلمي على عمي جبر..
نجلاء:يوصل فديتج..مع السلامة..
وديمة:مع السلامة..
راحت غرفة خالد...
خالد:كنت بقولج اني بطلع ادفع فاتورة تليفوني..تيين وياي؟
وديمة(استانست):صج خالد؟؟
خالد(استغرب وناستها):اي صج..بتيين؟
وديمة:من غير ماتسألني..اكيد..قاعدة بروحي وملانه..ماصدقت انك بتوديني..على الاقل اشوف العالم بيوم الجمعة..متى بنروح؟
خالد:روحي لبسي..
وهم في المكتبة شيخة قاعدة تختار اي قلم تاخذ...وفارس واقف وياها...الا تيي وحده....
(___):مرحبا دكتور فارس..
فارس(لف صوبها):نعم؟
(__):انت مو الدكتور فارس؟
فارس:بلا..
(___):انا اللي سويت لي عملية الزايدة..
فارس:عذريني اختي مااتذكر..
شيخة(احترت على اسلوب البنت وشكلها وهي تكلم فارس هدت القلامه وقاعدة تطالعهم وتراقب فارس)
(___):الظاهر انك نسيتني..انا اللي صادتني مضاعفات بعد العملية وتعبت..
فارس:المهم اختي..ليش في شي؟
(___):بغيت أسألك عن أختي..اختي تعبانة وهي.....
شيخة(تضايقت ماقدرت تتحمل الموقف..هدت فارس والسلة ومشت عنه بعيد..راحت صوب المجلات والجرايد..وقعدت تدور على مجلة بس علشان تشغل نفسها بشي..انتظرت اكثر من خمس دقايق..لين ماجاها فارس....
فارس:انت وين رحتي..صار لي ساعة ادور عليج..
شيخة:.........
فارس:خلصتي؟
شيخة(بعصبية):اي..
فارس:انزين خلاص نروح نحاسب..
شيخة:عطني سويج السيارة مااقدر اوقف في الزحمة..
وراحت قعدت بالسيارة تنتظر فارس...طلعت تليفونها..حصلت مكالمات لم يرد عليها...حصلت رقم نجلاء..اتصلت فيها....
شيخة:السلام عليكم..
نجلاء:وعليكم السلام..انت وينج فيه ليش ماتردين علي؟
شيخة(بضيقة):خالتووه انا وايد متضايقة..
نجلاء:بسم الله عليج من الضيقة..شو فيج؟
شيخة:مااقدر اقول شي الحين..بس تكفين ادعي لي..
نجلاء(خافت عليها):شيخوه خرعتيني..حد فيه شي؟
شيخة:لا الكل بخير..
نجلاء:انت فيج شي..تعبانة؟؟ البيبي بخير؟
شيخة:انا بخير..
نجلاء:حلفت عليج تقولين شو فيج..
شيخة:متزاعلة وياريلي..
نجلاء:خرعتيني..شو فيكم؟
شيخة:بعدين بقولج..كاهو ييه بسكر....ان شاء الله مع السلامة..
فارس(يقعد):كنتي بتشترين مجلات ليش ماشريتي؟
شيخة:بس جذي..
فارس:ايش عندج قعدتي في السيارة وماانتظرتي نروح جميع..
شيخة:جذي..
فارس(انتبه ان فيها شي..شغل السيارة):شيخة اشفيج؟
شيخة:مافيني شي..تحرك خلنا نرد البيت..
فارس(خذ رويس علشان يطلع من الموقف):شيخة..انت تعبانة؟
شيخة:لا..
فارس:عيل اشفيج..كنتي في المكتبة عادية..
شيخة:تغير مزاجي فجأة..
فارس:ايش دعوة حبيبتي..تخشين عني؟..مو انا زوجج..قولي لي اللي في خاطرج..
شيخة:ماعندي شي اقوله..
فارس:أخاف هذي هي بداية اثار الحمل عليج؟
شيخة(عصبت):لا..لاتحاتين زين..
فارس(استغرب):شيخة اشفيج معصبة؟
شيخة:ماابي..(بدت تصيح)
فارس(اخترع عليها):بسم الله الرحمن الرحيم..حبيبتي اشفيج..تعبانة ولاشي اوديج المستشفى..
شيخة:لا ماني تعبانة..
فارس:عيل اشفيج؟(وقف على جنب)..شيخة قولي لي فيج شي؟
شيخة:لا..بس انا متضايقة..
فارس:متضايقة من شنو؟
شيخة:من اللي صار في المكتبة..
فارس(قعد يفكر باللي صار لين ماتذكر):وانا ايش سويت علشان تتضايقين؟
شيخة:اشلون تسمح لنفسك تتكلم وحده ماتعرفها جدام خلق الله..
فارس:مااعتقد اني رحبت فيها ولا قلت لها كلام حلو..
شيخة:ولو..ماكنت المفروض تعطيها مجال انها تكلمك..انت ماشفت شكلها وطريقة كلامها؟
فارس:هي قالت انها كانت مريضتي..
شيخة:مريضتك في المستشفى..مو في مكان عام..ولا بعد جدام زوجتك..لهالدرجة مالي مكانة عندك..على الاقل احترم وجودي معاك..
فارس(تضايق من كلامها):شيخة..مااعتقد ان اللي سويته جريمة..(كمل سواقته)
شيخة:جريمة بحقي..انك قاعد تحاجي وحده جدامي..
فارس:شيخة اشفيج انت اليوم..انا اغلبية مرضاي حريم..يعني خلاص مااحاجيهم؟
شيخة:والله ياليت لو ماتعالج حريم..وتريحني..لكن مو معناته انك تعالجهم وتستقبلهم في يوم اجازتك ومعاي وبمكان جدام العالم..
فارس:لاحول ولاقوة الا بالله..شيخة استهدي بالله..
شيخة:انا تضايقت منك وايد..وماتوقعت هالحركة منك..
فارس(عصب):بس..شنو ماتوقعت هالحركة..ليش شافيتني اضحك معاها ولا قاعد اسولف معاها في خصوصياتي؟
شيخة(خافت من عصبيته)
فارس:ماتحجين يامدام..رايحة جاية مكان جدام العالم..وحدة ماعندها حياء وكلمتني..اردها؟
شيخة:اي تردها ونص..وليش ماتردها..اذا هي ماتستحي انت ليش كملت معاها..جان هديتها ورحت عنها..
فارس:لا..انت شكلج اليوم وايد اعصابج تعبانة..
شيخة:انا؟!..الله يسامحك..
فارس:انت الحين تحطين عقلج بسالفة ماتستاهل..
شيخة:اي..انت زوجي وانا لازم احافظ عليك..انت كل يوم تطالع اشكال من الحريم..وانا ماادري عنهم..تبيني مااخاف عليك..
وتموا بهالنقاش الحاد..لين ماوصلوا البيت..وااول مافتح فارس باب البيت بالريموت...حس بألم فضيييع..ومسك جنبه بقو وهو متألم..ووقف السيارة وماقدر يدخلها...
فارس:آآآآآآآآآآه..(رفع الهاند بريك)
شيخة:فارس اشفيك؟؟
فارس:آآآي...شيخة لحقي علي..
شيخة(خافت عليه):فارس حبيبي اشفيك..قولي..
فارس:نادي لي راشد..بسرعة..نادي رااااشد..
شيخة(دموعها نزلت):الحين..
ركضت ونست ان الركض مب زين لها....دخلت الصالة وهي مخترعة على ريلها...حصلت الكل عيونهم عليها....
شيخة(تاخذ نفس بسرعة):راشد..راشد وين؟
الكل خاف من هالجملة....
راشد(قام):انا هني..ايش صاير؟
شيخة:الحق علي ياراشد..فارس تعبان..
راشد(اخترع):وينه؟
شيخة:بالسيارة..تكفى..(تصيح)
راشد ركض وراح وراه تميم وعيسى وسلطان وطلعوه من السيارة...ودخلوه البيت...
راشد:وين يعورك قولي..
فارس(بألم حاد):ماادري..يمكن كليتي..آآآآآآآآآآي..
راشد:لازم نوديك المستشفى..
فارس:ماابي..عطني اي شي..آآآآي..
راشد:مافي شي اسمه عطني شي..قوم تميم ساعدني خلنا نوديه المستشفى..
عيسى:يبه خلنا نتصل بالاسعاف احسن..عمي شكله وايد تعبان..واخاف نتأخر بهالزحمة..
راشد:خلاص اتصل بالاسعاف..
فارس:آآآي..لحقوا علي..
شيخة تأثرت بشكل فارس وهو متألم ودمعته نزلت من الالم..خافت عليه وصارت تصيح..جاتها الجوهرة...
الجوهرة:تطمني ان شاء الله ماعليه شر..
شيخة(راحت بحضنها)
وهم رادين البيت....في السيارة..........
وديمة:ذبحتني ريحة الفطاير..ولي سلمك خالد قوله يسرع..
خالد:علشان الاكل..ماني قايله..صبري شوي..
وديمة:انزين قبل لنرد خله يمر الدكان..
خالد:وايش تبين من الدكان؟
وديمة:ابي اشتري مشروب غازي..
خالد:غازي ولاشريف..ماعندي هالاشياء..
وديمة(ماعجبها الحجي):انزين عصير..
خالد:من المعصرة؟
وديمة:اي شي..المهم عصير..
خالد:ترى يمكن اللي بيعصر الفاكهة ماغسل يده يوم طلع من الحمام..ولا يمكن حاط ايده بخشمه وعقب عصر لج..ولا يمكن حك لحيته ولا راسه....
وديمة(تلاع جبدها):ووووع..الله يسامحك..لوعت جبدي..افف..كلام يسم البدن..حتى العشاء ماابيه..كل هالوصاخة هناك؟
خالد:أكثر..تبين اقول بعد؟
وديمة:لا تكفى لاتكمل..خلاص نشرب لبن ونتوكل على الله..
في المستشفى....
راشد:عيسى يبه روح خذ هالروشته وجيب الادوية..
عيسى:ان شاء الله يبه..
دخل راشد الغرفة....
الدكتور:ماعليك شر يادكتور فارس..أزمة وتعدي ان شاء الله..لازم تهتم بصحتك عدل من اليوم ورايح..وحاول تشرب وايد..يمكن يساعد هالشي على خروج الحصى من الكلية..
فارس(بتعب):بس يادكتور بتطول السالفة؟
الدكتور(ابتسم):يبيله صبر يادكتور..انت دكتور وأدرى بهالشغلات..
راشد:دكتور فارس قدها وبيتهم بصحته..وانا موجود معاه..
الدكتور:ياللا حمدلله على السلامة..وباجر تقدر ماتداوم خذ لك راحة..بعطيك ورقة اجازة مرضية..مع السلامة..
فارس:مع السلامة..
يرن تليفون راشد....
راشد:السلام عليكم..
ام راشد:وعليكم السلام..أخبار فارس؟
راشد:فارس بخير يمه..
ام راشد:ايش عنده ايش قاله الدكتور؟
راشد:مافيه الا العافية..بس كان عنده حصى بالكلى..
ام راشد:بسم الله على ولدي..وهو اشلونه الحين؟
راشد:بخير الحمدلله..والدكتور عطاه ادوية وان شاء الله نص ساعة ولا ساعة بالكثير ونكون عندكم..
شيخة(بدموعها):تكفين ياعمتي خليني اكلمه..
ام راشد:راشد يمه هذي شيخة تبي تكلمك..
شيخة:بوعيسى..اشلون فارس؟
راشد:فارس بخير الحمدلله..كاهو جدامي..مافيه الا العافية..
شيخة:اقدر اكلمه؟
راشد:أكيد..لحظة شوي..فارس..
فارس كان مشغول بالحجي وياابوه...
فارس:نعم؟
راشد:هذي شيخة تبي تكلمك..
فارس:عطني اياها..آلو..
شيخة:فارس(تصيح)
فارس:شيخة يبه لاتصيحين..انا بخير الحمدلله.....صدقيني انا بخير.....قالي عندك حصى في الكلية......تطمني....ان شاء الله شوي وبعد وبنرد البيت.....أكيد...ماابي ارد البيت واشوف دموعج..انت لازم تهتمين بصحتج....انزين..ياللا يبه مع السلامة..
واول ماوصلوا البيت..فصخت وديمة عباتها...وغسلت يدها وفتحت كيس الفطاير..وجابت اللبن والشطة..وقعدت....
خالد:على الاقل غيري ملابسج..
وديمة:مافيني..يوعانة..ياللا تعال ناكل بعدين غير ملابسك..حياج جدتي..
الجدة:مشكورة يمه..مااقدر آكل هالاكل هالحزة..عليكم بالعافية..
خالد(فصخ الغترة وغسل ايدينه وقعد معاها ياكل):وليش قاعدة على الارض؟
وديمة:جذي انا حرة ومرتاحة..خاطري اغير..
خالد:والله امرج غريب..
وديمة:ياسلام على الجبن..يتمدد..يممممي..
خالد:كلي وانت ساكتة..اول مرة تاكلين؟
وديمة:اقول جدتي..أخبار خالي..مو جنه طول..
الجدة:بلا يايمه..
خالد:ماقالج متى بيرد؟
الجدة:يقول يمكن يوم الاثنين يرد..
يدخلون البيت...والكل واقف ويكون في استقبالهم..وسلموا على فارس وتحمدوا له بالسلامة....وقعدوا....
فارس:عيل وين شيخة؟
شيماء:توها من شوي وديتها غرفتها..
فارس:ليش؟
شيماء:من الصبح هي قاعدة وتحاتي وشكلها تعبانة..فرحت وياها الغرفة علشان ترتاح..
فارس(قام):انا بروح داري..
راشد:بساعدك..
فارس:لا اقدر بروحي..(حس بدوخة)
راشد(مسكاه):ماتقدر بروحك..الابر مدوختك..
ودق باب الغرفة..وقعد ينادي علشان شيخة تلبس شيلتها..
فتحت لهم الباب...ودخل فارس ورقداه راشد على السرير وطلع...راحت له شيخة....
شيخة:حمدلله على السلامة..
فارس:الله يسلمج..عيونج منتفخة..
شيخة:من خوفي عليك..اشلونك الحين؟
فارس:بخير..
شيخة:ايش قالك الدكتور؟
فارس:مثل ماقلت لج..حصى بالكلية..
شيخة:قول والله ان هذا اللي فيك..
فارس(شاف الدموع المتجمعة في عيونها انكسر خاطره):والله هذا اللي فيني..
شيخة:وشنو العلاج؟
فارس:عطاني ادوية..وموصيني على المشي..واشرب وايد..
شيخة:الادوية انا اللي بعطيك اياهم بنفسي..والمشي بمشي معاك وبرافجك..والشرب مقدور عليه..المهم ترد لصحتك وعافيتك..
فارس:المشي ماتقدرين عليه..مب زين انت باول الاشهر..بحاول ادور على حد يرافجني..
شيخة:تبي اجيب لك شي؟
فارس:اي..بغيت ماي..
شيخة:من عيوني..
فارس:وجيبي لي بيجامتي..
شيخة:ان شاء الله..(وهي رايحة تلف صوبه وهي منحرجة)...فارس..
فارس:عيوني..
شيخة:أنا آسفة على الكلام اللي قلته..
فارس:انسي الموضوع..
في يوم جديد..أول أيام الاسبوع للدوام...في برج كل من محمد وأحمد...محمد يطلع من مكتبه ومعاه ملف..دخل مكتب أحمد...
محمد:السلام عليكم..
أحمد:وعليكم السلام..هلا والله بومحمد..حياك..
محمد(يقعد):اشلونك؟
احمد:طيب الله يعافيك..انت اشلونك؟
محمد:بخير..ممكن توقع لصاحب هالملف..
أحمد(شاف الملف):اوقع ليش لا..محمد..
محمد:نعم..
احمد:أبي اكلمك في موضوع..
محمد:قولي وكلي اذان صاغية..
احمد:لا مب هني..خلها برع الشغل..
محمد(حس ان احمد يبي يقول شي مهم وهالشي مب من عادته):وين؟
احمد:ايش رايك اعزمك على الغداء ونسولف..
محمد:السالفة فيها عزيمة..ماتتفوت..بس انا ماعدت عزابي..
احمد:مو زوجتك بالجامعة؟
محمد:بلا..
احمد:متى تخلص؟
محمد:3 ونص..
احمد:خلاص نطلع وحدة ونروح نتغدى بمطعم قريب الجامعة..وعقب خذ زوجتك..ايش قلت؟
محمد:صار..(يقوم)
احمد:وين؟
محمد:وراي شغل..
احمد:أخبار رفيجك؟
محمد:من رفيجي؟
احمد:اللي معاك بالمكتب؟
محمد:هذا رفيجي..تراك اهنتني..
احمد:لهالدرجة..
محمد:روح يامعود..ماانت حاس فيني..خلها على الله..مع السلامة..
احمد:مع السلامة..




الحمدلله تطمنا على صحة ام عبدالله..بس اللي ماعرفناه شنو سبب طيحة ام عبدالله؟؟؟؟

وعلاقة شيخة وفارس هل بتتغير ولا بتم مثل ماهي؟؟؟

وعملية شيماء متى بنحضرها؟؟

وياترى أحمد ايش عنده شالي يبي يقوله؟؟

وشالجديد في حياة فهد؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 30-12-2013, 09:38 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


" الفصل الـ 15 "





ولما قعدوا في المطعم وطلبوا الغداء....
محمد:اسمعك..
احمد:خلنا نتغدى..
محمد:لا قول بالاول..
احمد:اخاف ماتتغدى..
محمد:لا..انا اذا شفت الاكل مافي شي يخليني مااكل..
أحمد(يفكر اشلون يبتدي):بصراحة يامحمد..أنا....أنا أحب وحده..
محمد(تفاجأ بالكلمة):.........
أحمد:اي احب وحده..بس هالوحدة لاشفتها ولاسمعت صوتها..هذي يامحمد..انسانة من نوع ثاني..ماادري هي من وين جات..بس كل المواصفات اللي فيها هي نفسها اللي انا اتمناها..دورت على وايد بنات شفت منهم وايد..داخل وبرع الديرة..خطبت وايد لكن ماحالفني الحظ ولاشفت وحده اعجبتني..او هي نفس اللي اتمناها..
محمد:وشنهو هالشي اللي خلاك تقول انها هي اللي تتمناها؟
احمد:اخلاقها..اسلوبها..علاقتها المحترمة معاي ومع غيري..تعال اقرأ لما تبي تتناقش في موضوع..شوف ردودها المحترمة..مع انها تقدر تقول وتغلط وتسوي اللي سووه غيرها..لأن محد راح يقدر يعرفها..لكن ماسوت هالشي..انا زاد انعجابي فيها..لما اشوف اسلوبها..تتكلم بطريقة تقول وحده متربية وحده فاهمة عاقلة عارفه الدنيا من وين تمشي..
محمد:وانت من وين تعرفت عليها؟
احمد:في المنتدى اللي مشترك فيه..
محمد:المنتدى اللي كلمتني عنه؟
احمد:اي..
محمد:ويمكن هذا تمثيل ولا تتصنع..
احمد:يمكن..بس جد انا حبيتها بأخلاقها اللي في المنتدى..انا ابيها..ابي اتزوجها..
محمد:حتى لو كانت عكس كل هذا؟
احمد:لو كانت العكس يمكن اغير رايي..بس اذا هي..ابيها..
محمد:ويمكن تكون هي نفسها بس ماهي حلوة..
احمد:ماكو بنت ماهي حلوة..لكن الجمال نسبة..انا اعتقد ان في امور ثانية هي الاهم من الجمال..ابيها يامحمد..شسوي شور علي..
محمد:مااعرف شاقولك..هالبنت صعب توصلها..انسى يااحمد..
احمد:مااقدر انساها..هي دوم في بالي..ماتتخيل هالبنت اشلون تتكلم..عليها اسلوب عجيييب..
محمد:يااحمد..العلاقات اللي تبنى من ورى هالمنتديات تراها فاشلة..
احمد:بس في بعضها نجحت..
محمد:نسبة ضئيلة..يمكن 1 ولانص بالمية..
احمد:وليش مااكون انا واحد منهم..
محمد:واشلون بتتعرف عليها؟
احمد:علشان جذي انا كلمتك..ابيك تشور علي..
محمد:موضوعك سري؟
احمد:اشلون يعني؟
محمد:يعني ماانت قايل لعبدالله وخالد؟
احمد:اكيد بقولهم..
محمد:خلاص عيل يمكن هم عندهم مشورة احسن مني..
في بيت بوراشد...
ام راشد:يمه فارس اذا ماتقدر تنزل بخليهم يجيبون لك الاكل فوق..
فارس:لا يمه..انا بخير واقدر انزل..
بوراشد(يقوم):ياللا عيل احنا سابقينكم..
وطلعوا...
فارس:وين؟
شيخة:ببدل ملابسي علشان ننزل..
فارس:واشفيها هالجلابية؟
شيخة:متعطرة فيها..
ولما نزلوا تحت....





تميم:هلا فارس..اشلونك الحين؟
فارس:الحمدلله..
روضة:حمدلله على سلامتك يافارس..
فارس:الله يسلمج ويعافيج..
روضة:اشلونج شيخة؟
شيخة:الحمدلله..انتي اشلونج؟
روضة:بخير حبيبتي..
فارس:يمه وين راشد؟
ام راشد:راشد في المستشفى اتصلوا فيه وراح..
فارس(يقعد):متى راح؟
ام راشد:من الصبح..
راشد(يدخل البيت):السلام عليكم..
الجميع:وعليكم السلام..
راشد:فارس هني..ماشاء الله..اشلونك اشلون صحتك؟
فارس:الحمدلله..
راشد(يقعد عنده):اشلون حاس نفسك مب احسن من امس؟
فارس:بلا احسن..
راشد:خذت دواك؟
فارس:اي خذته..
راشد:خلنا بعد المغرب نروح نتمشى شوي..
فارس:ان شاء الله..
راشد:عيل وين البنات؟
ام راشد:بدارهم..مع اني طرشت الخدامة بعد ماجاوا..(بغت تقوم)
شيخة(تقوم):خلج عمتي انا بروح اناديهم..
راحت شيخة ودقت الباب..وهذا اول مرة لها تتدخل غرفتهم....
شمة:شيوم سكي الصفحة..ماادري من يدق الباب..
شيماء:زين زين..بسوي تسجيل خروج..انت روحي شوفي من..
شمة(تفتح الباب):هلا والله..شيخة عندنا..يالله حيا..حياج..
شيخة(ابتسمت):اشلونكم؟
شمة:بخير..انت اشلونج واشلون فارس؟
شيخة:بخير..
شيماء(من بعيد):هلا والله بمرت اخوي..حياج..
شيخة:لو دخلت بنقعد نسولف..خلها مرة ثانية..نبي نتغدى..
شيماء:مايصير اول مرة تيين غرفتنا وماتدشين..
شيخة:معليه حبيبتي مرة ثانية..اكيد بييكم..بس الكل ينتظر تحت..
شمة:ياللا شيوم..
شيماء:ياللا كاني جاية..
الساعة 6 بعد صلاة المغرب..الكل يطلع من المسجد وخالد كان مع محمد....
خالد:وين بنروح؟
محمد(وهو يسوق):بنروح مكان ماقاعد أحمد..
خالد:واحمد وين قاعد؟
محمد:عند البحر..
خالد:البحر!!..أكيد عنده شي..
محمد:.......
خالد:صح؟
محمد:اي..
خالد:انت تعرف؟
محمد:اي..
خالد:شنو؟
محمد:خله هو اللي يقول لكم..يمكن تفهمونه أكثر مني..
خالد:صاير شي؟
محمد:اصبر لين نوصل وافهم السالفة منه..عبدالله ايش قالك بيي؟
خالد:اي..
ولما وصلوا حصلوا عبدالله يتكلم في التليفون وأحمد قاعد يتأمل وهو يفكر....
خالد(بقعد جنبه):السلام عليكم..
أحمد(انتبه لوجود خالد):وعليكم السلام..
محمد(يقعد)
عبدالله(يحط تليفونه في مخباته ويقعد):وعليكم السلام..
محمد:أخبار الوالدة؟
عبدالله:الحمدلله احسن من قبل..
خالد:من كنت تحاجي؟
عبدالله:هذا واحد من الطلاب..يقول عندهم مشروع ويبون ينفذونه في الجامعة..
خالد:وانت شيخصك في مشاريعهم وانشطتهم؟
عبدالله:مايخصني..بس دليتهم على واحد يساعدهم..
محمد:صج اذا خذت الدكتوراه خلاص بتدرس في الجامعة؟
عبدالله:على حسب الظروف..
محمد:وانت تبي؟
عبدالله:ماادري..مافكرت..بس اخلص الدكتوراه عقب يصير خير..
خالد(يأشر لعبدالله ان احمد اشفيه)
عبدالله:احمد اشفيك ساكت؟
احمد:اسمعكم..
عبدالله(بغشمرة):ليكون ولدنا عشقان؟
احمد:اي عشقان..
خالد:من صجك؟
احمد:اي..
عبدالله وخالد يطالعون محمد ومستغربين..
احمد:حبيت وحده..وماكنت متوقع اني بتعلق فيها بهالشكل..
عبدالله:وشالي حبيته فيها؟
احمد:اخلاقها..اسلوبها..طريقة اقناعها للناس..انسانة محترمة..
خالد:وين شفتها؟
احمد:ماشفتها..
عبدالله:عيل اشلون عرفتها؟
احمد:حصلتها بالمنتدى اللي مشترك فيه..
عبدالله:منتدى!!
خالد:انت من صجك تحب بنات منتديات؟؟
احمد:بس هذي غير..
خالد:وشي دريك انها غير..يمكن تتصنع..
احمد:وشالمانع لو تعرفت عليها..واعرف اذا هي صج تتصنع..
عبدالله:تبي تتعرف عليها!!..اشلون؟؟
احمد:ماادري..انا ابيكم تساعدوني..هذي الانسانة الوحيدة من بين كل هالبنات حسيتها ان هي اللي ادور عليها..تحمل كل الصفات اللي كنت ابيها..
خالد:واشلون ترضى تاخذ وحده تتكلم وسط رياييل؟
احمد:قلت لك ياخالد..هذي غير..انسانة محترمة..وكلامها مختصر..وعمري ماشفت لها رد فيه كلام حلو الا للبنات..لكن مع الشباب جم كلمة مختصرة..تكفون ساعدوني..
خالد:انت من صجك؟؟
احمد:اي من صجي..
عبدالله:انزين انا عندي فكرة..
احمد:قول..
عبدالله:ايش رايك وحده من الاهل تتعرف عليها في النت..وعلى اساس انها حبتها وودها تشوفها..ويوم تشوفها تقدر تعطيك عن انطباعها اذا هي مثل ماهي..وتقدر تعطيك معلومات عنها اذا بغيتها تقدر تروح تشوفها واذا عجبتك تزوجها..
خالد(يقوم):انا اعترض..وضد هالحجي كله..لو انت تستخدم هالطريقة..غيرك بيدري وبيستخدم الطريقة لفعايل ثانية..وتبي بنات الديرة يروحون فيها؟
عبدالله:من بيدري..هذا سر بينا..
خالد:بس وحده من الاهل تدري يعني خلاص الكل درى..لا هذي مب طريقة..
عبدالله:محمد اشفيك..ماسمعنا حسك من وقت مابدينا..
محمد:مااعرف شاقول..حاس في احمد انه يبيها..بس هي صعبة..يعني اشلون يتعرف عليها..ويمكن تكون هالبنت مالجين عليها..
احمد:اذا مالجين الله يوفقها..
خالد(يقعد):يااحمد فكر فيها بشكل ثاني..اصلا الزواج عن طريق الانترنت ماينجح الا بنتايج ضعيفة..يمكن تكون هذي معاملة جدام الناس بس في البيت ممكن تكون غير..
يوم الاثنين...العصر شيماء وشمة ينزلون ويقعدون يطالعون تليفزيون..يحصلون راشد قاعد وياتميم وعيسى وامهم وابوهم يشربون شاي ويسولفون.....
شيماء:هااااي..
شمة:هاااي..
بوراشد:شنو هاااي..والله مامنكم فايدة..
راشد:اشلون المدرسة وياكم؟
شمة:زينة..
شيماء:عيسى غريبة مارحت الجامعة اليوم؟
عيسى:لا..عندي اجازة اليوم..
شيماء:ياحظك..عقبالي..
شيخة وفارس يدخلون البيت ويسلمون....
شيخة:شمة شريت لكم هالاغراض..تذكرتكم واحنا بالجمعية..
شيماء(تاخذ الكيس من شمة وتفتحه):واااااااااااو تسلمين ياقلبي..ماني مصدقة..حبيبتي شيخة..ماخليتي كافي الا وجبتيه..
راشد:اشلونك فارس اليوم؟
فارس:الحمدلله..
راشد:ايشقد ماخذ اجازة من الدوام المسائي؟
فارس:يوم الاربعاء برد..
راشد:انزين لاتنسى موعدنا كالعادة بعد صلاة المغرب علشان نتمشى..
فارس:ان شاء الله..ياللا عن اذنكم..بنروح نريح..
ام راشد:ماتبون تتغدون؟
فارس:تغدينا يمه..
وراحوا فوق...
راشد:اي صح قبل لأنسى..شيماء استعدي باجر بنروح المستشفى..علشان بيرقدونج..
شيماء(طاح منها الكيس)
ام راشد:بسم الله عليج..اشفيج؟
شيماء:مافيني شي..(لفت وجهها وقررت ترد غرفتها)
راشد:شيماء..
شيماء(وقفت)
راشد:مااعتقد ان هالخبر كان جديد عليج..انا مخبرج من الاسبوع اللي طاف ان عمليتج الاربعاء..
شيماء:راشد..ماابي اسويها..تكفى..
راشد:ردينا على حركات اول..ايش حلاتج يوم كنتي موافقة..
تميم:ترى العملية ماتخرع..سهلة وبتخلص بسرعة..
بوراشد:وانت ياراشد..مابتكون وياها؟
راشد:بلا..انا وعدتها..تعالي شيماء..
شيماء:ابي اروح غرفتي..
راشد:ماعليه قعدي شوي وعقب روحي..
الصبح....وديمة تطلع من المحاضرة ومعاها شيخة....
شيخة:ودوم ايش رايج فيها؟
وديمة:تهبل ياشيخة..تهبل ماشاء الله عليها..ماني مصدقة ان في دكتورة بالجامعة بهالاسلوب الراقي..شفتي اشلون البنات يلتمون حلوها بعد المحاضرة..
شيخة:تصدقين وحدة من ربعي..تقول تعرف وحده كانت عندها مشكلة بحياتها..تقول ساعدتها..
وديمة:ماشاء الله عليها..
شيخة:خالج رد؟
وديمة:اي..
شيخة:واخبار البيت؟
وديمة:زين..عندج شي؟
شيخة:لا..
وديمة:انزين تعالي معاي..ابي اروح قسم البنين..
شيخة:وايش عندج في قسم البنين؟
في المستشفى.....
شيماء قاعدة على السرير..وامها قاعدة على الكرسي مع الجوهرة....
الممرضة(تدخل):مرحبا..
الجوهرة:هلا..
الممرضة:شوبها الامورة ساكتة..ماسمعنا صوتها..
الجوهرة:من شيماء..يمكن شوي خايفة..
الممرضة:ماتخافي حبيبتي..مافي شي بيخوف..هلا الدكتور التخدير بدو يجي..
شيماء:وايش يبي دكتور التخدير؟
الممرضة:لازم يشوفك قبل العملية..
شيماء:ماني شايفته لين مايجي راشد..
الجوهرة:بس راشد ماهو جاي الا عقب الوحدة..
شمياء:ماابي..الدكتور مايدخل لين مايوصل راشد..
الجوهرة:خلاص على راحتج..
ام راشد:وليش تخلينها على هواها؟
الجوهرة:معليه ياخالتي..خلنا نسوي لها اللي تبيه..لو سمحتي..ياليت لو تخبرين الدكتور يتأخر في الجية لين مايوصل الدكتور راشد..
في الجامعة...في قسم البنين وتحديدا في مكتب عبدالله..كان قاعد وياخالد....
عبدالله:وايش قالك الدكتور؟
خالد:الحمدلله..ريلي في تحسن..ومع العلاج الطبيعي ان شاء الله بترد مثل اول..
عبدالله:يعني ايشقد المدة؟
خالد:مب اقل من شهر..
عبدالله:اي زين الحمدلله..
خالد:ماقلت لي عبدالله..ايش رايك باللي قاله أحمد؟
عبدالله:ماادري شاقولك..انا بروحي محتار في سالفته..احسه مهموم بسبت السالفة..
خالد:والطريقة اللي قلت لها اياها غلط..
عبدالله:يمكن صج اني غلطت..بس صدقني هالطريقة آمنة وايد..
خالد:لا..لا ياعبدالله ترضاها لأختك؟
عبدالله:خالد..المسألة ومافيها ان البنت بتتعرف عليها..وبعدين ياما بنات تعرفوا على بعض من الانترنت وتوسعت صداقتهم لين ماشافوا بعض وصاروا صديقات..ونعتبر هالسالفة جذي..
خالد:اي بس هالسالفة لها هدف ثاني..
عبدالله:الصداقة ماراح تخلص مجرد ان مايكون في نصيب..والبنت ماراح تعرف بالسالفة..
خالد:لو على كلامك كل الشباب راح يسوون هالشي..وباجر اذا البنت ماعجبتهم مابيخلون كلام مابيقولون عنها..
عبدالله:بس مب احمد..
خالد:ومب كل الناس احمد..
يندق الباب....خالد وعبدالله رفعوا راسهم علشان يشوفون من اللي واقف عند الباب...وديمة تفاجأت بوجود خالد في مكتب عبدالله..وسألت عمرها شنو سبب وجود خالد في الجامعة..ليكون في شي يخصها....واللي وقف تفكيرهم ونظراتهم....
عبدالله:هلا اختي..
وديمة(وهي خايفة من نظرات خالد وماتدري هل تنسحب ولا تكمل):مو مشكلة..بمرك بوقت ثاني..
وراحت...خالد كان معصب..لدرجة انه ماقدر يقعد وقف....
عبدالله:وين؟
خالد:بروح عندي شغل..
عبدالله:اشفيك قمت مرة وحده..
خالد:مافيني شي..بس تذكرت شي..بيكون بينا اتصال..مع السلامة..
عبدالله(مستغرب):مع السلامة..
وديمة تمشي بسرعة بالكعب وشيخة ماتعرف شالسالفة.....
شيخة:وديمة وقفي مااقدر امشي بسرعة..قولي لي شالي صار؟
وديمة(وقفت):شيخة..خالد شافني..
شيخة:شافج!!..وين؟
وديمة:بمكتب الريال اللي رحت له..كان قاعد معاه..ياويلي منه..
شيخة:وخالد شيسوي هناك؟
وديمة:ماادري ماادري..بس انا ميتة خوف..خالد بيذبحني..
شيخة:ايش هالحجي..
وديمة:صدقيني..خالد لو يدري اني بهالمنظر في الجامعة جان منعني من روحة الجامعة من زمان..
شيخة:مااعرف شاقولج..ايش بتسوين؟
وديمة:مااعرف..الله ياستر..حدي خايفة..
شيخة:اتصلي في ليلى خلها تيي عندكم..
وديمة:ليلى ماتقدر تيي..شكلي بروح فيها..
يرن تليفون وديمة....
وديمة:ياويلي..أكيد خالد..
شيخة:الله يعينج..ياليت لو اقدر اسوي لج شي..ردي..
وديمة(تشوف التليفون):هذي وحده من البنات اشوه..مالي خلق ارد عليها..
شيخة:وديمة انت متأكدة انه اخوج خالد اخاف غلطانة..
وديمة:اخوي خالد اشلون مااعرفه..خلينا نروح..
الساعة 1 و10 دقايق...يدخل راشد.....
راشد:جاج دكتور التخدير؟
الجوهرة:جاها الدكتور..بس هي مارضت تشوفه لين ماتيي..
راشد:دكتور التخدير مايخرع..(يكلم الممرضة)..خبري الدكتور خله يجي..
الممرضة:اوكي..
راحت....
راشد:اشفيج قاعدة جذي..ان شاء الله هذي قعدتج من الصبح؟
شيماء(هزت راسها بنعم)
راشد:الله يهديج..الجوهرة..خذي امي وردوا البيت..
ام راشد:وشيماء؟
راشد:انا موجود معاها..
شيماء:لا يمه..لاتروحين..
ام راشد:وين تبيني اهد بنتي..
راشد:لاتحاتين يايمه ..انا موجود..وعقب شوي بيي فارس بعد..
شيماء:علشان اروح فيها..
راشد:شيوم سكتي شوي..وتميم بيمر البنات..والدريول تحت ينتظركم..انتوا ردوا البيت..بعد ماتخلص من دكتور التخدير بحاول مع دكتورها يمكن يرضى ترد البيت وباجر الصبح ترجع..
شيماء:اي والله ياليت..
ام راشد:يصير؟
راشد:بشوف..انتوا الحين ردوا البيت..ريحوا شوي وتغدوا..
في الجامعة....
وديمة:شيخوه لاتهديني بروحي..
شيخة:امي بتمرني..تيين معاي؟
وديمة:خالد مابيرضى..
شيخة:بخلي امي تكلمه..
وديمة:وانت بتروحين بيت ابوج؟
شيخة:لا..امي بتوصلني بيت أهل ريلي..لأن السايق ماهو موجود الحين وفارس مشغول بأخته لأنها بتسوي عملية باجر..
وديمة:مااعتقد انه بيوافق..
شيخة:جربي اتصلي فيه..
وديمة:والله ماتييني الجرأة..
يرن تليفونها....
وديمة(قلبها يدق بسرعة تشوف اسم خالد):شيخوه هذا خالد..
شيخة:ردي عليه..
وديمة(بخوف):آلو..
خالد:انا برع..طلعي بسرعة..
وديمة(خافت بزود):ان شاء الله..(سك الخط)
شيخة:ايش قال؟
وديمة:يقول هو برع..
شيخة:انزين روحي..قبل ليشك بزيادة..
وراحت وديمة وهي ميتة من الخوف..وتفكر بمية شغله..خالد ايش راح يسوي..ركبت السيارة..وسلمت...لكن خالد مارد عليها..مما زاد خوفها...
دكتور التخدير يوصل...ويدخل مع الممرضة..ويبدأ يسأل شيماء بعض الاسئلة اللي تتعلق بصحتها..وعقب كشف عليها.....
الدكتور:ان شاء الله نشوفج باجر ياشيماء..عن اذنكم..
شيماء:ان شاء الله مااشوفكم باجر..
راشد:شيماء!!
شيماء:والله يخوف..
راشد:مافي شي يخوف..
فارس(يدخل):السلام عليكم..
راشد:وعليكم السلام..
فارس:اشلونج شيماء؟
شيماء:ماني بخير..
فارس:ليش؟
شيماء:وايد خايفة يافارس..ميتة من الخوف..
فارس:مافي شي يخوف..جاها دكتور التخدير؟
راشد:اي توه طالع من عندها..
فارس:ماانتبهت له..ماسألت الدكتور اذا تقدر تطلع اليوم وترد باجر؟
راشد:الحين بروح..انت اقعد وياها وانا بروح..
وديمة ماودها تنزل من السيارة...لكن نزلت...ودخلت البيت بهدوء وخالد وراها...حصلت جدتها قاعدة في الصالة .....
وديمة:السلام عليكم..
الجدة:وعليكم السلام..هلا يمه..
وديمة(تكمل مشيها)
خالد(بصوت عالي):وديمة..
وديمة(وقف قلبها من الصوت وقفت)
خالد(مسك كتوفها ولفها صوبه والشرارة تطلع من عينه..عطاها كف كل الكتب واللاب توب اللي بيدها طاح على الارض)
الجدة(قامت وماهي فاهمة شالسالفة)
خالد:ايا اللي ماتستحين على وجهج..وانا احسب عندي اخت عاقلة وفاهمة..(وبدى فيها ضرب ضرب ووديمة تصرخ وتستنجد بجدتها لكن ماكو فايدة خالد ماهو قادر يوقف حرته فيها)
الجدة:بس ياخالد..بس..خالد يمه..
عيسى(يقوم من النوم ويحصلهم بهالحالة ويحاول يفصلهم عن بعض):اشفيكم..ايش صاير؟
وديمة(بين دموعها وألمها من ضربات خالد):حرام عليك..
خالد:جاب ولا كلمة..ولج عين تحجين..
عيسى:خالد اشفيك..وديمة شمسوية؟
خالد(سكت وماهو قادر يتحجى ركب الدري وراح غرفته)
عيسى:وديمة ايش صاير؟
وديمة(تصيح وماهي قادرة توقف صياحها)
الجدة(ضمتها):بس يايمه..
عيسى:يمه ايش صاير؟
الجدة:علومي من علومك يايمه..ماوعيت الا اشوفه يضربها..وماادري شالسالفة..
عيسى:اشفيه خالد استخف..
وديمة(انسحبت وراحت فوق وأول مابغت تقفل الباب دش وراها خالد ومنعها)
خالد:هاتي التليفون..ماكو روحة للجامعة..سمعتي..
وخذا مفتاح الغرفة وواير اللي يربط من اللاب توب وخدمة البرق..وطلع..
تمت وديمة تصيح وغرقانه بين ألمها وحسرتها على اللي سوته..وتمنت وجود حد معاها مثل شيخة و نجلاء...
في بيت ام عبدالله...بعد الغداء.....
يرن جرس البيت....
عبدالله:ناطرة حد يمه؟
ام عبدالله:لا..
عبدالله:يمكن خلود..
راح يشوف من عند الباب...حصل...
عبدالله:خالد!!...خالد اشفيك؟؟
خالد:انا تعبان..ومتضايق..تكفى ودني مكان..
عبدالله:حياك ادخل..
وقعدوا في المجلس...وجاب له ماي...
عبدالله:خالد حالك ماهو عاجبني..صاير شي؟
خالد:.........
يندق باب المجلس يروح عبدالله..ويحصل عصير الليمون اللي مجهزته الوالدة...
عبدالله:متعبة عمرج ليش يايمه..خلج راقدة بالفراش..
ام عبدالله:معليه يايمه..بس خويك حاله مب عاجبني..شكله تعبان..
عبدالله:مشكورة يمه..
دخل له...
عبدالله:هذا العصير الوالدة عصارته علشانك..اشرب..
خالد:ماابي شي..(قام)
عبدالله:وين؟
خالد:برد البيت..
عبدالله:اي بس احنا ليحين ماتكلمنا..
خالد:وانا ماعندي شي اقوله..
عبدالله:انزين معليه..بس اشرب العصير بالاول وعقب روح..
خالد:صدقني مااشتهي..
عبدالله:ماانت طالع لين ماتشرب..
شرب العصير....
خالد:خلني الحين اروح..
عبدالله:اصبر اجيب سويج السيارة وبوصلك بنفسي..
خالد:مايحتاي..
عبدالله:اشلون مايحتاي..
خالد:السايق يرع..
عبدالله:بخليه يرد البيت..مااقدر اخليك ترد البيت وانت بهالحالة..
حاول عبدالله يعرف سالفة خالد ماقدر..ماحب يضغط عليه..نزلاه وراح...دخل البيت....
الجدة:خالد..
خالد:نعم جدتي..
الجدة:شالي سوته وديمة وطقيتها؟
خالد:لاتسأليني جدتي عن السبب بس اللي لازم تعرفينه انها كانت تستحق الضرب اللي انضربته اليوم..
الجدة:وين رايح؟
خالد:بروح اريح في غرفتي..
وراح غرفته...سك الباب وفصخ الشماغ وقعد على السرير وهو متضايق من اللي صار...حصل تليفونها على السرير...خذاه وفتح على الرسايل...وقعد يقرأ المسجات.....وقعد يتكلم في نفسه.." ماكو الا عبط وسخافة بنات..حتى المسجات الرومانسية كلها اسامي ربعها..بس ليش سوت جذي؟؟..ليش ياوديمة..هذي آخر تربية ابوي وامي فيج..خلني اشوف المكالمات..(يدور)..ماكو الا نجلاء وشيخة وهذا الوالد واسامي ربعها..وأكثر مكالمتها مع شيخة..انا مصدوم فيج"
وديمة ماقامت ولاتحركت من وقت الضرب..تمت على حالها بالصياح والدموع اللي مو راضية توقف..ضمت نفسها وهي قاعدة على السرير..وتمت على هالحالة لين الساعة 7 المغرب..
في بيت بوراشد...دخل راشد ووياه فارس وشيماء...ويسلمون ويقعدون....
برواشد:رخصها الدكتور؟
راشد:الحمدلله..ماكان موافق..حاولنا فيه انا وفارس لين ماوافق..
شمة:وايد يحبونج..
شيماء:عاد انا الميتة فيهم..فراقهم عيد..
ام راشد:كلتوا شي؟
راشد:لا..
راشد(قام):بروح اسبح واغير ملابسي..
ام راشد:مب جوعان؟
راشد:بعدين بتعشى مرة وحده..ابي انام..
شيماء وشمة راحوا فوق...بدلت ملابسها شيماء واتسبحت وراحوا عند شيخة...
شيخة:هلا حياكم..
شيماء:طول الوقت وفارس يجيب طاريج..
شيخة:كل شي هناك؟
شيماء:واحد من ربعه جاب لنا عصير وساندويتشات..
شمة:اشلون الجامعة وياج؟
شيخة:الحمدلله..انتوا اشلونكم ويالمدرسة؟
شمة:ياليت لو نقدر نفتك من مدرسة العربي..
شيخة:ليش؟
شمة:ماادري اشفيها علي انا وشيماء..كل ماتدش الصف تطلع حرتها فينا..جنة ماكو حد في الصف غيرنا..
شيخة:الله يعينكم..شنو ناوية تدرسين بالجامعة؟
شمة:خاطري تخصص تربية فنية..بس ماادري بتم على هالراي ولا بغيره..
شيماء:انتي شنو تخصصج شيخة؟
شيخة:انا تسويق..في البيزنس..
شيماء:وبتشتغلين عقب؟
شيخة:ماادري..على حسب الظروف..(قامت)..خلكم قاعدين بجيب لكم شي..
شيماء:الساعة جم؟
شمة:الساعة 8 ونص..ليش؟
شيماء:علشان يمديني ازهب شوية اغراض ابي اوديها معاي باجر..
جات شيخة وقعدت...
شيخة:تفضلوا..هذا بسكوت جديد..وطعمه حلو..فحبيت تذوقونه..
وتموا يسولفون ويضحكون ويتغشمرون..استانست شيخة بقعدتهم غيرت شوي من جو الملل اللي كانت فيه..ولما صارت الساعة تسع..فارس يدخل الغرفة..يحصلهم قاعدين يطالعون تلفزيون ويضحكون....
فارس:مساء الخير..
الجميع:مساء النور..
فارس:ايش عندكم تضحكون؟
شيماء:لاتفوتك المسرحية تموت من الضحك..
فارس(يقرب):وين اشوف...اي هذي مسرحية قديمة..
شمة(قامت):ياللا شيماء نمشي..
شيخة:وين؟
شيماء(قامت):عاد احنا مصخناها..واللي يشوف حالي الحين مابيصدق ان باجر وراي عملية..خلني اروح عندي مية شغلة..تصبحون على خير..
فارس وشيخة:وانتوا من هله..
وعقب ماطلعوا وسكروا الباب....
شيخة(تبتسم له):يعطيك العافية..
فارس:الله يعافيج..
شيخة:اكيد جوعان..
فارس:بشكل ماتتصورين..
شيخة:انزين مب ناوي تتعشى؟
فارس:بلا..ابدل ملابسي وعقب ننزل تحت..
شيماء وشمة ينزلون تحت.....يحصلون الكل قاعد..وكل واحد شاغل نفسه بشي الين تجهز طاولة العشاء....
راشد(يشوف الساعة):شيماء كلي اللي تبينه قبل العشر..
شيماء:ليش؟
راشد:لأن بعد العشر ممنوع عنج كل شي..
شيماء:ياوييييييييلي..من صجك؟
راشد:اي..
شيماء:حتى الماي؟
راشد:حتى الماي..
شيماء:لا لاتقول..
راشد:اللي سمعتيه..كلي اللي تبينه وشربي اللي تبينه قبل العشر..
شمة(قعدت عند راشد وكلمته بصوت واطي):بوعيسى..
راشد:هلا شمة..
شمة:يصير باجر مااروح المدرسة؟
راشد:ليش؟
شمة:ودي اكون وياشيماء بالمستشفى..
راشد:بس المدرسة اهم..على الاقل اذا فات شيماء شي..انتي مايفوتج وتقدرين باجر تشرحين لشيماء..
شمة:بس انا مالي خاطر اروح باجر..تكفى يابوعيسى..
راشد:ماراح تقدرين تسوين لها شي..
شمة:ماعليه..المهم اكون متواجدة..والله اني احاتيها..
راشد:عطيني رقم مدرستكم..
شمة:ليش؟
راشد:علشان اكلم المدرسة واخبرهم عن شيماء..
شمة:بعطيك..بس شنو موافق؟
راشد:موافق..بس باجر..
شمة(استانست):بس باجر..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 30-12-2013, 09:41 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


