غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 61
قديم(ـة) 30-12-2013, 10:52 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


متابعة فصل الـ 29


في غرفة وديمة...وهي قاعدة تمشط شعرها...يرن تليفونها تقوم وتروح تشوف فهد...ترد....
وديمة:مرحبا..
فهد:هلا..السلام عليكم..
وديمة:وعليكم السلام..
فهد:اشلونج؟
وديمة:بخير..
فهد:يعني لو انا مااتصل انت ماتتصلين؟!
وديمة(استحت)
فهد:آلو..
وديمة:هلا..
فهد:وين رحتي؟
وديمة:وياك..
فهد:اخبارج؟
وديمة:طيبة..
فهد:يعني مافي انت اشلونك؟
وديمة:اشلونك؟
فهد:بخير..ايش كنتي تسوين؟
وديمة:ولاشي قاعدة بغرفتي..
فهد:وليش قاعدة بروحج؟
وديمة:جيت اصلي وبرد انزل تحت..
فهد:بغيت امرج اليوم بس مافضيت..هالفترة وايد مشغول..باجر ان شاء الله بمرج العصر قبل لأروح الشركة..وبجيب وياي بطايق العرس وابيج تختارين اللي تبينه..
وديمة:انت حجزت؟
فهد:اي حجزت..
وديمة:اي تاريخ؟
فهد:تاريخ 8-7..
وديمة:اي بس انا عندي صيفي..
فهد:ليش ماتأجلين الصيفي للكورس الجاي؟
وديمة:لا ماابي..ابي اخلص وافتك..
فهد:كم مادة تبين تاخذينها في الصيفي؟
وديمة:مادتين..
فهد:والكورس اللي بيي؟
وديمة:خمس مواد..
فهد:والكورس الأخير؟
وديمة:اربع مواد..
فهد:انزين سمعي انا عندي لج حل..
وديمة:شنو؟
فهد:خذي الكورس اللي بيي خمس مواد..والكورس اللي بعده ست مواد..وانا بساعدج ان شاء الله..
وديمة:ماابي آخذ ست مواد..وااايد....
فهد:ماعليه انا بساعدج..فكري عدل وعقب قرري..ياللا انا بسكر الحين..عقب بتصل فيج..خلي التليفون وياج..
وديمة:اوكي..
فهد:شنو زعلتي؟
وديمة:........
فهد:وديمة..
وديمة:نعم..
فهد:لاتزعلين..اللي تبينه بيصير..بعدين نتفاهم..بتصل فيج عقب..مع السلامة..
وديمة:مع السلامة..
يندق الباب...
وديمة:من؟
خالد:خالد..
وديمة(خافت):حياك..
خالد:السلام عليكم..
وديمة:هلا..
خالد:ردي السلام على الاقل..
وديمة:وعليكم السلام..
خالد:شتسوين؟
وديمة:كنت اتكلم بالتليفون..
خالد(قعد مجابلها):انزين ماقلتي لي اخبار النتايج؟
وديمة(نزلت راسها)
خالد:شكلج يقول درجاتج ماتطمن..
وديمة:........
خالد:تحجي..
تيي عائشة...
عائشة:وديمة ابوي يبيج..
خالد:قولي له شوي وبتيي..
راحت عائشة...
خالد:اشوف تحجي..
وديمة:بقولك بس ماتعصب علي؟
خالد:ياكثر مااسمع هالجملة..الله ياستر من اللي بتقولينه..قولي اشوف..
وديمة:قولي مابتعصب علي؟
خالد:ودوم تحجي..
وديمة:انا....انا..
خالد:انت شنو..قولي..
وديمة:راسبة..
خالد(فج عيونه بصدمة):راسبة!!..كم مقرر؟؟
وديمة:مقرر واحد..
خالد:عند دكتور شاهين؟
وديمة:لا..
خالد:عيل؟
وديمة:دكتور عثمان..
خالد:راسبة راسبة؟؟!!
وديمة:اي..
خالد:ليش انت كم جبتي في امتحاناته؟
وديمة:درجاتي كانت زينة..
خالد:عيل ليش الرسوب..ايش سويتي في الفاينل؟
وديمة:ماادري..
خالد:ماتدرين...انا ماني مصدق..ليكون كنتي تقصين علي انج كنت تدرسين؟؟
وديمة:والله العظيم كنت ادرس..
خالد:عيل ليش الرسوب؟؟
وديمة:ماادري..
خالد:اذا انت ماتدرين من يدري؟؟..آخر شي توقعته هالشي..ايش الاهمال اللي كان فيج..انت لو تدرسين اول بأول جان ماصار اللي صار..لكن ابد ماكو فايدة منج..تدرين اشلون انا بعلمج كيف الدراسة..خل يبدأ الكورس..
وديمة(تصيح):والله مو مني..انا درست..صدقني درست..
خالد:اللي يدرس يرسب؟؟
نجلاء(تدخل):وشو فيها يعني لو رسبت..الدنيا انقلبت فوق حدر؟؟..مافيها شي..يمكن هالشي مو منها من الدكتور العلة اللي ماخذه عنده..
خالد:انا اعرف وديمة..اكيد ماذاكرت..
نجلاء:خل نفترض انها صج ماذاكرت..البنت غلطت وعرفت غلطتها..وبعدين لاتنسى طيحتها في المستشفى بسبة هالسالفة..تبى تحرق قلبها اكثر.؟؟
خالد عصب وطلع....
وديمة:ليش قلتي له جذي؟
نجلاء:احسن..ماادري على شو يعصب..اخوج خالد ماعنده سالفة..كل يحب يعصب..سيري غسلي وجهج ولاتفكرين بكلامه...
يرن تليفون وديمة....
نجلاء:منو؟
وديمة:فهد..
نجلاء:ردي عليه..
وديمة:ماابي..اذا سمع صوتي بيقعد يسألني ليش تصيحين..
نجلاء:انزين سيري غسلي وجهج..
راحت وديمة تغسل وجهها..وظل يرن تليفونها مرة ثانية....جات وقعدت على السرير...
نجلاء:ردي اتصلي فيه..
وديمة:استحي..
نجلاء:شو تستحين..ريلج شو فيج..
وديمة:ماابي..
نجلاء:ودوم اتصلي علشان ابي ارمس وياج شوي..
وديمة:قولي بالاول..
نجلاء:مافي..بالاول اتصلي وبعدين يصير خير..
وديمة(خذت التليفون واتصلت لأول مرة):مساء الخير..
فهد:مساء النور..اقول ليش تليفوني ينور..اول مرة..
وديمة(استحت)
فهد:وينج اتصل ماتردين..مو قايلج خلي التليفون وياج..
وديمة:كنت شوي مشغولة..
فهد:تعشيتي؟
وديمة:اي..
فهد:انزين اشفيه صوتج متزكمة؟
وديمة:لا..
فهد:عيل شنو؟
وديمة:ولاشي..
فهد:كنتي تصيحين؟
وديمة:.....
فهد:ليكون كلامي زعلج وقعدتي تصيحين؟
وديمة:لا..
فهد:عيل؟
وديمة:ولاشي..
فهد:يعني شنو حاسبتني غريب وماتبين تقولي لي؟
وديمة:لا مب عن..
فهد:عيل قولي..
وديمة:ولاشي اخوي خالد درى..
فهد:عن شنو؟
وديمة:عن المقرر..
فهد:وشنو صار؟
وديمة:ولاشي تضايق وعصب..
فهد:وليش يعصب؟
وديمة:احسن انا استاهل..اصلا له الحق انه يعصب ويزعل..
فهد:ماني فاهم..ليش؟
تيي مريم....
مريم:ودوم ابوي يبيج..
نجلاء:اي والله صح..عبدالرحمن قالي انه يبيج..
وديمة:لحظة شوي فهد..قولي له الحين بيي..فهد..
فهد:نعم..
وديمة:بسكر ابوي يبيني..
فهد:وايش كثر بتطولين؟
وديمة:ماادري..
فهد:اذا خلصتي اتصلي..انطرج..اوكي؟
وديمة:اوكي..باااي..
تنزل تحت...تحصل ابوها قاعد وياعمها جبر وخواته يطالعون تلفزيون...
وديمة:بابا بغيتني؟
بوسلمان:اي..بغيت اخبرج ان باجر عندج موعد عند دكتور راشد..لاتنسين..
وديمة:موعد؟!!
بوسلمان:ليش ماتدرين؟
وديمة:اصلا ناسية..
بوسلمان:لاتنسين..
وديمة:يعني لازم اروح؟
بوسلمان:اي يبه لازم تروحين..
وديمة:ومتى الموعد؟
بوسلمان:شوفي في بطاقتج..اظن العصر..
وديمة:اوكي..بغيت شي ثاني؟
بوسلمان:خذتي دواج؟
وديمة:اي خذتهم..
بوسلمان:والابرة؟
وديمة:لما برقد باخذها..
وراحت غرفتها...حصلت نجلاء مشغلة اغنية وهي تفكر...
وديمة(تسك الباب):ياعيني على اللي يفكر..ياخي يتهني اللي تفكرين فيه..
نجلاء(تبتسم)
وديمة:قولي لي..فمن تفكرين؟
نجلاء:تعرفين ودوم اني بسافر بعد باجر..
وديمة:قولي والله؟
نجلاء:والله..
وديمة:ليش..تو الناس بدري..
نجلاء:عمج يقول عنده شغل..ومافيه يتم اكثر..
وديمة:انزين انت قعدي..وعقب لحقيه..
نجلاء:قلت له مارضى..
وديمة(قامت):انا بروح اقنعه..
نجلاء:تعالي..(تبتسم بخجل)..لازم اروح وياه علشان ....
وديمة:علشان شنو؟؟
نجلاء:علشان يبون يخطبوني..
وديمة:قولي والله؟؟
نجلاء:والله..
وديمة(تبوسها):مليوووون مبروك عمووه..والله تستاهلين..ياااه صبرتي وآخر شي نلتي اللي بخاطرج..
وديمة:قولي لي عمي ايش قالج عنه؟
نجلاء:بالاول اتصلي بريلج حراام يترياج..
وديمة:بعدين بكلمه..
نجلاء:لا..بالاول ارمسي وياه وعقب احنا نسهر للصبح سوالف..
وديمة:اذا جذي اوجي..(خذت تليفونها وهي مستانسة من الخبر اتصلت).....عمووه مايرد اسكر؟
نجلاء:لا تريي..
وديمة(سكرت):اخاف رقد..
نجلاء:جان تريتي شوي..
وديمة:اذا قاعد بيشوف رقمي بيتصل..
يرن تليفونها....
فهد:رنتين بس؟
وديمة(استحت):قلت يمكن راقد..
فهد:لا ماني راقد..قاعد انتظرج..تكلمتي وياابوج؟
وديمة:اي..
فهد:انزين قولي لي سالفتج ويااخوج خالد..
وديمة:ماكو..بس هو اللي ساعدني علشان ادخل الجامعة..ودراستي هو اللي دوم يشجعني ويدرسني اذا مافهمت شي..فماالومه اذا عصب من اللي صار..
فهد:قالج شي؟
وديمة:لا..بس عصب..
نجلاء(بصوت واطي):جذاابه..
وديمة(تأشر لها تسكت):اشلون؟
فهد:يعني الحين هو زعلان؟
وديمة:شكله..
فهد:خلاص انا ابيج تشدين حيلج هالكورس وتجيبين درجات اعلى علشان المعدل يرتفع..اوكي؟
وديمة:ان شاء الله..
فهد:لاتنسين باجر ان شاء الله جاي العصر قبل لأروح الشركة علشان تختارين البطاقة..وتروين اهلج..
وديمة:اي بس احنا مااخترنا التاريخ..
فهد:مع ان اخترنا..لكن ماعليه انت اختاري بالاول وعقب نتفاهم..بس اشوفج نتفاهم..
وديمة:فهد..
فهد:نعم..
وديمة:يصير تيي عقب باجر؟
فهد:ليش؟
وديمة:لأني طالعة..
فهد:انت ماقلتي لي انج طالعة..
وديمة:توه ابوي يخبرني..انا ماكنت اعرف..
فهد:وممكن اعرف وين بتروحين؟
وديمة(تطالع نجلاء):عندي موعد..
فهد:موعد وين؟
وديمة:عند دكتور راشد..
فهد:متى باجر؟
وديمة:مااعرف..ماشفت البطاقة..
فهد:انزين روحي شوفي البطاقة وتعالي..انتظرج..لاتسكين..
وديمة:ان شاء الله..
راحت وفتحت الدرج وطلعت البطاقة وخذت التليفون...
وديمة:فهد..
فهد:نعم..
وديمة:الموعد باجر العصر الساعة 4 ونص..
فهد:خلاص عيل بتشوفيني هناك..
وديمة(مستغربة):ليش؟؟
فهد:شنو ليش..زوجتي ولازم اكون وياج..
وديمة:بس ابوي بيكون معاي..
فهد:ماعليه..بس انا بكون موجود بعد..ولاعندج مانع؟
وديمة:لا على راحتك..
فهد:عيل اشوفج باجر ان شاء الله..تصبحين على خير..
وديمة:وانت من هله.......مع السلامة..
نجلاء:شو يبى ؟
وديمة:تخيلي..يبي يي باجر العيادة..
نجلاء:ليش؟
وديمة:يقول زوجتي ولازم اكون وياج..
نجلاء:ياسلام على ريلج..رومانسي..
وديمة:سكتي عمووه..والله خايفة..
نجلاء:خايفة من شو؟؟
وديمة:ماادري..انت تعرفيني اذا عندي موعد شيصير فيني..استريس..ولابعد فهد بيي..
نجلاء:عادي حبيبتي..تكيت ايزي..
باجر العصر..الساعة 4..يقعد يوسف وياامه وابوه....
يوسف:اي عندي شي ابي اقوله..
بويوسف:خير ان شاء الله..
يوسف:جاني شغل من الشركة اللي اشتغل فيها برع الدوحة..وبتم اربع شهور..
ام يوسف:اربع شهور؟!!
يوسف:اي يمه..
ام يوسف:وايد..
بويوسف:صبري يامرة خلي الولد يكمل..كمل يبه..
يوسف:وبكون انا المشرف على المشروع..وهالمشروع كبير..وبتكون فرصة ممتازة بالنسبة لي لو سافرت..
بويوسف:وين بتروح؟
يوسف:ماليزيا..وقالي صاحب الشركة..ان راتبي بيظل مثل ماهو..وبيعطوني مصاريفي حق هناك..وبيأجرون لي بيت اقعد فيه..
ام يوسف:بس وايد يايمه اربع شهور..
بويوسف:ماتقدر تيينا في هالاربع شهور؟
يوسف:لا..بس عقبها اقدر ازوركم بس برد مرة ثانية..ابي اسمع رايكم..
الساعة 8 يوصل فهد عيادة راشد...ويطلب مقابلته...لين مادخل وسلم عليه وقعدوا....
راشد:اعذرني يافهد ماقدرت امرك الفترة اللي طافت..كنت وايد مشغول..
فهد:مو مشكلة..انا اصلا مب جاي علشان موضوعنا..
راشد:عيل خير ان شاء الله..
فهد:جاي أسألك عن وديمة..على اساس اليوم كان عندها موعد وياك..
راشد:لا الحمدلله..وديمة صحتها ممتازة..ويوم ورى يوم صحتها في تحسن..ماشاء الله النفسية عندها ممتازة وهالشي يساعد..صحيح انها يوم تيي تكون خايفة ومتوترة وماتكلم..بس عادي..
فهد:انا كنت بيي معاهم بس جاتني شغلة ضرورية وماقدرت ايي الا الحين..
راشد:تطمن يافهد..وديمة بخير..انزين ماقلت لي ايش بغيتني فيه؟
فهد:يصير نطلع من هني؟
راشد:على راحتك..بس عطني عشر دقايق اخلص من مريض ونطلع..
فهد:اوكي..بس انا بسبقك..
راشد:وين نتلاقى؟
في بيت بوسلمان...قاعد بوسلمان وجبر وسلمان وخالد ووديمة ونجلاء....وكل واحد قاعد يسولف ويالثاني..
بوسلمان:ليتك تميت اكثر..
جبر:مرة ثانية ان شاء الله..احنا جيناكم وايد وانتوا ماكنتوا موجودين..الحين دوركم..
سلمان:انا ان شاء الله ناوي امركم الاسبوع الجاي مع العيال قبل لدواماتهم تبتدي..اوديهم يغيرون جو..
نجلاء:ودوم تعالي وياسلمان..
بوسلمان:اذا ملجتج كانت الاسبوع الجاي كلنا بنيي..
نجلاء(استحت)
دخلت ام سلمان وليلى ومعاهم حلو وزعوه على الكل....
جبر(وهو يذوق الحلو):ياسلام..واايد لذيذ..
ام سلمان:هذا ليلى مسويته..
جبر:امج دوم تمدح طباخج..
ليلى:عاد انا من متى وانا اقولك تعال عندي تغدى يوم ماانت راضي..
جبر:ان شاء الله المرات الجايه..
ليلى:مافي مرات جايه..انا سويت لكم العشاء..
جبر:وديمة ليش ماتاكلين؟
وديمة(ميودة عمرها):ماابي..
جبر:كيف تفوتين هالحلو..اكلي مابتحسفين..
وديمة(قامت):الا بتحسف..
وراحت..
بوسلمان:وديمة..
وديمة(وقفت)
بوسلمان:وين رايحة؟
وديمة:بروح اصلي العشاء..ماصليت..
وراحت...
جبر:شو فيها وديمة؟؟
نجلاء:منك..يعني انت ماتعرف هي ليش ماتاكل؟
جبر:اووه..والله العظيم نسيت..
دخلت غرفتها وهي متضايقة وبغت تصيح...سمعت رنة تليفونها شافت رقم فهد قطت التليفون على الارض..وقعدت على الارض بزواية من زوايا غرفتها...لين مادخل جبر.....
جبر:ليش جالسة مناك؟
وديمة:احسن..لازم احتقر نفسي بهالمكان..
جبر(مستغرب من كلامها):شو يعني تحتقرين نفسج بهالمكان؟؟
وديمة:انا مااستاهل اقعد بولا مكان من غرفتي الا هالمكان..
جبر:وليش؟
وديمة:عمي تكفى..
جبر(قعد جنبها):وديمة حبيبتي..المرض مو احتقار..هذا ابتلاء من رب العالمين..
وديمة(دمعتها نزلت):وليش انا؟؟..وليش انا الله مبتليني؟؟
جبر:استغفري ربج..استغفري ربج..
وديمة:استغفر الله..
جبر:يوم رب العالمين يبتلي حد معناته يحبه..ماابتلاه الا لأنه يحبه..تصبري ياوديمة..صدقيني هذا كله بيكون لج اجر..بعدين انا سمعت انج تقدرين تاكلين حلو..بس مب وايد..
وديمة:تعتقد ياعمي..شنو بيكون شعوري يوم اشوفكم كلكم تاكلون وتسوون اللي بخاطركم..وانا محرومة!!
تدخل نجلاء...
نجلاء:هالو...وينكم؟
جبر:هني..
نجلاء:وييه..شو تسوون هني..يعني قلة الاماكن؟!!
جبر(يكلم وديمة):شفتي..تشوفين نجلاء..هذا ابتلاء من رب العالمين..
نجلاء:شو شو..شو تفضلت؟؟
وديمة(تضحك)
جبر:اي هذي الضحكة الحلوة..
نجلاء:شو قلت؟؟
جبر:انت شو تبين الحين؟
نجلاء:شو اللي قلته من شوي؟..انا ابتلاء؟؟
جبر:انا اضرب مثل..بس علشان تضحك هالحلوة..
نجلاء:ياسلام وعلى حسابي انا..
جبر(يقوم):سكتي سكتي بس..كلها جم يوم وبتزوجين..
نجلاء(استحت)
جبر:كلش ترى مو راكب عليج الحياء..
نجلاء:جبور..
جبر:جبور بعينج..انا نازل تحت..وديمة غسلي وجهج ونزلي..
وديمة:ان شاء الله عمي..
في الكافيه....
فهد:دكتور راشد..في واحد جاني قبل اسبوع المكتب وقالي انه يبي يفتح عيادة..ويقول عنده تصريح من الوزارة..بس اللي يبيه مصاريف العيادة..فأنا جى على بالي مشروع وابي آخذ رايك فيه..
راشد:تفضل..
فهد:ايش رايك افتح مجمع طبي..وتكون انت المدير العام للمجمع..ونحط فيه اقسام متعددة..ايش رايك؟
راشد:بصراحة مااعرف شاقولك..
فهد:ليش؟
راشد:جاني نفس العرض..بس مش مجمع مستشفى خاص..وطلب مني صاحبها اني اطلع من شغلي بالمستشفى واترك عيادتي واتفرغ للمستشفى وبيعطني ضعف اللي آخذه..
فهد:ووافقت؟..اذا وافقت..عادي قولي..
راشد:لا ماوافقت..
فهد:ريحتني..
راشد(ابتسم):وماراح اوافق على عرضك..
فهد(مستغرب):ليش؟!!
راشد:احب احتفظ بأسبابي لنفسي..انا سويت عيادتي بمجهودي..وماكنت ناوي اني افتح مستشفى وادخل دكاترة بمختلف الاقسام..كنت اقدر اسوي هالشي..بس ماابي..اعتقد ان عيادتي تكفيني انا وفارس اخوي..عرضك ممتاز وتقدر تسويه لدكتور غيري وتفتح المجال لغيري يبرز طاقته وانجازاته..
فهد:اي بس انا في هالمجال ماافهم شي..ومحتاجك تساعدني..
راشد:تقدر تدور على دكاترة يبون يفتوح عيادات وتساعدهم وتفتح لهم المجمع..
فهد:ومابتساعدني؟
راشد:ايش دعوة يافهد..قد مرة رديتك؟
فهد:لا..رايتك بيضة يادكتور راشد..عمرك ماقصرت..
راشد:اي وقت احتجت مساعدة ولاشي مايردك الا لسانك..واذا اقدر اسويه صدقني بسويه لك..بس ادارة المجمع لا..
فهد:على راحتك..بس اهم شي اذا سويت هالمشروع تساعدني؟
راشد:قلت لك..اذا اقدر ان شاء الله..
في بيت بوسلمان....الساعة 10...بعد مايتعشون يقعدون يسولفون...
وديمة تسولف على صوب ويانجلاء......
وديمة:قولي لي بشنو تفكرين؟
نجلاء:افكر بالريال..
وديمة:بتوافقين؟
نجلاء:مااقدر اقول لا..
وديمة:ليش؟
نجلاء:بصراحة ودوم..الرجال ماعليه قصور..كل شي فيه اوكي..بس انا جالسة افكر..وبستخير ان شاء الله..
وديمة:ياااارب نفرح فيج..شنو بتلبسين؟
نجلاء:بلبس فستان طبعا..
وديمة:اي لون؟
نجلاء:اممم..ماادري في خاطري أحمر..
وديمة:ياسلالام..بيستخف عليج الريال..
يرن تليفون خالد....
خالد:السلام عليكم......بخير الحمدلله...انت اشلونك؟......لا والله قاعد مع الاهل......لا هي موجودة....ليش؟.........ماادري والله...اي لحظة...(راح صوب وديمة)..هاج..
وديمة:منو؟
خالد(هد تليفونه وراح)
نجلاء:اشفيه اخوج؟
وديمة:آلو..
فهد:السلام عليكم..
وديمة(استغربت):وعليكم السلام..
فهد:وين تليفونج؟
وديمة:بغرفتي..
فهد:وانا كم مرة قايلج خلي تليفونج وياج..وبعدين ليش مسكر؟
وديمة:هاا..(تذكرت انها قطت تليفونها)..ماادري..
فهد:ليحين خالد زعلان منج؟
وديمة:شكله..
فهد:بغيت ايي اليوم العيادة بس ماقدرت..وبغيت امرج هم مافضيت كنت شوي مشغول..بمرج باجر الصبح..اوكي؟
وديمة:على راحتك..
فهد:في حد عندج؟
وديمة:اي..
فهد:من؟
وديمة:كلهم..
فهد:اوكي سلمي عليهم..مع السلامة..
وديمة:مع السلامة..
نجلاء:ودوم..انت ليش تحاجين ريلج بالقطارة.. بياكلج..
وديمة:خلينا باجر نشوف اشلون بتكلمين بعض الناس..عمووه بطلب منج طلب..بس الله يخليج لاترديني..
نجلاء:قولي..
وديمة:ودي تليفون خالد..
نجلاء:وليش انت ماتودينه؟
وديمة:هو زعلان مني ومايبي يكلمني ولايشوفني..وانا ماابي اروح له علشان يعطيني بهالنظرات اللي تخوف..
نجلاء(قامت):أمري لله..
تعطيه التليفون ويقوم...
خالد:ياللا انا ماشي..
بوسلمان:وين رايح؟
خالد:بروح بيتي..باجر وراي دوام من الصبح..
بوسلمان:تم هني..
خالد:لا مااقدر..
جبر(قام):خذني معاك..
بوسلمان:وانت وين رايح؟
جبر:بروح وياه..عندي جم شغله بخلصها وبروح وياه..
ام فيصل:مب جاي وياي؟
جبر:لا مااقدر..
بوسلمان:اشفيكم كلكم ماتقدرون..ايش عندكم؟
جبر:ماعندنا شي..نجلاء..عقب صلاة الفجر خلج زاهبة..سمعتي؟
نجلاء:اوكي..
جبر:اشوفكم بعد صلاة الفجر..مع السلامة..
الجميع:مع السلامة..
في الحوش...
خالد:وين تبينا نروح؟
جبر:بالاول برجع السيارة وعقب اقولك وين نروح..
في بيت بوراشد....شيخة لابسة وهي ميودة راشد...
ام راشد:وين رايحين يمه هالحزة؟
فارس:شيخة خالها وخالتها بيسافرون باجر ورايحه تودعهم..
ام راشد:ديروا بالكم يمه..
فارس:ان شاء الله..مع السلامة..
الجميع:مع السلامة..
ركبوا السيارة....
شيخة:اعذرني حبيبي خليتك توديني هالحزة..
فارس(يبتسم لها):اذا مااويدج انت هالحزة اودي من؟
يرن تليفونها...
شيخة:السلام عليكم..
جبر:وعليكم السلام..شاخبارج عمي؟
شيخة:بخير..انت اشلونك؟
جبر:تمام الحمدلله..وينج؟
شيخة:بالسيارة..
جبر:شو طالعين ولا رادين؟
شيخة:لا طالعين..جايه صوبكم علشان اسلم عليكم..
جبر:لا لاتقولين..
شيخة:ليش؟
جبر:انا مو في البيت..
شيخة:صج؟؟
جبر:انا طلعت وياخالد..كان عندي شغل وقلت امر اسلم عليج..انزين انتوا وينكم؟
وراحوا البنات فوق...نجلاء حصلت تليفون وديمة طايح ومكسور....
نجلاء:شو ذي؟؟
وديمة(مااهتمت)
نجلاء:ودوم شو مسوية بتليفونج؟
وديمة:كسرته..
نجلاء:ليش؟
وديمة:عصبت وكسرته..
نجلاء:مجنونة..
وديمة:عموه!!
نجلاء:أي مجنونة ونص بعد..حد يعصب ويطلع حرته بتليفونه ويكسره..مسكين ريلج مايدري شو تسويين..الله يكون بعونه..
وديمة:اصلا انا دوم اقول هو ايش يبي فيني..
نجلاء:ودوم جاااب..تعرفين شتاب..انت وحده معقدة..تكفين فكي عقدتج هذي..
وديمة(راحت وبدلت ملابسها وفرشت اسنانها)
نجلاء:الا قولي تعمدتي تكسرين تليفونج علشان ريلج يشتري لج غيره..
وديمة:اصلا انا ماافكر بهالطريقة..ولو ابي بشتري غيره..
يرن تليفون نجلاء...
نجلاء:هذا تليفوني يرن!!...من(تشوف)..شيخوه...آلو..
شيخة:وينكم؟
نجلاء:احنا فوق..
شيخة:وودوم الدبة ليش مسكرة تليفونها؟
نجلاء:كاسرة تليفونها..
شيخة:وليش ان شاء الله؟؟
نجلاء:غباء..
شيخة:انزين نزلوا جايه اسلم عليج..
نجلاء:انت تحت؟؟
شيخة:أي تحت..فتحوا لي الباب..
راكان يدخل غرفة فهد يحصله قاعد يفكر والدريشة مفتوحة....
راكان:مب برد عليك؟
فهد:أي شوي..
راكان(يسكر الدريشة):اشفيك؟
فهد:افكر..
راكان:بشنو؟؟
فهد:بوايد اشياء..
راكان(يقعد):مثل شنو؟
فهد:يعني الشغل وحياتي..
راكان:اشفيها حياتك؟
فهد:ماادري ياراكان..
راكان:يعني شنو ماادري؟؟
فهد:ماادري اذا اختياري هذا بيكون صح ولا لا..
راكان:قصدك زوجتك؟
فهد:أي..
راكان:وليش تقول جذي؟
فهد:ماادري شاقولك..
راكان:قول يافهد..صاير شي؟
فهد:لا ماصار شي..بس بس مرات احس البنت ياهل وتفكيرها مثل اليهال حتى تصرفاتها..كأني اتعامل مع طفل وأبي اعلمه الصح من الغلط..حتى النصيحة يوم ابي انصحها جني اتكلم ويا ياهل..
راكان:البنت تتدلع عليك..
فهد:الدلع شي والطفولة شي..
راكان:ايش تقصد؟
فهد:هي مافيها شي..بس حساسة وايد..وبسرعة تتأثر بالمشاكل اللي حولها..
راكان:متحسف؟
فهد:تبي الصراحة؟
راكان:اكيد..
فهد:لا..
راكان:أي اشوه الحمدلله..عيل ليش هالكلام كله؟
فهد:مااقولك اني مااحبها..بديت احبها من تصرفاتها ودلعها..بس مرات تخليني اعصب لأنها تتصرف وكأنها ياهل..بس ماادري ليش خايف..
راكان:خايف!!..من شنو؟
فهد:لاتسألني من شنو..لأني صج مااعرف من شنو..
راكان:تتكلم بالالغاز؟
فهد:صدقني ياراكان..ماني عارف من شنو خايف..بس حاس ان في شي بيصير في حياتي..
راكان:شي زين؟
فهد:لا..قلبي مقبوض..خايف حد يخرب علي وناستي..
راكان:تفائل خير ياريال..ان شاء الله مو صاير الا كل خير..وبعدين من يبي لك الاذية؟
فهد:يااااه..وايدين ياراكان..ولا تسوي عمرك ماتعرف ايش كثر الحساد اللي حولنا..
راكان:ادعي ربك يبعدك عنهم..(قام)..ياللا قوم وغير ملابسك ونام..علشان تقدر تقوم حق الصلاة..تصبح على خير..
فهد:وانت من هله..
الليتات مسكرة...والدنيا ظلمة.. وهم متلحفين زين من البرد...يتكلمون لبعض....
نجلاء:اشلون مافهمت عليج؟
وديمة:ماادري شاقولج عمووه..
نجلاء:قولي ودوم..اذا في شي تحجي من الحين..
وديمة:مافي شي مثل اللي تفكرين فيه..بس مااحس باللي تقوله شيخة..يعني الاشياء اللي تصير بين المخطوبين..احس اني بعيدة عن هالاشياء..
نجلاء:تقصدين انه مايحبج؟
وديمة:انا ماقلت جذي..بس يوم يتصل فيني..مايقول الا بطرش لج هذا بعطيج هذا..وينصحني وبس..ماادري اذا هذا اللي يصير بين المخطوبين او لا..
نجلاء:سألي شيخوه..
وديمة:سألتها..
نجلاء:اوكي دوري بالنت..بتحصلين تجارب غيرج..واكيد بيفيدج هالشي..
وديمة:ماابي..ماابي اعور قلبي وانا اقرأ عن تجربة غيري..اللي تقولي ريلي يجيني مرتين بالاسبوع..واللي تقول ريلي يقولي جذي..وتفاهمنا على بعض الشغلات..واللي تقول صرت اعرف اللي يحبه ويكرهه وهو عرف عني الكثير من شخصيتي..لكن انا مااشوف نفسي مثلهم..
نجلاء:يمكن علشان شغله..مشغول عنج شوي..
وديمة:ماادري ياعمتي..بس مرات احس واقول حق عمري..يمكن الرجال متزوجني غصب..ولا يبي يعطف علي وكسرت خاطره؟؟
نجلاء(مصدومة من الكلام قامت وقعدت):ودوم..ايش هالكلام..الريال بهالعمر تقولين مغصوب؟؟
وديمة:اقول يمكن..يمكن دور على بنات كثار..وقال ياللا اخذها وامري لله..
نجلاء:شو هالرمسة ياوديمة..
وديمة:انا اقول يمكن..
نجلاء:وبعدين ليش تكسرين خاطره؟؟
وديمة:يعني علشان اني مريضة..
نجلاء:ودوم..شو بلاج؟؟..يعني تهقين واحد بيتزوج وحده مريضة ليش؟؟..اكيد حباج..
وديمة:مااعتقد عمووه..لو يحبني جان قالها..جان بين..ليش يخش عني مشاعره..
نجلاء:انت بعد مثله..ماكو فرق بينكم..
وديمة:انا مثله!!
نجلاء:أي مثله..يوم تكلمينه جنج تحلين كلمات متقاطعة..بالقطارة تحجين..كلمة ورى كلمة..
وديمة:انزين انا بنت واستحي..شي طبيعي استحي اتكلم..
نجلاء:وديمة انتوا صار لكم اكثر من اسبوعين مالجين..على الاقل قولي اخبارك..واشلون دوامك..يعطيك العافية..خذي واعطي معاه..مااقولج قولي له احبك..لا..على الاقل حسسي الريال انج زوجته مو قاعد يكلم وحده من موظفاته..
وديمة:موظفاته!!
نجلاء:وديمة حبيبتي..لازم تهتمين بالريال..علشان مايطير منج..لاتحسسينه انج انسانة باردة وماتملكين مشاعر..عقب يفكر انه البنت ماتعرف الحب والرومانسية ويروح عند غيرج..
وديمة:تهقين؟؟
نجلاء:هيه..
وديمة:ماادري..والله ياعمتي استحي اتكلم وياه..
نجلاء:واللي سويتيه معاه يوم كنتي في المستشفى شنو؟؟
وديمة:ايش سويت؟
نجلاء:يعني السوالف اللي صارت بينكم..
وديمة:ماادري اشلون كنت اكلمه بهالطريقة..يمكن لأني كنت محتاجة حد يوقف معاي باللي صار فيني..
نجلاء:لو هو ماكان بحياتج..كنتي بتقولين لمن؟
وديمة:كنت بقول حق خالد..
نجلاء:وليش قلتي حق فهد؟
وديمة:بغيته يحميني من عصبية خالد..
نجلاء:شفتي اشلون..معناته انج تملكين مشاعر اتجاهه ولا ماكان فكرتي انه بيحميج..وماكو شخص يحمي شخص الا لأن يحبه..وبعدين فهد كان لطيف معاج وماقصر معاج..ولا عندج شك بهالشي؟؟


تفكير فهد ووديمة لوين بيوصلنا؟؟

وياترى هل صحيح بتصير أحدااث في حياتهم مثل ماقال فهد؟؟

ونجلاء متى بنحضر ملجتها؟؟

تابعوني بفصل جديد وأحداث جديدة..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 62
قديم(ـة) 30-12-2013, 10:53 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


" فصل الـ 30 "






