غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 30-12-2013, 10:10 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


متابعة فصل الــ 19




في غرفة وديمة....خالد يدخل....
خالد:تغديتي؟
وديمة:اي الحمدلله..
خالد:خذتي دواج؟
وديمة:اي خذيته..
خالد:انزين نامي وريحي..وانا بعد بروح اريح..اذا بغيتي شي نادي الخدامة وليلى بتمرج بعد الصلاة..
الساعة 5ونص يدخل عبدالله البيت...ومايحصل حد بالصالة....
عبدالله:يمه..حسنة..وينهم؟
ام عبدالله(تيي):هلا يمه رديت؟
عبدالله:اي يمه رديت..وينكم؟
ام عبدالله:كنت بغرفتي..يعطيك العافية حبيبي..
عبدالله:الله يعافيج يالغالية..
ام عبدالله:كلت شي؟
عبدالله:كلت شوية فطاير ويالربع بالجامعة..
ام عبدالله:يعني ماانت جوعان؟
عبدالله:مب الحين خليها عقب المغرب..بروح اريح شوي قبل ليأذن..
ام عبدالله:روح يمه نام..ولأذن انا بقعدك..
في غرفة البنات....




شمة:شيوم تعالي اقري ايش كاتب عنج..
شيماء(تقرب وتقرأ):صج ماعنده سالفة..ماادري اشفيه علي..كيفي ماابي اتحمد لك بالسلامة..
شمة:حرام عليج..اقولج حليتي واجب العربي؟
شيماء:يوووه..هذي صج تبط الجبد..يعني وايد معطه حق عمرها اهمية كل يوم واجب..ايش دعوة ماكو مادة غيرها..
شمة:يعني حليتيه ولا لا؟
شيماء:لا..
شمة:وحليتي واجب الاحياء؟
شيماء:اي حليته توني مخلصة منه..ماادري شالي خلاني ادش علمي لو تامة بأدبي وااايد أبرك لي..لو انا ادبي مثل سلطان والله اريح..كل يوم طالع يشوف تلفزيون مرتاح ولاكأن وراه دراسة..
شمة:محد جابرج تدخلين علمي..جان تميتي بأدبي..
شيماء:قرادة حظي فكرت ادش علمي..انا بروح تحت..بشوف ابوي..اتطمن عليه..
شمة:نطري بس اسك اللاب توب ونروح..
شيماء:ماطليتي على شيخة؟
شمة:بلا رحت لها قبل ساعة وكانت راقدة..
شيماء:خلاص انا بروح لها لين ماانتي تسكين الجهاز..
في غرفة شيخة...قاعدة على الكنب بالبيجامة..وهي تسولف في التليفون...يندق الباب...
شيخة:لحظة حبي..(تفتح الباب)...هلا شيماء..حياج..تعالي قعدي..
شيماء:جاية اتطمن عليج..جاتج شمة من ساعة كنت راقدة..
شيخة:اي كنت شوي تعبانة ورقدت..حياج قعدي..
قعدوا...
شيماء:وجهج مصفر وشكلج تعبانة..
شيخة:من صجج؟...لحظة شيماء..هلا فارس..
فارس:صج اللي قالته شيماء؟
شيخة:لا مب صج..ماعليك من هالكلام انت خلص شغلك وتعال..ودير بالك وانت تسوق..
فارس:انزين عطيني شيوم شوي..
شيخة:ليش؟
فارس:انت عطيني اياها..
شيخة:انزين..شيماء فارس يبيج..
شيماء:آلو..
فارس:شيوم اخبار ابوي شفتيه؟
شيماء:ابوي بخير..وتوني انا وشمة نبي ننزل نروح نتطمن عليه..
فارس:وشيخة صج وجهها مصفر وتعبانة؟
شيماء:اي شوي..
فارس:انزين سمعي نزلي تحت وقولي للخدامة تسخن لها حليب كوب كامل وخلها تشربه كامل..سمعتي؟
شيماء:ان شاء الله......لاتوصي حريص...مع السلامة..(قامت)..ياللا انا رايحة تحت..تبين شي؟
شيخة:لا مشكورة انا الحين جاية وراج ابي اتطمن على عمي..بس ابدل ملابسي..




تحت في الصالة....
خالد ينزل يحصل ليلى ووديمة وجدته قاعدين يسولفون.....
خالد:وديمة شتسوين تحت؟
وديمة:مليت من القعدة بروحي..قلت انزل اقعد وياهم احسن..
خالد:اشلونج ليلى؟
ليلى:بخير انت اخبارك؟
خالد:زين..(يقعد)
الجدة:يمه خالد ماتبي تاكل شي..انت ماتغديت ولاكلت شي من وقت مارديت..
ليلى:ماكلت شي؟؟!!
خالد:كنت تعبان ونعسان..
ليلى:تبي احط لك الاكل؟
خالد:تسوين خير..
ليلى(تقوم):الحين..
الجدة(تقوم):وانا بقوم اجيب لك فواكه..
وديمة(حاولت تشغل عمرها بشي لأنها عارفه ان خالد بيتكلم)
خالد:انزين وديمة هانم ماقلتي لي..شالي صار اليوم وخلاج تتعبين؟
وديمة:هاا..ماصار شي..
خالد:لاحبيبتي هالحجي مب علي..اشوف قولي..
وديمة:بقولك بس لاتعصب علي..
خالد:قولي..
وديمة:ماانت معصب علي؟
خالد:ماني معصب قولي..
وديمة:اكتشفت ان عندي امتحان اليوم وانا ماادري عنه ولادارست له..وتعبت نفسيا وماكلت شي من الصبح وماوعيت الا اغمى علي بين البنات..
خالد:اكيد لازم تنسين..بس طلعتج امس للسينما مانستج مو جذي؟؟
وديمة:انت قلت موب معصب علي..
خالد:ماني معصب عليج..بس لازم تعرفين ان للعب والوناسة وقت والدراسة وقت..سمعتي؟
وديمة:سمعت..
في صالة بوراشد...كلهم قاعدين.....




ام راشد:اشلونج الحين؟
شيخة:بخير عمتي..
ام راشد:لازم تشربين عصاير طبيعية وحليب علشان تقوين..
شيماء(تيي وتمد يدها):شيخة هاج..
شيخة:شنو ذي؟
شيماء:هذي اوامر الدكتور فارس..
شيخة:فارس قايلج؟
شيماء:اي..ياللا خذيه من يدي تراه حار..
شيخة(خذته)
بوراشد:شربيه وانا ابوج..علشان صحتج..انت بروحج ضعيفة ومافيج قوة..
شيخة:انا ضعيفة؟!
الجوهرة:اي عمي معاه حق..انت بالاول كنت امتن بس الحين ضعفتي..
شيخة:تكفون لايسمعكم فارس..
ام راشد:ياللا يمه شربي..
شيخة:ان شاء الله عمتي..(يرن تليفونها)...مرحبا.....بخير.....اي كاهو جدامي..لا ليحين..
فارس:ابي ارد البيت واسمع انج شاربته كله..اوكي؟
شيخة:اوكي..متى راد؟
فارس:عطيني ساعة بعد وبرد ان شاء الله..سلمي عليهم.....مع السلامة..(يكلم الممرضة) دخلي المريضة..
دخلت المريضة....
المريضة:السلام عليكم..
فارس:وعليكم السلام..تفضلي..(يفتح الملف)..أول مرة تيين عندنا؟
المريضة:اي نعم..
فارس:انزين قولي لي شنهي مشكلتج؟
المريضة:دكتور صار لي فترة ايدي اليسرى تعبانة ومااحس فيها مرات..ولما انام تنمل علي..واحس ان مافيها قوة مثل اول..
فارس:مارحتي لأي طبيب ثاني؟
المريضة:لا..
فارس:بس أعراضج يبيلها دكتور اعصاب..
المريضة:ماادري..بس انا يادكتور وايد ناس مدحوك عندي علشان جذي جيت هني..
فارس:عطيني معلومات أكثر باللي فيج وعقب نقرر..
خالد ياكل...يرن تليفونه.....
خالد:سكوت..ابي اتكلم....السلام عليكم.....هلا والله...بخير انت اشلونك شمسوي؟.......اي قاعد اتغدى.....شسوي كنت مشغول اليوم وعقب الدوام كنت تعبان ورقدت توني صاحي.....بعدين....اي اي.....وين؟.....لا اليوم مااقدر...خلها باجر عقب المغرب....اوكي...فمان الله..
ليلى:مب طالع؟
خالد:لا..
ليلى:غريبة..
خالد:عندي شغل في البيت..
وديمة(حست انها المقصودة قامت):انا بروح داري..
ليلى:ليش؟
وديمة:بروح اذاكر..وراي مية شغلة لازم اخلصها..
ليلى:لزهب العشاء تنزلين تاكلين سمعتي؟
وديمة:اوكي..
راحت..
عقب صلاة العشاء...يدخل محمد البيت..يسلم على امه وخواته....
محمد:عيل وين ابوي؟
ام يوسف:ابوك راح القهوة..
محمد:يحليله ابوي..ويوسف بدوامه؟
ام يوسف:اي..
محمد:وانتوا ايش عندكم قاعدين هني؟
حصة:ليش ياعيوني تحاسبنا على قعدتنا بالصالة؟!!
محمد:اي احاسبج ونص..وين الدراسة؟
حصة:ليش تبينا ندرس 24 ساعة؟
محمد:اي..لازم تكونون شطار..
حصة:خلنينا الشطارة لك..
محمد:بسج ثرثرة وقومي صبي لي شاي..تعلمي الذرابة من اختج..شوفيها اشلون قاعدة..
حصة:والله لو اسنانها ماكانت تعورها جان ردت عليك..
محمد:ليش اشفيج؟
نورة:اسناني تعورني..
محمد:ليش بيطلع لج ضرس؟
نورة:لا والله؟
محمد:ايش دراني عنج..ولا اكيد ماتفرشين اسنانج..
نورة:حرام عليك..قد ماانا افرش اسناني حصوه ماتفرش..
محمد:سوي مثل اخوج..فرشي في الصباح بس..
حصة:في الصباح!!
محمد:جاب..وانت بتقعدين تعلقين على كل كلمة..
حصة(تضحك)
نورة:وليش ماتفرش في الليل؟
محمد:علشان اجمع السوس في اسناني واخرعهم على الصبح واقضي عليهم..
حصة:لاوالله؟
ام يوسف:محمد صج يمه ماتفرش اسنانك الليل؟
محمد(يبتسم):لا يمه ايش دعوة..العب وياهم..
حصة:اشك انك تلعب معانا..
محمد:بس بس..قومي جيبي لي ماي بارد..قومي..
حصة(تقوم):زين زين..
يندق باب الغرفة ويدخل على طول يحصلها قاعدة تشوف التلفزيون...
فارس(يبتسم):مساء الورد..
شيخة:مساء الورود..
فارس(يقعد عندها):اخبارج؟
شيخة:بخير..انت اشلونك؟واشلون الشغل معاك؟
فارس:كل شي تمام..شربتي الحليب؟
شيخة:اي شربته..
فارس:كله؟
شيخة:اي..
فارس:برافوا عليج..هذي شيخة زوجتي اللي اعرفها تسمع الحجي..
شيخة:والله بس علشانك..
فارس:فديت اللي يسوي شي علشاني..انزين قومي علشان نروح نتعشى..
شيخة:ماني مشتهية..ماصار لي وايد شاربه الحليب..واحس ان معدتي مليانة..
فارس:مايصير حبيبتي لازم تاكلين لج لو شوي..ياللا قومي..
شيخة:ماتبي تغير ملابسك؟
فارس:بلا..(يقوم)
خالد يروح فوق ويدق باب غرفة وديمة ويدخل....
خالد:شتسوين؟
وديمة:قاعدة اسوي سيرج في النت على موضوع البروجكت..
خالد:عن وشو؟
وديمة:عن الغش في الجامعة..
خالد:وايد تافه..مايبيله شي..
وديمة:وين تافه والدكتور طالب منا استبيان ونوزعه على الطلبة ونسوي مقابلة مع دكتور بالجامعة ولازم نسوي برزينتيشين جدام البنات..سالفة..
خالد:لاسالفة ولاشي..الدنيا سهالات..وانت تقولين سالفة..عيل انت ليحين ماشفتي شي..متى المفروض تسلمون الريبورت؟
وديمة:عقب اسبوعين..
خالد:ماشاء الله وتوج تدورين في الموضوع؟
وديمة:الدكتور من اسبوع مخبرنا..وانا مالحقت من الكويزات والواجبات..
خالد:عطيني ورقة وقلم..
وديمة:حق وشو؟
خالد:انت عطيني..
جابت الورقة والقلم...
خالد(وهو يكتب):شوفي..عندج من اليوم لين يوم الثلاثاء تكونين مخلصة ومجمعة كل المعلومات عن الموضوع ومسوية الاستبيان..اوكي؟
وديمة:انزين..
خالد:وعندج من الاربعاء لين الاثنين تكونين مجهزة الريبورت..سمعتي؟
وديمة:مايمديني..
خالد:مافي شي اسمه مايمديني..سمعتي؟..ابي اشوف الاستبيان زاهب الثلاثاء..شدي حيلج ولاتضيعين وقت..واذا بغيتي تسألين ولامتوهقة بشي انا موجود..(يقوم)..ياللا قومي نتعشى وعقب ردي كملي شغلج..قومي..
ومع مرور الايام واختلاف الاجواء والحياة...وصلنا تاريخ 18 -4....
فهد قاعد بين الكمبيوتر واوراقه....يدخل عليه السكرتير.....
علي:نعم طال عمرك؟
فهد:اتصل في مازن وخله يشوف لي صرفة وياهالكمبيوتر..اذا ماعاد ينفع بشتري غيره..
علي:ليش اشفيه؟
فهد:وايد يشير علي..تعبني..اضطريت اجيب لاب توبي..اتصل عليه الحين من مكتبي..
علي:حاضر..(يتصل)....السلام عليكم..كيف حالك مازن؟......ياليت تيي شوي عندنا....مع السلامة..
فهد:اتصل على يوسف وخله يجيني الحين ابيه..
علي:حاضر..تامرني بشي ثاني؟
فهد:اي ابيك تكون موجود يوم يوسف يدخل..حتى محمد ناده..
علي:حاضر طال عمرك..تامرني بشي ثاني؟
فهد:قول حق بوحسين يسوي لي قهوة تركية..
علي:ان شاء الله..عن اذنك..
في مجلس بويوسف....
محمد:اتفقنا؟
خالد:انا وياك..
عبدالله:انا بعد وياكم..
محمد:طبعا انت احمد غصب عنك..وايش كثر بندفع؟
عبدالله:يعني على الاقل كل واحد فينا مب اقل من 60 ألف ريال..لاتنسى الادوات اللي نحتاجها والعمال..
محمد:خلاص انا باخذ قرض من البنك ب75 ألف..
خالد:ومتى بنبتدي في المشروع؟
محمد:انتظر يوسف..
يوسف(يدخل ويسلم عليهم ويقعد):اتفقتوا خلاص؟
محمد:اي امورنا جاهزة..متى التنفيذ؟
يوسف:قريب ان شاء الله..شوي بعد بيينا ضيف وراح يتناقش وياكم..
محمد:من؟
يوسف:مدير المشروع..
محمد:من صجك؟
يوسف:اي..
محمد:وليش جاي؟
يوسف:يعني يبي يتعرف على مشروعكم..
محمد:وايش معنى احنا؟
يوسف:تعرف على مشاريع كثيرة..وانتوا منهم..(يرن تليفونه)..هذا هو وصل..
يوم الخميس هو المفضل عند طلبة الجامعة..هاليوم الوحيد اللي يقدرون يتنفسون فيه.. يقدرون يستريحون الخميس والباقي دراسة بدراسة بسبب قرب الامتحانات.....
شيخة قاعدة وياامها في البيت...وهم بالصالة يشربون شاي ويسولفون....يرن تليفونها....
شيخة:هذي خالتو نجلاء يمه..
ام فيصل:ردي عليها..
شيخة(تعدل قعدتها):آلووو..
نجلاء:فديت هالصوت اللي يحن قلبي له..
شيخة:وااي فديت قلبج ياخالتي..مشتاقة لج واااااايد..
نجلاء:مب أكثر عني..تعبت والله من غيركم..ودي اقعد طول العمر وياكم..
شيخة:اشفيج خالتو..صاير لج شي؟
نجلاء:لا..
ام فيصل:نجلاء فيها شي؟
شيخة:ماادري يمه..
ام فيصل:عطيني اياها..آلو هلا نجلاء..
نجلاء:هلا ومرحبا بااختي ام فيصل..
ام فيصل:اشلونج؟
نجلاء:طيبة..الحال يسرج..انت شاخبارج؟
ام فيصل:انا بخير..اشفيه صوتج؟
نجلاء:متضايقة خيتو..
ام فيصل:ليش؟
نجلاء:متضايقة من الوحدة..يالسة بروحي..
ام فيصل:ليش وين جبر عنج؟
نجلاء:انت تدرين بدوام جبر..ومتى اشوفه..
ام فيصل:وزوجته وعياله وينهم؟
نجلاء:انت ناسية اليوم خميس هي سارت وياعيالها بيت ابوها..
ام فيصل:عيل ليش مارحتي عند جدج؟
نجلاء:جدي سار وياربعه القنص..
ام فيصل:قنص هالحزة؟؟
نجلاء:من الظهر ساير وقال بيتم لين باجر..والله ملانة..
ام فيصل:فديتج والله..ليتني عندج..
نجلاء:تكفين خيتو قولي حق جبر ييبني عندكم..ودي اسيّر عليكم..دخيلج..
ام فيصل:بحاول وياه..
وديمة تنزل تحت وياخالد ولد اختها.....
وديمة:ياللا نشوف من ينزل اسرع؟
خالد:انا..
وديمة:ياللا نشوف..
يسرعون....
وديمة:شفت انا اللي فزت..
ليلى:وديمة مرة ثانية لاتسرعين على الدري اخاف عليه يطيح..
وديمة:لاتخافين خلودي بطل..مو جذي خالد؟
خالد:اي انا بطل..
وديمة:عيل خالد مارد؟
ليلى:لا..تعال خالد يود شنطتك علشان نروح بابا عند الباب..
وديمة:لا بتردون؟
ليلى:اي ماتشوفين الساعة كم؟
وديمة:توها 11 وربع..بدري..
ليلى:اشوفج باجر في بيت سلمان..ياللا جدتي مع السلامة..
الجدة:مع السلامة..
خالد:باااي خالتي..
وديمة:باااايات فديتك..(تقعد عند جدتها)..جدتي..يعني مو حرام انا اقعد بالبيت وغيري يطلع ويستانس بالخميس..
الجدة:هذا نصيبج يابنيتي..
وديمة:خالي وينه؟
الجدة:طلع من زمان يقول عنده تصوير..
وديمة:خالد دوم يطلع ولايفتكر فيني..
الجدة(تثاوب)
وديمة:جدتي شكلج نعسانة..
الجدة:اي يايمة نعسانة وعيني قاعد تسكر..
وديمة:خلاص جدتي روحي نامي وارتاحي..
الجدة:وانت؟
وديمة:انا!!..انا خلاص تعودت على القعدة بروحي..روحي جدتي..وانا بعد بروح داري ويمكن رقدت..
الجدة(قامت):الله يوفقج يايمه..
يرن تليفون شيخة وهي ميتة من الضحك وياامها وابوها...
فارس:مساء الورد..
شيخة:هلا والله مساء الانوار..
فارس:اشفيج تضحكين؟
شيخة:اضحك على الفيلم اللي قاعدين نتابعه..
فارس:انزين انا عند الباب مب طالعة؟
شيخة:صج..(قامت)..ياللا بس البس عباتي اطلع لك..بااي..
ام فيصل:فارس برع؟
شيخة:اي يمه..(تلبس عبايتها)
ام فيصل:بوفيصل وصلها للباب..
في بيت بوراشد...في الصالة...قاعدة شمة وشيماء وسلطان وسلوى يلعبون كيرم....
شيماء:سلطانوو بسك غش..ترى والله اعلم ابوك..
سلطان(عصب):سلطانو بعينج ياجليلة الحياء..والله فصختي الحياء..صار لسانج ايش طوله..
شيماء:هااااي لاتعصب..
سلطان:اعصب ونص..ماادري متى بتصيرين عاقلة وتعرفين تحجين..
شيماء:شوف عمرك بالاول..
فارس وشيخة يدخلون....
فارس:اشفيكم صوتكم واصل للحوش؟ايش صاير؟
سلطان:ماتسمعها ياعمي لسانها صاير ايش طوله مامسوية حساب لحد..
فارس:هذا انتوا ماتيوزون عن حركاتكم..ترى الدنيا صارت ليل شوفوا الساعة جم قاعدة تصير 12 ونص وانتوا تهاشون..وامي وابوي راقدين..عيب عليكم..ياللا اشوف كل واحد في غرفته ياللا..
الكل قام وراح غرفته..فارس قفل البيبان..وراح غرفته....
فارس:الحلو شتسوي؟
شيخة:الحلو تمشط شعرها..قفلت البيبان؟
فارس:اي قفلتهم..شنو تعشيتي في بيت ابوج؟
شيخة:امي فديتها سوت لي باستا لذيذة..
فارس:وماشربتي العصير؟
شيخة:بلا شربته..بس عشانك..
في غرفة شيماء وشمة.....
شيماء:شموه انت اليوم دشيتي المنتدى؟
شمة:لا..ليش؟
شيماء:شفتي المسابقة اللي طارحها؟
شمة:اي مسابقة؟(تقعد جنبها)..وين اشوف....(تقرأ)...وااااو ياسلام..رهيبة..أحلى موضوع كنت انتظره..
شيماء:تخيلي يختارج؟
شمة:ونااااسة..
شيماء:رسالة خاصة!!..منه؟..ايش يبي؟
شمة:ايش دراني..دشي خلنا نشوف..
قعدوا يقرون....
شمة:يااااااهو..ياسلام عليج ياشيوم..ونااااسة انت عضو في ورطة..
شيماء:ماني موافقة..
شمة:شيوم عن السخافة..وافقي..
شمة:أنا ادري ايش يبي..بيأذيني بطلباته..
شمة:انزين انا بعطيج حل..انت وافقي على اساس كل واحد له 3 طلبات وبس..
شيماء:مابيوافق..
شمة:انت جربي..
شيماء:صدقيني مالي خاطر اشارك خاصة ان هو صاحب الموضوع..
شمة:شيوم عاد علشاني..
في غرفة عبدالله...يتصل في خالد....
عبدالله:أبي استشيرك بشي..
خالد:قول..
عبدالله:عمي مسوي عزيمة علشان ملجتي..وعازم التجار وربعه..تقول اروح؟
خالد:وليش ماتروح؟
عبدالله:مالي خاطر ياخالد..انت اكثر واحد تعرف هالانسان من يكون..اشلون تبيني اروح له البيت..وايد صعبه..
خالد:ادري..بس اذا مارحت صورة ابوك بتصغر في عيون المعازيم..خاصة ان هالناس يعرفون ابوك الله يرحمه عدل..ويعرفون اخلاقه..واذا مارحت بيتكلمون عنك وعن ابوك..وترضاها تشوه صورته اللي رسمها صح للناس؟
عبدالله:لا طبعا..
خالد:عيل روح ماعليك من عمك..بس علشان ابوك وجدام هالناس..
عبدالله:انت شايف جذي؟
خالد:اي..بس انت كيفك وعلى راحتك..ماشاورت الوالدة؟
عبدالله:لا..ماودي اقولها الحين..اذا رحت عقب بقولها..
ويصير باجر..يصلي عبدالله العشاء...ويروح بيت عمه....
في بيت بوراشد...عقب ماتعشوا قعدوا....
ام راشد:ترى انا جهزت الحنة..اللي يبي يحني راسه يزهب عمره باجر من الصبح تنزلون من وهل..سمعتوا..
شيماء:ماماتي خليني هالمرة اصبغ شعري..والله خاطري..
ام راشد:بس..لاصبغ ولاغيره..بتحنين يعني بتحنين..
شيخة(تسأل فارس):ايش سالفة الحنة؟
فارس:امي كل فترة تجيب البنات وتحني شعورهم غصب عنهم..
شيخة:ليش؟
فارس:تقول وايد زين وله فايدة..
ام راشد:مسوية نصيبج ياشيخة..
شيخة(توهقت):ان شاء الله..فارس انا رايحة فوق..
فارس:ليش؟
شيخة:بروح اريح شوي..محتاجة انسدح على السرير..(قامت)..عن اذنكم..
عبدالله وهو طالع من بيت عمه ويبي يركب السيارة يناديه....
بوحارب:عبدالله..عبدالله..
عبدالله(يلتفت):هلا بوحارب..
بوحارب:بغيت اكلمك في موضوع..
عبدالله:خير..تفضل..
بوحارب:بس مب هني..يعني ماابي عمك يدري اني بكلمك..
عبدالله:عمي ماراح يدري بشي..عيل باجر عقب صلاة العصر حياك في بيتي..
بوحارب:ان شاء الله..بس ماعليه رقمك..
عبدالله:اي اكيد..سجل عندك..
رد عبدالله البيت...سلم على امه...وقعد....
ام عبدالله:وين كنت ياولدي؟
عبدالله:كنت عند عمي ناصر..
ام عبدالله(مستغربة):عمك ناصر!!..ليكون مسوي فيك شي؟
عبدالله:لا يايمه تطمني مامسوي شي..
ام عبدالله:عيل ايش كنت تسوي عنده؟
عبدالله:مسوي عزيمة وعازم ربعه علشان ملجتي..
ام عبدالله:عمك!!
عبدالله:اي عمي..
ام عبدالله:وايش مصلحته؟
عبدالله:ماادري..قلبي حاس انه المحبة ماجات من هني والدرب..اكيد في شي في راسه..بس شنو ماادري..
ام عبدالله:غريبة انك رحت..
عبدالله:ادري انج بتستغربين..ماكنت ابي اروح..رحت علشان الوالد الله يرحمه..ربعه كلهم كانوا موجودين..لو مارحت اكيد بيقولون شي عني وعن ابوي..ومابيخلوني بحالي..ولا عمي ماهو مهم عندي يفتشل ولا لا..
ام عبدالله:وليش ماقلت لي؟
عبدالله:لو قلت لج بتقعدين تحاتيني الين ماارجع..
ام عبدالله:ايش سويت هناك؟
عبدالله:ولاشي..سوالف عشاء وبس..تدرين يمه شفت منو؟
ام عبدالله:منو؟
عبدالله:بوحارب..
ام عبدالله:من زمان ماهو مبين..
عبدالله:لحقني وانا رايح اركب سيارتي..يقول يبيني في سالفة ومايبي عمي يدري..
ام عبدالله:سالفة وشو؟
عبدالله:ماادري..بس احس ان في شي مهم يبي يقوله..
ام عبدالله:ومتى بتشوفه؟
عبدالله:باجر عقب صلاة العصر..
ام عبدالله:ليش جذي متأخر..كنت ابي اعرف ايش يبي..
عبدالله:ماابيه يجيني الدوام..لأن هذي سوالف خاصة ومااحب تنقال بالشغل..وانا بروحي بعد عندي شغل..كفاية جية عمي لي يوم عزمني..
فارس يدخل غرفته ويحصل شيخة منسدحة على السرير...يقعد عندها....
فارس:حياتي اشلونج؟
شيخة:بخير..
فارس:تعبانة؟
شيخة:اي شوي..
فارس:خذتي دواج؟
شيخة:لا ليحين..
فارس(يقوم):أنا الحين بعطيج بنفسي..
عقب ماخذت الدواء.....
شيخة:مابقى شي على امتحانات الفاينل وايد خايفة..
فارس:ايشقد بقى؟
شيخة:شهر..
فارس:شدي حيلج..
شيخة:مع هالحمال مااظن..
فارس:لا ماابي اسمع الحجي..ترى يزعلني..انا اعرف زوجتي قوية..
شيخة:فارس..
فارس:عيون فارس..
شيخة:انا اسفة أذيتك معاي من يوم ماحملت..
فارس(حط يده على فمها):هسسس ماابي اسمع هالكلام..ترى صج يضايقني..انا زوجج واللي في بطنج هو ولدي وولدج..انا مستعد اتحمل اكثر من جذي لين ماتقومين بالسلامة..واشوفج مرتاحة..
شيخة:تهقى بيجينا بنت ولا ولد؟
فارس:ماادري..اللي يجي من الله حياه الله..
وديمة قاعدة تدرس...يرن تليفونها.......
وديمة:هلا الريم......ولاشي قاعدة ادرس مقرر الدكتورة سارة .... بصراحة الصراحة ماهو سهل.....يبيله فهم من قلب....ماادري.....بس والله محاضراتها وايد حلوة انا استمتع وياها.....وتبين الصج بعد تعلمت منها وايد....اي هي حبوبة وايد احبها واحب سوالفها....شنو؟....اي عطانا....اي والله من صجي.....تسليمه عقب باجر....لا انا سويته وياشيخة....اي خلصناه بس بقى آخر شغلة وشيخة بتسويه....ماادري والله لو اقدر جان ساعدتج بس مااعرف حد ويانا في المجموعة غيرج وغير شيخة...اوكي حبيبتي ياللا باااي..
خالد:السلام عليكم..
وديمة(ترفع راسها):وعليكم السلام..
خالد:شتسوين؟
وديمة:ادرس..
خالد:بارك الله فيج دوم ابيج جذي..من كنت تحاجين؟
وديمة:وحده من ربعي تسألني عن بحث تسلميه عقب باجر وهي ماتدري..
خالد:خلصي البروجكت؟
وديمة:اي خلصته..
خالد:وين اشوفه..
وديمة(قامت تجيبه وعطته)
خالد:انزين انا رايح داري ابدل وبشوف لج البحث وعقب بجيبه لج..تبين شي؟
وديمة:لا..
خالد:تعشيتي؟
وديمة:اي كلت روتي وجبن..
خالد:ودواج؟
وديمة:خذت حبوبي بس الابرة بعدين..
خالد:الله يوفقج..
الصبح في الجامعة وتحديدا مكتب عبدالله...يدخلون عليه طلاب....
الطلاب:السلام عليكم..
عبدالله:وعليكم السلام..اشفيكم؟
الطلاب:استاذ عبدالله دكتور فؤاد بيعتذر لمدة اسبوعين..وايش بنسوي؟
عبدالله:دكتور فؤاد بيعتذر!!
طالب:اي نعم بيعتذر..واحنا عقبها نتبهدل حزة امتحان الفاينل..
طالب:لا والمشكلة ان بقى لنا كمية محترمة وحتى امتحان الفاينل مابيكون موجود..
عبدالله:انا ماسمعت انه بيعتذر..لكن بشوف لكم السالفة..
طالب:تكفى استاذ عبدالله..ترى احنا حيل متبهدلين وياه وكيف لو اعتذر..
عبدالله:هو ليش معتذر؟
طالب:ماندري بس يقول بيسافر..
عبدالله:خلاص انا بشوف لكم السالفة وعقب برد عليكم..مروني باجر الصبح..
في المدرسة....شيماء وياربعها يسولفون ويضحكون...تمرهم مدرستهم الفيزياء....
بخيتة:اشلونكم بنات؟
البنات:فاين مس..
بخيتة:سمعوني اليوم انا عليكم الاخيرة..مو جذي؟
شيماء:اي مس..
بخيتة:انزين ماراح اعطيكم حصة اليوم..وبنقعد نسوي بروفه حق عقب باجر..لازم كل امور الطابور تكون جاهزة..
البنات استانسوا...
شيماء:بس مس انا ماحفظت النص..
بخيتة:ليش؟
شيماء:لأن اليوم كان عندنا كويز..
بخيتة:مو مشكلة بيمديج تحفظين..اي صح حليتوا الهومورك؟
البنات:يس مس..
بخيتة:شطار بناتي..انزين ابي وحده منكم تروح المقصف وابيها تشتري كيس شيبس علشان ناكل واحنا في الحصة..
شمة:صج مس؟
بخيتة:اي من صجي..من يروح؟
تماضر:انا مس..انا بروح..
بخيتة:انزين اشتري شي على ذوقج..وهاج الفلوس..
تماضر:كم حبة تبين؟
بخيتة:على عدد بنات صفج وانا وياكم..
تماضر:والعصير علي..
بخيتة:عيل اشتري العصير مع الشيبس..
تماضر:حلفت عليج مس على حسابي العصير..اليوم يوم مميز ماكو فيزياء..
بخيتة:ودي اعرف ليش ماتحبون الفيزياء..
شيماء:مس احنا نبي شي يدخل العقل على طول من غير جسور وانفاق..
بخيتة:جسور وانفاق!..تماضر ليش لابسه مخالف اليوم؟
تماضر:مس وين مخالف..لابسه اسود..اشفيها؟
بخيتة:اي بس احنا مو في الشتاء..
تماضر:مس الجو هني برد..
بخيتة:انت لابسه قميص مو جاكيت..المديرة من الصبح حاطه عينها عليج ماتشوفينها..
تماضر:وهي ايش تبي فيني..خلها تروح تشوف بنات ثانوية عامة ايش يلبسون..
بخيتة:ماعليج منهم..هم ثانوية عامة والمديرة متساهلة وياهم..
تماضر:ياسلام شالفرق؟
بخيتة:ماتسمعون الحجي..عيل تحملي اللي بييج..المديرة جايه صوبج..انا بروح ولاتنسين تشترين..
تماضر:اوكي مس..




عبدالله وتمت ملجته..بس عمه ناصر ليش مسوي هالعزيمة؟؟..هل صار يحب عيال اخوه ويبي يساعدهم؟؟

و بوحارب ايش يبي من عبدالله؟؟

وشنو هالشي اللي يبي يقوله من غير ماعم عبدالله يدري؟؟؟

وشنهي مغامرات وشطانة التوام؟؟

وأخباار فهد؟؟..هل بيكون في شي جديد بحياته؟؟ ولابيظل مثل ماهو؟؟

وأحمد؟؟ بيتزوج؟..ولا بيظل عزوبي؟؟

وشخصيات كثييييرة تحمل في جعبتها المفاجآآآت..

تابعوني بفصل جديد وبحدث ممتع ومشوق..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 30-12-2013, 10:10 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


" فصل الــ20 "