متابعة فصل الـ 15




في غرفة فارس وشيخة...فارس كان بالحمام وشيخة تتصل في وديمة لكن ماترد...خافت عليها..من العصر وهي تتصل وماترد..اتصلت في بيت خالها....
شيخة:السلام عليكم..
الجدة:وعليكم السلام..
شيخة:اشلونج جدتي؟
الجدة:بخير..من معاي؟
شيخة:انا شيخة بنت عمة وديمة..
الجدة:هلا يمه شيخة..اشلونج يمه؟
شيخة:بخير جدتي..انتي اشلونج؟
الجدة:الحمدلله..
شيخة:جدتي وديمة عندج؟
الجدة:لا والله..من وقت ماردت من الجامعة وانا ماشفتها..ولاقعدت معاها..
شيخة(خافت عليها):ليش؟؟
الجدة:والله شاقولج..انت مب غريبة..اول ماردت من الجامعة طاح خالد فيها ضرب..والبنت ماتت من الصياح راحت فوق ومن وقتها مانزلت..
شيخة(انصدمت):الله يهدي خالد..وانت ياجدتي ماتعرفين عنها شي؟
الجدة:طرشت لها الخدامة كم مرة تقول انها تصيح وماتبي شي..
شيخة:وتليفونها وينه..مت وأنا اتصل فيها ومحد يرد علي..
الجدة:ماادري يايمه..انا لو فيني جان ركبت الدري ورحت لها..بس مااقدر..
شيخة:وخالد وينه؟
الجدة:فوق بداره..
فارس(يطلع وهو لابس الروب وينشف شعره)
شيخة:خلاص جدتي..انا بحاول اتصل فيها مرة ثانية..مشكورة.....مع السلامة..
فارس:من تحاجين؟
شيخة(بضيقة):هذا بيت خالي بوسلمان..
فارس(ينشف شعره بالسشوار):اشفيج؟
شيخة(تحط التليفون وتروح صوب الكبت):ولاشي..
فارس:حد قايلج خبر موزين؟
شيخة:لا..
فارس(يحط السشوار ويمشط شعره):شيخة حبيبتي..انت لازم تهتمين بنفسيتج عدل..مب زين للياهل..
شيخة:ان شاء الله..
الصبح..خالد يروح الدوام مع السايق من غير مايمر وديمة..لأنه من الاول خبرها ان ماكو روحة للجامعة..ووديمة اصلا ماكانت تقدر تروح الجامعة وهي بهالوضعية..حاولت تنام لو ساعة وحدة..وشيماء كانت متواجدة في المستشفى من الساعة 6 الصبح..وامها وابوها وشمة وراشد وفارس كانوا عندها..دخلت الممرضة علشان تسحب منها دم...وعقب جات ممرضة علشان تقيس لها الضغط والحرارة..وسجلتهم في الملف...وعقبها جات ممرضتين..علشان يعطونها ابرة الجلوكوز الخاصة بالتخدير..طبعا شيماء كانت خايفة بس راشد تم واقف عندها..لي ماعطوها الابرة اللي ماتحملتها شيماء لدرجة دموعها نزلت...وتمت تصيح..وعقب ماخلصت الممرضة شغلها طلعت.....
راشد:ليش الصياح ياشيماء؟
شيماء:ماابي..عورتني الابرة وااايد..
راشد:بس خلاص الالم راح..
شيماء:ماابي انا خايفة وايد..
راشد:مافي شي يخوف..كلها دقايق وبتدخلين ان شاء الله غرفة العمليات..وبيخدرونج ومابتحسين بشي..
شيماء:قلبي مو متطمن..
فارس:ايش دعوة ياشيماء..كلها لحمية..قوي قلبج..
تيي الممرضة..
الممرضة:دكتور راشد..لازم نوديها الحين..
شيماء:لا..ماابي اروح..ماابي اروح..
راشد(انكسر خاطره على اخته):انا معاج لاتحاتين..وفارس بعد بيدخل..
شمة:شيوم فديتج لاتخافين انا هني بانتظرج..وبدعي لج..
ام راشد:الله يقومج بالسلامة يايمه..
شيماء(تمت بدموعها وخوفها)
وخذوها لغرفة العمليات...نزلوها....ومشت بالسرير وهي تنتبه ان الكل يطالعها..لين تمت على صوب لين مايدخلونها غرفة العمليات الخاصة فيها..وطبعا كان راشد وفارس يعقمون نفسهم علشان يقدرون يدخلون معاها.....
شيماء(وهي خايفة):وين الدكتور راشد؟
الممرضة:الحين بجي..لاتخافين..
راشد(يي):هذاني جيت..
شيماء:راشد تكفى لاتخليني بروحي..
راشد:مابخليج بروحج..
شيماء:عيل وين فارس؟
فارس(يي):انا موجود..(يشوف الدكتور يأشر له)..راشد الدكتور يقول خلها تدخل..
ودخلوها داخل...شيماء شافت الانوار الخاصة بالعمليات..واللون الاخضر...ورقدوها على سرير العملية...وركبوا عليها الاجهزة...راشد وفارس وقفوا عندها..راشد مسك يدها...
راشد:ياللا حبيبتي..الحين شوي شوي بترقدين..(يأشر لدكتور التخدير علشان يبدأ يخدرها)
شيماء:ماابي..لاتخليني بروحي..
راشد:ماني مخليج بروحج..انا موجود هني..
شيماء:وانت فارس؟
فارس:انا بقعد معاج شوي وعقب بروح عندي عملية..
شيماء(مسكت يد راشد بقو):لاترحون تموا معاي ليي (حست بدوخة وعرفت ان هذا مفعول البنج..حاولت تقاوم وتفتح عينها لكن استسلمت للنوم)
راشد:الحمدلله نامت..
في بيت بوسلمان....



الجدة:عيسى يمه روح تطمن على وديمة..من امس مانزلت ولاكلت شي..خايفة يصير فيها شي..
عيسى:من امس مانزلت؟!!
الجدة:اي يايمه..
عيسى:والله هذا الخالد..ماهب صاحي..
راح فوق..ودق باب غرفتها...محد فتح..دش بهدوء..حصل الغرفة مظلمة..دخل...حصلها راقدة على السرير ومب متغطيه..والمكيف مسكر..انكسر خاطره عليها..شغل لها المكيف وغطاها..وشكلها باين عليها انها كانت تصيح...سك الباب بهدوء علشان مايقعدها....
نزل تحت...
الجدة:هاا يمه..
عيسى(يقعد):مسكينة وديمة..راقدة على السرير بملابس اللي راحت فيها الجامعة..ولاهي متغطية والمكيف مسكر..ووجهها اللي يبين عليه الصياح..ماادري هي شمسوية علشان خالد طاقها هالكثر..
الجدة:لاتسأله يايمه..هذي اخته وهو أدرى بتربيتها..
عيسى:بس يايمه هو قاعد يغلط عليها..
الجدة:احنا مالنا خص..هو واخته كيفهم..هي مانضربت الا لأنها غلطت..وخالد انا اعرفه مايسوي اللي سواه الا لأنه شاف غلطتها..
عيسى:ايش تقصدين يمه؟
الجدة(قامت):اللي قلته..لاتسأله ولاتتدخل..حتى لو كنت خالهم..
عيسى:وين رايحة؟
الجدة:بروح اشوف الخدامة ايش بتسوي حق الغداء..
في المستشفى على الساعة 8 ونص....يطلع راشد..يحصلهم قاعدين وهم يسولفون...
شمة:يمه هذا راشد..
ام راشد:من راشد؟
شمة(تساسر عمرها):يمه كلش مو وقته..بوعيسى يمه..
راشد:السلام عليكم..
الجميع:وعليكم السلام..
ام راشد:هاا يمه..اشلونها اختك؟
راشد:اختي بخير..والعملية خلصت..
شمة:بهالسرعة؟
ام راشد:قولي ماشاء الله..
شمة:ماشاء الله..
راشد:العملية سهلة ماهي مثل ماتوقعتها شيماء..
شمة:وشيماء اشلونها؟
راشد:ليحين راقدة من البنج..
ام راشد:مايصير نشوفها؟
راشد:لا..لما تروح غرفتها تقدرون تشوفونها..
شمة:ومتى بتقوم من البنج؟
راشد:على حسب..يمكن عقب نص ساعة او اقل..او يمكن اكثر..ياللا انا رايح داخل..وانتوا ردوا غرفتها..اذا طلعت من هني باتصل فيكم..
رد راشد الغرفة اللي فيها المرضى بعد العملية...دش على شيماء حصلها نايمة...مسك جبينها..علشان اذا فيها حرارة..حاول يقعدها..لكنها ماقامت...
في مكتب عبدالله...يندق الباب...
صقر:السلام عليكم..
عبدالله(يقوم):وعليكم السلام..حيالله من جى..(يسلم عليه)..حياك..تفضل..
قعدوا..
صقر:الله يحيك..
عبدالله:انت وينك ياريال قاطعتنا مرة وحده..
صقر:قولي بالاول اشلونك؟
عبدالله:بخير.. انت اشلونك؟
صقر:الحمدلله..
عبدالله:واشلون العيال والشغل؟
صقر:نحمد ربنا على كل حال..انت اخبارك واخبار الوالدة؟
عبدالله:وانت ايش دراك؟
صقر:الاخبار توصلنا..اشلونها الحين ان شاء الله احسن؟
عبدالله:الحمدلله..
صقر:الحمدلله..ماناوي تضيفنا؟
عبدالله:افا عليك..(صب له الشاي)..تفضل..
صقر:يزيد فضلك..الا ماقلت لي انت ليحين عزوبي؟
عبدالله:وانت ايش شايف؟
صقر:والله شكلك عزوبي..
عبدالله:لهالدرجة يبين؟
صقر:اييه يبين..لتزوجت بعرفك من بعيد..
عبدالله(يضحك):ليش؟
صقر:المتزوجين وعليه باين عليهم..
عبدالله:وشنو اللي باين عليهم؟
صقر:التعب والمسؤولية..
عبدالله:اي بس انا المسؤولية عندي من زمان..
صقر:بس بعد لتزوجت غير..اخبار الدكتوراه؟
عبدالله:ان شاء الله تخرج هالكورس..
صقر:بالمبارك..اكيد انتوا اول دفعة يخرجونها؟
عبدالله:اي..
صقر:وعقب بتدرس في الجامعة؟
عبدالله:ان شاء الله..
صقر:الله يوفقك..
عبدالله:عطني علومك..
في المستشفى...شيماء تقوم..وياخذونها على غرفتها...وعقب ربع ساعة يدخل راشد....
ام راشد:يمه راشد البنت راقدة وماترد علينا..
راشد:تحصلينها دايخة..(قرب منها)..شيومه..شيومي..شوشو..(تفتح عينها)..شفتي يمه هذي شيومه قامت..ياللا انا رايح عندي عملية ولازم اروح..
ام راشد:ومتى بتخلص؟
راشد:عقب ثلاث ساعات..
ام راشد:الله يوفقك يايمه..
راشد:اذا بغيتوا شي ولا شيماء بغت شي دقوا هالزر بتييكم الممرضة..وانا بوصيها عليكم..
شمة:تسلم يابوعيسى..
يوم صارت الساعة 12 ونص...استأذن خالد من الدوام ورد البيت...ماحصل حد في البيت...راح صوب المطبخ...حصل الخدامة....
خالد:وين ماما كبير؟
الخدامة:صلي..
خالد:وبابا عيسى؟
الخدامة:مافي يروح برع..
خالد:عطيني ماي..
وعقب ماشرب الماي راح غرفته..لكن قبل ليدخل..خاف على وديمة..من امس ماطلعت من دارها..واكيد ماخذت دواها...دق الباب..محد رد عليه..دخل..حصلها راقدة..ماحب يقعدها..سك الباب وراح..لكن وديمة ماكانت راقدة..وحست بجية خالد..عقب ماسكر الباب..قامت وهي حاسة بكسل وتعب وضيقة وحزن..بغت تطل على تليفونها لكن تذكرت انه مب موجود معاها..قررت انها تروح تتسبح...خالد نزل تحت...حصل جدته قاعدة بالصالة وهي تستغفر..
خالد:السلام عليكم..
الجدة:وعليكم السلام..راد من وهل..
خالد:اي كنت شوي تعبان ورديت..
الجدة(قامت):خلني اروح اقول للخدامة تنجب الغداء..
خالد:جدتي..وديمة مانزلت تحت؟
الجدة:لا..ولاشفتها من امس..
خالد:خبري الخدامة تنجب الغداء لأني تعبان وابي اروح انام..
وديمة تطلع من الحمام وبغت تقفل الباب شافت المفتاح ماهو موجود تذكرت ان خالد خذ المفتاح..راحت تقعد على كرسي التسريحة وهي تطالع عمرها من المراية وتنزل دموعها مجرد انها تذكرت الموقف والكلام اللي سمعته من خالد والضرب اللي جاها منه..قامت وعلقت الفوطة وقعدت مرة ثانية علشان تمشط شعرها..
في المستشفى...فارس وهو رايح غرفة شيماء...تشوفه وحده من البنات.....
البنت:دكتور فارس..دكتور فارس..
فارس(يلف يحصلها نفس البنت اللي شافها ذاك اليوم شكر ربه ان شيخة ماهي موجودة وياه):نعم..
البنت:دكتور انا خبرتك من قبل عن اختي..واختي تعبانة وايد وجبناها المستشفى..ياليت لو تقدر تيي تشوفها..
فارس:وين دكتورها؟
البنت:دكتورها ماهو ذاك الزود..تكفى دكتور..
فارس(تذكر شيخة وتذكر مهنته):وين غرفتها؟
البنت(استانست):حياك دكتور..
فارس راح وراها...حصل الممرضات...وسأل عن حالة اخت البنت..وشرحت له الممرضة وقالت له التفاصيل...وان الدكتور عندها داخل..ولما يطلع الدكتور....
الدكتور:دكتور فارس؟
فارس:دكتور بدر..مااصدق..(يسلم عليه)
الدكتور:اشلونك؟
فارس:بخير الله يسلمك انت اشلونك؟
الدكتور:الحمدلله..شتسوي هني؟
فارس(شاف نظرات البنت له مااحب يقوله شي جدامها):بقولك بس قولي المريضة اللي كنت عندها ايش حالتها بالضبط؟
الدكتور:امش وانا بقولك في الدرب..
فارس:باللا..
البنت:دكتور فارس؟
فارس:دام الدكتور بدر كشف عليها اعتبري اني انا اللي كشفت عليها..عن اذنج..
وتمو يسولفون..لين مافارس اعتذر من الدكتور وراح عند شيماء...دخل حصل شيماء بروحها...راقدة...
فارس:شيماء..شيوم..شيوم..
شيماء(تفتح عيونها)
فارس:حمدلله على السلامة..
شيماء:ااه ااه..
فارس:تعبانة؟
شيماء(دموعها تنزل)
فارس:ليش الدموع؟..(مسحهم)..اشفيج شيوم؟
شيماء:يعور..
فارس:تحسين بألم؟
شيماء:اي..
فارس:ماعطوج مسكن؟
شمياء:ماادري..مااذكر شي..
فارس(ناد الممرضة)
الممرضة(جات):نعم دكتور؟
فارس:ماعطيتوها مسكن؟
الممرضة:لا..
فارس:عطيها مسكن..(يرن تليفونه)
تيي الممرضة ويطلع فارس من عند شيماء..علشان يسولف في التليفون...
عبدالله يقعد علشان ياكل فواكه ويأكل امه...
عبدالله(يمد يده بالبرتقال علشان امه تاكل)
ام عبدالله:تسلم هاليدين..يمه عبدالله..
عبدالله:آمري تدللي يالغالية..
ام عبدالله:اليوم الصبح اتصلت فيني ام البنت..
عبدالله:وايش قالت؟
ام عبدالله(ابتسمت له):البنت موافقة..الباقي تروح تشوفها..
عبدالله:ان شاء الله تتحسن صحتج ونروح نشوفها..
ام عبدالله:بتنتظرني يايمه؟
عبدالله:اي واشلون اروح من غيرج؟
ام عبدالله:روح ويااختك خلود ولا خالتك فوزية..
عبدالله:لا خالتي ولاخلود انا من دونج مااروح..لازم وجودج علشان البركة..
ام عبدالله:ياكثر مااغليك ياولدي..وماانحرم من هالقلب الابيض..
الساعة 3 الا ربع كانت سيارة بيت بوراشد عند باب الجامعة علشان ياخذون شيخة...وكانت في السيارة ام راشد وشمة وسلوى...
شيخة(تركب):السلام عليكم..
الجميع:وعليكم السلام..
شيخة:اشلونج عمتي؟
ام راشد:بخير فديتج..
شيخة:شاخباركم بنات؟
البنات:فاين..
ام راشد:تبون فاين؟
يضحكون....
شمة:لاي يمه..فاين..يعني بالعربي زينين..
ام راشد:مالت على حجيكم..يافديت الحجي العربي..
متجهين جميعا للمستشفى...ولما دخلوا المستشفى اشترت شيخة باقة ورد ووصلوها لغرفة شيماء...
سلموا على بعض...وقعدوا.....
شمة:وااااااي حبيبتي اختي..شمسوين في خشمج؟
شيماء:سكتي شمو..والله احس بطابوقة فوق خشمي..
شمة:فديتج..ياعله اللي في بالي بالج..
شيماء:آآمين..
فارس:ومن اللي في بالج وبالها؟
شمة:هاا..وحده الله ياستر عليها..
ام راشد:من هذي؟
شيماء:يمه..انا عطشانة ابي ماي..
شمة:حبيبتي شيومه عطشانة..جبنا لج عصير برتقال فرش من اللي يحبه قلبج..
شيماء:عطيني بسرعة..
سلوى:اما اليوم ياشيماء..ماكو حد الا وسأل عنج..
شيماء:صج ايش قالوا؟
سلوى:البنات ماصدقوا الخبر..عطيتهم رقم غرفتج وقالوا بيزورنج..
شيماء(تشرب العصير)
فارس(قاعد جنب شيخة ويتساسر وياها):اشلونج حبيبتي؟
شيخة:بخير..انت اشلونك؟
فارس:الحمدلله..واشلون البيبي؟
شيخة:زين..
فارس:اخبار الدراسة؟
شيخة:الله يعينا..
فارس:شيخة اشفيج؟..شكلج متضايقة..
شيخة:اي والله يافارس متضايقة شوي..
فارس:أفاا..متضايقة وانا موجود..ايش صاير؟
شيخة:خلاص لرديت البيت بقولك..
فارس(قام):قومي..
ام راشد:وين؟
فارس:شوي بنروح مكان وبنرد..
ام راشد:دير بالك على زوجتك ترى كل اللي هني مرضى..
فارس:ان شاء الله..
راحوا برع...
فارس:قولي لي..
شيخة:من امس وانا ماادري شي عن بنت خالي..حتى الجامعة ماجات اليوم..
فارس:مااتصلتي فيها؟
شيخة:بلا..بس ماترد..
فارس:اتصلي البيت..
شيخة:اتصلت وردت علي جدتها وقالت لي من ردت من الجامعة وماشفناها..
فارس:ايش دعوة محد يدري عنها..يمكن يكون صاير فيها شي..
شيخة:لا يافارس لاتقول جذي..خرعتني..
فارس:انا ماابي اخرعج..بس بنت خالج فيها السكري..ومب زين مايهتمون فيها..
شيخة:لا انت جذي خرعتني وايد..(طلعت تليفونها)..انا باتصل في اختها..........السلام عليكم...اخبارج ليلى؟.....الحمدلله.....الحمدلله كلنا بخير...ليلى بغيت أسألج عن وديمة......من امس ماادري عنها شي حتى الجامعة مايات.......بلا اتصلت البيت وقالت لي جدتج انها من ردت البيت مانزلت...وانا وايد احاتيها.....اي والله تكفين.....انا انتظرج...مع السلامة..
يرن تليفون البيت...يكون خالد توه راد من المسجد يرد.....
خالد:السلام عليكم..
ليلى:وعليكم السلام..خالد..اشلونك؟
خالد(يقعد):هلا ليلى..بخير انت اشلونج؟
ليلى:طيبة..اخبار وديمة؟
خالد:وديمة فوق..
ليلى:وديمة فوق!!..خالد وديمة ليش ماراحت اليوم الجامعة؟
خالد:جذي..
ليلى:يعني وديمة بخير؟
خالد:بخير..
ليلى:عيل ليش ماراحت الجامعة؟
خالد(تذكر الموقف اللي شافها فيه):ليلى ايش تبين بالضبط؟
ليلى:شنو شاابي بالضبط..اختي ومن حقي اسأل عنها..لو ريلي كان بالبيت جان جيت على طول وتطمنت عليها بنفسي..
خالد:اختج بخير..وماداعي تيين..
ليلى:لا انت الظاهر فيك شي..خالد اشفيك قالب علي اليوم؟
خالد(هدى اعصابه):ليلى..وديمة شوي نفسيتها تعبانة وماراحت الجامعة..
ليلى:وليش ماترد على التليفون؟
خالد:جذي..كيفها..
ليلى:خليتني اشك ان في شي..
الجدة(تقعد)
خالد:هاج حاجي جدتي انا بروح انام..جدتي هذي ليلى..
راح فوق..دق باب غرفتها...ماردت...دش الغرفة...حصلها قاعدة على كرسي المكتب ومتجتفة ودموعها على خدودها اللي صارت حمرا...انكسر خاطره عليها...وهي من شافت خالد ماصدت وجهها ظلت تناظره وهي متضايقة من اللي سواه...خالد سك الباب وراح غرفته...
الساعة صارت 5 العصر...محمد كان في سيارة أحمد.....
محمد:وين رايح؟
أحمد:بصب بنزين..
وقف سيارته علشان يصب بنزين..
محمد(نزل الدريشة):كم تبي يصب لك؟
أحمد:قوله فل..
محمد:فل سوبر..(رفع الدريشة)..قصر على هالاغنية لوعت جبدي..اذا مصر حد غيره..اشفيك ساكت ولاتتحجى..
أحمد:تعبان من الدوام..اليوم كرفت كرف ماعمري سويته بحياتي..
محمد:ايش دعوة رئيس قسم يكرف؟
أحمد:انت ماتدري ان الشغل اللي سويته اليوم كان شغل صاحبك اللي وياك بالمكتب..
محمد:اشلون؟
أحمد:في اشياء كان كل مايسأل عنها المدير يقول انها جاهزة وماناقصها شي..الا اليوم اشوف كومة ملفات لاهي مخلصة ولاشي..لو انا مكان المدير جان فنشته من زماااان..
محمد:ايش تبي فيه..خله يترزق الله..تبي عياله يموتون جوع..
أحمد:والله هذي الاشكال مامنها فايدة..في ناس اكثر كفاءة منهم ويستحقون يكونون مكانه..
محمد(يطلع من جيبه فلوس علشان يعطي الريال)
احمد:شتسوي؟
محمد:ابي اعطيه فلوس البنزين..
احمد:سيارتي ذي..
محمد:ماكو فرق..
احمد:ماتدفع..
محمد:وانت شيخصك..(عطى الريال)
احمد:مرة ثانية مابخليك تقعد هني..
محمد(يضحك):شنو ناوي تقعدني وراء؟
احمد:لا..بخليك انت اللي تسوق..
محمد:سيارتي مو مشكلة بسوقها..قبل لتروح خلنا نشتري شي بارد نشرب..
احمد:ايش تبي تشرب؟
ليلى دخلت البيت مع ولدها خالد...حصلت جدتها قاعدة في الصالة مع خالد....
ليلى:السلام عليكم..
الجميع:وعليكم السلام..
خالدالصغير:خالي خالي..
خالد(يضمه):هلا والله بخلودي..
ليلى(تحب راس جدتها):اشلونج جدتي؟
الجدة:بخير..
ليلى:وين وديمة؟
الجدة:فوق بدارها..
ليلى راحت فوق....
خالد:جدتي انت قايلة شي حق ليلى؟
الجدة:هي سألتني وانا جاوبتها..يايمه اختك مريضة وقعدتها هذي من امس لاأكل ولاشرب ولاحتى شفتها..ماانت خايف يصير فيها شي؟
ليلى دشت الغرفة حصلت وديمة ضامة نفسها وهي قاعدة على السرير...رفعت راسها وديمة شافت ليلى قامت وحضنتها وهي تبجي...
عقب ماهيدت وديمة...قعدوا على السرير....
ليلى:وديمة شالي صار؟
وديمة(مسحت دموعها)
ليلى:وديمة تحجي..
وديمة:ماكو..
ليلى:ابي اعرف ليش خالد طاقج؟
وديمة:ماكو..ماصار شي..
ليلى:عيل ليش خالد طاقج؟
وديمة(دموعها تنزل)
ليلى(عصبت):وديمة..جني قاعدة احاجيج..
وديمة:ليلى..انا استاهل باللي سواه فيني خالد..
ليلى:اي عاد ايش سويتي؟؟
وديمة:مااقدر اقول..
ليلى:والله شكلها السالفة جايدة..ليكون مسوية شي غلط؟
وديمة:انسي ياليلى..
ليلى:انت مب صاحية..
نزلت تحت وحصلت خالد يلعب مع ولدها....
ليلى(وهي معصبة):خالد انت ليش طاق وديمة؟
خالد(رفع راسه وهو مستغرب من صراخ ليلى)
ليلى:خالد جني قاعدة احاجيك..
خالد:خفضي صوتج وانت تحاجيني..
ليلى:انا ابي اعرف شالي سوته وديمة؟
خالد(قام وقعّد خالد الصغير على الكرسي):لما تعدلين اسلوبج بعدين تعالي..(وهو رايح فوق ناده خالد الصغير)
خالد الصغير:خالي لاتروح..
خالد:عندي شغل بعدين بيي..
راح دار وديمة...حصلها تصيح....
خالد:قومي..
وديمة(وقفت من البجي)
خالد:قومي غسلي وجهج ونزلي تحت..
وديمة:..........
خالد:ياللا جدامي..
وديمة:ماابي..
خالد:ياللا بسرعة..لازم تاكلين شي..
اضطرت وديمة تسمع كلام خالد...غسلت وجهها ونزلت تحت وياخالد...
خالد:على المطبخ جدامي..
الجدة(قامت):يمه وديمة..اشلونج؟
وديمة:بخير جدتي..
خالد:ياللا..
وديمة مشت جدامه على المطبخ....
خالد(يكلم الخدامة):سوي لها شي تاكله..
الخدامة:زين بابا..
وديمة:ماابي..مااشتهي آكل..
خالد:غصب تشتهين..
وتمر ساعات....ويصير الصبح....شيماء يزورنها بعض مدرساتها..والعصر يجونها ربعها وبالليل تستمتع بجية أهلها وسوالف وضحك وأكل...لكن وديمة...الصبح تقوم لكن تتذكر ان ماكو دوام...تحاول تشغل نفسها بشي..نزلت تحت وقعدت عند جدتها وهي ساكتة...والظهر قعدت وياهم حزة الغداء وهي ساكتة..والصحن مافيها الا جم حبة عيش...والعصر تمت بغرفتها...وتمت على حالها...لكن خالد ماتحمل حالها..محاضراتها قاعدة تروح عنها...والاكل صارت ماتشتهيه والكلام ساكته وماتتحجى...والادوية ياللا تاخذهم....اتصل بعمته علشان شيخة تيي عند وديمة...وامها اتصلت فيها....
شيخة:خير يمه؟
ام فيصل:خالد متصل فيني ويقول ان وديمة نفسيتها تعبانة وصار لها يومين ماراحت الجامعة ويقول خل شيخة تروح لها..يمكن تحسنت حالتها..
شيخة:متى اتصل فيج؟
ام فيصل:من شوي..
شيخة:خلاص بحاول باجر ارووح لها..
ام فيصل:شيخة وديمة اشفيها؟
شيخة:مافيها شي يمه..هي بخير..يمكن حنت لأمها وابوها..
ام فيصل:يمكن..انزين لاتنسين روحي لها باجر..
شيخة:ان شاء الله.......ان شاء الله....لافديتج يمه لا ماابي....لبغيت بخبرج....يوصل وانت بعد سلمي على ابوي...مع السلامة..
فارس(يقعد على السرير):ايش عندها الوالدة؟
شيخة:تقول ان خالد ولد خالي متصل فيها ويقول اني اروح عند وديمة اخته..لأنها شوي تعبانة؟
فارس:اشفيها تعبانة؟
شيخة:الظاهر انها حنت لأهلها..
فارس:مب قلتي ان عندهم اجازة وبيردون؟
شيخة:بلا..بس عقب اسبوع..
فارس:انزين ايش رايج نام..لأني نعسااااان..
شيخة:ان شاء الله..بس تقدر توديني باجر؟
فارس:متى؟
شيخة:بعد ماارد من الجامعة..
فارس:ايش دعوة حزة الظهر تروحين بيت الناس..
شيخة:عادي بيت خالي..
فارس:ولو فيه رياييل وانا مااقدر اخليج تروحين بروحج..
شيخة:بس بنت خالي تعبانة..
فارس:مو مشكلة..روحي مع امج..انا بوصلج عندها وروحي وياها..
شيخة:اللي تشوفه..
محمد يدخل بيت ابوه...ويسلم عليهم...
ام يوسف:تريقت؟
محمد:اي تريقت..عيل وين حصة؟
ام يوسف:راقدة..روح نادها..
محمد(يقعد):عقب شوي بروح اناديها..اشلونك يوسف؟
يوسف:بخير..انت اخبارك؟
محمد:الحمدلله..اشلون الشغل وياك؟
يوسف:الحمدلله..
وهم يتريقون....
عبدالله:أحلى من هالشاي انا ماشربت..تصدقين يمه حتى الشباب مايجون المكتب الا علشان الشاي والقهوة اللي مسويتهم لي..
ام عبدالله:تستاهل انت وربعك كل خير..يمه عبدالله..ايش رايك باجر نروح نشوف البنية؟
عبدالله:بس يمه انت تعبانة..والدكتور موصيج على الراحة..
ام عبدالله:يايمه انا بخير..وبرتاح اكثر لملجت ان شاء الله..
عبدالله:دام جذي خلاص اللي تشوفينه..كلميهم..
ام عبدالله:لصارت 10 باتصل فيهم..
في المستشفى....
شيماء:الدكتور ايش قالك؟
راشد:قال انج بخير..وتقدرين تطلعين اليوم..
شيماء(بوناسة):صج راشد؟
ام راشد:منو راشد؟
شيماء:بوعيسى..
راشد:اي صج..والحين هو قاعد يوقع على ورقة الخروج..استعدوا ولموا الاغراض علشان نروح..
ولموا الاعراض وشيماء استانست وردوا البيت..
شيخة من الصبح تروح بيت ابوها وتتظر امها تلبس وراحوا جميع بيت بوسلمان...وتمت ام فيصل مع الجدة..
شيخة:وديمة انا شيخة..ماتبين تكلميني؟
وديمة(قامت من النوم):شيخة؟!!
شيخة:اي شيخة..قومي..
وديمة(قامت):شيخوه وينج عني كل هالفترة..ماتدرين وايش صار فيني..
شيخة:ادري..جدتج قالت لي..الله يهدي خالد ماقدر الا بالضرب..
وديمة:خله انا استاهل..
شيخة:حتى لوتستاهلين..مايضرب..
وديمة:عيل تبينه شيسوي؟..يحبني على راسي ويقول بارك الله فيج..شايف اخته بالمكياج والشعر طالع وفاصخة النظارة اول مادخلت عليهم..ولاكأني مسوية شي غلط..وتبينه مايضربني..انا استاهل..
شيخة:انا بعد مثلج غلطت..صج اني ماسويت مثل ماانت سويتي..لكن كنت اتكحل واحط قلوس واكشخ في الجامعة..بس عقب ماتزوجت تغير الحال...لدرجة ان فارس أمرني البس نقاب جدام الدكاترة..
وديمة:بس انا غبية ياشيخة..اشلون قدرت اسوي هالشي..طلعت كل جمالي وكشخت بالجامعة..واللي مضايقني اني خفت من خالد ولاخفت من ربي..ماادري اشلون كنت افكر..يعني الدكاترة بالجامعة مب رياييل!!
شيخة:طيش بنات ياوديمة..
وديمة:ماهو طيش..هذا يسمونه تقليد..شفت اللي شفته وسويت مثلهم..
شيخة:الحمدلله ان السالفة وقفت لي هني..الحياة بعدها ماوقفت..وجدامج درب وتقدرين تغيرين من حياتج..
وديمة:اي حياة واي تغيير..خلاص خالد ماعاد يثق فيني..
شيخة:لاتقولين جذي حبيبتي..انت تقدرين تردين الثقة لخالد..وديمة حبيبتي..لاتضيعين عليج الجامعة علشان هالسبب..مو احنا اتفقنا نتخرج مع بعض..
وديمة:مااقدر..دام خالد زعلان علي..مااقدر..
شيخة:من اللي قالج ان خالد زعلان عليج..لو خالد زعلان جان مااتصل في امي وقالها خل شيخة تقعد وياوديمة..
وديمة:يعني انت جيتي علشان خالد اللي بغى هالشي؟؟
شيخة:اي..انت تهمينه..انت اخته..وماله غناة عنج..
وديمة:بس انا ياشيخة مافيني الجرأة احط عيني بعينه عقب اللي صار..ماالومه ابد ماالومه..اللي شافه مني مهب شوي..انا عرضه وشرفه..اذا انا اخته جذي سويت..يعني خلاص..ممكن يفكر مية شغله ليش هي سوت جذي..ليكون وليكون...
شيخة:خلاص ياوديمة..الموضوع لازم يخلص وتسكرينه وتنسينه..خالد اخوج..واللي صار صار..وانت ماعليج الا تروحين له وتتأسفين..ووعديه انج ماتتكررين هالشي..قومي..قومي غسلي وجهج..وغيري ملابسج وخلنا ننزل تحت..