جبر ونجلاء سافروا..ونجلاء تفكر بالحلم اللي كانت تحلم فيه طول حياتها..وقرب انه يتحقق...الصبح الساعة 10 و9 دقايق وصل فهد..ودخل المجلس...وديمة كانت تزهب..لبست بنطلون جنز وبلوزة بيضة وذهبية...ولبست اكسسوار ذهبي..وفلت الشعر ولبست تاج ذهبي..تعطرت وباست عمرها من المنظرة...نزلت تحت...
ام سلمان:روحي يابنت تأخرتي على الريال..
وديمة:حلوة؟
ام سلمان:قمر ماشاء الله..
وديمة(استحت):يسلمو مام..
راحت المجلس...وسلمت....
وديمة(تقعد):سوري تأخرت عليك..
فهد(منبهر بكشختها وستايلها):اخبارج؟
وديمة:طيبة..انت اشلونك؟
فهد:الحمدلله..ليش ماحاطه مكياج؟
وديمة(استحت):حاطه بس خفيف..
فهد:ليش؟
وديمة:يعني..انا احب الخفيف..وبعدين احنا الصبح..
فهد:أي..
وديمة:ليش انت تحب الميكاج؟
فهد:لا..بالعكس انا احب الوحده على طبيعتها..انزين قولي لي..متى تبين العرس؟
وديمة:انا ابي آخذ صيفي هالكورس..
فهد:بس انت تقدرين تاخذين ست مواد الكورس الجاي؟
وديمة:اقدر ليش مااقدر..
فهد:دام تقدرين خلاص..توكلي على الله..وصدقيني بكون معاج اول بأول..واي شي تحتاجينه انا حاضر..خلينا نتزوج في الصيف..ونسافر وندور لنا جم دولة.. ونغير جو من الجامعة ومشاكلها وتكونين ماخذه طاقة كافية للدراسة..وعقب تردين وانت مرتاحة ومستعدة للدراسة من جديد..
وديمة(تفكر)
فهد:فكري عدل..هذي الخريطة فيها بطايق..نقي البطاقة اللي تبينها..وعقب عطيني خبر..
وديمة:ان شاء الله..
فهد:ماقلتي لي ليحين خالد زعلان منج؟
وديمة:أي..
فهد:أي صح تعالي وين تليفونج؟
وديمة:فوق..
فهد:وليش مسكر؟
وديمة:...مسكر!
فهد:أي مسكر..اشفيج؟
وديمة:ماكو..يمكن البطارية مفضية..
فهد:من يوم وانا اتصل فيج وتقولين البطارية مفضية..وين تليفونج؟
وديمة:بداري..
فهد:روحي جيبيه..
وديمة(قامت):ان شاء الله..
راحت وجابت التليفون وهي مستحية من فهد كيف بيشوف شكل التليفون..
فهد:عطيني اياه..
وديمة(عطته)
فهد:مكسور!!..ليش؟
وديمة:....
فهد:حد لاعب فيه من الياهال؟
وديمة:لا..بس انا اللي كسرته..
فهد:وليش كسرتيه؟؟
وديمة:بس جذي..
فهد:مافي شي اسمه جذي..قعدي اشوف..
وديمة(قعدت وهي خايفة منه)
فهد:قولي لي ليش كسرتيه؟
وديمة:كسرته وخلاص..
فهد:بتقولين..ياللا..
وديمة:كسرته لأني كنت معصبة..
فهد:وليش كنت معصبة؟؟
وديمة:خلاص فهد..
فهد:لا مب خلاص..انا زوجج ومن حقي اعرف..
وديمة:ماكو شي خلاص..انا عصبت وانتهى الموضوع..
فهد(قرب منها):وديمة..انا زوجج ومن حقي اعرف عنج هالاشياء..
وديمة:لاتخاف ماني مجنونة..ولاني مريضة نفسية..
فهد:ومن اللي قال هالكلام..انا قلت اعرفج علشان اعرف كيف اتعامل..اعرف الشي اللي يضايقج واللي مايضايقج..اذا انت عادتني واحد غريب.هذا شي ثاني..
وديمة:لا..بس انا يافهد..كسرت التليفون غصب عني..
فهد:انزين قولي لي..
وديمة:بس ماتزعل مني؟
فهد:لا..
وديمة:اخاف تزعل..
فهد:مب زعلان..قولي..
وديمة:ليلتها كلنا كنا ملتمين واختي جابت لنا سويت..والكل قعد ياكل..وانا اطالعهم..ماتحملت الموقف..حسيت اني ضعيفة..انا مب علشان الاكل..بس احس ان عندي نقص..طلعت من المجلس..وانا معصبة دخلت غرفتي سمعته يرن وكنت انت اللي متصل..خذت التليفون و..
فهد:وكسرتيه؟
وديمة(هزت راسها)
فهد:ايش قالج دكتور راشد؟
وديمة:ولاشي..قالي اني بخير..
فهد:متى عطاج موعد؟
وديمة:عطاني موعد عقب اسبوع علشان التحاليل..
فهد:انا ابيج تطمنين ولاتفكرين بهالاشياء..بعدين انت صحتج اوكي..تقدرين تاكلين..بس شوي..
وديمة:ماابي..
يرن تليفون فهد....
فهد(يشوف الرقم):السلام عليكم....بخير.....وصل؟...خلاص ياللا انا جاي..مع السلامة..(قام)..انا مضطر امشي..اشوفج مرة ثانية..
لكن فهد ماراح الشركة على طول ....راح محل تليفونات....اشترى تليفون...وراح محل تغليف هدايا...وغلف الهدية بطريقه حلوة...وراح الشركة...
فهد:علي اتصل في سايق بيتنا وخله يمر الشركة..
علي:ان شاء الله..
فهد:وايش صار على الوفد الياباني؟
علي:ودوهم الفندق علشان يريحون شوي..
فهد:ومتى بيوصلون؟
علي:يعني ساعة بعد..
فهد:حلو..انزين قول حق المترجم يكون متواجد يمكن نحتاجه..
علي:طال عمرك في واحد اسمه خلفان وطلب يشوفك..وقلت انك مب موجود..وجني سمعت من محمد انه بغى يشوف الوالد هم ماحصلاه..
فهد:أي ابوي محد..وماقالك ايش يبي؟
علي:لا بس قال بمر العصر..
فهد:أي خلاص..جيب البريد..
علي:ان شاء الله..
وديمة قاعدة تسولف مع امها بالمطبخ...يرن جرس البيت...تطرش الخدامة ام سلمان علشان تشوف من عند الباب...
وديمة:ماادري انت شتقولين؟
ام سلمان:اللي يقوله ريلج سويه..مب زين تطولين فترة الخطوبة..تزوجي وتوكلي على الله..
وديمة:بس اخاف اهمل بدراستي وانشغل عنها..
ام سلمان:انت شاطرة وتقدرين ان شاء الله..
وديمة(فكرت..كيف شاطرة عقب اللي صار)
تدخل الخدامة ومعاها علبة هدية كبيرة...
ام سلمان:شنو هذا؟
الخدامة:مايعرف ماما..
ام سلمان:من عطاج؟
الخدامة:في دريول يجي عند الباب ويعطيني..
ام سلمان:يمه وديمة شوفي ماعليها بطاقة اقريها شوفيها لمن..
وديمة:ان شاء الله..(تقرأ وهي مب صدقة)
ام سلمان:ها من من؟
وديمة:ماما هذا من فهد..
ام سلمان:يحليله فهد..فتحيها خلينا نشوف شنو فيها..
وديمة(افتحتها وانصدمت)
ام سلمان:اشفيج..قولي شنو فيها؟
وديمة:ماما جوال..
ام سلمان:كل هذا وداخله جوال..مبروك عليج..
وديمة:الله يبارك فيج..احراااج..
ام سلمان:ليش احراج؟
وديمة:شاف تليفوني مكسور وراح شرى لي واحد غيره..
ام سلمان:ريلج ولازم يسوي جذي..فتحي العلبه خلنا نشوف شكله..
وديمة(فتحت العلبه):واااااااو..صج صج انا هذا اللي بخاطري وكنت باشتريه..
ام سلمان:اشوف..اي واايد حلو..تهنين فيه..
وديمة:يسلمو مامي..
ام سلمان:روحي دخلي البطاقة فيه واتصلي فيه واشكريه..
راحت غرفتها وركبت فيه البطاقة وافتحت التليفون وهي مستانسة...وعلى طول اتصلت.....
وديمة:آلوووو..
شيخة:هلا ودوم..
وديمة:اشلونج؟
شيخة:طيبة..انت اشلونج؟
وديمة:انا بخير الحمدلله...بقولج شي..
شيخة:شنو؟
وديمة:اليوم وصلتني هدية عجيبة..
شيخة(متحمسة):شنو؟
وديمة:جوال..
شيخة:صج..من ريلج؟
وديمة:أي..
شيخة:ياسلالام..بدينا بهالحركات..واي جوال شرى لج؟
وديمة:ذاك الذهبي اللي كان في خاطري..
شيخة:لا لاتقولين..
وديمة:والله..
شيخة:انت قايلة له؟
وديمة:لا..ماني غبيه اقوله..
شيخة:ماشاء الله زين قدر يعرف ذوقج..
وديمة:اصلا الجوال سعره مب رخيص..
شيخة:مايغلى عليج شي..
وديمة:اقول شيخوه..ابيج بسالفة..
شيخة:قولي فديتج..
وديمة:فهد اليوم قالي اني اخذ من خمس مواد هالكورس وست مواد الكورس الجاي..
شيخة:مب انت بغيتي تاخذين صيفي؟
وديمة:بغيت..هو يقولي لا..يقول خلينا نسافر في الصيف جم بلدة ونستانس..وكملي السنة الجاية..
شيخة:والله ماادري شاقولج..بس زين بيبقى لج كورس بعد الزواج..مب انا..بقى لي وايد..
وديمة:لاتفكرين..صدقيني بسرعة بتمر الايام..
شيخة:بس سمعي اهم شي ماتفكرين في البيبي الا لما تخرجين..
وديمة:لا من هالناحية لاتحاتين..انا اصلا كلش ماافكر في البيبي الا عقب..
شيخة:قولي لي اشوف اتصلتي فيه شكرتيه على الهديه؟
وديمة:لا..
شيخة:ليش يالدبة..حرام عليج..تحصلينه ينتظر..
وديمة:استحي..
شيخة:شنو تستحين ريلج..
وديمة:شاقوله؟
شيخة:قولي له مشكور..
وديمة:انزين بشوف..
شيخة:مافي شي اسمه بشوف..الحين تتصلين..بتصل فيج عقب عشر دقايق..سمعتي؟
وديمة:زين..
شيخة:باااي..
وديمة:باااايات..
قعدت تفكر خمس دقايق شتقوله..آخر شي دقت عليه...رن رنتين ثلاث سكرت على طول...
وديمة:احسن..
في مكتب فهد...عقب ماطلع من عنده المحامي...
فهد(يود تليفونه واتصل):السلام عليكم..
وديمة:وعليكم السلام..
فهد:حرام عليج بس رنتين؟
وديمة:قلت يمكن مشغول..
فهد:كان عندي المحامي وتوه راح..
وديمة:مشكور..
فهد:على شنو؟
وديمة:على الهدية..
فهد:وصلت؟
وديمة:أي وصلت..
فهد:عجباج؟
وديمة:أي..
فهد:الحمدلله انه عجباج..
يدخل السكرتير...
فهد:لحظة شوي..
علي:طال عمرك الرجال اللي جى الصبح جى مرة ثانية ويبي يشوفك..
فهد:خله يدخل..
علي:ان شاء الله..
فهد:انزين..انا الحين بسكر لأن عندي شغل..تبين شي؟
وديمة:لا..
فهد:مع السلامة..
يدخل الرجال ويسلم عليه...
الرجال:انا بدخل في الموضوع دايركت..
فهد:خير ان شاء الله..
الرجال:انتوا عندكم فندق في فرنسا صح؟
فهد:أي..
الرجال:انا سمعت عنكم وايد..واستغربت ان هالفندق فيه خمر..
فهد(مصدوم):خمر؟!!
الرجال:أي..في الغرف خمور..والناس الداخله والطالعة سكارى..وغير هذا عندكم ديسكو..
فهد:انت ايش قاعد تقول..ديسكو وسكارى..انت من صجك؟
الرجال:انا من صجي..واذا مب مصدقني روح لهم على غفلة وشوف الحال كيف هناك..
فهد(عصب):انت متأكد ان هذا الفندق لنا؟؟
الرجال:أي متأكد..
فهد:عطني اسم الفندق..
الرجال:انا مب بس بعطيك اسم الفندق..بعطيك صور الفندق..
الظهر فارس يدخل غرفته...يحصل شيخة تبخر الغرفة...وهي لابسة جلابية مارونية وفالة الشعر.....
شيخة(تبتسم له):يعطيك العافية..
فارس:الله يعافيج..
شيخة:اشفيك تطالعني جذي؟
فارس:انا محظوظ..
شيخة(وهي مستحية):بشنو؟
فارس:بهالجمال..ماشاء الله عليج..حلوة بكل حالاتج..
شيخة(تحط المبخرة على التسريحة وتاخذ عنه الجاكيت)
فارس:اقول حبيبتي..
شيخة:لبيه..
فارس:عطيتي الخدم يغسلون ملابسي؟
شيخة:أي حبيبي عطيتهم من امس الليل..والعصر بيجيبونه لك..
فارس:عيل وين رشودي؟
شيخة:نزلته من الصبح تحت عند امك..
فارس:بس انا شفت امي وماشفت راشد..
شيخة:تحصله رقد بدارهم..
فارس(وهو رايح يغير ملابسه):متى بيبتدي دوامكم؟
شيخة:عقب اسبوع..
يدخل فهد البيت...يحصل ابوه قاعد وياامه.....
فهد:السلام عليكم..
الجميع:وعليكم السلام..
بوفهد:اشفيك؟
فهد(يقعد):يبه تدري اليوم من جاني المكتب؟
بوفهد:من؟
فهد:واحد جاني المكتب وقالي خبر فاجأني فيه..
بوفهد:شنو؟؟
فهد:فندقنا اللي في فرنسا..
بوفهد:اشفيه؟؟
فهد:ينباع فيه خمور..
بوفهد(منصدم):خمور!!!
فهد:مو بس خمور..مسويين مرقص..
بوفهد:شنو؟؟؟..مرقص وخمور بفندقي؟؟؟؟
فهد:انا مثلك انصدمت..حتى اني ماصدقت الريال لكن رواني الصور..
ام فهد:يمكن يتبلى على الفندق..
فهد:هو قالي اذا مب مصدقني روح لهم على فجأة وشوف بعينك..
بوفهد:انا مب مصدق..انا بوفهد ينباع بفندقي شي حرااام؟؟؟
فهد:انا حجزت تذكرة على فرنسا ومسافر الليلة..
ام فهد:بتسافر؟؟
فهد:أي بسافر لازم اروح اتأكد بنفسي..واتفاهم مع هالاشكال اللي أمنا لهم الفندق..
ام فهد:بهالسرعة؟
فهد:اذا ماسافرت اليوم مافي رحلة لين السبت..
ام فهد:اخوك راكان مسافر والحين انت بتسافر..
بوفهد:خليه يسافر ويروح يشوف شغله..(قام)..لاحول ولاقوة الا بالله..
فهد:وين رايح يبه؟
بوفهد:بروح اريح شوي..قعديني ياام فهد حق الصلاة..
ام فهد:ان شاء الله..
في غرفتها...تتصل في خالد...لكن خالد مايرد...تضايقت...وقعدت تفكر شتسوي علشان يرضى خالد..نزلت تحت..حصلت امها قاعدة تكلم بالتليفون....انتظرتها لين ماسكرت....
ام سلمان:ايش عندج تأشرين علي اسكر؟
وديمة:ابي اروح بيت خالد..
ام سلمان:مع منو؟
وديمة:ويالدريول..
ام سلمان:لاحبيبتي..بروحج لا..
وديمة:انزين تعالي معاي..
ام سلمان:مااقدر..في حريم بيزرون امي وبروح لها..
وديمة:انزين بتصل في ليلى..
ام سلمان:ليلى بعد ماتقدر تيي معاج..
وديمة:ليش؟
ام سلمان:اليوم ملجة اخت ريلها..
وديمة:يوووه..
ام سلمان:ايش تبين فيه؟
وديمة:اتصل فيه مايرد..قلت اروح له البيت..
ام سلمان:اليوم ماينفع..
الساعة 5 في مكتب فهد...
فهد(وهو واقف):اسمعني ياعلي..اي ورقة مهمة ومحتاجة توقيع حوله على مكتب ابوي..واذا شي يتحمل التأخير أجله لين ماارجع..ويوسف قوله ان السفرة بتأجل لين الاسبوع الجاي لين ماارجع..وبعد شنو...اي تذكرت طرش السايق يروح يستقبل بوحسين وعيلته..
علي:ان شاء الله..تامرني بشي ثاني بعد؟
فهد:هذا اللي اذكره..واذا في شي جديد كلمني على طول..تليفوني بيكون مفتوح..وين لاب توبي ..صلحاه المهندس؟
علي:أي نعم جاهز وموجود عندي في المكتب..
وديمة ملانة قاعدة بالصالة تكسر حب..وهي تطالع مسرحية كوميدية...يرن تليفونها....
وديمة(تنظف ايدينها):مرحبا..
فهد:هلا وديمة..اشلونج؟
وديمة:طيبة..انت اشلونك؟
فهد:الحمدلله..انا الحين في المطار ومتصل اسلم عليج قبل لأركب الطيارة..
وديمة(مستغربة):مسافر؟!!
فهد:أي جاتني شغلة طارئة ومستعجل لازم اسافر..
وديمة:تروح وترد بالسلامة..
فهد:ياللا مع السلامة..
وديمة:مع السلامة..
تيي ام سلمان....
ام سلمان:السلام عليكم..
وديمة:وعليكم السلام..بهالسرعة رديتي؟
ام سلمان:الحريم ماتموا وايد..بعدين ابوج اتصل فيني قالي بنروح بيت عمتج..بتيين؟
وديمة:لا..
ام سلمان:اشفيج؟
وديمة:ولاشي..
ام سلمان:من كنت تحاجين؟
وديمة:فهد..
ام سلمان:عيل ليش معصبة؟
وديمة:ماني معصبة..هو اللي ماادري اشفيه..يكلمني وهو معصب متضايق..ماادري اشفيه..
ام سلمان(قعدت عندها):أي ايش قالج؟
وديمة:قالي متصل اسلم عليج لأني بالمطار وبسافر..
ام سلمان:بيسافر وين بيروح؟
وديمة:ماادري..ماسألته..بس قالي جاتني شغلة طارئة ومضطر اسافر..
ام سلمان:جان سألتيه وين رايح وايش كثر بتم..
وديمة:يووه ماما مالي بهالاسئلة لو هو يبي بيقول..
ام سلمان:ماادري متى تعقلين..بعدين شنو هذا اللي قاعدة تاكلينه..حب؟
وديمة:شسوي ملانة..
ام سلمان:قومي ساعديني نسوي العشاء..
وديمة:ايش بتسوين؟
ام سلمان:بسوي لكم سمبوسة وسلطة وساندويتشات..قومي..
خالد(يدخل):السلام عليكم..
الجميع:وعليكم السلام..
خالد(يحب راس امه):اشلونج يمه؟
ام سلمان:بخير..انت اشلونك؟
خالد:الحمدلله..عيل وين ابوي؟
ام سلمان:بيرجع عقب شوي..(قامت)
وديمة(انتهزت فرصة وجوده بروحهم):خالد..
خالد(معطيها الاذن الصمخة)
وديمة(قربت منه):خالد عاد..كلمني..
خالد:.....
وديمة:خالد عاد قول شي..(تمسك ذراعه)
خالد(سحب ذراعه على طول):شيلي ايدج عني بالوصخة..ماكله حب وتيودين ثوبي..
وديمة:كلش عاد ثوبك اللي يلق..
خالد:نعم؟؟ايش قلتي؟؟
وديمة(خافت من نظراته):لا لا ماقلت شي..
خالد(ينظف ثوبه)
وديمة:كلش اللي يقول يدي صج كانت وصخة..خالد تكفى عاد لاتزعل مني..والله اللي صار غصب عني..وماادري اشلون صار..
خالد(قام)
وديمة:خالد..حرام عليك عطني وجه..ايش دعوة عاد..اتصل فيك ماترد..وماتكلمني..انزين ماعليه..باجر لمت بتتحسف انك ماردت علي..(وراحت غرفتها)
تيي ام سلمان..
ام سلمان:عيل وين وديمة؟
خالد:راحت غرفتها..
ام سلمان:وين راحت..توني قلت لها تيي تساعدني في المطبخ..تكفى يمه خالد روح قولها تنزل..هي بروحها زعلانة..
خالد:زعلانة اشفيها؟
ام سلمان:علشان فهد اتصل فيها وهو معصب وقالها انه بيسافر..
خالد:وشنو يعني..
ام سلمان:اختك وانت ادرى فيها حساسة..
وراحت المطبخ...
خالد(توهق ماكان يبي يروح لها راح فوق...دق الباب)
وديمة:منووو؟
خالد:خالد..
وديمة(استانست بس سوت عمرها زعلانة):تعال..
خالد(فتح الباب):واشفيج تقولينها وانت معصبة؟؟
وديمة:قول حق عمرك..
خالد:امي تبيج..نزلي ساعديها..
يرن تليفونها...
وديمة:آلو..هلا شيخوه..
خالد(ينتبه لوجود الكاميرا على مكتبها..شافها منشغلة بتليفونها خذ الكاميرا وفتحها وقعد يطالع الصور..وهو مستغرب..اكثر الصور صوره..متى قدرت تصوره كل هاي من غير مايحس بعمره)
وديمة(تقرب صوبه):شتسوي؟
خالد(تخرع):بسم الله الرحمن الرحيم..جنية..
وديمة:شتسوي؟
خالد:متى صورتي هالصور كلها؟
وديمة:عجبتك؟
خالد:لا..
وديمة:ليش؟
خالد:وليش مصورتني؟؟
وديمة:ممنوع؟
خالد:ليش رسبتي ياوديمة؟
وديمة:ليتك سائلني من زمان وما تعصب وتزعل مني..
خالد:هذاني سألتج..
وديمة:لو بقولك بتصدقني؟
خالد:بصدقج..
وديمة:ماادري..انت عارف ياخالد اني كل امتحان امتحنه واعرف درجاته اخبرك فيه اول باول..وماعمري خشيت عليك حتى لو راسبة بالكويز وانت تدري هالشي..لكن اشلون صار هالشي ماادري..
خالد:والفاينل؟
وديمة:الفاينل ماكان صعب..كان زين..انا قلت بجيب b واذا كلش c+ ..بس مب f..اذا انت مصدوم مني مرة..فأنا مصدومة عشر مرات..
خالد:اللي صار صار..وانسيه..وابدي الكورس من اول وجديد..بس لاتاخذين عند نفس الدكتور..
وديمة:هذا اللي افكر فيه..
خالد(سكر الكاميرا ورجعها مكانها):ومرة ثانية لاتصوريني..
وديمة:كيفي..
خالد:مافي شي اسمه كيفي..سمعتي..وياللا نزلي ساعدي امي..
وديمة:ياللا الحين رايحة..
خالد(طلع من غرفتها وشاف حمد بالصالة):حمد..
حمد(وقف)
خالد:حمد ابي اكلمك..
حمد:تكلمني؟!!..وليش ان شاء الله؟؟
خالد:انت اخوي وانا ابي اكلمك..
وديمة(تطلع من غرفتها وتشوفهم)
حمد:مافي شي بيني وبينك..وانسى اني اخوك..كفاية اللي سويته..
خالد:انا ايش سويت؟؟
حمد:كل اللي سويته وتقول ايش سويت..لاتعتقد ان اللي سويته ينغفر لك..
خالد:ياحمد انسى اللي صار..
حمد:انا مشغول ومب فاضي اتكلم معاك..
نزل..خالد تضايق من كلام حمد...
وديمة:ماعليه ياخالد..الله يهدي حمد..ماادري من وين متعلم هالاخلاق..
خالد نزل ومر على امه....
خالد:انا رايح يمه تبين شي؟
ام سلمان:وين رايح اقعد تعشى معانا..
خالد:مشكورة يمه..بروح الكافيه..بقعد ويالربع..
ام سلمان:على راحتك..
خالد:مع السلامة..
ام سلمان:مع السلامة..
طلع خالد من هني..ووديمة تكلمت وياامها...
وديمة:ماما تدرين ليش خالد راح؟
ام سلمان:يقول بيروح عند ربعه..
وديمة:لا ماما..حمد الله يهداه..
ام سلمان:سوى له شي؟
وديمة:خالد قاله ابي اتكلم وياك قاله مب فاضي اتكلم وياك وماراح اغفر لك اللي سويته..خالد تضايق من كلامه..
ام سلمان:من متى هالحجي صار؟
وديمة:من شوي..
ام سلمان:لاحول ولاقوة الا بالله..الله يهديه..ماادري متى بيعقل..
وصل فهد باريس...وحل المشكلة وطرد المدير التنفيذي للفندق..وعيّن واحد غيره..وهو طالع من الفندق حصل محل ملابس مجابل الفندق..لفت نظره الملابس وحس انهم يليقون على وديمة..راح المحل..وقعد يتبضع....
والمدارس والجامعات مابقى لهم شي ويبدون فصل جديد..
في بيت بوراشد...البنات قاعدين بغرفتهم يشوفون اغراضهم...
شيماء:شموه ماعجبني هالجوتي..
شمة:ليش؟
شيماء:مو مرتاحة فيه..
شمة:انتي جربتيه في المحل..
شيماء:أدري..بس موعاجبني..ليتني شريت الاسود المخملي..
شمة:المخملي يتوصخ بسرعة..
شيماء:شسوي ارده؟
شمة:لا..انا عاجبني..تبين نرجع الاثنين..ماابي..
شيماء:انزين خلاص باخذه..في شي ناقص..
شمة:شنو؟
شيماء:مااشترينا ساعة..
شمة:أي صح..
في السوق.....
فارس:أي واحد أحلى..
شيخة:الذهبي وايد حلو..
فارس:انزين ايش رايج ناخذ الذهبي والفضي..
شيخة:اوكي..
فارس:انزين لو تبين تختارين حق عمرج أي واحد تختارين؟
شيخة:امم..(تدور بينهم)..الابيض وايد يجنن عجيييب..اذا تبي تاخذه حق وحده من خواتك..
فارس:انزين ايش رايج آخذ الذهبي والابيض لهم؟
شيخة:اوكي..
فارس:لو سمحت عطني هالساعتين..وغلفهم لي..
البائع:حاضر..
فارس(عطاها السويج):روحي وياراشد السيارة وانا بلحقكم..
وراحت شيخة السيارة...
فارس:لو سمحت زيد عليهم الساعة الفضية..
البائع:واغلفها؟
فارس:أي غلفهم كلهم..بس الابيض ابي تغليفه غير عن الباقي..
يدخلون البيت...وبعد السلام....
راشد:عطيني راشد..
شيخة(عطته راشد)
ام راشد:تعشيتوا يمه؟
فارس:أي يمه تعشينا..
راحوا فوق يغيرون ملابسهم...
شيخة:ايش رايك قبل لنبدل ملابسنا نعطيهم الهدايا؟
فارس:اوكي..ياللا امشي..
دقوا الباب...
شيماء:منوو؟؟
فارس:فارس..
شيماء:حياك يابوراشد..
فتح الباب...
فارس:شنو ذي..شنو كل هذا..وين قاعدين بسوق الحراج؟؟
شمة:السموحة يابوراشد..رحنا السوق وقاعدين نشوف اغراضنا ونرتبها..
فارس:انزين نبي نقعد..
شيماء(لمت الاغراض):حياكم قعدوا..
يقعدون...
فارس(يمد يده):تفضلوا هذي هدية مني ومن شيخة ومن راشد بمناسبة تفوقكم..
شيماء:فديت روحك ياخوي..ماقصرتوا..ليش متعبين روحكم..
شيخة:لاتعب ولاشي..ألف مبروك وعقبال النتيجة الزينة اللي تدخلكم الجامعة..
شمة:آآمين..
شيماء:أبي افتح الهدية..
فارس:فتحيها..
فتحوها...
شيماء:واااااو..ساعة..
شمة:اليوم كنا نسولف ان ناسيين نشتري لنا ساعة..
شيماء:وااايد حلوة..
شيخة(مستغربة لكنها سكتت)
شمة:ثانكس..وااايد ناييس..
شيماء:تانكيو ماي براذر..آي لوف يو..
فارس(قام):ياللا شيخة خلنا نمشي..
شيماء:بروح ارويهم تحت..
شمة:خذيني وياج..
وراحوا غرفتهم...شيخة قعدت على الكنب وشغلت التلفزيون..فارس راح يبدل ملابسه...وعقب...
فارس:اشفيج قاعدة..ليش ماتبدلين ملابسج؟
شيخة:ببدل عقب..
فارس(استغرب منها قعد جنبها وهي قامت مسك يدها وقعدها):شيخة اشفيج؟
شيخة:مافيني شي..
فارس:اشلون مافيج شي..تقصين علي؟
شيخة:فارس هد يدي بروح آخذ راشد..
فارس:خلج قاعدة انا بجيبه..بس قولي لي اشفيج؟
شيخة:مافيني شي..
فارس(قام):على راحتج..نازل اجيب راشد..
شيخة بدلت ملابسها ورتبت سرير راشد..شوي ويدخل فارس...خذت منه راشد وسوت له حليب ورقدته على السرير...قعدت على السرير ومعطه ظهرها لفارس..ماسكه تليفونها...فارس يقرب منها من ورى ويمد يده..
شيخة(تطالع وهي مستغربة):شنو هذا؟
فارس:هذي هدية مني لج..
شيخة:بمناسبة؟
فارس:امم..يعني لازم مناسبة..خلاص مناسبة نجاحج هالكورس..
شيخة:يعني انت اشتريت الساعة اللي اخترتها لي؟
فارس:أي لج..
شيخة(تضايقت)
فارس:اشفيج؟
شيخة:يوم البنات فتحوا هداياهم وماحصلت الساعة اللي اخترتها تضايقت انك ماشريت اللي اخترتها مع انك خذت رايي وقلت للرجال يغلفها..
فارس:يوم شي في خاطرج ليش ماتقولين لي..ليش تخشين بقلبج وتقعدين تفكرين وتفكرين ويوصل تفكيرج للشك..
شيخة:سامحني يافارس..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 63
قديم(ـة) 30-12-2013, 10:54 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


متابعة فصل الـ 30






يوم السبت بالليل يوصل فهد الدوحة...وهم بالسيارة....
راكان:قول ايش سويت؟
فهد:كل الامور اوكي..طردت المدير التنفيذي من الفندق..سبحان الله مع ان هالرجال مسلم وعربي..وسوى كل هالشي..
راكان:ومن حطيت مكانه؟
فهد:واحد اجنبي..
راكان:اجنبي؟
فهد:أي..اجنبي مسلم..لكنه متدين وماخذ دين الاسلام احسن مني ومنك..
راكان:انزين قولي..اشوف معاك وايد اغراض..شالسالفة..شاري بضاعة؟
فهد:لا بضاعة ولاشي..هدايا..
راكان:هدايا لمن؟
فهد:يعني المفروض تفهمها وهي طايرة..دير بالك في سيارة جايه مسرعة..
راكان:لاتحاتي..
فهد:انزين لاتسرع..
راكان:الشوارع فاضية..
فهد:ولو..السرعة خطرة..
راكان:ماعليك من السرعة..قولي انت الحين شاري كل هالهدايا لها..وانا مالي نصيب؟
فهد:أي صح تعال..انا ماوصيتك تنقي لي احسن البضائع لزوجتي من مجمعك؟
راكان:بلا..نقيتهم..ومتى ماتبي بتوصلك للبيت..
فهد:البيت جاهز بس بقت جم غرفة ماأثثتها..
راكان:ليش؟
فهد:قلت آخذ رايها يمكن تبي هي تختار..
راكان:حتى غرفة النوم؟
فهد:غرفة النوم انا اخترتها..
الصبح الساعة 8 يرن تليفون وديمة.....
وديمة(وهي على السرير):آلو...
فهد:صباح الخير..
وديمة(فزت وقعدت)
فهد:آلو..
وديمة:هلا..
فهد:صباح الخير..
وديمة:صباح الخير..
فهد:راقدة؟
وديمة:اي..
فهد:اخبارج؟
وديمة:طيبة..
فهد:مافي حمدلله على السلامة؟
وديمة:ليش انت رديت؟
فهد:اي رديت..
وديمة:حمدلله على السلامة..
فهد:الله يسلمج..طالعة مكان؟
وديمة:ماادري..
فهد:انزين سمعي..عقب نص ساعة بييكم السايق ومعاه اغراض طرشي الخدامة تاخذ الاغراض..
وديمة:اغراض وشو؟
فهد:اغراض لج..اوكي؟
وديمة:ان شاء الله..
فهد:ياللا عيل انا بسكر لأن عندي اجتماع وان شاء الله اشوفج..مع السلامة..
وديمة:مع السلامة..
يرن تليفونها مرة ثانية...
وديمة:يوووه...آلو..
شيخة:صباح الورد..
وديمة:هلا شيخوه صباح الورد..
شيخة:اشلونج؟
وديمة:طيبة..انت اشلونج؟
شيخة:بخير..اشفيج معصبة؟
وديمة:ماكو..بس مادريت انج انت اللي متصلة..
شيخة:ليش رقمي مب مخزن؟
وديمة:بلا..بس انا قاعدة اتكلم وانا راقدة..وماشفت الرقم..
شيخة:انزين سمعي..في محل يبيع اثاث..عندهم طقم غرفة نوم رهيييبة..واايد واايد حلوة..عاد انا قلت دام انتي عروس لاتفوتج الغرفة وروحي حجزيها..
وديمة:اي لون؟
شيخة:ماروني..بس فضييع..
وديمة:وانت شموديج محل اثاث؟؟
شيخة:رايحة اشتري خزانة حق الجواتي..اللي عندي صغيرة..
وديمة:وحصلتي؟
شيخة:لا..بس شفت هالطقم..روحي خذيه لايفوتج..
وديمة:بجم؟
شيخة:ماادري بس غالي..عادي ماشاء الله ريلج قادر..
وديمة:انزين تيين معاي نروح نشوفه..
شيخة:متى؟
وديمة:العصر..
شيخة:من يودينا؟
وديمة:السايق..
شيخة:انزين بقول حق ريلي وعقب برد عليج..
وديمة:اوكي..ياللا بسكر بروح اغسل وجهي وبنزل..باااي..
عقب مابدلت ملابسها نزلت تحت صبحت على امها وحبتها...
ام سلمان:شمقعدج هالحزة؟
وديمة:فهد مطرش لي اغراض وياالسايق..
ام سلمان:شنو هالاغراض؟
وديمة:ماادري..
جرس البيت يرن..
وديمة:اكيد هو..وين الخدامة؟
ام سلمان:شوفيها بالحوش..
عقب ماتدخل الخدامة ومعاها الاغراض....
ام سلمان:ماشاء الله كل هالهدايا؟
وديمة(مصدومة من الصناديق)
مريم:فتحيهم ودوم..
وديمة(تقعد على الارض وتفتح الصناديق وهي مصدومة من الاغراض والهدايا)
ام سلمان:الله يحفظه فهد ويخليه لج..ويعيش ويجيب لج..
عائشة:الملابس وايد حلوة..
ام سلمان:اكيد شاريهم لج من سفرته..
الخدامة ودت الاغراض بدار وديمة.....
ام سلمان:قومي اتصلي فيه واشكريه..
وديمة:بعدين يمه..
ام سلمان:مافي شي اسمه بعدين..الحين روحي واشكريه..
يرن تليفون وديمة...
وديمة:آلو..
فهد:السلام عليكم..
وديمة:وعليكم السلام..
فهد:وصلتج الاغراض؟
وديمة(قامت وغيرت مكانها):اي وصلتني..مشكور..
فهد:فتحتيهم؟
وديمة:اي..
فهد:عجبوج؟
وديمة:اي..تسلم..
فهد:حاولت انقي لج على ذوقي وماادري اذا ذوقي بيعجبج او لا..
وديمة:لا بالعكس حلويين..
فهد:العصر طالعة؟
وديمة:اي طالعة..
فهد:وين؟
وديمة:بروح ويابنت عمتي..
فهد:وين؟
وديمة:بنروح نشتري اغراض..
فهد:ومتى بتردون؟
وديمة:ليش؟
فهد:يمكن الحق واشوفج..
وديمة:ماادري والله متى برد..
فهد:لما تردين البيت خبريني..
وديمة:اوكي..
فهد:ياللا عيل ديري بالج على عمرج..مع السلامة..
سك الخط وقط تليفونه على الكنب ووقف مجابل الدريشة وهو يتأمل المنظر من فوق..ويفكر بمستقبله المجهول....
فهد:ماادري ياوديمة هل انا بكون سعيد وياج ولا بعيش عمري بوهم اني احبج..
يندق الباب..ويدخل راكان.....
راكان:سلام..
فهد:هلا راكان..
راكان:ايش عندك واقف؟
فهد:ولاشي افكر..
راكان:تفكر بشنو؟
فهد:بكل شي..
راكان:انزين اسمع في حد في بيتك علشان بيودون الاغراض..
فهد:اي العمال موجودين..
راكان:انزين شسوي؟
فهد:تقدر تنتظر لين باجر..لإن اليوم آخر شي بس يشطبون وبيطلعون..
يدخل راشد العصر العيادة...
راشد:السلام عليكم..
جميلة:وعليكم السلام دكتور..
راشد:اشلونج جميلة؟
جميلة:بخير دكتور..
راشد:وين جدول المرضى؟
جميلة:على مكتبك..
راشد:في حد وصل؟
جميلة:أي نعم..
راشد:اوكي شكرا..
دخل مكتبه وحط الشنطة على المكتب وفصخ الجاكيت ولبس البالطو..وشغل اللاب توب..وقعد يشوف الجدول..تتدخل الممرضة..
صفية:مساء الخير دكتور..
راشد:هلا صفية..اشلونج؟
صفية:طيبة..
راشد:دخلي المريضة تماضر..
صفية:حاضر دكتور..
وقعد راشد يتطق طق على اللاب توب لين مادشت تماضر وياامها....وبعد السلام....
راشد(يفتح ملفها):اشلونج تماضر؟
تماضر:زينة..
راشد:اشفيج تقولينها وانتي خايفة؟
تماضر:انا عادية..
راشد:انزين قولي لي..حسيتي بألم او شي غريب في الفترة اللي طافت؟
تماضر:لا..
الام:اشلون لا..الا دكتور قبل يومين كانت وايد تعبانة وتألم..وحاولت وياها ايبها العيادة مارضت..
راشد:وليش ماجيتي ياتماضر؟
تماضر:قلت بجي يوم الموعد..
الام:دكتور عطونا الموعد متأخر..
راشد:شسوي العيادة كانت زحمة شوي..بس هذي حالة طارئة وكان لازم تجين..انزين اشلون تصرفتي؟
الام:عطيتها مسكن وشربتها جم شي لين ماقدرت تنام وسكن عندها الالم..
راشد:صفية..
صفية:نعم دكتور؟
راشد:وين نتيجة التحليل؟؟
صفية:مب موجودة في الملف؟
راشد:لا..
صفية(خذت الملف منه):بروح اشوف عند جميلة..
راشد:انزين تماضر قولي لي كيف كان الالم عندج؟
تماضر:ألم..
راشد:تماضر..انا دكتورج وصارحيني بكل شي..علشان اقدر اساعدج وتتشافين ان شاء الله..لاتخافين وخلج شجاعة..
الام:تحجي ياتماضر..
تماضر:ألم حاد وعقب جاني مغص..وتعبت وايد..
راشد:استفرغتي؟
تماضر:لا..
راشد:والحين اشلونج؟
تماضر:اوكي..
جات صفية...
صفية:تفضل دكتور..
في مكتب فارس...مرة وحده يرن تليفونه..وهو يستغرب هالرنة...يطالع..يشوف رنة منبة..يقرأ مكتوب..أحبك...ابتسم وعرف ان هذه حركة شيخة...
فارس:دخلي المريض ثامر..
الممرضة:حاضر دكتور..
في مكتب راشد....
تماضر:يعني لي متى؟
راشد:تقريبا اسبوعين..واذا ماتحسن الوضع عندج عقب بنستخدم علاج ثاني..
تماضر:تقصد عملية؟
راشد:لاتفكرين في العملية ياتماضر..انت حاليا بس استخدمي هالادوية اللي كتبتهم لج..وتمني من الله الشفاء..وان شاء الله خير..
الام:ان شاء الله تشافين وترتاحين..
راشد:واذا حسيتي بألم او شي غريب..تعالي العيادة..واذا ماكنت موجود بخلي دكتور فارس يشوفج..
تماضر:ليش انت وين بتروح؟
راشد:بكون موجود..بس مرات الواحد يصيده ظروف..
وهم بالمحل....
شيخة:ايش رايج؟
وديمة:يهبببل..واااايد حلو..
شيخة:ايش رايج مرت خالي؟
ام سلمان:وايد حلو..بس على كم؟
البايع:هالطقم ب 22450 ريال..
ام فيصل:ماعليه خصومات؟
البايع:هذا الطقم واصلنا جديد من يومين..ومافي منه الا واحد..والجودة وايد اوكي..
وديمة:وايد عاجبتني ودشت بخاطري..ابيها..
ام سلمان:اي بس الريال اللي يشتري الاثاث مب انتي..
وديمة:يعني شسوي..ابي..
شيخة:اتصلي فيه وخله يي ويشوف..
وديمة:استحي..
ام سلمان:خلاص عيل بيروح عليج..
وديمة:لا..ابيه..انزين بشتريه على حسابي..
شيخة:ووين بتحطينه؟
وديمة:ماادري..
ام فيصل:اتصلي فيه ولاتستحين..ياللا..
وديمة(وهي مستحية طلعت تليفونها وتتصل وهي خايفة وراحت شوي بعيد عنهم):مرحبا..
فهد:هلا مرااحب..
وديمة:اشلونك؟
فهد:انا بخير..انت اشلونج؟
وديمة:تمام..مشغول؟
فهد:مشغول..بس قولي اللي تبينه..
وديمة:بغيت اقولك اني...اني في محل مفروشات وفي غرفة نوم وااايد عاجبتني وابي اشتريها..
فهد:حق بيتنا؟
وديمة(وهي مستحية):اي..
فهد:بس انا شاري اثاث غرفة النوم..طالبها طلبية من برع..
وديمة:شريت؟
فهد:اي..انت في أي محل؟....وشتسوون هناك؟.....انزين انا الحين بسكر عندي شغل عقب بكلمج..مع السلامة..
وديمة(زعلت وراحت عندهم)
ام سلمان:ايش قالج؟
وديمة:يقول شاري غرفة النوم طلبية من برع..
شيخة:حساافة..
ام فيصل:اكيد اللي مختارها احلى..
وديمة:بس انا ابيها في خاطري..
ام سلمان:مالج فيها نصيب..
في مكتب فهد...
فهد:علي تعال شوي ابيك..
علي:حاضر..
دخل علي المكتب...
علي:نعم طال عمرك..
فهد:اتصل على هالمحل وعطني اكلم المسؤول..
علي:مفروشات!!
فهد:اي..
علي:حاضر..تامرني بشي ثاني؟
فهد:واتصل بمحمد خله يمرني ضروري ابيه..
في بيت بوسلمان....
ام سلمان:الحين ليش زعلانة؟
وديمة:ليش يشتري اثاث الغرفة من غير مايقولي؟
ام سلمان:واشفيها..ريال مأثث بيته بكبره..جات على غرفة؟؟
وديمة:ماابي..كل شي يسويه من غير شوري..
ام سلمان:يابنت عقلي..الريال ماسوى شي غلط..قومي غيري ملابسج وساعديني اسوي العشاء..
وديمة:ماابي..(راحت غرفتها وهي معصبة)
تفتح الباب وتقط عباتها وتقعد مقهورة..يرن تليفونها.....
وديمة:اووووف..ايش يبي هذا..ماني رادة..
طرش لها مسج....
وديمة اتصلي ابيج..
وديمة:ماني رادة زين..
رن التليفون....
وديمة:آلو..
فهد:السلام عليكم..
وديمة:وعليكم السلام..
فهد:وليش ماتبين تردين؟
وديمة:ومن اللي قال اني ماابي ارد؟
فهد:قولي الصج..التليفون كان يرن وانتي ماتبين تردين؟
وديمة:اي..
فهد:زعلانة صح؟
وديمة:......
فهد:كل هاي علشان غرفة النوم؟
وديمة:........
فهد:على العموم حبيت اخبرج ان الغرفة شريتها ويوم السبت بيجبونها الفيلا..ايش تبين بعد؟
وديمة:شريتها؟
فهد:اي..
وديمة:وليش شريتها؟
فهد:مب انتي تبينها؟
وديمة:بس انت قلت لي شريت اثاث الغرفة..
فهد:ماحبيت اخلي شي بخاطرج..
وديمة:ووين بتحطها؟
فهد:عادي بحطها بغرفة ثانية..الفيلا مليانة غرف..لاتحاتين..
وديمة:وانت ايش دراك بالغرفة اللي بغيتها؟
فهد:فهد مايفوته شي..قدرت اعرف اللي تبينه..
في بيت بوراشد...البنات قاعدين يطالعون تلفزيون مع روضة.....
شيماء:روضة بطلب منج..
روضة:آمري فديتج..
شيماء:انا وشموه نبي نروح الصالون..ابيج تجين معانا..عاد انت تعرفين امي وابوي مايرضون نروح بروحنا..
روضة:اوكي ماعندي مانع..
شيماء(استانست):ياسلام عليج..
روضة:اوكي..بس بالاول اخبر تميم..
شمة:تسلمين روضة..انقذتينا..
روضة:عادي حبيبتي..اي حزة بغيتوا تروحون تعالوا لي..
تنزل شيخة وتسلم عليهم....
شيخة:اخباركم؟
روضة:هلا شيخة..انت اشلونج؟
شيخة:تمام..اخبار بنوتتنا الحلوة..(تحبها)..قمر ماشاء الله..
روضة:عيل وين راشد؟
شيخة:فديته نايم..ذبحني..امس الليل كلش مانام..
روضة:عوديه على نومة الليل..
شيخة:وييه ذبحت عمري ماكو فايدة..انت بنتج ترقد بالليل؟
روضة:الحمدلله..ماشاء الله عليها في هالشي مريحتني..
شيخة:ماشاء الله عليها..عيل وين عمتي؟
روضة:طلعت وياعمي..
شيخة:اخباركم بنات؟
شمة:زينين..
شيخة:الدوام بيبتدي الاسبوع الجاي؟
شيماء:ياقرادتنا..ماادري ليش هالاجازة قصيرة..لو مخلينها شهر ونص..
شيخة:حمدي ربج..احس من ان يكون متواصل..روضة صبغتج وايد عاجبتني ماشاء الله..
روضة:عيونج الحلوة..انت صبغتج قاعدة تروح..ليش ماتصبغين مرة ثانية؟
شيخة:والله ياليت بس مااعرف شختار..
روضة:اهم شي ريلج موافق؟
شيخة:مابيقول شي..بالعكس بيستانس..
روضة:ايش رايج تجين ويانا الصالون باجر..
شيخة:من رايح؟
شيماء:احنا..
شيخة:صج..ايش عندكم؟
شيماء:بقولج بس ماتقولين لأمي..
روضة:ليش ناووين تسوون شي غلط؟؟
شيماء:لا طبعا..بس ابي اسوي لها مفاجأة..
روضة:ايش تبون تسوون؟
شمة:نبي نقص شعورنا..
شيماء:جي قصة مرتبة..على موضة هالسنة..
شمة:ونبي نسوي بديكير..
شيخة:اذا انتوا رايحين عيل انا بجي معاكم..بالمرة اروح واصبغ..
يرن تليفون شيخة....
شيخة:صباح الخير..
وديمة:صباح النور..اشلونج؟
شيخة:بخير..انت اشلونج؟
وديمة:زينة..وينج؟
شيخة:تحت قاعدة ويالبنات..
وديمة:بقولج شي شيخوه بتستخفين..
شيخة:شنو؟؟
وديمة:تدرين ان فهد شرى لي الغرفة..
شيخة:جذابة..
وديمة:والله العظيم..
شيخة:من صجج؟؟
وديمة:اي والله..
شيخة:ماشاء الله عليه ريلج..الله يحفظه ويخليه لج..يعيش ويجيب لج يالدبه..
وديمة:ماني مصدقة..
شيخة:وانت امس شوي وتصيحين..
وديمة:صحت..
شيخة:صج انج ياهل..
وديمة:شسوي كانت بخاطري..
شيخة:واشلون عرف ان هذي الغرفة اللي تبينها؟
وديمة:تصدقين ماادري..سألته قالي مايفوتني شي..
شيخة:ريلج خطييير..
وديمة:شيخوه تعالي بيتنا..ابي ارويج الاغراض اللي شراهم لي من فرنسا..
شيخة:والله ياليت بس اليوم طالعة..
وديمة:وين يالدبة؟..تطلعين من غيري؟
شيخة:سلفتي وحماواتي رايحين الصالون ورايحة وياهم..
وديمة:تروحين من غيري؟؟
شيخة:اذا تبين تعالي..
وديمة:وانت ايش بتسوين؟
شيخة:ماادري..يمكن سويت لي بديكير وخاطري اصبغ شعري..
وديمة:انا ابي ايي..
شيخة:تعالي..ايش بتسوين؟
وديمة:خاطري اقص شعري..ابي اسوي جي شي جديد..
شيخة:خلاص تعالي..
وديمة:انت بتروحين وياهم؟
شيخة:اي..وانت؟
وديمة:بشوف واحد من اخواني ولا ابوي..
شيخة:ووين سايقكم؟
وديمة:موجود..بس بشوف اخواني بالاول..اي صالون رايحين؟
في المستشفى....
راشد:اخبارك يبه؟
المريض:الحمدلله..نحمد الله على كل حال..
راشد:طلعت نتايج التحاليل والفحوصات كلها..
الاول:طمنا دكتور..
المريض(انتبه سكوت راشد):قول ياولدي..لاتفكر اني بتضايق..انا عادي مستعد اسمع اي شي..انا واحد اؤمن بقضاء الله وقدره..يعني لاتحاتي قول..
راشد:ماادري شاقولك يبه..حالتك شوي صعبه..ولازم تم معانا بالمستشفى فترة علشان العلاج..
المريض(ابتسم):يعني اللي فيني سرطان؟
الاول:يبه..
المريض:قول يادكتور ليش ساكت..انا من حقي اعرف كل شي عن صحتي..
راشد:اي نعم..معاك سرطان في الرئتين..
المريض(ابتسم من خاطره):الحمدلله على كل حال..
راشد(استغرب ردة فعله)
الثاني:دكتور انت متأكد من اللي قاعد تقوله؟؟
راشد:كل الفحوصات والتحاليل تثبت هالشي..وللأسف ان المرض قاعد ينتشر في جسمه..وهو جاينا متأخر وايد..علشان جذي لازم نوديه القسم الخاص بهالمرض..
المريض:ياعيال انتوا ليش متضايقين..انا الحمدلله مستانس ومرتاح..
الاول:كيف مرتاح يايبه انت ماتسمع شيقول الدكتور؟؟
المريض:يايبه..هذا ابتلاء من رب العالمين..الحمدلله على كل حال..بحصل اجر كبير..
راشد:ماشاء الله عليك يايبه..عندك قوة ايمان..الله يعطينا اياها..
المريض:ياولدي..الواحد مايبين ايمانه الا بهالمواقف..نحمد الله ونشكره..بسألك سؤال يادكتور..
راشد:تفضل..
المريض:ايش كثر بتم عايش؟
راشد:هذا بيد رب العالمين..مو احنا اللي نقدر نحسب هالشي..
المريض:انا عارف..بس بالنسبة لحالتي..ايش كثر جسمي قادر يتحمل؟؟
راشد:والله ماادري شاقولك..انت جاينا متأخر وايد..
المريض:يعني ايشكثر..شهر سنة؟..ولا يوم؟؟
راشد(يشوف عياله):مب شهر لكن اقل من سنة..والاعمار بيد الله..ماندري ايش بيصير باجر..ان شاء الله تشافى وتعافى..عن اذنكم..
المريض:ياولدي..
راشد:نعم..
المريض:ماعرفت اسمك..
راشد:انا راشد..
المريض:ياولدي ياراشد..لاتقاطعني..زورني..
راشد:ان شاء الله..عن اذنكم..
في الصالون...قاعدة وديمة تدور على ستايل الا شوي يرن تليفونها....
وديمة:آلو..
فهد:السلام عليكم..
وديمة:وعليكم السلام
فهد:انت وينج ازعاج عندج؟
وديمة:في الصالون..
فهد:وشتسوين في الصالون؟
وديمة:جايه اقص شعري..
فهد:شتسوين؟
وديمة:اقص شعري..
فهد:وقصيتي؟
وديمة:لا ليحين..قاعدة ادور على موديل..
فهد:ماتقصين شعرج ولانتفه..
وديمة(مستغربة):ليش؟
فهد:انا احب شعرج جذي..لاتقصينه..
وديمة:نعم؟..بس انا مليت من ستايل شعري..ابي اغيره..
فهد:حاليا لاتقصينه..انا بسكر الحين عندي شغل بس مو تقصين شعرج..مع السلامة..
وديمة:مع السلامة..(انقهرت)
جات شيخة...
شيخة:ها ودوم اخترتي شي؟
وديمة(معصبة):سكتي شيخوه..معصبة واصلة عندي لهني..
شيخة:ليش؟
وديمة:ليتني مارديت على التليفون..
شيخة:ليش ايش صاير؟
وديمة:فهد متصل يقولي لاتقصين شعرج..
شيخة:وهو ايش دراه انج بتقصين شعرج؟
وديمة:هو سألني وينج وانا الغبية قلت له..ماابي ابي اقص شعري..هو ايش دخله؟
شيخة:اشلون ايش دخله..هذا ريلج وهو يحبج بشعرج الطويل..
وديمة:بس انت تعرفين اني وحده احب التغيير ومااتم على ستايل واحد..
شيخة:ادري..بس شتسوين حكم القوي على الضعيف..انزين قومي سوي بديكير..
وديمة:انا بقص شعري واللي يصير يصير..
شيخة:ودوم تراج بتحسفين..لاتسوين بعمرج جذي..يعني جات على قصة شعر..اليوم رفض باجر بيوافق..لاتضايقين عمرج..
تيي شيماء...
شيماء:ايش رايكم..
شيخة:وااااو وااايد حلو..بس جنج قاصته قصير؟
شيماء:هذا ستايل موضة هالسنة..ايش رايج وديمة؟
وديمة:وايد حلو..ليتني مكانج وقاصة شعري ومخلصة..
شيماء:ليش ماتبين تقصين شعرج؟
وديمة:لا..
شيماء:ليش؟
وديمة:نصيحة مني لج ياشيماء لاتزوجين..
شيخة:ودوم ايش تبين في البنية تخربينها..
شيماء:ليش ايش دخل الزواج؟
وديمة:ريلي مب موافق اقص شعري..
شيماء:عادي..انا بعد ابوي مايحب حد يقص شعره..
شيخة:وليش قاصة شعرج؟
شيماء:ابي امشي على الموضة..
شيخة:شمة ماخلصت؟
شيماء:بلا بس قاعدة تسشور لها..
شيخة:انزين ودوم قومي سوي لج بديكير..
وديمة:ماابي..مسوية الاسبوع اللي طاف..(تتصل)..آلو خالد وينك فيه؟....السلام عليكم وينك فيه؟....انزين تقدر تمرني؟
خالد:انت وين؟....صالون!!..شتسوين؟......وين الصالون؟........انزين انا قريب عشر دقايق وبكون عندج...مع السلامة..
وديمة(حطت تليفونها بالشنطة)
تيي روضة...
شيخة:مسشورة شعرج؟
روضة:اي..قلت دام جينا خلني اسشور شعري..
شيخة:ودوم بتروحين؟
وديمة:ايش رايج..اتم هني شسوي..
روضة:مابغيتي تقصين شعرج؟
وديمة:لا خلاص..
روضة:ليش؟
شيخة:ريلها اتصل فيها وقالها لا..
روضة(ضحكت):لاتضايقين عمرج حبيبتي..انا ريلي كان نفس الشي..وزعلت وطنقرت وسويت سالفة..عقب الزواج كل شي تغير..صرت كل مرة اسوي له نيو لوك وهو يستانس علي ومايقولي لا..
وديمة:يعني ماادري الرياييل ايش دخلهم بشعورنا طويلة ولاقصيرة يااخي احنا احرار نسوي اللي نبيه..
شمة(جات):ايش رايكم؟؟
في السيارة....
خالد:اشفيج مطنقرة وحالتج حالة..حد مسوي لج شي في الصالون؟
وديمة:لا..
خالد:عيل؟
وديمة:كنت رايحة اقص شعري وعقب فهد اتصل فيني وقالي لا..
خالد:شنو لا؟
وديمة:مااقص شعري..
خالد:وانت الحين زعلانة علشان هاي..صج ماعندج سالفة..ياهل انتي..يااخي انت زوجته وهو حر..
وديمة:لا مب حر زين..يعني شنو انتوا الرياييل تتحكمون فينا ايش نلبس وايش نسوي بأعمارنا واحنا نسكت عنكم وعن حركاتكم تكشخون لكم آخر كشخة وتقعدون جدام المنظرة ساعة تقول بنت مب ريال..واحنا ساكتين عنكم..
خالد:الريال يحب شكلج جذي..
وديمة:اي بس انا مااحب جذي..انت تعرفني ياخالد وحده من النوع اللي دوم اغير ستايلي..
خالد:تركينا من هالسالفة..
في بيت بوراشد...يدخلون البنات ويسلمون....
شيخة:اشلونج عمتي؟
ام راشد:بخير يمه..
شيخة:وين راشد؟
ام راشد:توها الخدامة مرقدته..تعالوا تعالوا وين رايحين؟
شيماء:هاا..رايحين غرفتنا..
ام راشد:بالاول اشوف ايش سويتوا بأعماركم وين رحتوا؟
شمة:يمه قلنا لج رحنا الصالون..
ام راشد:اي ابي اعرف ايش سويتوا؟
شيماء:قصينا شعورنا..
ام راشد:اي اشوف..ياللا فصخي الشيلة..
شيماء(تطالع شمة وهي خايفة من ردة فعل امها)
فصخوا الشيلة بهدوء....
ام راشد(معصبة):شنو ذي؟؟؟....وين شعوركم؟؟؟...ماتحجون ياللي ماتسحتون على وجهيكم..بنات ايش كبركم تسوون بأعماركم جذي؟؟....وينه ابوكم يشوفكم شمسوين...انا على آخر عمري بناتي يسوون جذي..ماني قادرة افرق بينكم وبين الصبيان..
شيماء:يمه هذي الموضة..
ام راشد:جاااب ولاكلمة..ولج عين تحجين..ماابي اشوف رقعة وجهكم..روحوا دوركم وان شفتكم جدامي ياويلكم مني..
راحوا البنات فوق....
شيخة(خافت من ردة فعل عمتها قامت من مكانها):هدي بالج عمتي..
ام راشد:اشلون خلوتوهم يسوون جذي؟؟
شيخة:والله ماكنت ادري ان مايعجبكم جذي..بعدين عمتي هم بنات..ويحبون يقلدون ربعهم..
ام راشد:غلط..بالله عليج هذي اشكال اوادم؟؟
في بيت بوسلمان...تدخل وديمة البيت وخالد كان يتكلم بالتليفون...شاف حمد طالع من البيت..بند التليفون....
خالد:حمد..حمد..حمد انا قاعد اناديك..
حمد(وقف ومن غير نفس):نعم؟؟
خالد:ممكن تعطيني من وقتك..ابي اتكلم معاك..
حمد:اعتقد اني قلت لك من قبل..ماعندي وقت اضيعه معاك..
خالد:اي بس ان لازم اتكلم معاك..
حمد:انت ليش مب راضي تفهم..انا ماابيك..تعرف يعني شنو..يعني خلاص طاب الخاطر منك..
خالد(تضايق من هالكلام):بس انا اخوك..
حمد:وانا مااتشرف..(وراح)
خالد(تضايق ودخل البيت وسلم)
ام سلمان:اشفيك؟
خالد:ولاشي..
وديمة:اكيد شفت حمد بدربك؟
خالد:ليش اول مرة اشوفه..ابوي متى بيرد؟
في مكتب فهد...يدخل عليه واحد من الموظفين.......
فهد:اشفيك واقف اقعد..
صالح(يقعد):مشكور..طال عمرك انا جايك علشان اعرف سبب عدم موافقتك على استقالتي..
فهد:وليش تبيني اوافق..انا مااقدر استغنى عن موظف مثلك..شالي يحدني اني اوافق؟!!
صالح:بس طال عمرك انت مايعجبك شغلي..
فهد:انا؟!!..اشلون؟..قد سمعت مني هالشي؟؟
صالح(سكت)
فهد(بكل اهتمام):صالح تكلم..في شي صار وانا مااعرفه..
صالح:يوم سويت دورة للموظفين وطلبت منك طلب رسمي اني اشارك بهالدورة لأن شهادتها قوية..لكنك رفضت..وطلبتها مرة ثانية وهم رفضت..مع ان وايد من اللي وافقت عليهم أكفاء واحسن مني بعد..عرفت في النهاية اني موظف مقصر وماني قد المسؤولية لو كنت جان اخترتني منهم..
فهد(ابتسم وقام)
صالح(قام)
فهد:اقعد..(قعد جنبه)...صالح..انا بسألك سؤال..
صالح:تفضل..
فهد:قد مرة اشتكيت منك؟
صالح:لا..
فهد:قد مرة سمعتك كلام ماعجباك؟
صالح:لا..
فهد:قد مرة سويت شغله وعاقبتك عليها؟؟
صالح:لا..
فهد:عيل ليش حكمت علي اني مستغني عن خدماتك مجرد اني رفضت لك هالدورة؟؟..تعرف ياصالح..احنا مشكلتنا نتسعجل الامور من غير مانفكر بتأني وندرس الموضوع..انا صحيح رفضت لك الدورة اللي طافت مب علشان السبب اللي انت ذكرته..علشان في دورة بيطرحونها الشهر الياي وبتكون لمدة ثلاث شهور..وهالدورة شهادتها اقوى وبتكون برع البلاد..وانا طلبت من اللي طرحوا هالدورة اني اطرش موظفينا لهم..واخترت من كل شركة وفندق يعني تجارتنا موظف من كل مكان علشان يحضرون هالدورة..وانا اخترتك الموظف الوحيد من هالشركة..
صالح(مندهش):صحيح طال عمرك؟
فهد:اي نعم صحيح..واذا مب مصدقني روح عند علي وبيقرأ لك اسمك منهم..
صالح:اعذرني طال عمرك..ماكنت اعرف..
فهد:مرة ثانية لاتستعجل في شي الا يوم تتأكد منه..الحين ماتبي تقدم استقالتك مرة ثانية؟
صالح:ليش بتوقع عليها؟
فهد:اي بوقع عليها..
صالح(مصدوم):بتوقع؟؟
فهد:بوقع بالرفض طبعا..انا وين استغنى عن موظف ذكي ماشاء الله عليك وانسان مبدع ومخلص في عمله..خاصة انك بعمر صغير وبينت لي شطارتك من اول مااشتغلت عندنا..