وديمة ترد البيت....
وديمة:السلام عليكم..
الجدة:وعليكم السلام والرحمة..
وديمة:جدتي انا جوعاااانة..شنو الغداء؟
الجدة:صالونة لحم وعيش وسمج مقلي..
وديمة:في آجار؟
الجدة:اي في..
وديمة:انزين وقولي للخدامة تسوي لي فيمتو..لأني ميتة من العطش وابي شي يبرد علي..
الجدة:وين خالد؟
خالد(يدخل):السلام عليكم..
الجدة:مارحت المسجد؟
خالد:مامداني..بروح اريح شوي..على الساعة خمس قعدوني..
عبدالله رد من المسجد.....
عبدالله:السلام عليكم..
ام عبدالله:وعليكم السلام ورحمة الله وبركاته..
عبدالله:زهبتي الشاي والقهوة؟
ام عبدالله:اي يمه زهبتهم وبخرت لك المجلس والتمر حطيته على الطاولة..
عبدالله:تسلمين يالغالية..
ام عبدالله:ودي اعرف ايش يبي يقول هالريال..
عبدالله:انا بعد مثلج..(يرن تليفونه)..هذا هو الريال..
في صالة بوراشد...سلطان يدش البيت.....
شيماء:سلطان الحق تعال شوفه الريال شمسوي بعمره علشان يدخل قاموس غينيس..
سلطان(يقرب ويشوف):حمدلله والشكر..اذبح عمري علشان ادخل قاموس..صج مسخرة..ناس بايعه عمرها..قومي شيوم جيبي لنا مكسرات وبيبسي..
شيماء:وليش ان شاء الله؟
سلطان:جايب لكم فيلم بيعجبكم..
شمة:ليكون رعب؟
سلطان:انتي شوفي وعقب حكمي..رهيييب
شيماء:من وين لك؟
سلطان:ماخذه من عند واحد من الربع..قومي ياللا..
شيماء:انزين بس وين نشوف؟
سلطان:تعالوا بيتنا..ولا اقولكم نقعد بالمجلس..
في المجلس.....
بوحارب:يمكن هالكلام اللي بقولك اياه اول مرة تسمعه بحياتك..
عبدالله:خير يابوحارب؟
بوحارب:انت تدري ان ابوك الله يرحمه كان عنده املاك برع الدوحة؟
عبدالله:املاك برع الدوحة!!..لا مااعرف..
بوحارب:ابوك ياعبدالله عنده مجمع سياحي سكني جنب البحر..كان مشارك وياعمك وواحد من التجار..المشروع فشل بالاول..وابوك خسر وايد وحزتها ابوك جاته جلطة ومات..
عبدالله:صحيح ان ابوي مات بجلطة لكن مو من هالشي..اللي احنا نعرفه صار خلاف كبير بينه وبين عمي..وابوي طالب بحلاله من عمي لكن عمي مشكله وايد..
بوحارب:صحيح كلامك..بس هالشي انت ماتعرفه..عقب ماابوك توفى المشروع كمل مسيرته ونجح وصار هالمنتجع معروف بالدولة وله زوار وايد..وربحه يزيد..والارباح وصلت اكثر من مليون..
عبدالله(منصدم):اشلون كل هذا وانا ماعندي خبر؟
بوحارب:الشريك الثالث قال حق عمك انه بيشتري نصيب ابوك..لكن عمك ماوافق قاله ان ابوك ماكان موافق على البيعة ويبي يكمل معاهم واذا جات ارباح تروح لعياله..وعمك قاله ان ابوك ماعنده عيال كبار وان هو المسؤول عنكم بعد وفاته..وصار الشريك يصفي الارباح لعمك..
عبدالله:انت من صجك..انت عارف ايش قاعد تقول؟
بوحارب:اي نعم عارف..وهالشي محد يعرف عنه غيري انا من ربع ابوك..
عبدالله:ووينك عني كل هالسنين؟؟
بوحارب:انا كنت فترة مسافر..وو..
عبدالله:و ايش؟
بوحارب:كنت متسلف من عمك مبلغ كبير..وكان مهددني اذا قلت لكم شي بيسجني..وانا كنت مسكين ومابغيت السوء لنفسي..سكت كل هالسنين لين ماقدرت اسدد ديني وافتكيت من شره..
عبدالله:انا مصدوم بالكلام اللي تقوله..صحيح اني اتوقع كل شي من عمي بس انا ماني قادر اصدق..اشلون امي ماتعرف ان ابوي كان له مشروع برع البلاد..
بوحارب:ماادري..انت دورت في كل الاوراق اللي كانت عند ابوك؟
عبدالله:كلها وماحصلت شي..بس انا ماقدرت اروح مكتبه لأن عقب الخلاف اللي صار بين عمي وابوي عمي مانعني من دخول مكتب ابوي..
بوحارب:بس انا في شي واحد اعرفه بس ماني متأكد..
عبدالله:شنو؟
بوحارب:انا قبل فترة حلمت حلم في ابوك..انه يدلني على ريال شيبه وعنده صندوق اسود..
عبدالله:صندوق اسود؟!!
بوحارب:اي نعم..ويقولي يابوحارب خذ الصندوق وريح عيالي..
عبدالله(ماصدق هالكلام):ماقلت لي في اي بلدة المنتجع؟
بوحارب:بدبي..
عبدالله:وتعرف اسم الشريك الثالث؟
بوحارب:اي نعم..اسمه حمدان..وهالتاجر معروف..
عبدالله:انزين انا اشلون اقدر اتأكد من كلامك؟
بوحارب:تبيني اوديك لحمدان مستعد..المهم اريح ابوك وهو في قبره..(يقوم)..انا الحين استأذن..اذا بغيت شي انا موجود..ورقمي عندك..في امان الله..
عبدالله وصلاه للباب ودش البيت عنده امه....
ام عبدالله:هايمه طمني..
راشد يدش بيت ابوه يحصل امه وابوه قاعدين يسولفون...
راشد(يحب روسهم):السلام عليكم..
الجميع:وعليكم السلام..
راشد:اشلونك يبه؟
بوراشد:بخير الحمدلله..انت اشلونك؟
راشد:انا بخير..انت يمه اخبارج؟
ام راشد:طيبة يايمه..وينك من الظهر ماشفناك..
راشد:كانت عندي عملية وتأخرت..
بوراشد:مب رايح العيادة؟
راشد:بلا طالع الحين جاي اسلم عليكم واروح..تامروني بشي؟
بوراشد:لايابوك روح ودير بالك وانت تسوق..
شمة(تيي وتحب راس اخوها):قواك الله يابوعيسى..
راشد:هلا شمة..عيل وين اختج؟
شمة:وييه ماتدري شمسوين فيني..سلطان جايب فيلم رعب ذبحني من الخوف مسكر الليتات جني قاعدة بسينما..
راشد:سلطان جايب فيلم رعب!!
شمة:اي..
راشد:ووين قاعدين؟
شمة:بالمجلس..
راشد راح المجلس...وفتح الباب حصلهم مندمجين بالفيلم..يفتح الليتات.....
راشد:ماشاء الله عليكم..خوش جو!
سلطان(عدل قعدته):يبه!!
راشد:قوم طلع السي دي..
سلطان:ليش يبه؟
راشد:قلت لك قوم..ياللا بسرعة..
سلطان(قام وطلع السي دي وعطاه):يبه ترى هذا مب لي..حق رفيجي..
راشد:ان جيت وشفتكم تلعبون ولا شاغلين عمركم بشي ثاني..لي معاكم تصرف ثاني..
راح...
شيماء:ابوك معقد..
سلطان(عصب):جااب..الحين شسوي والسي دي عند ابوي ورفيجي يبي السي دي باجر..
شيماء(قامت):ابوك مايعطي مجال الواحد يتناقش معاه..لرد من الدوام روح قوله..
في بيت عبدالله....
ام عبدالله:والله العظيم ياولدي مااعرف شي عن هالمشروع..ولاعمري سمعت عنه..وربك شاهد على كلامي..بس اللي اذكره ان مرة ابوك خسر خسارة قوية لدرجة ماكان عندنا مصروف للبيت..اضطر ابوك يبيع سيارته وتمينا بالعراوي والسايق ابوك طرشاه..ويوم سألته شالي صار..قالي مشاكل في الشغل ومحتاج فلوس..انا ياولدي ابوك ماعودني يناقشني بشغله ويخبرني شالي يصير معاه..بس سالفة هالمشروع عمري ماسمعت عنه..اشلون كل هالسنين وانا ماادري..الله يسامح ابوك..
عبدالله:يمه..ابوي الله يرحمه مو توفى بسبب مشاكل بينه وبين عمي؟
ام عبدالله:بلا يمه..اذكر هاليوم زين..عمك كان عند ابوك في المجلس..كنت اسمع هواشهم..بس مااعرف شالسالفة..عمك طلع من هني وابوك جى عندي وحالته حاله..قالي كلمتين..ديري بالج على العيال..وعقبها اغمى عليه ولين مامات..
عبدالله:تدرين يايمه شيقول بوحارب..يقول ان ابوي قبل ليتوفى ارباحه وصلت اكثر من مليون..يوم ابوي كان بالعناية..ومادرى بهالشي..وعمي قص على ابوي انه ببيع حصته من المشروع حق الشريج الثالث لأن المشروع مامنه فايدة والخسارة كثيرة..
ام عبدالله:مافهمت..
عبدالله:يايمه..صج ابوي خسر لكن عقب ماكملوا مسيرة شغلهم اربحوا لكن ابوي مالحق على الارباح لأن عمي تهاوش وياه بسبة الفلوس اللي بينهم وانه يبي نصيب ماادري وشو..ماادري انا بروحي ضايع بين الحجي..بس هذا كله بصوب والسالفة الثانية بصوب ثاني..
ام عبدالله:اي سالفة بعد؟؟
عبدالله:يقول حلمان بأبوي ان له صندوق اسود عند واحد من الشياب وموصيه ياخذه علشان يريحه..
ام عبدالله:صندوق اسود!!
عبدالله:ماادري يايمه..انا تعبان..(قام)
ام عبدالله:وين رايح يايمه؟؟
عبدالله:كلمت واحد من الربع يمرني..
ام عبدالله:دير بالك على روحك..
عبدالله:ان شاء الله..
ام عبدالله:لاتأخر..
عبدالله:من عيوني..مع السلامة..
ام عبدالله:في حفظ الله..
في العيادة.....
المريضة:يعني دكتور مابموت؟
راشد(ابتسم):وليش تموتين..كلها غدة دهنية بسيطة وبتنشال..
المريضة:دكتور يعني بتسوون لي عملية؟
راشد:اي لازم..
ابو المريضة:دكتور يعني مافي علاج غير العملية؟
راشد:للأسف لا..الغدة هذي شوي حجمها كبير وبالعلاج مابينشال..لازم جراحة..
المريضة:بس انا ماابي..خايفة..
راشد:مافي شي يخوف..بتكونين تحت التخدير الكامل..ومابتحسين بشي..
المريضة:ماابي..ماابي عملية..تكفى يبه لاتوافق..
راشد:ياسناء العملية ماهي خطرة..
المريضة(تصيح):ماابي..ماابي..
راشد(يطالع ابو المريضة)
ابو المريضة:انزين دكتور مايحتاي اسفرها برع؟
راشد:بكيفك يابوسناء..لكن هالعملية ماتستاهل..وراح يقولون لك نفس الحجي..سمعيني ياسناء..انت لو تأخرتي راح تتعبين اكثر..
المريضة(قامت):ماابي..بابا انا بانتظرك برع..
راشد:يابوسناء الكيس الدهني فوق الكلية..يعني مب زين لها..واحتمال تأخير هالعملية خطر عليها..
المريضة:يعني العملية جايده..
راشد:يابوسناء افهمني..اذا سوتها الحين ماعليها شي ان شاء الله..لكن اذا تأخرت شهور وشهور احتمال الكيس يكبر ويسوي مشاكل مع الكلية..
ابو المريضة:بحاول اكلمها مرة ثانية..
راشد:على راحتكم..
في السيارة....
محمد:تبي نصيحتي؟
عبدالله:اي..
محمد:اسمع كلام الريال وروحوا عند الشايب وشوفوا ايش يعطيكم..
عبدالله:تهقى كلامه صح؟؟
محمد:يمكن انت جرب..مب خسران..
عبدالله:تدري اشلون..خلني اتصل فيه وانت تعال معاي ماابي اكون بروحي..
محمد:ياللا..
خالد ينزل تحت يحصل وديمة قاعدة تطالع تلفزيون..
خالد(يقعد):وين جدتي؟
وديمة:راحت وياخالي تشتري لها اغراض..
خالد:شتشوفين؟
وديمة:شوفة عينك مسلسل..
خالد:ياثقل دمهم..ماادري شالي يضحك..كل واحد قام يسوي له مسلسل بروحه علشان يضحك الناس..صج ناس فاضيه..ايش تشربين؟
وديمة:شابكتينو..
خالد:ايش؟؟؟
وديمة:شابكتينووو..
خالد:وشنو ذي شابكتينو؟
وديمة:طريقة خاصة تعلمتها من عند وحده من البنات..
خالد:انزين قومي سوي لي..راسي يعورني..يمكن مع شابكتينوج صرت زين..
وديمة:من عنوني..
خالد(يتصل في عبدالله):السلام عليكم....اشلونك؟......تمام...انت وينك فيه؟.....وين؟....مافهمت....انزين لخلصت شغلك كلمني..مع السلامة..
يرن تليفون البيت....
خالد(يرد):السلام عليكم....بخير انت اشلونج؟.....الحمدلله كلنا بخير.....اخبار فيصل؟......وديمة في المطبخ....لجات بقولها تتصل فيج...مع السلامة..
يلعب بتليفونه لين ماجات وديمة....
وديمة(تيي):هاك..(تقعد)
خالد:عمتي اتصلت وبغت تكلمج..
وديمة:صج..عقب شوي باتصل فيها..
خالد(ياخذ منها الريموت):ايش هالمسخرة..(يغير القناة)
وديمة:لاعاد...خالد تكفى لاتحط اخبار..
خالد:لازم الواحد يشوف الاخبار..ويكون مع العالم..
وديمة:لالا..خالد..
خالد:بس اشوف هالنشرة وعقب بعطيج الريموت..
في بيت بوفهد....
كاملة:ماناويه تزوجين عيالج ياموزة؟
ام فهد:ودي ياكاملة..بس شسوي محد فيهم معزم على الزواج..راكان يقولي خليني على راحتي اذا حصلت البنت اللي ابيها بقولج..وفهد عقب اللي صار له مااعتقد يتزوج بهالسرعة..
كاملة:ترى في بنات ايش كثرهم بينفعون فهد..بس انت لازم تدورين عدل..
ام فهد:انا خلاص ماني قايلة له شي بخليه على راحته..متى مابغى بروح واخطب له..
كاملة:في بنت من فترة وانا حاطه عيني عليها حق فهد..اهلها خوش ناس..
ام فهد:والبنت؟
كاملة:البنت اكيد مثل اهلها..اللي سمعته من بنتي تقولي البنية وايد حليوة..وماعليها كلام..
ام فهد:من بنته؟
في سيارة محمد....
عبدالله:انا مصدوم يامحمد..ماني عارف شسوي..صدق تعبني الموضوع..
محمد:اذكر الله ياريال..الحمدلله ان الموضوع عدى على خير وطلع الريال صاج بكلامه..
عبدالله:اشلون عدى على خير وابوي عنده كل هالاوراق ماقالنا..سنين وانا ادور على هالارواق علشان اقدر ادافع عن ابوي عند عمي بس ماعندي ادلة..انت تدري هالاوراق ايش كثر هي مهمة..
محمد:ماعليه الحمدلله انك حصلتهم الحين..وانت تقدر اتطالب بنصيب ابوك من المنتجع..كل الاثباتات عندك..
عبدالله:ماني عارف شسوي واشلون اطالب بحقي..
محمد:انا اقولك اشلون..سافر دبي وروح المنتجع وحاول ادور على حمدان..واذا حصلته قوله الحقيقة كلها..وصدقني انا متأكد انه مابيخذلك..
عبدالله:الموضوع ماهو بسهل يامحمد..
محمد:ولاتسافر بروحك..واحد منا لازم يجي معاك..
عبدالله:اشلون اقدر اسافر وهلي؟
محمد:اشفيك عبدالله؟..ماشاء الله ايش كثر الرحلات باليوم الواحد لدبي..روح الصبح من وهل ورد المساء..
عبدالله:وصلني البيت..وبشوف ايش بسوي..ماادري اشلون اروي هالشنطة لأمي..شاقولها..
في بيت بوسلمان....
خالد(قاعد يطالع اخبار)
وديمة(قامت)
خالد:وين؟
وديمة:بروح داري..
خالد:خلاص تعالي..غيري القناة..(يرن تليفونه)...ياهلا....ولاشي قاعد.....اي في البيت.....متى باجر؟!!..ليش؟.....سالفة شنو؟......انزين متى؟......اذا تبي باخذ اجازة باجر وبروح وياك......لا عاد باتصل في واحد من الشباب وبخبره ياخذ لي اجازة.....ومتى نرجع؟.....خلاص ان شاء الله الحين رايح وبشوف طيارة الصبح....في امان الله..
وديمة:من بيسافر؟
خالد:واحد من الربع وبروح وياه..
وديمة:شنوووو؟؟
خالد:برجع في الليل لاتحاتين..
وديمة:وين بتروح؟
خالد:دبي..
وديمة:خالد تكفى ودني معاك..ابي اروح عند عمتي نجلاء..
خالد:قعدي مكانج..انا رايح ويارفيجي..
وديمة:والله في خاطري اشوفها..
خالد(قام):ببدل وبروح السفريات..
وديمة:واقعد بروحي؟
خالد:الخدامة وياج..
في بيت عبدالله....
ام عبدالله:شنو ذي؟؟
عبدالله(خذ نفس):يايمه طلع حلم الريال صج..
ام عبدالله:يعني شنو؟؟؟
عبدالله:هالشنطة فيها كل الاوراق اللي تخص ابوي..اوراق مهمة..كنت ادور عليها من سنين يايمه..
ام عبدالله:ووين كانت؟؟
عبدالله:كانت عند واحد من الشياب يقول رفيج ابوي..
ام عبدالله:شسمه؟؟
عبدالله:اسمه بوعلي..
ام عبدالله:بوعلي!!..وشنهي هالاوراق؟؟؟
شيخة قاعدة بريحاتها...لاهي قادرة تدرس ولاقادرة تطالع تلفزيون....لايعة جبدها وحالتها الصحية مو ذاك الزود....يندق الباب....
شيخة:منو؟
شيماء:انا شيماء..
شيخة:تعالي..
شيماء(دش الغرفة تدور شيخة)
شيخة:انا داخل تعالي شيماء..
شيماء(تدخل الغرفة):سلام..
شيخة:هلا..
شيماء:اشفيج شيخة؟
شيخة:تعبانة شوي..
شيماء:عيل جذي ماتقدرين تحنين؟
شيخة:لا طبعا مااقدر..انا حتى الدراسة ماني قادرة ادرس..
شيماء:تبين اجيب لج شي؟
شيخة:لا فديتج مشكورة..
شيماء:انزين تبين اتصل في فارس؟
شيخة:لا مابقى شي على ردته..
تحت بالصالة....الريحة كلها حنة...عيسى يدخل....
عيسى:السلام عليكم..
الجميع:وعليكم السلام..
عيسى:ايش هالريحة؟
شمة:حنة..ماتبي؟
عيسى:لا مشكورة..خلينا الحنة لكم..
ام راشد:اقعد يمه ليش واقف؟
عيسى:لا يمه انا بس جاي علشان اسلم عليج..بروح داري ادرس..
شيماء(تنزل):هلا بعيسى..
عيسى(يسلم باليد):هلا شيوم..اشلونج؟
شيماء:تمام..وانت؟
عيسى:من غير الحنة انا بخير..
شيماء:بكرة بتتزوج وزوجتك بتحني عمرها علشانك..
عيسى:باشترط عليها ماتحنى..الريحة تلوع الجبد..ياللا يمه انا رايح..
ام راشد:هاا شيوم وين شيخة؟
شيماء:يمه تقول ماتقدر تيي..
ام راشد:ليش؟
شيماء:تعبانة وراقدة على السرير..
ام راشد:اشفيها؟
شيماء:ماادري..تقول ماتقدر تدرس..
ام راشد:بسم الله عليها..الظاهر الحمل وايد متعبها..خلني اروح لها..
شيماء:لا مامي لاتروحين..
ام راشد:ليش؟
شيماء:توها دشت الحمام عشان ترجع من ريحة راسي..لاتروحين احسن..
ام راشد:وعليه عليها..ماقلتي لها اذا تبي شي؟
شيماء:تقول ماتبي شي..
في بيت عبدالله...
ام عبدالله:الله يسامح ابوك..
عبدالله:ليش ماقالج شي عن تجارته فلوسه حتى اوراقه المهمة..تذكرين يمه يوم بدر ولد عمي ناصر قالي ان ابوه مايبيني ادخل مكتب ابوي علشان مااخذ الاوراق..
ام عبدالله:اي اذكر..
عبدالله:شنهي الاوراق اللي كانت بمكتب ابوي؟؟
ام عبدالله:ماادري يايمه..ايش بتسوي؟
عبدالله:بسافر ان شاء الله باجر الصبح..
ام عبدالله:بروحك؟
عبدالله:لا..بروح وياخالد وبنرد في الليل ان شاء الله..
في مكتب يوسف....
يوسف:اول مرة تجيني المكتب..
محمد:جاي أسألك عن واحد..
يوسف:من؟
محمد:تعرف تاجر في دبي اسمه حمدان؟
يوسف:اي اعرفه اشلون مااعرفه هذا تاجر عود ومعروف..
محمد:وايد زين..يعني تعاملت معاه من قبل؟
يوسف:مرة وحده يوم كنت مع المدير..
محمد:انزين ابي اوصل له..
يوسف:ليش؟
محمد:هذي قصة طويلة..تخص رفيجي عبدالله..
يوسف:وشيخص عبدالله بحمدان؟
محمد:طلع ابوه الله يرحمه شريك وياحمدان بمشروع في دبي..
يوسف:شريك!!..واشلون عرف؟
محمد:هذي سالفة طويلة عقب بقولك..بس الحين ابي اعرف اشلون اقدر اوصل حق حمدان..
يوسف:يبي يروح له؟
محمد:اي بيسافر باجر ان شاء الله..
يوسف:انزين...(يفكر)...تدري اشلون تعال معاي..
محمد:وين؟
يوسف(قام):انت تعال..
وراحوا مكتب راكان....
يوسف:استاذ راكان موجود؟
السكرتير:اي نعم موجود..بس مب في المكتب عند استاذ فهد..
يوسف:توه رايح؟
السكرتير:اي نعم..
محمد:ايش بنسوي؟
يوسف:الموضوع ضروري؟
محمد:وااايد يايوسف..موبس ضروري طارئ..قبل لعمه يدري ان عبدالله درى..
يوسف:مع اني مب فاهم السالفة عدل لكن تدري بروح مكتب استاذ فهد..تعال معاي..
يندق الباب....
يوسف:السلام عليكم..
فهد+راكان:وعليكم السلام..
محمد:السلام عليكم ..
فهد+راكان:وعليكم السلام..
فهد:حياكم تفضلوا..
قعدوا....
يوسف:استاذ راكان انا رحت لك المكتب بس ماحصلتك..وجيتك هني لأن في موضوع ضروري..
راكان:خير يوسف؟
يوسف:محمد تكلم..
محمد:انا لي رفيج ابوه متوفي من سنين طويلة وابوه كان شريك بكل أملاكه وياعمه وصارت مشاكل بين رفيجي وعمه عقب ماتوفى ابوه..المهم توه اكتشفت رفيجي ان ابوه كان شريك وياتاجر عود بدبي..ويبي يوصل لهالتاجر..
فهد:من هالتاجر؟
محمد:حمدان..
راكان(يطالع فهد):رفيجك اسمه عبدالله؟؟
محمد(استغرب وطالع يوسف):اي..اشلون دريت؟؟
راكان:ياسبحان الله..ماني مصدق يافهد..
محمد:ماني فاهم شي..
راكان:حمدان صار له سنين وهو يدور على عبدالله..لكن مايدري عنه شي..
محمد:وليش يدوره؟
راكان:لأنه شك في عم عبدالله انه يلعب عليه ويجذب عليه..لأن كل مايسأل حمدان عن عبدالله يقوله ان عبدالله مسافر ومرة قال ان امه توفت..
محمد:امه ماتوفت..عايشة..
راكان(انصدم):من صجك؟؟
محمد:اي نعم من صجي..
راكان(يطلع تليفونه):انا الحين باتصل في حمدان..
فهد:ليش عبدالله كان يدور على حمدان؟
محمد:لأنه توه عرف بالسالفة ويبي يروح ياخذ حقه ويدري شالي سواه عمه..
فهد:ياسبحان الله اشلون الدنيا صغيرة..
راكان:آلو...السلام عليكم...بخير الله يسلمك انت اشلونك؟...........خصلت الاجتماع؟....انزين في حد عندك؟.....اي زين بقولك شي.....حصلت عبدالله......اي عبدالله ولد سلطان.....اي والله من صجي.......رفيجه عندي هني ويقول ان عبدالله قاعد يدور عليك......يبي يي عندك......اي والله.........لحظة...محمد متى طيارته؟
محمد:ماادري بس اللي اعرفه ان رفيجي رايح يحجز له..
راكان:اقول حمدان...ليحين مامبين........خلاص لدريت بقولك.....خلاص بعطيه.....ان شاء الله.....تسلم في امان الله..
فهد:ايش قالك؟
راكان:ماهو مصدق..اسمعني محمد..لدريت متى طيارته...خبرني...وبعطيك رقم حمدان الخاص..بس ياليت هالرقم يتم سر بينا..على فكرة حمدان هذا يصير حفيد حمدان شريك بوعبدالله..
فهد:وين عبدالله..مايصير نشوفه..
محمد:عبدالله وايد تعبان من الموضوع..وايد أثر فيه..فرد البيت علشان يرتاح..
راكان:ليش صاير شي ثاني؟
محمد:عبدالله ماكانت عنده اي اثباتات وارواق تثبت ان له نصيب عند حمدان..وتوه اليوم حصلهم..اصلا توه اليوم درى بالموضوع..
في بيت بوراشد..فارس يدش البيت......
فارس:السلام عليكم..
الجميع:وعليكم السلام..
فارس:ايش هالريحة؟
شيماء وشمة يضحكون.....
ام راشد:وليش تضحكون؟
شيماء:كل ماحد دش يقول ايش هالريحة..
ام راشد:متحنيين..
فارس:وين مرتي عنكم؟
ام راشد:تقول تعبانة وماجات..
فارس:اشفيها تعبانة؟
شيماء:ماادري رحت لها كانت راقدة على السرير وقالت لي تعبانة ومااقدر انزل..
فارس:بروح اشوفها..بخروا البيت الريحة فايحة..
راح الغرفة...دش شم ريحة حلوة...دش الغرفة حصلها واقفه عند الدريشة..والشباك مفتوح.....
فارس:مساء الورد..
شيخة:هلا فارس..
فارس:شتسوين؟
شيخة:اشم هواء طبيعي..لايعة جبدي من ريحة الحنة..
فارس:ريحة الحنة وصلت لج؟
شيخة:شميتها يوم شيماء جاتني..خلاص من وقتها وانا كل بالحمام..بخرت ورشيت عطر بالغرفة وفتحت الشباك..تعبت..
فارس:يبين وجهج مصفر..امي تقول انج تعبانة..
شيخة:كنت اشوي تعبانة ومنسدحة على السرير..
فارس:الله يعينج حبيبتي..وين رايحة؟
شيخة:الحمام..فيك ريحة الحنة..
فارس(يشم روحه)
بعد صلاة الفجر...يطلع عبدالله من المسجد...يرن تليفونه....
عبدالله:السلام عليكم.....صبحك الله بالنور.....بخير...توني طالع من المسجد.....انا جاهز...متى ؟....خلاص دقيقتين وبكون بالبيت ببدل ملابسي وبانتظرك.....لا مااشتهي....مع السلامة..
دخل البيت...تذكر ابوه واللي صار امس...حس بضيقة..وحس ان الايام الجاية بتكون صعبه خاصة وياعمه....دق باب غرفة امه....
ام عبدالله:دش يمه عبدالله..
عبدالله(يحب راسها):صبحج الله بالخير يالغالية..
ام عبدالله:صبحك الله بالنور والسعادة ياولدي..
عبدالله:تقبل الله طاعتج..
ام عبدالله:وطاعتك..متى رايح؟
عبدالله:خالد بيمرني عقب نص ساعة..
ام عبدالله:اشفيك يمه اشوف الحزن بعيونك..
عبدالله:ولاشي يالغالية..لاتحاتيني..انا بخير..
ام عبدالله:يمه عبدالله لاتحاتي..ان شاء الله كل الامور بتنحل وربك بيسرها لك..وعمك ربي بياخذ حقنا منه..
عبدالله(قام):الله كريم يايمه..بروح ابدل ملابسي..
ام عبدالله:بزهب لك الريوق..
عبدالله:لايمه ماابي..
ام عبدالله:ليش يابعد قلبي؟
عبدالله:مااشتهي..
ام عبدالله:بتطلع على لحم بطنك؟
عبدالله:معليه يمه..صدق مااشتهي..لبغيت باكل بالمطار ولا بالطيارة..
راااح...ام عبدالله حست ان ولدها متضايق..رفعت ايدينها ودعت له....
ام عبدالله:عسى الله يوفقك في كل خطوة ويسهل دربك وييسر امورك كلها..واشوف السعادة دارك في الدنيا والاخرة..
الساعة ثمان الصبح..شيخة تتريق وياامها.....
ام فيصل:شربي الحليب..
شيخة:شربت يمه..
ام فيصل:شربيه كله..
شيخة:مااشتهيه باشرب عصير برتقال..
يرن تليفونها...
شيخة(تنظف يدها):آلو..
فارس:صباح القشطة ياعسل..
شيخة:توك تذكرتني؟!
فارس:توني واصل المكتب..وقلت اصبح عليج قبل ليدخل اول مريض..قولي لي اخبارج؟
شيخة:طيبة..
فارس:تريقتي؟
شيخة:قاعدة اتريق..
فارس:بالعافية..متى رايحة الجامعة؟
شيخة:عقب شوي.........لا مب اليوم....لراحت ريحة الحنة عقب برد..........مع السلامة..
ام فيصل:شيخة اشفيج على الريال؟
شيخة:من امس الليل هادته ماتذكرني بمسج ولاتليفون الا الحين؟
ام فيصل:يعني ايش صار..امس من جابج اكيد رد البيت ورقد..والصبح لين ماقعد وبدل وتريق ووصل الدوام اتصل فيج..
شيخة(قامت)
ام فيصل:وين؟
شيخة:بروح ابدل..
ام فيصل:يمه شيخة..لاتخربين حياتج..يمكن تكونين جذي فترة الحمل..بس حاولي قد ماتقدرين ماتزعجينه بكلامج..
في الجامعة....وديمة قاعدة اتريق ويارفيجتها الريم....
وديمة:اقول ريمو متى مسافرين؟
الريم:اسبوع الجاي..
وديمة:وومتى بتردين؟
الريم:انا ماني مطولة كلها عشرة ايام وبرد..
وديمة:الله يعينج يوم تردين بتفوتج وايد اشياء..
الريم:ادري بس شسوي..مضطرة..خايفة على ابوي وايد..
وديمة:الله يشافيه لكم ويقومه لكم بالسلامة..
الريم:آآآمين..
في دبي.....
حمدان:حيالله عبدالله..ايش حالك؟
عبدالله(يطالع خالد وهو مستغرب):بخير..
حمدان:عسى ماشر؟
عبدالله:ولاشي بس مستغرب توقعت حمدان واحد شيبة..
حمدان(يبتسم):انا مب حمدان اللي انت جاي تشوفه..انا حمدان حفيده..راكان وصاني عليكم وايد..
عبدالله:مشكور..بس متى اقدر اشوف جدك؟
حمدان:متى ماتحب..بس ماودكم ترتاحون شوي تبدلون تاكلون شي؟
عبدالله:لا..ماابي شي..بس ابي اشوف جدك واعرف كل شي..لأني مضطر ارد اليوم البلاد..
حمدان:بهالسرعة؟
عبدالله:اي نعم..
حمدان:ليش مايازتك دبي؟
عبدالله:دبي واهل دبي يازتلي..بس انا لازم ارد هلي بروحهم..
حمدان:كنت ناوي ادوركم شوي..انزين شو رايكم نروح نشوف المنتجع؟
عبدالله:اي منتجع؟
حمدان:اللي ابوك له نصيب فيه..
عبدالله:أقدر؟
حمدان:أكيد..ألحين بخبرهم يزهبون لنا السيارة..
عبدالله:وجدك متى اقدر اشوفه؟
حمدان:بتشوفه هناك..
في مكتب الدكتورة سارة...
شيخة:السلام عليكم..
د.سارة:وعليكم السلام..هلا شيخة..حياج..
شيخة:دكتورة جاية أسأل عن درجتي في الامتحان الاخير..
د.سارة:قعدي..
شيخة(قعدت)
د.سارة:اشفيج شيخة؟
شيخة:ولاشي دكتورة..بس متضايقة شوي..
د.سارة:عسى ماشر؟
شيخة:دكتورة تخيلي دكتور سوى فيني حركة نذالة..انا كنت تعبانة وغبت وماقدرت داوم علشان اقدم الواجب..والواجب عليه 12 درجة..راح وعطاني صفر..
د.سارة:ماكان عندج عذر طبي؟
شيخة:لا..
د.سارة:كنتي المفروض تاخذين لج عذر..انت تعرفين ان الدكاترة مالهم امان..
شيخة(والدموع بعينها):يعني دكتورة شسوي..بروحي مزفته عنده وبعد صفر من 12..والله العظيم حرااام..
د.سارة:لاتضايقين عمرج حبيبتي..كلها واجب..
شيخة:دكتورة اقولج درجاتي عنده زفت..
د.سارة:شدي حيلج بالفاينل..
شيخة:اذا ذبحت عمري بيعطني د..
د.سارة:مب احسن من الرسوب؟
شيخة:بلا..واخبار درجتي عندج؟
د.سارة:ليش ماتنتظرين تاخذينها باجر مرة وحده..
شيخة:لأن باجر عندي موعد وماراح الحق محاضرتج..
د.سارة:الظاهر ياشيخة الحمل مأثر على نفسيتج وايد..
شيخة:وايد يادكتورة..لدرجة اني صرت اتضايق على تصرفات زوجي بسرعة..وخايفة هالشي يخرب حياتي..
د.سارة:ديري بالج..لازم تكونين حذرة..حاولي تتمالكين اعصابج..ترى في رياييل من النوع اللي مايقدرون يتحملون حتى لو حريمهم حمل..
شيخة:دكتورة انت صار لج مثلي؟
د.سارة(سكتت ثانية):انا ياشيخة ماقد حملت من قبل..
شيخة(انصدمت):أنا اسفة دكتورة..والله ماكنت اقصد..انا دوم جذي هبلة واقول شي مامفروض اقوله..
د.سارة(ابتسمت):لاحبيبتي عادي..بالعكس انا هالموضوع صار بالنسبة لي عادي..هذا الشي مكتوب علينا قبل لنولد..
شيخة:أنا اسفة..
د.سارة:ماعليج..قلتي تبين درجتج..(تدور بين الاوراق).....هذي ورقتج..
شيخة(تقرأ):لالا..لاتقولين..ليش جذي؟
د.سارة:ماكنت مركزة في الامتحان..
شيخة:لا شكلي اليوم بصير فيني شي..(قامت)
د.سارة:لاتضايقين روحج..عندج رصيد درجات صح؟
شيخة:اي بس ايش كثر؟
د.سارة:اشلون درجاتج بالكويزات؟
شيخة:يعني اوكي..
د.سارة:خلاص عيل جذي معناته عندج رصيد..وانا ان شاء الله بشوف لج درجاتج قبل الفاينل وبخبرج عنهم..لاتحاتين..وديري بالج على صحتج..
شيخة:ان شاء الله..تسلمين دكتورة..ليت كل الدكاترة كانوا مثلج..تريحين البال..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 30-12-2013, 10:12 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


متابعة فصل الـ20





في المنتجع....
عبدالله(مذهول):هذا كله ابوي له فيه نصيب؟!!
حمدان:اي نعم..
عبدالله:وليش محد خبرني كل هالسنين؟؟
حمدان:والله شاقولك ياولدي..انا مثلك مستغرب..ليش عمك ماخبراك..وانا الله يهداني وثقت فيه..وقلت هالريال ماياكل فلوس حرام وبيوصل فلوس اليتامى..
عبدالله:ماتدري ياعم حمدان ايش كثر انا عانيت السنين اللي طافوا وياهلي بسبة عمي ومشاكله..ايش كثر مرت علينا ظروف صعبة..كنت محتاج لكل ريال..
حمدان:الحمدلله انك دريت بكل شي الحين ولابعدين..وان شاء الله راح يكون تعاملي معاك على طول..والارباح بتوصلك على حسابك اول بأول..واللي راحوا بطلعهم من عمك..
عبدالله:لاياعم حمدان..ماابي شي منه..خله..ربي بياخذ نصيبي منه في الدنيا قبل الاخرة..
حمدان:بخلي حمدان يوديكم ترتاحون شوي ونروح البيت نتغدى جميع..
عبدالله:بس انا مب مطول هني..برد الليلة..
حمدان:ليش؟
عبدالله:مااقدر اهد الاهل بروحهم..
حمدان:ياسبحان الله..كأني اشوف ابوك جدامي..بس عبدالله انتوا مضطرين تمون عندنا ليلة..
عبدالله:ليش؟
حمدان:يعني لين مانخلص شغلنا..مابيمدي نخلص شغلنا كله اليوم..حاول ترتب امورك هناك وتم ليلة وحده هني..وباجر رد الديرة..
عبدالله:بحاول..بس مستغرب ابوي ليش ماخبرنا؟؟..على الاقل امي ليش ماتدري؟
حمدان:انا كنت متوقع انكم تدرون..وان الفلوس تييكم..مو مشكلة..الحين انتوا سيروا ارتاحوا وعقب نتفاهم في هالموضوع..حمدان يبه..
حمدان:نعم جدي؟
حمدان:وصلهم يرتاحون شوي..وعقب نتغدى جميع في البيت..
حمدان:ان شاء الله..ياللا حياكم..
في بيت بوراشد....شيخة تدخل البيت......
شيخة:السلام عليكم..
ام راشد:وعليكم السلام..
شيخة:اشلونج عمتي؟
ام راشد:بخير..انت اشلونج واشلون ولدنا؟
شيخة:بخير..
ام راشد:فارس يقول ماانت جاية اليوم..
شيخة:شفت عمري صرت احسن قلت ارد..عيل وين عمي؟
ام راشد:عمج راح المسجد ومارد..
شيخة:عيل انا استأذنج عمتي بروح ارتاح..
ام راشد:اي يمه روحي..
تدش الغرفة....تسمع صوت فارس يضحك...استغربت...دشت غرفة النوم حصلته معطي ظهره للباب ويتكلم....حطت شنطتها على التسريحة ويالكتب...فارس سمع الصوت ولف...شيخة تضايقت وراحت قعدت بالصالة...فارس بند التليفون وراح لها.....
فارس:هلا والله..وانا اقول ليش مستانس اليوم..والدنيا منورة عندي..كان خاطري انا اللي امرج..
شيخة(متضايقة)
فارس:شيخة اشفيج؟
شيخة(والدموع بعينها):مافيني شي..(تقوم)
فارس(مسكها وقعدها):اشلون مافيج شي..والدموع بعينج..صاير شي؟
شيخة:لا..هدني..بروح..
فارس:ماني هادج..اشفيج؟
شيخة:فارس قلت لك هدني..يوووه..
فارس(استغرب تصرفها):لا ماني هادج انزين..ابي اعرف اشفيج..
شيخة(قعدت وحطت يدها على وجهها وهي تصيح)
فارس(خاف عليها وقعد يمسح على راسها ويحاول يهديها)
عقب ماهدت شوي...
فارس:قولي لي اشفيج؟
شيخة:مافيني شي..
فارس:شيخة..
شيخة:صدقني مافيني شي..لو عندي شي اقوله صدقني بقوله لك..
فارس:حلفي ان مافيج شي..
شيخة:والله مافيني شي..
فارس:عيل ليش كنت تصيحين؟
شيخة:كنت محتاجة اصيح..ليش ماادري..
فارس:مع اني حاس ان في شي..(يقوم)..بروح ابدل..
شيخة:فارس..زعلت؟
فارس:ليش ازعل..مافي شي يزعل..(ابتسم لها)
في غرفة البنات...
شيماء:شموه تيين نروح الجمعية؟
شمة:وايش عندج في الجمعية؟
شيماء:ابي اشتري شوية اغراض..
شمة:من بيي ويانا؟
شيماء:بودي الخدامة..بعدين الجمعية هني عند الباب..
شمة:امي بتوافق؟
شيماء:بتوافق..بروح اقولها..بتيين؟
شمة:انزين..
تنزل تحت...تدور على امها....
شيماء:ميري..ميري وصمخ..
ميري:شنو يبي؟
شيماء:ياطولت لسانج انت بعد..وين ماما؟
ميري:في المجلس..
شيماء:ليش؟
ميري:بابا تركي هني..
شيماء:ويييه قطيعه وهذا ايش جايبه..خلاص روحي..
فارس ينزل....
فارس:شتسوين؟
شيماء:تكفى فارس ناد لي امي..
فارس:ليش وينهي؟
شيماء:في المجلس وياتركي..
فارس:تركي عندنا..وليش انت ماتروحين..تركي مب غريب..
شيماء:ماابي اروح..
فارس(دخل وسلم):يمه شيماء تقولج تعالي..
ام راشد:قولها تبيني تييني هني..
فارس:ان شاء الله..ياللا عيل انا اترخص بروح العيادة..مع السلامة..
تركي:مع السلامة..
طلع فارس...
شيماء تروح دارها وهي معصبه وتسك الباب بقو...
شمة:باااال اشفيج..شوي شوي على الباب..اكيد ماوافقت..
شيماء:ماشفتها..
شمة:ليش؟
شيماء:قاعدة وياتركي..
شمة:تركي عندنا..بروح اسلم عليه..
شيماء:انت مجنونة..تروحين تسلمين عليه!!
شمة:واشفيها ولد خالتي..بعدين تركي مب غريب عنا..مثل اخوي..بلبس شليتي وعباتي وبروح..قومي تعالي وياي..
شيماء:ماني جاية..
شمة:انت الخسرانة..انت تدرين امي ماترفض لج طلب جدام تركي..بتوافق على طول..
في بيت عبدالله....
خلود:يمه اشفيج؟
ام عبدالله:احاتي عبدالله..كل ماابي افهم منه السالفة يغير الموضوع..
خلود:يمكن حد عنده ومايبي يتكلم..يمه يعني صدق هالمنتجع لنا فيه؟
ام عبدالله:كل شي جدامنا يقول اي..بس انا انتظر عبدالله..كل الاخبار عنده..
خلود:وانت يمه ماكنت تدرين؟
ام عبدالله:لا يايمه..ربج شاهد ماكنت ادري بشي..
خلود:وليش ماعلماج؟
ام عبدالله:ماادري..ماادري يمه..
في المجلس....
شمة:السلام عليكم..
تركي:هلا شمة..اشلونج؟
شمة:بخير انت اشلونك تركي؟
تركي:تمام..هاا اشلون الدراسة؟
شمة:اوكي..كل شي اوكي..
تركي:وانت شيماء ماكو سلام؟.
شيماء:سلام..
تركي:وعليكم السلام..اشلونج؟
شيماء:زينة..يمه..
ام راشد:شنو؟
شيماء:يمه ابي اروح الجمعية وياشمة..
ام راشد:روحوا..
شيماء:صج نروح ويالدريول؟
ام راشد:اي روحوا..
شيماء:ياللا شموه قومي..
شمة(قامت):انزين..ياللا تركي نشوفك مرة ثانية..
تركي:اوكي..في امان الله..
عقب ماطلعوا....
تركي:اقول خالتي..
ام راشد:قول..
تركي:ايشقد بانتظر؟
ام راشد:تبيها؟
تركي:اي ياخالتي ابيها..
ام راشد:بس ترى هم متعلقين في بعض وايد..
تركي:ادري..بس شسوي..يعني مابتزوجينهم؟
ام راشد:بلا..
تركي:عيل زوجيني اياها..
ام راشد:لو الود ودي الليلة املج بكم..بس انت تدري راشد ماراح يوافق الين ماتخلص المدرسة..
تركي:جذي بنتظر سنة كاملة..
ام راشد:ماعليه يايمه انت نطرت وايد..وانتظر بعد سنة..