راحت ام عبدالله بغرفتها..دش عليها عبدالله...
عبدالله:يالغالية تسمحين لي اقعد معاج شوي..
ام عبدالله:أكيد حبيبي..اقعد معاي قد ماتبين..حياك..
عبدالله(يقعد جنبها وحب راسها):الله لايحرمني منج..
ام عبدالله:ولامنك حبيبي..
عبدالله:يمه ابغيج بسالفة..
ام عبدالله:قول يمه..
عبدالله:يمه ابيج تجاوبيني بصراحة..انا ولدج عبدالله..ماابي شي ينخش عني..
ام عبدالله:خير يمه..
عبدالله:يمه في حد قالج شي ولا خبراج بشي..وكان سبب طيحتج؟
ام عبدالله:كنت حاسة انك مابتصدقني..ومابتخليني الا وانت عارف السبب..يايمه..عمك اتصل فيني..وقالي ان الاسبوع الجاي بتكون ملجة حسنة على ولده..واذا ماصار هالشي..راح يروح ويشتكي علينا في المحاكم على الشراكة اللي بينا وبينه...
عبدالله:وهذا الريال مايتوب..ماعنده احساس؟؟
ام عبدالله:مااعرف ايش صار فيني..حسيت ان الدنيا دارت فيني من سمعت تهديداته..وصار اللي صار..
عبدالله:مافي الا شي واحد بس..
ام عبدالله:ايش بتسوي؟
عبدالله:مب هو حاط عينه على الارض اللي في الصناعية؟ ومحل العقارات الشراكة اللي بينا وبينه؟
ام عبدالله:بلا..
عبدالله:انا ببيعهم..
ام عبدالله:شنو؟؟
عبدالله:اي يايمه ببيعهم وافتك من شره..هو ماراح يهدني الين ابيعهم..
ام عبدالله:حتى لو بعتهم مابيهدك بحالك..
عبدالله:باخذ الفلوس كل ابوها وبسوي فيهم شي..بخليه يذبح عمره ان ماكو شي بإسمي..
ام عبدالله:الله يحفظك يايمه من كل شر..ويخليك لنا..
عبدالله:آآآمين..ويخليج لي ياأغلى انسانة بهالدنيا..يمه تكفين اذا في شي مضايقج ولا سمعتي شي لاتخشينه بقلبج..قولي لي انا..انا عبدالله ولدج..خليني اشيل عنج الهم والضيقة..
ام عبدالله(طبطبت على يده):حبيبي عبدالله..انت شلت همي ودوري ودور ابوك كل السنين اللي طافت..جى الوقت اللي ترتاح فيه..
عبدالله:لا يايمه ماابي اسمع منج هالكلام..اللي سويته انا ولاشي بالنسبة للي سويتيه انتي..انت يايمه ماقصرتي بشي..مرت علينا ايام ماكانت عندنا فلوس..انت بعتي ذهبج علشانا..رحتي وطالبتي بنصيبج من بيت ابوج الله يرحمه علشان تشترين لي سيارة..وقفتي معاي وساعدتيني بكل شي واحنا كنا بأزمة مالية..طبعا عمي ماقصر معانا وهو ياخذ وياخذ منا..انت بعتي الدنيا يايمه علشان عيالج..يمه تكفين علشان عبدالله لاتضايقين عمرج بشي..ماابيج تفكرين بشي وانا موجود..ماارضى حد يغثج بكلمة او يقولج شي مايعجبج..انا عبدالله ومانولد اللي يغلط عليج..انت امي وفوق راسي..وافتخر فيج جدام كل الناس واقول هذي امي..
ام عبدالله(دمعت عينها):حبيبي يمه عبدالله..
عبدالله:يمه انت ماتخيلين شالي صار فيني يوم طحتي علينا..تمنيت انا اللي اطيح عليكم ولا انت يالغالية..
ام عبدالله:لا يايمه بسم الله عليك لاتقول جذي..
عبدالله:ماقدرت اتحمل الموقف وانا اشوفج طايحة ومااقدر اسوي لج شي..ايامي كانت سودة من غيرج..ماادري راضية علي ولا لا..
ام عبدالله:والله راضية عليك..دنيا وآخرة..
عبدالله:افتقدت كل شي بهالدنيا يوم كنت بالمستشفى..
ام عبدالله:الحمدلله..الحمدلله قمت بالسلامة وشفتكم حولي..
عبدالله(يحب يدها):الله لايحرمني منج..ويخليج لي ويطولي بعمرج..وتشوفيني معرس وتشوفين عيالي وعيال عيالي..
ام عبدالله:آآآآمين..آآآآمين ياولدي..





تعتقدون أحمد بينسى البنت؟؟ بس اشلون؟؟

ووديمة اشلون بترد علاقتها بخالد؟؟

وياترى هل بتتغير عقب اللي صار؟؟

وشنهو الجديد في حياة فهد؟؟

وشنهي سلسلة حياة شيماء وشمة بالمدرسة؟؟

أحدااااث كثيييرة بإنتظاركم في فصل الــ 16

انتظروني



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 30-12-2013, 09:42 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


" الفصل الـ 16 "




قامت وديمة وراحت تغسل وجهها..وشيخة فتحت كبتها ونقت لها بلوزة وبنطلون تلبسهم...طلعت وديمة من الحمام....
شيخة:ياللا لبسي..
وديمة:لا ماني لابسه هذا..بلبس لي جلابية..
شيخة:لا بتلبسين هذا..وبروح اشوف شي تلبسينه حق شعرج..ياللا بسرعة..
واظطرت وديمة تلبس اللي نقت لها اياه شيخة..وعقب....
شيخة:ياللا اشوف قعدي رتبي شعرج..
وديمة(قعدت ومشطت شعرها ولمته لكن شيخة منعتها)
شيخة:لا هالطريقة انسيها الحين..لبسي هالربطة..وخلي شعرج طايح..
وديمة(سوت اللي بغته شيخة):خلاص جذي؟
شيخة:لا..حطي لج شوي قلوس..
وديمة(وقفت):لا..قلوس لا..لبست اللي تبينه وعدلت شعري بطريقتج..بس قلوس ومكياج لا..خليني جذي احسن..
شيخة:على راحتج..ماراح اجبرج..ياللا ننزل..
وديمة:بس لحظة شوي باخذ جاكيتي وياي..
شيخة:ليش؟
وديمة:بردانة شوي..
شيخة خذت شنطتها ولبست شيلتها ونزلوا....وسلمت وديمة على عمتها وقعدوا.....
ام فيصل:اشلونج حبيبتي وديمة؟
وديمة:بخير عمتي..
ام فيصل:تكلمين امج وابوج؟
وديمة:اي اكلمهم..
ام فيصل:متى ان شاء الله رادين؟
وديمة:الاسبوع الجاي ان شاء الله..
ام فيصل:حمد شاخباره؟
وديمة:الحمدلله..
ام فيصل(تشوف الساعة):ياللا يمه شيخة نمشي؟
شيخة:اي يمه نمشي..
الجدة:وين خلكم قاعدين..
ام فيصل(تقوم):مرة ثانية..شيخة لازم ترد بيتها..
وهم طالعين...خالد يدش البيت...عينه طاحت على وديمة...وديمة استحت من اخوها نزلت عيونها ومشت عنه.....
خالد:وديمة..
وديمة(خافت ووقفت ولفت صوبه)
خالد:ليش لابسه جاكيت؟
وديمة:بردانة شوي..
خالد:ليش بردانة؟
وديمة:ماادري..
خالد(قرب منها وزخ جبينها):انت حارة..
وديمة(بغت تبجي على حنية خالد)
خالد:روحي غرفتج..وبييب لج شي تاخذينه..
طبعا ماتقدر تقول لا..سمعت كلامه وراحت غرفتها...فتحت الستاير شوي علشان النور يدخل...وتمت واقفة تطالع الدنيا من الدريشة..دخل خالد وهو ماسك الدواء..
خالد:تعالي قعدي..
وديمة(قعدت)
خالد:كلتي شي؟
وديمة:لا..
خالد(قام):خلج قاعدة..بروح عند الخدامة تسوي لج شي تاكلينه علشان تاخذين الدواء..
وعقب ماكلت...جاها خالد علشان يعطيها الدواء...وشربته...قام خالد علشان يروح...لكن...
وديمة(مسكت يده):خالد..سامحني..
خالد(وقف ولف صوبها)
وديمة(دموعها نازلة):تكفى ياخالد..سامحني..سامحني ياخوي..انا غلطت..(هدت ايده)..واعترف بلغطتي..سامحني..
خالد هدها وراح..وتمت وديمة تصيح..وتصيح..
وتمت بين دموعها..جاها خالد ودخل الغرفة...حط الاغراض على السرير..
خالد:هذي اغراضج..(قرب منها وحط التليفون عندها)..وهذا تليفونج..
وديمة(مسحت دموعها):ماابيهم..ماابي شي..بس سامحني ياخالد..والله مااعيدها مرة ثانية..
خالد(بكل هدوء):ليش سويتي جذي؟
وديمة:غلطة ياخوي..غلطة..
خالد(قعد):ابي اعرف التفاصيل..وشالي خلاج تسوين هالشي في الجامعة؟
وديمة:لايروح بالك بعيد..انا ماسويت هالشي الا لأني شفت اغلبية بنات الجامعة يسوون جذي..وحبيت اقلدهم..واصير مثلهم اكشخ والبس وارتب عمري واصير من البنات اللي فوق فوق..
خالد:بس انت عند رب العالمين تحت..تعرفين يعني شنو تحت؟
وديمة:ادري..ومتحسفة لأني سويت جذي..وعارفة مدى غلطتي..ماادري اشلون سويت هالشي..
خالد:اشلون استغفليتني بهالتصرف؟
وديمة:لما اوصل الجامعة اروح الحمام واقعد اتمكيج وارتب نفسي واتعطر عقب اطلع..
خالد:وتتعطرين بعد؟؟!!!!
وديمة(نزلت راسها)
خالد(عصب):انت تعرفين اللي تطلع من بيتها وهي متعطرة يعني شنو؟؟..لاحول ولا قوة الا بالله..استغفر الله العظيم من كل ذنب عظيم..اذا انتوا سويتوا جذي ايش خليتوا على الاجيال الجاية..اشلون بتربون عيالكم؟..على الهياته؟
وديمة:أنا آسفة..
خالد:اسفج هذا مهب لي..روح استغفري ربج على الذنب اللي سويتيه..(قام)..ولاتنسين باجر بتردين الجامعة..
يوم الاحد..الساعة 11 الا خمس دقايق تطلع وديمة من المحاضرة ومعاها شيخة....
شيخة:ودوم فديتج خلنا نروح الكافتيريا ناكلنا شي..حاسة بالجوع..
وديمة:اوكي..
عقب ماطلبوا وقعدوا ياكلون........
وديمة:ليش شريتي ميرندا؟
شيخة:اشتهيته..ماقلتي وديمة ايش صار بينج وبين خالد؟
وديمة:فديت خالد..قد ماكان عصبي قد مالان قلبه علي..عساني ماانحرم من طيبته..
شيخة(وهي تاكل):ماقلت لج..يحليله خالد..اشوفج اليوم لابسه هالعباية مو من عادتج..
وديمة:خلاص توبة ياشيخة..مابعيدها مرة ثانية..لا مكياج ولاشعر ظاهر..خليني مستورة..
تيي وحد من البنات...وتسلم عليهم....
ثريا:وديمة اشفيج؟
وديمة:اشفيني؟
ثريا:شكلج متغير..تصدقين ماعرفتج..شكت انج انتي لين ماقربت..
وديمة:خلاص هذا شكلي على طول بتتعودين عليه..
ثريا:ليش؟عسى ماشر؟
وديمة:ماشر حبيبتي..بس خلاص انا احب شكلي جذي..
تيي رفيجتها الريم....
الريم:حبيبتي وديمة وينج من فترة ماشفتج..واتصل عليج ماتردين..سألت عنج قالوا لي البنات ماشفناها..وينج؟
وديمة:كنت شوي تعبانة وماداومت..
الريم:اشفيج وديمة؟
وديمة(تطالع شيخة):ولاشي..
ثريا:باي بنات بروح وراي محاضرة وتأخرت..
وديمة وشيخة:باااي..
الريم:معليه اقعد؟
وديمة:حياج..تفضلي..
شيخة(اشغلت نفسها بالاكل)
الريم:وديمة حبيبتي صاير لج شي؟
وديمة:لا..انا بخير تطمني..
الريم:عيل ليش تغير شكلج..مو من عادتج تيين الجامعة بهالمنظر..
وديمة:واشفيه منظري؟
الريم:مافيه شي..بس متعودين نشوف جمالج..بالشعر والماكياج..والعباة المزركشة..
وديمة(ابتسمت):خلاص ياالريم..لازم تعودين روحج تشوفيني بهالشكل..انا خلاص ماراح اسوي اللي كنت اسويه..
الريم:شنو بتتزوجين؟
وديمة(تطالع البنات):ليش هذولا كلهم مو متزوجين؟
الريم:لا طبعا..
وديمة:وانا مو متزوجة..بس يالريم..كل اللي سويته كان غلط..
الريم:غلط!!
شيخة:انا بمشي..بروح النشاط..
الريم:شيخة معليه تخلين وديمة معاي شوي؟
شيخة:عادي فديتج..ياللا ودوم حياتي انا رايحة..مع السلامة..
وديمة:مع السلامة..
الريم:ايش رايج نتمشى؟
وديمة:اوكي..
فهد يدخل المكتب...والسكرتير وراه..يقعد فهد.......
فهد:علي خل وائل يجهز لي كل الاخبار والجرايد والمجلات اللي نشرت عن افتتاح المستشفى..
علي:حاضر طال عمرك..
فهد:ابيهم جاهزين قبل نهاية الدوام..
علي:ان شاء الله..
فهد:وابيك تكتب لي هالعقد(يمد يده)..هاك..
علي:عقد شنو هذا طال عمرك؟
فهد:هالعقد بيكون بينا وبين بوزياد..العقد خله زاهب اليوم..لأنه احتمال يجينا المغرب او عقب..
علي:حاضر..تامرني بشي ثاني؟
فهد:ابيك تجيب لي البريد..وكل الاوراق اللي ماتوقعت في غيابي..وبغيت أسألك في واحد جاك اسمه محمد؟
علي:بلا..وقال انك انت اللي تبيه..
فهد:اوكي..اتصل فيه وخله يجيني الساعة 8 ونص..
علي:ان شاء الله..تامرني بشي ثاني؟
فهد:لا..اذا بغيت شي باتصل فيك..بس لاتنسى البريد..
علي:ان شاء الله..
وهم يتمشون.....
الريم:شالي غيراج ياوديمة؟
وديمة:وايد اشياء..
الريم:ودوم قولي لي..انا رفجيتج..
وديمة:انتي غالية علي وايد يالريم..بس انا قاعدة احاول انسى السالفة..
الريم:يعني انت تبتي؟
وديمة:تقدرين تقولين جذي..
الريم:يعني صرتي مطوعة؟
وديمة:لا..ماني مطوعة..بس تبت من معصية سويتها بحياتي..
الريم:معصية!!
وديمة:معصية يالريم..انا كنت اسوي شي غلط..يعني شنو لما انزل من السيارة وانظار اخوي تختفي من الجامعة افصح العباة السادة والبس العباة المزركشة واتمكيج واتعطر..ليش الجامعة مافيها رياييل..
الريم:بس بالكافتيريا كل بنات..واذا كلش هنود..
وديمة:هنود هذولا بشر..رياييل حالهم حال اخوانا..ربي مافرق بينهم وقال ان الهنود مهوب رياييل..بعدين ليش اكشخ لهم..
الريم:بس احنا نكشخ لنفسنا..
وديمة:الا قولي نكشخ علشان نبين لغيرنا ان احنا احلى..ليش اطلع شي ربي حرمه اني اطلع للمب محرم..ماابي اطيح من عين حد ثاني..
الريم:حد شافج؟
وديمة:اي..ماتتخيلين هالشخص اش كثر تضايق مني..ماعاد يثق فيني..انصدم ان انا وديمة..
الريم:يعني تبيني الم شعري واعدل شيلتي وامسح مكياجي والبس محتشم بالجامعة؟
وديمة:انا ماافرض رايي على حد..اللي يخاف ربه ويبي يسوي اللي يسويه كيفه..ربي يحاسبنا يالريم..
الريم:بس انا وديمة..هلي عادي عندهم..اخوي يشوفني بهالحال حتى ابوي..عمرهم ماقالوا لي دخلي شعرج ليش متكحلة ليش اشم فيج ريحة عطر..صار كل شي عادي..
وديمة:لا يالريم..مهوب عادي..اكبر غلط انهم ساكتين..مااقدر اتخيل نفسي اموت وانا بهالحال..الحمدلله ان ربي هداني..
الريم:كلامج وديمة اثر فيني..
وديمة:ليتني اقدر اقول لكل بنات الجامعة..ترى هالاشياء ماراح اتم..كلها بتزول..وكل واحد رايح لقبره مع اعماله مهب بشكله جدام الناس..مع اني والله اعرف بعض الناس اغنيا عندهم مال قارون..لكن شوفيهم ماشاء الله محتشمين..وماتصدقين ان هذي غير عن البنات..تعرفين غالية؟
الريم:غالية ماغيرها اللي كانت ماخذه ويانا مقرر العربي؟
وديمة:اي..
الريم:اشفيها؟
وديمة:هذي ابوها وزير..وتخيلي الوزير ايش كثر عنده فلوس..وايش كثر ينشغل عنهم ويسافر من وقت لوقت..لكن عمرج يي على بالج ان ابوها وزير؟؟
الريم:صدمتني..ابد ماكنت متوقعة..عمري ماسألتها من من انت..مع انها مرتبة وحبوبة وشطنها ماركات حتى ساعاتها..بس كنت استغرب شكلها مايوحي بهالشي..انت اشلون عرفتي؟
وديمة:مرة خذت وياها مقرر وكان بينا بروجكت واشتغلنا مع بعض وعرفت عنها..احنا مشكلتنا ياالريم نفكر الناس شاتقول عنا اذا ماسوينا..صدقيني ان بالي مرتاح مرتاح وايد..
شمة ترد البيت وتروح الغرفة تحصل شيماء قاعدة جدام اللاب توب.....
شمة:هاااااي..
شيماء:هاااايات..عطيني موجز الاخبار..
شمة:فاتج شيوم اليوم..ابلة العربي ماتعرفين ايش سوينا فيها..خلاص بغت تستخف..والله لو كنتي موجودة جان قالت انت اللي سويتي فيها جذي..
شيماء:وغيره؟
شمة:ابلة الجغرافيا اليوم عجيبب..طلعناها من الحصة وهي تصيح..
شيماء:غيره؟
شمة:صارت هوشة بين افنان وسهى..
شيماء:غيره؟
شمة:بس..
شيماء:خلاص بعد الغداء عطيني التفاصيل..محد سأل عني؟
شمة:الا قولي من ماسأل عنج..حتى المديرة سألت عنج..
شماء:وايش قلتي لها؟
شمة:قلت لها ان شاء الله الاسبوع الجاي بتداوم..
شيماء:قريتي ردود الاعضاء؟
شمة:اي قريتهم..وعليه خايفين عليج..
شيماء:وقريتي رد الابله ابن الابلهين..
شمة(ضحكت):لا ايش كاتب؟
شيماء:تعالي شوفيه..مايستحي على وجهه..مالت عليه..
شمة(تقرأ وتضحك):شيوم تحصلينه يحبج..
شيماء:حبه برص قولي آمين..عاد من زينه..شكلي بكلم المدير وباشكتي عليه..
شمة:فاضية..خله يقول اللي يبيه..
شيماء:لا حبيبتي..ماني ساكتة..هذا مصخها..
شمة:مو امس كاتب لي طمنينا عليها تراني قاعد احاتيها ولو أعرف وين غرفتها جان طرشت لها باقة ورد..
شيماء:لو مطرشها جان شبيت فيها نار وعلى وجهه..
شمة:لا عاد..لاتقولين جذي..يحليله فيه الخير..
شيماء(عصب):شموه لاترفعين ضغطي..سكتي.
شمة:بروح اتغدى..مب جاية؟
شيماء:كلت..
شمة:عيل انا رايحة..
في غرفة فارس وشيخة.....
فارس:شبعتي؟
شيخة:الحمدلله..كان الاكل لذيذ..
فارس:خدامتنا طباخة..اشلون النفسية؟
شيخة:من اي ناحية؟
فارس:الحمل؟
شيخة:حاليا اوكي..حبيبي طالع اليوم؟
فارس:اي..
شيخة:........
فارس:تبين شي؟
شيخة:ابيك تكون بجنبي..
فارس:انا وياج وقت ماتبين..بس حبيبتي احنا لازم نساعد بعض..ولا ايش رايج؟
شيخة:انا معاك..بحاول..
فارس:تبين اجيب لي شي وانا راد؟
شيخة:لا..
فارس:انزين ايش رايج اشتري لنا عشاء؟
شيخة:على راحتك..
فارس:من وين تبين؟
العصر...فهد يصلي العصر ويروح الشركة من وهل...ومايحصل السكرتير ويروح مكتبه....يفتح ايميله ويحصل ايميلات جديدة...يقراها يتذكر شي...يمسك تليفونه....
فهد:السلام عليكم..
راشد:وعليكم السلام..
فهد:قواك الله يادكتور راشد..
راشد:الله يقويك..الحمدلله على السلامة..
فهد:الله يسلمك..
راشد:متى رديت؟
فهد:امس قريب الفجر وصلت الدوحة..
راشد:واشلون الامور هناك؟
فهد:والله...هذي يبيلها جلسة..ايش رايك تزورنا..ونعطيك الاخبار..
راشد:ان شاء الله..ليش لا..بحاول امركم..
فهد:ايش رايك تمرنا اليوم؟
راشد:متى؟
فهد:على راحتك..الوقت اللي يناسبك..
راشد:خلاص بمركم ان شاء الله بعد صلاة المغرب......فمان الله..
بوراشد:من هذا؟
راشد:هذا التاجر العود اللي قلت لك عنه..فهد..
بوراشد:وايش يبي منك؟
راشد:يبيني ازوره في الشركة..
بوراشد:انزين ياولدي كمل لي السالفة..
راشد:بس هذي السالفة..كنت ابي اقولك هالسالفة بيني وبينك..وماابي حد يدري لين ماتجهز العيادة..
بوراشد:بس انت تقول انك محتاج فلوس علشان تكمل العيادة..
راشد:وماابي آخذ قرض من البنك..
بوراشد:يابوك خذ مني..
راشد:لا يايبه ماابي..
بوراشد:خذ مني وعقب لحصلت من ورى العيادة سددهم..
راشد:انا عندي مبلغ بس ماابي اصرفه..أخاف يجينا وقت ونحتاج لهالفلوس ولا واحد من العيال يبي شي ولاشي..ومااقدر اقوله ماعندي..
بوراشد:يابوك ياراشد..انا باعطيك..وانت ادفع لي قد ماتقدر عليه..
راشد:بس اتم هالسالفة بيني وبينك يايبه..
بوراشد:سرك في بير..ريح من هالسالفة..باجر ان شاء الله من الصبح نروح البنك واعطيك المبلغ اللي تبيه وخلص شغلك علشان تفرح اخوك..
راشد:ان شاء الله..
وديمة تقوم من النوم وهي حاسه انها مسطلة ومصدعة...نزلت تحت...ماحصلت حد في الصالة...استغربت راحت المطبخ...فتحت الثلاجة وحصلت فيمتو غازي..خذته وقعدت بالصالة وفتحت التلفزيون وقعد تطالع مسلسل....الا شوي ينزل خالد وهو لابس.....
خالد:شتسوين بروحج؟
وديمة:ماادري عنهم..ماحصلت حد..
خالد:ليش وين جدتي؟
وديمة:ماادري..يمكن راقدة..
خالد:ليش قاعدة تطالعين تلفزيون..وبعدين ماحصلتي الا هالمسلسلات..شوفي لج شي نافع..
وديمة:شسوي مالي خلق اشوف شي يبيله استيعاب..توني قاعدة من النوم..
خالد:انزين انا طالع..تبين شي؟
وديمة:نو..
خالد(وهو ماشي رجع ووقف جنبها)
وديمة(تنتبه لنظارته الغربية وتخرعت):ليش تطالعني جذي؟
خالد:ايش قاعدة تشربين؟
وديمة:فميتو..
خالد:ومن متى الفيمتو مسموح لج؟
وديمة:يووووه خالد..تكفى لاتقولي شي..ترى والله راسي يعورني ومالي خلق شي..ابي شي بارد يغير لي مزاجي..
خالد:وايش عنده مزاجج؟
وديمة:ماادري اشلون رقدت لهالحزة..
خالد:يمكن أتأخر..تعشي وياجدتي ونامي..
وديمة:اوكي..
خالد:ولاتنسين ادويتج والابرة..
وديمة:اوجي..
خالد:مع السلامة..
وديمة:مع السلامة..
وصل خالد عند محلات تصليح السيارات...ركب عبدالله السيارة وياه......
خالد:هاا ايش قالك متى بيروجعونها لك؟
عبدالله:يقولي عقب عشرة ايام..
خالد:أففف وايد..
عبدالله:شسوي من زماان ماجبتها علشان يجيكون عليها ويصلحونها..
خالد:انت مب قايل بتشتري لك سيارة..ليش ماشريت؟
عبدالله:مب الحين..خلهم يزودون راتبي بالاول عقب يصير خير..لاتنسى اني على وجه زواج ومحتاج كل فلس..
خالد:معاك حق..شفت البنية؟
عبدالله:لا والله..كنت ناوي اروح هالاسبوع ويالوالدة..بس الظاهر بأجل السالفة علشان السيارة..
خالد:صج ماعندك سالفة..عندك سيارة خويك وقاعد تقول هالحجي..خذ سيارتي..
عبدالله:آخذ سيارتك!!..وانت ؟
خالد:عندي سيارة الوالد في البيت محد مستفيد منها..على الاقل استخدمها لين مالوالد يرد..
عبدالله:لا ياخالد..انا بدبر نفسي..وبأجر لي سيارة..
خالد:ماابي احلف..بس سيارتي تاخذها..وماابي اسمع أجر ولا شي ثاني..اذا حنا مانفعنا بعض بهالمواقف متى ننفع بعض؟
عبدالله:طول عمرك اخوي وبتظل اخوي..
خالد:وانت اكثر ياعبدالله..
عبدالله:انت متأكد مب محتاج للسيارة؟
خالد:لاتحاتي ماني محتاجها..قلت لك عندي سيارة الوالد..وبعدين اللي يقول اني انا اللي اسوق..السايق اللي يسوق..تدري اشلون خلي السايق يوصلنا البيت..هو ينزل وانت سوق..وعقب مانخلص شغلنا انت وصلني البيت وخذ السيارة..
عبدالله:اللي تشوفه..بس قوله يودينا اقرب مسجد لأن اذن المغرب..
في غرفة شيماء وشمة....
شمة(تحل الواجب):ايش دعوة من اول الايام واجبات..
شيماء:فكه منهم..
شمة:تصدقين ابلة العلوم تهبل ياشيوم..حلوة..جميلة جميلة..
شيماء:طاحت..الا قولي بالمستشفى..
شمة(تضحك):بسم الله عليها..ماشاء الله..وطيبة وحبوبة..كل البنات يتكلمون عنها..حتى شرحها..عجيب..غصب عنج بتحبينه..
شيماء:عيل وين راحت ابلة فوز؟
شمة:خبرج عتيج..انتقلت..
شيماء:الى رحمة الله؟؟
شمة:ههههههه شيوم..حرام عليج..موتي الادمية وهي عايشة..
شيماء:انتي تقولين..
شمة:ماتيوزين عن حركاتج..اقصد انقلوها يعني ودوها مدرسة ثانية..
شيماء:ايي..انزين قولي من الصيح..وانا احسب ماتت..جان مادعيت لها..
شمة:ههههه شيوم بسج سكتي..تدرين ان غنوم أسألت عنج..
شيماء:غنوم الهبلة؟
شمة:اي..
شيماء:وايش تبي فيني علشان تسأل عني.؟
شمة:وحدة قالت لي انها تحبج..
شيماء:حبها برص وبعير بعد..
شمة(تضحك)
شيماء:وانت ايش قلتي لها؟
شمة:قلت لها هي بخير..قالت لي ابي رقم تليفونها..
شيماء:جان قلتي لها هلي معقدين ومايعطون تليفونات..احنا على ايام اول نتراسل بالحمام الزاجل..
شمة:قلت لها ماعندنا..قالت لي رقم البيت..
شيماء:ليكون عطيتيها؟؟
شمة:عيل شسوي؟؟
شيماء:ياويلج من راشد..والله ليذبحج ان درى انج عطيتيها رقم البيت..
شمة:تهقين؟
شيماء:اي..ماعطة حق وحدة مسترجلة بوووية تعرفين يعني شنو بووووية؟؟ ماعطتها رقم البيت..انت ناوية على عمرج..والله انا مافيني انطق علشان خشمي ينكسر..اللي فيني كافيني..
شمة:ويي خوفتيني شيوم..شسوي الحين؟
شيماء:ماادري..دبري نفسج..شموه عطيني اللاب توب..
شمة:بالاول قولي لي شسوي؟؟
شيماء:ماادري..عطيني اللاب توب..
في مكتب فهد....
فهد:ايش رايك؟
راشد:ماشاء الله..افتتاح رائع ومميز..تمنيت لو كنت معاكم..بس الظروف..
فهد:انا بعد تمنيتك بينا..
راشد:مناسبات ثانية ان شاء الله..بس تصدق انبهرت باللي قريته الحين..يعني كلام حلو عنكم..
فهد:انا مستانس اني سويت هالشي..
راشد:في ميزان حسناتك ان شاء الله..
فهد:سمعت ان عندك عيادة..
راشد:ماشاء الله اخباري توصلك..
فهد:بالصدفة..المكان اللي انت مأجر منه صاحبه اخوي..
راشد:راكان اخوك؟!!
فهد:اي نعم راكان اخوي..
راشد:انا من زمااان ماخذ منه..بس ماجى على بالي انه اخوك..
فهد:هو اللي خبرني عنك..عيادتك جاهزة؟
راشد:ناقصتها شوية اشياء..وقريب ان شاء الله نخلص..
فهد:بس العيادة ماشاء الله كبيرة..
راشد:اي نعم..لأن فيها كم قسم..
فهد:دكتور راشد انت عندك اخوان؟
راشد:اي نعم..عندي فارس هو دكتور بعد مثلي..وتميم..
فهد:ماشاء الله الاخوان دكاترة..
راشد:الحمدلله..هذا بفضل رب العالمين..
فهد:انا سعيد جدا يادكتور اني تعرفت عليك..
راشد:انا اكثر..ومستانس بظهور المستشفى..واتمنى ان هالشي يتم على طول..
فهد:يابوعيسى هالشي اللي سويته كله يرد لك..حلو الواحد يسوي خير في الناس..
في الليل الساعة 10 وربع..وديمة تزهب شنطة الجامعة حق باجر..وترتب كتبها وملفها..وتروح تغير ملابسها وتلبس البيجامة وتفرش اسنانها وتسكر الليتات وتفتح الابجورة..وتاخذ الادوية والابرة وتنسدح على السرير وتلعب بتليفونها...يرن تليفونها....
وديمة:السلام عليكم...هلا فيج....بخير انت اشلونج؟......لا ليحين.....باجر!....عندي فراغ من 10 لين 12...لا شيخة عندها محاضرة حزتها.........خلاص لوصلتي الجامعة اتصلي فيني....مع السلامة..
خالد يدق الباب....
وديمة:منو؟
خالد:خالد..
وديمة:تعال..
خالد(دخل):شنو بترقدين؟
وديمة:اي..
خالد:خذتي ادويتج؟
وديمة:اي من شوي..
خالد:والابرة؟
وديمة:خذتها..
خالد:اكيد؟؟
وديمة:اكيد..
خالد:خلاص نامي..
وتمر أيااام ماهي بقليلة...يدخل عبدالله البيت مع امه.....
حسنة:هاا ايش سويتوا؟
ام عبدالله:الخبر عند اخوج..
حسنة:شنو عبدالله عجبتك؟
عبدالله(يبتسم):البنت ماشاء الله عليها كاملة والكامل الله..بس استخير آخر مرة وعقب بقرر..
حسنة:يارب تكون من نصيبك..
عبدالله:وليش؟
حسنة:ودي اشوفك معرس..واستانس لك..افصل فستان وارقص بعرسك بعد..
عبدالله(يضحك):ان شاء الله..(يقوم)..
ام عبدالله:وين يمه؟
عبدالله:بروح شوي عند خالد..ماني مطول عقب ساعة ونص او قبل برد..
في المطعم....
عبدالله:ايش تشرب؟
خالد:كوفي وايت..
عقب ماطلب...
خالد:قولي..عطني الاخبار..
عبدالله(يبتسم)
خالد:ويي مبتسم..الظاهر انك راضي..
عبدالله:والله شاقولك ياخالد..
خالد:حسيت ان هي البنت اللي كنت تبيها؟
عبدالله:يمكن..
الكل قاعد في الصالة...يسولفون...شمة قعدت جنب راشد..وساسرته.....
شمة:ابي اقولك سالفة..
راشد:الحين؟
شمة:اذا تقدر..
راشد:لما تروحون فوق بييكم..
شمة(قامت):انا بروح فوق..
شيماء:بروح وياج..
راحوا فوق...
شيماء:شموه فتحي على المنتدى..
شمة(فتحت على المنتدى)
شيماء(تقرأ)
شمة:في شي جديد؟
شيماء:لا..غريبة انه مادخل..من العصر لين الحين..مو من عادته..
شمة:شنو حبيتيه؟
شيماء:جااب..بتنضربين شموه ان قلتي هالكلام مرة ثانية..
فارس يدخل غرفته وشيخة تفصخ عنه الجاكيت....
شيخة:يعطيك العافية حبيبي..
فارس:الله يعافيج حبي..
شيخة:شكلك تعبان..
فارس:اي والله..اليوم العيادة كانت زحمة..ماتوقعت هالعدد كلش..(وراح يبدل)
شيخة(قعدت جدام التلفزيون)
عقب ماخلص فارس..شيخة تفاجأت ان فارس لابس..
شيخة:طالع؟
فارس:اي..(يقعد)
شيخة:بس انت توك راد..وتقول انك تعبان..
فارس(يتسم لها):زعلتي؟
شيخة:..........
فارس:فديت الزعلان..انا طالع وياج..ماأتجرأ اطلع بروحي..ياللا حياتي قومي لبسي علشان نتعشى برع..
شيخة:من صجك؟
فارس:عيل ليش بدلت ملابسي..
شيخة(ابتسمت):عساني ماانحرم منك..
أحمد يتمشى على البحر وهو يفكر....ويرمي الحصى على البحر....يقرب منه واحد.....
......:السلام عليكم..
أحمد:وعليكم السلام..
.....:اشوفك متضايق..عسى ماشر..لاتفكر اني ملقوف ولاشي..بس انا مثلك متضايق وجاي اشكي همي للبحر..وشفتك بالصدفة..وقلت يمكن محتاج تفضفض..
أحمد:فعلا انا متضايق..
.....:خير ان شاء الله..
أحمد:انت اشفيك متضايق؟
......(يشوف البحر):والله شاقولك..انسكت كل البيبان بوجهي..وماني عارف شسوي..متزاعل ويازوجتي..والسبة اهلها..يتدخلون بكل صغيرة وكبيرة..حتى في تربية عيالي..وتخيل ان عيالي صاروا مايحبون يقعدون مع اهلي..ماادري شمسويين فيهم..وكل مااقولها هالكلام تقولي ايش تقصد..وهلي عمرهم مايقولون مثل هالحجي..ماادري شالي تغير في عيالي..كل مااقولهم شي يقولون لي جدتي تقول شي ثاني..خالتي قالت سوي جذي..حتى بتربيتي لعيالي ماني قادر أخذ راحتي فيه..حتى زوجتي..كل ماادخل البيت احصلها برع البيت وينها مع خواتها في السوق..في العرس..كل مكان تروح الا البيت ماتقعد فيه..تعبت وايد من تصرفاتها..ومااقدر اتزوج عليها..انا عندي عيال واذا تزوجت عليها بتطلب الطلاق..واذا تفرقنا عيالي ماراح يقعدون معاي..انا اكرف في الشغل علشان البيت والعيال..تخيل انا دخلي بالشهر 15 ألف..أدفع ايجار البيت 10000 ريال..وبقى منهم 5000 ريال هي تاخذ منهم 2500 والباقي اصرف فيهم على البيت والعيال..ومايبقى لي شي..ماني عارف شسوي..ضعت..انا ضايع..
أحمد:لو عطيتك الحل تاخذ به؟
.....:اذا هو نافع اكيد باخذ به..قول وريحني..
أحمد:انت ليش مرخي الحبل على الاخر..يعني مخلي زوجتك على راحتها..تصرف قد ماتبي..وتتصرف مثل ماتبي تتطلع وايد وانت اولى من طلعاتها..هاملة تربية عيالها وقاطتهم عند اهلها..انت المفروض توقفها عند حدها خلها تشوف وجهك الثاني..لاتقول اطقها ولا اطردها..لا..هذا عمره ماكان اسلوب..شوف..انت لازم تعطي من وقتك شوي حق عيالك..حاول تطلعهم توديهم المطعم..درسهم..اشتر لهم العاب..حاول تخلي العيال بصفك..وحاول تحببهم بأهلك..وعقب لما تشوفك قاعد في البيت تبي تطلع قولها بكل هدوء فلانة ماكو طلعة..يمكن تقولك لا بطلع..وقف على طولك وعطها ذيج النظره اللي تخوف الحريم وقولها قلت لج ماكو طلعة اليوم..وماني عايد الكلام..ودش غرفتك..صدقني ماراح تطلع..لأنها بتستغرب تصرفك..عقب فترة حاول تتدخل وايد بطلعاتها وجياتها..حتى يوم اهلها يزورونها.حاول تقول لها نبي نطلع مع العيال..حاول تتعذر بأي شي علشان اهلها مايقعدون معاها وايد ويأثرون عليها..وكل يوم قولها ابيج تطبخين لي هالاكلة..خلها تكرف عمرها بالمطبخ..وبتييك مرة بتقولك ابي فلوس ولا مصروفي..قولها آسف هالشهر ماعندي..اكيد بتعصب وبتتضايق..قولها شوفي عندي 100 ريال تبين كيفج..لاتقول تبيني ابخل عليها..لا هذا مب بخل هذي تجربة..قولها انا أمر بأزمة مالية..خسرت بالاسهم وعلي ديون..ولازم نقتصد..وشوفها ان تغيرت وصارت انسانة ثانية..اعرف ان تصرفاتها ماكانت منها من تأثيرات خارجية..وحاول تتقرب منها..ويوم فاجأها واشتر لها عطر ولا شنطة يد..او شي تحبه..خلها تحبك حب حقيقي..صدقني مع مرور الوقت بتصير هي الزوجة اللي انت تبيها وحياتك بتريحك..
......:ياسلام عليك..حل ماله مثيل..ولاعمري فكرت فيه..تعتقد في أمل..
أحمد:خل أملك بالله كبير..
.....:مشكور وجزاك الله خير..وانت ماقلتي شنهي مشكلتك؟
أحمد:أنا!!..أنا حبيت وحده من الانترنت..اشتركت بمنتدى وصرت أقرأ ردودها ومواضيعها..وحدة عاقلة وتفكيرها نظيف..اسلوبها يجذبك غصب عنك..ماادري ليش حسيت ان هي اللي انا ابيها..وصرت ادخل المنتدى أكثر من سبع مرات بس علشان اشوف مواضيعها وردودها..صار قلبي متعلق فيها..ابيها..ابيها..
......:مشكلتك حلها سهل..
أحمد:عطني وريحني..
.....: لازم تعرف شي واحد..ان هالمنتديات ماهي الا طرق للتواصل وبس..ماهي وسيلة للزواج..وهذا الاسلوب للزواج اسلوب فاشل..وان نجح حد فيه فهذا مايتعدى صوابع اليد..لاتفكر ابد تاخذ حد تعرفت عليه في الانترنت..ترى الانسان قادر يمثل بأكثر من مليون دور علشان يسوي اللي يبيه..انت ماتدري ممكن تكون هذي تمثل شخصية اختها رفيجتها..او ممكن تتصنع..او لو نفترض انها فعلا هذي شخصيتها..لازم تفكر صح..ان التعارف عليها وتقولها يافلانة انا ابيج هذي مستحيلة..ولايمكن تصير..ولو سويتها راح تطلع من المنتدى خير شر..ولاانت قادر تسوي شي..الحل الوحيد..علشان ماتعيش بعذاب حبها وتفكر فيها..قرر قرار انك تقاطع هالمنتدى..خل عندك ارادة..قاطع المنتدى..ولاتفتح هالصفحة ابدا..سو له ديليت من الكمبيوتر..واذا ماتفتح الانترنت اسبوع مايضر..حاول تتماسك وتكون قوي انك ماتشغله ايش ماصار..وصدقني بتتعود على هالشي..واذا انت صج تبيها..ادعي وانت تصلي يارب ان كانت هي فعلا بهالاخلاق وهالدين فخلها من نصيبي..وربك كريم وقادر على كل شي..انت ماتدري شالي ممكن يصير وتكون من نصيبك..واذا ماهو خير لك ماراح تكون من نصيبك..
أحمد:يبيله قرار شجاع..
....:وانت قادر..انا متأكد..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 30-12-2013, 09:43 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