شالي بيصير بين فهد ووديمة؟؟

وعلاقة خالد وحمد؟؟

والتوم وحياتهم الدراسية؟؟

وأشياء كثيييرة..

انتظروني


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 64
قديم(ـة) 30-12-2013, 10:55 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


" فصل الـ 31 "






في بيت راشد...يدخل راشد البيت ويحصل الجوهرة قاعدة بالصالة....
راشد:السلام عليكم..(يقعد)
الجوهرة:وعليكم السلام..يعطيك العافية..
راشد:الله يعافيج..ليش قاعدة بروحج؟
الجوهرة:ولاشي كنت قاعدة انتظرك..
راشد:اشفيج؟
الجوهرة:صدقني ماكو شي..مريت بيت ابوك؟
راشد:لا..قلت ابدل وعقب اروح..
الجوهرة:ترى امك اليوم تهاوشت ويالبنات..
راشد:اي بنات؟
الجوهرة:خواتك..
راشد:ليش؟
الجوهرة:علشان قصوا شعورهم..
راشد:ومن اللي موديهم؟
الجوهرة:راحوا ويامرت تميم ومرت فارس..بس هم استأذنوا منك..
راشد:اي بلا..بس مستغرب امي ليش معصبة..اشفيها لو قصوا شعورهم..
الجوهرة:لشفت قصتهم بتعرف..
رشد(صار يفكر قام)
لجوهرة:وين؟
راشد:بروح اشوف شالسالفة..ماتيين؟
الجوهرة:لا مااقدر..بتم هني..
راشد:فيج شي؟
الجوهرة:راسي شوي يعورني..
راشد:ليش بسم الله عليج..(قعد جنبها ومسك يدها وقعد يشوف النبض)..اشفيج الجوهرة؟
الجوهرة:تصدق راشد..من زماان انت عني..من زمان ماحسيت بحنيتك..افتقدتك الفترة اللي راحت..
راشد:حتى انا..بس شسوي ياعمري..سامحيني..
الجوهرة:مسامحتك وعاذرتك..روح لهم..
رشد:انزين تعالي معاي..
الجوهرة:صدقني مااقدر..
راشد:اي ليش؟
الجوهرة:قلت لك مصدعة شوي..
راشد:ليش؟
الجوهرة:ماادري راسي صار له جم يوم يعورني..
راشد:من صجج؟؟
الجوهرة:اي..
راشد:من متى؟
الجوهرة:صار لي يومين..
رشد:وماتقولين؟
الجوهرة:قلت صداع ويروح..
راشد:باجر من الصبح اوديج المستشفى..
الجوهرة:ان شاء الله..
في غرفة فارس وشيخة.....




فارس: لاتزعلين ياحياتي من امي..ترى امي قلبها ابيض وماتقصد..
شيخة:لاتحاتي انا مب زعلانة..
فارس:عيل اشفيج؟
شيخة:صدقني مافيني شي..بس انا شوي مصدومة اول مرة اشوف امك معصبة جذي..
فارس:ماتنلام من اللي شافته..
شيخة:انا مالوم البنات يافارس..البنات يشوفون ربعهم شيسوون ويسوون مثلهم..بعدين مافيها شي القصة..يعني لاهم مثل البويات ولا القصة حرام..انا مستغربة ليش امك وابوك معصبين عليهم..
فارس:امي وابوي يحبون موديلات اول..يعني حلاة البنت بشعرها الطويل..
في غرفة البنات....




راشد:مشاعل سلوى..روحوا البيت..
مشاعل+سلوى:ان شاء الله يبه..
راشد:ممكن اعرف شالسالفة..اشفيكم؟
شيماء:يعني عاجبك اللي احنا فيه..والله العظيم تعبنا..خلاص حرام عليكم..ليتهم ماجابونا على هالدنيا..
راشد:شيماء..
شيماء:راشد..راشد افهمنا..تكفون افهمونا..انا شنو ذنبي ان امي وابوي سنهم كبير ويحبون حياة اول..بس انا مو مال حياة اول..انا بعيش مثل هالزمن..ومب على شورهم وكيفهم..
راشد:دام انهم عايشين لازم تاخذين شورهم..
شمة:صح كلامك ياخوي..بس مب لهالدرجة يتحكمون بلسبنا وبشعرنا ومشيتنا وحركاتنا وشنحب ومانحب..يعني احنا بنات صغار نبي نعيش حالنا حال غيرنا..والله يحسبون البنات ان احنا ماعندنا فلوس وعايشين بالصحراء..
راشد(قعد)
شيماء:انت ماشفت ابوي ايش سوى فينا ضربنا ضرب..(تصيح)..والله لولا تميم جان تقطعنا ومتنا..يعني بالله عليك هذا اسلوب؟؟؟..قولي احنا ايش سوينا..قصينا شعورنا وبس..عيل لو احنا مسويين منكر ابوي ايش بيسوي فينا؟؟
راشد:يعني انتوا عاجبتكم هالقصة؟
شمة:اشفيها القصة يابوعيسى..لاهي حرام ولامثل البويات..
راشد:ادري..بس انتوا تعرفون ان امي وابوي يحبون الشعر الطويل..
شيماء:وانا ايش ذنبي؟؟..اذا هم يحبون خلهم يطولون شعورهم..ياسلام انا اتحمل شي غيري يحبه وانا مااحبه..يااخي كيف تفكرون..احنا وصلنا عصر الديموقراطية..ناخذ آراء بعض نتناقش ونسأل..مو نضرب ونفرض آرائنا على غيرنا..يعني قولي اللي سواه ابوي اليوم فينا عدل؟؟
في الغرفة....
فارس:قومي خلينا ننزل تحت..
شيخة:روح انت بروحك..
فارس:ليش؟
شيخة:صدقني مالي خاطر انزل عقب اللي شفته..
فارس:شيخة..
شيخة:اسمح لي فارس..سامحني على اللي بقوله..بس انا جد مصدومة كيف عمي ضرب بناته جذي..يعني ياليت مسويين شي كبير علشان اقول صدق يستاهلون..بس هم ماسووا شي بس قصوا شعورهم..صدق انا مستغربة من اللي صار..
فارس:امي وابوي هم جذي فيهم قساوة..
شيخة:بس انا مااشوفهم جذي وياك انت ولا وياراشد..ايش معنى البنات..حرام البنات في سن مراهقة ومحتاجين لحد يلمهم ويعاونهم مو يضربهم..أنا آسفة لأني قاعدة اقول جذي..
يوم الاحد...الصبح تقوم وديمة...وتغسل وجهها وتبدا ترتب عمرها وتزهب...تاخذ عباتها وشيلتها وتنزل تحت....
وديمة:صباح الخير ماماتي..
ام سلمان:هلا حبيبتي صباح النور..اشوفج مستانسة..
وديمة:شسوي مليت من القعدة بالبيت وروحة الجامعة تسلي شوي..عيل وين ابوي؟
ام سلمان:راح يشغل السيارة..ياللا تعالي تريقي..سويت لج لبنة بالزعتر مثل ماتحبين..
وديمة(تقعد):يسلمو مامي..عيل وين البنات؟
ام سلمان:راحوا ويالباص..
في بيت بوراشد....شيماء وشمة نزلوا تحت وهم بحالة حزن من ذاك اليوم..
راشد:ماتريقون؟
شيماء:مااشتهي..
راشد:وانت شمة؟
شمة:ماابي..من بيوصلنا؟
راشد:انا بوصلكم..ياللا ركبوا السيارة..انا رايح تامروني بشي؟
بوراشد:دير بالك يبه الشوارع زحمة..
راشد:ان شاء الله..مع السلامة..
في السيارة...راشد يوصل مشاعل..
راشد:يعني لي متى بتظلون على هالحالة؟
شيماء:لين مايفهون ان احنا اوادم بشر مب حيوانات..
راشد:ومن اللي قالكم حيوانات..ايش هالكلام..اللي صار صار..ابيكم تفتحون صفحة جديدة وياهم..اول ماتردون من المدرسة تحبون روسهم وتعتذرون منهم..
شيماء:ماابي..
راشد:علشاني..مالي خاطر عندكم؟.
شمة:لك خاطر ياخوي..بس يعني انت ليش ماتقولهم وجهة نظرنا..يعني خلهم يرحمونا شوي..
في الجامعة....شيخة تسلم على وديمة....
وديمة:اخبارج قلبي؟
شيخة:زينة..
وديمة:اشفيج؟
شيخة:مافيني..
وديمة:الا فيج..مابتحركين الا اذ قلتي لي السالفة..
شيخة:بقولج بس مب الحين بعدين..خلينا نروح المحاضرة..
وديمة:مب مهم نحضر اول يوم..
شيخة:ماعليه خلنا نشوف الدكتور اشلون..اذا مب اوكي بسوي دروب للمادة..
وديمة:على قولتج..امشي..
في شركة فهد...عقب مايطلع من عنده المحامي....
فهد:علي جيك على ايميل الشركة وشوف بوب مابعث ايميل..اي صح بغيت أسألك ليش طلال مقدم على اجازة اسبوع من غير راتب؟
علي:ماادري يقول ظروف عائلية..
فهد:مو مشكلة انا بوقع عليها..بس لأني مستغرب قلت يمكن صاير معاه شي..على العموم خل محمد ياخذ مكانه لين مايرد من الاجازة..
علي:طال عمرك وصلنا فاكس امس بالليل على ان اليوم بتوصل الاجهزة الكهربائية اللي بغيتها..
فهد:صج حلو..خلاص لأتصلوا خبرني..اتصل على يوسف خلنا نسمع اخباره واخبار الشغل في ماليزيا..
علي:حاضر طال عمرك..تامرني بشي ثاني؟
فهد:اي ناد بوحسين..
علي:ان شاء الله..
على نهاية الدوام يي خالد ياخذ وديمة من الجامعة....وهم بالسيارة....
خالد:من من..من يدرسج؟؟
وديمة:عبدالله..واحد اسمه عبدالله سلطان..
خالد:طويل وضخم؟
وديمة:اي..
خالد:وعنده عارض؟
وديمة:اي..
خالد:وانت ليش مسجلة عنده؟؟
وديمة:شكله واحد اوكي..بس ليش هو مب اوكي؟
خالد:هذا رفيجي..
وديمة:صج؟؟
خالد:شنو تسوين عمرج غشيمة..ناسية يوم اللي دخلتي علينا المكتب وانت؟؟
وديمة(تذكرت):اي بلا تذكرت..هذا رفيجك؟
خالد:ودوم لاتحرقين اعصابي..اعتقد انا قايلج من قبل..ليش مسجلة عنده؟
وديمة:وليش مااسجل عنده..
خالد:انا ماابيج تاخذين عنده..
وديمة:ليش هو مب اوكي؟
خالد:الا اوكي ونص..بس انا ماابيج تاخذين عنده خذي عند واحد ثاني..
وديمة:نعم؟؟..انت ايش قاعد تقول..تكفى خالد لاتقول جذي..اشفيها لو سجلت عنده..بعدين هو اشلون بيعرف انك اخوي؟
خالد:لاتبطين جبدي..غبية ولاتسوين عمرج غبية..جنة اسامينا تشابه؟؟
وديمة:اي صح..بلا..
خالد:ايش ماكلة اليوم؟
وديمة:كليت لبنة بالزعتر..
خالد:تكفين لاتاكلينه مرة ثانية..صايرة غبية اليوم واايد..
وديمة:الله يسامحك..
خالد:ترى انا من صجي حذفي المادة..
وديمة:آسفة مااقدر..
خالد:وليش ان شاء الله؟؟
وديمة:لأن هالمادة اللي رسبت فيها..وماكو دكتور طارحها الا هو..
خالد:انزين خذيها في السمر..
وديمة:مايصير..انت ناسي ان علي اف ولو ماخذته الحين معدلي مابيرتفع..بعدين احتمال مااخذ سمر..
خالد:وكان لازم ترسبين؟؟
وديمة:خالد اشفيك علي..مايسوى علينا هالريال اللي ماتبيه يدرسني..مااعتقد ان فيها شي..
خالد:تنقبين جدامه سمعتي..
وديمة:يعني لازم..اليوم شافني من غير نقاب..
خالد:انت صاحية؟؟..واشلون ماتلبسين نقاب جدام الدكاترة؟
وديمة:مااركز بالنقاب..
خالد:والله تركزين ماتركزين هذا مو شغلي..تلبسين نقاب جدامه يعني تلبسين..
يرن تليفون وديمة....
وديمة:اووه..مرحبا..
فهد:هلا مراااحب..اشلونج؟
وديمة:تمام..انت اشلونك؟
فهد:الحمدلله بخير..وينج؟
وديمة:بالسيارة..
فهد:مع من؟
وديمة:وياخالد..
فهد:اشلون الدوام؟
وديمة:زين..
فهد:انزين انا بمرج الساعة 4 ونص..
وديمة:اليوم؟
فهد:اي اليوم..بتطلعين؟
وديمة:لا..
فهد:خلاص عيل اشوفج..مع السلامة..
وديمة:مع السلامة..
خالد:من؟
وديمة:فهد..
تدخل غرفتها...تتصل في شيخة...
شيخة:هلا ودوم..
وديمة:راقدة؟
شيخة:لا..توني جاية غرفتي..
وديمة:ريلج عندج؟
شيخة:لا..
وديمة:تعرفين خالد شيقولي؟
شيخة:شنو؟
وديمة:يقول شنو..لبسين نقاب جدام دكتور عبدالله..
شيخة:عبدالله اللي يدرس ام آي أس؟
وديمة:اي..
شيخة:وليش؟؟
وديمة:علشان رفيجه..ولا يقولي شنو حذفي المقرر..
شيخة:ايش دعوة كل هذا علشان رفيجه..
وديمة:اي والله..
شيخة:وانت ايش قلتي له؟
وديمة:قلت له مااقدر..هالمقرر اللي راسبة فيه ومااقدر احذفه..آخر شي قالي لبسي نقاب جدامه..
شيخة:اكثر شي يقولج لبسي نقاب علشان يصير رفيجه..عاد انت تعرفين شبابنا اشلون..
وديمة:شيخوه فهد بيمرني عقب ساعة..
شيخة:ياسلام..وايش بتلبسين؟
وديمة:ماابي اشوفه انا وايد زعلانة منه..
شيخة:كل هذا علشان قصة الشعر..صج ماعندج سالفة..
وديمة:اي صح تعالي انت ماقلتي لي اشفيج اليوم زعلانة متكدرة..
شيخة(يدخل فارس):باجر لشفتج ان شاء الله..
وديمة:ريلج يى؟
شيخة:اي..انزين حبي لبسي وكشخي واستانسي وماعليج من اللي صار..اوكي حبي....ياللا بااايات..
فارس(يقعد جنبها):يعني انا ابي افهم شي واحد..اذا كل هالكلام تقولونه لربعكم عيل لأزواجكم شتقولون؟
شيخة:بقول حبي الاول والاخير..حياتي عمري اللي ساكن قلبي..اللي تبيه كله لك..
فارس:الحمدلله..دوم احمد ربي انج زوجتي..وان رب العالمين وفقني..
شيخة(ابتسمت)
وبدت وديمة تزهب عمرها..تسبحت وعقب صلت العصر...وقعدت تسشور شعرها..قامت وراحت صوب الكبت وتدور شنو تلبس...لبست بلوزة صفرة وفيها حزام اسود على الخصر وبنطلون اسود ولبست طقم ذهب وخواتم ذهب وخاتم الماس اللي شراه لها فهد..رفعت شعرها ولعبت فيه لين ماصار رولات..تمكيجت على الخفيف وتعطرت ولبست صندل كعبه عالي لونه اسود..
وديمة(وهي تاخذ تليفونها تشوف عمرها بالمنظرة):والله قمر..فديت عمري اهبل..اموااااااه..
ونزلت تحت...حصلت خالد قاعد وياامه....
ام سلمان:ماشاء الله تبارك الرحمن..
وديمة(وهي واقفة وبدلع):ايش رايكم فيني اهبل مو؟
خالد:اعوذ بالله..تصدقين اني ماعرفتج بغيت اتغطى قلت من هالحرمة اللي داشة بيتنا..
وديمة:لا..سخيييف..
خالد:احترمي نفسج..
وديمة:ماما شوفيه..يعني صدق انا مو حلوة؟
ام سلمان:الا حلوة ونص..ماعليج منه..ليش مانزلتي تغدين؟
وديمة:ليش السيد فهد يخلي الواحد يرتاح شوي ويتغدى...بالله عليكم حد يزور حد اربع ونص؟!!!
خالد:يوم انج ماتبينه ييج ايش له لابسه وكاشخة ورازه عمرج؟
وديمة:حبيبي انا اصلا دوم كشخة ماله خص بوجوده ومن غير وجوده..
خالد:اللي يسمع كلامج يقول مغصوبة عليه..اذا ماتبينه ترى بنات الديرة يموتون عليه..
وديمة(عصبت وسكتت)
ام سلمان:ماعليك منها..هي زعلانة منه علشان بغت تقص شعرها..
خالد:عيل زين يسوي فيج..
وديمة:القعدة معاك تحرق الاعصاب..بروح آكل شي على الخفيف لين مايشرف..
خالد:لاتنسين تلبسين نقاب..اعتقد سمعتي..
وديمة(وهي تمشي):شكلي بحذف المقرر بسبتك..
خالد:يكون احسن..
يدخل بوسلمان....ويشوف وديمة.....
بوسلمان:ماشاء الله..كل هذا في وديمة..
وديمة(استحت من ابوها)
بوسلمان:تعالي قعدي..فهد بيزورج؟(يقعدون)
وديمة:اي..
بوسلمان:الله يحفظج..اشلون الدراسة اليوم؟
وديمة:زينة..
قام خالد وحب راس ابوه...
خالد(بصوت واطي):ترى كلش مو لايق عليج الحياء..(يضحك)
وديمة(سوت عمرها معصبة):انزين ماعليه..رادتها لك..
وراحت المطبخ...دورت على شي تاكله ماحصلت الا البسكوت وردت الصالة وقعدت تاكل بسكوت....
ام سلمان:الاكل مسخنته لج ليش ماتاكلين؟
وديمة:ماما انا متزهبة ومرتبة عمري وتبيني آكل سمج وتصير ريحتي زفرة..بعدين باكل..
ام سلمان:مب زين من الصبح طالعة وقاعدة تاكلين الحين بسكوت..
وديمة(تلاحظ نظرات ابوها وعارفه انه بيتكلم)
بوسلمان:قومي اكلي شي قبل ليوصل فهد..
وديمة:بابا اكتفي بالبسكوت..بعدين فهد مب مطول نص ساعة وبيروح..عقب بتغدى..(يرن جوالها)...آلو....اوكي ياللا...هذا فهد وصل...وين الخدامة؟
في المجلس...قاعد فهد وكالعادة وديمة تحب تدخل عقب مايقعد...
فهد(وهو مدهوش من شكلها كل مرة يشوفها بستايل يختلف..يسلم عليها):اشلونج؟
وديمة:بخير..(تقعد بعيد)
فهد:وليش قاعدة بعيد؟
وديمة:بس انا جذي مرتاحة..
فهد:ماشاء الله ذوقج وايد حلو..تعجبيني في اناقتج..
وديمة:شكرا..
فهد:اشلون كان دوامج اليوم؟
وديمة:دوام عادي وممل بعد..
يدخل خالد ويسلم على فهد....
فهد:اشلونك خالد؟
خالد:الحمدلله انت اشلونك واشلون الشغل؟
فهد:الحمدلله امورنا كلها طيبة..
خالد:يااخي شمسوي فيها..ذبحتنا صياح ومطنقرة كل الوقت..
فهد(يشوف وديمة):انا شمسوي فيها؟؟
وديمة(مصدومة وفاجه عيونها من كلام خالد)
خالد:رايحة ورادة وزعلانة.. فهد ماخلاني اقص شعري..
فهد(يبتسم لها):شسوي انا احب عليها الشعر الطويل..
خالد:قلت لها هالكلام مب راضية..
فهد:الحين وديمة زعلانة صج؟
خالد:جرب وياها..وشوف حظك..(قام)..ياللا عن اذنكم..
وهو رايح يبتسم لها بمكر...
وديمة(بصوت واطي):اوريك انا..ماعليه..
فهد(قام وقعد جنبها):كلام خالد صج؟
وديمة(حست ان جسمها يرتجف من الخوف..دوم تخاف من فهد..قامت)
فهد:وين وين..(مسك يدها وقعدها)..انا اكلمج..
وديمة:شنو؟
فهد:زعلانة مني؟
وديمة:بصراحة اي..
فهد:بااال كل هذا بقلبج..انزين ليش ماتقولين لي؟
وديمة:انت دوم تقول اللي عندك وتسكر..
فهد:انزين قولي اللي عندج وانا اسمعج..
وديمة:خلاص عقب شنو..
فهد(مسك ذراعينها ولفها صوبه وجها لوجه):ابي اشوف هالفيس الحلو..وقولي لي اللي بخاطرج..
وديمة:كنت ابي اقص شعري وماخليتني..
فهد:انزين بس انا احب شعرج جذي..
وديمة:اي بس انا متعودة على التغيير..ومستحيل اظل بستايل واحد فترة طويلة..
فهد:شكلج تهتمين بجمالج وايد..
وديمة:انا جذي طبعي من يوم يومي..
فهد:بس مايفرحج ان زوجج يحب الشعر الطويل؟
وديمة:اذا جذي انا بعد احب اقولك غير شي بعمرك علشان انا احب جذي.. بتسوي؟
فهد:اي بسوي ليش مااسوي؟
وديمة(استغربت):بتسوي؟
فهد:اي..انا واثق من ذوقج وعارف انج مابتختارين الا الشي الزين لي..صح ولا لا؟
وديمة(اسكتت)
دخلت الخدامة وقدمت العصير والكيك وطلعت....
فهد:قولي لي شنو تبين اغير بعمري؟
وديمة:ماعندي شي..
فهد:متى آخر مرة قصيتي شعرج؟
وديمة:قبل 8 شهور..
فهد:ومستعجلة عليه ليش؟
وديمة:قلت لك احب..
فهد:خلاص..مثل ماتبين..قصي شعرج..بس على شرط..
وديمة:شنو؟
فهد:ماتقصينه الحين..
وديمة:ليييش؟؟
فهد:ابيه طويل حق العرس..
وديمة:جدامنا اربع شهور بيطول..
فهد:لالا..مو مثل الحين....سمعيني بقولج شي..هذا سي دي خذيه وافتحيه..
وديمة:شنو فيه؟
فهد:داخله صور بيتنا..
وديمة:بيتكم؟
فهد:بيتي انا وانت..كل ركن بالبيت مصوره لج..واذا عندج اي اقتراح ولاتبين شي يتغير قولي لي..ترى ذوقج يهمني..
وديمة:البيت كبير؟
فهد:ماشفتيه كلش؟
وديمة:لا..
فهد:اوكي..انا بكلم خالد وبخليه يوديج وتشوفين البيت من برع..وطقم الغرفة اللي اخترتيه ركبناه وترتب ومهندس الديكور رتب الغرفة ونسقها..وانا بصراحة وااايد عاجبتني..وانت شوفيها وقولي لي رايج..اوكي؟
وديمة:اوكي..(قامت وقدمت له العصير)
في بيت عبدالله....

اضغط على الصورة لرؤيتها بحجمها الطبيعي


ام عبدالله:هاا يمه اشلون كان دوامك اليوم؟
عبدالله:الحمدلله زين..بس المشكلة ان عندي بنات بدرسهم..
ام عبدالله:وشالمشكلة؟
عبدالله:يايمه مالي خلق دلع البنات ومشاكلهم..
العنود:تبي احط لك عنب؟
عبدالله:اي..
ام عبدالله: في هاي معاك حق الله يعينك على حنتهم..
عبدالله:العنود جيبي لي الظرف الابيض اللي جبته معاي..
العنود(قامت):ان شاء الله..
جابت الظرف وقعدت....
عبدالله(فتح الظرف وقعد يشوف الاسامي):يمه تدرين ادرس بنت من؟
ام عبدالله:بنت من؟
عبدالله:بنت عمي..
ام عبدالله:عمك ناصر ماغيره؟؟
عبدالله:ليش لنا غيره..
ام عبدالله:من فيهم؟
عبدالله:عبير..
ام عبدالله:وشفتها؟
عبدالله:لا ماشفتها..بس توني اشوف اسمها..(ينتبه لإسم وديمة)..حتى هذي اخت رفيجي..(يرن تليفونه)....السلام عليكم....هلا والله....بخير الله يسلمك انت اشلونك؟....اي في البيت......وين؟....خلاص عقب العشاء بييكم....فمان الله..
ام عبدالله:من هذا؟
عبدالله:هذا محمد..
عبدالله(قام):بروح اتوضى الحين بيأذن..
وراح...
العنود:خالتي ليش عبدالله يدرس بنات؟
عبدالله:خايفة عليه؟
العنود:بصراحة اي..مع بنات هالزمن وايد اخاف عليه..عاد انت تدرين بدلع البنات ومياعتهم..
ام عبدالله:صدقتي..بس شسوي هذا شغله..الود ودي اقوله مايدرسهم..بس انت لاتخافين يابنيتي..عبدالله وين يحصل وحده مثلج..بعدين عبدالله ولدي واعرفه..من النوع اللي مايحب حركات البنات..
عبدالله(سمعهم رد وقعد جنبها):لاتخافين..انا مستحيل اشوف حد غيرج..ترى ذولا البنات ولاشي عندي ولايترسون عيني..خلج متطمنة..(قام)..
في بيت بوسلمان.....




ليلى:واااااااو بيتج ودوم يهببببل...ماشاء الله عليه ريلج..تقولين قصر مو فيلا..
ام سلمان:اي ماشاء الله البيت وايد حلو..صارف عليه من قلب..الله يهنيج يابنيتي..
ليلى:ماشاء الله على هالكبر يبي لج 10 خدم..
وديمة:اي بعد اشلون..انا مااقدر على التنظيف..ولو يجيب طباخ يسوي فيني خير..
خالد:ان شاء الله ماتبين تطبخين؟
وديمة:وليش اطبخ..انا عندي جامعة ومااقدر على الطباخ..
خالد:ليش انت ناوية تنامين بالجامعة كلها سنة وبتخلصين..
وديمة:انا ابي اشتغل..
ليلى:صج ماعندج سالفة..ريلج عنده فلوس لا اله الا الله اللهم لاحسد وتبين تشتغلين..
وديمة:انا احب اشتغل..
خالد:الا قولي قلة عقل وايش لج بالهم والغم ودوامات وقعدة من الصبح وهواش مع هالمدير ولا تتشكين من الموظفة اللي وياج..
يرن جرس البيت....
ام سلمان:قوم شوف من يمه..
خالد:ان شاء الله..
قبل العشاء....الكل قاعد...راشد يأشر لشمة وشيماء.....