بعد مايأذن الفجر..ويصلون...يوقف عبدالله ببلكونة الفيلا في المنتجع اللي تطل على البحر...الشمس بعدها ماشرقت...وهو حزين ويفكر بأشياء كثيرة اولهم امه...فارقها ليلة..مب هي اللي قعده لصلاة الفجر..ومب هو اللي بيرافجها على طاولة الريوق..ومابيسمع دعواتها له قبل ليطلع ووصاياها...جاه خالد....
خالد:شتسوي؟
عبدالله:ولاشي..
خالد:اشفيك؟
عبدالله:أفكر بالوالدة..
خالد:اشفيها؟
عبدالله:افكر فيها..مشتاق لها..انت تعرف انا ايش كثر متعلق فيها واحبها..
خالد:ادري..ان شاء الله اليوم بترد لها وبتعطيها الاخبار الزينة اللي بتفرحها..
عبدالله:ان شاء الله..
قاعدة ام عبدالله بغرفة عبدالله..تذكرت يوم تقعده للصلاة ويروح المسجد..وعقب يرد يدخل عليها الغرفة ويحب راسها ويصبح عليها ويقعد يسولف وياها ويفضفض لها باللي في خاطره....تييها خلود...
خلود:يمه شتسوين هني؟
ام عبدالله:اشتقت حق اخوج..تعودت اقعده للصلاة..بس اليوم ماهو موجود..
خلود:الله يرده لنا بالسلامة..
ام عبدالله:آآمين..
خلود:كل هذا حب لعبدالله؟
ام عبدالله:وعبدالله حبيبي مايستاهل؟
خلود:الا يستاهل يايمه..عبدالله على الراس..الله يخليه لنا..يمه عبدالله قالج شي؟
ام عبدالله:لا يمه ماقالي شي..انتظر منه الاخبار..
خلود:انزين انا رايحة ازهب الريوق حق عبدالعزيز..
ام عبدالله:انت روحي قعدي حسنة علشان ماتأخر على المدرسة وهم تصلي الفجر..وانا بزهب لكم الريوق..
خلود:ان شاء الله..
وتمر الاياااام...يعني تقريبا بعد عشرة ايااام...
في مكتب فهد...
فهد:اسمعني ياعلي..ابيك تتصل في اللي كاتب اسماؤهم يحضرون في قاعة الاجتماع الساعة 8 ..اجتماع ضروري وماابي حد يعتذر..بلغهم..
علي:حاضر طال عمرك..
فهد:محمد راح يستقبل فاروق؟
علي:اي نعم..
فهد:ايش صار على الرسالة اللي وصلتنا من فرنسا؟
علي:بس بقى لي آخر جزئية اترجمها وبجيبها لك..
فهد:اتصل على مبارك خله يجيني الحين..
علي:ان شاء الله..طال عمرك شنو بالنسبة للعمارة؟
فهد:خلني افكر..بشاور مبارك..اذا نصحني فيها باخذها..مع انها مب جديدة جديدة..
علي:بس طال عمرك موقعها ممتاز..ودخلها حلو..
فهد:أدري..اذا اتصل عليك صاحبه قوله عطني مهلة لين المغرب وباتصل فيه..(يكح)
علي:طال عمرك انت تعبان..ليش مارحت المستشفى؟
فهد:الحين بروح..قولهم يزهبون لي السيارة..
خذ سيارته وراح عيادة راشد....
فهد:السلام عليكم..
الموظفة:وعليكم السلام..
فهد:انا فهد..متى أقدر ادخل عند الدكتور راشد؟
الموظفة(تقرأ اسمه في الملف اللي جدامها):انتظر شوي بس يطلع المريض اللي داخل..وعقب بيكون دورك..
فهد:اوكي..
في مكتب راشد....
راشد:لازم تدخل المستشفى..
المريض:دكتور انا كنت بالمستشفى من شهر..
راشد:ماعليه..بس انت تعبان..ويمكن تحتاج عملية..
المريض:عملية!!
راشد:اي..وبقول حق دكتور فارس يشوفك بنفسه..تروح له؟
المريض:ماادري اللي تشوفه انت..
راشد:اوكي..صفية عطي ملفه ووصليه لعند دكتور فارس..ودخلي المريض اللي بعده..
دش فهد وسلم...
راشد(قام وسلم عليه):هلا والله..
فهد(يكح)
راشد:عسى ماشر..تفضل اقعد..شكلك تعبان..
فهد:اي شوي..
راشد:خير؟
فهد:ماادري يمكن مسخن..
راشد:حاس بالبرد؟(تدخل الممرضة)
فهد:اي..وبلاعيمي حالتها حالة..ومصدع واايد..
راشد:من متى؟
فهد:اليوم ثالث يوم..
راشد:وليش ماجيتنا من اول يوم؟
فهد:مافضيت..كنت مشغول..
راشد:هذي صحتك يافهد..مايصير..
فهد:انت تدري بالشغل..
راشد:انزين خلينا نشوفك..صفية قيسي له الضغط والحرارة..
صفية:حاضر دكتور..
المدارس يخلصون من المدرسة والامتحانات....والجامعة اليوم آخر يوم لهم....تركب وديمة السيارة.......
خالد:هاا بشري؟
وديمة:وايد اوكي..
خالد:يعني فل مارك؟
وديمة:ان شاء الله..ودني مكان اغير جو..ماتدري ايش كثر تعبت من الامتحانات..
خالد:ماتبين تردين البيت؟
وديمة:لا..
خالد:متأكدة؟
وديمة:اي متأكدة..
خالد(وهو يسوق):بكيفج..ماتبين تشوفين امي وابوي بكيفج..
وديمة(فاجه عينها):شنو شنو شنو؟؟..امي وابوي ردوا؟؟
خالد:اي..
وديمة:متى؟
خالد:اليوم الصبح..
وديمة:وانا ماادري..وليش ماتقول من الصبح..
خالد:جذي..
وديمة:خلاص ودني البيت..جد مشتاقة لهم وااايد..
خالد:لا البيت لا..
وديمة:لا عاد تكفى خالد..ودني..ابي اشوفهم..
يدخل جبر البيت يحصل نجلاء قاعدة وياعياله وزوجته يطالعون تلفزيون...
جبر:السلام عليكم..
الجميع:وعليكم السلام..
نجلاء(تقوم وتروح غرفتها)
جبر:شوفيها؟
أسماء:ماادري..
جبر:تعشيتوا؟
أسماء:لا..نترياك..
جبر:انزين سيري جهزي العشاء..(راح لها الغرفة)..شوفيج؟
نجلاء:ماحيدك تسأل عن الغرب..
جبر(سكت شوي وعقب قعد جنبها):منو الغرب؟
نجلاء:ماادري عنك..أسأل روحك..
جبر:بسوي عمري ماسمعت شي..قومي ساعدي أسماء..
نجلاء:مااريد..
جبر:نجول في شي في خاطرج؟
نجلاء(بدت تصيح):حراام عليك..من بديت دراسة وانت كارفني فيها..ولاعمرك جيتني وقلت لي قومي نسير نطلع برع نغير لنا جو..ترجيتك وذبحت عمري اقولك خلنا نسافر الدوحة..ودي اشوف اخواني وعيالهم..ماانت طايع..انت شو عليك تطلع وتغير جو تشوف الدنيا وتشوفك..وانا لي الطوف..
جبر(انكسر خاطره):حشاج يالغالية..ادري انج زعلانة علي.. وكل هالكلام كان بخاطرج وساكته..انزين لو قلت لج..(طلع من مخباته التذاكر)..هاج..
نجلاء(تشوف التذاكر وتشوفه):شنو هاي؟
جبر:بنسير الدوحة انا وانتي..
نجلاء:احلف..
جبر(يقوم):لاتصدقين..انا بسير آكل..انت بكيفج..قعدي خيسي هني..
في يوم الجمعة من تاريخ 20-7....
فارس يدخل البيت....ويقعد شوي ويالاهل....
فارس:ها سلطان سجلت بالجامعة؟
سلطان:اي رحت بس لازم اجيب التوفل..ياعل التوفل ينعدم من هالدنيا..
فارس:حاول تشد حيلك..واذا ماقدرت قدم الايلز..
سلطان:بشوف شيصير..
شيماء:انا بعد بروح امتحن من الحين..على الاقل اكون جاهزة للسنة الجاية..
فارس:زين تسوين..شمة..
شمة:نعم..
فارس:ماشفتي شيخة اليوم؟
شمة:بلا شفتها وقعدنا نسولف معاها بعد..
فارس:عيل ليش مانزلت؟
شمة:اممم(تطالع شيماء)
شيماء:يمكن تحاجي حد في التليفون..
فارس:كل هاي؟
شيماء:انزين روح لها..
فارس(قام)
ام راشد:وين يمه؟
فارس:بروح اشوف شيخة ليش مانزلت..
راح...
ام راشد:هالبنية ايش كثر تعبت ويالحمل..الله يكون بعونها..ويقومها بالسلامة..
فارس سمع صوت غريب من غرفتهم...فتح الباب بشويش..ودش شاف الليتات مطفية..وشموع على الطاولة..شم ريحة حلووة..وهو يسمع موسيقى هاديه...حس بشعور غريب...سك الباب...وحاول يدش ويشوف في هالظلمة..
فارس:شيخة..
شيخة:عيون شيخة..حبيب شيخة..بعد قلب شيخة..هواي انت..لبيه آمر..
فارس(ابتسم وشافها):ايش هالحلاة؟
شيخة:كله لك..
فارس:جميلة ماشاء الله عليج..كل يوم تزدادين حلاة بعيني..
شيخة:صج فارس؟
فارس:اكيد صج..اشلونج اليوم؟
شيخة:بخير..الحمدلله احسن..بس الله يساعدني وافتك تعبت وايد..
فارس:ياللا مابقى لج شي..وان شاء الله تقومين لنا بالسلامة..
شيخة:انزين ايش رايك تبدل ملابسك؟
فارس:من عيوني..ثواني..
شيخة:بانتظرك في الصالة..علشان نتعشى..
في البيت.....
وديمة:أقول عمتي..ايش رايج نروح باجر بيت عمتي ام فيصل ونقول لشيخة تجي..ونسهر على فيلم ونتعشى من مطعم..ايش رايج؟
نجلاء:والله ياليت..بس عمج ماادري شو اقول عنه..مابيوافق..ماسمعتيه شو قال لأبوج قبل ليروح..
وديمة:ليش جذي عمي؟
نجلاء:الله بلاني فيه..
وديمة:لاتقولين عنه جذي..والله حبوب..
نجلاء:ماعلينا..خبريني..لي متى بيظل حمد جذي وياخالد؟
وديمة:ماادري..تعبنا واحنا نحاول بينهم..المشكلة مب في خالد..المشكلة بحمد..
نجلاء:اخوج هذا يبيله عقال..
وديمة:اقول عموه تخيلي شيخة تربي اليوم؟
نجلاء:لا بدري عليها..
وديمة:وين بدري..هي الحين بالثامن..
نجلاء:لا ان شاء الله تخلص التاسع..مب زين تولد بالثامن..
وديمة:وانت ايش دراج؟
نجلاء:شو ايش دراني..ناسية اني دارسة طب..
وديمة:اي صح نسيت..
نجلاء:والله اني بروحي احاتيها..من وقت ماحملت وهي كله تعبانة وحالتها حاله..
وديمة:اي والله..
نجلاء:الا ماقلتي لي..اشلون درجاتها هالكورس؟
وديمة:هاا..ماادري..انت سأليها..
نجلاء:اشلون ماتدرين..مستحيل شيخوه ماتقولج..ارمسي اشوف..
وديمة:وانا ايش دراني..
يندق الباب...
وديمة:منو؟
عائشة:انا عووش..
وديمة:ايش تبين؟
عائشة:ابوي يقولكم نزلوا..
يندق باب غرفتهم....
فارس:منو؟
شيماء:انا..
فارس:حياج..
شيماء دشت الغرفة....
شيماء:ادري اني مزعجة ودشيت في وقت غلط..بس شسوي جايه اقولك شي..
شيخة:انت تدخلين في اي وقت..
فارس:خير؟
شيماء:اول شي باكل هالكبة..لانها كانت بخاطري من زمان..(قعدت تاكل)
فارس:شيوم..
شيخة:خلها على راحتها..اللي تبينه اكليه..
شيماء:لا بسي انا شبعانة اصلا..فارس يقولك راشد خلاص باجر مب رايح..بس وين وشنو ماادري..
فارس:انزين..(حس بشي غريب بس ماتحجى)
شيخة:فارس فيك شي؟
فارس:لا..
شيماء:ياللا انا بروح باااي..(سكت الباب)
عقب هالسهرة....صارت الساعة 12 ناموا.....وفارس كان تعبان بس ماقال شي..ظل بتعبه....لين ماصارت الساعة 1 وخمس دقايق...الا شيخة تقوم وهي تتألم....
شيخة:فارس..فارس قوم الحق علي..
فارس:اشفيج؟
شيخة:ماادري..تعبانة وااايد..
فارس:عندج الم؟
شيخة:واااايد..تكفى قوم ودني المستشفى..
فارس(يقوم):ياللا قومي لبسي عباتج..انا بروح اتصل في راشد يطرش زوجته..
في غرفة راشد..يقوم على رنة التليفون.....
راشد:انزين انزين...ياللا احنا جايين..الجوهرة قومي..
الجوهرة:خير؟
راشد:ماادري فارس يقول شيخة تعبانة وايد..قومي خلنا نروح..
وراحوا المستشفى...وفارس اتصل في ام فيصل وجات هي وزوجها وفيصل...والكل قاعد على اعصابه في الطواري......
راشد(حس ان فارس فيه شي):فارس فيك شي؟
فارس:لا..
راشد:اي بس انت قاعد اتعرق..تعبان؟
فارس:لالا..انا بخير..مافيني شي..تكفى راشد اتصل فيهم..صرت احاتيها..
عند الحريم.....
ام فيصل:ها دكتورة طمنيني..
الدكتورة:بنتك؟
ام فيصل:اي بنتي..خير؟
الدكتورة:شيخة شوي تعبانة..واحتمال كبير تربي اليوم..
ام فيصل:ليش دكتورة بدري على الولادة..
الدكتورة:البيبي ماقاعد يوصله الاكل..وصايدها جفاف وهي ماتدري..حالة الجنين بتكون بخطر اذا ماولدناها اليوم..
ام فيصل:انزين وايش بتسوون؟
الدكتورة:الحين قاعدين نسوي لها تخطيط..وبننتظر شوي..ونشوف شيصير معاها..
ام فيصل:يارب تسهل عليها..انزين اقدر اشوفها؟
الدكتورة:اي تفضلي..
في غرفة انتظار الرجال....
فارس(معصب):راشد شالسالفة..
راشد:هدي ياريال..تليفونهم مايلقط..ماادري شالسالفة...(يرن)..هذي ام عيسى...آلو..ها بشري.....انزين......وليش؟..........اوكي خلاص......اوكي..
فارس:هاا..
راشد:يقولون يبون يولدونها..
فارس:ليش؟
عند شيخة.....
ام فيصل:هاا يمه اشلونج الحين؟
شيخة:تعبانة يمه..تعباااااانة احس اني بموت..
ام فيصل:بسم الله عليج..ان شاء الله مافيج الا كل خير..
شيخة:يمه اذا مت ديري بالج على ولدي..حطيه بعيونج..
ام فيصل(دمعت عينها):لاتقولين جذي يايمه..الله يعطيج طولة العمر..وانت تربينه بنفسج..
شيخة:يمه انا احس اني بموت..ابي فارس..وين فارس؟
ام فيصل:فارس برع مايخلونه يدش..
شيخة:ابي اشوفه قبل لأموت..
الدكتورة(تجيك على الجلوكوز):ايش هالحجي ياشيخة..انت بخير..وان شاء الله بتقومين لنا بالسلامة اليوم ومعاج البيبي..
الدكتورة تطلع...تلحقها الجوهرة....
الجوهرة:دكتورة..ليش شيخة قاعدة تقول هالكلام هي فيها شي؟
الدكتورة:لاتحاتونها هي بخير...الظاهر من التعب صارت تهلوس ولا هي بخير..مافيها الا العافية..
الجوهرة:انزين دكتورة مافي مجال زوجها يشوفها..
الدكتورة:هني مستحيل..
الجوهرة:زوجها دكتور يقدر يدش؟
الدكتورة:اذا عندنا في القسم يمكن..بس غيره لا..على العموم عقب خمس دقايق بيودونها الولادة..وهي طالعة يقدر يشوفها..
فارس عايش بتوتر وألم فضيع لكنه ساكت ومايبي يتكلم ولايقول شي..راح الانتظار وظل واقف هناك قريب من الباب اللي بتطلع منه شيخة وفيصل وابوه الصوب الثاني..ماهي الا ثواني تطلع شيخة وهي منومة على السرير...فارس يقرب منها ويمسك يدها.....
فارس:حبيبتي..اشلونج؟
شيخة:انا تعبانة وايد...فارس سامحني ان غلطت بحقك..تكفى دير بالك على ولدنا اذا صار لي شي..
فارس:لاتقولين هالكلام..انت بخير..وان شاء الله بتقومين لنا بالسلامة..لاتحاتين..
شيخة:ماادري احس ان بيصير فيني شي..
وودوها الولادة..وظلت الدكتورة تشرح لفارس حالة شيخة...وعقب راحت الدكتورة... وظلوا كلهم ينتظرون عند الولادة وهم واقفين ومتوترين..فارس زاد عليه الالم..لدرجة انه قاعد يفقد سيطرته على نفسه.. وصار ياخذ نفس بصوت عالي...جاه راشد..ومسكاه...
راشد:فارس اشفيك؟؟فارس!!
فارس(بلع ريقه ومسك خاصرته):تعبااان..تعبان وايد..آآآآآآه..
راشد(بصوت عالي):فيصل تعال ساعدني..
والتموا حوله..وفي منهم راحوا يخبرون حد يسعفه....
فارس(بتعب وألم):راشد دير بالك على ولدي..آآآه(يفقد وعيه)
والكل تفاجأ باللي صار لفارس..راشد راح ويافارس على الطواري..وظلوا الحريم قاعدين ينتظرون اخبار عن شيخة..فيصل لحقوا راشد...وظلوا هم مع فارس ينتظرون طلعة الدكتور.....
الدكتور:دكتور راشد؟
راشد:طمني..فارس اشلونه؟
الدكتور:فارس محتاج عملية وفورا بدون تأخير..
راشد:عملية!!..ليش؟
الدكتور:عنده انسداد بسبة الحصى اللي في الكلية..والحصى كبيرة وايد..وماتنشال الا بالعملية..وهو الحين فاقد الوعي..ايش قلت؟
راشد(يشوف فيصل):دكتور توكل على الله..اذا انت شايف ان هذا هو الحل خلاص توكل على الله..
الدكتور:تعال معاي علشان توقع على ورقة العملية..
في خلال نص ساعة....اهل فارس تجمعوا عنده في المستشفى..واهل شيخة تجمعوا عندها في الولادة..والكل ينتظر خبر طلعة حد فيهم...نجلاء تطلع من عند شيخة....
ام فيصل:هاا بشري..
نجلاء(وهي متضايقة):خلاص ولادة..
ام فيصل:وهي اشلونها؟
نجلاء:زينة..
ام فيصل:عيل اشفيج؟
نجلاء:بنتج ذبحتني وهي تقول بموت..قلبي بغى ينفجر عليها وهي ماتدري باللي في زوجها..(دمعت عينها)
وديمة:ماعليه عموه..هدي بالج..ان شاء الله بيقومون بالسلامة..
نجلاء(تحضنها):عورت قلبي..
عقب نص ساعة....
الموظفة:شيخة عبدالله..شيخة..
نجلاء:هيه..
الموظفة:مبروك جابت ولد..
نجلاء:وهي اشلونها؟
الموظفة:الحمدلله هي بخير..والحين ودوها الملاحظة علشان ترتاح وعقب ساعتين بيودونها فوق..
ام فيصل:لو سمحتي ابي اشوفها انا امها..
الموظفة:اوكي بس انت؟
نجلاء:انا بجي معاها..
الكل استانس على قومة شيخة بالسلامة...لكن فارس....
ام راشد:يمه شيماء اتصلي فيهم شوفي شيخة ربت..
شيماء:ان شاء الله..(تتصل)...آلو..هلا ايش صار على شيخة؟....صج؟....الحمدلله وايش جابت؟.....الحمدلله الله يبشرج بالخير.....لا والله ليحين...قاعدين ننتظر....ان شاء الله مع السلامة..
ام راشد:هاا بشري..
شيماء:الحمدلله يمه ربت وجابت لنا ولد ولد..(دمعت عينها)
ام راشد(دمعت عينها):ياااارب تقوم ولدي فارس بالسلامة..
بوراشد:راشد يبه انت ماتقدر تدخل داخل؟
راشد:بلا..
بوراشد:انزين دش..
راشد:ان شاء الله..(دخل)
تميم:الحمدلله انها قامت بالسلامة..
ام راشد:اي الحمدلله..قلبي كان بينهم..الله يطمنا على فارس..
بعد شوي راشد يطلع...
راشد:الحمدلله خلصت عمليته..
بوراشد:وهو اشلونه؟
راشد:بخير..بس بيودونه العناية..
ام راشد:اللهم لك الحمد..
راشد:عيسى يبه قوم وصل جدك وجدتك البيت..
ام راشد:ومن اللي قال اني برد؟
راشد:يمه الساعة صارت 8 الصبح..انتوا روحوا البيت غيروا ملابسكم..وجيبوا له ملابس وعقب تعالوا..وانت شيماء وشمة روحوا..حتى انت تميم رد البيت..ريحوا شوي انتوا من امس هني..
وتروح وديمة تحجز الغرفة الفندقية لشيخة...ودوا شيخة غرفتها...وكانت امها ونجلاء ووديمة وام سلمان عندهم.....
وديمة:حمدلله على سلامتج..
شيخة(بتعب):الله يسلمج..
ام سلمان:مبروك ماجاكم..
شيخة:الله يبارك فيج مرت عمي..
ام فيصل:ترى انا ماجبت لج شي..
شيخة:لا لاتقولين..ابي ملابسي..ابي اغير ملابسي..ابي امشط شعري شكلي متبهدل..الحين فارس يجي يشوفني شيقول..اي صج وين فارس؟
ام فيصل:فارس راح يبدل ملابسه وعقب بيمرج..
شيخة:ليش مانطرني؟
نجلاء:وانت شو تبين فيه..تبين نروح نجيب ملابسج؟
شيخة:اي والله ياليت..
نجلاء:وين فيصل؟
ام فيصل:ماادري اتصلي فيه..
نجلاء:خلاص انا بسير ويافيصل بيتكم وبييب شنطتج..اقول اختي تعالي انت بعد..ردي بيتج ريحي شوي..
شيخة:اي يمه ردي البيت..وانت مرت خالي بعد ردي البيت..بخلي ودوم فديتها تقعد وياي لين ماانتوا تجون..
ام فيصل:خلاص..لبغيتي شي اتصلي..
شيخة:ان شاء الله..بس وين تليفوني؟
ام فيصل:ماجبناه..
شيخة:خلاص انا باتصل في فارس من تليفون وديمة..انتوا روحوا..
نجلاء تاخذ وديمة على صوب...
نجلاء:سمعي مو تعطينها تليفونج..قولي لها ماكو رصيد..سمعتي؟
وديمة:زين..
فارس يقوم من البنج ويفتح عيونه يحصل راشد.....
راشد:حمدلله على سلامتك..
فارس:شيخة...شيخة اشلونها؟
راشد:تطمن شيخة بخير..وجابت لك ولد..
فارس:صدق..جابت راشد؟؟
راشد(انصدم):راشد!!
فارس:اي راشد..ولدي انا اسمه راشد..سميك ياخوي..
راشد(انصدم وماتوقع):الدكتور قالي ان صحتك بخير الحمدلله..وبيودونك غرفتك..
فارس:ابي اشوفهم..
راشد:بالاول ترتاح..وعقب نسأل الدكتور..
فارس:تكفى ياراشد..ابي اشوفهم..
راشد:ان شاء الله بس مب الحين..
فارس:انزين عطني تليفوني اكلمها..
راشد:فارس..زوجتك توها والدة..وهي ماتدري انك مسوي عملية..اخاف لدرت بتحاتيك وصحتها ماتتحمل..
في غرفة شيخة....
شيخة:ودوم فديتج عطيني تليفونج ابي اتصل في فارس..
وديمة:هاا..تليفوني مافيه رصيد..
شيخة:لالاتقولين..كلش مو وقته..
وديمة:شسوي..لو كنت ادري جان عبيته..
شيخة:الحين شسوي ابي اكلمه..
وديمة:اكيد هو بييج..
شيخة:تأخر..




شيخة تفكر بفارس..وفارس يفكر بشيخة...

كيف راح يكون اللقاء بينهم؟؟

وشنو الجديد في حياة عبدالله؟؟

أخبار مرضى عيادة راشد وفارس؟؟

شالجديد عندهم؟؟

وأخبار وديمة وشنهي مخططاتها للدراسة؟؟

وخالد؟؟ فهد؟؟ والكثير من الشخصيات...

تابعوني بأفكار جديدة وأحداث مشوقة..





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 30-12-2013, 10:16 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


" فصل الـ 21 "





خلال هالجم ساعة..شيخة تفكر بفارس...وفارس يفكر بشيخة...يبون يشوفون بعض...الكل حولها ويبارك لها على البيبي..بس هي مب حاسه بوجود حد..تبي فارس..وصارت الدنيا العصر وفارس ماهو مبين..صارت تحاتيه....
شيخة:اقول عمتي..فارس وينه؟
ام راشد:اكيد بالدرب..
شيخة(تضايقت):اي درب هذا اللي فارس لحد الحين ماوصل..من الصبح وانتوا تقولون لي هو بالدرب..تكفون قلبي مايتحمل..قولوا لي فارس وينه؟؟فارس يدري اني ولدت؟؟؟ليش ساكتين؟..اشفيكم؟؟..ليكون فارس صار له شي وانا ماادري؟...شيماء شمة قولوا شي..(حاولت تقوم لكن ماخلوها)....(صاحت)...تكفون تحجون فارس وينه؟
ام راشد:انا بقولج يابنيتي فارس وينه..فارس يايمه شوي تعبان وهو الحين مرقد بالمستشفى..
شيخة(مصدومة):مرقد بالمستشفى!!..وليش محد فيكم يقولي..(حاولت تقوم بس ماخلوها)..خلوني ابي اروح اشوف ريلي..
ام فيصل:يايمه وين تروحين..انت تعبانة..
شيخة:ماابي..ابي اشوف فارس..حراام عليكم..فارس تعبان وماتقولون لي..عطوني التليفون ابي احاجيه..
ام راشد:شمة يمه اتصلي على اخوج خلها تكلمه..
شمة:ان شاء الله..(تتصل براشد)....هلا بوعيسى...انت وين؟....انزين عطني فارس شيخة تبي تكلمه.....اي درت..
راشد:فارس تليفون..
فارس:منو؟
راشد:شيخة..
فارس:آلو..
شيخة:فارس..(تصيح)
فارس(انكسر خاطره عليها):ليش تصيحين؟
شيخة:فارس اشفيك؟
فارس:شيخة يبه لاتصيحين..انا جذي مااعرف اتكلم..علشاني..
شيخة:ماابي..انت تعبان ومحد يقولي..ليش؟
فارس:انا بخير تطمني..صدقيني انا بخير..
شيخة:اشفيك؟
فارس(يشوف راشد):مافيني شي..بس كليتي شوي تعورني..
شيخة:ياعل التعب فيني ولافيك..
فارس:بسم الله عليج..
شيخة:ابي اجي عندك..
فارس:مايصير..انت تعبانة..ومحتاجة راحة..
شيخة(تصيح):ماابي..ابي ايي عندك..تكفى فارس ابي اشوفك..
فارس:مايصير..قلت لج مايصير..شيخة تكفين لاتصيحين..انت جذي تعبيني بزيادة......شيخة حبيبتي...كلها جم يوم وبطلع من المستشفى وبييج..
شيخة(قطت السماعة على السرير وتمت تصيح)
فارس:آلو..آلو..
راشد:ايش صار؟
فارس:ماادري شكلها قطت التليفون...اسمع صياحها..آآلو..شيماء وين شيخة؟
شيماء:شيخة تصيح..بعدين كلمها...مع السلامة..
ام فيصل:خلاص يمه هدي عمرج..مب زين لج..
ام راشد:لو كنت ادري انج بتسوين جذي جان ماخبرتج..يايمه ياشيخة..ريلج بخير مافيه الا العافيه..
الممرضة تدش..وتشوف شيخة تصيح وحالتها حالة.....
الممرضة:خير اشفيج؟
نجلاء:لا مافيها شي..
الممرضة:عيل ليش تصيح؟
نجلاء:ريلها شوي تعبان..
الممرضة:لو سمحتوا ترى شيخة تعبانة وهي توها والدة ومحتاجة للراحة..والحزن مب زين لها..
نجلاء:حاولنا مانخبرها ..لكن ماقدرنا..
الممرضة:ياليت تخلونها ترتاح شوي..
في غرفة فارس....
راشد:انت من صجك؟
فارس:اي من صجي..راشد اذا ماخبرتهم بروح من نفسي وعلى مسؤوليتي..
يندق الباب....تروح نجلاء.....
راشد:السلام عليكم..
نجلاء:وعليكم السلام..
راشد:لو سمحتي ممكن شيماء ولاشمة..
نجلاء:اي لحظة..شيماء في واحد عند الباب يبيج..
شيماء(تي):هلا راشد...فارس!!..انت شتسوي هني؟
فارس:ابي اشوف شيخة..
شيماء:بس انت تعبان..
فارس:قولي لهم يتغطون ابي ادش..
شيماء:راشد!!
راشد:خليه على راحته..
شيماء(دشت):لو سمحتوا تغطوا..فارس بيدش..
الكل عينه على الباب...شيخة اللي كان ودها تقوم من على السرير....دش فارس..وهو قاعد على كرسي المتحرك....
فارس:السلام عليكم..
الجميع:وعليكم السلام..
فارس(قرب من شيخة ومسك يدينها وحبها):ألف الحمدلله على السلامة..
شيخة(ودموعها سابقة كلمتها):الله يسلمك..اشلونك طمني عنك؟
فارس:انا بخير..هذاني جدامج..
شيخة:ليش لابس ملابس المستشفى..قولي اشفيها كليتك؟
فارس:مافيها الا العافية..قولي لي اشلون رشودي؟
شيخة:بخير..ينتظرك..انت ماشفته؟
فارس:لا ماقدرت..اشفيج؟..هذاني جدامج بصحتي الحمدلله..بخير..
شيخة:الحمدلله..
ام راشد(تقرب وتحب راس ولدها):حمدلله على سلامتك يايمه..
فارس:الله يسلمج يايمه..
وجاوا الحريم يسلمون عليه.....
الساعة 11 بالليل....
نجلاء(تشرب شاي):وين رشودي فديته..ابي اقعد العب معاه..
شيخة:نسيت اقول حق شيماء ولاشمة يروحون يصورونه علشان فارس يشوفه..
نجلاء:ياللا مو مشكلة باجر..تصدقين شيخوه..امس الليل ترمس ودوم عنج وتقول عموه تخيلي الليلة تولد شيخة..ياسبحان الله..
شيخة:واي فديتها ودوم..ياعلني اخدمها في عرسها..فديتها ماقصرت معاي..
نجلاء:وانا؟؟..مب تارسة عينج؟..ليش ماتدعين لي اعرس؟!!
شيخة:باااال كلتيني بقشوري..شوي شوي علي..ترى ريلي يتضايق..
نجلاء:لا حلفي اشوف..الرومانسية مقطعة بعضها..ايييه على حظي..حظي واقف في الزواج..كل ماتقدم لي واحد بس يشوفون جبر يشردون..
شيخة(تضحك):ليش؟
نجلاء:ماادري شو مسوي فيهم..شكلي بظل عانس بسبة خالج..
شيخة:يحليله خالي..والله ماكو منه..
نجلاء:انزين لو ترومين تسكتين تسوين خير..اصلا هو ماصدق يفتك مني..شوفي من يومين لحد الحين مااتصل فيني..ولاسأل عني..لكن ماعليه..بشوف من بيتصل فيه ولا بيرد عليه..خلها تنفعه زوجته الثانية..
شيخة:وييه بسم الله من زوجته الثانية؟؟
نجلاء:انت ماتدرين؟
شيخة:لا..
نجلاء:متزوج شغله..رايح راد..زوجتي الثانية لها حقوق..مالت على الحقوق..اقولج حظي واقف حتى في الاخو..
يرن تليفونها....
نجلاء:توه تذكرني..ماني رادة..خله..
شيخة:خالتو ردي ترى بعدين بيحاتيج..
نجلاء:وييه خبلة ارد عليه..خله..
يوصلها مسج...
وينج ماتسألين عني..طايح انا وحالتي حالة..
نجلاء(اخترعت):وي بسم الله عليك..ياعله فيني ولافيك..
شيخة:خالتو ايش صاير؟
نجلاء(تتصل):تريي...آلوو...
جبر:ليش ماتردين على التليفون؟
نجلاء:قولي شو فيك انت تعبان؟
جبر:اي طايح اول امس..
نجلاء:بسم الله عليك..وشو صار لك؟
جبر:ولاشي بس التوت شوي..
نجلاء:وي فديتك ياخوي..وانا اقول ماانت مبين..
جبر:على الاقل استحي على وجهج واتصلي فيني..
نجلاء:هاا..شو اسوي بنت اختك تعبت علينا وولدت..
جبر:لا لاتقولين..
نجلاء:اي والله..وكاني عندها بعد في المستشفى..
جبر:وشو جابت؟
نجلاء:جابت راشد..
جبر:يحليلها شيخة..وينهي عطيني اياها..خلني ابارك لها..
نجلاء:هاج..
جبر:هلا خالو...اشلونج؟؟....مبروك ماجاج......ليش مسمينه راشد؟.....يحليلكم.....يشابه من؟....ليكون يشابه نجول ترى حظه بيوقف......ياللا ديري بالج على روحج..الله يحفظج...مع السلامة..
نجلاء:شو؟....ماادري لقررت بقولك...بعدين تعال انت خسرتني..
جبر:كلش اللي يقول انت بتدفعين..كله من جيبي..
نجلاء:انزين انزين..ياللا في امان الله..شيخوه ليش كنتي تضحكين وانت ترمسينه؟
شيخة:يقولي ليكون رشود يشابه نجول ترى حظه بيوقف..(تضحك)
نجلاء:قولي والله..
شيخة:والله..
نجلاء:ماعليه انا اوريك..
شيخة(بكل هدوء):خالتو تحبين خالي جبر؟
نجلاء:يييييييياااه جيتي على الجرح..احبه!..انا مو بس احبه انا اموت فيه انا مافيني اعيش بلياااه..هو حياتي كلها..انت ماتدرين ايشكثر قلبي متعلق فيه عقب وفاة امي وابوي شفت الدلال والحنية كلها منه..صج جدي الله يطول بعمره مامقصر معاي ومرات يفضلني على جبر..بس جبر غير..ادري اني مرات اتهاوش وياه ونصارخ على بعض وكل واحد يسب الثاني لكن مرده اخوي..فديته والله..يعلني مااخلي منه..
شيخة:الله يخليكم لبعض..
نجلاء:آآمين ويخلي لج فارس وراشد..
شيخة:فديت فارس..شكله كان باين انه تعبان..وجهه مصفر..
نجلاء:الحمدلله انه بخير وقدر ييي لعندج..(تفتح التلفزيون)...وي بسم الله شو ذي هاي شو مسوي بعمره..حمدلله والشكر..العقول تبخرت..
شيخة:صاير يلوع الجبد..
نجلاء:مالت عليه..صج صج طاح من عيني..الحين ماكو دور يسويه الا ذي..اقول مالت عليك..حسافة اسم رجال عليك..خلني اغير القناة..
الصبح...الساعة 6 يقوم فارس من النوم يحصل عيسى يصلي....
فارس(يحاول يعدل قعدته)
عيسى:السلام عليكم ورحمة الله..السلام عليكم ورحمة الله..استغفر الله استغفر الله استغفر الله..
فارس:تقبل الله..
عيسى:منا ومنكم..راحة علي نومة وقمت متأخر..
فارس:ابي اصلي..
عيسى(قام وطوى السجادة):تبيني اساعدك؟
وقعد يصلي الفجر وعيسى قاعد يلعب بتليفونه....يدش الممرض...
الممرض:السلام عليكم..
عيسى:وعليكم السلام..
الممرض:اشلونه اليوم احسن؟
عيسى:والله شكله احسن..
الممرض:الحين بجيبون له الريوق خله يتريق وعقب نادني علشان اعطيه دواه..لأن لازم ياخذه بالوقت..
عيسى:ان شاء الله..
طلع الممرض...وفارس خلص صلاة....
عيسى:تقبل الله..
فارس:منا ومنكم..ايش يبي؟
عيسى:ولاشي يبي يعطيك ادوة..
يدخل الرجال علشان يحط الفطور...
عيسى:تريق علشان تاخذ دواك على النص..
فارس:انزين..بس عطني تليفوني..
عيسى:ان شاء الله..
فارس(يتصل):................صباح الورد..
شيخة(وهي مسكرة عينها):صباح النور..
فارس:اشلونج حبيبتي؟
شيخة:طيبة..انت اشلونك؟
فارس:انا بخير الحمدلله..تريقتي؟
شيخة:لا..تو بدري..
فارس:قعدتج من النوم؟
شيخة:انت اتدق علي بأي وقت..
فارس:من قاعد عندج؟
شيخة:خالتي نجلاء..
فارس:انزين متى بيرخصونج؟
شيخة:متى مارخصوك..
فارس:انا ماادري والله متى طالع..اليوم بحاول في الدكتور يطلعني..
شيخة:ياليت والله..ابيك تكون جنبي..
فارس:وانا بعد..(راشد يدش)..بحاول قد مااقدر انه يرخصني..انا الحمدلله صرت بخير......انزين حبيبتي لخلصتي كلميني..مع السلامة..
راشد(يسلم عليه):اشلونك اليوم؟
فارس:بخير..ابي اقول للدكتور يطلعني..
راشد(يقعد):مستحيل..انت توك امس مسوي العملية وتبي اليوم يرخصك..مايصير..
فارس:ليش؟
راشد:فارس اشفيك تقص على من؟..انت دكتور وادرى..كل ريوقك..كل..
خلال اسبوع في مواقف حلوة ومو حلوة تصير...
في بيت بوفيصل...شيخة بغرفتها ترقد ولدها....تتدخل عليها امها....
ام فيصل:رقد؟
شيخة:ذبحني يمه ماهو راضي يرقد..تعبت خلاص..ايدي تخدرت..
ام فيصل:اشفيج تعبانة؟
شيخة:ابي اناام يمه..تكفين خذي راشد عني..
ام فيصل:وجهج مصفر ومب عاجبني..
شيخة:انا بخير مافيني شي..
ام فيصل:انت ماتريقتي بيب لج شي تاكلينه..
شيخة:ماابي..ابي انام..
ام فيصل:على راحتج..
تطلع ام فيصل من غرفة شيخة وتاخذ منها راشد...
اما وديمة اللي محد داري عنها هالفترة...والكل معتمد انها بتكون بخير..وتاخذ ادويتها بإستمرار...
تركب السيارة وياخالد....
خالد:اشفيج؟
وديمة:مافيني شي..بس عطشانة..
خالد:وليش ماشربتي ماي؟
وديمة:مالحقت وخفت أتأخر عليك..
خالد:حمدلله والشكر..تدرين اليوم الغداء في بيت سلمان؟
وديمة:لا ماادري..بس انا مب رايحة..ردني البيت..
خالد:ليش؟
وديمة:ابي ارد اريح شوي وعقب بقوم احل الواجب..عندي اسايمنت صعب..وعقب بدرس بقعد احضر للدكتور..موصينا نحضر له قبل لنروح..
خالد:محد في البيت ايش بتسوين بروحج؟
وديمة:عادي..
خالد:الحين صار عادي!!
وديمة:شسوي..الجامعة وماتسوي..
خالد:كيفج بس اتصلي في امي وخبريها..
وديمة:انزين...(تتصل)........ليش ماترد؟
خالد:يمكن ماتسمع..
وديمة:ألو..هلا يمه..اقول يمه انتوا وين؟......بلا خالد قالي بس انا مب جاية......ابي انام وعندي دراسة....تكفين يمه لاتجبريني.....انت ادرى بالصيفي اشلون......حاليا مااشتهي..لرديتوا جيبوا لي نصيبي.....ان شاء الله....مع السلامة..
خالد:ايش قالت لج؟
وديمة:قالت لي كيفج..بس قالت لي مري خذي الخدامة..
خالد:وين نجلاء صارت ماتبين؟
وديمة:نجلاء خلاص من ربت شيخة وهي عندهم..
خالد:غريبة ان جبر قاطها مني وهو مناك..
وديمة:عادي مافيها شي..
العصر الساعة 4...يرن تليفون عبدالله.....
عبدالله:حياكم ....ان شاء الله بكون موجود.....مع السلامة..
ام عبدالله:منو يمه؟
عبدالله:هذا ولد عمي..
ام عبدالله:ايش يبي؟
عبدالله:ماادري..بس يقول ان ابوه واخوانه جايين عندنا..
ام عبدالله:خير ان شاء الله ايش يبون؟
عبدالله:ماادري يمه..
ام عبدالله:وبتستقبلهم بروحك؟
عبدالله:عيل مع منو؟
ام عبدالله:اخاف عليك يمه..
عبدالله:يمه مايقدرون يسوون فيني شي..
ام عبدالله:حتى لو..اتصل في عبدالعزيز ريل اختك خله يقعد معاك..
عبدالله:يمه لاتحاتيني..انا بكون بخير..اصلا مايتجأرون يسوون شي او يفكرون انهم يضروني..
ام عبدالله:هذا عمك ماييوز عن فعايله..الله يفكنا من شره..
عبدالله:انا بروح اسبح..وانت زهبي الشاي والقهوة..
ام عبدالله:ان شاء الله..متى جايين؟
عبدالله:قال على الخمس..
الساعة خمس العصر...شيخة تقوم من النوم على صوت نجلاء....
شيخة:خالتوه ايش تاكلين؟
نجلاء:شو ماتشوفين؟
شيخة:والله من صياح رشود ماني مركزة..
نجلاء:بيتزا..
شيخة:من وين؟؟
نجلاء:انا طلبت وجابوا لي..
شيخة:تكفين انا ابي..ميتة من الجوع..
نجلاء:على اساس شبعانة!
شيخة:لا وين شبعانة تكفين ابي..
نجلاء:زين خلاص كسرتي خاطري..
شيخة:عيل وين رشود؟
نجلاء:حمدلله والشكر..ولدج راقد بسريره وانت ماتدرين..
شيخة:صج!..ماشفته..بروح الحمام وبيي آكل..
وديمة تقوم على صوت المنبة...تسكر المنبة وتقوم وهي حاسه بدوخة وتبي تنام بعد..لكنها قامت وفتحت ليتات الغرفة وراحت الحمام...توضت وطلعت تصلي..لبست يلالها وبدت تصلي...رن تليفونها مرتين وهي تصلي...عقب ماخلصت فصخت اليلال وطوت السجادة وراحت صوب التليفون حصلت مكالمتين..الاولى من شيخة والثانية من بيت اخوها سلمان..اتصلت بالاول في بيت اخوها سلمان....
وديمة:السلام عليكم..
سلمان:وعليكم السلام هلا ومرحبا..اشلونج؟
وديمة:طيبة انت اشلونك؟
سلمان:بخير..اشفيه صوتج؟
وديمة:ولاشي توني قاعدة من النوم..
سلمان:ليش ماجيتي؟
وديمة:شسوي من الدوام والدراسة ماني لاحقة اطلع من البيت..باجر عندي تسليم بروجكت وواجب ولازم اخلصهم اليوم..
سلمان:الله يوفقج..هذي امي متصلة فيج..صبري..يمه هذي وديمة..
ام سلمان(تاخذ منه السماعة):آلو...هلا يمه اشلونج؟
وديمة:بخير..
ام سلمان:كليتي شي؟
وديمة:لا توني قاعدة من النوم..
ام سلمان:انزين تبين اجيب لج شي؟
وديمة:انتوا متى جايين؟
ام سلمان:احنا عقب شوي..تبين؟
وديمة:شنو غداهم؟
ام سلمان:مجبوس دجاج وبرياني لحم..ومرت سلمان مسويه سلطة سيزر علشانج..
وديمة:يحليلها..انزين ابي شوي من المجبوس وشوي من البرياني وكثري من السلطة......لا.....اوكي باااي..
تغير ملابسها وتيود تليفونها وتسك باب غرفتها وتنزل تحت...تروح صوب المطبخ..تفتح الثلاجة تحصل موز تاخذ لها واحد وتفتح التلفزيون..
عند شيخة....
شيخة:انا ابي هاي بعد..
نجلاء:مفجوعة..
شيخة:جوعانة شسوي..
نجلاء:كلي عليج بالعافية..
يرن تليفون شيخة...
شيخة:هذي ودوم ايدي وصخة مااقدر ارد عليها..
نجلاء:انا برد عليها..
شيخة:خالتوه ايدج وصخة..
نجلاء:بمسكه بالكلينكس..آلو...هلا وغلا..
وديمة:اشلونج عموه..
نجلاء:طيبة انتي شاخبارج؟......من زماان ماشايفينج.....قطيعة تقطع الدراسة......الله يعينج.....بخير قاعدة تاكل....بيتزا......تبين؟.....خلاص مريينا وخلنا نطلب وناكل جميع......انزين تعالي باجر..
شيخة:اي خالتوه تكفين خلها تيي باجر..
نجلاء:تسمعين شو تقولج...تعالي.....شو تسوين؟.....صج...يحليلج..
وديمة:عموه هذا خالد قاعد يتصل بسكر وعقب بكلمكم.....باااي....آلو
خالد:السلام عليكم..
وديمة:وعليكم السلام..
خالد:من تحاجين؟
وديمة:هذي عمتي نجلاء..
خالد:انزين تغديتي؟
وديمة:لا..
خالد:ماتبين اجيب لج شي؟
وديمة:لا..امي هذيلا جايين بالدرب وجايبين معاهم غداي..
في بيت عبدالله.....
عبدالله يدخل الصالة يحصل امه قاعدة وياخلود...
ام عبدالله:هاا يمه طمني..
عبدالله(قعد):شاقولج..تتوقعين عمي جايينا البيت مع عياله ايش يبي..
ام عبدالله:ايش يبي؟
عبدالله:جاي يخطب حسنة حق ولده فواز..
خلود(تطالع امها):يخطب حسنة!!
ام عبدالله:وانت ايش قلت له؟
عبدالله:ايش قلت له يعني..قلت له لا..قلت له حسنة مازالت طالبة تدرس..
خلود:وماقالك شي؟
عبدالله:الا قال..قال بننتظرها تخلص الثانوية..وعقب تزوج..بس انا ماوافقت..قلت له انسى اللي بينا وان احنا نقرب لبعض..واللي سويته فينا ماكان شوي بحقنا..جان يقول ياولدي انا غلطت ومنك السموحة وكل واحد بهالدنيا يغلط..
ام عبدالله:لا يايمه..عمك انا اعرفه..مستحيل لله في لله جاي يخطب حسنة..
عبدالله:لاتحاتين يالغالية..دام انا عايش اشم الهواء ماراح ازوجها لأي واحد من عيال عمي..حتى لو عياله احسن منه بس ماابي اي قرابة ونسابة تكون بينا وبينه..ابي انساه ابي انسى اللي سواه فينا..
خلود:تعتقد بيهدك بحالك؟
عبدالله:خله يسوي اللي يسويه..
حسنة(تنزل وتقعد وياهم)
ام عبدالله:حسنة سمعيني زين..مو حد ييج المدرسة ويقولج بوصلج البيت لأن عبدالله تعبان والباص خربان ولاشي..سمعتي..ماتتحركين من مكان الا اذا كان عبدالله ولا انا ولاخلود سمعتي؟
حسنة(مستغربة):ان شاء الله..بس ليش يعني؟
عبدالله:سمعي كلام امي..وماتطلعين من البيت الا وياي انا..سمعتي؟
حسنة:شالسالفة؟
خلود:ماكو شي بس امي تحاتيج..
حسنة:ايش صاير؟
في بيت بوسلمان...وديمة قاعدة تاكل وحمد ينزل من فوق....
حمد:يمه انا طالع ويالربع ويمكن أتأخر في الليل..
ام سلمان:مب بكيفك تأخر..قبل 12 بشوفك في البيت..
حمد:شنو انا ياهل بو16 سنة علشان ارد قبل 12؟
ام سلمان:اللي سمعته لاتحدني اقول لأبوك..
حمد طلع...ووديمة جات...
ام سلمان:شبعتي؟
وديمة:اي..
ام سلمان:ابي اروح عند امي تيين؟
وديمة:لا عندي دراسة..
ام سلمان:انزين ديري بالج على البيت..
في عيادة راشد وفارس...
راشد:وين ملف المريض؟
الممرضة:مب مريض..يقول يبي يشوفك..
راشد(استغرب):من؟
الممرضة:مااعرفه..
يدش هالشخص...ويسلم على راشد....
راشد:دكتور سالم؟
سالم:مفاجأة؟
راشد:غريبة زيارتك!
سالم:جايك بسالفة..
راشد:خير؟
سالم:على انفراد..
راشد:اوكي روحي انت ياصفية..
صفية:ان شاء الله..
راشد:خير يادكتور سالم؟
سالم:انت عارف ان عندي مستشفى خاص وكبير..
راشد:اي اعرف..
سالم:جاي اعرض عليك وظيفة عندي..ومعاشك بيكون اكثر بوايد من اللي يعطونك اياه..واذا تبي تشتغل الفترة المسائية ماعندي مانع بزيد معاشك وتقدر تستغنى عن العيادة..ايش قلت؟
راشد:ليش جاي تعرض علي انا؟
سالم:انت دكتور معروف وماشاء الله عليك خبرتك كبيرة..ومانبي نفرط فيك..
راشد:قصدك علشان تحصلون فلوس من وراي؟
سالم:لا مب لهالدرجة..بس احنا بحاجتك..
راشد:اعذرني يادكتور سالم..انا مرتاح بشغلي ان كان بالمستشفى او بعيادتي..
سالم(يقوم):ماابي آخذ منك الرد الحين انت فكر عدل..ولاتنسى ان الراتب والزيادات أكثر بوايد من اللي تاخذه..وانا بانتظر ردك..(سلم عليه)..في امان الله..
راشد:في امان الله..
طلع..وراشد اتصل بالسكرتيرة...
راشد:جميلة تعالي بسرعة..
دشت جميلة....
جميلة:نعم دكتور..
راشد:هذي آخر مرة تدخلين علي واحد يبي يشوفني..هذي اسمها عيادة وبس يعني للمرضى..واللي يدشون علي بس مرضى..سمعتي؟
جميلة:حاضر..بس دكتور هو لزم علي ان يشوفك..وقال ضروري..
راشد:سمعي ضروري ولامب ضروري..اللي يبيني عطيه رقم تليفوني غيره لا..وقولي لهم ان الدكتور منع اي حد يدخل عليه..
جميلة:حاضر..
راشد:خلاص روحي..ودخلي المريض..
في مكتب فهد....
يوسف:خلاص يااستاذ فهد كل الامور اوكي..وكل شي مضبوط..
فهد:وايش صار على البطاقات؟
يوسف:تم توزيعها من امس..
فهد:يعني وصلت للجميع؟
يوسف:المفروض..
فهد:علي..
علي:نعم طال عمرك..
فهد:ابيك تخبر الموظفين انهم مرخوصيين يوم الأحد بعد الساعة 6..
علي:كلهم؟
فهد:اي نعم كلهم..واللي حاب يحضر الاحتفال عطه بطاقة دخول..
علي:اي بس جذي العدد وايد..وبتصير زحمة..
فهد:ماعليه موظفينا يستاهلون..والمكان واسع وبيوسع الكل الحمدلله..
علي:اللي تشوفه..
فهد:علي اتصل على عيادة الدكتور راشد..
علي:حاضر..(يتصل)
يوسف:تامرني بشي ثاني؟
فهد:أبيك متواجد باجر الصبح في البرج علشان نشطب ..
يوسف:ان شاء الله..عن اذنك..
علي:قولي له مكتب الاستاذ فهد..هو يعرف.......السلام عليكم...معاك علي سكرتير الاستاذ فهد....بخير انت اشلونك دكتور؟.....الاستاذ فهد حاب يكلمك...تفضل..
فهد:خلاص انت علي روح..السلام عليكم......هلا دكتور اشلونك؟....بخير الله يعافيك.....وصلك؟.....لازم تحضر.....اي ان شاء الله.....يعني هو تقريبا من 8 لين 10....اي ان شاء الله..
راشد:في أمان الله..
الممرضة:تفضل دكتور..
عند باب العيادة.....
الاب:ياللا بابا تعالي..
البنت:ماابي..ماابي..
الاب:يابابا ياهدى خلي دكتور فارس يشوفج..
البنت(تصيح):ماابي..ابي ارد البيت..بابا..
الاب:يابابا ياحبيبتي لازم الدكتور يشوفج مب زين..انت مريضة..
البنت:ماابي..
الموظفة:في شي؟
الاب:لا بس البنت خايفة شوي..
الموظفة:عندكم موعد؟
الاب:اي نعم عندنا..
الموظفة:بإسم من؟
الاب:اسمها هدى أحمد..
الموظفة:اوكي تفضلوا في الانتظار..
البنت:بابا ابي البيت..(تصيح)..ماابي ماابي اقعد مني..
فارس يسمع صوت صياح يطلع....
فارس:خير؟
الاب(يسلم على الدكتور وبنته لاصقة فيه):دكتور فارس؟
فارس:اي نعم..خير ليش الحلوة تصيح؟
الاب:هي شوي خايفة..
فارس:خايفة من شنو؟(يقرب منها وهي تبعد يبتسم لها)..اشفيها؟
الاب:دكتور هي شوي تعبانة..واحنا رحنا من قبل عند الدكتور راشد وهو طلب انك تشوفها..وتعطينا استشارتك..
فارس:وين ملفها ياجميلة؟
جميلة:تفضل دكتور..
فارس:حياكم داخل..تفضلوا..
البنت:ماابي..بابا انا خايفة..
الاب:مافي شي يخوف..
فارس:شنو اسمها؟
الاب:هدى..
فارس:هدى انت ليش خايفة..مافي شي يخوف..اي شي تبين انا بسوي لج بس لاتصيحين..تبين حلاوة؟
هدى:......
فارس(يكلم الممرضة):جيبي لها الحلاوة الكبيرة..انزين هدى قولي لي اشفيج شالي يعورج؟
هدى(ساكتة)
في غرفة شيخة....
شيخة:ليش مايرد علي..
نجلاء:يمكن عنده مريض..
شيخة:صار لي ربع ساعة..ايش دعوة..
نجلاء:شيخوه شو بلاج..في مرضى يطولون ساعة..يعني المفروض هالشي تعرفينه..
في العيادة..وهدى قاعدة على السرير وفارس يكلمها.....
فارس:هاا ايش رايج؟
هدى:انا ماابي اسوي العملية..
فارس:ليش؟
هدى:ماابي اخاف..
فارس:كم عمرج ياهدى؟
هدى:عمري انا؟...10 سنوات..
فارس:يعني كبيرة..
هدى:ماابي اسوي..
فارس:انت خايفة ان العملية تعور؟
هدى:اي..
فارس:انزين لو قلت لج ان مايعور..
هدى:بلا يعور..
فارس:انت ايش دراج؟
هدى:مرة اختي سوت عملية وكانت كله تصيح لأن يعورها..
فارس(يشوف الاب):عملية شنو؟
الاب:وحده من بناتي كانت مسويه عملية الزايدة..
فارس:اهاا..انزين عادي حبيبتي..يمكن حست بتعب بعد العملية..بس على طول احنا نعطيها دواء علشان تصير احسن وماتصيح..
هدى:........
فارس:انزين قولي لي انت من اكثر واحد تحبينه؟
هدى:انا احب ابوي..
فارس:ايش كثر؟
هدى:واااايد..
فارس:انزين لو قلت لج بخليه يقعد معاج وهم يسوون لج العملية بتوافقين؟
هدى:يصير؟
فارس:علشانج يصير..
هدى:لا انت تقص علي..
فارس:انا مااقص على حد..وهذا ابوج واقف وانا بوعدج جدامه انه بيكون موجود معاج داخل..اذا ماجى لاتسوين العملية..زين؟
هدى:والعملية ماتعور؟
فارس:لاتخافين..احنا بنعطيج دواء بتنامين على طول..ومابتحسين بشي..وبتحلمين احلام حلوووة..وعقب العملية بنشتري لج هدية..ايش تبين بعد..
هدى:بتعطوني مخدر؟
فارس:وانت تعرفين المخدر؟
هدى:اي سمعت عنه..
فارس:خلاص يعني انت تعرفين كل شي..هاا ايش قلتي؟
هدى:متى بتسوونها لي؟
فارس:عقب باجر..حلو؟
هدى:زين..
فارس(ارتاح وابتسم لها ونزلها من السرير):ياللا قعدي..انا الحين بكتب لج ورقة علشان باجر تيين المستشفى..وانا باجر ان شاء الله بمرج وبيب لج معاي هدية..
هدى:شنو؟
فارس:باجر بتشوفينها..
وهم طالعين...
الاب:مشكور دكتور فارس..ماتتخيل ايش كثر ريحتني من هالسالفة..جزاك الله خير..
فارس:وياك..تطمن ان شاء الله كل الامور بتكون بخير..بس اهم شي لازم تيي باجر..علشان بيرقدونها وهم يسوون لها شوية فحوصات وتحاليل..
الاب:ان شاء الله..بس الساعة جم؟
فارس:الصبح..يعني تقريبا بين 8 لين العشر..
الاب:ان شاء الله..مشكور دكتور مع السلامة..
فارس:مع السلامة..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 30-12-2013, 10:18 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