متابعة فصل الـ 16




في مكتب عبدالله...
عبدالله:ليش ياحسن؟
حسن:خلاص مااقدر اكمل وابي اطلع من الجامعة..
عبدالله:عسى ماشر؟؟
حسن:يااستاذ عبدالله..الجامعة يبيلها ناس عباقرة مب انا..
عبدالله:ايش دعوة ياحسن..ايش هالحجي..
حسن:مت لين ماقدرت اجيب التوفل علشان ادخل التخصص..ويوم دخلت عطوني انذار اول ماصار لي وايد الا انذار ثاني..فخلني اطلع قبل لأخذ الانذار الثالث..
عبدالله:على طول فكرت في الثالث..عط حق عمرك فرصة..
حسن:خلاص انا قررت..وماني متراجع عن قراري..بس جاي اسلم عليك قبل لأروح..لأني عارف ان تأثيرك قوي..
عبدالله:ياحسن لاتضيع هالفرصة من ايدك..ترى مو كل واحد قادر يدخل الجامعة..انت الحين بالجامعة..
حسن:مااقدر اكمل..انا متأكد بيعطوني انذار ثالث..
عبدالله:ايش هالفكرة السلبية اللي حاطها في بالك..قول لالإنذار..وكمل درب الدراسة..وتوكل على الله..ياحسن عط حق عمرك آخر فرصة..
حسن:وعقبها بانطرد..اطلع بكرامتي احسن لي..
عبدالله:تعوذ من ابليس ياحسن..
حسن(يقوم):لاتحاول تأثر فيني..انا خلاص قررت..وماابي اتراجع عن قراري..وحصلت وظيفة وراتبها زين ويكفيني..
عبدالله:شكلك خلاص ماتبي تتناقش في الموضوع..
حسن:ابد..انا بس جاي علشان اسلم عليك قبل لأروح..لأنك ماقصرت معاي من وقت مادخلت الجامعة..كنت استاذ واخو لي..مشكور..
عبدالله:وانا كنت اتمنى انك اتم وتكمل الدراسة..بس انت تبي تطلع..الله يوفقك ويسهل امورك..وخلنا نشوفك..
حسن:ان شاء الله..
محمد يدخل مكتب أحمد ويسلم....
أحمد:وينك؟
محمد:مرتي كان عندها موعد وتأخرت..
أحمد:وانا اقول اتصلت المكتب رد علي وقالي انك ماداومت اليوم استغربت..
محمد:وليش مااتصلت فيني؟
أحمد:كان عندي اجتماع وتوني رديت..
محمد:اشوفك اليوم غير عن كل مرة..مستانس ورايق..ليكون حصلتها؟
أحمد:لا..
محمد:عيل؟
أحمد:مستانس..
محمد:وليش؟
أحمد:مو من حقي استانس؟
محمد:بلا..بس انت امس كانت حالتك غير..شالي تغير؟
أحمد:سالفة طويلة..وماتنقال هني..
محمد:شوقتني..خلاص اشوفك اليوم لازم..
أحمد:روح المكتب وبعدين نتفاهم..
في مكتب الدكتورة سارة...
وديمة+شيخة:السلام عليكم..
د.سارة(بإبتسامتها المعتادة):وعليكم السلام..
وديمة:دكتورة انا كنت غايبة الاسبوع اللي طاف وكان غيابي غصب عني..ظروف عائلية..
د.سارة:لاتحاتين هاليوم..اهم شي انج انتي وهلج بخير..
وديمة:الحمدلله..
د.سارة:عيل لاتحاتين شي ثاني..قولوا لي اشلونكم مع المقرر؟
شيخة:انا بصراحة يادكتورة مستانسة اني خذت عندج..هالمحاضرة الوحيدة اللي مااسرح فيها..وامشي معاج خطوة بخطوة..
د.سارة:هالكلام يشجعني ويحمسني..
شيخة:دكتورة انت ماشاء الله عليج سيرتج واصلة برع الجامعة..والكل يمدح فيج..
د.سارة:هذا بفضل رب العالمين..الحمدلله..وانت وديمة؟
وديمة:دكتورة تعرفين اسمي؟
د.سارة:لازم احفظ اسامي طالباتي..عيل اشلون بكسب محبتهم؟
وديمة:دكتورة انت موجودة هني على طول؟
د.سارة:اشلون مافهمت عليج؟
وديمة:يعني هذا مكتبج ماراح تغيرينه..يعني احصلج هني دايما؟
د.سارة:اكيد..اذا ماحصلتيني بيكون عندي محاضرة..ليش في شي؟
وديمة:لا..بس مجرد سؤال..
شيخة:دكتورة ممكن السولبوس مالج..لأني انا ماحضرت اول المحاضرة..
د.سارة:مع اني حطيتها لكم بالبلاك بورد..بس بعطيج اياها لأن عندي جم نسخة منها..تبين وديمة؟
وديمة:اي..
عقب ماطلعوا من مكتبها....
وديمة:شيخوه حبيتها وايد..هذي انسانة ثانية..شوفي اشلون اسلوبها وطريقتها بالكلام عجيبة..ليتني خذت هالتخصص علشان تدرسني كم مقرر..
شيخة:ودوم ايش رايج نروح نشتري لنا عصير..عطشانة وابي شي بارد..
وديمة:اوجي ياللا..
وهم يشربون العصير ويتمشون....
شيخة:ايش سويتي في البريك؟
وديمة:كنت ويالريم نسولف..
شيخة:اشلون خالد وياج؟
وديمة:زين..
شيخة:عيل متى جايين امج وابوج واخوانج؟
وديمة:ان شاء الله الاربعاء..
شيخة:وايشقد بتمون؟
وديمة:اسبوع او عشرة ايام..
شيخة:خلنا ننتصل في خالتي نجلاء..
وديمة:خوش فكرة..قعدي خلنا ننتصل فيها..
قعدوا وشيخة اتصلت...نجلاء كانت بالسيارة مع جبر.....
نجلاء:آلو.....هلا والله....مراحب حبي......بخير فديتج انتي شاخبارج؟......فديت اصواتكم....مشتاقة لكم .....انتوا وينكم بالجامعة؟
شيخة:اي..وانتي؟
نجلاء:انا في السيارة رادين البيت..
وديمة:مع عمي؟
نجلاء:هيه..
شيخة:ايش عندج رادة هالحزة مو بدري؟
نجلاء:الا بدري..بس انا كنت شوي تعبانة وجبر خذاني..
شيخة:يحليله خالي فديته..سلمي عليه..
نجلاء:شيخة ووديمة يسلمون عليك..
جبر:الله يسلمهم..بلغي سلامي لهم..
نجلاء:يسلم عليكم..اقول ودوم ابوج متى بيرد؟
وديمة:الاربعاء ان شاء الله..
نجلاء:ابا اييكم..
وديمة:والله ياليت..
نجلاء:مااظنتي جبر بيوافق..
شيخة:خالتووو حاولي تقنعينه.......اذا تبين انا بكلمه..
نجلاء:لا حبيبتي مايحتاي....ياللا روحي لحقي على المحاضرة...سلمي على امج وانت وديمة سلمي على خالد.....مع السلامة..جبر..
جبر:نعم؟
نجلاء:شو رايك نروح الدوحة يومين ونرد..
جبر:لا..
نجلاء:دخيلك جبر..ودي اشوف اخوي..من زمان ماكحلت عيني بشوفته..
جبر:مااقدر عندي شغل..
نجلاء:بس في الويكند..
جبر:وحرمتي وعيالي؟
نجلاء:ليش حنا وين قاعدين؟ بالصحراء..اخوها ييي يبات عندها..مثل كل مرة..
جبر:وشغلي؟
نجلاء:خذ يوم واحد اجازة الخميس..ونرد السبت..ولي سلمك..
جبر:لا يعني لا..ولاتناقشيني..
نجلاء:عندك قلب حجر..الله لايبلى فيه حد..(مدت البوز)
جبر:سكتي ولا ترى اردج الجامعة..
نجلاء:تسويها..بسكت احسن لي..
العصر...ام عبدالله تشرب شايها كالعادة هالحزة لكن هالمرة من غير عبدالله...جاتها خلود وقعدت عندها....
خلود:وين عبدالله عنج؟
ام عبدالله:فديت قلبه ولدي في الجامعة..عسى ربي يوفقه ويكون الاول..
خلود:آآمين..ووين حسنة؟
ام عبدالله:حسنة راقدة..رادة من المدرسة ورقدت..انت اخبارج يمه واشلون الياهل؟
خلود:الحمدلله..امس رحت المستشفى..والدكتورة طمنتي وقالت لي اني بخير والياهل بعد..
ام عبدالله:الحمدلله..هذي نعمة من الله..الله يقومج بالسلامة..
خلود:يارب..يمه ايش صار على سالفة عبدالله؟
ام عبدالله:اخوج استخار..وقال عطيني وقت لين مارد من الجامعة وبقولج رايي..
خالد يرد البيت يسلم على جدته وخاله....
خالد:وديمة مانزلت؟
الجدة:لا..
خالد:بروح اشوفها..
دق عليها الباب...ماردت...دخل حصلها راقدة ومشغلة المكيف والغرفة باردة....
خالد:وديمة...وديمة..وديمة..
وديمة(وهي نايمة):اممم..شنووو؟
خالد:قومي الدنيا صارت المغرب..وانت راقدة؟!!
وديمة:خالد روح خلني انام..
خالد:قومي ياللا..ماتبين تصلين..ماوراج دراسة؟
وديمة:بعدين..بعدين..نعسانة..
خالد:قومي.. بروح ابدل ملابسي وبمرج اشوفج قاعدة..سمعتي....سمعتي..
وديمة:زين..زين..
خالد راح غرفته وغير ملابسه وترتب وتعطر وطلع من الغرفة وراح غرفة وديمة.....
وديمة(وهي نايمة شمت عطر خالد فجت عيونها شافت خالد فوق راسها)
خالد:قمتي ولا اشلون؟
وديمة:خلاص خلاص بقوم..(قعدت)..بتطلع؟
خالد:شتشوفين؟
وديمة:لابس..
خالد:عيل طالع..ياويلج لو رديتي للنوم مرة ثانية..بطرش عيسى..
وديمة:زين زين..
خالد:لايكون مريضة..ترى اوديج المستشفى..
وديمة(قامت):لالالا..انا بخير..انت روح..
أحمد قاعد ويامحمد....
محمد:ومن هالرجال؟
أحمد:واحد لاعرفه ولايعرفني..واول مرة نشوف بعض..
محمد:شاسمه؟
أحمد:ماسألته..اللي صار بينا ان كل واحد عطى حل للثاني..
محمد:وانت سويت بحله؟
أحمد:تبي الصج؟
محمد:أكيد...
أحمد:اي..من يوم ماعطاني الحل..وانا مافتحت الموقع كلش..حتى الانترنت صرت ماادخله الا اذا بغيت افتح ايميلي وبس..
محمد:ماشاء الله زين..ان شاء الله تستمر..
أحمد:ان شاء الله..
محمد:واشلون شعورك؟
أحمد:شعور بالراحة..مرتاااااح الحمدلله..
محمد:زين..
خالد(يي ويقعد):اخباركم؟
محمد:بخير..انت اشلونك؟
خالد:الحمدلله..
أحمد:عبدالله مب جاي؟
خالد:لا..(يشوف الساعة)..تحصله توه راد البيت..
محمد:لو يعطوني خمس ملايين وادرس ماجستير ودكتوراه ماابي..مالي خلق دراسة وامتحانات..
أحمد:على اساس كنت بتدرس ماجستير..شالي غير رايك؟
محمد:خلاص تزوجنا..خلني اشغل عمري بحياتي وايد ابرك من هالدراسة..
في ام عبدالله....عبدالله يدخل البيت...
عبدالله(يحط الكتب على الكنب ويقعد):تعبااااان وجوعااان..
ام عبدالله:فديت عمرك يايمه..عسى الجوع يحوش الظالم والعدو..الحين انجب لك الاكل..كل وعقب نام..وريح..
عبدالله(فصخ الشماغ وشمر):باكل وعقب بروح داري مرة وحده اريح..بروح اغسل يدي..
شيخة في غرفة شيماء وشمة....
شمة:شوفي هالصورة..هذا انا ويافارس وسلطان ولد راشد..
شيخة:كم كان عمرج؟
شمة:اممم تقريبا خمس سنين..
شيخة:فارس شكله هني غير..
شيماء:شوفي شيخة هالصورة حق فارس يوم كان عمره سبع سنين..
شيخة:وااااو...شكله غييير..
شمة:تقول امي يوم فارس كان صغير يقولون لها هذا مب ولدج يشبه الاجانب..
شيخة:صج مافيه منكم..
شيماء:ترى مابعطيج الصورة..
شيخة:لا شيماء..تكفين عطيني اياها..وايد عجبتني الصورة..
شمة:عطيها شيوم..
شيماء:امم كم تعطيني؟
شيخة:اللي تبينه المهم آخذ الصورة..
شيماء:اوه اوه كل هذا علشان الحبيب..
شيخة(استحت)
شمة:سكتي عنها شيوم..
شيماء:خلاص بعطيج الصورة من غير مقابل..
شيخة:تسلمين شيماء..من هذا؟
شمة:هذا ابوي ايام شبابه..
شيخة:ماشاء الله عليه..انتوا من وين جبتوا هالصور؟
شيماء:هذا الله يسلمج شفنا الصور عند امي وابوي ونقيت منهم اللي ابيهم وسويت لهم كوبي وخذتهم..
شيخة:هذا تميم؟
شمة:اي..تميم الوحيد اللي ملامحه ماتغيرت..
شيخة:ومن هالبنوتة الحلوة؟
شمة:هذي مشاعل بنت راشد..
شيخة:ماشاء الله عليها كانت دبوبة..
شيماء:شوفي هالصورة..لو تعرفين من هاي..
شيخة(تفكر):من راشد؟
شيماء(تضحك):توقعتج بتقولين راشد..بس هذا مب راشد..
شيخة:من؟
شيماء:هذا فارس..
شيخة:صج؟؟
شيماء:اي..هذا يوم كان عمره 14 سنة..الكل كان يقول هذا راشد..هالفترة من عمر فارس كان يشبه راشد..لكن عقب ماكبر تغير..
شيخة:بس فارس ليحين فيه ملامح من ملامح راشد..
شمة:بلا..بس قبل غير..كانوا يشبهون بعض..حتى راشد كان يقول حق فارس اشوف عمري فيك..
شيخة(تشوف الساعة):الحين بيرد فارس ومابيحصلني..بروح اسوي له مفاجأة بالصورة..
شمة:خلج قاعدة..
شيخة:مرة ثانية ان شاء الله..
شيماء:كل يوم تعالي..
شيخة:ان شاء الله..
راحت الغرفة حصلت فارس طالع من غرفة التبديل..
شيخة:رديت؟
فارس:اي..
شيخة(تبتسم)
فارس:ايش خاشه وراج؟
شيخة:اممم..سر..
فارس:لا حبيبتي مافي شي اسمه سر عندي..اشوف..
شيخة(عطته)
فارس(طالع وابتسم وتذكر ايامه):هذي صور خطيرة..من وين لج؟
شيخة:حصلتها..
فارس:من وين؟
شيخة:من عند خواتك..
فارس:هالصورة مرة رويتها حق واحد من الربع يوم شافها قالي من وين جايب هالصورة..ماصدق اني انا..
شيخة:.....
فارس:كنت حلو؟
شيخة:كنت ومازلت..
فارس:ياحبيبتي..خلينا نروح نتعشى..لإني حدي جوعااان..
في بيت بوفهد يتعشون....
فهد:اي اليوم وقعت معاهم العقد..
بوفهد:انزين ايش صار على العزيمة؟
فهد:على راحتك..حاليا ماعندنا سفرات..
بوفهد:خلاص باجر قولهم خلهم يزهبون للعزيمة عندنا بالبيت..
فهد:ومن تبي تعزم؟
بوفهد:ماابي اي حد مثل ذيج المرة..بعطيك قائمة التجار وربعنا اللي نبيهم..
فهد:ويصير نعزم حد ولا اشلون؟
بوفهد:اعزم اللي تبيه..وانت راكان؟
راكان:انا بعزم حمدان..
فهد:حمدان رفيجك؟
راكان:اي..
بوفهد:بيي؟
راكان:هذا رفيجي..واكيد بيحضر..
فهد:لحضر حمدان..كل التجار بيرافجونه في العزيمة..علشان جده وابوه..
خالد يرد البيت الساعة 10 يحصل جدته واقفة....
خالد:السلام عليكم..
الجدة:وعليكم السلام..
خالد:بروحج؟
الجدة:اي يمه..
خالد:عيل وين وديمة؟
الجدة:جات وقعدت شوي وراحت فوق..تقول تبي تنام..
خالد:تنام!!..وانت جدتي بتنامين؟
الجدة:اي يمه..خلاص نعست..تعشيت؟
خالد:الحمدلله..عيل وين عيسى؟
الجدة:طلع..
خالد:انزين انا بعد بروح ارقد..
راح فوق ودق الباب على وديمة ودخل حصلها منسدحة على السرير وماسكة تليفونها....
خالد:اشوفج تبين ترقدين..
وديمة:اي والله نعسانة..
خالد:ماصار لج ساعتين من قعدتي من النوم..
وديمة:وين ساعتين قول خمس ساعات..
خالد:ودومو ليكون مريضة وماتبين تقولين..
وديمة:حشى علي اذا ماخبرتك..غلطانة واستاهل الضرب ان ماخبرتك..بس صدقني ماعندي شغل..وابي انام..
خالد:تعشيتي؟
وديمة:كلت ساندويتش جبن..
خالد:خذتي دواج؟
وديمة:من شوي..
خالد:والابرة؟
وديمة:قبل لتدخل خذتها..
خالد:وايش عندج ماسكة التليفون؟
وديمة:قاعدة اضبط المنبة حق باجر..
خالد:ومتى بتردين باجر؟
وديمة:الساعة 3 ونص..
خالد:ياللا نامي..(سك الليت وراح)
الله أكبر الله أكبر الله أكبر الله أكبر الله أكبر..أشهد ان لا اله الله..اشهد ان لا اله الا الله..اشهد ان محمدا رسول الله أشهد ان محمدا رسول الله..حي على الصلاة حي على الصلاة حي على الفلاح حي على الفلاح..الصلاة خير من النوم الصلاة خير من النوم..الله أكبر الله أكبر..
يندق باب غرفة عبدالله...وتدخل...
ام عبدالله:عبدالله..عبدالله يمه قوم اذن الفجر..
عبدالله(يقوم):يمه..
ام عبدالله:قوم يمه راحت عليك نومة..
عبدالله:الظاهر من التعب راحت علي نومة وماسمعت المنبة..
ام عبدالله:قوم حبيبي قبل لتقوم الصلاة..
عبدالله:ان شاء الله..
راحت ام عبدالله وصلت الفجر وتمت على السجادة وهي تقرا القرآن...جاها عبدالله وحب راسها....
عبدالله:تقبل الله منج..
ام عبدالله:منا ومنك يالغالي..تعال يمه اقعد..
عبدالله(قعد جنبها وظل ساكت لدقايق وهو يسمعها تقرأ القرآن)
ام عبدالله(حطت القرآن على الطاولة وقامت من على السجادة وقعدت على السرير جنب ولدها):ودك تقول شي؟
عبدالله(يبتسم):فديت امي اللي تفهمني..
ام عبدالله(ابتسمت):ولدي حشاشة يوفي اشلون ماافهمه..
عبدالله:الله لايحرمني منج ويطولي بعمرج..مااتحمل الحياة من دونج..
ام عبدالله:فديت روحك..ولا أنا..مااقدر اتحمل حياتي من غيركم..انتوا صرتوا كل شي بحياتي..من تطلع من البيت تروح الدوام وانا اعد الدقايق متى بيرد ولدي حبيبي البيت علشان اكحل عيني بشوفته..
عبدالله(يحب يدها):الله يخليج لي..ولايحرمني منج..يمه انا استخرت والحمدلله احس اني مرتاح..انتي ايش رايج؟
ام عبدالله:انا من زمان موافقة على البنية..بس انتظر رايك..
عبدالله:انا موافق..
ام عبدالله:يعني اخبر اهلها؟
عبدالله:خبريهم..بس شنو علشان الداخلية؟
ام عبدالله:عادي يمه بتقدمون اوراقكم وبنشوف الرد ان شاء الله قريب..
عبدالله:ان شاء الله..(يقوم)..ياللا يمه بروح اتزهب للدوام..
ام عبدالله:وانا بروح ازهب ريوقكم..وقعد اختك علشان يمديها تتزهب للمدرسة قبل ليروح عنها الباص..
في الجامعة....
بعد الساعة 9....شيخة تتلاقى وياوديمة.....
وديمة:مت وانا امشي..الهواء طيرني..زين ماوداني البيت..
شيخة:ليته وداني..انزين وين تبينا نروح؟
وديمة:بالاول اروح عند الاستاذ عبدالله علشان اعطيه الورقة..
شيخة:وغيره؟
وديمة:وعقب نقعد نحل الواجب وعقب بتكون محاضرة الدكتورة سارة..
شيخة:عيل ياللا مشينا..
وراحت وديمة مكتب عبدالله...دقت الباب وتفاجأت.....
عبدالله:من صجك؟
وديمة:السلام عليكم..
عبدالله:وعليكم السلام..
وديمة(قربت وعطته الورقة):استاذ عبدالله هذي الورقة اللي طلبتها منا..
عبدالله(يقرأ):مع انها متأخرة الورقة وايد..
وديمة:أسفة لأني تأخرت انشغلت شوي..
عبدالله:مو مشكلة اختي..خلاص جذي كل الامور مضبوطة..
وديمة:مشكور..(وراحت)
خالد(عرفها من صوتها وحركاتها وفكر ايش هالصدفة اللي جمعتني فيج مرة ثانية لكن بحال ثاني وانت متنقبة وشكلج غير غير)
عبدالله:خالد..خالد..
خالد:هلا..
عبدالله:وين سرحت؟
خالد:ولاشي..
عبدالله:ماقلتي سالفة أحمد..
في مكتب فهد....يدخل راكان....
راكان:قوة..
فهد:الله يقويك..
راكان:عندك شي الحين؟
فهد:عندي شوية اشغال بغيت شي؟
راكان:اي بغيتك تيي معاي..
فهد:وين؟
راكان:نشوف المجمع قبل الافتتاح..
فهد:الحين؟
راكان:اذا تقدر..
فهد:اوكي..(يقوم)..ياللا نمشي الحين..متى ببيكون الافتتاح؟
راكان:باجر ان شاء الله..
فهد:ووزعت بطاقات الدعوة؟
راكان:اي..
فهد:ومن بيفتتحه؟
راكان:عقب بقولك..بس خلنا نمشي..
فهد:نمشي..
وهم طالعين من المكتب..
فهد:علي..انا طالع شوي وياراكان..اتصل على محمد وخله يجي الساعة 5..
علي:حاضر طالع عمرك..
وهم يتغدون...كل واحد فيهم وده يسأل سؤال بس مايتكلمون..
خالد:اشلون كان دوامج اليوم؟
وديمة:زين الحمدلله..
خالد:شنو هالشغل اللي بينج وبين عبدالله؟
وديمة:من عبدالله؟
خالد:اللي رحتي له اليوم..
وديمة:ولاشي..كانت عندنا مشكلة ويادكتور ورحنا له..
خالد:اش فيه دكتوركم؟
وديمة:مانفهم عليه..يتحجى انجليزي بس مب مفهوم..فقلنا يشوفون لنا حل..
خالد:اهااا(كمل غداه)
وديمة:وانت ايش تسوي في الجامعة؟
خالد:وليش تسألين؟
وديمة:ماادري قلت يمكن جاي علشاني..
خالد:وليش ايي علشانج..انت امورج قاعدة تسوينها بروحج..
وديمة:عيل ليش جيت؟
خالد:جيت ازور رفيجي..
وديمة:الاستاذ عبدالله رفيجك؟!!
خالد:اي نعم..وليش مستغربة؟
وديمة:ماني مستغربة..بس ماشاء الله عليه الكل يمدحه في الجامعة..
خالد:مرة ثانية لاتروحين صوب البنين..سمعتي؟
وديمة:اي بس انا مارحت الا للضرورة..
خالد:حتى هالضرورة..طرشوا حد او اتصلوا فيه خله يجيكم صوب البنات..
وديمة:هو يجي بس حزة محاضراتنا..
خالد:وكلي بنت غيرج..
وديمة(كملت غداها)
خالد:جنة الحجي ما ياز لج؟
وديمة:لا عادي..
في غرفة فارس وشيخة...فارس منسدح على السرير....
شيخة:فارس..ابي اروح عند دكتور العيون..
فارس:ليش؟
شيخة:ماادري احس عيوني فيها شي..مو مرتاحة..
فارس:يعني شنو ماتشوفين من بعيد؟
شيخة:يعني..
فارس:خلاص باجر ان شاء الله بوديج..متى تخلصين باجر؟
شيخة:الساعة 2..
فارس:خلاص بمرج ونتغدى برع ونروح..
راشد قاعد وياابوه...
بوراشد:ايش سويت؟
راشد:اليوم الصبح ركبوا الاجهزة والاثاث..وبيكملون العمال تنظيف..
بوراشد:ومتى ان شاء الله بتخبر اخوك؟
راشد:باجر بتكون العيادة جاهزة..بس اللي عليه انه يدخل..
بوراشد:واللوحة حطيتها؟
راشد:العصر بيركبونها..
بوراشد:مو يقرأ اسمه وبعدين تروح عليك المفاجأة..
راشد:لاتحاتي..مااعتقد ان فارس بيمر من ذيج المنطقة..بيروح المستشفى وبيرد البيت..
فارس ينزل تحت وهو لابس....
بوراشد:وين رايح يبه؟
فارس:بوصل شيخة بيت ابوها وعقب بروح المستشفى..
راشد:فارس..باجر الصبح ابيك لاتروح المستشفى..
فارس:ليش؟
راشد:ابيك بشغلة..خذ اجازة..
فارس:في شي؟
راشد:بعدين بتعرف..
فارس:ان شاء الله..ياللا مع السلامة..
هذا اليوم كان ينتظره الكثيرين..اللي ينتظر نجاح واللي ينتظر موعد مهم واللي ينتظر يوم زواجه واللي ينتظر حلمه يتحقق بهاليوم..واللي ينتظر عقد عمل جديد..واللي ينتظر ترقية...
يوم الاربعاء فيه عدة مناسبات..وينتظره ثلاث اشخاص....وديمة تنتظر وصول امها وابوها وخواتها بالسلامة...راكان ينتظر افتتاح المجمع....وفارس ينتظر سبب اصرار راشد انه يتغيب عن الشغل.....
الصبح تقوم وديمة من النوم...تغسل وجهها وتفرش اسنانها وتصلي الفجر اللي طافتها...تلبس بسرعة وتنزل تحت...وتصبح عليهم....
خالد:تريقي بسرعة علشان اوصلج الجامعة وبروح عندي شوية اشغال..
وديمة:ياليتك لو وافقت وغبت اليوم..
خالد:غياب لا..على الاقل خلي الغياب للأيام المهمة..
وديمة:والله مشتاقة لهم ابي اشوفهم..
خالد:بتشوفينهم..ياللا بسرعة..بروح اشوف السايق اذا شغل السيارة..
فارس راكب السيارة مع شيخة...علشان يوصلها الجامعة...وهم بالدرب....
فارس:حاولت افكر بمية شغله ليش راشد يبيني..
شيخة:شي غريب..يمكن يبيك تروحون مكان..
فارس:ماادري..بس مو من عادته..اذا بغينا نروح مكان يخبرني..بس هالمرة مصر انه مايقول وين..اموت واعرف شالي يدور براسه..
شيخة:بسم الله عليك من الموت..ان شاء الله بتعرف قريب..والاهم تخبرني..
فارس:أكيد..
شيخة:يمكن عنده مفاجأة..
فارس:مفاجأة!!..مفاجأة شنو؟
شيخة:ماادري..اقول يمكن..
فارس:مافي شي في بالي ممكن يسوي لي اياها مفاجأة..
اما راكان...اللي من قام من فراشه توضى وصل ركعتين ويدعي فيهم رب العالمين يوفقه في هالافتتاح..لبس وكشخ..ونزل تحت...حب راس امه وابوه....
فهد:شكلك متوتر..
راكان:وايد..هذا اول مشروع لي..مشروع كبير..
بوفهد:الساعة جم الافتتاح..
راكان:الساعة 10..
بوفهد:الله يوفقك..
راكان:آآمين..يبه مو تنسى وماتيي..
بوفهد:لازم احضر..هذا مشروع ولدي..بس امر الشركة اوقع على كم ورقة وعقب امركم..
راكان:وانت فهد..
فهد:أفا عليك..انا اولهم كلهم..واذا تبيني ايي معاك الحين عادي..
راكان:صج ماوراك شي؟
فهد:وراي اشياء مب شي..بس معليه علشان اخوي يهون الشغل..
راكان:تسلم يافهد..
ام فهد:الله يخليكم حق بعض..ولايفرقكم..
في شركة بوفهد...فهد وراكان يدخلون....
فهد:في حد سأل عني؟
علي:اي نعم محمد..
فهد:من محمد؟
علي:محمد اللي طلبت تشوفه كم مرة..
فهد:اي عرفته..وينه؟
علي:برع قاعد وياطلال..
فهد:خله يدخل..
علي:ان شاء الله..
راكان:هذا الريال كم مرة جاك الشركة ومايشوفك..
فهد:شسوي انشغلت واايد..علي في شي ثاني بعد؟
علي:طال عمرك....
فهد:صاير شي علي؟
علي:وصلني خبر اليوم ان في واحد قاعد يتجسس على مشروعك..ويبي يعرف افتتاحه..
فهد(يشوف راكان):من؟
علي:لحد الحين ماعرفنا من هالشخص..بس اللي عرفته انه يبي يدفع مبلغ كبير علشان يعرف هالمعلومة..
راكان:وليش يبي يعرف؟
علي:ماادري..
فهد:من اللي قالك؟
علي:مر علي الصبح كم موظف..وقالي نفس الكلام..
فهد:اي بس الموظفين مايعرفون..
علي:اي نعم هم مايعرفون..بس اللي مشتركين بالمشروع يعرفون..وهم قاعدين يوصلون لهم..
فهد:من اللي قالك؟
علي:يوسف..
فهد:يوسف!!..وليش ماقالي انا؟
علي:ماادري..بس قالي ابلغك..
فهد:اتصل فيه خله يي بسرعة..
علي:هو مش موجود..
فهد:وينه؟..اذا في المشروع خله يي..
علي:طالع عمرك قال انه ابوه عنده موعد واضطر ياخذ اجازة..
فهد:شالي بيصبرني لين العصر..انزين..خلاص روح..بس دخل محمد..
علي:ان شاء الله..عن اذنكم..
فهد(يقعد)
راكان:من تعتقد يبي يعرف؟
فهد:ماادري..اكيد هالشخص في شي يبي يسويه..
راكان:مثل شنو؟
فهد:ماادري..
راكان:انزين متى بنروح؟
فهد:خلني شوي وياهالريال..وعقب بيي..انت ماعندك شغل في المكتب؟
راكان:بلا..
فهد:انزين خلص شغلك وتعال..انا مابطول كلها عشر دقايق وبمرك المكتب..
طلع راكان..ودخل محمد وسلم...
محمد:اسمح لي ماقدرت ايي امس..كنت في الشغل..
فهد:لاعادي..بس زين قدرنا نشوفك..اسمعني يامحمد..انا اليوم وايد مشغول..عندي افتتاح مجمع اخوي.. بس على العموم انا ناوي اوظفك عندي بالشركة..
محمد:توظفني انا؟؟
فهد:اي..
محمد:وليش انا؟
فهد:وليش مب انت؟
محمد:بس انت ماتعرفني اشلون تبيني اشتغل عندك؟
فهد:محمد..
محمد:نعم..
فهد:انت متزوج؟
محمد:لا..
فهد:انت الولد الوحيد لأمك وابوك؟
محمد:لا..
فهد:بس هلك يتعمدون على معاشك؟
محمد:اي نعم..
فهد:كم يعطونك معاش؟
محمد:مب وايد..يالله يكفينا..
فهد:انزين شوف..انا بشغلك عندي في الشركة..وبعطيك راتب زين..وكل مااشوفك اوكي في الشغل بزود الراتب..اوكي..
محمد:شنو بتشغلني؟
فهد:لاتحاتي وظيفة وايد احسن من اللي كنت فيها..
محمد:انا ماسأل اذا هي بتكون احسن ولا لا..انا بس بغيت أسأل عن طبيعة شغلي اشلون بتكون..
فهد:بتكون معاي..(يقوم)..تقدر تروح الحين..وباجر ان شاء الله الصبح خلك موجود في الشركة..تعال معاي..
وراحوا عند السكرتير...
فهد:علي عطه كل المعلومات عن شركتنا..حتى موعد الدوام متى يبتدي ومتى ينتهي..وجهز ورقة عقد العمل..والعصر عطني اياها علشان اوقعها..انا رايح الحين مع راكان..اذا في شي مهم اتصل فيني..
علي:حاضر طال عمرك..




عبدالله؟؟

هل بتم الموافقة؟؟ وبيتزوج؟؟

ايش بيصير ويافارس وراشد بطلعتهم؟؟

ووديمة كيف بتقابل أهلها عقب فترة طويلة؟

وراكان؟؟ وفهد؟؟ والثنائي المرح؟؟ وخالد؟؟

والكثيرين..أحداااث كثيرة بإنتظاركم في فصل الـ 17


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 30-12-2013, 09:44 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


فصل الــ 17





خالد يستقبل ابوه وامه وخواته....خالد يركب وياامه وابوه مع السايق وحمد والبنات يركبون مع سيارة سايق سلمان....ويدخلون البيت ويسلمون على الجدة...ويقعدون كلهم جميع الا حمد اللي راح غرفته......
بوسلمان:اشلونكم اخباركم؟
خالد:الحمدلله..طيبين..ومستانسين بييتكم..
بوسلمان:مارحت الدوام؟
خالد:لا..خذت اجازة..
ام سلمان:اشتقت للبيت..صج اهني شي وهناك شي ثاني..
مريم:يمه ابي اودي شنطتي الغرفة..
خالد:انا بييبها لج..
بوسلمان:اشلونها وديمة؟
خالد:بخير..كانت بتغيب اليوم عن الجامعة بس انا ماخليتها..
بوسلمان:متى بتخلص اليوم؟
خالد:الساعة 2..
ام سلمان:يمه وين عيسى؟
الجدة:طلع عنده شغل..
ام سلمان:تعبناج يمه ويانا..
الجدة:ايش هالحجي..عيالج عيالي..فديتهم محد لعوزني ولاشي..
خالد قام علشان يودي الشنط.....
بوسلمان:خالد لاتشيل الشنطة بروحك..تراها ثقيلة واخاف اتعب ريلوك..
خالد:لاتحاتي..انا صرت احسن..
خذ الشنط ووداهم دارهم..وهو نازل التقى بحمد...حمد عطاه نظرة احتقار..خالد تضايق من تصرف حمد..نزل بهدوء....
خالد:انا طالع..تبون شي؟
ام سلمان:وين رايح؟
خالد:بروح عندي شغل..
الجدة:بترد عشان نتغدى جميع..
خالد:لا مااظن اقدر ارد..انتوا سبقوني..
بوسلمان:وين رايح؟
خالد:عندي شوية شغل..بحاول اخلص بسرعة..انتوا لاتنتظروني..ياللا في امان الله..
بوسلمان:ووديمة من بجيبها؟
حمد(ينزل تحت):انا بروح اجيبها..
خالد:عيل عن اذنكم..
وهم بالسيارة....
فارس:راشد في شي؟
راشد:لاتحاتي..ماكو شي..بس عندي لك مفاجأة..
فارس:مفاجأة؟!!
راشد:اي..
فارس:شنهي؟
راشد:الحين بتعرف..
وصلوا...وفارس نزل من السيارة...وهو فاج عيونه من مستغرب ومصدوم...ماهو مصدق ولامتصور ان اللوحة اللي جدامه حقيقة ماهي خيال...
فارس:عيادة الدكتور راشد عيسى والدكتور فارس عيسى!!!(يطالع راشد اللي مبتسم له)
راشد:ايش رايك بالمفاجأة؟
فارس(ماهو قادر يتكلم مشى لين دخل داخل وشاف الاستقبال والديكور الحلو وشاف الباب المكتوب غرفة الدكتور فارس..دخل وشاف الغرفة وسيعة ومرتبة وحلوة):راشد..شنو ذي كله؟؟
راشد:ايش رايك؟
فارس:انت من صجك؟
راشد:اي نعم من صجي..
فارس:يعني انا بحلم؟
راشد:لا..بعلم..هذي العيادة لي ولك..نترزق من وراها الفترة المسائية..ايش رايك؟
فارس:انت صدمتني..كلش ماتوقعت المفاجأة تكون هذي..ماتوقعت يوم من الايام بتكون لي عيادة..
راشد:الحمدلله ان ربي قدرني وقدرت اسوي اللي سويته..
فارس:ليش كلفت على عمرك وسويت كل هذا..يبين انك صارف عليها وايد..
راشد(يقعد):انت تستاهل يافارس..انت رفعت راسي وصرت دكتور وجراح كبير في وقت قصير..وطلعت الاول على دفعتك بالجامعة وانا ماعطيتك الهدية..اشتغلت في هالعيادة علشان تكون هي هديتك..
فارس(حب راسه):تسلم ياخوي..ماادري شاقولك..لساني عاجز عن التعبير..ماني عارف اشلون اشكرك..يعني صج مفاجأة..أحلى مفاجأة هذي..
راشد:ماابيك تشكرني..شكرك بيوصلني من شغلك..
فارس:تسلم ياراشد..تسلم يابوعيسى..
راشد:شوف العيادة فيها قسم لي وقسم لك وغرفتين انتظار للحريم والرجال.. وحمام في كل غرفة انتظار وحمام في كل غرفة من غرفنا..وغرفة اشعة وتصوير تلفزيوني وغرفة تحاليل..
فارس:هذا وايد..
راشد:هالاشياء لازم تتوافر عندنا في العيادة..
فارس:انزين والموظفين؟
راشد:لاتحاتي..انا حصلت حق قسم التحاليل والاشعة..والممرضات اليوم واصلين ان شاء الله..
فارس(حب راسه مرة ثانية):مشكور..
الساعة 2 وخمس دقايق....يرن تليفون وديمة....
وديمة:شيخوه هذا حمد..وااااي رجعوا...آلو..هلا والله بالالماني....بخير انت اشلونك؟.....حمدلله على السلامة....صج ياللا عيل طالعة..باي..شيخوه حمد عند الباب..بروح..باااي..
شيخة:باااي..سلمي على امج..
وديمة:يوصل..
ركبت السيارة...وسلمت على حمد....
وديمة:تأخرتوا علينا..اشتقت لكم وايد..
حمد:اي والله حتى انا ولهان على الدوحة والربع والبيت..
وديمة:وانا؟
حمد(يضحك):كلكم..
وديمة:قولي ايش سويتوا هناك؟
حمد:صرت اتحجى انجليزي بلبل..
وديمة:صج؟!!..ماشاء الله زين..
حمد:خلاص الحين بدخل الجامعة وبروي الشباب من احسن ..
وديمة:يعني بتم هني مب راد وياهم؟
حمد:لا برد..ان شاء الله بعد رمضان احنا جايين..
وديمة:واخبار امي وابوي ومريوم وعووشة؟
الساعة صارت 3 و36 دقيقة...خالد يقوم من النوم...يتصل على عبدالله....
خالد(يكح):عبدالله وينك؟
عبدالله:في الجامعة..اشفيك خالد؟
خالد:شوي تعبان..وابي اروح المستشفى..وابي حد يي وياي..
عبدالله:اشفيك تعبان؟
خالد:ماادري احس اني مسخن..
عبدالله:انزين انا بييك الحين..
جى عبدالله وخذ خالد وراحوا المستشفى وطلعت حرارته 39..عطوه ادوية ورد البيت...رقداه عبدالله على السرير وغطاه.....
عبدالله:ماقلت لي ايش صار مرة وحده ارتفعت حرارتك؟
خالد:ماادري..مرة وحدة حسيت اني بمرض..
عبدالله:كلت شي؟
خالد:لا..
عبدالله:انزين انت شالي جابك هني؟
خالد:هلي ردوا من السفر..
عبدالله:قرة عينك..
خالد:بنبيك..
عبدالله:وليش رديت بيتك؟
خالد:انت ماتدري؟
عبدالله:لا..
خالد:مب حمد رد وياهم..
عبدالله:وانت ايش عليك من حمد..ترد البيت علشان حمد مايبيك..صج امرك غريب..(يقوم)
خالد:وين رايح؟
عبدالله:بروح اطلب لك غداء..علشان تقدر تاخذ ادويتك..
خالد:ماني مشتهي..
عبدالله:غصب عنك بتاكل..
خالد:اشفيك معصب؟
عبدالله:معصب عليك..تهد هلك علشان حمد..ماعندك سالفة..
خالد:يعني متضايق لأني جبتك من شغلك؟
عبدالله:خالد..آخر مرة اسمع منك هالحجي..(راح)



وديمة قاعدة بغرفة خواتها وهم يرونها صوغتها واغراضهم...تتدخل ام سلمان.....
ام سلمان:اخبار عمتج وشيخة؟
وديمة:بخير..شيخوه حامل..
ام سلمان:صج؟..في اي شهر؟
وديمة:توها في الشهر الاول..
ام سلمان:يحليلها..واخبار عمتج؟
وديمة:بخير..قلت لج ان عمتي نجلاء وعمي جبر جاوا؟
ام سلمان:لا..
وديمة:جاوا واستانسنا مع بعض..ليتهم ماراحوا..
ام سلمان:يحليلهم..
وديمة:كانت تترجى عمي جبر يتمون علشان يلحقون يشوفوكم.بس عمي جبر عنده شغل وماقدر يتم..
ام سلمان:اشلون صحتج؟
وديمة:بخير..خالد ماقصر معاي..اي صح وين خالد؟؟
ام سلمان:طلع..
وديمة:متى؟
ام سلمان:قبل صلاة الظهر..
وديمة:وين راح؟
ام سلمان:قال بيروح عنده شغل..
وديمة:وانا اشلون كل هالفترة ماانتهبت ان خالد ماهو موجود بينا..
في بيت خالد....
خالد:تخيل ان اختي ماتذكرتني ولااتصلت فيني علشان تسأل عني ويني فيه..
عبدالله:الظاهر من شافت اهلك انشغلت عنك..
خالد:مااستغربت اني ماجيت آخذها..ولاقعدت معاهم على الغداء..من شاف احبابه نسى اصحابه..
عبدالله:لاتقول جذي عنها..انت عندك شك انها ماتعزك؟
خالد:ماادري..(يرن تليفونها)....آلو..وعليكم السلام..
وديمة:خالد انت وين؟
خالد:ايش تبين فيني؟
وديمة:ليش ماتغديت معانا؟
خالد:توج تذكرتي..الساعة صارت خمس ونص وانت توج تذكرتي؟
وديمة:آسفة..بس والله انشغلت بخواتي وهم يسولفون..ليش انت وينك فيه؟
خالد:انا شوي تعبان ومااقدر اتكلم..بعدين بكلمج..
وديمة:خالد..انت مريض؟
خالد:قلت لج تعبان..ياللا مع السلامة..
وديمة نزلت تحت عند ابوها....
وديمة:بابا..
بوسلمان:آمري..
وديمة:بابا خالد تعبان..
بوسلمان:تعبان اشفيه؟
وديمة:ماادري..بس قالي انه تعبان وسكر التليفون..
بوسلمان:هو وينه فيه؟
وديمة:ماادري مارضى يقولي..
بوسلمان(اتصل):آلو..هلا خالد انت وين؟.....اي وين يعني؟....اشفيك تعبان؟.......متى؟.....وايش قالك؟.....ومن شنو صار لك جذي؟......انزين خلاص انا جايك الحين.....مع السلامة..
ام سلمان:ايش قالك؟
بوسلمان:يقول حرارته ارتفعت..بروح اشوفه..
وديمة:بابا ودني معاك..
ام سلمان:وانا بعد..بلبس عباتي وبيي..
في بيت خالد....
عبدالله:دام انهم جايين انا رايح..
خالد:مشكور تعبتك معاي..
عبدالله:لاتخليني ماارد..ماابي اسمع هالحجي مرة ثانية..تبي شي؟
خالد:سلامتك..
عبدالله:اذا بغيت شي ولا صار شي اتصل فيني حتى لو كان الوقت متأخر..
خالد:ان شاء الله..
عبدالله:مع السلامة..
خالد:مع السلامة..
في مكتب فهد...يدخل يوسف....
فهد:اقعد يوسف..
يوسف(يقعد)
فهد:ابي اعرف السالفة كلها..
يوسف:في واحد من الشباب عرف اني اشتغل هني وسألني عن المشروع وشنهي فكرته وتفاصيله..وانا طبعا ماقلت له شي..عطيته كاش في الوجه وقلت له آسف هذي اسرار الشغل..عقب قالي اوكي مومشكلة بس اعرف متى بيكون الافتتاح..قلت العلم عند صاحب المشروع وهداني..عقب تقريبا ثلاثة ايام شفته جاي الشركة ودخل على واحد من الموظفين اللي يعرفهم وحاول ياخذ منه معلومات..
فهد:وانت اشلون عرفت انه الشخص خذ من هالموظف معلومات؟
يوسف:طال عمرك..هالرجال انا اعرفه..واعرف اسلوبه وليش جاي بالضبط..واذا تبي تتأكد روح أسأل الموظف وخذ منه التفاصيل وبيعترف لك..
فهد:وغيره؟
يوسف:غيره..ان في حد يبي يتوصل لمعلومة وحدة بس يوم الافتتاح متى بيكون..يعني هالشي سمعته وايد بين الموظفين يتحجون عن هالشي..يعني صايرة دوشة بالشركة بسبة الافتتاح..حتى سمعت وانا داخل الشركة اثنين من الموظفين يتكلمون ان في واحد يبي يعطي مبلغ محترم مقابل هالمعلومة..
فهد:ومتى سمعت هالحوار؟
يوسف:اليوم الصبح..حتى ان قلت للكل ان صاحب المشروع هو الوحيد اللي يعرف متى الافتتاح احنا ماعندنا علم..خاصة عقب السالفة الاولى يوم تسربت معلومات المشروع..
فهد:وتعتقد من وراء هالشي؟
يوسف:الله العالم..ماعندي فكرة..أنا بس حبيت اخبرك باللي قاعد يصير..
فهد:خليتني اشك بوايد ناس..بس تعتقد ليش يبي يعرف هالمعلومة؟
يوسف:ماادري..يمكن عنده نفس المشروع ويبي ينافسك ويفتتحه قبلك..او يمكن حاسدك ويبي يخرب عليك..لأن مستحيل اللي غرضه شريف يسوي هالحركات ويعطي رشاوي..
فهد:كلامك صحيح..انزين..روح عند علي وعطه اسم الموظف اللي قال عن معلومات المشروع..
يوسف(يقوم):حاضر..في شي ثاني؟
فهد:لا..اي صح ليش ماحضرت الافتتاح اليوم؟
يوسف:الوالد كان عنده موعد بالمستشفى وماقدرت ايي..
فهد:مايشوف شر..سلم عليه..
يوسف:يبلغ ان شاء الله..عن اذنك..
في بيت خالد....
خالد:يبه انا بخير..تتطمن وانتوا ردوا البيت..انتوا تعبانين وتوكم اليوم واصلين من السفر..وتحصل عمتي وريلها وليلى وريلها وسلمان وعياله بييونكم فمب حلوة يون ومايحصلونكم..
بوسلمان:خذت ادويتك؟
خالد:اي خذتهم..
بوسلمان:انزين..ياللا ياام سلمان نمشي..
ام سلمان:تبي اسوي لك شي قبل لأروح؟
خالد:تسلمين يمه..ماابي شي..
وديمة:انزين انا بتم عند خالد..علشان مايقعد بروحه..
خالد:لا..ردي البيت معاهم..عقب شوي ربعي بييون وبيتمون معاي..يعني ماني قاعد بروحي..بعدين انت وراج جامعة من الصبح..وانا مااقدر اوديج..فردي البيت احسن لج..
بوسلمان:ياللا وديمة نمشي..اذا بغيت شي ولا صار شي اتصل فيني..
في بيت بوراشد....