شمة(تقوم وتحب راس امها وابوها):سامحوني..وهذي بتكون آخر مرة..
شيماء(قامت وسوت نفس الشي):آسفة..مابنكررها..
راشد:سامحوهم..ياللا يمه يبه..
ام راشد:هذي آخر مرة لكم..وياويلكم تخطون خطوة من غير شوري..
شمة:ان شاء الله..
شيماء:وانت يبه راضي؟
بوراشد:دام امكم راضية انا راضي..
ام راشد(قامت)
بوراشد:وين رايحة؟؟
ام راشد:بروح فوق عند زوجة فارس..الجوهرة يمه نجبوا العشاء لين مااجي..
الجوهرة(قامت):ان شاء الله..
راحت فوق..دقت الباب..فتح لها فارس....
فارس:هلا يمه..حياج..
ام راشد:وين زوجتك؟
فارس:داخل قاعدة تغير راشد..حياج تعالي..
قعدت ام راشد..ودخل الغرفة فارس....
فارس:امي قاعدة روحي لها..وعطيني راشد..
شيخة(استغربت جيت ام راشد):بقوم اغسل يدي وبروح لها..لبس راشد..
فارس:من عيوني..حبيبي رشودي..
غسلت يدها وراحت عند ام زوجها....
شيخة:هلا عمتي..نورتي غرفتنا..
ام راشد:منور بوجودكم..قعدي يمه عندي..
شيخة(قعدت وهي مستغربة)
ام راشد:يمه شيخة سامحيني ذلك اليوم عصبت عليكم بسبت البنات..ماادري شقول عنهم مبهدليني وملعوزيني بطلباتهم..انا ماكنت اقصد اعصب عليج واضايقج بس شسوي ضايقوني البنات بأشكالهم..
شيخة(ابتسمت لها):لا ياعمتي انا لازعلانة ولاني متضايقة..وبعدين ماصار شي..
ام راشد:وانا احسج من ذاك اليوم زعلانة وماتشتهين تقعدين ويانا..
شيخة:لا ابد..لاني زعلانة ولاشي..بس شسوي راشد فديته قاعد يكبر وصار يلعوزني..وتدرين بعد الدوام بدا..(حبت راسها)..سامحينا انت احنا سوينا شي من غير شورج..
ام راشد:ياللا عيل قوموا خلنا نروح نتعشى..كلهم تحت..
فارس:اي ياللا..
شيخة:انتو سبقوني بس ابدل وانزل..
يوم الثلاثاء...الساعة 12 تطلع وديمة مع شيخة من القاعة....
شيخة:بصراحة الدكتور رووعة وايد خلوق ومحترم..يعني صج احس انه ميود عمره جدام البنات..لو واحد ثاني وذيج البنت قالت له جذي جان كمل معاها سوالف..
وديمة:مثل خالد..خالد نفس الطبع..(تفصخ النقاب)...اففف..تعبت..مايسوى علينا هالدكتور..
شيخة(تضحك):اخوج يضحك..
وديمة:قولي لي عندج شي اليوم؟
شيخة:من حسن حظي ان الدكتور معتذر اليوم..وانت؟
وديمة:تصدقين في خاطري انا اللي اعتذر ومااحضر..مالي خاطر..خلينا نروح نشتري شي نشربه..برويج بيتي..
شيخة:رحتي بيتج؟
وديمة:لا مجنونة..فهد صور لي البيت بكل ركن فيه وامس عطاني السي دي..
شيخة:اشلون؟
وديمة:فوق الخيال..يعني صج صج ماتوقعت بهالجمال والذوق..يعني صج من شفت الفيلا وعرفت ان فهد ذويق..
شيخة:انزين امشي امشي خلينا نروح نقعد مكان ونشوف..
وهم قاعدين يشربون عصير ويطالعون الصور....
شيخة:ودوم بيتج يهببببل..واااايد حلو..تأجرينه؟
وديمة:البيت كله يفداج..
شيخة:تسلمين ياقلبي..هذا الطقم اللي اخترتيه؟
وديمة:اي..
شيخة:ماشاء الله محلي لج الغرفة..الحديقة وااايد حلوة كبيرة ومسوي لج قعدة فيها..ريلج هذا خطييير ماشاء الله عليه..ايش كثر دافع في البيت...ودوم شنهي هالغرفة؟
وديمة:ماادري بس اعتقد غرفة للمكياج وهالشغلات..
شيخة:وليش مسوي لج؟
وديمة:ماادري..شوفي هالغرفة..
شيخة:وااااااااااااو...رهييييبة..بصراحة انا بخاطري انام فيها..
وديمة:ماادري على شنو مستعجل ومسوي غرفة ياهال..
شيخة:ريلج يحب كل شي زاهب..ماشاء الله مسوي لج غرفة رياضة..
وديمة:له مب لي..ولا انا وين والرياضة وين..
شيخة:ودوم انت قبل كنت تروحين مراكز جم..
وديمة:قبل مب الحين..وين عندي وقت مع الجامعة..
شيخة:المطبخ عاد شي ثاني..تقولين ملعب كرة قدم لااله الا الله..ماشاء الله رهييييب..كل شي فيه..من متى وهو يزهب في البيت..
وديمة:ماادري..بس شكله من زمان قبل لنملج..
شيخة:عاد مااوصيج ديري بالج على ريلج..شكله من الحين مب مقصر وياج..
وديمة:ليش انا شمسوية له..
شيخة:شنطتج حلوة ودوم من وين؟
وديمة:فهد شاريها من فرنسا..
شيخة:يهالفهد اللي مامقصر معاج..ماشاء الله..
وديمة:خلينا من سالفة فهد..قولي لي انت اشفيج؟
شيخة:مافيني شي..
وديمة:اشلون مافيج شي وانت امس كنت متضايقة..
شيخة:ولاشي كانت في مشاكل في البيت وانحلت الحمدلله..ماعليج مني الحين..قولي لي عنج وعن ريلج..
وديمة:مافي شي مهم..
شيخة(مستغربة):يعني شنو؟؟
يدخلون البنات البيت....
شيماء:ياسلام على الريحة..يممي يممي..ماماتي..ماماتي..
ام راشد(تيي):شنو؟؟
شيماء(تحب راسها):هااي ماماتي..
ام راشد:تحجي عدل..
شمة(تحب راسها):السلام عليكم..
ام راشد:وعليكم السلام..من جابكم؟
شمة:الدريول..
ام راشد:بروحكم؟
شيماء:لا وياابوي..شنو الغداء؟
ام راشد:مجبوس سمج وياربيان..
شمة:وااااو اموت في الفيش انا..بروح ابدل ملابسي..
ام راشد:خذوا شنطكم..
شيماء:الخدامة بتاخذهم..
ام راشد:لا انتوا خذوهم..
شمة:اوكي..
وراحوا الغرفة...
شيماء:شفتي مس الرياضة ايش سوت ويامس الرياضيات؟
شمة:اي..تستاهل..وايد ثرثارة عن ابو..يحليلها مس غادة ماادري ليش راحت وهدتنا ويهالتغريد اللي ماتتسمى..
شيماء:ماادري من معطيها شهادة انها دارسة رياضيات..ماتعرف تشرح..
عقب الغداء....
راشد:اخبار الدراسة؟
شمة:زينة..
شيماء:بس الرياضيات شوي..
راشد:شنو شوي..صعب؟
شيماء:لا مب انه صعب..بس غيروا المس مالتنا..جايبين وحده ثرثارة كل تسولف عن حياتها وعيالها..وياليت تعرف تشرح ماادري من معطيها شهادة انها دارسة رياضيات..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 65
قديم(ـة) 30-12-2013, 10:56 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


متابعة فصل الـ 31






باجر من يوم جديد..في الجامعة....




يرن تليفون وديمة.....
وديمة:هلا..
فهد:اشلونج؟
وديمة:زينة..
فهد:بالجامعة؟
وديمة:اي..
فهد:ومتى رادة؟
وديمة:المغرب..
فهد:باااال ليش جذي متأخر..
وديمة:شسوي محاضرتي في وقت متأخر..
فهد:ومن بيردج البيت؟
وديمة:ماادري يمكن ابوي او خالد..
فهد:انزين ماقلتي لي رايج بالبيت؟
وديمة:وااايد حلو..
فهد:عجباج؟
وديمة:اي..يشبه ذوقي..احب هالستايل..
فهد:وي زين الحمدلله انه عجباج..اشلون صحتج؟
وديمة:زينة..
فهد:متى بعد عندج موعد؟
وديمة:ماادري بطاقتي مب وياي..
فهد:انزين انا بسكر لأني بريح شوي قبل لأروح الدوام..تبين شي؟
وديمة:لا..
فهد:ماتبين تقولين شي؟
وديمة:لا شكرا..
فهد:على راحتج..مع السلامة..
وديمة:مع السلامة..
شيخة:ريلج؟
وديمة:اي ماتشوفين شكلي اشلون صاير..وين رايحة؟
شيخة:بروح العلوم الحين ريلي بيي..
وديمة:وانا؟؟
شيخة:انت عندج محاضرة انا شسوي؟..بعدين انا عندي شغل وطالعة وياريلي..
وديمة:اهاا قولي من الصبح..انزين روحي خلاص..
في مدرسة البنات....

اضغط على الصورة لرؤيتها بحجمها الطبيعي


في الفسحة....كانت شيماء تمشى ويارفيجاتها هند وخولة...وهم نازلين من الدري..شجون دعمت شيماء.....
شجون:عمى ماتشوفين..
شيماء:ايش قلتي؟
شجون:قلت عمى..ماتشوفين؟؟
شيماء:والله ماادري من العمي..ومن اللي داعم الثاني..
شجون:الحمدلله انا اشوف..انت اللي دوم ماتشوفين جدامج..
شيماء:حمدلله والشكر..
شجون:ايش تقصدين؟
شيماء:ليش اللي يحمد ويشكر معناته يقصد شي..
شجون:اي تقصدين..
شيماء:تبين الصج اي اقصد..احمد ربي واشكره على العقل اللي عطاني وماعطى غيري..
شجون(عصبت وعطتها كف):صج ماتستحين..
شيماء(عصبت من الكف):انت اللي ماتستحين اشلون تجرأتي تعطيني كف..ليكون تحسبين اشتغل عندج؟؟
هند:شيماء اتركيها..خلها تولي..
شجون:انت اللي توليين سمعتي..ماادري كيف وصخت نفسي بهالاشكال..
شيماء:انت صج قليلة أدب ومو متربية..
شجون:هااااي هاااي احترمي نفسج..متربية غصب عنج..قولي حق عمرج اللي امج وابوج ريل في الدنيا وريل بالقبر..
شيماء(عصبت):جااااااب..لاتجيبين طاري اهلي على لسانج الوصخ..
شجون(تضحك):أهل!!..والله انا اشك ان هم اهلج..روحي سأليهم شوفي من اهلج الصجيين..
شيماء:انت صج ماتستحين..انت زبالة..
شجون:انا زبالة؟؟..
وبدت بالضرب ودزت شيماء وطاحت من الدري العاشر وطاحت على الارض....والبنات كلهم يلتمون حول شيماء اللي كان مغمي عليها..وراسها ينزف دم...وتيي الاخصائية الاجتماعية والمشرفات والمدرسات...وتيي شمة...وتصارخ وهي تنادي شيماء....
شمة:شيماء ردي علي تكفين..(تصيح)...حسبي الله عليج من بنت..ياعلج ماتهنين..والله مااسكت..شيماااااااااااااااء..
والادارة يطلبون الاسعاف لشيماء...وتروح وياها شمة....وهم بالمستشفى....
شمة(تصيح)
المشرفة:بس حبيبتي ياشمة..ان شاء الله شيماء بتكون بخير..
شمة:مس ابي اكلم اخوي..
المشرفة:اي من عيوني..(طلعت تليفونها)..هاج اتصلي..
شمة(تتصل):آلو..راشد(تصيح)
راشد:من ؟؟؟
شمة:انا شمة..(تصيح)
راشد:شمه اشفيج ليش تصيحين؟؟
شمة:راشد شيماء تعبانة تعال بسرعة..
راشد:انتوا وين؟
شمة:احنا بالطواري..
راشد:ياللا انا جاي..
وطلع راشد من العيادة بسرعة واعتذر منهم...وبسرعة يمشي لين ماوصل صوب الطواري....سأل عنهم وشاف شمة واقفه ومعاها وحده....
راشد:ها شمة..اشفيكم؟؟
شمة(تطيح بحضن راشد وتصيح)
راشد:ايش صاير؟
المشرفة:شيماء تعبانة وهي داخل عند الدكاترة..
راشد:اي تعبانة اشفيها؟؟
المشرفة:والله ماادري شاقولك..تهاوشت ويابنية وطيحوها من الدري..
راشد(مصدوم):شنوووو؟؟؟؟
شمة:انا خايفة عليها...
راشد:لاتخافين..خلج هني..انا بدش اشوفها..هاج تليفوني اتصلي في فارس خله يي..
ودش راشد....
شمة(تتصل):.......آلو فارس..(تصيح)
فارس:اشفيج..منو؟ شيماء؟
شمة:لا انا شمة..
فارس:اشفيج شمة؟..هذا تليفون راشد..
شمة:فارس الحق علينا شيماء تعبانة..
فارس:شيماء اشفيها؟؟
شمة:ماادري..تعال بسرعة..
فارس:انتوا وين؟
شمة:احنا بالطواري..
فارس:ياللا انا جايكم..
شيخة:فارس ايش صاير؟؟
فارس:ماادري بس البنات في الطواري وتقول شمة شيماء تعبانة..
شيخة:راشد عندهم؟
فارس:اعتقد لأن شمة متصلة من تليفونه..
شيخة:تطمن ان شاء الله ماعليها شر..لاتسوق بسرعة يافارس..
فارس:متوتر كانت تصيح..
شيخة:تبي اسوق عنك؟
فارس:لا لا ماله داعي..
طلع راشد....
شمة:طمني..
راشد:تطمني هي بخير..
شمة:لا انت تقص علي..قولي شيماء اشفيها؟؟
راشد:عندها كسر بذراعها..
شمة(تصيح)
راشد(يضمها):لو سمحتي..ممكن اعرف شالي صار بالضبط؟
المشرفة:والله انا ماادري بالضبط..احنا ماكنا موجودين..بس جونا البنات وخبرونا ان في بنتين يتهاوشون..ويوم وصلنا شفنا شيماء طايحة ومغمي عليها..
راشد:تقدرين اختي تروحين..خلاص احنا موجودين..
المشرفة:ماعليه انا بتطمن على شيماء بالاول..
يي فارس ومعاه شيخة....
فارس:ايش صاير..اشفيها شيماء؟؟
راشد:الدكتور عندها داخل..
ودخلوا...وراحت شمة بحضن شيخة وهي تصيح...
شيخة:بس حبيبتي..ان شاء الله شيماء ماعليها شر..تطمني..
شمة:انا خايفة ماتقوم..
شيخة:ايش هالكلام حبي..ان شاء الله ماعليها شر..ايش صار لها؟
شمة:طيحوها من على الدري..
شيخة:طيحوها ؟!!!اشلون؟؟
المشرفة:صارت هوشة بين البنات وطيحوها..
شيخة:أففف..تطمني حبيبتي..تطمني..
يطلع راشد وفارس ومعاهم الدكتور ويروحون على جنب....
شمة:شيخة انا خايفة..ماتشوفينهم يتساسرون..
شيخة:ان شاء الله هي بخير..
وعقب ماراح الدكتور..جى راشد وفارس.....
شمة:شيماء اشلونها؟؟
راشد:شيماء بخير لاتحاتين..
شمة:لا..انت تقص علي..انا خايفة شيماء ماتقوم..
راشد:ايش هالكلام ياشمة..ماابي اسمع هالكلام مرة ثانية..انت قوية..صح؟
شمة:لا..مو صح..هذي شيماء..انت تعرف من شيماء؟؟
راشد(مسك يدينها):انا اعرف..شيماء اختج وحبيبتج..واختي وبنتي وحبيبتي بعد..لاتخافين عليها هي بخير..
شمة:الدكتور ايش قالكم؟؟
راشد:قال هي بخير الحين..ومثل ماقلت لج انكسرت يدها..
شمة:ابي اشوفها..
راشد:الحين مايصير..بيودونها غرفة تحت الملاحظة لين ماتقوم..انت روحي ويافارس وشيخة البيت..
تروح المشرفة بعيد تكلم بالتليفون..
شمة:ماابي مابروح مكان من غير شيماء..نطلع مع بعض..
راشد:شيماء الحين مابتطلع..
شمة:ماابي انا مب رايحة من غيرها..
فارس:شمة حبيبتي..شيماء لازم ترتاح شوي في المستشفى..انت تعرفين هي طاحت من على الدري..وطيحتها ماكنت هينة..خلينا نرد البيت..ياللا..
تيي المشرفة ومعاها مديرة المدرسة...
المديرة:السلام عليكم..
الجميع:وعليكم السلام..
المديرة:انا مديرة المدرسة..جاية اتطمن على شيماء..اشلونها؟
راشد:الحمدلله هي بخير..فارس خذ شمة وزوجتك وردوا البيت..
فارس:ان شاء الله..
وراحوا....
المديرة:ممكن اعرف عن حالة شيماء؟
راشد:شيماء عندها كسر بذراعها..وكسرها جامد..وغير هذا كله شيماء دخلت بغيبوبة..
المديرة والمشرفة مصدومين..
المديرة:لا حول ولاقوة الا بالله..يعني اشلون؟
راشد:يعني ننتظر رحمة رب العالمين..
المديرة:مانقدر نشوفها؟
راشد:لا..
المديرة:عيل ان شاء الله بنمرها بوقت ثاني..
راشد:لو سمحتي..ممكن اعرف شالي صار لأختي..
المديرة:والله انا حالي من حالك ماعرف..يوم وصلنا شفناها طايحة ومغمي عليها..
راشد:ترى انا مب ساكت عن اللي صار لو كانت من تكون..
المديرة:انا ان شاء الله بس ارد المدرسة بفتح تحقيق في الموضوع..
راشد:ياليت والله..وممكن تتصلين على وحده من الاداريات تخبر سلوى اني بمرها..وتجيب معاها اغراض شيماء وشمة..
المديرة:ان شاء الله..مع السلامة..
ردت المديرة المدرسة وهي معصبة...
المديرة:نادي لي شجون بسرعة..ونادي لي ربع شيماء اللي كانوا وياها..
المشرفة:ان شاء الله..
جات شجون ودخلت غرفة المديرة...
المديرة:اشوف ياشجون غردي قولي ايش سويتي في شيماء؟؟
شجون:انا ماسويت شي..هي طاحت من نفسها..
المديرة:شجون هالحجي مايمشي عندي..تحجي احسن لج..ترى في شهود وشافوج وانت مطيحتها..
شجون:انا ماطيحت حد..
المديرة:قولي لي الصج شالي صار بينكم ومن اللي بدا؟؟
شجون:ابلة هي اللي بدت..دعمتني بالعمالة وهاوشتني جدام البنات..وسبتني..
في البيت....تتدخل شيخة وبيدها راشد ومعاها شمة...ام راشد تشوف الساعة مستغربة من ردتهم بدري..




ام راشد:شالي مرجعكم بدري؟؟
شمة(تقعد وهي تصيح)
ام راشد:اشفيج شمة؟...شيخة يمه ايش صاير؟؟
شيخة:شيماء شوي تعبانة..
ام راشد:شيماء؟!!!
الجوهرة:شيماء اشفيها؟؟(راحت عند شمة وحضنتها)
يدخل فارس البيت...
ام راشد:فارس شيماء اشفيها وليش شمة تصيح؟؟
فارس:طاحت من على الدري وتعبت وهي الحين بالمستشفى..
ام راشد:وي بسم الله عليها..وشالي مطيحها؟؟؟
شمة:يمه وحده حقيرة طيحتها من على الدري..
الجوهرة:وليش طيحتها؟؟
شمة:ماادري.. انا ماكنت معاها..جاوا البنات ينادوني ان وحده من البنات قاعدة تهاوش وياشيماء..ويوم رحت شفتها طايحة على الارض ومغمي عليها وماترد علي..(تصيح)
الجوهرة(تمسح على راسها):بس حبيبتي بس..
ام راشد:وشيماء وينهي الحين؟؟
فارس:بالمستشفى..
ام راشد:وليش ماردت معاكم؟
فارس:ماتقدر..الدكتور قال لازم ترتاح بالمستشفى جم يوم..
ام راشد:طيحتها كانت جامدة؟
فارس:اي يمه..
ام راشد:وي عليج يابنيتي..ياعله في عدوينج ولافيج..قوم ودني لها قوم..
فارس:مايصير يمه..ممنوع عنها الزيارة..
ام راشد:ممنوع شنو..انا امها قوم..
يدخل راشد البيت ومعاه سلوى.....
ام راشد:راشد يمه ودني لأختك..
راشد(حب راسها وقعد جنبها):يمه لاتحاتين شيماء بخير..
ام راشد:اشلون بخير وهي طايحة من على الدري..
راشد:لاتحاتين..ان شاء الله بتكون بخير..
يدخل بوراشد....
ام راشد:الحق علينا يابوراشد..
بوراشد(اخترع):وايش صاير؟
ام راشد:بنتك شيماء طاحت من على الدري..
بوراشد:وين؟؟
ام راشد:بالمدرسة..
بوراشد:وهي وين الحين؟
راشد:بالمستشفى يبه..
بوراشد:ايش صار عليها؟
فارس:تطمن يبه..هي بخير..
راشد:الجوهرة اتصلي على عيسى يجيب وياه مشاعل..
الجوهرة:اي بس عيسى بدوامه..
راشد:اتصلي بسلطان..
الجوهرة:ان شاء الله..
وديمة تصلي المغرب وتنزل تحت....
وديمة:عيل وين ليلى؟
ليلى:راحت تودي ولدها الحمام..
وديمة(تتصل):بتصل في شيخة..اشوف شاخبارها..
ام سلمان:ليش ماجات الجامعة اليوم؟
وديمة:بلا بس ردت بدري لأن كان عندها شغل وياريلها....آلو...هلا شيخوه اخبارج؟
شيخة:انا بخير..
وديمة:شيخوه اشفيج؟..راقدة؟
شيخة:لا وين راقدة..
وديمة:عيل اشفيه صوتج..تعبانة؟
شيخة(بصوت واطي ومن بعيد):لا..بس حماتي تعبانة ومرقدة في المستشفى..
وديمة:اي وحده؟
شيخة:شيماء..
وديمة:وايش صار لها؟
شيخة:طاحت من على الدري وتعورت وايد وهي الحين بغيبوبة..
وديمة:غيبوبة؟!!
شيخة:اي..
وديمة:وتعورت؟
شيخة:اي صادها كسر بذراعها..
وديمة:اوف اوف..ماتستاهل..سلامتها والله.......اي حبيبتي روحي.....عاد طمنيني عليها......باااي..
ام سلمان:وديمة من تعبان ومريض؟
وديمة:يمه هذي حماة شيخة..
ام سلمان:اشفيها؟
تيي ليلى وتقعد...
وديمة:تقول طاحت من على الدري وتعورت والحين في غيبوبة..
ام سلمان:غيبوبة؟..الله يقومها بالسلامة..
ليلى:من هذي بغيبوبة؟
وديمة:حماة شيخة..
ام سلمان:مب هذيلا التوم؟
وديمة:اي يمه وحده منهم..
ام سلمان:الله يعين امها وابوها..واشلون طاحت؟
وديمة:ماادري يمه قالت بس طاحت..
ام سلمان:لاحول ولاقوة الا بالله..(تاخذ التليفون)..خلني اتصل في عمتج اشوف شالسالفة..
في بيت بوراشد....راشد يروح الصالة الثانية يحصل شمة قاعدة ودموعها على خدها وشيخة عندها...
راشد(يقعد وشيخة تروح):شمة يبه..لاتحاتين..ان شاء الله شيماء بتكون بخير..
شمة:ابي اشوفها..
راشد:ان شاء الله باجر الصبح بوديج لها..
شمة:راشد..ابيك تاخذ حق شيماء من هالحقيرة..ابيها تطلع من المدرسة..ماابي اشوف شكلها..
راشد:لاتحاتين محد ساكت عنها..قومي غسلي وجهج وصلي العشاء..
شمة(وهي تقوم):ان شاء الله..
في بيت بوسلمان...يرد بوسلمان....
ام سلمان:دريت عن نسيب بيت اختك؟
بوسلمان:لا..
ام سلمان:اخته طاحت من على الدري وتعورت..
بوسلمان:ايش صار فيها؟
ام سلمان:تقول اختك صادها كسر بذراعها ودخلت غيبوبة..
بوسلمان:اشلون طاحت؟
ام سلمان:تقول تهاوشت ويابنية والبنية دزتها وطاحت..
بوسلمان:لاحول ولاقوة الا بالله..(خذ تليفونه)..خلني اتصل في راشد..(يتصل).....السلام عليكم..
راشد:وعليكم السلام..
بوسلمان:اشلونك دكتور راشد؟
راشد:بخير دكتور..انت اشلونك؟
بوسلمان:الحمدلله..سلامات سمعت ان اختك تعبانة..
راشد:اي والله تعبانة..(وراح بعيد)
بوسلمان:خير ان شاء الله؟
راشد:حد عندك؟
بوسلمان(قام وراح بعيد):تفضل قول..
راشد:طاحت من على الدري وتعورت..والكسر عندها جايد..والدكتور يقول يبيلها عملية..
بوسلمان:انت وينك فيه؟
راشد:انا بالبيت..
بوسلمان:انزين اذا ماعندكم مانع بامر وبشوف حالتها..
راشد:والله ياليت دام انك متخصص بهالشي وتقدر تساعدنا..على الاقل تعطينا رايك..
بوسلمان:لا تحاتي..ان شاء الله كل الامور بتكون بخير..متى انت رايح لها؟
راشد:باجر الصبح ان شاء الله..
بوسلمان:خلاص الوعد باجر..(يروح يقعد عندهم)...هي بالعناية؟.......اي خلاص دليت.....سلم على الوالد والاخوان.....مع السلامة..
راشد:مع السلامة..(يقعد)
بوراشد:من هذا؟
راشد:هذا دكتور عبدالرحمن خال شيخة مرت فارس..
بوراشد:وايش يبي؟
راشد:ولاشي متصل يسأل عن شيماء..يقول اذا ماعندنا مانع يبي يشوفها ويشخص حالتها..
تميم:ليش هو دكتور وشو؟
راشد:عظام..
ام راشد:يعني يمه يقدر يساعدنا؟
راشد:ان شاء الله..ادعي لها..
بوراشد:تميم يبه..اخوانك باجر مشغولين وبيروحون عند اختهم..ابيك توديني باجر مدرستهم..
راشد:ليش يبه؟
بوراشد:ابي اتهاوش وياهم..احنا وين قاعدين بمدرسة ولا معركة..احنا نطرش بناتنا علشان يتعلمون ولا يتضاربون..
راشد:يبه ماله داعي تروح انا باجر ان شاء الله عقب ماتطمن على شيماء بروح المدرسة..وبتفاهم وياهم..
بوراشد:لا ..انا رايح يعني رايح..
الجوهرة:ياللا عمي خالتي قوموا علشان تعشون..
راشد(وهو قايم يشوف شمة)
شمة(بصوت واطي):بوعيسى..لخلصت من العشاء ابيك بسالفة..
راشد:خير؟
شمة:عقب بقولك..
راشد:وين تبينا نقعد؟
شمة:فوق بالصالة علشان ابوي وامي مايسمعون..
راشد:اوكي..تعالي نتعشى..
شمة:ماابي..مااشتهي..
راشد(مسك يدها):بتقعدين جنبي وبتعشين..ياللا..
عقب ماتعشوا...
وديمة:تسلم ايدينج ماما..
ام سلمان:بالعافية..
وديمة(قامت)
بوسلمان:وديمة يبه..لاتنسين تاخذين دواج والابرة..
وديمة:ان شاء الله ..
يدخل حمد البيت ويسلم...
ام سلمان:ماتبي تعشى؟
حمد:لا انا تعشيت ويالربع..
بوسلمان:مسجل هالكورس ولا شنو؟
حمد:لا بله مسجل..
بوسلمان:كم ساعة؟
حمد:15 ساعة..
بوسلمان:بديت بالتخصص؟
حمد:هالكورس..
بوسلمان:خف ريلك من الطلعات واهتم بدراستك..
حمد:ان شاء الله..
راشد يروح فوق يحصل شمة قاعدة وياسلوى يقعد....
راشد:خير شمة؟
شمة:بوعيسى..ابي اقولك اللي صار اليوم بين شيماء والبنت..
راشد:شنو صار؟؟
شمة:البنت دعمت شيماء وسبتها..قالت لها عمى وماادري شنو..وشيماء ردت عليها..وصار بينهم حجي وعقب البنت عطت كف لشيماء..وشيماء ارفعت صوتها وقالت لها انت مو متربية..وعقب....(تطالع سلوى)
راشد(يطالعهم):عقب شنو؟؟
شمة:عقب البنت قالت حق شيماء ان امج وابوج ريل بالدنيا وريل بالقبر..وان هذولا مب اهلج..روحي سألي عن اهلج من يكونون..
راشد(عصب وفار):ايش هالحجي..ومن هذي اللي تجرأت تقول هالكلام؟؟؟
شمة:وحده اسمها شجون..
راشد:وانتوا من وين دريتوا بهالحجي كله يوم انكم ماكنتوا عندها؟؟
شمة:انا سلوى قالت لي..
راشد(يطالع سلوى):وليش ماقلتي لي؟
سلوى:يبه انا شفتك متضايق ومشغول ماقلت لك..
راشد:اشلون ماتقولين تعرفين ان هالكلام وايد مهم ولازم اعرفه..انت كنت موجودة ؟؟
سلوى:لا يبه..ماكنت..بس عقب اللي صار شفت ربع شيماء وسألتهم وقالوا لي..
جى فارس ومعاه شيخة.....
فارس:اشفيكم ايش صاير؟؟
راشد:دريت اللي صار بين شيماء والبنية..
فارس:ايش صار بينهم؟؟
راشد:قالت حق شيماء ان امج وابوج ريل بالدنيا وريل بالقبر وان ذولا مب اهلج روحي سألي من هو أهلج..
فارس(مصدوم وعصب):ايش هالكلام..وعلى اي اساس تقول هالكلام؟؟..ليش ماسكتيها ياشمة؟؟؟
شمة(تصيح):ليش انا كنت موجودة؟؟..والله لو كنت موجودة جان نتفتها ولاخليتها تقول هالكلام..
شيخة(عطت راشد لفارس وراحت عند شمه وحضنتها):بس حبيبتي..هدي بالج..هالبنت ماينسكت عنها..وشيماء ان شاء الله بتقوم بالسلامة لاتحاتين..
راشد:المشكلة ان ابوي مصر انه يروح المدرسة باجر واخاف يدري بالكلام ويعصب..
شمة:احسن خله يعصب..ولا هذ كلام ينقال؟!!
في غرفة وديمة....يرن تليفونها....
وديمة:مرحباا..
فهد:هلا مراااحب..اشلونج؟
وديمة:زينة..
فهد:شتسوين؟
وديمة:ولاشي..كنت بسكر الابجورة علشان انام..
فهد:باجر بتروحين الجامعة؟
وديمة:مالي خلق اروح خاصة اني بكون بروحي باجر..بس شسوي الدكتور ملزم يشرح باجر..
فهد:وليش بتكونين بروحج؟
وديمة:بنت عمتي مب جايه..
فهد:وليش هي ماتبي تحضر دام ان الدكتور بيشرح؟
وديمة:لأن حماتها تعبانة ومرقدة بالمستشفى..
فهد(بإهتمام):انت تقصدين بنت عمتج اللي ريلها فارس؟
وديمة:اي..
فهد:حماتها تعبانة ومرقدة بالمستشفى؟؟
وديمة:اي..
فهد:واشفيها تعبانة؟
وديمة:يقولون طاحت من على الدري ودخلت بغيبوبة..
فهد:غيبوبة!!..لاحول ولاقوة الا بالله..
راشد قام على الساعة 4..حس الدنيا ضايقة فيه وهو يفكر بشيماء...قام وغسل وجهه وبدل ملابسه...قامت الجوهرة.....
الجوهرة:راشد...وين رايح هالحزة؟
راشد:بروح اتطمن على شيماء..
الجوهرة:حد متصل فيك من المستشفى؟
راشد:لالا..انا رايح..
الجوهرة:دير بالك على نفسك..
راشد:ان شاء الله(سكر الباب)
وطلع من البيت...يوم وصل المستشفى بركن سيارته ودش قسم العناية.....شاف الممرضة طالعة من عند شيماء......
راشد:لو سمحتي..اشلونها؟
الممرضة:من حضرتك؟
راشد:انا دكتور راشد..اخوها..
الممرضة:اسمح لي دكتور..ماعرفتك..
راشد:مو مشكلة..قولي لي اشلونها؟
الممرضة(تشوف شيماء):الحمدلله..بس مافي اي مستجدات عن حالتها..
راشد:وين الدكتور المناوب؟
الممرضة:في الغرفة هناك..
راشد راح يشوف الدكتور....
في بيت بوسلمان...
بوسلمان:عيل وين وديمة؟
ام سلمان:راقدة..
بوسلمان:شنو ماعندها جامعة؟
ام سلمان:بلا بس مب الحين..الساعة 10 بتروح..
بوسلمان:من بيوصلها؟
ام سلمان:السايق..
بوسلمان:تروحين وياها..
ام سلمان:ان شاء الله..
بوسلمان:انزين..(قام)..انا رايح المستشفى بروح اشوف البنت..
ام سلمان:طمني عقب..
بوسلمان:ان شاء الله..
في المستشفى...فارس كان وياراشد يتكلمون ويالدكتور...جاهم تميم....
تميم:طمنوني..
الدكتور:انتوا تناقشوا بينكم وعقب قولوا لي رايكم..عن اذنكم..
تميم:ايش صاير؟
فارس:يقول الدكتور يبون يسوون لها عملية بيدها..
تميم:ليش؟؟
فارس:علشان الكسر..
تميم:لهالدرجة تأذت؟؟
راشد:البنت طاحت من الدري العاشر ماادري كم..ولاتنسى ان الدري والارضية كلها رخام..اكيد بتتعور..بعدين شيماء شنو فيها جلد على عظم وفيتامينات ولاشي..
شوي ويوصل بوسلمان ويسلم عليهم....
بوسلمان:شالاخبار؟
راشد:توه الدكتور ناصر كلمنا وقالنا لازم يسوون لها عملية..
بوسلمان:مو مشكلة..انا الحين بدش وبشوف الدكتور ناصر وعقب بقولكم..عن اذنكم..
تميم:من هذا؟
راشد:هذا الدكتور عبدالرحمن خال زوجة فارس..
تميم:تهقى بيسوي شي؟..بيلغي العملية مثلا؟
راشد:لا طبعا..العملية مهمة..بس يعني زيادة راي..
يرن تليفون تميم...
تميم:هذا ابوي..
راشد:اوووه انا نسيت..رد رد عليه..
تميم:السلام عليكم....هلا يبه....اي احنا بالمستشفى........ان شاء الله....راشد !!..وين تليفونك؟
راشد:على الصامت..
تميم:يبه تليفوناتهم على الصامت......مسكرينه.......ان شاء الله ان شاء الله..مع السلامة..
فارس:شيقول؟
تميم:ابوي معصب..يقول اشلون تروحون كلكم المستشفى من غيري..وتعالوا ابي اروح المدرسة..لو ماجيتوا بروح بروحي..
راشد:لا تكفى لايروح بروحه..انا بروح وياه..اذا طلع الدكتور عبدالرحمن شووفه شيقول وعقب طمنوني..ياللا في امان الله..
الجميع:مع السلامة..
في المدرسة...كانت المديرة تحاتي اللي بيصير اليوم...
المديرة:منيرة تكفين نادي لي حمده..قولي لها خلها تلبس عباتها وشيلتها..
منيرة:ليش؟
لمديرة:يمكن ولي امرهم يجون..مع اني كلمت ام شجون وقالت لي هي بتجي..بس شيماء اعتقد اخوها بجي..
وشوي يوصل راشد وياابوه....ويترتب المكان ويدخلون غرفة المديرة...وتكون قاعدة المديرة ويالاخصائية حمدة....
المديرة:ايش تشربون؟
بوراشد:انا ماابي شي..انا جاي آخذ حق بنتي..
المديرة:ان شاء الله مو صاير الا اللي يرضيكم..لاتحاتي يبه..بس طمنوني على شيماء اشلونها اليوم؟
راشد:الحمدلله..مثل ماهي..
بوراشد:انا ابي اعرف السالفة كلها الحين..(ويضرب بعصاته)..احنا نطرش بناتنا علشان يتعلمون ولا يتضاربون؟؟
المديرة:والله ماادري شاقول يايبه..هالشي صار من طيش بنات..
بوراشد:شنو طيش ماطيش..الحين لو البنت ماتت..احنا شنسوي؟؟
المديرة:انا معاك..ادري البنت غلطت..ان شاء الله الحين اهلها بيحضرون..وبنشوف اشلون نحل المشكلة..
شوي بعد وتدخل ام شجون ومعاها ولدها....وبعد السلام.....
المديرة:هذي ام البنت..وهذا اخوها..
ام شجون:خير ياالمديرة..ليش طالبيني؟
المديرة:اعتقد انج تعرفين اللي سوته بنتج في بنت الناس..
ام شجون:وانا شسوي لها..بنت غلطت..وبعدين؟
الكل مصدوم!!!
راشد:يعني شنو وبعدين؟؟..يعني انتوا ماتقدرون تيودون بناتكم؟؟..يعني ماتقدرون تعلمونهم كيف يتصرفون؟؟
ام شجون:والله انا معلمة بنتي على الحرية..ومااقدر اتصرف معاها اي تصرف..لأن كل واحد مسؤول عن تصرفاته..
بوراشد:هذي ايش قاعدة تخرف..وايش تقول؟؟
راشد:هدي يبه..لوو سمحتي..انت مب ولية امرها؟؟
ام شجون:بلا..
راشد:يعني مسؤولة عنها..
ام شجون:اوكي وغيره؟
راشد:يعني انت راضية باللي سوته بنتج؟
ام شجون:البنت ياهل وماعرفت شتسوي..ياهال ايش عرفهم..
راشد(مصدوم):ياهال؟!!..ثانوية عامة ياهال؟؟؟..توج تقولين كل واحد مسؤول عن نفسه..والحين تقولين ياهال؟؟..انتوا كيف تربون عيالكم؟؟
ام شجون:لو سمحت عن الغلط..لو سمحتي ممكن اعرف ليش طلبتوني؟؟
المديرة:والله احنا طلبناج على طلب ولي امر البنت..انت تعرفين ان البنت مرقدة بالمستشفى..وهي بغيبوبة؟؟
ام شجون:غيبوبة؟؟؟
راشد:اي غيبوبة..البركة في بنتج..
المديرة:وتعرفين ان بنتج تعمدت هالحركة؟؟
ام شجون:وشالي يثبت؟؟
المديرة:هي اعترفت بهالشي..
ام شجون:قلت لج ياهل..
المديرة:وتعرفين ان بنتج مو بالبيت؟
ام شجون:اكيد مو بالبيت..بتكون في المدرسة..
المديرة:بنتج مو في المدرسة..
ام شجون:عيل وين؟؟
المديرة:بنتج بالاحداث ياام شجون..
ام شجون(مصدومة):اشلوووون؟؟
المديرة:بنتج تعمدت تسوي هالحادث..والشرطة ماسكتت..
ام شجون:اشلون كل هاي يصير وانا ماادري؟؟
المديرة:مو المشكلة..ان امس الشرطة اتصلت فيكم وانتوا تليفوناتكم مسكرة..او اصلا ماتردون..
ام شجون:اي انا كنت مسافرة..وتوني الصبح رديت..
راشد:لاحول ولاقوة الا بالله..
بوراشد:سمعي يامرة..والله ثم والله اذا بنتي ماقامت بالسلامة وبصحتها ماني ساكت عن حقها..تجيبون عيال وتقطونهم يربون نفسهم بنفسهم..انتوا شنو؟؟..كيف بتجابلون رب العالمين؟؟..(قام)..قم ياولدي..الحجي مع الحريم ضايع..
راشد(قام):ان شاء الله يبه..بس لحظة شوي..لو سمحتي..صحيح ان البنت في الاحداث؟
المديرة:اي نعم..
راشد(بحزن):لاحول ولاقوة الا بالله..
ام شجون:شنو تشمت؟؟
راشد:لاحول..صج الحجي ويالحريم ضايع..(يكلم المديرة)..مشكورة..
المديرة:انا ان شاء الله اليوم بمر شيماء..
راشد:مشكورة..مع السلامة..




[ على فكرة..انا ماعندي علم إذا وحده بهالسن مثل شجون اخطأت هالخطأ ايش يصير فيها..هل لهم مكان بالاحداث او لا..مااعرف..وكتبت هالشي من خيالي..وإذا حد عنده علم بهالشي ياليت يفيدني..]




ايش بيصير في شيماء؟؟

وشنو الجديد في حياة فهد ووديمة؟؟

ووديمة وحياتها الدراسية؟؟

والشخصيات الثانية؟؟

انتظروني بفصل جديد..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 66
قديم(ـة) 30-12-2013, 10:57 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


" فصل الـ 32 "






في المستشفى...تميم قاعد وياسلطان صوب الدريشة.....ييهم عيسى.....
عيسى:السلام عليكم ورحمة الله وبركاته..
الجميع:وعليكم السلام..
عيسى:اخبار شيماء؟؟
تميم:مثل ماهي..
عيسى:ليش مااتصلتوا فيني؟؟
سلطان:انت كنت بالدوام..اشلون تبينا نتصل فيك؟
عيسى:مو مشكلة كنت برد..هي اشلونها؟
تميم:ولاشي..ناطرينها تقوم من الغيبوبة..
سلطان:ويبون يسوون لها عملية..
عيسى:عملية!!..حق شنو؟؟
تميم:حق يدها..مو انكسرت..
عيسى:ايش دعوة كل هذا صار فيها من طيحة الدري؟؟
تميم:عيسى اشفيك..البنت جلد على عظم وطاحت من الدرية العاشرة على الرخام..زين ماتنتفت..
عيسى:ابوي وعمي فارس وينهم؟
سلطان:ابوي راح وياجدي المدرسة..وعمي فارس اتصلوا فيه الطواري وراح..
تميم:عيسى لاتقول لحد عن عملية شيماء..ترى محد يدري غيرنا احنا..
عيسى:حتى جدي؟
تميم:حتى جدك..
عيسى:لاحول ولاقوة الا بالله..
راشد ييهم مع بوراشد.....وعقب السلام....
بوراشد:طمنونا على البنية؟
تميم:مثل ماهي يبه..
راشد:جاكم الدكتور عبدالرحمن؟
تميم:اي..
راشد:هو وينه فيه؟
تميم:ماادري..طلع من عند شيماء وراح..
بوراشد:خذني يابوك وياك..ابي اشوف هالدكتور..
راشد:لا يبه ماله داعي..انا بروح اشوف هو وينه فيه..
بوراشد:اتصل فيه وخله يي هني..
راشد:اتصل فيه؟
بوراشد:اي..انت ماعندك رقمه؟
راشد:بلا..
بوراشد:عيل خلاص اتصل فيه..
راشد(يطالع تميم ان مايبي ابوهم يدري بشي):اخاف يبه يكون في العيادات الخارجية ومايقدر يجي..
بوراشد:انزين ودني وياك..
سلطان:انزين يبه اتصل فيه شوف وينه فيه..
راشد(طلع تليفونه واتصل):.......مايرد..يمكن عنده شغل..انا بروح اشوف شيماء..
بوراشد:خذني وياك..
ودشوا داخل....راشد راح صوب الملفات وطلب ملف شيماء وقعد يقرأ ملاحظة الدكتور عبدالرحمن.....
في الجامعة....