متابعة فصل الـ21


باجر العصر...الساعة 3ونص...
شيخة:انت وينك فيه؟
فارس:هذاني موجود جدامج..
شيخة:امس مت وانا اتصل فيك..
فارس:قلت لج حبيبتي كانت العيادة زحمة وايد وماطلعت من العيادة الا الساعة 10 الا ربع..
شيخة:قعدت احاتيك..
فارس:فديت اللي يحاتون..وانا جايج اليوم علشان اشوفج واشوف ولي العهد..
شيخة:طول الليل وهو يصيح..
فارس:ليش؟
شيخة:مشتاق لك..
فارس:فديته والله..انزين قولي لي شنو في خاطرج تعشين؟
شيخة:بتعشيني الليلة؟
فارس:اي نعم..شنو بخاطرج؟
شيخة:امم بخاطري ذيج اللزانيا اللي شريتها لي يوم كنت حامل..
فارس:خلاص الليلة بجيبها لج..غيره؟
شيخة:الباقي على ذوقك..
فارس(يقوم)
شيخة:وين؟
فارس:بروح مستعجل..لازم امر المستشفى..
شيخة:ليش؟
فارس:في مريضة باجر عمليتها وانا وعدتها اني بمرها اليوم..عاد الصبح مالحقت كلش..
شيخة:مريضة!!
فارس:اي مريضة..ياللا حبيبتي انا رايح..ديري بالج على نفسج..مع السلامة..
شيخة:مع السلامة..انا اقول ايش عنده لاهي عني وعن ولده..عيل مريضة!!
تدخل نجلاء...
نجلاء:شو فيج تحاجين روحج؟
شيخة:انا اقول وينه عني لايتصل مثل اول ولااشوفج..
نجلاء:ليش شو صاير؟
شيخة:مستعجل حضرته راكض يبي يروح لها..
نجلاء:يروح لها؟!!..من هي؟
شيخة:المريضة..
نجلاء:ومن هذي؟
شيخة:يقول واعدها ان بيمرها اليوم..
نجلاء:انزين اشفيها؟
شيخة:شنو اشفيها..مواعد مريضة!!
نجلاء:ليش مواعدها بالكوفي ولابمطعم؟
شيخة:خالتي..
نجلاء:انت تقولين مواعدها..
شيخة:مواعدها انه بيمرها..هي بالمستشفى..
نجلاء:يعني شي طبيعي دكتور بيمر على مريضته..شو الغريب في الموضوع؟
شيخة:اقولج لاهي عني ويقولي مريضة..اكيد بتشغل باله عني..
نجلاء:انتي ماتيوزين عن الوسواس اللي فيج..يعني ريلج دكتور اكيد مرضاه بيكونون يارجال ياحريم..شو فيها؟
شيخة:فيها ونص..
نجلاء:يووووه شيخوه كلامج يقصر العمر..الله لايرزقني بواحد نفس تفكيرج..بنجلط..انت لو بتظلين تفكرين جذي طول عمرج ريلج بيروح منج..
شيخة:وليش تفاولين علي؟
نجلاء:محد يطير الريال من بيته الا شكوكم وغيرتكم اللي مامنها فايدة..
فارس دخل القسم...وسلم على الممرضات..وسأل عن ملف هدى...
في غرفة هدى...
هدى:ماابي ماني مسوية العملية..الدكتور جذب علي..قال بيمرني وماجى..
فارس(يدش):ممكن ادخل؟
الام تتغطى...
الاب:حياك دكتور تفضل..
فارس(يفتح الستارة):مساء الخير..
الاب:هلا دكتور مساء الخير..حياك..
فارس:أنا جذاب ياهدى الله يسامحج..
هدى:........
الاب:محشوم دكتور..
فارس:انا كنت بمرج الصبح بس انشغلت..مع ان المفروض انا الحين بالعيادة..بس علشانج جيت..اشلونج؟
هدى:زينة..
فارس:مستعدة حق باجر؟
هدى:انا خايفة..
فارس(قعد جنبها):مو قلنا ماكو خوف..
هدى:اليوم عطوني ابرة وتعورت..
فارس:ليش عطوتج ابرة؟
هدى:خذوا دمي..
فارس:وليش خذوا دمج؟
هدى:ماادري..
فارس:انا اقولج..علشان يعرفون شنهي فصيلتج..طبعا تعرفين شنو نوع فصيلتج؟
هدى:اعرف..
فارس:وشنهي فصيلتج؟
هدى:a+
فارس:ماشاء الله تعرفين..انزين انا جبت لج معاي هدية..لعبي فيها وسلي عمرج لين باجر..سستر جيبي الكيس..
عبدالله:دكتور متى عمليتها؟
فارس:باجر الصبح ان شاء الله..على الساعة 8..
جات الممرضة...وعطت الكيس لفارس...
فارس:تفضلي..هذي الهدية اللي وعدتج فيها..
هدى:يعني دكتور انت مب جاي لين باجر؟
فارس:اي..
هدى:ليش؟
فارس:انا عندي شغل..عندي مرضى بالعيادة..وبعدين ابي اروح اشوف ولدي..
هدى:دكتور انت عندك ولد؟
فارس:اي..
هدى:بس واحد؟
فارس:اي..وصغيرون..توه مولود..
عبدالله:يتربى بعزكم..
فارس:مشكور.
هدى:ابي اشوف صورته..
الام:عيب ياهدى..
فارس:ماعليه خليها..(طلع تليفونه ورواها الصورة)
هدى:شنو اسمه؟
فارس:راشد..(يقوم)..ياللا انا ماشي..تبين شي هدى؟
هدى:لا..
فارس:مع السلامة..
راح ولحقاه بوهدى...
الاب:دكتور..
فارس:هلا..
الاب:دكتور طمني..العملية اشلون بتكون؟
فارس:لاتحاتي شي يابوهدى..ان شاء الله كل شي بيكون بخير..بس هالله هالله بنفسيتها..ابي نفسيتها تكون ممتازة لين وقت العملية..
الاب:ان شاء الله..
في بيت راشد...قاعد عيسى بغرفته وهو مهموم ومتضايق....
عيسى(ماسك الورقة):أقوله ولا لا..انا خايف ومتردد..ماني عارف شسوي..تعبت من التفكير..تعبت..اذا ماقلت له بيروح علي الصيفي..واذا قلت له بيتضايق..ياربي شسوي..
في بيت بوراشد...
شيماء تزهب شنطتها...وشمة قاعدة تتصفح النت....
شيماء:شموه قومي زهبي شنطتج ليعصب ابوي..
شمة:انا شنطتي زاهبة..بس بقت عبايتي قاعدة تكويها لي الخدامة..
شيماء:شتسوين؟
شمة:قاعدة أشوف عضو في ورطة..
شيماء:ومن اللي في ورطة هالمرة؟
شمة:شيخ الشباب..
شيماء:وايش حاط؟
شمة:تعالي شوفي بيته يهبل..ولاسياراته..عنده ثلاث سيارات..وحده لكزس ووحده رنج والاخيرة بورش..
شيماء:يمكن يجذب..
شمة:شاللي يحده على الجذب..ماادري ليش احس ان هالرجال يحبج..
شيماء:شموه سكي اللاب توب ونزلي تحت..
شمة:وليش ان شاء الله؟
شيماء:يمكن امي بغت شي..
هدت شمة اللاب توب وراحت تحت..وقعدت مكانها شيماء...ودشت بعضويتها...وطلعت لها رسالة خاصة من شيخ الشباب...وانصدمت بالرسالة...ومرة وحدة دشت عليها شمة...
شمة:شيوووم..
شيماء(اخترعت وسجلت خروج على طول)
شمة:ليش سكرتيه؟
شيماء:هاا..ولاشي..وبعدين ليش داشة جذي..دقي الباب..
شمة:غرفتي ادق الباب..ايش كنتي تسوين؟
شيماء:وولاشي..
شمة:الا في..(تطالع اللاب توب)..ايش كنتي تشوفين؟
شيماء:ولاشي..(قامت)..
شمة(حست ان في شي هي ماتعرفه):شيوم تحجي..ايش كنت تسوين؟
شيماء:مب لازم كل شي تعرفينه..
شمة:لا لازم..قولي اشوف..شنو هالشي اللي عندج وماتبين اعرفه..قولي..
شيماء:ماني قايلة زين..
شمة:لابتقولين..
شيماء:ايش هاللقافة؟
شمة:ابي اعرف..
شيماء:مو من حقج زين..
شمة:لا مو زين..صدقيني ان ماقلتي لي بروح اعلم عليج واحد من اخواني..
شيماء:ماتقدرين..
شمة:الا اقدر ونص..خل فارس يرد بقوله..وبتشوفين..
الساعة 6 وخمس وثلاثين دقيقة يدش عيسى مكتب راشد ومعاه ورقة...
راشد:هلا والله..اشفيك؟
عيسى(عطاه ورقة)
راشد:شنو ذي؟
عيسى(يقعد):أقراها يبه..
راشد(فتح الورقة وقراها وهو مصدوم):متى صار لك هالشي؟
عيسى:من اسبوع دريت..
راشد:من اسبوع وانت ساكت؟؟
عيسى:كنت متردد اني اقولك..
راشد:وليش تردد انا ابوك ياعيسى اشفيك؟
عيسى:..........
راشد:حاس بالتعب؟
عيسى:تقريبا..ماقدرت اداوم بالجامعة هالاسبوع..
راشد:اشلون يكون عندك نزيف وانا ماادري..وين رحت؟
عيسى:كنت بالطواري..وترقدت عندهم يوم..
راشد:كل هذا يصير فيك وانا ماادري..ابوك دكتور وماتقوله..
عيسى:كنت خايف تحاتي..قلت اتأكد بالاول وعقب اقولك..
راشد:من الدكتور اللي كشف عليك؟
عيسى:دكتور سوداني اسمه بكر..
راشد:مااعرفه..انزين قوم خلني اشوفك..
عيسى:مايحتاي يبه..
راشد:اشلون مايحتاي..انا اصلا مابرتاح الا مااتطمن عليك..قوم..(يكلم الممرضة)..نادي الدكتور فارس..
عقب دقيقة دخل فارس وشافهم وقرأ الورقة وبعد الكشف على عيسى...قعدوا....
راشد:انت لازم تدش المستشفى..
عيسى:ليش؟
فارس:محتاج شوي فحوصات..واذا لزم بنسوي لك منظار..
عيسى:منظار!!
راشد:لازم اعرف سبب النزيف..بعدين كل ماازخ المكان انت تألم..
عيسى:بس انا عندي جامعة..
راشد:ماعليه يبه لازم اتطمن عليك..
فارس:باجر الصبح وده معاك..
راشد:زهب عمرك حق باجر الصبح بنروح جميع..
عيسى:وامي؟
راشد:لاتقولها شي..عقب مانتطمن عليك بقولها..
عيسى(يقوم)
راشد:تقدر ترد البيت بروحك؟
عيسى:اي يبه اقدر..مع السلامة..
الجميع:مع السلامة..
فارس:من ايش عنده قولون؟
راشد:ماادري..انا مصدوم..المشكلة جاه نزيف هذا اللي مخرعني..
فارس:ان شاء الله ماعليه شر..
الساعة 3 قبل الفجر...يقوم عبدالله من النوم يتوضى ويلبس ملابسه ويروح صوب غرفة امه...يفتح الباب يحصلها قاعده على السجادة وهي تدعي لهم..تأثر بدعوة امه..راح لها وقعد وحب راسها....
ام عبدالله:يمه عبدالله..
عبدالله:الله يستجيب منج يالغالية..
ام عبدالله:آآآمين..
عبدالله:عساني ماانحرم منج يايمه..احبج يايمه..
ام عبدالله(حست بضيقة ولدها):وانا بعد احبك يابعد قلبي..(مسحت على صدره وهي تقرأ آية الكرسي)..
عبدالله(نزلت دمعته)
ام عبدالله:بسم الله عليك يابعد عمري..اشفيك يمه؟
عبدالله(تربع):ولاشي..بس انا احبج يايمه..مااتخيل حياتي من غيرج..ماادري انا من غيرج شسوي..
ام عبدالله:وانا بعد من غيركم مااقدر اعيش..
عبدالله:سمحي لي يمه ضايقتج بهالوقت..
ام عبدالله:انا حاسه فيك ياولدي..وادري شالي تفكر فيه..حاسة ان المسؤولية اللي ترك لك اياها ابوك كبيرة عليك وايد..وعمك زاد همك وضيقتك..لاتحاتي يمه..كل ماتكون قريب من ربك ربك ماراح ينساك..بيكون وياك بكل خطوة بحياتك..بيساعدك ويعاونك بكل درب تخطيه..والظالم بجي يومه..لاتحاتي..
عبدالله(يقوم):انا رايح اصلي..تامرين بشي؟
ام عبدالله:سلامتك..دير بالك على روحك ياقلبي..
عبدالله:ان شاء الله..
وديمة تقوم تصلي الفجر...تطوي السجادة وتروح تقعد على مكتبها وتفتح كتابها تحضر حق المحاضرة...يندق الباب...
وديمة:منو؟
بوسلمان:انا يبه..
وديمة:حياك يبه..
بوسلمان(يدش):صباح الخير..
وديمة:صباح النور يبه..
بوسلمان:ماشاء الله عليج..قاعدة من وهل..صليتي؟
وديمة:اي يبه صليت..
بوسلمان:شتسوين؟
وديمة:قاعدة احضر حق اليوم..
بوسلمان:موفقة..شدي حيلج يبه..
وديمة:ان شاء الله..
فهد يطلع يتمشى بالحديقة ويلعب رياضة....وعقب يروح يتسبح وينزل يتريق ويااهله...
بوفهد:شسالفة هالبطاقات يبه؟
فهد:هذا مشروعي يبه اللي قلت لك عنه مفاجأة..
بوفهد:والله شكله شي يرفع الراس..
راكان:اي يبه..شي عجيب..
بوفهد:ليش انت تعرف؟
راكان:فهمت المشروع بطريقتي الخاصة..مع ان فهد يقول سر..
بوفهد:ماعندي صبر يي يوم الاحد..
ام فهد:مايصير انا احضر؟
بوفهد:انت قعدي في بيتج وراكان يعطيح التفاصيل..هذا بعد الناقص حريمنا يحضرون..
ام فهد:اشفيها..مافيها شي..
فهد:لاتحاتين يمه..التلفزيون بيصور لج كل شي..
راكان:مخبرهم؟
فهد:مخبر تلفزيونات العالم كلها والصحف والمجلات وكل الاعلام مدعو..هذي بتكون مفاجأة كبيرة ومشروع ضخم..
بوفهد:الله يحفظك ياولدي..أقرأ على عمرك..
في بيت بوراشد...بوراشد وام راشد قاعدين بالصالة...
فارس(يحب روسهم):صبحكم الله بالخير..
بوراشد:صبحك الله بالنور والسرور..
ام راشد:صبحك الله بالخير والطاعة..
فارس:اشلونكم؟
بوراشد:احنا طيبين..وين رايح من الصبح؟
فارس:يبه الساعة 6 ونص..
بوراشد:بالعادة تطلع 7 ونص..
فارس:عندي عملية الساعة 8 ولازم اروح الحين..ادعوا ان شاء الله تنجح العملية..
بوراشد:ان شاء الله بتنجح..انت ايدك فيها خير..
ام راشد:بتروح من غير ريوق؟
فارس:ماعندي وقت..
ام راشد:لو ادري انك طالع بدري جان زهبت لك الريوق من وهل..
فارس:مايحتاي يمه باكل في المستشفى..ياللا مع السلامة..
الجميع:مع السلامة..
عقب مايتريق عبدالله...يقوم يغسل ايدينه..وام عبدالله تلم الصحون..يدخل عبدالله المطبخ علشان يشرب ماي...
ام عبدالله:عبدالله يمه..تكفى يالغالي..علشان خاطري لاتضايق عمرك ولاتفكر بشي..انا ابيك تكون مستانس وفرحان بزوجتك..ابيك تعرس بسرعة واشوف حفيدي..ولاتفكر بعمك ولابغيره..عش حياتك يايمه..ترى الحزن يقصر العمر..
عبدالله:لاتحاتيني يمه..انا بخير..
ام عبدالله(تمسك ايده):انا ادري باللي فيك وحاسه فيك..بس علشاني انساه..صدقني مايقدر يسوي شي..ربك ويانا..ابيك اليوم تروح لعند زوجتك وتحدد معاها ليلة العرس..نبي نستانس..انزين؟
عبدالله(حب راسها وابتسم لها):ان شاء الله..انت تامرين امر يالغالية..ياللا يمه انا اترخص تامريني بشي؟
ام عبدالله:في حفظ الله يابعد عمري..عسى دربك خضر..لاتنسى الاذكار..
عبدالله:ان شاء الله..مع السلامة..
فارس يدخل العمليات...ويزهب عمره...ويوم صارت الساعة 8 الا ربع..دخلوا هدى الغرفة ورقدوها على السرير وهي تصيح....
فارس(يقرب منها):هدى تصيحين؟
هدى:خايفة..
فارس:ليش خايفة؟
هدى:اشكالكم تخرع..والريحة ملوعة جبدي..ماابي اسوي العملية..تكفى رجعوني..
فارس:احنا لبسنا جذي علشانج..
هدى:علشاني؟
فارس:اي..مو احنا لازم نلبس جذي علشان ماتتعبين..لازم ملابسنا تكون معقمة..وبعدين الريحة ريحة الادوية..وين ابوج؟
هدى:مادخلوه..
فارس:انا الحين بدخله لج..بس على شرط..
هدى:شنو؟
فارس:ماابي اشوف دموعج..زين؟
هدى:دكتور يعني انا بكون بخير؟
فارس:ان شاء الله..بس ماتصيحين..
هدى:انزين ابي ابوي..
فارس:الحين بروح اجيبه..مسحي دموعج..
قعدوا يركبون عليها الاجهزة...
هدى:شنو هاي؟
فارس:هذي دقات قلبج..اسمع يادكتور لاتخدرها لين مااجي..
الدكتور:حاضر..
وفعلا راح فارس وجاب ابوها وقف عندها ومسك يدها وهو يمسح على راسها...
فارس:انا ابيج تكونين قوية..ولاتنسين اني وعدتج بهدية بعد العملية صح؟
هدى:صح..
فارس(يأشر على دكتور التخدير يبدأ بتخديرها):والهدية اللي جبتها لج امس عجبتج؟
هدى:اي عجبتني وااايد..
فارس:لعبتي فيها؟
هدى(حست بدوخة):اي لعبت..
فارس:ايش كثر لعبتي؟
هدى:....وااا....يد...انا بناا...
ونامت..
شيخة حاولت أكثر من عشر مرات تتصل في فارس وفارس مايرد...شوي وبغت تصيح...قطت التليفون على الارض...
نجلاء:حمدلله والشكر..بسم الله على عقلج..شو بلاج؟
شيخة:خالتي تكفين خليني بحالي..
ام فيصل(تدش):ايش صاير اشفيها؟
نجلاء:اختي سمحي لي بنتج ماهي صاحية..
ام فيصل:اشفيها شيخة؟..اشفيج يمه؟؟
شيخة(تصيح):مافيني شي..مافيني شي..
ام فيصل(تقعد عندها):اشلون مافيج شي وانت تصيحين..
نجلاء(خذت تليفون شيخة وعدلته):تبين اقول حق امج اللي فيج؟
ام فيصل:قولي..
نجلاء:بنتج ياام فيصل من امس وهي شاكه بريلها انه مع وحده..
ام فيصل:استغفر الله العظيم..شيخوه ايش هالكلام؟!!!
شيخة:يمه انا مت وانا اتصل فيه مايرد علي..ومازارني ليلتها وعقب جاني العصرية خمس دقايق ماقعدهم معاي وراح ويقولها في وجهي مواعد المريضة لازم امرها..ومن الصبح وانا اتصل فيه وهو مايرد..والحين الساعة 10 ونص وهم مايرد..اكيد قاعد وياها..طبعا انا مو موجودة والاخ مستانس..
ام فيصل:انت اشفيج..ريلج مو راعي هالحركات..وبعدين مو معناته انه مارد عليج من اول الصبح لين الحين باللي تفكرين فيه يمكن عنده عمليه ولاشي..بعدين تعالي امس كان وياج وعشاج..
شيخة:ماادري انا قلبي حاسسني ان في شي..
نجلاء:انت قلبج جذاب..ولاعمرج احساس طلع صح..انا متأكد ان الريال بريء..
فارس يطلع من العمليات ويطمن اهل هدى ان عمليتها نجحت..وحس بالتعب والجوع وراح مكتب استراحة الاطباء..وسوا له قهوة وطلع تليفونه من مخباته...شاف 15 مكالمة لم يرد عليها..استغرب..13 مكالمة من شيخة ووحده من راشد ووحده من البيت..قعد يحاتي شيخة...اتصل فيها على طول...
فارس:آلو..شيخة؟
ام فيصل:لا يمه ماني شيخة..
فارس:عمتي شيخة فيها شي؟..راشد فيه شي؟
ام فيصل:لا يمه كلهم بخير..
فارس:عيل ليش شيخة متصله هالكثر..اكيد محد فيه شي؟
ام فيصل:ياولدي الكل بخير..بس انت تعرف حركات شيخة وغيرتها..قاعدة تحاتيك ماصبحت عليها اليوم..
فارس:ياعمتي اليوم كانت عندي عملية وياياهل وعمليتها شوي صعبه ووايد كنت احاتي اذا بتنجح ولالا وتوني طالع من العمليات حتى ماتريقت ولاكلت شي..
ام فيصل:واشلونها الحين؟
فارس:الحمدلله نجحت..بس صج صروعتني شيخة الله يسامحها..
ام فيصل:معليه يمه السموحة..
فارس:هي وينهي؟
ام فيصل:قاعدة وتقول زعلانة..
فارس:خلاص انا بجيها وبراضيها بس اخلص من دوامي..
ام فيصل:يعطيك العافية يمه..مع السلامة..
نجلاء:هاا اختي شو قالج؟
ام فيصل:يقول كانت عنده عمليه من الصبح وتوه طالع..حراام عليج خوفتي الريال عليكم..قاعد يقول والخرعة بقلبه شيخة فيها شي..راشد فيه شي..
نجلاء:انت شيخوه يبالج طراق..
شيخة:ومن هذي اللي اشلونها؟
ام فيصل:المريضة اللي سو لها العملية..
شيخة:اي طبعا لازم يروح لها من الصبح ولايتصل فيني..
ام فيصل:يابنت عيب عليج..عيب هالكلام..المريضة اللي انت غيرانه منها ياهل..تعرفين يعني شنو ياهل؟
نجلاء:صج خبلة شيخوه..انا بطلع من دارج لأصير مجنونة مثلج..
في غرفة عيسى...
فارس:هاا ايش صار؟
راشد:بيسوون له فحوصات وتحاليل واشعة واذا لزم بنسوي له منظار..
فارس:سلامات يابو الشباب ماعليك شر..
عيسى:تسلم عمي..
راشد:قولي ايش سويت بالعملية؟
فارس:الحمدلله نجحت..بس هي الحين بالعناية المركزة ولازم تم فيها 24 ساعة..وان شاء الله خير..
راشد:انزين انت شكلك تعبان هاليومين وايد مجهد عمرك وانت ماصار لك وايد مسوي العملية..
فارس:ماعليه انا بخير..بس ميت من الجوع ماماكل شي من الصبح..
راشد:حتى انا وعيسى ماكلينا..
فارس:عيل خوش بروح اشتري ريوق وبييكم..
يتم راشد وياعيسى بالمستشفى وينتظر نتيجة الفحوصات والتحاليل..وفارس استأذن من دوامه لأنه يبي يراضي زوجته..ووديمة بالجامعة وقاعدة بالمكتبة تكمل بحثها..وعبدالله باله مب ويا الشغل..واتصل في خالد وتواعد معاه في احدى الكوفيات..اما بيت بوراشد يستعدون لرحلة العمرة اللي بيروحونها الليلة وطيارتهم الساعة 8 بالليل..
في بيت بوفيصل...قاعدة نجلاء تقرأ كتابها وشيخة قاعدة ترقد راشد...تييهم ام فيصل....
ام فيصل:هاا يمه مارقد؟
شيخة(بحزن):لا..
ام فيصل:اشفيج تعبانة؟
شيخة:لا..خلاص ماما نام..
ام فيصل(تأشر لنجلاء اشفيها شيخة)
نجلاء:بنتج وماتعرفين اللي فيها..
يرن جرس البيت...تروح ام فيصل تشوف...
نجلاء:شيخوه بسج تفكير..وبعدين وياج..
شيخة:تخيلي من عقب ماكلم امي مااتصل فيني..
نجلاء:انت ناسية انج متزوجة دكتور..انت تعرفين يعني شنو دكتور.؟؟
شيخة:قلنا دكتور بس مايهمل عيلته..روحي شوفي خالي عبدالرحمن اشلون وياعياله..قلبه وياهم..
نجلاء:والله ماادري من اللي امس كان يتعشى وياج؟؟
ام فيصل(تدش):نجول تعالي شوي ابيج..
طلعت نجلاء وراحت وياام فيصل للمطبخ...وتمت شيخة تحاول ترقد ولدها..دخل عليها فارس..وهو ماسك باقة ورد حمراء....
فارس(يبتسم):مساء الورد..
شيخة(ترفع راسها تشوف فارس والورد ماعطت وجه وردت لراشد)
فارس(حط الورد وقعد جنبها):شنو زعلانة؟
شيخة:.......
فارس:أفاا تزعلين مني ياحبيبتي؟..قولي لي شنهي تهمتي وانا مستعد اسوي بالعقوبة اللي تفرضينها علي..
شيخة:وينك عني؟
فارس:انا موجود وياج...وقلبي كله انت ملكتيه..
شيخة:اول مرة تسويها انك ماتصبح علي؟
فارس:والله ادري..انا اعترف اني قصرت معاج..عذريني ياقلبي..اليوم كانت عندي عملية شوي صعبة وكنت خايف انها ماتنجح..وانت تدرين ان المريضة ياهل والياهال اجسامهم مافيها مناعة..ولابعد البنية كانت ميتة من الخوف اول امس لما جات العيادة كانت ذابحة عمرها من الصياح..يالله لين ماقدرت اهديها..
شيخة:يعطيك العافية حبيبي..
فارس:الله يعافيج حبيبتي..ادري ان بالج راح بعيد وقعدتي تفكرين من هالمريضة..ياشيخة يابابا لاتفكرين هالطريقة..انت تعرفيني زين ولايمكن اسوي هالشي..مافي ولابنت بحياتي الا وحده وانت تعرفينها..
شيخة(فاجه عينها ومصدومة):بنت وحده من؟؟
فارس:ماقلت لج هذي انت ماتغيرين..تشكين فيني..تبين تعرفين من هالبنت؟
شيخة:....
فارس(ابتسم لها):هذي انت..انت وبس..
شيخة(ابتسمت بخجل):أنا آسفه حبي..ماادري ليش افكر بهالطريقة..
فارس:لأنج تعطين فرصة للشيطان يلعب بعقلج ويخليج توسوسين..
شيخة:انزين قولي اشلونك؟
فارس:بخير..تدرين انج خرعتيني يوم شفت 13 مكالمة منج..
شيخة:شسوي انا بعد تخرعت عليك يوم مارديت علي..
فارس(يشوف الساعة):ترى انا استأذنت من شغلي بس علشان ايي اشوفج واتطمن عليج..
شيخة(ابتسمت)
فارس:فديت هالوجة..ياللا حبيبتي انا رايح تبين شي؟
شيخة:لا وين بتروح..تم تغدى ويانا..
فارس:لاحبيبتي مااقدر..تدرين اليوم امي وابوي واخواني بيسافرون..
شيخة:اي بس هم بيسافرون في الليل..وانت رايح من الحين..
فارس:بقولج شي بس بيني وبينج..ماتخبرين ولاحد..
شيخة:شنو؟
فارس:عيسى بالمستشفى ورايح اتطمن عليه..
شيخة:عيسى ولد راشد؟..اشفيه؟
فارس:شوي تعبان..بس الحين ننتظر نتيجة التحاليل ونشوف شيصير..
شيخة:ابوه يدري؟
فارس:اي يدري..بس لا امه وامي ولاغيرهم يدرون..عاد انا قلت لج بس علشان ماتحاتيني اذا مارديت عليج..خاصة اني بعد بمر المريضة بشوف اشلونها بعد العملية وانت تدرين ان التليفون مانقدر نشغله بالعناية..
شيخة:انزين انت لاتنسى اتدق علي..
فارس(يقوم):من عيوني..ديري بالج على نفسج وعلى رشودي..
في المستشفى...
راشد:دكتور طمني؟
الدكتور:والله انا اعتقد بوجود مشكلة في القولون..لأن الالم اللي يحس فيه صوب القولون..والتصوير ماساعدنا واحنا منتظرين نسوي له منظار للقولون..
راشد:ومتى بتسوون له؟
الدكتور:باجر الصبح ان شاء الله..لأنه لازم يكون صايم 8 ساعات..على العموم انا كاتب على مسكن اذا حس بألم ولاشي..واذا صار شي عندك رقمي بلغني على طول..وسلامته..
راشد:مشكور دكتور..انزين هو بيتم هني؟
الدكتور:افضل يتم عندنا تحت المراقبة لين مانخلص من المنظار..
فارس يدش ويسلم ويطلع الدكتور وياراشد...
فارس:هاا طمني اشلونك الحين؟
عيسى:شوي احسن..بس الدكتور يقول لازم اسوي المنظار..
فارس:سوي المنظار اشفيها..
عيسى:عمي المنظار مايعور؟
فارس:لا وين يعور..بيعطونك تخدير موضعي ومابتحس فيه..تطمن..
راشد يدخل...
فارس:ايش قالك؟
راشد:يقول بيسوون له منظار باجر الصبح..
فارس:وماقالك للمعدة ولا شي ثاني؟
راشد:بلا يقول بيسوون للقولون..لأن الظاهر عيسى يتألم من جهة القولون..المشكلة انه بيبات هني..ماادري شاقول لأمه..
فارس:انا بقولك..انت رد البيت..ولاجنه شي صاير..وانا بتم هني وياه..وعقب وصل ابوي وامي هذيلا المطار وتعال..
راشد:والعيادة؟
فارس:عادي بلغ جميلة تنكسل المواعيد..
راشد:ومن بيبات وياه؟
فارس:انا موجود لاتحاتي..زوجتي في بيت اهلها..لو انت تميت وياه زوجتك بتشك..وباجر الصبح من وهل تعال..
عيسى:انا عادي بتم بروحي..
راشد:لا مب عادي..على الاقل واحد فينا لازم يتم وياك..
عيسى:انزين يبه انت رد البيت وريح..
فارس:اي راشد روح البيت..وريح لأن الساعة 6 لازم يروحون المطار..
في الكوفي شوب عبدالله قاعد وياخالد....