الجوهرة:شفتيها شيخة؟
شيخة:اي شفتها..ماشاء الله وايد حلوة..
شيماء:انزين انا عندي لكم فكرة..
راشد:شنو؟
شيماء:ايش رايك انا وشمة نشتغل في الاستقبال..
سلطان:تهبين انت وشمه..
راشد:سلطان..
سلطان:شنو بنات يشتغلون في الاستقبال وين قاعدين احنا..
راشد:مااعتقد لو سووا هالشي بيشتغلون عند رياييل موب محارم لهم..احنا اخوانها..
سلطان:ياسلام..والمرضى بعد اخوانهم؟
شيماء:انت شيخصك تتدخل..هالحجي بيني وبين اخواني..الياهال يسكتون..
سلطان(قام وعصب وبغى يضربها)
راشد(منعاه وعصب):اطلع برع..
سلطان:طالع..(راح)
راشد(وهو معصب):بعدين مرة ثانية ياشيماء استخدمي اسلوب احسن من جذي وياه..(راح)
ام راشد:والله انج ماتستحين على وجهج ياجليلة الحيا..جذي زين خليتي اخوج يعصب..
شيماء:يعني انا ايش قلت..مااشوف تسكتين وتسبين في ولده اللي لسانه اطول منه..
بوراشد:انجعمي يابنت..تحجي عدل وياامج..بنات لاحياء ولامستحى..
شيماء(تضايقت وراحت غرفتها)
فارس:هدي اعصابك يايبه..ياهال وتهاوشوا..
بوراشد:خواتك يبيلهم حد يسنعهم..
يرن تليفون فارس.....
فارس:هلا تميم.....اي انا بالبيت.....صج؟.....وايش جابت؟(الكل يطالعه)..بالمبارك بالمبارك.....ان شاء الله بخبرهم..تحمد لها بالسلامة...مع السلامة..
ام راشد:روضة ربت؟
فارس:اي يمه روضة ربت..
ام راشد:وايش جابت؟
فارس:جابت لولوة..
ام راشد:يحليلها روضة..وهي اشلونها؟
فارس:كلهم بخير..
ام راشد:عيل انا بروح لها..
الجوهرة:خذيني معاج عمتي..
في بيت راشد....الجوهرة تدخل..وتسمع اصوات عالية....
راشد:انت لااحترمتني ولااحترمت ابوي ولا اخواني..ترفع صوتك وتعطي اوامر وتسب..هذا اللي علمناك اياه؟
سلطان:يبه انت ماشفت اسلوبها..اشلون تتكلم معاي..جني اصغر عيالها..
راشد:انت اللي بديت..انا مااقول انها ماغلطت..بس انت بديت وهي كملت عليك..كلكم نفس الشي كل واحد يدافع عن نفسه ويقول انا الصح..وكل واحد فيكم عليه قوة عين ولسان..انا اللي انا ابوك ماعمري رفعت صوتي في وجه اخواني اللي هم اصغر مني..وانت مااحترمت ولاحد فينا..من جدك لين الحريم اللي قاعدين..(راح غرفته)
الجوهرة:يمه سلطان..روح عند ابوك واستسمح منه..انت غلطت..
سلطان:انزين..
الجوهرة:ياللا جدامي..
وراحوا الغرفة...
سلطان(حب راسه):يبه منك السموحة..آسف..
راشد:خلاص روح دارك..
سلطان:يعني راضي ولا ليحين معصب علي؟
راشد:لاتعيدها مرة ثانية..
سلطان:ان شاء الله..خلاص اروح؟
راشد:روح..
طلع...
الجوهرة:راشد انا بروح وياامك المستشفى..
راشد:ليش عسى ماشر؟
الجوهرة:ولاشي بس روضة مرت تميم ربت ورايحين لها..
راشد:وايش جابت؟
الجوهرة:جابت لولوة..
راشد:ماشاء الله عليها سمتها على امي..
في مكتب فهد...
فهد:شوف ياصالح لو ماتكلمت انا بضطر استغنى عن خدماتك..
صالح:تستغنى عن خدماتي؟!!
فهد:اي نعم..اللي يطعن المكان اللي يشتغل فيه ومايكون أمين اكيد نستغنى عن خدماته..انت الظاهر ماتبي تتكلم..اسمعني انا واحد مشغول وماعندي وقت اضيعه وياك..عندك مهلة لين باجر الصبح..وتقول الصج..ياانك تقدم استقالتك..تفضل..
طلع صالح....
فهد:علي تعال..
علي:ان شاء الله طالع عمرك..
دخل علي....
علي:تفضل طال عمرك هذا فاكس وصلنا قبل شوي من جدة..
فهد(ياخذ الورقة):اسمع علي..ابيك تدور على هالشخص اللي يبي يعرف موعد افتتاح المشروع..بأي طريقة..المهم اعرف الجهة من من..
علي:ان شاء الله..
فهد:اتصل في يوسف والمحامي مبارك خلهم يجون..ابيهم ضروري..
علي:ان شاء الله..تامرني بشي ثاني؟
فهد:لا..
طلع علي واتصل فهد بغانم...
فهد:بخير الله يسلمك انت اشلونك.....وينك ياريال مانشوفك ولانسمع صوتك......متى ماشفتك.......انزين اسمع ابيك بسالفة ضرورية..اقدر اشوفك اليوم؟.....لا يبه تجيني المكتب.......وين؟....اوكي خلاص لطلعت من الشركة بييك....اوكي ياللا في امان الله..
الساعة 10 بالليل...يدخل فارس الغرفة...يحصل شيخة نايمة...استغرب...نايمة واوراقها على السرير مع اللاب توب مفتوح....
فارس(يقرب منها):شيخة اشفيج؟
شيخة:راسي يعورني..
فارس(يقعد عندها):بسم الله عليج..ليش؟
شيخة:ماادري يافارس راسي يعورني وايد..خلاص لايعة جبدي..وكل ارجع..
فارس:من متى؟
شيخة:قبل ساعتين..
فارس:وليش ماناديتني؟
شيخة:ماادري..تكفى عطني بندول شي..قاعدة اموت..
فارس:بندول مستحيل انتي حامل ومب زين لج..
شيخة:يعني اموت..
فارس:لا حبيبتي ايش هالحجي..قومي اوديج المستشفى..
شيخة:ماابي اروح..تعبانة..
فارس:معليه حبيبتي..خل الدكتور يشوفج..قومي..قومي لبسي عباتج..
وهم نازلين.....تشوفهم شمة...
شمة:عسى ماشر اشفيها شيخة؟
فارس:شوي تعبانة..فتحي الباب..
شمة:ان شاء الله..(فتحت الباب)..فارس بتوديها المستشفى؟
فارس:اي..
شمة:تبيني ايي معاك؟
فارس:لا مايحتاي..ياللا انا رحت..
شمة سكرت الباب ودخلت...راحت تشرب ماي..وتفتح التلفزيون...تيي مشاعل....
مشاعل:شمه..
شمة:نعم؟
مشاعل:من اللي طلع من البيت؟
شمة:وانت ايش دراج؟
مشاعل:سمعنا صوت سيارة..وجدتي قالت لي أسأل من اللي طلع هالحزة..
شمة(قامت)
وراحت بيت راشد..لأنهم قاعدين هناك....
شمة:نعم يمه؟
ام راشد:من اللي طلع؟
شمة:فارس..
راشد:وايش عنده فارس طلع هالحزة؟
شمة:شيخة تعبانة وقال بيوديها المستشفى..
ام راشد:بسم الله عليها اشفيها شيخة؟
شمة:ماادري.قالي تعبانة شوي وبيوديها المستشفى..
ام راشد:راشد يمه اتصل في اخوك..شوف زوجته اشفيها..
راشد:ان شاء الله..(اتصل).......................آلو...فارس اشفيها شيخة؟...........من ايش؟........انزين ليش طلعت من غير ماتخبرنا..على الاقل حد جى معاك......طمنا هاا.....مع السلامة..
ام راشد:ها يمه ايش قالك؟
راشد:يقول راسها يعورها..
بوراشد:وليش طلع من غير مايخبر؟
راشد:يقول كنت مستعجل لأنها تعبانة..
في غرفة وديمة....يدق الباب....
وديمة:منو؟
بوسلمان:انا..
وديمة:حياك بابا..
بوسلمان(يدخل وهو مبتسم):اشلونها دلوعة بابا؟
وديمة:بخير..
بوسلمان:خذتي دواج؟
وديمة:اي خذته..
بوسلمان:والابرة؟
وديمة:الحين باخذها..
بوسلمان:تاخذينها ولا اعطيج اياها؟
وديمة:لا انا باخذها..
بوسلمان:أكيد؟
وديمة:أكيد..
بوسلمان:ان شاء الله اشوفج جذي دايما..اشلون كان وياج خالد؟
وديمة:خالد عمره ماقصر معاي بشي..حتى ماحسسني اني بروحي ومن غيركم..
بوسلمان:ذكرتيني خلني اتصل فيه..عطيني تليفونج ماجبت تليفوني..
في بيت خالد....
خالد:ايش تبين؟....آلو......هلا يبه......لا انا بخير......اي ربعي عندي........بحاول ان شاء الله اروح.........ان شاء الله...مع السلامة..
عبدالله:ابوك؟
خالد:اي..
عبدالله:بتبات بروحك؟
خالد:اي..
أحمد:انا بتم عندك..
خالد:مايحتاي..انا بخير..واقدر امشي اموري..
أحمد:خلاص لاتناقشني انا ببات عندك..
محمد(قام):عيل انا ماشي..مااقدر أتأخر أكثر من جذي..
خالد:انت بعد عبدالله امش ورد البيت..تحصل امك قاعدة تنتظرك..
عبدالله(قام):باجر الصبح باتصل فيك وباتطمن عليك..ريح ولاتسهرون..
أحمد:أفا عليك الحين بخليه ينام..
عبدالله:ولاتنسى تعطيه دواه..
أحمد:ان شاء الله..
الساعة صارت 11 ونص..تيي ام راشد وتحصل شمة قاعدة بالصالة....
ام راشد:شمقعدج لهالحزة؟
شمة:انتظر فارس وشيخة..
ام راشد:روحي نامي..وانا بتم انتظرهم..
شمة:لايمه..انت تعبانة وروحي نامي..انا بقعد وبانتظرهم..
فارس يدخل مع شيخة.....
فارس:السلام عليكم..
الجميع:وعليكم السلام..
ام راشد:هاا يمه اخبار مرتك؟
فارس:الحمدلله..صارت احسن..
ام راشد:الحمدلله..اشلونج يمه؟
شيخة:بخير عمتي..
فارس:ليش قاعدين لهالحزة؟
ام راشد:اتطمن عليكم..
فارس:هذا احنا وصلنا..روحوا ناموا..
شمة:حمدلله على سلامتج شيخة..
شيخة:الله يسلمج..
فارس راح فوق ويازوجته وراحت ام راشد تنام..وشمة راحت تنام....
بعد صلاة الفجر....
أحمد:خالد..خالد..خالد..
خالد(يفتح عينه)
أحمد:قوم صل..مابقى شي على الشروق..
خالد(يقوم):صليت؟
أحمد:اي..
خالد:انزين احمد انت رد البيت..وراك دوام وتبي تتزهب ومب جايب معاك شي..
أحمد:وانت؟
خالد:انا الحمدلله تحسنت حالتي..انت روح..
يرن تليفون أحمد...
أحمد:صباح النور....بخير...اي صليت....خالد توه قعد علشان يصلي....الحين؟......انزين...اوكي ياللا فمان الله..
خالد:من؟
أحمد:هذا محمد..يقول بيمرك الحين وبييب لك الريوق..علشان اروح ابدل واتزهب للدوام..
خالد:ياللا روح..ودير بالك وانت تسوق..
أحمد:فمان الله..
خالد:مع السلامة..
فارس يقعد شيخة....
فارس:اشلونج اليوم؟
شيخة:الحمدلله احسن من امس..الابرة اللي عطتني اياها الدكتورة خذت مفعولها..
فارس:زين الحمدلله..دام انج تعبانة لاتروحين الجامعة..
في الجامعة...



قاعدة وديمة بروحها...وهي تلعب تليفونها...تييها شيخة......
شيخة:صباح الخير..
وديمة:هلا..صباح الخير..
شيخة:اللي يشوفج يقول ماشايفه أهلج..
وديمة:الا شايفتهم..وتطمنت عليهم..
شيخة:اشلونهم؟
وديمة:الحمدلله..كلهم بخير..ومستانسة بردتهم..
شيخة:كان ودي اجييكم امس..كنت وايد تعبانة وفارس وداني المستشفى..
وديمة:بسم الله عليج..اشفيج؟البيبي فيه شي؟
شيخة:لا..بس صدعت وايد ورحت المستشفى..
وديمة:وايش قالوا لج؟
شيخة:ولاشي..بس عطتني ابرة والحمدلله صرت احسن..
وديمة:وليش داومتي اليوم؟
شيخة:تبين افوت محاضرة الدكتورة سارة؟
وديمة:اي صح..اليوم محاضرتها..
شيخة:ودوم اشفيج؟
وديمة:شاقولج..مب عاجبني وضع خالد وحمد..
شيخة:ليحين متهاوشين؟
وديمة:ليحين..ماادري لي متى..احنا تعبنا..
شيخة:الله يهديهم..
وديمة:انا اطلب الهداية حق حمد..ولا خالد فديته عادي عنده..بس حمد اللي يعطيه نظرات ويقط حجي..
شيخة:الله يهديه..امشي من هني..لاعت جبدي من هالاشكال..قومي..
دخلوا المحاضرة....والبنات دشوا وقعدوا...ودخلت الدكتورة.....
د.سارة:السلام عليكم ورحمة الله وبركاته..
البنات:وعليكم السلام..
د.سارةة:ماشاء الله عليكم..ماعرفت عنكم انكم بخيلات..
وحده:بخيلات؟!!..ليش؟
د.سارة:ترى السلام لله..ولما واحد يرد السلام كامل يحصل اجر اكثر..والا عيازنين؟
شيخة:لا دكتور مااحنا عيازنين..وعليكم السلام ورحمة الله وبركاته..
د.سارة:انزين بنات..بغيت اخبركم ان يوم الخميس راح اعطيكم امتحان..
البنات(طلعوا ضجة):لا دكتورة مانبي امتحان..
د.سارة(ابتسمت):اوكي..مو مشكلة..هالامتحان عليه 7 درجات..واللي يبيها..يقدمها..
وحدة:دكتورة واللي ماتبي تظلمينها وتاخذين منها السبع درجات؟
د.سارة(ابتسمت):شوفي حبيبتي..انا مابظلم حد..وكل وحده فيكم راح تاخذ قد تعبها وازود..بس انتي ماعطيتني فرصة اكمل كلامي..واللي ماتبي تمتحن..راح اكلفها بشي ثاني تسويه..علشان تاخذ السبع درجات..اتفقنا؟
البنات:اتفقنا..
وديمة:دكتورة هذي الطريقة بتمشين فيها على كل الامتحانات؟
د.سارة:لا..الفصل كله عليه 6 امتحانات من هالنوع..اما امتحان الميد تيرم فهو غير عنهم كلهم..عليه 15 درجة..ومحد يقدر يعتذر..الا بعذر طبي..ثاني شي الامتحانات اللي انا بعطيكم اياها..امتحانات من نوع ثاني..يعني بالعكس اللي بتقدم هالامتحانات بتكون محظوظة لأن هالدرجات بتساعدها وايد..مثلا مشاركتها قليلة هالدرجة ممكن تنقذها..حضورها قليل ممكن هالامتحانات تساعدها..مثلا مرة نست تسليم الواجب راح يعوضها هالامتحان بدرجة الواجب..يعني بيكون عندها رصيد درجات تقدر تستفيد منهم..
وحدة:دكتورة جذي محد راح يرسب عندج..
د.سارة:ومن اللي قالج ان انا محد رسب عندي؟..الفصل اللي راح رسبوا عندي خمس طالبات..المهم الرسوب ماهو بشي مهم نحب نسولف عنه..ولا ايش رايكم؟
البنات:بلا..
د.سارة:اذا خلونا نبدى..من الحين ابي اقولكم..انا ابي كل وحده منكم تسوي لي بحث..وهذا البحث لايقل عدد صفحاته عن 12 ورقة..واللي تبي تزيد تقدر تزيد لين 22 صفحة مو أكثر..ابي كل وحده تختار موضوع يخص مقررنا..وماعندي مانع اي وحده منكم تبي تستشيرني عن اختيارها للموضوع..وبتاريخ 20-4 يكون الريبورت جاهز ويسلم..بعد هذا التاريخ اللي يبي يسلمه يسلمه بس راح انقص 5 درجات عن كل يوم تأخير..فحرام تستغنين عن هالدرجات..وحاولوا تشتغلون فيه من الحين..تقدرون تستعينون بالكتب والانترنت واللي حاب يسوي استبيان يكون افضل..والاهم من هذا كله..ابي منكم صفحة كاملة..تكتبون فيها رايكم عن موضوعكم..وبعد شنو..اي..واللي حابة مثلا تستعين بشخصية مهمة ويخص موضوعها..تقدرون تسوون معاه لقاء وتاخذون منه معلومات..وبس..في حد عنده سؤال؟
وديمة:دكتورة يصير نسوي مجموعات؟
د.سارة:مجموعات لا..ابي كل وحده لها بحث بروحها..
وحده:دكتورة بس هذا وايد..مانقدر بروحنا..على الاقل يوم احنا مجموعات نقدر نسهل الموضوع على بعضنا..
د.سارة:انا فاهمتج..بس لا..ابي كل وحده تسوي هالبحث بروحها..وبعدين تعالوا..كلها 12 صفحة..عندكم شهرين..وبعدكم مابديتوا على الهم..انا ماعندي مشكلة..اللي ماتبيه لاتسويه..بس بتروح عنها درجات وايد..
وحدة:دكتورة كم عليه؟
د.سارة:6 على البحث و6 على الالقاء..
وحدة:القاء؟!!
وهم طالعين من المحاضرة.....
شيخة:ايش رايج بطريقتها؟
وديمة:بصراحة طريقتها وايد اوكي..واحسن من الباقي..وعجبتني يوم تقول عن رصيد الدرجات..يعني هالانسانة تقّدر تعب الطالب حتى انها ماتجبر حد على شي..
في مكتب أحمد..يدخل محمد.....
أحمد:غريبة مو من عادتك تيي هالحزة..
محمد:جاي اقدم هالورقة..
أحمد:شنهي هالورقة؟
محمد:اقراها..
أحمد(يقرأ):وليش؟
محمد:بس ابي ارتاح..
أحمد:ليش هو غثاك بشي؟
محمد:من ناحية غثاني هو غثاني..وملوع جبدي بعد..تقول مسؤول عني..
أحمد:خلني اوصل هالكلام للمدير..
محمد:لاحبيبي لامدير ولاوزير..خله مثل ماهو..ايش لي اقطع برزق الرجال..خله..انا ابي اريح شوي..
أحمد:شنو بتسافر؟
محمد:يمكن..
أحمد:بس انت توك معرس وماخذ اجازة..
محمد:يااخوي عندي رصيد اجازات ولله الحمد..خلني استفيد منهم..واحنا ايشقد بنعيش علشان خاشين هالاجازات..
أحمد:اللي يقول عمرك 50 سنة..
محمد:الموت مايعرف العمر..(يقوم)..لوقعها خبرني..
في المدرسة.....
ابلة العربي:شيماء..قومي روحي جيبي الدفاتر..
شيماء:عشتو صارت تتحجى عدل..
ابلة العربي:نعم؟
شيماء:ولاشي..خير ابلة؟
ابلة العربي:روحي جيبي الدفاتر..
شيماء:آسفة..
ابلة العربي:نعم؟
شمة:ابلة انا بروح عنها..اختي مسويه عمليه وماتقدر..
ابلة العربي:بس تعرفين تسولفين..
شيماء:والله هذا مايخصج..على الاقل بدل لاتقولين هالحجي وتشغليني من اول مارديت المدرسة..سألي عني تحمدي لي بالسلامة..قولي لي اخبارج بعد العملية..
ابلة:طلعي برع..
شيماء:ماني طالعة..شوفي انا تعبانة..وليحين فيني دوخة البنج..فمااقدر اسوي شي ولا اتكلم..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 30-12-2013, 09:55 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