بعد المحاضرة...والبنات يطلعون...كانت في بنت عند الدكتور...وعقب ماراحت راحت عنده وديمة....
وديمة:دكتور لو سمحت..بغيت اقولك عن رفيجتي شيخة..
عبدالله:خير اشفيها؟
وديمة:هي غايبة اليوم..عندهم شوية ظروف عائلية..ولا هي كانت بتيي..
عبدالله:مو مشكلة..اذا هي مافهمت محاضرة اليوم شرحي لها انت..
وديمة:نعم؟..انا اشرح لها؟؟
عبدالله:ليش مافهمتي؟
وديمة:بلا..
عبدالله:على العموم ..اذا بغت شي خلها تجيني الساعة المكتبية..
وديمة:ان شاء الله..
وهو ياخذ شطنته....
وحده من الطالبات....
الطالبة:دكتور دكتور..
عبدالله:نعم؟
الطالبة:عندي سؤال..
يرن تليفون وديمة....
وديمة(تطلع تليفونها من الشنطة):آلو...هلا خالد.....تونا خلصنا....كان عندي ام آي اس......اي........انت وينك؟....اوكي بس عطني عشر دقايق وبيي......بروح آخذ كتبي من اللوكر......اوجي...باباااي....زين زين مع السلامة..
قاعد خالد في السيارة ينتظر وديمة...شوي يرفع راسه تطيح عينه بعين عبدالله...ويطلع من السيارة ويسلم عليه....
خالد:هلا والله بالدكتور..اشلونك؟
عبدالله:بخير..انت اشلونك؟
خالد:الحمدلله..شنو كانت عندك محاضرة؟
عبدالله:اي..
خالد:مرتاح ويا البنات؟
عبدالله:حاليا اوكي..الله ياستر بعدين..
خالد:وانت ليش بادي معاهم من اول اسبوع؟
عبدالله:المنهج ثقيل شوي..ومحتاجين للوقت..
خالد:اختي وياك في المحاضرة..
عبدالله:اي شفت اسمها..
خالد:عاد ماابي تصعب عليهم الامتحان..
عبدالله:شنو تتوسط؟
خالد:اي دام انك رفيجي ودكتورهم ليش مااتوسط..
عبدالله:ان شاء الله خير..ياللا انا رايح..
خالد:مب جاي الكافية اليوم؟
عبدالله:بلا بمركم ان شاء الله..مع السلامة..
خالد:مع السلامة..
وتيي وديمة وتدخل....
وديمة:سلمت على رفيجك؟
خالد:اي..
تحرك خالد...
وديمة:زين جيت خذتني..كنت بموت من الملل..حتى اني مافهمت نص الكلام اللي قاله الدكتور..
خالد:اي دكتور؟
وديمة:رفيجك..
خالد:وليش ان شاء الله؟
وديمة:بصراحة المنهج مب سهل..
خالد:ودوم..انت عايده المنهج..
وديمة:ادري..بس كل دكتور له طريقته الخاصة..وهالجابتر اللي بادي فيه كان محذوف عندنا يوم خذته..
خالد:يوم يصعب عليج شي تعالي لي انا بشرح لج..
وديمة:وليش مااروح عند الدكتور؟
خالد:نعم؟؟
وديمة:شنو نعم..دكتوري يدرسني..
خالد:لاحبيبتي..صعب عليج شي تعالي لي..
وديمة(تنافخ)
خالد:وليش تنافخين؟
وديمة:ولاشي..من الملل..
خالد:ليش وين شيخة عنج اليوم؟
وديمة:ماجات..
خالد:وليش تغيب دام ان الدكاترة يشرحون؟
وديمة:ليش انت مادريت شنو صار؟
خالد(باهتمام):لا..شنو؟
وديمة:حماتها في غيبوبة..
خالد:غيبوبة؟!!!
يروح بوراشد ويقعد عند عياله...شوي ويي راشد....
راشد:انا بروح شوي وبرد..
بوراشد:وين؟
راشد:عندي شغل شوي يبه..ياللا عن اذنكم..
وراح عند بوسلمان...في العيادات الخارجية..دق الباب ودخل....
بوسلمان:حياك دكتور راشد..تفضل..
قعدوا.....
راشد:قولي يادكتور..
بوسلمان:مثل ماقالك الدكتور ناصر..هي محتاجة العملية..وانت دكتور وادرى بهالشي..
راشد:انزين دكتور عادي تسوون لها العملية وهي بغيبوبة؟
بوسلمان:دكتور راشد..لاتحاتي..إن شاء الله شيماء بتقوم من الغيبوبة قبل العملية..
راشد:ممكن؟
بوسلمان:دكتور راشد..انت دكتور وعارف بكل شي..تطمن..وانا سمعت من الدكتور ناصر اليوم ان حالتها احسن من امس..
راشد:صحيح؟
بوسلمان:أي..شفته اليوم الصبح..بس انت ماكنت واتصلت في فارس مارد علي..
راشد:أي فارس في الطواري..
بوسلمان:المهم تطمن..
راشد(قام وسلم):مشكور دكتور..مع السلامة..
بوسلمان:مع السلامة..
الكل رد البيت...وتغدوا كلهم ويابعض...وعقب..كل واحد فيهم راح بيته يرتاح وينام.....والعصر...فارس وراشد راحوا العيادة...وشيخة عقب ماقعد راشد الصغير...بدلت ملابسه وخذته وطلعت من الغرفة ونزلت تحت...حصلت ام راشد قاعدة والجوهرة.....
شيخة:السلام عليكم..
الجميع:وعليكم السلام..
شيخة(تقعد):وين شمة؟
الجوهرة:فوق راقدة..
تيي الخدامة...
الخدامة:ماما..بابا تركي في المجلس..
ام راشد:زين..روحي سوي شاي..(قامت)
الخدامة:ان شاء الله..
وراحت ام راشد عند تركي...حب راسها وقعدوا....
تركي:سلامات ياخالتي..عسى ماشر ايش صار لشيماء؟
ام راشد:شاقولك ياولدي..الله يكون بعونا..
تركي:امي قالت لي انها طاحت من على الدري..
ام راشد:أي..وحده من البنات دفتها وطاحت..
تركي:عن قصد؟
ام راشد:يقولون تهاوشت وياها..
تركي:ياااربي..واشلونها؟
ام راشد:مثل ماهي..
تركي:هي بالعناية؟
ام راشد:ماادري والله ياولدي..اليوم مارحت لها..ننتظر رحمة رب العالمين تنزل علينا..
تركي:الله كريم..
وعقب نص ساعة طلع تركي ...وقعد يفكر بشيماء واللي صار لها...حصل ريال ينظف الشارع....ناداه وعطاه فلوس تصدق عن حالة شيماء....في العيادة....دخل مريض شيبة ويابنته....
الرجال:ياولدي..انا ماابيك تكشف علي..بس جاي أسألك عن حالتي..
راشد:وليش مااكشف عليك؟
الرجال:انا واحد فقير..وماعندي فلوس ادفع لك..واذا دفعت لك ماعندي للدواء..
راشد:يايبه..تطمن..انا ماباخذ منك شي..
الرجال:لا ياولدي..
راشد(قاطعه):لاتحاتي..انا ماخذ منك شي..واي حزة كنت تعبان ومحتاج شي تعال..
الرجال:بس دكتور انا رحت من قبل لدكتور وقالي محتاج عملية..وانا ماعند مصاريفها..
راشد:وليش ماتسويها في المستشفى؟
الرجال:يابوك عمليتي ماهي هينة..
راشد:تطمن..ان شاء الله كل الامور بتنحل..انت بس قولي اللي فيك ولاتفكر بشي ثاني..(ودعى من ربه يقوم شيماء بالسلامة ويحسب حالة الرجال صدقة عن صحتها)
في بيت بوسلمان...وديمة تنزل الساعة 7 ونص...ومعاها كتابها وتليفونها.....




وديمة:هاي مامي..
ام سلمن:هلا..شبعتي نوم؟
وديمة:لا..بغيت انام بعد..بس قلت ياللا اقوم ادرس شوي..يمكن فهمت شي..عيل وين ابوي؟
ام سلمان:ابوج راح المستشفى..
وديمة:ليش..مااعرف ان ابوي عنده دوام بالليل..
ام سلمان:راح علشان شيماء حماة شيخة..
وديمة:ليش؟
ام سلمان:ماادري..يقول واحد من الدكاترة متصل فيه وراح..
وديمة:مسكينة..الله يكون بعونهم..ليلى ماجات اليوم؟
ام سلمان:لا..اهل ريلها جايينها..ومسوية عشاء..
وديمة:يحليلها ليلى..عاد بتقعد تتفنن في الطبخ..
ام سلمان:وانت متى بتعلمين؟؟
وديمة:حق شنو؟
ام سلمان:حق بيتج..
وديمة:وييي ماما..انا اعرف اسوي اشياء..
ام سلمان:شنو تعرفين سلطات ولا كم سوييت..ليش انتوا ناويين تسوون رجيم؟
وديمة:مامي..فهد اكيد بجيب طباخ..مستحيل انا اطبخ..
ام سلمان:حتى لو جاب طباخ..غير يوم ياكل من ايدينج..بيستانس اكثر..
وديمة:خله يتعود على اكل الطباخ احسن..وين مريم وعائشة؟
ام سلمان:راحوا وياخالد..
وديمة:وين؟؟
ام سلمان:راحوا يشترون لهم اغراض من الجمعية..
وديمة:وأنا؟؟؟
ام سلمان:انت كنتي راقدة..واي شي حاول فيج خالد يقعدج..مارديتي عليه..
وديمة:اصلا متى جاني؟؟..ولاحسيت فيه..
ام سلمان:من تعب الجامعة..
راشد يركض ويركض بسرعة...راح العناية......
راشد:خير؟؟
بوسلمان(وهو يبتسم):الحمدلله..اختك قامت من الغيبوبة..
راشد:الحمدلله..وهي اشلونها الحين؟؟
بوسلمان:الحمدلله..يعني شكلها شوي دايخة..
راشد:بروح اشوفها..
دخل شافها مسكرة عيونها...قرب منها ومسح على راسها وباس راسها....
شيماء(تفتح عيونها بتعب)
راشد(يبتسم لها):حمدلله على السلامة..اشلونج؟
شيماء:راسي....يعورني..
راشد:بسم الله عليج..ماعليه حبيبتي..ان شاء الله كلها جم يوم وبترتاحين من الالم..
شيماء:ابي....مااي..
راشد:من عيوني..انا وايد مستانس انج قعدتي الحمدلله..
شيماء:شمة...وين؟
راشد:شمة بالبيت..لو تدري انج قمتي على طول بتييج..
شيماء:ابي شمة..
راشد:ان شاء الله..الحين بتصل فيهم..
وطلع عند الدكاترة...
بوسلمان:دام انها قامت الحمدلله..خلنا نسوي لها العملية..
راشد:متى؟
ناصر:انا برايي باجر الصبح انسب وقت وهم اسرع..
راشد:اوكي..اللي تشوفونه..بس هي لازم تدري..
ناصر:عاد هذي مهمتك يادكتور راشد..
راشد:انزين هي بتم هني لين باجر؟
ناصر:اي نعم..نبي تكون تحت الملاحظة..ياللا عن اذنك..
بوسلمان:تستاهل سلامتها..مع السلامة..
راشد:مشكورين..جزاكم الله خير..(طلع تليفونه وشاف مكالمات لم يرد عليها..فارس).....آلو..اي الحمدلله قامت....اي تكلمت معاها...اي تكلمت شوي.....الحمدلله..انت وين؟؟..انزين سكر العيادة وتعال......اوكي ياللا مع السلامة...(اتصل البيت).....السلام عليكم.....هلا ام لولوة....وين تميم؟.....اي عطيني اياه.......السلام عليكم.
تميم:وعليكم السلام..
راشد:اقول ترى شيماء قامت من الغيبوبة..
تميم:صج؟؟
راشد:اي الحمدلله..
تميم:الله يبشرك بالخير..
راشد:اسمع هي تبي تشوف شمة..جيبها..
تميم:احنا كلنا جايين..
راشد:ترى بتم في العناية..
تميم:ليش؟
راشد:مو علشان العملية..
تميم:ليش متى بيسوونها؟
راشد:ان شاء الله باجر الصبح..
تميم:انزين ياللا احنا الحين بنجي..فمان الله..
بوراشد:من هذا؟
تميم:هذا راشد..يقول شيماء قامت من الغيبوبة..
الكل استانس وحمد ربه....
ام راشد:قوم ودني لها..
تميم:ان شاء الله..بس حد يروح يخبر شمة علشان تزهب..يقول راشد ان شيماء تناديها..
شيخة(قامت):انا بروح اخبرها..
راحت فوق...ودقت عليها ودشت حصلت مشاعل وسلوى عندها وشمة بضيقة.....
شيخة(وهي مستانسة):شمة..عندي لج خبر بغير من نفسيتج..
شمة(بضيقة):خبر شنو؟
شيخة:شيماء..شيماء قامت من الغيبوبة..
شمة(فاجه عيونها):قولي والله..
شيخة:والله..توه بوعيسى اتصل خبر تميم..وقال ان شيماء تناديج..ياللا قومي لبسي علشان تروحين..
شمة(قامت):فديتها شيوم..
الدكتور ناصر وهو طالع من العناية شاف راشد....
ناصر:دكتور راشد..في حد بيي يشوف شيماء؟
راشد:اي الاهل..
ناصر:ياليت بس مايكون زحمة عندها..يعني كل شخص يدخل يشوفها دقيقتين ويطلع..لازم تظل مرتاحة..
راشد:ان شاء الله..
ناصر:فمان الله..
راشد:مشكور دكتور فمان الله..
في بيت بوسلمان....




ام سلمان:طمني..
بوسلمان(يقعد):الحمدلله..قامت من الغيبوبة..
ام سلمان:الحمدلله..
بوسلمان:وديمة يبه..جيبي لي ماي..
وديمة(قامت):ان شاء الله..
ام سلمان:وحد من اهلها كانوا هناك؟
بوسلمان:بس راشد..
ام سلمان:الحمدلله قامت..
بوسلمان:باجر عندها عملية..
ام سلمان:عملية وشو؟؟
بوسلمان:عملية بيدها علشان الكسر..
ام سلمان:من صجك؟؟
بوسلمان:اي من صجي..
ام سلمان:ماسمعت هالكلام الا الحين منك..
بوسلمان:هالحجي صار لهم من زمان بس كنا ننتظر تقوم من الغيبوبة..
وديمة(تمد يدها):تفضل بابا..
بوسلمان:مشكورة..(يشرب)
وديمة:شنو يمه؟
ام سلمان:يقول بيسوون لها عملية..
وديمة:ليش؟
بوسلمان:علشان الكسر..ماابي هالحجي يطلع..ليحين اهلها مايدرون..بس اخوانها..
ام سلمان:الله يعين امها..ومتى العملية؟
بوسلمان:باجر الصبح ان شاء الله..
ام سلمان:انت بتسويها؟
بوسلمان:انا وواحد من الدكاترة..عيل وين البنات مااشوف حد..
ام سلمان:خالد طلعهم..
يدخلون ويسلمون ويقعدون...وديمة تشوف الاكياس بيدهم وماسكين مشروبات...
وديمة:وانا ليش ماوديتوني معاكم..
خالد:ليش انت قمتي..مت وانا اناديج..انا اعتقد لو صار زلزال مابتقومين..ايش دعوة نومج ثقيل..الله يكون بعون فهد..ماادري ايش بيسوي علشان يقعدج..
وديمة:هييي..سخيف..ماعليه..تروحون من غيري..
خالد:شسوي فيج..ترجيتج ولاتحركتي..
وديمة:ماابي ماابي..قوم ودني..
خالد:ماني موديج مكان..انثبري بدارج وروحي ذاكري..
وديمة:ماابي زين..
بوسلمان(يضحك على حركاتهم):قومي ياام سلمان سوي لي شي آكله أبي انام بدري علشان باجر عندنا عملية..
ام سلمان(قامت):ان شاء الله..
وديمة:قوم عاد خالد..
خالد:ماني قايم..اذا قمت بروح بيتي..خذي من عائشة ومريم..ولا اقولج لا لاتخذين شي..
وديمة:وليش ان شاء الله..عقاب هو؟؟
خالد:لا مب عقاب..بس اللي شروه مب زين لج..
وديمة(تضايقت وقامت)
بوسلمان:وين؟
وديمة:بروح اساعد امي..
بوسلمان ياولد خف عليها شوي..تدري اختك حساسة..
خالد:ماعليه يبه..خلها شوي تعود..بسها دلع وحساسية..
بوسلمان:انت تدري ان هالاشياء مب زين لها ليش تشتري حق خواتك؟
خالد:يبه مايصير ماياكلون علشان وديمة..وديمة لازم يكون عندها قوة ارادة وتعرف الشي الزين لها واللي مو زين..قولي ايش سويت في المستشفى..ايش صار عليهم؟
في المطبخ...
وديمة:مامي..ابي اسافر..
ام سلمان:شنو؟؟
وديمة:ابي اسافر..
ام سلمان:ان شاء الله تروحين شهر العسل وياريلج..
وديمة:ماما انا من صجي..ابي اسافر هالجم يوم..ابي اغير جو..صار لي فترة ماسافرت..
ام سلمان:وين تبينا نروح؟
وديمة:اي مكان ان شاء الله عند عمي جبر وعمتي نجلاء..
ام سلمان:ان شاء الله لما تملج بنروح..
وديمة:ماابي..تكفين ماما قولي حق بابا..
في المستشفى...يدخل بوراشد وياام راشد عند شيماء...تفتح عيونها...تدمع عيونها....بوراشد حط يده على راسه وقعد يقرأ عليها....وعقب ماخلص...راشد طلب منهم يطلع....دخل تميم وياه شمة...
شيماء:شمة..
شمة(تبوس راسها):عيون شمة..حبيبتي والله..سلامتج..
تميم:حمدلله على السلامة..اشلونج زينة؟
شيماء(تحرك راسها بنعم)
شمة:مشتاقة لج واايد..
شيماء:انا بعد..
تميم:ياللا شدي حيلج علشان تطلعين من المستشفى..
يدخل راشد....
راشد(يبتسم لها):شيومتنا بطلة وبتقوم بالسلامة وبنسوي لها حفلة..
يطلع تميم علشان يدخل فارس....
فارس:اشلونج؟
شيماء:زينة..
فارس:الحمدلله..
شيماء:ابي اطلع..من هني..
راشد:ان شاء الله عن قريب..بس بالاول ابي اقولج شي..ممكن؟
شيماء(حركت راسها بنعم)
راشد:انت ايدج انكسرت..والدكاترة يقولون مابتحسن الا بالعملية..
شيماء(فجت عيونها ومصدومة)
فارس:لاتخافين من شي..احنا بنكون وياج..
شيماء(تصيح):ماابي..
راشد(قرب منها ومسك يدها ومسح دموعها):شيماء..ماابيج تصيحين..ابي اقولج شي..بالاول لاتصيحين..
شيماء:انا اخاف..ماابي..
راشد:اول شي لاتصيحين..سمعيني..انت ماتبين تصيرين زينة علشان تطلعين بسرعة من هني؟
شيماء:....
راشد:قولي لي..
شيماء:بلا..
راشد:انزين خلاص..انت لازم تسوين هالعملية..وانا وفارس بنكون معاج داخل اذا تبين..ومافي شي يخوف..بيعطونج بنج كامل ومابتحسين بشي..
تميم:فارس تعال ابوي يبيك..
وراح...
شمة:شيوم احنا كلنا بندعي لج تقومين بالسلامة..ابيج تشجعين علشان تشافين وندرس مع بعض ونتنافس علشان نجيب مجاميع عالية وندخل الجامعة جميع..
تيي الممرضة...
الممرضة:الدكتور ناصر يبي يدش..ممكن شوي..
راشد:ان شاء الله..
شيماء(تصيح):ماابي..شمة لاتروح..
يدخل الدكتور...
ناصر:هاا ياشيماء اشلونج الحين مب احسن؟...اوه اوه ليش تصيحين؟
راشد:خايفة من العملية..
ناصر:لا انا ماابيج تخافين..راشد يقول ان شيماء شجاعة وماراح ترفض..انا ابيج تشجعين وتحمسين للعملية علشان يدج بتصير احسن وتقدرين تحركينها مثل اول..بعدين انت ثانوية عامة..مانبي قعدتج تزيد عندنا علشان تروحين تدرسين وتجيبين درجات زينة..باجر بتصيرين عروس..هاا..
شيماء:ماابي..
ناصر:انزين قولي لي انت ايش ماتبين؟
شيماء:مااحب..
راشد:شيماء حبيبتي..تذكرين عمليتج الاولية؟
شيماء:اي..
راشد:انزين تذكرين شي في العملية؟
شيماء:لا..
راشد:انزين خلاص هذا نفس الشي..
شيماء:ابي شمة تكون معاي..
ناصر:من؟
راشد:تبي اختها تكون معاها..
ناصر:انتوا توم؟
راشد:اي دكتور توم..
ناصر(ابتسم):شمة بتقعد برع وبتقعد تدعي لج تقومين بالسلامة..صح شمة؟
شمة:اكيد..
ناصر:هاا شيماء ايش قلتي؟
شيماء(تحس بألم):اذا ماسويتها شنو بيصير؟
ناصر:اذا ماسويتيها..ماراح تقدرين تحركين ايدج مثل ماتبين..وايد بتعورين..وكل فترة بتجينا وانت متعورة..
راشد:انا متأكد ان شيماء بتوافق..لأنها شجاعة وتقدر تتخذ قرارها بنفسها..
شيماء:آآآي..آآآي..
ناصر:اشفيج شيماء؟
شيماء:راسي..راسي احسه بينفجر..
ناصر:لو سمحتوا ممكن برع..
شيماء:لا..خلوا شمة عندي..
طلع راشد....
بوراشد:هايابوك شالاخبار؟
راشد:ولاشي الدكتور يبي يعطيها مسكن..راسها يعورها..
تميم:وافقت؟
راشد:ان شاء الله..
ام راشد:يعني العملية مالها خطر على البنية؟
راشد:لا لاتحاتين..الدكاترة اللي بيسوون لها ممتازين..
وهم يتعشون....
بوسلمان:ليش ماتاكلين؟
وديمة:بسي شبعت..
بوسلمان:ماكلتي الا شوي..
وديمة:شبعت..(قامت)..بروح ادرس..
خالد:ايش دعوة كل هاي علشان مارحتي ويانا..
وديمة:بروح ادرس..
راحت...
بوسلمان:اشفيها؟
ام سلمان:تقول ابي اسافر..
بوسلمان:تسافر وين تروح؟
تروح غرفتها...يرن تليفونها....
وديمة:يووووه..كلش مو وقته..الحين لو مارديت بيقعد يحاتي..ايش دعوة عاد..آلو..
فهد:السلام عليكم..
وديمة:وعليكم السلام..
فهد:اخبارج؟
وديمة:زينة..
فهد:يعني انت حتى بالغلط ماتتصلين؟
وديمة:....
فهد:وديمة؟
وديمة:وياك..
فهد:شتسوين؟
وديمة:ولاشي كنت بدرس..
فهد:ليش بديتوا دراسة؟
وديمة:هذا الله يهداه دكتورنا..ماادري اشفيه من اول اسبوع..
فهد:اي مقرر؟
وديمة:ام آي اس..
فهد:هذا اللي عدتيه..
وديمة:اي..
فهد:ونفس الدكتور؟
وديمة:لا..واحد ثاني..
فهد:واشلون هو؟
وديمة:شكله زين..هو يصير رفيج اخوي خالد..
فهد:صج؟؟..من؟؟
وديمة:عبدالله..
فهد:عبدالله ماغيره..
وديمة:تعرفه؟
فهد:اشلون مااعرفه..هذا يبيله اوصيه عليج..
وديمة:شكله مب هين..وباين عليه امتحاناته صعبه..
فهد:ماسألتي البنات عنه؟
وديمة:لا..اول كورس يدرس البنات..
فهد:اي..ان شاء الله خير..اخبار اخت الدكتور راشد؟
وديمة:الحمدلله..يقولون انها قامت من الغيبوبة..
فهد:زين الحمدلله..رحتي مكان اليوم؟
وديمة:لا..
فهد:اشفيج احس ان مالج مزاج..
وديمة:مافيني شي..يمكن نعسانة..
فهد:ماتبي تقولين لي؟
وديمة:ماعندي شي اقوله..
فهد:على راحتج..ياللا عيل مع السلامة..
وديمة:مع السلامة..
خالد(يدش):في وحده تكلم ريلها جذي؟؟..تبين تطفشين الريال؟؟
وديمة:يوووه انت بعد..مو وقته متصل..
خالد:نعم؟؟..ودوم حد غاصبج عليه؟؟
وديمة:لا طبعا..
خالد:عيل اشفيج على الريال..اذا ماتبينه ترى في وايد بنات يموتون فيه ويبونه..
وديمة:وييه يخسون..
خالد:عيل حافظي عليه..اسمع امي تقول انج تبين تسافرين..
وديمة:اي والله ياليت..بس وين محد معطيني وجه..
خالد:ان شاء الله ملجة نجلاء..
وديمة:ليش هو مبين متى ملجتها..
خالد:ملجتها قريبة..
وديمة:قول والله..
خالد:تبين تصدقين كيفج..
وديمة:بس عمتي نجلاء ماقالت شي..
خالد:هي ماتدري..مو تقولين لها..
وديمة:وليش ماتدري؟
خالد:يبي يسوي لها مفاجأة..
وديمة:وااااو..عمي جبر فلة..
خالد:حلفي بس..(يقلدها)..فلة..لاتنسين تاخذين دواج والابرة..
وديمة:اوجي..
خالد:ان دريت انج قلتي حق نجلاء شي مب احسن لج..
وديمة:زين اشفيك علي..
خالد:ياللا انا رايح..
وديمة:ليش ماتبات الليلة هني؟
خالد:اعتقد انج تعرفين..
وديمة:بس حمد مايدري اذا انت هني او لا..
خالد:مو مهم يدري..المهم يتغير..
وديمة:انزين حاول وياه..
خالد:يصير خير..
وديمة:انزين خلني اكلمه..
خالد:انت مالج خص..ولاتدخلين عمرج بهالاشياء..اهتمي بس بدروسج..
الصبح...بعد صلاة الفجر...تروح شمة وتدق الباب على فارس...
فارس:هلا شمة..
شمة:فارس بتروح المستشفى؟
فارس:اكيد..ليش؟
شمة:ابي اروح عند شيماء..
فارس:اي بس شيماء عقب ساعتين تقريبا بيودونها العمليات..
شمة:ماعليه..ابي اشوفها قبل لتدخل العمليات..وبتم هناك لين ماتطلع..
فارس:اوكي..بس مايصير تمين بروحج هناك..
شمة:بكلم سلطان ولا عيسى يتمون معاي..
فارس:انزين شوفيهم بالاول..
في بيت راشد...يدخل عيسى البيت يرن تليفون....
عيسى:هلا شمة.......لا اليوم مب رايح.........اوكي...خلاص تزهبي انت...مع السلامة..
راشد:اشفيها شمة؟
عيسى:تقول تبي تروح تشوف شيماء قبل لتدخل العمليات..وتبي حد يتم معاها هناك..
راشد:انزين انا رايح..ديري بالج على امي وابوي يالجوهرة..
الجوهرة:ان شاء الله..طمنا عليها..
راشد:ان شاء الله..مع السلامة..
في بيت بوسلمان...وهو يتريق....
بوسلمان:روحي وياها..لاتخلينها تروح ويالسايق بروحهم..
ام سلمان:ان شاء الله..انت بعد دير بالك..
بوسلمان:وين البنات؟
ام سلمان:قاعدين يتجهزون..
بوسلمان:تأكدي انهم ركبوا الباص..
ام سلمان:ان شاء الله..
بوسلمان(قام وغسل يده):ياللا مع السلامة..
ام سلمان:مع السلامة..في حفظ الله..
تروح شمة ويافارس المستشفى...
في المستشفى...يدخل راشد عند شيماء...
راشد:اشلونج اليوم؟
شيماء:احسن..بس انا خايفة ياراشد..
راشد:ماكو شي يخوف حبيبتي..
شيماء:اخاف اموت..
راشد:مابيصير لج شي الا اللي الله كاتبه..تطمني..
شيماء:وين شمة؟
راشد:قاعدة تيي بالطريق..
شيماء:ايش كثر بتم في العملية؟
راشد:يمكن ساعتين ثلاث..
شيماء:انزين ادخل معاي..ماابي ادش بروحي..
راشد:ان شاء الله..
يدخل الدكتور ناصر...
ناصر:صباح الخير..
راشد:هلا دكتور صباح النور..
ناصر:اشلونج اليوم ياشيماء؟
شيماء:زينة..
ناصر:مستعدة؟
شيماء:خايفة..
ناصر:ليش الخوف..مافي شي يخوف..حتى راشد اخوج بندخله معاج علشان ماتحسين بالخوف..ايش تبي بعد؟...دكتور راشد..انا بروح العمليات وبنتزهب..يعني على الساعة 7 لازم يجيبونها..
راشد:ان شاء الله..
ناصر:ياللا ياشيماء..اشوفج هناك..
وراح..
..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 67
قديم(ـة) 30-12-2013, 10:57 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


متابعة فصل الـ 32





فهد يدخل الشركة.....ويدخل مكتبه..ويدخل وراه علي وبوحسين..
فهد:علي..ابي آخذ لي جولة بالشركة..بس ياليت محد يدري بهالجولة..
علي:حاضر طال عمرك..
فهد:وجيب لي البريد..
علي:ان شاء الله..
وراح...
فهد:اشلونك يابوحيسن؟
بوحسين:الحمدلله..يوم اشوفك مرتاح ومستانس انا بعد مرتاح ومستانس..
فهد(يبتسم له):يحليلك يابوحيسن..اشلونه ولدك؟
بوحسين:الحمدلله احسن بوايد..دوم ندعي لكم..
فهد:الله يستجيب..مانبي الا الدعوات الزينة..
بوحسين:متى ان شاء الله العرس؟
فهد:مب الحين..على اول الصيف ان شاء الله..
بوحسين:ليش هالتأخير كله؟
فهد:شسوي..البنية عندها جامعة..
بوحسين:الله يوفقها..
فهد:بخرت المكتب؟
بوحسين:اي طال عمرك..ليش مافي ريحة؟
فهد:لا بلا..انزين سو لي قهوة تركية..
بوحسين:انت تامر..عن اذنك..
شمة واقفة برع ومعاها عيسى...ينتظرون النتيجة...ييهم فارس...
شمة:طمني..
فارس:ليحين ماخلصت..
شمة:شنو كل هاي..تأخروا وايد..
فارس:وين تأخروا صار لها ساعتين..
شمة:يااااربي..هي اشلونها؟
فارس:هي بخير..تطمني..انا بروح شوي عندي شغل..لصار شي اتصلوا فيني..
عيسى:ان شاء الله..شمة تبين اجيب لج شي تشربينه..
شمة:ماابي..
عيسى:مايصير..انت من الصبح ماكلتي شي..
شمة:مااشتهي ياعيسى..
في الجامعة...