خالد:عبدالله اشفيك..ليش ساكت؟
عبدالله:ماادري شاقول..
خالد:انزين اشرب..
عبدالله:ماني مشتهي..حتى ماني مرتاح من المكان..
خالد:خلاص اذا حاب نطلع من هني نروح مكان ثاني..
عبدالله:يكون احسن..
وطلعوا وراحوا البحر...عبدالله نزل من السيارة وراح صوب البحر وخالد بند السيارة وراح له...
خالد:الجو حلو..
عبدالله:........
خالد:عبدالله اشفيك..من شفتك اليوم وانت ساكت..خير ان شاء الله؟
عبدالله:ماادري شاقولك..تعبان وايد..الله يسامح ابوي..
خالد:ليش؟
عبدالله:ابوي مات وقط مشاكله علي..صرت متوده ماني عارف شاسوي..كيف اتصرف..ضايع ياخالد..وفي نفس الوقت خايف على امي واختي..ماادري اذا مت ايش بيصير فيهم..
خالد:فال الله ولا فالك..ايش هالحجي..ان شاء الله لك طولة العمر..فهمني السالفة...شالي صار؟
عبدالله:عمي جاني البيت وياعياله وطلب اختي الصغيرة لواحد من عياله..
خالد:وانت ايش قلت له؟
عبدالله:قلت له لا..اختي بعدها صغيرة ولازم تخلص المدرسة بالاول..جان يقولي مو مشكلة بننتظر..انا عارف عمي عدل..هو مايبي القرب لله في لله..هو طمعان باللي عندنا عقب مادرى اني دريت بالمنتجع..
خالد:اي بس عمك طمعان فيك من زمان..علشان سالفة الارض..
عبدالله:والحين الطمع زاد بعينه..وانا خايف ان يصير شي وياخذ اختي غصب عني..
خالد:ياعبدالله بسك توسوس..اختك ماعليها شر..وان شاء الله تخلص دراسة وانت بتزوجها بنفسك..انا بسألك سؤال..تم شي بينكم وبين عمكم شراكة؟
عبدالله:بس الارض..
خالد:انزين ليش ماياخذ نصيبه؟
عبدالله:الارض ياخالد تسوى ملايين..خاصة انها كبيرة وايد وفي منطقة ممتازة..هو يبيها كلها..حاط عينه على الارض كاملة..لأنه يعرف ايش كثر تسوى..وانا اذا بغيت آخذ نصيبنا لازم ادفع وايد وانا ماعندي هالمبلغ..حتى لو بعت البيت الشعبي اللي مأجرينه هم ماراح يعطني ربع السعر..وهو ماراح ياخذ نصيبه لأنه يبي الارض..
خالد:انزين هو جاب لك سالفة الارض؟
عبدالله:لا..
خالد:خلاص..دام انه ساكت..انت اسكت عنه بعد..ولاتفكر فيه..اختك ايش كثر بقى لها؟
عبدالله:بقى لها سنة وتتخرج..
خالد:انزين الحمدلله..بتخلص هالسنة على خير وبتدخل الجامعة..عبدالله اسمعني..لاتقعد تفكر في اشياء ماصارت ويمكن ماتصير..انت جذي بتخلي امك تحاتيك ولاتنسى ان الوالدة تعبانة ومحتاجة راحة بال..حتى اختك كل ماشافتك متوتر وخايف عليها ترى هي بعد بتخاف..وبعدين لن يصيبنا الا ماكتبه الله لنا..


ياترى شالي يفكر فيه بالضبط عم عبدالله؟؟

ولوين بتوصل علاقتهم في بعض؟

وشنو الجديد في حياة وديمة؟؟

وعلاقة شيخة وفارس؟؟

وعيسى ولد راشد؟

وشنهي المستجدات في حياة فهد؟؟

والكثير من الاحداااث..

انتظروني



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 30-12-2013, 10:22 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


" فصل الـ22 "


وديمة سكرت الكتاب وراحت تقعد على الكنبة اللي جنب
الدريشة..وهي تطالع الشارع من الدريشة تفكر....
وديمة:ليش انا من بد كل هالبنات فيني السكري؟...شالي صار علي...ماعدت اقدر اتحمل هالمرض..لاني قادرة اعيش حياتي ولاني قادرة اسوي اللي ابيه ولاني قادرة اكل اللي احبه..وكلن يخاف علي ويحاتيني..تعبت من الابر اللي اخذها كل يوم..لي متى بظل على هالحال..حتى الزواج ماعدت افكر فيه..من يبي وحده فيها السكري..من؟..ليش ماكو علاج نهائي لهالمرض ليش؟؟
بوراشد وام راشد وبناتهم وتميم وزوجته وسلطان سافروا جميع العمرة..وفارس تم عند عيسى بالمستشفى...ولما صارت الساعة 1 ونص بالليل...رن تليفون فارس.....
فارس(يقوم من النوم):آلو....اي....ومتى صار هالحجي؟...اوكي اوكي خلاص انا الحين جاي..
عيسى(يقوم):خير عمي؟
فارس:ماكو بس عندي حالة بالعناية..بروح وبرد لك..
طلع فارس من عند عيسى وهو يركض للعناية المركزة..بالضبط لعند هدى...ويوم دخل شاف الممرضات والدكتور واقفين حولها...
فارس:شالي صار؟
الدكتور:دكتور عندها نزيف..
فارس(مصدوم):نزييف؟؟..اشلون؟؟
وقعد فارس يكشف عليها لين ماقرر..
فارس:جهزوا غرفة العمليات فورا..بسرعة..
دخلوها غرفة العمليات...وبوهدى وامها جاوا على طول المستشفى وظلوا ينتظرون أخبار عن بنتهم...فارس ماهو متصور باللي صار..لأنه متأكد من نجاح العمليه وان هالخطوة لايمكن تصير...
في غرفة عيسى...يرن تليفون فارس....يرد عيسى....
عيسى:آلو..
راشد:وين فارس؟
عيسى:عمي راح العناية اتصلوا فيه والظاهر ان صاير شي جايد لأن عمي شكله كان خايف مصدوم شي جذي..
راشد:ليكون صار لها شي المريضة؟
عيسى:والله مادري..ومن العجلة نسى تليفونه..
راشد:انزين انا جاي..
عيسى:ليش يبه؟
راشد:بجي اشوف ايش صاير ويافارس..اخاف المسألة جايده..ياللا في امان الله..
الجوهرة:راشد وين رايح؟
راشد:بروح المستشفى..مطرشين فارس الظاهر في شي جايد بروح اشوفه..
يوم صارت الساعة 3 طلع فارس من العمليات حصل بوهدى وامها واقفين....
بوهدى:طمني يادكتور هدى اشفيها؟
فارس:هدى بخير..
ام هدى:اشلون بخير والممرضة تقول انها حالتها صعبه؟
فارس:لاصعبه ولاشي..بس هي شوي تعبت واضطرينا ندخلها العمليات..
بوهدى:يعني شنو؟؟دكتور لوسمحت ابي افهم بنتي اشفيها؟
فارس:صادها نزيف واضطرينا ندخلها العمليات مرة ثانية..
ام هدى(مصدومة):نزيف؟!!
بوهدى:وهي اشلون الحين؟
فارس:حاليا بنخليها بالعناية 24 ساعة لين ماتستقر حالتها..دعواتكم لها..
وراح فارس صوب العناية....وشاف مسؤولة الممرضات...
فارس:ممكن اعرف من الممرضة اللي كانت مسؤولة عن المريضة اللي صادها نزيف؟؟
رئيسة الممرضات:ليش دكتور؟
فارس(معصب):انا متأكد ان النزيف اللي حاشها في خلل صاير..مستحيل من العملية..وينهي؟
رئيسة الممرضات:انا الحين بناديها..
وجات الممرضة وقعد يسألها فارس عن ادواء المفروض تعطيها بالوريد مرتين..واكتشف....
فارس(وهو معصب):انت اشلون ماتعطينها؟؟؟؟..انت عارفه باللي سويتيه؟؟..البنت بين الحياة والموت وانت ولا على بالج..يوم انج ماتعرفين شغلج ليش قاعدة مني؟؟
في دكتور مناوب وتدخل بالموضوع...
الدكتور:هدي اعصابك يادكتور فارس..
فارس:شاهدي والبنية تعبانة..وحالتها ماهي مستقرة..يعني لو البنت ماتت ايش بيكون شعورج؟؟
الدكتور:ممكن افهم ليش ماعطيتيها؟؟
الممرضة:دكتور والله ماانتبهت على الدواء اني مفروض اعطيها..
فارس:ياسلام..عيل انت شتسوين هني؟؟
الدكتور:الممرضة اللي كانت قبلج ماخبرتج؟
الممرضة:لا..
فارس:ماعليه..انا ماني ساكت عن هالموضوع..واسمحيلي اذا وصل الموضوع لمدير المستشفى..
الممرضة(تبجي):دكتور تكفى سامحني والله العظيم مادريت لو ادري جان عطيتها وماصار اللي صار..
فارس:خلاص كافي..
جاهم راشد وشافهم بحاله...
راشد:ايش صاير اشفيكم؟؟
فارس:ياليت يارئيسة الممرضات تبعدين هالممرضة عن مريضتي..وانت تكونين المسؤولة عنها..وانا وضحت وكتبت كل شي عنها..
رئيسة الممرضات:حاضر دكتور..
راشد:فارس اشفيك ايش صاير؟
فارس:امش معاي وبقولك..
عند عيسى....
راشد:فارس اشفيك..هدي خلاص..ان شاء الله البنت ماعليها شر..
فارس:شاهدي..البنت امانة عندي..اول مرة بحياتي هالشي يصير..
راشد:الاخطاء تصير بكل مكان..
فارس:بس مب هذا الخطأ..هذي ارواح ناس..ولازم ادير بالي عليهم اكثر من نفسي..
راشد:انزين روح نام شكلك تعبان وانا بتم هني..
فارس(يقوم):ماني رايح..
راشد:عيل وين بتروح؟
فارس:بروح اشوف البنية..
راح فارس علشان يتطمن على هدى...واقف يطالعها ويطالع الاجهزة ويتمنى انها تقوم بالسلامة...يوم طلع من عندها....
بوهدى:دكتور طمني على هدى..
فارس:هدى بخير ان شاء الله..بس ننتظر تمر 24 ساعة..
بوهدى:بس ليش صار لها جذي؟
فارس:ماادري شاقولك..بس خلنا ننتظر 24 ساعة وعقب نشوف..
بوهدى:ليكون دكتور العملية مانجحت؟
فارس:بلا نجحت العملية..
بوهدى:عيل ليش صار لها جذي؟
فارس:يمكن جسمها ماتقبل دواء بنشوف شيصير لين باجر..قعدتكم مامنها فايدة..انتوا ردوا البيت وكل جديد بحالتها بنخبركم..
فارس راح استراحة الاطباء وتمدد على الكنب وهو يفكر ايش بيصر في هدى..ورقد....
الساعة 8 الصبح...





خالد يدش بيت ابوه...يحصل ابوه وامه قاعدين يفطرون...
بوسلمان:تعال افطر معانا..
خالد:انا سبقتكم..
بوسلمان:انزين تعال ابيك بسالفة..
خالد(قعد وياهم)
بوسلمان:متى ناويين تتصالحون انت وحمد؟
خالد:ليش حمد معطيني فرصة..من يشوفني يروح..مايحب يتلاقى معاي بمكان..
بوسلمان:انا مب عاجبني حالكم كلش..
خالد:يبه احنا صار لنا 4 سنين على هالحال..
بوسلمان:يعني ماتمللت؟
خالد:شسوي؟
بوسلمان:انا بكلم حمد اليوم..
خالد:اشلون وديمة؟
ام سلمان:وعليه عليها..ماادري شالي حدها تاخذ صيفي هالسنة..كل حابسه عمرها بالغرفة وتدرس..مانشوفها الا حزة الاكل..
خالد(يقوم):بروح اقعدها من النوم..
راح فوق...ودق عليها الباب...ماردت...دق مرة ثانية..هم ماردت..فتح الباب حصلها راقدة ومتغطيه عدل شكلها بردانة..بند المكيف وفتح الستاير...
خالد:وديمة..وديمة..
وديمة(تفتح عيونها تشوف خالد مستغربة):خالد؟
خالد:اي خالد..قومي..
وديمة:خلني انام..فيني نوم..
خالد(يوقف جدام مكتبها ويشوف كتبها واوراقها):بسج نوم قومي..قومي تريقي وقعدي وياامي وابوي وعقب ذاكري..
وديمة:تكفى خالد خلني انام..
خالد:متى امتحانج الفاينل؟
وديمة:اسبوع الجاي..
خالد:اثنينهم؟
وديمة:اي..بينهم يوم واحد..
خالد:انزين قومي علشان تذاكرين..
وديمة(تقعد):توها الساعة 8 وشي خلني انام..حرام عليك اوف..
خالد:اوف!!
وديمة:والله العظيم تعبانة..مااحصل وقت للنوم..
خالد:خلاص بعد لاتقولين انت ماتيينا..انا بروح..
وديمة:شنو بروح..مب قاعد لين الغداء؟
خالد:لا..
وديمة:ليش؟
خالد:بروح اتغدى وياواحد من الربع..ياللا مع السلامة..(سك الباب)
يرن تليفون فارس...وفارس راقد..دخل واحد من الاطباء حصلاه راقد....
دكتور:دكتور فارس دكتور فارس..
فارس(يقوم)
دكتور:دكتور العناية طالبينك..
فارس:الساعة جم؟
دكتور:الساعة الحين 8 ونص..
فارس:افف..(قام وغسل وجهه وراح للعناية)
دخل..وشاف دكتور وممرضة عند هدى...
فارس:صاير شي؟
الدكتور:دكتور فارس وينك؟..اتصلنا عليك وايد بس ماترد..
فارس:راحت علي نومة..هاا اشلونها هدى؟
الدكتور:حاليا وضعها ممتاز..انا سمعت عن سالفة الممرضة اللي سوتها امس..ماراح اسكت عن الموضوع..راح احقق معاها..
فارس:تخيل دكتور اضطرينا ندخلها العمليات مرة ثانية علشان نوقف النزيف..زين البنت ماراحت فيها..لحقنا عليها في الوقت المناسب..
الدكتور:هي غلطانة وتتحمل نتيجة خطأها..وراح نشوف الممرضة اللي ناوبت قبلها..على العموم انت دكتور وماشاء الله عليك ماقصرت..شكلك تعبان..
فارس:امس عقب اللي صار رقدت بالاستراحة وعلى الكنب..
الدكتور:انزين روح ريح الحين في البيت وعقب تعال تطمن على المريضة..(يعطي الملف للممرضة)..استدعي الممرضتين..
رئيسة الممرضات:حاضر دكتور..
فارس(ظل فارس واقف فوق راسها وهو يتمنى قومتها)
وديمة عقب ماتبدل ملابسها تنزل تحت...تحصل امها بالمطبخ ويالخدامة...
وديمة(تحب راسها):صباح الخير ماما..
ام سلمان:صباح النور..اليوم قاعدة بدري..
وديمة:خالد ماخلاني انام..
ام سلمان:عيل قص عليج..
وديمة:ليش؟
ام سلمان:طلع..
وديمة:نعم؟؟..وين راح؟
ام سلمان:ماادري..بس قالي انه طالع..
وديمة(عصبت):ماعليه ان مرة ثانية سمعت كلامه..
ام سلمان:ماتبين تريقين؟
وديمة:ماابي..
راحت الصالة وخذت تليفونها واتصلت فيه..
وديمة:انت وين؟
خالد:بالشارع..
وديمة:عيل ليش قومتني؟
خالد:روحي غرفتي بتحصلين شي لج..
وديمة:لي انا؟؟
خالد:أي..
وديمة:شنو هالشي؟
خالد:انت روحي وشوفي..
وديمة:انزين ليش رحت؟
خالد:عندي شغل..ياللا مع السلامة..
وديمة:مع السلامة..ايش دعوة عاد شغل اليوم؟!!
راحت غرفة خالد..حصلت كيس على السرير..فتحت الكيس...حصلت فيه كرتون فتحته شافت كاميرا دجيتل احترافيه...استانست وايد وماصدقت ان اللي بغته شار لها اياه خالد...اتصلت فيه وهي قاعدة على السرير...
خالد:آلو..
وديمة:ليش سويت جذي؟
خالد:ليش شمسوي انا؟
وديمة:ليش شريت الكاميرا..صج قلت انها في خاطري بس هذي غالية ليش شريتها؟
خالد:عن السخافة غالية وماادري شنو..عاد نبي نشوف تصويرج..بعد خلاص ماعندج عذر كاميرا وعندج..
وديمة:............
خالد:آلو وين رحتي؟
وديمة:انا هني..
خالد:اشفيج؟
وديمة:ماني مصدقة..ليش سويت جذي؟
خالد:اقول انت وين قاعدة؟
وديمة:بغرفتك..
خالد:أي وين؟
وديمة:على سريرك..
خالد(عصب):قومي اشوف..كم مرة قايلج انا لاتقعدين على سريري قومي..
وديمة(قامت):زين زين خلاص قمت كلتني..
خالد:قولي والله انج قمتي..
وديمة:والله اني قمت اشفيك..ايش دعوة وصخة انا؟
خالد:انزين سمعي..ترى هذي هدية علشان الكورس اللي طاف جبتي A وانا مالحقت اشتري لج الا الحين..
وديمة:مشكور..
خالد:في شي ثاني؟
وديمة:لا..
خالد:عيل مع السلامة..
وديمة:مع السلامة..
الساعة 11 شيخة تتصل في فارس...
فارس(يفج عينه ويشوف التليفون):آلو..
شيخة:صباح الخير حبي..
فارس:هلا حبيبتي..صباح الورد..
شيخة:شنو راقد؟
فارس:اي..
شيخة:ماهي من عادتك ترقد لهالحزة..
فارس:الساعة جم؟
شيخة:الساعة 11 ودقيقتين..
فارس(يقوم):من صجج؟
شيخة:اي..
فارس:اوف..اشلون ماحسيت بالوقت..صلاة الجمعة زين الحق اتسبح واروح المسجد..
شيخة:ليش راقد لهالحزة؟
فارس:هذي قصة طويلة بعدين اقولج..خلني الحق على الصلاة..باي حبي..
شيخة:باي..
في المستشفى..يرجعون عيسى الغرفة وراشد تم ويالدكتور وعقب رد غرفة عيسى حصلاه راقد...راح راشد علشان يصلي...
في بيت بوسلمان...الكل موجود وقاعدين يتغدون وهم مستانسين يسولفون...لكن وديمة كانت بعالم ثاني..وهي تفكر بالهدية اللي حصلتها اليوم...وتمنت وجود خالد بينهم...لكن شيخة تمت تفكر بفارس اللي مااتصل والساعة صارت 1ونص..قطت راشد على نجلاء وهي تتصل في فارس...فارس كان بالعناية قاعد يتطمن على هدى...وعقب طلع وراح عند عيسى..
فارس:السلام عليكم..
راشد:وعليكم السلام..
فارس:راقد؟
راشد:يعني بين النوم والقعدة دايخ شوي من البنج..
فارس:طمني..ايش صار؟
راشد:الدكتور يقول عنده التهاب في القولون مما أدى للنزيف..
فارس:انزين وبعدين؟
راشد:ولاشي..قال بيعطونه مضاد حيوي لمدة 24 ساعة علشان يخف الالتهاب وعقب بيطلعونه..
فارس:مابتقول حق امه؟
راشد:شكلي بقولها لأنه بيتم ليله ثانية..انت قولي ايش صار على البنت؟
فارس:ولاشي هذا احنا قاعدين ننتظر قومتها..
راشد:بس هي بخير؟
فارس:هي بخير بس قومتها بتبين اكثر..حتى الدكتور عبداللطيف جى اليوم الصبح وتطمن عليها بنفسه وعقب طلب الممرضة واللي كانت قبلها ماادري ايش سوى وياهم..
راشد:ودكتور عبداللطيف من وين درى؟اصلا شالي جابه اليوم؟
فارس:ماادري..يمكن حد من العناية قاله..
راشد:كلت شي؟
فارس:لا..وانت؟
راشد:انا بعد ماكليت..
فارس:انزين قولي شنو تبي وبروح اشتري..
عيسى(يقوم):يبه..
راشد:هلا يبه..
عيسى:يبه مايصير اطلع؟
راشد:لا يبه مايصير..يبون يعطونك مضاد حيوي..
عيسى:انزين اروح اغير واسبح عقب ارد..
راشد:مايصير..لازم اتم لين ماتخلص..
عيسى:يبه انا تعبان ابي ارد البيت..
راشد:حاس بألم؟
عيسى:شوي..
راشد:وين يعورك؟
عيسى:صوب اليسار..
فارس:راشد أقرأ عليه يمكن حالته تحسن..
راشد(حط ايده مكان مايتألم عيسى وقعد يقرأ عليه)
فارس(طلع تليفونه وشغلاه وتذكر شيخة):............السلام عليكم..
شيخة:فارس وينك فيه..صرت احاتيك..
فارس:انا بخير مافيني شي..بس من طلعت من الصلاة رحت العناية وبندت تليفوني..وتوني قعدت وشغلته..
شيخة:صرت احاتيك حتى الغداء ماتغديت..
فارس:كل هذا..
شيخة:وييه اتاريك ماتعرف غلاتك عندي..
فارس(ابتسم):انزين قولي لي اشلونج واشلون رشودي؟
شيخة:احنا بخير..انت قولي ايش عندك نايم هالكثر؟
فارس:وين هالكثر..اصلا انا مانمت الا الساعة 9 وشي..
شيخة:ليش؟
فارس:كنت بالمستشفى..
شيخة:طول الليل لين الصبح؟
فارس:اي مو قلت لج ان البنية تعبانة وبالعناية..وبالليل اتصلوا فيني..ان البنت جاها نزيف..(يلاحظ على عيسى انه تعبان ومتألم من ملامح وجهه..يأشر على راشد ويخبره انه ينتبه على ملامح عيسى)
راشد:عيسى تعبان؟
عيسى:اي يبه..احس بألم ماهو راضي يروح..
راشد(يقوم):الحين بروح انادي لك الدكتور..
شيخة:فارس وين رحت؟
فارس:اقول بعدين بحاجيج..
شيخة:ليش؟
فارس:بعدين بقولج..ياللا مع السلامة..عيسى اشفيك؟
عيسى:آآآه..ماادري جنه مغص..يعور..
راشد وفارس برع ينتظرون الدكتور...
راشد:على حالة عيسى ماهو متخرج هالكورس..
فارس:بيتخرج ان شاء الله..انت ماكلمت الجامعة انه مريض..
راشد:لا ليش انا مداني..
فارس:خلاص انا بروح الاحد وبكلمهم..
راشد:بس اذا تحسنت حالته لين باجر يقدر يروح..
فارس:عيل خير ان شاء الله..
في بيت بوسلمان...وديمة تروح عند امها...
وديمة:يمه ابي اروح عند شيخة..
ام سلمان:ومن بيوديج؟
وديمة:ويالسايق..
ام سلمان:بروحج لا..
وديمة:انزين يمه تعالي وياي..
ام سلمان:انا ابي اروح بيت امي..
وديمة:انزين خلاص وصليني وانت روحي مناك..
ام سلمان:انزين بس تزهبي من الحين..بنصلي العصر وبنطلع..
وديمة(استانست):اوكي..دقايق وبكون جاهزة..
في بيت بوفيصل..
شيخة(تقوم على صوت راشد):يمـه...يمــــــــــــــــــــه..
ام فيصل:خير يمه..
شيخة:يمه جيبي لي راشد..
ام فيصل:ان شاء الله..
في الصالة...وديمة تسلم على نجلاء...
نجلاء:مشتاقة لج واايد..وينج ماتيين صوبنا؟
وديمة:شسوي كل من الجامعة..
نجلاء:عيل شو اللي جايبج؟
وديمة:طردة؟
نجلاء:لا طبعا..اشلون تركتي الدراسة؟
وديمة:اليوم انا وايد مستانسة..
نجلاء:مستانسة..وشو اللي مونسج؟
وديمة:ريل عمتي موجود؟
نجلاء:طلع سار بيت ابوه..انزين ارمسي..
وديمة:صبري علي..
ام فيصل(تيي):هلا بوديمة..(تسلم عليها)..اشلونج حبيبتي؟
وديمة:بخير عمتي انت اشلونج؟
ام فيصل:بخير..وينج من زمان ماشايفينج..
وديمة:شسوي عمتي من الجامعة..
ام فيصل:ومتى بتخلصين؟
وديمة:الاسبوع الجاي آخر اسبوع ان شاء الله..
ام فيصل:الله يوفقج..حياج قعدي..انا بروح اسوي لكم شي تاكلونه..
وديمة:شيخة راقدة؟
ام فيصل:توها قاعدة من النوم..
دشوا على شيخة وسلمت عليها وديمة...
وديمة:فديت رشودي..حبيبي..
شيخة:تعالي قولي لي..انت وينج فيه..قلنا ماخذه صيفي بس مب لهالدرجة..
وديمة:شسوي لجربتي تاخذين صيفي بتحسين فيني..
نجلاء:ودوم ارمسي..
شيخة:ايش صاير؟
نجلاء:تقول اليوم مستانسة..
شيخة:شنو خذتي درجاتج؟
وديمة:وين..ليحين ماامتحنت..
شيخة:عيل؟
نجلاء:شو خالد بيعرس؟
وديمة:لا..
نجلاء:عيل حصلتي لي ريل؟
وديمة(تطالع شيخة ويضحكون)
نجلاء(عصبت):لو سمحتوا عاد..
وديمة:لالا..
شيخة:عيل شنو؟
وديمة:اليوم حصلت هدية..
نجلاء(قعدت):هدية!!..من منو؟
وديمة:من خالد..
شيخة:شالمناسبة؟
وديمة:مو انا خذت A في مقرر دكتورة سارة..فعطاني هالهدية..
نجلاء:وشنهي الهدية؟
وديمة:هذي..
نجلاء:كاميرا!
وديمة:اي..
شيخة:يحليله خالد..
نجلاء:وليش شاري لج كاميرا؟
وديمة:من زمان كانت بخاطري..فخالد شراها لي..بس هي وايد غالية..
شيخة:مايغلى عليج شي..
وديمة(قعدت):انتوا اشلونكم؟
شيخة:انا والله متلعوزة ويارشود..مايخليني انام..
وديمة:الله يعينج..وانت عموه..
نجلاء:انا؟..ولاشي بين شيخوه وولدها واختي وسوالفها..
وديمة:متى بتردين؟
نجلاء:ماادري شكله عمج ناسيني..
شيخة:احسن..قعدي لين مايبدأ الدوام..
فارس يروح العناية....وينتبه ان هدى حركت جفونها...قرب منها..
فارس:هدى..هدى..هدى..
هدى(تفتح عينها)
فارس(ابتسم لها):حمدلله على السلامة..انت بخير؟
هدى(تحرك راسها بأي)
وقعد فارس يكشف عليها ويتطمن عليها..عقب ماخلص طلع حصل امها وابوها برع....
بوهدى:هاا دكتور بشر؟
فارس(ابتسم):هدى بخير وقامت..
ام هدى:صج دكتور..نقدر نشوفها؟
فارس:اي طبعا..تفضلوا..
عبدالله يدخل البيت...يحصل امه قاعدة وياحسنة وخلود يطالعون تلفزيون...
عبدالله:السلام عليكم..
الجميع:وعليكم السلام..
ام عبدالله:هلا والله بالغالي..وين كنت يمه؟
عبدالله:رحت اشتري جم غرض..
ام عبدالله:شنو هالاكياس؟
عبدالله:الحين بتشوفين..(فتح الكيس)..هذا دهن العود لج يالغالية..تفضلي..
ام عبدالله(تشمه):ريحته حلوة..ليش مكلف على عمرك يايمه؟
عبدالله:انت تستاهلين اكثر..وانت تعرفين كل شهر لازم اشتري لج شي من راتبي..(يفتح الكيس الثاني)..وهذا العطر لج ياخلود..بس ان شاء الله يعجبج..
خلود(تشمه):لا ريحته حلوة..مشكور ياخوي..ماتقصر..
عبدالله(يفتح الكيس الثالث):وهذا اللي كنتي تبينه..اطلس..
حسنة(استانست وخذت منه وحبت راسه):مشكور عبدالله..واااو انا مستانسة..
الساعة 7 بعد صلاة المغرب....
نجلاء:متى بعرس..يااااربي..البس الفستان الابيض والمسكة بيديني والطرحة علي..ياسلالالام شعور حلو..وامشي والموسيقى شغالة..والناس كلها تشوفني وانا امشي ومستحية..شوي شوي...واركب المنصة وابين للناس جمالي..ياسلالالالام وعقب اوقف وتنثرون علي الفلوس وعقب اجلس مكاني واتصور بكل الحركات...وبعد شو..اممم..عقبها ريلي فديته يدخل والرزة كلها فيه..طويل عليه ضخامة يمشي والكل يقول جمال ماشاء الله..لين مايوصل عندي ويحط ايده بإيدي..واتصور معاه وياخذني ونروح بيتنا..الجنة اللي بعيش وياه..ياااااااااااااااه متى يجي هاليوم..
ام فيصل(دشت عليهم):نجول..ايش هالكلام؟؟
نجلاء(استحت من اختها):يعني شو اسوي..ليش احنا البنات حرام نعبر عن مشاعرنا..والرياييل حلال عليهم يقولون نبي نعرس ونسوي جذي وجذي للعرس..اي والله..
ام فيصل:البنت عيب تقول هالحجي..
نجلاء:عيب جدام الناس..بس انا اقول جدامكم..يعني شو حراام اقول ابي اعرس..اي والله..خلوني بحالي خلوني احلم..حتى الحلم بتحاسبوني عليه..
شيخة:الله يعينج على الزواج ومشاكله..
نجلاء:انت ماعندج سالفة..عندج ريل ولا بالدنيا..ولا ايش رايج اختي؟
ام فيصل:وانت صاجة..
شيخة:اليوم الجمعة ماجاني كلش..
نجلاء:يووه شيخوه لوعتي جبودنا..سكتي تكفين..عايشة بنعمة كل البنات حاسدينج عليها..
ام فيصل:بروح ازهب العشاء..وديمة لاتروحين لين ماتعشين..
وديمة:ان شاء الله..
نجلاء:يااارب يعجل فرحتي واعرس بسرعة..ان شاء الله عرسي وعرس ودوم بيوم واحد..لالا شنو بيوم واحد..لو بانتظر وديمة بعنس اكثر مما انا فيه..
وديمة(تمت تناظر نجلاء ثواني زعلت نزلت راسها)
شيخة:خالتي!!
نجلاء(حست انها قالت شي غلط راحت لها ولمتها):والله موقصدي.قسم بالله موقصدي..
وديمة(قامت):لا عادي..اصلا معاج حق..انا من يبيني..
شيخة:هم ماشافوج..ولا صدقيني كلهم يتمنون وحده مثلج..
وديمة:بس مو مريضة..
نجلاء:ودوم فديتج لاتقولين هالكلام..المرض عمره ماكان عائق للزواج..في ناس وايد تزوجوا وفيهم امراض جايده الله يبعدنا عن المرض..وتزوجوا وعاشوا حياتهم..جات على السكري وشو يعني..لاتحاتين..ان شاء الله بتعرسين..
وديمة(ابتسمت بسخرية):اعرس!!..مستحيل..اصلا انا ماافكر بالزواج..
نجلاء(تضايقت على حال وديمة):ودوم حبي والله ماكان قصدي صدقيني ماقصدت الا فاصل العمر اللي بيني وبينج..مو شي ثاني..
وديمة:انا اعرف نصيبي..حتى لو كنت جميلة وماعلي قصور..بس يعرفون اني مريضة بغيرون رايهم فيني..من يبي يتزوج وحده فيها السكري علشان يتبهدل وياها وكل مرة يقعد يحاتيها خذت دواها ولا لا..اليوم تعبانة وباجر مغمي عليها..حتى الاكل ماهو قادر ياكل اي شي معاها..ايييه سكتي عني ياعمتي..
شيخة(تضايقت)
نجلاء:كل هذا بقلبج ياوديمة؟؟...سامحيني..
وديمة(ابتسمت):لاعادي..انسي..(طلعت تليفونها)..
نجلاء:وين؟
وديمة:صبري....آلو يمه وينج؟....انزين مريني....اي..
شيخة:ماتروحين لين ماتعشين..
وديمة:ان شاء الله لوصلتي دقي علي علشان اطلع..مع السلامة..
شيخة:ودوم يالسخيفة ماتروحين..
وديمة:ماعليه شيخة ابي ارد البيت عندي امتحان ولازم اذاكر..انا بس جيت اليوم علشان اشوفكم كنت مشتاقة لكم..
نجلاء:ادري انت زعلتي مني..
وديمة:صدقيني عمتي انا مازعلت..اصلا انا مافيني شي..بس ابي ارد البيت علشان اذاكر..
شيخة:والعشاء؟
وديمة:مرات جاية..
نجلاء(فكرت تسوي شي يفرفش الجو الحزين اتصلت):آلو..السلام عليكم....هلا والله...كيف الحال؟.......احنا بخير......بخير انت اشلونك؟........تدري من عندي؟......ودوم..وقالت لي ان اليوم حصلت هدية.....اي وروتنا بعد..
خالد:مستانسة فيها؟
نجلاء:بعد لاتقول..
خالد:انزين..انت بعد حزري من قاعد عندي؟
نجلاء:انا اعرفه؟
خالد:اكيد ولا ماسألتج؟
نجلاء:من بوسلمان؟
خالد:لا..
نجلاء:واحد يقرب لي؟
خالد:لا واحد من الربع..اكيد واحد يقرب لج..
نجلاء:منو؟
خالد:ماعرفتي؟
نجلاء:لا..
خالد(يمد يده):هاك كلمها..
جبر:مساء الخير..
نجلاء(مصدومة وفاجه العين):بسم الله الرحمن الرحيم..انت من وين طلعت؟؟
جبر:مفاجأة؟
نجلاء:أحلى مفاجأة..انت وينك فيه؟..وليش ماقلت لي انك جاي؟؟
جبر:ومن اللي قالج اني جيتكم؟
نجلاء:عيل اشلون انت قاعد وياخالد؟
جبر(يضحك):خالد اللي عندي مو انا اللي عنده..
نجلاء:لا تغشمر..
جبر:كيفج لاتصدقين..
نجلاء:انت من صجك؟؟..خالد متى جاك؟؟
جبر:اليوم..وقبل شوي وصل..
نجلاء:وليش يسير من غير مايقولي؟؟
جبر:وايش بغيتي منه؟
نجلاء:بغيت اسير وياه..
جبر:ليش مشتاقة لي؟
نجلاء:وااايد..
جبر:عيل خلاص بيي آخذج..
نجلاء:لالا..اشوفك اي بس ارد لا..
جبر:عيل خلاص فارجي..عندنا شغل..
نجلاء:وييه وشو الشغل؟
جبر:انت شو تبين؟..بندي التليفون..
نجلاء:انزين اول شي عطني خالد.....آلو خالد ترى وديمة زعلانة..
خالد:اشفيها؟ ليكون مزعلتها؟؟
نجلاء:بصراحة اي زعلتها..
وديمة:عموه انا مب زعلانة..
نجلاء:ماعليك منها تراها زعلانة..وشيخة شاهدة..
خالد:شمسويه فيها؟
نجلاء:امم اسرار بنات..
خالد:انا مااصدق اعدل من نفسيتها علشان الامتحانات وانت تزعلينها..ياويلج مني يانجول اول مااوصل..صدقيني ان وديمة ماجابت درجات هالكورس بخلي جبر يتصرف معاج..
نجلاء:وانا شو اسوي الكلمة طلعت مني زلة..
خالد:بعدين نتفاهم..عطيني اياها..
نجلاء:زين لاتعصب..هاج وديمة..
وديمة:ماابي احاجيه..(طلعت من الغرفة)
نجلاء:خالد تقول ماتبي تكلم..
خالد:ماعليه نجلاء..جذي تسوين في اختي..ياللا مع السلامة..
شيخة:ليش سكرتي؟
نجلاء:عصب علي علشان زعلتها..يقول انا مااصدق اعدل من نفسيتها علشان الامتحانات..
شيخة:روحي شوفيها وين راحت..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 30-12-2013, 10:23 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


متابعة فصل الـ22





في الامارات....




جبر:اشوفك وايد مهتم فيها لغير العادة..
خالد:ماادري..صرت احس ان مازالت تحت مسؤوليتي..مرات تكسر خاطري علشان مرضها..ومرات اعصب عليها..احس اني تعودت على وجودها بحياتي..
جبر:ليش ماترد بيتكم وتكون تحت نظرك..
خالد:مااقدر..
جبر:ليش؟
خالد:انت ادرى بالبير وغطاه..
جبر:خالد ايش دعوة كل هالسنين؟؟
خالد:شسوي حمد ماهو راضي يعطيني فرصة..كل ماشافني عصب وهداني..
جبر:عاد حمد ماعنده سالفة..وبعدين هو كيفه بغاك ولالا..هذا بيتك ولك غرفة حالك حاله..ايش دعوة بتمشي على هواه..
خالد:مب عن..بس انت تدري في البداية صارت مشاكل بيني وبين ابوي فحبيت اطلع علشان الامور تهدى..وبعدين حمد يسويها ويطلع..واذا طلع اخاف يروح ورى هالشباب اللي مامنهم فايدة ويبعدونه عن البيت وعن الدراسة..على الاقل يكون تحت نظر امي وابوي احسن..بعدين عادي تعودت على العيشة بروحي..
جبر:تضحي بقعدة الاهل علشان اخوك؟
خالد:شسوي..
جبر:قوم قوم..خلنا نسير نتعشى ناكلنا شي..ميت من الجوع..
في غرفة شيخة....
فارس:خلج قاعدة انا بحطه في السرير..
حطاه وعقب قعد جنبها ومسك يدها....
فارس:اشلونج يابعد قلبي؟
شيخة:بخير..انت اخبارك؟
فارس:اذا انت وراشد بخير انا بعد بخير..
شيخة:اشلون تمشي امورك بالبيت من غير اهلك؟
فارس:صج مكانهم يبين وايد..بس شنسوي نتحمل..عاد تحمليني بجيكم كل يوم..غداء وعشاء..
شيخة:احطك بعيوني انا..انت بس تعال..
فارس:هذا انا جدامج..
شيخة:اقول فارس..
فارس:عيوني..
شيخة:مرض السكري ماله علاج؟
فارس:حاليا لا..ليش تسألين؟
شيخة:بس جذي..
فارس:حبيبتي ماتسأل الا لأن في شي..شالسالفة؟
شيخة:ولاشي بنت خالي كاسرة خاطري..وايد مأثر على نفسيتها هالمرض..
فارس:الله يعنيها..
شيخة:اخبار عيسى؟
فارس:بخير..اليوم سووا له منظار وقالوا عنده التهاب بالقولون..وبيتم يوم بعد لين مايخف الالتهاب عنه..
شيخة:والجوهرة ماتدري؟
فارس:راشد قال بيخبرها..
شيخة:اخبار اهلك؟
فارس:بخير..
شيخة:متى بيردون؟
فارس:امي وابوي بيتمون في مكة..سلطان والبنات بيروحون وياتميم وزوجته الرياض..