متابعة فصل الـ 17





في السيارة......
وديمة:بابا..
بوسلمان:نعم..
وديمة:بابا لي متى بيظلون خالد وحمد مايكلمون بعض؟
بوسلمان:ايش تبيني اسوي؟
وديمة:انت ابوهم وتقدر تسوي اي شي..هذي مب حالة خالد عايش بصوب واحنا عايشين بصوب..
بوسلمان:انت تدرين حمد زين..
وديمة:ياسلام يعني لازم نمشي امورنا على هوى حمد..مايصير..
بوسلمان:اي بس هم خالد مب راضي يرد البيت..
وديمة:من اللي قالك ان خالد مستانس انه عايش بروحه..هو محتاج لنا واحنا محتاجين له..خالد اخونا..ليش الزمن صار جذي..
بوسلمان:هو قالج هالكلام؟
وديمة:لا..هو عمره ماتكلم..ولاقال شي..بس انا عندي احساس بهالشي..
بوسلمان:نزلي..وان شاء الله يصير خير..
في بيت بوراشد.....
بوراشد:وايش مسوية يامسودة الوجه..
شيماء(تكلم شمة):شوفي ابوي قاعد يسب..معليه..بابي..
بوراشد(عصب):تحجي عدل..
شيماء:يبه..انا ماسويت شي..والابلة هي مادانيني..يعني شسوي لها..هذي عندك شمة وأسألها..تخيل..
بوراشد:بس بس ماابي اسمع شي..خله يي راشد وهو يعرف اشلون يتصرف معاكم..
راشد وتميم (يدخلون):السلام عليكم..
الجميع:وعليكم السلام..
راشد:اشفيكم؟
ام راشد:تعال شوف اختك..شمسوية في المدرسة..
تميم:انت مداج تروحين المدرسة وتسوين شي؟
شيماء:انا ماسويت شي زين..
بوراشد:الا سويتي..وتجذبين بعد..
راشد:ايش صاير يبه؟
بوراشد:متصلين البيت وقايلين لازم ولي امرها يروح المدرسة..
راشد:ولي امرها مره وحده؟..ايش دعوة وين امي؟
بوراشد:والله الظاهر ان اختك مسويه شي..
شيماء:حراام عليكم..انا ماسويت شي..اوووه..(راحت)
بوراشد:وقفي يابنت..
شيماء(وقفت)
بوراشد:انت لي متى بتصيرين آدمية..جليلة الحيا..
شيماء راحت غرفتها وقعدت تصيح....وشمة قعدت تقول السالفة لراشد....
راشد:الحين انت ليش تصيحين؟
شيماء:احنا بيتنا مايعرفون كلمة طيبة..كل هواش ويعصبون..ولا بعد مايصدقوني..يحسبوني اجذب عليهم..اصلا هالمدرسة ماتدانيني شسوي فيها..والله..
راشد:لاتنسين اسلوبج مايعجب امي وابوي..
شيماء:يعني شسوي؟..بس سلطان لما يتكلم مااشوفهم يقولون له شي..ولا بس علشان احنا بنات؟
راشد:شيماء..ماابي اسمع هالكلام مرة ثانية..انزين..انتوا كلكم واحد عند امي وابوي..
شيماء:بالنسبة لك..مو بالنسبة حق امي وابوي..يعني والله العظيم هذاني حلفت اني ماسويت لها شي..هي اللي غلطت..يعني تخيل انا سويت عملية وماكو حد الا وزارني واتصل فيني وسأل عني..هذي ماعندها احساس..ولاحتى قالت لي حمدلله على سلامتج..
شمة:هي اصلا محترة من شيماء انها محبوبة عند البنات والمدرسات..صج انها تسوي حركات..بس والله يعني يستانسون عليها..ومحد يعلق عليها ويفشلها عند البنات غيرها..
راشد:يفشلها؟..ليش ايش سوت؟
شيماء:هذي البقرة؟
راشد:شيماء!!
شيماء:لأنها صج بقرة..انت ماتدري هي ايش سوت فيني اليوم..راحت قالت لي جدام البنات..اني انا مسوية عملية تجميل بخشمي..تخيل؟؟
راشد:تجميل؟
شمة:اي تجميل..احترت على شيماء انها ماسمعت كلامها..ورن الجرس وشيماء طلعت من الصف علشان ماتسمعها شتقول..الا هي تلحقها وجدام كل البنات اللي بصفنا واللي مو بصفنا ان شيماء مسوية عملية تجميل..وهي جذابة لامسوية لحمية ولا شي ثاني..وصارت تهينها جدام البنات..
راشد:وانت سكتي عنها؟
شيماء:انا ماسكت..انا رديت عليها وقلت لها اني ماسويت عملية تجميل..واذا مب مصدقتني روحي عند الممرضة وخلها تقولج الكلام المكتوب في العذر الطبي..جان تقول.....(سكتت)
راشد:ايش قالت؟
شمة:قالت..
شيماء:لا ياشمة..
شمة:لا بقوله..خله يدري..قالت لها ان انتي اخوانج دكاترة ويقدرون يزورون في الاوراق ويكتبون اللي يبونه..
راشد(عصب):هي قالت الحجي؟
شيماء:اي..
شمة:جدام الكل قالت هالحجي..
راشد:اوكي..انا اعرف شسوي فيها..
شيماء:ايش بتسوي؟
راشد:باجر هي عليكم؟
شيماء:اي..
راشد:اي حصة؟
شيماء:الثالثة..
راشد:حلو..وبعدها الفسحة؟
شيماء:اي..
راشد:خلاص انا على نهاية الثالثة بكون موجود في المدرسة..
شمة:بتيي؟
راشد:اي..وخلنا نشوف ايش تقدر تسوي..
شيماء:بس هي فشلتني جدام البنات..
راشد:ماعليج انا اعرف اشلون اتصرف مع هالاشكال..
شيماء:وامي وابوي؟
راشد:خليهم علي..وانتوا ألحين بدلوا ملابسكم ونزلوا تغدوا..ياللا..
نزل تحت حصلهم قاعدين.....
ام راشد:هاا يمه ايش قالت لك؟
راشد:بروح ابدل ملابسي وبيي اقولج مدرستهم شمسوية فيها..
بوراشد:يعني من الغلطان؟
راشد:مدرستهم..
بوراشد:وانت ايش دراك انهم مايقصون عليك؟
راشد:لييت اقولك السالفة بتعرف انهم مايقصون علي..
في غرفة بوسلمان....
ام سلمان:ايش قالت لك؟
بوسلمان:قالت لي عن حمد وخالد..انهم ليش على هالحالة ولي متى بيظلون جذي..وخالد بعيد عنا..
ام سلمان:وانت ايش قلت لها؟
بوسلمان:ولاشي..
ام سلمان:المشكلة لو كلمنا حمد بيعصب وبيطلع من البيت..ومايندرى وين يروح عند اي ربع..والولد جذي بيخترب..لكن خالد عاقل وعايش في بيته..وماعنده حركات مثل حركات حمد..
بوسلمان:صح كلامج..بس احنا غلطنا..اشلون سكتنا كل هالفترة..وخلينا حمد على هواه..
ام سلمان:تكفى يابوسلمان لاتجيب طاري هالسالفة حق حمد..خلنا نخلص شغلنا بألمانيا ونرد البلاد وعقب يصير خير..لأن لو قلت له شي ماراح يرجع معانا..وعقب اشلون بتدري عنه وهو بعيد عنك؟
بوسلمان:بس لازم نفكر بشي نسويه..
ام سلمان:ان شاء الله..بس مو الحين..
في بيت خالد....
خالد:تسلم والله ماتقصر..بس الوالدة سبقتك وطرشت لي الغداء..
عبدالله:يعني تغديت؟
خالد:لا ليحين..
عبدالله:خلاص اجيب غداء امي وغداء امك ونتغدى جميع..
خالد:انت ماتغديت؟
عبدالله:لا..قلت ايي اتغدى وياك دام انك بروحك..
خالد:ياللا عيل خلنا ناكل..(يقوم)
عبدالله:وين؟
خالد:ناكل..
عبدالله:فيك شدة؟
خالد:ايش دعوة عاد كلها سخونه وراحت..
فهد يشرب القهوة....
فهد:خلاص مشكور يابوحسين انت روح..
السكرتير يدخل...
علي:طال عمرك محمد وصل..
فهد:خله يدخل..
السكرتير:ان شاء الله..
دخل محمد وسلم وقعد...
علي:طال عمرك وصلتنا رسايل البنك..
فهد:عطني اياهم..في شي بعد؟
علي:وهذي رسالة وصلتنا بالبريد من الكويت..
فهد:شنو فيها؟
علي:دعوة لحضور مؤتمر..(يعطيه)
فهد(يقرأ):حلو..من تاريخ 3-3 لين 4-3..يومين بس..
علي:اي نعم يومين..
فهد:ممتاز..خلاص احجز لي تذكرتين سفر..لي ولمحمد..
علي:حاضر طال عمرك..تامرني بشي ثاني؟
فهد:لا..
طلع علي...فهد(يفتح الظرف ويقرأ رسالة البنك ويتصل على علي)
علي:نعم طال عمرك..
فهد:اسمع ياعلي..ابيك تنادي لي المحامي مبارك وتخليه يجي مكتب الوالد..
علي:الحين؟
فهد:عقب نص ساعة..
علي:حاضر..تامرني بشي ثاني..
فهد:حاليا لا..
فهد:انزين يامحمد..خلاص رتبت امورك؟
محمد:اي نعم..
فهد:قدمت استقالتك؟
محمد:اي نعم..
فهد:انزين بيتك بعيد ؟
محمد:شوي مب وايد..
فهد:انزين..انا ابي اعطيك بيت تعيش فيه انت وهلك فترة وجودك معاي بالشغل..
محمد:ليش ممكن اطلع؟
فهد:مني انا لا..يمكن انت يوم من الايام تطلع..
محمد:بس انا عندي بيت والحمدلله..
فهد:معليه يامحمد..هالبيت بيكون اقرب لك..وبعدين مو مشكلة..انت مب دافع عليه ايجار ولاشي..
محمد:بس طال عمرك هلي ماراح يوافقون يفضون البيت..
فهد:عادي اجروه..راح اخلي علي يعطيك العنوان..وابيك تجهز لي نفسك علشان نسافر..
محمد:شنو اقدر اسوي هناك؟
فهد:ابي اوديك معاي علشان تتعلم الشغل شوي شوي..ومكتبك جاهز قريب من مكتب طلال..طبعا انت تعرف ان طلال هو سكرتير المكتب..لكن علي هو سكرتيري الخاص..اللي يطلع على جميع الاوراق والاشياء الخاصة بالشركة..ابيك تكون عندك همة شغل..وان شاء الله شوي شوي بتحب شغلنا..
محمد:ان شاء الله..
فهد(يقوم):تعال معاي..
راحوا لمكتب علي...
فهد:ابيك تدليه على بيته الجديد..وركبوا لهم في البيت تليفون..اوكي..
علي:ان شاء الله..
فهد:انا رايح عند الوالد..
دخل مكتب ابوه...وسلم وقعد....
بوفهد:هلا والله بولدي فهد..
فهد:يبه ابيك بسالفة مهمة..
بوفهد:قول..
فهد:ابي اسحب كل حسابنا من البنوك..
بوفهد:ليش؟
فهد:لأنها بنوك ربوية..وحرام علينا نحط فلوسنا في بنوك ربوية..اشلون ربي بيبارك لنا بالفلوس وبيوفقنا وفلوسنا في بنوك ربوية..وبعدين من قلة الفوايد اللي ياخذونها؟
بوفهد:اي والله معاك حق..انا بعد كنت افكر بهالشي من قبل..لكن مافضيت علشان اقولكم..
فهد:يعني انت موافق؟
بوفهد:اي نعم موافق..باجر من الصبح روح البنك مع راكان..والا اقولك انا بيي معاك..بنروح جميع ونسحب فلوسنا من البنك..
فهد:بس بالاول بفتح حساب في البنك الاسلامي وعقب نسحب..
يدخل المحامي..ويقعد.......
مبارك:ليش؟
فهد:احسن لنا..
مبارك:بس طال عمرك هذي فيها خسارة..يعني بنخسر مبلغ..
بوفهد:معليه نخسر المبلغ ولااخسر آخرتي..
الساعة تسعة ونص الصبح...ينزل راشد من سيارته...ويروح عند الحارس....
راشد:السلام عليكم..
الحارس:وعليكم السلام..
راشد:ابي اقابل المديرة..
الحارس:لحظة شوي..
وعقب ماراح يستأذن الحارس من الادارة واخذ معلومات وبيانات راشد ودخل غرفة المديرة....
المديرة:تفضل..
راشد(يقعد):مشكورة..
المديرة:انت ولي أمر شيماء؟
راشد:انا اخوها نيابة عن الوالد..وجاي اشوف شالسالفة..وليش مستدعين ولي امرها..
المديرة:بصراحة يااخ راشد اختك شيماء ماهي اول مرة لها تتهاوش وياذ المدرسة..وصارت بينهم خلافات وايد والمدرسة تقول ان شيماء ماهي راضية تحسن اخلاقها معاها..
راشد:لو سمحتي..ابي اعرف السالفة اللي صارت آخر مرة..
المديرة:وليش ماتبي تعرف الحركات اللي كانت تسويها من قبل؟
راشد:اعتقد انكم استدعيتوا ولية امرها من قبل وجات وتفاهمتوا..انا الحين جاي علشان سالفة امس..ممكن اشوف المدرسة وابي افهم منها السالفة كلها..بس بالاول ابي اعرف هي ايش قالت لج؟
المديرة:هي تقول ان طلبت من شيماء تجيب لها غرض من مكتبها لكن شيماء مااحترمتها وماعطتها وجه واهانتها جدام الطالبات..ومثل ماتقول كعادتها..
راشد:بس انا سمعت غير جذي..
المديرة:وشنو اللي سمعته؟
في مكتب الدكتورة سارة.....
د.سارة:موضوع جميل..واختياركم في محله..
وديمة:دكتورة ليتج تخلينا قروبات..
د.سارة:قروبات لا..ابي اشوف شغل كل وحده بروحها..
شيخة:دكتورة بنقدم برزنتيشين؟
د.سارة:شور..مايبيله حجي..
وديمة:لا لاتقولين..وايد صعب..
د.سارة:مافي شي صعب..كل شي مقدور عليه..بعدين انا قايلة لكم ان الالقاء عليه 6 درجات..
في المدرسة....
المديرة:وشالي يثبت ان كلامها صحيح؟
راشد:شوفي..انا صحيح ان اختي تحب الغشمرة والتلعوز وتسوي شوية حركات..لكن ماتجذب خاصة في هالمواضيع..بعدين لاتنسين ان في طالبات وايد شهدوا على هالكلام..وتقدرين تروحين بنفسج وتتأكدين..
المديرة:من حقي يااخ راشد اتأكد ان كلام اختك صحيح او لا..
راشد:تأكدي..
المديرة(قامت):بستأذنك..بروح اتأكد على السريع وجايتك..حتى ماضيفناك..تشرب شي؟
راشد:ماي اذا سمحتي..
المديرة:ان شاء الله..عن اذنك..
وراحت المديرة واستعدت طالبتين من طالبات صف شيماء وطالبتين من صف ثاني...وردت المديرة غرفتها...وحصلت راشد يتكلم بالتليفون....قعدت....
راشد:لرديت البيت بقولك...دير بالك على نفسك...اي...لا سالفة وبخلصها ان شاء الله...فمان الله..
المديرة:اعتذر عن التأخير..واكيد أخرناك عن شغلك..
راشد:لا مو مشكلة انا اليوم ماخذ اجازة علشان شيماء..ايش صار؟
المديرة:تبين ان كلام شيماء صحيح..والمدرسة استدعيتها وهي جايه الحين..
راشد:وشنهو التصرف اللي راح تتصرفونه مع المدرسة؟
المديرة:راح أعطيها اول انذار كونها اغلطت في حق طالبه جدام الملئ وخالفت قوانين التدريس..
راشد:شوفي انا مايهمني اذا عطيتيها انذار او لا..المهم عندي..انها تعتذر من شيماء جدام الطالبات الي حضروا الموقف..
المديرة:نعم؟
راشد:اللي سمعتيه..هي اهانت شيماء واهانت اهلها اللي هو انا منهم..
المديرة:انت حضرتك دكتور؟
راشد:اي نعم..ومالها حق المدرسة تقول الكلام اللي قالته..لاتعتقدين اني دكتور واخوها اروح اعطيها اجازات ولا بعد اكتب اعذار من عندي..ترى مو انا اللي اخالف مهنتي..والكلام اللي انقال في حقي انا واخوي كلام قوي وانا مااسمح فيه..واللي ابيه منها انها تعتذر جدام الطالبات..مو جدام صف شيماء لا..جدام الكل اللي حضر الموقف..
يندق الباب...
أبلة العربي:السلام عليكم..
الجميع:وعليكم السلام..
المديرة:هذي مدرسة العربي..تفضلي ياهالة..
هالة(قعدت)
المديرة:هذا ولي امر شيماء..
هالة:كويس انك جيت..دي اختك مابتحترمنيش وبتحرجني جدام الطلبة..وبتقول كلام عيب..دنى ابلتها ومايصحش تقول كده..هو ايه قاعدين فين..
راشد:احنا قاعدين بمدرسة يااستاذة..بمدرسة تعلم الطلبة الادب والاخلاق والكلام الطيب..صح ولا لا؟
هالة:ااه صحيح..
راشد:ليش ماسألتي عن شيماء لما سوت العملية؟..ليش لما ردت المدرسة ماتحمدتي لها بالسلامة..اصلا ليش تطرشينها وانت عارفه انها تعبانة..
هالة:انا انا....ماكنتش عارفه انها تعبانة ..هي ماقالت لييش..
راشد:هي قالت لج..بس انت ماسمعتيها..او بالاحرى ماتبين تسمعينها..شوفي يااخت هالة..انت غلطتي بحق شيماء واهلها اللي هم احنا جدام البنات..وقلتي كلام ماينقال..
هالة:انا؟!!..قولت ايه؟
في مكتب عبدالله.....
عبدالله:اي بعطيكم واجب..
طالب:وايشقد عليه درجات؟
عبدالله:يعني الواجب الواحد عليه 5..
طالب:انزين استاذ بغيت أسألك..دكتورة سارة ماراح تدرس البنين كلش؟
عبدالله:ليش تبونها؟
طالب:دكتور سمعتها واصلة عندنا واتمنى انها تدرسنا..يقولون عليها طريقة في توزيع الدرجات والشرح غير عن البقية..
عبدالله:والله حاولنا معاها..لكن هي ماتبي..
طالب:ليش؟
عبدالله:يعني هي ماتبي..ليش انت عند من ماخذ هالمقرر؟
في المدرسة.....
هالة:انا لايمكن اعتزر لحد..
راشد(قام):ممكن تنادين شيماء..
المديرة:شيماء موجودة بس هي برع..الحين بناديها..
اتصلت المديرة على الموظفة الاستقبال تطرش شيماء...وشيماء جات ودخلت...وحبت راس راشد جدام المديرة والمدرسة....
راشد:شوفي..هذا شيماء جدامج وجدام المديرة..شيماء..
شيماء:نعم؟
راشد:ماابي اسمع من اليوم ورايح اي حد يشتكي انج تراددين مدرسة..او ترفعين صوتج على حد..
شيماء:ان شاء الله..
راشد:وانت يامدرسة..مثل ماقلت تعتذرين لها جدام الطالبات..
شيماء(انصدمت من كلام راشد)
هالة:انا لايمكن اعملها..
المديرة:ابلة هالة..
هالة:لا ياست المديرة..انا لايمكن اعتزر لها جدام البنات..لي انا ماقلت لهاش حاقة..
شيماء:الا قلتي..والبنات يشهدون على كلامي..
هالة:انت كذابة..
راشد(عصب):لو سمحتي..مالج حق تقولين لها هالحجي..المديرة جدامج وهي عارفه ان شيماء ماهي جذابة..
المديرة:اي نعم..انا سألت عدة طالبات وقالوا لي نفس كلام شيماء..
هالة:وانت بتسدقي البنات؟؟
المديرة:مااعتقد ان كل البنات يجذبون..
هالة:ياسلام وانا اللي بكذب؟...طيب..على العموم ياست المديرة مش انا اللي تعتزر..
المديرة:انا مضطرة اتخذ اجراء ثاني..
راشد:انا مابغيت ان ينقطع رزقج..ولا تاخذين انذار مثل ماقالت المديرة..علشان مصلحة شغلج..لكن الظاهر انت ماتبين..لو سمحتي..انا ابي اسحب ملفات خواتي وبنتي من المدرسة..
شيماء(فجت عيونها وهي مستغربة من كلام راشد)
راشد:مو انا اللي انهان وينهان اخوي وخواتي جدام الناس علشان وحده ماتعرف معنى التدريس..ياخسارة اذا في مدرسات من هالانواع في المدارس..
المديرة:لا يادكتور راشد وين تاخذ ملفاتهم..عطني فرصة احل الامور اليوم..وباجر بعطيك الرد..
راشد:انزين..مو مشكلة..بس باجر تردين علي..ورقمي عندج..واذا تسمحين ابي آخذ شيماء لأن عندها موعد..
المديرة:وشمة؟
راشد:آخذها ليش مااخذها..انا رايح السيارة..لبسي عباتج ياشيماء وخبري اختج وسلوى وتعالوا..
شيماء:ان شاء الله..
راشد(لف):واذا تبون تتأكدون ان شيماء عندها موعد عادي..بعطيكم كرت مواعديها..
المديرة:محشوم يادكتور راشد..
راشد:مع السلامة..
المديرة:مع السلامة..
شيماء(راحت وهي مستغربة انا عندي موعد!!)
المديرة:احرجتيني ياهالة جدام الريال..
هالة:ياسلام..وانا اييه..بكل سهولة اروح واعتزر للبت ليه؟
المديرة:انت غلطتي بحقها..
هالة:انا ماغلتطش..
المديرة:هالة لاتحديني على شي انا مااحب اسويه..
هاله:يعني عاوزة تعملي ايه؟
المديرة:راح استغنى عن خدماتج..انت خالفتي قوانين التدريس..ولاتنسين انج وقعتي على ورقة القوانين وانت قاريتهم وحده وحده..وفي قانون ينص على ان لايسمح للمدرسة بأن تهين الطالبة او عائلتها لأي سبب كان وحتى لو تصرفت الطالبة بشكل غير لائق..صح ولا لا؟
في السيارة...
شيماء:بوعيسى..انا عندي موعد اليوم؟
راشد:اي..
شيماء:وين؟
راشد:علشان خشمج..
شيماء:وليش ماقلت لي؟
راشد:نسيت..اليوم الصبح تذكرت..
شمة:واحنا ايش بنسوي بنقعد في السيارة؟
راشد:لا تعالوا ويانا وقعدوا بالانتظار..
في مكتب فهد...يدخل السكرتير.....
علي:طال عمرك اتصلوا فيني من المشروع ان في واحد من المهندسيين صاده ضربة شمس واغمى عليه..
فهد(بكل اهتمام):ضربة شمس!!..ومن هالمهندس؟
علي:ماخبروني..بس قالوا لي ان في مهندس صادته ضربة شمس..
فهد:اتصل فيهم بسرعة..وأسأل عنه..واذا جابوا له دكتور..
علي:ودوه المستشفى..
فهد:هو في المستشفى؟
علي:اعتقد..ماعطوني معلومات..
فهد:اتصل من مكتبي..
علي(اتصل):السلام عليكم...بغيت أسأل يامصطفى..من المهندس اللي تعب؟......يوسف؟!..
فهد(خذ السماعة):آلو مصطفى..ايش صار بالضبط؟.......انزين.........ومن اللي اتصل بالاسعاف؟.......زين سويت.......وهو الحين بالمستشفى؟......في حد وياه؟.......اوكي خلاص..مع السلامة..(يقوم)...بروح له..اذا صار شي ولا شي اتصل فيني..
علي:حاضر طال عمرك..
في مكتب عبدالله......
د.سارة:السلام عليكم..
عبدالله:وعليكم السلام..هلا دكتورة حياج..
د.سارة:ماني ماخذه من وقتك..لأني مشغولة بعد..بس جايه على طلبك..
عبدالله:المفروض انا اللي اجي..بس مااقدر امركم لأن اليوم مشغول وايد..
د.سارة:مو مشكلة..خير ان شاء الله؟
عبدالله:تفضلي قعدي..
د.سارة(قعدت):لحد من الطلاب جاك لاتقول انا من..
عبدالله:اوكي..تفضلي هذي الورقة..
د.سارة(قرت):وشسوي فيها؟
عبدالله:تعرفين كم عدد الطلبة؟
د.سارة:قريت 60 طالب..
عبدالله:لحد هاليوم والطلبة يترجوني..
د.سارة:يا أستاذ عبدالله انا فعلا مااقدر..الا قول مستحيل..انا قلت لك من قبل ووضحت هالشي ان ظروفي صعبة..ومااقدر..
عبدالله:انا ماقلت لج تعالي علشان هالسالفة..بس هذي الورقة كانت عندي وحبيت اني اوصله..لأن لو جاوا وسألوني عنها على الاقل اقول اني وصلتها لج..عندي هذا المشروع..(يمد يده)..
د.سارة:انشطة طلابية؟
عبدالله:اي نعم..تشاركينا؟
د.سارة:يبيلي أقرأ الفكرة علشان اقدر اقرر..
عبدالله:على راحتج دكتورة..
د.سارة(قامت):خبر الطلبة..وقول لهم..لايفكرون في هالموضوع وايد.. عن اذنك..
يدخل واحد من الطلبة.....
الطالب:أستاذ عبدالله..
عبدالله:نعم..
الطالب:هذي الدكتورة سارة؟
عبدالله:وانت اشلون عرفت؟
الطالب:سمعت حد يناديها..ليش حتى ماتعطينا ويه؟
عبدالله:وانتوا ايش تبون فيها؟
في المستشفى....
فهد:حمدلله على السلامة..
يوسف:الله يسلمك..ليش مكلف على عمرك وجاي..ترى ماصار شي..
فهد:ماصار شي..وانت بالمستشفى..المهم جات سليمة..
محمد:اي الحمدلله..
فهد:أنت محمد أخوه؟
محمد:اي..
فهد:ماشاء الله عليكم تتشابهون..ايش قالك الدكتور؟
يوسف:ولاشي..ضربة شمس..
فهد:انزين عندك اجازة يومين..لاتداوم فيهم..
يوسف:مايحتاي طال عمرك..لين باجر بصير احسن..
فهد:لا..انا ابيك ترتاح..انت الفترة اللي راحت وايد تعبت..وبعدين تعال ليش واقف تحت الشمس اليوم؟..على اساس خلصنا البنيان..
يوسف:في خطأ كان صاير العمال سووا شي من عندهم..وتوني اليوم اكتشفته..
فهد:خلاص لرديت الشغل بالسلامة..عطني تقرير عن الخطأ..وماتشوف شر..ياللا فمان الله..
يوسف:فمان الله..
محمد:ماشاء الله عليه مديرك..خووش ريال الا قول خوش مسؤول..ياليت كلهم مثله..الحين انت يقولك اجازة يومين..وانت تقول لين باجر بيصير زين..صج ماعندك سالفة..
يوسف:جذي يامحمد الشغل بيوقف..لازم نخلص علشان موعد الافتتاح قريب..
محمد:انت ماقلت لي..ايش صار على مشروعي؟
يوسف:انت كلمت ربعك؟
محمد:لا..
يوسف:كلم ربعك بالاول وعقب انا بفاتحه بالموضوع..
عبدالله يصف سيارته..ويدخل البيت....
عبدالله:السلام عليكم..
ام عبدالله:وعليكم السلام ورحمة الله وبركاته..حيالله ولدي..
عبدالله:يعطيج العافية يالغالية..
ام عبدالله:الله يعافيك يابعد عمري..ليش راد اليوم بدري؟
عبدالله:عندي محاضرة الساعة 3 قلت أستأذن وايي اشوف هالوجه المنور اللي يشرح الصدر وأتغدى معاج واروح..
ام عبدالله:فديت عمرك يايمه..عساني ماانحرم منك..
عبدالله:غداج زاهب؟
ام عبدالله:زاهب يايمه زاهب..
عبدالله:حسنة ماردت صح؟
ام عبدالله:لا..
عبدالله:انزين انا بروح ابدل ملابسي وبيي اساعدج..
ام عبدالله:لا يمه روح ريح لك شوي لين ماتوصل اختك ونتغدى..
عبدالله:ان شاء الله..
في بيت بوفيصل...ام فيصل قاعدة ويابوسلمان....
ام فيصل:طمني عنكم ياخوي اشلون حياتكم مناك؟
بوسلمان:والله ياام فيصل الحياة من غير ديرتج وعيالج ماتسوى شي..الا قولي مالها طعم ولااحساس بالحياة..طول ماانا هناك وافكر بوديمة..وافكر بصحتها واشلون تمشي امورها..
ام فيصل:يااخوي..لاتشغل بالك وايد بوديمة..صحتك اهم من كل شي..ترى وديمة كبرت وبسن زواج لاعاد تخاف عليها..هي عاقلة وتعرف اشلون تتصرف..وصارت تهتم بصحتها اكثر من اول..شيخة دايما تقولي ان وديمة تغيرت من ناحية العلاج..مو مثل اول..وهذا الشي وايد زين..
بوسلمان:بس يوم طاحت عقب عرس شيخة وايد خفت عليها..
ام فيصل:يااخوي..هي طاحت من التعب وقلة الاكل..مو معناته ان هي سوت شي بعمرها وماخذت ادويتها ولا خالد قصر معاها..يااخوي قلل خوفك عليها ترى هالشي ينقلب عليك..وانت عارف ان وديمة كم مرة تزاعلت وياك بهالسبة..
بوسلمان:الله يشافيها ان شاء الله..
ام فيصل:ان شاء الله..قولي اشلون الجو هناك؟
بوسلمان:حلو..مرة الجو يكون برد وامطار..ومرة حر..
ام فيصل:شفتوا الثلوج؟
بوسلمان:اي ووديت العيال ولعبنا جميع..
ام فيصل:حلو..
بوسلمان:انتي ليش ماتسافرين وياريلج ..تدورون شوي..فيصل يدرس برع وشيخة تزوجت..يعني عيشوا حياتكم..
ام فيصل:ان شاء الله هالسنة رايحين الحج..
بوسلمان:ماشاء الله..هذي ثاني مرة لكم..
ام فيصل:ان شاء الله..
بوسلمان:صج سمعت ان جبر ونجلاء زاروكم؟
ام فيصل:اي والله..وكان في خاطرهم يشوفونكم..بس ماصار..انت تدري شغل جبر..
بوسلمان:انا بعد كان ودي اشوفهم..
على طاولة الاكل....
عبدالله:ياسلام عليج يايمه..زفرة السمج لذيذة..يعني عليج طريقة بطبخ السمج غير عن كل مكان..
ام عبدالله:بعد عمري والله..عليك بالعافية..الا ماقلت يمه راجعت علشان موضوع الزواج؟
عبدالله:اي..وقالوا لي راجعنا عقب اسبوعين..لو احصل واسطة وايد زين يمكن يستعجلون شوي..
ام عبدالله:ماتعرف حد هناك؟
عبدالله:ماادري بسأل..
ام عبدالله:ان شاء الله خير..ربي ييسر ويسهل الامور..
في السيارة.....
وديمة:أقول حمد..
حمد:خير؟
وديمة:ايش رايك لو خالد يرد البيت؟
حمد:عادي خله يرد..بس انا مب تام..
وديمة:اي عاد ليش؟
حمد:جذي مزاج..
وديمة:بس خالد اخوك..
حمد:لا..زين قلتي لي تصدقين ماكنت اعرف..شوفي وديمة هالحجي مايخصج ولاتدخلين بينا..
وديمة:يااخي انت ماودك نقعد كلنا جميع مع بعض..
حمد:بلا..بس من غير خالد..
وديمة:بس خالد اخوك..يعني منك وفيك..
حمد:ودوم سكتي احسن لج ولا اردج الجامعة..
الساعة 4...تتدخل شيخة غرفتها وتنسدح على السرير...تتصل....
شيخة:مساء الانوار..
فارس:مساء الانوار..اشلونج؟
شيخة:مشتاقة..
فارس:انا بعد..
شيخة:عندك حد؟
فارس:توني لبست البالطو..وشوي بيدخل المريض الاول..
شيخة:انزين ماني معطلتك..بس بغيت اقولك..وانت راد البيت بالسلامة جيب وياك اوراق a4..محتاجتهم ضروري..
فارس:من عيوني انت تامرين..تبين شي ثاني؟
شيخة:اممم..حاليا لا..اي صح..احتمال ارقد..على الساعة خمس ونص قعدني..
فارس:ان شاء الله..ياللا الحين بسكر لأن في مريض دخل..مع السلامة..
المريض(يسلم):كيف حالك دكتور؟
فارس:الحمدلله..حياك تفضل...(يقرأ الملف)...الحارث؟
الحارث:اي نعم..
فارس:كيف حالك؟
الحارث:طيب الحمدلله..
فارس:ماشاء الله اسمك حلو..
الحارث:تسلم..
فارس:انزين يالحارث..عطنا مما لديك..شنهي مشكلتك الصحية؟
الحارث:والله دكتور صار لي فترة متأذي من شي طالع لي في جسمي..
فارس:شي شنو؟
الحارث:ماادري حبة كيس دهني..ماادري..نصها طالع برع ونصها داخل..وشكلها غريب..
فارس:ولونها؟
الحارث:لونها بني غامج..
فارس:وتطلع منها افرازات؟
الحارث:لا..
فارس:تعورك؟
الحارث:مب وايد..بس وجودها مأذيني..
فارس:من متى طالعة لك؟
الحارس:يعني تقدر تقول...تقريبا 5 شهور..
فارس:خمس شهور وتوك جاي؟
الحارث:كل مرة اقول بيروح..بس الظاهر انه فيه عيب..
فارس:على العموم انا بشوفك الحين وبنشوف ايش سالفته..كم عمرك يالحارث؟
الحارث:29 سنة..
فارس:اوكي حياك علشان نشوفك..
في بيت بوسلمان...
وديمة(تقوم):يمه انا بروح ارقد..الساعة 6 ونص قعديني..زين؟
ام سلمان:ان شاء الله..
بوسلمان:متى آخر مرة كان موعدج؟
وديمة:قبل ثلاث اسابيع..
بوسلمان:وايش قالج الدكتور؟
وديمة:الحمدلله كل شي اوكي..
شيماء وشمة قاعدين في الغرفة وكل وحده ماسكه لاب توبها...
شمة:تهقين المديرة ايش بتسوي في هالة؟
شيماء:والله ياليت ماتطلع من المدرسة..
شمة(استغربت):غريبة..ايش تبين فيها..من حلاتها ولا من حلاة دروسها ولا اخلاقها؟
شيماء:معليه..بس ابيها تكون موجودة علشان اوريها من شيماء..
شمة:يعني ايش بتسوين؟
شيماء:معليه كل شي في وقته حلو..معاليج منها..تعالي شوفي شمطرش لي..
شمة:من؟
شيماء:من هالدعلة..
شمة:شيوم لاتقولين عنه جذي..تراه مزيون..
شيماء:من حلاته..اخواني احلى منه بوايد..
شمة(تقعد جنبها وتقرأ):ياسلام..مانقدر على الرومانسية..
شيماء:مالت عليه..مايستحي..
شمة:تحصلينه يحبج..
شيماء:حبه برص قولي آمين..تدرين ايش بسوي..بطلع من المنتدى..
شمة:لا شيوم..نو بلييز..لاتسوينها..
شيماء:مع ان والله يصعب علي اهده..والبنات اللي تعرفت عليهم..واو فديتهم..احبهم..وتعلقت فيهم..
شمة:الا قولي متعلقة فيه..
شيماء(عصبت):جااب زين..قومي وخري عني..مع وجهج ماتستحين.قومي..
شمة(قامت):لاتعصبين بروح..(طلعت وسكرت الباب)
تحت ام راشد قاعدة وياريلها يسولفون....
شمة(قعدت)
ام راشد:وين اختج؟
شمة:فوق..
ام راشد:مامريتي شيخة؟
شمة:بلا دقيت عليها الباب ماردت..قلت يمكن راقدة ولاشي..
ام راشد:يمكن..
شمة:يبه..
بوراشد:خير؟؟
شمة:ابي فلوس..
بوراشد:حق وشو؟
شمة:ابي اسجل بدورة الفوتوشوب..
بوراشد:وشو ذي فوشوب؟
شمة:اسمه فوتوشوب..برنامج تصميم وديزاين يبه..
بوراشد:وايش لج بهالاشياء؟
شمة:يبه في خاطري اتعلم..
بوراشد:لجى اخوج راشد يصير خير..
عيسى(يدخل ويسلم عليهم):اشلونك يدي؟
بوراشد:بخير يايبه..انت وينك فيه ماتبين..
عيسى:شسوي يبه الجامعة تلهينا عنكم شوي..اخبارج جدتي؟
ام راشد:بخير فديتك..شمة قومي جيبي حق عيسى عصير..
شمة:من قدك ياعيسى يهتمون فيك كالعادة..
ام راشد:روحي يابنت..
شمة:ان شاء الله..



ياترى مدرسة شيماء بتعتذر؟؟

ولي متى بتظل علاقة حمد بخالد جذي؟؟

ومن هي الشخصيات اللي راح تمر بعيادة راشد وفارس؟؟

وكيف راح يتعاملون مع هالشخصيات؟؟

ووديمة شالجديد في حياتها؟؟

وشيخة؟؟ وعبدالله؟؟ محمد؟؟ خالد؟؟

وفهد؟؟

انتظروني بأحداث جديدة مكملة في فصل جديد


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 30-12-2013, 10:06 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


" الفصل الـ 18 "




في غرفة شيخة....يرن تليفونها....تقوم......
شيخة:آآلو..
فارس:مساءج ورد..
شيخة:فارس..
فارس:اشفيج؟
شيخة:ولاشي..بس راقدة..
فارس:صار لي متصل فيج ثلاث مرات..وليش ماقمتي؟
شيخة:ماسمعت التليفون..
فارس:انزين حبيبتي قومي وتوضي علشان تصلين المغرب والعشاء..
شيخة:ليش الساعة جم؟
فارس:الساعة 8 وخمس دقايق..
شيخة(قامت):من صجك؟؟
فارس:اي ياللا قومي..
شيخة:وانت متى راد؟
فارس:بقى لي آخر مريض..اخلص وبرد ان شاء الله..تبين شي؟
في بيت خالد....
وديمة:انا بخير..انت اشلونك؟
خالد:الحمدلله..شتسوين؟
وديمة:عندي اسايمنت وقاعدة احله..
خالد:درسي عدل..ابيج هالفصل تجبين كل ايهات..
وديمة:ان شاء الله..خالد ليش ماتيي عندنا..على الاقل تعشى ولاتغدى معانا..
خالد:يصير خير..ياللا بسكر الحين..ربعي عندي....مع السلامة..
محمد:خالد ترى جذي مايصير..انت لازم تقعد وياهلك..يااخي حرام عليك..تراهم محتاجين لك..
خالد:ممكن نغير الموضوع..
محمد:ترى اخوك بعده مايعرف شي..ومرده بيتحسف..
خالد:محمد تكفى غير الموضوع..مااحب اتناقش في هالسالفة..
محمد:ليش؟
خالد:جذي..ليش احمد تأخر؟
محمد:كيفه..(يقوم)
خالد:وين؟
محمد:مااحب اقول..
خالد(تضايق وسكت)
محمد(راح يشرب ماي ورد حصل خالد قاعد وعينه بالارض والتلفزيون مسكر):ليش بندت التلفزيون؟
خالد(قام وراح غرفته)
محمد(عرف انه تضايق راح وراه):أنا آسف اني تتدخلت بخصوصياتك..ماكان قصدي..
خالد:ماله داعي تعتذر..احنا اخوان ومابينا هالشي..
محمد:دام احنا اخوان..اشفيك زعلت؟
خالد:زعلت من نفسي..لأني عنيد..
محمد:انت مو بس عنيد..انت تتهرب من مشاكلك ياخالد..
خالد:اتهرب؟!!
محمد:اي نعم..يوم انك ماتحب تسمع هالسالفة وتسكت الكل..انت تتهرب علشان ماتحل هالمشكلة..لاتعتقد ان امك ولا ابوك عاجبهم حالك..لو كنت متزوج جان محد حاسبك..بس انت عزوبي..ولازم تعيش بين اهلك..تراهم بحاجتك..ولاتخلي خلافاتك بأخوك تحرمك من الجو الاسري..ترى بيي يوم وبتتحسف..
خالد:بس حمد مايبيني..
محمد:هذي مشكلته..
خالد:انت تقول هالشي لانك ماتعرف شي..لو انا رديت البيت حمد بيطلع..والله يعلم وين بيروح..خاصة ان ربع حمد ينخاف منهم..
محمد:عيل جذي انت لازم تحسن علاقتك فيه..
خالد:هو مايبي يشوفني تقولي حسن علاقتك فيه..
أحمد(يدش وينادي):وينكم؟؟
محمد:احنا هني بالغرفة..
أحمد(يدخل):شتسوون هني؟
محمد:جبت العشاء؟
أحمد:اي..ياللا قوموا قبل للأكل يبرد..
محمد:ياللا خالد..
باجر الصبح بيوم جديد الساعة 7 في سيارة جبر....
نجلاء(تتثاوب بصوت عالي)
جبر:هييي..انتي حتى التثاوب عندج يخرع..وين الانوثة فيج؟
نجلاء:اووه..شو اسوي نعسانة..
جبر:من قلة النوم..
نجلاء:هيه..عيل شو؟..انت ماتدري اني ادرس طب..والطب مافيه رقاد..
جبر:زين زين..سكتي..ترى رمستج مو حلوة وتجيب المرض..
نجلاء:انا؟!!..الله يسامحك..ماني رادة عليك..
جبر:لا ردي..
نجلاء:جبر فديتك..
جبر:خير شو تبين؟
نجلاء:فديت اخوي..شو رايك نزور الدوحة..والله مشتاقة لها..
جبر:لا..
نجلاء:دخيلك جبر..
جبر:لا يعني لا..
نجلاء:يااخي انت شو ماعندك احساس..
جبر:لا ماعندي..انت لو تذاكرين يكون احسن..
نجلاء:مااريد زين..
في مكتب عبدالله...يرن تليفون المكتب......




عبدالله:السلام عليكم......هلا دكتورة.....بخير انت اشلونج؟......انزين وايش قلتي؟.....اوكي.......حلو......خلاص اذا جذي راح ابدأ بتنفيذ المشروع.....بالاول نسوي اعلان علشان نجمع الطلاب......اي انت.....لا يادكتورة انا اخترتج تكونين انت المسؤولة عن قسم البنات.....صدقيني ماني محصل احسن منج.....خلاص اوكي لخلصت بطرشه لج بالايميل....ان شاء الله مع السلامة..
يندق الباب....
صقر:السلام عليكم..
عبدالله(قام يسلم):وعليكم السلام..هلا والله..اشلونك؟
صقر:بخير..انت اخبارك؟
عبدالله:احنا بخير..حياك تفضل..
صقر(يقعد):زاد فضلك..اشلونك طمني؟
عبدالله:بخير الحمدلله..انت اشلونك واخبار امورك؟
صقر:اموري طيبة..ملجت؟
عبدالله:لا ليحين..ان شاء الله قريب..
صقر:ان شاء الله..
عبدالله:الله جابك ياصقر..
صقر:خير؟
عبدالله:دام ان عندك خبره في الكمبيوتر والفوتوشوب وهالشغلات ابي منك مساعدة..
صقر:انت تامر..
عبدالله:تسلم..بالاول نضيفك وعقب نتكلم..
في مكتب فهد....
فهد:علي هاك الشيك ولما يوصل مبارك عطه..
علي:حاضر طال عمرك..
فهد:وقول حق محسن خله يروح كيوتل يدفع فواتير الشركة..
علي:حاضر..
فهد:واذا وصلك ايميل من بلجيكا قولي..
علي:ان شاء الله طال عمرك..تامرني بشي ثاني..
فهد:قلت من يبي يقابلني؟
علي:واحد عنده مشروع..
فهد:خله يدخل..
في المستشفى....راشد وفارس يتلاقون..في قسم العمليات......
راشد:هاا اشلون كانت عمليتك؟
فارس:زينة..وانت؟
راشد:تعبت فيها وايد..المريضة صغيرة عمرها 10 سنين وتلعوزت وياها وايد لأنها كانت خايفة..وعمليتها دقيقة..انت تدري الصغار يختلفون عن الكبار..
فارس:معاك حق..
راشد:ايش رايك نروح الكافتيريا نشرب لنا شي..
فارس:ياللا..
وهم يشربون...
راشد:أخبار زوجتك؟
فارس:الحمدلله..
راشد:واشلون العيادة وياك؟
فارس:الله يخليك لي يابوعيسى..ماادري اشلون ارد لك هالجميل..
راشد:يعني انت مستانس؟
فارس:مستانس وبس..الا قول فرحان وسعيد بشكل ماتتصور..
راشد:اذا انت مستانس ومرتاح هذا الشي يفرحني..وكل مااشوفك تشتغل وتصير دكتور مثالي هذا يعتبر رد الجميل بالنسبة لي..
فارس:ماتقصر ياخوي..عسى عمرك طويل..ونفرح بعيالك..
راشد:آآمين..
فارس:متى بيتخرج عيسى؟
راشد:ان شاء الله هالفصل آخر فصل له..
فارس:الله يوفقه..وبيتشغل في ام سيعيد؟
راشد:ان شاء الله..
فارس:قدم اوراقه؟
راشد:اي نعم..وهالفصل بيروح يتدرب عندهم..لين مايتخرج ان شاء الله..
في الجامعة...الدكتور يلم اغراضه ويسكر اللاب توب.....
شيخة:دكتور الله يخليك أجل لي الامتحان..صدقني مااقدر امتحنه هالاسبوع..
الدكتور:ليش؟
شيخة:دكتور عندي كويز عقب يومين..وعندي موعد بيوم امتحانك..صدقني مااقدر..وانا صحتي هالكورس مو لين هناك..تعبانة..
الدكتور:انت شاسمج؟
شيخة:شيخة..
الدكتور:سمعي ياشيخة..سالفة اني أجل الامتحان صعبة..انت حاولي تدرسين..وبشوف درجتج..
شيخة:دكتور تكفى..صدقني مااقدر..
الدكتور:هذا اولها..
شيخة:دكتور انا درجاتي زينة بكل المواد..لكن انا شرحت لك ظروفي..
الدكتور(مسك شنطته):عندي شغل..ومااقدر اتناقش..عاد خلينا نشوف درجتج ياوديمة..
وديمة(استغربت):انا؟!!
الدكتور:اي نعم..احس انج شاطره..
وديمة(ابتسمت بداخلها)
الدكتور:وانت ياشيخة..ذاكري وعقب بنشوف سالفتج..
وراح....
شيخة:صج انه سخيف..انا الغبية اللي ماخذه عنده..أففف..
وديمة:انت ذاكري وربي بيوفقج..
شيخة(شوي وبتصيح):ودوم سكتي عني..
وديمة:انزين عطيه عذر طبي من المستشفى..
شيخة:اخاف مايعيد لي الامتحان؟
وديمة:حاولي وياه..
شيخة:خلنا نمشي من هني قبل لأطلع حرتي بحد..
يرن تليفون شيخة....
شيخة:وعليك السلام....وينك برع؟....ياللا جايه..باي..
وديمة:بتروحين؟
شيخة:فارس عند الباب..ياللا باي..
وديمة:بااي..
ركبت السيارة....
فارس:اشلونج حبيبتي؟
شيخة:بخير..
فارس(لاحظ عليها ان فيها شي):شيخة فيج شي؟
شيخة:لا..
فارس:تعبانة؟
شيخة:لا..
فارس:انزين ايش رايج نروح نتغدى بمطعم؟
شيخة:لا..ابي ارد البيت..ابي انام..
فارس(استغرب تصرفاتها وكلامها)
يرن تليفون شيخة....
شيخة:آلو..
نجلاء:ياعلني افدى هالصوت..حبيبة قلبي..
شيخة:هلا خالتووو..اشلونج؟
نجلاء:بخير حبيبتي..طمنيني عن علومج..
شيخة:علومي؟
نجلاء:شيخوه اشفيج..صوتج فيه شي..انت وينج فيه؟
شيخة:بالسيارة..
نجلاء:مع من؟
شيخة:ويافارس..
نجلاء:انزين ارمسي شو بلاج؟صاير شي فديتج؟
شيخة:لا..
نجلاء:ماتبين تحجين وريلج عدالج؟
شيخة:اي..
نجلاء:خلاص عقب بارمس وياج..ديري بالج على نفسج حبي..وهالله هالله بعمرج..
شيخة:ان شاء الله..سلمي على خالي..
نجلاء:يوصل فديتج..مع السلامة..
شيخة:مع السلامة..
دخلوا....
فارس:ياللا بدلي ملابسج وخلنا نروح نتغدى..
شيخة:لا فارس انا ماابي اتغدى..
فارس:ليش؟
شيخة:ابي انام..نعسانة..علشان اقوم بدري وادرس عندي كويز عقب باجر..
فارس:اي بس مايصير ماتغدين..
شيخة:معليه فارس..انا حاليا مب جوعانة..
فارس:تبين اقولهم يجيبون لج الغداء فوق؟
شيخة:لا..
فارس:خلاص على راحتج..بروح اتغدى..
قعدت شوي ويانفسها وهي تفكر..عقب بدلت ملابسها...وقعدت على السرير...تدور على ورقة في شنطتها رن تليفونها....
شيخة:هلا خالتي..
نجلاء:هلا فديتج..هاا ريلج وينه؟
شيخة:راح يتغدى..
نجلاء:وانت؟
شيخة:مااشتهي خالتو..تعبانة ومتضايقة..
نجلاء:ليش؟؟..صاير لج شي؟
شيخة:خالتوو..انا هالفصل شكله معدلي بينزل..وبانطرد من الجامعة..
نجلاء:بسم الله عليج فديتج..ليش تقولين هالرمسة؟
شيخة:تعبت ماني قادرة اسوي شي..بسبت الحمل ماتتخيلين ايش كثر تعبانة من الحمل واللوعة اللي فيني..وكل مايسألني فارس اقوله بخير..مافيني شي..وفارس اصلا مااشوفه بسبت شغله..والدكاترة مسكرينها علي هالكورس..محد معطيني وجه..تعبانة ياخالتي..
نجلاء:ماانت اول وحده تزوجت وهي تدرس..
شيخة:بس انا غلطت ماكنت المفروض اتزوج الا وانا متخرجة..
فارس(واقف وراها وهو يسمع ومصدوم من هالجملة اللي صدمته رمى تليفونه بقو على السرير)
شيخة(تخرعت من التليفون اللي طاح على السرير ويوم لفت انتبهت عصبية فارس بعيونه دخل غرفة الملابس):خالتي بسكر وبكلمج عقب....بعدين باي..(قامت وراحت له)...فارس..فارس اشفيك؟
فارس(كان يلبس قميصه)
شيخة:فارس تكفى رد علي..انت مب فاهم شي..ماتعرف شالسالفة..تكفى فارس وقف اسمعني..
فارس يلبس وهو ساكت وميود عمره..
شيخة:فارس حبيبي تكفى رد علي..قول شي..
فارس خذ تليفونه وطلع بسرعة من الغرفة..
مر من الصالة حصل راشد يشرب شاي وياامه وابوه...
راشد:وين؟
فارس(وقف):بروح العيادة..
راشد:ليحين بدري..بقى نص ساعة..
فارس:عندي شوي شغل هناك..مع السلامة..
راشد(حس ان فارس فيه شي)
في غرفة البنات....




شيماء:شموه نقليني الواجب..
شمة:نعم؟..تبين تذبحني ابلة الرياضيات..غاشين من بعض..
شيماء:شنو غاشين..خوات بنفس الصف..اكيد بيكون نفس الجواب..بعدين انا فاهمة المسألة..بس مالي خلق احل..
شمة:كيفج خذي الدفتر..
شيماء(وهي تاخذ الدفتر):اقول شموه ماقلت لج اليوم نادتني المديرة..
شمة:متى؟
شيماء:في الفسحة..طرشت لي الفراشة وقالت لي المديرة تبيج..
شمة:انزين وايش قالت لج؟
شيماء:قالت لي بلغي اخوج ان المدرسة خذت انذار اول..
شمة:صج؟..واشلون وافقت؟
شيماء:الظاهر المديرة لاحظت عليها انها وحده تجيب المرض..ياكرهها..ماادانيها..تصدقين مستانسة ان صار لها جذي..
شمة:مب زين الشماتة..
شيماء:انا مااتشمت..بس مقهورة منها..
شمة:زين المديرة قدرت تاخذ حقج..قلتي حق راشد؟
شيماء:لا ماشفته..
شمة:تحصلينه قاعد يشرب شاي وياامي وابوي..نزلي قولي له..
شيماء(قامت):بروح تيين؟
شمة:ياللا..
فارس دخل عيادته..حصل موظفة الاستقبال....
فارس:السلام عليكم..
الموظفة:وعليكم السلام..دكتور اليوم جاي بدري..
فارس:ادري ادري..انا داش غرفتي..ولاتدخلين حد علي..بس عقب عشر دقايق دخلي ملفات المرضى بالترتيب..اوكي؟
الموظفة:ان شاء الله..
دخل الغرفة وسكر الباب..قعد على الكرسي وفتح اللاب توب...وهو يفكر بالجملة اللي سمعها من شيخة....خذ نفس عميق..
راكان ينزل تحت....
راكان:يمه وين ابوي؟
ام فهد:ابوك الحين بيي..بغيت منه شي؟
راكان:اي..(قعد وصب له قهوة)
ام فهد:اقول يمه راكان..ماودك تزوج؟
راكان:حاليا ماحصلت بنت الحلال اللي ابيها..
ام فهد:ياكثر البنات في الديرة..ومن تقدر تقولك ماابيك..
راكان:ليش يمه انا نازل من السماء علشان يبوني..انا ابي وحده بمواصفات معينة..واحب اني اختارها بنفسي..لحصلتها بخبركم علشان تخطبونها لي..
بوفهد(يقعد)
ام فهد:اصب لك شاي؟
بوفهد:صبي..
راكان:اقول يبه..دريت ان بوخميس توفى؟
بوفهد(فج عينه من الصدمة):شنو؟؟؟من توفى؟؟
راكان:بوخميس..
بوفهد:بوخميس ماغيره؟؟
راكان:اي يبه..
بوفهد:ومتى صار هالحجي؟
راكان:امس الليل توفى واليوم الظهر وصلني الخبر..
بوفهد:لاحول ولا قوة الا بالله..وشالي صار له؟
راكان:يقولون كان مسافر للعلاج وتوفى هناك..
بوفهد:انا ادري انه كان مسافر للعلاج..بس ماتوقعت ان يصير جذي..انت متأكد؟
راكان:اي يبه متأكد..ويقولون اليوم بيوصل الدوحة..وبيصلون عليه عقب صلاة المغرب..
بوفهد:الله يرحمه ويغمد روحه الجنة..اييه الواحد مايدري متى يموت..الله يرحمك يابوخميس..عطني تليفوني خلني اتصل في خميس واعزيه واستفسر منه أكثر..
في العيادة...
راشد يدخل غرفة فارس...يحصل الموظفة تتكلم معاه....
فارس:خلاص مو مشكلة اتصلي فيهم وخلهم يجون اليوم..
الموظفة:ان شاء الله..عن اذنكم..
راشد(يقعد):اشفيك؟
فارس:أنا؟؟
راشد:اي انت..اشفيك؟
فارس:مافيني شي..
راشد:عيل ايش عندك جاي بدري اليوم؟
فارس:جاي بدري علشان ارد على الناس في المنتدى الطبي..
راشد:يعني مو من عوايدك..
فارس:قلت دام عندي وقت استغله..
راشد(يقوم):الساعة صارت 4 والحين موعد اول مريض..بعدين بنتناقش..
شيخة تمت في غرفتها وهي تصيح....الباب يندق..شيخة قامت من على السرير وراحت تغسل وجهها..علشان مايبين عليها البجي..وراحت فتحت الباب ماحصلت حد..ارتاحت..سكت الباب ورتبت شعرها وحطت قلوس ولبست جلابية علشان مايبين عليها شي..وراحت غرفة البنات....
شيماء:شموه روحي فجي الباب..
شمة(فتحت الباب):هلا والله..هلا بمرت اخوي..حياج..
شيخة(ابتسمت):اشلونكم؟
شيماء(قامت وجات):حيالله من جانا..حياج..قعدي..
قعدوا....
شمة:جيت ودقيت عليج الباب مارديتي قلت اكيد راقدة..
شيخة:كنت ابدل ملابسي..ولما جيت ماحصلت حد قلت اكيد انتوا..
شيماء:وين فارس؟
شيخة:راح العيادة..
شيماء:وي صح..نسيت..
شيخة:اخباركم؟
شيماء:احنا بخير..انت اشلونج واشلون ولد اخونا؟
شيخة:واشلون حكمتي عليه ولد؟
شيماء:امم..اي شي ولد ولا بنت مايفرق معاي..المهم يكونون حلوين علي..
شمة:اي عاد اهم شي يشابهون عماتهم..
شيخة:ان شاء الله ليش لا..ياليت يطلعون حلوين على عماتهم..
شمياء:ايش بتسمون البيبي؟
شيخة:ماادري والله ليحين ماتناقشت ويافارس..
شيماء:اذا بنت سموها لولوة على اسم الوالدة..واذا ولد سموه عيسى على اسم الوالد..
شيخة:اكيد ان شاء الله..
شمة:شيخة ماتغديتي اليوم ويانا..
شيخة:اي والله ماتغديت..
شمة:ليش؟
شيخة:مااشتهي..كلت ويابنت خالي في الجامعة وقت متأخر..وشبعت..
شيماء:بقولج على سالفة حلوة..
شيخة:قولي..
وديمة تتصل في خالد...لكنه مايرد...تملل تنزل تحت...تحصل امها وجدتها قاعدين يسولفون....
وديمة(تقعد):جدتي خالي مارد؟
الجدة:لا يمه مارد..
وديمة:عووش..
عائشة:نعم؟
وديمة:جيبي لي عصير الليمون اللي في الثلاجة قبل لتقعدين..
مريم(تقعد):اليوم بنتعشى بمطعم..
وديمة:من قالج؟
مريم:ابوي قالي..
وديمة:وشالمناسبة؟
مريم:بس جذي..قبل لنسافر..ابوي حب يدورنا ويغير لنا جو..
وديمة(تضايقت لأنهم بيسافرون):ومن بيي؟
مريم:انا طبعا..والباقي مااعرف..
عبدالله لابس وكاشخ.....
ام عبدالله:ماشاء الله عليك..الله يحفظك من كل شر..
عبدالله:آآمين..
ام عبدالله:متى يي هاليوم اللي اشوفك فيه كاشخ ورايح ملجتك..
عبدالله:قريب ان شاء الله..بس انت ادعي لنا..
ام عبدالله:دوم ادعي لك يابعد قلبي..رايح عند ربعك؟
عبدالله:اي يمه..تامريني على شي؟
ام عبدالله:ابيك تدير بالك على روحك..ولاتسوق بسرعة بهالليل..ابيك ترد لي سالم مافيك الا العافية..
عبدالله:ان شاء الله..ام عبدالله تامر..ياللا انا رايح..مع السلامة..
ام عبدالله:مع السلامة..في حفظ الله..في حفظ الله..
ركب سيارة أحمد....
احمد:ياسلام على ريحة العطر..من وين لك؟
عبدالله:هذي هديه من اختي..
احمد:حلوة وايد..
عبدالله:محمد وخالد سبقونا؟
احمد:لا بالطريق..يااخي متى تملج وتخلصنا..نبي نفرح فيك..
عبدالله:انت ادعي لي تخلص اموري بس..
احمد:انزين ماحصلت حد يخلص لك امورك بسرعة؟
عبدالله:لا حاليا ماحصلت..محمد قالي يعرف واحد يعرف حد هناك..اذا يكلمه زين..
احمد:ليش مايبي يكلمه؟
عبدالله:بلا..قالي بيشوفه اليوم وبيكلمه..ان شاء الله خير..
في غرفة البنات....
شيخة:اقول بنات..السايق برع؟
شيماء:مااعتقد انه طالع..تبين تروحين مكان؟
شيخة:اي..ابي اروح عيادة فارس..
شمة:ليش؟..تعبانة؟
شيخة:لا مب تعبانة..بس قررنا نطلع..فقلنا اروح له العيادة احسن من انه يجي البيت وعقب نروح ويتأخر الوقت..
شيماء:خوش فكرة..تبين اسأل عن السايق؟
شيخة:ياليت والله..
شيماء:من عيوني..كم شيخة عندنا..ثواني..خلج قاعدة..