وديمة وهي طالعة من النشاط...تشوف رفجيتها الريم....وتسلم عليها....
الريم:انت وينج فيه..كلش ماتبيبين..
وديمة:شسوي..مشغولة..من الاجازة لين مابدينا دراسة..
الريم:الاجازة كم مرة اتصلت فيج مارديتي..سمعت عن ملجتج وحبيت ابارك لج..
وديمة:الله يبارك فيج ..عقبالج ان شاء الله..سوري اني مارديت عليج..لأن الله يسلمج عقب الملجة بيوم تعبت عليهم وترقدت بالمستشفى جم يوم..
الريم:أفاا..ليش؟؟
وديمة:هذي سالفة طويلة..بعدين بقولج عنها..وعقب انا حاولت اتصلت فيج بس تليفونج مسكر..
الريم:اي والله كنا مسافرين ويالوالد علشان علاج..
وديمة:واشلونه الحين؟
الريم:الحمدلله..
وديمة:شنو عندج الحين؟
الريم:بروح احذف مقرر..دكتور يجيب المرض..ماتدرين ايش كثر دمه ثقيل..واايد بااارد..وغير هذا قاعد ساعة يكلمنا عن حياته الخاصة..ايش بسوي انا بناسبك..
وديمة(تضحك)
الريم:اي والله..وانت وين رايحة؟
وديمة:بروح عندي محاضرة في الادارة..
الريم:ايش دعوة بديتوا ؟
وديمة:اي بدينا..بس مب كلهم..
الريم:انزين خلينا نمشي جميع..وقولي لي سالفتج..
في المستشفى....يطلع راشد....
شمة:طمنا..
راشد:ليحين ماخلصوا..
شمة:ايش دعوة...شنو ذي؟؟
راشد:وين فارس؟
عيسى:قال عنده شغل وراح..
راشد:اشفيج شمة؟
شمة:راشد شالسالفة..ليكون شيماء فيها شي؟
راشد:شيماء مافيها الا العافية..ماابيج تفكرين بشي..الا انج تدعين لها..
عيسى:ماكلت شي من الصبح..
راشد:شنو؟
شمة:ماابي..مااشتهي..
راشد:مايصير مب على كيفج..
شمة:صدقني مااشتهي..ابي اتطمن على شيماء بالاول..
راشد:شيماء بخير..واكل بتاكلين..عيسى روح اشتر لها شي تاكله وتشربه..
عيسى:ان شاء الله..
شمة:ماابي..(تصيح)
راشد(يأشره له يروح..حط يده على كتفها ومشى وياها):شمة حبيبتي..ماابي اشوف هالدموع..شيماء صدقيني بخير..انا ماقولج هالكلام علشان ماتصيحين..بس صج شيماء بخير..انا اعرفج اقوى من جذي..شمة؟
شمة(تمسح دموعها):اتمنى انها تكون بخير..ولا انا مااقدر اتخيل حياتي من غير شيماء..
راشد:الله يقومها بالسلامة..
شمة:راشد..انا احبك واايد..ماادري لو انت ماكنت بحياتنا ايش كان بيصير فينا..
راشد:انا بعد احبكم..ووجودكم بحياتي وايد له اهمية..
بعد ماتطلع شيماء من العمليات...يودونها غرفة الملاحظة لين ماتقوم....في بيت بوراشد...قاعدين على طاولة الغداء...يي تميم ومعاه زوجته...وبعد السلام.....
بوراشد:يبه تميم..تغدى وصلي العصر علشان نروح عند اختك..
تميم:ليش ودوها غرفتها؟
ام راشد:راشد يقول عقب شوي بيودونها..
روضة:عيل وين شمة؟
ام راشد:راحت المستشفى..من الصبح وهي هناك..
تميم:انزين ماتبي ترد تريح شوي..
ام راشد:ليش هي راضية..
تميم:وراشد وفارس ماردوا؟
ام راشد: بالدرب..
فارس يرد ويروح غرفته علشان يبدل....
شيخة:ليش ماردت شمة وياك؟
فارس:مارضت..حاولت فيها ..قالت ماابي..راشد قالي خليها..
شيخة:وراشد وينه؟
فارس:راشد توه رد وياي..ياللا نروح نتغدى..انا ميت من الجوع..
شيخة:ياللا نروح..بتروح العيادة اليوم؟
فارس:اكيد..
شيخة:وشيماء؟
فارس:لخلصت من العيادة بروح لها..
شيخة:انزين انا ابي اروح لها..
فارس:وراشد؟
شيخة:بكلم امي بخليها تيي تاخذه..
فارس:بكيفج..ياللا نروح..
في المستشفى...بعد مايوصلونها غرفتها...ويتطمن عليهم عيسى يرد البيت وتمت شمة عند شيماء....شيماء كانت بين النوم والقعدة...مازال البنج مأثر عليها..وراحت شمة تتوضى وتصلي صلاة العصر....وحصلت جريدة على الطاولة تسلي عمرها....
شيماء(تفتح عينها):شمة..شمة..
شمة(تقوم وتروح لها):هلا حبيبتي..
شيماء:تعبانة وااايد..
شمة:بسم الله عليج..اشفيج؟
شيماء:ايدي تعورني وااايد..
شمة:تبين انادي الممرضة؟
شيماء:ماادري..وايد تعبانة..احس بألم فضيع..
شمة(تدق لهم الجرس):الحين بتيي وبقولها..
تيي الممرضة...
الممرضة:نعم؟
شمة:اختي تعبانة..
الممرضة(تقرب منها):خير ياشيماء..اشفيج؟
شيماء:ايدي تعورني وااايد..
الممرضة:قالت لج الممرضة يوم كنت بالملاحظة تعطيج ابرة مسكن انت ماوافقتي..
شيماء:ماابي ابره..ماابي..
الممرضة:لازم تاخذينها..ولا بتظلين على هالالم..
شيماء:ماابي..
شمة:شيوم حبيبتي..خذيها علشان ترتاحين..عقب شوي كلهم بييونج..ماراح تقعدين وياهم من الالم..
الممرضة:ايش قلتي؟
شيماء:اوكي..
في بيت بوسلمان...في الصالة....
وديمة:ماما..ماتبين تروحين تزورين حماة شيخة؟
ام سلمان:ماادري والله..قاعدة افكر..نروح ولا لا..
وديمة:خلنا نروح يمه..سبق وتعرفت عليهم ووايد حبيتهم..خلنا نروح لهم..
ام سلمان:ان شاء الله بس مب الحين..تحصلينها تعبانة من العملية واهلها رايحين لها..عقب المغرب ان شاء الله..
وديمة:شنو نشتري لها؟
ام سلمان:باقة ورد..
في المستشفى...كلهم يلتمون حول شيماء...وشيماء مازالت دايخة من البنج..لكن فارس وراشد راحوا العيادة...
تميم:شمة ماتبين تردين البيت؟
شمة:لا..
تميم:يابنت ردي البيت ريحي شوي غيري ملابسج اكلي لج شي..
شمة:توني كليت هالساندويتشات اللي جبتوها..
تميم:مايكفي..روحي اكلي شي يعطيج قوة..
شيماء:اي شمة روحي..وجيبي لي معاج شوية ملابس..
الجوهرة:اي صح روحي جيبي لها ملابس وانت بعد جيبي لج شوية اغراض تحتاجينها..
تميم:ياللا امشي..
شمة:بتوديني؟
تميم:اي بوديج..وعقب برجعج..ياللا..
يروح تميم ومعاه شمة البيت..بعد أذان المغرب..تصلي ام سلمان ووديمة ويتزهبون ويطلعون مع السايق ويشترون باقة ورد...ويروحون المستشفى...وتتصل في شيخة...تطلع من الغرفة وتنتظرهم عند المصعد..وتسلم عليهم...
وديمة:شيخوه في حد عندها؟
شيخة:لا بس اهل ريلي..
ويدخلون ويسلمون عليهم ويقعدون....
ام سلمان:اشلونها الحين؟
ام راشد:الحمدلله..بس تقول ايدها تعورها شوي..
ام سلمان:الله يعافيها وتقوم بالسلامة..
ام راشد:الله يسمع منج..هذي بنتج؟
ام سلمان:اي بنتي وديمة..
وديمة:شدي حيلج ياشيماء وتطلعين من هني علشان نروح مكان نغير لج الجو..ايش رايج؟؟
شيماء:والله ياليت..بس شسوي..شكلي مطولة..
الجوهرة:لا ان شاء الله بتقومين بالسلامة وبتصيرين احسن..
شيماء:شموه تأخرت..اتصلي فيها سلوى..
سلوى:اوكي..
اول مابغت تتصل سلوى دخلت شمة...وسلمت عليهم....
ام راشد:اخوج راح؟
شمة:اي يمه راح المسجد..هلا وديمة اشلونج؟
وديمة:بخير..انت اخبارج؟
شمة:الحمدلله..شيوم حبيبتي..جبت لج اغراضج..
شيماء:ابي اسبح..
ام راشد:شنو؟؟..جنيتي..توج اليوم مسوية العملية وتبين تسبحين؟
شيماء:يمه..صار لي جم يوم بالمستشفى..
ام راشد:نطري اخوج يجي وعقب نشوف شيقول..
عشر دقايق من سوالف وضيافة...يدق الباب راشد...وتروح مشاعل تفتح الباب...
راشد:من داخل؟
مشاعل:مااعرفهم..
راشد:انزين نادي امج..
مشاعل:اوكي..
وجات الجوهرة....
الجوهرة:السلام عليكم..
راشد:وعليكم السلام..من عندكم؟
الجوهرة:ام سلمان وبنتها..
راشد:مرت الدكتور عبدالرحمن؟
الجوهرة:اي..
راشد:مع بنتها؟
الجوهرة:اي بنتها وديمة..
راشد:زين..ابي اشوف شيماء..
الجوهرة:انزين انطر شوي بس..
ام راشد:ايش يبي راشد؟
الجوهرة:يقول يبي يشوف شيماء..
ام سلمان(تقوم):ياللا وديمة..خلينا نمشي..
ام راشد:وين رايحين؟
ام سلمان:لا بعد خلاص بنروح..وشيماء تعبانة وتبي ترتاح..
ام راشد:لا ابد ماتروحون..راشد ماهو مطول بيشوفها وبيروح..قعدوا..
ام سلمان:لا ياام راشد..احنا رايحين..
ام راشد:ماتروحون..والله مستانسين بقعدتكم..قعدوا..
شمة:اي والله قعدوا..انا توني جايه وماقعدت ويا وديمة..
ويدخل راشد ويسلم ويروح عند شيماء..ويحب راسها...
راشد:اشلونج؟
شيماء:زينة..بس تعبت من المسكنات..ايدي وايد تعورني..
راشد:ماعليه تحملي شوي..هذا علشان العملية..
شيماء:لي متى..والله العظيم تعبت..
راشد(يمسح على راسها):انا اعرف ان شيماء قوية..وقادرة تحمل شوي..انت كنتي بطلة يوم سويتي العملية..صح؟
شيماء:راشد..ولي سلمك ابي اطلع..(تصيح)
راشد(يقعد جنبها ويمسح دموعها):شيماء..انت تدرين اني مااحب اشوفج تصيحين..ان شاء الله بتطلعين من هني وصحتج بتحسن وبتردين مثل اول واحسن بعد..قولي لي اللي تبينه وبخاطرج بسويه لج..
شيماء:ابي اسبح..
راشد:نعم؟؟
شيماء:ابي اسبح امي ماتخليني..
ام راشد:يايمه اقولها اليوم مسوية العملية..مايصير..
راشد:كلام امي صح..نطري شوي..بعدين انت ليحين فيج دوخة البنج كيف تقدرين تسبحين..الحين دكتور ناصر ودكتور عبدالرحمن بييونج..لبسي شيلتج..وين شيلتها ياشمة؟
شمة(راحت تجيبه ولبستها)
راشد(قام)
شيماء:وين؟
راشد:بروح برع انتظرهم..
شيماء:ماتخليني بروحي معاهم..
راشد:ان شاء الله..كم شيماء عندي انا..
وطلع...
ووديمة طول الوقت وهي تراقب راشد..وكيف يتصرف مع اخته وكيف يعاملها....
شيخة:ودوم..ودوم اشفيج؟
وديمة:هااا..
شيخة:سرحانة في من..يتهنى اللي سرحانه فيه..
وديمة:لايروح بالج بعيد..
روضة:اي صح ماقلتي ماقصيتي شعرج؟
وديمة:لا طبعا..ليش هو يخليني..يقول ايش احب شعرج طويل..
ام راشد:بنتج متزوجة ياام سلمان؟
ام سلمان:اي مالجين عليها..
ام راشد:الله يوفقها ويسعدها..
ام سلمان:آآمين..وعقبال بناتج ان شاء الله..
ام راشد:ان شاء الله..ايش تبون بالشعر القصير..ياحلاة البنت بشعرها الطويل..
شمة(وفيها ضحكة):الحين امي بتعطيج محاضرة في الشعر الطويل..استعدي ياوديمة..
يضحكون البنات...
برع كان راشد يتكلم في التليفون...وصل الدكتور ناصر وبوسلمان...وسلموا على بعض....
ناصر:ها ايش الاخبار؟
راشد:الحمدلله..بس هي تقول تحس بألم..
ناصر:الحين بنشوفها..سو لنا درب..
راشد:ان شاء الله..(يدق الباب)
وتيي الممرضة عند الدكاترة وتعطيهم الملف...
شمة(تفتح الباب)
راشد:شمة سووا درب للدكاترة..
شمة:ان شاء الله..(سكرت الباب)..ياللا تغطوا الدكاترة بيدشون..
والكل يتغطى...ويدخلون...ويسكرون الستارة...
ناصر:اشلونج ياشيماء؟
شيماء:زينة..
ناصر:دكتور راشد يقول انج تألمين..
شيماء:هااا..
راشد:قولي حق الدكتور اللي تحسين فيه..
شيماء:ماابي..
بوسلمان:ليش؟
شمة(من ورى الستارة):تخاف تعطونها ابرة..
ناصر(وهو يكتب في الملف):عيل السالفة جذي..
عبدالرحمن:خلينا نشوف يدج..وين تحسين بالالم؟
ام سلمان تقوم وتسلم....
ام راشد:وين رايحين؟
ام سلمان:لا بعد طولنا عليكم..ان شاء الله تطلع بالسلامة..
ام راشد:تسلمون ماقصرتوا على الزيارة..
ويسلمون على بعض ويطلعون من الغرفة...وقبل ليدخلون المصعد يرن تليفون وديمة....
وديمة:يمه هذا ابوي..
ام سلمان:ردي عليه..
وديمة:آلو...هلا بابا...ليش؟.....اوكي..
ام سلمان:شيقول؟
وديمة:يقول صبروا..
ام سلمان:ليش؟
وديمة:ماادري..زين ان باجر جمعة..
شيخة:أي والله الحمدلله..انا محظوظة..ماقلتي لي دكتور عبدالله شرح شي؟
وديمة:أي شرح..
شيخة:فهمتي؟
وديمة:تبين الصج لا..
شيخة:ليش؟
وديمة:يااخي ماادري اشلون..احس شوي صعب..
شيخة:ايش دعوة من بدايتها..عاد انت ماخذه المقرر..
وديمة:بس هذا اسلوبه غير..
يي بوسلمان..وتسلم عليه شيخة..
بوسلمان:بتروحون البيت؟
ام سلمان:أي ليش؟
بوسلمان:من جايبكم؟
ام سلمان:الدريول..
بوسلمان:حسبت خالد جايبكم ولا حمد..قلت اوصلكم..
يي دكتور ناصر ومعاه راشد ويروح بوسلمان عندهم...
وديمة:شيخوه من هالبنتين اللي كانوا بالغرفة؟
شيخة:تقصدين سلوى ومشاعل؟
وديمة:أي..
شيخة:بنات راشد..
وديمة:صج..
عند الدكاترة...يرن تليفون دكتور ناصر...
راشد:دكتور عبدالرحمن..ليش وديمة ماجات الموعد؟
بوسلمان:والله ماادري شاقولك..انا قلت لها..تقول مافضيت بسبب الجامعة..
راشد:المفروض انها تخاف على صحتها..
بوسلمان:هذي هي عندك كلمها..وديمة..ياوديمة..
وديمة(تنتبه لأبوها):نعم..
بوسلمان:تعالي..
وديمة(خايفة وتفكر ايش يبون فيها راحت)
بوسلمان:دكتور راشد يقول ليش ماجيتي الموعد..
وديمة:.....
راشد:وديمة لازم انت تكونين حريصة اكثر منا على صحتج..
وديمة:أي بس انا السكر عندي معتدل..
راشد:اكيد راح يكون معتدل..انت ماشاء الله تهتمين بصحتج..بس انت ناسية ان لازم تسوين تحاليل؟
وديمة:بحاول ان شاء الله..
راشد:انا ادري انج خايفة..بس قوي قلبج شوي..
بوسلمان:ان شاء الله باخذ لها موعد وبيبها الاسبوع الجاي..
في غرفة شيماء....
شمة:ماتبين تاكلين شي؟
شيماء:لا ماابي..مااحب اكل المستشفى..
ام راشد:اكلي يابنت..
شيماء:يمه شنو هاي اكل..
روضة:اتصلي بتميم خله يجيب لكم عشاء..
شمة:أي والله شنو تبين؟
ومع مرور الايام..وديمة تنشغل بالدراسة وتشد حيلها هالكورس تعويضا عن الكورس اللي طاف..وفهد انشغل عنها بإجتماعاته وسفراته كم مرة..وشيخة بين الدراسة وولدها راشد والاهتمام في شيماء وشمة..وشيماء يوم ورى تتحسن صحتها..وبيت بوسلمان يبدون في تجهيز أعمارهم لعرس خالد اللي قرب ومابقى له غير اربع اسابيع....
وذلك اليوم...خالد دش البيت...حصل امه تسولف في التليفون..والبنات يطالعون مسلسل.....
خالد:عيل وين وديمة؟
عائشة:فوق..
خالد:شتسوي؟
عائشة:يمكن تدرس..
خالد:وامي تحاجي من؟
عائشة:عمتي ام فيصل..
خالد:انزين رايح عند وديمة..
وراح فوق..دق الباب...يوم دش شافها تصيح وعيونها باللاب توب..
خالد(وهو خايف عليها):وديمة ليش تصيحين؟؟
وديمة(تمسح دموعها):ولاشي..
خالد:شنو ولاشي..انت قاعدة تصيحين..اشفيج؟؟
وديمة:ولاشي..قاعدة اقرأ رواية..وتأثرت..
خالد(يطالع اللاب توب وهو معصب عليها):خوفتيني..قعدت افكر بستين ألف شغله واقول هالبنت اشفيها..يمكن رسبت مرة ثانية..
وديمة:بسم الله علي..الله لايعودها..
خالد:يعني صج حمدلله والشكر..تصيحين على قصة بورق..وياريت صجية..
وديمة:حتى لو مب صجية..وايد عورت قلبي البنية..ريلها متوحش مب آدمي..
خالد:ليش ايش سوى فيها؟
وديمة:تخيلي راح تزوج عليها علشان ماتجيب عيال..
خالد:واشفيها من حقه الريال..
وديمة:نعم؟؟..والبنت المسكينة مب في خاطرها..شتسوي؟؟
خالد:كل واحد ياخذ نصيبه..
وديمة:يعني انت ممكن تتزوج على زوجتك؟
خالد:يمكن..من يدري..
وديمة:ياسلالام عليك..بس لاتسمعك زوجتك..
خالد:حتى فهد يمكن يتزوج عليج..
وديمة:يهبى..هاي الناقص..
خالد:الريال اذا يبي شي بيسويه..
وديمة:والمرة عندكم قوطي مالها مشاعر؟
خالد:لها..ماعلينا من هالحجي كله..وين كيمرتج؟
وديمة:بالدرج..ايش تبي فيها؟
خالد:فيها صور؟
وديمة:اي واااايد..
خالد:انزين فضيها..
وديمة:ليش؟
خالد:بطلع شوي عندي شغل وابي الكاميرا..
وديمة:ووين كاميرتك؟
خالد:خربانة وديتها للتصليح..
وديمة:اوكي..
خالد:ماطلعت نتيجة التحاليل؟
وديمة:بلا..
خالد:وليش مارحتي؟
وديمة:ابوي صار له جم يوم مشغول ومافضى يوديني..تبي الصج احسن..
خالد(يقلدها):تبي الصج احسن..صحتج هذي..
وديمة:ماابي اروح عند دكتور راشد..
خالد:ليش مب عاجبج؟؟
وديمة:هو وااايد زين..بس ماشاء الله..عليه اسلوب يخليك تغير رايك وتسمع كلامه غصب..
خالد:وهذا المطلوب..
وديمة:لا ماابي..
خالد:بدينا بالدلع..ترى بقول حق فهد يوديج..
وديمة:لالالا..
خالد:ماعلينا..فضي الكاميرا من الصور..
في شركة فهد...يدخل علي...
علي:نعم طال عمرك..
فهد:نزل هالاعلان في جرايد الدول اللي كاتبهم لك..واذا محتاج منك ترجمة للغتهم ترجمها..
علي(يقرأ):ان شا ءالله..تامرني بشي ثاني؟
فهد:دكتور راشد وصل؟
علي:لا ليحين..
فهد:لوصل خله يدخل على طول..
علي:ان شاء الله..
من طلع علي..وصل راشد ودش وسلم على فهد...وقعدوا....
فهد:ايش تشرب؟
راشد:اشرب شاي..
فهد:اي لحظة ثواني..(يتصل على بوحسين)..بوحسين تعال صب الشاي للضيف...اخبارك دكتور؟
راشد:الحمدلله امورنا بخير..انت وينك صار لك فترة ماتبين..
فهد:شسوي كنت وايد مشغول وسافرت كم مرة..
راشد:زين اني جيتك وشفتك..
فهد:خير؟
راشد:زوجتك كان عندها موعد عندي بالعيادة..وكم مرة أجلت الموعد وماجات..وماادري شالسبب..عقب كلمت الدكتور عبدالرحمن..وقالي ان شاء الله بياخذ لها الموعد...وجات علشان تحليل الدم وراحت..وصار لها النتيجة طالعة اسبوعين وماجات..
فهد:كلش ماجابت لي طاري هالسالفة..انا بعد صار لي فترة طويلة ماشفتها يمكن شهر..وتوني امس واصل من السفر..
راشد:الوضع الصحي لوديمة حساس جدا..خاصة انها تعرضت كم مرة لغيبوبة سكر..وهي بعمر لازم تحاسب وتهتم والا جذي الحال مايمشي..انا ادري انها مهتمة بصحتها..بس في نفس الوقت هي تتهرب من العلاج..لأنها تخاف..
فهد:ماعليك..انا بشوف شالسالفة وبتصرف..حتى لو تطلب اني اكون معاها..انزين دكتور انا ابيك بسالفة..وابيها تكون بيني وبينك..
راشد:تفضل يافهد..
فهد:ابي اعطيك مبلغ كل شهر..وتحطه عندك بالعيادة..كل ماجاك مريض وماهو قادر على تكاليف علاجه من عملية او تحاليل ولا فحوصات ولاشي..تكفى اصرفهم لهم من فلوسي..
راشد:جزاك الله خير على هالفكرة..هو فعلا يجوني ناس ماعندهم فلوس حق تكاليف العمليات..
فهد:علشان جذي ابيك تساعدني بهالشي..ويتم هالشي بيني وبينك..وماابي حتى المرضى يعرفون..ابيك تشوف اللي صج محتاج وماعنده..
راشد:فالك طيب يافهد..طول عمرك رايتك بيضة وتقدر ظروف الغير..
فهد:تسلم..
راشد:بس انا بشور عليك..
فهد:تفضل..
راشد:خلي الفلوس عندك..وكل ماجاني حد محتاج انا بكلمك..ماله داعي تم الفلوس عندي..على الاقل كل مريض تعرف ايش كثر يحتاج وتعطيه..وانا بطرش لك كل المعلومات عن تكاليف المرضى المحتاجين..
فهد:اللي تشوفه..
بعد مايتعشون....يرن تليفون بوسلمان....
بوسلمان:الحمدلله كلنا بخير..انت اشلونك واشلون الوالد واخوك؟........الله يسلمك......اي نعم صحيح انا بعد اقول من زماان ماشفناك........يعطيك العافية..........اي...........والله ادري..بس انا الفترة اللي طافت كنت وايد مشغول.....وكان عندنا مؤتمر طبي........كلامك صحيح.....هي بعد الله يهداها ماتنبهني........(يضحك)....في هاي معاك حق......خلاص ان شاء الله...انا بشوف خالد اذا ماقدرت..لأني مسافر عقب باجر......رايح البحرين.......تسلم......سلم على الوالد.....فمان الله..
ام سلمان(تعطيه ستكانة الشاي وتقعد):من هذا؟
بوسلمان:هذا فهد..
ام سلمان:وايش يبي؟
بوسلمان:يقول ان وديمة عندها موعد ليش ماتروح؟
وديمة(مب عاجبها الحجي):وهو ايش دراه؟
بوسلمان:يقول الدكتور راشد شافه اليوم وقاله..
وديمة:ودكتور راشد كل ماشاف حد يقرب لي يشتكي لهم..ماابي..غصب..
بوسلمان(مستغرب من اسلوبها):وليش معصبة؟
وديمة(قامت):آسفة بابا..يعني ليش..ليكون فيني شي ومااعرف..
بوسلمان:انت مافيج الا العافية..
وديمة:عيل ليش هالعجلة؟؟
خالد:اي عيله وانت صار لج اكثر من شهر مارحتي عند الدكتور تتطمنين على نفسج..
وديمة:انا الحمدلله بخير..والسكر عندي مضبوط..كل يوم اجيك عليه واخذ ادويتي والابر..اكثر من جذي ايش تبون؟؟...اذا فهد مايبيني لايبيني..(راحت فوق)
ام سلمان:بسم الله عليها..اشفيها البنت؟؟
بوسلمان:هالبنت صايرة وايد حساسة وتقلب الامور فوق حدر..انا بس ابي اعرف هذي كيف بتتصرف باجر لتزوجت..الرجال خايف عليها وهي تقول مايبيني..
ام سلمان:ماعليه يابوسلمان..بنتك وتعرفها..
خالد:تبي الصج يبه..من دلالك لها صارت حساسة..
بوسلمان:شسوي ياخالد..المرض اللي فيها هو اللي خلاني اعطيها اللي تبيه..
في بيت بوراشد...فارس يدخل الغرفة يحصل شيخة ترقد راشد....
فارس:رقد؟
شيخة(بصوت واطي):يعني..
فارس:ياللا انا ابي آكل جوعان..
شيخة:بدل ملابسك لين ماينام..
فارس:اوكي..
يندق الباب...يروح فارس...
فارس:هلا هلا والله بشيماء..
شيماء:هلا فيك اخوي..زين رديت..ابيك تشرح لي شي في الفيزياء..
فارس:من عيوني..كم شيماء عندي..وشمة وين؟
شيماء:شمة نزلت..
فارس:وهي فاهمة؟
شيماء:لا..
فارس:خلاص عيل عقب العشاء بقعد وياكم هني بالصالة وبشرح لكم..جهزوا الكتاب والنوتة والالة الحاسبة..
شيماء:اوكي..
في بيت بوسلمان...يرن تليفون خالد....
خالد:وعليكم السلام..
فهد:اخبارك خالد؟
خالد:الحمدلله..انت اشلونك؟
فهد:الحمدلله..انت في بيت ابوك؟
خالد:اي..
فهد:عيل وديمة وينهي؟
خالد:بغرفتها..
فهد:اتصلت اكثر من عشر مرات ماترد..
خالد:ولا بترد عليك..
فهد:ليش؟
خال(يضحك):زعلانة..
فهد:ليش؟
خالد:علشان اتصلت في ابوي..
فهد:باااال ازعلت من هالسالفة؟
خالد:اي..
فهد:الله يهداها بس..روح شوفها راقدة..
خالد:ليش ؟.......خلاص ان شاء الله..مع السلامة..
ام سلمان:وايش يبي؟
خالد:يبي يشوفها..
راح فوق..حصلها تصيح...
خالد:لاحول ولاقوة الا بالله..قومي قومي غيري ملابسج..
وديمة(تمسح دموعها وهي تطالعه)
خالد:اشفيج تطالعيني..فهد قاعد ييج..
وديمة:ماابي اشوفه..
خالد:عن الدلع ياللا قومي..
وديمة:ماابي زين..واحد معقد..دوم يتأمر علي ويفرض رايه علي..ماني نازلة..
خالد:ايش هالحجي..لو مايحبج ومايخاف عليج جان ماقال هالكلام..
وديمة:فهد يحب نفسه وبس..ولا وينه عني من شهر؟؟...شهر ماشافني..
خالد:ليش ماتقولين له هالكلام؟
وديمة:لأني اعرف نفسي اني مااراح اقول..انا انسانة جبانة..
خالد:انت مب جبانة..وليش تخافين منه..مب ريلج؟
وديمة:.......
خالد:قومي لبسي..وقولي له اللي بخاطرج..ياللا بسرعة ترى بيوصل الحين..
راحت غسلت وجهها وهي متضايقة...راحت تبدل ملابسها ومالها خاطر تكشخ وتلبس مثل كل مرة..لبست بنطلون جينز وبلوزة زرقة..لمت شعرها وسشورت خصلها ولبست تاج ازرق..تعطرت...ونزلت تحت....حصلت امها قاعدة...
ام سلمان:دشي بسرعة تأخرتي على الريال..كل هاي تلبسين..
وديمة:وين ابوي؟
ام سلمان:راح يرقد..
وديمة:ليش؟
ام سلمان:سلم على ريلج وراح يرقد..دشي..
دشت وهي خايفة وقلبها يخفق...قام فهد وسلم عليها......
فهد(مسك يدها وقعدها جنبه):باااااال ليش عيونج جي؟
خالد:من الصياح..
فهد:وديمة..ايش دعوة عاد..كل هاي شايلة بقلبج علي؟
خالد:لاتطالعيني جذي..ترى ماقلت له شي..(قام)..ياللا انا رايح..مع السلامة..
فهد:مع السلامة..ماابي أسألج عن الكلام اللي قاله خالد..بس ابي اعرف ليش زعلتي؟
وديمة:............
فهد:وديمة؟..ماتبين تكلمين وياي؟
وديمة(حابسه دموعها وهي خايفة)
فهد:ماكنت اعرف انج تكرهيني..
وديمة:انا مااكرهك..
فهد:عيل ليش ماتعطيني وجه..وماتردين على تليفوناتي؟..ليكون صرت مااعني لج؟
وديمة:انت تعني لي يافهد..وانت عارف هالشي..بس انت..
فهد:انا شنو؟؟
وديمة:انت مقصر معاي..
فهد:مقصر؟؟..كيف يعني..مافهمت..
وديمة:وينك عني؟..صار لك شهر ماشفتني..حتى المكالمات بينا محدودة..
فهد:وديمة..بالاول انا بقولج شي..وابيج تفهميني..انا سافرت كم مرة..وكان عندي شغل لين فوق راسي..وتوني امس رديت..بعدين يمكن انت ماتعرفين طبعي..وعادات اهلي..ترى احنا مو من النوع اللي يزور خطيبته بإستمرار..احنا نمر بين فترة وفترة..يمكن تشوفيني جذي معاج..بس يوم نتزوج ان شاء الله راح تشوفين حياة ثانية..بعدين المكالمات..من اللي مايرد على الثاني؟..ويوم اتصل فيج ماتتكلمين وياي..كلها جم كلمة وتظلين ساكته..وديمة..رفعي راسج شوفيني..
وديمة(ترفع راسها)
فهد:انت تعرفين غلاتج عندي..ولايمكن ارضى اني ارد البيت وانت زعلانة مني..قولي لي اشفيج؟
وديمة:ماابي اروح..
فهد:العيادة؟
وديمة:اي..
فهد:ليش؟..اذا الدكتور مو عاجبج بشوف لج دكتور ثاني..
وديمة:الدكتور زين..المشكلة مو في الدكتور..
فهد:عيل شالسالفة؟
وديمة:الدكتور ماشاء الله عليه عنده اسلوب يخليك غصب عنك تسمع كلامه..
فهد:وشالعيب نسمع كلامه؟
وديمة:فهد افهمني..انا ماابي تعبت..تعبت من كل شي..
فهد:انا فاهمج..وحاس فيج بعد..بس ياوديمة..في امور بحياتنا تجبرنا نسويها..يعني مثلا انت ليش تدرسين؟
وديمة:لأني لازم ادرس واحصل على شهادة جامعية..
فهد:وليش تشربين ماي؟
وديمة:علشان مااموت..
فهد:شفتي اشلون..في اشياء تسوينها لأن لازم تسوينها ولها فايدتها..
وديمة:بس يافهد..انا مااحب الابر ولا الادوية..ماهي مرة ولامرتين..هذي يومية..يومية يافهد..
فهد:وديمة..ماابي المرض يشغل بالج وتفكيرج..احنا لازم نحمد ربنا على اي حال احنا فيه..احسن من حال غيرنا..وبعدين انت لو تهتمين بصحتج وتسمعين كلام الدكتور وتروحين المواعيد اول بأول..صدقيني مع الوقت بتعودين..وبتحسين شي عادي..وغير هذا صحتج بتكون بخير..
وديمة(وقفت):ماابي..ماابي اروح..لاتغصبوني..
فهد(وقف معاها):بس حياتج ماهي ملكج..
وديمة:ولا ملك احد فيكم..خلوني اتصرف معاها مثل ماانا ابي..
فهد:بس انا المسؤول عنج..ولازم تسمعين كلامي..
وديمة:شنو بتعطيني أوامر؟
فهد:ماهي اوامر..بس انا زوجج..وابيج تكونين جنبي على طول..وبكامل صحتج..
وديمة:بس انت كنت تدري اللي فيني..
فهد:وشالي تغير..بالعكس انا بغيتج بكل حالاتج..حتى الازرق اليوم وايد حلو عليج..حتى هالبساطة اللي انت فيها انا حبيتها..
وديمة(استحت منه)
فهد(يشوف الساعة):تأخر الوقت ولازم امشي..هاا متى بتروحين؟
وديمة:وين؟
فهد:وديمة..
وديمة:فهد ماابي اروح الحين..لاتغصبوني..
فهد:عقب كل هالكلام وبعد مصرة؟
وديمة:تكفى يافهد..تكفى..
فهد(انكسر خاطره):مثل ماتبين..بسكت عنج بس هالفترة..وعقب بتروحين..
وديمة:اوكي..




علافة فهد ووديمة هل بتستمر بهالطريقة؟؟

او راح تصير اشياء تغير حياتهم؟؟

علاقة خالد وحمد لي متى بتستمر على هالحالة؟؟

وديمة متى راح تقرر انها تروح العيادة؟؟

نجلاء متى راح نحتفل بزواجها؟؟

والتؤم الثنائي المرح..شنو خاش لهم القدر؟؟

أحداااااث مشوقة وممتعة بإنتظاركم في الفصل القادم..

انتظروني..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 68
قديم(ـة) 30-12-2013, 10:58 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


" فصل الـ 33 "






يوم الجمعة...بوفهد ينزل ويقعد يتريق وياام فهد...شوي وينزل فهد ويحب روسهم ويقعد وياهم...




بوفهد:من متى قاعد؟
فهد:من زماان..لعبت رياضة وعقب سبحت وجيتكم..
الخادمة تصب الحليب حق فهد...
بوفهد:انا مسافر وياراكان اندونيسيا..
فهد(وهو ياكل):علشان المسجد؟
بوفهد:اي..بمر مسجدنا ومسجد يدك الله يرحمه..وامك بعد تبي تبني لها مسجد هناك..
ام فهد:ودوني معاكم..من فترة ماسافرت سفرة عدله..ابي اغير جو شوي..
فهد:اي يبه ودها معاكم..
بوفهد:انت بتقعد بروحك..
فهد(يبتسم):عادي يبه..تعودت..مع ان اكيد القعدة وياكم شي ثاني..بس تعودت اقعد بروحي..روحوا ولاتفكرون فيني..بعدين غانم زوجته سافرت عند اهلها بقوله يقعد معاي يسليني..
ام فهد:ليش ربت؟
فهد:راحت علشان تكون عند اهلها يوم تربي..
في بيت بوسلمان...




بوسلمان يتريق وياام سلمان....ووديمة راقدة ومتغطيه من البرد....يرن تليفونها....تقوم...
وديمة(من غير ماتشوف الرقم):آآآآلو..هلا والله بعموه...آآلو....يووه مااسمعج...آآلو...انا بسكر واتصلي مرة ثانية..(سكرت ورن تليفونها مرة ثانية وهي مسكرة عيونها ولاتشوف الرقم)...هلا والله بالغلا..هلا بهالصوت اللي يشرح الصدر..احلى صوت اسمعه اول مااقوم من النوم..
فهد(يضحك):باااال كل هاي لي؟
وديمة(تفز من مكانها وتفج عيونها من الصدمة والاحراج):فهد!!!
فهد:اي فهد..عيل من الصبح قاعدة تغزلين في من؟
وديمة(انحرجت):حسبت عمتي..
فهد:يعني هالكلام كله حق عمتج؟
وديمة:ماكنت اعرف ان انت اللي متصل..
فهد:يعني لو شفتي الرقم مابتقولين لي هالكلام..
وديمة(انحرجت وسكتت)
فهد:ماعلينا..صباح الخير..
وديمة:..........
فهد:وديمة..وينج؟
وديمة:هلا..
فهد:خلاص انسي..اشلونج؟
وديمة:بخير..
فهد:راقدة؟
وديمة:توني قعدت على رنة التليفون..
فهد:بس حبيت اصبح عليج..قومي صحصحي وروحي تريقي ويااهلج..
وديمة:ان شاء الله...مع السلامة...يوووه انا ايش سويت الغبية..دوم ارد من غير مااشوف الرقم...(يرن تليفونها وتقعد تطالع اكثر من دقيقة في الاسم قبل لترد)..آلو..
نجلاء:ودوم شو فيج ليه ماتردين؟؟
وديمة:ماتدرين ايش صار فيني؟
نجلاء:شو؟؟
وديمة:عقب ماسكرت من عندج..رن تليفوني رديت من غير مااشوف الاسم..وقعدت اتغزل فيج..وبالاخر طلع فهد..
نجلاء(تضحك):حلوة الحركة..وشو قالج؟
وديمة:ايش بيقول يعني..استانس..
نجلاء:اي طبعا ماصدق..خبريني ياعمري اخبارج؟
وديمة:انا بخير..انت اشلونج؟
نجلاء:تمام..
وديمة:هاا بشرينا متى الملجة؟؟
نجلاء:احم احم..الملجة والعرس عقب اسبوع..
وديمة:جذابة..
نجلاء:والله..
وديمة:وليش ماتقولين؟؟
نجلاء:شسوي عمج ماقالي الا امس..ومامداني اتصل فيج الا الحين..
وديمة:وااااو عرسج عقب اسبوع..تزهبتي؟
نجلاء:انا شريت لي شوية اغراض من قبل..بس بقى لي فستان العرس..
وديمة:ومن وين بتاخذينه؟
نجلاء:حمدان خذ قياسي وطلب لي طلبية من فرنسا..
وديمة:صج..ياسلالالام..اي يوم العرس؟
نجلاء:يوم الخميس..
وديمة:وي زين سويتيه الخميس..
نجلاء:حنيت على جبر يقوله ابي الخميس..يالله لين ماحصل قاعة..
وديمة:زين الحمدلله..ودي اييج من الحين..
نجلاء:ياليت والله..ماعندي حد اقضي وياه اغراضي الا مرت جبر..ومب دوم لأنها مشغولة ببيتها وعيالها..
وديمة:والله لو ماعندي جامعة على طول جيتج..تدرين ايش بسوي..بقول حق ابوي يجيبنا الاثنين..
نجلاء:اي والله تكفين..غيبوا عن الجامعة قلعتها..
وديمة:اي والله قلعتها..
نجلاء:ياللا ودوم بسكر لأن بتصل حق شيخوه وبخبرها..بااااي فديتج..
وديمة:بااااي يالعروس..
قامت وراحت تسبح....
شيخة بعد الفطور راحت فوق تطل على راشد اذا قام...شافت تليفونها يرن....
شيخة:هلا والله بخالتي..صباح الورد..
نجلاء:صباح الفل والياسمين..
شيخة:اخبارج؟
نجلاء:تمام..انت ايش حالج؟
شيخة:كويسة..هاا بشري..من صوتج في اخبار حلوة..
نجلاء:امم..اي في خبر حلو..
شيخة:شنو؟
نجلاء:يوم الخميس الجاي بإذن الله..
شيخة(تقاطعها):الملجة؟
نجلاء:الملجة والعرس..
شيخة:صج؟؟
نجلاء:اي صج..
شيخة:وااااو..ماشاء الله زين..توج تقولين لنا؟
نجلاء:لا وين اقول..جبر توه امس قايلي..يقول ان حمدان يبي الملجة والعرس بليلة وحده..
شيخة:اي احسن..وعقب على طول شهر العسل..
نجلاء:ان شاء الله..
شيخة:وين؟
نجلاء:ماادري..عاد انا متصلة علشان اخبرج..مو ماتيين..وتقولين لي ولدي ماادري ريلي ولاالجامعة..مايخصني..ترى ودوم بتيي الاثنين..
شيخة:صج..افا عليج ياخالتي..انا اول الحاضرين..بس تدرين لازم اقول حق ريلي..
نجلاء:بيوافق غصب عنه..
شيخة(تضحك):كلمتي امي؟
نجلاء:اول وحده..
شيخة:وانا آخر وحده؟؟
نجلاء:اتصلت فيج ماتدرين..قلت اكيد مشغولة مع بعض الناس..
شيخة:لا والله..بس كنا نتريق تحد ويااهل ريلي..
نجلاء:اوكي حبو انا بسكر لأن عندي شغل..فزهبي عمرج..
شيخة:اوكي..
وديمة تنزل تحت وتصبح على امها وابوها....
وديمة:ماما دريتي ان يوم الخميس عرس عموه نجلاء؟
ام سلمان:اي دريت..
وديمة:ومن اللي قالج؟
بوسلمان:امس جبر اتصل فيني وقالي..
وديمة:وليش ماحد خبرني؟
بوسلمان:انا كنت نايم لما اتصل فيني..
وديمة(تقعد عند ابوها):انزين بابا الله يخليك خلنا نروح..
بوسلمان:اكيد بنروح..عرس نجلاء ومانروح..
وديمة:لا يعني اقصد نروح من وهل..
ام سلمان:بنروح الاربعاء..
وديمة:لالا..لا ماابي..ابي اروح وياها نتسوق شوي قبل لتزوج والله بشتاق لها..الله يخليك بابا..
بوسلمان:خواتج عندهم مدارس وانت عندج جامعة..
وديمة:بابا انا عادي..بغيب عن كل مقرر محاضرتين بس..وخواتي كلها ثلاثة ايام..
ام سلمان:لا وين ثلاثة ايام..اربعة ايام من الاثنين للخميس..ومن غير عذر مايصير..
وديمة(زعلت):ماابي انا ابي اروح عند عمووه..
بوسلمان:بعدين انا بسافر باجر..
وديمة:واحنا من بيودينا؟
ام سلمان:مايصير يابوسلمان..لازم تكون ويانا بنروح بالبر..لأن ام فيصل قالت بيروحون بالبر..
بوسلمان:وسفرتي؟
ام سلمان:حاول ترد الثلاثاء..
حزة الغداء...كلهم يلتمون حول بعض....
سلمان:عيل وين حمد؟
ام سلمان:حمد صار له يومين وياربعه بالعنة..
سلمان:انزين اذا جذي انا بعد بيي معاكم..وبودي زوجتي وعيالي علشان نحضر عرس نجلاء..
خالد:انا بسافر الاحد عندهم..
بوسلمان:ليش؟
خالد:ماخذ اجازة من الدوام بروح ادور وهم جبر قالي تعال عنده شغل..
وديمة:ودني معااك..تكفى خالد..
خالد:وين اوديج؟
وديمة:ودني ويااك..في خاطري اتسوق وياعمووه..الله يخليك..
خالد:والجامعة؟؟
وديمة:كلها اربعة ايام..
خالد:بس؟؟
وديمة:الله يخليك..
بوسلمان:ودها معاك ياخالد..
خالد:انا بروح بالطيارة..
بوسلمان:انزين مب مشكلة..لرحت تحجز لك قولي بعطيك فلوس تذكرتها..
خالد:لا ايش دعوة..بس انا اقول يعني علشان الدراسة..
في بيت بوفيصل...شيخة قاعدة تسولف وياامها...يرن تليفونها...
شيخة:هلا ودوم....بخير انت اشلونج؟....في بيت ابوي...اي اتصلي قاعدة...باااي..
ام فيصل:عطيني راشد خلني ارقده على سريره..لايتعود يرقد في حضنج..(خذته)
يرن تليفون البيت...
شيخة:آلو..
وديمة:اشلونج ياام راشد؟
شيخة:طيبة يازوجة فهد..انت اشلونج؟
وديمة:اوكي..عاد انا اليوم مستانسة..
شيخة:يبين من صوتج..هاابشري..شي يخص ريلج؟
وديمة:لا..
شيخة:هاا؟؟
وديمة:بسافر عند عمتي نجلاء..
شيخة:وييه قديمة انا بعد بسافر..
وديمة:لا..انا بسافر الاحد..
شيخة:جذابة؟
وديمة:كيفج لاتصدقين..
شيخة:مع من بتروحين؟
وديمة:ويااخالد..
شيخة:وخالد ايش عنده بيروح من بدري؟
وديمة:ماادري يقول عنده شغل وياعمي جبر..
شيخة:ياحظج..ليتني اقدر ايي وياج..
وديمة:انزين تعالي..
شيخة:مااقدر..
بالليل...تدخل شمة الغرفة تحصل شيماء قاعدة واللاب توب جدامها....




شمة:شتسوين؟
شيماء:قاعدة أقرأ الموضوع اللي كتبتيه عني..
شمة:وفي حد رد؟
شيماء:قولي في حد مارد..اغلبية الاعضاء رادين يتحمدون لي بالسلامة..
شمة:اشفيج؟
شيماء:أقرأ رد عضو شيخ الشباب...ماخلى صورة كيك ولا باقة ورد ولا جوكليت الا وحاطه..
شمة:متولع فيج..
شيماء:وايش معنى انا؟
شمة:لأنج كنتي تحرينه وتنرفزينه..نسيت دفتري تحت..بروح اجيبه.(طلعت)
شيماء:لو تدرين ياشمة انه يكلمني على المسن ويراسلني ايش بتقولين؟؟
دقيقة ويدخل راشد...شيماء خافت وسكرت اللاب توب...
راشد:اشفيج؟
شيماء:هاا..ولاشي بس خوفتني..
راشد(يقعد جنبها):اشلونج؟
شيماء:بخير..
راشد:ياللا خذي دواج علشان تنامين..
شيماء:الحين؟؟
راشد:شوفي الساعة جم..صارت عشر ونص..تبين تسهرين؟
شيماء:يمكن..
راشد:انزين مو مشكلة خذي دواج..هو مابيرقدج..
شيخة ترد بيتها وتروح الغرفة...وفارس عقب مابدل شغل التلفزيون...
شيخة(تقعد)
فارس:راشد رقد؟
شيخة:اي الحمدلله..اقول فارس..
فارس:آمري..
شيخة:خالتي نجلاء بيكون عرسها هالخميس..
فارس:هالخميس؟؟
شيخة:اي..
فارس:وليش بهالسرعة؟
شيخة:الريال قال ابي الملجة والعرس بليلة وحده..
فارس:انزين وبعدين..
شيخة:فأهلي بيسافرون علشان العرس..وانا وانت معزومين..فإيش رايك نروح؟
فارس:قلتي متى؟
شيخة:الخميس..
فارس:الخميس..الخميس..انزين..ونرد الجمعة؟
شيخة:الردة على راحتك..لأن العرسان بيسافرون شهر العسل يوم السبت..بس انا ابي اروح بدري..
فارس:بدري يعني متى؟
شيخة:يعني الثلاثاء..
فارس:ليش؟
شيخة:يعني بخاطري اروح واقعد واسولف وياها قبل لتزوج..وبخاطري نطلع ونتسوق شوي..
فارس:اي بس انا اروح من الثلاثاء شسوي هناك؟
شيخة:اقعد وياخالد ولد خالي..
فارس:صحيح اني اعرف خالد بس مو رباعة..بعدين انا وراي مستشفى وعيادة..ومرضى..
شيخة:إذا ماتقدر خلاص..مو مشكلة نروح الخميس..
فارس(شافها زعلانة):انزين انا عندي لج شور..
شيخة:قول..
فارس:امج وابوج متى رايحين؟
شيخة:يوم الاثنين..
فارس:بالسيارة؟
شيخة:لا بالطيارة..ابوي يقول هم شخصين ومايقدر على البر بروحه..
فارس:وايد حلو روحي معاهم..
شيخة:وانت؟
فارس:انا مو مشكلة بيي ان شاء الله الخميس بحضر العرس..وبنتم ليلة والجمعة بنرد..
شيخة(استانست):صج فارس يعني يصير اروح ويااهلي؟
فارس:اي يصير ليش مايصير..
شيخة:فديتك يابوراشد..ياعلني ماانحرم من هالطيبة..
فارس:كل هذا علشان خالتج؟
شيخة:وليش خالتي شوية..اموت عليها..
فارس:باااال..كل هذا لها..وانا وين نصيبي؟
شيخة:انا كلي لك..انت بس آمر..
وديمة تكون زاهبة وييها خالد ويودعونهم ويروحون المطار...بعد ماخلصوا الاجراءات...

اضغط على الصورة لرؤيتها بحجمها الطبيعي


وديمة:خالد لحظة شوي..
خالد:شنو؟
وديمة:ابي اروح سوق الحرة..
خالد:وايش عندج بسوق الحرة؟
وديمة:بشوف شنو عندهم يمكن حصلت شي عجبني..على الاقل احسن من القعدة..بقى نص ساعة..
خالد:عندج ربع ساعة..
وديمة:احنا مب ماخذين الدرجة الاولى؟
خالد:اي..
وديمة:خلاص نروح متى مانبي..
خالد:ومن هذا اللي قالج هالحجي؟
وديمة:انا..
خالد:انا اقول بعد ماكو حد عاقل يقول هالحجي..
وديمة:خالد..
خالد:امشي امشي..
يرن تليفون وديمة وهي تشوف المكياج....
وديمة:آلو..
فهد:صباح الخير..
وديمة:صباح النور..
فهد:اشلونج؟
وديمة:طيبة..انت اشلونك؟
فهد:بخير..وينج ازعااج..جنج بالمطار..
وديمة:اي انا بالمطار..
فهد(مستغرب):مطار!!..شتسوين بالمطار؟
وديمة:بسافر..
فهد(مصدوم):بتسافرين؟؟..وين؟؟
وديمة:بروح الامارات..
فهد:ليش؟
وديمة:عرس عمتي..
فهد:مع من رايحة؟
وديمة:خالد اخوي..
فهد:والباقي؟
وديمة:ابوي هذيلا بييون الاربعاء..
فهد:واشلون تسافرين من غير ماتخبريني؟؟
وديمة:ماكان بينا اتصال وماصار اني اقولك..
فهد(مو عاجبه):يعني شنو ماصار بينا اتصال..انا زوجج ولازم اعرف وين تروحين..اشلون تسافرين من غير مااعرف..يعني لو انا مو متصل جان ماعرفت انج مسافرة..
وديمة:انزين انت ليش معصب..ماصار شي..بعدين انا رايحة ويااخوي..
فهد:يااخت وديمة المسألة ماهي مع من رايحة..اكيد بتروحين وياحد محرم مب بروحج..المسألة انج ماستأذنتي مني..انت ناسية من انا؟؟
وديمة(هي منحرجة وخايفة)
فهد:طبعا مالج رد..ياللا مع السلامة..
وديمة:مع السلامة..
خالد:منو هذا واشفيج انقلب مزاجج؟؟
وديمة:فهد..
خالد:اشفيه؟
وديمة:معصب علي لأني مسافرة..
خالد:وليش يعصب؟
وديمة:لأني ماقلت له..
خالد(مستغرب):ماقلتي له انج مسافرة؟؟
وديمة:لا..
خالد:انت صاحيه؟؟..اشلون تسافرين من غير مايدري؟؟
وديمة:انا ليحين ماتزوجته علشان استأذن منه..
خالد:يااخي حطي له اعتبار..احترميه كزوج..صدقيني لو ماكنا داخلين جان رديتج..من حقه يعصب..انا عصبت كيف هو..
وديمة:انت ليش معصب بعد..ماهي سالفة صارت..
خالد:انا بسألج سؤال..انت حد غاصبج عليه؟
وديمة:لا طبعا..
خالد:عيل ليش ماتكلمينه عدل وتسوين له اعتبار..انا اللي ريال كلمت زوجتي اني مسافر..بعدين تعالي هو دوم لما يسافر يتصل فيج ويخبرج انه بيسافر..
وديمة:ادري اني غلطت..خلاص سك الموضوع..
خالد:لاحول ولاقوة الا بالله..(يرن تليفونه يطلع التليفون من مخباته يشوف)...تفضلي..هذا فهد..ايش تبيني اقوله..السلام عليكم..
فهد:وعليكم السلام..صباحك الله بالخير ياخالد..
خالد:صبحك الله بالنور والسرور..
فهد:اشلونك؟
خالد:بخير الحمدلله..انت اشلونك؟
فهد:انا وايد متضايق ياخالد..
خالد:خير عسى ماشر..
فهد:اشلون وديمة تسافر من غير مااعرف؟؟
خالد:والله ماادري شاقولك..انا بروحي مستغرب منها..انا كنت متوقع انها قالت لك..
فهد:يعني لو انا مااتصلت فيها الحين جان مادريت عنها..
خالد:حقك علينا يافهد..هي عرفت بغلطتها..بعدين تدري هي ماشاء الله عليها تستحي تتصل..
فهد:لو تستحي تتصل..تعرف تطرش مسج..
خالد:ماعليه يافهد..لاتزعل عمرك..هي عرفت غلطتها..
فهد:على العموم قولها اني زعلان..وتروحون وتردون بالسلامة..هالله هالله فيها..
خالد:ان شاء الله لاتوصي حريص...فمان الله..
وديمة:شيقول؟
خالد:شيقول؟..هامج يعني؟..
وديمة:تكفى تكلم..ايش قالك فهد؟
خالد(يشوف الساعة):امشي لانتأخر..بعدين بقولج بالطيارة..
وديمة:ماابي ماني رايحة مكان قول بالاول..
خالد:يووه..يقولج انه زعلان منج..ياللا امشي..
وديمة(تمشي):ايش دعوة انا شمسوية..جريمة..
خالد:اي جريمة..يوم وحده ماتحترم زوجها مب جريمة؟؟
وديمة:ايش دخل الاحترام في هذا؟؟
خالد:انت الظاهر يبي لج تأسيس من اول وجديد..امشي بسرعة..
راشد كان يدور بين مرضاه ويتطمن على صحتهم....عقب ماخلص من صوب الرجال راح صوب الحريم...بعد ماطلع من عند اول مريضة...يشوف ملف مريضة....
راشد(مستغرب):من متى جات هالمريضة؟
الممرضة:امس جاتنا من الطواري..
راشد:اشلونها الحين؟
الممرضة:تألم شوي..
راشد:من شافها؟
الممرضة:دكتورة سماح..
راشد:انزين سوي لي درب..
الممرضة:ان شاء الله..
يدخل راشد...
راشد:السلام عليكم..
الام+تماضر:وعليكم السلام..
راشد:اشلونج تماضر؟
تماضر:زينة..
الام:وين زينة..تقصين على الدكتور..امس يادكتور ماتت من الالم..تمت تصارخ وتصارخ لين ماعطوها مسكن..والحين من الصبح وهي تون من الالم..ماعليك من كلامها هي ناوية على عمرها..
راشد:حاسه بشي؟
تماضر:اي شوي..
راشد:انت المفروض اشوفج عقب آخر موعد بإسبوعين وليش ماجيتي؟
الام:يادكتور ترجيتها امشي..مارضت..بعدين صارت عندنا شوية ظروف وماقدرنا نيي..
مرة وحده يدخل الاب..بعد السلام....
الاب:هاا يبه تماضر اشلونج؟
تماضر:انا زينة يبه..
الاب:مادريت انج بالمستشفى..يوم رديت البيت الخدامة خبرتني..سلامتج يابنتي..
تماضر:الله يسلمك يبه..
راشد:لو سمحتوا ممكن تخلوني اكشف عليها..
تماضر:يمه لاتخليني بروحي..
راشد:ماراح اسوي الا اللي يرضيج..تطمني..
في الامارات...