قعدت وديمة تستغل كل ثانية علشان تدرس وتجيب درجات عالية هالمرة..زاد عندها الحماس...ويوم السبت بالليل وصل خالد الدوحة وراح بيت ابوه....
خالد:السلام عليكم..
عائشة ومريم:وعليكم السلام..
خالد:وين امي وابوي؟
عائشة:راحوا بيت عمتي..
خالد:انزين هاكم..هذي شوية كوافي لكم..
استانسوا...
خالد:وديمة فوق؟
مريم:اي فوق..
راح لها فوق..دق الباب....
وديمة(بين الكتب والاوراق):منو؟؟
خالد:خالد..
وديمة:خالد!!
خالد:ادش؟
وديمة:حياك..
خالد(فتح الباب ودخل):تدرسين؟
وديمة:اي..
خالد:امتحانج الاربعاء؟
وديمة:اي..
خالد(قعد جنبها):هاا استخدمتي الكاميرا؟
وديمة:اي استخدمتها ووايد عجبتني..صج صج مشكور..
خالد:وينهي الكاميرا؟
وديمة(قامت وعطته)
خالد(فتحها وقعد يطالع الصور):هذا ولد شيخة؟
وديمة:اي..
خالد:صغير ماشاء الله عليه..(عطاها كيس)..هاج هذا شيبس اللي تحبينه جبته لج من الامارات..
وديمة:ليش انت كنت مسافر؟
خالد:ليش ماتدرين؟
وديمة:لا..انت ماقلت!!
خالد:امس يوم اتصلت فيني نجلاء قلت لها اني عند جبر..
وديمة:ماادري انا ماسألتها..انزين انت ليش ماقلت؟
خالد:لأني ماكنت متأكد..قولي لي..ايش عندج متزاعله ويانجلاء؟
وديمة:انا؟..ابد ماكو شي بينا..
خالد:الا في هي قالت لي انها زعلتج..ايش قالت لج؟
وديمة:صدقني خالد ماكو شي..حجي بنات وبس..بعدين اصلا انا مب زعلانة..
خالد:يعني مب قايلة؟
وديمة:قلت لك حجي بنات وبس..
خالد(قام وحط الكاميرا على الطاولة):المهم ذاكري عدل واذا تبين شي اتصلي فيني..
وديمة:بتروح بيتك؟
خالد:اي..تبين شي؟
وديمة:لا..
خالد:ياللا عيل مع السلامة..
وديمة:مع السلامة..
يوم الاثنين الصبح...في مكتب فهد....
علي:نعم طال عمرك؟
فهد:ابيك تجمع كل الجرايد اللي نشرت خبر افتتاح مشروعنا امس واليوم..
علي:جاهزين طالع عمرك..موجودين عندي على المكتب..
فهد:حلو..انزين وتعرف شنهي القنوات اللي صورت؟
علي:اي نعم اعرف..والافلام راح تتوفر معانا خلال اسبوع ان شاء الله..
فهد:وشسمه بعد..اي..وين مصورنا؟
علي:تبي الفيلم؟
فهد:اي نعم ابي اشوفه خله يي يشغله لي..
علي:ان شاء الله تامرني بشي ثاني؟
فهد:قول حق بوحسين يسوي لي قهوة تركية..
علي:ان شاء الله..عن اذنك..
يدخل راكان....
راكان:تعال شوف مسوي ضجة بالبلد بهالمشروع..ماكو حد والا يتكلم عنك..
فهد:وين؟
راكان:بالراديو..ويقولون اليوم بييبون الافتتاح في الاخبار..
فهد:اي اذاعة؟
راكان:اذاعتنا..الناس قاعده تمدح فيك وباابوي وبمشروعك انه ساعد وايد شباب..وعطاهم فرصة ينجزون شي بالمجتمع..
فهد:انزين وغيره؟
راكان:هاي اللي لحقت اسمعه..ماسمعت من البداية..اي صح وسمعت المذيع يقول انهم بيستضيفونك عندهم علشان توضح الفكرة اكثر للناس..
علي(يدخل):تفضل طال عمرك هذي الجرايد..والمصور جاي..
فهد:اوكي خلاص..قريت شي منهم راكان؟
راكان:مب كلها..بس جريدة وحده مالحقت على الباقي..
في المستشفى...
فارس:اشلونج اليوم هدى؟
هدى:انا طيبة..متى ارجع بيتنا؟
فارس:شنو مليتي منا؟ماتبينا؟
هدى:ابيكم بس ابي ارجع البيت..
فارس:اليوم لا..بشوف يمكن باجر..بس ابيج تسمعين كلام الممرضة يوم تعطيج الدواء تاخذينه زين؟
هدى:ماابي..
فارس:ليش؟
هدى:مو حلو طعمه..
فارس:مب لازم يكون حلو..انت ماتبين تطلعين من المستشفى؟
هدى:بلا..
فارس:خلاص شربي الدواء علشان تقدرين تطلعين بسرعة..
هدى:انزين دكتور يعني انا خلاص صرت زينة؟
فارس(ابتسم لها):اي..
هدى:دكتور..
فارس:قولي هدى..
هدى:اخبار راشد؟
فارس(يبتسم لها):بخير..ياللا انا رايح..وان شاء الله اشوفج باجر..
وراح وراه بوهدى....
بوهدى:دكتور طمني..
فارس:تطمن هدى بخير والحمدلله حالتها تتحسن يوم ورى يوم..
بوهدى:وبتطلع باجر؟
فارس:لين باجر بنشوف شيصير..ياللا عن اذنك..
ويرجع بوهدى...
هدى:بابا..
بوهدى:نعم بابا؟
هدى:بابا ابي اشتري هدية..
بوهدى:حق منو؟
يردون بيت بوراشد من العمرة..والكل يدخل البيت وهو تعبان من السفرة..الكل يقعد بالصالة..لكن شيماء وشمة راحوا فوق غرفتهم..فتحوا الباب واندهشوا باللي شافوه..فجوا عيونهم من الصدمة..




ويدشون داخل اكثر...

اضغط على الصورة لرؤيتها بحجمها الطبيعي


مب مصدقين عيونهم..من اللي غير الغرفة بهالشكل؟!!!..

شيماء:شموه انت تشوفين اللي اشوفه؟؟
شمة:اي..شيوم شي لايصدق..
شيماء:اي والله شي خيالي..مب مصدقة كلللش..
شمة:تهقين من مسوي هالمفاجأة؟؟
شيماء:من بيكون غير راشد..هو راعي هالحركات..
شمة:خلنا نروح نشكره..
شيماء:صبري خلنا نشوف الحمام..يمكن مغيره بعد..
فجت باب الحمام وانصدمت...

اضغط على الصورة لرؤيتها بحجمها الطبيعي


على طول نزلوا تحت....
شيماء:من غير غرفتنا؟!
الكل يطالع الثاني..
شمة:الغرفة تهبببببل..من مسوي لنا هالمفاجأة؟
راشد:هذي هدية منا كلنا..يعني شراكة بيني وبين الجوهرة وتميم وزوجته وفارس وزوجته..
شيماء:بصراحة مااعرف كيف اعبر..الغرفة شي خياااااالي..تسلمون على هالذوق..
تميم(يقوم):بروح اشوف الغرفة..تيين روضة؟
روضة(تقوم):اي طبعا..ياللا نمشي..
والكل قام يشوف الغرفة..
ومع مرور الايام...وديمة تخلص امتحاناتها وتستانس من اللي بقى من الاجازة قبل الفصل الدراسي الجديد...وعيسى ينشغل بمسلسلاته الرمضانية..وخالد راح يبات عند جدته لين مايرد عيسى..وشيخة خلصت الاربعين وقاعدة تزهب عمرها علشان ترد بيتها وياراشد...عيسى ولد راشد في تحسن وتخرج من الجامعة هالصيف...ونجلاء قاعدة في بيت اخوها بوسلمان على اساس بييها جبر علشان ياخذها...وفهد مشغول بمشروعه الجديد...والرباعي اشغلوا عمرهم بمشروعهم.....
في الصالون...
شيخة:ها خالتو ايش رايج بالصبغة؟؟حلوة؟
نجلاء:تهبلين حبي..روووعة روووعة..ريلج بيتخبل عليج..
شيخة:صج..وانت ودوم ايش رايج؟
وديمة:وايد حلو واللون لايق عليج..
نجلاء:انا ابي افهم هي ليش صبغت لج بالاول وعقب قصت لج؟
شيخة:ماادري عنها..يعني شكلي حلو؟
نجلاء:تهبلين..بعد شنو بقى ماسويتي؟
شيخة:خلصت البديكير وتنظيف البشرة والصبغ والقصة وبس..
نجلاء:ليش ماحيطتي مناكير؟
شيخة:لو ريلي شافني بالمناكير وانا ميودة راشد بيعصب..
نجلاء:ماعنده سالفة..انزين اذا خلصتي علشان نمشي..يالله يمديج تمكيجين وتلبسين وتكشخين علشان تروحين بيتج..مو قلتي فارس بيمرج عقب المغرب؟
شيخة:بلا..ياللا عيل نمشي..ودوم خصلتي؟
وديمة:اي خلصت ودفعت الحساب بعد..
طلعوا من الصالون...وراحوا بيت بوفيصل..وقعدوا ثلاثتهم في غرفة شيخة..وراشد عند ام فيصل...
شيخة:اي روج احلى ذي ولا ذي؟
وديمة:انا اقول هاي احلى افتح..والفاتح حلو عليج..
شيخة:وانتي خالتو؟
نجلاء:انا ذوقي من ذوق ودوم..
وديمة:وانت ايش عندج عموه تمكيجين؟
نجلاء:ريلي بيمرني اليوم..
وديمة(تطالع شيخة)
نجلاء:لاتناظرون بعض جذي..شو يعني الوحدة ماتكشخ..لازم الكشخة للريال..يعني يمكن الوحده ماتزوجت..خلاص تقعد بكشتها اي والله..
وديمة وشيخة يضحكون...
وديمة:انا بروح اشوف رشود..بشتاق له وايد..
راحت وسكت الباب...
شيخة:تصدقين خالتي..ودوم وايد كاسرة خاطري..
نجلاء:واااي سكتي شيخوه..انا شاقول لحد الحين متضايقة اشلون قلت هالكلام..والله هي حلوة وماكو منها..بس لساني يبيله قص..الله يعينها على المرض..
شيخة:قطعت قلبي يوم تقول من يبي وحدة مريضة ويقعد يحاتيها..الله يكون بعونها..
وديمة(تدخل):رشودي رقد..
شيخة:احسن..
نجلاء:اللي يقول قاعد بجبدج عند امج..
شيخة(قامت):انزين انا بروح اصلي وبلبس..عاد انتوا طلعوا علشان ابدل..
في بيت بوراشد...




شيماء وشمة ينزلون وهم مستانسين ويغنون....
ام راشد:بس..كم مرة قايلة لكم ماابي اسمعكم تغنون..الله يستر عليكم..
بوراشد:اقول بنات..انتوا ماتروحون مركز التحفيظ؟
شمة(تشوف شيماء):لا يبه..انت تدري كانت امتحانات وماقدرنا نروح..وعقب ماكملنا..
بوراشد(عصب):شنو مارحتوا وماكملتوا..من باجر الصبح تروحون وياامكم تسجلون مرة ثانية..سمعتوا؟
شيماء(ماعجبها):زين يبه..
بوراشد:قولي ان شاء الله..
شيماء:ان شاء الله..(بصوت واطي)..حتى يوم الواحد مستانس تغثونه..
بوراشد:كل منج انت ساكته عنهم ولاتعرفين انهم مايروحون..
ام راشد:شنو شنو شنو؟؟..وانا شيخصني..شنو انا بقعد الاحقهم شيسون..اي والله..
بوراشد:مب انت امهم..
ام راشد:وانت مب ابوهم؟
شيماء وشمة يناظرون بعض...
بوراشد:هذي انت انت..عمرج ماتغيرين ولاتعترفين ان الغلط منج..
ام راشد:وانت شنو؟؟..متى اعترفت؟
تميم يدخل...
شيماء:الله جابك..
تميم:اشفيهم يصارخون؟
شيماء:قاعدين يتهاوشون الحق عليهم..
تميم:يبه يمه اشفيكم؟
شيخة تفتح باب الغرفة وتطلع لهم....
شيخة:ايش رايكم؟؟
نجلاء:وااااااااااااو تهبلين..تجنين فضيعة بعد شاقول..واايد حلوة..
ام فيصل(طقتها على كتفها):قولي ماشاء الله..
نجلاء:عاد من بيحسدها انا؟؟..ليش ايش قاصرني..ماشاء الله..
وديمة:وايد حلوة ماشاء الله..عاد ريلج بيستخف عليج..
شيخة:وانت يمه اي شرايج؟
ام فيصل:عروس..
شيخة:بس الكرشة شسوي فيها ماتدخل..
نجلاء:حمدي ربج مامتنتي وانت حامل ولا كنتي بتصيرين درام..
شيخة:درااام؟؟
وديمة(تضحك)
ام فيصل:ماعليج منها..بالعكس انت ايش حلاتج والكرشة يوم ورى يوم بتروح..ياللا جهزي عمرج الحين ريلج بيوصل..
وديمة ونجلاء يروحون البيت وفارس ياخذ شيخة ويوصلون البيت...فارس يمسك راشد وشيخة وراه...
شيخة وفارس:السلام عليكم..
الجميع:وعليكم السلام..
الكل قام يسلم على شيخة ويتحمد لها بالسلامة...
بوراشد:فارس جيب راشد..
فارس:ان شاء الله يبه..
وقعدوا البنات جنب ابوهم يلعبون وياراشد...
بوراشد:قعدي يابنت..شتسوين في الولد..
شيماء:ايش دعوة يبه..قاعدة العب وياه..(قامت)..ماينفع الواحد يلعب ويالياهال جدامهم..
تميم:سكتي لتحصلين جم كلمة بالعظم مثل اللي من شوي..
شمياء:استر علينا..
شيخة(تأشر على فارس انها تبي تروح فوق تبي تفصخ الغشوة)
فارس:انا بروح اجيب الاغراض من السيارة..
شيخة:بنات تجون معاي فوق؟
شيماء:شور..ياللا مشينا..
وراحوا فوق...
شيخة(دخلت وشافت الورد مليان بالغرفة وكيكة على الطاولة)
شيماء:فديت اخوي انا اللي يعرف الرومانسية..بس طبعا بمساعدتنا..
شيخة(استحت..فصخت العباة)
شمة:وااااو شيخة ماشاء الله عليج صايرة حلوة بعد الولادة..
شيخة:ليش قبل كنت شينة؟
شمة:لا بالعكس الحين احلويتي اكثر..مو جذي شيوم؟
شيماء:ماشاء الله عليج عيني عليج باردة..وايد حلوة..عاد فارس بيستخف عليج..
فارس(دخل):احم احم..(انتبه لشيخة وشكلها ماصدق انها هي)
شمة(شافت نظرات فارس لشيخة وأشرت لشيماء يطلعون..طلعوا وسكوا الباب)
فارس(حط الاغراض على الارض):ماشاء الله تبارك الرحمن..انت شيخة؟..ماني مصدق..وايد متغيرة..
شيخة(استحت):ايش رايك؟
فارس:انت جميلة بكل حالاتج..واليوم عروس من جديد..صج وايد حلوة..الله يحفظج من كل شر ويخليج لي..
شيخة:ويخليك لي..
الاجازة تخلص بسرعة..طبعا الايام الحلوة اللي فيها متعة وتغيير جو تخلص من غير مانحس فيها...بعكس الايام اللي نتعب فيها....
في مدرسة البنات.....
شمة:أبلة مريم أبلة مريم..
مريم(تلف وهي تبتسم):شمة؟!
شمة:ابلة بغيتج بسالفة..
مريم:قولي..
شمة:عندي حصة الحين..متى اقدر اكلمج؟
مريم:شنو عليج؟
شمة:علي فيزياء..
مريم:انزين تعالي لي في فسحة الصلاة..صلي وتعالي..
شمة:اوكي..مشكورة ابلة..
تييها شيماء....
شيماء:ايش بغيتي منها؟
شمة:أسلم عليها..
شيماء:شتسلمين وهي توها كانت علينا..
شمة:يووه شيوم وخري عني خلنا نلحق على الحصة قبل لاننطرد..
في الحصة...كانت شمة تفكر بشي هي تحبه...وشيماء تفكر شمة ايش كانت تبي في ابلة مريم...يندق باب الصف وكانت مشرفة الانشطة ابلة هند....
هند:السلام عليكم..ابلة فوزية ممكن شيماء وشمة..
فوزية:بغيتيهم ضروري؟
هند:اذا ممكن..
فوزية:خلاص..روحوا يابنات..
منيرة:ابلة انا ماتبيني؟
هند:بلا بس مب الحين..
وطلعوا جميع وراحوا مكتب ابلة هند وهم يفكرون ايش تبي...
هند(قعدت):قعدوا..وصلنا من الوزارة مسابقة أفضل مسرحية على مستوى المدارس من المرحلة الثانوية..واحنا قررنا نشارك في المسرحية..بما ان عندنا طالبات موهوبات..ايش رايكم تشاركون؟
شمياء:شووور ابلة من غير ماتقولين..
هند:وانت شمة؟
شمة:أفا عليج ياابلة..بنرفع اسم مدرستنا وبنفوز..
هند:هذا اللي احبه فيكم..خلاص خلال اسبوع المسرحية بتكون جاهزة..
شيماء:مس من بيكتبها؟
هند:وحده بعدين بتعرفونها..راح اعطيكم الادوار الصعبة..ومنيرة بعد بغيتها وياكم..
شيماء:مس بس من غير عبير..
هند:ليش؟
شمياء:مس وايد شايفه نفسها علينا..اللي يقول محد يمثل غيرها..رايحة رادة انا ابوي ممثل عمي ممثل..وانا طالعة عليهم محد يعرف مثلي..شنوو..
شمة:وانت ايش عليج منها..
شيماء:علي ونص..
هند:كلام شمه صح..ايش عليج منها..هالمرة ماتقدر تسوي اللي تبيه..لأن اللي كاتبه المسرحية مابتخليها على كيفها..
شيماء:انزين وبعد من؟
هند:بشوف الثلاثي المرح أروى وسهام وريم..
شيماء:بااال المسرحية جذي بتصير عجييبة..
هند:وهذا اللي انا ابيه..بس احتمال كبير نداوم فترة العصر..
شمياء:عادي..
هند:لازم نشوف اهاليكم..يمكن مايوافقون..بعدين لازم نشوف جدول صاحبة المسرحية..
شمة:انزين مس والموسيقى على من؟؟بو مروة؟
هند:لا..ماراح نحط موسيقى..
شيماء:عيل شنوو؟
هند:صاحبة المسرحية ماتبي تحط اغاني وموسيقى..تقول هي بتتصرف وبتييب من عندها..
شيماء:لا عاد..جذي بتطلع المسرحية ممله..
هند:انتوا شوفوها بالاول وجربوها..ياللا الحين روحوا كلاساتكم..ويوم الاحد ان شاء الله بيوصلنا نص المسرحية وبنتجمع جميع..
في الجامعة...في احدى القاعات.......




وديمة:شيخوه وايد خايفة هالكورس..
شيخة:ليش؟
وديمة:ماادري الدكاترة وايد يخرعون..الله ياستر..شفتي دكتور عبداللطيف؟
شيخة:اي اشفيه؟
وديمة:شيخوه يخرع..شكله واحد عصبي..
شيخة:انا سألت عنه وقالوا لي انه اوكي..بس يحب الشطار وايد..بس تراه دقيق وايد..
وديمة:الله ياستر..حتى هالاجنبي اللي يدرسنا ينخاف من ابتسامته..الله ياستر..
شيخة:لاتقعدين توسوسين..زين لحقت آخذ معاج مادتين..
وديمة:اي والله اشوه..
شيخة:ان شاء الله هالصيف باخذ..
وديمة:كاهو دش..شوفي ابتسامته بس..
في مكتب عبدالله.....
عبدالله:اي كلمته وقال انه بيركب الطيارة عقب شوي وبيوصل العصر......يمكن على الساعة 4.......متى؟.......خلاص ان شاء الله بكون موجود.....ان شاء الله..اوكي في امان الله..
يدش طالب....
الطالب:سلام عليكم..
عبدالله:وعليكم السلام..
الطالب:دكتور عبدالله انا اليوم مااقدر احضر محاضرتك..
عبدالله:ليش؟
الطالب:دكتور ولدي تعبان ومتصلين فيني من المستشفى فأنا مضطر اني اروح..وجاي استأذنك لأن الشباب قالوا لي انك ماترضى حد يتغيب الا بعذر او يستأذن..
عبدالله:اسمك؟
الطالب:سعيد..
عبدالله:مرة ثانية ياسعيد لصادفك نفس الظرف اتصل فيني على المكتب وانت بالمستشفى..لاتأخر على ولدك..وروح وطمنا عليه..
سعيد:مشكور دكتور..في امان الله..
عبدالله:في امان الله..
الساعة 2 في بيت بوراشد....
شيماء(تقعد):شبعت..احس اني كليت واايد..
شمة:عاد انا خفيفة الحمدلله..
راشد(ييهم):السلام عليكم..
البنات:وعليكم السلام..
راشد(يقعد):وين امي وابوي؟
شمة:راحوا يرقدون..
راشد:انزين اخبار الدوام وياكم؟
شيماء:ماتدري يابوعيسى ان خواتك فنانات..
راشد:بشنو؟
شيماء:اليوم مشرفة الانشطة قالت لنا ان في مسابقة أفضل مسرحية على مستوى المدارس..
راشد:مسرحية وشو؟
في بيت بوسليمان...الساعة 4 ونص وديمة قاعدة تاكل وخواتها يطالعون تلفزيون...وامها تسولف في التليفون...يدخل حمد....
حمد:اقول وديمة خذتي ثقافة؟
وديمة:أي خذته في الصيفي..
حمد:عند من ماخذه؟
وديمة:واحد اسمه شعيب..
حمد:زين؟
وديمة:أي زين..بس ادرس معاه اول بأول ولا بتضيع وياه..ليش ماخذ المادة؟
حمد:أي..
وديمة:وانت الله يهداك ليش ماخذ هالمقرر في الخريف جان ماخذه صيفي كان اريح لك..
حمد:واحد من الربع ماخذه خذته وياه..
وديمة:وشنو منزل بعد؟
حمد:انا غيرت تخصصي..
وديمة:بعد؟؟..وشمسجل؟
حمد:مسجل رياضة..
وديمة:وليش يعني؟
حمد:اسهل واريح من الباقي..
وديمة:يعني بديت في التخصص؟
حمد:لا الكورس الجاي..
ام سلمان(تسك التليفون):ماتبي تغدى؟
حمد:لا تغديت ويالربع..وين ابوي؟
ام سلمان:ابوك طلع راح المستشفى..ايش بغيت منه؟
حمد:بغيت فلوس..جيبي فاضي..
ام سلمان:لجى بالليل قوله..رحت الجامعة؟
في العيادة...
في غرفة فارس يتكلم في التليفون مع واحد من ربعه...يتبطل الباب وفارس عينه على الباب...يشوف هدى داشة وياابوها وامها.....
فارس:اقول سعود بحاجيك عقب..ياللا مع السلامة..هلا هدى..(يمد يده)..أبي سلام حااار..
هدى(صافحته بقو)
فارس:اشلونج؟
هدى:انا زينة..
فارس:احسن من قبل؟
هدى(تهز راسها)
فارس:حياكم قعدوا..
قعدوا...
فارس:طمنوني عن هدى؟
بوهدى:الحمدلله دكتور حالتها وايد احسن من قبل..وهذا بفضل رب العالمين ثم انت..
فارس:تاخذ ادويتها؟
هدى:أي آخذهم كلهم..
فارس:شاطرة..انزين تعالي معاي علشان اشوف اشلون صرتي..
في مكتب فهد....
فهد:يعني جاهزين للأفتتاح؟
محمد:أي نعم جاهزين..
فهد:أحمد ماوصل؟
عبدالله:اتصلت فيه وقالي بالدرب..
احمد(يدش):السلام عليكم..
الجميع:وعليكم السلام..
ويسلمون عليه...
فهد:بشر يااحمد..
احمد:كل شي اوكي..واتفقت معاهم وان شاء الله خلال يومين بيوصلون..والبضائع في منها جبتها معاي والباقي في الشحن بيوصل ان شاء الله السبت..
فهد:ممتاز..
خالد:جذي نقدر نرتب امورنا لين الخميس الجاي كل شي بيكون جاهز..
احمد:ان شاء الله..بس ايش صار على الديكور؟
عبدالله:استعنا بمهندس ديكور شركتهم وساعدنا..وان شاء الله لين الثلاثاء الجاي بيكون جاهز..
محمد:بيكون خوش مكان..اعتقد كل الشباب بيوون هناك..
فهد:وانا عندي لكم مفاجأة..
محمد:شنهي؟
فهد:مب الحين..ان شاء الله الخميس بتشوفونها..
خالد:أي خميس فيهم؟
فهد:هالخميس ان شاء الله..وابيكم كلكم تحضرون..بس ان شاء الله تعجبكم..
أحمد:في شي بقى بعد ولا خلاص؟
خالد:مااعتقد في شي بعد..
احمد(يقوم):عاد انا سمحولي مضطر امشي لأني تعبان من السفر وابي ارد البيت اريح..
عبدالله:تبيني اوصلك؟
احمد:لا..ولد عمي برع ينتظرني..ياللا في امان الله..
الجميع:في امان الله..
وخلال اسبوع...تصير أحداث جديدة بإسبوع جديد....يوم الاثنين...في مدرسة البنات...الساعة 10 ونص...في غرفة مشرفة الانشطة....
هند:يابنات هذي كاتبة المسرحية الدكتورة سارة..هي دكتورة بالجامعة..وان شاء الله لتخرجتوا من الثانوية بدرسكم..مسرحيتها جاهزة..وطبعنا لكل وحده منكم نسخة..ومجهزين ادواركم..بس في احتمال تغيير بالادوار اذا وحده ماقدرت تسوي دورها عدل..
وصارت توزع عليهم السيناريو....
هند:والحين الدكتورة سارة حابه تتكلم معاكم..
سارة:في البداية حابه اقولكم اني متفائلة ان هالمسرحية راح تكون الاحسن بإذن الله اذا حطينا يدنا بعض وتعاونا راح نكون الاحسن..ابي منكم في البداية..انكم تقرون النص عدل وتحاولون في البيت تلعبون الدور شوي شوي..تشوفون نفسكم اشلون..ويوم الثلاثاء اللي هو باجر ان شاء الله راح نتجمع علشان نبدأ شغل..اليوم راح نتفق على ساعات البروفة وشالي راح نسويه بالضبط..اللي اعرفه ان عندكم نص ساعة فسحة..بس طبعا هذا مايكفي..فاأنا اتفقت ويامس هند ان راح نقعد مع بعض من الساعة 6 وربع الصبح نبتدي لين الساعة 8 ونص..ونكمل من 1 لين 3ونص..او إن نبتدي من 1 ونص لين 5 ونص..ايش قلتوا؟
وصاروا البنات يتناقشون فيما بينهم....
شيماء:انا برايي نبدأ من الوحدة لين الست..
سارة:ست لا..احنا مانبي الدنيا تظلم علينا وانتوا برع البيت..أقصى شي خمس ونص..هاا ايش قلتوا؟
منيرة:مس انا اقول نبدا من الوحده ونص لين الخمس ونص احسن مرة وحده..
سارة:هاا بنات ايش قلتوا؟
شمة:اوكي..
هند:هاا بنات خلاص متفقين؟
البنات:يس مس..
سارة:حلو..راح تاخذون ورقة من مس هند وتعطونها لأولياء اموركم علشان يوقعون موافقتهم على قعدتكم بالمدرسة هالمدة واشتراكم بالمسرحية..بس طبعا انا ابي منكم شغله..واتمنى انكم تسوونها..ابيكم تركزون على دراستكم..ماابي ولا وحدة منكم المسرحية تأثر على دراستها وعقب ينزل مستواها..وتصير مشاكل بين المدرسة واولياء الامور..فعلشان جذي اللي من البداية ماتقدر على هالشي تنسحب من البداية احسن..فكروا في الموضوع وناقشوا اهاليكم..وان شاء الله اشوفكم باجر..
هند:حد عنده سؤال بنات؟
شيماء:يس مس..آي هاف كويسشن..
هند:شنو شيماء؟
شيماء:بالنسبة للخلفيات..من موسيقى وهالشغلات شنو؟
سارة:انا سبق وخبرت مس هند ان هالشي بيكون علي..لاتحاتون ..وان شاء الله بيكون جاهز باجر وياكم في البروفة..(قامت)..ياللا انا استأذن لأن عندي محاضرة عقب ساعة..ياللا بنات مع السلامة..
في الجامعة....




في قاعة من قاعات الجامعة...قاعدة وديمة والبنات ينتظرون دخلة الدكتور....شيخة قاعدة تفرفر في هالاوراق..ووديمة قاعدة على طاولة الدكتور...وهي تشرب عصير وتقلد....
وديمة:شيخوه شوفي..
شيخة:ايش تبين؟
وديمة:شوفي الدكتور اشلون يتكلم..احم احم..سمعوني يابنات..اح اح..يكح..اليوم راح اعطيكم كويز انا ادري انكم مادرستوا له..بس انا ابي اعرف الشاطر والكسلان..زين يابنات..واللي تجيب فيه صفر من الحين اقولها ماراح تنجح في المقرر..(البنات يضحكون على نبرة صوت وديمة وهي تقلد الدكتور)..زين يابنات..(توقف وهي تضرب على الطاولة بيدها)..ماابي اسمع حشرة شنو انا قاعد بخليه نحل..زين يابنات..(البنات يضحكون ويطالعون الباب وديمة لفت الا حصلت الدكتور واقف اخترعت)..دكتور!!
الدكتور:جان كملتي؟
وديمة:هاا..انا آسفه دكتور..صدقني آسفة..
البنات يضحكون....
الدكتور:ماشاء الله زين وتقلدون الدكاترة بعد..ياللا اشوف كل واحد يقعد مكانه وماابي اشوف أي مشروب على الطاولة..بسرعة..
وديمة(قعدت مكانها وهي تساسر شيخة):شيخوه ليش ماقلتي لي ان الدكتور واقف..
شيخة:هو اشر علينا مانقولج..
وديمة:نعم!!..الله ياستر ليحطني في باله..بموت من الخرعة..
الدكتور:ماابي اسمع حد يتحجى..
بعد المحاضرة...وديمة تلحق الدكتور...
وديمة:دكتور..دكتور شاهين..دكتور شاهين..
الدكتور:نعم؟
وديمة:دكتور تكفى ابي اكلمك..
الدكتور:تعالي لي المكتب..
وديمة:الحين؟
الدكتور:أي..
وراحوا جميع مكتبه ووديمة ميتة من الخوف....
الدكتور:خير؟
وديمة:دكتور انا..انا آسفة على اللي سويته انا ماكنت اقصدك انت..اقصد دكتور ثاني..
الدكتور:ومن هالدكتور؟
وديمة(تطالع شيخة ومترددة):واحد درسني من قبل..
الدكتور:اي شسمه؟
وديمة:اسمه...اسمه دكتور احمد عبدالعزيز..
الدكتور:وليش تقلدينه؟
وديمة:كان باط جبدي يادكتور..تخيل كان معطينا بروجكت واشتغلت فيه ليل ونهار بروحي آخر شي عطاني 6 من 10 ولا بعد مرة تأخرت على المحاضرة هزأني جدام البنات..وماعطاني فرصة اوضح له سبب تأخيري قالي بعطيج اسايمنت حليه بروحج وسلميه المحاضرة الجايه ولا بعطيج غياب اسبوع..
الدكتور:وانا بعد..
وديمة(تطالع شيخة):وانت بعد شنو؟
الدكتور:راح اعطيج اسايمنت تحلينه وتسلمينه لي المحاضرة الجايه..
وديمة:ليش؟
الدكتور:علشان مرة ثانية ماتقلدين حد..انت تعرفين اللي قلدتيه من يكون؟
وديمة:من؟
الدكتور:هذا ولد عمتي..
وديمة(بتعجب وانصدام):دكتور أنا آسفة..
الدكتور(ابتسم):مع اني اندهشت بتقليدج له..فعلا كأن هو اللي واقف جدامي..تنفعين تمثلين..
شيخة:دكتور خالها ممثل..
الدكتور:من؟
وديمة:عيسى بدر..
الدكتور:عيسى بدر خالج؟..ماشاء الله عليه رهيب..
وديمة:انزين دكتور ليش الاسايمنت..حرام عليك..
الدكتور:علشان مرة ثانية ماتسوون هالحركات..الحين لو صايدج وشايفج تقلدينه..تدرين ايش بيسوي فيج؟
شيخة:انزين دكتور سامحها هالمرة..
الدكتور:لا..بتسوين الواجب يعني بتسوينه..وابي تسلمينه عقب باجر..اول ماادش عليكم اشوفه جدامي..
وديمة(ماعجبها):زين..وشنو هو؟
الدكتور:بطرشه لج على الايميل..
وديمة(وهي رايحة):الله يسامحك..
الدكتور:طلبي من ربج المسامحة اغتبتي الريال وخذى حسناتج..
وهم رايحين صوب المواقف....
وديمة:شالي حدني اقلد..صج شيخوه سخيفة..ليش ماخبرتيني انه واقف..
شيخة:تبينه يبهدلني..
وديمة:اوووف..(تطلع تليفونه)..خلني اشوف من بياخذني..ان شاء الله مب خالد..لو درى بيشرشحني..
شيخة(يرن تليفونها):آآلو..هلا والله...اي خلصت انت وينك؟...صج ياللا كاني جايه..باااي..
وديمة:ريلج برع؟
شيخة:أي..
وديمة(تشوف تليفونها):هذا خالد..الله ياستر..
شيخة(تلبس النقاب):ياللا ودوم انا رايحة تبين شي؟
وديمة:لا..بوسي لي رشودي..
شيخة:ان شاء الله..ياللا باااايات..
وديمة:بااايات..آلو هلا خالد...عند الباب..ياللا بجي..الله ياستر..





عرفنا أحداث كثيرة..

بس ياترى شالي بيصير بين وديمة ودكتورها؟؟

وشنو الجديد في حياتها؟؟

ومسرحية التوم؟؟

وأحداث عن حياة فهد..

وعلاقة خالد وحمد؟؟

والكثير من الشخصيات..

تابعوني بفصل جديد..وبحدث مشوق..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 30-12-2013, 10:24 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


" فصل الـ 23 "