في العيادة...




فارس رفع راسه شاف الساعة 7 و44 دقيقة..يااااه مااسرع مالوقت مر..لحظات وتذكر شيخة..حاول ينسى..فتح الملف...ودشت المريضة مع امها..
عند موظفة الاستقبال.....
شيخة:السلام عليكم..
الموظفة:وعليكم السلام..تفضلي..
شيخة:لو سمحتي الدكتور فارس عنده مرضى؟
الموظفة:اي نعم عنده..تبين تاخذين عنده موعد؟
شيخة:لا..بس انا(تشوف اذا في حد ماحصلت حد)..انا زوجته..وابي ادخل المكتب ابي اشوفه..
الموظفة:مرحبا مدام..حياج بأي وقت..
شيخة:مشكورة..بس بالاول خلصوا المرضى اللي عندهم مواعيد؟
الموظفة:بقى له مريضين غير اللي داخل..
شيخة:اوكي..بس ممكن تدخليني عقب مايطلع هالمريض؟
الموظفة:حاضر..
شيخة:بس لو سمحتي..لاتقولين له اني ابي اشوفه..
الموظفة:ان شاء الله..تقدرين تقعدين في الانتظار..لطلعت المريضة بخبرج..
شيخة:يصير انتظر هني؟
الموظفة:على راحتج..
وتمت شيخة تطالع الساعة وتنتظر طلعت المريضة من عند فارس...لين ماصارت الساعة 8 وربع ...طلعت المريضة...
الموظفة:تقدرين تتفضلين..
شيخة(وهي خايفة):مشكورة..
دخلت المكتب..وشافت فارس مشغول بالكتابة في الملف..وهي واقفة تطالعه...سكرت الباب بهدوء...وفارس مازال مشغول...ماهي الا ثانية..فارس يحس بوجود حد بالغرفة بس هدوء غريب..رفع راسه..حصل شيخة جدامه....
فارس(من شافها نزل انظاره بالملف)
شيخة:مساء الخير..
فارس:هلا..
شيخة:بس هلا؟..ادري اني غلطت..بس انا جايه علشان اوضح لك اللي انت مافهمته..
فارس:.....
شيخة:فارس الله يخليك..عطني وجه..كلمني..لاتسكت جذي..ترى والله اجن..
فارس:اعتقد ان هذا وقت شغلي..ماهو وقت مناقشة الخلافات اللي بينا..
شيخة:فارس..تكفى اسمعني..الله يخليك اسمعني..
فارس:ترى انا عندي مرضى..
شيخة:وانا منهم..
فارس:نعم؟
شيخة:اي نعم انا منهم..(نزلت دموعها)..بصير مريضة من قريب اذا ماسمعتني..طلعت من عندي وانت معصب..وفاهمني غلط..فارس انا....
تدخل الممرضة....
فارس:لو سمحتي..تقدرين تطلعين شوي..عندي شغل..لخلصته تعالي..
الممرضة:حاضر..
فارس:قعدي شيخة..
شيخة(قعدت)
فارس(اتصل على راشد):هلا راشد..كم مريض بقى لك؟
راشد:واحد..
فارس:انزين انا بقى لي اثنين تقدر تستلم حالتهم..لأن عندي شغله وابي اخلصها ضروري..
راشد:اوكي..بس طرش لي الملفات..
فارس:مشكور يابوعيسى..مع السلامة..(قام وفتح باب غرفته وناد الممرضة)..عطي الملفات حق الدكتور راشد..وتقدرين تروحين..خلاص..
دخل الغرفة وقفل الباب...وقعد مجابلها....
فارس:اسمعج..
شيخة:فارس انا آسفه..ادري اني قلت كلام ماكان المفروض ينقال..بس انا والله العظيم تعبانة..انت ماتتخيل ايش كثر الحمال متعبني..اروح الجامعة ونص وقتي كل بالحمام ارجع..ويودوني العيادة واتم ساعتين راقدة على السرير لين ماجسمي يريح..والدكاترة ماهم راحميني بظروفي..تعبت..ماني قادرة اسيطر على عمري..صحيح اني قلت كان المفروض اتزوج عقب..اعذرني من هالجملة..انا جد تعبانة..انا مااحبيت اقولك شي علشان ماتضايق عمرك علشاني..انت بروحك مشغول بدوامك..
فارس:حتى ولو..كان المفروض تخبريني عن كل صغيرة وكبيرة..انا ريلج..عارفة يعني شنو؟
شيخة:ادري..وطالبتك تسامحني..انا مضغوطة نفسيا..ولاتحسبها علي..سامحني يافارس..والله ماكنت اقصد..انت غلاتك بقلبي ..
في المطعم....
محمد:هاا ايش رايكم؟
عبدالله:مشروع حلو..وانا ادعمك..
أحمد:وانا بعد وياك..
محمد:وانت خالد؟
خالد:انا ماعندي مانع..بالعكس فكرة وايد حلوة..
أحمد:متى بنبتدي فيها؟
محمد:اول شي نكتب المشروع على ورق..ونخطط له..وعقب نعطيهم اياه..
أحمد:خلاص عطوني هالشغلة انا بسويها..ولخلصت بعطيكم تقرونها..
في العيادة....
شيخة:فارس والله العظيم....
فارس(قاطعها):خلاص..لاتقولين شي..انا مصدقج..
شيخة:حبيبي فارس..انا اسفة..ادري ان مزاجك اليوم اعتفس بسبتي..بس انا غلطت..وماكنت المفروض اعبر بهالطريقة..بس شسوي الظاهر الحمل مأثر علي..
فارس(ابتسم لها):مو مشكلة..انا عاذرج..وبعدين لتعبتي ولا حسيتي بشي خبريني..تراني مو غريب عنج..ريلج انا..
شيخة:فديت ريلي..عساه دايم لي..
فارس:انزين قومي علشان نروح..الساعة صارت قريب ال 9..
شيخة:ياللا..(قامت)
فارس(يقوم):انت اشلون جيتي هني؟
الساعة صارت 10 بالليل...
شمة:شيوم باجر علينا رياضة؟
شيماء:لا..
شمة:اشوه لأني ماادري وين ملابس الرياضة..
شيماء:ياكثر بدلات الرياضة..
شمة:عيزانة..
شيماء:اقول شموه..مالاحظتي على شيخة اليوم ان فيها شي؟
شمة:لا..
شيماء:ماادري بس انا احس ان فيها شي..
شمة:مافيها شي..قومي سكي الليتات لأن ابي ارقد..باجر وراي قومة من الصبح..
شيماء:انزين نطري شوي..دقيقة..
شمة:شيوم ماتسمعين صوت؟
في غرفة وديمة...دق الباب ابوها لكن ماردت..دخل الغرفة حصلها راقدة....
بوسلمان:وديمة..وديمة يبه..وديمة..
وديمة:شنووو؟
بوسلمان:خذتي دواج والابرة؟
وديمة:لا..
بوسلمان:اشلون؟..قومي خذيهم بسرعة..ياللا..
وديمة:بابا خلني انام..
بوسلمان:مافي قومي خذيهم وعقب نامي..ياللا وديمة..
فارس وشيخة يدشون البيت..يحصلون شمة وشيماء قاعدين....
فارس:ايش عندكم قاعدين؟
شيماء:أسأل امك وابوك..
فارس:ايش صاير؟حد فيه شي؟
شيماء:امي وابوي تهاوشوا..
فارس:ليش؟
شمة:شنو ليش كالعادة..ماهي اول مرة لهم..
فارس:لاحول..ووينهم فيه الحين؟
شمة:امي بدار وابوي بدار..
فارس:وراشد وينه؟
شمة:مارد البيت..
شيخة(قعدت)
شيماء:وين رحتوا..قولي لي..
شيخة:امم تعشينا برع..
شيماء:ياسلام..ووين نصيبنا؟
شيخة:انا قلت حق فارس لازم مرة نوديكم نتغدى ولانتعشى جميع..
شيماء:ايش كلتوا؟
شيخة:كانت عندهم مقبلات لذيذة اول مرة آكل شي جي دلشييزز..
شيماء:خلاص باجر نروح..
فارس:امشي شيخة نروح نرقد..وانتوا روحوا ناموا باجر وراكم قعدة من الصبح..ياللا جدامي..
وخلال يومين...العصر في مكتب فهد...يدخل بوفهد....
بوفهد:السلام عليكم..
فهد(يقوم):وعليكم السلام..هلا يبه..حياك..
بوفهد(يقعد):شتسوي؟
فهد:عندي جم شغله وقاعد اقراهم..
بوفهد:انزين اسمع..انا جايك اقول ان عمك بوهبة رد اليوم ولازم نروح نزوره..
فهد:ان شاء الله بالوقت اللي تامرني فيه..
بوفهد:يعني انت جاي معاي؟
فهد:ليش لا..مهما صار بيني وبين بنته مايغير علاقتي فيه..مهما يكون هو عمي..
بوفهد:انا اشهد بأخلاقك..طول عمري مرتاح دام انك جذي..
فهد:تربيتك يبه..
في الفيلا.....هبة وهلا يدخلون البيت....
هبة:دوونا..دوونا..
دوونا:يس مدام..
هبة:حطي الاكل..
دوونا:اوكي مدام..(مدت يدها)..مدام تفضلي..
هبة:شنو ذي؟
دوونا:مااعرف..في رجال عطاني..
هبة(تفتح الظرف وتقرأ الرسالة وتفج عيونها من الصدمة)
هلا:هبة اشفيج؟
هبة:سواها النذل..سواها الحقير..حقيييير..
هلا(خافت وجات وخذت منها الورقة وقرت)
هبة:انا هبة يسوي فيني جذي؟؟
هلا:معليه حبيبتي..لاتضايقين عمرج..يعني انتي ماتعرفين انه بيسوي هالشي؟
هبة:كان عندي امل انه يرجعني..لكن ماتوقعت فيه الحقارة..لكن معليه انا اوريه من هي هبة...ان ماخليته يتحسف ماني هبة..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 30-12-2013, 10:08 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


متابعة فصل الـ 18




وهم يتغدون.....
راشد:اشلون الدوام وياكم؟
مشاعل:يبه انا مستانسة من مدراستي..
راشد:وانت سلوى؟
سلوى:زين..
راشد:شنو يعني زين؟
سلوى:يبه انت تدري اني مااحب الدراسة..
راشد:وانت سلطان؟
سلطان:انا اوكي ولاتخاف علي..
راشد:ابيك تشد حيلك عدل هالفصل..انت ثانوية عامة..
سلطان:ان شاء الله..
بوفهد يقعد...
راكان:يبه احط لك شي من الحلو؟
بوفهد:لا ماابي..أقول فهد..
فهد(وهو ياكل):لبيه يبه..
بوفهد:انت طلقت زوجتك؟




فهد(وقف عن الاكل وحط الصحن على الطاولة):اي نعم..
بوفهد:اليوم؟
فهد:اي نعم اليوم..
ام فهد(تيي وتسمعهم):اللي براسك سويته..
فهد:وانت من وين دريت يبه؟
بوفهد:عمك اتصل فيني من شوي وخبرني..وكان متضايق وايد..
فهد(يقوم):انا رايح ارتاح..
راكان:ترى اللي سواه فهد عادي..ماهو اول واحد ولا اخر واحد يطلق..
بوفهد:انا ماني متضايق انه طلق..بالعكس اهو ادرى بمصحلته..واللي يشوفه زين يسويه..
راكان راح له الغرفة...حصلاه منسدح على السرير ويفكر....
راكان(يقعد جنبه):اشفيك؟
فهد:ولاشي..
راكان:ماقلت انك بتطلقها اليوم..
فهد:ماجت مناسبة اقول..
راكان:تحس انك ارتحت؟
فهد:تبي الصج؟
راكان:اي..
فهد:ماادري..
راكان:شكله عمي متضايق..
فهد:ليش يتضايق..اعتقد الكل يدري ان هالشي كان بيصير اليوم ولا باجر..
راكان:الظاهر ماكانوا متوقعين انك صج بتسويها..
فهد:ياسلام..وشالي جابرني اعيش مع وحده ماابيها على ذمتي..
راكان:ماعليك من هالكلام كله..دام انك كنت تبي هالشي خلاص..انسى الموضوع..واللي يبي يقول كيفه..بس انت لاتضايق عمرك..
فهد:مقهور ياراكان..مقهور..عقب سنين الانتظار اروح واختار بنت عمي تكون هذي هي نتيجة زواجنا؟!!..انا ايش سويت لها؟؟..الله العالم ياراكان اني حبيتها كزوجة وبغيتها في حياتي على طول من اول يوم..بس ماادري. هي ما بغتني لإني انا فهد.بغتني لإني فهد ولد خليفة اللي عنده خير..هي كانت تبي فلوس ابوي..ماكانت تبيني انا..


ما عاش من يرسم الحزن على وجهك
عيش دنياك وانسى همومك
وخل العواذل تموت كل ما ارتفع شانك
تبي توصل مواصيلك تهبى تطول ارباعك


( بقلم: صعبة المنال)



فهد(يقوم)
راكان:وين؟
فهد:بروح اقول حق الخدامة تلم كل اغراضها بالجناح..واخلي السايق يوديهم لها..يمكن تبيهم احسن من انهم ينقطون بالزبالة..
في غرفة فارس وشيخة.....
فارس:ابي اروح السوق اليوم..
شيخة:وين؟
فارس:ابي اشتري شوية اغراض..تيين؟
شيخة:أكيد..متى؟
فارس:شوفي احنا نسكر تقريبا على الثمان وشي..انت مريني العيادة ونروح..قبل لتسكر المحلات..
شيخة:اوكي صار..
فارس:اشوه ان باجر الخميس..مرتاااح حدي..
شيخة:وانا بعد مستانسة..
في بيت بوسلمان....




وديمة:لا يمه..الله يخليكم تمو بعد اسبوع..
ام سلمان:مايصير..خواتج بيتأخرون عن الدراسة وابوج بيتأخر على شغله..لازم نرد..
وديمة:وانا؟..تهدوني بروحي؟
ام سلمان:مايهون علي اهدج..بس شسوي انت اللي ماودج تيين وتبين تقعدين هني..
وديمة:يمه شسوي..علشان الجامعة..
ام سلمان:ليتج تيين وتغيرين جو..
وديمة:يمه..الله يخليج علشاني تموا بعد يومين..
ام سلمان:صدقيني يايمه مايصير..الود ودي مااطلع من البلاد..بس شسوي الظروف اقوى مني..ان شاء الله كلها جم شهر ونرد ومااحنا مسافرين من غيرج..هالله هالله بدراستج..ابيج تذاكرين عدل علشان معدلج ماينزل..واهتمي بنفسج عدل..ابيج دوم حلوة..انت الحين بسن زواج..وممكن اي وقت حد يطق باب بيتنا ويبونج حق ولدهم..ابيج تكونين جاهزة في اي وقت..وسمعي كلام اخوج..واللي يقوله لج في مصلحتج..ولاتنسين مواعيدج روحيها أول بأول..وخذي ادويتج والابر..واي شي بغيتيه ولاناقصج شي عندج خالد وليلى وسلمان وخالج عيسى..
وديمة:ان شاء الله يمه..ان شاء الله..
عبدالله يدخل البيت...

اضغط على الصورة لرؤيتها بحجمها الطبيعي



يحط الكتب على الطاولة ويقعد...تيي ام عبدالله....
ام عبدالله:جيت يمه..
عبدالله:اي يمه جيت..
ام عبدالله:شكلك تعبان..
عبدالله:اي والله تعبان من الدوام واللوية بين الطلاب والدراسة..
ام عبدالله:الله يعينك..احط لك الغداء؟
عبدالله:لا يمه ماني مشتهي..ابي انام..لأذن المغرب ناديني..
ام عبدالله:ان شاء الله..يمه مافيك شي؟
عبدالله:لا يمه مافيني شي..بس تعبان من الدوام..(قام)
في العيادة...راشد بعد مافحص المريض قعد على الكرسي....
المريض(يقعد):هاا دكتور طمني..
راشد:شوف ياوليد..احنا بنحاول نعالج المرض بالادوية..اذا مانفع معاك مضطرين نسوي لك عملية..
المريض:دكتور ماابي اسوي العملية..
راشد:ليش؟
المريض:ماابي..مااحب العمليات..
راشد:ان شاء الله مانحتاج نسوي العملية..خل املك بالله قوي..وان شاء الله ربي يشافيك..
المريض:ان شاء الله..انزين دكتور اشقد المدة اللي باستخدم فيها الادوية؟
راشد:يبيلك تقريبا ثلاث اسابيع..
المريض:بانتظر ماعندي مشكلة بس المهم مااسوي العملية..
في هالاثناء...في غرفة فارس...يطلع المريض...ويتصل بشيخة.....
فارس:هلا عمري...بخير حبيبتي انت اخبارج؟.......انزين بغيت اقولج شي..
شيخة:قول حبيبي..
فارس:ايش رايج تجيبين وياج شيماء وشمة ونتعشى جميع؟
شيخة:خوش فكرة..خلاص نروح جميع..
فارس:عيل انت خبريهم..وعقب نص ساعة طلعوا من البيت علشان يمديكم لين ماتوصلون من الزحمة..
شيخة:اوكي حبيبي..ياللا بااي..
لبست شيلتها وطلعت من الغرفة راحت غرفة البنات...ودقت الباب...
شيماء:منووو؟
شيخة:شيخة..
شيماء:حياج..
شيخة(دخلت):مساء الخير..
شمة+شيماء:مساء الانوار..
شيخة:شتسوون؟
شيماء:ندرس بعيد عنج..
شيخة:ليش بعيد عني انا مثلكم ادرس..المهم نبي التفوق..
شمة:الله يسمع منج..
شيخة:انزين خلصتوا دراسة؟
شيماء:ليش؟
شيخة:اممم..ابي اقولكم ان انا وفارس طالعين وايش رايكم تجون معانا..
شيماء:وااااو فديتكم والله..اكيد اكييييييد بنيي من غير نقاش..
شيخة(تضحك)
شمة:ياسلام..صج محتاجين حق هالطلعة..نغير جو..
شيخة:خلاص تزهبوا علشان عقب نص ساعة تقريبا بنطلع..
شيماء:ليش فارس رد؟
شيخة:لا..بنروح له العيادة..
شيماء:خوش والله..
راحت وديمة غرفتها واتصلت بخالد....
وديمة:السلام عليكم..
خالد:وعليكم السلام..
وديمة:اشلونك خالد؟
خالد:بخير..انت اشلونج؟
وديمة:طيبة..
خالد:والدراسة؟
وديمة:زينة..
خالد:ذاكري عدل وشدي حليج..ماابي اشوف هالسنة دي..سمعتي؟
وديمة:ان شاء الله..انت وين؟
خالد:بالسيارة..
وديمة:في حد وياك؟
خالد:لا..
وديمة:انزين ليش ماتمرنا؟
خالد:قاعد اييكم..
وديمة:صج والله..وايشقد بقى لك لين ماتوصل؟
خالد:ربع ساعة..
وديمة:اوكي..احنا ننتظرك..
نزلت تحت..حصلت امها قاعدة تسولف وياجدتها....
وديمة:يمه وين الخدامة؟
ام سلمان:في المطبخ قاعدة تزهب العشاء..
وديمة:اي صح يمه ترى خالد قاعد يي..
ام سلمان:حياه الله..
وراحت المطبخ تسوي شغلها.....
في شركة بوفهد....
فهد:انا كتبت لك..
علي:بس طال عمرك ماعطيتني..
فهد:ماعطيتك؟!..(قعد يدور بين الاوراق)..شكلي مضيعها..ولا قاطها بالزبالة..تدري اشلون..خلاص خلنا نبدى الجرد من باجر الصبح..ايش رايك؟
علي:مع انه المفروض نسويه عقب ثلاثة اسابيع..لكن على راحتك..
فهد:عيل اسمع..مكتبي بس ابيك انت تكون ومحمد..سمعتني؟
علي:بس طال عمرك في مكتبك اوراق مهمة..ومحد مطلع عليها من قبل..
فهد:بس تعب عليك ياعلي بروحك..انت تدري ان الجرد اكبر شي عندي..صحيح اني بكون موجود معاك..بس بعد تعب عليك..
علي:عادي طال عمرك..لأن هي اوراق مهمة..وانا مستعد اني اسوي هالشي بروحي..
فهد:خلاص..شوف باجر الصبح من 9 الصبح نبدى لين 11..ومن 5 لين 7 ونص..لين مانخلص..
علي:اوكي..طال عمرك في مجال اذا ماخصلنا باجر لين 7 ونص اتم انا لين 9 اخلصهم..
فهد:لا ياعلي..انا ماني موافق..انت لازم ترد البيت وتريح..الا ماقلت لي..ايش صار على المؤسسة الخيرية..بغيت أسألك عنهم ونسيت..
في بيت بوسلمان....
خالد:السلام عليكم..
الجميع:وعليكم السلام..
خالد(يقعد):اشلونج يمه؟
ام سلمان:بخير..انت اخبارك واشلون صحتك الحين؟
خالد:الحمدلله انا بخير..وصرت احسن..وين ابوي؟
ام سلمان:في غرفته..عووش قومي نادي ابوج..
عائشة:انزين..
الجدة:اشتقنا لك ياولدي..
خالد:حتى انت جدتي..ولهت عليج وعلى جلساتج..عيسى مارد من السفر؟
الجدة:لا يمه..يقول بيي السبت ان شاء الله..
خالد:عيل وين وديمة؟
ام سلمان:فوق..الحين بتنزل..
وديمة نزلت....
وديمة:السلام عليكم..هلا والله بخالد..(تقعد جنبه)..اشلونك؟
خالد:زين..انت اشلونج؟
وديمة:طيبة..تو مانور البيت..
خالد:أدري اني منور البيت..من غير ماتقولين..
وديمة:ويييه على الواثق من نفسه..(قامت)
خالد:وين؟
وديمة:مسوية لك الحلو اللي تحبه..بروح اطلعه من الفريزر وبجيبه لكم..
بوسلمان(يي):السلام عليكم..
خالد(يقوم ويسلم على ابوه):اشلونك يبه؟
بوسلمان:بخير..انت اشلونك اشلون امورك؟
خالد:الحمدلله..
يقعدون....
بوسلمان:داومت اليوم؟
خالد:اي داومت..
بوسلمان:عمك جبر ماعطاك شي توصله لي؟
خالد:بلا..(طلع الظرف)..تفضل..
وديمة(تيي مع الخدامة):حطيه على الطاولة..
بوسلمان:ياسلام..شنو هالزين..من مسويه؟
وديمة:انا..
بوسلمان:هذا كله بنتي مسويته..ماشاء الله عليج..
وديمة:ياللا ذوقوه وسمعوني رايكم..
وهم ياكلون....
الجدة:وانت ليش ماتاكلين يمه؟
وديمة:ياليت اقدر اشاركم..انت تدرين جدتي مب زين لي..بس انا ذقت منه نتفه عن خاطري..
بوسلمان(زعل على بنته وماكمل وحط الصحن)
وديمة(قامت):بروح اجيب تليفوني..نسيته بغرفتي..
راحت..
ام سلمان:ليش ماكملت؟
بوسلمان:سمعتيها؟
ام سلمان:سمعتها..الله يصبرها..
حمد يدخل البيت..ويسلم وهو مو منتبه ان خالد قاعد ينجب سلمان...ويقعد جنبه....
حمد:هلا سلمان..(يشوف خالد تغيرت ملامحه وقام راح غرفته)
ام سلمان:الله يهديك..
خالد(قام):انا ماشي..
ام سلمان:وين تعشى معانا..
خالد:معليه يمه مرات جايه..انا معزوم عند رفيجي..
وديمة(تنزل):لا خالد لاتروح..تعشى ويانا..
خالد:مااقدر..رفيجي ينتظرني..ياللا مع السلامة..
راااح...
وديمة:يمه يبه لي متى بتم علاقتهم جذي..وخالد ماهو قادر يقعد بينا..
بعد صلاة الفجر من يوم جديد...يسلم عبدالله يمينه ويساره ويستغفر ربه ويذكر ربه أذكار بعد الصلاة...يقوم ويلبس نعالته ويحصل واحد يسلم عليها وعقب يروح مشي لين مايوصل البيت..يدخل غرفة امه..ويحب راسها....
عبدالله:صبحج الله بالخير يالغالية..
ام عبدالله:صبحك الله بالنور والسرور..تقبل الله منك حبيبي..
عبدالله:منا ومنج يالغالية..اشلونج اليوم؟
ام عبدالله:الحمدلله يابعد عمري..انا بخير دام اني اشوفك جدامي بخير ومستانس..
عبدالله:الحمدلله..
ام عبدالله:متى ان شاء الله رايحين نشتري الشبكة؟
عبدالله:ان شاء الله اليوم بعد صلاة العصر نصلي ونتوكل على الله..
ام عبدالله:ان شاء الله..
عبدالله:بس يمه عندج قياسها للدبلة؟
ام عبدالله:اي يمه خلود خذت منها خاتم..لاتحاتي..
عبدالله(يقوم):انا رايح اتسبح واتزهب للدوام..تامريني بشي؟
ام عبدالله:سلامتك حبيبي..رفيجك مارد عليك؟
عبدالله:بلا يمه قالي انتظر شوي..وعقب هو بيتصل فيني وبيخبرني..ان شاء الله خير..
محمد يدخل الوزارة....ويدخل مكتب أحمد....
محمد:صبحك الله بالخير..
أحمد:هلا محمد..صبحك الله بالنور والسرور..سمعي مرة ثانية لاتعيدينها..انا قايلج لاتسوين هالطريقة..
الموظفة:ان شاء الله..عن اذنك..
راحت...
محمد:من متى تتعامل ويالحريم؟..مااخابر تشتغل وياهم..
أحمد:ليش مادريت؟
محمد:لا..
أحمد:صرت مسؤول عن قسمهم..
محمد:من صجك؟
أحمد:اي..شفت الحظ اللي انا فيه؟
محمد:حظك حلو..جذي يعطونك زيادة في الراتب..
أحمد:ولو..بس انا مااحب اتعامل ويالحريم..يااخي الفهم عندهم بطيء..وتشوف هذي اللي كانت موجودة رقم 3 وهي تعيد الطريقة الصحيحة..يااخي بطت جبدي..
محمد:الله يعينك..اخبارك؟
أحمد:زين..وانت؟
محمد:انا بخير والحمدلله..طالع متريق مستانس الحمدلله..
أحمد:ان شاء الله دوم..
محمد:عقبالك..
أحمد:يصير خير..روح لاأسجل لك تأخير..
محمد:تسويها؟
أحمد(يضحك):يمكن..
محمد:صج انك....
أحمد:كمل اشوف..
محمد:ماني قايل شي..في امان الله..
فهد يشرب القهوة..وهو يقرأ الايميل...يضحك...راكان يدخل....
راكان:ان شاء الله دوم اشوفك تضحك..(يقعد)..من زماان ماشفتك تضحك..
فهد:اي والله..
راكان:كل هذا راحة؟
فهد:وايد..
راكان:وليش ماطلقتها من زمان؟
فهد:كل شي في وقته حلو ياراكان..
راكان:وايش عندك تضحك؟
فهد:اضحك على واحد مطرش ايميل فيه افكار لمشروع مضحك..ماقدرت اقاوم فضحكت..
راكان:انزين اسمع بقولك شي..
فهد:قول..
راكان:انا ابي (يمد الورقة)..اتعاقد وياهالصفقة..
فهد(يقرأ)
بعد الامتحان....والبنات يطلعون من القاعة....تروح وديمة عند الدكتورة....
وديمة:دكتورة الله يخليج صلحي الاوراق الحين..
الدكتورة:لا الحين مااقدر..عندي اجتماع عقب شوي..ومااقدر اتأخر..لازم امشي..ليش انت مب متأكدة من اجوبتج؟
وديمة:ماادري..
شيخة(تيي):متى بتصلحينهم دكتورة؟
الدكتورة:بحاول اليوم..
وديمة:انزين دكتورة تقدرين ترسلين لي الدرجة بالايميل؟
الدكتورة(تبتسم):أكيد يصير..بس ذكريني ارسلي الايميل بعد صلاة العشاء..
وديمة:مشكورة دكتورة..
الدكتورة:وانت شيخة ماتبين؟
شيخة:دكتورة انا ماسويت زين في الامتحان..
الدكتورة:ليش؟
شيخة:لأني مادرست عدل ولااستعديت للامتحان..
الدكتورة:لا ان شاء الله مسوينة زين..تفائلي خير..ياللا بنات انا مضطرة اروح لأني مستعجلة..اشوفكم على خير..
راحت...
وديمة:شيخووه ليش مادرستي؟
شيخة:والله الحمل متعبني ومالي خلق شي..
وديمة:لا عاد شيخوه لاتسوين جذي في عمرج..لو على هالكلام اللي تقولينه مابتقدرين تكملين..
شيخة:شكلي هذا اللي بسويه..
وديمة:لا شيخوه..لاتقولين هالكلام..انت قوية وتقدرين تكملين..وانا مستعدة اساعدج..
شيخة:خلينا نمشي..لآني تعبانة ومالي خلق شي..
وديمة:انزين يوم انج تعبانة اتصلي في ريلج يمرج..
شيخة:ريلي بالدوام..
وديمة:انزين اتصلي بالسايق..
شيخة:بشوف..خلينا نطلع من هني..
في المستشفى....وهم طالعين من غرفة العمليات....
راشد:هو محتاج لفترة طويلة نقاهة لين ماتتحسن حالته..
فارس:وحالته النفسية؟
راشد:هالشي مقدور عليه..جوعااان..من الصبح بالعمليات..(يشوف الساعة)..باااال الساعة صارت 1..عندك شي الحين؟
فارس:عندي مريضة بمر اشوفها وعقبها طالع..
راشد:ايش صار على المريض اللي قلت لي مسوي عملية في تايلند؟
شمة وشيماء يردون من المدرسة...شيماء تقط عمرها على الكنب.....
ام راشد:رديتوا؟
شمياء:يمه انا ميتة من الجوع..ماادري اشفيني..جني جاية من مجاعة..
ام راشد:الغداء جاهز..وين ابوكم؟
شمة:قاعد يتهاوش مع السايق..
ام راشد:وليش بعد؟
شيماء:ماتدرين مامي كان بيدعم من كثر مايسرع..عاد ابوي سكت عنه لين ماوصلنا والحين قاعد يتهاوش وياه..
ام راشد:الحين السايق بيقول برد بلادي..وهذا وقته ابوج يتهاوش وياه..
شمة:لاتحاتين يمه مب رايح مكان..وين يحصله يشتغل براتب احسن من اللي نعطيه..
ام راشد:بسكم هذره روحوا بدلوا ملابسكم..
في بيت بوسلمان....
حمد:يمه وديمة متى تخلص اليوم؟
ام سلمان:وديمة خلصت وخالد مرها وراحوا يتغدون بالمطعم..
حمد:وليش ماردت البيت؟
بوسلمان:لأنها تبي خالد ياكل ويانا..لكن في ناس مايبونه..
حمد(مد البوز وسكت عنهم)
فارس يدش البيت ويحصل خواته قاعدين يتساسرون..وامهم بالمطبخ....
فارس:السلام لله..
شيماء:متى دشيت..ومتى سلمت؟
فارس:ماادري من هالانسان اللي شاغلين اذانيكم عني..وين ابوي؟
شمة:داخل بغرفته..
فارس:الغداء زاهب؟
شمة:اي زاهب..بدل ملابسك وتعال..
ركب المصعد ووصل فوق فتح باب الغرفة..فتح الليتات ودش غرفة النوم حصل شيخة راقدة استغرب...قرب منها وقعد عندها....
فارس:شيخة..شيخة..
شيخة(تفتح عينها):فارس؟
فارس:اي فارس..انت من متى هني؟
شيخة:من زمااان..(تقعد)..من عشر ونص..
فارس:وليش رديتي؟
شيخة:كنت شوي تعبانة ورديت..
فارس:اشفيج تعبانة؟
شيخة:من الحمل..بس الحمدلله الحين اوكي..
فارس:أكيد؟
شيخة:اكيد..(تقوم)
فارس:وين؟
شيخة:ماتبي تغدى؟
فارس:بلا..بس بقولهم يجيبون لنا الغداء فوق..
شيخة:لا حبيبي مايحتاي..انا اقدر انزل..
فارس:اذا تقدرين نزلي مب غصب وتضغطين على عمرج..
شيخة:لا لاتحاتي..بس بروح ابدل ملابسي ونروح..
فارس:وانا بعد ابدل ملابسي..
في المطعم...
خالد:ليش ماكملتي؟
وديمة:بسي خلاص شبعت..
خالد:بس صحنج مليان..وين كلتي؟
وديمة:صدقني شبعت..وماشاء الله انت طالب وايد اكل..
خالد:اشلون السكر وياج؟
وديمة:الحمدلله اموري بخير..حتى ابوي وايد مستانس مني..
خالد:الحمدلله..جربي هالبطاطا المشوية..ترى وايد لذيذة..
وديمة:مااقدر خلاص المعدة انترست..(وهي تطالع خالد ياكل)...خلاص عقب باجر امي هذيلا بيسافرون..
خالد:ماودج يروحون؟
وديمة:لا..ليتهم يتمون ومايردون..
خالد:مابقى شي كلها فترة بسيطة يخلص ابوي شغله ويردون بالسلامة..
وديمة:ان شاء الله..
في غرفة البنات...
شيماء:شموه بسوي هالخلطة في شعري..
شمة:بكيفج..
شيماء:ايش قاعدة تقرين؟
شمة:أقرأ موضوع غريب شوي..
شيماء:شنو هو الموضوع؟
شمة:واحد من الاعضاء كاتب كلام قوي عن الادارة والمشرفين..
شيماء:يوووه هذولا مايشبعون..ملينا من هالحجي..انا بانزل تحت..
شمة:ليش؟
شيماء:بروح ازهب الخلطة وبحطها في شعري..
في غرفة فارس وشيخة...
فارس:شيخة اذا تعبانة بوديج المستشفى..
شيخة:لا حبي مايحتاي..انا بخير تطمن..انت روح العيادة..
فارس:قاعد احاتيج..
شيخة:لاتفكر فيني..انت روح وخل بالك مرتاح..اذا في شي باتصل فيك..
فارس:انزين سمعي لبغيتي شي ولا شي اتصلي في شيماء ولا شمة بيساعدونج..انزين؟
شيخة:من عيوني..انت روح العيادة علشان ماتأخر..
فارس:خلي تليفونج جنبج باتصل فيج كل شوي..
شيخة:ان شاء الله..
في خلال يومين بوسلمان وام سلمان والبنات وحمد يودعون البيت واللي فيه والدوحة ويردون المانيا لتكملة مسيرة العلم..ووديمة تمت بضيقتها على فراق اهلها مرة ثانية..وشيخة تعبانة وايد من الحمال..وتقرب امتحانات الميد تيرم..وفي يوم الاربعاء....محمد قاعد ويااحمد وخالد في الكوفي شوب....
أحمد:شنهو الخبر اللي يفرح ماتحجى؟
محمد:اشفيكم مافيكم صبر..انتظروا عبدالله..
خالد:اخاف سالفة مالها معنى..
محمد:بنشوف اذا مالها معنى..
احمد:ليكون وصل ولي العهد؟
محمد:لا يبه بدري عليها..كاهو عبدالله وصل..
عبدالله:السلام عليكم..
الجميع:وعليكم السلام..
عبدالله(يقعد)
محمد:ايش تشرب؟
عبدالله:على حسابك؟
محمد:لا حبيبي على حسابك..
عبدالله:لاحول..لو سمحت..
الجرسون(يقرب):تفضل..
عبدالله:ابي عصير رمان..
الجرسون:حاضر..
خالد:ايش عندك عصير رمان؟
عبدالله:جذي مشتهي..
احمد:ياللا محمد تحجى..
عبدالله:شالسالفة؟..ايش عنده محمد؟
احمد:محمد يقول عنده خبر..
عبدالله:شنو وصل ولي العهد؟
احمد(يضحك)
عبدالله:ليش تضحك؟
احمد:توني سألته وقال بدري..
عبدالله:عيل شنو؟
محمد:الله يسلمكم طلعت موافقة زواج عبدالله من الداخلية..
عبدالله:جذاب..
محمد:أفاا طلعت جذاب..معليه مابنقول شي بهالمناسبة..
عبدالله:انت من صجك؟
محمد:اي نعم صجي..
خالد:مبروك ياعبدالله..منك المال ومنها العيال..
عبدالله:الله يبارك فيك..
احمد:مبروك عبدالله تستاهل..
عبدالله:الله يبارك فيك..
محمد:عاد نبي الحلاوة..
عبدالله:اكيد ان شاء الله..بس قولي اشلون دريت؟
محمد:الله يسلمك اليوم اتصل فيني رفيجي وقالي ان اخوه شاف الورقة وموقعين عليها الموافقة..ويقدر يمر ياخذها باجر..
عبدالله:مشكور محمد..وان شاء الله اردها لك بالافراح..
محمد:ان شاء الله..
خالد:متى الملجة؟
عبدالله:ماادري باتصل في الوالدة الحين وبخبرها..يمكن ملجنا باجر..
احمد:لو يصير وايد زين..لو تعجلون يكون احسن..
يوم السبت بعد الغداء...فارس وزوجته يروحون غرفتهم...تقعد شيخة على الكنب بتعب...
فارس(يشغل التلفزيون ويقعد جنبها):ايش رايج بالغداء؟
شيخة:زين..
فارس:الا كان لذيذ..ماشفتيني أكلت أكثر من المعدل الطبيعي..
شيخة(تعدل قعدتها):عليك بالعافية..
فارس(يلتفت لها):شيخة اشفيج؟
شيخة:ماادري..احس بالالام..
فارس:وين؟
شيخة(تأشر):هني..وظهري يعورني..
فارس:من متى؟
شيخة:من الصبح..
فارس:وليش ماتحجيتي؟
شيخة:قلت الم ويروح..
فارس:الله يهداج..هالشي ماينسكت عنه..لازم على طول تخبريني..ليكون شايلة شي ثقيل؟
شيخة:مااعتقد..
فارس:انزين قومي خلني اوديج الطواري..
شيخة:طواري حمد؟
فارس:اي مال النساء والولادة..
شيخة:بروحي؟
فارس:انا وياج..
شيخة:اي بس انت ماراح يدخلونك..
فارس:انزين خلي الجوهرة تيي معاج..
شيخة:ماله داعي اروح..
فارس:شيخة ياللا قومي لبسي وانا الحين باتصل في راشد..(يتصل)....آلو هلا سلطان وين ابوك عن تليفونه؟.....انزين ناده...........آلو راشد...بغيت اقولك ابي زوجتك تيي معانا علشان تكون وياشيخة....اي بوديها الطواري....شوي تعبانة.....خلاص دقايق واحنا نازلين..
وتم فارس برع ينتظر شيخة وحاول يتصل كم مرة لكن ماترد...جاته الجوهرة....
الجوهرة:فارس..
فارس:هاا ياام عيسى طمنيني اشلونها شيخة؟
الجوهرة:شيخة ماعليها شر..وهي بخير..
فارس:ليش ماترد على التليفون؟
الجوهرة:الارسال ضعيف شوي وبعدين الدكتوره عندها..
فارس:ايش قالوا لها؟
الجوهرة:حاليا ولاشي..بس يبون يتطمنون عليها بيسوون لها شوية تحاليل..انا جيت اطمنك وبرد لها..
فارس:سلمي عليها..
الجوهرة:يوصل ان شاء الله..
في بيت عبدالله....
عبدالله:يمه اتصلي فيهم وخبريهم الملجة باجر ان شاء الله..
ام عبدالله:متى باجر؟
عبدالله:عقب صلاة العصر ان شاء الله..
ام عبدالله:واتفقت مع الملاج؟
عبدالله:اي يمه اتصلت فيه عقب صلاة الظهر وخبرته..
ام عبدالله:خلاص عقب شوي باتصل فيهم..بس اقول يمه..
عبدالله:قولي يالغالية..
ام عبدالله:ماتبي تخبر عمك؟
عبدالله:لايمه ماني مخبره..وجوده ماله اهمية..
ام عبدالله:بس هذا عمك بمكان ابوك..
عبدالله:عمره ماكان بمكان ابوي..ولو سمحتي يمه تكفين لاتخربين فرحتي بهالسالفة..
ام عبدالله:اخاف يسوي لنا سالفة..
عبدالله:مايقدر يسوي شي..ولاتنسين اني خبرت ابوها بكل شي وهو داري عن علاقتنا بعمي..انسيهم يايمه..انسيهم..
وديمة تنزل تحت ماتحصل حد بالصالة...تقعد وتشغل التلفزيون...خالد ينزل تحت....
خالد:شتسوين؟
وديمة:طالع؟
خالد:شتشوفين؟
وديمة:ولاشي..توني قاعدة..تكفى ودني وياك..
خالد:عندي شغل مااقدر اوديج مكان..
وديمة:تكفى خالد طلعني..والله ملانة من قعدة البيت..
خالد:وايش له ملانة..وين الدراسة؟
وديمة:يوووه دراسة دراسة دراسة..تعبت..ابي افرفش ابي اغير جو..
خالد:انثبري بغرفتج ودرسي..مافي شي غير الدراسة بينفعج..
وراح...
وديمة(تقلده):انثبري بغرفتج..ماعليه ياخالد..ماعليه..
خالد(رد):نعم قلتي شي؟
وديمة(خافت):من انا؟..لالا ماقلت شي..
الساعة 10 ونص بالليل....
فارس:اشلونج الحين حبي؟
شيخة:احسن..
فارس:تبين اجيب لج شي؟
شيخة:لا..
فارس:انزين ايش رايج نسهر على فيلم دامج قمتي..
شيخة:اوكي..
فارس:تقدرين تقومين؟
شيخة:اي اقدر..
فارس:انزين خليني اساعدج..
ووداها للقعدة...وقعدوا....
شيخة:ايش هالزين..كل هذا؟
فارس:شسوي حبيت اغير لج الجو..ايش رايج؟
شيخة:دام ان ريلي مسويه اكيد بيعجبني..
فارس:ايش تبين احط لج؟
شيخة:مااشتهي..
فارس:مايخصني تاكلين غصب..وانا خاش لج الكيكة في الثلاجة..
شيخة:خلاص باكل البيتزا..
يرن تليفون شيخة....
شيخة:جنة تليفوني..
فارس:خلج قاعدة انا بجيبه لج..(جاب لها التليفون)
شيخة:مشكور حبيبي..من؟..هذي وديمة..السلام عليكم....هلا ودوم حبيبتي..
وديمة:اشلونج شيخو؟
شيخة:بخير..انت اشلونج؟
وديمة:زينة..اشفيه صوتج؟
شيخة:ولاشي كنت شوي تعبانة وتوني قاعدة من النوم..
وديمة:سلامات قلبي..ان شاء الله احسن؟
شيخة:الحمدلله..
وديمة:ريلج وينه؟
شيخة:عندي..
وديمة:والله؟...صج اني مااستحي متصلة هالحزة فيج..خلاص عيل روحي..
شيخة:ودوم فيج شي؟
وديمة:لا خلاص روحي..
شيخة:ماني مسكرة قولي لي..فيج شي؟
وديمة:ملانة شيخوه..ماعندي حد اقعد معاه اسولف وياه..
شيخة:حبيبة قلبي والله..حاسة فيج..خلاص باجر ان شاء الله انا رايحة بيت ابوي وانت تعالي هناك..زين؟
وديمة:هذا اذا خالد وافق..صاير هالجم يوم مزاجي..
شيخة:حاولي تقنعينه..
وديمة:بشوف..خلاص روحي ريلج ينطرج..باااي..
شيخة:بااااي..
فارس:خير ان شاء الله؟
شيخة:ولاشي..بس انت تدري بنت خالي بروحها وملانة..
فارس:ومن اللي قال انج باجر طالعة؟
شيخة:انت ناسي باجر وراي جامعة..
فارس:بس انت مب رايحة..
شيخة:ليش؟
فارس:انت تعبانة ومحتاجة راحة..
شيخة:والمحاضرات؟
فارس:قلعتها..المهم صحتج..
شيخة:انزين بروح بيت ابوي..
فارس:بيت ابوج اوكي..بس الجامعة لا..