بعد الغداء....
وديمة:تسلم ايدج يامرت عمي أكلج ماعليه كلام..وايد لذيذ..
حمده:عليج بالعافية حبيبتي..سويت لكم حلو وان شاء الله يعجبكم..
وديمة:لاتعبين روحج ماله داعي..اكتفينا بالغداء..
حمده:لا وين اكتفيتوا..ولامسوية رجيم؟
وديمة:رجيم؟؟..لا بس (بضيقة)..انا مااقدر آكل حلويات..
نجلاء:حمده وديمة فيها السكري وماتروم تاكل..
حمده:سمحي لي فديتج والله ماكنت ادري..عيل بسير اجيب لكم الشاي والقهوة..
راحت...
نجلاء:انسي..قولي لي..شو بتلبسين في عرسي؟
وديمة:في فستان كنت شاريته علشان عقب العرس واايد عجبني..قلت اجيبه والبسه..
نجلاء:ذاك الفوشي؟
وديمة:يس..
نجلاء:لا عاد جذي بتغطين علي..
وديمة:وييه من يقدر يغطي على العروس..قولي لي فستانج جابوه؟
نجلاء:لا باجر ان شاء الله بيوصل..
يدخل جبر...
جبر:هلا والله هلا..مرحباااا الساااع في بنت اخوي..الامارات كلها منورة بجيتج..
وديمة(استحت)
نجلاء:لاتصدقين روحج..تراه بس جذي يلعب ويجامل..تحصلينه ماكل وايد ومايعرف شو يسوي..
جبر:نجول خل النفس عليج طيبة..ترى وديمة تعرف غلاتها عندي..مامحتاية تسمع منج هالرمسة انت وفيسج هذا..ماادري حمدان كيف بيجابلج ليل ونهار..الله يكون بعونه..
نجلاء:ويييه ياحلاتي وياحلات فيسي..الا قول بيموت فيني..
جبر:حاولت ادور على شي يموت فيج ماحصلت..قومي فزي جيبي الحلو..
حمده(تيي):هااك جبر..
جبر:تسلم ايدج على الطباخ..كان خوش اكل..
حمده:عليكم بالعافية..
نجلاء:اليوم بنسير السوق اشتري لي جم غرض..وباجر ان شاء الله بنسير الصالون..
وديمة:واااو بدت الوناسة..انزين متى بنطلع..
نجلاء:اكيد اخوج بيقول خلني اريح..
وديمة:اوكي مو مشكلة نصلي العصر ونروح..
نجلاء(قامت):انزين سيري بدلي ملابسج وريحي شوي لين مانطلع..
تيي حمده..
نجلاء:حنا بنروح فوق بداري..بخليها تبدل وتريح شوي..
حمده:ماتبون شاي؟
نجلاء:مب الحين..قبل لنطلع..
حمده:على راحتكم..ترى انا عقب شوي بسير بيت ابوي..
نجلاء:ليش مب جايه ويانا؟
حمده:مرت عمي تعبانة شوي وبسير اشوفها..
نجلاء:وي سلامتها ماتشوف شر..
حمده:الشر ماييج..
يروحون الغرفة...
نجلاء:اووف ناسية تليفوني بالغرفة وماادري..
وديمة:ليش ناطرة اتصال من حبيب القلب..
نجلاء:ويي وين ياحسرة..لااكلمه ولايكلمني..
وديمة:صج؟؟
نجلاء:شو بلاج ودوم ناسية ان ماملجنا..
وديمة:على طول جذي..لا مااقدر اتزوج بهالطريقة..
نجلاء:دام واحد مثل ريلي..عاادي..هذي شيخوه..خلني اتصل فيها....آلو...هلا والله باام راشد.....بخير انت اشلونج؟......سوري حبي قاطة تليفوني بالغرفة وكنا نتغدى.....اي وصلوا......وانت متى جايه؟....لا لاتقولين...صج؟....واااو وناسة..الساعة جم؟.....صج عيل ماني رايحة الصالون بترياج.....اوكي حبي باااااي..
وديمة:شتقول؟
نجلاء:تقول بتيي باجر..
وديمة:صج؟؟
نجلاء:اي بتيي مع امها وابوها..
العصر في الدوحة في بيت بوسلمان....




حمد:يمه وين وديمة؟
ام سلمان:راحت وياخالد عند عمك جبر ونجلاء..
حمد:ليش؟
ام سلمان:لأن الخميس عرس نجلاء عمتك..
حمد:وليش ماتقولون لي؟
ام سلمان:ليش احنا نشوفك علشان نقولك..صار لك جم يوم تبات برع البيت..
حمد:انزين وانتوا مب رايحين؟
ام سلمان:بلا بس يوم الاربعاء بالليل ان شاء الله..
حمد:كلكم؟؟
ام سلمان:اي كلنا..
حمد:وانا؟؟
ام سلمان:تبي تيي حياك..
حمد:اي بيي ليش لا نغير جو..وين بتقعدون؟
ام سلمان:في الفندق لأن ماشاء الله عددنا وايد وبيت عمك مايسدنا كلنا..
حمد:بتروحون بالسيارة ولا بالطيارة؟
ام سلمان:بالسيارة..بنروح ويابيت اخوك سلمان..
حمد:خلاص انا بعد جاي معاكم..
ام سلمان:عيل زهب عمرك عدل علشان تساعد ابوك في السواقه..
حمد:ان شاء الله..
عقب ماخلص راشد شغله بالعيادة راح المستشفى عند تماضر...وطلب ملفها وقعد يشوف نتيجة التحاليل....
راشد:سوي لي درب بدش اشوف المريضة..
الممرضة:اوكي..
دخلت...
الممرضة:لو سمحتوا ترى الدكتور بيدخل..
الام:اي دكتور؟
الممرضة:دكتور راشد..
الام:لبسي شيلتج..
شوي ويدخل راشد ويسلم وهو يقرأ الملف...
راشد:اشلونج الحين تماضر؟
تماضر:شوي احسن من الصبح..
راشد:بقولج شي ياتماضر..وابيج تسمعيني للآخر..
الام:تفضل دكتور..
راشد:لازم تسوين عملية علشان نستئصل الخراج..اي تأخير في العملية ممكن يتعب الكبد..فلازم تفكرين براحتج وصحتج..لاتقعدين تقولين باخذ مسكنات وخلاص..ماينفع..لازم تسوين عملية..
تماضر:لا يمه ماابي..
الام:يايمه ياتماضر..العملية سهلة وبسيطة..ومابتحسين بشي..بتكونين تحت البنج..ولا اشلون يادكتور؟
راشد:كلام الوالدة صحيح..ماعندنا وقت علشان نفكر.لازم تقررين..انت كبيرة ياتماضر وتقدرين تقررين هالشي لإنه يخصج..
تماضر:دكتور مابتصير لي مضاعفات؟
راشد:تقصدين عقب العملية؟
تماضر:اي..
راشد:لا من هالناحية تطمني..امورج كلها بتكون اوكي..
تماضر:ومتى بتسوونها لي؟
راشد:باجر الصبح على طول..(يكلم الممرضة)..رتبي امورها من الحين علشان يزهبون غرفة العمليات حق باجر الصبح..
الممرضة:اي ساعة دكتور؟
تماضر:دكتور لحظة انا ماقررت..
راشد(يكلم الممرضة):وييت..(يكلم تماضر)..ليش ماانت موافقة؟
تماضر:ماادري..
يرن تليفون راشد ويحطه على السايلنت....
الام:تماضر..الدكتور ينتظر..
تماضر:خلاص اللي تشوفه دكتور..
راشد:وانت ماتشوفين شي؟
تماضر:لو الودي اقول لا..بس شكلي مااقدر اقول لا..الله يكون بعوني..
راشد:ابيج دوم تكون شجاعة..وموافقتج هذي تعني انج شجاعة..ياللا انا رايح وباجر الصبح ان شاء الله اشوفج في العمليات..
الممرضة:ويج تايم دكتور؟
راشد:آت 8 بلييز..ياللا تصبحين على خير..
الام:وانت من هله دكتور..
في الامارات...وهم بالسوق....

اضغط على الصورة لرؤيتها بحجمها الطبيعي


وديمة:عمووه خلاص ريولي تقطعت..ماشاء الله المول وايد كبير..وتعبت من الاغراض اللي ماسكتهم..
نجلاء:تصدقين حتى انا..يودي هالكيس بس خلني اطلع تليفوني اتصل في عمج اشوف وينهم..(خذت منها وديمة الكيس وتتصل)......آلو....جبر وينكم؟
جبر:احنا بالكوفي شوب..
نجلاء:اي وين بالضبط؟
جبر:ليش ايش تبين؟
نجلاء:خلاصنا..
جبر:مابغيتوا..
نجلاء:قولي ياللا وينكم..
جبر:انتوا وين؟.....اي محل؟.......اي اي دليته....خلاص احنا الحين بنجيكم..(دفع الحساب)...امش..
خالد:خلصوا؟
جبر:اي..
خالد:ماشاء الله كل هذا تشري..
جبر:حريم ماجربتهم من قبل؟
خالد:الا جربتهم..
عقب ماحصلوهم...
نجلاء:انتوا بعد شاريين اغراض؟
خالد:لا بس انتوا اشتروا..
نجلاء:ولي سلمك جبر خذ مني الاكياس..
جبر:نعم؟؟..شو انا حمالي؟؟
نجلاء:يعني اذا تساعد اختك حمالي..
جبر:ومنو اللي قالج اشتري كل هالاغراض ليش انتوا بتروحون الصحراء؟
نجلاء:الحين بتقعد تعطيني محاضرة..يود عاد..
جبر:انا باخذ من وديمة ساكته ولاتكلم..(خذ منها الاكياس)
نجلاء:وانا؟؟
جبر:شوفي خالد..
نجلاء:خالد ولي سلمك خذ مني الاكياس..انتوا رياييل فيكم حيل..
خالد:بس علشان حمدان باخذ الاكياس..
جبر:اي والله وانت صاج علشان خاطر حمدان..اخاف اذا ماخذت منها الاكياس تسوي لك عرس جدام خلق الله وتفشلنا..عاد ذيج الساعة حمدان بيقول خل بنتكم لكم..
نجلاء:لا..انزين ماعليه..باجر لطلعت من عندك ورحت عنده خل نشوف ايشكثر بتشتاق لي..(تمسك يد وديمة)..امشي وديمة..انا عازمتج على العشاء..
جبر:هي هي..بكيفج هو..شوفي الساعة جم؟
نجلاء:توها 10 وربع..احنا يواعة..
خالد:على حسابج؟
نجلاء:اوكي على حسابي..علشان بعض الناس يتذكروني بهالعزيمة..
جبر(طالعها بنظرة وسكت عنها)
خالد:وين رايحين؟
نجلاء:ناكل..
جبر:امشوا بوديكم مطعم رهيييب..عليه اكل عجييب..
وهم بالمطعم....
نجلاء:انتوا وين رحتوا شو كنتوا تسوون؟
خالد:احنا رحنا السينما شفنا فيلم رعب فاتكم..
نجلاء:تروحون السينما من غيرنا؟؟خونة..
جبر:اي بلا خونة..انت لو كنت جايه معانا جان سويتي لنا فيلم هندي..خليني ساكت بس..ماابيهم يدرون انج اجبن وحده..
نجلاء:لا تكفى اسكت..ليش انت خليت شي؟
وديمة تضحك...
جبر:يحليلها وديمة..طول الوقت ساكته..اي صح تذكرت..ترى ريلج واهله معزومين على العرس..
وديمة(مستغربة):معزومين؟؟..ليش؟
جبر:حمدان عازمهم..لأن اصلا راكان يصير رفيجه..وجد حمدان متعامل كم مرة ويابوفهد من قبل..فعزموهم..
خالد:غريبة فهد ماقالي..
جبر:تحصله مايدري ان حمدان ماخذ نجلاء..
يرن تليفون جبر....
جبر:هلا والله بالمعرس..(تنحرج نجلاء)....بخير الحمدلله انت اشلونك؟.......اي بخير.....اي والله احنا برع مع عيال اخوي......اي بعضهم جاوا اليوم واللي بجي باجر واللي بجي الخميس يعني جذي.......اشلون؟.......متى؟........وشالمناسبة؟.... ...اللي تشوفه......خلاص اكيد بخبرهم....ان شاء الله يوصل فمان الله..
خالد:من هذا حمدان؟
جبر:اي حمدان..(يحط تليفونه على الطاولة)..وين الرجال ماجى جعنا..
خالد:ايش قالك؟
جبر:سلم عليكم(يطالع نجلاء اللي كانت تستحي)..ويقول انه بيأجل العرس..
الكل انصدم....


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 69
قديم(ـة) 30-12-2013, 11:03 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


متابعة فصل الـ 33






نجلاء(فجت عيونها من الصدمة):شوووو؟؟؟
جبر:اللي سمعتيه..
نجلاء:وليش ان شاء الله؟؟؟..شو هو يلعب ويانا؟؟
جبر:باااال كل هذا علشان العرس؟
نجلاء(استحت):مب عشان جذي..بس ليش يلعب علينا؟؟
خالد:انت من صجك مأجل العرس؟؟
جبر(يضحك):العب وياكم..ايش دعوة الريال بيأجل العرس عقب ماحجز وعزم خلق الله..انا بس جذي ابي اشوف كيف بيكون شعور نجلاء..
نجلاء(عصبت):صج ماعندك سالفة..صدقني لو كنا بالبيت جان عرفت شو اسوي..
خالد(يضحك):يحليلك ياجبر..قول ايش قالك؟
جبر:ولاشي يقول..اي حد جايكم من الدوحة وبيحضر العرس لايرد الا السبت..
خالد:ليش؟
الجرسون يحط الاكل على الطاولة...
جبر:يقول عازم الكل في مزرعتهم..
خالد:شالمناسبة؟
جبر:يقول علشان العرس وهم لمة اهل..ياللا خلنا ناكل..
خالد:الاكل يشهي..
جبر:وديمة اكلي عدل..
وديمة:ان شاء الله..
الكل يبدأ بالاكل الا نجلاء....
جبر:ليش ماتاكلين...ياهوو نجول..
نجلاء:نعم؟
جبر:ليش ماتاكلين؟
نجلاء:ماابا زين..
جبر:توج تقولين جوعانة وجوعانة..
نجلاء:انسدت شهيتي..
خالد:افاا وليش؟
نجلاء(تطالع جبر بنظرات):أسأل عمك المصون..
خالد:أفاا ياعمي المصون وايش مسوي فيها؟
جبر:بريء وانا عمك المصون..
نجلاء(عصبت)
يضحكون عليها....
وديمة:ياللا عمووه اكلي..والله ياحلات سوالفج..مااحب اشوفج ساكته..
جبر:لا ياوديمة تكفين لاتقولين لها ترمس..هذي اذا ارمست ماتسكت..
نجلاء:مشكور يجي منك اكثر..
جبر:ياللا اكلي اتغشمر معاج..باجر بتسيرين شهر العسل بتصيحين على فراقي..
نجلاء:ولاتحلم اني بصيح..
جبر:بنشوف..
خالد:عمتي وريلها متى جايين؟
جبر:باجر طيارتهم الصبح..
نجلاء(وهي تاكل):ترى شيخة بتيي وياهم..
جبر:ليش ريلها مب جاي؟
نجلاء:بلا..بس هي في خاطرها تيي قبل..لأن ريلها قال بيي الخميس وبيرد الجمعة..
جبر:لا محد يرد الجمعة ..عيب دام الريال عازم محد يرد..بعدين الجمعة اجازة..
الكل تجمع في الامارات علشان عرس نجلاء...ويوم الخميس الكل كان مشغول بالعرس من رياييل وحريم..في الفندق....
شيخة:اشفيج خالتوو؟؟
نجلاء:خااايفة..تعرفين يعني شو خايفة..
ام فيصل:انت اللي كنت متولعة بالزواج..وابي اتزوج وابي اتزوج..هذا اللحين ليلة عرسج..وايش له خايفة..
نجلاء:انا الريال ماشفته الا مرتين..ولاعمري رمست وياه..مرة وحده اجلس وياه في بيت واحد..يممه صدق يخرع..
شيخة:الحين يخرع..بس عقب الزواج يوم تذكرين بتضحكين على عمرج..
ام فيصل:اليوم ايش كثر يقولون لي اللي لابسه فوشي تعرفينها..
شيخة:من ودوم؟
ام فيصل:اي..كم وحده قالوا لي نبيها لولدنا..
نجلاء(تضحك)
وديمة(استحت)
شيخة:يحليلج ياودوم..وايش قلتي لهم يمه؟
ام فيصل:قلت لهم البنت خلاص بتزوج..ولابعد..يوم رحت اسلم على ام فهد شافتني وحده وقالت لي من هذي اللي كانت لابسه فوشي..قلت لها هذي بنت اخوي..قالت لي متزوجة...جان ترد عليها ام فهد اي حبيبتي متزوجة هذي مرت ولدي..
البنات يضحكون....
نجلاء:شكلها ام ريلج عصبت..
شيخة:احسن علشان تعرف قيمة ودوم..
وديمة:مادريت اني بلفت الانظار اليوم..
نجلاء:مع اني احلى من وديمة..
وديمة:انت عروس ياقمر..والحلى كله لج..
نجلاء:فديتج يابعد قلبي ودوم..

اضغط على الصورة لرؤيتها بحجمها الطبيعي


بعد ماتنزل نجلاء ويزفونها...تم شوي وياربعها ويرقصون البنات لين مادخل المعرس...ودخل معاه ابوه واخوان نجلاء وعيال جبر وخالد وحمد......
وعقب ماخلص العرس...يردون الفندق.....
ام فهد:اليوم شفت زوجتك يافهد..ماتم حد الا وسأل عنها..
فهد:ليش؟
ام فهد يحسبونها مو متزوجة وكانوا بيخطبونها..
بوفهد:عيل زين لحقنا عليهم..وكانت من نصيبنا..
فهد:ياللا انا رايح غرفتي..
بوفهد:اخوك مارد؟
فهد:ماادري..بروح اشوفه..تصبحون على خير..
باجر الكل يروح المزرعة العصر...والشباب يلتمون على صوب والحريم بصوب....خالد كان يمشي وهو يسولف ويازوجته.....تيي وديمة...
خالد:مع السلامة..
وديمة:من ست الحسن؟
خالد:لا هذا واحد من الربع..
وديمة:قلت يمكن تكلم زوجتك رايح بعيد..
خالد:أي كنت اكلمها بعدين كلمت واحد من الربع..اقولج..
وديمة:هلا..
خالد:روحي عند فهد..
وديمة:ليش؟
خالد:شنو ليش..انت ناسية انج مزعلته..روحي راضيه..
وديمة:ماابي استحي..
خالد:ودوم لاتذبحيني..ريلج هذا..روحي..
وديمة:انزين تعال معاي..
خالد:ماني جاي..ياللا بسرعة..
وديمة:لازم؟
خالد:أي لازم..
وديمة:زين..
وصارت تمشي شوي شوي..تشوفه واقف ومتسند على الشجرة......



وديمة:مرحبا..
فهد(من غير مايلتفت):هلا..
وديمة:ممكن؟
فهد:شنو اللي ممكن؟
وديمة:ممكن اقعد وياك؟
فهد:اذا تحبين بكيفج..
وديمة:فهد أنا آسفة..
فهد:وليش تعتذرين؟
وديمة:انا غلطت بحقك..سامحني..
فهد:..........
وديمة:فهد..والله عرفت بغلطتي..اعذرني..انا براسي ستين شغله..وماجى على بالي اني اتصل فيك واخبرك..(تصيح وتغطي وجهها بإدينها)
فهد(شال ايدينها من على وجهها):ليش تصيحين؟
وديمة:انت ماتبي تكلمني..
فهد(يمسح دموعها):وديمة..اول شي ماابي اشوف دموعج..كلميني بس لاتصيحين..انا بسألج سؤال..أسأل؟
وديمة:اكيد..
فهد:حاد غاصبج تتزوجيني؟
وديمة(استغربت سؤاله):وليش يغصبوني؟؟
فهد:وديمة جاوبيني..
وديمة:لا يافهد..انا لو مابغيتك كنت بقول ماابيك..ومحد كان بيقولي شي..انت تعرف اني دلوعة عند امي وابوي وطلباتي مجابه..وماابيك تفكر يوم اني مغصوبة عليك..او حتى اني خذتك علشان فلوسك ومكانتك بالمجتمع لا..
فهد:انا متأكد انج ماخذتيني علشان هالسبب..
وديمة:وتأكد اني مب مغصوبة عليك..يمكن تلاحظ من اسلوبي..بس انا قلت لك في ستين شغلة في بالي..يمكن علشان جذي تشوفني اقصر معاك..
فهد:ممكن اعرف شنهي هالستين شغلة؟؟




وديمة:وايد اشياء يافهد..على بالك مرضي هذا يمر علي بسهولة..انا اتعب واايد..حتى لو صار لي جم سنة استخدم هالابر والادوية..ترى والله تعبت..خلاص احس اني بموت..
فهد:بسم الله عليج..وديمة..احنا اللي نتحكم بنفسنا مب المرض؟
وديمة:انت تقول هالكلام لأنك ماجربت..وان شاء الله ماتجرب..انا بعدني صغيرة..كل مابغيت شي اعرف انه ممنوع عني..وايد اشياء انحرمت منها بسبب مرضي هذا..
فهد:لا تفكرين بالاشياء اللي انت محرومة منها..فكري بالاشياء اللي تقدرين تسوينها..انت تقدرين تروحين الجامعة وتدرسين..تلعبين تكلمين بالتليفون متى مابغيتي..تسافرين..تزوجين..وايد اشياء ياوديمة بحياتج موجودة..بس انت ماتشوفينهم..شوفي الكوب من الصوب المليان مب من الصوب الفارغ..غيرج ياوديمة عندهم مصايب..وصحتهم ماتشيلهم..احنا لازم نحمد ربنا بكل حالاتنا..ترى مع نفسيتج هذي ماتقدرين تعيشين بسعادة..حتى المرض جذي بيزيد عليج..لازم انت اللي تتحكمين بتصرفاتج وصحتج..تدرين انا ايش سويت لج؟
وديمة:شنو؟
فهد:جبت لج أحسن طباخة تطبخ أكلات غربية وشعبية واللي تحبينه مع طريقة طبخ الاكل لمرضى السكر..وبتسوي لج كل شي بخاطرج..
وديمة:من صجك فهد؟؟
فهد:اكيد من صجي..انا لازم ادور على شي يريحج ويسعدج..
وديمة:يااااه..ماتوقعتك تفكر فيني لهالدرجة..
فهد:ليش ماني زوجج؟؟
وديمة:مشكور..
فهد:أسأل؟
وديمة(تبتسم):الظاهر اليوم كلها أسئلة..قول..
فهد(وهو يتأمل منظر المزرعة):ايش اعني لج؟
وديمة(انحرجت من هالسؤال وظلت ساكتة دقيقة)
فهد:اشوفج ساكتة..
وديمة(وهي تمشي):انت يافهد القوة اللي استمد منها..انت الامل اللي عايشة عليه..لطحت انا يافهد اعرف انك موجود وبتشلني ماراح تخليني طايحة..واذا تألمت اعرف اني مابقول آآي لأنك موجود معااي..
فهد(ابتسم واستانس)
وديمة:وانت يافهد..انا ايش اعني لك؟؟
فهد:انت ياوديمة..تعنين لي الكثير..صحيح ان مازال فيج روح الطفولة..بس انا احب هالشي فيج..كبرتي بعيني يوم عرفت انج ماتفكرين بالفلوس..في اشياء ثانية مهمة بحياتج..روحج الطيبة تعني لي الكثير..ابتسامتج هذي تشرح صدري..يوم اكلمج بالتليفون او اشوفج تجيني طاقة عجيبة..صحيح مرات ماتسمعين الكلام..بس ان شاء الله باجر بتعقلين وبتسمعين الكلام..
وديمة(بدلع):انا مااسمع الكلام؟
فهد:اي ووايد بعد..
وديمة:فهد..
فهد:آمري..
وديمة:باطلب منك طلب..واتمنى ماتردني..
فهد(وهو يفكر بهالطلب):آمري..شنو طلبج؟
وديمة:لصار لي شي ابيك تكون جنبي..ماابيك تتخلى عني..
فهد:ان شاء الله مو صاير لج الا كل خير..
يرن تليفون فهد...
فهد:ياهلا ومرحبا....وعليكم السلام...اخبارج؟....انا بخير الحمدلله...انت اشلونج وين ماتبينين..(وديمة تناظر فهد وهي مستغربة)...كلنا بخير....انت اخبارج؟.....واخبار الدراسة ويااج؟......حتى انا مشتاق.....بخير والله..(وديمة حطت في بالها انها خالته)...امج تقولي انها مشتاقة لج.....متى بتخلصون.....(وديمة ردت وتفكر كيف خالته وهو يقول امج..زادت الغيرة بقلبها وقررت تروح مسك يدها فهد وماخلاها)....امي مب جنبي......لا وين في الشركة انا بالعين......اي والله....ولاشي كنا معزومين على عرس واحد وجينا كلنا...واليوم عازمنا في مزرعته.......اي وياي.......ان شاء الله يوصل.....لا مب الحين يمكن عقب ثلاث شهور ان شاء الله.......الله يسمع منج.......ياللا عيل مع السلامة..
وديمة(وهي معصبة):فهد لو سمحت هد يدي..بروح..
فهد:وين؟
وديمة:شنو وين..بروح عند البنات..
فهد:انت معصبة صح؟
وديمة:وليش اعصب؟
فهد:وديمة..قولي لي..ليش انقلب مزاجج؟؟
وديمة:أسأل عمرك..من هذي اللي كنت تحاجيها..لاتقول خالتك..لأن من كلامك ماهي خالتك..
فهد:اي مب خالتي..
وديمة(عصبت بزود):نعم؟؟..وتقولها بعد..انا رايحة..
فهد(مسكها):وديمة..ايش قلنا احنا..ليش تزعلين وتعصبين..سأليني وانا بجاوبج..وتأكدي اني بقولج الصج..
وديمة:من هذي اللي كنت تكلمها..
فهد:هذي اختي..
وديمة(متفاجأة):نعم؟؟..أختك؟؟..فهد مااعرف ان لك اخت..
فهد(ابتسم):اول شي هدي اعصابج..وثاني شي عندج شك اني اكلم بنات؟؟
وديمة:......
فهد:وديمة تحجي..
وديمة:ماادري..
فهد:بريحج خلاص..اللي كنت اكلمها اختي..
وديمة(عصبت):فهد اشفيك..ليش تلعب بأعصابي؟!!
فهد:انزين انا قاعد اقولج الصج..هذي اختي بالرضاعة..
وديمة:شنو؟؟..اختك بالرضاعة؟؟..من متى وانا مااعرف؟؟
فهد:ماصارت سالفة اني اقولج..هذي اختي بالرضاعة...وهي مب صغيرة..أكبر عيالها عمره 16 سنة..وهي مالها ام ولا ابو..وهي وحيدة امها وابوها..(وديمة هدت اعصابها وصارت تسمع له بإنصات)..يوم ربت خالتي ماتت..وتمت بنتها عند خالتي كاملة..لأن امي كانت حامل فيني..وولدت انا عقب شهر...وامي خذت اختي تربيها عندها ورضعتها..وعاشت ويانا..مع ان خالتي كاملة قالت بتاخذها...لكن امي مارضت قالت انا الكبيرة وهم فيني ارضعها..وابوها اصلا ماكان بصحته..ماتم الا عشر سنين من عقب وفاة خالتي ومات الله يرحمه..مع انه عاش وحيد عقب وفاة خالتي الله يرحمها..وكان كل يوم يمر بيتنا علشان يشوف بنته..ويوم صار عمرها 14 سنة..تقدم لها واحد وتزوجت وهي صغيرة..وبس..
وديمة:وماكملت دراستها؟
فهد:بلا..عقب ماتزوجت ريلها ساعدها علشان تكمل دراستها..حتى انها خلصت بكالريوس..والحين قاعدة تدرس ماجستير وياريلها..
وديمة:ماشاء الله عليها..بس عمرك ماجبت لي طاريها..ولاعمري حتى سمعت ان لكم اخت بالرضاعة او خالة توفت..
فهد:لأنها مسافرة..وماصارت مناسبة اني اجيب طاريها..بعدين احنا يوم كنا جيرانكم كانت اختي متزوجة قبلها بكم شهر..
وديمة:ليش قبل وين كنتوا ساكنين؟
فهد:كنا ساكنين في منطقة ثانية جنب خالتي كاملة..
وديمة:ومتى بترد؟
فهد:يمكن على نهاية هالسمستر..بس ان شاء الله بتحضر عرسنا..اي سمعت من امي ان امس جااوج خطااب..
وديمة:يقولون..
فهد:الحمدلله انج من نصيبي..
وديمة(ابتسمت بخجل ومشت)
فهد:وين؟
وديمة:بروح عند عمتي..باجر بيسافرون وبشتاق لها..
فهد:وانتوا متى رايحين؟
وديمة:يمكن باجر..
فهد:انا بسافر الليلة..
وديمة:عيل اشوفك على خير..مع السلامة..
دشت عند الحريم وهي تراقب فهد من الدريشة...وصار قلبها يخفق من تشوفه..ماتوقعت ان فهد يحبها...
نجلاء:ودوم..ودوم ..
وديمة:هلا عمووه..
نجلاء:يتهنى اللي تفكرين فيه..الحين احنا جايبينكم المزرعة علشان تشوفين وجه السعد..
وديمة:ويي فديت وجه السعد..
شيخة(تطالع نجلاء مستغربين):شكله في تطور..
وديمة(استحت)
نجلاء:شوفيها استحت..مايندرى حبيب القلب شو قايلج..
وديمة:مايخصكم..
نجلاء:انزين الحين مايخصنا..بنشوف باجر..بس ريلي احلى من ريلج..
وديمة:كل واحد وذوقه يختلف..
شيخة:شوفوا ذولا بس..انت وياها..لاتصدقون روحكم..ترى ماكو احسن واحلى من ريلي فديته..انا على الاقل جربته ايام الملجة وعقب الملجة..وحتى بينا بيبي..انتوا توكم بعدكم على البر..
نجلاء(انقهرت):بر ولابحر..ريلي فديته ماكو مثله..لاتصدقين روحج بهالفارس..
وانتهت اللمة بوناسة وضحك وغشمرة وعشاء لذيذ...البعض منهم رد ليلتها والبعض رد السبت....والكل بدأ يشد حيله بالدراسة....اللي منهم ثانوية عامة..واللي منهم بالجامعة....مرة يدخل عبدالله البيت ومعاه اوراق امتحانات الميدتيرم....بعد السلام....
عبدالله:العنود يبه دخلي الاوراق الغرفة حطيهم على المكتب..
العنود:ان شاء الله..
ام عبدالله:اقول يمه عبدالله..
عبدالله:آمري يالغالية..
ام عبدالله:زوجتك احس فيها شي..بس ماتقول..
عبدالله:شي مثل شنو؟
ام عبدالله:احسها تعبانة وبالها مب ويانا..
خلود:انا بعد حسيت بهالشي..شكلها يبين انها تعبانة..
عبدالله(قام):بروح اشوفها..
وراح شافها طالعة من الغرفة....
عبدالله:دخلي الغرفة ابيج شوي..
دخلوا...
العنود:خير عبدالله..بروح ازهب لك الاكل..
عبدالله:انا ماابي آكل..ابي اعرف اشفيه وجهج..
العنود:اشفيه؟؟
عبدالله:ماادري..مصفر والسواد تحت عينج شنو؟؟
العنود:عاادي..
عبدالله:لا مب عادي..قومي لبسي عباتج خلني اوديج المستشفى..
العنود(قامت):ماله داعي انا بخير..بروح اجهز الاكل..
عبدالله(بصوت عالي):العنود..(وقفت)..انا اتكلم من صجي..لبسي عباتج وخلنا نروح..(قام)..انتظرج بالصالة..لاتأخرين..
العنود:انزين بس انت تعبان وتوك راد من الدوام..
عبدالله:مو مهم..اهم شي عندي صحتج..ياللا بسرعة..
وراح الصالة....
ام عبدالله:طمنا..
عبدالله:بوديها المستشفى..اقول يمه..خل الخدامة تغسل الدلال..
ام عبدالله:ان شاء الله..شربت منهم؟
عبدالله:اليوم واحد من الطلبة جاني علشان اشرح له شي..شربته الكرك..شنو استخف..قالي احلى كرك..
ام عبدالله:عليكم بالعافية..
جات العنود...
عبدالله:جهزتي؟
العنود:أي..
عبدالله:ياللا عيل مشينا..مع السلامة..
الجميع:مع السلامة..
ام عبدالله:لاتسكر تليفونك علشان تطمنا..
عبدالله:ان شاء الله..
ام عبدالله:في حفظ الله..في حفظ الله ياولدي..
في بيت بوسلمان...
ام سلمان:ليلى يمه روحي شوفي وديمة شتسوي..
ليلى:ايش تبين فيها يمه..اللي تبينه انا بساعدج فيه..
ام سلمان:انت حامل ومافيج شده..
ليلى:لاتحاتين انا بخير..وديمة من يوم يومها وهي مشغولة بدراستها..عيل حمد وينه بالجامعة؟
ام سلمان:ماادري عنه..يمكن طلع عند ربعه بعد..
بالسيارة....
عبدالله:العنود..يوم انج تعبانة وحاسة بشي..ليش ماتقولين لي؟؟
العنود:ماابي العوزك..
عبدالله:شنو ماابي العوزك..انت زوجتي وانا زوجج..لازم تقولين لي اللي تحسين فيه..انا ابيج تساعديني مب تخشين علي هالاشياء..ولا تستحين مني؟
العنود:الله يخليك لي..
عبدالله:مافي موقف بعد..
العنود:اكو هناك في موقف..
عبدالله:زين الحمدلله..
وديمة من ردت من الجامعة وهي راقدة..حاسه بصداع شديد...تيي اختها مريم وتفتح الليتات...
مريم:وديمة قومي صلي المغرب..الدنيا ظلمت..
وديمة:مريوم سكي الليتات..
مريم:ماتبين تصلين؟
وديمة:بصلي بس سكي الليت..
مريم(سكت الليتات):كيفج..(سكرت الباب وراحت)
وديمة حاسه بتعب شديد..فتحت الابجورة وحاولت تشيل عمرها من على السرير بالغصب..حاسه بدوخة تمشي وهي كل شوي تمسك شي علشان ماتطيح..لين ماوصلت الحمام علشان توضى...عقب ماطلعت...راحت وقعدت على السجادة وتصلي المغرب وهي تعبااانة..عقب ماخلصت...تمت قاعدة وهي منزلة راسها...تييها ليلى..وتفتح الليتات...
ليلى:كنت راقدة؟
وديمة(بتعب):أي..
ليلى:وانا اقول حق امي اكيد تدرسين..
وديمة:وين ادرس طول الثلاث اسابيع اللي راحوا وانا ادرس..تعبت..
ليلى:يعطيج العافية..قومي بدلي ونزلي..كلهم تحت..
وديمة:عمتي ام فيصل جات؟
ليلى:أي جات..وشيخة جايه بالدرب..قومي لبسي..
وديمة(بتعب):اوكي..
ليلى:ودوم اشفيج؟؟ تعبانة؟
وديمة(بخوف):لالا..بس لأني توني قاعدة من النوم..سكي الباب وراج..
حاولت تقوم بالغصب..راحت تبدل ملابسها...وهي تفكر...
وديمة:لو قلت لهم تعبانة وابي اناام..الكل بيحاتيني وبيعرفون اني تعبانة..ولو نزلت تحت وانا بهالحالة اخاف يصير لي شي..ماادري شسوي..واخاف اخذ شي ويزيد الطين بله..خلني اروح اشوف السكر كم عندي واصل..
وراحت تقيس...شافت نازل عندها السكر...
وديمة:وييه الله ياستر..اخاف يصير لي شي..لا ان شاء الله مو صاير شي..خلني احاول البس وانزل..
قعدت على كرسي التسريحة وهي تعدل شعرها بكسل وتعب...يرن تليفونها...
وديمة:آآلو..
فهد:مساء الخير..
وديمة:مساء النور..
فهد:قعدتي من النوم؟
وديمة:أي قعدت..
فهد:انشغلت شوي ونسيت اقعدج..
وديمة:لا عادي..
فهد:اشفيه صوتج؟
وديمة:ولاشي توني قاعدة من النوم..مب جاي اليوم؟
فهد:قلت حق ابوج مااقدر..عندي شغل لين الساعة 9ونص..انت وينج؟
وديمة:بداري قاعدة اتزهب..
فهد:انزين اخليج تزهبين..انا بعد بروح عندي شغل..مع السلامة..
وديمة:مع السلامة..(حست انها بدت تعرق وبردانه حاولت تقوم خذت تليفونها وطلعت من غرفتها)
نزلت تحت بتعب...وخايفة بس حد ينتبه عليها...راحت صوب الحريم وحمدت ربها ان ابوها ماشافها...سلمت عليهم وقعدت على طول....
ام فيصل:وديمة يمه اشفيج؟
وديمة:مافيني شي..بس كنت راقدة..
اسماء:شكلج تعبانة ولا بردانه؟
وديمة:هاا..اي بلا..شوي بردانه كنت مشغلة المكيف بالغرفة..واحس بالبرد شوي..اخبارج شيخة؟
شيخة:انا بخير..شكلج كلش مو طبيعي..فيج شي؟
وديمة:لا..اشفيكم علي..انا بخير..
ام سلمان(تيي وتقعد):حيالله من جانا..
ام فيصل:الله يحيج..تعبناكم..
ام سلمان:تعبكم راحة..والله اني استانس على هاللمة..يمه وين عيسى؟
الجدة:عيسى قال بيتأخر شوي..انتوا تعشوا ماعليكم منه..
ام فيصل:من عازمين من الرياييل؟
ام سلمان:عبدالرحمن عازم ربعه بالمستشفى..
ام فيصل:ليش؟
ام سلمان:يقول من زمان ماعزمتهم..ودام عندنا عزيمة اييبهم..(قامت)..عيل قومي وديمة ساعديني..
اسماء(قامت):خليني اساعدج عمتي..
قامت وديمة بالغصب وهي حاسه برجفة بجسمها وتعب...وحاولت تساعدهم شوي..وعقب راحت تقعد ماقدرت...وقعدوا كلهم ياكلون...لكن وديمة ماقدرت تاكل عدل..
ليلى:ودوم ليش ماتاكلين؟
وديمة:هاا..قاعدة آكل..
شيخة:كل هذا من الامتحان ولاتفكرين..ان شاء الله بتاخذين درجة زينة..
وديمة:ولامهتمه..غصب بيعطيني درجة زينة..
عقب ماتعشوا...قعدوا علشان ياكلون الحلو ويشربون الشاي...
ام سلمان:قومي يمه وديمة صبي الشاي..
وديمة(تمنت لو طلبتها من ليلى لكنها قامت):ان شاء الله ماما..(وصارت تصب وهي دايخة حدها)..ماما وين السكر؟
ام سلمان:شكلها الخدامة نسته..روحي جيبيه..
وديمة:اوكي..
راحت تجيب السكر....بعد ماجات طاح من يدها الملعقة..دنعت تجيبه..ويوم بغت تقوم حست بدوخة قوية لدرجة ماقدرت تركز هي وين ومن جدامها..طاح السكر من يدها وانكسر...والكل يسمع صوت شي انكسر ويقومون...الا يشوفون وديمة طايحة على الارض...الكل يلتم حولها.....
ام سلمان:وديمة..(تضرب على وجهها تحاول تقعدها)...وديمة يمه قومي..وديمة..ليلى نادي ابوج بسرعة..
والكل يحاول يقعدها ويكتون عليها ماي..لكن ماتقوم..
يطلع خالد من المجلس وهو مبتسم....
خالد:هلا هلا وال......
ليلى(تقاطعه):خالد الحق علينا..وديمة(تاخذ نفسها)
خالد(تخرع):اشفيها؟؟
ليلى:اغمى عليها وهي طايحة علينا وماتقوم..ناد ابوي بسرعة..
خالد:زين زين..سوي لنا درب..
وراح ناد ابوه..وحاول يقعدها...لكنها ماتقوم...
بوسلمان:ناد دكتور راشد خله يي..وانتوا الحريم دشوا داخل بسرعة..
وراح خالد وناد راشد...ودش راشد وحاول لكنه قال....
راشد:احنا محتاجين ابره الجلوكاجون..لازم تتصل بالاسعاف فورا بدون أي تأخير..
بوسلمان(اتصل بالاسعاف)
راشد:عطني التليفون انا بكلمهم..
وخلال ساعة الا ربع صارت وديمة بالمستشفى...ودخل راشد وياهم داخل...وتم بوسلمان برع مع كل من كان بالعزيمة...
بوفيصل:هدي بالك يابوسلمان..ان شاء الله ماعليها شر..
بوسلمان:شكلها كانت وايد تعبانة..الله ياستر..
راح خالد وجاب لهم مااي...
خالد:يمه شربي هالماي..مب زين تسوين بعمرج جذي..
ام فيصل:أي ياام سلمان..شربي الماي وهدي بالج..وادعي الله يقومها بالسلامة..وديمة قوية وبتقوم ان شاء الله..
وتموا ينتظرون راشد يطلع...لكن بعده..بس الممرضات يطلعون ويدشون....
في الشركة....يدخل راكان مكتب فهد...يحصله يضحك وهو يسولف في التليفون....
راكان:من تحاجي؟
فهد:هذا غانم..
راكان:انزين سك التليفون ابيك بسالفة..
فهد:شنو؟
راكان:انت سك التليفون..
فهد:غانم بسكر...ماادري راكان يبيني..اوكي....مع السلامة...خير؟
راكان:خلصت شغلك؟
فهد:يعني تقريبا..وانت؟
راكان:انا خلصت..
فهد:ابوي رد البيت؟
راكان:أي من ربع ساعة طلع..
فهد:انزين قول ايش بغيت؟
راكان(متردد):تعرف ان....ان زوجتك بالمستشفى؟؟
فهد(مو مستوعب):نعم؟؟..ايش قلت؟؟
راكان:هدي بالاول..زوجتك تعبانة وودوها المستشفى..
فهد(قام):من متى؟؟
راكان:ماادري..بس هذا اللي عرفته..
فهد:انت من وين دريت؟؟
راكان:سلمان اتصل فيني..وقالي ان كلهم بالمستشفى..وخبرني علشان اقولك..
فهد(مشى)
راكان:وين؟؟
فهد:تبيني اقعد شسوي؟..بروح اشوفها..
راكان:انزين اصبر..انا بسوق عنك..
ومشوا...في الطواري.....يطلع راشد....
بوسلمان(والحزن بوجهه):دكتور طمني تكفى طمني..
راشد:الحمدلله..هي بخير..السكر كان نازل عندها وااايد..الحمدلله لحقنا عليها بالوقت المناسب..
بوسلمان:يعني هي بخير؟؟
راشد:تطمن يادكتور..وديمة بخير..
بوسلمان:ابي اشوفها..
راشد:مب الحين..خلوها ترتاح..
بوفيصل:يابوسلمان..قول للحريم يروحون البيت..الحمدلله البنت وتطمنا عليها..
بوسلمان:سلمان انت ردهم البيت..انا بتم هني..
سلمان:اللي تشوفه يبه..
عند الحريم....
سلمان:ياللا يمه..
ام سلمان:ماني رايحة مكان..ابي اشوف بنتي بالاول..
سلمان:يايمه يقولون مايصير تشوفونها الحين..ردي البيت وباجر الصبح ان شاء الله تعالي وتطمني عليها..
خالد:ياللا يمه..
وتحركوا جميع علشان يردون البيت...وتم خالد وياابوه...شوي الا يوصل فهد ومعاه راكان...
فهد:وديمة وين؟؟
خالد:داخل..
فهد:وين ابي اشوفها؟؟
خالد:مايصير..الدكتور يقولي مب الحين..
فهد:أي دكتور هذا؟
خالد:دكتور راشد..
فهد:وينه؟؟
خالد:مااعرف..طلع من عندها ورااح..
فهد(طلع تليفونه واتصل فيه)
وراح له..وقعدوا يتكلمون....
راشد:فهد اشفيك؟؟
فهد:دكتور شنو اشفيني..انت ساكت..انزين تكلم قولي..وديمة اشفيها؟؟
راشد:وديمة بخير..السكر كان نازل عندها واايد..والحمدلله وصلت بالوقت المناسب..وهي الحين بخير..تطمن..
فهد:من شنو السكر نزل عندها؟؟
راشد:من شنو يافهد..تسألني؟؟..لازم هالشي تعرفونه بنفسكم..وديمة ان كانت صغيرة وماتفكر بصحتها فأنتوا المفروض تفكرون في صحتها..وماتخلونها بكيفها..انت قولي..متى آخر مرة راحت المستشفى تجيك على عمرها..قول..
فهد:ماادري..
راشد:شفت..وتبي السكر ماينزل عندها..على العموم لنا حجي بس مب الحين..روح ريح وباجر تعال شوفها..
فهد:مايصير اشوفها؟
راشد:لا..
فهد:بس ابوها واخوها موجودين..
راشد:ولاحد وجوده له اهمية..انا باجي معاك وبقولهم يردون البيت..
وراحوا لهم...
بوسلمان:مااقدر يادكتور..ابي اشوفها..
راشد:تبي نصيحتي..لاتشوفها الحين..خلها ترتاح..وانت بعد ارتاح..الحمدلله عدت الازمة على خير..رد البيت وريح وباجر ان شاء الله تعال شوفها..وانت بعد ياخالد روح وياابوك..
خالد:احنا مامعانا سيارة..
راكان:افا عليك ياخالد..سيارتي موجودة..انا بوصلكم..ياللا تفضلوا..
بوسلمان:وانت دكتور؟
راشد:انا بتم شوي وعقب برد البيت..انتوا روحوا..
وتم فارس في الحديقة ينتظر راشد يدخل البيت...ويوم صارت الساعة 12 الا ربع..دخلت سيارة راشد...وصف سيارته بالموقف...وراح له فارس.....
فارس:هاابشر ياراشد..
راشد:الحمدلله حاليا حالتها مستقرة..روح ارقد..
فارس:راشد..
راشد(وقف)
فارس:راشد اشفيك؟؟..من وقت ماكنا بالمستشفى وانت متضايق وزعلان..البنت فيها شي؟؟
راشد:لا..البنت بخير..
فارس:عيل اشفيك؟؟
راشد:مافيني الا العافية..
فارس:راشد..صحيح انك تسمع مشاكلنا وتحلها لنا..بس ترى احنا مب انانيين..كلنا لك..نسمعك ونداوي جروحك مثل ماانت تسوي..راشد..ابد لاتحس يوم ان مالك حد يسمعك..انت اخونا وكل شي بحياتنا..وانت عارف غلاتك ومكانتك بقلوبنا..تكفى قول اللي بخاطرك..
راشد:مااعرف شاقولك يافارس..متضايق وايد..مرات احس اني طبيب فاشل..وماانفع اني استمر بمهنتي..
فارس:انت فاشل!!..انت ياراشد!!..ليش تقول هالكلام؟؟
راشد:خلنا نقعد..