تركب السيارة...
وديمة:السلام عليكم..
خالد:وعليكم السلام..(يسوق)..اخبار الدراسة اليوم؟..ايش عطوكم..
وديمة:احم..مثل كل مرة..
خالد:واحد من الشباب يقولي ان الدكتور شاهين وايد اوكي..بس يحب الطلبة الشطار..كل ماالطالب يشارك وياه اكثر كل مايعطيه درجات اكثر..
وديمة:أي بلا باين..
خالد:اشفيج؟
وديمة(مترددة تقول):بقولك شي بس لاتعصب..
خالد:شمسوية بعد؟
وديمة:بس لاتعصب..
خالد:قولي اشوف..
وديمة:اليوم قبل محاضرة الدكتور شاهين..كنت قاعدة ويالبنات اقلد دكتور احمد..
خالد:انزين..
وديمة:جان دكتور شاهين يدش ويشوفني وانا ماحسيت انه دش..وشافني..وعصب..
خالد:وبعدين؟؟
وديمة(تبلع ريقها):وعقب رحت له المكتب واعتذرت منه..لكن قالي بيعطيني اسايمنت احله علشان مرة ثانية مااسوي اللي سويته..
خالد:تستاهلين..انت المفروض الدكتور يسحب خمس من درجاتج..علشان مرة ثانية توبين وماتسوين هالحركات..عيب عليج..انت ماتستحين تسوين هالحركات..
وديمة:انا قلت لك لاتعصب..
خالد:لا بعصب ونص..وانت ايش لج بالدكاترة..
وديمة:مقهورة من اللي سواه فيني..
خالد:ياسلام..
وديمة:ولا بعد قالي ان الدكتور احمد يصير ولد عمته..
خالد:ليش انت ماتعرفين؟
وديمة:وانا ايش دراني..
خالد:وشنو هالاسايمنت اللي عطاج؟
وديمة:ماادري قال بيطرشه على ايميلي..
في بيت بوراشد...في غرفة التوم....
شيماء:بصراحة شموه تهبل المسرحية..دوري يبيله من قلب..
شمة:وانا بعد..دور البنت الفقيرة..وايد صعب..
شيماء:عاد احنا ادوارنا عكس بعض..انا المتكبرة وشايفة عمري على الناس بفلوس ابوي..وانت الفقيرة اللي ماعندج شي..يااااربي دورج يعور القلب..عاد هذي يبيلها ذيج الموسيقى اللي سمعناها في التصميم اللي سواه شيخ الشباب تذكرين؟
شمة:أي اذكر..بس ماادري هي ايش بتحط..
شيماء:من مسرحيتها تفتح النفس..ماادري عبير بتكون وياي..
شمة:مو مهم..لاتنسين كلام مس هند..
شيماء:اقولج حليتي هومورك الماث؟
شمة:لا..وانت؟
شيماء:بديت فيه..والفيزيك؟
شمة:أي خلصته..
شيماء:انزين كم طلعت لج النتيجة النهائية؟
شمة:290..
شيماء:اشلون؟
شمة:وايد ايزي..عوضي بالقانون وخلاص..
شيماء:انزين وين الفورمله عندج؟
شمة:وين مالج؟
شيماء:نسيته باللوكر..
شمة:خذيه بالملف البنفسجي..(قامت)
شيماء:وين؟
شمة:بروح اشوف رشودي..
شيماء:وواجب الماث؟
شمة:برجع..بس آخذ بريك وبرد..
شيماء:انا بخلص الفيزيك وبيي وراج..
راحت شمة صوب غرفة فارس..ماحصلتهم بالصالة...دقت الباب..مرة مرتين..جات شيخة وافتحت الباب...
شمة:راقدة؟
شيخة:لا مب راقدة..حياج..
شمة:شكلج كنت راقدة..
شيخة:كنت برقد بس راشد ماخلاني..قلت دام اني قاعدة خلني احل الاسايمنت اللي عندي..
شمة(تقعد):ياحظج خلصتي المدرسة..
شيخة:لاحقة على الهم اللي احنا فيه..
شمة:وين رشودي؟
شيخة:توه توه رقد..
شمة:لا..لاتقولين..جايه بس اشوفه..
شيخة(قعدت):تبين تشوفينه..روحي شوفيه وتعالي بس لاتقعدينه..مت لين ماقدرت ارقده..
شمة(راحت تشوفه وجات):يهبل فديت قلبه..يلعوزج؟
شيخة:اووه وااايد..
شمة:فارس راح العيادة؟
شيخة:أي..اخبار المدرسة؟
شمة:قوود..اليوم جاتنا دكتورة من الجامعة وهي اللي كاتبة المسرحية..
شيخة:أي مسرحية؟
شمة:اللي قلنا لج عنها..
شيخة:اهاا تذكرت..انزين..
شمة:ماشاء الله عليها شكلها يفتح النفس..احسها وايد اوكي..ودشت قلبي من اول مرة..
شيخة:دكتورة بالجامعة؟
شمة:أي..
شيخة:شسمها؟
شمة:اسمها دكتورة سارة..
شيخة:سارة؟؟!!
شمة:أي تعرفينها؟
شيخة:وييه اشلون مااعرفها درستني الكورس اللي طاف..ماشاء الله عليها رهيييبة..يعني صدق بتستانسون وياها..
شمة:صج؟
شيخة:أي عليها اخلاق..عجييبه..وحده محترمة..يعني ماادري شاقولج..بنات الجامعة كلهم مستخفين عليها..عاد انتوا استغلوا قعدتكم وياهم..بتستفيدون منها وايد..
شمة:شوقتيني لها..
شيخة:شنهي فكرة المسرحية؟
في غرفة وديمة...وهي تتحلطم..تاخذ تليفونها وتتصل في شيخة.....
وديمة:........آلو شيخوه..
شيخة:هلا ودوم..
وديمة:شيخوه تعالي شوفي الاسايمنت اللي معطيني اياه دكتور شاهين..
شيخة:اشفيه؟
وديمة:طويل يبي فيه 1200 كلمة..
شيخة:بااااال ايش معطيج؟
وديمة:معطيني اكتب عن العلاقات العامة..بالله عليج شاكتب عنه؟؟
شيخة:انزين خذي من النت..
وديمة:وييه عبالج بخليني..كاتب لي من غير الاستعانة بالنت..
شيخة:بااال..ايش دعوة عاد كلها تقليد يسوي فيج جذي..
وديمة:تدرين اشلون ماني مسويته..
شيخة:من صجج؟
وديمة:أي ماني مسويته..يعني ايش بيسوي؟..مايقدر ينزل درجاتي..
شيخة:اخاف يعصب عليج ولا يسوي لج سالفة..
وديمة:شنو حشى علي ماهي سالفة سويتها يعاقبني بهذا..ماني مسويته..زين ياللا روحي..باااي..
يرن تليفونها...
وديمة:آلو......كنت اكلم شيخة....اي شفته وماني مسويته.......شنو ليش انت ماشفت ايش كاتب لي فيه......معطيني اكتب عن العلاقات العامة يبي فيه 1200 كلمة..ايش دعوة...ماني كاتبته..
خالد:مب على كيفج....اشوف طرشي الايميل على ايميلي..
وديمة:الحين؟
خالد:أي الحين بسرعة..
وطرشت له..وقعد خالد يقرأ......
خالد:انزين..وايد سهل..
وديمة:خالد عاد انا اللي فيني كافيني..بروحه معطينا بروجكت وايد صعب..وليحين مابديت فيه..
خالد:يعني ماتبين تسوينه؟
وديمة:لا..
خالد:شوفي وديمو انا بعطيج فرصة لين باجر وبمر اشوفه..سمعتي؟
وديمة:خالد لاتجبرني ماني كاتبته..واللي يبي يسويه خله يسويه..اي والله..
خالد:اوكي..عيل تحملي اللي بييج..لأن الدكتور شاهين وايد عصبي..والظاهر ماشفتي وجهه الثاني..
بعد الدوام المتعب يرد فارس بيته...يدخل غرفته...يحصل شيخة قاعدة وياراشد....
فارس:مساء الخير..
شيخة:مساء الورد..
فارس:اشلونج حبي؟
شيخة:بخير ياقلبي..يعطيك العافية..
فارس:الله يعافيج..تعبااان وفيني رقاااد..
شيخة:انزين تعشى ونام..
فارس:هذا اللي ابي اسويه..انزين انا ببدل وننزل نتعشى..لاترقدين رشود لأن اخوي راشد يبي يشوفه..
ويقعدون كلهم بعد العشاء....
سلطان:لا صج صج عمي قول..ليش مسميه راشد؟
فارس:علشان ابوك..ابوك اخوي العود ويستاهل مني اني اسمي ولدي على اسمه..ابوك الله يخليه ماقصر ويانا..فيعني هذا شي بسيط مني له..
راشد(تأثر بهالكلام وهو يلاعب راشد الصغير)
سلطان:من قدك يايبه..في ناس تحبك..
شيماء:حمدلله والشكر..وانت ماتحب ابوك؟
سلطان:البنات يسكتون يوم الرياييل يتحجون..
شيماء:عدال..
سلطان:ايش تقصدين..
شيماء:سلامتك..
راشد:سلطان عيب..
سلطان:ماتشوفها..
راشد:انت اللي بديت..
تميم:وانتوا هذا حالكم كل هواش..
في الجامعة....قاعدة وديمة وهي متوترة وتفكر ايش بيقول عنها الدكتور...يدش الدكتور ويسلم...ويطالع وديمة.....
الدكتور:وينه؟
وديمة:دكتور..
الدكتور:ماابي كلام..وينه؟
وديمة(تطالع شيخة)
الدكتور:ماسويتيه؟
وديمة:لا..
الدكتور:ليش؟
وديمة:دكتور وايد صعب..
الدكتور:وايد ايش؟
وديمة(تبلع ريقها):صعب..
الدكتور(ماعطها وجه):سمعوني يابنات..الامتحان الاول بيكون يوم الثلاثاء..ذاكروا عدل..
عقب المحاضرة...
وديمة:شيخوه امشي وياي..
شيخة:عند دكتور شاهين ماني جايه..
وديمة:ليش؟
شيخة:ودوم مالي خلقه يوم يعصب..انت ماتشوفين نظراته لج..وي يمه يخرع..شنو..
وديمة:تكفين شيخوه تعالي وياي..والله لو ماقالي تعالي لي المكتب جان مارحت له..
شيخة:خذي وياج الريم..
وديمة:ريمو محد اليوم..تكفين شيخوه تعالي والله اخاف اروح بروحي..
شيخة:بانتظرج برع..
وديمة:لا..تعالي داخل..(يرن تليفونها)..هذا خالد...آلو...هلا خالد......اقولك عطاني ذيج النظرات تقول ذابحت له حد.....قالي تعالي المكتب......والله اخاف اروح......زين زين خلاص...باي..امشي شيخوه..
شيخة:ايش قالج؟
وديمة:يقولي روحي شوفي ايش يبي وتستاهلين..
وراحت عند الدكتور...دقت الباب....
الدكتور(وهو مندمج مع الكمبيوتر):نعم؟
وديمة(وهي خايفة):انا وديمة..
الدكتور:ممكن اعرف ليش ماكتبتيه؟
وديمة:دكتور وايد صعب..يعني 1200 كلمة وين اجيبها..والموضوع مايساعد..
الدكتور:انزين في رايج كم كلمة تنفع لهالموضوع؟
وديمة:يعني مب اكثر من 500..
الدكتور:انزين وين الـ 500 كلمة؟
وديمة(حست بالاحراج وسكتت)
الدكتور:مو انت تقولين بس 500 كلمة..انزين جان كتبتيهم؟..يأستي من اول مرة صح؟..الواحد ياوديمة لما في شغله يبي يسويها وهو عارف ان الوقت ماراح يساعده يقول خلاص ماني مسويه الوقت مايكفي..غير لما الواحد ينجز نص الشغلة وياخذ منه فكرة وخبرة..صح ولالا؟
وديمة:صح..
الدكتور:يعني لو انت كنت كاتبه 500 كلمة..كنت بتحصلين عليهم 5 درجات..وغير هذا كنت بتستفيدين من هالموضوع حق الجابتر الجاي..فبالتالي كنت بتشاركين وياي في الكلاس لأنج عرفتي هالمعلومات..وكنت بتحصلين درجات على المشاركة..شفتي اشلون كل هذا راح عنج؟!!
وديمة(منصدمة)
شيخة:ماشاء الله عليك دكتور حاسبها صح..
الدكتور:انا تفاجأت يوم عرفت انها ماكتبته..توقعت بتكتبه..وبتتحادني..لكن للأسف انها ماخاضت هالتجربة..خلاص ياوديمة تقدرين تروحين..وماله داعي تكتبينه..لأن المدة خلصت..هذا بس كان اختبار لج..تذكرين اول يوم دشيت عليكم؟
وديمة:أي اذكر..
الدكتور:ويوم قلتي لي دكتور المقرر صعب وشكل الكتاب مايساعد..ووايد بنات رسبوا بهالمقرر..تذكرين؟
وديمة:أي اذكر..
الدكتور:كنت بعلمج شي من اللي سويته لج..ان الواحد المفروض مايحكم على شي الا لما يجربه..يعني مثلا تخيلي معاي..واحد عنده امتحان في ثلاث جباتر..والوقت مايساعده..ياترى مايدرس كلش لأنه عارف ان الوقت مايكفي جذي ولاجذي راسب راسب..ولا يذاكر النص ويروحح الامتحان ويكتشف ان الامتحان سهل وتذكر وايد معلومات وقدر يجيب نص الدرجة..ودرجة على درجة تعطي درجات..من احسن؟..قولي من احسن؟
وديمة:اللي درس..
الدكتور:خلاص روحي ياوديمة..
طلعت وديمة من عند الدكتور وهي مفهية ومصدومة....
شيخة:بصراحة ودوم هالدكتور فلته..يعني عرف اشلون يوصلج رسالة..رهيييب..بصراحة من اليوم ورايح باحضر له وبشارك وياه..تحمست له..وبتحداه وبأجيب a..ودوم..اشفيج؟
وديمة:شيخوه انا مصدومة..كيف صار كل هذا وانا مادريت..تدرين اشلون..
شيخوه:ايش بتسوين؟
وديمة:مب قايلة لين الاحد..
ويوم الاحد....بعد المحاضرة...الدكتور ينادي وديمة....
وديمة:نعم دكتور؟
الدكتور:عندج محاضرة الحين؟
وديمة:لا..
الدكتور:انزين تعالي المكتب..
وديمة:ان شاء الله..
وراحوا المكتب....
الدكتور:انا قريت اللي كتبتيه..واندهشت..كنت عارف انج بتكتبينه وبتجبينه لي..بس ماشاء الله ابدعتي في الكتابة..وتقولين انج ماتعرفين؟
وديمة:يوم بديت فيه اكتشفت اني اعرف وايد اشياء..
الدكتور:شفتي اشلون الواحد لازم مايحكم من اول مرة..استفدتي؟
وديمة:وااايد..
الدكتور:بس طبعا انت عارفه ان ماراح اعطيج درجات..
وديمة:ادري..المهم اني سويته..والاهم من هذا كله اني بجيب في مقررك a..
الدكتور:بس انا امتحاناتي صعبة..
وديمة:مايخالف..انا بسوي اللي اقدر عليه..وبجيب a يعني بجيبه..
الدكتور(استانس):حلو..خلاص نتلاقى آخر الكورس..
والايام تركض...والرباعي يحتفلون بإفتتاح مقهاهم الشبابي..ويشغلون وقتهم بالقعدة في الكوفي شوب مالهم..وماتوقعوا عدد الزباين اللي يزداد يوم ورى يوم....وفي يوم من الايام..واحد من الزباين طلب طلب..
خالد:لا والله ماعندنا..
الزبون:الحين صارفين صرف على المكان ومسوي دعاية وماعندكم شيشة؟؟!!..يعني حتى السجائر ممنوعة!!
محمد(احتر):لأن المكان نظيف..ومب حابين نوصخة بالسجائر والشيشة..
الزبون:أي بس هالاشياء صارت عادية..يعني امور مهمة في الحياة..الواحد مايقدر يستغنى عنها..
محمد:بس احنا قادرين نستغنى عنها..
الزبون(يقوم):قوم ياريال خلنا نروح مكان ثاني..ايش دعوة لاسجائر ولاشيشة..بسجن قاعدين..قوم الله موسعها علينا..
وراحوا....
محمد:صج يبط الجبد شوي وكنت بصفقه كف ينسى امه..
خالد:وانت ايش تبي في امه..كيفه هو الخسران..
يجيهم واحد من الزباين...
الزبون:يعطيكم العافية..
الجميع:الله يعافيك..
الزبون:انا حبيت بس اقولكم ماعليكم من هالاشكال..ترى انا كنت واحد مدمن سجائر..وماكنت اقدر اتركه..لكن من يوم ماجيت هالمكان وعرفت انه ممنوع..حاولت اضغط على عمري ان اكون زبون دائم علشان مااتعود على السجائر والحمدلله صرت الحين ناااادر ماادخن وان شاء الله تاركه للأبد..انتوا مجرد انكم منعتوا هالشي هذا وايد يساعدنا..ياليت اماكن ثانية تسوي هالشي..
محمد:انت حمستني..مشكور..
الزبون:انتوا اللي مشكورين..
ويدخلون داخل...وتكون في طلبية على الباب...يروح خالد ويسلمه الطلبية...
الزبون:خذ الباقي لك..
خالد(فج عينه):انت شايف شكلي؟
الزبون:مو انا مستغرب واحد بمظهرك قاعد يعطيني الطلبية..
خالد:لو سمحت..خذ فلوسك..انا صاحب المكان..
الزبون(مندهش):انت صاحب هالكافيه؟!!
خالد:أي نعم..
الزبون:وتجيب الطلبية بنفسك؟
خالد:أي نعم..فيها شي؟
الزبون:أي بس هذي ماهي شغلتك؟
خالد:بس اللي سويته عيب؟
الزبون:لا..
خالد:خلاص دام مب عيب يعني عادي..مب معناته اني مدير ولا صاحب المكان يعني حراام اسوي هالشي واقعد بمكتبي اتأمر..انا استانس يوم اسوي هالشي..
وراح الزبون وهو مستغرب تصرف خالد..
الساعة 2 ونص الظهر..في مدرسة البنات.....
سارة:شمة ابيج تحاولين تبدعين وايد بهالمشهد..يعني جنج تبجين صج..ابيج تبينين للناس قوة هالمشهد علشان يتأثرون..بيني لهم انج فقيرة وماعندج تشترين..بيني هالشي من ملامح وجهج ودموعج..
شمة:ان شاء الله مس..
هند:ياللا بنات خذوا بريك وتعالوا نتغدى..
والكل التم حول الغداء..وقعدوا يتغدون..عقب الغداء....
سارة:بصراحة يابنات انا وايد مستانسة معاكم..وصج ماني متحسفة اني سويت هالمسرحية لأنكم ماشاء الله عليكم موهوبات بمعنى الكلمة..ابيكم جذي وأكثر..
شيماء:أفاا عليج يامس..بنفوز يعني بنفوز..
سارة:هي المسائلة ماهي فوز وبس ياشيماء..لازم نحاول بهالمسرحية نوصل رسالة للناس..
في بيت عبدالله...
عبدالله يرد من المسجد....
عبدالله(يقعد):يمه شفت منصور ولد عمي بالمسجد وقالي ان ابوه تعبان ومرقد بالمستشفى..
ام عبدالله:اشفيه؟
عبدالله:يقول تعب عليهم وودوه المستشفى ويقولون ارهاق ماادري وشو..
ام عبدالله:بتروح له؟
عبدالله:انت شتقولين؟
ام عبدالله:هذا عمك مهما سوى وبعدين زيارة المريض واجبه..
عبدالله:خلاص عقب المغرب بروح له..
وديمة قاعدة تدرس بغرفتها يجيها خالد....
خالد:قوة..
وديمة:الله يقويك..
خالد:عندج امتحان باجر صح؟
وديمة:اي..
خالد:وكم بتجيبين؟
وديمة:علامة كاملة..
خالد:قولي ان شاء الله..
وديمة:ان شاء الله..
خالد:انزين قومي ريحي ربع ساعة ونزلي معاي..
وديمة:وين؟
خالد:تحت بالصالة..امشي..
ونزلت وياه..وكانت امهم والبنات قاعدين....
وديمة:اشوف ليلى عندنا..
ليلى:ليش غريبة؟
وديمة:لا يعني احنا مانشوفج وايد..مع ان بيتج قريب منا..
ليلى:شسوي مااحصل حد يوصلي..
وديمة(تلم خالد):فديت هالفيس..انت حلو..
خالد:انت بعد حلو..
وديمة:يقولون حلوة..
خالد:انت حلوة..
وديمة(تبوسه):فديتك تهبل..انا احبك واااايد..
خالد:انا بعد احبج واااايد..
وديمة:ليش ماجيت فوق عندي؟
خالد:خالي خالد ماخلاني قالي انت عندج دراسة..
وديمة:انزين قولي تروح المدرسة؟
خالد:اي..
وديمة:من يدرسك رياييل مثلك ولاحريم مثل امك؟
خالد:حريم..
وديمة:تحب مدرساتك؟
خالد:احب مس هالة وايد..
وديمة:ليش؟
خالد:لأنها دايما تسلم علي وتعرف اسمي بعد..
خالد:ودوم اكلي فاكهة..
وديمة:مااشتهي..
ام سلمان:لازم تاكلين انت عندج امتحان..هذي كلها فيتامينات..
وديمة:انزين باكل..خلودي تاكل وياي؟
خالد:اي..
وديمة:ياللا نااااكل...اممم...ناخذ موز وكيوي..زين؟
خالد:زين..
في المستشفى....
عبدالله:سلامات ماتشوف شر..
ناصر:الشر ماييك..غريبة انك زايرني..
عبدالله:انت عمي ولازم ازورك..
ناصر:عمك وتسوي فيني جذي؟
عبدالله:ليش انا ايش سويت؟
ناصر:رحت فصلت الشراكة اللي بينا..وبعت نصيبكم على ناس انا مااعرفهم..
عبدالله:انا مالي خلق هالاشياء بعتهم علشان ارتاح واتفرغ حق شغلي الاساسي..
ناصر:جان خليتهم مثل ماهم..
عبدالله:مااقدر..لأن الظاهر ماحنا قادرين نتفق على شي..فبيعتهم وايد احسن لي ولك..
ناصر:انت تدري ان طيحتي هذي بسبتكم؟
عبدالله(مسك اعصابه):عمي انا بقولك شي..صدقني لو انت ماتفكر بنصيبنا وتفكر بفلوسك وعيالك وبس صدقني بتشوف حلالك يتبارك وانت ماتدري عنه..(يقوم)..طهور ان شاء الله..مع السلامة..
وطلع..
ناصر:عبود هالصغير يقولي هالكلام؟؟
منصور:يبه تبي الصج عبدالله ماقال شي غلط..يايبه انت ماشاء الله عليك عندك فلوس..واحنا عيالك ماعلينا قصور كل واحد فينا يشتغل وعنده راتب..اتركهم يعيشون حياتهم من غير مشاكل..
ناصر(عصب):ليش انا اللي معيشهم بمشاكل؟..اسكت بس اسكت..
في الكافيه...عبدالله قاعد يشرب وياخالد...
خالد:اشفيك؟
عبدالله:يااخي انا كل مااشوف عمي لازم يغثني بجم كلمة..
خالد:وشالي وداك له؟
عبدالله:مرقد بالمستشفى ورحت ازوره..بعد هو عمي مااقدر ماااروح له..
خالد:ليش ايش قالك؟
عبدالله:يقول احنا السبب في طيحتها بالمستشفى..
خالد:اترك عنك هالحجي وماعليك منه خله يقول لين مايشبع..تصدق هالراب الاسلامي اللي معطينا اياه فهد عجيييب..صج معيشنا جو ثاني بالمكان..
عبدالله:عاد فهد ماشاء الله عليه ماعليه قصور..كانت مفاجأته قوية..على الاقل احسن من الاغاني والموسيقى..بنقعد ناخذ آثام الناس كلها..
في الجامعة...في القاعة مابقت الا وديمة وشيخة تبي تقوم بس تنتظر وديمة...
شيخة(تقوم وتسلم الورقة)
الدكتور:ايش سويتي؟
شيخة:دكتور وايد صعب..
الدكتور:انا قلت لكم ذاكروا عدل..اللي مركز معاي بالمحاضرة ويقرأ الكتاب عدل راح يعرف كيف يحل الامتحان..الوقت خلص..وديمة سلمي الورقة..
وديمة(قامت وسلمت الورقة)
الدكتور:هاا وديمة ايش سويتي؟
وديمة(لفت عنه وراحت تحط اغراضها بالشنطة)
الدكتور(عرف عدم ردها ايش معناته):شنو صعب؟؟
وديمة(وهي رايحة صوب الباب):انت ايش رايك دكتور؟
الدكتور:اللي دارس سهل..
وديمة:دكتور لاتستغرب اذا رسبت عندك..
الدكتور:ردينا مرة ثانية؟
وديمة:اي ردينا..دكتور ولا اقول خلني ساكتة..انا باطلع..
في السيارة....
خالد:بشري؟
وديمة:من وين البشارة واللي يدرسني دكتور شاهين..ايش دعوة احنا بروفيسرية يعني؟
خالد:كان صعب؟
وديمة:مااااي..
خالد:سهل؟
وديمة:ماي بسم..
خالد:معصبة..
وديمة:شنو هذا امتحان؟؟..عاد لاتستغرب ان رسبت..
خالد:لا باستغرب ونص..ومب احسن لج بعد..
وديمة:انزين روح شوف الاسئلة وتعال عقب قولي هالحجي..
ردت البيت وحاولت تنام وتنسى الامتحان..
في بيت بوراشد...البنات يردون البيت تعبانيين.....
ام راشد:ولي متى بتظلون تأخرون بدوامكم؟
شمة:لين مانخلص..
ام راشد:ودراستكم؟
شيماء:لاتحاتين يمه بناتج شطار..بروح اغير ملابسي..
ويوم راشد وفارس يردون من العيادة...
ام راشد:اقول راشد..
راشد:خير يمه؟
ام راشد:الحين خواتك يتأخرون ماادري شيسوون في المدرسة مايخرب على دراستهم..وباجر يرسبون ويسوودون وجيهنا؟
راشد:لاتحاتين يمه انا متابع وياهم..
شيماء:السلام عليكم..
الجميع:وعليكم السلام..
راشد:وين شمة؟
شيماء:الحين بتيي..
راشد:انزين تعالي ابيج..
شيماء(قربت):شنو؟
راشد:قعدي..
شيماء(قعدت)
راشد:اشلون المسرحية؟
شيماء:لو يصير جان قلت لك تعال شوفنا..روووعة..انا وايد مستانسة..احس ان الدور لايق علي..بس والله التمثيل يبيله..متعب..
راشد:والدراسة؟
شيماء:وووع..اليوم كان عندنا كويز بالماث..
راشد:وايش سويتي؟
شيماء:زين..
راشد:وليش تقولين ووع؟
شيماء:ماداني الدراسة..
راشد:هالجملة ماابي اسمعها..هالسنة آخر سنة لج..ابيج تشدين حيلج علشان تدشين الجامعة..
شيماء:ان شاء الله..
راشد:لوزعت عليكم اوراق الكويز جيبيه..
شيماء:ان شاء الله..
شيخة تنزل وتقعد جنب فارس....
شيخة(تساسره):قوة حبي..
فارس:الله يقويج حبيبتي..اشلونج؟
شيخة:تمام..
فارس:وين راشد؟
شيخة:نايم..
في الجامعة...في غرفة عبدالله..يدش طالب من طلابه...
الطالب:السلام عليكم..
عبدالله:وعليكم السلام..
الطالب:دكتور انا جاي اشوف درجتي في الامتحان..
عبدالله:اي سيكشن؟
الطالب:54..
عبدالله:ليحين ماخلصت..
الطالب:انزين دكتور انا مسافر وبغيب اسبوع عن الجامعة..فكنت ابي اعرف درجتي..
عبدالله:شاسمك؟
الطالب:فواز..
عبدالله:اقعد خلني اشوف يمكن صلحت ورقتك..(يدور)...للأسف ماجبت اوراقكم..انزين انت متى مسافر؟
الطالب:الليلة..
عبدالله:لصلحت ورقتك بطرش لك الدرجة على الايميل..تقدر تفتح ايميلك؟
الطالب:اي اقدر..
عبدالله:خلاص انتظر خلال الليلة او باجر الصبح باطرش لك درجتك..
الطالب(يقوم):مشكور دكتور..
عبدالله:تروح وترد بالسلامة..
صوب البنات...
وديمة:خلاص بموت بموت من الجوع..مااتحمل..(قعدوا)..شيخوه ايش تبين؟
شيخة:ابي كروسان جبن وياعصير فراولة..
وديمة:وانتي ريمو؟
الريم:انا ابي كروسان زعتر وكوكتيل..
وديمة:اغراضي عندكم مو تروحون..
وهم ياكلون.....
الريم:الله ياستر اليوم بيوزع علينا دكتور شاهين الدرجات..
وديمة:افكر اغيب..
شيخة:علشان ماتشوفين درجتج؟
وديمة:اي..انا حاسة اني راسبه..
شيخة:حمدلله والشكر..مو جنه الدكتور معطيها محاضرة قبل..
وديمة:لا جد قولي الامتحان ماكان تعجيزي؟
شيخة:لا..
وديمة:شنوو؟؟
شيخة:مب لهالدرجة..صج كان صعب ..بس مب تعجيزي..
وديمة:بنشوف كم بتجيبين..
شيخة:بنشوف..انا راضية بأي نتيجة..لأني دارسه عدل لإمتحان..
وديمة:وانت ريمو؟
الريم:انا درست بس ماذبحت عمري دراسة..بس الله ياستر..
وديمة:تكفين ريمو لخذتي الدرجة بشري..اذا مب ذاك الزود مب مداومة باجر..
شيخة:مب جايه باجر؟
وديمة:بيي بس مب حاضرة له..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 30-12-2013, 10:28 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


متابعة فصل الـ 23





في المحاضرة...الدكتور يوزع الاوراق...
الدكتور:وديمة عبدالرحمن..وديمة..
شيخة:دكتور وديمة محد..
الدكتور(مستغرب):غايبة؟
شيخة:اي غايبة..
وكمل الاسامي...وعقب جاته شيخة....
شيخة:دكتور درجتي اوكي ولا لا؟
الدكتور:انت جبتي 15 ونص اوكي..بس شدي حيلج في الامتحان اللي بعده وجيبي اعلى..
شيخة:انزين دكتور اقدر اشوف درجة وديمة؟
الدكتور:هي ليش ماجات اليوم؟
شيخة:ماادري عنها بس هي قالت لي خذي درجتي..
الدكتور:هي مريضة؟
شيخة:لا..
الدكتور:خلاص قولي لها تبي الدرجة خلها تيي المكتب وتشوف ورقتها..
عقب ماراح الدكتور...تي وديمة...
وديمة:قولي اشوف كم خذتي؟
شيخة:انت قولي..
وديمة:امم 20؟
شيخة:لا..تطنزين؟
وديمة:انزين امم..15؟
شيخة:ونص..
وديمة:قولي والله؟
شيخة:والله..
الريم:ماشاء الله عليج شيخة..زينة درجتج..
وديمة:وتقولين ماادري وشو..رشود مايخليني..عيل هذا شنو؟؟
شيخة:ذكري الله..
وديمة:ماشاء الله ماشاء الله..انزين قولي انا كم جبت؟
شيخة:انت راسبة مع مرتبة الشرف..
وديمة:كنت متوقعة..يعني كم جبت؟
شيخة:ماادري الدكتور قالي مايصير تشوفين الدرجة..
وديمة:يعني انا مب راسبة؟
شيخة:ايش دراني..يقول ليش ماجات مريضة؟
وديمة والريم يضحكون...
وديمة:وايش قلتي له؟
شيخة:قلت له ماادري..قالي خلاص اذا تبي درجتها خلها تيي تشوف ورقتها..
وديمة:ماني رايحة..
شيخة:روحي يالذكية على الاقل تعرفين درجتج وتشدين حيلج في الامتحان اللي بعده..
وديمة:ماابي..
الريم:روحي ودوم..
وديمة:والله اخاف اكون راسبة ويزفني..
شيخة:انت روحي شوفي..
وديمة:انزين تييون معاي..
الريم:بنيي..
وديمة:وانت؟
شيخة:بيي..ياللا امشي..
ويروحون عند الدكتور..وديمة تدق الباب...
وديمة:السلام عليكم..
الدكتور(يرفع راسه):وعليكم السلام..
وديمة:......
الدكتور:خير وديمة؟
وديمة:دكتور...جايه أشوف درجتي..
الدكتور:وليش ماحضرتي؟
وديمة(وهي مستحية):بصراحة...انا..خايفة..
الدكتور:من شنو؟
شيخة:دكتور هي رايحة رادة انا راسبة في الامتحان..
الدكتور:وليش متوقعة انج راسبه؟
وديمة:دكتور الامتحان كان تعجيزي..
الدكتور(استغرب):تعجيزي مرة وحده..ايش دعوة معطيكم اوراق طلبة الماستر وانا ماادري..قولي لي شيخة الامتحان كان تعجيزي؟
شيخة:تبي الصج لا..هو كان صعب بس مب تعجيزي..
الدكتور:وانت الريم؟
الريم:امم..بصراحة يعني انا راسبة في الامتحان فبالتالي اكيد بيكون صعب..
الدكتور:انت مادرستي..قولي وديمة انت درستي للأمتحان؟
وديمة:اي..
الدكتور:اشفيج ساكتة وخايفة؟
وديمة:خايفة من الدرجة..
الدكتور فتح الظرف وقعد يدور على ورقتها ووديمة ميتة من الخوف وقلبها يدق يدق....
الدكتور:هاج هذي ورقتج..
وديمة(تاخذ الورقة وهي ترتجف تشوف الدرجة تنصدم):مستحييييل..لا..مايصير..
شيخة والريم يقربون يشوفون الدرجة..
وديمة:ماابي ليش جي درجتي؟
الدكتور:هذي دراستج انا شسوي..
وديمة(تصيح)
شيخة:ودوم تصيحين علشان الامتحان..
الريم:حمدي ربج ماانت راسبه مثلي..
وديمة(تصيح)
شيخة:ياللا عاد ودوم مسحي دموعج مايسوى علينا هالامتحان..
الدكتور:وديمة..
وديمة:.....
الدكتور:وديمة حاجيني..
وديمة(مسحت دموعها)
الدكتور:ليش تصيحين؟
وديمة:علشان الدرجة..
الدكتور:انت كنت متوقعة ترسبين..مو جذي؟
وديمة:.......
الريم:حمدي ربج ناجحة..
الدكتور:سمعي كلام الريم..من خذت درجتها ولااهتمت ولاشي..
الريم:احم..دكتور عاد مااقعد اصيح علشان امتحان..
الدكتور:شوفي وديمة..هذي دراستج وهذي نتيجتج..يعني 12 ونص يمشي الحال احسن من الرسوب..وشدي حيلج في الامتحان الجاي..
وديمة:مااابي..ابي اعيد الامتحان..
الدكتور:مايصير..مستحيل اعيده..
وديمة:شنو آخذ 12 ونص..
الدكتور:لاتنسين انج مازلتي تعطين نفسج رسائل سلبية..انا راسبة في الامتحان وماحضرتي المحاضرة لأنج متوقعة رسوبج..لازم تبنين جدامج الهدف عدل علشان تقدرين تنجزين وتوصلين له..شدي حيلج في الامتحان الجاي وخلينا نشوف ال20..
وديمة:اي بلا 20..
شيخة:توه الدكتور ايش قاعد يقول..
الدكتور:ماكو فايدة..حاولي تقنعينها شيخة..(قام)..انا رايح عندي محاضرة في البنين..فكري عدل وذاكري عدل..
بعد ثمانية اياام....يقرر عبدالله موعد الزواج في اجازة الربيع بتاريخ 15-1...واحمد مازال يبحث عن شريكة حياته...وخالد يفكر بهالموضوع بس يحتفظ فيه لنفسه...
في عيادة راشد وفارس....الساعة 9 الا ربع يروح راشد غرفة فارس...
راشد:يعطيك العافية..
فارس:الله يعافيك..
راشد:خلصت؟
فارس:أي خلصت وانت؟
راشد:أي خلصت..ابيك بسالفة..
فارس:انزين خلني امشي الموظفين وبجيك..
وعقب ماراحوا...
فارس:خير ياراشد؟
راشد:انت عارف الاوضاع اللي صايرة في غزة..
فارس:أي عارف..
راشد:قاعدين يشوفون تبرع من الاطباء يروحون هناك علشان يعالجون المرضى ويساعدون...انا رشحت نفسي ورايح معاهم..
فارس(مصدوم)
راشد:ليش تطالعني جذي؟
فارس:بتروح غزة؟؟
راشد:أي بروح..اشوف حالهم جذي وانا قادر اساعدهم اقعد مكاني؟
فارس:بس انت عارف اللي يروح هناك يمكن مايرد..
راشد:ادري..
فارس:وزوجتك وعيالك واحنا؟؟
راشد:انا خلاص تطمنت عليكم..كل واحد مشغول بحياته وعيالي كبروا..بعدين ان شاء الله اذا الله كاتب لي عمر برد..
فارس:واشلون بتقول هالحجي حق امي وابوي؟
راشد:علشان جذي انا متوتر وماني عارف شاقول..
فارس:راشد..انت متأكد من اللي تقوله؟
راشد:أي متأكد..
في مكتب فهد....يدخل غانم....
غانم:خلصت شغلك؟
فهد:عطني خمس دقايق..
غانم(يقعد):ترى بتزوج..
فهد:من صجك؟
غانم:أي من صجي..وكلمت اهل البنت ووافقوا..
فهد:نعم؟!!!
غانم:اللي سمعته وبتزوج ان شاء الله الشهر الجاي..
فهد:انت من صجك غانم؟
غانم:أي من صجي..
فهد:من غير ماتقولي؟؟
غانم:ماحبيت ازعج حد..
فهد:بس انا مب حد!!
غانم:خلاص فهد انسى الموضوع..
فهد(هد الشغل وقعد جنبه):ومن هذي اللي ماخذها؟
غانم:بنت ناس على قدهم..بس مب هني..
فهد:عيل؟؟
غانم:من السعودية..ناس طيبة والوالدة الله يرحمها كانت دوم تمدحهم..
فهد:يعني ملجت؟
غانم:لا..الملجة والعرس بليلة وحده..
فهد:وبتعيش وياها هني؟
غانم:أي طبعا..وبنقعد في البيت..بس رجاءا فهد لاتقول لحد..
فهد:تقصد ابوي؟
غانم:ماابي حد يدري..
فهد:بتزوج سكيتي؟
غانم:بسوي لها عرس بس عندهم..وعقب على طول بنرد الدوحة..
فهد:وماتبي حد فينا يحضر وياك العرس؟
غانم:اذا حاب تحضر على راحتك..
فهد:غانم ليش تسوي جذي..انت تدري ان ابوي يعزك..
غانم(يقوم):خلاص فهد لاتناقشني بهالموضوع..لو لي معزة عند ابوك جان تذكرني الفترة اللي راحت..خلني ساكت..انا اعرف ابوك عدل..اذا المشاكل كانت بين الكبار انا مايخصني..وابوك الظاهر ماهو قادر ينسى اللي راح..وياليت ماتخبره اني بتزوج لين مايخلص العرس..
يرد فارس وراشد البيت...ويسلمون ويقعدون.....
شيخة(بصوت واطي):فارس اشفيك؟
فارس:مافيني شي..(قام)..بروح ابدل ملابسي وبيي..
راح داره ولحقته شيخة.....
شيخة:فارس اشفيك؟
فارس:مافيني شي..
شيخة:الا فيك..شكلك يقول في شي..في شي شاغل بالك..صاير شي؟
فارس:بسألج سؤال شيخة..تقدرين تعيشين حياتج من غيري؟
شيخة:الله لايجيبها من يوم..انا احبك موووت..ومااقدر اتخيل حياتي من دونك..
فارس(يقول بخاطره عيل الجوهرة اللي عاشت سنين وياراشد ايش بتقول)
شيخة:فارس اشفيك طيحت قلبي بهالسؤال!!
فارس:تطمني ياقلبي ماكو شي..
شيخة:الا فيك..تكفى قول وريحني..
فارس(يبدل ملابسه):تطمني حبيبتي..مافي شي بس تعبان من الشغل شوي..
ونزلوا تحت وشيخة في حيره...وتعشوا جميع...والكل يلاحظ سكوت فارس لغير العادة واعتذاره من القعدة وياهم بعد العشاء....
بوراشد:راشد فارس اشفيه؟
راشد:ولاشي يبه..
بوراشد:اشلون ولاشي وهو ماقعد ويانا..وساكت مايقول شي..اكيد فيه شي..
راشد(يفكر بافارس):يمكن تعبان من الشغل..
تميم:فارس دوم يرد من الدوام ماعمره رد وهو بهالشكل..
راشد:خلاص لاتحاتونه..انا عقب باشوفه..
شيماء وشمة يستعدون للمسرحية اللي بتم يوم الاحد في قاعة المسارح...وبحضور شخصيات مهمة من الوزارة والمجلس الاعلى والامهات...ابدعوا البنات كالعادة واظهروا كل طاقتهم في هالمسرحية...
في بيت بوسلمان...يرن تليفون وديمة.....
وديمة:وعليكم السلام....طيبة انت اشلونك؟.....ولاشي قاعدة اطالع تلفزيون..
خالد:انزين ايش سويتي في البروجكت؟
وديمة:انا خلصت جزئيتي وبقى جزء شيخه وثنتين من البنات..
خالد:من قاعد عندج؟
وديمة:عووش وحمد..
خالد:انزين انا في المطعم تبين شي؟
وديمة:أي ابي.....ابي ذاك الكوفي بالكراميل اللي جبته لي من قبل...وامم ابي بعد كيك الاسفنج بنكهة اللوز.....تكفى شوي.....انزين متى جايبه؟.....ثانكيو..عووش تبين شي؟
عائشة:ابي كيكة الفراولة..
وديمة:وانت حمد؟
حمد:ولاشي..
وديمة:ومريوم تبي شي؟
عائشة:خذي لها كيك شوكليت..
وديمة:جيب لهم واحد فراولة وواحد شوكليت وحمد مايبي شي..
خالد:ومن قالج تسالينه؟
وديمة:جذي..
خالد:ياللا فارجي..
وديمة(علت على صوت التلفزيون)
حمد(قام)
وديمة:وين وين؟
حمد:مسؤولة عني وانا ماادري؟
وديمة:لا بس توك مندمج ويانا ومستانس على المسلسل..
حمد:باطلع..
بوسلمان(يي):لا ماتطلع اقعد ابيك..وين امكم؟
وديمة:راحت تصلي العشاء..
بوسلمان:روحي ناديها وديمة..
وديمة:ان شاء الله..
وهي تاخذ منه جاكيته.....
شيخة:يعني ماانت قايل اشفيك؟
فارس:ارتاحي ياشيخة..لو في شي اقوله جان قلته لج من زمان..وين راشد؟
شيخة:تحت وياامك..شكلك وانت داخل ماانتبهت وجوده..
فارس:يمكن..(انسدح على السرير)..
شيخة:شنو ماانت متعشي؟
فارس:شوي بعد وبنزل..
شيخة(قعدت عنده وهي ساكته)
فارس:ليش ساكته؟
شيخة:ماكو شي..
فارس:لا في شي..
شيخة:صدقني مافي شي..
فارس(قام وقعد مجابلها):انا ريلج حبيبج ماتقولين اللي بخاطرج؟
شيخة:وانا زوجتك حبيبتك ماتقولي اللي بخاطرك؟
فارس:ليتني اقدر اقولج وارتاح من اللي انا فيه..
شيخة:قولي حياتي..فضفض لي..
فارس:مااقدر ..
شيخة:شالي يمنعك؟
فارس:بعدين بتعرفين..بس انا وايد متضايق..
شيخة:فديتك لاتضايق عمرك..قول اللي تبيه وانا بسويه لك..بس لاتضايق روحك..تراك غالي علينا..
قعدوا كلهم...
بوسلمان:اسمع ياحمد..وضعك انت واخوك مب عاجبني..ولازم تحلون هالمشكلة اللي بينكم..
حمد:انا جذي مرتاح..
بوسلمان:بس انا مب مرتاح..
حمد:هو مرتاح وانا مرتاح..(قام)..انتوا ليش تفكرون في هالموضوع..يعني كل واحد عايش حياته وهو مرتاح محد منا اشتكى على الحال اللي احنا فيه..
ام سلمان:أي بس مايصير اخوان وماتسلمون على بعض ولاتقعدون بمكان واحد؟
حمد:مااحنا اول اخوان متهاوشين..
فارس ينزل وياشيخة ويتعشون...وعقب فارس يقوم اول واحد من العشاء ويشرب شاي...راشد انتبه له...وعقب ما الكل خلص عشاه....
بوراشد:فارس يبه اشفيك؟
فارس:مافيني الا كل خير..
بوراشد:اشلون وانت ماكملت عشاك؟
فارس:احس عمري شوي تعبان..
ام راشد:اشفيك تعبان؟
فارس:يمكن بمرض ماادري..
راشد:مريض؟
فارس(يطالع راشد نظرات حزن):لا لاتحاتي..انا بخير..
شمة:فارس تبي قهوة؟
فارس:لا مشكورة انا رايح اناام نعسان..باجر عندي شغل من الصبح..
وراح...
ام راشد:شيخة يمه ريلج اشفيه؟
شيخة:والله ماادري ياعمتي..حاولت وياه لكن ماعرفت شي..تصبحون على خير..
الصبح الساعة 11 في مكتب فهد....يدخل راكان....
راكان:دريت ان الشراكة اللي صارت بين بوعبدالرزاق وبوصالح؟
فهد:ابوي قالي..
يدخل علي...
علي:تفضل طال عمرك..
فهد:بس هالايميل اللي واصلك؟
علي:أي نعم..بس في فاكس وصلنا بس مايبين..كلمتهم يطرشونه مرة ثانية..
فهد:انزين اسمع.شركة الامل ابيك تخبرهم اني راح اقابل مديرهم اليوم الساعة 4ونص العصر..
علي:حاضر..تامرني بشي ثاني..
فهد:لا..(يعلي على صوت التليفزيون)..لاحول ولاقوة الا بالله..
راكان:الله يكون بعونهم..ذبح وقتل وجرايم..الله يصبرهم..
فهد:ودي اعرف واحد رايح لهم دايركت وبعطيه فلوس يشترون لهم ادوية..
راكان:انزين عطى حق المؤسسات الخيرية..
فهد:لا..ابي واحد شخصيا يعطيهم..
راكان:من وين بتحصل واحد رايح لهم..
ويوم الثلاثاء المساء...
بوراشد:قوم كلم اخوك..
راشد:ان شاء الله يبه..(اتصل في فارس)...تعال شوي بالحديقة ابيك...مع السلامة..
راح راشد الحديقة وانتظر فارس وهو يتأمل ويفكر....
فارس(قعد):خير راشد..
راشد:ليش زعلان؟
فارس:زعلان لأنك قررت انك تروح وتخلينا..
راشد:فارس انا مب رايح بعيد..بروح اساعد الناس..
فارس:واحنا؟؟
راشد:انتوا بخير..وماعليكم قصور..لكن الناس اللي عايشه مناك محتاجة مني مساعدة..كل يوم يموتون الكثيرين..مااقدر اطالعهم وانا اقدر اساعدهم..
فارس:خلاص بيي معاك..
راشد:لا..مايصير..انت ولدك توه صغير..وتوك متزوج اشلون تيي..
فارس:شفت اشلون يعني انت عارف انك احتمال ماترجع؟!
راشد:الاعمار بيد الله..الاوضاع هناك يافارس ماتطمن..وانا قررت عقب مااستخرت رب العالمين..وخذت اجازة من الدوام..
فارس:صعب علي ياراشد اتخيل انك بتروح..مااتخيل هالبيت من غيرك..انت عامود هالبيت..وغيابك يعني....(خنقته العبره)
راشد(تأثر بكلامه):ماراح يصير شي بغيابي..انت بتكمل دربي لين مااخلص شغلي وارجع لكم..بعدين غزة ماهي بعيدة..
فارس:مجرد انك بتروح فلسطين بحد ذاته بعيده بعيده..فكرت بمشاعر الجوهرة وعيالك..امي وابوي..خواتي..تميم انا؟؟
يسمعون صوت صياح....يستغربون....
راشد:من هناك؟؟
شيماء(تقرب)
راشد:شيماء!!..شتسوين هني؟؟
شيماء(وهي تبجي):بتروح فلسطين؟؟..واحنا ياراشد؟؟..بتتركنا؟؟(راحت بحضنه)
راشد(تأثر بدموعها ومسح على راسها):انا مب رايح بعيد..بروح اخلص شغلي وبرد لكم..
شيماء:لاتروح ياراشد..احنا من غيرك نضيع..لاتروح ياراشد..
راشد:مااقدر ياشيماء..انا اتخذت قراري وبروح..
شيماء:عيل انت ماتحبنا واناني ماتفكر الا بنفسك..(هدته وراحت)
دشت صالة البيت وهي تبجي والكل يطالعها وهو مستغرب..ويسألها..هدتهم وراحت غرفتها تصيح...حاولت معاها شمة تعرف اشفيها لكن ماعرفت سبب صياحها.....
يدش فارس وراشد وياه...
ام راشد:اشفيها اختكم؟
راشد:مافيها شي..دام ان كلكم قاعدين..بغيت اقولكم سالفة..
الكل حاس ان في شي من ورى حزن فارس وصيحة شيماء...
بوراشد:خير يابوك ايش صاير؟؟
راشد:تطمنوا مافي الا كل خير..طبعا انتوا تعرفون الاوضاع اللي قاعدة تصير في غزة..الناس تموت بشكل غير طبيعي وجرحى ومشاكل وهم..قررت اني....اني اسافر غزة واساعدهم..
الكل مندهش بهالخبر ويطالعه وهم منصدمين!!!!
والكل قال رايه إنه مايروح...لكن راشد مصر على هالقرار..الجوهرة حزتها ماكانت موجودة كانت بغرفتها تبجي لأن راشد خبرها من قبل...هداهم راشد وهم بحيرة...يدخل غرفته..يحصل الجوهرة تبجي....راح لها....
راشد:حبيبتي لاتبجين..دموعج غالية علي..تكفين ماابي اشوف دموعج..
الجوهرة:ودني معاك ياراشد..
راشد:وين اوديج؟؟
الجوهرة:مكان ماانت رايح..يانعيش جميع يانموت جميع..انا مااقدر اعيش من غيرك..تكفى ياراشد لاتروح وتخليني..
راشد:وعيالنا؟!!
الجوهرة:يقعدون هني..بس انا لا مااقدر..فراقك صعب علي..
راشد:تكفين يالجوهرة..لاتعورين قلبي بهالكلام..عيالنا محتاجين لواحد فينا..انا برد ان شاء الله بس اخلص شغلي برد..
الجوهرة:وانا ايش ضمني انك بترد..راشد ودني معاك تكفى اتوسل لك..انا عشت معاك 25 سنة تبي تروح عني بكل سهولة؟!!
في غرفة فارس...
شيخة:حاولوا تمنعونه..
فارس:حاولت ويااه وايد لكن ماكو فايد..يبي يروح..
شيخة:انزين حبي لاتضايق عمرك..مااقدر اشوفك متضايق..
فارس:هذا راشد ياشيخة..تعرفين يعني شنو راشد؟
شيخة:والله ادري..والله ادري..بس هو الله يهداه مافكر يسوي الا هالشي..انزين خلهم ييبون الجرحى هني ويعالجهم..
فارس:لين مايوصلون بيكون ميتين..
باجر الصبح راشد يدخل البيت ويصبح عليهم...
ام راشد:يمه انا امس مانمت الليل ولاذقت طعم النوم وانا افكر فيك..اشلون تروح هناك!!
راشد:تطمني يالغالية..بروح وبرد لكم ان شاء الله..انا ابي دعواتج..ماابيكم تضايقون عمركم علشان البنات مايتضايقون..انا بإذن الله راجع..
ام راشد:اشوفك ساكت يابوراشد..
بوراشد:شاقول..ايدي اليمنى بتروح عني وماادري بظل عايش من غيرها ولابترجع لي..
راشد(تضايق وقعد عند ابوه وحب راسه):يبه اذا انا غبت عنكم جم يوم عندك فارس وتميم..وهم ماراح يقصرون بشي..
بوراشد:بس انت ابوهم..
راشد:البركة فيك يايبه..(قام)..بروح المستشفى تامروني بشي؟
ام راشد:متى رايح يمه؟
راشد:الاسبوع الجاي ان شاء الله..
ام راشد:زوجتك تدري؟
راشد:تدري يمه..
ام راشد:الله يكون بعونها..
راشد:مع السلامة..
ام راشد:في حفظ الله ورعايته..
في المدرسة....
مس مريم:شمه اشفيج؟
شمة:اخوي يامس..
مريم:اشفيه؟
شمة:بيسافر..
مريم:ليش اول مرة يسافر؟
شمة:بيروح غزة..بيروح غزة..
مريم:ليش؟
شمة:يبي يروح يساعد الدكاترة اللي مناك..يعالج الجرحي..
تيي مس هند...
هند:شمة حبيبتي وين شيماء؟
شمة:يمكن بالكلاس..
هند:اشفيج حبيبتي تصيحين؟
مريم:اخوها بيسافر غزة..
هند:تعالي معاي شمة دكتورة سارة تبيكم..
واجتمعوا البنات ويادكتورة سارة في غرفة مس هند...وعطتهم هدايا..وعقب ماراحوا....
سارة:شيماء شمة..خلكم ابي اكلمكم..
وتموا....
سارة:اشفيكم؟..ماتعودت اشوف الحزن على وجيهكم..ايش صاير؟
شيماء(دموعها تنزل):مس اخوي..اخوي بيسافر غزة وبيهدنا..
سارة:ليش بيروح غزة؟
شيماء:بيروح يعالجهم..
سارة:اخوج دكتور؟
شيماء:اخوي دكتور معروف وجراح كبير..هذا كله بصوب وانه اخوي العود..اللي كان بدور ابوي ماقصر معانا بشي..علمنا وايد اشياء بحياتنا..
شمة:عطانا من حنانه..عطانا من فلوسه..كنا نشكي همومنا له..كنا نقوله عن سوالفنا في المدرسة..حتى عبطنا وحركاتنا..كان يضحك علينا ويسولف ويانا..
شيماء:اخوي ماكو منه..لو راح احنا بنضيع..
شمة:اشلون بنعيش الحياة من غيره؟!!
سارة:اخوكم بيروح يساعد الناس..وبيرجع لكم..صدقوني بيرجع لكم..
شيماء:وين يامس..اللي يروح مناك وين يرجع..يمكن صار له شي..
شمة:يمكن طاح بين الجلاب اليهود..
سارة:هذا كله بغيب رب العالمين..هو يحس ان غلط قاعد بمكانه وناس محتاجة له..الناس هناك قاعدة تموت بأعداد كبيرة..جرحى ايش كثرهم..وجراحهم ماهي بسيطة..اللي فقد ساق واللي فقد يد..واللي فقد امه ابوه اقرب الناس له..حياتهم ماهي سهلة..اخوج وده يقدم لهم شي..لاتمنعونه..
شمة:ليش هو راضي يسمع الكلام..
سارة:ادعوا له بالتوفيق..وان ربكم يرده بالسلامة..وخل عندكم امل انه بيرجع..انا متأكده انه بيرجع لكم..
في الكافيه....
محمد:من صجك؟
خالد:هذا اللي سمعته..
محمد:الله يكون بعون اهله..لو يصير انا بعد رحت..
عبدالله:وين تروح وانت جايك ولد بالطريق..
محمد:مو علشان جذي مااقدر..
احمد:هو عنده عيال؟
خالد:أي عياله كبار..
محمد:الله يصبر قلب امه وابوه..كيف يتحملون فراقه ووين رايح فلسطين!!
في مكتب فهد...يدخل عليه يوسف ويتناقش وياه عن امور الشركة...وينتبه فهد لخبر عاجل في القناة عن عدد قتلى غزة...
فهد:لاحول ولاقوة الا بالله..ليتني اعرف واحد رايح لهم..
يوسف:انا اعرف واحد رايح لهم..
فهد:من؟
يوسف:دكتور راشد..
فهد:دكتور راشد ماغيره؟؟
يوسف:أي..
فهد:وشالي يوديه هناك؟
يوسف:يقولون رايح يعالج الجرحى..
فهد:زين قلت لي..
يوسف:تامرني بشي؟
فهد:لا خلاص روح..بس لخلصت الرسمة جيبها لي..
يوسف:ان شاء الله..عن اذنك..
اتصل في راشد...بالعيادة....
راشد:حياك عندي بالعيادة.....لا ايش دعوة....الساعة 8 يناسبك؟....ان شاء الله في امان الله....سمحولي..خير يبه اشفيك؟
الريال:والله يابوك انا تعبان صار لي فترة..كله تجيني كحة..والكحة تكون قوية شربت وايد ادوية وماتروح الكحة..
راشد:راجعت دكتور من قبل؟
الريال:أي راجعت واحد من قبل..وعطاني دواء بس مااستفدت منه شي..
راشد:متى استخدمته؟
الريال:من خمس شهور..
راشد:وايش كثر صار لك تعبان؟
الريال:تقريبا سنة..
وديمة قاعدة بغرفتها تلعب بالنت....يدخل عليها خالد....
خالد:شتسوين؟
وديمة:ولاشي العب بالنت..
خالد:مو جنه امتحانات الميد تيرم بادية؟
وديمة:بلا..بس اريح شوي..
خالد:عطيني ورقة الاسايمنت اللي تقولين ان الدكتور منقصج فيها..
وديمة(تعطيه):تخيل منقصني 4 درجات وانا اجابتي صحيحة..
خالد(يقرأ):غريبة ليش منقصج..اجابتج صح...انزين جان رحتي له..
وديمة:قالي عندج شي خليها في الاوفيس اور..
في العيادة...فهد وياراشد....
راشد:خلاص لاتحاتي..
فهد:اشتري فيهم ادوية او اجهزة تحتاجونه للمرضى..
راشد:الله يجزيك خير..وان شاء الله في ميزان حسناتك..
فهد:وياك..انا تفاجأت يوم دريت انك رايح..
تدخل الممرضة وهي متخرعة...
الممرضة:دكتور راشد الحق علينا دكتور فارس تعبان..
راشد(مصدوم):فارس!!
وراح له حصلاه قاعد على الكرسي وهي دايخ..قعد راشد يقيس له النبض..وعقب....
راشد:اشلونك الحين؟
فارس:احسن..
فهد كان وياهم....
راشد:ليش صار لك جذي؟
فارس:.........
راشد:فارس انا ماابي اروح عنكم وانتوا هذا حالكم!!
فارس:شسوي ياخوي مب بيدي..
راشد:من كثر ماتفكر بهالموضوع قلب على صحتك..انا ابي اعتمد عليك انت وتميم بغيابي..انتوا برقبتكم اكثر من 10 اشخاص..فاهمني؟
فارس:ادري..بس انا من غيرك مااقدر اسوي شي..
راشد:تقدر..تكفى يافارس..خلوني اروح..
فهد رد البيت...وقعد بغرفة راكان يسولفون.....
فهد:بصراحة ياراكان..حبيت هالريال وايد..تخيل اخوه دكتور وريال اغمى عليه بسبة خبر روحة اخوه لغزة..وقاعد يقوله انا من غيرك مااقدر اسوي شي..ماشاء الله عليهم..
راكان:قرار شجاع اتخذاه..ولا من يتجرأ ويروح يعيش بين الحياة والموت..
فهد:بقولك شي بس لاتقول لحد..
راكان:خير؟
فهد:غانم بيتزوج..
راكان:بيتزوج؟!!