عبدالله وتطمنا عليه وطلعت الموافقة...وقريب بتكون ملجته..

بيت بوسلمان سافروا للمرة الثانية..وتمت وديمة بحزنها وبروحها..

وأخيرا فهد طلق هبة..بس تعتقدون هذي بتكون هي نهاية هبة؟؟

وشالي تبيه هبة بالضبط من فهد؟؟

وفهد بتستمر حياته؟ ولا بيحصل عوائق بحياته؟؟

وشيخة لي متى بتستمر على هالحالة؟؟

وشالي الجديد في بيت بوراشد؟؟

تابعوني بأحداث مشوقة أكثر بالفصل الجاي..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 30-12-2013, 10:09 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


" فصل الــ 19 "





في غرفة وديمة...ينطق الباب....
وديمة:منو؟
خالد:خالد..
وديمة:دش..
خالد(فتح الباب حصلها قاعدة على السرير):مارقدتي؟
وديمة:لا..
خالد:وليش ماترقدين؟
وديمة:ماجاني نوم..
خالد(يقعد):اشفيج..نفسج صايرة خايسة اليوم؟
وديمة:مافيني..
خالد:خذتي دواج؟
وديمة:لا..
خالد:والابرة؟
وديمة:لا..
خالد:وليش ماخذتيهم؟
وديمة:ماابي..زين..
خالد(عصب):لا مو زين..انت اشفيج؟؟..شمسوي فيج انا؟..دواج لازم تاخذينه سمعتي..لاتحديني اتصرف معاج تصرف مايعجبج..
وديمة:لا..ايش بتسوي يعني؟؟
خالد(يقوم):سكتي ماابي اسمع شي..اشوف لسانج صاير طويل..وصرتي تراددين؟؟(طلع وسك الباب بقو)
في بيت عبدالله.....
ام عبدالله:ها يمه طمني عنك؟شنهي الاخبار؟
عبدالله:الحمدلله..حاس براحة..
ام عبدالله:ان شاء الله دوم يارب..عاجبتك؟
عبدالله:والله يايمه البنت ماعليها قصور..
ام عبدالله:ومتى تبي الحفلة؟
عبدالله:قلت لها الاسبوع الجاي..ولا انت ايش رايج؟
ام عبدالله:اللي تقولونه انتوا الاثنين انا راضية فيه..عسى الله يطول بعمري واشوفك معرس على الكوشة واشوف ولدك بين ايديك..
عبدالله:آآمين..ماقلتي لي انت ايش رايج فيها؟
ام عبدالله:بنت والنعم فيها وبأهلها..ماادري وين كنا عنهم كل هالفترة اللي طافت..الحمدلله على كل حال..
عبدالله:دام انج راضية عليهم ومرتاحة لهم انا بعد مرتاح..
الكل يحاول يمشي أموره بالظروف اللي يمر فيها..وديمة تحاول تنسى مرضها وتنشغل بدراستها..أحمد يشغل فراغه بشغله وطلعاته اللي زايدة هالفترة على البحر وسفراته المستمرة..شيخة اللي حمالها متعبها وايد وكل فترة تتعب على ريلها وتقعد بالبيت وغيابها زاد عن قبل..فارس اللي بين زوجته الحامل وعملياته اللي تتطلب مزاجيه طيبة وبين عيادته ومع مرضاه..شيماء وشمة يشغلون نفسهم بطلعاتهم للسوق والقعدة في الغرفة وبين صفحات النت او يسمعون هواش ابوهم وامهم لهم كالعادة..راشد مشغول بعيلته دائما ولايفرط دقيقة الا وهو ساءل عن حد منهم ولا مايرتاح..خالد اللي باله مشغول على اخته ويحاتيها في مرضها وطلعاتها وحنتها..محمد وصار مشغول بزوجته وقلت روحاته لربعه..عبدالله يحاول يعطي كل طاقته في الدراسة والدوام وحاس براحة البال من خطيبته وأهلها ورضى امه..فهد اللي يحاول يتناسى التجربة اللي مر فيها بشغله وسفراته واجتماعاته ومشاريعه...راكان بين شغل الشركة ومجمعه وبين تفكير وبحث عن شريكة حياته اللي تسعده.....
أحمد قاعد يشرب شاي حمر وهو يقرأ الجريدة في إحدى المقاهي....
خالد:صباح الخير..
أحمد(ينزل الجريدة):هلا والله صباح النور..
خالد:اخبارك؟(يقعد)
أحمد:بخير..وانت اشلونك؟
خالد:طيب..أشوفك تشرب شاي حمر مو من عادتك..
أحمد:شسوي اشتهيته..
خالد:أحمد انت اشفيك؟
أحمد:اشفيني؟
خالد:ماادري بس جنه فيك شي..تصرفاتك تغيرت..
أحمد(كمل قراية الجريدة):لاتحاتي انا بخير..
خالد:ليكون رديت للمنتدى ؟
أحمد(نزل الجريدة):مستحيل..(كمل قراية)
خالد:يعني ماانت قايل؟
أحمد:ايش تشرب؟
خالد:بشرب شاي حمر..
عبدالله يطلع من غرفته وينزل تحت...يروح المطبخ..يحصل امه يحب راسها....
عبدالله:صباح الخير يالغالية..
ام عبدالله:صباح النور يابعد قلبي..
عبدالله:كيف أصبحتي يالغالية؟
ام عبدالله:أصبحت بكل خير وعافية..وأنت؟
عبدالله:مثلج يالغالية..شتسوين؟
ام عبدالله:ازهب لك الريوق..
عبدالله:مع ان أحمد مطرش لي مسج انه بيتريق برع..لكن ماني مفوت هالريوق..
ام عبدالله:اذا تبي تروح حبيبي روح..
عبدالله(يبتسم لها):ماني رايح..خليني اساعدج..
ام عبدالله:عساني ماانحرم منك..
عبدالله:ولامنج..
فارس ينادي شيخة....
فارس:صباح الورد..
شيخة(تبتسم):صباح الورد..
فارس:ياللا قومي..غسلي وجهج والريوق ينتظرج..
شيخة(تقوم)
فارس:شوي شوي على عمرج..اهم شي صحتج..انا ناطرج هني..ترى الريوق فوق..
شيخة:ان شاء الله..
في الكوفي....
خالد:مب برد عليك لابس جذي؟
أحمد:لا عادي..
خالد:أحمد ترى تعبت من كلامك المختصر وقرايتك للجريدة..
أحمد(نزل الجريدة):ايش تبيني اسوي؟
خالد:كلمني قول شي..
أحمد(كمل قراية)
خالد:لا انت الظاهر فيك شي..(طلع تليفونه)..انا باتصل في محمد خله يي ويشوف حل وياك..(يتصل)........آلو..صباحك الله بالخير......راقد؟....اي اشوه....ادري انا عنده....اسمعني....مب جاي؟......اي ياليت لو تجي.....والله ماادري خويك اشفيه....لجيت أسأله لأني ماني فاهم شي....فمان الله..
في غرفة فارس....
شيخة:صدقني مااشتهي..
فارس:مايخصني تشتهين ولا لا..لازم تشربين العصير..انت ناسية كلام الدكتورة؟
شيخة:ماني ناسية..بس مااشتهي..
فارس:عيل شربي الحليب..
شيخة:حليب لا..بتوكل على الله وبشرب العصير..
فارس:شيخة حبيبتي تكفين سمعي كلام الدكتورة علشان صحتج..ترى والله احاتيج ودوم افكر فيج..
شيخة:لاتحاتيني حبيبي انا بخير..
شمة تنشف شعرها وتقعد على الكرسي وتمشط شعرها....
شمة:شيوم قومي بسج رقاد..شوفي الساعة كم صارت..
شيماء:يعني كم؟وحده؟
شمة:لاطبعا..قريب توصل 9..
شيماء:يوووه توها تسع خليني انام..اليوم اجازة..
شمة:حتى لو اجازة امس رقدتي لين 12 ونص..واليوم بعد بتسوين نفس الشي؟
شيماء:شموه سكتي عني..ابي اناااام..امس سهرانة لين 3..
شمة:محد جابرج تسهرين لين 3..ياللا قومي..ترى بسبقج بالريوق وبروح استأذن من امي بروح المطعم وياربعي..
شيماء:مابتوافق..
شمة:بجرب ماني خسرانة..
شيماء:لوافقت قعديني..
في الكوفي....
محمد:اول مرة أقرأ هالخبر..
خالد(مد البوز عليهم وقام)
محمد:وين؟
خالد:والله انا مب جاي أقرأ جرايد..بروح اسوي شي مفيد..أخليكم تقرون الجرايد على راحتكم..واذا محتاجين جرايد ثانية ترى بوصيهم يجيبونهم لكم..
محمد:لا مشكور يكفينا هذا..بس وين رايح..خلك قاعد..
خالد:لا مشكور..
محمد:الحين انت متصل فيني تعال ويوم جيت تروح..
خالد:الظاهر انكم مشغولين بالاخبار..فماحبيت اشغلكم..علشان جذي ماشي..فمان الله..
محمد:اشفيه؟
أحمد:أنا ادري..
محمد:اي صح تعال ايش عندك اليوم جاي هالمكان وتشرب شاي حمر..مو من عوايدك؟
أحمد:تصدق اشتهيت الحمر اليوم؟
محمد:ايش طاري عليك ياريال ليكون حاب لك وحده..قول ولاتستحي..
أحمد(طوى الجريدة وابتسم):احب؟!!..لا انت رحت قارة ثانية..
محمد:عيل ايش عندك؟..ليكون رقوك وانا ماادري؟؟
أحمد:ترقية بعد..مستحيل هذا يمكن عقب عشر سنين..
محمد:اممممم..شنو تعبت من التفكير..قولي..والا اقولك ايش رايك تريقني فلافل أيام الجامعة تذكر؟
أحمد:شالي طرى على بالك؟
محمد:جذي اشتهيته..ولا انت حلال تشتهي وانا حرام..قوم خلنا نروح نشتري الفلافل وناكل ونسولف..قوم..
ام فهد قاعدة تسولف في التليفون...




ام فهد:هلا كاملة......الحمدلله كلنا بخير..أنت اخبارج؟
كاملة:بخير والحمدلله..أخبار بوفهد وفهد وراكان؟
ام فهد:كلهم بخير..أخبار ولدج سعد؟
كاملة:الحمدلله احسن من قبل وراح دوامه..
ام فهد:الحمدلله..
فهد(يقعد):راكان قريت الجريدة؟
راكان:اي..
فهد:فيها شي مهم؟
راكان:لا..
فهد:انزين اسمع انا بسافر باجر الصبح الرياض..
راكان:ليش؟
فهد:عندي شغل هناك..
على البحر.....
محمد:ماتحس بالبرد؟
أحمد:لا..الجو زين..
محمد:بسم الله عليك..اشفيك؟
أحمد:ولاشي..
محمد:أحمد..تحجى تراني اسمعك..
أحمد:حاس بالوحدة يامحمد..وقتي ضايع ماني عارف وين اروح وايش اسوي..محتاج اقعد ويااحد..اسولف وياه..يعيش معاي كل لحظة من حياتي..
محمد:أفاا وانا وين رحت؟..خالد عبدالله وينهم؟
احمد:انتوا موجودين والله لايفرقنا..بس انت فاهم اللي اقصده..ماعمري حسيت بالجو العائلي من يوم وانا صغير..كل مابغيت منهم شي قالوا هاك هذي الفلوس..عمرهم مافكروا ان الفلوس ماسوت لي شي ولازودت شي من حياتي..تمنيت مرة اقعد وياهم بطاولة وحده نتغدى ولانتعشى اذا مب ريوق..لكن ابد..امي وابوي يسافرون وايد واذا بالدوحة ابوي مشغول وامي مشغولة ويالحريم..وماتصدق اذا اقولك يمر اسبوع ومااشوفهم ولايتصلون فيني اذا انا حي ولاميت..حتى الشوق بعينهم مااشوفه..
محمد:احمد ربك على اللي انت فيه..غيرك مصيبته اكبر ومشاكله مالها اول ولاتالي..على الاقل ابوك واحد عنده خير وعندك بيت تقعد فيه..وعلى الاقل ابوك وامك عايشين..غيرك ماعندهم..
احمد:يااااه يامحمد..انت ماتدري شي..انا احس عمري يتيم..عمري ماحسيت انهم يقربون لي..اسكت يامحمد ولاتقلب المواجع..
محمد:كل هذا بقلبك يااحمد وانا ماادري..
احمد:كل واحد فيكم مشغول بنفسه..وانت تعرف ان انا مو النوع اللي يتحجى..
محمد:في هذي صدقت..بس انا اخوك يااحمد..حتى لو كنت مشغول بعطيك كل وقتي..
احمد:تصدق محمد لو انتوا ماكنتوا بحياتي جان انا هاجرت وليت من هالدنيا.
محمد:ايش هالحجي يااحمد..استغفر ربك..والحمدلله احنا ويابعض..ايش رايك تسافر تغير لك جو شوي..
احمد:ماابي..تعبت من السفر..اسبوع اللي طاف كنت بالبحرين..واللي قبله رحت المغرب..واللي قبله ماادري وين خلاص تعبت من السفر مااستفيد شي..مع ان بقى لي رصيد اجازات بس مليييت مليييت من السفر..
محمد:انزين انا عندي لك حل..
احمد:قول..
محمد:تزوج..انت ماعدت صغير..واللي كبرك عنده عيال..
احمد:ماحصلت اللي تنفعني..
محمد:انت مادروت عدل..
احمد:دورت وايد ووصيت عبدالله يقول حق امه..بس ماكو حد..
محمد:انا بكلم امي اليوم وبخليها تدور لك..
على الغداء.....
خالد:ليش ماتاكلين سلطة؟
وديمة:بس جذي..
عيسى:ترى السلطة لذيذة لاتفوتج..
وديمة:ماابي..
خالد:ماتعرفين شي..
الجدة:اليوم اتصلت ليلى وقالت انها بتسوي العشاء وبتجيبه وخلكم كلكم موجودين..
وديمة:ليش وين بروح ياحظي..غير البيت ماعندي مكان..
خالد(طالعها بنظرة)
عيسى:اذا في خاطرج مكان قولي..بوديج..
وديمة(تطالع خالد وهو ياكل):صج خالي توديني؟
عيسى:اي اوديج..انت بس قولي وين؟
وديمة:في خاطري اروح السينما..
عيسى:خلاص العصر زهبي عمرج وبوديج السينما..بس اي نوع من الافلام تحبين؟
وديمة:اممم في خاطري شي كوميدي..
عيسى:عيل خلج زاهبة العصر..خالد تيي؟
خالد:لا..انا طالع عندي شغل..
عقب الغداء....
فارس:تراج ماكليتي عدل..
شيخة:شسوي شبعت بسرعة والاكل كان دسم..
فارس:مايصير جذي ياشيخة ترى مب زين..انتوا شخصين لازم تاكلين عدل..
شيخة:صدقني مااقدر..
فارس:انزين لاتنسين باجر الصبح موعدج..
شيخة:زين ذكرتني باتصل في امي علشان تيي وياي..
فارس:ماله داعي..انا بجي وياج..
شيخة:مابيدخلونك..
فارس:بادخل ماعليج..بس اول مايقرب رقمج اتصلي فيني..
شيخة:الساعة جم بنروح؟
فارس:من وهل ست ونص نطلع من البيت..
شيخة:وايد بدري..
فارس:ماعليه احسن من انج تمين تنتظرين دورج لين 12 الظهر ولا وحده..
شيخة:انزين خلنا نطلع اليوم..
فارس:وين تبينا نروح؟
شيخة:خلنا نروح نشتري لنا شوية اغراض للبيبي واغراض للثلاجة..
فارس:بس المشي مب زين لج..
شيخة:مب مطولين محل واحد حق ملابس الياهال والجمعية..
الساعة خمس ونص في بيت بويوسف....
محمد:أقول يمه..ماتعرفين بنت زوينة للزواج..
ام يوسف(فجت عينها):شنو؟؟ بنت للزواج ناوي تتزوج على زوجتك؟
محمد:لا يمه ايش دعوة..
ام يوسف:عيل وشو؟؟
محمد:حق رفيجي احمد..عيز وهو يدور له على وحده تكون زينة ماهو محصل..
ام يوسف:الحمدلله..حسبتك تبيها لك..
محمد:لا يمه ايش دعوة اخذ على زوجتي..مااسويها..هي مسكينة مامقصرة معاي بشي..
ام يوسف:انا اعرف وحده عيوز طيبة وايد عندها بنت عمرها 28 سنة مامتزوجة..بس ماادري اذا هي بتنفعه ولا لا..لأنهم ناس على قدهم..
محمد:المشكلة يايمه ان اهل احمد يبون وحده مثلهم..
في شركة فهد....
فهد:يعني لوين وصل حالهم؟
غانم:وصل حالهم إن امهم تروح ويالفرقة الاعراس علشان ترقص لهم على الستيج والناس يستانسون عليها وينثرون عليها الفلوس والفلوس تروح في جيوبهم بكل سهولة..والمرة ماهي صغيرة عمرها 50 سنة..
فهد(منصدم):خمسين سنة؟؟!!!..مستحيل مااصدق..
غانم:انا انصدمت مثلك وماصدقت..بس الظاهر الحاجة هي اللي وصلتهم للحالة هذي..
فهد:تشتغل رقاصة وهي بهالسن علشان فلوس؟؟
غانم:يافهد لاتلومها ام وفي رقبتها خمس عيال واثنين منهم معاقين وماعندهم فلوس علاجهم..وعيالها مادارسين ولا مرحلة..ماعندهم فلوس يصرفون على عمرهم..يالله هالفلوس اللي تحصلها من الفرقة تكفي قوت يومهم وايجار البيت..حالتها تكسر الخاطر..
فهد:ماني مصدق ياغانم ترقص!!!
غانم:انت ماشفت شي من حال الناس يافهد..اللي عايش بين الفلوس عمره مايفكر ان الفقير لوين ممكن توصل حالته من الفقر..
فهد:انا مصدوم..انزين انت تعرف هم في اي منطقة؟
غانم:اي اعرف..
فهد:انزين انا ابي اروح لهم..
غانم:ايش تبي تسوي؟
فهد:بعدين بقولك..بس انت وراك شي اليوم ولا باجر؟
غانم:لا..
فهد:انزين خلاص الحين بخلي علي يحجز لنا تذاكر ونسافر لهم..(يتصل بعلي)...علي تعال ابيك شوي..
علي:حاضر طال عمرك..
ترد وديمة البيت وهي مستانسة...تروح غرفتها...تغير ملابسها وتفتح الماسن تحصل وحده من ربعها....
وديمة:ماحصلت حد هالحزة الا وحده مليقة..بحط غير متصل وافتك من حجيها..
افتحت كتابها وتذكرت ان وراها واجب..وقعدت تحله...وقعدت تدرس شوي..رفعت راسها شافت الساعة 10 ونص..استغربت ان خالد ماجى صوبها..
بغرفة فهد..يدخل راكان....
راكان:ممكن اقعد؟
فهد:حياك..
راكان(يقعد):اشفيك؟ليش ماتعشيت عدل اليوم؟
فهد:ماتدري ياراكان اليوم سمعت سالفة من غانم طيحت كل جوانب السعادة من حياتي..
راكان:مافهمتك..
فهد:كنت احسب اني يوم اساعد فلان وفلانة واعدل بظروف حياتهم يعني انا مستانس اني غيرت حالتهم من فقر الى احسن..بس اكتشفت ان في ناس حالهم في القاع ومحد يدري عنهم..
راكان:ليش غانم ايش قالك؟
فهد:تخيل ياراكان..وحده عمرها 50 سنة تشتغل ويافرقة وشغلتها شنو؟؟
راكان:شنو تجمع الفلوس؟
فهد:ياليت..
راكان:وشو؟؟
فهد:ترقص لهم ..تخيل ترقص لهم ياراكان!!!
راكان:ترقص!!
فهد:آآآآه ترقص..علشان الحريم يستانسون عليها وينثرون عليها الفلوس..وياليت تحصل شي من اللي تسويه غير ان يكفيها حق قوت يومها وايجار البيت..
راكان:لاحول لله ولاقوة الا بالله..وايش بتسوي؟
فهد:ماني قاعد بمكاني ولادقيقة..لازم اسوي شي دام اني قادر..مااقدر اتخيل هالشي يصير..لازم اسوي لهم شي..
راكان:ايش بتسوي؟
فهد:ماادري..لازم اروح لهم واشوف حالهم بالاول..واعرف اللي محتاجين له أكثر شي وبسويه بالاول..
راكان:هم في الدوحة؟
فهد:لا..وحجزت تذاكر الساعة 8 طيارتنا بروح وياغانم..
راكان:انزين هم كم شخص؟
فهد:يقول عندها خمس برقبتها وريلها توفى من المرض وماكان عندهم فلوس للعلاج..واثنين من عيالها معاقين ومحتاجين علاج بس ماعندهم تكاليف العلاج..
راكان:انزين اسمع انا باتكفل بمصروف شهري يكفيهم ويزيدهم بعد..
فهد:تصدق ان الدراسة ماهم دارسين..
راكان:لاحول ولاقوة الا بالله..
تطلع من غرفتها..وتروح غرفة خالد وتدق الباب بس محد يرد استغربت..صارت تدق الباب بقو....
خالد(قام وفتح الباب):منو؟..هذي انتي؟..فيج شي؟
وديمة:انت راقد؟؟
خالد:فيج شي؟
وديمة:لا..
خالد:عيل شالي جايبج؟
وديمة:ماشفتك وجيت اسأل عنك..
خالد:صج ماعندج سالفة..وخري من وجهي وروحي نامي..(سك الباب)
وديمة(تضايقت وراحت غرفتها)
الساعة 6 ونص ينزل عبدالله يحصل امه قاعدة تقشر البيض المسلوق...يحب راسها...
عبدالله:صبحج الله بالخير يالغالية..
ام عبدالله:صبحك الله بالنور فديتك..اقعد يمه تريق..
عبدالله:من عيوني(يقعد)..وين حسنة؟
ام عبدالله:الحين بتنزل..
عبدالله:يمه اليوم بتأخر..سبقوني وتغدوا..
ام عبدالله:متى بترد؟
عبدالله:احتمال الساعة 4 او 4 ونص..
ام عبدالله:دير بالك على عمرك حبيبي وانت تسوق..اي حد يلعوزك ولاشي خله بحاله ومالك خص فيه..انت سوق على راحتك ولاتستعيل..انزين فديتك؟
عبدالله:ان شاء الله من عيوني..انت تامرين ياام عبدالله..
على ريوق بيت بوسلمان....
خالد:وينج ليش متأخرة..ماتشوفين الساعة؟
وديمة:راحت علي نومة..
الجدة:تعالي يمه تريقي..
وديمة:ماابي جدتي مااشتهي..
خالد(يقوم):انا بالسيارة..لاتأخرين..
وديمة(استغربت انه مااصر انها تتريق)
الجدة:كلي لج شوي بس..
وديمة(تلبس عباتها):ماابي..
الساعة 7 وخمس دقايق...طاولة افطار بيت بوفهد....
بوفهد:هو قال بيروح الرياض عنده شغل اليوم..
راكان:أجل الشغل علشان هالشي..
ام فهد:ليش يروح هالاماكن..اخاف حد يسوي فيه شي..
بوفهد:ولدنا ريال وماينخاف عليه..اسمع راكان يبه..اتصل في اخوك وقوله انا مستعد اتكفل بمصاريف علاج عيالها..حتى لو احتاجوا مستشفيات غالية..انا مستعد..
ام فهد:شالي حادك يابوفهد؟
بوفهد:اللي حادني اني مسلم وعندي خير والحمدلله ليش مااساعد الناس؟؟
راكان:وانا قلت له بتكفل بمصروف شهري لهم..
بوفهد:كلم اخوك وقوله سوي اي شي ولا المرة تحتاج تشتغل هالشغلة..اشلون ارضى ان وحده تشتغل هالشغلة واحنا موجودين..
في الجامعة...




وديمة قاعدة ويالريم رفيجتها وهم يقرون الاوراق اللي بين ايدينهم...
وديمة:صرت احاتي شيخة ليش ماجات..
الريم:اتصلي فيها..
وديمة(طلعت تليفونها):ماترد.......آلو..شيخة وينج؟
شيخة:انا في المستشفى..عندي موعد..
وديمة:صرت احاتيج تأخرتي..متى جاية؟
شيخة:اخلص من الموعد وبيي..
وديمة:والامتحان بيميدج ؟
شيخة:انا اتصلت في الدكتورة وخبرتها..
وديمة:عيل ديري بالج على روحج...بااي..
الريم:خايفة من الامتحان ودوم..
وديمة:سكتي انت على الاقل دارسة..انا اللي ناسية ان وراي امتحان..
الريم:الله ياستر..
في مكتب عبدالله....عبدالله يرفع راسه.....
عبدالله:وعليكم السلام..
ناصر:اشلونك عبدالله؟
عبدالله:بخير..
ناصر:ايش دعوة مافي حياك؟
عبدالله:حياك..
ناصر(يقعد):مبروك على الملجة..
عبدالله:الله يبارك فيك..مشكور..
ناصر:اشفيك تحاجيني بهالطريقة؟
عبدالله:لا مافيني شي..بس انا شوي مشغول..
ناصر:ماني معطلك..بس حبيت اني ابارك لك..مع اني عتبان عليك لأنك ماخبرتني علشان احضر وياك الملجة..مهما اللي صار بينا اظل انا عمك وبحسبت ابوك..وجودي مهم بالنسبة لك في هاليوم..يعني على الاقل جدام الناس..
عبدالله:مشكور..
ناصر:صج سمعت انك خذت وحده مب قطرية؟
عبدالله:اي نعم..
ناصر:وليش؟..خايف من شي؟
عبدالله:وليش اخاف..الحمدلله سمعتي طيبة من سمعت ابوي الله يرحمه..مااعتقد ان في شي يخليني اخاف..وبعدين صج هم مب قطريين لكن تراهم احسن من ناس ماقدرونا..
ناصر:ايش تقصد؟
عبدالله:مااقصد شي..
ناصر(يوقف):على العموم بسوي عمري ماسمعت شي..الليلة انا مسوي عزيمة علشان ملجتك..وابيك تحضر على الاقل لاتفشلني جدام الغرب..
عبدالله:مااعتقد ان هالعزيمة لها لزمة..
ناصر(يبتسم):لا ياعبدالله..انت ولد اخوي واشلون هالعزيمة مالها لزمة..ماهي حلوة..
عبدالله:جدام الناس مو جذي؟
ناصر:شكلك ماخذ بخاطرك علي..لكن مردك بترضى علي..الايام بتبين لك مصداقيتي..على العموم انا رايح ماني معطلك بس حبيت ابارك لك واخبرك بالعزيمة..مع السلامة..
عبدالله:مهما تسوي من خير..ماراح تغير نظرتك في عيني..تظل انت اللي هو انت اللي سويته في ابوي..
ناصر(انقهر من كلامه وسكت وراح عنه)
في السيارة....
فارس:سمعتي كلام الدكتورة؟
شيخة:سمعت..
فارس:تكفين ياشيخة علشاني سمعي كلامها ولاتخاطرين بصحتج..ترى جذي تخليني احاتيج اكثر..
شيخة:لاتحاتيني حبيبي..ان شاء الله بكون بخير..بحاول قد مااقدر..
فارس:اذا تعبتي ولا حسيتي بلوعة ولاشي..على طول اتصلي فيني..اوكي؟
شيخة:اوكي..تامرني بشي ثاني؟
فارس:ديري بالج على روحج
شيخة(تبتسم):من عيوني..(تفتح الباب)..ياللا انا رايحة..لخلصت باتصل فيك..مع السلامة..
فارس:الله يحفظج..مع السلامة..
في مكتب خالد...يرن تليفونه....
خالد:آلو...وعليكم السلام....بخير...في الدوام....اي ادري...اشلون؟؟...اشفيها؟؟؟....خلاص انا الحين رايح لها..مع السلامة..
في الجامعة.....
شيخة:ودوم فديتج كل هذا علشان الامتحان؟!!
وديمة(وهي تعبانة):ماادري..بس حيل تعبانة..
شيخة:هذا خالد وصل..امشي خلني اساعدج..قومي..
ووصلوا للسيارة...خالد طلع من السيارة علشان يساعد وديمة ويركبها السيارة...
شيخة:السلام عليكم..
خالد:وعليكم السلام..وديمة اشفيج تعبانة؟
وديمة:ماادري..
قعدها في السيارة...
شيخة:ديري بالج على نفسج وطمنيني اوكي؟
وديمة:انزين..
وهم في السيارة....
خالد:شالي صار فيج؟
وديمة:ماادري..
خالد:شكلج وايد تعبانة لازم اوديج المستشفى..
وديمة:لا ماابي اروح..ردني البيت..
خالد:مب على كيفج..دايركت على المستشفى..ولاتناقشيني..
وديمة:تكفى خالد ماابي اروح..
خالد:بس ماابي اسمع ولا كلمة..تبين تذبحين عمرج..
في المستشفى....
خالد:هاا دكتور طمني؟
الدكتور:وديمة السكر عندها نازل وهذا نتيجة الاغماء اللي صار لها..
خالد:واشلونها الحين؟
الدكتور:هي كويسة الحمدلله..وحالتها مستقرة..وركبنا لها جلوكوز علشان يرتفع السكر شوي ويوصل الرقم الطبيعي..وعقب تقدر تظهر معاك..عن اذنك..
دخل خالد حصلها مسكرة عيونها....
خالد:وديمة؟
وديمة(فتحت عيونها)
خالد:راقدة؟
وديمة:دايخة..وفيني نوم..
خالد:انزين نامي..
وديمة(سكت عيونها)
رن تليفون خالد...خالد طلع....
خالد:آلو...
ليلى:وينك ليش ماترد علي؟
خالد:شسوي كنت مشغول شوي وياوديمة..
ليلى:انزين طمني اشلونها الحين؟
خالد:الحمدلله والدكتور يقول السكر كان نازل عندها..
ليلى:ليش انت وديتها المستشفى؟
خالد:اي..احنا هني......لا هي راقدة الحين..
شيماء وشمة يردون البيت يقطون الشنط على الارض كالعادة ويدخلون المطبخ...




شيماء:وين ماما؟
الخدامة:مايعرف..
شمة:شنو الغداء؟
الخدامة:برياني دجاج..
شيماء:اهم شي سويتي الصلصة الحارة؟؟
الخدامة:اي يسوي..كل شي جاهز..
شيماء:يمي..ياللا شمو نبدل جوعتني..
شمة:يمه..مامي..ماماتي..
ام راشد(تطلع من غرفتها):هسسسس..بسكم وانتوا تنادون..ايش تبون؟؟
شمياء:مامي وينج؟
ام راشد:سكتي لاتعلين صوتج..ابوج راقد..
شيماء:ابوي راقد؟؟..ليش؟
ام راشد:راسه يعوره ونام..
شمه:حبيبي باباه..ليش؟
ام راشد:وانا ايش دراني..وخروا عني بهالملابس..غيروا ملابسكم وتعالوا علشان تغدون..
تدخل الجوهرة البيت...وتحصل ام راشد....
الجوهرة:هاا عمتي طمنيني على عمي اشلونه؟
ام راشد:خذ البندول ورقد..
الجوهرة:زين انه رقد..يمكن الالم يخف عنده..
ام راشد:ماكلمتي راشد؟
الجوهرة:لا..خفت اقوله ويتوده ومايسوق عدل..قلت بانتظر لين الثنتين اذا مارد باتصل فيه..
ام راشد:زين سويتي..عيالج ردوا من المدرسة؟
الجوهرة:اي ردوا..بس عيسى اللي مارد..
وهم بالغرفة....
شيماء:شموه تعالي شوفيه رد..وكتب هالموضوع..
شمة(تقرب وهي تلبس نظارتها):وين اشوف..(تقرأ)...وعليه عليه مسكييين مايستاهل..عقب الغداء بدخل المنتدى وبرد عليه..كسر خاطري..
شيماء:يستاهل..
شمة:لا عاد شيوم لاتقولين عنه جذي..مسكين صاده كسر وماتشوفين سيارته رايحة فيها صايرة ورقة معفوسة..
شيماء(قامت):مايخصني..يولي..
شمة:الله يهديج..دوم تكابرين..
الساعة 2 يدخل راشد بيت ابوه....يحصلهم قاعدين يسولفون في الصالة...
راشد:السلام عليكم..
الجميع:وعليكم السلام..
راشد:ابوي وينه؟
ام راشد:راقد يمه..من وقت ماخذ الدواء رقد..
راشد:أخاف يكون الكوليسترول عنده مرتفع..
ام راشد:ماادري..
ودخل راشد عند ابوه...وتموا البنات مع الجوهرة في الصالة....
شيماء:الجوهرة..ابوي وايد كان تعبان؟
الجوهرة:لا حبيبتي مو ذاك الزود..بس كان مصدع..
شمة:عيل وين فارس؟
شيماء:شنو انت ناسية ان فارس يخلص دوامه 2 ؟
شمة:اي صح..
في البيت.....
خالد(قعدها على السرير):غيري ملابسج واستريحي..وبقول حق الخدامة تنجب لج الغداء..
وديمة:مشكور خالد..تعبتك معاي..
خالد:هسس..ماابي اسمع شي..(سك الباب)
يرن تليفونها....
وديمة:هلا شيخة.....الحمدلله انا بخير.....ولاشي السكر كان نازل عندي......شسوي من الخوف.....التليفون ماكان وياي كان بالسيارة ويااغراضي......اي الحمدلله اشوه....في البيت انت وينج؟.......اوكي باااي..
شيخة:باااي..
فارس:هاا اشلونها؟
شيخة:الحمدلله..تقول السكر كان نازل عندها..
فارس:توقعت هالشي..بس الحمدلله هي بخير الحين؟
شيخة:اي الحمدلله..
فارس:واخيرا وصلنا البيت..
صف السيارة ونزلوا....ودشوا البيت....
فارس+شيخة:السلام عليكم..
الجميع:وعليكم السلام..
فارس:اشلونج ياام عيسى؟
الجوهرة:طيبة..انت اشلونك؟
فارس:تمام..
الجوهرة:اشلونج شيخة؟
شيخة:بخير..انت اخبارج؟
الجوهرة:الحمدلله..
راشد وام راشد يجون....
ام راشد:يعني ايش بتسوي؟
راشد:لازم يروح المستشفى ويسوون له تحاليل..علشان نتأكد..
فارس(مستغرب):من هو؟
راشد:ابوي...
فارس:ابوي اشفيه؟
راشد:شوي مصدع..والظاهر الكوليسترول مرتفع..
فارس:من متى؟
ام راشد:من اول مااذن الظهر..
فارس:وليش مااتصلتي فيني؟
ام راشد:هو مابغى..
فارس:بتوديه؟
راشد:لازم..(يطلع تليفونه).....السلام عليكم....سمعي ياهيام الغي كل مواعيدي اليوم...اي نعم...عندي ظرف طارئ.....حاولي تدبرين لهم مواعيد غيرها..حتى لو تمينا باجر من 3ونص لين 9ونص..اوكي؟....ياللا مع السلامة..
فارس:وانا ليش ما ألغيت مواعيدي؟
راشد:انت روح العيادة..على الاقل تقدر تعالج المرضى اللي عندك وماتصير فوضى عندنا..وابوي انا بروح وياه..وباطمنك عليه..
فارس:مايصير انا اروح العيادة وابوي يروح المستشفى..
راشد:لاتحاتي..ابوي بخير..
شيخة(تحس بدوخة شوي وتحس انها بتطيخ الا تمسك يد فارس)
فارس(يمسكها ويلتفت لها):شيخة اشفيج؟
شيخة:ماادري..مرة وحده حسيت بدوخة..
ام راشد:بسم الله عليج الرحمن الرحيم..
راشد:ودها داركم خلها ترتاح..الظاهر انها تعبانة من الدوام..
ام راشد:الحين بخلي الخدامة تنجب لكم الغداء وتجيبها لكم فوق..روحي يمه ريحي..
شيخة:انا بخير تطمنوا..
فارس:امشي خلنا نروح فوق..


الرد باقتباس
إضافة رد

حياة ملونة الكاتبة / أميرة الوهج؛كاملة

الوسوم
أميرة , ملونه , النهي , الكاتبة , حياة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
محطات (19)مع أبو رتيل صمت شامخ ديوانية الاعضاء - متنفس للجميع 1287 26-03-2017 05:50 PM
حياتي عذاب / الكاتبة : تكفيني العبرة ، كاملة sandybill روايات كامله - يتم نقل الرواية هنا بعد اكتمالها 59 05-04-2016 09:01 PM
هذا الغرام يا صاحبي اللي يقولون ؟ و إلا هذي لعبته ؟ / بقلمي ●• نورا بنت فهد •● أرشيف الروايات المغلقة - لعدم إكتمالها 537 30-07-2012 11:20 PM
رواية أميرتي / بقلمي , كامله *خجل* روايات كامله - يتم نقل الرواية هنا بعد اكتمالها 91 27-04-2012 02:43 AM
رواية إنت لمين ؟ / بقلمي قلب يآآسر أرشيف الروايات المغلقة - لعدم إكتمالها 8 31-07-2010 09:35 AM

الساعة الآن +3: 08:57 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1