نجلاء تزوجت الشخص اللي كانت تمناه..

علاقة فهد ووديمة تغيرت عن قبل

ياترى هل بتستمر على هالطريقة؟؟

او ممكن يصير شي جديد؟

وديمة تعبت عليهم..وهي بالمستشفى..

بتعدي الازمة..بس ياترى شنو اللي ينتظرها بعد هالازمة؟؟

ودكتور راشد ليش ذكر انه دكتور فاشل؟؟

تابعوني بأحداث جدا شيقة خاصة الفصلين القادمين..

انتظروني



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 70
قديم(ـة) 30-12-2013, 11:04 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
 
الافتراضي رد: حياة ملونه الكاتبة / أميرة الوهج


" فصل الـ34 "





وقعدوا....
راشد:يوم اشوف ان حد من مرضاي..ماهو قادر يسمعني ولايهتم بصحته ايش تبيني اقول؟؟
فارس:تقصد بنت الدكتور عبدالرحمن؟
راشد:أي..حاولت معاها بكم جلسة انها تعدي هالحاجز اللي هو خوفها..لكن ابد مانجحت معاها..حاولت آخذ واعطي معاها..بس علشان تتأثر وتغير رايها..وترضى بالامر الواقع..كل فترة اكتشف ان اللي تسمعه ولاشي..احس انها قاعدة تقضي على عمرها..بنت بعمر الورد..وعلى وجه زواج..كيف تقدر تعيش بهالطريقة..باجر كيف بتحمل كيف بتهتم بعيالها اذا هي ماتهتم بصحتها..
فارس:بس ياراشد..هي حالة وحده من كل الحالات اللي جاتك وماتسمع لك..مو معناته انك فاشل..
راشد:حتى هالشخص الواحد..ابيه يقضي على الحاجز اللي هو فيه..
فارس:راشد..فكر في الناس اللي انت ساعدتهم وقويت من شخصيتهم وهم كانوا مرضى بأمراض اكبر من السكري..وايد مرضى من مرضاك..استمروا بحياتهم عقب مايأسوا..وانت شايفهم حولك وعارفهم..فكر في هالناس اللي قدرت تأثر فيهم..
راشد:تدري يافارس..عقب ماخذنا كورسات العلاقة بين الطبيب والمريض حبيت مهنتي واايد..بس يوم شفت اني ماقدرت على هالمريضة..حسيت اني مازلت محتاج اخذ كورسات ثانية..حسيت اني ليحين مااعرف شي..
فارس:انت ياراشد مب فاشل..انت انجح طبيب انا شفته..انت ناجح بأخلاقك ومهنتك..ولا ماوصلت انك تكون رئيس اطباء قسمنا..انت ياراشد كبيير وكبيير وايد..ووايد من الناس يدعون لك بظهر الغيب..بعدين بنت الدكتور عبدالرحمن..غلطة اهلها..اهلها وايد مرخيين معاها على الاخر..مخليينها على كيفها..يعني انا مستغرب كيف يخلونها على كيفها..مايعرفون ان هذا السكري..لو مااهتموا فيه من البداية البنت بتروح فيها..لو في حد بحياتها يشد عليها صدقني ماوصلت حالتها لهالمرحلة..
راشد:هذي غلطتي يافارس..
فارس:وانت شيخصك؟؟
راشد:انا اللي قلت حق الدكتور عبدالرحمن انه يرخي شوي مع بنته..ولايشد معاها علشان ماتحس انها غير عن العالم..
فارس:بس هو رخى وايد..خلاها على كيفها..ولامعقولة صار لها شهرين مامودينها المستشفى..كيف ماانتبهوا عليها؟؟
راشد:الله يقومها بالسلامة..ويشافيها..بس انا خلاص دام فشلت معاها..ماعاد لي فايدة..اعتقدت في البداية اني اقدر انجح معاها..بس الحين خلاص..ماراح استلم حالتها..وانت قوم يافارس..قوم روح ارقد..الوقت تأخر..اكيد زوجتك تنتظرك..(قام)..تصبح على خير..
فارس(قام):وانت من هله..
دخل فارس غرفتهم...حصل شيخة قاعدة وراشد بحضنها....
فارس:مارقد؟
شيخة:لا..
فارس(قعد)
شيخة:شفت راشد؟
فارس:أي شفته..
شيخة:وايش قالك؟
فارس:قالي الحمدلله حالتها استقرت..
شيخة:الحمدلله..(راشد يصيح)..بس ماما بس..وبعد ماقالك شي؟
فارس:بلا..
شيخة:شنو..اشفيك سكت؟
فارس:يقول خلاص مايبي يستلم ملف بنت خالج..
شيخة(مستغربة):ليش؟؟
فارس:يقول الظاهر انه مب دكتور ناجح بعينها..ولا ليش ماتسمع الكلام..شيخة انا بقولج الصراحة..كيف بنت خالج ماحسيت بالتعب اللي هي فيه..يوم هي تعبانة ليش ماتتكلم..ليش تنتظر يصير فيها شي؟؟
عقب مالكل رقد وتطمن..وديمة ودوها غرفتها....تقوم الصبح...ماتحصل حد حولها..تدق الجرس....تييها الممرضة...
الممرضة:حمدلله على السلامة..
وديمة:الله يسلمج..ماكو حد عندي؟
الممرضة:لا..توهم من ساعتين جابوج هني عندنا..
وديمة:اهلي يدرون؟
الممرضة:خبرناهم..
وديمة:الساعة جم؟
الممرضة:الساعة صارت خمس ونص..
وديمة:انزين ابي اصلي الفجر..
الممرضة:اوكي تبين اساعدج؟
وديمة:ياليت..
الصبح الساعة 7ونص..راشد يروح بيت ابوه...ويحب روسهم ويقعد وياهم...وعقب تدخل الجوهرة وتسلم عليهم.....
ام راشد:ام عيسى خبري الخدامة خلها تزهب الريوق..
الجوهرة(تقوم):ان شاء الله..
بوراشد:اشلونها بنت عبدالرحمن؟
راشد:الحمدلله بخير..بروح عقب شوي المستشفى..
في بيت بوفهد...وهم يتريقون الساعة 8 وربع.....




ام فهد:يعني البنت بتم على طول جذي..تتعب بين فترة وفترة؟؟
بوفهد:الله يقومها بالسلامة وتشافى..
ام فهد:وين تشافى..عمرك سمعت حد يتشافى من مرض السكري؟؟..بعدين كيف تقدر تحمل باجر وهي جذي كل فترة تتعب؟
فهد(ماعجبه الكلام هد الاكل وقام)
بوفهد:وين؟
فهد:بروح ابدل واروح المستشفى..عن اذنكم..
بوفهد:هذا حجي تقولينه..الله يهداج بس.هذا ولدج..
ام فهد:ابي يكون حظه هالمرة احسن..متزوج وحده مريضة..فهد لازم ياخذ وحده تريحه عقب هاالانتظار..مب وحده هو يراكض على راحتها..
بوفهد:ياام فهد..اذا اثنين يحبون بعض..ولاشي بيوقف بدربهم..لامرض ولاشي ثاني..هو مرتاح ولااشتكى لنا..خليه على كيفه..
ام فهد:هو ماراح يتكلم..يخاف يقولنا ونقوله ان هذا ذوقك..
بوفهد:اشوف يوم كنا بالامارات كنت تقولين ان الحمدلله ان هالبنت من نصيبنا..ولا قلتيه علشان شفتي الحريم يتراكضون يعرفون من بنته علشان يخطبونها؟
ام فهد:لاتلومني يابوفهد..فهد البجر..واتمنى اشوفه معرس ومستانس بحياته..واشوف عياله..فهد المفروض يكون عنده ولد عمره 8 سنوات..
في المستشفى....وهم حولها...تتدخل الممرضة....
الممرضة:دكتور عبدالرحمن..
بوسلمان:نعم؟
الممرضة:دكتور راشد برع يبي يشوفك..
بوسلمان:ياللا جاي..بروح اشوف الدكتور ايش يبي..وابي ارد اشوفج متريقة..زين؟
وديمة:اوكي..
وبعد ماسلم عليه....
راشد:اشلونها اليوم؟
بوسلمان:الحمدلله..شكلها اليوم وايد احسن من امس..
راشد:الحمدلله..
بوسلمان:مشكور يادكتور..ماقصرت ويانا..
راشد:هذا واجبي يادكتور عبدالرحمن..انا جاي اتطمن عليها..وهم ابي اكلمك بموضوع..
بوسلمان:تبي تدخل؟
راشد:لالا..خلاص تطمنت عليها من كلامك وكلام الممرضات..انا جاي اتكلم معاك بخصوص بنتك..
بوسلمان:خير دكتور..وديمة فيها شي؟
راشد:لا..وديمة بخير الحمدلله..وحالتها مستقرة..بس يادكتور عبدالرحمن..انت وايد مرخي معاها..مخليها على الاخر بكيفها..مايصير..انت تدري ان مرضها حساس جدا ويبيله مداراة طول اليوم..فكيف بشهرين؟؟...انت تدري لو مالحقنا عليها بالاونة الاخيرة..كانت بدش بغيبوبة سكر..احنا نبي حالتها تتحسن..مانبي يصير اهمال..انها تقيس السكر في البيت هذا مايكفي..تاخذ الانسولين ولا الادوية هذا مايكفي..لازم تراجع الدكتور..انت تدري أي اهمال بالسكر ايش ممكن يصير..انت دكتور وعارف أي مضاعفات ممكن تصير..كل شي في الجسم ممكن يتأثر بسبب السكري..
بوسلمان:انا عارف..وعارف اني انشغلت عنها الفترة اللي راحت..مع اني كنت اتأكد انها تاخذ الابر والادوية أول بأول..
راشد:يادكتور عبدالرحمن..هذا مايكفي..وديمة يبي لها قعدة..حد ياخذ ويعطي معاها علشان تقتنع ان السكري واقع بحياتها ولامحالة للتغيير..لازم تتعايش معاه وتتعود عليه..لازم تكسر حاجز الخوف اللي عايشه فيه..لازم يادكتور..صدقني اذا ماتغيرت حالتها بتسوء..لاتحسب اني ابي اخوفك..لا..بس انا بعد خايف عليها..اكتشفت اني مااصلح اكون دكتور لوديمة..انا بنسحب عن علاجها..وحاولت ادور لها على بديل..وكلمت دكتور رامي..هو دكتور متخصص بالسكري..ويقدر يساعدكم..
بوسلمان:ليش دكتور..بدر منا شي؟؟
راشد:لا..بالعكس..انا سعيد جدا بتعرفي عليكم..بس شكلها وديمة مارحبت بالعلاج معاي..وانا ماابي اكون سبب في سوء حالتها..وانا جاي اليوم بس علشان اتطمن عليها واكلمك بهالموضوع..واتمنى من الله ان يشافيها..واشوفكم على خير..تامرني بشي؟
بوسلمان:مشكور يادكتور..ماقصرت معانا..رايتك بيضة..وبإذن الله راح احاول اني اغير طريقتي معاها..وسامحنا ان بدر منا شي..
دخل بوسلمان غرفة وديمة....
ام سلمان:وين الدكتور؟
بوسلمان:راح..
ام سلمان:غريبة ليش مادش يتطمن على وديمة؟
بوسلمان:دكتورها ليحين ماجى..لجى بيدخل..
ام سلمان:مو توها الممرضة تقولك دكتور راشد يبيك؟
بوسلمان:الدكتور راشد قال خلاص مايبي اعالج وديمة..
وديمة(مستغربة):ليش؟؟
بوسلمان:يقول الظاهر اني مااصلح اكون دكتورها ولااقدر اساعدها بالعلاج..فشاف لنا دكتور ثاني..
وديمة(تضايقت من الكلام وظلت ساكته)
يندق الباب...ويروح بوسلمان....ويسلم على فهد ويتغطون البنات ويروح فهد يسلم على وديمة...يقعد....
فهد:اشلونج اليوم؟
وديمة:زينة..
فهد:احسن من امس؟
وديمة:أي..
فهد:مر عليج الدكتور؟
وديمة:لا..
فهد:ليش؟
وديمة:ماادري..
فهد:تريقتي؟
وديمة:أي..
فهد:اشفيج ليحين تعبانة؟
وديمة:أي شوي..
فهد:انزين نامي..
وديمة:ماابي..فهد بسألك سؤال..
فهد:سألي..
ام سلمان:يمه وديمة احنا بنروح نودي خواتج البيت واجيب لج شوية اغراض وبنييج..انزين؟
وديمة:بس لاتأخرون..
ام سلمان:من عيوني..تبين شي؟
فهد:أي خالتي..جيبي تليفونها..
ام سلمان:ان شاء الله..مع السلامة..
الجميع:مع السلامة..
فهد:سألي..
وديمة:لا خلاص ولاشي..
فهد:يعني شنو خلاص..قولي اشوف..شنو سؤالج؟
وديمة:ليش الدكتور راشد قال هالكلام؟؟(بدت تصيح)
فهد(مستغرب):ليش ايش قال؟؟
وديمة:ماتعرف؟
فهد:لا..وديمة..كم مرة قايلج ماابيج تصيحين..قولي ..
وديمة(تمسح دموعها):قال حق ابوي انه خلاص مايبي يعالجني..وقال انه مايصلح يكون دكتوري..ليش انا ايش سويت؟؟(تصيح)
فهد(عطاها فاين تمسح دموعها):انا بعد ياوديمة..
وديمة:انت شنو؟؟
فهد:انا بعد زعلان..وزعلان واايد بعد..
وديمة:انا ايش سويت..ليش كلكم زعلانين مني..حتى خالد ماجى يتطمن علي لهالوقت..مو من عادته..اذا صار لي شي على طول يجي..انا ايش سويت لكم؟؟
فهد:اللي صار لج هذا ياوديمة..شتسمينه؟؟
وديمة:تعتقد انا احب اتعب ويغمى علي وادخل المستشفى ويعطوني ابر واتم عندهم بالايام..قولي من يحب؟؟
فهد:بس ياوديمة..هذا الش ي يدج انت..مو غيرج..
وديمة:فهد انت ايش قاعد تقول؟؟
فهد:وديمة..انت ماوعدتيني انج بتروحين المستشفى؟؟
وديمة:بس انا كنت مشغولة بالدراسة..وانت عارف الامتحانات..
فهد:هذا مو عذر..قبل لتبدأ امتحانتج كان المفروض تروحين..انا مااعرف الدكتور ايش قالج وليش قال..بس انت ماتهتمين بصحتج..وانا بصراحة متضايق انج خليتنا نغفل عنج بامتحاناتج..
وديمة(تصيح)
فهد(طلع تليفونه وشغل على القرآن علشان تسمع وتهدأ وحط التليفون على الطاولة وظل ساكت)
وديمة ظلت تسمع القرآن هدت شوي..وحست انها تبي ترقد...سكت عيونها...وحست بجو مريح....لين ماحس فهد انها راقدة...سك التليفون وحطاه بمخباته وبغى يروح....
وديمة:فهد..
فهد(وقف)
وديمة:وين بتروح؟
فهد:توقعتج راقدة..بروح الصلاة..ناسية ان اليوم جمعة..
وديمة:وانا؟
فهد:بحاول امرج بالليل..مع السلامة..
وراح...وديمة تضايقت...خذت التليفون واتصلت....
في بيت بوفيصل....يرن تليفون البيت ترد ام فيصل.....
ام فيصل:وعليكم السلام......هلا والله بوديمة....اخبارج يمه؟......اشلونج ان شاء الله احسن؟.....الحمدلله....اي شيخة عندي لحظة...شيخة يمه هذي وديمة..
شيخة:صج وديمة..عطيني...آلو..
وديمة:شيخة..تعالي لي المستشفى ابيج..
شيخة:فيج شي؟
وديمة:تعبانة نفسيا..تكفين تعالي..
شيخة:في حد عندج؟
وديمة:لا..
شيخة:عيل وين امج؟
وديمة:راحت البيت تجيب لي اغراض..تكفين تعالي انت..واتصلي في امي ماتجي..
شيخة:خلاص الحين بييج..مع السلامة..
ام فيصل:خير اشفيها وديمة؟
شيخة:ماادري شكلها متضايقة..يمه انا بهد راشد عندكم..وبروح لها..
ام فيصل:من بيوديج؟
شيخة:بروح بسيارتي..
ام فيصل:انت ناسية ان ريلج قالج ماتسوقين..
شيخة:يايمه هالحزة الشوارع فاضية..بعدين وديمة تبيني بشي ضروري..بتصل فيه وبقوله..بس بالاول اتصل في مرت خالي..
بعد ماطلعت الممرضة من عند وديمة....دخلت شيخة وسلمت عليها...وشافت الحزن بعين وديمة.....
شيخة:اشفيج ودوم؟
وديمة(دموعها نازلة):ليش محد يحبني؟؟
شيخة:بسم الله عليج..ومن اللي قالج محد يحبج؟؟
وديمة:.......
شيخة:ودوم حبي..تكملي..ترى انا جايه علشان خاطرج..حتى ريلي مايدري اني جايه بالسيارة..قولي ..
وديمة:فهد زعلان مني..وخالد بعد..حتى الدكتور راشد..قال خلاص مايبي يعالجني..
شيخة:من اللي قالج عن الدكتور راشد؟
وديمة:ابوي..
شيخة:انا دريت بهالسالفة امس..
وديمة:تعرفين؟
شيخة:أي..
وديمة:قولي لي انت انا ايش سويت؟؟
شيخة:انت ماتدرين ايش كثر حالتج اثرت في الدكتور راشد..وايد تضايق انه ماقدر يساعدج..وقال انه مايصلح يكون الدكتور اللي يعالجج..ويقول بعد انه حاول وايد وياج علشان يكسر حاجز الخوف اللي عندج لكن انت رفضتي..وصرتي ماتروحين المواعيد..وهالشي أثر على صحتج..
وديمة:يعني شسوي؟؟
شيخة:تبين الصج ياوديمة..راشد معاه حق..انت اللي سويتي بعمرج جذي..انت لو تهتمين بصحتج صدقني مابيصير معاج مثل ماصار لج..
وديمة:شيخة انا تعبت..تعبت ..
شيخة:ادري..والله ادري وحاسه فيج..بس لازم تعودين مع هالمرض..خلاص صار هالمرض منج..بعدين حمدي ربج ياوديمة..مع هالمرض تقدرين تمارسين حياتج طبيعية..اللهم الابر والادوية..غيرج فيهم امراض الله ياحافظ..لايقدرون ياكلون عدل ولايقدرون يمشون او يمارسون حياتهم..انت في خاطرج شي تسوينه..ماشاء الله ماعليج قاصر..كلها بس جم اكله ولا شي ممنوع عليج ولا ابره تعورين منها تسوين سالفة..حتى ريلج ماشاء الله عليه ماقصر..جاب لج طباخة تسوي لج اللي بخاطرج مع مراعاة بصحتج..هذا معناته يحبج..انت ليش ماتحبينه..
وديمة:ومن اللي قال انج اني مااحبه؟
شيخة:حركاتج..انت لو تهتمين بصحتج..وتصيرين قوية..صدقيني فهد بيستانس عليج اكثر..باجر انت بيكون وراج ريل وبيت ومسؤولية..وعقب بتفكرون في البيبي..كيف بتربين عيالج؟؟..لازم تصيرين قوية..وديمة فكري بحياتج من كل جوانبها..لاتفكرين بجانب انج مريضة..في ناس ياوديمة فيهم السرطان الله يحفظنا..ومستمرين بحياتهم وهم عارفين انهم بيموتون يوم..لكن عادي..يسوون اللي يبونه..ليش نوقف..ليش مانستمر؟؟
وديمة:ماادري..لهالدرجة انا ضعيفة..وانا اللي وصلت نفسي لهالحالة؟؟
شيخة:صدقيني ياوديمة..لو قضيتي على الخوف اللي بقلبج..وايد اشياء بتتغير بحياتج..تبين فهد يروح عنج؟؟
وديمة:نعم؟؟
شيخة:وايد بنات يتمنون فهد يكون من نصيبهم..انت جاج واحد ماشاء الله عليه..جمال واخلاق ومال ونسب..كل شي فيه ماشاء الله..تبين يروح من ايدينج؟؟..لازم تهتمين بصحتج وتحسسينه انج انت غير..انج قوية..خله يحس ان له زوجه..
وديمة(صارت تفكر بكلام شيخة)
شيخة:صدقيني ياوديمة..لو مااهتميتي فيه تراه بيروح عنج..الريال يدور على وحده تهتم فيه وتداريه..شفتي كيف الام تهتم بالبيبي؟..الريال جذي..كل مااهتميتي فيه وحسستيه بأهميته يحبج اكثر ويتعلق فيج اكثر..
وديمة:انزين علميني شسوي؟؟
باجر الصبح....بوسلمان كان عند بنته عقب ماطلع من عندها الدكتور....
وديمة:بابا..وين الدكتور راشد؟
بوسلمان:دكتور راشد قال خلاص مايبي يستلم حالتج..
وديمة:بس بابا هو كان احسن دكتور كنت اراجع عنده..
بوسلمان:يوم هو احسن دكتور ليش ماكنت تسمعين كلامه؟
وديمة:بابا انت تعرفني..انا مااحب المستشفيات ولا الدكاترة..
بوسلمان:وهالمرة شنو؟
وديمة:بابا عطني فرصة..عطوني فرصة اقدر اتغير فيها..ابيكم تساعدوني مب تسدون الباب بوجهي..
بوسلمان:بس دكتور راشد محد..
وديمة:وينه؟
بوسلمان:ماخذ اجازة من المستشفى ..
وديمة:انزين ودني عيادته..
بوسلمان:لازم تاخذين موعد..
ام سلمان:انزين خذ لها موعد..
بوسلمان:اليوم سبت..وهو مايفتح الا الاحد..
يوم الثلاثاء في الجامعة....بعد ماخلصت المحاضرة راحت وديمة عند الدكتور....
وديمة:دكتور صلحت الاوراق؟
عبدالله:ليحين ماخلصت..
وديمة:انزين صلحت ورقتي؟
عبدالله(قعد يتذكر):اعتقد اني وقفت عند ورقتج وماكملتها..
وديمة:انزين يوم بديت تصلح كيف كانت اجوبتي؟
عبدالله:مااذكر شي..ان شاء الله بحاول الخميس اجيب الاوراق..بس عموما الدرجات بين المتوسط والجيد جدا..
وديمة:متوسط؟؟
عبدالله:عطيتكم اسايمنت وتسليمه الخميس..بديتوا فيه؟
وحده من البنات:أي دكتور انا بديت فيه..مع انه شوي صعب..
عبدالله:بس انا علمتكم على البرنامج..
وديمة:بس دكتور انا مافهمت شي..كنت غايبة الاحد..
عبدالله:شوفي وحده من البنات تشرح لج..واذا مافهمتي تعالي الساعة المكتبية يوم الاربعاء من الساعة 10 لين 11..
في غرفة فارس....
فارس:وهي متى قالت لج؟
شيخة:امس خبرتني..بس لاتقول حق راشد..
فارس:أي بس راشد بيدري..
شيخة:اشلون؟
فارس:راشد اول مايوصل العيادة..ملفات المرضى كلهم يكونون عنده..والموظفة تكون كاتبة له اسامي المرضى اللي بيدخلون اليوم عنده..فبيعرف..
شيخة:المهم..انها بتروح..
فارس:يعني تحسين انها قررت تتغير؟
شيخة:والله هذا اللي اشوفه..وان شاء الله خير..
فارس:انزين قومي عطيني الكرفتة..
شيخة:أي وحده؟
فارس:على ذوقج..بس بسرعة علشان مااتأخر..
في بيت بوسلمان....




بوسلمان:انا رايح انام ساعة..قولي حق وديمة لاتنسى تتزهب علشان نروح الموعد..
ام سلمان:ان شاء الله..مريوم قومي نادي اختج..
راحت تنادي وديمة...ووديمة نزلت وقعدت عند امها...
وديمة:نعم ماما؟
ام سلمان:ابوج يقول لاتنسين الموعد..
وديمة:شور مابنسى..اصلا انا مارقدت علشان بنروح الموعد..ماما خالد مامر؟
ام سلمان:لا..
وديمة(تتصل فيه)
ام سلمان:لاتتصلين فيه الحين يمكن يكون راقد..
وديمة:باجرب حظي..(يرن يرن)..
خالد:آآآلو..
وديمة:مساء الخير..
خالد:خير ايش تبين؟
وديمة:راقد؟
خالد:انت ايش رايج؟؟..ماتشوفين الساعة كم؟؟
وديمة:قلت يمكن قاعد..اوكي لقعدت اتصل ابيك..
خالد:اشتغل عندج..تقعديني من النوم وعقب تقولين لي لقمت اتصل..ايش تبين؟
وديمة:انزين اشفيك معصب؟
خالد:انت تعرفين مااحب حد يقعدني من النوم..
وديمة:وانا ايش دراني انك نايم..خلاص روح نام..مع السلامة..
خالد:ودوم تحجي اشوف..
وديمة:مااابي شي خلاص..مع السلامة..ماما انا بروح داري..تبين شي؟
ام سلمان:لا بس لاترقدين..
وديمة:اوكي..
في عيادة راشد وفارس....




كان راشد بغرفته وهو ينتظر دخول المريض اللي بعده...
راشد:صفية..لاتدخلين المريض صبري شوي..ابي ارسل ايميل..
صفية:حاضر دكتور..
راشد(وهو يكتب):الا وين ورقة كشف اسماء المرضى..مااشوفها على مكتبي..
صفية:بلا دكتور جميلة حطتها على مكتبك..
راشد:وين عطيني اياها..
صفية(تدور وعطته الورقة)
راشد(قعد يقرأ):خلصنا ثلاث..من؟...وديمة عبدالرحمن؟؟
صفية:أي دكتور..
راشد:ومن اللي ماخذ لها موعد؟
صفية:مااعرف..
راشد:قولي حق جميلة خلها تيي..
صفية:ان شاء الله..
وعقب مادشت جميلة..ارسل راشد الايميل...
راشد:جميلة من اللي ماخذ موعد حق وديمة عبدالرحمن؟؟
جميلة:ابوها..
راشد:ومتى خذ الموعد؟
جميلة:الاحد الصبح..اتصل العيادة..وقال ابي موعد ضروري خلال هاليومين..وعطيته حق اليوم..
راشد:اوكي..خلاص روحي..
جميلة:ليش دكتور في مشكلة؟
راشد:لا..خلاص روحي..وانت صفية نادي المريض..
صفية:حاضر..
عقب مادشت وديمة العيادة مع ابوها...كانت تحس بخوف..بس حاولت تنسى خوفها وتتذكر كلام فهد وشيخة...قعدت في الانتظار وهي تقرأ مجلة طبية....وصارت تفكر وتحاتي..وكل ماتدش الممرضة تخاف اكثر.....انتظرت 20 دقيقة..لين ماصارت نص ساعة....
الممرضة:وديمة عبدالرحمن..
وديمة:نعم؟
الممرضة:تفضلي..
وديمة:لو سمحتي ممكن تنادين الوالد؟
الممرضة:شور..
عقب ماجى بوسلمان..دشوا جميع عند دكتور راشد..وبعد السلام قعدوا......
راشد(يفتح ملفها):خير ياوديمة..عسى ماشر؟؟
وديمة(تناظر ابوها)
بوسلمان:انا مب قايل شي..انت اللي لازم تتكلمين..
وديمة:دكتور راشد..ممكن أسألك سؤال..
راشد:تفضلي..
وديمة:ليش خليت دكتور غيرك يستلم حالتي؟
راشد:لأني بكل بساطة ماانفع اكون دكتور لج..
وديمة:ليش؟
راشد:كنت اعتقد اني قادر اكسر حاجز الخوف اللي عندج..واساعدج تتعايشين مع هالوضع..واحاول اني اساعدج بالعلاج..بس شفت انج انت ماتساعدين نفسج..وماحبيت اثقل عليج..ولا ازيد حزنج..
وديمة:دكتور..انا ماابي اتعالج عند حد..انت فعلا كلامك اثر فيني..يمكن انت تحسب ان كلامك ماأتأثر فيه..لكن صدقني انا بديت اتأثر بكلامك..اذا كنت اخاف 100% عقب كلامك صرت اخاف 90%..حتى أسأل ابوي..يوم كان عندي موعد هني..ماكنت العوز ابوي مثل اول واقعد اصيح واقول ماني رايحة..لكن انا يبي لي فترة لين مااتعود..انا ادري اني غلطانة..واللي سويته ماكان المفروض اسويه..بس انا اخاف..لكن صدقني..بحاول اني انسى الخوف واتعايش مع هالمرض..واعيش حياتي كأي انسانة طبيعية..
راشد:شفتي المريض اللي طلع من شوي وكان مقعد؟
وديمة:أي..
راشد:تدرين هذا كم عمره؟
وديمة:لا..
راشد:عمره 25 سنة..انجرح بريله..ومااهتم بصحته..بتروا ريله..
وديمة(تفاجأت):بتروا ريله؟؟؟
راشد:أي..تعرفين من ايش؟؟..من مرض السكر اللي فيه..كان فيه السكر..ومااهتم بالجرح..وبالاخر صار اللي صار..الحين قاعد يقولي متحسف اني مااهتميت بصحتي..وصرت بريل وحده..
وديمة(منصدمة)
راشد:ياوديمة انا ماابي اخرعج..واعيشج باجواء مخيفة..بس كل شي في هالحياة يبيله اهتمام..وصحتج جزء مهم بحياتج يبيله اهتمام..وهذا الشي ماياخذ من وقتج..والامتحانات ماهي سبب..اذا اليوم عندج امتحان فباجر ماعندج امتحان..لازم نواجه مشاكلنا..مو نتهرب..واللي سويتيه انت هروب..احنا مانقولج هالكلام الا لأن نبيج تهتمين بصحتج..ومانبي هالمرض يأثر على نفسيتج وحياتج..وصدقيني محد يقدر يعيشج بساعدة ومن غير خوف الا نفسج..لأن نفسج هي اللي تتحكم بمشاعرج مب مشاعرج تتحكم فيج..صح؟
وديمة:صح..انزين دكتور يعني أي حد مايهتم بصحته يصير معاه مثل ماصار مع هالرجال؟
راشد:ليش لا..وديمة..ماابيج تعيشين بوسوسة وخوف لأني قلت لج هالكلام..انا قلت لج هالكلام علشان تكونين حذرة..لاتفكرين في باجر..فكري في اليوم وبس..فكري بشي يونسج..يوم تيي حزة الابرة..خافي..حسي بالالم..ولخلص..انسي..لاتخلين اليوم كله تقضينه حزن بحزن لأن عندج موعد..يوم تدخلين العيادة خلج عادية..بس يوم تدخلين عند الدكتور خافي..ويوم تطلعين..انسي الخوف..خل يكون عندج كنترول على مشاعرج..باجر انت بتذكرين الوالد بالموعد مب هو..لأن بيصير هالشي عادي عندج..
وديمة:بس انا خلاص قررت اكسر حاجز الخوف..وان شاء الله اتغير للأحسن..ماابي تصير لي أي مضاعفات..
راشد:ان شاء الله..قرار حلو ياوديمة..
وديمة:بس انا ماابي اروح عند هالدكتور اللي قلت لنا عنه..
راشد:ليش؟
وديمة:ماابي..
راشد:وانت كل الدكاترة ماتبينهم؟؟
وديمة:أي بس انا ماقلت ماابي الدكتور راشد..
راشد:يعني تبين تكملين معاي العلاج؟
وديمة:أي..
راشد:وبتبدين صفحة جديدة؟
وديمة:أي..
راشد:انزين..عيل نبدأ شغل..خلينا نشوف السكر عندج..
وديمة:أي بس انا كشفت على السكر قبل لأجي..
راشد(مستغرب):عيل ليش جايه؟
وديمة:لا خلاص..بس من قلت لي اشوف السكر انقلب الحال..
راشد:تشجعي..
وفعلا وديمة قررت التغيير عقب اللي صار معاها..وصارت تنشغل بأمور كثيرة بحياتها..اهتمامها بدراستها وبصحتها وترتيب امورها بما ان مابقى شي على عرسها الا شهر ونص....وفي يوم من الاياام..نجلاء تزور اهلها بالدوحة....وتروح بيت بوسلمان....




وبعد السوالف....
بوسلمان:ريلج مب جاي؟
نجلاء:بلا قال بيخلص شغله وبيمرني..
بوسلمان:انزين قولي له يجي يتعشى عندنا..
نجلاء:ربيعه عازمه على العشاء..انا بتعشى معاكم..
وديمة:انزين عمووه تمي ويانا..
نجلاء:ياليت والله..بس مااروم..
بوسلمان(يشوف الساعة):بروح اصلي..اذن المغرب..
وراح بوسلمان...
نجلاء:هاا ليلى متى الولادة؟
ليلى:بقى لي شهرين بعد..
نجلاء:الله يقومج بالسلامة..
ليلى:وانت؟..مافي شي بالطريق؟؟
نجلاء:لا والله مافي شي..
ام سلمان:ليكون انتي اللي ماتبين؟
نجلاء:ومن اللي قال ماابا..بالعكس اتمنى..بس الله كريم..
ليلى:تشتغلين؟
نجلاء:حاليا لا..بس حمدان مقدم لي طلب اشتغل بالمستشفى..
وديمة:وليش مايفتح لج عيادة؟
نجلاء:مب راضي..يقولي عيادة لا..بتكونين بروحج وماابا اقعد طول الوقت احاتيج..لكن بمستشفى غير..اصلا هو ماكان راضي اشتغل..حنيت على راسه لين ماوافق..
ام سلمان:باجر بتحملين وبتجيبين عيال وبتتركين الشغل..
نجلاء:مااتمنى يامرت اخوي..انا احب تخصصي واايد..
ليلى:وعيالج؟
نجلاء:ابوهم يتولى بهم..يجيب لهم مربيات وخلاص..
ليلى:نعم؟؟..مربيات؟؟
نجلاء:اي بعد شو..بقعد اقزر وقتي مع الياهال؟؟..لاحبيبتي..انا احب اطلع اروح واجي..دوامي اهم شي..
ام سلمان(قامت):انتوا جيل بيربي عيال؟؟
ليلى:اي والله يمه صدقتي..
نجلاء(تضحك):شسوي..والله مافيني شده على الياهال..
ام سلمان:الله يكون بعون عيالكم..بروح ازهب العشاء..
ليلى(قامت):خذيني وياج يمه اخاف يخربوني..
نجلاء:سيري..قال يخربوني..انت بروحج خربانة..قولي لي ياحرم فهد اخبارج؟؟..وايش علومج؟
وديمة:علومي؟؟..قومي خلنا نروح فوق..
نجلاء:امشي..
في بيت بوراشد....




تنزل شيخة ومعاها راشد وتسلم وتقعد....
شيخة:عيل مااشوف حد عندج عمتي..
ام راشد:اي والله قاعدة بروحي..الجوهرة فديتها راحت بيت اهلها..عندهم عزيمة وراحت مع عيالها..وتميم طلع ويازوجته..والبنات فوق ماادري عنهم..
شيخة:عيل وين عمي؟
ام راشد:عمج راح المسجد ومارد..يمكن شاف حد من ربعه وقعد وياه..عطيني راشد..(تاخذه)..فديت عمره راشد..ماشاء الله تبارك الرحمن فيه شبه بين ابوه وراشد..
تنزل شيماء....
شيماء:فديت رشودي..بعد قلبي..(تبوسه)..انت حبيبي..(تقعد)..زهقت من الدراسة متى اخلص..
ام راشد:اي والله حتى انا زهقت من دراستكم..ماادري متى بتخلصون..
شيماء:ابي ارتاح سنة ماني داشة الجامعة..
ام راشد:احسن..تزوجي وقعدي بالبيت ابرك لج من الدراسة..
شيماء(استغربت):اتزوج؟؟..ليش اذا جاني حد بعد الثانوية بتوافقون؟
ام راشد:اي ليش لا..اهم شي خلصتي الثانوية..والجامعة كيفج..ماحد جابرج..
شيماء(استانست)
تيي شمة....
شمة(تبوس راشد):احببببك..يهبببل هالراشد يهبببل..
ام راشد:قولي ماشاء الله..
شمة:ماشاء الله..
ام راشد:اخبار امج؟
شيخة:الحمدلله..دوم تسأل عنج..
ام راشد:أسألت عنها العافية..
شيخة:حتى خالتي نجلاء جات من الامارات اليوم..
ام راشد:هذي اللي رحتوا عرسها؟
شيخة:اي..
ام راشد:جايه زيارة؟
شيخة:اي..ريلها عنده شغل وجات معاه..
ام راشد:ماهي حامل؟
شيخة:لا ليحين..
ام راشد:الله يرزقها الذرية الصالحة..
شيخة:آآمين..
ام راشد:ومارحتي تشوفينها؟
شيخة:والله بودي..بس باجر ان شاء الله..امي عازمتهم على الغذاء وبنروح..
بغرفة وديمة........
نجلاء:يعني شو صرتي تحبينه؟؟
وديمة:ماادري..قبل كنت استحي اتكلم معاه..يعني كلش كلمتين على بعضهم..بس الحين عادي اسولف وياه..اقوله اللي يصير معاي..حتى مرات اقوله يقعدني من النوم..
نجلاء:زين الحمدلله..يعني في تطورات..
وديمة:بس انا وايد خايفة..مابقى شي على العرس..
نجلاء:صدقيني يادوم..احلى ايام تقضينها مع ريلج بعد الزواج..تسافرون مع بعض..تعرفين شو يحب وهو يعرف طبعج..ياااااه..والله احلى شعور..يعني استانسي بحياتج وياه قد ماتقدرين قبل لتجيبون بيبي..
وديمة:انا ناوية اجيب بيبي بعد مااتخرج ان شاء الله..
نجلاء:الله يوفقج..
يرن تليفون وديمة....
نجلاء:حبيب القلب؟
وديمة:اي..
نجلاء:خذي راحتج ارمسي..بروح اشوف شو شاريه اغراض..
وديمة:مساء الخير..
فهد:مساء الورد..اشلونج؟
وديمة:زينة..انت اشلونك؟
فهد:بخير..
وديمة:شكلك تعبان..
فهد:اي والله من الدوام..
وديمة:انزين رد البيت وريح..
فهد:مب الحين..عندي شوية اشغال اخلصها وارد..شتسوين تذاكرين؟
وديمة:لا..عمتي نجلاء عندي..
فهد:اي صح نسيت..شفت حمدان اليوم عندنا بالشركة..قرت عينج..
وديمة:بنبيك..
فهد:انزين اخليج تسولفين معاها..وانا بعد رايح اخلص شغلي..متصل بس آخذ طاقة..
وديمة:مني؟
فهد:اي..ياللا مع السلامة..
وديمة:مع السلامة..
نجلاء:اقول ودوم..من وين لج علبة الذهب هذي؟
وديمة:شريتها..
نجلاء:وااايد حلوة وعاجبتني..وتكفي الذهب كله..
وديمة:كان في منه الوان..احلى لون عجبني البيج والاخضر..
نجلاء:وااايد حلو..بجم شاريته؟
وديمة:كان ب 7000 وشي عطوني عليه خصم ب5240 ..
نجلاء:الا باجر ان شاء الله بودي حمدان يشتري لي..من وين خذتيه؟


الرد باقتباس
إضافة رد

حياة ملونة الكاتبة / أميرة الوهج؛كاملة

الوسوم
أميرة , ملونه , النهي , الكاتبة , حياة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
محطات (19)مع أبو رتيل صمت شامخ ديوانية الاعضاء - متنفس للجميع 1287 26-03-2017 05:50 PM
حياتي عذاب / الكاتبة : تكفيني العبرة ، كاملة sandybill روايات كامله - يتم نقل الرواية هنا بعد اكتمالها 59 05-04-2016 09:01 PM
هذا الغرام يا صاحبي اللي يقولون ؟ و إلا هذي لعبته ؟ / بقلمي ●• نورا بنت فهد •● أرشيف الروايات المغلقة - لعدم إكتمالها 537 30-07-2012 11:20 PM
رواية أميرتي / بقلمي , كامله *خجل* روايات كامله - يتم نقل الرواية هنا بعد اكتمالها 91 27-04-2012 02:43 AM
رواية إنت لمين ؟ / بقلمي قلب يآآسر أرشيف الروايات المغلقة - لعدم إكتمالها 8 31-07-2010 09:35 AM

الساعة الآن +3: 07:21 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1