راشد يدخل غرفة البنات يحصلهم ساكتين لغير عادتهم..ومشغلين اغنية حزينة...حصلهم وحده قاعدة على الكرسي وهي تفكر والثانية قاعدة على المكتب والكتاب جدامها وهي تفكر...
راشد:السلام عليكم..
البنات:وعليكم السلام..
راشد:شتسوون؟
شمة:ولاشي..
راشد:شنو ماعندكم مذاكرة؟
شمة:بلا..
راشد:متى امتحاناتكم؟
شمة:اسبوع الجاي..
راشد:وجاهزين؟
شمة(بحزن):لا..
راشد:ليش؟
شمة:.....
راشد(لاحظ سكوت شيماء وهي قاعدة صوب الدريشة قرب منها حصل دموعها):شيماء..
شيماء(تروح بحضن اخوها)
شمة(من تسمع صياح اختها تصيح)
راشد:لا يابنات..ماابي اسمع تصيحون..دموعكم هذي مسحوها..انا بكون بخير ان شاء الله..اذا بشوفكم على هالحالة ترى صدق ازعل عليكم وانا رايح..ابيكم تشدون حيلكم وتذاكرون عدل وتطلعون من الاوائل..مثل ماسمعت مديح عن المسرحية اللي قدمتوها ابي اسمع مديح بدرجاتكم في المدرسة..ابيكم تخرجون هالكورس بدرجات عالية وتدشون الجامعة..
شيماء:وانت بتروح عنا؟
راشد:اعتبريني رايح العمرة رايح مؤتمر طبي..
شيماء:مااقدر..
راشد:بكلمكم كل يوم..بعدين لن يصيبنا الا ماكتبه الله لنا..
شيماء:احنا محتاجينك جنبنا..انت تمدنا بالقوة..
شمة:انت اللي تحمسنا على الدراسة وتحمس مواهبنا..
راشد:وراح اظل احمسكم وامدكم بالقوة ..حتى وانا هناك..خلونا نقعد..
قعدوا...
راشد(مد يده):هاج ياشيماء..هذا مصحف..ابيج تحطينه جنبج..وكل ماحسيتي بضيقة اقريه..ترى يشرح القلب..(يمد يده)..وانت ياشمة بعد..ترى هذا اللي بينفعكم..كل مااشتاقتوا لي اقروا قرآن..بتحسون براحة..
دخل غرف عياله......
راشد:انت بعد ياسلطان؟؟..انا اقول انت ريال وبتباري اخوانك بغيابي..اشوف دموعك؟
سلطان:يبه..انا محتاجك..لاتروح عنا..ادري اني غلطت معاك وايد..وماكنت اسمع كلامك..سامحني..ماكنت الولد اللي تبيه..بس اوعدك من اليوم ورايح بصير مثل اللي انت تبيه بس تكفى لاتهدنا..
راشد(ابتسم له):انت ريال..وانا طول عمري افتخر فيك..ان شاء الله لرديت ابي اشوفك مخلص التأسيسي..قدم التوفل وبتنجح ان شاء الله..اسمعني ياسلطان..(يمد يده)..هاك هذا مصحف..خله وياك وين ماتروح..بسيارتك بالجامعة بالبيت..وين ماتطلع..كل ماتحس الدنيا ضايقة بك اقرا القرآن..ترى بتحس بشعور ثاني..وكل مااشتقت لي أقرأ هالقرآن..
وظل يمر عليهم كلهم ووزع عليهم المصحف...ويوم دخل غرفته..حصل الجوهرة ترتب شنطة راشد مع دموعها...قرب منها ومسك يدها وقعدها....
راشد:ابيج قوية يالجوهرة..مسحي دموعج..انا بإذن الله راد..ابيج تديرين بالج على عيالنا..اذا تحبين تردين بيت اهلج على راحتج..
الجوهرة:مالي طلعة من هني لين ماترد..
راشد:ديري بالج على امي وابوي..كل يوم باتصل فيكم وابي اسمع منكم اخبار حلوة..ماابي روحتي تأثر على دراستهم..سامعتني يالجوهرة؟
الصبح الفجر...الكل واقف مع دموعه..واللي صوته طالع وهو يبجي...وراشد يمر بينهم يودعهم...
راشد:وين ابوي؟
ام راشد:ابوك بغرفته..
راشد راح له...حصلاه قاعد على السجادة...قعد عنده حصلاه يدعي ودمعته على خده....
راشد:يبه..يبه انا رايح..
بوراشد:روح يايبه والله يوفقك وترد لنا بالسلامة..
راشد(حب راسه وابوه حضناه بقو ودمعته نازلة راشد ماحب يهده)






راشد ودعهم وبيسافر..ياترى شالي بيصير؟؟

راشد بيعيش؟؟

وكيف راح تكون اوضاع بيت بوراشد عقب سفرة راشد؟؟

ووديمة شالي بيصير معاها ويا مقرر دكتور شاهين؟؟

والمسرحية اللي قدومها البنات بيفوزون؟

تابعوني بأحداث مشوقة في فصل جديد..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 30-12-2013, 10:30 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


" فصل الـ 24 "







الكل كان واقف وهم يشوفونهم...
بوراشد(هد راشد):بس ماابي اسمع صوت صياح احد..راشد بيسافر يخلص شغله وبيرجع لنا..سمعتوا..
وهم بالسيارة....
راشد:تميم مااوصيك على البيت..دير بالك انت تقعد اكثر من فارس في البيت..
تميم:لاتوصي حريص..انت بس دير بالك على روحك..
راشد:وانت فارس..دير بالك على روحك وعلى الشغل وعلى زوجتك وراشد الصغير..حتى البنات حاولوا ماتعصبون عليهم هم الحين في فترة امتحانات وآخر سنة لهم ابيهم يشدون حيلهم..وانت عيسى..ابيك تدير بالك على امك وخواتك..حتى انت سلطان تساعد ويااخوك..
عيسى:ان شاء الله يبه..
وهم بالمطار...يودعون بعض...
عيسى(يمد يده):يبه ...خذ مني هالمصحف..كل ماتقراه تذكرنا..
راشد:ان شاء الله..في امان الله..
بعد ماسافر راشد...في شخصيات تغيرت في البيت..ولزم الهدوء في البيت...اما وديمة...صارت تعيش تحدي بينها وبين الدكتور شاهين..وللأسف صادفها دكتور في مقرر من المقررات اللي مسجلتهم سيء الاخلاق..ومايعطي درجات ومايساعد في الشرح...لكنها ماتوقعت ايش راح يصير بعدين...وظلوا الشباب يشغلون نفسهم بهالكافيه..اللي يقدم فيه مشروبات باردة ومشروبات ساخنة من تنفيذ ناس جايبينهم من برع...ومأكولات خفيفة للفطور والعشاء...لكنها غريبة وطعمها لذيذ...وسويتات تشهي...
في الجامعة....




وديمة:شيخوه كم جابتر خلصتي؟
شيخة:بس 1 و2..
وديمة:ليش جذي بطيئة؟
شيخة:شسوي ..عندي مشاغل لين فوق راسي..ورشود صار له جم يوم مايرقد عدل..
وديمة:تحصلينه مشتاق حق عمه..
شيخة:يمكن بعد..
وديمة:الا هو متى بيرد؟
شيخة:والله ماادري..
وديمة:شوفي انا باجيب عنده 20 في الميدتيرم يعني باجيبه..صدقيني لو ماجبته بحذف المقرر..
شيخة:حتى لو 19 ونص؟
وديمة:حتى لو 19 ونص..
شيخة:ماعندج سالفة..متفيجة تعيدين مادة بعد..اقولج..
وديمة:قولي..
شيخة:مرة ريلي وداني مطعم اخوج وربعه..قعدت بالسيارة انتظره يجيب الطلب..من دش السيارة بغيت اموت من الريحة..قعدنا ناكل الساندويتشات في السيارة..صج لذييذة..
وديمة:تقولين لي عنها..انا بروحي كل جم يوم اقوله جيب لي هاي ولا هاي..
شيخة:وماشاء الله عليهم عندهم زبايين..
وديمة:اقولج جنج يوعتيني..خلينا نروح نتغدى دام ان قاعدين بالجامعة..
شيخة:ياللا بس على حسابي..
وديمة:يكون احسن ..لأن جيبي اليوم فاضي..
شيخة:عيل لو انا محد من وين بتاكلين؟
وديمة:عندي بس مب وايد..
في البيت.....




تركي:لاتضايقين عمرج ياخالتي..ان شاء الله بيرد بالسلامة..
ام راشد:ان شاء الله ياولدي..اشتقنا لحسه في البيت..
تركي:متى كلمكم؟
ام راشد:اليوم الصبح كلمنا..
تركي:وشالاخبار؟
ام راشد:يقول كل شي زين..ويقول الجرحى وايدين ومب ملحقين..الله يكون بعونهم..
تركي:أي والله ..الله يكون بعونهم..الا وين البنات ماردوا؟
ام راشد:المفروض الحين يوصلون..
يدشون البنات...وينتبهون وجود تركي...
شمة:السلام عليكم..
الجميع:وعليكم السلام..
تركي:اشلونج شمة؟
شمة:تمام..انت اشلونك؟
تركي:بخير..
شيماء:هاااي..اشلونج يمه؟
ام راشد:الناس تسلم بالاول..مو تقول هالخرابيط مالتج..
شيماء:ان شاء الله..السلام عليكم..
ام راشد:وعليكم السلام..سلمي على ولد خالتج..
شيماء(ماعجبها):سلام عليكم..
تركي:وعليكم السلام..اشلونج شيماء؟
شيماء:زينة..انا بروح غرفتي..لجهز الغداء نادوني..
شمة:يمه راشد مااتصل؟
ام راشد:من؟
شمة:اقصد بوعيسى..
ام راشد:بلا اتصل..
شيماء(ردت):صج يمه اتصل..ايش قال؟
ام راشد:ولاشي..هو بخير وسلم عليكم..
شيماء:هو قال بيكلمنا..
ام راشد:بيتصل فيكم..روحوا بدلوا ملابسكم..
في الامارات...نجلاء تشد حيلها بالدراسة...خلاص مابقى لها شي...تركب السيارة مع جبر....
نجلاء:سلام عليكم..
جبر:وعليكم السلام..
نجلاء:ميتة ميتة من الجوع..
جبر:وانت هذي رمستج كل ماتركبين السيارة..
نجلاء:الجوع كافر..هيه والله..يبا يذبحني من الجوع..شو الغداء؟
جبر:عيش وسمج..
نجلاء:سمج!!
جبر:حمدي ربج..اخبار الجامعة؟
نجلاء:ويييع ماتسلم عليك..
جبر:استغفر الله..متى التخرج؟
نجلاء:وين انا ووين التخرج..بقى لي..
جبر:شو بقى لج..انت عفنتي بالجامعة..
نجلاء:شو شو..منو اللي عفن؟؟
جبر:أي صار لج ايش كثر بالجامعة خمس سنين وشوي..
نجلاء:انزين تريا علي..يمكن هالسنة او بالصيف..
فارس في العيادة يعالج المرضى..مريض ورى مريضة ورى مريض..فهد مشغول بالمناقصات ومشاريعه ومقابلاته مع الناس...عبدالله يزهب عمره لأمور العرس....خالد شاغل وقته بالكافيه ويااحمد....محمد عايش احلى حياته ويازوجته وهم بإنتظار اول طفل....شيماء وشمة يذاكرون ويشدون حيلهم علشان يرفعون راس راشد...ومايخيبون ظنه.....وسلطان شاد الهمة يبي يجيب التوفل علشان يفاجأ ابوه بهالخبر....وديمة تبذل كل طاقتها علشان تفوز بالتحدي.....
بعد اسبوع من سفرة راشد....في بيت بوراشد.....
شيخة تدخل البيت ومعاها راشد الصغير.....تحصل ام راشد تبجي وهي تتكلم...وتميم وروضة يسكتون فيها.....
شيخة:ايش صاير؟
روضة:عمتي تحاتي راشد..من امس مامبين..
شيخة:مااتصلتوا فيه؟
تميم:تليفونه مسكر..
شيخة:غريبة!!
تنادي الخدامة علشان تاخذ منها راشد..
ام راشد:اخاف صار له شي واحنا ماندري عنه..
تميم:ان شاء الله ماعليه شر..يمكن الارسال انقطع ولاشي..
ام راشد:يايمه ذيج البلاد مافيها امان من عقب اللي صار لهم..أأخ عليك ياولدي..وينك فيه يايمه ياراشد..
شيخة:ماجربتوا تتصلون مع اللي كانوا وياه؟
تميم:حاولنا بس هم تليفونهم مقطوع..
شيخة:عمي وينه؟
روضة:بغرفته..
شيخة:لاتخلونه يقعد بروحه وهو بهالحال..
روضة:قوم تميم روح له..انا باقعد عند امك..
شيخة(تقعد جنب عمتها وتحب راسها):ياعمتي تطمني..راشد بخير ان شاء الله..
ام راشد:واشلون اعرف انه بخير؟!!..شيخة روحي شوفي البنات..من دروا ان اخبار راشد انقطعت عنا وهم حابسين عمرهم بالدار..
شيخة:ان شاء الله الحين بروح لهم..



راحت لهم فوق..فتحت الباب حصلتهم يبجون واشكالهم متغيرة من الصياح....حصلت شيماء تصيح وهي قاعدة على الارض..وشمة متربعه على السرير تصيح....شيخة دخلت وقعدت جنب شمة...
شيخة:شمة حبيبتي..ان شاء الله راشد بيكون بخير..لاتحاتونه..
شمة(وهي تبجي):شيخة انا خايفه يكون صاير له شي واحنا ماندري عنه..انا ابي راشد..انت ماتعرفين راشد شنو يعني بالنسبة لنا..
شيخة(لمتها):ان شاء الله بيتصل اليوم وبيطمنكم..
راحت لشيماء...وقعدت جنبها....
شيخة:شيماء حبيبتي..لاتسوين بعمرج جذي..
شيماء:اشلون مااسوي بعمري جذي!!..واخوي مانعرف وين اراضيه؟؟..راشد لو صار له شي انا بموت..مالي حياة من غيره..راشد ابوي..تعرفين فقدان الابو يعني شنو؟!!!
شيخة(لمتها):حبيبتي..هدي روحج..راشد بخير ومافيه الا العافية..(قامت)..بنات مو راشد عطاكم قرآن..مو قالكم اذا اشتقتوا لي اقروا هالقرآن؟..قوموا..توضوا ويودوا القرآن واقروا منه..وصلوا لكم ركعتين وادعوا الله يرده بالسلامة..امكم وابوكم كبار بالسن وحالتهم الصحية ماتحمل..انتوا لازم تكونون اقوية وقفوا معاهم..خلكم وياهم..انتوا عيالهم..خلوهم يتفائلون بردته..
من طلعت شيخة من عندهم...قامت شمة وتوضت ولبست يلال الصلاة...وقعدت على السجادة وتفتح اول صفحات هالقرآن..جاها شعور غريب...وبدت تقرأ من الفاتحة وهي تبجي...قامت شيماء توضت ولبست يلال الصلاة وخذت سجادتها وقرآنها وراحت بالصالة..
فارس وهو بالعيادة...ماهو قادر يفكر بشي الا براشد...انتبه للقرآن اللي جنبه مكان ماحطاه له راشد....
فارس:صفية خليني بروحي شوي..ولادخلين مريض الحين..
الممرضة:ان شاء الله..(راحت وسكت الباب)
فارس(مسك القرآن):وينك ياراشد..تكفى قولي انت وين..حي..ميت..حالك اشلونه؟..قولي وريحني..تكفى اتصل فينا وطمن قلوبنا..(فتح القرآن وكمل مابدى فيه)
في غرفة بوراشد...تميم كان قاعد وبوراشد يقرآ قرأن وعقب ماخلص قعد يدعي....
بوراشد:هذا القرآن عطاني اياه راشد..وقالي كل مااشتقت لي يايبه اقراه..انا لليوم ختمته ثلاث مرات..من طلع من هالبيت وانا مشتاق له..
تميم(تأثر بكلام ابوه):ادعي له يبه الله يرده لنا بالسلامة..
فهد وهو بالمكتب يشوف الاخبار والخبر العاجل...انقطاع الاتصال ببعض الجهات المساعدة....اخترع فهد ومسك تليفونه واتصل في راشد...مسكر..خاف...اتصل في فارس....
فهد:السلام عليكم..
فارس(بضيق):وعليكم السلام..
فهد:اشلونك فارس؟
فارس:الحمدلله..
فهد:متصل أسأل عن راشد..
فارس:راشد!!..ليتنا نعرف وينه فيه..واشلون حاله..
فهد:من متى؟
فارس:من أمس..
فهد:انزين مااتصلتوا مع اللي كانوا وياه؟
فارس:بلا..كلهم نفس الحالة..
فهد:الله يصبركم ويرده سالم..
فارس:آآمين..
فهد:اذا سمعت خبر عنه طمني..
فارس:ان شاء الله..
فهد:مع السلامة..
فارس:مع السلامة..(ينادي بصوت عالي)..صفية..صفية..
الممرضة(تدخل):نعم دكتور..
فارس:كنسلي كل المواعيد..انا تعبان وابي ارد البيت ارتاح..
الممرضة:خير دكتور شكلك تعبان..صاير شي؟
فارس:لا..بس انا شوي تعبان..كنسلي المواعيد واعتذري لي من المرضى..
الممرضة:حاضر دكتور..
وطلع فارس وهو مايدري السيارة وين توديه...حاول يركز لين ماوصل البيت...دخل والكل عيونه عليه....
ام راشد:ها يمه طمني..عرفت شي عن اخوك؟؟
فارس(بحزن):لا..
ام راشد:وييييييييييينك ياراشد..وينك ياوليدي؟؟؟
شيماء:يمه تكفين لاتسوين جذي بروحج..
فارس:وين ابوي؟
شمة:بغرفته..ماهو راضي يطلع..
فارس(راح غرفة ابوه حصلاه على السجادة)
بوراشد:اخوك وينه؟؟
فارس:العلم عند الله..
بوراشد(رد لسجادته)
تميم:حاول تتصل بحد..ان شاء الله اللي مسؤولين عنه واللي طرشوهم..
فارس(راح يقعد بالصالة واتصل بواحد):السلام عليكم...كيف حالك دكتور حمد.....بخير...انا متصل أسأل عن الاطباء اللي سافروا غزة.....اي وينهم فيه؟....اي اخوي راشد وياهم......ماادري من أمس الاتصال مقطوع عنهم ومانعرف شي عنهم......انزين........وشالي وداهم؟........اشلون؟؟؟.....الله لايقولها.....والله ماادري شاقولك يادكتور حمد احنا الحال عندنا مايسر...تكفى عطني اخبار....انزين اتصل فيهم.....خلهم يشوفون وين الباقي......انتظر اتصالك...في امان الله..
تميم:طمني..
فارس:يقول احنا بعد من اول امس بالليل نتصل فيهم والتليفونات مقطوعة...يقول ان....ان هم انقسموا لقسمين...قسم موجودين مكانهم وقسم طلع راح مكان ثاني...وماندري راشد بأي قسم..لأن القسمين مقطوع عنهم التليفون..
الكل يزيد حزنه...
فارس:انتوا قاعدين هني وهادين زوجة راشد وعياله بروحهم هناك؟؟
تميم:زوجتك راحت لهم..
فارس:مايصير..لازم كلكم تكونون حول بعض..مايندرى اشلون حالهم..انا بروح اجيبهم..
وظلوا على هالحال...تقريبا اربع ساعات....لين مارن تليفون فارس...والكل عينه على فارس....
فارس:السلام عليكم.....اي نعم......انزين وعقب.......يعني شنو؟؟؟...اشلون ماتعرفون؟؟...يعني مو معقولة احنا بنقعد ننتظر وقاعدين على اعصابنا.......تكفى يادكتور حمد...خلهم يسوون شي....ترى والله الحال عندنا تعبان.....مع السلامة..
عيسى:شنو عمي..ايش صاير؟؟
فارس:يقول ان قدروا يتكلمون وياقسم..وهالقسم بخير...بس راشد ....مو منهم..مع القسم المفقود..
الكل هني انهار..
في بيت بوفهد....
ام فهد:يمه فهد انت ماكلت شي..
فهد:ماني جوعان..
بوفهد:ليش يبه..اشفيك؟
فهد:متضايق شوي..
بوفهد:عسى ماشر؟؟
فهد:دكتور راشد مفقود ومايدرون وينه فيه..
بوفهد:اللي سافر غزة؟
فهد:أي..الله ياستر..
بوفهد:الله يرده سالم لأهله..
وديمة بغرفتها تدرس...يدخل عليها خالد...
خالد:وين وصلتي؟
وديمة:بقى جابتر واحد وعقب بقعد اراجع..
خالد:حلو..يعني عندج وقت..
وديمة:بس وايد حفظ..حراام عليه ذبحنا..
خالد(يعطيها كيس):هاج..خذي لج بريك..
وديمة(استانست):يمممي..شكرا خالد..صج كنت محتاجة شي..
خالد:عقب ماتاكلين كملي دراسة...وعقب خذي دواج ونامي..وباجر كملي..
وديمة:اخاف تروح علي نومة..
خالد:باتصل فيج..
الجهات المختصة تحاول انها تتواصل مع حد علشان يتطمنون على الشباب لكن للأسف الاتصالات كلها مقطوعة...ام راشد تعبت من القعدة راحت غرفتها ترتاح...وبوراشد راح وراها.....
فارس:قوموا ياللا..كل واحد على غرفته..الساعة صارت 11 ونص..ياللا كل واحد منكم يروح ينام..
شيماء:من فيه نوم وراشد مانعرف وينه..
فارس:راشد بيرجع ان شاء الله..انتوا بس دعواتكم..ياللا كل واحد على غرفته..
تميم:روضة روحي وانا بيي وراج..
روضة(خذت بنتها وراحت)
تميم:ياللا شيماء شمة ماتسمعون فارس ايش قال؟
شمة:ياللا شيماء..
شيماء:انزين انتوا ليش قاعدين؟
فارس:شيخة يبه خذي راشد وروحوا..
شيخة:ان شاء الله..
تميم:وانت عيسى سلطان ياللا على غرفكم..
عيسى:ان شاء الله عمي..ياللا سلطان..
ورواحوا...ومحد تم الا فارس وتميم....
تميم:فارس ايش بنسوي؟؟
فارس:ماادري..انا ضايع ياتميم..ماادري هو بخير ولا مب بخير..
تميم:ان شاء الله بخير..يعني مافي مجال نعرف شي عنهم؟؟
فارس:الله العالم..ابوي حالته وايد صعبة..من سافر راشد وهو متغير وايد..
تميم:وايد..مايتكلم..وان تكلم تكلم عن راشد..
فارس:ماابي نضعف جدامهم..
تميم:الله يكون بالعون..
فارس:خلنا ننام ونعين من الله خير..(قام)..ياللا تصبح على خير..
تميم:وانت من هله..
وكل واحد دش داره...
فارس يبدل ملابسه ويقعد مجابل التلفزيون...شيخة ترقد راشد وتغير ملابسها وتقعد جنب فارس اللي قاعد يطالع الاخبار....
شيخة:تبي اجيب لك شي؟
فارس:ياليت..
شيخة:آآمر..
فارس:ابي نسكافيه..راسي يعورني..
شيخة:انت ماكليت شي..
فارس:ماعليه باكل كافي..بس سوي لي نسكافيه..
شيخة:ان شاء الله..
وراحت تسوي نسكافيه...وجابت له اياه ويالماي...وقعدت وياه....
شيخة:مسكينة الجوهرة..كسرت خاطري اليوم..
فارس:الله يصبرنا..
شيخة:زين اخوها جى خذاها..
فارس:سوى فينا خير..على الاقل في حد يواسيها..ليش قاعدة..روحي نامي..
شيخة:وانت؟
فارس:بنام عقب شوي..
شيخة:حبيبي فارس..لاتضايق عمرك..ربي بيفرجها ان شاء الله وباجر من الصبح بتقومون على خبر سلامته..
فارس:آآمين..الله يسمع منج..
شيخة:انزين حبيبي قوم..انت من الصبح قاعد..ارتاح لك شوي..
فارس:ان شاء الله..بس اشرب النسكافيه..
وجى الصبح...صبح يوم الجمعة...عبدالله يصبح على امه ويحب راسها....
عبدالله:صبحج الله بالخير يالغالية..
ام عبدالله:صبحك الله بالنور ياولدي..
عبدالله(قعد جنبها):اشلونها الغالية؟
ام عبدالله:بخير الحمدلله..
عبدالله:مابنتريق؟
ام عبدالله:بلا..قعدت حسنة؟
عبدالله:قومتها..تقول ابي انام..عاد انا مااقدر انتظر..ابي اتريق وياج..
ام عبدالله(تبتسم):عساني ماانحرم منك..
عبدالله:ولامنج يالغالية..
شيخة قامت من وهل ورتبت لهم طاولة الفطور.....
ام راشد:يايمه ليش تعبتي روحج انت بروحج عندج ياهل..بعدين من مشتهي ياكل..
شيخة:ياعمتي..مايصير جذي تحرمون نفسكم من الاكل..راشد ان شاء الله ماعليه شر..انا بروح اصحي البنات..
راحت غرفتهم...
شيخة:شيماء..شمة..
شمة(تقوم):خير شيخة؟
شيخة:ياللا قوموا..ونزلوا تحت علشان نتريق..
شيماء(قامت):ليش راشد اتصل؟
شيخة:لا..بس ان شاء الله اليوم اكيد بيتصل..خل عندكم امل..ياللا قوموا..
شيماء:من له شهية ياكل ياشيخة..
شيخة:ماابي اسمع هالكلام..لو راشد شافكم بهالحالة ترى بيزعل..اذا انتوا ماكليتوا امكم وابوكم ماراح ياكلون..ياللا نزلوا..
وراحت تقعد فارس...حصلته يصلي....
شيخة:فارس حبيبي..خلنا ننزل نتريق..
فارس:وين كنتي؟
شيخة:كنت ازهب لكم الريوق..ياللا..
فارس(قام):ياللا..
ونزلوا تحت..حصلوا تميم وروضة وبنتهم قاعدين وياام راشد....
شيخة:فارس روح شوف عيسى وسلطان..علشان يتريقون..
فارس:ان شاء الله..
عيسى وسلطان يدخلون ويسلمون....
شيخة:وين عمي؟
تميم:بغرفته..
شيخة:انا بروح اناديه..
ام راشد:مابيوافق..لاتعبين روحج يايمه..من له نفس ياكل..
شيخة:ياعمتي مب زين لكم..من امس ماكليتوا شي..
ام راشد:كيف آكل وولدي ماادري عنه..عطشان جوعان تعبان..
تميم:ان شاء الله هو بخير..
روضة:قومي عمتي..ياللا تميم فارس قوموا تريقوا..مب زين لكم..
فارس:وابوي؟
شيخة:انا بروح اجيبه انتوا بس قعدوا..
والكل قعد...ومجابل الثاني ومحد مشتهي..دخلت شيخة غرفة بوراشد..حصلته قاعد على السجادة ويقرأ قرآن...حبت راسه وقعدت عنده.....
شيخة:اشلونك عمي؟
بوراشد:الحمدلله..وين راشد؟
شيخة:راشد الصغير؟
بوراشد:أي راشد الصغير..
شيخة:تبي تشوفه؟
بوراشد:أي نعم..
شيخة(قامت):من عيوني..
راحت جابته وحطته بين ايدين بوراشد..قعد يتأمل وجهه وتذكر طفولة راشد...
بوراشد:يشبه راشد..
شيخة:عمي..انت من امس ماكليت شي..قوم ويانا تريق..
بوراشد:ماابي شي..
شيخة:عمي تكفى علشان راشد الصغير..كلهم ينتظرونك قاعدين يبونك تيي..صدقني راشد بخير..انا متأكدة..اليوم بتسمعون خبر سلامته..
بوراشد:ايش كثر انتظر..ماعاد فيني حيل..
شيخة:ربك بيفرجها..بس لازم يكون عندنا امل بردته..شوف سيدنا يعقوب عليه السلام ايش كثر انتظر لين ماقدر يشوف ولده سيدنا يوسف عليه السلام..خل أملك بالله كبير..لو راشد شافكم بهالحالة صدقني بيزعل..راشد قالكم كل مااشتقوا لي اقروا قرآن ماقال حرموا نفسكم من الاكل والماي..تكفى ياعمي قوم علشان عمتي ام راشد والبنات وعيالك..حتى عيال راشد موجودين..
بوراشد:ماني مشتهي..
شيخة:ماعليه..لو تاكلك شوي..علشان راشد الصغير..تكفى..
بوراشد:ان شاء الله..
وقاموا...وطلعوا من الغرفة وشيخة خذت راشد من بوراشد...وراح يقعد وياهم...وقعدوا ياكلون بهدوء...واللي اكتفى بحبة زيتونة..واللي شرب شاي..واللي حاول ياكل..واللي كل وماحس بطعم الاكل...
وقعدوا بعدها في الصالة يفكرون...حاول فارس يتصل مرة ثانية براشد لكن مغلق...لين ماصارت الساعة 10...قام بوراشد...
بوراشد:قوموا ياعيال..خلنا نتزهب لصلاة الجمعة..وندعي ربنا يرد راشد بالسلامة..
وقاموا الرياييل يزهبون اعمارهم للصلاة...والحريم قاموا وراهم....
شيخة(وهي ترتب ملابس فارس):حبيبي..خل أملك بالله كبير..ان شاء الله اليوم بتسمعون خبر سلامته..
فارس(حط المشط على التسريحة):اتمنى..اتمنى..أشكرج حبيبتي جمعتي الكل وخليتيهم يتريقون..
شيخة:هذا اقل شي اسويه لكم..
ولبس فارس...وتعطر..وحب راشد الصغير...وراح وياابوه واخوه وعيال راشد...راحت شيخة عند البنات....حصلت شيماء قاعدة تقرأ قرآن وشمة تمشط شعرها....
شيخة:تقبل الله منج ياشيماء..
شيماء:شيخة..تهقين اخوي راشد عايش؟
شيخة:أي..انا متأكدة..تحصلين الاتصال مقطوع وهو يحاول يدور على تليفون علشان يطمنكم..انا نازلة تحت عند امكم..مااقدر اخليها بروحها..تييون معاي؟
شمة(تلم شعرها):انا بيي معاج..
وهم ينزلون...يرن تليفون شيخة....
شيخة:شمة حبيبتي خذي راشد عني..
شمة(خذته)
شيخة:آلو...مرحبا ودوم.....بخير الحمدلله انت اشلونج؟.........شسوي والله مشغولة وايد هالجم يوم........لا وين ماقدرت اسوي شي......ولاشي......اي والله.....شسوي ياوديمة بوعيسى ماندري عنه.....اي ليحين.......الله يصبرهم.......لا والله حاولوا بس ماكو فايدة.........الله يعين....انتي وين وصلتي؟........زين ماشاء الله.......ماادري بحاول بشوف شيصير....انزين ودوم بسكر اسمع صوت راشد شكله يصيح.....مع السلامة..
وديمة:مع السلامة..



الرد باقتباس
إضافة رد

حياة ملونة الكاتبة / أميرة الوهج؛كاملة

الوسوم
أميرة , ملونه , النهي , الكاتبة , حياة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
محطات (19)مع أبو رتيل صمت شامخ ديوانية الاعضاء - متنفس للجميع 1287 26-03-2017 05:50 PM
حياتي عذاب / الكاتبة : تكفيني العبرة ، كاملة sandybill روايات كامله - يتم نقل الرواية هنا بعد اكتمالها 59 05-04-2016 09:01 PM
هذا الغرام يا صاحبي اللي يقولون ؟ و إلا هذي لعبته ؟ / بقلمي ●• نورا بنت فهد •● أرشيف الروايات المغلقة - لعدم إكتمالها 537 30-07-2012 11:20 PM
رواية أميرتي / بقلمي , كامله *خجل* روايات كامله - يتم نقل الرواية هنا بعد اكتمالها 91 27-04-2012 02:43 AM
رواية إنت لمين ؟ / بقلمي قلب يآآسر أرشيف الروايات المغلقة - لعدم إكتمالها 8 31-07-2010 09:35 AM

الساعة الآن +3: 04:13 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1